المساعد الشخصي الرقمي

مشاهدة النسخة كاملة : أنـا أكـره السعودية .. أنـا أكره الكويـت !



فيصل السعودية
26-07-2005, 21:02
السـلام عليكـم



عنـوان الموضـوع غريب نوعـاً مـا :) أليس كذلك !




كنـت يوم أمس الأول .. أتحدث مـع صديق لي كـان قبل أسبـوع في ماليزيـا لقضاء الإجازة السنوية هنـاك .. وللترفيـه عـن نفسـه بعد عـام طويل مـن [ الكـرف ] و [ الغثـا ] .. ! حدثني هـو عـن كل شيء يخص ماليزيـا .. وأهل ماليزيـا .. ؟ كل شيء عنهم [ جمـال الطبيعه .. تعامل الناس .. التنظيم .. الإحترام .. المباني .. وكل شيء !


ركـزت على نقطـة [ شدّة إحتـرام الماليزيين للزوار والسواح في بلدهم ] .. ويبذلون قصارى جهدهم مـن أجـل إعطـاء صورة حسنـة وجميلة عـن بلدهم للأجانب الزوار الذي يأتون مـن كل بلد في العالم .. وهذا سر حب النـاس للماليزيين .. وهو شدة الإحتـرام والتقدير للسياحيين الأجانب .. ومعاملتهم وكأنهم مـن أبنـاء هذا البلد .. بـل وربمـا يُحترمون أكثر حتـى من أبناء بلدهم أنفسهم !

هذا السر الذي جعل النـاس .. ليس يحبون ماليزيا وأهلها ؟؟ بل يعشقونهم ! نظراً للإحتـرام الكبير الذي يلقونه مـن الماليزيين !







لنعـود لحالنـا نحنُ الخليجيين .. !

فسنرى أن الحـال لدى الكثير منـا .. عكس ماجـاء في الأعلى عـن وصفي لأطبـاع الماليزيين .. !

لنسأل أنفسنـا ولو لمـرة واحدة !

لماذا يكرهنـا [ بعض ] العـرب .. مـن فلسطينيين أو أردنيين أو مصريين أو سوريين .. أو حتـى النـاس مـن الهنود والبنغـال وغيرهم !


أعتقد إننـا .. أو البعض منـا بمعنـى أصح , تعاملنـا غير لائـق بتاتـاً .. مع الأجانب الذي يأتون بلادنـا .. سواءً للقمة العيش أو للسياحـة !

لمـاذا نتعامل معهم وكأنهم عبيـد لدينـا .. !

لمـاذا نعاملهم أشد المعاملة وأكرهها .. !

لمـاذا البعض منـا عندمـا يتحدث معهم .. يتأمر عليهم بمجرد رأيتهم يشتغلون بأعمـال متواضعة [ مثل بياع أو صباغ أو بناي أو غيره ] .. !

لمـاذا نعطيهم صورة سيئة عـن البلد وأهله !

لمـاذا لانحترمهم ونكون مبتسمي الوجوه .. كريمي التعامل .. !

لماذا العبس والفوقية الدائمـة حينما نتعامل مـع هندي أو بنغالي أو فلبيني !

لماذا لانقول كلمة [ لو سمحت ] , بدلاً مـن كلمـة [ هييييه أنت ] .. أو شكراً ويعطيك العافية بدلاً مـن كلمـة [ أخلص علينـا أنتتتتتتتت بسسسسسرعة ] .. !

هـل المستوى المعيشي .. جعل الآخرين يكرهوننـا بسبب وجود الخيرات لدينـا .. ؟ ومازاد الأمر سوء , تعاملنـا معهم بفوقية وغرور واضـح !

جيلنـا الحالي متهم مـن قبل الآخرين .. انه حينما يسافر للدول العربية , لايهمه سوى النساء وكأس الخمر [ هذا ماجاء على لسان مصري أعرفه ] !

الخادمات الفلبينيات أو الأندنوسيات .. عندمـا يرحلون مـن بلداننـا .. الكثير منهم أجزم انه قد تعرض للتحرش الجنسي .. أو محاولة الإعتـداء مـن الشباب في البيوت [ طبعاً البعض منهم .. ولكنهم موجودين بنسبة كبيرة ] !


لماذا لانكون شعب .. كريم الأخلاق , مبتسم الوجه .. حلو اللسـان .. !

لماذا لانبذل قصارى جهدنـا جميعاً مـن أجل إرضاء كل من يزور بلدنـا .. حتى الهنـدي يجب أن نحترمه أشد الإحترام .. حتى إذا ذهب إلى بلده يأخذ صورة حسنة وجميلة عـن بلداننـا .. بل ويحاول الرجوع لها إذا لزم الأمر .. ويصل الأمر إلى الدفاع عنها لو أساء أحدهم إلى بلداننـا .. !











لاتلوموا .. الهنود والمصريين والأردنيين والسوريين إذا قالوا .. !



أنــا أكره بلدكم !

أنـا أكره السعودية !

أنـا أكره الكويــت !

Stop
26-07-2005, 21:11
انا بيوم مباراة الكويت والسعوديه
اكره المنتخب السعودي
لتعصبي للازرق
من تخلص المباراة يروح الكره :p

S-S
26-07-2005, 21:21
أي والله:( !! للأسف !!

:(

REAL ROBINHO
26-07-2005, 21:22
مشكووور ع الموضوع و صح كلامك
تحياتي..

GoLcHia
26-07-2005, 21:24
عن نفسي.. أحترم أي انسان يطب ديرتي للسياحه ولا اللي يدور رزقه..! واللي تقول عنهم يكرهونه موهالنوعيات .. اللي يكرهونه معروفين "حاقدين" ..! وأنا شخصيا مو ناطره حبهم..! كـرهونا ولا حبونا ما تفرق وياي .. لأنه مامنهم "فايده" ولا عايده ..! وشكـرا ..

iBRAHiMOViC_9
26-07-2005, 21:27
اوكي انا معاك .. الهنود والبنغاليين "الحمالية" والعمال يكرهون الكويتيين بسبب معاملة اهلها لهم ..
بس تقدر تفسرلي ليش الفلسطن والاردنيين والمصريين مايحبونا !!؟

شوف ... الاردن وفلسطين يكرهونا لأن ديرتنا غنية وللة الحمد واقتصـادها مرتفع .. ولا تقولي لأ .. هذا اللي حاصل .. ولا في اردني ولا فلسطيني يحمل اغراض جمعية ؟؟ ولا يشتغل بهارديز ؟؟؟ انا ماشفت :rolleyes:

الاردنيين والفلسطن اذا اشتغلوا بالكويت ... الغـالبية منهم يشتغلون بشركات (( موظفين )) والكثير منهم في المدارس الخاصة مدرسين !!

يكرهونك لأن المستوى المعيشي بالاردن وفلسطين مـتواضع .. وهني عيال ديرتك بعز ونعمة وعساها دوم هالنعمة

وازداد كرههم لنا وطالت السنتهم لما طاح صدام اللة ياخذة وياخذهم معاة .. وللأسف حكومتنا الرشيدة تتبرع لهم بالملايين .. الهمجيين واللئيمين حتى قشور موز مو مال تعطيهـم :D

Mr.Blue
26-07-2005, 21:30
يبااا الكره هذا كله لان عيوونهم على النعمه اللى بين ايديناا اللى يثبتهاا انشالله


السالفه اكبر من الاحترام والتقديـر

الأزرق
26-07-2005, 21:54
يبااا الكره هذا كله لان عيوونهم على النعمه اللي بين ايديناا الله يثبتهاا ان شاء الله


السالفه اكبر من الاحترام والتقديـر

ما أزيد عن هالكلام .. :)

ويعطيك العاافية عالموضوع .. :)

ballack_q8i
26-07-2005, 21:58
مااعتقد والله الغلط بتعاملنا مع الناس ..... اللي يعاملني بنفسية أنفس عليه واللي يحترم نفسه أحطه على راسي وهذيل من الاردنيين والفلسطن و المصاروة ..... حقد مو أكثر

بدر الاتحاد
26-07-2005, 21:59
موضوع جميل يااخ فيصل ومعاك حق بكل كلمه قلتها للاسف العمال بديرتنا محتقرين
تخيل الجهال بالشوارع في كل حاره كل واحد ماسك له حصاة واي ليموزين هندي يمر يكسرون قزازه ليش ؟ لانه هندي بس لو كان سعودي او كويتي محد راح يتعرض له وغيرهااا كثيرر الله يهدينا بس

بوعابد
26-07-2005, 22:00
صح السانكم أهم يكروووهونا عشان الرزق والنعمة
والله شعب الكويت اطيب شعب :)

Bo Msheal
26-07-2005, 22:17
حيالله بوغازي ..

صدقت والله بكل كلمة قلتها .. الفوقيه ذابحتنا .. بالنسبه للآسويين .. اما العرب مو لهذي الدرجه من سوء المعامله .. من يقدر عليهم الحين ؟ :rolleyes: ماخذين حقهم وزياده وفوق هذا الكره عاميهم ..

ويعطيك العافيه ..

ManćҢestỆг UŇiţEĎ
26-07-2005, 22:25
بعد الشكر ..اختلف معاك ..ماشوف له علاقه .. هذا تخلف العرب والمسلمين مالت عليهم ..ياخي انا اقولك الشين والزين موجود في كل بلد ...للاسف بامريكا اشوف الهندي واصل وبالكويت اشوفه صبي وياي من مدينته كلها فقر وموشايف خير ..تكلمه مايفهم واسلوب ماعنده ..تعال حق الهندي بامريكا متعلم وفاهم ..

اروح حق المصري ...مره رحت مصر من فتره ..دشيت سوبر ماركت .المصري اللي قاعد يبيع سئلني من وين ؟؟ قلتله من الكويت ..جان يقولي احنا عمامكم .. طبعا ماراح اتكلم عن بهدلتي له ..بتكلم عن طريقته السخيفه ..واحد يسال عن الجنسيه ويعطيك رايه :confused: ؟؟؟ ..يعني ماهمه انه يشوف اخلاقك انت بالاول؟؟؟ :confused: ...كله sterotype

تعقدت من هالناس..وتفكيرهم الجاهلي.. الغريب ان المصري ماتعامل معاي وعلى طول كرهني ..طيب هل في يوم من الايام اشتغلت عندي وجرحت كرامتك؟؟ ليش الواحد لما يشوف فلان غلط يفتكرك مثله؟ ليش مايقول كل بلد فيها الزين والشين .؟؟؟

ياخي ترى والله في هنود قاعدين يسوون جرايم عندنا بالكويت ..وقاعدين يزنون ..ويتاجرون بالخمر والمخدرات ..انا مالي شغل بامريكا الغبيه اللي تدعو لحقوق الانسان وهي اصلا ماكله حقوقهم ولالي شغله بمنظمه حقوق الانسان لانه للاسف مايهمهم شنو يسوون العماله يهمهم شنو البلد او احنا نسوي فيهم سواء كنا غلطانين او معانا حق ..

هذا كله تخلف في تخلف ..محد يدري شقاعد يصير ..الهنود اللي يجون عندنا من مدن فقيره والمشكله مو بالفقر المشكله بتاثير الفقر عليهم ..يوصل الكويت اوسخ منه مافي وريحته تكرهك فيه واسلوب ماعنده شتبيني اقوله ؟؟ ياخي قاعد يشتغل ويستلم راتب اكثر من راتبه بالهند لو اشتغل خصوصا ان ماعنده شهاده ...وقاعد يتعشى ويتغدى ببلاش وساكن ببلاش تتفاجئ انه بايق من بيتك او متحرش باحد من اهلك او او او او ..بطبيعه الحال بمسح فيه الارض ..جبته من الهند وعززته وكرمته ومعيشه احلى عيشه اخر شي ينكر النعمه ؟؟ لاوالله حشا ..

الفلسطن عندنا قاعدين يشتغلون احسن شغل اهم والمصرين على قد شهاداتهم مافي ظلم ..رواتب مايحلمون فيها ..الكويت ديره خير والحمدلله والمقيم ماخذ حقه ..مانيي على جم واحد غلطنا عليه ونقول كلنا غلطانين !!

المشكله ان الاغلبيه يعتقدون ان الهندي والفلسطيني والمصري مظلوم حتى لو كان الحق معاه ..وهذا كلام غير صحيح ..والمشكله الكبرى انهم ياخذون بالظاهر ..سمعو فلان انطرد او تبهدل في الكويت او السعوديه قامو كلهم وانتقدو الكويت او السعوديه ..طيب ماتعرف تسال وتقول شنو سوى هذا الشخص عشان يعاملونه هذي المعامله ؟؟ لا مايسال وللاسف هذا حال العرب المتخلف .. وبيظلون جذي .

لان النيه موصافيه .. ارجع واقول ان في كل بلد زين وشين ... والموضوع طويل ..بس لاتجمع الفلسطيني والمصري بالهندي فحالتهم غير .. والفلسطيني قاعد ياخذ مساعدات من الكويت مايحلم فيها واجب عليه يحترم الشعب الكويتي بل غصبا عليه موطيب منه ..مومثل سالفه امس متهجمين عليهم وهذي ماهي المره الاولى ولاالعاشره ..وماخذين عنهم افكار غبيه ...يقول مسوين روحكم شيوخ علينا اي شيخ غصبا عليهم ..شيخ باخلاقي موبفلوسي ماني مثلهم ماتهجمت عليهم ولاوديت طالب فلسطيني المستشفى او اردني مثل ماسوو مع طلبه الكويت في الاردن ...

الموضوع طويل ومستعد اتكلم مع اي فلسطيني او اردني او مصري او اللي يكون.... وارد على كل واحد ..بس في النهايه مامنها فايده السالفه لان في امور بالدم لايمكن تغيرها .فما تقول غير الله يهديهم بس

فرايي انك ظلمت الكويتيين والسعوديين اخوي بالذات الكويتيين ...

ومشكور

ToTTi q8
26-07-2005, 23:05
يبااا الكره هذا كله لان عيوونهم على النعمه اللى بين ايديناا اللى يثبتهاا انشالله


السالفه اكبر من الاحترام والتقديـر

اطلع قليل الادب اذا زدت عن كلامك بشي ;)

مشكوووووور ع الموضوع

DvD
26-07-2005, 23:21
يبااا الكره هذا كله لان عيوونهم على النعمه اللى بين ايديناا اللى يثبتهاا انشالله


السالفه اكبر من الاحترام والتقديـر

عـلى راسي:)

Alazraq4ever
26-07-2005, 23:25
يبااا الكره هذا كله لان عيوونهم على النعمه اللى بين ايديناا اللى يثبتهاا انشالله


السالفه اكبر من الاحترام والتقديـر

والله كلامك عدل ..! :)

hollandya
26-07-2005, 23:29
كلامك صح 100%
مشكور عالموضوع

Soccer_Addict
27-07-2005, 00:36
بعد الشكر ..اختلف معاك ..ماشوف له علاقه .. هذا تخلف العرب والمسلمين مالت عليهم ..ياخي انا اقولك الشين والزين موجود في كل بلد ...للاسف بامريكا اشوف الهندي واصل وبالكويت اشوفه صبي وياي من مدينته كلها فقر وموشايف خير ..تكلمه مايفهم واسلوب ماعنده ..تعال حق الهندي بامريكا متعلم وفاهم ..

اروح حق المصري ...مره رحت مصر من فتره ..دشيت سوبر ماركت .المصري اللي قاعد يبيع سئلني من وين ؟؟ قلتله من الكويت ..جان يقولي احنا عمامكم .. طبعا ماراح اتكلم عن بهدلتي له ..بتكلم عن طريقته السخيفه ..واحد يسال عن الجنسيه ويعطيك رايه :confused: ؟؟؟ ..يعني ماهمه انه يشوف اخلاقك انت بالاول؟؟؟ :confused: ...كله sterotype

تعقدت من هالناس..وتفكيرهم الجاهلي.. الغريب ان المصري ماتعامل معاي وعلى طول كرهني ..طيب هل في يوم من الايام اشتغلت عندي وجرحت كرامتك؟؟ ليش الواحد لما يشوف فلان غلط يفتكرك مثله؟ ليش مايقول كل بلد فيها الزين والشين .؟؟؟

ياخي ترى والله في هنود قاعدين يسوون جرايم عندنا بالكويت ..وقاعدين يزنون ..ويتاجرون بالخمر والمخدرات ..انا مالي شغل بامريكا الغبيه اللي تدعو لحقوق الانسان وهي اصلا ماكله حقوقهم ولالي شغله بمنظمه حقوق الانسان لانه للاسف مايهمهم شنو يسوون العماله يهمهم شنو البلد او احنا نسوي فيهم سواء كنا غلطانين او معانا حق ..

هذا كله تخلف في تخلف ..محد يدري شقاعد يصير ..الهنود اللي يجون عندنا من مدن فقيره والمشكله مو بالفقر المشكله بتاثير الفقر عليهم ..يوصل الكويت اوسخ منه مافي وريحته تكرهك فيه واسلوب ماعنده شتبيني اقوله ؟؟ ياخي قاعد يشتغل ويستلم راتب اكثر من راتبه بالهند لو اشتغل خصوصا ان ماعنده شهاده ...وقاعد يتعشى ويتغدى ببلاش وساكن ببلاش تتفاجئ انه بايق من بيتك او متحرش باحد من اهلك او او او او ..بطبيعه الحال بمسح فيه الارض ..جبته من الهند وعززته وكرمته ومعيشه احلى عيشه اخر شي ينكر النعمه ؟؟ لاوالله حشا ..

الفلسطن عندنا قاعدين يشتغلون احسن شغل اهم والمصرين على قد شهاداتهم مافي ظلم ..رواتب مايحلمون فيها ..الكويت ديره خير والحمدلله والمقيم ماخذ حقه ..مانيي على جم واحد غلطنا عليه ونقول كلنا غلطانين !!

المشكله ان الاغلبيه يعتقدون ان الهندي والفلسطيني والمصري مظلوم حتى لو كان الحق معاه ..وهذا كلام غير صحيح ..والمشكله الكبرى انهم ياخذون بالظاهر ..سمعو فلان انطرد او تبهدل في الكويت او السعوديه قامو كلهم وانتقدو الكويت او السعوديه ..طيب ماتعرف تسال وتقول شنو سوى هذا الشخص عشان يعاملونه هذي المعامله ؟؟ لا مايسال وللاسف هذا حال العرب المتخلف .. وبيظلون جذي .

لان النيه موصافيه .. ارجع واقول ان في كل بلد زين وشين ... والموضوع طويل ..بس لاتجمع الفلسطيني والمصري بالهندي فحالتهم غير .. والفلسطيني قاعد ياخذ مساعدات من الكويت مايحلم فيها واجب عليه يحترم الشعب الكويتي بل غصبا عليه موطيب منه ..مومثل سالفه امس متهجمين عليهم وهذي ماهي المره الاولى ولاالعاشره ..وماخذين عنهم افكار غبيه ...يقول مسوين روحكم شيوخ علينا اي شيخ غصبا عليهم ..شيخ باخلاقي موبفلوسي ماني مثلهم ماتهجمت عليهم ولاوديت طالب فلسطيني المستشفى او اردني مثل ماسوو مع طلبه الكويت في الاردن ...

الموضوع طويل ومستعد اتكلم مع اي فلسطيني او اردني او مصري او اللي يكون.... وارد على كل واحد ..بس في النهايه مامنها فايده السالفه لان في امور بالدم لايمكن تغيرها .فما تقول غير الله يهديهم بس

فرايي انك ظلمت الكويتيين والسعوديين اخوي بالذات الكويتيين ...

ومشكور

صح لسانك ...

على طاري مصر مره تاكسي مصري بياخذ منه 3 أضعاف السعر الأصلي .. إحنا مارضينا .. مو معناته عندنا فلوس يعني يستغفلنا ... إحنا نعطيه زيادة بقشيش (كالعادة) بس مو يقص علينا .. جان يقولونا:
دا إنتم الكويتين (ويأشر بإدينه يعني بخيلين) .. دا هم السعوديين جدعان!!!!

ولا إذا رحنا أوربا .. يقولون لنا انتو منو وين؟ نقول من الكويت.. اول جمله يقولونها ..oooh petrol! الفرق بين مصر وأوربا إن ماكو سعر للخليجي وسعر للأوربي وسعر للمصري حق الشي نفسه!

الرازق بالسما والحاسد بالأرض!

Mr.Barca
27-07-2005, 01:06
موضوع حلو وتشكر عليه
وبالنسبه لتعامل في كل مكان في الشين وفيه الزين مو بس عندنا
ولو كان التعامل علئ قولتك مو زين ماتلقئ الوافدين يزيد عددهم من سنه الئ سنه بالالف
وبالنسبه للدول الثانيه لو تعطيهم ماي عيونك مايفيد فيهم حاقدين علينا وحاسدينا علئ النعمه اللي الله انعم علينا فيها... انت شوف القنوات العربيه شلون تهاجمنا وبعدين احكم.....

مدريداوي^عسل
27-07-2005, 01:19
عفوا اخوي .. البعض يكرهنا لأنه حاقد على النعمه اللي عندنا والبعض يكرهنا لأن بأعتقاده ان حنا سبب اي مشكله
لأي دوله عربيه بسبب التواجد الامريكي
والبعض يكرهنا بسبب شماتتنا وضحكنا الزايد وشكرا

كظمـاوي
27-07-2005, 01:29
Soccer_Addict



ولا إذا رحنا أوربا .. يقولون لنا انتو منو وين؟ نقول من الكويت.. اول جمله يقولونها ..oooh petrol!



لا والله يقولون اوووه انتو تعيشون بخيام صح ..! وتتنقلون ببعارين .. ويسألون انتو عندكم حكاام ..!!

هذا الي قالوه لي التشيكيين والالمان ..!!

مع ان شوارع وبنايات وبيوت التشيكيين والالمان ما يتقارنون مع بيوت ومنشأت الخليجيين ..

فيصل السعودية
27-07-2005, 01:32
السلام عليكـم

ماشاء الله عليكم .. يبيلنـا 7 ساعات بس حق الردود هنـا :)

وكل رأي أحلى وأروع مـن الثاني .. على الرغم مـن إني أختلف مع البعض هنـا .. ولكن كما يقال [ الإختلاف بالراي لايفسد للود قضية ] .. !

سأعود إن شاء الله فيما بعد للرد على مداخلاتكم الأكثر مـن رائعـة .. وخاصة [ راعي الطويلة ] حبيب قلبي تايسون :)

مشكورين مقدماً

GianLuCa
27-07-2005, 01:40
مازيد عن كلام الشباب شي !





ولا إذا رحنا أوربا .. يقولون لنا انتو منو وين؟ نقول من الكويت.. اول جمله يقولونها ..oooh petrol!

لووول .. الي يسمع نمشي ونخر ! ..
كل واحد بحديقتهم بير صغير .. وتبوب ونغرف !

Soccer_Addict
27-07-2005, 01:58
Soccer_Addict



لا والله يقولون اوووه انتو تعيشون بخيام صح ..! وتتنقلون ببعارين .. ويسألون انتو عندكم حكاام ..!!

هذا الي قالوه لي التشيكيين والالمان ..!!

مع ان شوارع وبنايات وبيوت التشيكيين والالمان ما يتقارنون مع بيوت ومنشأت الخليجيين ..

لا ألحين ما قاموا يسألون هالأسئلة .. أيام آباءنا يمكن بس ما صادفني هالسؤال ... بأوربا وخاصة بإيطاليا الكويت عندها هناك محطات بنزين (إسمها Q8) .. أعتقد عشان جذي مشهور عندهم نفطنا ... مرة وحدة أمريكية سألتني تعرفين نيويورك بأمريكا؟! عبالها نفسها ما اعرف مكان بره حدود ديرتي! ومرة وحده مسكينة عبالها الغزو وحرب العراق الأخيرة نفس الحرب مستمرة :p :D ومره إيطالي قعد يتحلطم على بنات إيطاليا ويمدح بنات العرب عشان محافظين :cool: http://diwania.alazraq.com/images/icons/41.gif

ManćҢestỆг UŇiţEĎ
27-07-2005, 02:06
Soccer_Addict



لا والله يقولون اوووه انتو تعيشون بخيام صح ..! وتتنقلون ببعارين .. ويسألون انتو عندكم حكاام ..!!

هذا الي قالوه لي التشيكيين والالمان ..!!

مع ان شوارع وبنايات وبيوت التشيكيين والالمان ما يتقارنون مع بيوت ومنشأت الخليجيين ..


هذي الشغله بالذات السعودييين تنقال لهم ..على بالهم ليلحين صحرى..

بس ترى على فكره الاوروبيين بشكل عام عرفوا الكويت من شغلتين ..الاولى من النفط والثانيه الاهم الغزو...

اعرف كوري بامريكا قلتله كويت ضاق خلقه جان يقولي نفط ..كلكم اغنيا ياساتر :D ..اللهم لك الحمد والثاني على باله عندنا بعارين ..وياحلو البعارين احسن من خنازيرهم ..

BLue RoSe
27-07-2005, 02:20
1- فيصل السعوديــه طرحت قضيه للنقاش..و آنه أتفق معــاك بس مو بكل شي !! و ما نقــدر نعــمم لأنه الكلام ما ينطبق عالكل ..!



2- إيــي والله حتى آنه أحــب المليزيــين حليــويــن .. :D :p



3- اللي يحســن معاملتنا فأحنا نحســن معاملته بالمقــابــل ..مو كل المصاوه أو الجنسيات الوافده اللي ذكرتها يقولو الكلام اللي قلته.. بعضهم عايشين من خيــر الكويت و يعتبرونها ديرتهم الثانيه

و لأنه الكويت نسبه المصريين فيها كبيـره و هم اكو دكاتره واايد أردنيين و سوريين .. و البعــض لأأ يمكن ينكــر هالشي و يكون إنــساد حاقـــــد علينا..




4- بالنســبه حق الأدرنيــن و السوريين و الفلسطيـنيين يمــكن لمواقفهم السياسيه المتــكرره اللي تكون ضدنــا و ظروف سياسيــه اهيا اللي تحـدد بهالموضوع ..و هم ما أعــمم عليــهم كلهم ..لأأنه السالفه بأغلب الأحيان تكون مرتبه بالشخص نفسه ..بس الشخص إذا ما كان لي موقف معاه أو أي شي فليــش أعامله بشــكل مو زيـن ؟؟؟!!! ماكو شي يحدني على هالشي !

بس Still أحــس في ترفــع من قبــلنا عليهم .. يعني قعأفكر فيها ممكن أقول : إيــي هذي مصريه إو إيي هذي كذا جنسيتها مراااات نقط اللوم عالجنسيــه..بس عموماــاً ماعتقد احتكاكنا فيــهم كبيــر !




5- الهنــود :
شوفني تره مو كل الهنود طايح حظهم ! الهنـد شعــب كبيــر و هم ذكــي ..أوكــي فيطلع منهم ناس شطار ناس عندهــا مؤهلات دراســيه عاليــه ..و بالكويــت يشتغلون بشركات محتــرمه و لهم وضايف زيــنه ..و هم الحال على باقي الجنسيات..فهذيله عــادي ..




أما بالنسبــه للعماله المنزليــه فأعتقـد أنه أغلبــنا يراعي الخــدم ..و يعاملــهم معاملــه زيـنه ..إلا إذا في ناس ما يعاملون خدمهم زيــن فالخدم ماراح يعاملونهم زيــن بالمثــل و الدليل واااايد خــد مستانسين من الكويت و يرجعون حق معزبينهم و يكونون عندهم من جم سنــه .. و اللي يقول لك عندنا خدامه هنديه من زماان كانت عازمه خالاتي حق عرس بنتها اللي بالكويــت بالكنيسه و الحيـن صارت يــده و عندها بيوت جم بيــت بالهنــد و كل مره تيي الكويت تسلم على خالاتي و خوالي و الاهل و تــرد الهنــد و عيالها خلاص درسوا جامعات و تخرجوا وعيد ميلاد بنت خالتي لي الحين كل مره تدز لها هديـه..يعني شفــت على حسب المعامله :) ..

ManćҢestỆг UŇiţEĎ
27-07-2005, 02:30
1- فيصل السعوديــه طرحت قضيه للنقاش..و آنه أتفق معــاك بس مو بكل شي !! و ما نقــدر نعــمم لأنه الكلام ما ينطبق عالكل ..!



2- إيــي والله حتى آنه أحــب المليزيــين حليــويــن .. :D :p



3- اللي يحســن معاملتنا فأحنا نحســن معاملته بالمقــابــل ..مو كل المصاوه أو الجنسيات الوافده اللي ذكرتها يقولو الكلام اللي قلته.. بعضهم عايشين من خيــر الكويت و يعتبرونها ديرتهم الثانيه

و لأنه الكويت نسبه المصريين فيها كبيـره و هم اكو دكاتره واايد أردنيين و سوريين .. و البعــض لأأ يمكن ينكــر هالشي و يكون إنــساد حاقـــــد علينا..




4- بالنســبه حق الأدرنيــن و السوريين و الفلسطيـنيين يمــكن لمواقفهم السياسيه المتــكرره اللي تكون ضدنــا و ظروف سياسيــه اهيا اللي تحـدد بهالموضوع ..و هم ما أعــمم عليــهم كلهم ..لأأنه السالفه بأغلب الأحيان تكون مرتبه بالشخص نفسه ..بس الشخص إذا ما كان لي موقف معاه أو أي شي فليــش أعامله بشــكل مو زيـن ؟؟؟!!! ماكو شي يحدني على هالشي !

بس Still أحــس في ترفــع من قبــلنا عليهم .. يعني قعأفكر فيها ممكن أقول : إيــي هذي مصريه إو إيي هذي كذا جنسيتها مراااات نقط اللوم عالجنسيــه..بس عموماــاً ماعتقد احتكاكنا فيــهم كبيــر !




5- الهنــود :
شوفني تره مو كل الهنود طايح حظهم ! الهنـد شعــب كبيــر و هم ذكــي ..أوكــي فيطلع منهم ناس شطار ناس عندهــا مؤهلات دراســيه عاليــه ..و بالكويــت يشتغلون بشركات محتــرمه و لهم وضايف زيــنه ..و هم الحال على باقي الجنسيات..فهذيله عــادي ..




أما بالنسبــه للعماله المنزليــه فأعتقـد أنه أغلبــنا يراعي الخــدم ..و يعاملــهم معاملــه زيـنه ..إلا إذا في ناس ما يعاملون خدمهم زيــن فالخدم ماراح يعاملونهم زيــن بالمثــل و الدليل واااايد خــد مستانسين من الكويت و يرجعون حق معزبينهم و يكونون عندهم من جم سنــه .. و اللي يقول لك عندنا خدامه هنديه من زماان كانت عازمه خالاتي حق عرس بنتها اللي بالكويــت بالكنيسه و الحيـن صارت يــده و عندها بيوت جم بيــت بالهنــد و كل مره تيي الكويت تسلم على خالاتي و خوالي و الاهل و تــرد الهنــد و عيالها خلاص درسوا جامعات و تخرجوا وعيد ميلاد بنت خالتي لي الحين كل مره تدز لها هديـه..يعني شفــت على حسب المعامله :) ..


كلام جميل ..وكلينا فيصل اكال ماله خلق يرد الحين :D

على طاري الخدم ..خدام بيت رفيجي ..موجوده عندهم من قبل لاينولد ليومك ماشالله

BLue RoSe
27-07-2005, 02:31
كظمــاوي :-

الحيــن خلاص لا كل العالم يعــرف من حرب تحرير العــراق ..
و انه القاعده الأمريكيه كانت عنــدنا ..
فحتى الجنـود الأمريكان تعرفوا عالكويت عــدل و هم العالم ..

و صــحح على قولت آدكــت ..
كله أي واحد نقول له من الكويـن اييب طاري الOil ..!

مره نفس السالفه صارت لي بس بماليزيا ..
A: Where are u from ?
B: From Kuwait ?
!!!A: OOh ya You have alot of Oil
B : :eek:
Then he told me that he's from iraq
بس شكــله جنوب شرق آسيــوي يعني على منو تقص يعني ! ..و سألني
A: Why do u hate Iraqis ?
و سووا لي قصه ..
أشرح له عن Gulf War و مادري شنــو !!أذاني بالأسئله !

بعديــن أبوي قال لي انتي ليش تعطينهم ويه .. كيفه لا تدوخيــن راسج ..لأنه كان بمطار و كانت الساعه 1 باليل و الأخ فاضي .. و آنه تعبــانه مالي خلق و الطياره تطير 3 ..

كظمـاوي
27-07-2005, 02:46
Soccer_Addict

عدل كلامج بس الالمان والتشيكين قالو لي هالكلام بصيف 2003 ..بس ما األومهم اعلامنا ضعيف ..

بس فعلا مثل ما قلتي انا لما ادش مثلا موقع الياهو بلياردو واللعب ضد اجنبي واقوله من الكويت يقولي واااااااو ذير بيق وااار ...صباح الخير يا الحبيب ..!!

يمكن لانه هالحرب عليها تضخيم اعلامي وايد دام امريكا فيها .. والدليل ان اي فلم اجنبي فيه جيش امريكي وجذيه لازم فيه لقطه يتذكرون فيها حرب الخليج عاصفة الصحراء وشنو سوو فيها ويتكملون عنها ..!!

Tyson

عدل كلامك بس مو بس السعودية الخليجيين عموما ماخذين عنهم هالفكره لدرجه الي كنا مأجرين عنده بالبيت يسألني عندكم حاكم بالكويت ..!! وصح عرفونا وايد اوروبين من النفط والحرب ..

BLue RoSe

لما كنت بأوروبا كان هالكلام قبل حرب تحرير العراق يمكن كلامج صح وعرفونا بعد حرب تحرير العراق ..بالنسبة للأمريكان تقريبا كلهم يعرفونا اقصد الاوروبيين مو الامريكان .. الامريكان معروفين عندهم وايد ..

فيصل السعودية
27-07-2005, 03:29
أي والله صدقت ياتايسون :)

الله يعيني على الردود .. !

شكلي بأجل الرد لبكره .. أو بعد الصلاة على الأقـل !

بس برضوا .. الردود حلوة :)

Mr.Blue
27-07-2005, 03:38
حبيبي كلااامكم عــاري من الصحـه مع الاحـتـرام للاخوان


معقوول عشان المعامله يحقدوون علينااا


طيب الشعب الكويتي فيه الزيـن وفيه الشين من ناحيه المعامله

ليش الحقد يسوود على الشعب كـلـه


لاني مثل ماقلت لك ناس عيونهااا على نعمتك اخص بالذكـر سوريا والاردن فلسطين والعراق والعرب بشكل عام


واكبر دليل ان المواطن الكويتي اول مايووصل لاحـد هالـدول يتعرض لعمليات سرق ونهب قبل معرفته اذا كانت معاملته حلووه ولا لا ....

سندريلا
27-07-2005, 04:57
مشكور أخوي فيصل على مواضيعك المميزة .. أتفق مع ماتفضل فيه أخوي تايسون بالحرف الواحد

ما أنكر أن البعض عنده فوقيه على بعض العماله بس هذا قبل الحين الكل صار واعي بمعاملته

صح فيه من الخليجيين تكره أن هذا خليجي خاصه بالسفر عباله بيشتري الدنيا بفلوسه ويتصرف بطريقة بمنتهى الدونيه تلقاه بالمطعم من دون معنى يحجز طاوله ويبخشش الي يشتغلون بس عشان يهتمون فيه .. ويتناسى أن بطريقته ضر الكل .. غير الي يشوه صورة الخليج بأخلاقه


ومثل ماتفضل أخوي تايسوون لا يمكن أن نربط طريقة المعاملة وردت الشعوب كلها ضدنا بسبب الفوقيه من بعضنا .. لأن مثل ماقلت لك بوقت سابق كانت موجوده بس الحين قاعد اشوفها تقل بشكل كبير بسبب وعي الاهل والجيل

يعني صدقني لو تشوف بالكويت عندنا تلقى عادي انصادق كل الجنسيات وأخلاقه تحكم بلاخر على استمرارية الصداقه او لا !! عمر ماكان جنسيته سبب بعلاقتنا وتعاملنا معاه

والدليل على هذا ماتسمع عن تهجم على اي جنسيه بدولنا على عكس الدول العربيه ومعاملتهم للطلبه على اقل تقدير .. وكثر العماله والموظفين بالكويت من العرب دليل اكبير على ارتياحهم بالديره وخيرها

يعني بقولك عن موقف بسيط يبين معدن البعض وللأسف أهما غالبيه من الفلسطينيين جذيه كان واحد صديق لأخوي وكنا مسافرين بالغزو من باجر بعد الغزو بجم ساعه كان موجود بالديره الي احنا فيها اهو وزوجته مادرينا إلا زوجته يا يتنا وهي تبجي وعقب تضحك تقول الحمد لله عادي صرتوا مثلنا .. ومن هالحجي يعني بأمانه هالنوعيه من البشر من أي تركيبه :rolleyes:

وما أظلم كان فيه ناس بمنتهى الروعه بس للأسف قله

صدقني الفوقيه موجوده والنظره عند العرب اتجاه الخليج قسم بالله شيء مو طبيعي ان عندنا فلوس ومانستاهلها وغصب علينا المفروض نعطيهم وهما اولى فيها لأنه بختصار جهله وبدو حصلوا على نفط من دون تعب وبرأيي الجيل اليديد منهم أن خونه لعروبتهم :rolleyes:

انصحك تقرأ مقالة هل الخليجيون متخلفون ؟ بمجلة طائر الشمال الإلكترونيه للكاتب محمد عبدالمجيد .. وعلى فكره أهو مصري بس شوف شلون معتبرينا تنصدم وللأسف الغالبيه منهم هذا الواقع

أما الدول الثانيه ماليزيا من قال معاملتهم لسواح عدله انا الي ماحبيت فيها الصنيين الي يشكلون نسبة 60 % عصبين ومتنرفزين على طول الوقت .. أما ثقافتهم ومعرفة الغرب عن الخليج محصورة بالنفط ويجوز الغزو والحرب الاخير عطتهم انفتاح أن أكو شيء بالدول هذي غير النفط

والأمريكيين أكثر شعب جاهل حده حدود ديرته

ومشكور أخوي فيصل وسوري على الإطاله بس موضوعك شدني :)

JUVE
27-07-2005, 05:05
الحقيقة يا بوغازي كالامك صحيح بخصوص عدم احترام اغلب الناس الاصحاب الاعمال الشاقة او عمال البناء والتنظيف وخلافة.!!

لكن بعض العرب اللي يكرهك منهم يكرهك بدون سبب مقنع وهو بسبب ان الله اعطاك خيرات ولله الحمد ..
والبعض الاخر بسبب تصرفات الخليجيين في بلدانهم والحقيقة والله اني اخجل من تصرفاتهم في الدول العربية.

يعني تخيل في مصر مثلا مرة من المرات احد الطلبة معانا كان يغش ولما امسكة الدكتور قام يصرخ علية ويقولة انت يا المصري ترا اشتري جامعاتكم وكلام قوي ( مع ان اهو شكلة ياي سلف عشان يدرس)

لسبب هذا الدكتور كرهنا وحطلنا امتحان بالفاينل الله لايوريك وسقط بعضنا بسبب تصرف غبي من واحد.

وكل هذا نقطة في بحر من تصرفات بعض الشباب في الدول العربية لهذا السبب اهم يكرهونا ( طبعا هذه احد الاسباب القليلة المقنعة.)


وموضوعك مهم وجميل وشاكرلك يا بوغازي.

kuwaiti^55
27-07-2005, 05:38
انا هالسالفه مضيقه خلقي صراحه
صح احنا بالخليج ما نحترم الاجانب للاسف
روحو شوفو q8me.com
قسم مقاطع البلوتوث وراح تشوفون شلون اعاملون الهنود مساكين.
يعني هنديه مسكينه ماشيه بالشارع بحالهه ايونلها شوية
زعاطيط اطقونها بنعال علي راسها ويمشون ليش مو حرام.


وهندي مسكين قاعد ينظف الشارع يوله 2 جان اطقونه .
وغيره وغيره من المواقف الي تعور القلب.
ذاك اليوم انا ورفجي مرينا supermarket

ويوم بغينا ندفع جان يطلع المحاسب من بنجلادش ومسلم
احنا عرفنا انه مسلم ليش كان معلق اسمه محمد
سلمنه عليه يوم درا احنا كويتيين ستانس جان اقول الصراحه
ديرتكم وايد فيها خير ونعمه بس بقولكم شي بس لا تزعلون
قلناله قول,جان اقول انا عندي وايد ربع اهناك كلي يتشكون
اقولون انه انتو متوحشين وتعاملونهم كانهم عبيد وتطقونهم.
جان اخز صاحبي جان اقوله شوف السمعه وين اوصلت.
صراحه احرجنه ما عرفنه شنقوله جان قوله.
each palce there is good and bad people

جان نمشي والله فشله

راعيها
27-07-2005, 05:59
اولا يا اخ فيصل انت كاتب جميل :) .. قلمك جميل و افكارك جميله .. الله يعطيك العافيه ..


شنو يقول خالد الفيصل ؟

يوم الفقر كانت فينا البداوه سبوبه ... و اليوم عقب النفط جيتونا اهل و انساب


بمعنى ... العرب ينظرون الينا نظره فوقيه .. و كانوا و لا زالوا يعتبرونا بلاد متخلفه و بدائيه ما همها الا الجنس و الاكل .. شوف افلامهم .. شوف اسلوبهم معانا ..

يا فيصل .. خلنا ساكتين .. الجرح كبير .. احنا ما علقنا صورة جورج بوش من شويه ..

شكرا مره ثانيه .. على مجمل مواضيعك :)

overnet
27-07-2005, 06:12
بعد الشكر ..اختلف معاك ..ماشوف له علاقه .. هذا تخلف العرب والمسلمين مالت عليهم ..ياخي انا اقولك الشين والزين موجود في كل بلد ...للاسف بامريكا اشوف الهندي واصل وبالكويت اشوفه صبي وياي من مدينته كلها فقر وموشايف خير ..تكلمه مايفهم واسلوب ماعنده ..تعال حق الهندي بامريكا متعلم وفاهم ..

اروح حق المصري ...مره رحت مصر من فتره ..دشيت سوبر ماركت .المصري اللي قاعد يبيع سئلني من وين ؟؟ قلتله من الكويت ..جان يقولي احنا عمامكم .. طبعا ماراح اتكلم عن بهدلتي له ..بتكلم عن طريقته السخيفه ..واحد يسال عن الجنسيه ويعطيك رايه :confused: ؟؟؟ ..يعني ماهمه انه يشوف اخلاقك انت بالاول؟؟؟ :confused: ...كله sterotype

تعقدت من هالناس..وتفكيرهم الجاهلي.. الغريب ان المصري ماتعامل معاي وعلى طول كرهني ..طيب هل في يوم من الايام اشتغلت عندي وجرحت كرامتك؟؟ ليش الواحد لما يشوف فلان غلط يفتكرك مثله؟ ليش مايقول كل بلد فيها الزين والشين .؟؟؟

ياخي ترى والله في هنود قاعدين يسوون جرايم عندنا بالكويت ..وقاعدين يزنون ..ويتاجرون بالخمر والمخدرات ..انا مالي شغل بامريكا الغبيه اللي تدعو لحقوق الانسان وهي اصلا ماكله حقوقهم ولالي شغله بمنظمه حقوق الانسان لانه للاسف مايهمهم شنو يسوون العماله يهمهم شنو البلد او احنا نسوي فيهم سواء كنا غلطانين او معانا حق ..

هذا كله تخلف في تخلف ..محد يدري شقاعد يصير ..الهنود اللي يجون عندنا من مدن فقيره والمشكله مو بالفقر المشكله بتاثير الفقر عليهم ..يوصل الكويت اوسخ منه مافي وريحته تكرهك فيه واسلوب ماعنده شتبيني اقوله ؟؟ ياخي قاعد يشتغل ويستلم راتب اكثر من راتبه بالهند لو اشتغل خصوصا ان ماعنده شهاده ...وقاعد يتعشى ويتغدى ببلاش وساكن ببلاش تتفاجئ انه بايق من بيتك او متحرش باحد من اهلك او او او او ..بطبيعه الحال بمسح فيه الارض ..جبته من الهند وعززته وكرمته ومعيشه احلى عيشه اخر شي ينكر النعمه ؟؟ لاوالله حشا ..

الفلسطن عندنا قاعدين يشتغلون احسن شغل اهم والمصرين على قد شهاداتهم مافي ظلم ..رواتب مايحلمون فيها ..الكويت ديره خير والحمدلله والمقيم ماخذ حقه ..مانيي على جم واحد غلطنا عليه ونقول كلنا غلطانين !!

المشكله ان الاغلبيه يعتقدون ان الهندي والفلسطيني والمصري مظلوم حتى لو كان الحق معاه ..وهذا كلام غير صحيح ..والمشكله الكبرى انهم ياخذون بالظاهر ..سمعو فلان انطرد او تبهدل في الكويت او السعوديه قامو كلهم وانتقدو الكويت او السعوديه ..طيب ماتعرف تسال وتقول شنو سوى هذا الشخص عشان يعاملونه هذي المعامله ؟؟ لا مايسال وللاسف هذا حال العرب المتخلف .. وبيظلون جذي .

لان النيه موصافيه .. ارجع واقول ان في كل بلد زين وشين ... والموضوع طويل ..بس لاتجمع الفلسطيني والمصري بالهندي فحالتهم غير .. والفلسطيني قاعد ياخذ مساعدات من الكويت مايحلم فيها واجب عليه يحترم الشعب الكويتي بل غصبا عليه موطيب منه ..مومثل سالفه امس متهجمين عليهم وهذي ماهي المره الاولى ولاالعاشره ..وماخذين عنهم افكار غبيه ...يقول مسوين روحكم شيوخ علينا اي شيخ غصبا عليهم ..شيخ باخلاقي موبفلوسي ماني مثلهم ماتهجمت عليهم ولاوديت طالب فلسطيني المستشفى او اردني مثل ماسوو مع طلبه الكويت في الاردن ...

الموضوع طويل ومستعد اتكلم مع اي فلسطيني او اردني او مصري او اللي يكون.... وارد على كل واحد ..بس في النهايه مامنها فايده السالفه لان في امور بالدم لايمكن تغيرها .فما تقول غير الله يهديهم بس

فرايي انك ظلمت الكويتيين والسعوديين اخوي بالذات الكويتيين ...

ومشكور

اكبر تحيه على هالرد

tdmr
27-07-2005, 06:19
السلام عليكم اشكرك اخي الغالي على هذا الموضوع ولاكني لااظن ان هذه قاعدة عامه في كل الجاليات في الخليج في انها تكره اوطاننا وبالنسبه لتعاملنا معهم فلا اعتقد ان سوء معاملة الأخوه من البعض منتشر لهذه الدرجه حتى يكرهوننا بهذ الشكل. ( اللهم اهدنا لأحسن الأقوال والأفعال لايهدي لأحسنها إلا انت واصرف عنا سيئها لايصرف عنا سيئها إلا انت )

كظمـاوي
27-07-2005, 06:45
kuwaiti^55

معاك والله هالشباب عبالهم يضحكون بتفاهتهم ..الي يسون هالفيديوات ..

ManćҢestỆг UŇiţEĎ
27-07-2005, 06:58
انا هالسالفه مضيقه خلقي صراحه
صح احنا بالخليج ما نحترم الاجانب للاسف
روحو شوفو q8me.com
قسم مقاطع البلوتوث وراح تشوفون شلون اعاملون الهنود مساكين.
يعني هنديه مسكينه ماشيه بالشارع بحالهه ايونلها شوية
زعاطيط اطقونها بنعال علي راسها ويمشون ليش مو حرام.


وهندي مسكين قاعد ينظف الشارع يوله 2 جان اطقونه .
وغيره وغيره من المواقف الي تعور القلب.
ذاك اليوم انا ورفجي مرينا supermarket

ويوم بغينا ندفع جان يطلع المحاسب من بنجلادش ومسلم
احنا عرفنا انه مسلم ليش كان معلق اسمه محمد
سلمنه عليه يوم درا احنا كويتيين ستانس جان اقول الصراحه
ديرتكم وايد فيها خير ونعمه بس بقولكم شي بس لا تزعلون
قلناله قول,جان اقول انا عندي وايد ربع اهناك كلي يتشكون
اقولون انه انتو متوحشين وتعاملونهم كانهم عبيد وتطقونهم.
جان اخز صاحبي جان اقوله شوف السمعه وين اوصلت.
صراحه احرجنه ما عرفنه شنقوله جان قوله.
each palce there is good and bad people

جان نمشي والله فشله


ياكويت تبقى هذي فئه مايصير تحكم على الكل بالشين ...شنو يبا ترى ديرتنا فيها الخير موبس شين واذا لقيتلي ديره مافيها ناس اسوا منا لك اللي تبيه بس هم ماقول ان كلهم موزينين .. :confused:

Bo Msheal
27-07-2005, 08:10
على طاري الخدم ..خدام بيت رفيجي ..موجوده عندهم من قبل لاينولد ليومك ماشالله

الي عندنا بالبيت صارلها 22 سنه :D

iBRAHiMOViC_9
27-07-2005, 14:54
Then he told me that he's from iraq
بس شكــله جنوب شرق آسيــوي يعني على منو تقص يعني ! ..و سألني
A: Why do u hate Iraqis ?
و سووا لي قصه ..
أشرح له عن Gulf War و مادري شنــو !!أذاني بالأسئله !
هالنوعيه من النـاس يسمونهم "المشكلجيه" .. تلقين صاحبه كـاولي وياي يدافع عنه ضد الكويتيين !!

لوووووووووووووووووول :D
جان قلتيله "انا اول مره اشوف كاولـي عيونه مشخطه !!" ..
والله يصير ماله ويه يرد عليج :D

محرقية 13
27-07-2005, 16:09
بصراحة الي يقول جيذي هذا ما يستحي على و يهه


كفاية حكومتنا و حكومة الخليج قاعدة تييب من برع يعني جنسيات مختلفة

و هادينا احنا و عيال الديرة هني
يعني لو مشغلين اهل الديرة جان ما صار الي صار


و مشكور على الموضوع

بنت الصالح
27-07-2005, 16:52
ترا مو كل الناس جذي الناس انوااع يا فيصل السعوديه و اصابعك مو سوااااااا

aL-GeNeRaL
27-07-2005, 17:24
كلامك عدل اخوي فيصل
ولو اني ما ني من هالنوعيه إن شا الله
لكن ألاحظ دايم الشباب حتى مرات مع ربعي
لو اروح جمعيه او محل تشوف الناس تكلم الموظف كأنه
عبد عنده
مشكور اخوي

BLue RoSe
27-07-2005, 19:40
هالنوعيه من النـاس يسمونهم "المشكلجيه" .. تلقين صاحبه كـاولي وياي يدافع عنه ضد الكويتيين !!

لوووووووووووووووووول :D
جان قلتيله "انا اول مره اشوف كاولـي عيونه مشخطه !!" ..
والله يصير ماله ويه يرد عليج :D


و الله ماستبعد رفيجه عراقي يمكن !!!..عاد تصدق هذا الماليزي الوحيـد المزعـج اللي قابلته و إلا الباجــي لا حــرام زيــنين .. ;)

لوووووول :D ..عاد شدعـوه راح يفهــم .. :p

Fc BaRcElOnA
27-07-2005, 19:49
تكلم عن الكل .. !
.. ما عدى الفلسطينيين و الاردنيين !!؟ هذيل بقلبهم حقد خيالي ! قاهرينهم عيال الخليج !!
عسى دوم انشالله .. قولوا آمين
ما هموونا .. منو هذيل عشان يهمونا اصلا !!؟

وطـــن
27-07-2005, 20:12
الاعضاء اللي قبلي كفووا ووفوا مع اني ما قريت جميع الردود :o

بس حبيت اتكلم في نقطه ثانيه تتعلق بنفس الموضوع " تقريبا " .. وهو كره بعض الشعوب العربيه للاخرى

وابي اضيف الى الاسباب سبب مهم جدا وهو :

( الاعـــــلام )

انا ما راح اتكلم عن الجزيره وعن موقفها مع السعوديه وغيرها .. ولكن راح اتكلم من ناحية ( تأثيـر الاعلام على علاقات بعض الدول بما فيها الشعوب )

مع احترامي للبعض العرب .. ترى عقولهم تافهه جدا .. فترى السعودي يتأثر بالجزيره ويتخذ منها موقف بصفتها قناة قطريه وبالتالي يكره الشعب القطري اللي ماله ذنب ولا يتحمل مسؤولية اراء قناة الجزيره .. والقطريين ترى نفس الشي مب احسن .. هناك ايضا بعض التافهين من يحكم على الشعب السعودي من خلال قناة العربيه او من الاعلام بشكل عام

انا ما اتكـلم عن ( السياسيه ) ولا ابي الموضوع يتحور لموضوع سياسي .. انا اتكلم عن ( تأثير الاعلام ) فقط

واعتقد ان هذه التجربه خير من عاشها هي السعوديه وقطر

فاصبحت هناك نسبه من الشعب السعودي تكره الشعب القطري .. واذا ما نقول انه ( كره ) فممكن نقول ان ( شعوره او نظرته تغيرت ) اتجاه الشعب القطري

وهذا كله صار بسبب قنوات اخباريه ( لا تمثل الشعب القطري .. ولا تمثل الشعب السعودي )


كلمة على الهامش :

الشعب القطري ما زال يحبكم ويتمنى لكم الخير .. ونفرح لفرحكم ونزعل لزعلكم .. و وقت الشدايد بتلاقونا اول من يوقف على يمناكم .. بس مب عارفين ( كشعب ) شلون نوصل هالفكره للشعب السعودي اللي اتخذ موقف منا من غير ما يكون لنا ذنب فيه .. ونصلح صورتنا في عينكم

فيصل السعودية
27-07-2005, 21:02
السلام عليكم



كل الشكر لمن خط حرف هنـا ..

استمتعت جداً بوجهات النظر , والمداخلات الكثيرة هنـا

ألف شكر للجميـع .. دون إستثنــاء








الأخ الغالي وطـن


لاتعمم أخي العزيز .. نعـم هنـاك فئـة مـن الشعب السعودي لهـا موقف مـع قنـاة الجزيرة والشعب القطري !

نعلم أن قنـاة الجزيرة لاتمثل الشعب القطر .. ولكـن هل تعلم أخي وطن أين المشكلة !!!

المشكلة في أن بعض القطريين عندمـا يرى سعودي ينتقد قنـاة الجزيرة .. جاء مسرعاً ودافع عنها , وهاجم السعودية بلداً وشعبـاً ؟؟ حينها يظـن السعودي أن قنـاة الجزيرة هي التي تمثل آراء الشارع القطري [ للأسـف ] !


وأيضاً يا أخي العزيز وطـن نحنُ نبادلكم الشعور نفسه .. وأنـا كشاب سعودي .. أحب قطر مثلما أحب بقية البلدان الخليجية .. ومهما حصل من مناوشات .. مستحيل أكره أي بلد خليجي .. !


ألف شكر





الأخ العزيز مستر بلو


لاتجعل كل الأسباب تتعلق في المادة فقط !

فلسنـا الشعوب الوحيدة التي تتمتع برغد العيش والرفاهية !


سأضرب لك مثالاً .. !


هل الدول الأجنبية .. وبعض العربية .. يكرهون الشعب الإماراتي مثلما يكرهون الشعب السعودي والكويتي !

مع أن الشعب الإماراتي يأتي في مقدمة الدول الخليجية من ناحية الرفاهية !

الشعب الإماراتي متنعم .. لماذا لايكرهونه مثلما يكرهون الشعب السعودي والكويتي !


المسألة مسألة حسن إستقبال .. وتواضع .. وكرم أخلاق .. ؟

نحنُ لانقول أن السعوديين أو الكويتيين .. ليسوا متواضعين أو ليسوا كرمـاء ؟

بل العكس .. فهم معروفين ومشهورين بالصفات الحسنة والحميدة !

ولكـن الكثير منـا لايحترم الجنسيات الأخرى الفقيرة ؟؟

وهذا وااااضح جداً ولا غبار عليه !


فلاتجعلون المادة هي السبب الوحيد في كره الشعوب وبغضهم لنــا .. !

القدساوي المحنك
27-07-2005, 21:16
إي والله كلامك صحيح .. ويعطيك العافية على الطرح ..

وصج للآسف إحنا مكروهين .. !!

ثلاثي الأبعاد
27-07-2005, 21:19
الاعتراف بالحق فضيله ..

و ما في احد معصوم من الغلط ..

و النقد الذاتي واجب ..

اتكلم عن الكويت بالاول لاني كويتي و اقول ..

كلام صحيح الفوقيه موجوده .. و صايره حتى بيننا و بين بعض بكل اسف ..

و هالشي سببه ماديّة الزمن الي احنى عايشين فيه ..

و بنفس الوقت ما يصير نعمم ..

كل واحد و حسب خبرته الي مر فيها او من الكلام الي يسمعه او يشوفه ..

يعني الهندي او المصري او الفلسطيني الي يحوشه ظلم في الدوله الخليجيه ..

لما يرجع لديرته طبعا راح يشتكي لأهله .. و حق ربعه و معارفه ..

و الشكوى تتنقل من شخص لي شخص لي ما تكوّن نوع من الراي العام الي ممكن يوصل الى الجرايد او حتى الجهات الرسميه ..

هذا غير مثل ما تفضلوا فيه الشباب .. تكون القنوات الفضائيه سبب في نشر هالراي العام لما تحط مواضيع مثيره عشان تكسب مشاهدين ..

و لا ننسى بعد موضوع البدون .. الي طلع من وراه كلام و سوالف كنا بغنى عنها بسبب طيبة الحكومه الزايده و غلط و اهمال المواطن الي صار بدون (و على فكره هالشغله موجوده عند غالبية الدول الخليجيه و العربيه بس مو مبينه اكثر بشكل اعلامي الا بالكويت)

--

مثال .. معاي واحد من الدوام بس عشان اكتشف ان عند خدامته تلفون نقال .. طقها طراق (و اهو لاعب كرة يد سابق و ايده مضرابة هريس "ما شاء الله" ) !

شنو يكون ردة فعلها ؟

مثال ثاني .. بموقف سيارات .. نزل واحد من سيارته و طق المحصل المصري و سفل في اهل اهله و ما دفع فلوس .. بس عشان المحصل قال حق الاخ مادري متى يفتح فرع البنك الي موجود عند الموقف لما سأله !

و الامثله غيرهم وايد .. بالجرايد هالحراس مالوت الامن الي ما اندفعت معاشاتهم من 6 اشهر و غيره و غيره ..

و بالمقابل عندنا الخدامات الحراميه .. و الي يختلسون من الاجانب ..

بدر الاتحاد
27-07-2005, 22:08
الشعب القطري ما زال يحبكم ويتمنى لكم الخير .. ونفرح لفرحكم ونزعل لزعلكم .. و وقت الشدايد بتلاقونا اول من يوقف على يمناكم .. بس مب عارفين ( كشعب ) شلون نوصل هالفكره للشعب السعودي اللي اتخذ موقف منا من غير ما يكون لنا ذنب فيه .. ونصلح صورتنا في عينكم[/QUOTE]

افا عليك اخوي وطن احنا اكثر من اهل واللي بينا اكبر من هالسوالف
ولاراح يفرق بينا وبينكم اعلام ولاغيره

فيصل السعودية
28-07-2005, 04:25
السلام عليكم


الأخ الكريم القدساوي المحنك

حياك الله وبياك

وشكراً لمداخلتك






المميز ثلاثي الأبعـاد


قصص كثيرة وفضيعة .. يشيب لها شعر الرأس !

أوافقك فيما ذهبتَ إليه أخي العزيز .. !

وترى عندنـا وعندكم خير .. فمثلما يوجد بالكويت قصص غريبة , فيوجد في السعودية مثلهـا .. !

ولا أعلم .. مـن زرع فينـا هذا السلوك السيء !

هل نعتب على الوالدين !

أم على مدارسنـا !

أم على حكوماتنـا .. !



أم على من !!!!!






العزيز بدر الإتحاد

لافضَّ فوك ..

كلامك درر يالغالي



ألف شكر

سهام
28-07-2005, 12:23
مع أن الشعب الإماراتي يأتي في مقدمة الدول الخليجية من ناحية الرفاهية !

الشعب الإماراتي متنعم .. لماذا لايكرهونه مثلما يكرهون الشعب السعودي والكويتي !


.. !
انا اقولك ليش ......

اولا : لان اغلبيه العرب ( من فلسطينين واردنين و عراقين ) متواجدين فقط بدبي و دبي قليل جدا جدا

اتلاقي اماراتيين يشتغلون و حتى شرطتهم تلاقيها هنود و باكستانين يعني معناته ان العرب او الاسيوين ما

يختلطون دايما بالاماراتيين و ما خذين راحتهم الكامله هناك كانها دولتهم :( ......!!!!!!!!

و بصراحه اي شخص يروح دبي ما يحس انه في دوله خليجيه لغياب شعبه و كثرة الاسيوين والعرب

الموجودين :confused:
ثانيا : الشعب الاماراتي بطبيعته جدا مسالم وما له شغل باحد و هذا واضح عليهم .....

ثالثا : و الامارات ما تعتبر من الدول الاغنيه مثل الكويت والسعوديه و ما عندهم النفط بكثر اللي عندنا

ما عدا فقط دبي اللي صارت غنيه جدا بس مو بسبب النفط بسبب ........... ( اخاف اكتبه و يوقفني احد

المراقبين :D بس السبب الكل يعرفه )

و شكراا :)

kuwaiti^55
28-07-2005, 12:37
ما عدا فقط دبي اللي صارت غنيه جدا بس مو بسبب النفط بسبب ........... ( اخاف اكتبه و يوقفني احد

المراقبين :D بس السبب الكل يعرفه )

و شكراا :)[/QUOTE]


9arat rich
3ala shan enhom efakroon sa7
ya 3emre

سهام
28-07-2005, 13:12
يا كويت الله يخليك اكتب بالعربي ترى صار لي ساعه يالله فهمت الجمله :D :D

و صدقني الامارات مو غنيه كثر الكويت والسعوديه .....

و انا بقول السبب واللي فيها فيها ....:confused:

بسبب غسيل الاموال و .....( اعتقد هذي كافي :p )

Ruudy
28-07-2005, 17:03
اخوي فيصل السعودية
الكويت والسعودية بوجه المدفع
عكس الامارات
خاصه لما احتل صدام الكويت و ساهمت السعودية بتحرير الكويت من كل النواحي و كان الاعلام البعثي كله ضد الكويت والسعودية ولا تنسى ان الكويت والسعودية اقرب شعبين لبعض وان اغلب الكويتيين اصولهم سعودية

فيصل السعودية
28-07-2005, 18:58
أهلاً وسهلاً أختنـا سهــام


يمكـن تكون دبي محتلة مـن قبل الأجانب .. لكن لو تروحين العين والشارقة وأبوظبي وغيرهم .. بتشوفين كثرة الإماراتيين هنـاك !

والإمارات تعتمد على النفط .. وهي مصدرة له , بغض النظر عن كثرته من قلته ! وأيضاً عائد السياحة هنـاك ممتـاز !

هل تقصدين أن البنـات في دبي هـم السبب !

غلطانـة أختي .. فالكثير مـن السياح يأتون للترفيه عـن أنفسهم , وليس لمعاشرة العاهرات هنـاك !








الأخ كويتي

شكراً لك





الغالي بو عتـب

بوجه المدفـع مـن أي ناحية :)

الأمر لايتعلـق بكوننـا بوجه المدفع أم خلفه ! كل مافي الأمر أن أخلاق وتعامل الشعب هـو من يحدد ويوضح صورة البلد !

ألف شكر

Mr.Blue
28-07-2005, 19:22
الأخ العزيز مستر بلو


لاتجعل كل الأسباب تتعلق في المادة فقط !

فلسنـا الشعوب الوحيدة التي تتمتع برغد العيش والرفاهية !




اول شي الشعب الاماراتي ايضـًا ماهو مرغووب فيه بس مو مثل الكويتي والسعودي والسبب يـرجع للغزو

الكويت استعانت في امريكا وبريطانيااا ضد العراق ولقت منـاصـره من الشعب السعودي الشقيق ممااا زاد الحقد والكره على هالشعبين بزيـاده عن بـاقي دول الخـليـج

هذا اللى يـزيـد الحقد ولا الخليج كله منبووذ عن العرب

فيصل السعودية
28-07-2005, 20:33
السـلام عليكـم


العزيز مستر بلو .. أهلاً وسهلاً



أولاً .. إذا كـان هنـاك حقـد متأصل في قلوب بعض العـرب .. فأنـا أتفـق معاك .. فالحقودين مهما عملت لهم , وأحسنت إليهم , سيظل هذا المرض في قلوبهم مهما عملنـا لهـم .. ومهما ترسنـا بطونهم من خيراتنــا .. !

ولكـن .. يوجد بعض العـرب المتفهمين , والعاقلين .. وغيرهم من النـاس الذين يمتلكـون قلوب صافيـة .. !

الغـزو ليس السبب الوحيـد .. والمـال ليس السبب الوحيد !

ربمـا نقول أن الغـزو والمـال هـم أحد الأسباب .. لكن من الصعب أن نحصر الأسباب بالغزو والمـال !


الأخ الكريم مستر بلو

أن هنـا لا أدافع عـن العـرب ؟ لكنني أحـاول إيصال معلومـه .. أننـا بأفعالنـا وتهورنـا في بعض الأوقـات نجعل مـن البعض يكرهنـا .. !


الأسبـاب كثيرة .. ؟


منهـا الخير الوفير في البلدان الخليجية ولله الحمـد

أيضاً غرور أبناء الخليج وظنهم أنهم يستطيعون أن يفعلوا مايحلو لهم بأموالهم

وأيضاً المعاملة الكريهة والفوقية من قبل أبنـاء الخليج

إستخدام الأموال في أشياء محرمـة مـن الكثير من شبابنـا


بالإضافة إلى أشياء سياسية .. وهذهِ الأشياء السياسية , ليس للشعب أي دخل فيها بتاتـاً .. بل الحكومـات !




هذهِ معظم الأسباب أو بعضها :)


شكراً لك

ManćҢestỆг UŇiţEĎ
28-07-2005, 23:25
انا اقولك ليش ......

اولا : لان اغلبيه العرب ( من فلسطينين واردنين و عراقين ) متواجدين فقط بدبي و دبي قليل جدا جدا

اتلاقي اماراتيين يشتغلون و حتى شرطتهم تلاقيها هنود و باكستانين يعني معناته ان العرب او الاسيوين ما

يختلطون دايما بالاماراتيين و ما خذين راحتهم الكامله هناك كانها دولتهم :( ......!!!!!!!!

و بصراحه اي شخص يروح دبي ما يحس انه في دوله خليجيه لغياب شعبه و كثرة الاسيوين والعرب

الموجودين :confused:
ثانيا : الشعب الاماراتي بطبيعته جدا مسالم وما له شغل باحد و هذا واضح عليهم .....

ثالثا : و الامارات ما تعتبر من الدول الاغنيه مثل الكويت والسعوديه و ما عندهم النفط بكثر اللي عندنا

ما عدا فقط دبي اللي صارت غنيه جدا بس مو بسبب النفط بسبب ........... ( اخاف اكتبه و يوقفني احد

المراقبين :D بس السبب الكل يعرفه )

و شكراا :)


الازرق ..ترى سالفه الخز والخناق والمشاكل ..في احصائيه شفتها واللي تاكدت من خلاله ان الغزو الله لايعوده على الجميع ..لعب دور في كبير في هذي الامور ولكن نبقى اخوان وقت الشده ..


سهام ..موضوع دبي لاغلطانه مو هذا السبب الرئيسي..يمكن في بلد ثاني بس مو دبي

kuwaiti^55
28-07-2005, 23:37
يا كويت الله يخليك اكتب بالعربي ترى صار لي ساعه يالله فهمت الجمله :D :D

و صدقني الامارات مو غنيه كثر الكويت والسعوديه .....

و انا بقول السبب واللي فيها فيها ....:confused:

بسبب غسيل الاموال و .....( اعتقد هذي كافي :p )


الي كنت بقوله انا العالم بدبي تفكر صح علي شان جذي غنيه

MaMa 3oDa
29-07-2005, 09:08
قريت الموضوع من فتره..و مالي خلق اقراه مره ثانيه..

بس بذكر شغله..
مره وحده تسولف..تقول راحت ماليزيا..و سألت إلي يبيع جم سعر الشغله إلي بتشتريها..سواها بإيده خمسه و نزلها الأرض..؟! تدرون ليش..لأنه لو أشر بإيده مباشره اتجاهها راح يكون وضعه و كأنه يكم عليها..:)
- بس غلط عنوان الموضوع...؟! ما ادري:)

حايلاووي
29-07-2005, 09:27
الاعضاء اللي قبلي كفووا ووفوا مع اني ما قريت جميع الردود :o

بس حبيت اتكلم في نقطه ثانيه تتعلق بنفس الموضوع " تقريبا " .. وهو كره بعض الشعوب العربيه للاخرى

وابي اضيف الى الاسباب سبب مهم جدا وهو :

( الاعـــــلام )

انا ما راح اتكلم عن الجزيره وعن موقفها مع السعوديه وغيرها .. ولكن راح اتكلم من ناحية ( تأثيـر الاعلام على علاقات بعض الدول بما فيها الشعوب )

مع احترامي للبعض العرب .. ترى عقولهم تافهه جدا .. فترى السعودي يتأثر بالجزيره ويتخذ منها موقف بصفتها قناة قطريه وبالتالي يكره الشعب القطري اللي ماله ذنب ولا يتحمل مسؤولية اراء قناة الجزيره .. والقطريين ترى نفس الشي مب احسن .. هناك ايضا بعض التافهين من يحكم على الشعب السعودي من خلال قناة العربيه او من الاعلام بشكل عام

انا ما اتكـلم عن ( السياسيه ) ولا ابي الموضوع يتحور لموضوع سياسي .. انا اتكلم عن ( تأثير الاعلام ) فقط

واعتقد ان هذه التجربه خير من عاشها هي السعوديه وقطر

فاصبحت هناك نسبه من الشعب السعودي تكره الشعب القطري .. واذا ما نقول انه ( كره ) فممكن نقول ان ( شعوره او نظرته تغيرت ) اتجاه الشعب القطري

وهذا كله صار بسبب قنوات اخباريه ( لا تمثل الشعب القطري .. ولا تمثل الشعب السعودي )


كلمة على الهامش :

الشعب القطري ما زال يحبكم ويتمنى لكم الخير .. ونفرح لفرحكم ونزعل لزعلكم .. و وقت الشدايد بتلاقونا اول من يوقف على يمناكم .. بس مب عارفين ( كشعب ) شلون نوصل هالفكره للشعب السعودي اللي اتخذ موقف منا من غير ما يكون لنا ذنب فيه .. ونصلح صورتنا في عينكم

ياخي قطر تعتبر اقرب دولة للسعودية من حيث العادات والتقاليد وهي اكثر دولة محافظة بعد السعودية ..بس المشكلة مثل ماقال فيصل انه اي نقد يوجه للجزيرة تظنون ان النقد موجه لقطر مع انكم تقولون الجزيرة ماتمثلنا !

برشلوني اصيل
29-07-2005, 10:05
لماذا يكرهنـا [ بعض ] العـرب .. مـن فلسطينيين

والله اهم يكرهون بعد موكافي الي سوو فينا اوقفو مع العراق بالغزو وكل يوم الكويت توديلهم مساعدات