المساعد الشخصي الرقمي

مشاهدة النسخة كاملة : تلفزيــون الواقــع ...يـاله من واقــع!!


الد بنت يره
07-08-2005, 02:38
طبعاا في البدايه احب انوه..ان بس العنوان في الفصحى :D
ماقدر اعبر..الي ابيه بالفصحى :p

مساااكم الله بالخير اولا..

من تقريباا سنتين..ظهرت لناا المحطات الفضائيه بموضه يديده..عندناا احناا العرب طبعا :rolleyes: لان موجوده في الغرب من فترة طويله :rolleyes:

موضة برنامج الواقع :rolleyes:
بغض النظر عن هوية البرنامج..ان كان ستار اكاديمي..او بيغ برذر..او الوادي
وبغض النظر عن هدفه((هذاا اذا كان له هدف من الاسااس)) :rolleyes:

ابي افهم..شنو الفايده..من هالنوعيه من هالبرامج..واقصد فيها بالذات..تسليط الضووء..والكاميراات بعد على حياه ناس..ممكن يكونون معروفين..وممكن يكون ناس عاديين :confused:

حتى لو كان هدفهم ..ان يطلعون لنا نجم كبير..على قولتهم :rolleyes:
ليش هالنجم الكيبر..لازم نعرف..شنوو ياكل..شنو يشرب..شنو يلبس.. :confused:
ليش التسلط الكبير على خصوصية الناس :rolleyes:


ومن جهه ثانيه...اكتشفت شي خطير :rolleyes:
ان احناا..وخصووصاا العرب..نموووووووووت عشاان نعرف خصوصياات غيرناا :D :D

ونطاالعهم...ونحش فيهم بنفس الوقت :D

نيي حق المفيد :rolleyes:

هالبرامج..يااخواني ...تلخص بكلمه..تــــــافـــهه
والفئه الي تطالعهاا...واقصد فيها فئه الشباب...اهياا اكثر فئه تحاسب يوم القيامه على وقتها بشنو ضيعته:(

اتمنى ان احناا الشبااب العربي..والخليجي والكويتي..بصفة خاصه :cool: نكون اكبر من هالمحطات التافهه الي تبي تشغلنا عن دينا..وعن وطناا
وتبي تلتهم فلوسناا من هالمسجات..وسوالف التصويت وغيرهاا :rolleyes:


وشكراا
اختكم بنت الديره:)
عرباوي عجيييب
07-08-2005, 02:42
شكرا بنت الديرة على الموضوع وفعلا الناس يخسروون الاف مؤلفة على التصويت
واليوم بالجريد قريت انه زهرة الخرجي ارجعت بنسبة 86% !!
صج الكويت عيال فلووس!!
GIGGS
07-08-2005, 02:51
حتى برامج الجلسات الغنائية .... تلاقي ريال وصل 50 سنة ... و يقوم يرقص و يندمج آخر إندماج .... على الأقل خل يحترم عمره

و حتى الحريم إلي في الجلسات الغنائية ... مره إشكبرها قاعده بين الرياييل تصفق !!
Honey ^Al-Q8
07-08-2005, 02:52
اي والله شالفايده <=-=ويهج بس انتي اللي تموتيين على هالبرامج:D :p

بس صج يعني بعض المرات اقوول شالفايده من ان احنا نطالعهم بالنهايه كل واحد بيروح لحال سبيله .((حلوة لحال سبيله :D ))

مشكوورة عالموضوع :)
Che Guevara
07-08-2005, 03:02
و انا ما اعرف اعبر إلا بالإنجليزي :p

باختصار:

الـReality TV شي حلو و ممتع بشرط انها تكون هادفة و ذات معنى

أما البرامج على شاكلة big brother فهي تفاهات بتفاهات.. وأغلب مشاهدينها أحس إنهم ناس فاضية (لا شغلة و لا مشغلة)

وبرامج التصويت : ظحك على الذقون و شفط بالفلوس ..!

و هالنوعية من البرامج..ماتناسب ديننا ولا مجتمعاتنا.. بس ربعنا يحبون تقليد الغرب..(تطور..!)

على فكرة big brother UK الحالي..فيه متسابقة ابوها كويتي ! و أمها بولندية..24 ساعة يا سكرانة يا مفصخة (وانتوا بكرامة)


لا يروح ظنكم بعيد..آنا تابعته شوية عشان أشبع (فضولي) )..! :rolleyes:



آسف على الإختصار المطول..و شكرا يا أم "خبزة كبير" :D :) :p
الد بنت يره
07-08-2005, 03:18
شكرا بنت الديرة على الموضوع وفعلا الناس يخسروون الاف مؤلفة على التصويت
واليوم بالجريد قريت انه زهرة الخرجي ارجعت بنسبة 86% !!
صج الكويت عيال فلووس!!


شااكرتلك اخووي عرباوي على المشاركه
اي والله صدقت..
المشكله صار التلفون بايد اليهال..وتاركينهم بدون مراقبه..يسوون فيه اي شي!!
BLUE_12
07-08-2005, 03:52
انا يمكن مو متابعين الجيدين لهالبرامج يمكن من بين فتره و فتره اجيك عليهم عشان اضحك وانام :D
اما على التصويت فهالشي مستحيييييييل اني اصوت انا بروحه رصيدي مايضل ثلاثة ايام بحاله لازم كل يومين تارسه رصيد عيل شلون لو اصوت والله جذي بيستربحون من وراي الشركات :rolleyes:
ToTTi q8
07-08-2005, 03:57
والله ناس فاضيه
Corvette
07-08-2005, 03:58
تبين سبب مقنع ليش كل هالفلوس تروح للتلفزيون :)

لا تلومين عيال الكويت الصراحة .. !! قبل المنتخب الكويتي يفرح كل عيال الكويت من صبي من بنت من شايب من عيوز .. الحين للأسف ماكو شي يفرح الشعب الكويتي بالرياضة خير شر .. ! ماكو انجازات

فماكو الا هالشي الي يفرح الكويتيين يبون يستانسون بعيال ديرتهم
ماكو الا ستار اكاديمي .. سوبر ستار .. الوادي .. وغيرهم ..
قبل اذا رد المنتخب تلقين المطار متروس الحين يردون بتكاسي وماكو احد بالمطار !!
كثر ماتعطي للشعب يعطونك هذي الزبده :)
وكشران للموضوع اختي
ثلاثي الأبعاد
07-08-2005, 04:16
سخافه مو طبيعيه ..

جد يعني ..

انا مو ديّن .. و اسمع اغاني ..

بس ماني قادر القى شي حلو او يونس في هالنوعيه من البرامج ..

مادري يعني الي صج مدمنين على الوادي ولا ستار اكادمي شيشوفون فيهم .. بصراحه احس انه غشمره مو صج الي قاعد يصير !

و طبعا ماكو مقارنه بين هالبرامج و برنامج survivor و trading spouses الواقعيين .. فرق مستوى و محتوى مو طبيعي !
الد بنت يره
07-08-2005, 04:17
حتى برامج الجلسات الغنائية .... تلاقي ريال وصل 50 سنة ... و يقوم يرقص و يندمج آخر إندماج .... على الأقل خل يحترم عمره

و حتى الحريم إلي في الجلسات الغنائية ... مره إشكبرها قاعده بين الرياييل تصفق !!


عاااد هذوول يبيلهم مجلد مواضيع بروحهم :eek:
ريااال شاايب يقوم يترقص..وريااييل...
استغفر الله...الي يعيش ياما يشوف!!

شكراا لمشاركتك اخوي
MEW
07-08-2005, 04:51
أعتقد ان في كلام اخوي كورفت شئ من الصحة .

ليش الشعب يصرف كل هالفلوس , لأنه فاضي و ماعنده شي يشغله و يبي شي يفتخر و يرفع راسه فيه .

و الله ايام الي كنا نفرح بالمنتخب و ماهمنا شي ثاني .... أيام :(
الد بنت يره
07-08-2005, 22:04
اي والله شالفايده <=-=ويهج بس انتي اللي تموتيين على هالبرامج:D :p

بس صج يعني بعض المرات اقوول شالفايده من ان احنا نطالعهم بالنهايه كل واحد بيروح لحال سبيله .((حلوة لحال سبيله :D ))

مشكوورة عالموضوع :)

العفوو حبووبه:)
وشاكرتلج مشاركتج الحلوة:)
كلناا نسأل نفس سؤالج...شالفايده؟ :p
الد بنت يره
07-08-2005, 22:07
و انا ما اعرف اعبر إلا بالإنجليزي :p

باختصار:

الـReality TV شي حلو و ممتع بشرط انها تكون هادفة و ذات معنى

أما البرامج على شاكلة big brother فهي تفاهات بتفاهات.. وأغلب مشاهدينها أحس إنهم ناس فاضية (لا شغلة و لا مشغلة)

وبرامج التصويت : ظحك على الذقون و شفط بالفلوس ..!

و هالنوعية من البرامج..ماتناسب ديننا ولا مجتمعاتنا.. بس ربعنا يحبون تقليد الغرب..(تطور..!)

على فكرة big brother UK الحالي..فيه متسابقة ابوها كويتي ! و أمها بولندية..24 ساعة يا سكرانة يا مفصخة (وانتوا بكرامة)


لا يروح ظنكم بعيد..آنا تابعته شوية عشان أشبع (فضولي) )..! :rolleyes:



آسف على الإختصار المطول..و شكرا يا أم "خبزة كبير" :D :) :p




ههههههههههههههههههههههههههههههههههه..الله يساامحك..خليتني افر موضوع البدلياات..كله ..حسبت انشهرت بدليتي :D :D

اناا معاك في الكلام الي قلته...وبخصووص بيغ برذر..انا قريت عن هالمشاركه..في الرأي العام :eek: :(

مشكووور اخوي على مشااركتك الطيبه:)
Stop
07-08-2005, 22:13
يبون فليساتكم
الأزرق
07-08-2005, 22:38
من ناحيتي اتاابع عالخفيف .. لمه افر على القنوات مرات احط عليه شوية بس ..

لكن تصوويت لاا طبعا ماا صووت ..

بس اهم مثل ما قالوا .. البرامج هذي وضعت علشان يشفطون الفلوووس ..

والمشكلة ان البرامج هذي الي يشرف عليها الاخوان اللبنانيين

فيها عيب .. ان كل شي فيها يسوونه لبنااني ..

يعني ستار اكاديمي والواادي .. شوفوا كل الاغاني .. كل الترااث

يخلوونه حق لبنااااان .. باااجي الدول معطينهم طااف ..

يايبين المشتركين علشان نتابعهم ونصوتلهم ويااخذون الفلوس ..

ويفرضوون علينا الي يبوون .. وين راحت الاغاني الخليجية والتراث الخليجي

والمصري .. كل شي يعرضونه بس حق لبنااان .. مايصير عاااد .. شالتحيُز ما تشوفون

الملايين الي من الدول العربية الثانية ما تحطولهم شي !! :confused:
ناصر العتيبي
07-08-2005, 22:48
يبون فليساتكم
:1: صح كلامك

بس انا الحمدلله مقاطعهم ;) :)
cassano
07-08-2005, 22:49
خوش كلام .. كفيييتوا وفييتوا ...


ملاحظ البنات يحبون هالبرامج .. او اغلبهم .. لنه قعدتهم بالبيت ومشاهدة التلفزيون .. :rolleyes:

بس هالبرامج .. .. ماقدر اقعد عليها 10 دقايق .. اللهم لما تصير ضجه على حلقه من حلقاته .. مثلن فلان تهاوش مع هذا ! اكشفوا قصة حب بين فلان وفلانه .. صراحه اروح اشوف شنو سالفتهم :p

بس استغرب من الشباب والشيبان والحريم الكبار ! يتابعونهم ويتأثرون .. :eek:


بخصوص خسارة اللفلوس ... حرام بحرام .. للاسف .. :)


اذكر مقاله للهاشم عجبتني بهالخصوص ..

يقول كنت اقعد بديوانيه ..من روادها .. وللاسف ندمت ني ضيعت وقتي فيها طول السنين.. :o
لنه انصدم يوم شاف رياجيل تبجي يوم خسر بشار الشطي .. :D (نفس الصياغه)


وبالشعر طلع ..برنامج ستار

حتى ستار ! اسلامي اعتقد طلع ..



بس هذول ابرك من الفاضيين .. :rolleyes:



وشكرا
القدساوي المحنك
07-08-2005, 22:56
والله مجرد سخااافة .. :mad:

وناس عقلها ناقص .. :rolleyes:
MaMa 3oDa
07-08-2005, 23:04
- أطالع على خفيف الخفيف ستار اكاديمي..! :rolleyes:
- الوادي..أسخف منه ما شفت..! و تافه ( مع احترامي إلي يطالعه) :rolleyes:
- كله صخول و بط.. :confused: :p
فتى نجد
08-08-2005, 01:20
لنه انصدم يوم شاف رياجيل تبجي يوم خسر بشار الشطي .. :D (نفس الصياغه)


اللـــه يرحــم رياجيل زماااااااان:o ...
Corvette
08-08-2005, 01:56
المشكله ينقول أشياء تفشل نفس في برنامج الوادي .. لما بجى مشاري البلام !!
الد بنت يره
08-08-2005, 02:08
انا يمكن مو متابعين الجيدين لهالبرامج يمكن من بين فتره و فتره اجيك عليهم عشان اضحك وانام :D
اما على التصويت فهالشي مستحيييييييل اني اصوت انا بروحه رصيدي مايضل ثلاثة ايام بحاله لازم كل يومين تارسه رصيد عيل شلون لو اصوت والله جذي بيستربحون من وراي الشركات :rolleyes:


اي والله مايستاهلون فلس واحد تقطه عليهم :rolleyes:
شاكرتلك مشاركتك الطيبه :)
الد بنت يره
08-08-2005, 04:50
تبين سبب مقنع ليش كل هالفلوس تروح للتلفزيون :)

لا تلومين عيال الكويت الصراحة .. !! قبل المنتخب الكويتي يفرح كل عيال الكويت من صبي من بنت من شايب من عيوز .. الحين للأسف ماكو شي يفرح الشعب الكويتي بالرياضة خير شر .. ! ماكو انجازات

فماكو الا هالشي الي يفرح الكويتيين يبون يستانسون بعيال ديرتهم
ماكو الا ستار اكاديمي .. سوبر ستار .. الوادي .. وغيرهم ..
قبل اذا رد المنتخب تلقين المطار متروس الحين يردون بتكاسي وماكو احد بالمطار !!
كثر ماتعطي للشعب يعطونك هذي الزبده :)
وكشران للموضوع اختي

كلامك في من الصحه...ولا شتارس شباابناا في المجمعاات..وفرفرة من غير هدف غير..مالقوو رياضه حلوو تجمعهم...ولا مستوى يونسهم
بس هم يااخوي المفروض مانعالج الخطأ بالخطأ!
ولا انجاز للمنتخب الوطني..يساوي ..فوز واحد بمسابقه تافهه :rolleyes: :eek: ;)

السبب..الاهل..الي ماراقبو عيالهم
والسبب الاكبر مؤسسات الدوله المعنيه للشبااب...الي ماوفرت للشبااب..اماكن..ترفيهيه..تثقيفيه ..رياضيه على مستوى!!
ماغنتهم..عن مشااهده هالبرامج الهابطه ..الي تاخذ من فلوسهم..ووقتهم بس!!


مشكوور اخوي على المشااركه
والله كريم:)
كيفي كويتي
08-08-2005, 04:59
برامج سخيفه ! واللي يتابعهم ويقط عليهم فلوس مسجات أحسه صج ما عنده شغل بالدنيا ! وفوق هذا كله هذي اشياء تغضب الله سبحانه وتعالى هالتعري جدام الاوادم والترقص ! ما اقول الا حسبي الله على الـ LBC اللي يننو شبابنا وبناتنا ودخلو علينا اشياء دخيله على مجتمعاتنا ! ولا هذا برنامج الوادي أحسه صج سخيف ! مادري الناس اشلون تتابعه بالساعات !

ولا زهرة الخرجي تحصل اصوات 86 % :D صج الكويتين ما عندهم شغل ! شصاير بالدنيا !
سندريلا
08-08-2005, 05:17
بصراحه من ناحية سخافة هالنوعيه من البرامج ما نختلف عليه ..بس من دون مثاليه المتابعه خاصه بستار أكاديمي كان شيء روتيني وتغير عن البرامج والمسلسلات

يعني من كثر الثقافه والملعومات الموجوده بقية البرامج بالقنوات كلها فديو كلبات وبرامج منوعات صبه حقنه لبن

بس التصويت no way .. أطالعه علشان اطمش بس ما اساعدهم ولا اساعد على نجاح البرنامج باي طريقة خاصه ان فيه استخفاف بعقول المشاهد

اما الوادي بصراحه سخيف حده بس إذا ماكو شيء اتابعه
الد بنت يره
09-08-2005, 01:40
توتي...شكراا لمشاركتك:)
=========================================


سخافه مو طبيعيه ..

جد يعني ..

انا مو ديّن .. و اسمع اغاني ..

بس ماني قادر القى شي حلو او يونس في هالنوعيه من البرامج ..

مادري يعني الي صج مدمنين على الوادي ولا ستار اكادمي شيشوفون فيهم .. بصراحه احس انه غشمره مو صج الي قاعد يصير !

و طبعا ماكو مقارنه بين هالبرامج و برنامج survivor و trading spouses الواقعيين .. فرق مستوى و محتوى مو طبيعي !

سخافه هدفهاا ..جيوووب شبااب الخليج :rolleyes:

شكرا لمشاركتك اخوووي الطيبه:)
الد بنت يره
09-08-2005, 01:42
أعتقد ان في كلام اخوي كورفت شئ من الصحة .

ليش الشعب يصرف كل هالفلوس , لأنه فاضي و ماعنده شي يشغله و يبي شي يفتخر و يرفع راسه فيه .

و الله ايام الي كنا نفرح بالمنتخب و ماهمنا شي ثاني .... أيام :(


مثل ردي على اخوي كورفيت...
والله اياام صاار ستار اكاديمي ولا غيرة يعوضنا عن الازرق :(

شكراا اخوووي على مشاركتك:)
بنت الصالح
09-08-2005, 01:44
مشكووووووور ...
Jose Mourinho
09-08-2005, 03:34
الموضوع بصوب .. و العنوان بصوب .. :D :p ..
شكرآ عالموضوع والله و يبتيها عالجرح ! .. أنا واحد كنت أتابع أول ستار أكادمي طلع و مو بانتظام بس بوقت الفراغ .. لأنه الي وياي كلهم كانوا يقعدون و يطالعونه :eek: :o ! ..
حاليآ ولا أدري عنهم و أنا أشارك Corvette الراي ..
و شكرا لج ! .. :)
MR-BEAN
09-08-2005, 05:30
عدل كلامكم مشكووره الد بنت يره :)
يوفنتساوي
09-08-2005, 06:05
اكثر دوله تصوت بل الخليج الكويت

وترى كل البرامج بوق
سرفايفور ستار اكاديمي
الد بنت يره
09-08-2005, 21:28
من ناحيتي اتاابع عالخفيف .. لمه افر على القنوات مرات احط عليه شوية بس ..

لكن تصوويت لاا طبعا ماا صووت ..

بس اهم مثل ما قالوا .. البرامج هذي وضعت علشان يشفطون الفلوووس ..

والمشكلة ان البرامج هذي الي يشرف عليها الاخوان اللبنانيين

فيها عيب .. ان كل شي فيها يسوونه لبنااني ..

يعني ستار اكاديمي والواادي .. شوفوا كل الاغاني .. كل الترااث

يخلوونه حق لبنااااان .. باااجي الدول معطينهم طااف ..

يايبين المشتركين علشان نتابعهم ونصوتلهم ويااخذون الفلوس ..

ويفرضوون علينا الي يبوون .. وين راحت الاغاني الخليجية والتراث الخليجي

والمصري .. كل شي يعرضونه بس حق لبنااان .. مايصير عاااد .. شالتحيُز ما تشوفون

الملايين الي من الدول العربية الثانية ما تحطولهم شي !! :confused:


الحكمه تكمن :D في فلووس الخليجيين..هذي الزبده ;) :rolleyes:

اهم شي مقاطعه التصويت :cool:
وعقبال مقاطعتهم كلللللش :cool:

شكراا اخوووي الازرق على مشاركتك القيمه:)

==================================================
ستوب..ناصر العتيبي
صح لسانكم ;)
قرداحي
09-08-2005, 22:03
والمشكله ان عيالهم يطلعونهم بسرعه من ثاني او ثالث برايم <- الحبيب يتابع :D

وعيال الخليج يخلونهم لاخر شئ ,, وسحب بهالبيزات من جيوبهم :mad:

ستار اكاديمي 1 : كويتي وصل للنهائي
ستار اكاديمي 2 : سعودي فاز باللقب
بيج براذر : سعودي اللي فاز


مشاهده نعم _ تصويت لا .. بالنسبة لي .. :)
الد بنت يره
10-08-2005, 05:01
خوش كلام .. كفيييتوا وفييتوا ...


ملاحظ البنات يحبون هالبرامج .. او اغلبهم .. لنه قعدتهم بالبيت ومشاهدة التلفزيون .. :rolleyes:

بس هالبرامج .. .. ماقدر اقعد عليها 10 دقايق .. اللهم لما تصير ضجه على حلقه من حلقاته .. مثلن فلان تهاوش مع هذا ! اكشفوا قصة حب بين فلان وفلانه .. صراحه اروح اشوف شنو سالفتهم :p

بس استغرب من الشباب والشيبان والحريم الكبار ! يتابعونهم ويتأثرون .. :eek:


بخصوص خسارة اللفلوس ... حرام بحرام .. للاسف .. :)


اذكر مقاله للهاشم عجبتني بهالخصوص ..

يقول كنت اقعد بديوانيه ..من روادها .. وللاسف ندمت ني ضيعت وقتي فيها طول السنين.. :o
لنه انصدم يوم شاف رياجيل تبجي يوم خسر بشار الشطي .. :D (نفس الصياغه)


وبالشعر طلع ..برنامج ستار

حتى ستار ! اسلامي اعتقد طلع ..



بس هذول ابرك من الفاضيين .. :rolleyes:



وشكرا


تعددت الستارااات ..والهدف واحد :p ;) :p
لوو فيهم خير..خل يحطون برنامج من برامجهم الهادفه :rolleyes: من غير تصويت!! ;)

شكرا ااخوي على اضاافتك المميزة :)
الد بنت يره
11-08-2005, 02:28
القدساوي المحنك
ماماا عووده

كلاامكم عين العقل;)

شكرا لمشاركتكم:)
Insan
11-08-2005, 02:38
[SIZE=3]

على فكرة big brother UK الحالي..فيه متسابقة ابوها كويتي ! و أمها بولندية..24 ساعة يا سكرانة يا مفصخة (وانتوا بكرامة)




اي وحده فيهم?

:eek:

لاتكون كانغا?

:D
الد بنت يره
12-08-2005, 23:54
برامج سخيفه ! واللي يتابعهم ويقط عليهم فلوس مسجات أحسه صج ما عنده شغل بالدنيا ! وفوق هذا كله هذي اشياء تغضب الله سبحانه وتعالى هالتعري جدام الاوادم والترقص ! ما اقول الا حسبي الله على الـ LBC اللي يننو شبابنا وبناتنا ودخلو علينا اشياء دخيله على مجتمعاتنا ! ولا هذا برنامج الوادي أحسه صج سخيف ! مادري الناس اشلون تتابعه بالساعات !

ولا زهرة الخرجي تحصل اصوات 86 % :D صج الكويتين ما عندهم شغل ! شصاير بالدنيا !


اي والله حسبي الله عليهم :D :mad:
صج ماكو شغل :eek: :D

صاار عند الشبااب ادماان مشاهده الاخرين!!جنهم مو بشرر..جنهم من كوكب ثااني :eek:

يعطيك العافيه اخووووي على مداخلتك:)
الد بنت يره
16-08-2005, 19:38
بصراحه من ناحية سخافة هالنوعيه من البرامج ما نختلف عليه ..بس من دون مثاليه المتابعه خاصه بستار أكاديمي كان شيء روتيني وتغير عن البرامج والمسلسلات

يعني من كثر الثقافه والملعومات الموجوده بقية البرامج بالقنوات كلها فديو كلبات وبرامج منوعات صبه حقنه لبن

بس التصويت no way .. أطالعه علشان اطمش بس ما اساعدهم ولا اساعد على نجاح البرنامج باي طريقة خاصه ان فيه استخفاف بعقول المشاهد

اما الوادي بصراحه سخيف حده بس إذا ماكو شيء اتابعه


شكرا لج اختي على مشااركتج الطيبه:)

ماتنلامين اهم عروفوو شلون يشغلون الشباب العربي في برامجهم!
24ساعه ..يطاالع..شلون ياكلون..شلون يلعبون رياضه..يطالع جنه مخدرين! :D

الله يكافيناا شرهم :rolleyes:
واهم شي ان الجميع ليما الحين مايصوت لله الحمد:cool:

يعطيج العافيه:)
scheelite
16-08-2005, 19:49
نااس فاضيه والي مايبي لايتااابع ,,, موغصب اتاابعووون وانا شخصيا كنت اتابع بس ماحرص اني اشووف عااادي يعني اذا ماكو شغل والتلفزيوون بايخ احط عليهمم :)
سكرتير زيدان
16-08-2005, 20:10
والله الي تشوف هلبرامج أنسان تافه ما عنده سالفه لأنه هلبرامج شغلته الخراب
زوزي
16-08-2005, 20:11
انا لا متباع استار اكديمي لا 1 و لا 2

و لا حتى سوبر استار لا 1 و 2

و على هذه السخافة حسافة عليهم الفلسين

و الله يعينا على سخافة استاراكديمي 3

خلوا سخافتة اللحين
الشي الي يلوع الجبد ازيد
ان خلاص مافي سالفة و لا شغل ولا مشغلة غير ستار اكديمي
كل السوالف تخلص و يلوعون جبدنا من سوالف استار اكديمي وسوبر استار و ما ادري شنو الخليج الخ من التفاهات هذي
------------------------
اللحين خلوا السخافات على جنب
انا ما يبط جبدي و يقهرني الا ليمن اشوف بنرامج الميانين الي كل يطلعون على ام بي سي و الله لوعوا جبدنا

اتفهه و اسخف برناج شفتى في حياتي و الله عندي تحطولي ستار اكدمي و سوبر استار و لا اشوف تفاه المعقدين الي كل وحدة منهم تبجي و تصارخ انشاء الله عرفتوا البرنامج الاني ما اعرف اسف

----------------------------
سوري طولت عليكم وايد
الد بنت يره
20-08-2005, 23:59
بنت الصالح...شكرا لج:)
=============================================


الموضوع بصوب .. و العنوان بصوب .. :D :p ..
شكرآ عالموضوع والله و يبتيها عالجرح ! .. أنا واحد كنت أتابع أول ستار أكادمي طلع و مو بانتظام بس بوقت الفراغ .. لأنه الي وياي كلهم كانوا يقعدون و يطالعونه :eek: :o ! ..
حاليآ ولا أدري عنهم و أنا أشارك Corvette الراي ..
و شكرا لج ! .. :)

دكتوور..احممم :p
شنسوي ...نبي نشرح :D

الف شكرر على مشااركتك الطيبه...وستار اكاديمي ماخله احد :p

شكراا


================================
مستر بين
شكراا لك اخوووي:)
GoLcHia
31-08-2005, 07:56
مـاكو شغل أطالع الأوادم وهم يعلفون ولا يغسلون صحونهم ..؟!
أطـالع البرايمات .. بس تفاصيل حياتهم اليوميه شكو فيها أنا ..!
Fc BaRcElOnA
31-08-2005, 08:11
الناس اذواق .. !