المساعد الشخصي الرقمي

مشاهدة النسخة كاملة : السعودية تستكمل شروط احتكار بطولات كأس الخليج القادمة



ظهير أيسر
15-08-2005, 20:56
الســلام عليــكم,,





ادري مستغربيـن من عنوان الموضوع!!!!!


well


قبل تقريبا سنتين في دورة الكويت
قال لي احد اصحابي


"ما في أمل بطولات الخليج القادمة ان ترحل الكأس عن خزائن الرياض"


اصراحة ,,, من ناحية الواقع

كنت اتفق معة
لكـــن كان فيه جزئية مفقودة

فكرت في الموضوع ,,
صحيح ,,, من الصعب هزيمة السعودية لكـــن

لا بد من درس قاسي حتى حتى تحتكر السعودية بطولة الخليج لسنوات قادمة

كما قال سلطان الكرة السعودية
يوقف بهيبته و يمد ايدية و يقول بهدوء كعادته

" يــا اخوان لا بد ان نبذل كل جهدنا (و الكرة تعطي من يعطيها ) "

و هذي كانت الفقرة المفقودة في المنتخب السعودي
كان لا بد من درس قاسي لكي يتعلم اللاعبين ان البطولات لا تذهب للمسميات


أو


كونك فقط المنتخب السعودي لا يكفي ان تربح و تحقق البطولات

و هذا بالفعل ما حدث في قطر
بغض النظر عن تغير المدرب


اكاد اجزم ان الجميع غادر من الرياض و خصوصا نور و حاط في باله
انه رايح قطر ياخذ لفه و يشيل الكأس و يرجع

بالفعل كان درس قاسي و لكــن مفيد

من كان يعتقد بأمكانية دخول ثلاثة اهداف فــــي مباراة واحدة خليجية في

المنتشري و تكر ومن وراهم الدعيع وو ,,,الزبدة الدفاع السعودي

لكـــن الافراط في الثقة كان وقعها قويا جدا على المنتخب

و لهذا السبب شككت في كلام صديقي ان ذاك




لكـــن في الوقت الحالي


خصوصا في وجود ادارة محنكة و مدرب واقعي و لاعبين فهمو جيدا ان كلام الامير سلطان لم ياتي من فراغ

بكل ثقة اقول

بطولات الخليج القادمة

سـعـوديــة






تحياتي

aljazar
15-08-2005, 22:47
حلوة :D تقول المنتخب السعودي في بطولة الخليج الاخيرة داخل بثقة وهو قبل كم شهر كان بالمركز الاخير بمجموعته في كاس اسيا وبعدين شنو لزوم الثقة منتخبكم قاعد يباري السيلان ولا الفلبين قاعد يباري منتخبات خليجية وكل المنتخبات الخليجية بنفس المستوى تقريبا ومادري شلون فكرت بهالمعلومة ان من اليوم ورايح المنتخب السعودي راح يحتكر كاس الخليج ليش ما احتكر الكاس من قبل ولا ايام ماجد عبدالله وربعه كان المنتخب ضعيف والحين صار لا يقهر

اسياد اسيا
15-08-2005, 23:40
احب اقول لك يا خوي aljazar ان المنخب السعودي لم يكن مهتماً بالبطوله الخليجيه
وان البطوله الماضيه كانت في ضروف خاصه حتى البطوله الآسيويه لم يكن متهيأ لها
اما مقارنت المنتخبات الخليجيه بالمنتخب السعودي فهذا ضلم للمنخب الكبير افضل منختب خيجي لا يتجاوز الأربعين على العالم والسعوديه مابين الخمسه والعشرون الى الثلاثون كما انا الدوري لا يقارن بالآخر سوى في الأيام الأخيره بدأ الدوري القطري بشيأ من البروز
المنتخب السعودي اكبر من الكل بكل فخر وقادر على السيطره على البطوله بكل سهوووووووووله
ولكم تحياتي........

aljazar
16-08-2005, 00:20
احب اقول لك يا خوي aljazar ان المنخب السعودي لم يكن مهتماً بالبطوله الخليجيه
وان البطوله الماضيه كانت في ضروف خاصه حتى البطوله الآسيويه لم يكن متهيأ لها
اما مقارنت المنتخبات الخليجيه بالمنتخب السعودي فهذا ضلم للمنخب الكبير افضل منختب خيجي لا يتجاوز الأربعين على العالم والسعوديه مابين الخمسه والعشرون الى الثلاثون كما انا الدوري لا يقارن بالآخر سوى في الأيام الأخيره بدأ الدوري القطري بشيأ من البروز
المنتخب السعودي اكبر من الكل بكل فخر وقادر على السيطره على البطوله بكل سهوووووووووله
ولكم تحياتي........
حبيبي ماكو منتخب يدخل بطولة وحاط في باله الخسارة وان البطولة غير مهمة كان ما شارك فيها احسن واذا خسر يقول مو مهمة واذا فاز هلل حنا ابطال الخليج واسيا ؟ , واذا تبي تحسبها على تصنيف الفيفا اليابان وايران افضل من المانيا تدخل العقل ! ( بصراحة التصنيف غير منصف ) وحتى لو صدقنا التصنيف السعودية من تاسس الاتحاد السعودي للحين بالمركز 25 اكيد لا ! مثال الكويت سنة 98 صارت بالمركز 24 ولو كان في تصنيف على ايام الثمانينات كان التصنيف اكثر ( التصنيف بدا من 1993 ) , هذا الحال فوز وخسارة يوم تحت ويوم فوق مافي فريق دوم فوق , الدوري السعودي جيد بس الدوري شي والمنتخب شي ثاني قارن بين الدوري البرازيلي والاسباني وشوف الفرق بين المنتخبين , تقول المنتخب السعودي قادر على السيطرة على بطولات الخليج وبسهووووووووولة طيب ليش ما سيطر عليها ايام ماجد عبدالله وربعه ومن بعده الثنيان وربعه ؟ . ارجع واقول مستويات المنتخبات الخليجية متقاربة خصوصا بالفترة الاخيرة فما تقدر تاكد ان السعودية راح تحتكر كاس الخليج

مش ممكن
16-08-2005, 00:37
اخوي aljazar لا ياخذك التعصب ويخليك تهاجم وبس ..

خليك واقعي حبيبي ..

انا استغربت قولك ان مستويات الفرق الخليجيه زي بعض !! :confused:

اجل الكويت وقطر نفس مستوى السعوديـه ؟؟

لا تخليني اقارن نتائج الفريقين في المباريات .. لان المقارنه ظالمـه ..

لا ياخوي خلك حيادي وقل عن الحق حق ...

السعوديه تحتل عرش الكره الخليجيــه ..

بعدين تأتي الفـرق بعـدها ..

فتى نجد
16-08-2005, 00:56
وانتــــم عـــاد ...

يا يحتكر البطولات بسهولة .... يالمنتخب السعودي مثل باقي المنتخبات الخليجية :rolleyes: ....

المنتخب السعودي هو الأقوى خليجيا وبدون مقارنة ...

ولكن انه ياخذ البطولة وبسهولة فهذي بعد مبالغ فيها .....

aljazar
16-08-2005, 02:38
عين العقل
انا الي ياخذني التعصب ولا انتوا الي خليتوا السعودية بطلة الخليج وهي ما خذت البطولة الا 3 مرات و2 منها في ارضها !
في بطولة اسمها كاس الخليج تجمع الدول الخليجية وتعتبر مقياس للمفاضلة وللحين اقيمت 17 مرة فازت الكويت فيها 9 مرات يعني لازم تاخذون الكاس 6 مرات ورى بعض يعني اقل شي 12 سنة حتى تعادلون الرقم , وحتى لو تحسب اللقاءات الي تجمع الكويت والسعودية من 1960 في بطولة العرب للحين تلقى الكويت فايزة اكثر ( الحين واحد ينط يقولي احنا وصلنا كاس العالم 4 مرات وخذنا كاس اسيا مدري كم مرة ووو... اقوله صح وانتوا الافضل في الخليج في البطولات الاسيوية والعالمية لان الي عندكم يشوفون لبعيد بس البطولات واللقاءات الخليجية الكويت لها الافضلية لان الي عندنا نظرتهم لبطولة الخليج اهم من كاس اسيا والعالم وهذا الي خرب علينا حتى لو تحسبونها السعودية ما فازت على الكويت في كل بطولات كاس الخليج ( 17 بطولة ) الا 3 مرات بس اذا حسبتوا المباريات غير كاس الخليج السعودية فايزة اكثر )
بس ما رديتوا على سؤالي تقولون المنتخب السعودي قادر على السيطرة على بطولات الخليج وبسهووووووووولة طيب ليش ما سيطر عليها ايام ماجد عبدالله وربعه ومن بعده الثنيان وربعه ؟ مع ان المنتخب السعودي وقتها افضل من الحالي

MoonSun
16-08-2005, 02:38
سلام عليكم...

الجمهور السعودي لم يعد طموحه الفوز بكأس الخليج...

انا اشوف ان الوصول للمنديال يكفي ولا نحتاج للفوز بكأس اقليميه...

وكأس الخليج لاتخضع لمقاييس فنيه بل لعوامل نفسيه وقليل جدا من المستويات...

ومع إحترامي للمنتخبات الخليجيه .. مستواها اقل من المنتخب السعودي...

بدون مجامله السعوديه تغرد خارج السرب الخليجي ...

المهارات الفنيه واللياقه البدنيه والتكوين الجسماني لاغلب لاعبي السعوديه

افضل من لاعبي المنتخبات الاخرى...

المنتخب السعودي هو الوحيد اللي مازال يصارع منتخبات كوريا واليابان وايران

وب كل جساره...

وكأس الخليج لو مانشارك فيه يكون ابرك ...

فيصل السعودية
16-08-2005, 02:48
البحريـن وعمـان .. يستطيعون مقارعة منتخبنـا .. بل وهزيمتـه أيضاً !


فلا يأخذكم الغرور الزائـد !

MoonSun
16-08-2005, 02:53
البحريـن وعمـان .. يستطيعون مقارعة منتخبنـا .. بل وهزيمتـه أيضاً !

فلا يأخذكم الغرور الزائـد !

فيصل انت تتكلم جد...

انت نسيت ان منتخبنا الثاني فاز على منتخب عمان بكامل نجومه في البطوله الاسلاميه...

نسيت ان البحرين مافازت علينا الا بعد طرد نور من المنتخب ....

منتخبنا اقوى من هالمنتخبين وبدون اي غرور ....

عـ9ـالمي
16-08-2005, 03:37
منتخبنا قوي .. بس مافي شي مضمون ..

ممكن فلحظه يجي فينا هدف ..

ممكن يجينا طرد .. ممكن اي شي ..

كرة القدم مجنونه .. والمجنونه ماتعرف لا قوي ولاضعيف ..

MoonSun
16-08-2005, 03:42
نعم اتفق انو مافي شي مضمون بعالم الكرة...

لكن احنا نتكلم بصفه شموليه...

كمسوتى الاخضر اقوى من باقي المنتخبات الخليجيه...

ولكن عندما يطرد منا لاعب او يحصل الفريق المقابل عى هدف مفاجئ ويتراجع

بكل عناصره للدفاع فهذا شي مو مستبعد....

لكن ان اي منتخب يتجرأ ويهاجم الفريق السعودي فهذا صعب جدا...

أأكد ان الفريق السعودي تفوق على جيرانه الخليجيين بالمستوى...

ولكن الحظ والطرد يسوي المستحيل...

مش ممكن
16-08-2005, 04:37
كفيت ووفيت مون صن :)

مش ممكن
16-08-2005, 06:53
مشـاركة المنتخب السعودي في البطـولـه يفيـد الفرق المشـاركة اكثر من انـه يفيد الاخضر ..

هذا البطـوله غير مهمـه ان فاز المنتخب فرحنا وان انهزم حزنا وكذالك الحال مع المباريات الوديـه وننسي المباريات

بالاخيـر لان بطولة الخليج انشئت مع مجلس التعاون والتلاحم الخليجـي اكثر من انهـا منافسـه للحصول على الكأس

فنـجد ان المنتخبـات الاخرى اذا لعبـت امام الاخضر تحـاول مجاراتـه وتحقـيق امامـه اي شي يـذكـر ..

تخيل لبرهـه عزيـزي واغمـض عينـيك ان بطولة الخليج بدون المنتخب والجمهور السعودي ..

صدقـني مـــو شي :)

سعودي أنا
16-08-2005, 07:20
كقييت ووفيت اخوي موون

اخوي فيصل السعودية
البحرين ممكن تجارينا اذا لعبت بمستواها في كاس اسيا بالصين

لكن عمان لم تفز على منتخبنا طوال التاريخ
وحتى في عز تألق منتخب عمان وبكامل نجومه لم يستطيع الفوز على رديف الأخضر في البطولة الاسلامية
والله العظيم مو غرور ... لكن واقع

Insan
16-08-2005, 08:16
[size=4] منتخبكم قاعد يباري السيلان ولا الفلبين قاعد يباري منتخبات خليجية وكل المنتخبات الخليجية بنفس المستوى تقريب

كلام مضحك !

:p

السعوديه خرجت من الحوش الخليجي الضيق من زمان !

:cool:

C@$h B0X
16-08-2005, 10:53
الموضوع حامي ..
oooh .. spooky !

منتخبنا قوي بس مو لي هناك ..

MoonSun
16-08-2005, 12:53
مشـاركة المنتخب السعودي في البطـولـه يفيـد الفرق المشـاركة اكثر من انـه يفيد الاخضر ..

هذا البطـوله غير مهمـه ان فاز المنتخب فرحنا وان انهزم حزنا وكذالك الحال مع المباريات الوديـه وننسي المباريات

بالاخيـر لان بطولة الخليج انشئت مع مجلس التعاون والتلاحم الخليجـي اكثر من انهـا منافسـه للحصول على الكأس

فنـجد ان المنتخبـات الاخرى اذا لعبـت امام الاخضر تحـاول مجاراتـه وتحقـيق امامـه اي شي يـذكـر ..

تخيل لبرهـه عزيـزي واغمـض عينـيك ان بطولة الخليج بدون المنتخب والجمهور السعودي ..

صدقـني مـــو شي :)

هذا الكلام ولا بلااااااااش...

كلامك عين العقل ...و100%

أبيض غالي
16-08-2005, 13:27
صح مو شي................
بس تخيلها بدون الأزرق بعد مو شي.........
أو العنابي أو الأحمرين أو الأبيض..............
يا أخي أنتو ألحين فوق النخل وما ألومكم فرحانين بالصعود و الله يهنيكم.....لكن لا تبالغون ........ منتخبكم يقدر يفوز بسهوله و يقدر يخسر بعد بسهوله.......... أما أنكم وصلتوا الي مستوي العالميه في أسمحلي .. أعتقد الطريق طويل...
و كأس الخليج تبقي بطوله تتمني كل المنتخبات أن تفوز فيها.... و هذا أهوا الواقع

MoonSun
16-08-2005, 13:46
صح مو شي................
بس تخيلها بدون الأزرق بعد مو شي.........
أو العنابي أو الأحمرين أو الأبيض..............
يا أخي أنتو ألحين فوق النخل وما ألومكم فرحانين بالصعود و الله يهنيكم.....لكن لا تبالغون ........ منتخبكم يقدر يفوز بسهوله و يقدر يخسر بعد بسهوله.......... أما أنكم وصلتوا الي مستوي العالميه في أسمحلي .. أعتقد الطريق طويل...
و كأس الخليج تبقي بطوله تتمني كل المنتخبات أن تفوز فيها.... و هذا أهوا الواقع

مين قالك اخوي انو وصلنا للعالميه!!!!
احنا وين والمستوى العالمي وين...!!!

بس احنا نتكلم على المستوى الخليجي وبس...

ماوصلنا للعالميه ...لسى المشوار طويل ...

مش ممكن
16-08-2005, 13:47
صح مو شي................
بس تخيلها بدون الأزرق بعد مو شي.........
أو العنابي أو الأحمرين أو الأبيض..............
يا أخي أنتو ألحين فوق النخل وما ألومكم فرحانين بالصعود و الله يهنيكم.....لكن لا تبالغون ........ منتخبكم يقدر يفوز بسهوله و يقدر يخسر بعد بسهوله.......... أما أنكم وصلتوا الي مستوي العالميه في أسمحلي .. أعتقد الطريق طويل...
و كأس الخليج تبقي بطوله تتمني كل المنتخبات أن تفوز فيها.... و هذا أهوا الواقع

احـد جاب طاري العالميــه ؟؟

صدقني اخوي لا احنا نبالغ ولا شي ..

انا مـارديت في هالموضـوع عشـان امجد في منتخبـي او اننا عشان فوق النخـل على قولتك ..

الا بس بالعقـل الي يقول مستوى المنتخب السعودي نفس مستوى الدول الخليجيـه مو هذا اجحاف بحق المنتخب السعودي ؟!! ..

خل نتكلم بصراحه وبكل مصداقيـه ..

المنتخب السعودي.. مثل منتخب قطر او حتى الكويت ( ولا احد يقول لنا كنا وكنا اتكلم على الوضع الحالي ) على سبيل المثال ؟ ..

وحنا ماتكلمنـا بهالموضوع على سبيل التفاخر او شي مثل كذا ..

بس لاتعطون منتخبنا اقـل من حقــه ..

واخيرا لك خالصــ تحياتي حبيبي :)

أبيض غالي
16-08-2005, 13:50
لا أخــــوي لا تفهمني غلط أنا معاك أن المنتخب السعودي يأتي في المرتبه الأولي من حيث الأنجازات وهذا ما يختلف عليه أثنين....
لكن أن المنتخبات الأخري تستفيد من اللعب مع منتخبكم فهاذي فيها مبالغه شوي.... و منتخبكم الأن يقدر يخسر من أي منتخب خليجي مثل ما يقدر يفوز.... وشكرا

مش ممكن
16-08-2005, 13:52
اصلا بالعقـل اخوي مدام المنتخب السعودي بالمرتبـه الاولى علـى قولتـك

شي بديهـي اي فريـق من تحت هالمرتبـه بيلعـب معـه بيستـفيـد .. !!

عموما سعدت بالنقـاش معـاك وتبقـى وجهـة نظـرك واحترمـها .. :)

لك خالـصـ تحياتـي

سعودي أنا
16-08-2005, 14:16
مشـاركة المنتخب السعودي في البطـولـه يفيـد الفرق المشـاركة اكثر من انـه يفيد الاخضر ..

هذا البطـوله غير مهمـه ان فاز المنتخب فرحنا وان انهزم حزنا وكذالك الحال مع المباريات الوديـه وننسي المباريات

بالاخيـر لان بطولة الخليج انشئت مع مجلس التعاون والتلاحم الخليجـي اكثر من انهـا منافسـه للحصول على الكأس

فنـجد ان المنتخبـات الاخرى اذا لعبـت امام الاخضر تحـاول مجاراتـه وتحقـيق امامـه اي شي يـذكـر ..

تخيل لبرهـه عزيـزي واغمـض عينـيك ان بطولة الخليج بدون المنتخب والجمهور السعودي ..

صدقـني مـــو شي :)


كلام رائع جداً وواقعي 100%
وهذا شفناه بالتحديد في خليجي 16 كان واضح جداً محاولة عرقلة الأخضر في تلك البطولة من جميع المنتخبات الأخرى ولم يستطيع أي منتخب ايقاف منتخبنا رغم ان الأخضر كان مشارك بوجوه جديدة كثيرة وما كان فيه نجوم خبرة
والمنتخب العماني بعد ما سجل الهدف الأول علينا كانوا اللاعبين فرحانين جدا رغم خروجهم من المنافسة
والمنتخب القطري في خليجي 14 بعد ما تعادل معانا في المباراة الأخيرة كأنهم ماخذين البطولة على الفرحة اللي عملوها وهم النقطة الوحيدة اللي حصلوا عليها في تلك البطولة وتذيلوا الترتيب ولكن لأنهم اوقفوا الأخضر

AC-Milany
16-08-2005, 14:49
المنتخب السعودي أهوا الأفضل خليجيآ لكن خلونا نكون واقعيين. مافي فريق خليجي يدخل البطوله و ضامن الفوز بالكأس



المنتخب البحريني مو سهل و فاز على السعوديه بثلاثيه!

المنتخب العماني بالأجماع كان الأفضل في البطوله السابقه

المنتخب القطري أهوا البطل





لا تزعلون مني يا أخواني السعوديين أنا معاكم بأن الأخضر هوا الأفضل لكن مو بمراحل عن البحرين و عمان و لا يقدر يحتكر بسهوله البطولات

مش ممكن
16-08-2005, 14:54
المنتخب البحريني مو سهل و فاز على السعوديه بثلاثيه!












اخوي احنا نتكلم بشكـل عمـوم مافيــه فريق ماينهـزم اي فريـق يمكن تجيـه ظروف في مباراة وينهـزم ..

مو خلاص بحرين فاز على السعوديـه خلاص يعني مستوى الفـرق نفســه !!

البرازيل خسرت نهائي كاس العالم من فرنسا 3-0 وهاهي تتحتل صدارة التصنيف العالمي لكرة القدم ..

احنا نتكلم هنا بشكل عموم اخي الغالي :)

اخيرا اشكرك كلامـك الطيب وحنا هنـا نتناقـش ومافيــه اي زعل حبيبي ..

لك خالصـ تحياتي

الوهـبي
16-08-2005, 15:01
لو نقول الصج نقول انه...السعوديه هي عنوان الكره الخليجيه !

و بالرغم انه كاس الخليج مو من أولويات الاخضر نفس كاس آسيا و كاس العالم...لكن يظل كاس الخليج له طعم و حضور و اذا الجمهور السعودي ما يبي فريقه يلعب بكاس الخليج جمهور الخليج يبي الاخضر يلعب لأنه البطوله بتكون ناقصه و ما راح يكون في شي اسمه منافسه حقيقيه !

3arbawi_doom
16-08-2005, 15:53
الأخضر هو الأفضل سواء بالتاريخ أو بالمستوى الحالي , لكن اختلف معاكم يالسعوديين في إن الفارق بين الأخضر وباقي فرق الخليج يعتبر كبير :) في الحقيقة ان منتخبات الخليج ماتعرفلها يوم تحت ويوم فوق ومثل ماشفنا بغمضة عين قمنا نشوف عمان تفوز على كورية وتلعب بلنتيات مع اليابان وقمنا نشوف البحرين رابعة أسيا وأتوقع في السنوات القادمة عودة الازرق وكذلك الإمارات وقطر ولا تنسون تواجد المنتخب العراقي (خليجياً) يعتبر منتخب قوي ووصل إلى رابع الأولومبياد :)

حالياً أعتقد الأخضر هو الأقوى خصوصاً في المناسبات المهمة مثل تصفيات كأس العالم ودائماً مايقول كلمته وبقوة ويتأهل إلى النهائيات ولكن في السنوات القادمة أتوقع ان عمان والبحرين بتكون لهم كلمتهم :)

وبالتوفيق للأخضر في المونديال وشكراً على الموضوع

الساعي
16-08-2005, 17:21
شوف حبيبي


المنتخب السعودي صحيح هو الأفضل بس أفضل السيئين خلنا واقعيين



المنتخبات الخليجية ماتعرف لها يوم فوق ويوم تحت



وبالنسبة بما اني سعودي أتوقع ان البحرين له نصيب كبير بالقوة ودائما ً مستواها ثابت غير المنتخبات الأخرى



وبالنسبة للبطولات الخليجية مافي منتخب يقدر يحتكرها أبدا ً لاسعودية ولاغيرها





وتقبلوا تحياتي





أخوكم





.

العثماني
16-08-2005, 19:49
نحن الأفضل حالياً ولاكن:

هل تعتقدون أننا سنكون الأفضل في المستقبل خصوصا ً مع تطور

المنتخبات الخليجية.

فعلينا الا نكتفي بما نحن عليه .

لنكون دايما أســــــــــــياد آسيا كما كنا وألأ سنندم كما يندم أخواننا

الكويتييين على أمجادهم السابقة في دورات الخليج بالتحديد.


متى ما كنا واقعيين ونسعى على الأرتقاء بمستوانا سنكون الأفضل أن شاء الله .


وللجميع تحياتي.:)

صعـــب
16-08-2005, 20:26
اكبر دليل على تطور المنتخب السعودي والفارق الي بينه وبين الفرق الثانية انه بكل بساطة بامكانه ان يلعب بثلاث منتخبات تقريبا كل منتخب فيها بامكانه ان ينافس على اللقب واكبر دليل شووفوا الفرق بين التشكيلة الي راح تلعب مع كوريا في كوريا والتشكيلة الي لعبت مع كوريا في السعودية اضافة الى لاعبين كثير في الدوري كنا نتمنى انضمامهم للمنتخب ولكن لم يتم اختيارهم يعني بالعربي ان المنتخب السعودي باماكنه يطلع 3 فرق تقريبا بامكانها تهزم المنتخبات الاخرى بينما المنتخبات الاخرى حدها واحد بس !!

الوهـبي
16-08-2005, 20:59
صعــب :

لا تنسى اخوي انه عدد الانديه و اللاعبين في السعوديه بروحها اكثر من اللي موجود بـ3 دول خليجيه...ما انكر انه الرعايه و الاهتمام غير موجودين لكن تعداد السكان يسهل ايجاد اكبر عدد من اللاعبين المتميزين

ظهير أيسر
16-08-2005, 22:02
اسف على التأخير في الرد

اولا احب اشكر كل اللي شاركو بأرائهم,,

فعلا السعودية تغرد خارج السرب و مو محتاج احد يثبت هذا الشي


اخي صعب
فعلا كلامك صحيح و هذا على ما اعتقد هذا سبب قدوم كالديرون
و طبعا هذا اساس النجاح و انا اضمن ان الاساسي او الرديف او رديف الرديف قادر على تحقيق كأس الخليج




اخي العثماني:

صحيح نحن نفرد بالصدارة الان ,,,
لكن زي ما يقولون

ليس الصعب ان تصل الى القمة و لكن الصعوبة في ان تحافظ عليها.




اتمنى التوفيق لمنتخبنا في مباراة كوريا

و انا شخصيا اتمنى ان نلعب لعب دفاعي و هذا مو عيب التعادل راح تكون نتيجة جيدة خارج ارضنا

لكــن داخل السعودية ما نرضا الى بالفوز امام اي فريق

تحياتي