المساعد الشخصي الرقمي

مشاهدة النسخة كاملة : البلوي : نحن الهلال ونحن الاتحاد أيضا ومافعلناه اليوم رد بسيط على قناتي دبي وأبوظبي !



عاشق الإتي
27-10-2005, 02:15
البلوي : نحن الهلال ونحن الاتحاد أيضا ومافعلناه اليوم رد بسيط على قناتي دبي وأبوظبي !!



قال الأستاذ منصور البلوي رئيس نادي اتحاد جدة السعودي أنه وإدارة فريقه غير راضين كل الرضا عن مستويات الفريق رغم خطف التعادل اليوم على أرض العين الإماراتي في ذهاب نهائي دوري أبطال آسيا .

وقال البلوي أنه كان ضد المدرب في إشراك اللاعب جوب من بداية اللقاء حتى ولو لعشر دقائق فقط , فاللاعب كان بعيدا عن الكرة بسبب الإصابة التي عاد منها للتو , وحتى حينما أراد المدرب تجربته في مباراة النصر في الدوري السعودي تأجلت هذه المباراة فكان من الصعب أن يجازف به يوردانيسكو في مباراة نهائية كما حصل اليوم معتبرا البلوي ذلك بأنه يوقع اللوم على المدرب وليس على جوب الذي لم يقدم المأمول منه .
وحول نتيجة اللقاء قال البلوي : " الحمدلله على النتيجة لكننا كإدارة لم نرضى على بعض المستويات مثل مستوى مناف أبوشقير ومستوى إبراهيم سويد , ومثل هذه العوامل هي عوامل أثرت على مستوى الفريق لكن الحمدلله على كل حال خطفنا نقطة وسنسعد جماهيرنا في جدة ونسعد الجماهير السعودية كافة " .
وحول منعه للاعبين من التحدث للإعلام قبل المباراة قال البلوي بأن الضغوط الإعلامية من الإعلام الإماراتي منذ وصول الفريق للعين كانت واضحة من البداية حينما بدأوا ضغوطهم أولا مع المدرب يوردانيسكو ولذلك تم منع اللاعبين حتى لا يؤثروا عليهم بهذه الضغوط مستشهدا بمابثته قانتي دبي الرياضية وأبوظبي الرياضية يوم أمس حين قال عنهم البلوي : " يتكلمون وكأن من يتكلمون عنه ومن سيلعب ضد العين ليس ببطل النسخة الماضية " .
وواصل البلوي حديثه عن هاتين القناتين مستغربا إقحامهم لإستديوهاتهم ومحلليهم في التنافس الداخلي بين الهلال والاتحاد وترجيح كفة الهلال والثناء عليه من أجل التقليل من الاتحاد معتبرا البلوي بأن ذلك إشعال للفتن بين الهلال والاتحاد ورادا ببهدوء : " داخليا نحن نتنافس مع الهلال لكن خارجيا الهلال هو الاتحاد والاتحاد هو الهلال وهانحن خطفنا نقطة على أرض العين " .
وتحدث البلوي أيضا حول لقاء الإياب في جدة مستبعدا أن يلعب الفريق بفرصة التعادل السلبي , لكنه قال بأننا سنلعب فقط من أجل الفوز مبديا ثقته في أن جماهير الاتحاد وجماهير المملكة كلها ستساند الاتحاد حتى يفوز بالبطولة ويثبت هيمنة الكرة السعودية آسيويا .


منقول من موقع كورة

C@$h B0X
27-10-2005, 02:46
كلامه سليم ..
وكل التوفيق بالاياب ..

فتى نجد
27-10-2005, 03:17
شغلك عدل يا بلوي ...


الأمور هذي داخليا بينا ..

وصحيح كلامـــه لاحظت اقحام القنوات الإماراتية في الهلال .. ومحمد نجيب قال الزعيم الهلالي حرم الإتحاد من البطولات الداخلية ونحن سنحرمه من الخارجية :confused: ...

والعامري مدير الفريق يقول الهلال هو من يخرج الإتحاد من البطولات .؟؟ بأعرف وش المطلوب من اتصريح :confused:

C@$h B0X
27-10-2005, 03:29
^
^
^
اتوقع تفكيرهم ان الهلال اقوى ولأنه طلع الاتحاد من 3 بطولات داخليه
فقالوا الاتحاد بيكون سهل .. بحكم ان العين فاز على الهلال من قبل !! :D :p

عاد فريق عن فريق يفرق :)

صعـــب
27-10-2005, 03:49
8
8
8
فسروها غلط
يوم الهلال ينهزم كان في اسواء مستوياته اما الحين الحال اختلف

مش ممكن
27-10-2005, 05:49
لاتلومونهم بأي طريقه يعتقدون انهم يشوشون على الاتحاد ولكن انعكس هذا الشي عليهم في ملعب القطار كما قلت سابقا :)

الف شكر اخوي

DvD
27-10-2005, 06:07
كمـا يـقولون الحـرب خدعـة .. وكـرة القـدم في وقتـنا هـذا تـعتـبر حـرب ويحق للجميع استـخدام مايحلو لهم من اسـاليب للانتصـار ..

فيصل السعودية
27-10-2005, 07:14
ممتـاز هالتصريح يابوثامـر !


وأعتقد إن الإعلام السعودي ماراح يقصر في العين :d تعرفونهم أنتوا .. راعيين حركات إعلامنـا الموقر خخخخخخخ :p

عيناوي متعصب
27-10-2005, 08:15
انزين اعتقد ما غلطوا المعلقين في هالكلام

السنه الماضيه الهلال حرم الاتحاااد من البطولات الداخليه وهالشي صحيح بس عتبي على القناه مكبرين المدرب بأنه ماكر و بأنه داهيه على الفاضي

malaki^asfar
27-10-2005, 15:47
كلام البلوي سليم 100% ...

بالتوفيق للعين في المباراة القادمه ...

عيناوي متعصب
27-10-2005, 16:01
8
8
8
فسروها غلط
يوم الهلال ينهزم كان في اسواء مستوياته اما الحين الحال اختلف

ياخوي كيف تقول انه كان في اسوأ حالاته؟؟

بالعكس اللي شاف المباراه يعرف انه الهلال كان في افضل مستوياته والعين ما يقدر يهزمه بالسهوله

وبعدين الهلال ولا الاتحااد كلهم اخوااانا

فتى نجد
27-10-2005, 20:30
ههههههههههههههههههه


ياخوي سأل حتى النصراويين والإتحاديين .. ويعرفون ان اخر موسمين قبل الموسم الماضي كانوا من أسوا سنوات الهلال ... :)




مستوياته والعين ما يقدر يهزمه بالسهوله


ولا ننسى هدف التمياط الملغى ... والقانون الجديد الصادر من ملعب القطارة :(

صعـــب
27-10-2005, 22:37
عيناوي متعصب
الهلال ذيك الفترة كان ياكلها بالخمسة ومع ذلك انت تقول ان العين ماقدر يهزمه بالسهوله !!
يعني الهلال وهو في اسوء مستوياته ماقدرتوا عليه بالسهوله كيف الحين وكيف تقدرون على الاتحاد على الرغم من ان الهلال كان مسيطر على البطولات المحليه كلها وهزم الاتحاد !!

نويدر
27-10-2005, 22:50
لاتلومونهم بأي طريقه يعتقدون انهم يشوشون على الاتحاد ولكن انعكس هذا الشي عليهم في ملعب القطار كما قلت سابقا :)

الف شكر اخوي

الشيء اذا زاد عن حده انقلب ضده ، اللاعبين وجدوا انفسهم فجأة فوق هام السحب لا من صحافة ولا من جماهير حتى أبناء الشيخ زايد ( رحمه الله) في المدرجات ، ضغط رهيب على اللاعبين في اعتقادي لم يتعرضوا له من قبل ان تحمل آمال شعب كامل من اكبر مسئول لاصغر مشجع ، بعكس الاتحاد الذي تعرض لمثل هذه المواقف كثير وليس هو الفريق السعودي الوحيد الذي وصل لمثل هالمراحل ففوزه لن يضيف سوى ارقام بطولات وخسارته لن تعد سوى فقد بطولة.

ولو نظرنا لانجازات الكرة الاماراتية :
- تأهل المنتخب لكاس العالم 90.
- فوز نادي الشباب ببطولة الخليج للاندية لمرة واحدة .
- فوز نادي العين ببطولة الخليج للاندية لمرة واحدة .
- فوز نادي العين بدوري ابطال اسيا لمرة واحدة.

اذن العين صاحب نصف الانجازات للكرة الاماراتية ، فلا غرابة فيما تشاهدون من دعم بكل وشتى الطرق.

R9 The King
28-10-2005, 16:39
اعصابكــم ... اعصابـكم يا السعوديين :)

متنفرزيـن ليـش الله يهداكـم !


سواء فزنـا احنــا او انتـوا فوالله سيــان !

لا اعلم لماذا التسليط فقط على الاعلام الاماراتي !
من واجبـه ان يسانـد فريقــه كما يساند التلفزيون السعودي فريقـه !

امـا ( البلـوي ) ... فالظاهر انـه مضغوط ع الاخـر والصيام (ا < :) مأثر عليه


تحياتـي

فتى نجد
28-10-2005, 17:02
لا اعلم لماذا التسليط فقط على الاعلام الاماراتي !
من واجبـه ان يسانـد فريقــه كما يساند التلفزيون السعودي فريقـه !

ابــدا يالغالي ماحنا معصبين بالعكس ..:) بارديييييييين ومرتاحين وماقصر الإتي قبل امس ريحنا زيادة بمستوى ونتيجة معقولة :) ..

الكلام على تصغير الإتحاد والأسئلة المبطنة وخاصة من مذيع كنت احترمه وحاطه في القمــة اللي هو محمد نجيب ... ولكن للاسف اصبح يستمتع للتعصب ..العيناوي وليس لكل ممثلي الإماارات وللأسف ...

مش ممكن
28-10-2005, 17:47
ياخوي كيف تقول انه كان في اسوأ حالاته؟؟

بالعكس اللي شاف المباراه يعرف انه الهلال كان في افضل مستوياته والعين ما يقدر يهزمه بالسهوله

وبعدين الهلال ولا الاتحااد كلهم اخوااانا

كونك لعبت مع الهلال في الماضي وفزت عليه مايعني انك تفوقت عليه بشكل دائم ! انت تفوقت عليه بهالمباراه بس ! ولكل مباراه ظروفها !

ولو كلام هالقنوات صحيح كان ماشفنا العين يدافع على ارضه والاتحاد مهاجم والافضليه للاتحاد في ملعب العين ! !

كان شفنا المباراه عيناويه 100% لكن كلامهم غير صحيح !

عموما البطوله الاسيويه القادمه بيشارك الهلال فيهـا .. وراح تتضح لك اشياء ماكنت تدركها :)

عيناوي متعصب
28-10-2005, 21:04
انتو الحين ليش معصبين؟

عقب كم يوم مباراتنا ويا الاتحاااد وسوولنا معلقه في المنتدى وقولوا انكم فزتوا على ريال مدريد اسيا

عشان ترتاحون بعد حطو اعلام الاتحااد في الموقع وقولوا انه افضل فريق في العالم

يا حبيبي الهلال خلصنا منه غلبناه مرتين وانتهت السالفه

الحين دووور الاتحاااد اللي شكله بيكون اسوأ يوم في حياته تاريخ 5/11/2005

واذا خسرتوا الكاس بتقولون الاتحاد في اسوأ حالاته ولا الاتحاااد لم يلعب المباراه بشكل جيد

ولا بتقولون الحظ واقف معانا في المباراه ...ألخ

لا تستبقون الاحداااث لأنه مب في صالحكم

عبدالإله
29-10-2005, 02:09
حنا ليه معصبين صدق ؟ :p

القناة الرياضية السعودية أفشل قناة رياضيه مع احترامي لها
ولا ساندة الاتحاد ولا هم يحزنون 24 ساعه مسكره ما تفتح الا عشان تعيد البرامج حقت البارح او مباراة منقوله على الهواء مباشرة

بعكس القنوات الاماراتية ابو ظبي ودبي البهرجه والتقنيات عندهم عال العال
لكن العدل والمسواة وحتى مساندة العين كانت ظالمه

والدليل شوفوا بعد المباراة ولا برنامج طلعوه يتكلم عن المباراة ههههههههههه
وابو ظبي اعادة المباراة بدون معلق ههههههههههه:D

ودي اشوووف وجه محمد نجيب بعد هدف الاتحااااااد ههههه

الله يرفع عنهم ههه

فتى نجد
29-10-2005, 20:09
يا حبيبي الهلال خلصنا منه غلبناه مرتين وانتهت السالفه


جبتها لنفســـك :D ... مابغيت اتكلم عن العين والمهازل التحكيمية لصالحهم ...

حلوة مرتين ...:D ارجوا انك تكون مشجع عيناوي من زمان مهوب جديد والا صغير في السن علشان تذكر الثلاثات والأربعات وأهداف الجربوع والمصيبيح ;) ... بصراحة كنا نلعب مع العين ونحسب للهلال السوداني حساب أكبر .. بكل صراحة :) ....


ومع هذا فزتوا مبارتين فقط في تاريخكم مع الهلال ... وكلهم 1-0 :D والهلال بالثلاثات والأربعات :p


الفوز الأول ا صفر وإلغاء هدف يوسف الثنيان ...

الفوز الثاني 1 صفر والغاء هدف التمياط ...

لا والجدير بالذكر ان الإتحاد الاسيوي اعترف بالأهداف وقال لا مجال لإعادة المباراة والحكام كلهم يابانيين والأكثر اثارة للجدل .. اللي حكم المباراتين أوكادا ... وانت تعرف مين أوكادا ..

اهدي لك ولـ جماهير العين ...


مباراه الهلال والعين الاماراتي في عام 1999 م ضمن بطوله مربع غرب اسيا , وانتهت بفوز العين 1 0 , وسجل الحكم اوكادا مسرحيه تحكيميه ضد الهلال توجها بالغاء هدف صحيح 100% للهلال ليوسف الثنيان هذا غير اخطاء غريبه تحسب على الهلال
www.alhilalclub.com/site/modules.php?name=Downloads&d_op=getit&lid=554 (http://www.alhilalclub.com/site/modules.php?name=Downloads&d_op=getit&lid=554)

كليك يمين ... وسيف تارجت از ...


هذا الهدف للمباراة الثانية الملغى والصحيح 100% لنواف التمياط في الفوز الثاني :D
www.alhilalclub.com/site/modules.php?name=Downloads&d_op=getit&lid=1489 (http://www.alhilalclub.com/site/modules.php?name=Downloads&d_op=getit&lid=1489)


لو تحب العين زين .. الواحد يستر على الفضائح في سجل فريقه :)

ALQaisar
29-10-2005, 20:42
الحين دووور الاتحاااد اللي شكله بيكون اسوأ يوم في حياته تاريخ 5/11/2005

ليش مايكون اسوأ يوم في تاريخ نادي العين ؟ :D

شكلك ماتسمع عن عيدية الاتحاد
وهذا السنة نحن على موعد مرتقب مع خماسية العيد .. :p
تذكر التاريخ زين ولا تنساه 5-11 <<<<< 11 تعبر عن نتيجة الذهاب 1-1 و الخمسة تعبر نتيجة الاياب 5 - 0 للاتحاد

نرجو لكم وقتا ممتعا مع مسرحية .. "خماسية العيد"

عيناوي متعصب
30-10-2005, 01:36
فتى نجد.. خبرني كم مره فاز الهلال على العين؟؟واي نتايج واي خرابيط انته تتكلم عنها يا حبيبي

واذا الحكم الغى الهدف هالشي بينكم وبين الحكم احنا مالنا خص في السالفه

المهم انه مسجل في لقاء الفريقين تلاقوا مرتين العين فاز فيهن كلهن ولا اتيب اعذار الحكام ولا غيره

والدور ياي على الاتحاااد ليتذوق مرارة خسارة بطولة اسيا

فتى نجد
30-10-2005, 01:02
والله شي راجع لك يالغالي ...:o

اذا تحسب هذي مباريات كسبتها :) وكلهم نفس الحكم وكلهم ملغي فيها هدف وكلهم ظلم تحكيمي


واللبيب بالإشارة يفهم :)


اما عن المباريات اللي فاز فيها ...

في بداية التسعينات وفي الثمانينات وكانت المباريات في ارض العين .. كنا نسوي جولات نغلبكم بالأربعة وبالثلاثة ونرجع للرياض .. يعني لزوم سعة الصدر .. واذكر اني شفت شريط لإحداها انتهت بثلاثية وكانت اشبه بالمسرحيات :) وانا مستعد ارسلها لك :) اذا بغيت .. واقترح تكون بعد مباراة الإتحاد علشان تغير العين مرة وحدة :D ....


والله وحالـــة هذا الهلال :)

عيناوي متعصب
30-10-2005, 01:52
اقولك لا تقولي مباريات ايام الثمانينات يوم كااان الهدف ينحسب عن هدفين والمباراه 88 دقيقه او 92 دقيقه على حسب مزاااج الحكم ولا تقولي مباريات حتى المايكرفون ما كانو مخترعينه

هاتلي مباريات وبطولات في هذا الوقت لأنه انته تتكلم عن مباريات يطلع منهن الغباار

ولا تنسى منتخب عمااان اللي كان يخسر من كل الفريق اليوم يفوز على كل المنتخبات تقريبا

فتى نجد
30-10-2005, 02:04
حتى انت هات لي مباراة من 4 ديسمبر الى 7 ديسمبر فاز فيها العين ::d :d

على كيفك انت تختار وقت ::d ....


مبروك عليك فوزين :) ولكن لما تقرأ الفوزين لازم تقرا الملاحظات اللي قلتها عن المباراتين ويمكن مرفق معها مقاطع فيديو واستمتعوا بفوزكم :) ...

وللأسف احسب يا عيناوي سنتين مانت ذايق فيها الكأس الأسيوي .. هالسنة من العميد والسنة الجايه يقولون الهلال مشارك وانسى الكأس :) (( بعون واحد احد )):) ...

ALQaisar
30-10-2005, 04:50
العين تاريخة مع الاندية السعودية سيء
ولا تنسى ان الاهلي السعودي فاز على العين 5-0 في جدة
وهذي ثاني مباراة للعين في جدة واتوقع انها الخماسية ستتكرر

وبعدين مستوى العين الحالي اقل من مستوى الاهلي السعودي فمابالك بالاتحاد .. ولو العين تواجه مع الاهلي ماكان وصل للنهائي

فتى نجد
30-10-2005, 05:12
ولو العين تواجه مع الاهلي ماكان وصل للنهائي

في هذي صدقــت ;) ...



وهذي ثاني مباراة للعين في جدة واتوقع انها الخماسية ستتكرر


حلوووو اجل انشالله السنة الجاية نبي نلعب في جدة :d

a.d
30-10-2005, 05:37
ولو العين تواجه مع الاهلي ماكان وصل للنهائي


اضعف فريق في دور الـ8 طلع الاهلي :p يعني احمد ربك ما لعب مع العين

لو الشباب في الدور الثاني بتقولون لو العين يواجه الشباب ما كان وصل للنهائي

فتى نجد
30-10-2005, 05:45
الشباب .. فريق عادي وكله شباب .. ومهوب فريق يمثل خارجيا ... :) يعني بالنسبة مثل الأهلي عندكم :)

a.d
30-10-2005, 05:48
الشباب بطل دوريكم الموسم قبل الماضي عادي ؟؟؟؟؟؟؟؟؟

اذا البطل عادي يعني الباقين شو ؟؟؟؟؟؟؟؟؟؟؟؟

عيناوي متعصب
30-10-2005, 12:25
ههههههههههه الفريق اللي طلع الاهلي السعودي فزنا عليه 6/0 يا حبيبي فتح عيونك

اقولك يا فتى نجد انتي تحسم الامور على كيفك؟تعادل في ملعبنا مب يعني خسرنا البطوله..والايام اليايه بتثبت لك هالشي

ونصيحه لك: من الحين جهزوا اعذار لخسارتكم الاسيويه

والسنه اليايه حلاته ويا الهلال

وبنشووف شوه بيسون .

فتى نجد
30-10-2005, 13:27
عيناوي متعصب .. من جد متعصب ...



اقولك يا فتى نجد انتي تحسم الامور على كيفك؟تعادل في ملعبنا مب يعني خسرنا البطوله..والايام اليايه بتثبت لك هالشي


:eek: :eek:



ونصيحه لك: من الحين جهزوا اعذار لخسارتكم الاسيويه

والسنه اليايه حلاته ويا الهلال

وبنشووف شوه بيسون .



تصدق من اول ماعرفتكم وانتم تتكلمون ماشفنا شي ...

بإنتظار هزيمة الإتحاد :D حسبي الله على ابليسك ضحكتني :D

ALQaisar
30-10-2005, 13:39
اضعف فريق في دور الـ8 طلع الاهلي :p يعني احمد ربك ما لعب مع العين

لو الشباب في الدور الثاني بتقولون لو العين يواجه الشباب ما كان وصل للنهائي

صحيح شنزهين طلع الاهلي لكن مستواه اقل بكثير من الاهلي .. والاهلي فرط كثير وكان مفروض على الاقل 5-0 في جدة ويتاهل بسهولة ..

يعني مو شرط ان العين فاز على شنزهين بيفوز على الأهلي لان الفرق الخليجية اذا لعبت مع بعض تختلف الامور عن اللعب مع اندية اسيوية حتى لو كانت اقل مستوى من الاندية الاسيوية

وبعدين ليش الكلام النظري ؟ احنا شفنا العين قدام الاتحاد وكيف كان مستواه

ALQaisar
30-10-2005, 13:53
ههههههههههه الفريق اللي طلع الاهلي السعودي فزنا عليه 6/0 يا حبيبي فتح عيونك

.

فزتو عليه 6 - 0 لكن لو كان الاهلي ماراح تتأهلون عن طريقه .. واكبر دليل ان شنزهين اضعف بكثير من الاهلي السعودي .. هل تتوقع ان العين ممكن يفوز على الاهلي 6-0 ؟؟؟ يعني لو ساعدتكم الظروف وتأهلتو يمكن تفوزون 1-0 على ارضكم وتعادل سلبي خارج ارضكم



اقولك يا فتى نجد انتي تحسم الامور على كيفك؟تعادل في ملعبنا مب يعني خسرنا البطوله..والايام اليايه بتثبت لك هالشي



طيب اذا في ملعبكم ماقدرتو على الفوز كيف بالله تفوزون خارج ملعبكم .. انتم في ارضكم وبين جمهوركم متوترين ومرتبكين .. كيف لو لعبتو قدام الاتحاد وبين جماهيره ؟؟؟؟؟؟ وصدقني لو عندكم شيء ممكن تقدمونه كان قدمتوه في الذهاب .. لكن كلامك هذا من باب التمسك باخر بصيص للامل :D



ونصيحه لك: من الحين جهزوا اعذار لخسارتكم الاسيويه



مثل مانتم جهزوتها من بدري .. وهي ماتشلا وطريقته ؟
احنا منحتاج اعذار .. وانصحكم تلعبون بطريقة دفاعية اكثر من الذهاب .. لان التنتيجة بتكون قاسية جدا .. وفيه مفاجأة جهزو انفسكم لها

فأحسن لكم ارضوا بالتعادل السلبي .. وكثفوا الدفاع .. حتى يكون خروج مشرف

عيناوي متعصب
30-10-2005, 13:55
فتى نجد انته ما اطوف :D !! حشى



تصدق من اول ماعرفتكم وانتم تتكلمون ماشفنا شي ...


كيف ما شفت شي وغلبناكم مرتين وخذنا بطولة كاس الخليج من الاتحااااد ؟؟ :)

عيناوي متعصب
30-10-2005, 14:02
فزتو عليه 6 - 0 لكن لو كان الاهلي ماراح تتأهلون عن طريقه .. واكبر دليل ان شنزهين اضعف بكثير من الاهلي السعودي .. هل تتوقع ان العين ممكن يفوز على الاهلي 6-0 ؟؟؟ يعني لو ساعدتكم الظروف وتأهلتو يمكن تفوزون 1-0 على ارضكم وتعادل سلبي خارج ارضكم

وجهة نظر لكن على الواقع غير


طيب اذا في ملعبكم ماقدرتو على الفوز كيف بالله تفوزون خارج ملعبكم .. انتم في ارضكم وبين جمهوركم متوترين ومرتبكين .. كيف لو لعبتو قدام الاتحاد وبين جماهيره ؟؟؟؟؟؟ وصدقني لو عندكم شيء ممكن تقدمونه كان قدمتوه في الذهاب .. لكن كلامك هذا من باب التمسك باخر بصيص للامل :d

اعطيك مثال: الاتحاااد السعودي خسر امام الفريق الكوري (في ارضه) 3/1 ..<<خسر مب تعادل

وفي كوريا فاز 5/0

اعتقد هالمثال كافي لك..


مثل مانتم جهزوتها من بدري .. وهي ماتشلا وطريقته ؟
احنا منحتاج اعذار .. وانصحكم تلعبون بطريقة دفاعية اكثر من الذهاب .. لان التنتيجة بتكون قاسية جدا .. وفيه مفاجأة جهزو انفسكم لها

فأحسن لكم ارضوا بالتعادل السلبي .. وكثفوا الدفاع .. حتى يكون خروج مشرف


اصلا الكل يعرف انه تكتيك ماتشالهه ضعيف واكبر مثال يوم درب منتخب (السعوديه) وفي اول مباراه انهزم 4/1 من اليابان وعلى طول اقالوه من منصه

انزين انته تخيل انه المباراه كانت نتيجتها 0/0 وفي الوقت بدل الضايع واخر دقيقه منه بلنتي لصالح العين واحرزنا منه هدف وخلصت المباراه وفاز العين في المباراه وخذ الكاس

سؤال: لك ويه بعد المباراه تكلمني وتناقشني؟ :p :D

C@$h B0X
30-10-2005, 14:06
تاريخ 5/11/2005
شباب الوعد بعد هاليوم .. مو الخاسر يختفي 3 شهر عن الديوانيه :p
وقتها لازم نعرف الاعذار للخاسر :p .. ممكن حكم وممكن مدرب ممكن لانها بأرض خصمك :D

ALQaisar
30-10-2005, 14:25
انزين انته تخيل انه المباراه كانت نتيجتها 0/0 وفي الوقت بدل الضايع واخر دقيقه منه بلنتي لصالح العين واحرزنا منه هدف وخلصت المباراه وفاز العين في المباراه وخذ الكاس

سؤال: لك ويه بعد المباراه تكلمني وتناقشني؟ :p :D

يعني انت معترف ان العين لايمكن يفوز الا بهذه الطريقة !
وهذا دليل على اقتناعك بأن الاتحاد هو الافضل .. وهذا هو اساس الكلام

لا وبعدين لاحظ من كثر الخوف وعدم الثقة .. يقول ضربة جزاء في اخر دقيقة عشان الاتحاد مايكون عنده وقت يعدل خخخخخخخخخخخخخ
طيب خله في اخر ربع ساعة .. لهذي الدرجة الخوف مالي قلوبكم

فتى نجد
30-10-2005, 14:52
فتى نجد انته ما اطوف :D !! حشى


مافهمت ..:rolleyes: لا تكون مسبه بس :D




كيف ما شفت شي وغلبناكم مرتين وخذنا بطولة كاس الخليج من الاتحااااد ؟؟ :)


نادي الرائد يفوز على الهلال ...:) شي عادي ...

ولكن يفوز بمجهوده ;)

C@$h B0X
30-10-2005, 14:55
على طاري الهلال والعين .. عن المبارتين اللي لعبوها فيها شي غريب :o

* كل المباراتين .. انتهت بهدف "بلنتي"
* كل المباراتين .. مسجلها "غريب حارب"
* كل المبارتين .. بأرض المستضيف "العين"
* كل المبارتين .. فيها ظلم من نفس الحكم "اوكادا"
* كل المبارتين .. فيها هدف صحيح للهلال ملغي "الثنيان و التمياط"

كأنك تشوف المباراه اعاده لوول :o

- مو قاعد اطلع اعذار ... بس شي طريف اللي صاير :D :p

السحابة 9
30-10-2005, 15:18
* كل المباراتين .. انتهت بهدف "بلنتي"
D :p[/COLOR]



على ما أذكر المباراة اللي كانت في دوري أبطال آسيا قبل سنتين كان هدف غريب حارب بالرأس ....

متأكد يا كاش من كلامك ....

C@$h B0X
30-10-2005, 16:18
اللي قبل سنتين كان بلنتي :)
حتى اللي سبب البلنتي "سانجو" بعد اعاقه من احمد خليل .. وسجلها "غريب" :)

عيناوي متعصب
30-10-2005, 16:51
يعني انت معترف ان العين لايمكن يفوز الا بهذه الطريقة !
وهذا دليل على اقتناعك بأن الاتحاد هو الافضل .. وهذا هو اساس الكلام


انته اقر الجمله عدل واذا ما عرف بقراها عنك




انزين انته تخيل انه المباراه كانت نتيجتها


ان شاء الله عادل تفهم قصدي


مافهمت ..:rolleyes: لا تكون مسبه بس :D

يوم بتي الاماارات بتعرف معناها :D



ولكن يفوز بمجهوده ;)

هههههههههه طاعوا منوه يرمس

اصلا انتو اخر ناس تتكلمون عن التحكيم والكل يعرف عنكم في المملكه انه اغلبية الحكااام تميل لصالحكم

والبركه في جماااهيركم ما بقوا شي ما قالوه عنكم

ALQaisar
30-10-2005, 16:57
اذا المسالة تخيل فماهي مشكلة ..
انا بتخيل ان الاتحاد يجيب هدف التعادل في الدقيقة الثالثة للوقت بدل الضايع .. لأن من كثر تضييع لاعبي العين للوقت يمكن يحسب الحكم 5 دقايق بدل وقت ضايع

وبعدين كرة القدم فيها مفاجاءات وفوز العين سيكون مفاجاة وليس بسبب تفوق المستوى .. وانا قلت قبل كذا هذا الكلام

عيناوي متعصب
30-10-2005, 17:22
مفاجأه؟؟؟؟؟

حبيبي كرى القدم فيها نوعين

فايز او خاسر

ماشي بالمفاجأه ولا هالكلام الفاضي

انا اعترف انه فريقكم قوي واعترف انه في القطاره مسك زمام الامور لكن انتو بعد لازم تعترفون انه العين قادر يرجع للمباراه والعين يقدر يباغتكم ويلعب وياكم في المباراه في ارضكم وانتو ضايعين في الملعب

ALQaisar
30-10-2005, 17:55
ماتوقع ان العين يرجع للمباراة .. لكن متوقع انه بيكون اكثر ارتباك

الاتحاد كلهم لاعبين خبرة ومحترفين وكلهم دوليين , وصعب يضيعون مثلكم .. والاتحاد هو اللي يباغتكم بهدف يربك الي مايرتبك ويخليكم مهزلة ومسخرة قدام اللي يسوا واللي مايسوا .. هههههههههه

وبالنسبة للمفاجأة فانا اقولها لانها هي الامل الوحيد لكم ونسبته ماتزيد عن 1% ..

ALQaisar
30-10-2005, 17:57
وبمناسبة الكلام عن المفاجاة .. كل فريق ضعيف مثل العين له مفاجاة وحدة في البطولة .. واعتقد انه حصل عليها امام باس الايراني ..
يعني خلاص راحت عليكم .. ومالكم الا التسليم بالامر الواقع

مش ممكن
30-10-2005, 17:59
انا اقترح عليكم تأجلون الكلام لين وقت المباراه افضـل ! :)

b4e
30-10-2005, 18:26
الميدان هو اللي بيحكم..
الميدان هو اللي بيشوف من يستاهل البطولة..
وهذا الميدان ياحميدان!!
وبالتوفيق للي في بالي!!

Ŝmα®Ђ βộỳ
30-10-2005, 18:42
انا اقترح عليكم تأجلون الكلام لين وقت المباراه افضـل ! :)

محد راح يسمع كلامك أخوي :) بيتكلمون الين ما يصفر الحكم بداية المباراة !!

السحابة 9
30-10-2005, 19:02
اللي قبل سنتين كان بلنتي :)
حتى اللي سبب البلنتي "سانجو" بعد اعاقه من احمد خليل .. وسجلها "غريب" :)


في مباراة سجل غريب للعين وكان مدربهم بلاتشي ويلعب معهم عبيدي بيليه والداوودي ....

وش كانت مناسبة هالمباراة ....

C@$h B0X
30-10-2005, 21:39
سحابة يعني لازم .. تمسك علي شي :p
ايام بيليه والداودي .. انت كان قصدك اللي في 1999 مو 2003 "قبل سنتين مثل ماتقول" :)
1999 خبري بلنتي .. بس ممكن تلخبطت علي الامور وخاصه انها قديمه 6 سنين :o

المهم اعتذر اذا فيه خطأ مني :o

عيناوي متعصب
31-10-2005, 00:16
القيصر انا ما اسويلك اعتبار وردك يعبر علي مرور الكرام :)

سلملم

فتى نجد
31-10-2005, 02:15
هههههههههه طاعوا منوه يرمس

اصلا انتو اخر ناس تتكلمون عن التحكيم والكل يعرف عنكم في المملكه انه اغلبية الحكااام تميل لصالحكم

والبركه في جماااهيركم ما بقوا شي ما قالوه عنكم

حلوة هذي ... خلني ارمس ياخوي ;) ...

وعلى فكرة تراني اعرف اماراتيين .. كثييييير وأغلبهم يشتكي من محاباة العين إعلاميا ومن اتحاد الكرة :) ....

أما الكلام اللي بالأحمــر ... فللأســـف حتى البزارين مايقولونها :D




يوم بتي الاماارات بتعرف معناها :D




بأجي واقلط عندك ;) ...

مش ممكن
31-10-2005, 04:06
حلوه ذي ياعيناوي متعصب !


لي قلنا الاتحاد بيفوز قلتوا الاتحاد ماخذ ولابطوله محليه بعكس الهلال الي حقق الثلاثيه فكيف ستغلبون العين !

وعندما نتكلم عن الهلال وعن بطولاته واحقيته التي تريدون سلبها بعذر بطوله اسيويه وحيده تقولون الحكم لهم دور في تفوق الهلال ؟!!!!!!!!!!!!!:confused: :eek:


عجبي !


لوبنتكلم عن التحكيم .. بنتكلم عن الحكم الي سلب البطوله الاسيويه من الفريق التايلاندي واعطاه العين وانت اخبر اكيد بالشي ذا ! :)

فتى نجد
31-10-2005, 04:13
8
8
8
8

استر على ما واجهت :d .....



في الأخيــر محسوبة بطولة خليجية ... :) ... وحلال عليهم البطولة وحنا ماشفنا شي :d ... وفي النهاية محسوبة للعرب والخليجين خلنا نحاسب بعضنا ;)

فيصل السعودية
31-10-2005, 05:38
العيـن فريق كبير وبطـل .. ومرشح كالعاده !


وممكـن يسويها لاسمح الله ويطير بالكـاس !

يعني أنتوا تحسبون بس الإتحاد قوي ؟ وإن المباراة محسومـة !

غلطانييييييييييين ترى !

الأخ القيصر يقول إن لاعبي الإتي محترفين ولاراح يضيعون فرص ؟؟؟

رونالدو وزيدان وريكيلمي .. يضيعووون أحيانـاً بالكوووم ؟

وش دعوه هم أحسن منهم يعني ؟؟



لاتقللون من أي منـافس مهما كـان !

النفخـه والإستحقاااار .. ممكـن تنقلب عليك وتلعن خامس خامسك ؟؟


اللهم أحفظ نادي الإتحاد من عقلية بعض جماهيره .. آآآآآآآآآآمين

مش ممكن
31-10-2005, 05:47
اخوي فيصل لاتعمم ! الي قال النتيجه محسومه غلطان !

و اعتقد فيه عضو او عضوين من مجمل الاعضاء هم الي يمكن تفاءلوا بس محد قال ان النتيجه حاسمه !

اكيد المباراه صعبه وهذي مباراه نهائيه ومافيه شي اسمه محسومه ! :)

ALQaisar
31-10-2005, 08:02
الأخ القيصر يقول إن لاعبي الإتي محترفين ولاراح يضيعون فرص ؟؟؟
رونالدو وزيدان وريكيلمي .. يضيعووون أحيانـاً بالكوووم ؟

وش دعوه هم أحسن منهم يعني ؟؟



:D

ههههههههههههه

كلمة "فرص" هذي من اضافتك .. يافيصل السعودية .. وهي اللي غيرت المعنى :p

انا قلت لاعبي الاتحاد محترفين ودوليين وماراح يضييييييييييييييعووووووووووووون .. يعني ماراح يكونون ضايعين في الملعب مثل ماقال صاحب الكلام اللي انا كنت ارد عليه

وهذه كلامه:
7
7
7

والعين يقدر يباغتكم ويلعب وياكم في المباراه في ارضكم وانتو ضايعين في الملعب




اما لو كان المقصود مسألة تضييع الفرص فليش نروح لرونالدو وزيدان .. مهاجمين الاتحاد انفسهم ضيعو فرص بالكوم في الامارات وكان ممكن يخرج فايز بفرق ثلاث اهداف :D

ALQaisar
31-10-2005, 08:20
وبعدين بالنسبة لاحترام الخصم وعمل حساب له وعدم الاستهتار به .. الخ

هذا الكلام ينقال للمدرب والادراة واللاعبين .. وهذا هو الشيء اللي قاعدين يطبقونه من غير ماحد يوجه لهم نصايح .. :)

لكن بالنسبة الجماهير شيء ثاني .. الجماهير في كل انحاء العالم هذه هي مهمتها .. التشجيع وفقط .. وليس تذكير فريقهم ولاعبيهم بقوة الخصم .. لأنهم عارفين وداخلين الملعب وهم جاهزين من هذه الناحية وماهم ناقصين توجيهات .. ولكنهم محتاجين الدعم ورفع الروح والحماس

وبعدين ماني فاهم ايش المطلوب من الجماهير .. وكيف ممكن يحترمون الخصم حتى لا تنقلب عليهم الثقة بشكل عكسي .. يجلسون يراقبون نقاط القوة في الخصم .. والا يتابعون مباريات الخصم السابقة ووضع خطط مناسبة للفوز وايقاف مصادر الخطورة .. والا يكتبون لافتات تحذيرية للاعبيهم .. ولا يكتبون مقالات تحذيرية في الصحف واي مكان ..

لو دخلت الجماهير للملعب بعقلية المدربين واحترام الخصم .. كان شفنا الملاعب يغطيها الصمت والقلق والتفكير وهذا بدوره ينتقل للاعبين .. الجماهير لازم تكون متفائلة لابعد الحدود وهذا اللي يحصل في كل انحاء العالم ..لكن الظاهر عندنا كل واحد يبغا ينصب نفسه مدرب اومحلل رياضي ويشيل هم التفكير في قوة الفريق المقابل ههههههه

عيناوي متعصب
31-10-2005, 11:46
يا حبيبي كل واحد ويطلع ويقول كلام

سعودي فور ايفر..الفريق التايلندي بروحه اعترف انه العين كان يستحق الفوز وانه العين جدير باللقب

واذا تبا تشوف ظلم التحكيم..شوف مباراتنا ويا داليان الصيني .وليد سالم طاح مصب والحكم كمل اللعبه وجابو قول ومع ذلك بعدنا غلبناهم واتأهلنا على حسابهم

وسمحولي فيه عقليات انا ما برد عليها لأنها ادنى مني.

السحابة 9
31-10-2005, 12:55
للأسف الردود راح تجبرنا نغلق الموضوع ....

أتمنى يكون الإحترام سائد بيننا ....

الإتحاد والعين فريقين كبيرين ومبروك مقدماً للفائز وهاردلك للخاسر ....

(مغلق)