المساعد الشخصي الرقمي

مشاهدة النسخة كاملة : سلطان بن فهد قد لايحضر النهائي...!!!!(((وجهة نظر)))



MoonSun
03-11-2005, 03:26
سلام عليكم...

توقعاتي الخاصة تقول ان كثير من أعضاء الاتحاد السعودي لكرة القدم سيتغيبون

عن حضور النهائي الاسيوي !!!!

وعلى رأسهم رئيس اتحاد الكرة سلطان بن فهد ونائبه نواف بن فيصل...!!!

طبعاً كلنا يعرف المشاكل الحاصلة بين اتحاد الكرة السعودي ونظيرة الاتحاد الاسيوي...

توقعاتي الخاصة ان سلطان بن فهد راح يوكل المهمه لاي شخص اخر للحضور نيابةً عنه..

كلنا يعرف مراسم التتويج ...ان من يسلم الكأس هو رئيس الاتحاد الاسيوي ...

والي راح يكون الراعي الرسمي للختام...!!!

وربعنا مايرضون يجي واحد من برا البلد ويسلم الكأس ويجتذب الاضواء وهم واقفون...

اتوقع والله اعلم ان الغياب الجماعي للاتحاد السعودي لكرة القدم هو السمة البارزة في النهائي ...

محمد محمد خليفه
03-11-2005, 03:32
ماعتقد يا اخي قيادات الكره بالسعوديه تهتم بالاضواء كثر ماتهتم بدعم الفريق وتواجدها معاهم اسمحلي اخالفك انا اتوقع يحضرون على الاقل نواف بن فيصل

راية العز
03-11-2005, 04:33
عاد اهم شي ابن همام يجلس في المنصة :):):)


و لا بيجينا ما جاء للقادسية الكويتي ;)

محمد محمد خليفه
03-11-2005, 04:53
عاد اهم شي ابن همام يجلس في المنصة :):):)


و لا بيجينا ما جاء للقادسية الكويتي ;)
:) والله يسويها يتبلى عليكم :) ترى اول شي يسال عنه قبل يحضر اي دوله باي كرسي اقعد

فتى نجد
03-11-2005, 17:44
ابن همام يبي يجي :confused: :confused: <<<<< راح يحمي السيارة ...:mad: :mad:


ودي اخنق هالرجال ..:) ...

واما على سالفة ... الغياب للشخصيات .. فما اتوقع .... راح يحضرون ;) ... مع ان ابن همام مهوب كفو يسلم كاس وابن فهد جالس بس مايخالف .. :(

الوهـبي
03-11-2005, 18:00
و لا بيجينا ما جاء للقادسية الكويتي ;)


عندكم رياييل يوقفونه عند حده مو اللي عندنا ...

عاشق الإتي
04-11-2005, 00:17
والله ياشباب اشوفكم شايلين على بن همام .. لاتنسون انه ابن الخليج .. حتى لو اختلفنا معه في طريقة ادارته للإتحاد الآسيوي .. يعني شوي شوي عليه.. على الأقل احتراماٌ لإخواننا القطريين

الريانه
04-11-2005, 03:01
لازم يقعد بالسطره الاولى وهو لاهو ولد شيخ ولاهو بملك ..حاله حال خلق الله ..

وديرو بالكم منه تراه يدور " الشاره " على الاتحادات الخليجيه ...

مدري شقصته هالرجال ؟ كله ضد ابناء عمومته من دول الخليج ..

armadaa
04-11-2005, 05:12
مون سن .. وش المشاكل اللي بيننا وبين الاتحاد الاسيوي ؟؟

اتوقع لو فيه مشاكل كان ماوافق الاتحاد على تاجيل النهائي لبعد رمضان !!

MoonSun
04-11-2005, 12:26
إذا قال مووون فصدقوه...والله ماني سهل...:rolleyes:

الامير سلطان يعتذر عن الحضور ويكلف نائبه نواف بن فيصل...

قلت لكم فيه مشاكل بين الاتحاد السعودي والاسيوي...

وبن همام هو اللي راح يسلم الكأس وهذا اللي راح يزعل ربعنا...

اخوي armadaa
اعتقد الحين عرفت انه فيه مشاكل بينهم...

ALQaisar
04-11-2005, 13:52
وهو لاهو ولد شيخ ولاهو بملك ..حاله حال خلق الله ..



يعني ولد الشيخ والملك والامير .. حالهم مو مثل حال خلق الله ؟!

لا يكونون ماهم من خلق الله واحنا ماندري :D

حايلاووي
04-11-2005, 22:00
بسلامته وكل له عذره ومشاغله

اهم شي ياخذ الاتحاد الكأس من بؤبؤ العين

الريانه
05-11-2005, 03:00
يعني ولد الشيخ والملك والامير .. حالهم مو مثل حال خلق الله ؟!

لا يكونون ماهم من خلق الله واحنا ماندري :D

لا تخاف بشر ( زيي وزيك )

بس اذا ما كنت تعرف ان الشيوخ والامراء لازم يجلسون في الصفه الاولى بالمقصورة فهذه مصيبه :) ;)

tito2000
05-11-2005, 07:28
والله ياشباب اشوفكم شايلين على بن همام .. لاتنسون انه ابن الخليج .. حتى لو اختلفنا معه في طريقة ادارته للإتحاد الآسيوي .. يعني شوي شوي عليه.. على الأقل احتراماٌ لإخواننا القطريين

كلامك هو عين العقل
:67:
وبالنسبه لموضوعك أخوي مون صن .. وماأعتقد ان عقليات سلطان ونواف توصل لهالدرجه .. يابنسلم الكاس والا ما بنجي :confused: .. وابن همام هو الرئيس ومعروف هو اللي لازم يسلم الكأس .. وان شاء الله مافيه خلافات بينهم .. :)

محمد محمد خليفه
05-11-2005, 11:16
بسم الله الرحمن الرحيم
انا اايد كلام اخوي مون صن فيما يتعلق انه فيه مشاكل لان بن همام عندما انتخب رئيس الاتحاد الاسيوي لن يتم ذالك الا بمساعده الاخوه بالسعوديه والكويت وباقي دول الخليج لان لهم ثقل بالاتحاد الاسوي ولهم خبره بالتاثير بالانتخابات وبعد ان نجح بن همام اول تصريح صرحه ..... الى متى والاخوه بالكويت والسعوديه يمثلونا بالخارج .... ومن هنا بدات الخلافات واتوقع يا ابن همام هذا اكبر منصب راح تحصل عليه ولن يتم انتخابك مره اخرى حتى بعد ان تاكدت انه اخوتك بالخليج لن يقفوا معك مرة اخرى ووطدت علاقتك ببلاتر وبلاتر لن ينفعك

ALQaisar
05-11-2005, 12:44
لا تخاف بشر ( زيي وزيك )

بس اذا ما كنت تعرف ان الشيوخ والامراء لازم يجلسون في الصفه الاولى بالمقصورة فهذه مصيبه :) ;)

معلومة خطيرة

الشيوخ والا مراء لازم يسجلون في المقصورة .. تصدقين اول مرة اعرف :eek:


المهم القصد هو تصحيح العبارة وكنت اتوقع انك اكثر نباهة من كذا


حاله مثل حال باقي خلق الله .. لأن كلمة باقي هي اللي تغير المعنى

بو فيصل
05-11-2005, 17:36
السلام عليكم ... والله المفروض مافيه فرق بين شيخ وأمير وبين أي فرد من افراد المجتمع وكلنا أولاد آدم .. هذا هو المفروض طبعا ً ... وسواء حضر سلطان بن فهد او ما حضر ... المباراة راح تصير وراح يفوز واحد منهم بالكاس سواء العين وهذا اللي اتمناه ان شاء الله تعالى او حتى الاتحاد وذا فاز الاتحاد بالكاس بكون اول واحد يهني الآتي ويستاهل والله فريق قوي وخطير , ونظل أولا واخيرا ً أخوه وعيال عم , ماتفرقنا كره لا بارك الله فيها من كره ..

تقبلوا تحياتي

الريانه
06-11-2005, 01:33
معلومة خطيرة

الشيوخ والا مراء لازم يسجلون في المقصورة .. تصدقين اول مرة اعرف :eek:


المهم القصد هو تصحيح العبارة وكنت اتوقع انك اكثر نباهة من كذا


حاله مثل حال باقي خلق الله .. لأن كلمة باقي هي اللي تغير المعنى


:)

لاحول ولا قوة لا بالله ..

( حاله حال خلق الله .. )

( حاله حال باقي خلق الله )

نفس المعنى جزاك الله خير ;) :)

بتعلمني يعني ؟؟!

فيجو قطر
06-11-2005, 15:20
والله ياشباب اشوفكم شايلين على بن همام .. لاتنسون انه ابن الخليج .. حتى لو اختلفنا معه في طريقة ادارته للإتحاد الآسيوي .. يعني شوي شوي عليه.. على الأقل احتراماٌ لإخواننا القطريين

مشكور على مشاعرك الطيبه

وخلهم يقولون اللي يقولون ماعاد نهتم والله

بو فيصل
06-11-2005, 17:46
فيجو قطر .. ماعليك منهم .. كلامهم هذا يدل على الحقد اللي في قلوبهم على أي واحد يمسك الاتحاد من غير بني جنسهم

نسأل الله العفو والعافية