المساعد الشخصي الرقمي

مشاهدة النسخة كاملة : هل خسر الهلال الدوخي ؟



مش ممكن
07-11-2005, 15:13
عاد الدولي المحترف أحمد الدوخي للتأكيد من جديد أنه من فئة النجوم الكبار الذين يملكون مفاتيح التألق حتى وأن اختلفت وتعددت محطاتهم الكروية. وأحمد الدوخي الذي وقع في كشوفات نادي الاتحاد قبل نهاية الموسم الماضي عقب مشوار طويل قضاه مع ناديه الأصلي (الهلال) والمنتخب السعودي الأول لكرة القدم في العديد من المحطات الخارجية عربياً وخليجياً وقارياً وعالمياً، اتفق الجميع على تصنيفه كأفضل من يلعب في الظهير الأيمن بالملاعب السعودية، الأمر الذي أغرى الرئيس الاتحادي منصور البلوي لضمه إلى كتبية نجوم العميد التي باتت في سنوات طويلة بحاجة إلى عنصر يخدم الجهة اليمنى في خط دفاع من ماركة أحمد الدوخي. وصاحب انتقال هذا اللاعب من الهلال إلى الاتحاد ضجة إعلامية كبيرة للمكانة والجماهيرية غير العادية التي يتمتع بها الناديان واللاعب نفسه. وتواصلت ردود الفعل ما بين مؤيد ومعارض وسط تأكيدات البعض بأن أحمد الدوخي لن يكتب له النجاح في ناديه الجديد، إلا أنه خالف كل هذه التوقعات وقدم نفسه بثوب النجومية المعتاد عنه من خلال دوري أبطال كأس آسيا والمشاركة في الوصول بالفريق إلى نهائيات كأس العالم باليابان التي أكد اللاعب أن ابرز أهم الأسباب التي أغرته للانتقال إلى نادي الاتحاد تتمثل بالمشاركة في مونديال الأندية.

b4e
07-11-2005, 15:31
الهلال ماخسر الدوخي..
الدوخي هو اللي خسر الهلال..
اللي طلع لاعب مثل الدوخي يطلع اكثر من دوخي..
الزعيم لايخسر لاعبين لكن الاعب هو اللي يخسر الزعيم..

مش ممكن
07-11-2005, 15:57
وجهة نظرك واحترمها .. شاكر لك مرورك اخوي :)

malaki^asfar
07-11-2005, 16:05
الدوخي لاعب كبير ومكسب لاي فريق ومستواه سواء في الهلال او الاتحاد رائع وما نقدر نقول انه الهلال خسر الدوخي لانه الهلال قلعه يتوفر فيها اللاعبين المواهب والنجوم بكثره ومثل ما انجب الدوخي اكيد في غيره على قائمة الانتظار ومحتاجين الفرصه لاثبات الوجود ...

مش ممكن
07-11-2005, 16:08
رد جميل وعقلاني ومو مستغرب منك اخوي ملكي :)

وانا اايد اغلب النقاط الي ذكرتها في كلامك ... وننتظر اراء البقيـه .. :)

فتى نجد
07-11-2005, 16:30
خلني اكون معك واقعي اخوي عين العقل :) ....


ممكن تجيبها من الجهتين ..

الجهة الأولى ان الدوخي خسر الهلال .. يمعنى اللي يطلع من ناديه ماراح يكون نجم الجماهير .. ومثل مايقولون (( من طلع من داره قل مقداره )) والكل شاف القهوجي النجم الجماهير الأوحد لجماهير الأهلي ونجمها المدلل ... لم يجد في الإتحاد ي معاملة خاصة او متابعه جماهيريه ... نرجع للدوخي .. الدوخي بإعتقادي الشخصي لو اكمل حياته الكروية بالهلال راح يجد تقدير أكثر من الجماهير...

الجهة الثانية ... الهلال مهوب خسران ... ولكنه لم تعد الجهة اليمنى قوة ضاربة ...:) .. وانت خابر يا عين العقل انه ممكن يجيك واحد نقطة ضعف وواحد مكمن قوة وواحد مؤدي ... وانا اشوف ان الشباب الموجودين في الجهة اليمنى مؤدين :) .. ولم تعد الجهة اليمنى الهلال قوة ضاربة ... ولا تنسى ان المشرفين على الناشئين والشباب في الهلال شغالين 100% مشالله عليهم .. وانتظر موسم او موسمين وراح تلقى نجم في هالمركز انشالله :)


لكــ تحياتي

سعودي أنا
07-11-2005, 16:53
بالذات هالموسم الهلال نعم خسر الدوخي
الدوخي أفضل ظهير أيمن في السعودية حالياً وحتى الهلاليين ما ينكروا هالشي
انا اقول لكم ليش بالذات هالموسم
هذا الموسم الهلال فيه " العنبر و ياسر " والكل يعرف انهم يتميزون بضربات الرأس
لذلك يحتاجون إلى لاعب صاحب عرضيات ورفعات دقيقة من الجهة اليمنى " مثل رفعات الدوخي "
وأكيد الهلال راح يتأثر بانتقال الدوخي الى أن يظهر لاعب بمستواه وحالياً صعبة لان الدوخي في عز مستواه وتألقه واللاعبين الهلاليين اللي في مركز الظهير الايمن الى الان لم يظهروا بنصف مستوى الدوخي
الياس ممتاز لكن لا يصل الى مستوى الدوخي أبداً حالياً
الدوخي " رفعته والقول " :d اذا كان فيه لاعب يقدر الهدايا :)

ماشاءالله الدوخي من بدايته ما تغير مستواه
اتذكر رفعته على راس طلال المشعل في نصف نهائي كأس آسيا 2000
وعرضيته المتقنة على راس كالون في اياب نصف نهائي آسيا ضد بوسان في جدة
5 سنوات بين المباراتين والمستوى ثابت ما شاء الله تبارك الله

فتى نجد
07-11-2005, 17:00
صحيح كلامك ....


بس اذكر انكم قلتوا ان العيسى افضل بمراحل وان الدوخي مستهلك يوم كان في الهلال وانه لو نعطيه مية كورة مايرفع منها 2 صح :rolleyes: ...


سبحان مغير الأحوال الحين صرتوا تقولون اللي كنا نقوله :) ...

tito2000
07-11-2005, 17:41
[quote=saudi4ever]
اتفق الجميع على تصنيفه كأفضل من يلعب في الظهير الأيمن بالملاعب السعودية،



مساك الله بالخير أخوي .. أتفق الجميع صحيح !!! بس قصدك بعد اعتزال شليه .. صح ؟ !! لأن شليه هو الظهير الأيمن للمنتخب من زمان ..
وبالنسبه للموضوع ..أنا من رايي الدوخي كان عادي بالمباراة ..بس العيناويين كانوا (دايخين) وأعتقد ان رئيس الهلال كان صادق يوم قال ان الدوخي منتهي الصلاحيه والصراحه ماأحد توقع ان الاتحاد يشتريه لأنه استهلك .. لاتزعلون يااتحاديه .. هذا رايي
الشخصي .. ودامت أيامكم أفراح :)

armadaa
07-11-2005, 18:31
الدوخي لاعب كبير .. ومستوى حلو ..

استفاد من الهلال .. ايضا الهلال استفاد منه ..

لكن .. اعتقد انه خلاص .. وصل لمرحلة اشباع مع الهلال .. ومايقدر يضيف جديد ..

ففضل الانتقال .. والهلال عنده مواهب كثيرة .. ويقدر يشتري لاعب بخانة الظهير الايمن ..

وحاليا عنده العصفور وياسر الياس ..

وبالتوفيق للدوخي مع الاتي .. وبالتوفيق للزعيم .. الهلال

وسم
07-11-2005, 22:32
الهلال لم يخسره والاتحاد ربحه .....

بنت الزعيم
07-11-2005, 23:16
الهلال ماخسر الدوخي..
الدوخي هو اللي خسر الهلال..
اللي طلع لاعب مثل الدوخي يطلع اكثر من دوخي..
الزعيم لايخسر لاعبين لكن الاعب هو اللي يخسر الزعيم..
كلام مزبووووووووووووط 100%

مش ممكن
08-11-2005, 02:28
مشكورين عالمـرور والمشـاركه الكل ..

لكن عندي تعقيب للاخ العزيز فتى نجد بخصوص القهوجي والدوخي ..

عزيزي فيه فرق بين الاثنين .. الدوخي قدم مستوى الكل يشهد فيـه واثبـت وجوده بعكس القهوجي الي تفنن في الغياب عن التدريبـات وتسببه بخلاف مع المدرب مما سبب عدم الاقتناع المدرب بقدراته وبه وبالتالـي لم يستطع ان يقدم شي يذكر من خلال مشاركة مع الاتحاد وهو يوم كان مع الاهلي وتعاقد معه الاتحاد كان القهوجي لسى راجع من اصابه ومستواه منخفض بالنسبه لمستواه ببداياته .. :)

تحياتي

فتى نجد
08-11-2005, 02:37
صحيح يالغالي ... بس ماتتفق ان النادي اذا طلع من ناديه .. ماعاد يعامل معاملة نجم أوحد ... فأتوقع فيه نور في لإتحاد وفيه المنتشري وقبلهم حمزة ومبروك هذولا نجوم...

تبي تقولي حمزة ومبروك احد جاء من أحد والثاني من الرياض .. ولكن اشتهروا من الإتحاد:)

زعيمهم كلهم
08-11-2005, 03:26
الظاهر انك تحمست من كثر ماتقرا لماجد التويجري الهلال من يوم طلع من عنده الدوخي لها الحين
جايب بطولتين كاس خادم الحرمين وكاس فيصل بن فهد
والدوخي من يوم لعب مع الاتحاد هذي اول بطوله فعليه له مع الاتحاد وهو يلعب اساسي
ولاتصدق ان الدوخي راح للاتحاد عشان بطولة اندية العالم
يعني نقول الثمانيه مليون زينه هههههههههههههههههههه
وبالنسبه للرفعات انا اقولك ما اقارن العصفور بالدوخي لكن بالرفعات اسمحلي معروف ان عيب الدوخي الرفعات يحطها برا على طول لكن شف رفعات العصفور

armadaa
08-11-2005, 07:27
كم مباراة لعبها الدوخي مع الاتحاد ؟؟

سواء اساسي او احتياط ..

صعـــب
08-11-2005, 08:23
الهلال منجم نجوم راح يوسف الثنيان وخالد التيماوي الي لايقارنون بالدوخي ومع ذلك الهلال لازال بطل ! ماتوقع انه بيوقف على الدوخي ......

ALQaisar
08-11-2005, 08:35
8
8
8

بالعكس القادسية والشباب هم منجم للنجوم

صعـــب
08-11-2005, 12:40
8
8
8
طيب وش دخلهم في الهلال؟
الهلال بعد منجم نجوم !!

نويدر
08-11-2005, 13:15
اللي اعرف ان الدوخي مكسب للاتحاد وماشاء الله عليه مالي الخانة بعد ان كانت نقطة ضعف دفاعية للاتحاد ، ومستوى الدوخي ثابت من بداياته إلى الان، اما الهلال فخسره كلاعب جيد ولكن خسارته لا تاثر في فريق مثل الهلال لديه قاعده من الشباب..

بنت مطير
08-11-2005, 17:16
لا الدوخي هو اللي خسر الهلال


لان الهلال مو بحاجة الدوخي

الله يوفقه بناديه الجديد


ويوفق هلالنا بلاعبينه الشباب


بنت مطير ..