المساعد الشخصي الرقمي

مشاهدة النسخة كاملة : للمره الثانيه ! .. Fc BaRcElOnA بحريني امام ترينداد و توباغو !



Fc BaRcElOnA
15-11-2005, 11:48
- باذن الله راح اروح باجر الصبح البحرين عشان احضر مباراة البحرين و ترينداد و توباغو ..
- راح اخلي هالموضوع مفتوح و راح احط فيه كل شي يتعلق بهالمباراة من ناحيتي .. مثل : --

الصور اللي راح احطهم
التعليقات اللي تصير
ردود فعل الجماهير

- و انشالله هالمره راح نطلع من الملعب و تكون في مسيرات مو نفس مباراة اليابان ! .. :o

Corvette
15-11-2005, 11:57
تروح وترد بالسلامه سيود .. ودير بالك وان شاء الله الفوز بحرينـي

بحرينية حلوة
15-11-2005, 12:02
حياك يا اخوي
بالتوفيق للأحمر البحريني

Om ABRAR
15-11-2005, 13:12
ما تقصر يا العميد :)
مثل ما امتلى الملعب بمباراة اليابان بتلاقيه مليان باجر ;)
وان شاء الله نشوف صورك وانت مشارك معاهم بالمسيرة :cool:

ما اوصيييييييييييك البس أحـــمــر :cool: ;)

b4e
15-11-2005, 14:39
حياك بين اهلك وجيرانك..
بس ها ..
روح الملعب من الساعة 3..
الساعة 5 مابتحصل مكان تقعد فيه..:d
وان شاء الله الفوز بحريني..

Barca4eveR
15-11-2005, 14:42
تروح وترد سالم وانشالله نشوفك هناك

Smile Moon
15-11-2005, 16:22
حياك الله بالبحرين .. بلدك الثاني .. :)

وبأذن الله هالمره غير .. وان شاء الله الاحمر يفرح جماهيره بالتأهل .. !
و تكون أحلى لحظات عمرك بملعب البحرين الوطني ..! ;)

فالانساوي333
15-11-2005, 16:48
حياك الله اخوي في ديرتك الثانية
وان شاء تواجدك فال خير علينا
ولاتنسى هالمباراة تاريخية
على العموم انا بكون على يمين المنصة اذا كنت تبي تشوفني لووووووول
واذا تبي نلتقي هناك دز لي رقمك على الخاص
وراح نتفاهم
سي يوووووووو
وباذن الله التأهل

Pepperoni
15-11-2005, 19:33
تروح وترد بالسلامه

وكل التوفيق للأشقاء :)

Fc BaRcElOnA
15-11-2005, 19:41
Corvette - Barca4eveR - Pepperoni .. الله يسلمكم :)
بحرينية حلوة - samar22 .. الله يحييكم :)
الرقيقة .. واجب علينا و حق ! :D :p
b4e .. راح اوصل البحرين انشالله الساعه 1 :) نتغدا و نروح الملعب :)
فالانساوي333 .. حبيبي و الله من طيب اصلك :)

Lazio 4 Ever
15-11-2005, 22:52
اخذني معاك :p , تروح وترد بالسلامه سيود ;)

AZzuRri_Q8i
15-11-2005, 23:29
تـروح و تـرد بـالسـلامـة كبتـن و اللـه يسمـح دربـك و انشـالله تكون ويـه خيـر

كـذا واحـد من ربعـي بيـروحون بعـد و حسـب اللي عـرفتـه ان مجمـوعة كبيـرة من الكويتيين بيـروحـون المبـاراة لمسـاندة الاحمـر

فالانساوي333
15-11-2005, 23:44
تصدوقن المفروض اكون امس بالكويت ههههههههه
بس جوازي منتهية صلاحيته
على العموم ياخوي اذا تبي اي شي دق على 999 قول لهم وين فالانساوي 333
ههههههههه
حبيبي انا يمين المنصة واذا تبي رقمي انا حاضر
اخدمك بعيوني
بس لازم تصورني هههه

Che Guevara
15-11-2005, 23:56
تروح و ترد بالسلامه..

فيصل الدخيل 16
16-11-2005, 00:14
عاد هالمره حصل مكان ورح مبجر وابي حلو بحرينيه من شويطر :)

Bo-WaLeEeD
16-11-2005, 00:22
ياكثر الكويتيين اللي بيروحون المباراة :)

Honey ^Al-Q8
16-11-2005, 00:29
Fc BaRcElOnA :

ترووح وترد بالسلامه ان شاءالله :)
وان شاءالله تكووون ويه خير عالبحرينيين ويفوزون بإذن الله
عاد لا تنسى إخذ علم الكويت عشان يدرون انه في كويتيين قاعدين
يشجعون البحريـن
بالتوفيـق اف سي برشلونه;)

Pro
16-11-2005, 00:42
بالتوفيق بو جاسم ...

و انشالله الاحمر ما يردك خايب .. :)

Sebastian Deisler
16-11-2005, 00:49
يــا حبيبي
انت من يوم مارحت للبحرين خسرو قدام اليابان
يالله هالمره لازم تفوزهم ياخوي ..هههههه
تروح وترد بالسلامة

فالانساوي333
16-11-2005, 00:56
ههههههههههه
لا هالمرة جيته فال خير

bh 4 ever
16-11-2005, 01:30
حياك الله وان ماشالتك الارض تشيلك عيونه

وانت قلت المرة اليايه اذا بيي بيكون فوز بحريني .. وانشاءالله يصير :)

Milano
16-11-2005, 14:13
قول ان شاء الله وجودك فال خير على منتخب البحرين

b4e
16-11-2005, 14:16
حياك الله..
وان شاء الله قبل الساعة 5 انت بالاستاذ..
وشكلك بالطريق..الله يسهل سفرك..

Stop
16-11-2005, 14:43
كفو كفو بو جاسم
الله يوفقك ان شاء الله ويوفق المنتخب البحريني

Henryq8
16-11-2005, 15:13
اتروح وترد بسلامه ونشالله هل مره يكون ويهك خير عليهم :o

الريانه
16-11-2005, 17:36
الحين اكيد واصل ..

الحمدلله على سلامتك ..

وانشاء الله ويهك خير عليهم :)

مدريدي^ملكي
16-11-2005, 17:38
عزالله ما راح تشوفون الفوز ..!

pringles
16-11-2005, 17:51
ترجع بالسلامة كتالوني
بس على الله لا تقبس عليهم يا معود :)

تأهل البحرين الاقرب وانشالله ترجع لنا بالسلامة وصور الاخوان البحرينيين معاك وهم فرحانين بالتأهل
بالتوفيق انشالله

كيفي كويتي
16-11-2005, 18:25
ترد بالسلامة انشاء الله يا برشلونه وانشالله ما ترد الا الابتسامة شاقه الحلج ;) انشالله يبيضها الاحمر :) كنت ناوي اسافر بعد بس الله ما كتب :(

BarchLOnY
16-11-2005, 20:36
روحتك فال خير عالبحرين ، 1 \ صفر لترينيداد :(

Sebastian Deisler
16-11-2005, 21:06
ايلك انت قبسه شموديك

مدريدي^ملكي
16-11-2005, 21:07
عزالله ما راح تشوفون الفوز ..!
كما توقعت..!!

kuw4ever
16-11-2005, 21:13
:) بدون تعليق

IRAQI
16-11-2005, 21:22
Hard Luck Bahrain :(

Om ABRAR
16-11-2005, 22:16
ما قصرت يا العميد .. :)
منتخبنا لعب للتعادل ! مع انه عارف خطورة هاللعبة !

وناطرين تعليقك والصور .. والله يرجعك بالسلامة ان شاء الله

Honey ^Al-Q8
17-11-2005, 01:40
اشدعوه خلصت الاسباااب عشان تخلوون اف سي برشلونه يكون سبب خسارة منتخب البحرين !

اللي الله كاتبه صار والله كاتبه ان البحرين راح يخسرون وان اف سي برشلونه راح يرووح هناك

بعد ليش تحطون الخسارة برااس اف سي برشلونه !؟

البحرين كان مستواه مو شي مع اني والله زعلانه ليش انهم ما فازوا عالاقل يعوضوننا الفرحه اللي فقدناها من الازيرق:(

لكن قدر الله وما شاء فعل .

ناطرين صورك وتعليقاتك يالعميد.
;)

حفيد الروح
17-11-2005, 01:46
ترجع بالسلامة ان شاااء الله ..
كأني شفتك خوي :p !! موقفين السيارة ع الرصيف مو !! ..
هاردلك لمنتخبنا .. وشكرا ً للجماهير اللي حضرت من كل دول الخليج ..
مسامحة ما قدرنا نفرحكم بهالليلة للتأهل للمونديال 2006م ..
وتحياتي

b4e
17-11-2005, 01:47
شفيكم ياجماعة على اف سي برشلونة..
يمكن انتو من طالعتو المباراه بالتلفزيون نهزمو..
هذي ارادت رب العالمين..اللي كاتبه علينا صار..
والمكتوب بان اليوم ونكتب على البحرين تنغلب 1-0..
ومشكور يا اف سي برشلونة على الحضور..
ولاعبينا مااهدوكم الفوز على تعبكم من السفر من لكويت للملعب على طول..
وان شاء الله يفرحكم المرات الياية اذا فيها افراح!!
وهاردلك للمنتخب البحريني..

الريانه
17-11-2005, 01:56
شي مضحك الصراحه ...

شذنب الريال ؟؟ شكو اهو اللي يلعب ؟؟

الحمدلله والشكر بس :)

Che Guevara
17-11-2005, 02:00
افسي.... :d
ماتسوى عليك الربع شماتة....

Pepperoni
17-11-2005, 02:14
الكويتيين رايحين لأن فيهم فقر مسيرات واولهم حبيبنا برشلونه ! :p

يالله ما عليه..اللاعبين اخذلوا الجمهور بمعنى الكلمه واول مرة اشوف لاعب ما يلعب من قلبه وكأس العالم على بعد امتار !!

بصراحه يستاهلون الخساره وانا اقول ان المنتخب بدون سالمين ما يسوى بيزه

فيصل الدخيل 16
17-11-2005, 03:52
ل ووووووو ل اي والله ما تسوى عليك خلصت الاسباب وخلوك انت احد الاسباب :)

المدريدي
17-11-2005, 05:33
سويت الي عليك وزياده

لكن الاعبين ما سوو شي واولهم محمد حبيل ومحمود جلال << سبب الخساره

لي متى يكون العامل النفسي سبب بخسائرنا المتكرره؟؟؟

هاردلك

Pro
17-11-2005, 05:36
يعطيك الف عافية بو جاسم ... كفيت و وفيت ..

و شباب على الاقل نشكر الريال ...

و هاردلك يالاحمر ...

الموضوع مغلق ..