المساعد الشخصي الرقمي

مشاهدة النسخة كاملة : سامي والغنام يشاركان أمام النصر والنصراويون يهددون الهلال بـ «هيريرا»



اصيل المشاعر
27-11-2005, 13:10
تعد ليلة الجمعة ( ليلة مميزة) وللمعلومية ليست للبيع ، المهم في يوم الجمعة راح يكون الاثارة والمتعة ( والتفحيط ) عفوا طبعا انا ماراح افحط لان صادم كالعادة بسيارتي لكن المباريات الجايه راح تشفون ( راعي القراندي ) راح يسوي ايش ( اخس يا اصيل )
المهم انا المبارة ما خذ حجم غير طبيعي ( xllllllllllllll..........................)
فالاعدادت غير طبيعة فالهلال :
رفض مدرب الهلال (باكيتا) منح لاعبيه (راحة) اليوم بغرض إعدادهم لمباراة النصر يوم الجمعة المقبل حيث سيتم تجهيز الفريق خصوصاً بعد عودة (الغنام، الجابر) إلى جانب جاهزية خط الدفاع بوجود تفاريس. من جهة ثانية، قررت إدارة النادي تسليم مكافأة اللاعب بمقدار (ألف وخمسمائة ريال) لكل لاعب، وتم رصد مكافآت لمباراة النصر المقبلة بغرض تهيئة اللاعب للمباراة معنوياً وفنياً.

ومن جهة ثانية النصر :
ينتظر أن ينتظم المهاجم الكولومبي الدولي سيرجيو هيريرا في تمارين الأصفر اليومين المقبلين تهيؤاً لنزال المرحلة التاسعة التي سيلاقي فيها فريق النصر نده وجاره الهلال يوم الجمعة القادم.
وكان منصور البلوي رئيس نادي الاتحاد وعضو شرف نادي النصر قد قدم خدمات هيريرا إلى النصراويين بنظام الإعارة حتى نهاية الموسم الرياضي الحالي.

الله يكون في العون وماتنصدم سيارتي مرة ثلاثة هالشهر .

Bati
27-11-2005, 13:18
بـإذن الله محسومة للهلال .. هيريرا بو شعر طويل ؟!

السحابة 9
27-11-2005, 13:24
المنطق يقول الهلال يفوز بس إن شاء الله المنطق ياخذ له غفوة شوي مع هالبراد الزين :)

أصيل : انتبه جايك المطر والله ان يطلعك أقرب رصيف :)

اصيل المشاعر
27-11-2005, 13:39
لا تخاف الشوارع الي جنب الملعب كلها بدون ارصفه ( لكنها نزلات - يعني وفاة 100% ) ماني مفحط ، راح اخلي التفحيط لابو بندر والشلهوب ( لانهم اختصاصيين في جعل الخصوم يفحطون ) لا تخاف راح تشوف انواع التفحيط في الساحة ( قصدي في الملعب ) .

عاشق الإتي
27-11-2005, 13:55
مشكور اخوي .. وان شاء الله نشوف مباراة قوية .. واتوقعها تعادل

المسكت
27-11-2005, 15:45
بالتوفيق ياااارب للعـــالمي

سعودي 2006
27-11-2005, 16:30
مباريات الدربي مافيها منطق .. لو نرجع الموسم الماضي كان النصر في افضل حالاته ومتصدر الدوري,, وكان مستوى الهلال اقل بكثير من الان وكان ترتيبه السادس او السابع .. ومع ذالك فاز الهلال 2-0 بهدفين الذيب سامي وصارت مباراة النصر انطلاقه لعودته الهلال لمكانه الطبيعي

اللي ابي اقوله لا منطق في مباريات الدربي .

بنت مطير
27-11-2005, 17:31
الله يوفق الزعيم ان شاء الله



ويكون في عون النصر اذا لعب الذيب




مشكوووووور اصيل المشاعر



بنت مطير ...

b4e
27-11-2005, 17:35
مبروك للزعيم المباراه..
وهاردلك للنصر..

بدر الاتحاد
27-11-2005, 18:54
بالتوفيق للنصر وانشالله 2/0 للعاااااالمي

صعـــب
27-11-2005, 19:48
ماعتقد ان لاعب واحد قادر يغير ملامح الفريق كله !!

C@$h B0X
27-11-2005, 20:28
هذا ديربي مافيه حسابات .. ممكن النصر يفوز من يدري
بس من الوضع الحالي المباراه هلاليه :)

عن هريرا .. مافاد بالاتحاد بيفيد بالنصر ؟

* مراقبنا باتي .. ايه هو ابو شعر :)

حايلاووي
27-11-2005, 20:33
حاس وعندي امل ان النصر راح يسوي شي ويكسب النقاط

C@$h B0X
27-11-2005, 20:45
نسيت ما اقول "ان شاءالله" الفوز هلالي ..
ومن اقدام سامي :p

armadaa
27-11-2005, 21:10
الديربي عمره ما صار متوقع او استند على مستويات الفريقين ..

النصراويون كانوا على ايام عبدالرحمن بن سعود - رحمه الله - يدخلون اللقاء بمعنويات عالية ..

لكن الحين تغير وضعهم ..

اتمنى مباراة قوية ومثيرة .. واتمناها 3-2 لاي من الفريقين ..

وبالتوفيق لـ - حكم اللقاء - !!

C@$h B0X
27-11-2005, 21:44
نقط مهمه .. سامي احتمال كبير مابيلعب الديربي :(
لان بيحضر حفل جوائز اسيا اللي بيصير يوم الاربعاء القادم :)

نويدر
27-11-2005, 22:16
تعودت احضر اللقاء من فترة لفترة ، ولكن للاسف ما حضرت مباراة للهلال مع النصر وفاز النصر حتى في اقوى حالات النصر الا مرة وحدة جلست فيها مع جمهور الهلال :d

C@$h B0X
27-11-2005, 22:21
نويدر بتحضر المباراه ؟
<--- خايف :p

روعة سعودي
28-11-2005, 01:00
المتوقع فوز الهلال

بس الله اعلم وش تنتهي عليه المبـــاراة


بس إذا فاز الهلال بيفوز بنتيجه كبيره


ياسر بيسجل أول اهدافه في الديربي

اصيل المشاعر
28-11-2005, 11:48
بصراحة ياخوان بعد مبارة النصر * الوحدة ( مع العلم الوحدة ناقصين لاعب + خمسة لاعبين من البداية ) ويالله يالله تعادل
مع العلم ان الهلال ( بيلعب التمياط + الشلهوب + الغنام + تفاريس+ القحطاني + الدعيع + الخثران + المفرج + كماتشو ........) يعني الله يعين النصر الله يكون في عونكم ***** الله يعينهم

يعني اتوقعها تاريخية 5 / 0 أو 5 / 1 بالكثير

armadaa
28-11-2005, 14:50
يعني اتوقعها تاريخية 5 / 0 أو 5 / 1 بالكثير

ويمكن تكون العكس !!

بني قادس
28-11-2005, 14:52
كل التوفيق للهلال

نويدر
28-11-2005, 15:17
نويدر بتحضر المباراه ؟
<--- خايف :p

بحضر وبجلس مع جمهور الهلال عل وعسى النصر يسوي شي ، على فكرة نفس الشيء مع الاتحاد المباراة الوحيدة اللي فاز فيها الاتحاد على الهلال جلست مع جمهور الهلال في بطولة العرب السنة الماضية فانشاء الله ما افارقكم انا احبكم يا هلالية :p

السحابة 9
29-11-2005, 01:29
تكفى يا نويدر طلبتك أبغاك من العصر تسنتر في مدرجات الهلال :)

C@$h B0X
29-11-2005, 01:36
اذا الدعوه لعانه
اجل اعرفلك واحد منحوس نحسسس .. بخليه يحضر لمدرجات النصر :p
ونشوف من النحوس اكثر انت ولا هو .. والوعد بعد المباراه ههههههههه :D

S3odi
29-11-2005, 01:37
اقول ورا مايقدمون مباراة الإتحاد ليوم الجمعة .. علشان نويدر لازم يجلس ببيته ويشوفها ؟! :p

سعودي أنا
29-11-2005, 02:18
اقول ورا مايقدمون مباراة الإتحاد ليوم الجمعة .. علشان نويدر لازم يجلس ببيته ويشوفها ؟! :p

مباراة الاتحاد تأجلت :D

S3odi
29-11-2005, 04:14
مباراة الاتحاد تأجلت :D


وش ذا النحس :D

نويدر
29-11-2005, 08:21
:rolleyes: اللي بيدفع اكثر بجلس مع الثاني

ترى بين بيتي وبين الملعب 5 كيلو واقل بعد ، فيعني حاضر حاضر ، لو ما وصل العرض للمستوى اللي ابغاه بجلس مع الحكم وينزلون ثنينهم للاولى :cool:

C@$h B0X
29-11-2005, 08:27
طيب المزاد يبدأ بكم :D
نقول 5000 ريال <-- يتكلم جد :p

فيصل الدخيل 16
29-11-2005, 12:14
اتوقعها نصراويه


واتمناها للهلال


نويدر اجلس مع جمهور الهلال :d يمكن النصر يعود من هالمباراة وترد مباريات الديربي الكبير ;)

اصيل المشاعر
30-11-2005, 11:06
ماشاء الله يعني النصر راح يجي جمهوره زين زين - انا الي اعرفه ان جمهور النصر ( مشغول وما يقدر يجي ) لكن تعالوا يمكن نلقى احد من الجماعة نتسلف منه قصدي نسلم عليه