المساعد الشخصي الرقمي

مشاهدة النسخة كاملة : ارجو الأفاده



أحمــد
07-01-2006, 04:39
السلام عليكم اخواني اعضاء القسم كره القدم السعوديه
مشالله عليكم القسم دايما على صفيح ساخن وانا مشاركاتي نادره بالقسم ولا انه يعجبني الطرح اللي يكون فيه ..
عموما الأفاده اللي حاب اعرفها ماهو النادي الأكثر جماهيريه بالمملكه ..
واتمنى احد حافظ او عارف احلى الشيلات للأنديه السعوديه بدون تحديد نادي عشان مايكون فيه تعصب من احد.. لأني وانا اسمع بالتلفزيون احس انه فيه شيلات رياضيه حلوه قاعدين يقولونها الجمهور بس بصراحه ماتكون واصله الكلمات بالضبط عن طريق التلفزيون فاللي عارف شيلات حلوه يكبتها لي ..
وانشالله موضوعي مايثير تعصب بين الأخوان وترى انا لا اتحادي ولا هلالي ولا اهلاوي ولا نصراوي ولا حتى شبابي ..
وشكرا لكم

بنت مطير
07-01-2006, 04:44
اخوي طبيعي النادي الاكثر جماهيريه بالسعوديه


هو الهلال


وهذا الشي ما فيه احد يختلف عليه


بنت مطير ...

أحمــد
07-01-2006, 04:47
اها تشكرين على هالمعلومه

سعودي أنا
07-01-2006, 04:56
شوف يالغالي
النادي الاكثر شعبية في السعودية كان الهلال
قبل اي واحد تسأله وهو اصلا ما له في المباريات ولا شي بس سمع خويه انه هلالي قال انا بعد هلال
اما في الوقت الحاضر
كل ما اسأل احد وش تشجع اما يقولي اتحادي او يقولي " بصراحة ما كنت اشجع احد بس الحين حبيت الاتحاد وصرت اتحمس له واتابع مبارياته "واذا سألته ليش يقولي تشوف لعبه وتسأل ليش ؟ :cool:
والله عندي خمس شباب مالهم في الكورة ولا لهم في المباريات
في فترة كاس العالم للأندية كنت اطلع معاهم ونروح المقهى نشوف مباريات الاتحاد
واحد من الشباب يقولي من صجكم هذا لعب نادي سعودي :eek:
المهم ان الخمسة الشباب كلهم الحين ولا مباراة للاتحاد يطوفها

باختصار النادي الاكثر شعبية
في السابق " الهلال "
حاليا " الاتحاد "

مع ملاحظة انه في فرق بين جمهور الهلال وجمهور الاتحاد
جمهور الهلال الأغلب لاحظ قلت الأغلب ما قلت الكل يعني تقريب 75% منهم من صغار السن يعني تحت الـ 16 :D
اما جمهور الاتحاد انا ما راح اقول شي لكن شوف مدرجات الاتحاد اذا صارت المباراة في جدة
والله حتى شياب يحضروا للملعب
وشي ثاني بعد " جمهور الاتحاد يحب ناديه بشكل غير طبيعي "

والجمهور الوفي " جمهور النصر " لو النصر يهبط للدرجة الأولى تحصل مدرجات النصر فل

أحمــد
07-01-2006, 05:01
مشالله
والله انا اخوي سمعت انه الغالبيه العظمى للأتحاد كجمهور ..
وبالرياض طبعا نصر وهلال .. وبجده اهلي واتحاد مع طبعا تفوق للأتحاديين .. وبالشرقيه قادسيه واتفاق
بس للحين محد فادني بموضوع الشيلات الرياضيه

سعودي أنا
07-01-2006, 05:08
مشالله
والله انا اخوي سمعت انه الغالبيه العظمى للأتحاد كجمهور ..


وهذا الصحيح يالغالي :)

جمهور الشرقية الاغلب جمهور اتحادي وبعدين يجي جمهور الاتفاق وبعدين القادسية
جمهور الهلال في الغربية تقريبا 1% فقط هذا اذا حصلت هلالي من الغربية لان الغربية اما اتحادي او اهلاوي والأغلب اتحادي
الرياض بين نصراويين وهلاليين وقليل شبابيين
نادي الشباب جمهور قليل للأسف رغم انه نادي كبير


يعني مجملاً النادي الأكثر شعبية في السعودية الإتحاد

أحمــد
07-01-2006, 05:12
تشكر على هذه المعلومات الطيبه
مع العلم مازلت احد يقولي عن الشيلات الرياضيه ( الأغاني الرياضيه للجمهور )

حايلاووي
07-01-2006, 05:13
شمالا اغلب الجماهير نصراوية بعدين هلالية بعدين الاندية المحلية

.
.

ماتحضرني الا شيلات التعاون

( التعاون مابوه مثلوه بالقصيم ... وينهوبوه ؟ بالقصيم )

راية العز
07-01-2006, 05:14
اعتقد كان في استبيان لأكثر الأندية السعودية جماهيرية في هذا الموقع

و كان الهلال الأول بفارق كبير :)


بالنسبة للجماهيرية الأكبر يا عزيزي .. كل واحد بيقول لك إن جماهير ناديه هي الأكثر :)

لذلك لا تتعب نفسك كثيرا في هذا السؤال .. و يمكنك معرفة حجم الجماهيرية لأي فريق من خلال حضورها للمدرجات :)


بالنسبة للشيلات ..

سجل عندك آخر وحده :)


مافيه حبه حبه

الجمهور يردد .. ياكلك لقمة وحده

شلهوب سوى سحبة

الجمهور يردد .. ياكلك لقمة وحده

ياسر يرمي سهمه

الجمهور يردد .. ياكلك لقمة وحده

قدساوي مسوي زحمه :)

الجمهور يردد .. ياكلك لقمة وحده

إلخ

سعودي أنا
07-01-2006, 05:20
اعتقد كان في استبيان لأكثر الأندية السعودية جماهيرية في هذا الموقع




خخخخخخخخخخخخخخ
اجل مسوين استباين في هذا الموقع :D
وكم عدد الاصوات كان ؟ :p

خل موقع كورة يسوي استبيان وتشوف الشي الواضح
مو تقولي هنا بالكثير 150 صوت :D

أحمــد
07-01-2006, 05:21
فعلا انا قاعد اكتشف موضوع الجمهور هذا انه محد قادر يتفق ..
مثل احنا عندنا بالكويت معروف انه جمهور القادسيه اهو الطاغي وبعدين طبعا العربي
مع وجود اغليه قليله للكويت وبعدين كاظمه اقل طبعا ..
وبالنسبه للشيلات وايد حلوه الأخيره :) لقمه وحده
تسلمون يا جمهور الأخضر

سعودي أنا
07-01-2006, 05:24
بالنسبة للشيلات ..

سجل عندك آخر وحده :)


مافيه حبه حبه

الجمهور يردد .. ياكلك لقمة وحده

شلهوب سوى سحبة

الجمهور يردد .. ياكلك لقمة وحده

ياسر يرمي سهمه

الجمهور يردد .. ياكلك لقمة وحده

قدساوي مسوي زحمه :)

الجمهور يردد .. ياكلك لقمة وحده

إلخ


قالك الشيلات الاساسية للنادي
مو شيلات مسروقة من نادي الاتحاد ومحرفة :D

حايلاووي
07-01-2006, 05:24
88888888888

شيلة اتحادية

سرقة عينك عينك

سعودي أنا
07-01-2006, 05:32
فعلا انا قاعد اكتشف موضوع الجمهور هذا انه محد قادر يتفق ..
مثل احنا عندنا بالكويت معروف انه جمهور القادسيه اهو الطاغي وبعدين طبعا العربي
مع وجود اغليه قليله للكويت وبعدين كاظمه اقل طبعا ..
وبالنسبه للشيلات وايد حلوه الأخيره :) لقمه وحده
تسلمون يا جمهور الأخضر

شوف يالغالي عندي بعض الاثباتات ان جمهور الاتحاد هو الأول في المملكة
موقع كورة طارح استفتائين
الأول " من تتوقع أن يفوز بلقب الدوري السعودي 2005/2006 ؟ "
والثاني " من تتوقع أن يفوز بكأس ولي العهد السعودي 2005 ؟ "

طبعا عارف ان هالاستفتائين ما تبين اي النادي الأكثر جماهيرية بالضبط
لكن المعروف ان كل واحد يتمنى ويتوقع ناديه ان ياخذ اللقب وهذا الي صاير في كل الاستفتائات
الاتحادي بيقول الاتحاد والهلالي بيقول الهلال وهكذا

شوف نتائج التصويت
بالنسبة للإستفتاء الأول
الاتحاد (ثالث الموسم الماضي)46.7%
النصر (رابع الموسم الماضي)27.4%
الهلال (حامل اللقب)16.8%
الأهلي (خامس الموسم الماضي)2.9%
الشباب (وصيف الموسم الماضي)2.2%
الحزم (الصاعد كبطل للدرجة الأولى)0.6%
القادسية (سابع الموسم الماضي)0.6%
أبها (الصاعد كوصيف للدرجة الأولى)0.6%
الوحدة (سادس الموسم الماضي)0.6%
الطائي (ثامن الموسم الماضي)0.6%
الأنصار (عاشر الموسم الماضي)0.6%
الاتفاق (تاسع الموسم الماضي)0.6%
مجموع الأصوات 63033

الاستفتاء الثاني ورغم خروج الاتحاد من البطولة

الاتحاد50.3%
الهلال (حامل لقب الموسم الماضي)24.2%
الأهلي9.1%
النصر5.2%
الشباب3.6%
الفيصلي1.1%
القادسية (وصيف الموسم الماضي)1%
الوحدة0.7%
الحزم0.6%
أبها0.6%
الرياض0.6%
الحمادة0.6%
الروضة0.6%
الأنصار0.6%
الطائي0.6%
الاتفاق0.6%
مجموع الأصوات 10780

لاحظ الاتحاد النص بـ 50% رغم خروجه من البطولة
وهذا دليل على صحة كلامي ان كل واحد بيصوت للنادي اللي يشجعه لان الى الان التصويت مفتوح ورغم كذا الاتحاد 50% وهو خرج من البطولة :)

http://www.kooora.com/default.aspx?surveys=true&pg=3

راية العز
07-01-2006, 05:36
^

^

^

الاثنين اللي فوق

يا شين التعصب اقول :)


مسروقة من مين طيب .. و وش هي الشيلة الاساسية ؟ :)


بعدين يا سعودي انا ..

استبيانات النت عمرها ما كانت مقياس :) .. لأسباب معروفة

انا استشهدت باستبيان واحد لأنه من نفس هذا الموقع فقط :)


و إذا انت مصر على النت كمقياس ..

بإمكانك مشاهدة الرقم الخيالي لزوار و أعضاء شبكة الزعيم .. و تقارنه بمنتديات الأندية الأخرى :)

سعودي أنا
07-01-2006, 05:41
^

^

^

الاثنين اللي فوق

يا شين التعصب اقول :)


مسروقة من مين طيب .. و وش هي الشيلة الاساسية ؟ :)

الشيلة الاساسية " ياكلك حبة حبة "

وبعد فوز الهلال على الاتحاد في مربع الموسم الماضي
جريدة اليوم كتبت عنوان عريض في الصفحة الأولى " الهلال يا كلك لقمة وحدة " على وزن " الاتحاد ياكلك حبة حبة "
وبعدها قام يتغنى بها جمهور الهلال

ياخي الهلال كل شي عندهم مسروق

طيب ابتكروا شي جديد
خلني افكر لكم في شيلة واعطيكم تقولوها في المدرجات :D

بس الشي اللي يسدحني ضحك والله العظيم هو
اذا شفت لافتة صغيرة في مدرجات الهلال مكتوب عليها " نادي الشعب "
الملك عبدالله أطلق على نادي الاتحاد " نادي الوطن "
يوم ثاني سموا ناديهم " نادي الشعب " خخخخخخخخخخخخخخخخخخ
من جد كل شي سرقة :D

أحمــد
07-01-2006, 05:41
اخواني ترى الموضوع مو عشان اللمز والهمز ولا عشان كل واحد يتعصب .. ترى الموضوع والله بسيط جدا جدا كان مجرد سؤال وحب استطلاع للشيلات الرياضيه ..
اذا الموضوع بياخذ مجرى ثاني اسمحولي انسحب وشاكر لكل من تفاعل مع الموضوع وكتب فيه

راية العز
07-01-2006, 05:49
معليش اخوي زيزو

ترانا نتناقش بكل هدوء و عقلانية :)



سعودي أنا ..

الحين صارت ( ياكلك لقمة وحده ) مسروقة من ( ياكلك حبه حبه ) !!

اعتبرها رد ياخي .. و رد قوي :)

سعودي أنا
07-01-2006, 05:57
معليش اخوي زيزو

ترانا نتناقش بكل هدوء و عقلانية :)



سعودي أنا ..

الحين صارت ( ياكلك لقمة وحده ) مسروقة من ( ياكلك حبه حبه ) !!

اعتبرها رد ياخي .. و رد قوي :)

لو مطرب طلع اغنية نفس المطرب الثاني لكن غير في بعض الكلمات ونفس اللحن
وش تقول عنها ؟

الحين ما طلعوا ان اغنية " مشكلني " مسروقة من اغنية " ايار " من المطرب الايراني ؟ :)
واغنية " يا غايب " مسروقة من مطرب فلبيني أظن

حايلاووي
07-01-2006, 05:57
88888888888888
مو مسروقة

بس ملطوشة

وين اذنك يالحبشي قال هنا

راية العز
07-01-2006, 06:10
الحين لما واحد يقول .. ياكلك حبه حبه !!

و الثاني يرد عليه يقول .. مافي حبه حبه .. ياكلك لقمه وحده !!


تصير ملطوشة و مسروقة و منهوبه !! :)


عموما أنا آسف إني قلتها .. ما دريت انكم بتسوون منها قصة !!!

armadaa
07-01-2006, 07:29
عموما الأفاده اللي حاب اعرفها ماهو النادي الأكثر جماهيريه بالمملكه ..
واتمنى احد حافظ او عارف احلى الشيلات للأنديه السعوديه

اولا .. حياك الله ونورت القسم

الاندية الاكثر جماهيرية في المملكة عموما ..

من الرياض .. الهلال والنصر ..

جده .. الاتحاد والاهلي ..

وصعبه تعرف من اكثرهم ..

فيه جماهير اهلاوية مثلا ماتحب تحضر للملعب ..
وجماهير نصراوية ماتبي تدخل النت والمنتديات ..

بالنسبة للاهازيج ..
اوه يا اتي يا موج البحر ( ماعرف باقيها ) !!

ايضا ..

يا هلال عزك عزنا .. يا هلال ..

يا ابطال قارة اسيا .. يا هلال ..

وسم
07-01-2006, 12:29
:)

لكن المعروف ان كل واحد يتمنى ويتوقع ناديه ان ياخذ اللقب وهذا الي صاير في كل الاستفتائات
الاتحادي بيقول الاتحاد والهلالي بيقول الهلال وهكذا


http://www.kooora.com/default.aspx?surveys=true&pg=3

لا يا اخوي سعودي انا الواحد يقول رايه بكل صدق اما ناديي ارشحه ومستواه سيئ فهذا يدل على قله وعي ..

شوف اخوي زيزو الشعبيه كالتالي

الهلال

الاتحاد

النصر

الاهلي

تبي تعرف ليه شف استاد الملك فهد وتعرف 80الف فل بينما استاد جده25 الف

سكان الرياض 5 مليون 90% هلاليين فما بالك بباقي مناطق المملكه سكان جده 2 مليون 50% اتحاديين

بعدين زي ما قالك واحدج من الشباب زور مواقع الانديه وتشوف بالدليل القاطع :) << حلوه بالدليل القاطع

ALQaisar
07-01-2006, 12:52
جمهور الهلال اللي في الرياض صامت .. دمهم ثقيل مادري يستحون يشجعون !

لكن بعض جماهيره اذا لعب في الشرقية مثلا ياخذون بعض شيلات واهازيج الاندية الاخرى .. واللي ماعنده مظطر يتسلف

وسم
07-01-2006, 14:34
جمهور الهلال اللي في الرياض صامت .. دمهم ثقيل مادري يستحون يشجعون !

لكن بعض جماهيره اذا لعب في الشرقية مثلا ياخذون بعض شيلات واهازيج الاندية الاخرى .. واللي ماعنده مظطر يتسلف

ههههههههههههههه

عليك طلعات يالكاسر طيب وش يسووون ثقل الدم من الله بعدين يكفي خفه دم الاتحاديين

اذكر فيه شيله للاتحاديين من فتره كانت هي الاساسيه كانت تقول

انا والحبيب لمن هجرني هجرني :D

انا قولت لووووه ياااا حلوو واصل واصل

(الظاهر كانو يقصدون الكاس)

عموما الاتحاديين جمهورهم حلو صراحه وانا جاد والله <<<الظاهر من الفظوه :)

فتى نجد
07-01-2006, 15:15
:) كجماهيريه مافيه ادنى شك .. وبشهادة الأغلب ان الأكثرية هلاليية وبفارق كبير :) ...

وحضور للمباراة ... فالحضور الأكبر لجماهير في الرياض كان هلالي لخمس مرات :eek: ... وفي جدة الإتحاد طبعا ... ولكن الفريق الوحيد غير الأهلي اللي يقاسم الإتحاد المدرجات ويملأها هو الهلال ...


وكذلك في القصيم اكبر حضور لمباراة كان للهلال ضد الرائد اعتقد حضرها أكثر من ثلاثين ألف متفرج ...

فيه واحد يقول هنا ان جماهير الإتحاد الأكثر في الشرقية :eek: وللأسف مهوب من الشرقية ... بشهادة نقاد ومحللين الشرقاويين والأرقام ان الهلال صاحب أكبر شعبية ففي كل موسم أكبر عدد جماهير في الدمام هو للجماهير الهلالية واخرها هالسنة حطمت الجماهير لهلالية رقم النصر في الحضور في مباراة القادسية الأخيره :) ....

وبعدين أكبر حضور في تاريخ ملعب الدمام كان هلالي في النهائي مع الشباب على كأس ولي العهد :) ....

وفي الجنوب أكبر حضور جماهيري كان في مباراة الهلال والأهلي المصري في نهائي بطولة الصداقة :) ...

وصدقني النصراويين والإتحاديين وحتى الأهلاويين (( المحايدين )) يعترفون بالأغلبية الهلاليية ولكن للأسف ماتراه في هالقسم نموذج للتعصب الرياضي السعودي :) ...


للمعلومية فقط ...

الإتحاد الأسيوي صنف الهلال كثالث أكبر شعبية في اسيا ...

بعد فريق صيني وبيروزي الإيراني .. :)

THAMER_Z6Z
07-01-2006, 16:33
ماشالله ماشالله ..!!!!
من متى الاتحاد عنده جمهور بالرياض او الشرقيه ..!! جمهوره قليل فيها ..!!
والجمهور بالشرقيه معروف ان اكثره نصراوي وبعده يجي الهلال !!!
وبالرياض الهلال اكثر وبعده النصر ..
وبالشمال النصر اكثر .. ومدري من يجي بعده ..
وبجده طبعا الاتحاد وبعده الاهلي ..
بس ككل .. يعني لو جمعنا جماهير النصر كلها تطلع هي الاكبر وبعدها الهلال وبعدها الاتحاد وبعدها الاهلي ..
واذا النصر ماجاب بطوله من زمان مو معنى هذا تهمشون الجماهير وتخلونها بعد الاتحاد والهلال ..!!!

THAMER_Z6Z
07-01-2006, 16:34
ونسيت اقول

THAMER_Z6Z
07-01-2006, 16:35
ونسيت اقول شي ..
ترى كثرة البطولات تأثر بحضور

فيصل السعودية
07-01-2006, 17:27
خذهــا مـن أخوك فيصل يازيزو :)


النصر هـو صاحب أكثر جماهيرية في المملكة !

زرنـا أغلب مناطـق السعوديـة .. وشفنـا إن النصر فــي [ التوب ] .. والبقيـة تأتـي !

هالحين الأخ سعودي أنـا .. واثق من أن الإتحاد هو الأكثر شعبيـه ؟؟ من وين عرفت ؟؟ لاتقولي من موقع كوره .. ؟ يعني هالموقع هذا يشارك فيه كل سكان المملكة !


شوف أخوي زيزو .. حتـى جماهير الأندية المتوسطة عندنـا [ القادسية , الإتفاق , الوحدة ] وغيرهم .. لو تسألهم .. أي نادي يشجعون بعد ناديهم .. الأغلبية منهم راح يجاوبونك [ النصر ] ..

أمـا الجماهير اللي تشجع [ على حسب مستوى وبطولات الفريق ] ذولي لاتحسبهم في الحسبه , لأن ماعندهم سالفه !

صعـــب
07-01-2006, 17:54
تبون اريحكم

سعودي انا اكثر نادي شعبية في المملكة هو الاتحاد ولاتزعل

حايلاوي اكثر نادي شعبية في المملكة هو الطائي ولاتزعل

z6z +فيصل السعودية اكثر نادي شعبية في المملكة هو النصر ولاتزعلون

كل واحد عطوووووه جوووووووه :D :D :p
وبعدين ترى الرجال طلب منكم الشيلات كل واحد يحط شيلات ناديه وماله دخل في شيلات النادي الثاني ......

أحمــد
07-01-2006, 19:20
مشكورين يا جماعه لكن اني يوم شفت التعصب راح يشتغل ويعمل عمايله قلت خل انسحب
مع اني استانست من الشيلتين اللي حطيتوهم لكن الله يهدا الباجي كل من تفرق للتعصب
عموما مشكورين

THAMER_Z6Z
07-01-2006, 19:33
ترا مدري وش صار فوق ..!!
الجني هو اللي كتب الكلام اللي بعد مشاركتي الاولى !!!!
شي غريب ..!!!

Ŝmα®Ђ βộỳ
08-01-2006, 01:48
لا يوجد مصدر رسمي للفريق الأكثر شعبية ... وكل الكلام اللي يقال مجرد اجتهادات شخصية !!

إذا كان التعداد السكاني .. اللي أنفقوا فيه ملايين
طلعت فيه أخطاء كثيرة .. ويحسبون الواحد أكثر من خمس مرات .. كيف بجماهير الأندية !

حايلاووي
08-01-2006, 02:39
خذهــا مـن أخوك فيصل يازيزو :)


النصر هـو صاحب أكثر جماهيرية في المملكة !

زرنـا أغلب مناطـق السعوديـة .. وشفنـا إن النصر فــي [ التوب ] .. والبقيـة تأتـي !

هالحين الأخ سعودي أنـا .. واثق من أن الإتحاد هو الأكثر شعبيـه ؟؟ من وين عرفت ؟؟ لاتقولي من موقع كوره .. ؟ يعني هالموقع هذا يشارك فيه كل سكان المملكة !


شوف أخوي زيزو .. حتـى جماهير الأندية المتوسطة عندنـا [ القادسية , الإتفاق , الوحدة ] وغيرهم .. لو تسألهم .. أي نادي يشجعون بعد ناديهم .. الأغلبية منهم راح يجاوبونك [ النصر ] ..

أمـا الجماهير اللي تشجع [ على حسب مستوى وبطولات الفريق ] ذولي لاتحسبهم في الحسبه , لأن ماعندهم سالفه !

تسلم يمينك

اول مرة اتفق معك يافيصل

واهنيك على حياديتك وصدقك

فالسعوديين يعرفون تماما من هو صاحب الجماهيريةالكبيرة في المملكة ... واكبر دليل وقوف الجماهير مع نايه بعد مرور سنوات كثيرة بدون القاب ومن انتكاسه الى انتكاسه .... لكن اندية الفقاعات فستزول جماهيريتهم بزوال انجازاتهم !

انا والله مو نصراوي لكن اقول اللي اعرفه واشاهده ( النصر جماهيريا لم ولن يغلبه اي نادي سعودي )

عاشق الإتي
08-01-2006, 07:05
اخوي صاحب الموضوع .. اكثر الاندية شعبيه عندنا اربع اندية ما تقدر تثبت ان واحد منها يتفوق على الثاني .. الإتحاد النصر الأهلي الهلال .. و فيه اندية لها شعبيه كبيره في مناطقها مثل الاتفاق الطائي , الرائد , التعاون , احد , الانصار .. اما الشيلات ما اعتقد احد يختلف على شيلات جمهور العميد .. حتى المنافسين اذا تحمس جمهورهم في المباراة مالهم الا اغاني الاتحاد .. وحتى في الخليج تلاقي الجمهور يررد شيلات العميد .. مثل .. ياكلك حبه حبه .. ون ون ون الإتي نمبر ون ... واذا بغيت تعرف اكثر عن شيلات الإتحاد تقدر تزور موقع نادي الإتحاد وبتلقى الي يسرك ان شاء الله

وسم
08-01-2006, 11:04
انا والله مو نصراوي لكن اقول اللي اعرفه واشاهده ( النصر جماهيريا لم ولن يغلبه اي نادي سعودي )

عندي احساس انك نصراوي من النصراووين الجدد اللي ما يبون احد يدري عنهم :D لان كلهم يقولون كذا ;)

وسم
08-01-2006, 11:07
مشكورين يا جماعه لكن اني يوم شفت التعصب راح يشتغل ويعمل عمايله قلت خل انسحب
مع اني استانست من الشيلتين اللي حطيتوهم لكن الله يهدا الباجي كل من تفرق للتعصب
عموما مشكورين

حياك الله اخوي بس شكلك مبسوط على المناقر :D ;) ورا ما تطب معنا وتقول وش رايك ولا تخاف حنا هنا نتناقر ونتعافس بس في النهايه اخوان وما احد يزعل من الثاني

أحمــد
08-01-2006, 16:01
حياك الله اخوي بس شكلك مبسوط على المناقر :D ;) ورا ما تطب معنا وتقول وش رايك ولا تخاف حنا هنا نتناقر ونتعافس بس في النهايه اخوان وما احد يزعل من الثاني
على شنو استانس بالمناقر عندنا وعندكم خير دش القسم الأسباني وبتشوف المناقر على قولتك
ونعم فيكم وباخوتكم لبعض والله يديمها انشالله بس فعلا معلوماتي بسيطه عن النادي صاحب الشعبيه الجماهيريه العظمى بالمملكه واتضح لي بعد كل هالردود انه محد يعرف الكل قاعد يخمن ...

bofawzy
08-01-2006, 16:24
على شنو استانس بالمناقر عندنا وعندكم خير دش القسم الأسباني وبتشوف المناقر على قولتك
...

ههههههههههههههههههههههههههاي عدل عدل بوشهيب

فتى نجد
08-01-2006, 16:47
:) الجماهيرية واضحة لمن أراد مشاهدتها ..:) ...

واللي يقول جماهير النصر صابرة ... اقول مع احترامي .. الجماهير النصراوية (( بالأرقام )) لم تكن في يوم أكثر من جماهير الهلال في ملعب الا في مباراة واحدة بينهم وكانت البطولة محسومة للنصر ...


والا كل المباريات الباقية الجماهير الهلاليية طاغية ..:)


انا اتكلم عن النصر لأنه ان كان فيه منافسة لجماهير الهلال قد تكون للنصر .. اما الإتحاد والأهلي فمع كامل احترامي خارج منافسة الهلال والنصر ...


وواحد من الشباب يقول جماهير الشمال :) ...

حبيت أذكره بأفضلية الزعيم في الجنوب .. والقصيم اللي تعتبر من الشمال وأكبر مدنها :) ...


الموضوع واضح لمن أراد الحقيقة .. يا زيزو فور ايفر .. والمسألة ماتحتاج نشدة شيخ ;) ..

ازرق هلالي
08-01-2006, 18:48
.
.

ماتحضرني الا شيلات التعاون

( التعاون مابوه مثلوه بالقصيم ... وينهوبوه ؟ بالقصيم )

الا بوه الا بوه الرايد ازين منوه

ازرق هلالي
08-01-2006, 18:54
بدون تعصب احسن شيلات حقت الاتحاد بعدين الاهلي والانديه الثانيه تسرق من صالح القرني والقرني يسرق اهازيج من المطربين الشعبيين

وسم
08-01-2006, 20:36
على شنو استانس بالمناقر عندنا وعندكم خير دش القسم الأسباني وبتشوف المناقر على قولتك
ونعم فيكم وباخوتكم لبعض والله يديمها انشالله بس فعلا معلوماتي بسيطه عن النادي صاحب الشعبيه الجماهيريه العظمى بالمملكه واتضح لي بعد كل هالردود انه محد يعرف الكل قاعد يخمن ...

وسع صدرك يا خوي دعابه هذا وانا حاط لك ابتسامات :mad: ... نبيك تشاركنا بس ولا تقطع

اما معلوماتك البسيطه عن صاحب الشعبيه عندنا قلت لك شوف المدرجات اثناء المباريات وايضا منتديات الانديه وعدد زوارها خير استفتاء

والله انتم يا حقين الليقا ما تنتحارشون بس قلي وش تشجع عشان اشجعه معك :D :D

حايلاووي
08-01-2006, 21:25
:)
وواحد من الشباب يقول جماهير الشمال :) ...

حبيت أذكره بأفضلية الزعيم في الجنوب .. والقصيم اللي تعتبر من الشمال وأكبر مدنها :) ...


..

يافتى انا خوالي قصمان وحافظ القصيم مثل ماني حافظ اسمي

النصر هو صاحب الجماهيرية في القصيم بدون تحيز ولا مبالغة

أحمــد
10-01-2006, 01:09
وسع صدرك يا خوي دعابه هذا وانا حاط لك ابتسامات :mad: ... نبيك تشاركنا بس ولا تقطع

اما معلوماتك البسيطه عن صاحب الشعبيه عندنا قلت لك شوف المدرجات اثناء المباريات وايضا منتديات الانديه وعدد زوارها خير استفتاء

والله انتم يا حقين الليقا ما تنتحارشون بس قلي وش تشجع عشان اشجعه معك :D :D
لا تحاتيني موسع صدري :)
كل عام وانت بخير وعيدكم مبارك يا فرسان المملكه

armadaa
10-01-2006, 01:41
اخوي زيزو ..

ابسالك سؤال .. واذا لقيت له جواب في قسم الليغا .. راح تلقى جواب سؤالك هنا ..

اسال القسم هناك عن ايهم الافضل : الريال او برشلونه ؟؟

وسم
10-01-2006, 02:04
لا تحاتيني موسع صدري :)
كل عام وانت بخير وعيدكم مبارك يا فرسان المملكه

لاااا عزيز وغالي اخوي اذا ما حاتيتك من احاتي

وكل عام والمسلمين وانت بصحه وسلامه يا احد فرسان الكويت والليقا :D

أحمــد
10-01-2006, 03:05
منو افضل ولا منو اكثر جماهيريه ؟
منو افضل التاريخ يقول احنا 29 بطوله و9 شامبيونز ليغ ..
منو اكثر جماهيريه الريال بدون منازع طبعا
حدي متعصب :) مو

أحمــد
10-01-2006, 03:07
انا اتصدق ارمادا ماكنت متخيل انه لسؤالي ماله اجابه :)
يعني بمصر اهلي وزمالك ..
بس جمهور الأهلي طاغي بمصر كلها
مع اني زملكاوي
فهمتني انشالله
يعني ما توقعت انه هالسؤال عمره مانطرح بينكم على الأقل تفاجأت بردود الفعل وبالتخمينات

armadaa
10-01-2006, 03:10
شوف اخوي ..

الكل يناظر الدنيا بلون فريقه ..

يعني اذا بغيت تعرف من الافضل ..

لاتسال احد من هنا ..

اسال احد يتابع الكورة بس يكون من خارج السعودية ..

THAMER_Z6Z
10-01-2006, 03:11
لا ياخوي السؤال دايم ينطرح وينقلب هوشات !!
لان كل واحد مقتنع ان فريقه هو الاكثر جماهيريه !!
بس صدقني يازيزو.. النصر هو الاكبر جماهيريه !! بس بسبب ابتعاده عن البطولات مايقدرون هالشي ..!!
شكراا..

سهيل
12-01-2006, 15:31
اكثر جماهيريه على مستوى المملكه كافه

الهلال
النصر
الاتحاد
الاهلي

والاتحاد يتفوق فقط في الغربية بنسبه كبيره جدا

وبقيه المناطق هلال ونصر الاكثر

بالنسبه للرياض هلال ونصر وعدد جمهور الاتحاد يعد على الاصابع

اذا حسبنا فقط الجمهور المتابع للكوره في الرياض فهو يتفوق على جماهير جده عدديا بالضعف