المساعد الشخصي الرقمي

مشاهدة النسخة كاملة : مناف الحارس الامين ..hand ball ..!!



مـنـدنـي
20-03-2006, 00:44
احب اهني كل سعودي على مستوى مناف حارس المنتخب السعودي ونادي الصليبخات حالياً ...
هني يالكم فيه وان شاء الله نشوف حراس بمستواه واحسن منه بالمملكه ...



وشكرا..!!



16

الريانه
20-03-2006, 01:08
يستاهلون حبايبنا السعودين ..

ومو غريب عليهم الابداع

حايلاووي
20-03-2006, 01:12
مناف حارس الخليج ؟

الريانه
20-03-2006, 01:16
مناف حارس الخليج ؟

قصده لاعب كرة اليد :)

حايلاووي
20-03-2006, 01:20
يالريانة ادري

حارس الخليح او سيهات ! على ما اعتقد

كرة اليد ماتابعها وتوي ادري ان حارس منتخبنا اسمه مناف !

الريانه
20-03-2006, 01:28
كرة اليد ماتابعها وتوي ادري ان حارس منتخبنا اسمه مناف !

انا ما اعرف الاعب ولا شفته بس الاخ كيمبا يقول عن مستواه ان روعه وطبعا الاخ كيمبا لاعب كرة يد واكيد يعرفه :)



حارس الخليح او سيهات ! على ما اعتقد


شنو يعني ؟!

حايلاووي
20-03-2006, 01:32
انا ما اعرف الاعب ولا شفته بس الاخ كيمبا يقول عن مستواه ان روعه وطبعا الاخ كيمبا لاعب كرة يد واكيد يعرفه :)



شنو يعني ؟!


يعني نادي اسمه سيهات

الريانه
20-03-2006, 01:37
لوووول


طلع نادي :o :D وانا اقول ياربي هالكلمه اول مره اسمعها .. :)

حايلاووي
20-03-2006, 01:40
لوووول


طلع نادي :o :D وانا اقول ياربي هالكلمه اول مره اسمعها .. :)

نادي سيهات في مدينة سيهات :D

الريانه
20-03-2006, 01:43
نادي سيهات في مدينة سيهات :D

:eek: :eek: :eek: :eek:

بالسعوديه في منطقه اسمها سيهات ؟! وين اي صوب ؟

<-- تعرف السعوديه عدل :)

حايلاووي
20-03-2006, 01:48
:eek: :eek: :eek: :eek:

بالسعوديه في منطقه اسمها سيهات ؟! وين اي صوب ؟

<-- تعرف السعوديه عدل :)

مدينة صغيرة شبه قرية تابعة للقطيف والقطيف تابعة للأحساء والأحساء تابعة للمنطقة الشرقية والمنطقة الشرقية تابعة للمملكة العربية السعودية ...... تعبت :28:

armadaa
20-03-2006, 01:49
اذكر قبل سنتين او ثلاث كان فيه حارس لمنتخب اليد .. واتوقع انه هو الحارس نفسه ..

الله يوفقه بين اهله واخوانه

.. وتوي ادري ان فيه لاعبين يد محترفين برا ..

مشكور 16 ..

الريانه
20-03-2006, 01:52
مدينة صغيرة شبه قرية تابعة للقطيف والقطيف تابعة للأحساء والأحساء تابعة للمنطقة الشرقية والمنطقة الشرقية تابعة للمملكة العربية السعودية :D

بس بس خلاص من وصلت للقطيف وعرفت الباقي :)

MaZaJe
20-03-2006, 01:52
لوووووووووووووول حايلاوي :)

مـنـدنـي
20-03-2006, 02:18
الحارس مناف السعيد اعتقد لآخر معلومه وصلتلي ان حارس الاهلي السعودي الا اذا انتقل لنادي ثاني فما عندي خبر ..
لكن اهو حاليا حارس نادي الصليبخات الكويتي ((اعاره)) لبطوله الخليج المقامه بالامارات وكان اهو احد اسباب فوز الصليبخات على الفريق القطري اليوم ..
هني يالكم فيه وان شاء الله مثل ما قتلكم يطلع عندكم حراس بمثل مهارته بملاعبكم ...


وشكرا..!!



16

Barca4eveR
20-03-2006, 02:21
خوش حارس مناف وموفق انشالله

بدر الاتحاد
20-03-2006, 04:39
مشكورين شباب والله يوفقه مع نادي الصليبيخات

أدريانو
20-03-2006, 05:46
السلام عليكم
ها يأصحاب الكرة المستديرة
اشوفكم خبصتوا لمن جت سوالف الهاند بل
أخيــــرا فتحتوا موضوع عن كرة اليد السعودية
جاكم الخبير القطيفي ( تراني قطيفي )

نادي سيهات في مدينة سيهات :D جا يكحلها عماها
إسم النادي الخليج وهو من سيهات
والحارس مناف كان في الخليج بعدين انتقل للأهلي والآن للصليبيخات
تبون رقمـه .؟ لووول هذي صورتـه
http://www.alyaum.com/images/11/11114/11114_33_3.jpg
والحارس الثاني زيادة لمعلوماتكم عبدالله العلي حارس القادسية السعودي

http://www.alyaum.com/images/11/11351/190015_1.jpg
بس هذا مو محترف الآن في البطولة العسكرية يلعب
المهم ..
كثروا من مواضيع اليد ..


مدينة صغيرة شبه قرية تابعة للقطيف والقطيف تابعة للأحساء والأحساء تابعة للمنطقة الشرقية والمنطقة الشرقية تابعة للمملكة العربية السعودية ...... تعبت :28:
تعبت وما وصلت يا حايلاوي
القطيف ما تتبع الأحساء الأحساء مستقلة بنفسها وبعيدة عن القطيف بأكثر من ساعة
القطيف مدينة مستقلة وتتبعها العديـــد من القرى ( درس جغرافيا يا حايلاوي )
وسيهات مش شبه قرية إلا تعتبر مدينة حتى البعض يرفض يسميها قرية تابعة للقطيف
وهي قريبة للدمام

مـنـدنـي
20-03-2006, 06:02
وهذي صوره كنت حاطهابموضوع لنادي صليبخات لمه لعبو بطوله محليه (( سالم الفهد )) ..
http://up4.w6w.net/upload/09-03-2006/w6w_20060309203404a1b828c6.JPG
مناف وعلى صدره شعار الصليبخات ..



وشكرا..!!



16

مش ممكن
20-03-2006, 06:21
مشكوووور اخوي .. وتستاهلون كل خير :)

السحابة 9
20-03-2006, 10:13
مناف كان حارس نادي النور من سنابس بالمنطقة الشرقية وانتقل للأهلي ....

حارس ممتاز الله يوفقه ....

حايلاووي
20-03-2006, 12:47
السلام عليكم
ها يأصحاب الكرة المستديرة
اشوفكم خبصتوا لمن جت سوالف الهاند بل
أخيــــرا فتحتوا موضوع عن كرة اليد السعودية
جاكم الخبير القطيفي ( تراني قطيفي )
جا يكحلها عماها
إسم النادي الخليج وهو من سيهات
والحارس مناف كان في الخليج بعدين انتقل للأهلي والآن للصليبيخات
تبون رقمـه .؟ لووول هذي صورتـه
http://www.alyaum.com/images/11/11114/11114_33_3.jpg
والحارس الثاني زيادة لمعلوماتكم عبدالله العلي حارس القادسية السعودي

http://www.alyaum.com/images/11/11351/190015_1.jpg
بس هذا مو محترف الآن في البطولة العسكرية يلعب
المهم ..
كثروا من مواضيع اليد ..
تعبت وما وصلت يا حايلاوي
القطيف ما تتبع الأحساء الأحساء مستقلة بنفسها وبعيدة عن القطيف بأكثر من ساعة
القطيف مدينة مستقلة وتتبعها العديـــد من القرى ( درس جغرافيا يا حايلاوي )
وسيهات مش شبه قرية إلا تعتبر مدينة حتى البعض يرفض يسميها قرية تابعة للقطيف
وهي قريبة للدمام




انت أبخص

بس قريت ان سيهات يوجد فيها 3 مدارس ثانوية يعني مدينة صغنونة :D

هذا مناف ايه شايفه من قبل بس ليش له ( كريشة )

ميثم
20-03-2006, 13:01
على ما اعتقد مناف حارس النور بالاساس وانتقل الظاهر للخليج مادري والحين يشرفنا في الكويت:) والنور من القطيف:)

مدينة اسمها سيهات ياشباب :)

Ŝmα®Ђ βộỳ
20-03-2006, 14:46
أول مرة أعرف انه يلعب بالكويت
مناف حارس رائع .. انتقل للأهلي قبل كم موسم !
وهو حارس المنتخب

بالتوفيق لـه :)

صعـــب
20-03-2006, 15:08
مدينة صغيرة شبه قرية تابعة للقطيف والقطيف تابعة للأحساء والأحساء تابعة للمنطقة الشرقية والمنطقة الشرقية تابعة للمملكة العربية السعودية ...... تعبت :28:
اقوووووول الله يرحم والديك لاعاد تقول للناس معلومات خطاء !
طلعت ماتعرف شئ في الخريطة !
اجل القطيف تابعة للحساء؟
ولا عشان الي خبري خبرك ضميتها للحساء ؟ <<<<<<<<افهمها مشفره عشان مايتعدل الرد
القطيف الله يسلمك تابعة للدمام والحساء تبعد عن الدمام مسافة 150 كيلو...

الريانه
20-03-2006, 15:28
لووووووووووووول افا يا حيلاوي تعطيني معلومات مغلوطه !!! :D :o

ميثم
20-03-2006, 15:46
:d صعب

شلون تابعة للدمام؟؟

تقصد تابعة للمنطقة الشرقية عموماً..
لان القطيف مدينة والدمام مدينة بعد لاهذي ولاهذي تابعين لبعض:) بس قراب عند بعض
على العموم..الدمام ..القطيف الاحساء الخبر مدن في الشرقية ماختلفنا

HiLaLy
20-03-2006, 15:50
ايه والله مناف فخر لنا

مشالله عليه مقدم مستوى رائع مع فريق الصليبيخات

اله يوفقه انشالله

HiLaLy
20-03-2006, 15:53
أول مرة أعرف انه يلعب بالكويت
مناف حارس رائع .. انتقل للأهلي قبل كم موسم !
وهو حارس المنتخب

بالتوفيق لـه :)

لا ومقدم مستوى رااائع

صعـــب
20-03-2006, 15:55
8
8
8
القطيف تابعة للدمام وتوني متاكد من الوالد !
وللمعلومية الوالد (وكيل امارة) <<<<<<<يعني اطلع منها :D :D :p

ميثم
20-03-2006, 15:59
عزيزي صعب:)

انا من الدمام وتقريباً كل عصرية اروح القطيف..:p ودارس في مدارسهم :D ويكتبون في اوراق حق الاختبار مدينة القطيف ..المنطقة الشرقية

:) هي معلومة..حباً في القطيف العزيزة

HiLaLy
20-03-2006, 16:01
8
8
8
القطيف تابعة للدمام وتوني متاكد من الوالد !
وللمعلومية الوالد (وكيل امارة) <<<<<<<يعني اطلع منها :D :D :p

هلا وغلا بصعب قسم بالله انى حبيتك يااخى مادرى ليه

وش رايك تقهوا عندى :)
ههههههههههههههههههههههه

حايلاووي
20-03-2006, 16:01
اقوووووول الله يرحم والديك لاعاد تقول للناس معلومات خطاء !
طلعت ماتعرف شئ في الخريطة !
اجل القطيف تابعة للحساء؟
ولا عشان الي خبري خبرك ضميتها للحساء ؟ <<<<<<<<افهمها مشفره عشان مايتعدل الرد
القطيف الله يسلمك تابعة للدمام والحساء تبعد عن الدمام مسافة 150 كيلو...


يمكن معلوماتي قديمة

لاني اخبر ان القطيف تابعه للاحساء ! يمكن بعد نظام المناطق الجديد صارت القطيف محافظة مستقلة !

على العموم كلها بالشرقية والشرقية مدنها معقدة شوي !

Ŝmα®Ђ βộỳ
20-03-2006, 16:11
القطيف تابعة للشرقية
والدمام هي مقر إمارة المنطقة الشرقية ... مثل أبها بالنسبة لعسير وبريدة بالنسبة للقصيم :)

حايلاووي
20-03-2006, 16:16
لووووووووووووول افا يا حيلاوي تعطيني معلومات مغلوطه !!! :D :o
ياحبك للشماته :rolleyes:

أدريانو
20-03-2006, 19:50
الدمام على الأحساء على الخبر على حفر الباطن و...
كلها مدن كبيرة في الشرقية وتندرج تحتها قرى كثيـــــــــــــــرة
هي تتسمى قرى بس ماشاء الله عليها عن مجموعة مدن من السكان والعمران
أما مناف فحارس ممتاز ومتمكن من اللعب وكذلك الحارس عبدالله العلي
يستاهل الإحتراف والله ..! يعني الحمد لله حراسة اليد عندنا مأمونة ..
أما على الكرش ..
ففي اليد نادر اللي ماتشوفه بكرشة انت لو تشوف الحكام تقول لاعبين قوى على هالكروووووش
كل واحد يركض حامل كرشته يبغالها ونششششششش

نويدر
20-03-2006, 20:53
مناف مبدع من زمان وحصل الاشادة حتى عالميا ،، بس من سوء حظه مافيه اعلام لا للعبة ولا له شخصيا عندنا!!

ALQaisar
20-03-2006, 20:54
ههههههههههه


ياحليلكم

ماتعرفون بلدكم ؟


القطيف محافظة والاحساء محافظة وحفر الباطن محافظة وكلها تابعة للمنطقة الشرقية اللي عاصمتها الادارية هي الدمام

يعني مثل جدة والطايف كل مدينة تعتبرمحافظة مستقلة ولها مراكز وقرى تابعة لها وكلهم في النهاية تابعين لمكة ..

أدريانو
20-03-2006, 22:28
عاشووووا يا القيصر يا مدرس الجغرافيـــا

Ŝmα®Ђ βộỳ
20-03-2006, 23:04
ههههههههههه


ياحليلكم

ماتعرفون بلدكم ؟


القطيف محافظة والاحساء محافظة وحفر الباطن محافظة وكلها تابعة للمنطقة الشرقية اللي عاصمتها الادارية هي الدمام

يعني مثل جدة والطايف كل مدينة تعتبرمحافظة مستقلة ولها مراكز وقرى تابعة لها وكلهم في النهاية تابعين لمكة ..

ما قصرت والله
مستغرب العـك اللي فوق :rolleyes:

صعـــب
21-03-2006, 00:11
اقول لاحد يفتي في غير فنه ! ومن افتى بغير فنه اتى بالعجائب !
قلنا لكم القطيف منطقة تابعة للدمام حالها من حال الخبر, وبمعنى اخر زي الهفوف والمبرز كلاهما تابعين للاحساء وزي بريدة وعنيزة تابعين للقصيم واعيد مره ثانية للشطار الوالد وكيل اماره -حفظة الله - واعلم منكم بالاشياء هذي لانها في صميم شغله...

صعـــب
21-03-2006, 00:15
هلا وغلا بصعب قسم بالله انى حبيتك يااخى مادرى ليه

وش رايك تقهوا عندى :)
ههههههههههههههههههههههه

عادي ياخوي كلنا هلاليين لازم نحب بعض خصوصا ان الي يكرهون الهلال هنا كثير فلازم نتكاتف ونحب بعض :D :D :)

Ŝmα®Ђ βộỳ
21-03-2006, 00:15
اقول لاحد يفتي في غير فنه ! ومن افتى بغير فنه اتى بالعجائب !
قلنا لكم القطيف منطقة تابعة للدمام حالها من حال الخبر, وبمعنى اخر زي الهفوف والمبرز كلاهما تابعين للاحساء وزي بريدة وعنيزة تابعين للقصيم واعيد مره ثانية للشطار الوالد وكيل اماره -حفظة الله - واعلم منكم بالاشياء هذي لانها في صميم شغله...

الله يحفظ لك الوالد أخوي صعب :)

الإختلاف كان في انه بعض المناطق تسمى بمقر الامارة ( منطقة مكة - المدينة - الرياض )
وبعض المناطق تسمى باسم منطقة ( المنطقة الشرقية - الحدود الشمالية - أبها ) ويكون مقر الامارة في أحد المدن التابعة لها ( المنطقة الشرقية مقر امارتها في الدمام )
هذا اللي درسناه في الجغرافيا .. إلا إذا كانوا يدرسونا غلط :o

حايلاووي
21-03-2006, 00:24
اقول لاحد يفتي في غير فنه ! ومن افتى بغير فنه اتى بالعجائب !
قلنا لكم القطيف منطقة تابعة للدمام حالها من حال الخبر, وبمعنى اخر زي الهفوف والمبرز كلاهما تابعين للاحساء وزي بريدة وعنيزة تابعين للقصيم واعيد مره ثانية للشطار الوالد وكيل اماره -حفظة الله - واعلم منكم بالاشياء هذي لانها في صميم شغله...



صعب هذا ابوك ؟


http://www.albashiri.net/news/images/tkreem1.gif

صعـــب
21-03-2006, 00:33
8
8
8

هذا العثمان وكيل امارة الحساء بس انه مهب ابوي:D :D :p

صعـــب
21-03-2006, 00:39
الله يحفظ لك الوالد أخوي صعب :)

الإختلاف كان في انه بعض المناطق تسمى بمقر الامارة ( منطقة مكة - المدينة - الرياض )
وبعض المناطق تسمى باسم منطقة ( المنطقة الشرقية - الحدود الشمالية - أبها ) ويكون مقر الامارة في أحد المدن التابعة لها ( المنطقة الشرقية مقر امارتها في الدمام )
هذا اللي درسناه في الجغرافيا .. إلا إذا كانوا يدرسونا غلط :o
كلامك صحيح !
الدمام === المنطقة الشرقية
مكة === الغربية
الرياض ====الوسطى

لكن قبل هذا في مناطق مثل
المبرز والهفوف والعيون ====== الاحساء
بريدة وعنيزة ===== القصيم
الخبروالقطيف ====== الدمام

انا ماعرف وش يسمون هذولا وماقدر اسال الوالد الحين لانه نايم لكن بكره ان شاء الله اول مايصحى الاجابة تكون عندكم :D :D :)

مـنـدنـي
21-03-2006, 06:29
انا كنت قاعد اهنيكم بجداره مناف السعيد ..
لكن شكلي بقولكم هاردلك على الخبره بالجغرافيا مالتكم :p ..
شكلكم العموم دور ثاني بالجغرافيا مو؟:p



وشكرا..!!



16

ميثم
21-03-2006, 07:05
كيمبا:p
أخذ مني الكلام ومثل ماقالو بعض الشباب...صحيح انت بس تكلمت عن الحارس ..بس هي معلومة بقولها :)

القطيف غير تابعة للدمام:D

مثلاُ انا لوكنت في الدمام ودق علي واحد وقال لي وينك ..وقلت له في الدمام..ويقول زين وينك بالضبط..مايصير اقول له ..أنا في الدمام وبالضبط في القطيف ماتركب هذي:p

قالو القطيف ..فقلت غايت قصدنا.. إلق المراسي أيها الربان:D

السحابة 9
21-03-2006, 09:19
والله شغلة يا شباب شكتتونا بنفسنا ....

اللي أعرفه إن القطيف مدينة تابعة للمنطقة الشرقية اللي مقر أمارتها الدمام مثلها مثل الخبر والظهران والجبيل ....

شوفوا الجدول اللي بهالصفحة :

http://www.mofa.gov.sa/Detail.asp?InSectionID=1748&InNewsItemID=24889

ميثم
21-03-2006, 09:22
السحابة..عدل كلامك..القطيف تابعة للشرقية
ومقر اقامة الشرقية الدمام مو القطيف :) هني الفرق;)

مـنـدنـي
21-03-2006, 09:32
لو تكون بأي مكان تكون داخل اغلى دوله الي فيها بيت الله ..
الله يحفظ كل اهل ومدن وقرى السعوديه اخواني ...
وارد اقول هني يالكم بالحارس (( الوحش )) مناف .. ;)


وشكرا..!!


16