المساعد الشخصي الرقمي

مشاهدة النسخة كاملة : شطب 9 لاعبين من الجبلين ... قرارات قاسية ..!!!



MoonSun
20-03-2006, 22:25
صدرت مساء هذا اليوم قرارات قاسية بحق نادي الجبلين ...

وهي كالتالي:

1- شطب 9 لاعبين مدى الحياة (دون ان يشملهم العفو مستقبلا)

2-شطب اداري الفريق (الشهري) مدى الحياة...

3- شطب درعان الدرعان مساعد المدرب مدى الحياة...

4- اعتماد نتيجة (3-0) للرائد على الجبلين...

5- نقل جميع مباريات الجبلين المتبقة خارج ارضة...

6- حل مجلس ادارة الجبلين ومنعهم من الترشح لمدة 4 سنوات

قرارات قاسية جداً...

والله يعينكم يالجبلاويين عليها...

حايلاووي
20-03-2006, 22:33
درعان الدرعان راح يحمي الحكم ! وين العدل وليش ماجابوا كل الاطراف يسالونهم ؟؟؟

نجحت الخطة والمؤامرة بإبعاد عميد اندية الشمال من الممتاز


مدى الحياة؟ وين عايشين ؟


لكن القرارات هذي راح تكون على راسكم طالما فيه شخص اسمه ( ابو متعب ) ماراح يضيع حق النادي وجماهيره!

حان وقت تنظيف الاتحاد السعودي من الأورام المستعصية !

حايلاووي
20-03-2006, 22:34
الحين الدرعان مدرب وطني خدم النادي من طفولته وانتشل الفريق وكاد ان يصعد بهم للممتاز المفروض يستفيدون منه بدل ايقافه !

خيال الأزرق
20-03-2006, 22:37
الرياضه السعوديه .. سفينه بلا ربان .. تناقض في القرارات ..
الامير سلطان بن فهد شخصيه غير قياديه ..
ارتحوا له اهل الهوى.. وهم يشقون ويفصلون وهو يلبس

ALQaisar
20-03-2006, 22:42
قرارات عشوائية كالعادة من اتحاد سلطان بن فهد

اضحك شي في القرارات هو كلمة

مدى الحياة


تحس ان اللي يصدر قرارات الاتحاد الشعودي يكثر من الافلام المصرية

MoonSun
20-03-2006, 22:43
خذوها مني ياجبلاويين ...

ابو متعب راح يرجع لكم الهيبة...

وسلطان بن فهد واتحاده راح ينشالون...

ALQaisar
20-03-2006, 22:49
كلهم راح ينقشعون بعد المودنيال
بعد فضيحة2002 سكتو عليهم وعطوهم فرصة
لكن فضيحة 2006 ماينسكت عليها

خلاص ملينا من سلطان واتحاده الفاسد من الداخل منذ عشرين سنة وبدأت اعراض الفساد تظهر من 2002 وريحته طلعت في 2006 .. ونهايته قربت ;)

HiLaLy
20-03-2006, 22:57
اعتقد والله الجبلين يستاهل هالعقوبه

الى سووه بالحكم مو شويه

شكرا لى الاتحاد السعودى على هالقرارات الى اعادت الهيبه لى الحكم السعودى:)

خيال الأزرق
20-03-2006, 23:03
الهلاليين انتوا الستفيدين من هذا التخبط والركاكه في القياده

هلالي بس شرايك تصير نصراوي

MoonSun
20-03-2006, 23:06
1- شطب 9 لاعبين مدى الحياة (دون ان يشملهم العفو مستقبلا)


حاطين في بالهم العفو مستقبلا...!!!:p

اجل ليش تقر العقوبات ..!!! عشان يشملهم العفو!!!

اتحاد متخبط في قراراته...!!

HiLaLy
20-03-2006, 23:08
الهلاليين انت الستفيدين من هذا التخبط والركاكه في القياده

هلالي بس شرايك تصير نصراوي

شنو الاستفاده من الجبليين يعنى

بعدين سبق و قلت لك اتشرف انى اكون نصراوى
بس احـــب الـــهـــلال
:)

عبدالإله
20-03-2006, 23:15
يا جماعه .. كُلفت لجنة وبناءً على تقرير اللجنة أصدر القرار

فيه واحد منكم عضو باللجنة الي سوت التحقيق :confused:


وابو متعب :D لا تتعبون من الحين .. تلقونه موقع على القرار بنفسه لوووووول :D

راية العز
20-03-2006, 23:47
حايلاوي انصحك تروح لبعض الناس

و هم اللي يقدرون يجيبون لكم كرت ابيض من ابو متعب .. مثل ما جابوه قبل لغيركم :)



بالمناسبة

في ناس طايحين حش بسلطان بن فهد رغم إن ناديهم أكثر المستفيدين من وجوده !!

صدق لا قالوا .. ناس ما تعجبها العجب ولا حتى صيام رجب :)

THAMER_Z6Z
21-03-2006, 00:37
سلطان بن فهد نهايته قربت والعلم عند الله .. لان اللي يصير بالرياضه شي مهوب طبيعي ..
.
.

ALQaisar
21-03-2006, 00:48
سلطان بن فهد نهايته قربت والعلم عند الله .. لان اللي يصير بالرياضه شي مهوب طبيعي ..


امييييييييييييييين

مبارك الدوسري
21-03-2006, 01:02
البعض في هذا الموضوع أمره غريب !!!
الحكم كان بين الحياة والموت ولكن رب العالمين ستر ، وسمعة الكرة السعوديه "انجرحت" بهذا الفعل السيء الخارج من ناس غير واعيه للأسف ، وفوق هذا وذاك تتأسفون على القرارات التي صدرت بحق المسيئين لأنفسهم قبل ان يسيئوا لأي طرف آخر .. !!
والله راسي عورني بسبة مارأيته ، تخيلوا معاي ابناء هذا الحكم واخوانه واهله وهم يشوفون "فلم" مطاردته من قبل هذه الفئه الجاهله !!
شنو موقفهم !!
على فكره عندنا في الكويت أعتقد قبل 8 سنوات صار نفس الموقف هذا بالضبط للحكم حميد أحمد
يعني عندنا وعندكم خير ولكن مايميزكم ان اتحادكم يجتث رأس المشكله وساس البلا من البدايه
بصراحه أعجبتني قرارات الاتحاد السعودي "قواهم الله" وان شاء الله يكون ماحصل درس للجميع
ولنا قبل غيرنـا :)

حايلاوي على فكره أمرك غريب ، حتى لو كان الدرعان مدرب وطني وصعد بالفريق الى الدوري الممتـاز تبيهم يسامحونه هذه الفعله السوداء !!
الا زين يسوون فيه وان شاء الله يكون قدوه لغيره :)
لله درك ياسلطــان بن فهد يمكن ماتعجبني سياستك ولكن في هذا الأمر بـرافو يابو فهد :)

وفي نفس الوقت يجب الا ننسى بعض لاعبي الجبلين الي ماقصروا ومسكوا بعض الجماهير المتخلفه
وحاولوا ابعادهم عن الحكم ، موقف طيب يحسب لهم :)

حايلاووي
21-03-2006, 01:07
يامبارك الدوسري انت مادريت عن الرشاوي اخذها الحكم والمؤامرات اللي سواها الحكير ؟

وجرح مشاعر جماهير النادي مالها قيمة عندك ؟

بعدين الحكم ما جاه شي وبالتحقيق قالت الشرطة لم يتعرض لأذى !


فقط تهويل إعلامي كالعادة !

السحابة 9
21-03-2006, 01:12
والله أشوف القرارات منصفة ....

أما بخصوص الرشاوي والأشياء الثانية أعتقد في طرق ثانية لفضحها غير ضرب الحكم بالطريقة المهزلة اللي شفناها ....

خيال الأزرق
21-03-2006, 01:14
مبارك أجل ماشفت اعتراف رئيس الهلال بالنسبه للرشاوى

مبارك الدوسري
21-03-2006, 01:19
يامبارك الدوسري انت مادريت عن الرشاوي اخذها الحكم والمؤامرات اللي سواها الحكير ؟

وجرح مشاعر جماهير النادي مالها قيمة عندك ؟

بعدين الحكم ما جاه شي وبالتحقيق قالت الشرطة لم يتعرض لأذى !


فقط تهويل إعلامي كالعادة !



اخوي العزيز حايلاوي :)
طبعا لاناقة ولاجمل لي في ماحصل حتى أكون مع طرف ضد طرف او حتى احابي طرف ضد آخر :)
ولكن والله يا اخوي الكريم عورني قلبي وراسي من التصرف الغريب على الكره السعوديه بالذات :)
تقول رشـاوي !!
اوكي ياعزيزي حل الرشاوي مو بهذي الطريقه ، فـ عصر خذ حقك بيدك انتهى ، حنا وانتوا في ديرة قانون ولله الحمد ، ما احنا في غابه حتى نقول ان الحكم مرتشي لذلك نضربه ونأخذ حقنا بيدنا !!
الحكير أخذ وفعل وعمل وسوى ولكن الجماهير وبعض المسؤولين في الجبلين المفروض يكونون فوق هالأمور :)
مو تقول في احد ردودك انه بوجود بومتعب "طول الله عمره" ماراح يضيع حقكم !!
أوكي جـان وصلتوا شكواكم لأبو متعب وقبله لرب العالمين وستأخذون حقكم ان شاء الله :)
ولكن يتم التصرف بهذه الطريقه البعيده كل البعد عن ديننـا وعن عاداتنـا وتقاليدنـا فـ اسمح لي هذا تصرف ارعن جاهلي بحت لايمت لأرض المملكه بأي صله :)
حتى لو جرح مشاعر الجماهير وظلم الجبلين اسلكوا الطريق الصحيح حتى تصلون للـصح :)
بعيدا عن تحقيق الشرطه وخلافه ، فـ مانراه في الفلم الموجود امامنـا هنا في الازرق يدين
الجبلين وجماهيره وبعض ادارييه ولاعبيه ، خل تحقيق الشرطه وانظر للموضوع بعين الواقعيه ياطيب
ياولد الطيبين وانسى مسقط رأسك وفكر بعقلك بعيدا عن عاطفتك وقولي شنو تشوف بالفيديـو !!
بالنسبه لي اشوف بلاوي مالها أول ولاتالي في هذا الفلم :)

اخوي العزيز التهويل الاعلامي يمكن يمشي علينا ;) ، يمكن يطوف علينا ونصدقه لو ماشفنا الفلم
ولكن ياخوك الفلم امامنـا يفصل لنا ويشرح افضل شرح وتفصيل :)

فهـــ 11ـد
21-03-2006, 01:19
يامبارك الدوسري انت مادريت عن الرشاوي اخذها الحكم والمؤامرات اللي سواها الحكير ؟

وجرح مشاعر جماهير النادي مالها قيمة عندك ؟

بعدين الحكم ما جاه شي وبالتحقيق قالت الشرطة لم يتعرض لأذى !


فقط تهويل إعلامي كالعادة !



رشاوي شنو تحط في ذمتك انت؟ الرجال يحلف انه ليلة المباراه كان نايم في المطار وماوصل الا الصباح القصيم مادري بريده

وشنو مشاعر وبطيخ وانت ماهمتك مشاعر اهله وعياله الحكم؟
ولما تقول لم يتعرض للأذى

ترى الحكم في رفعه السكين اقوى من اللي طعن بها :cool:

مبارك الدوسري
21-03-2006, 01:22
مبارك أجل ماشفت اعتراف رئيس الهلال بالنسبه للرشاوى


شفته وعلقت عليه ;)
اعتقد الكره السعوديه صابتهـا عين ، عموما بالنسبه لموضوع محمد بن فيصل ما اعتقد يمر مرور الكرام خاصة لدى الاتحاد الدولي :)

حايلاووي
21-03-2006, 01:28
اخوي العزيز حايلاوي :)
طبعا لاناقة ولاجمل لي في ماحصل حتى أكون مع طرف ضد طرف او حتى احابي طرف ضد آخر :)
ولكن والله يا اخوي الكريم عورني قلبي وراسي من التصرف الغريب على الكره السعوديه بالذات :)
تقول رشـاوي !!
اوكي ياعزيزي حل الرشاوي مو بهذي الطريقه ، فـ عصر خذ حقك بيدك انتهى ، حنا وانتوا في ديرة قانون ولله الحمد ، ما احنا في غابه حتى نقول ان الحكم مرتشي لذلك نضربه ونأخذ حقنا بيدنا !!
الحكير أخذ وفعل وعمل وسوى ولكن الجماهير وبعض المسؤولين في الجبلين المفروض يكونون فوق هالأمور :)
مو تقول في احد ردودك انه بوجود بومتعب "طول الله عمره" ماراح يضيع حقكم !!
أوكي جـان وصلتوا شكواكم لأبو متعب وقبله لرب العالمين وستأخذون حقكم ان شاء الله :)
ولكن يتم التصرف بهذه الطريقه البعيده كل البعد عن ديننـا وعن عاداتنـا وتقاليدنـا فـ اسمح لي هذا تصرف ارعن جاهلي بحت لايمت لأرض المملكه بأي صله :)
حتى لو جرح مشاعر الجماهير وظلم الجبلين اسلكوا الطريق الصحيح حتى تصلون للـصح :)
بعيدا عن تحقيق الشرطه وخلافه ، فـ مانراه في الفلم الموجود امامنـا هنا في الازرق يدين
الجبلين وجماهيره وبعض ادارييه ولاعبيه ، خل تحقيق الشرطه وانظر للموضوع بعين الواقعيه ياطيب
ياولد الطيبين وانسى مسقط رأسك وفكر بعقلك بعيدا عن عاطفتك وقولي شنو تشوف بالفيديـو !!
بالنسبه لي اشوف بلاوي مالها أول ولاتالي في هذا الفلم :)

اخوي العزيز التهويل الاعلامي يمكن يمشي علينا ;) ، يمكن يطوف علينا ونصدقه لو ماشفنا الفلم
ولكن ياخوك الفلم امامنـا يفصل لنا ويشرح افضل شرح وتفصيل :)


يالحبيب شكلك فاهم غلط !
انا ضد التصرف الارعن اللي صار فهو يسيء للنادي ولي شخصيا قبل ان يسيء للحكم او سمعة الرياضة السعودية ! لكن اللاعبين والجماهير بشر ضاق بهم الخناق من الظلم والحيف من الحكم والاتحاد السعودي والاعلام مالله به عليم وانفجر الورم !

اتمنى لو ان عندي تسجيل للمباراة وراح تشوف ان الهدف سجل بدون صافره ووجه الحكم كان متجه للجمهور ! مو مهزلة تحكيمية ؟

tito2000
21-03-2006, 02:18
اعتقد والله الجبلين يستاهل هالعقوبه

الى سووه بالحكم مو شويه

شكرا لى الاتحاد السعودى على هالقرارات الى اعادت الهيبه لى الحكم السعودى:)


هو كان فيه هيبه اصلا ..

لاتتشمت .. ترا يمكن يجيك توقيف من الديوانيه ... ( مدى الحياة )

مبارك الدوسري
21-03-2006, 02:28
يالحبيب شكلك فاهم غلط !
انا ضد التصرف الارعن اللي صار فهو يسيء للنادي ولي شخصيا قبل ان يسيء للحكم او سمعة الرياضة السعودية ! لكن اللاعبين والجماهير بشر ضاق بهم الخناق من الظلم والحيف من الحكم والاتحاد السعودي والاعلام مالله به عليم وانفجر الورم !

اتمنى لو ان عندي تسجيل للمباراة وراح تشوف ان الهدف سجل بدون صافره ووجه الحكم كان متجه للجمهور ! مو مهزلة تحكيمية ؟


فاهم غلط !!
حرام عليك انا لو اقلب الكيبورد صدقني كلامك واضح ومحاولة دفاعك واضحه وخاصة فيما هو مكتوب بالازرق ;)
بكلامك كأنك تعذرهم على ما ارتكبوه :)
حتى لو عندك تسجيل وشفت ان الحكم ظلم فريقك وصارت مهزله فمـا جرى غلطه كبيره وبناءا عليها
خرج رأينـا :)

ALQaisar
21-03-2006, 02:30
هو كان فيه هيبه اصلا ..


من وين تجي الهيبة وبعد كل مباراة يجيهم رئيس مراهق ويهدد يانفوز ياتفل عليكم

لو كان الاتحاد السعودي يريد الحفاظ على هيبة الحكم كان عاقب الرئيس اللي يبصق على الحكم .. لكن عشانه امير ماحد يقدر يقرب منه
او على الاقل يمنعون الاطفال من رئاسة الاندية ,

فيصل السعودية
21-03-2006, 02:31
ياليت الأخوان اللي معارضين القرارات .. يقولون لنـا لو هـم أصحاب القرار وش راح يسوون !

القرارات مافيها شي ..


ولاتصيرون مثل الإمعات [ معاهم معاهم , عليهم عليهم ] !

وين قاعدين حنـا .. بغابة !

والله المسألة صارت فوضى !

علشان شخص [ يكرهونه ] وهو الأمير سلطان .. قالوا إن القرارات ظالمـة !

بالله وش هي القرارات المنصفة ياحلوين !


كل واحد فاصخ جزمتـه [ يكرم الناظر ] .. ويصفق في الثاني ! وين قاعدين !

وش تبون يعني تصير نوعية العقوبة !!!!


قرارات جيدة

Abo_Ahmad_k
21-03-2006, 02:32
قرارات منصفه جدا لما حدث ,,,, اجل وش تبون يسوي سلطان بن فهد يروح يبوس ايدين لاعبين الجبلين ويقول لهم عفيه ويعطيكم العافيه ,,,,,, ياخوان تبدلون تاخذون احمد اليوسف وتعطونا سلطان بس سنه وشوفو رياضتنا وش يصير فيها ,,,,,,

tito2000
21-03-2006, 03:08
[quote=فيصل السعودية]

وين قاعدين حنـا .. بغابة !

معليش .. شكلك كنت مضطهد :D


================================================== ==============

بالله وش هي القرارات المنصفة ياحلوين !

اسأل خميس والثنيان :p


================================================== ==============



وش تبون يعني تصير نوعية العقوبة !!!!

حالهم حال غيرهم اللي سوو اشنع



================================================== ==============

حايلاووي
21-03-2006, 13:58
الناس تعرف وتدرك احنا مو ( بقر ) ليش الاتحاد والهلال والنصر ماشفنا قرارات قوية مثل هذي؟

مبروك لكل من فرح بهذا القرار خاصة فيصل ومبارك الدوسري وعاشق الابيض وفهد11

HiLaLy
21-03-2006, 14:04
هو كان فيه هيبه اصلا ..

لاتتشمت .. ترا يمكن يجيك توقيف من الديوانيه ... ( مدى الحياة )

انا ماتشمت ولا شى بس قلت راى بالقرارت وانا حر فيه
واعتقد ماتوقف عليه ;)

Abo_Ahmad_k
22-03-2006, 03:50
الناس تعرف وتدرك احنا مو ( بقر ) ليش الاتحاد والهلال والنصر ماشفنا قرارات قوية مثل هذي؟

مبروك لكل من فرح بهذا القرار خاصة فيصل ومبارك الدوسري وعاشق الابيض وفهد11

ياخوي يعلم الله اني ماتشمت لا عليك ولا على الجبلين ,,,, نادي كلنا يعتز بوجوده بين انديه الدوري السعودي بس الشباب كفو ووفو بالشرح لك ياخوي ,,,,,, اتمنى ان القرارات هذه عندنا بالكويت كان ماشفنا حال منتخبنا كذا من سئ لاسوأ ,,,, لاعبي الجبلين غلطو واداره الجبلين اغلطو تبي تقول لي الحكم كان بنادي الرائد ليله المباراه ياخوي جيب دليل وكلنا نصدق لا بالكلام ترى اسهل حاجه الكلام ,,,,,,,
ولا تزعل مني يابعد حيي وميتي :)