المساعد الشخصي الرقمي

مشاهدة النسخة كاملة : المحرق بطل الدوري البحريني للممتاز ..



Smile Moon
15-04-2006, 22:08
ألف مبروك لكل الجماهير المحرقاويه الفوز بدرع الدوري الممتاز
بعد الفوز على ستره بركلة جزاء بأخر الثواني من الوقت الضائع المحتسب 6 دقائق ..
سجل الهدف المحرقاوي المحترف البرازيلي ريكو ..

ألف مبروك مره ثانيه درع الدوري الـ 28 للمحرق .. الكـبير كبيـر ..:cool:

هاردلك للجماهير الاهلاويه .. وهذي الكره والدرع لفريق واحد ..

:) :)

Om ABRAR
15-04-2006, 22:18
تسلمين ع الموضوع :)
والف مبروك لج لكل مشجعين المحرق ..

صحيح اني اميل لنادي محرق شوي في الدوري لكن بكل صراحة المحرق ما يستاهل الفوز :rolleyes:
لعبه ما يأهله انه ياخذ الدوري :mad:
مانبي الدرع اذا يه بهالطريقة!

الاهلي سوا الي عليه بس ال8/0 ما نفعتهم ..
فهاردلك لكل أهلاوي ومبروك مرة ثانية لكل محرقاوي وخصوصاً نون :)

فالانساوي333
15-04-2006, 22:21
أولاُ:: مبروك للمحرق ولادارته ولاعبيه وكل عشاقه
وهاردلك لعشاق الاهلي..

ثانياً:: أقولها صريحة ومكرراً
ارادة الاتحاد البحريني ونادي المحرق وحكم اليوم (ابو 6 دقايق)
كان فوق إرادة لاعبي نادي الاهلي ولاعبي سترة

كـاسر الامـواج
15-04-2006, 22:33
يصير يزعلون الشيوخ ؟!

الشيوخ يشجعون المحرق نصهم و نصهم يشجعون الرفاع ,, فتلاقي الدوري سنة للمحرق و سنة للرفاع ,, و لما صار التنافس بين المحرق و الاهلي اخذ المحرق الدوري بعد قرارات تحكيمية غريبة !! 6 دقايق وقت بدل ضايع , و ركلة جزاء مشكوك في صحتها ؟!

مبروك للمحرق لكن الاهلي هو الاقوى هذه السنة ..

فالانساوي333
15-04-2006, 23:59
http://img11.picsplace.to/img10/3/m1_001.jpg

ديقو سميوني
16-04-2006, 00:36
مبرووووك للمحرق :rolleyes:

طبعا البلنتي غير صحيح حسب راي معظم الجماهير و ان الاتحاد رتب عدل حق هالمباراة و الحكم ما حب يزعل الاتحاد و صفر بلنتي للمحرق حتى لا يتوج الاهلي بطل للدوري :confused:

فشلون نوصل لكاس العالم و هذا مستوى التحكيم .. و الاتحاد يدعي اللعب النزيه و هو دائما ضد الاهلي :confused:

و كل الاتحادات حاطه العدواة مع الاهلي في كل الالعاب بس شنو السبب ؟؟؟؟؟؟؟ محد يدري

هاردلك لكم يا الاهلاوية .. ان شاء الله تتعوض في باقي المسابقات و خلوا لمحرق يفرحون بالدوري الي جاء عن طريق الغش

b4e
16-04-2006, 01:48
مبروك للأهلي..
الطبخه مطبوخه من الاتحاد والواااو..
بلنتي غير صحيح..
و6 دقايق كثيره..!
الله يعينا على اتحاد مثل هالاتحاد..
مباراه تحدد البطل يخلون لك حكم من البلد نفسه وهالبلد الوساطة تمشي فيه كل شي..!
عجيب والله..

Zard
16-04-2006, 02:21
مبروك للمحرق وهاردلك لعشاق الاهلي

بحرينيه 9
16-04-2006, 02:43
والله ياجماعه المحرق مب محتاج لحكم يساعده على الفوز ولاشي ..هاذي غيرنا يسوونها بس مو احنا

بعدين ليش ماتتكلمون عن اتحاد سترة والاهلي ضد المحرق وكان الذيب جاي من المريخ وليس نادي بحريني !!

وليش ماتتطرقون لمباراة الشباب والاهلي .. 8 - 0 قوويه , معليش الاهلي مستواهم قوي بس مو لي هالدرجه .. لايكون الشباب ماعندهم حارس

بعدين الـ 6 دقايق عشان لاعبين سترة مثلوا لنا فلم ولااستوى , كلهم مصابين ماشاء الله

الم يحتسب الحكم في مباراة الاهلي وسترة 10 دقايق وقت بدل ضايع ماشفنا احد تكلم , والا يعني لما بس صارت على المحرق الكل قال حرااام !!

ماننكر ان الاهلي افضل الفرق ثبات في المستوى , بس المحرق كان متصدر الدوري من بدايته فليش مايستحق يعني لانه المحرق صار مايستحق ..

الكبير كبير وبطولاتنا خذناها بجد وتعب واللي موعاجبه كيفه خل يقول اللي يقوله من اليوم لي باجر ... والف الف مبروك للمحرق وهارد لك للاهلي

صعـــب
16-04-2006, 04:38
مبرووووووووووووووووك للمحرق .......

Faisal Kamal
16-04-2006, 04:53
مبروك للمحرق :)

Stop
16-04-2006, 05:24
مبروك المحرق

ديقو سميوني
16-04-2006, 06:01
والله ياجماعه المحرق مب محتاج لحكم يساعده على الفوز ولاشي ..هاذي غيرنا يسوونها بس مو احنا

بعدين ليش ماتتكلمون عن اتحاد سترة والاهلي ضد المحرق وكان الذيب جاي من المريخ وليس نادي بحريني !!

وليش ماتتطرقون لمباراة الشباب والاهلي .. 8 - 0 قوويه , معليش الاهلي مستواهم قوي بس مو لي هالدرجه .. لايكون الشباب ماعندهم حارس

بعدين الـ 6 دقايق عشان لاعبين سترة مثلوا لنا فلم ولااستوى , كلهم مصابين ماشاء الله

الم يحتسب الحكم في مباراة الاهلي وسترة 10 دقايق وقت بدل ضايع ماشفنا احد تكلم , والا يعني لما بس صارت على المحرق الكل قال حرااام !!

ماننكر ان الاهلي افضل الفرق ثبات في المستوى , بس المحرق كان متصدر الدوري من بدايته فليش مايستحق يعني لانه المحرق صار مايستحق ..

الكبير كبير وبطولاتنا خذناها بجد وتعب واللي موعاجبه كيفه خل يقول اللي يقوله من اليوم لي باجر ... والف الف مبروك للمحرق وهارد لك للاهلي


معروفة اصلا ان الاتحاد البحريني يمشي مصالح المحرق و الرفاع (اندية لشيوخ) و الي يقول عكس هالكلام يغالط نفسه :o

مشكلة الذيب الحمر ان الفريسة جاهزة ما عليه الا ياكل مع انه ما يصيد بنفسه :D

و الاهلاوية متعودين على قرارات الاتحاد و حكامهم و خصم النقاط يعني خسارة الدوري مجرد مهزلة من مهازل الاتحاد تجاه نادي الاهلي :) و المشكلة ان مو بس في كرة القدم حتى في السلة و اليد :mad:

بحرينيه 9
16-04-2006, 10:26
اذا بطولاتنا من الشيوخ ( نفس ماتقول ) ... عسى الله يحفظ شيوخنا ويطول في اعمارهم ان شاء الله ويجيبون لنا الكاسين !!

Lady Shy6ona
16-04-2006, 15:12
هاردلك للاهلي
ومبرووووك للمحرق الفوز..والدوري..:) :)

Smooth criminal
16-04-2006, 15:20
هاردلك للاهلي...........

Smile Moon
16-04-2006, 19:06
يبارك فيكم .. تسلمون على مروركم .. :)

عادل العنزي
17-04-2006, 16:02
مبروك للمحرق

Smile Moon
17-04-2006, 21:21
يبارك فيك .. شكراً على التواصل .. :)

mu7rrqawy
17-04-2006, 23:02
هاردلكم يالاهلاويه اجوفكم تعودتوا على الاتحاد ظلمنا ومادري شنو كل يوم فلم البلنتي صحيح والست دقايق اشوي المفروض عشر لان لاعبين ستره ماقصروا كل واحد يبيله نص ساعه لين يقوم ومثل ماقالت الاخت بحرينيه 9 انتو عشر دقايق والغربي 8 دقايق واحنا ست دقايق وايد ... على العموم المحرق كبير والكبير كبيييييير ومو محتاج حق شيوخ ولا اتحاد ... ومبرووووووووووووك للذيب للمره 27 وعلى قولة الفيلسووف ريكو no problem :D .

Om ABRAR
18-04-2006, 18:30
هذا من أحد مشجعي سترة ( الشاعر علي ) :


كفانا يا أخي فخراً بأنا نحدد من تكون له البطولة
كأن اليوم " سترة " صوت شعب ينصب من يراه رئيس دولة


وهذا بعد من مشجع ستراوي غيور:


قل الى" ريكو " تحل بالأدب لا تكن كالكلب إن هز الذنب
هدف فيه شكوك وبه حكم الساحة أهداكم لقب

:)

kuwait_feed
18-04-2006, 22:07
دوري مافيه نديه لانه الدرع محتكر بين المحرق و الرفاع

QaDSaWe_20
18-04-2006, 22:34
مبروك المحرق :)

Smile Moon
19-04-2006, 18:17
الحمدلله .. بلنتي صحيح لا غبار عليه ..!
وافرحوا يالعذال على توقيف ريكو .. وهذا بحذ ذاته بطوله بالنسبه لكم ..!

وشكراً لكم جميعاً على التواصل ..!
والله يبارك في حياتكم =)

بحرينيه 9
19-04-2006, 23:54
قال احد المحرقاويين , في فوز المحرق بالدوري :

حقيقه واضحه مابها شك وجـــــــدال --------- الدرع محرقــي حـــــــق وجـــدارة

كفــــو ووفـــوا بقــوال وافعـــــــــــال --------- لاعبينــــا دوم رهـــن الاشـــــــــــاره

البجاي يبجي والشكاي يشكي الحال --------- مساكين اندادنا يوم سمعوا البشاره

طاحــــت احزابهـــــم في شر الاعمال -------- يوم تخادنو ضدنا بصريــــح العباره

الدرع موروث لنا اجيال ورا اجيال --------- بعـزم رجال ماعرفوا طعم الخساره

:) :)

تهنئه خاصة لي سمايل نون :)

Om ABRAR
20-04-2006, 02:11
تهنئه خاصة لي سمايل نون :)
سمايل موون ;)

ديقو سميوني
20-04-2006, 02:41
ابغي اعرف هل فعلا ان المشجعين المحرقاويين مقتنعين ان فريقهم البطل؟؟؟؟

بطل بالغش؟؟

و هذي عقوبات ؟؟؟؟؟؟؟؟؟ و يقولون الاتحاد مو مع لمحرق (فريق لشيوخ)
علي حسن : رمى قميص الاهلي على الارض و يتوقف مباراة واحدة بس و غرامة 50 دينار (طايف اشارة المرور)

ريكو لاعب محترف و حاط في فانيلته ان الاهلي و سترة ضد المحرق ... لو سترة ضد المحرق جان ما تعادلوا مع الاهلي ......

مبرووووووك لفريق لشيوخ و عندي اقتراح للاتحاد البحريني حق الدوري يصير اكثر متعة و اكثر منافسة ان يلعبون الرفاع و لمحرق مباراة وحدة تحدد من هو البطل و بعدين من المركز الثالث الى المركز الاخير يتنافسون فيما بينهم

Smile Moon
20-04-2006, 15:06
الجماعه مب مستوعبه ان المحرق هو البطل الاحق والاجدر للدوري ..!

- تصدرنا الدوري لـ 17 جوله ..
- ركلة جزاء صحيحه والاهلاويه المتعصبيين سوف يرونها العكس ..!
عن توقيف ريكو ..
- لماذا لم ينظر الاتحاد الى المشجع الاهلاوي الذي نزل الملعب ويتهجم على الحكم ..!
- التدريب المشترك والصور الجماعيه للفريق الستراوي مع الاهلاوي على شنو يدل ..!؟

عالعموم الـ 30 ثانيه قررت أن يذهب الدرع الى محبوبه في عراد ..
والمحرق بطل .. شاء من شاء, وأبى من أبى ..

Smile Moon
20-04-2006, 15:13
قال احد المحرقاويين , في فوز المحرق بالدوري :

حقيقه واضحه مابها شك وجـــــــدال --------- الدرع محرقــي حـــــــق وجـــدارة

كفــــو ووفـــوا بقــوال وافعـــــــــــال --------- لاعبينــــا دوم رهـــن الاشـــــــــــاره

البجاي يبجي والشكاي يشكي الحال --------- مساكين اندادنا يوم سمعوا البشاره

طاحــــت احزابهـــــم في شر الاعمال -------- يوم تخادنو ضدنا بصريــــح العباره

الدرع موروث لنا اجيال ورا اجيال --------- بعـزم رجال ماعرفوا طعم الخساره

:) :)

تهنئه خاصة لي سمايل مون :)

صح لسانه ..!
وتسلمين على التهنئه .. عقبال ما نبارك لج بالكأسين ..! ;)

mu7rrqawy
20-04-2006, 15:49
الكبير كبييييييييير وقفوا ماوقفوا ... وقفوا ريكو ولا علي حسن . المحرق بمن حضر

والاهلي فقاااااااره والله فقاااااره مسوين لهم احزاب ويا ستره والشباب وطلع رادي عليهم خخخخ وعلى قولة صاحبنا الصحفي: في شأن الرياضة وكرة القدم تحديدا بعد فوز المحرق ببطولة الدوري . نقول هل عدنا الى زمن الطبخات الكروية والصفقات ، فصارت بعض الفرق تفوز بعدد من الأهداف بشكل خيالي ؟!! لا يصح الا الصحيح


وبالبركه للمره 27 ،، والدوري خذوه الحمر يبيلوهم دوري يديد :)

ديقو سميوني
20-04-2006, 19:46
الكبير كبييييييييير وقفوا ماوقفوا ... وقفوا ريكو ولا علي حسن . المحرق بمن حضر

والاهلي فقاااااااره والله فقاااااره مسوين لهم احزاب ويا ستره والشباب وطلع رادي عليهم خخخخ وعلى قولة صاحبنا الصحفي: في شأن الرياضة وكرة القدم تحديدا بعد فوز المحرق ببطولة الدوري . نقول هل عدنا الى زمن الطبخات الكروية والصفقات ، فصارت بعض الفرق تفوز بعدد من الأهداف بشكل خيالي ؟!! لا يصح الا الصحيح


وبالبركه للمره 27 ،، والدوري خذوه الحمر يبيلوهم دوري يديد :)

يا حبيبي انا مو عايش في المريخ و اعرف شلون الامور تمشي في البحرين ... حكم المباراة الكل يعرف ان هو من المحرق و لجنة الحكام في الاتحاد معروف عنها تحيزها للرفاع و لمحرق ..

و الصورة الجماعية ما فيها شيئ خاصة ان العلاقة بين النادي الاهلي و سترة ممتازة لان ناشئين الاهلي معظمهم من اهالي سترة ... و فوز الاهلي 8-0 على الشباب شيئ مو عجيب خاصة ان الشباب هالموسم مستواهم هااااااااابط و امس شفنا شلون الحالة فاز عليهم بخسمة اهداف فشيئ عادي ان الاهلي يفوز عليهم 8 - 0 ...

و حتى العقوبات باخية مثل الاتحاد :mad: لاعب يلعب في المنتخب يسوي هذي الحركات حركات اليهال ... و الله لو في ديرة ثانية ما ينزل الملعب طول السنة :mad: بس شلون يزعلون الشيخ .......

مبروووووووك لكم بطولة الغش :)

بس ممكن تقولي ليش الاهلي ما عطوهم نقاط مباراة لبسيتين ؟؟؟؟؟؟؟؟ :D

mu7rrqawy
21-04-2006, 00:27
مع احترامي لك المحرق شيخ الانديه الخليجيه من زمان مو محتاج حق شهادتك ... وثاني شي على قولتك ان الاتحاد ولجنه الحكام مع المحرق فانت اكيد من المريخ لانك ماتدري شنو سووو ضد المحرق سالفة البيضه وغيره وغيره ... وعلى قولة الشيخ حسام ان الاتحاد يدفع الفواتير ماله من نادي المحرق

والصوره الجماعيه على قولتك علاقة زينه في الناشئين مب الفريق الاول .. وعن الهزيمة اعتقد طبقوا طريقة انا واخوي على ولد عمي وانا وولد على الغريب ،،، واللي فوق راسه بطحه يتحسسها وووعن العقوبات اهيه من ناحيه بايخه بايخه لان ماسووو شي حق المشجع الستراوي اللي دش الملعب ويبي يعتدي على الحكم ولعلمك ان الشرت كان لونه اصفر وماكان على شعار االاهلي ...
والله يبارك فييييك وتسلم على التهنئة ( احترم وجهة نظرك)
وبالنسبة حق نقاط الاهلي ضد البسيتين ..مشكلة الاعب دعيج سامي الذي كان مشطوب :
وهي المشكلة التي شغلت المساحه الاكبر في صحف الرياضه في القسم الاول .. ولنرى ماذا حدث ..
دعيج سامي تم شطبه الموسم قبل الماضي وذلك لاعتداءه على الحكم في مباراة البسيتين مع المحرق..
في هذا الموسم تم تسجيل الاعب رغم توقيفه الا انه لم يلعب .. وبعد فترة تصفيات كاس العالم قام الاتحاد بالعفو عن جميع الاعبين الموقفين والمشطوبين فأصبح دعيج سامي لاعب غير مشطوب وبعدها لعب امام الاهلي وفاز البسيتين بالمباراه بعدها تعالت صيحات اداريين الاهلي من جديد وعلى نفس المنوال ..
ان لاشكاليه ستكون قبل ان يصدر العفو عن جميع الاعبين ولكن بعدما صدر العفو يكون الاعب حر في ان يلعب واذا كان هناك خطاء ربما يكون خطاء في التسجيل في بداية الموسم وليس في مبارة الاهلي .. هذا ان كان هناك خطاء فعلا ..
اما عن شهادة بن همام اعتقد ان الاهلاويه تشدقوا بها اكثر من الازم وبن همام لم يسمع التفاصيل وهو ليس المختص في الموضوع واي انسان سيقرا العنوان على الشكل التالي ( البسيتين يشرك لاعب مشطوب في مبارة الاهلي ) سيقول ان النقاط يجب ان تحتسب للاهلي ولكن اذا دخل في التفصيل سيكون كلام اخر في الموضوع..

عسى بس كفيت وووفيييت ...
والذيب يوعان وديايه صفره .

ديقو سميوني
21-04-2006, 23:56
زين ..

و الحكم لاعب في نادي المحرق سابقا في الفئات السنية .. و هو من المحرق .. و قبل المباراة كان يتدرب على ملعب نادي لمحرق ليستعد للمباراة ..

وين مبدأ تكافؤ الفرص ؟؟

و الدياية الصفرة هي الي بتاكل الديب الي يعلب بمخالب و انياب الاتحاد في نص نهائي كاس الملك ..