المساعد الشخصي الرقمي

مشاهدة النسخة كاملة : شنو تبون بالضبط يالجمهور السعودي!!?



خعاخع
19-06-2006, 22:59
تزعم أسيا وهزم رابع كأس العالم مرتين في التصفيات، وأبدع في كل المحافل القارية والإقليمية
تأهل مع الكبار إلى نهائيات كأس العالم لأربع مرات متتالية
المنتخب الوحيد في كأس العالم الذي لا يوجد به لاعب واحد محترف خارجيا!!

شنو المطلوب.؟؟
يهزم البرازيل.؟؟
يهزم ايطاليا؟؟
يهزم المانيا؟؟
يهزم هولند؟؟
يهزم الأرجنتين؟؟
يهزم اسبانيا؟؟
يهزم البرتعال؟؟
يهزم اكرانيا؟؟
........ألخ
التأهل إلى نهائيات كأس العالم الأغلبية يعتبرونه إنجاز باستثناء أربع آو خمس فرق تنافس علي اللقب
شنو تبون بالضبط يالجمهور السعودي
التأهل لدور الثاني فعلها الأخضر في أول تأهل له " وطمعكم فيه" تبون كل بطوله يتأهل لدور الثاني!!
فرنسا اللي أهي بطلة 98 طلعت من الدور الأول 2002
لاعبينكم صغار عمرٍ وخبره..لا تستعجلون عليهم


المنتخب السعودي من اقل المنتخبات خبره واحترافا لا تطلبون بالمستحيل

قدم مستوى فوق الممتاز أمام المنتخب التونسي الشقيق"الله يوفقه أمام اسبانيا" ولو أن النتيجة متوقعه مسبقاً

احمدوووووو ربكم عندكم منتخب يتأهل لكأس العالم وينافس بكل المنافسات القارية والإقليمية
غيركم ما عنده منتخب !!

Alazraq4ever
19-06-2006, 23:00
عدل كلامك ..

بوالريش
19-06-2006, 23:04
انا اقولك شنو المطلوب

المطلوب التمثيل المشرف
المطلوب اللعب الرجولي
المطلوب الابتعاد عن التصريحات المغرورة ( تصريح المنتشري )
والمطلوب زيادة الجهد وتحمل المسؤلية دام انك تمثل قارة آسيا

شنو الفرق بين منتخباتنا ومنتخبات كوريا واليابان كأداء بكاس العالم ؟؟ على الرغم انه منتخباتنا تفوز عليهم ، منتخباتنا العربية جبانة

والمطلوب الشجاعة

KinG^BaLL
19-06-2006, 23:19
احمدوووووو ربكم عندكم منتخب يتأهل لكأس العالم وينافس بكل المنافسات القارية والإقليمية
غيركم ما عنده منتخب !!

مــــــــن قـــلب حمدو ربــكم ! :)

Stop
19-06-2006, 23:23
كفيت ووفيت مستر خعاخع

tito2000
19-06-2006, 23:26
المطلوب نكنس الشيبان ولا يصير فيه تدخل باختيار التشكيلة...

ALQaisar
19-06-2006, 23:32
وهزم رابع كأس العالم مرتين في التصفيات،

هذي هي المشكلة يفوزون على كوريا وفي كأس العالم كوريا تلعب صح وتظهر بشكل مشرف
وهذا الفرق بين الاحتراف والهواية
منتخب طموحة انه يفوز على كوريا ويزعجونا احنا فزنا على كوريا وحنا وحنا .. ومنتخب كوريا مادرا عنهم و طموحه ينافس منتخبات العالم ويتعادل مع فرنسا وتقريبا وصل للدور الثاني

ALQaisar
19-06-2006, 23:33
اما المطلوب فهو كنس الرياضة من ( اصحاب السمو) ويخلونهم في الشعر ابرك لهم :p
ماستفدنا منهم غير التصريحات والخطط المدروسة والقرارات الحكيمة :D
وشفط الفلوس :(

صعـــب
19-06-2006, 23:53
عندنا امكانيات ممكن باذن الله ان احنا نسوي شئ اكبر من الي نشوفه لكن المشكلة ان هذي الامكانيات يديرها شخص فاشل! ياخي شفنا انديتنا زي الهلال والاتحاد الي مالها علاقة بسلطان تقدم مستويات روعة مع فرق عالمية لكن المنتخب لانه تحت يد ابو خطط علمية مشبوهة ينهزم بالخمسة والثمانية!

خعاخع
20-06-2006, 00:12
انا اقولك شنو المطلوب

المطلوب التمثيل المشرف
المطلوب اللعب الرجولي
المطلوب الابتعاد عن التصريحات المغرورة ( تصريح المنتشري )
والمطلوب زيادة الجهد وتحمل المسؤلية دام انك تمثل قارة آسيا

شنو الفرق بين منتخباتنا ومنتخبات كوريا واليابان كأداء بكاس العالم ؟؟ على الرغم انه منتخباتنا تفوز عليهم ، منتخباتنا العربية جبانة

والمطلوب الشجاعة

وضح شنهو المقصود بالتمثيل المشرف" ما فهمتها" ام هي كلمة نقال دائما عند الخساره
وصول المنتخب السعودي للنهائيات اكبر شرف وضربها في 4 ولا تنسي 94
ماكو مقارنه بيننا وبينهم لا بالمستوي ولا حتي بالاهتمام..

وضح شنهو المقصود اللعب الرجولي" ما فهمتها" ام هي كلمة نقال دائما عند الخساره
اعتقد الكل شاهد الحماس في وجوه الاعبين وبين في ادائهم "بس ماهي مكتوب لهم"

تقصد تصريح محمد نور!!
بالنسبه المنتشري قدم اسوء مبارات له تصريحه( إذا مصرح ) عاد عكسي عليه

السعودي يمثل بلده مايمثل القاره وهذا الاهم وهو المطلوب منهم

اليابان تسجل عليها 3 اهداف في 10 دقايق من استراليا..وتقولي اداء!!
كوريا فريق جيد جداً وناس عندها اهتمام غير عادي بكره القدم وابتعاث لاعبين للخارج ومحترفين ومدارس كرويه..الخ
وحسنتها تعادلها مع فرنسا1-1 وفوزها علي توجو 2-1

عميد السعــودية
20-06-2006, 00:55
معد نبي شي ....

سعـاده الرئـيس
20-06-2006, 01:02
الاخ كاتب الموضوع

اهم شي الاداء المشرف وحسن التمثيل للكره الاسيويه

واذا اغلبوا رابع اسيا (سابقا) عيل رابع اسيا بهدل ام فرنسا ام الالقاب.!!


قال اي قال بطولات

خعاخع
20-06-2006, 01:20
لا انا ولا غيري يقدر يتكلم عن القائمين علي الرياضه بالسعوديه..وهذا شأن الاخوه السعوديين
ولا حتي الاعبين" وان تكلمنا عن احدهم فتقييم لمستواه وليس للونه او انتماء لنادي.

وصول المنتخب السعودي لنهائيات...كان عن طريق اقوي فرق اسيا كوريا واوزبكاستان والكويت
ووصوله كان مستحق
للأسف ان البعض لا يزال يكره ان يكون اخيه افضل منه( اللى يقلل من انجاز المنتخب السعودي)
ويقول تشريف ممثل..الخ
الانجاز يكتب للسعوديه ولا يكتب للقاره( لانها بكل حال سيترشح منها 4 فريق)

التاريخ سجل التالي
( ايران- اليابان- كوريا- الكويت- العراق- الامارات- السعوديه)...تاهلت لكأس العالم
وقارعوا افضل منتخبات العالم..

في 60 الف داهيه اسيا الانجاز يكتب لبلدي مو لاسيا
بعدين خفوااااا علي المنتخب السعودي
فيه ناس ما تصدق علي الله يخسر السعوديه حتي تتشمت
بس قبل لا تتشمت..تراه ابرك من منتخب بلادك اللى ما تأهل

سعـاده الرئـيس
20-06-2006, 01:32
تـأهلنا وبعدين.!!!

ننطق بالخمسه والسته .!!

عيل ليش افشل نفس اذا انا مهب قد هالكأس اللي

الانجاز الحقيقي هو عبرو المنتخب الي الدور الثاني مهب التأهل وفي الاخير انطق..وش استفد من المونديال السابق ((لبعض))

واحمد ربي واشكره على ثاني كأس العالم..اللي مب كفو اي منتخب عربي يجيب هالمركز ولولا المطر لكانت البطوله في المخبـى..!!

قال ايه قال انجاز

انجاز وانطق بالرباعيات وفوق

لابالله مهب انجاز

روحوا ألمانيا وشوفوا وشلون يتمصرخون على المنتخبات العربيه وذك الساعه بتعرفون معنى الانجاز الحقيقي انك تقارع اقوى الفرق ..وبأقل تقدير انك تنهزم منهم بجداره ((لبعض الفرق الكبيره))


من سنه 1970 وانتو معورين راسنا اللي يتأهل لكاس العالم انجاز.!!



سلملي على انجازاتكم اللي بكل مره بتتأهلون وبنسجل اهداف كم فريق رقعكم بالخمسه والسته.!!

يا أمه ضحكت من اجلها الأمم.!!

أزرق كويتي
20-06-2006, 01:32
انا اقولك شنو المطلوب

المطلوب التمثيل المشرف
المطلوب اللعب الرجولي
المطلوب الابتعاد عن التصريحات المغرورة ( تصريح المنتشري )
والمطلوب زيادة الجهد وتحمل المسؤلية دام انك تمثل قارة آسيا

شنو الفرق بين منتخباتنا ومنتخبات كوريا واليابان كأداء بكاس العالم ؟؟ على الرغم انه منتخباتنا تفوز عليهم ، منتخباتنا العربية جبانة

والمطلوب الشجاعة



كلامك عدل منتخب كوريا عقدته السعوديه بس شوف الفرق بين الفريقين بكاس العالم وهذا يعني انه مشكلة المنتخب السعوديه ادارية بحته

سعودي 2006
20-06-2006, 01:54
خعاخع الله يعطيك الف عافية ,,,

ونبي مستوى مشرف قدام اسبانيا قبل مانودع المونديال :o







تـأهلنا وبعدين.!!!

ننطق بالخمسه والسته .!!

عيل ليش افشل نفس اذا انا مهب قد هالكأس اللي

الانجاز الحقيقي هو عبرو المنتخب الي الدور الثاني مهب التأهل وفي الاخير انطق..وش استفد من المونديال السابق ((لبعض))

واحمد ربي واشكره على ثاني كأس العالم..اللي مب كفو اي منتخب عربي يجيب هالمركز ولولا المطر لكانت البطوله في المخبـى..!!

قال ايه قال انجاز

انجاز وانطق بالرباعيات وفوق

لابالله مهب انجاز

روحوا ألمانيا وشوفوا وشلون يتمصرخون على المنتخبات العربيه وذك الساعه بتعرفون معنى الانجاز الحقيقي انك تقارع اقوى الفرق ..وبأقل تقدير انك تنهزم منهم بجداره ((لبعض الفرق الكبيره))


من سنه 1970 وانتو معورين راسنا اللي يتأهل لكاس العالم انجاز.!!



سلملي على انجازاتكم اللي بكل مره بتتأهلون وبنسجل اهداف كم فريق رقعكم بالخمسه والسته.!!

يا أمه ضحكت من اجلها الأمم.!!





عزيزي اذا انا انطق في كاس العالم انت تنطق من منتخبات اسيوية وعربية ب ال5 وال6 :rolleyes:

وبعدين انت فرحان بوصيف كاس العالم ,,

الحمدلله حنا اخذنا كاس العالم اللي ما اتوقع فريق عربي ولا حتى اسيوي بيقدر يسوي هالانجاز :rolleyes:

وسبق للنصر والهلال والاتحاد التأهل الى كاس العالم للاندية :rolleyes: ...

خعاخع
20-06-2006, 01:56
اخوي سعـاده الرئـيس
ما ادري شنو سبب ردك اللى فيه الكثير من التشنج والتقليل من إنجاز الاخرين؟
الوصول لنهائيات كأس العالم المعنى هنا انك وصلت لا فضل 32 علي مستوي العالم
والتاريخ يسجلها لك( اقتنعت في هالشي او لم تقتنع)


عيل ليش افشل نفس اذا انا مهب قد هالكأس اللي
هو حاصل لك وقلت لا:) بعدين ياخوي من الخبل اللى قالك ان السعوديه بتحقق كأس العالم
لانه منطقياً تحقيق الكاس هو الانجاز..مو التأهل لدور الثاني فديتك

احنا كدول اسيويه( حاليا) هذا طموحنا التأهل لدور الـ 16 والطموح ما راح يقوقف هنا لان الطموح ما يوقف عند حد راح نبحث عن الـ 8
لكن الامر هو الاستفاده القصوى من مقارعه الكبار

لكن المثل يقول
حتي تطاع اطلب المستطاع
انا اقولك شي بسيط جداً جداً شنو الاستفاده من المونديال..
ان يرفع علم بلدي ويعزف السلام الوطني امام الملايين.
اقسم بالله لو يتأهل الكويت ويعز السلام الوطني( لدن الهاشميه):rolleyes:

السعوديه ليست اول ولا اخر فريق راح ينطق بالخمسه والسته مثل ما تقول.
هذي اوكرانيا انطقت 4-0 من فريق افضل منها"الاسباني
والسعوديه خسرت من فريق افضل منها بالاربعه..
شنو المشكله؟


روحوا ألمانيا وشوفوا وشلون يتمصرخون على المنتخبات العربيه

ليش انت رايح لإلمانيا؟
المصخره علي وقلتك بتجدها بكل مكان حتي في هذا الموضوع وغيره.
بس لما تبي تنتقدني يجب ان تكون افضل مني

احنا مو معى ان الفريق انه ينطق بالاربعه او الخمسه..ومع هذا نعرف ان مستوانا عن مستوي المنتخبات الاوروبيه وامريكا الجنوبيه يفوقنا بمراحل


أزرق كويتي
القرعه لها دور كبير في تأهل الفرق

سعودي 2006
20-06-2006, 02:01
خعاخع اشهد انك ما قصر كفيت ووفيت وخففت عنا بعض من اثار الهزيمة :(

وسم
20-06-2006, 02:04
الانجاز الحقيقي هو عبرو المنتخب الي الدور الثاني مهب التأهل وفي الاخير انطق..وش استفد من المونديال السابق ((لبعض))

الله يخلف عليك اجل الانجاز التاهل للدور الثاني فقط انت تتكلم عن مين يالبرازيلي

اعرف وتعلم ان تقديم مستوى جماعي ورجولي اهم انجاز لان اللقب واحد فقط


واحمد ربي واشكره على ثاني كأس العالم..اللي مب كفو اي منتخب عربي يجيب هالمركز ولولا المطر لكانت البطوله في المخبـى..!!

كفو والله انت وانجازك من 26 سنه وفي الاخير تشوتك الاردن برا هههههههههههههههههه

انت ومنتخبك اللي كله جدايل ولا افلح المفروض 2006 كاس العالم في بيتكم يا ابو انجاز

وسم
20-06-2006, 02:07
الاخ العزيز خعاخع

صدقني يكفينا روحك الطيبه والف شكر لك يا غالي

اما نحن فنتمنى افضل من كذا لانه ممكن

فكتورفالدز
20-06-2006, 02:08
لا انا ولا غيري يقدر يتكلم عن القائمين علي الرياضه بالسعوديه..وهذا شأن الاخوه السعوديين
ولا حتي الاعبين" وان تكلمنا عن احدهم فتقييم لمستواه وليس للونه او انتماء لنادي.

وصول المنتخب السعودي لنهائيات...كان عن طريق اقوي فرق اسيا كوريا واوزبكاستان والكويت
ووصوله كان مستحق
للأسف ان البعض لا يزال يكره ان يكون اخيه افضل منه( اللى يقلل من انجاز المنتخب السعودي)
ويقول تشريف ممثل..الخ
الانجاز يكتب للسعوديه ولا يكتب للقاره( لانها بكل حال سيترشح منها 4 فريق)

التاريخ سجل التالي
( ايران- اليابان- كوريا- الكويت- العراق- الامارات- السعوديه)...تاهلت لكأس العالم
وقارعوا افضل منتخبات العالم..

في 60 الف داهيه اسيا الانجاز يكتب لبلدي مو لاسيا
بعدين خفوااااا علي المنتخب السعودي
فيه ناس ما تصدق علي الله يخسر السعوديه حتي تتشمت
بس قبل لا تتشمت..تراه ابرك من منتخب بلادك اللى ما تأهل


اتفق معك بكل شي وبالذات اللي بالون الاحمر

صعـــب
20-06-2006, 02:16
تـأهلنا وبعدين.!!!

ننطق بالخمسه والسته .!!

عيل ليش افشل نفس اذا انا مهب قد هالكأس اللي

الانجاز الحقيقي هو عبرو المنتخب الي الدور الثاني مهب التأهل وفي الاخير انطق..وش استفد من المونديال السابق ((لبعض))

واحمد ربي واشكره على ثاني كأس العالم..اللي مب كفو اي منتخب عربي يجيب هالمركز ولولا المطر لكانت البطوله في المخبـى..!!

قال ايه قال انجاز

انجاز وانطق بالرباعيات وفوق

لابالله مهب انجاز

روحوا ألمانيا وشوفوا وشلون يتمصرخون على المنتخبات العربيه وذك الساعه بتعرفون معنى الانجاز الحقيقي انك تقارع اقوى الفرق ..وبأقل تقدير انك تنهزم منهم بجداره ((لبعض الفرق الكبيره))


من سنه 1970 وانتو معورين راسنا اللي يتأهل لكاس العالم انجاز.!!



سلملي على انجازاتكم اللي بكل مره بتتأهلون وبنسجل اهداف كم فريق رقعكم بالخمسه والسته.!!

يا أمه ضحكت من اجلها الأمم.!!



اتمنى قبل لاتتكلم تعرف وش انجازات المنتخبات العربية الثانية الي تقول عنها مهب كفو !
المنتخب السعودي احرز كاس العالم في اسكوتلندا حظ اوفر ان شاء الله على هالرد صراحة :D :D :p
وللمعلومية كل دول اسيا تقريبا لاتقارن انجازاتها بانجازات السعودية!
السعودية متزعمة قارة اسيا بلامنازع وحاليا نعيش كبوة بالنسبة للمنتخب اما الاندية فلازالت تحصد الانجازات .....

خعاخع
20-06-2006, 02:20
سعودي 2006
ترددونها دائماً( ارفع راسك انت سعودي..غيرك ينقص وانت تزودي):)
والله لكم حق تفتخرون في منتخبكم وانديتكم
والمثل ياخوي يقول كل حر وفوقه حر...وفي اسيا محد فوقكم واللى يبي يروح كاس العالم ويبدع
ويهزم الفرق العالميه عليه ان يمر من البوابه السعوديه
والابواب الاخري الكوريه واليبانيه والايرانيه

وسم
صدقني اللى فيه حميا علي اخوانه بيقول اكثر من ما قلته.
واخوي لا تعثر افزع له وشعاد لوهي كلمه
وان شاء الله الاخضر يرد رد قوي امام فريق قوي

فكتورفالدز
فديت خشمك;)

صعـــب
عدل معلوماتي..الجبرتي هو اللى جاب هدف كأس العالم:)

صعـــب
20-06-2006, 02:26
سعودي 2006
ترددونها دائماً( ارفع راسك انت سعودي..غيرك ينقص وانت تزودي):)
والله لكم حق تفتخرون في منتخبكم وانديتكم
والمثل ياخوي يقول كل حر وفوقه حر...وفي اسيا محد فوقكم واللى يبي يروح كاس العالم ويبدع
ويهزم الفرق العالميه عليه ان يمر من البوابه السعوديه
والابواب الاخري الكوريه واليبانيه والايرانيه

وسم
صدقني اللى فيه حميا علي اخوانه بيقول اكثر من ما قلته.
واخوي لا تعثر افزع له وشعاد لوهي كلمه
وان شاء الله الاخضر يرد رد قوي امام فريق قوي

فكتورفالدز
فديت خشمك;)

صعـــب
عدل معلوماتي..الجبرتي هو اللى جاب هدف كأس العالم:)
اول شئ انا مالحقت على ذيك السنة لكن شفت مقاطع من المباراة النهائية
انتهت بركلات الترجيح واعتقد كان المنتخب الاسكوتلندي متقدم 3-0 وعادلهم المنتخب السعودي بعدين فازوا بركلات الترجيح مباراة عجيبة ........

عميد السعــودية
20-06-2006, 02:33
خعاخع
عيب اقول شكرا
لانها ماتكفي :) كرد على مشاعرك
لكن
طموحنا اكبر من الكلام اللي كتبته
صحيح ان لنا انجازات على مستوى اسيا
بس مو هذا بس اللي نبيه
مو هذا اللي نبيه ..؟؟:(
لما كتبت معد نبي شي
لانهم سدوا انفسنا عن كل شئ
حتى الحلم ..؟؟
معد نبي نحلم
خعاخع
ايطاليا كم فيها محترف برا ؟؟

سعودي 2006
20-06-2006, 02:44
خعاخع الحمالي هو من سجل في نهائي كاس العالم الهدف الجميل


خطا من على خط منطقة الجزاء تسديده قوية

سعودي 2006
20-06-2006, 02:50
لكن



ايطاليا كم فيها محترف برا ؟؟



عميد السعودية من جدك انت تقارن الدوري السعودي بالكالشيو !!

ياعزيزي اللاعبين الايطاليين يحتكون با افضل لاعبين على الكرة الارضية !!

والدوري الايطالي يعتبر هو اقوى دوري في العالم !!




مافي ولا ذرة مقارنه !!

والمقارنة ظالمه




انا من يوم ماشفت المركز التدريبي اللي يتدرب عليه المنتخب الايطالي جابوه مره في الام بي سي
شي ضخم ضخم ضخم

خعاخع
20-06-2006, 02:51
صعـــب
الهدف هذا مو راضي يطلع من ذاكرتي احمله من صغري
بس مدري علي منو واتذكر انه بحلق المرمي..وكان بالمرمي اللى علي يسار الشاشه

عميد السعــودية
الانسان اللى ما عنده طموح انسان فاشل..وقيس عليها اشياء كثيره
لكن علينا اننا نكون واقعيين والوصول الى مرحله افضل يبي لها خطوه للأمام


ايطاليا كم فيها محترف برا ؟؟
فهمت قصدك
ما ادري كم لاعب يلعب برى ايطاليا( واعتقد ما فيه ولا لاعب)
لكن الدوري الايطالي من افضل ثلاث دوريات بالعالم ان لم يكن الاول فيه لاعبين من كل الجنسيات وعلي مستويات عاليه
وبالملايين( وتذكر ايام نابولي ومردونا86) هالفتره لها 20 سنه

بخرج وتكلم عن نقطه مهمه
كم لاعب مستواه عالي في دكه احتياط الهلال+ الاتحاد وبقيه الانديه
لوهلاعبين احترفوا بدل دكه الاحتياط شنو راح يفيد الكرة السعوديه؟
قبل كم يوم شفت فيديوا للاعب الغشيان مع فريق الكمار الفرنسي احترف قصير بس شي والله يفرح

سعودي 2006
الجبرتي ما جاب هدف في هالمبارات( كان عليه شعر طويل شوي) وقصير القامه

LeBron James
20-06-2006, 02:51
.. يا عمري عخاخع ..

.. ما قصرت .. كفيت ووفيت ..

.. كل التوفيق للاخضر ..

أزرق كويتي
20-06-2006, 02:57
خعاخع ذكرتني بجبرتي والله :)

سعودي 2006
20-06-2006, 02:58
خعاخع والله ما اتذكرها

لكن الهدف اللي اقصده اللي سجله سعود الحمالي وكان خطا خارج منطقة الجزاء تتصلح وسددها قوية في سقف المرمى :)

خعاخع
20-06-2006, 03:08
The Tiger
:) تراني اتعب من هالكلام..فديتك ما قلنا غير الحق

أزرق كويتي
كان ظاهره هالاعب..بس للأسف اختفى

سعودي 2006
تصدق اني قاعد افل شريط براسي من الارشيف:)
وان شاء الله المعلومات اللى اتذكرها ما تطلع غلط
اللى سجل الهدف راح يركض خلف المرمي+ الكابتن كان الجبرتي
لقينا شي نبحث عنه( ان شاء الله ابحوس لين القى الهدف)

فخر نجد
20-06-2006, 03:33
وربي ياخعاخع كفيت ووفيت

خاصة مع الناس الي ذابحتهم الغيره من انجازات الأخضر ;)

ومثل ماقال عميد السعوديه

كلمة شكرا قليله عليك ...

حايلاووي
20-06-2006, 03:35
ايه يا خعاخع اعطنا بنج تخدير

Mr.Blue
20-06-2006, 03:40
تكفيـهم المشـاركه ..!


المنتخب الوحيد في كأس العالم الذي لا يوجد به لاعب واحد محترف خارجيا!!

صـحح معـلومـتك ..
ايطـالـيـا والسعوديـه ماعنـدهم محتـرفين خـارج الدوري
وشتـان بين الـدوريين ..!

Fahad
20-06-2006, 03:41
خعاخع . .

درر يسلم بؤك . .

هاردلك للأخضر السعودي . . وأقولها لكل سعودي [ إرفع راسك إنت سعودي يكفي تأهلك للمونديال مو إحنا حتى الهند طقونا !! ]

//

تصحيح للأخ سعاده الرئيس إنت تفضلت وقلت : [ يا أمه ضحكت من اجلها الأمم.!! ]

الصحيح : [ يا أمه ضحكت من جهلها الأمم ]

مع إني ما أشوف لها أي مقام في الموضوع أو حتى بردك بارك الله فيك :)

قواك الله خعاخع الغالي . .

armadaa
20-06-2006, 04:01
تصحيح ..
اهداف نهائي اسكتلندا 89 م
سليمان الرشودي ( كان لاعب التعاون وانتقل للهلال )
وليد الطرير ( لاعب النصر )

سعودي أنا
20-06-2006, 05:48
تسلم تسلم تسلم خعاخع على هذا الموضوع
والله ما فيه كلمة توفيك حقك

نسيتنا الخسارة والله :)

عميد السعــودية
20-06-2006, 05:49
سعودي 2006
:cool: ......I know
انه فيه فرق بين الدورين ..!!
الى الان ما فقدت عقلي :o
وماقارنت ولا شئ
افهموني ياناس ..
:o
خعاخع
ايطاليا مافيها احد محترف برى
وهذا معناته ان احتراف لاعبينك خارجيا مو شرط للابداع العالمي
الحلول واضحة للوضع اللي احنا فيه
والامكانيات متوفرة
ورغم كذا مازلنا نمشي مشي السلحفاة في كرة القدم!!
:(

tito2000
20-06-2006, 06:36
لا.. ومن اليوم ورايح حتى كاس اسيا لاتحلمون فيه لان استراليا قوية واليابان اقوى من اول ..
يعني انتهت البطولات مادام هذولا ربعنا وهذا طموحهم.
انا اقول ليش مانستفيد ونخلي راؤول يعطينا بخشيش ونخليه الهداف
:D :D ..
فكر فيها يامبروك .. فرصة العمر .. خربانه خربانه :p :p

فــــزاع
20-06-2006, 07:18
عدل كلام بالريش
وهذا هو المطلوب
ماتقولي شنو بستفيد من الوصول لكاس العالم ونطق من كل فريق بالاربع والخمس

حايلاووي
20-06-2006, 07:20
فزاع
اللي ينطق من اوكرانيا احسن من انه ينطق من البحرين واليمن

فــــزاع
20-06-2006, 07:29
حبيبي هدا اعصابك انا لما قلت هالكلام مو قصدي الشماته ومثل ماانت يهمك المنتخب السعودي تر يهمنا كثرك واكثر منك
واذا عالبحرين تري كلنا بالهوي سوا
ولا كلن يري الناس بعين طبعه

الحمكور
20-06-2006, 09:50
هذي حوبة كالديرون

خعاخع
20-06-2006, 11:57
فخر نجد
التاريخ يتحدث..والكلام ما يودي احد نهائيات كأس العالم
والاخضر تتحدث عن انجازاته وتاريخه..

حايلاووي
مالي مصلحه من كل اللى قلته
والاخضر برغم قربه الى قلبي"ليس منتخب بلدي"حتي ارقع له"او حتي اخدركم
الغريب انك سعودي وتقول هالكلام وانا ماني سعودي واقول اللى قلته!!
هذا يعني ان الاعجاب بلاخضر تجاوز حدود المملكه.
وكلمة الحق ما اعتقد انها تخدير

Mr.Blue
انت اوجدت الفرق(وشتـان بين الـدوريين )
الدوري الايطالي كم فيه محترف يلعب مع الفريق الواحد وضمن الـ11 لاعب
والدوري السعودي كم فيه محترف يلعب مع الفريق الواحد وضمن الـ11 لاعب

الافارقه اللى ما عندهم امكانيات، محترفين في افضل دوريات العالم
انجلترا واسبانيا وايطاليا وهالشي انعكس علي اداء منتخباتهم.


mr.fahad
يقويك ويعافيك..
شفت شلون"يقولك الهند حاطه علي موقعها الخبر ولي الحين ما شالته"

armadaa
مشكور علي المعلومه
ولا زلت مصر انه الجبرتي جاب قول"مهم"بس مدري في مين

سعودي أنا
اللى عنده منتخب كـ الاخضر يبي يفرح ويبي يزعل"
لان المعارك مو كلها ربح" خصوصٍ مع خصوم اقوياء" يفوقوننا احيانٍ بالعده والعتاد

عميد السعــودية
نعم مو شرط ...بس فيه شرط اهم(ومقارنه)
كم لاعب محترف في الدوري الايطالي"من جميع انحار العالم"
وكم هي قيمه العقود المبرمه للمحترفين
كم يحق للفريق الاستعانه بمحترف بالفريق من الـ 11 لاعب
متي بداء الاحتراف في ايطاليا
........ألخ

والله مشي السلحفاء ابرك من اللى ما يمشي..عطنا سلحفائك واخذ ارنبنا:)

tito2000
قلناها لما كوريا صارت رابع العالم..ونكسر خشمها مرتين في التصفيات

فــــزاع
ممكن سؤال
شلون بتقيم فريق انه مؤهل لكي ينافس المنتخبات الكبري اذا ما تاهل لكأس العالم وقارع اللى هم افضل منه؟؟

سؤال للي يقدر يجاوب عليه
كم فريق في كأس العالم مجنس لاعبين

HiLaLy
21-06-2006, 06:04
الــحــمــدالله عــلــى كــل حــال
:o

ابـ عسكر ـن
21-06-2006, 06:37
رغم اني ما احب المنتخب السعودي .. الا اني اشوف ان تاهله لنهائيات كأس العالم مو انجاز .. بل شي طبيعي ..
السعودية افضل المنتخبات والاندية العربية .. وافضل المنتخبات والاندية الاسيوية .. واللي يفوز على السعودية يعتبر انجاز له .. هذي حقيقة وليست مجاملة ..
لذلك يجب على السعودية العمل على : كيف تكرر التاهل للدور الثاني في نهائيات كاس العالم ..
اثبت الاحتراف المحلي انه غير كافي لتطوير اللاعب السعودي .. او بمعنى اصح : استنفذ الغرض المطلوب منه وهو التفوق اسيويا والوصول عالميا ..
اما الان فالمطلوب توسيع القاعدة والرؤية خارجيا ..
إما بعمل خطوات جريئة من قبل اللاعب السعودي والاحتراف خليجيا واسيويا ..
او بتسويق اللاعب السعودي اوروبيا .. حتى لو كان عن طريق دفع مال مقابل احتضان مجموعة من اللاعبين في الاندية الاوروبية .. وليس شرطا ان يكون ذلك في الاندية الكبيرة .. لانهم لن يجدوا فرصة المشاركة سوى في التدريبات .. اما الفرق الصغيرة فمن الممكن اللعب معها في بعض المباريات .. وهذا يضمن الاحتكاك مع الاندية الكبيرة ..

من حق السعودية التفكير في كيفية التعادل مع البرازيل والارجنتين والمانيا وغيرها .. حاليا على الاقل كخطوة اولى .. ليش ما يكون هالشي هدف مرحلي يؤدي الى هدف مرحلي اخر ؟؟

Abo_Ahmad_k
21-06-2006, 14:26
تسلم ياخعاخع على الكلام الطيب عن منتخبنا الثاني السعوديه ,,,, نعم الانجاز بالنسبه للعرب انك تتأهل لكأس العالم والانجاز الاكبر هو الصعود الى الدور الثاني لكن لازال ينقصنا نحن ابناء مجلس التعاون الشئ الكثير الى المنافسه على التأهل للدور الثاني ,,, لايوجد عندنا احتراف بالمعنى الصحيح يعني لاعب محترف صح مافيه اداري محترف صح مافيه ,,,,, رياضه فيها شيوخ وامراء وطويل العمر وحبه خشم هذه مو رياضه هذه مجامله على حساب الدول ,,,, بس خعاخع ترى مو الجبرتي الي جاب الهدف على اسكتلندا ولا كان الكابتن اتوقع ان الكابتن كان سعود الحمالي لاعب النصر ,,,,,

نـــواف
24-06-2006, 19:03
شوف كوريا وش سوت بدعت وش فرقنا عنها مو قادرين نفوز على تووووووووونس
كوريا هزمناها بـ الرديف ولا بين ارضها وجماهيرها وبكل نجومها بردييييييييييييييييييييييييييف

ماتبغانا ننقهر رديف يهزم رابع العالم وبعدين اللاساسيين يجيبون العييييييييد بـ العالميه


احنا اللي نبغاه اكثر من كذا تدري ليه
لانن امكانيات لاعبينها كبيييييييييييييييييييييييييرهـ
يقدرون يقدمون

بس خوااااااااااافيييييييييييين
ياخافون من ايش ماادري

الحين ابغاكـ تفسر لي ها الشي الغريب


لعب متوسط ان لم يكن مقنع مع تونس نقلب النتيجه في شوط بس
اوكرانيا جاو العيييييييييد مو قادرين يمررون كورهـ صح لاعبين المدارس اصرف منهم
اسبانيا يبدعوووووووووووووووووووووووووووون

طيب اسبانيا هزمت اوكرانيا ليه احنا لاااااا
اسبانيا هزمت تونس 3
وحنا 1
يعني احنا اللي مفروض نتأهل
هم ضيعو الفوز من ايديهم

كان بـ الامكان انجاز تاريخي

لما يتأهلون يقابلون كوريا سهله السعوديه عقدت كوريا
يتأهلون لـ ربع النهائي

ياخي قهههههههههههههههههههههههههر اقسم بالله قهههههههههههههر


هذا اللي حنا نبغااااااهـ عندنا امكانيات بس المشكله وين ماادررررررررررررري

قول بالغصب
25-06-2006, 01:03
نـــبغـــى
كأس العالم

ولا يرضينا إلا هووووو