المساعد الشخصي الرقمي

مشاهدة النسخة كاملة : السعودية ..أستراليا.. والإنسحاب من بطولات الخليج..



MoonSun
31-08-2006, 00:46
سلام عليكم...

أستراليا أنسحبت من إتحاد اوقيانيا وانظمت للإتحاد الاسيوي بغية في تطوير مستواها الكروي.

دول اوقيانيا ضعيفة كروياً فنيوزيلاندا وجزر فيجي وجزر سالمون وغيرها من الدول

التي لانعرفها كدول فمابالك كمنتخبات وفرق تمثل هذه الدول المجهولة...!!!

إذاً الاستراليين سعوا الى مصلحتهم الخاصة ولم تكن للعلاقات والارتباطات

اللغوية والدينية أية اعتبار ...

وماينطبق على استراليا ينطبق على السعودية رياضياً...

كما يعرف الجميع ان منتخباتنا لم تتطور كثيرا ولم نصل للمستوى اللي يخلينا نجاري

المنتخبات العالمية...

والسبب هو الاستمرار في المشاركة في البطولات الخليجية التي لاتغني ولا تسمن من جوع...

دورات الخليج وبطولاتها لم تعد تقدم المفيد للاعب السعودي...

إذا فلماذا الاستمرار على المشاركة بها...؟؟؟

لماذا نحن نجامل بأسم الأخوة واللغة والعروبة والدين على حساب التقدم الرياضي...

لماذا ندخل الدين والعلاقات الاجتماعية بالرياضة؟؟؟؟

الموضوع ربما يكون قوي شويه ..وربما لا يتقبله البعض..ولكن

نبغى ردود منطقية بعيده عن المجاملات (البكش) والاخوة وابناء الخليج ومادري ايش...!!

أبغاكم تعطوني أرائكم من خلال رأي عقلاني وليس رأي عاطفي...

Ruudy
31-08-2006, 01:25
بالعكس انا اشوف ان دورات الخليج تفيد اللاعب السعودي وتعوده على جو التنافس وشدته
و ظرف استراليا يختلف عن السعودية
السعودية مستواها مقارب لجيرانها اما استراليا فرق شاسع بل النتائج تصل الى 30/0 !
والسعودية مهما سوت .. ما دام جيرانها باقين على مستواهم وما تطوروا .. السعودية ايضا ما راح تتطور
يعني تطور الدول الخليجية مرتبط ببعضها ..
واعتقد لو انسحبت السعودية من البطولات الخليجية مستواها بينزل وجيرانها بيكونون احسن !

مجهول الهوية
31-08-2006, 02:14
دورة الخليج اهي اللي خلت دول الخليج تطور مستواها و توصل لكأس العالم

وإذا كانت دورة الخليج غير مفيدة للسعودية بنظرك عيل شنو المفيد لكم؟؟

DvD
31-08-2006, 02:24
مـانبـي الاستـفاده كثر مانبي التـجمع الخـليـجي .. ندري انه الدوره مدتها بالكثير اسبوعين ومحد راح يستـفيد فنـيا .. لكن احنا كـ جمهور نستـمتع بلقـاء الاشـقاء الا اذا عندك راي ثاني!

سعودي 2006
31-08-2006, 02:33
بطولات الخليج والبطولات العربية ... ضغط على الاندية وعلى اللاعبين !!

سلمان
31-08-2006, 02:52
لا تقارن موقف استراليا ودول قارتها مع موقف السعودية ودول الخليج.

صحيح إن السعودية يمكن تكون أقوى المنتخبات الخليجية حالياً .. لكن مستواها متقارب جداً مع دول الخليج، يعني التنافس قوي والدليل البطولة الأخيرة السعودية طاحت من دور المجموعات .. ليش الغرور؟

:)

فخر نجد
31-08-2006, 03:14
دورة الخليج

تفيـد : انها تقوي روح التنافس والوطنيـه عند اللاعبين

وماتفيـد : في تطور مستوى اللاعبين ومهاراتهم لأن مستويات الفرق متشابهه ..

حايلاووي
31-08-2006, 03:51
وين تبي نشارك ؟ في بطولة أمم أفريقيا؟

مثل ماقالوا الاخوان ........... يكفينا التجمع وروح التنافس ويكفي ان للبطولة الخليجية ( طعم ) خاص لا يتذوقه الكل ويكفي ان للبطولة الخليجية ( جمهورها الخاص )

MoonSun
31-08-2006, 05:07
بالعكس انا اشوف ان دورات الخليج تفيد اللاعب السعودي وتعوده على جو التنافس وشدته
و ظرف استراليا يختلف عن السعودية
السعودية مستواها مقارب لجيرانها اما استراليا فرق شاسع بل النتائج تصل الى 30/0 !
والسعودية مهما سوت .. ما دام جيرانها باقين على مستواهم وما تطوروا .. السعودية ايضا ما راح تتطور
يعني تطور الدول الخليجية مرتبط ببعضها ..
واعتقد لو انسحبت السعودية من البطولات الخليجية مستواها بينزل وجيرانها بيكونون احسن !

اخوي الكريم...

نعم انا اتفق معك انه بالوقت الحاضر المستويات شبه متقاربه...

وهذا يدل ان المنتخبات الخليجية استفادت اكثر من المنتخب السعودي...

المنتخب السعودي كان يحقق كأس اسيا ويأتي لدورة الخليج ويخسر

بسبب عوامل نفسية وبرضو بطريقة اللعب الدفاعية عند اغلب دول الخليج...

المنتخب السعودي حقق كأس اسيا مرتين قبل ان يحقق كأس الخليج...

MoonSun
31-08-2006, 05:12
دورة الخليج اهي اللي خلت دول الخليج تطور مستواها و توصل لكأس العالم

وإذا كانت دورة الخليج غير مفيدة للسعودية بنظرك عيل شنو المفيد لكم؟؟

اخي العزيز...

ما نختلف على رأيك ...ولكن هذا الكلام لاينطبق على الوقت الحاضر ..

نعم الفائدة عمت على كل دول الخليج ولكن لم يشمل المنتخب السعودي...

اعتقد ان المنتخب السعودي طور نفسه بنفسه ولم تكن لدريات الخليج الفضل في ذلك...

في فترة من الفترات سببت لنا دورات الخليج مشاكل داخلية في اتحاد الكرة...

وبنفس الوقت كنا متفوقين اسيوياً ...

MoonSun
31-08-2006, 05:18
لا تقارن موقف استراليا ودول قارتها مع موقف السعودية ودول الخليج.

صحيح إن السعودية يمكن تكون أقوى المنتخبات الخليجية حالياً .. لكن مستواها متقارب جداً مع دول الخليج، يعني التنافس قوي والدليل البطولة الأخيرة السعودية طاحت من دور المجموعات .. ليش الغرور؟

:)


كلامك سليم ...

بس هذي المستويات المتقاربة تدل على ان منتخبات الخليج استفادت كثيراً

عمان والبحرين والامارات وقطر تطور مستواها بفضل دورات الخليج...

حتى المنتخب اليمني انتظروه بعد كم سنه راح يكون مستواه زي الباقين...

بعكس المنتخب السعودي اللي كانت مشاركاته مجرد مشاركة فقط...

عزيزي المنتخب السعودي لايمكن ان يخرج باستفاده واحده من دورات الخليج...

Corvette
31-08-2006, 05:48
الغـرور مشكله ..

MoonSun
31-08-2006, 05:52
الغـرور مشكله ..

الحين وجهات النظر صارت غرور...!!!

خليك منطقي شويه ...

واللي نعرفه ان الكويت بلد ديمقراطي يؤمن بحرية التعبير ...

Corvette
31-08-2006, 06:59
MoonSun .. الي قلته مو جهة نظر هذا غرور يالغالي ..

ومن قالك انه مستوى المنتخب السعودي يفوق مستويات منتخبات الخليج !

مستوى السعودية متقارب مع المنتخبات الخليبجية .. لا يغرك وصول المملكه للمونديال ..


دورات الخليج وبطولاتها لم تعد تقدم المفيد للاعب السعودي...
السؤال هل الدوري السعودي يفيد اللاعب ؟!؟! :)


ولم نصل للمستوى اللي يخلينا نجاري المنتخبات العالمية...

نصيحة أخو .. لا تفكر بهالشي أبد :)

وياريت نقون واقعيين ونطمح للي قدنـا ..

MoonSun
31-08-2006, 07:19
MoonSun .. الي قلته مو جهة نظر هذا غرور يالغالي ..


برضو ...

ملزم انه غرور...

أوكي براحتك وجهة نظرك واحترمها...


MoonSun

ومن قالك انه مستوى المنتخب السعودي يفوق مستويات منتخبات الخليج !

مستوى السعودية متقارب مع المنتخبات الخليبجية ..

طيب ومين قالك اني قلت ان السعوديه تفرق بمراحل عن دول الخليج؟؟؟

طلع لي كلمة قلت ان السعودية مستواها اعلى بكثير من دول الخليج...؟؟؟

لا ياخوك لاتقولني كلام ماقلته...

انا قلت ان دورات الخليج لم تعد تقدم الفائده الفنية المرجوه للاعب السعودي ...

ومن حقي كرياضي سعودي اطالب بمستوى افضل من اللي قاعدين نشوفه...

واحتكاكنا ومشاركتنا بدورات الخليج ماراح يطور مستوى المنتخب السعودي...

MoonSun
31-08-2006, 07:22
MoonSun .. لا يغرك وصول المملكه للمونديال ...

لا لا هذي كثر منها...

منتخب يوصل للمونديال لرابع مره ...وش معناته...؟؟؟

حلوه هذي لايغرك وصول المملكة للمونديال...

طيب وين باقي دول الخليج من المونديال...؟؟؟؟

MoonSun
31-08-2006, 07:25
MoonSun

نصيحة أخو .. لا تفكر بهالشي أبد :)

وياريت نقون واقعيين ونطمح للي قدنـا ..

والله ياخوي لو نقعد نقول ونردد كلامك ماراح نتطور...

طيب وش اللي خلا الكاميرون ونيجيريا وغانا وساحل العاج وتركيا ...

يجارون اقوى المنتخبات العالمية ...!!!

DoubleKiCk
31-08-2006, 07:31
نعم انا اتفق معك انه بالوقت الحاضر المستويات شبه متقاربه...

وهذا يدل ان المنتخبات الخليجية استفادت اكثر من المنتخب السعودي...



اعتقد ان العكس هو الصحيح المنتخب السعودي هو اللي استفاد من دورة الخليج باللعب مع منتخبات مثل العراق والكويت

MoonSun
31-08-2006, 07:41
اعتقد ان العكس هو الصحيح المنتخب السعودي هو اللي استفاد من دورة الخليج باللعب مع منتخبات مثل العراق والكويت

ياخوي انا ما انكر ان دورة الخليج في بداياتها كانت مفيده لكل الخليجيين...

ولكن انا اتكلم عن الوقت الحاضر ...

DoubleKiCk
31-08-2006, 07:54
ياخوي انا ما انكر ان دورة الخليج في بداياتها كانت مفيده لكل الخليجيين...

ولكن انا اتكلم عن الوقت الحاضر ...

انا عارف انك تتكلم عن الحاضر وانا معاك في ان دورة الخليج من الناحية الفنية ماصار لها فايدة على جميع المنتخبات

لكن ردي كان على الجزء اللي قلت فيه ان مستوى منتخبات الخليج صار شبه متقارب بسبب ان بقية المنتخبات استفادت من مشاركة المنتخب السعودي معها , وهذي مغالطة تاريخية

MoonSun
31-08-2006, 07:59
أحترم وجهة نظرك وكلامك على عيني وراسي ...

مشكور عالمرور...

Question
31-08-2006, 10:58
والله احسن .. ماوراها الا المشاكل .. وكل واحد ..بس حاط في باله هذا بيسوي مؤامره وهذا بيغش ووو ..

بطولات فاشله .. واتمنى من كل قلبي الانسحاب العاجل

Question
31-08-2006, 11:00
والي يقول نبي تجمع بين الاشقاء .. وش هالتجمع الي اخرتها اتهمهم بالمؤامره واشكك بالذمم واخرتها اطلع غلطان وظالمهم ! .. كل بطوله كذا !

Ruudy
31-08-2006, 11:09
اخوي الكريم...

نعم انا اتفق معك انه بالوقت الحاضر المستويات شبه متقاربه...

وهذا يدل ان المنتخبات الخليجية استفادت اكثر من المنتخب السعودي...

المنتخب السعودي كان يحقق كأس اسيا ويأتي لدورة الخليج ويخسر

بسبب عوامل نفسية وبرضو بطريقة اللعب الدفاعية عند اغلب دول الخليج...

المنتخب السعودي حقق كأس اسيا مرتين قبل ان يحقق كأس الخليج...

نعم حقق كاس اسيا ووصل كاس العالم قبل لا يحقق كاس الخليج .. لكن لو مو كاس الخليج جان ما اخذ كاس اسيا ..!
تظن ان الابتعاد عن كاس الخليج بيفيد الاخضر .. لكن اقولك ان الابتعاد عنها يؤثر سلباً و ما راح يفيد الاخضر كثر ما يضره
وبالنسبة لقولك ان الاخضر خسر كاس الخليج بسبب العوامل النفسية و الخطط الدفاعية .. اعتقد هذي ايضاً تفيد اللاعب السعودي و تعلمه كيف يتصرف بالخطط الدفاعية وكيفية التعامل معها و اكتساب خبرة للتعامل مع الضغوطات و المواجهات الدفاعية في بطولات اخرى .. لان ممكن بكاس اسيا تكون المجموعة خليجية بحتة .. لحظتها شبيسوي المنتخب السعودي ؟
والحين منتخبات في طور التطور مثل الامارات وقطر بالاضافة لعمان و ايضا الكويت لانها منافسة السعودية .. هذيل المنتخبات المواجهة معاهم راح تكون صعبه وفيها ندية يعني بتفيد اللاعب السعودي
واذا بتنسحب من بطولة الخليج .. وين بتشارك ؟ كاس العرب ؟؟ اللي منتخباتها يلعبون بالصف الثاني ودورة الخليج اقوى منها بكثير .. بتشارك ببطولة غرب اسيا ؟ دورة الخليج اقوى منها .. بتشارك وين ؟ باوروبا مثلا علشان تبي المنتخب يوصل للعالمية ..
انا اشوف كلامك واسبابك غير منطقية

هلاليه موووت
31-08-2006, 13:55
انا اشوف المفروض السعوديه تشارك في دورات الخليج والعرب بالصف الثاني يعني تكون بطولات لبناء صف ثاني وجيل جديد ومن هذي الدورات اللاعب المميز يختارونه يطلع للصف الاول بكذا الاختيار للصف الاول بيكون على مراحل يمر فيها اللاعب مو من النادي لكأس اسيا

اما الصف الاول يدخل بس كأس اسيا ولازم يسير فيه بطوله اما سنويا او كل سنتيين يرتبها الاتحاد السعودي النايم لمنتخب الصف الاول تكون بطوله لسته منتخبات او اربعه اللي هوه وتكون من المنتخبات القويه (البرازيل فرنسا ايطاليا ....... الخ ) وتكون مكافئاتها ضخمه عشان يوافقون (عاد همه يعبدون القرش وبيجون الدوره عشانه) وندري انو في الدورات الاولى بننهزم باهداف كثيره بس لازم ننهزم عشان نتطور والا راح نجلس بنفس المستوى الى ابد الآبدين

صعـــب
31-08-2006, 14:10
بالنسبة للمنتخبات بالعكس اذا مافادت ما اعتقد تضر اما بالنسبة للاندية فاشوف ان الافضل تشارك فيها الاندية السعودية المتوسطة والصغيرة لانها ممكن تسبب زحمة وارهاق للاعبين الاندية الكبيرة مع كثرة البطولات الخارجية والداخلية ومشاركات المنتخب هذا من ناحية الكورة اما من ناحية اخرى اشوف ان لها مساوء من خلال نشر الكراهية بين الخليجيين وهذا شئ واضح للعيان خصوصا في الاتصالات اثناء البرامج الرياضية!......

TheEmperor
31-08-2006, 15:23
مشكووووووور

Ŝmα®Ђ βộỳ
31-08-2006, 23:02
أنا مع كلام هلالية بخصوص المشاركة بالصف الثاني
خصوصا عندنا كم كبير من اللاعبين .. سواء من الممتاز أو الاولى ما يلقون فرصة المشاركة مع المنتخب
عشان كذا هاذي فرصة لهم .
وكلنا نشوف منتخبات البرازيل والارجنتين تشارك في كوبا امريكا بالصف الثاني
وهذا يعطي فرصة للاعبين احتياط لنجوم كبار .. وكلنا شفنا ادريانو وفابيانو واليكس في البطولة الاخيرة
لأن الهدف من الفوز بالبطولة تحقق .. فتتاح الفرصة لتجريب اللاعبين

مشكور مون على الموضوع

HiLaLy
31-08-2006, 23:29
ماتفيدنا
يعنى شنو الاستفاده من كأس الخليج
لاعبينا فنيا ومهاريا افضل من لاعبى الخليج كافه...

Abo_Ahmad_k
31-08-2006, 23:40
مون مره انت كتبت موضوع ليش نادي الاتحاد مايشارك بابطال اوربا انا بقولك نصيحه اتمنى تعجبك خلي واقعي احسن ,,,,, ماتطور مستوى دول الخليج وخاصه الكويت والسعوديه والعراق الا بوجود دورات الخليج مهما كانت مشاكلها تبقى دورات الخليج هي المطور الوحيد للاعبين دول مجلس التعاون فأنا اتمنى بدال المنتخبات الاولى تشارك اتمنى ان الدول تشارك بالفرق الاولمبيه يكون احسن لهم ,,,,,

Smooth criminal
31-08-2006, 23:47
موون سن انت شخص مميز بطرح الاراء والافكار.......الا في هاذي النقطه وهو اصرارك المستمر على عدم المشاركه بكاس الخليج.......خلتك تفقد الكثير من مصداقيتك ........

أحمد قطر
01-09-2006, 13:59
السلام عليكم


هلا اخوي مون سن


كــل تجــمع دول لازم يسوي له دورة بين اعضاءه


مو غرضها التنافس البحت , بل تعميق اواصر دول التجمع وتذكير الاعضاء بالوحده


وترى بطولة الخليج مدتها اسبوعين كل سنتين , ما اشوف فيها تاثير على مستوى اي منتخب يشارك


ماشفنا احد يطالب بإلغاء اليوووورو او كوبا امريكا بالعكس لهم اهميه كبيره للتذكير بالوحده


وخاصة بعد انقسام بطولة الخليج لمجموعتين ورجوع العراق , صارت البطوله اقوى


وهذا الكلام مفروض ينقال لو منتخبك منتف المنتخبات الاخرى بأخر بطوله وفايز بفارق كبير


اما تقول انه العوامل النفسية هي سبب اخفاقه , فهذي مو مشكلة البطوله , في شي اسمه فريق طبي


يجهز الفريق بدنياا ونفسيا لأي بطولة كانت ,


ما اظن انكم تتضايقون نفسيا لما تلعبون مع اخوانكم وعيال عمكم


وترى دول الخليج تكمل بعض ومافيه احد احسن من احد


ويامون سن إعتبر دورة الخليج دورة تنشيطيه , ولا تشارك فيها بالاساسييين


وحط حيلك في البطولات الاسيويه , والحين بعد دخلوا استراليا واليابان موجوده من قبل , عليك بهم


وبــــس لازم نعرف , مشكلة تذبذب مستوى الأخضر هي رئاسة الاتحاد وخططه المستقبليه المدروسه


والا بطولة الخليج اللي موعدها كل سنتين مرة :confused:



تحياتي



فمـان اللــه ...



:cool:

نويدر
01-09-2006, 19:20
طيب يا مون ما البديل؟؟؟؟؟؟

على الاقل يتحرك المنتخب ويشارك في بطولات حيث ان بطولات الخليج عمرها ما تعارضت مع ارتباطات للمنتخب ،،،،،،،

اعطيك مثال : دولة زي الجزائر لا تشارك بمنتخبها الاساسي الا في بطولة افريقيا ولا تحرص على اي مشاركات اخرى حتى على على مستوى الاندية بحجة ارتباطات لاعبينها مع انديتهم ،،،، وشوف حاليا وين المنتخب الجزائري اللي يوم من الايام هزم المانيا في كاس العالم وخرج بمؤامرة..حاليا منتخب اي كلام!!

وبالنسبة لدورة الخليج اعتقد ان اكثر منتخب استفاد منها هو منتخب المملكة والتاريخ يقول مو انا :
- في بطولة الخليج ( السابعة) سنة 84 اخفق المنتخب في كاس الخليج وتم تغيير المدرب وكان كاس اسيا بعدها مباشرة وحقق المنتخب تلك البطولة كاول انجاز..
- في بطولة الخليج (التاسعة) سنة 87 اخفق المنتخب في الرياض وتم تغيير المدرب على اثرها وحقق المنتخب بطولة اسيا سنة 88 في السنة التالية..
- في بطولة الخليج ( الثالثة عشر) سنة 96اخفق المنتخب بنفس الطريقة السابقة وتم تغيير المدرب في فترة وجيزة وحقق المنتخب كاس اسيا لثالث مرة في تاريخه!!

فلذلك ارى ان بطولات الخليج كانت دروس قوية لاختبار المنتخب في بطولات اقوى..

الاميرة
01-09-2006, 19:32
المطلوووب من كل دول الخليج رفع مستوها بالعب بس

اما ان السعوديه تنسحب بهذي انا مو وياك

لانه راح يصير المنتخب قليل يلعب

وكذا راح ينزل مستواه

اما قضيه ضقط على الدوري هو من زمان دورينا مضغوط

ودورينا يبغاله ما يصير مع اي بطوله منتخبنا يشارك فيه

عشان الاعبين الي بنوادي

owid
02-09-2006, 04:23
انا مع استمرار دورات الخليج حتى لو لم نستفد منها فنيا ي:yes: كفي انها تقوي فينا الرابط الخليجي

الـجـافـل
03-09-2006, 03:29
من ناحيتي اشوف ان دورة الخليج مش طورة المنتخبات
بالعكس هي طورة المنشاءت وجابت افظل المدربين
وحتى الجماهير تطور مع دورات الخليج
اخوي المنتخب السعودي لو ما يلعب في بطولات الخليج
متى راح يلعب تصفيات اسيا كل اربع سنوات ونفس الشي كاس العالم
في الوحيده المستمره ومتداوله ولها تحضير خاص هي كاس الخليج
ومثل ما استفادت السعودبه من قبل من الكويت والعراق ما فيها شي
لو استفادات المنتخبات الاخرى من السعوديه الان

AZUL_17
03-09-2006, 07:01
اخــوي انا توني الاحظ موضوعك ...!
للاســف ..
الغــرور مشكـــلة ..
اخوي العزيز ..
انا مستغرب من رأيك بانسحاب السعودية من كأس الخليح ..!!؟؟
لانه كأس الخليج اهي الي رفعت من مستوى منتخبكم ومنتخبنا ومنتخبات ثانيه لدرجه انها وصلتهم للمونديال لانها فيها شوية احتكاك بالرغم من قصر مدتها ..
ولانها كانت البدايه للنجوميه والصعــود شوي وهذا مبين من انجازاتكم وانجازات منتخبات اخـرى خليجيه منها .. لكأس اسيا .. من كأس اسيا .. للنهائيات كأس العالم ..يعني كأس الخلييج اهي المنشأ ..

واذا تم انسحاب السعوديه نظــرا لرأيك على ان كأس الخليج ما عاد يفيد وان بانسحابكم راح تتطورن هذا شي غلط لان راح يسويها غيرك واخرتها الكل راح ينسحب وماراح يكون اهناك لنا تجمع او لقاااء خليجي او كأس الخليج الي نستمتع فيه وهذا اهم مميزات لقاءات كأس الخليج ولا تنسى رووح المنافسه بين المنتخبات ..!
واذا عن استراليا وانضمامها للاسيوي .. ثقه منهم ..
بس احـنا للحين ... مستوانا ما يأهلنا حبيبي ..ولازم ما نحــلم وايد .. لان هذا الواقع عمـري ..

ومعااااك بالتطــور انا والكل يبي التطور ..!!
بس من الانسحاب من كأس الخليج ... بالعكس راح نستفيد لانه فيها منتخبات قويه متطوره نوعا ماا ومافيها شي ماراح تنزل من مستواكم حبيبي .


ورأيك ومع احترامي لك غلـط ب غـلط .
وهذي مو وجهة نظـر هذي فيها غــرور مبالـغ ..
ومشكورين

إماراتي_صريح
03-09-2006, 17:53
يعنى عقب كل الى قدمته دورات الخليج للشعب الخليجى و للكره الخليجيه ياي تقول خلنا انفضها سيره
شو لا يكون انته من انصار كوندليزا رايس و الشرق الأوسط الجديد
اجولك انه كأس الخليج بإذن الله ما راح تنلغى لأنها موجوده بوجود شعب الخليج

Paranoid
03-09-2006, 19:53
بطولات الخليج قامت للقاء ابناء الخليج والتواصل بينهم سواء كانوا لاعبين او مسؤلين او حتى الجمهور
لم يكن الفوز اوالخسارة هو هدف البطولة

بطولات الخليج بصفة عامة في كل الالعاب هي من تعرف الاعب على العالم وبداية كل لاعب هي بطولات الخليج

ومن يطالب بالانسحاب هو الخسران الوحيد

اعتقد موضوعك فيه مقارنة ظالمة للحالة السعودية والاسترالية
استرالية لديها لاعبين في دوريات اوربية
اغلى ثمنا من اي لاعب خليجي
ودول تصفيات اوقيانيا لا تقارن بمستوى دول الخليج او حتى بالتصنيف الدولي

هل اذا انسحبت السعودية من كرة القدم تنسحب الكويت من اليد وتنسحب الكويت من كل الالعاب الفردية التي سيطرت عليها بكل بجدارة وتنحسب قطر لمجرد وصولها لكاس العالم للسلة وتنسحب كل دولة خليجية لمجرد تحقيقها لانجاز عالمي وقاري ؟

اذا في منتخب في العالم اولى بالانسحاب من كاس العالم هم البرازيلين وتنسحب ايضا من كاس امريكا الجنوبية هي والارجنتين

شيء مضحك ومبكي في نفس الوقت

Counter_Attack
03-09-2006, 20:00
ماتوقع ,,,,,,,,

MoonSun
03-09-2006, 20:06
أشكركم جميعاً على وجهات نظركم...

ولكن لازلت أقول مالفائدة التي يجنيها الأخضر السعودي من مشاركاته بدورات الخليج؟؟؟

بالعكس اضرت بنا اكثر مم افادتنا....

سببت لنا مشاكل داخلية وخارجية سواء لاعبين او مدربين او اداريين حتى الجمهور تضرر منها

وكلنا يعرف مايحدث للجمهور السعودي عند مساندته لمنتخبه بالدول الخليجية...

لدرجة ان بعض النقاد اصبحوا يطلقون على الجمهور السعودي مسمى((هوليغينز الخليج))

يعني الجمهور السعودي زي الجمهور الانجليزي ...

ايضاً عملية اقالة المدربين في الماضي بسبب دورات الخليج...

ايضاً عملية الاقالة والاستقاله للإداريين بسبب دورات الخليج...

وقبل هذا وذاك لافائدة يجنيها لاعبونا من دورات الخليج...

armadaa
03-09-2006, 20:35
هلا اخوي مون سن ..

كالمعتاد .. موضوع جرئ و مثير للاهتمام من كيبوردك

اخوي مون ..

زمان كنت مثلك .. اعتقد ان دورات الخليج تضر اكثر مما تنفع ..

حتى اول ما قريت موضوعك قلت كذا ..

لكن بعد ما قريت بعض الردود .. غيرت رايي ..

مستوى معظم منتخبات الخليج تطور بشكل كبير وسريع ..

عمان والبحرين وش كانت قبل ؟؟ وشفها الحين ..

الكويت تظل كبيرة رغم الهزات الاخيرة ..

عودة العراق للمشاركة ..

الامارات في الطريق ان شاء الله ..

اللعب معها كلها راح يفيدنا اكيد .. ويمكن مستواها يتطور ويصير الاحتكاك معها فيه فائدة للاخضر ..

البطولة فيها عيوب بسيطة ..
من وجهة نظري اقامتها في منتصف الموسم هو اكبر الاخطاء ..
لو صارت بنهاية الموسم حتى يستعد لها بصورة افضل .. والاندية ما تخسر لاعبينها ..

Paranoid
03-09-2006, 20:40
أشكركم جميعاً على وجهات نظركم...

ولكن لازلت أقول مالفائدة التي يجنيها الأخضر السعودي من مشاركاته بدورات الخليج؟؟؟

بالعكس اضرت بنا اكثر مم افادتنا....

سببت لنا مشاكل داخلية وخارجية سواء لاعبين او مدربين او اداريين حتى الجمهور تضرر منها

وكلنا يعرف مايحدث للجمهور السعودي عند مساندته لمنتخبه بالدول الخليجية...

لدرجة ان بعض النقاد اصبحوا يطلقون على الجمهور السعودي مسمى((هوليغينز الخليج))

يعني الجمهور السعودي زي الجمهور الانجليزي ...

ايضاً عملية اقالة المدربين في الماضي بسبب دورات الخليج...

ايضاً عملية الاقالة والاستقاله للإداريين بسبب دورات الخليج...

وقبل هذا وذاك لافائدة يجنيها لاعبونا من دورات الخليج...

هل تنسحب انجلترا من كل بطولة بسبب جمهورها ؟


لا تضع سبب اقالة المدربين لدورات الخليج شوف من المسؤول عن اقالة المدرب هو المسؤول عن الرياضة بالممكلة

ما اشوفك رديت على ردي في انسحاب باقي دول الخليج في بطولات مثل اليد والالعاب الفردية

MoonSun
03-09-2006, 20:49
هل تنسحب انجلترا من كل بطولة بسبب جمهورها ؟


انجلترا تنسحب من بطولات اوروبا ...ليش؟؟؟ هناك فرق ياعزيزي


لا تضع سبب اقالة المدربين لدورات الخليج شوف من المسؤول عن اقالة المدرب هو المسؤول عن الرياضة بالممكلة


طيب مو هذا اللي ضيعنا...

اذا بنقيل المدربين والاداريين عشان كأس الخليج ... الله الغني عنها



ما اشوفك رديت على ردي في انسحاب باقي دول الخليج في بطولات مثل اليد والالعاب الفردية

والله كيفها اذا تشوف مصلحتها بالانسحاب من الافضل لها الانسحاب...

يعني الحين بطولات اليد والسله وباقي البطولات قاعدة تطور من مستويات الفرق الخليجية...؟؟

vandersal
04-09-2006, 01:02
دورات الخليج لها خصوصيه اكثر من انها تنافس او فايده للاعب ايا كان سعودي او كويتي .. ففكرة الانسحاب منها ما اشوفها فكره صائبه ..

ياكويت
04-09-2006, 13:25
اولا بطولات الخليج دائما يكتشف بها نجوم جدد ثانيا انت تقول استراليا مستواها اكبر من الدول الي قاعده تباريها وانظمت لاسيا مو بغيا برفع مستواها لانها لو بغت ترفع مستواها تروح اوروبا لكن هذي بركات بن همام ثالثا كل منتخبات الخيج نفس المستويات رابعا بطولة الخليج لو انسحبت السعوديه مثلا او اي منتخب خليجي ثاني شنو بيستفيد ووين بيروح ؟؟؟؟ افضل بطولتين باسيا كاس الخليج وكاس اسيا ؟؟؟؟؟؟؟

ALkinG
04-09-2006, 13:50
خلاص الاحسن للسعودية انها تنظم للأتحاد الأوروبي .. :)

عاشق قطر
04-09-2006, 14:19
أخي مون سن...

أنت ذكرت أن أحد سلبيات دورات الخليج الضغط والعصبية وووو... أنا أفكر الحين, إذا لعيبتكم مايتحملون ضغط قطر وعمان والإمارات, لاعجب من النتائج الهزيلة عندما تتقابلون من المنتخبات العالمية. :)

المشكلة آخر بطولة المنتخب السعودي خسر من الكويت (الجريح) وكلاها ثلاثة من البحرين, فمادري على أي أساس تقارنها بأستراليا اللي تضرب منتخبات أوقيانوسيا 20 صفر :)

إذا فرأيك مافي فايدة من دورات الخليج, إذا من باب أولى الانسحاب من كاس العرب وكاس غرب آسيا والاكتفاء بكاس آسيا وكاس العالم والمباريات الودية.

من جد فكرتك مالها داعي ويا أنها غرور (أنت تقول مب غرور) أو انها قصر نظر.

وسم
04-09-2006, 19:04
اخي مون صن

كاس الخليج مهمه للاعبينا مثل اهميتها للاعبي دول الخليج كافه

بالعكس اهم اختبار حقيقي لمنتخبتنا كانت دوره الخليج دائما لوتلاحظ كل نتائج سلبيه بعد كاس الخليج يكون وراها انجاز قوي

ابدا لاعبينا لا يفرقون ولاراح يفرقون كثيرا حتى لو لعبتهم في كاس اوروبا دام هذي عقلياتهم وهذي ادراة اتحادنا خلنا على خليجنا اللي دايم يبين لنا العيب قبل لا نروح بعيد وناكلها

وشكرا

ياكويت
04-09-2006, 19:45
وأخيرا ترى الخامه اهي الخامه احنا نشكلها بس مانقدر نغيرها خامة لاعبين السعوديه لاتعتقد تقدر تشكلها وتوصلها للتنافس على كاس العالم مثلا هذا شي مستحيل

Paranoid
04-09-2006, 19:47
والله كيفها اذا تشوف مصلحتها بالانسحاب من الافضل لها الانسحاب...

يعني الحين بطولات اليد والسله وباقي البطولات قاعدة تطور من مستويات الفرق الخليجية...؟؟

يعني كلو ينسحب من كلو

ونلغي بطولات الخليج عشان مون سن يشوف انها ما تفيد لاعب الخليجي من غير دراسة ولا تخطيط

اكيد بطولات الخليج بكل الالعاب بتفيد اي لاعب لانها بطولة اقليمية تطور مستوى لاعب للبطولة القارية ومن ثم للبطولات العالمية

tito2000
06-09-2006, 03:13
اخوي مون .. مادام ان اللاعب السعودي مازال مبلط بالسعودية وما احترف بالخارج ( وخصوصا باوروبا) مارايح تشوف اي تطور .. واكبر دليل شف اليابان اللي يوم اخذنا ثاني كاس اسيوي ماكان عندها اساسا فريق كرة قدم وشف فريقهم الحين كل يوم يكسر روسنا !! ليش ؟؟ لأن لاعبينهم باوروبا وربعنا يزرعون فجل .. وبالنسبة لمنتخبات الخليج مستواها مقارب لمنتخبنا واعتقد انها كانت وراء تطور المنتخب والا لو اليمن والهند (موجودين بدول الخليج) كان لقيتنا نحتفل اذا فزنا على اندونيسيا ..