المساعد الشخصي الرقمي

مشاهدة النسخة كاملة : أفضل المطاعم بالكويت .. دش واختار ..



الصفحات : [1] 2

الأزرق
15-09-2006, 16:26
السلام عليكم ..

حبيت أطرح موضوع ان شاء الله يكون خفيف على الجميع .. :)

بما ان القسم يتحدث عن الصحة والغذاء .. والغذاء مرتبط بالصحة .. والصحة مرتبطة بالغذاء
<<<<<< أحلف .. ! :D

في الآونة الأخيرة .. الشعب الكويتي صار يعتمد على المطاعم .. والمطاعم صارت مثل الدود بالكويت .. وبدت تتفنن بجميع الأكلات ومن جميع دول العالم .. :cool:

لذلك كل واحد يقولنه .. أحسن المطاعم بالكويت ... وشنو الأكلات الي يتميز فيها كل مطعم ..
وما هي المطاعم المفضلة عنده وأكلاته .. :)

طبعا الموضوع فيه شوية دعاية للمطاعم .. بس علشان ننور الناس لأن يمكن البعض يبي يجرب ويطيح على أكلات او مطاعم يديده .. والكل يستفيد من الثاني .. :)

........ بالنسبة لي :

الكباب .. وايد مطاعم بس أحسنهم .. قصر النخيل ( كباب لبناني مادري حلبي ) ... الديج الرومي نفس الشي ... كباب الحجة ( كباب ايراني ) .. دجاج تكا ( كباب مصري ) ..

وفي بعد مطعم ( جاد ) او شي جذي .. هم يبيع كباب مصري ( بليَه ) شغل عدل ..

الشاورما .. أحسن مطعم يبيعها .. كويتانا .. يتفنن فيها .. من حيث الشاورما .. او الخبزة التركية اللذيذة .. بالاضافة الى مطعم فرح .. شاورما تركية لذيذة مع الطحينة والخضرة ..
<<< راعي المطعم بيدعيلي على هالدعاية .. :p


نيي حق الفلافل .. المطعم الأشهر من نار على علم .. كنااري .. فلافل وفول وحمص ومخلل لا يعلى عليه .. وفي مطعم اللدو والرملة .. هم معقول وجيد .. واكو مطعم ( دودو ) حق اخو عبدالحسين عبدالرضا .. ممتاز هم للفلافل والمخلل ومن هالشغلات ..


أما الأكلات الهندية الكشخه .. أنا مجرب أغلب المطاعم الهندية بالكويت .. أحسنهم تقريبا .. اهوه مطعم ( دار بار ) .. الي بفندق كونتينتال بشرق .. كل مالذ وطاب .. من البرياني .. والكاري .. والمسالا .. والفندالو .. والخبز الي يخشخش p:... والخلطات الحاااارة .. وأيضا من المطاعم الحلوه مطعم قيصر .. خصوصا الأكلات الي ( اتشتش ) ..p:


الأكلات الهندية البسيطة .. طبعا المطاعم الهندية الي يم الجمعيات تبيع شغلات حلوه .. بس احسنهم الي بمشرف + الفيحه .. جميع أنواع السمبوسة + الجباتي + البطاط + الفلافل .. الخ .. + يقولون مطعم عبدالعزيز الضويحي .. p:


بيتزا ... دومينوز بيتزا + بيتزا هت + بابا جونز .. طبعا ( بيتزا سميكة بالببروني والجبن بس ) P:

مأكولات بحرية .. مو من عشاقها وايد .. بس يعجبني شرمبي ..

مطاعم أمريكية - وجبات سريعة - .... الأفضل بالنسبة لي ( Burger King ) .. وأفضل وجبة .. أنغس (Angus) ...

مطاعم أمريكية فخمة .. يعجبني فدركرز + جوني روكيتس ..

الكافيهات .. مو من روادها بشكل دائم .. بس يمكن جوكليت بار ممتاز ..
.............

هذي كل المطاعم والأكلات الي أذكرها حاليا .. وطبعا في اكثر .. والكويت ما شاء الله كل يوم يفتح فيها مطعم ..

والموضوع اهداء لكم .. وان شاء الله نسمع كل واحد ورايه وشنو المطاعم والاكلات الي يفضلها .. وان شاء الله نكتشف مطاعم وأكلات يديده .. :)

S-S
15-09-2006, 16:34
بالنسبة لي ..
احب ماكدونالدز ...:D
و شيليز ...:D
و بيتزا هت :)
مو نوعي احب مطاعم الدول :o :p
و تشكر :)

الانجــليزي
15-09-2006, 16:38
الأكلات الهندية . الهيثم . الشباب الميارك
ماكدونالدز . دوميز بيتزا . كبابجي . نبع العصير :p :D . الصمونه العجيبه :D :p

SPeeDY
15-09-2006, 16:45
الكباب .. الحجة
الشاورما .. أي مطعم يمشي حاله
الفلافل .. التابعي و دودو
الأكلات الهندية الكشخه .. على بالي محد يعرف المطعم اللي بالكونتيننتال غيرنا .. كله فاضي :p
بيتزا .. بريقو .. جوني كارينوز
مأكولات بحرية .. ماكو على طبخ البيت الزفر :p
مطاعم أمريكية - وجبات سريعة - .. ماكدونالدز
مطاعم أمريكية فخمة .. تشيليز
الكافيهات .. ما أدخلها .. بس اذا دخلت .. أطلب هوت شوكلت أو آيس كابتشينو :o


ما قصرت عالاستبانة :)

عبد العزيز الحمادي
15-09-2006, 16:55
موضوع حلو .. بالنسبة لي

الكباب ..ماكو على كباب الحجة ... وعندك الشابستان الايراني

الشاورما .. جرب شاورمة وشار .. عجيبة .. بس عموما الشاورما كل مكان زينة

الفلافل .. اخذ فلافل ليالي القمر اللي عند نادي القادسية وادعيلي .. حار بحار .. ويحطلك حبتين بالصمونة مو مثل الجعوص الباجيين

الهندية الكشخة .. وايد مطاعم .. يمكن مغل محل احلاهم

الهندية البسيطة ... مطعم بيان واقطع .. مو اللي بجمعية بيان .. لا اللي بالسالمية يم سناء .. وعندك الشباب المبارك زين

البيتزا ... دومينوز احلاهم عندي بس مادي ليش مو ماخذ دعاية كبيرة مع انه شغلهم حلو

البحرية .. النوخذة يعجبني وايد .. ومايصير يمر شهر الا رايحله .. اللابستر عندهم حلو مع الصلصة مالته .. وعندك مطعم حسني اللي بحولي مع انه غالي وايد .. بس بحري اسكندراني اصلي

السريعة ... افضل ماكدونالدز وجريت ستيك

امريكية فخمة ... شيليز حلو بالنسبة لي .. ارتاح بجوه اكثر من اني ارتاح بأكله .. فرايديز زين بعد بس الهيلق والمصبنة اللي فيه يلوعون جبدك .. تقول داش الجنة مو داش فرايديز على الطابور اللي عندهم ... لا وأخذ اللبس .. داش سهرة مو مطعم ..

الكافيهات مو صوبها وايد . اللي يصادف الربع بيروحونله وياهم ما تفرق وياي .. قهوتي يا لاتيه يا فرنسية حلوة

الحين شيفكنا .. على العشا شهيتني بمليون مطعم وين اروح :(

A^H^M
15-09-2006, 16:55
والله يا اخوي انا صارلي يمكن سنه ونص مو اكل لا هارديز ولا بيرغر كينغ
بخصوص الكباب في مطعم عندنا بالجهرا توه فاتح يشتغل كباب عراقي شغل عدل يعني مرات نغزيه جنك ماتدري .
ومشكورين

Nutty VaMpIrE
15-09-2006, 16:56
والله بشكل عام ماحب اكل المطاعم .. خاصة السريعة

كباب دانة البحرين سيخ بومية :p هم مشويات دلق سهيل بالديرة

بس مطاعم قعدة اي بالكويت مالك الا المطاعم
مطاعم يابانية .. ماكي سوشيكلب واسابي
مطاعم امريكية .. بفللووز فاضي زقرت ;)
ومطاعم اللي يم الكنيسة بالديرة

بس لايعلى على الآش :p

mazuonah
15-09-2006, 17:34
اكو فلافل شرف بعد و الهندي دعوات و الايراني بابا طاهر

مشكووووور وما تقصر

الل ايي الكويت ما يضيع بالمطاعم

Mr.337
15-09-2006, 17:34
كـل المـطاعــم :p ..

عبد العزيز الحمادي
15-09-2006, 17:39
مطاعم امريكية .. بفللووز فاضي زقرت ;)
ومطاعم اللي يم الكنيسة بالديرة



بالنسبة لبافالوز يبتها ييب .. فاضي وزقرت هالمطعم .. تروح مع اهلك وانت مرتاح ما تتضايق

بس مطاعم الصالحية اللي ورا الكنيسة مو كلهم حلوين ... بيت سبعة غالي ومبالغ فيه وايد .. لابياتزا سيرفسهم تعبان حده ... سكوير حلو .. احلى واحد فيهم .. وفي ايطالي بعد غير لابياتزا هناك حلو

الكونكورد
15-09-2006, 17:40
يعطيك العافيه أخوي ..

Carles Puyol
15-09-2006, 18:00
حرام عليكم يوعتونا :p

مشكوور حبيبي ع الموضوع الحلو :)

بافالوز .... وين صاير ؟؟؟؟:D

KinG^BaLL
15-09-2006, 18:00
مـاكو احلى من اكـل البيت .. يازينه ويا حلاته ..
لكن اذا مـاكو احد يطبخ ! ..

نروح لافضل مطعم وجبات سريعه وهو ماكدونلز ..ومطعم شباب المبارك ..ومطعم التباب ..ومطعم نبع العصير .. ومطعم سليم الهندي بالسـره !

:p :p

:D

Pro
15-09-2006, 18:03
والله الكويت سبق و قلت انها ديرة مطاعم ..

بالنسبة لي ..

شاورما .. بدر البدور زينة شاورمته بس نصيحة خطيرة جربوا مطعم " استراحة العوضي " ابـ شارع الزينة بشويخ .. ما يسوي الا شاورما دياي من الصبح و الساعة 12 الظهر طايرة ما تحصل عنده شي ..

كباب .. وردة الرميثية
فلافل .. مع اني مو وايد فلفولي بس فلافل كناري و شرف معروفين ..
وجبات سريعة .. كان مطعمي آربيز :( .. شالوه للاسف احسن روست بيف كان عنده .. حاليا ماكدونالدز الاحسن و الانظف لأن ما يشتغلون فيه مصاروة :/ !
هندي كشخة .. قيصر و مغل محل بس مغل محل آخر مرة ماكل فيه قبل شهر .. و آخر مرة رايحله قبل خمس سنين .. يعني شغل طلبات بس ..
هندي مو كشخة .. زي ما قال حكمنا مطعم بيان ..
هندي مو كشخة و وصخ .. مطعم المرقاب بالمرقاب لول ..
هندي صمون .. بدر البدور و مطعم جمعية الدسمة ..
كباب صمون .. كباب جمعية شويخ .. ما يبيله
فطاير .. فطاير كافتيريا شويخ .. هم ما يبيله
صمونة مسحب .. فرح و مطعم ويك اند جدام auk روضتي سابقا :( ..!
مطعم بشارع المطاعم .. جاد ستيك " شيل و مشي "
امريكي قعدة .. تشيليز .. و بافالوز الي مقلدني فيه بعض الناس :/ !
همبرقه .. جوني روكيتس و لا برقر بوتيك .. نفس الشي تقريبا
ستيك .. بافالوز + قيصر .. ستيكاتهم تزعل و هم احب مال ايكيا ..
بيتزا .. بريقو .. و توصيل بابا جونز
ايطالي .. بريلا " كله انسى اسمه الي بمرينا "
مشويات .. دانة البحرين و " القهوة الشعبية:p " سياخ الكباب الصغار مو طبيعين و الاخ ماغيره :rolleyes: قاطلي سيخ حق القطوة الي مرت يمنا .. بغيت اتعافر معاها لول ..
دقوس .. دقوس رفيجت يدتي " ام داوود " الله يخليهم و يحفظهم عيايزنا
معبوج .. هم معبوج ام داوود .. معبوج حساوية شغل حــاار لول
يريش .. يريش الحاجة " ثنوة " هم رفيجت يدتي ..
هريس .. لا عاد هريس يدتي لا يعلى عليه ..
لقيمات .. لقيمات يارتنا ام فلاح :( .. كل يوم برمضان تطرشلنا .. بس راحوا الفنطاس و حاولت اقنع بيتنا نشتري بيت يمهم بس عشان اللقيمات ..
ياباني .. ماكي اسمحلي
صيني .. بيكوك هم اسمحلي
هوت دوق .. الي بإيكا قبل لا تطلع ..
عيش .. عيش الحسينية + " update= عيش بخاري من اي مطعم بالخفجي "

و بس :p

^^
الغربة تخليني اتذكر كل هالمطاعم و اذا رديت الكويت مالك إلا اكل البيت :p

برشلوني اصيل
15-09-2006, 18:07
الكباب .. شبستان (كراون بلازا )
الهندي.. اشاز
الفلافل .. فلافل على كيفك وليلي القمر
الشاورما.. الوالي بجمعية النزهة
بيتزا .. بتزارا كوتشينا نفس مال هاروتز اللي بمرينا
مؤكولات بحرية .. النوخذة خصوصا (الزبيدية المشوية ).. وشرمبي
السريعة ..هنغري بني - ومبي - ماكدونالدز
امريكية .. شيليز وفرايديز سابقا
الكافيهات .. كوستا و شوكلت بار
اليابانية .. مافي مثل مـاكي - واسابي
فطاير ..كافتيريا الشويخ

Shag7a
15-09-2006, 18:23
إلي يبي فطاير حق بيتهم على العشى أنصحكم بـ ( الجواد ) إلي باليرموك عنده فطيره يحط داخلها همبرجر و كتشب و جبن عجييييييبه حدهااااا .. و حتى الجبن و الزعتر و السبانخ و كل شي حلو بس أنا أحب أكثر شي همبرجرتهم :D .. و إذا تبون رقمه أعطيكم ..

و بعد طاايحين على مطعم مال فطاير بحولي إسمه الريف اللبناني .. الفطاير ملوته صغار يشوقون.. الجبن عجيب عندهم .. يا حلاتهم :o

روح القادسية
15-09-2006, 18:42
ماشالله عليكم برو وفان باستن شكلكم تعزون الاكل واااااايد:)
بس والله خوش موضوع مطاعم أول مرة اسمع عنها..
وعني انا الاكل مايهم بالمطعم كثر مايهمني القعدة الحلوة وجو المطعم ماحب الازعاج وحشرة الناس اللي ع الفاضي..

Nutty VaMpIrE
15-09-2006, 20:00
والله الكويت سبق و قلت انها ديرة مطاعم ..

بالنسبة لي ..

شاورما .. بدر البدور زينة شاورمته بس نصيحة خطيرة جربوا مطعم " استراحة العوضي " ابـ شارع الزينة بشويخ :p .. ما يسوي الا شاورما دياي من الصبح و الساعة 12 الظهر طايرة ما تحصل عنده شي ..

كباب .. وردة الرميثية
فلافل .. مع اني مو وايد فلفولي بس فلافل كناري و شرف معروفين لول
وجبات سريعة .. كان مطعمي آربيز :( .. شالوه للاسف احسن روست بيف كان عنده .. حاليا ماكدونالدز الاحسن و الانظف لأن ما يشتغلون فيه مصاروة :/ !
هندي كشخة .. قيصر و مغل محل بس مغل محل آخر مرة ماكل فيه قبل شهر .. و آخر مرة رايحله قبل خمس سنين .. يعني شغل طلبات بس :p ..
هندي مو كشخة .. زي ما قال حكمنا مطعم بيان ..
هندي مو كشخة و وصخ .. مطعم المرقاب بالمرقاب لول ..
هندي صمون .. بدر البدور و مطعم جمعية الدسمة ..
كباب صمون .. كباب جمعية شويخ .. ما يبيله لول
فطاير .. فطاير كافتيريا شويخ .. هم ما يبيله لوول
صمونة مسحب .. فرح و مطعم ويك اند جدام auk روضتي سابقا :( ..!
مطعم بشارع المطاعم .. جاد ستيك " شيل و مشي " :p
امريكي قعدة .. تشيليز .. و بافالوز الي مقلدني فيه بعض الناس :/ !
همبرقه .. جوني روكيتس و لا برقر بوتيك .. نفس الشي تقريبا
ستيك .. بافالوز + قيصر .. ستيكاتهم تزعل :p و هم احب مال ايكيا مادري ليش لول
بيتزا .. بريقو .. و توصيل بابا جونز
ايطالي .. بريلا " كله انسى اسمه الي بمرينا "
مشويات .. دانة البحرين و " القهوة الشعبية :p " سياخ الكباب الصغار مو طبيعين و الاخ ماغيره :rolleyes: قاطلي سيخ حق القطوة الي مرت يمنا .. بغيت اتعافر معاها لول ..
دقوس .. دقوس رفيجت يدتي " ام داوود " الله يخليهم و يحفظهم عيايزنا
معبوج .. هم معبوج ام داوود .. معبوج حساوية شغل حــاار لول
يريش .. يريش الحاجة " ثنوة " هم رفيجت يدتي ..
هريس .. لا عاد هريس يدتي لا يعلى عليه ..
لقيمات .. لقيمات يارتنا ام فلاح :( .. كل يوم برمضان تطرشلنا .. بس راحوا الفنطاس و حاولت اقنع بيتنا نشتري بيت يمهم بس عشان اللقيمات ..
ياباني .. ماكي اسمحلي
صيني .. بيكوك هم اسمحلي
هوت دوق .. الي بإيكا قبل لا تطلع لول
عيش .. عيش الحسينية لوول

و بس :p

^^
الغربة تخليني اتذكر كل هالمطاعم و اذا رديت الكويت مالك إلا اكل البيت :p

لوووووووووووووووول في قلبه متروسه
انت بطنه مو متروسة :p
عاوز شاورما لحم


بس مطاعم الصالحية اللي ورا الكنيسة مو كلهم حلوين ... بيت سبعة غالي ومبالغ فيه وايد .. لابياتزا سيرفسهم تعبان حده ... سكوير حلو .. احلى واحد فيهم .. وفي ايطالي بعد غير لابياتزا هناك حلو
ماحب اكلهم تهمني القعدة .. قعداتهم حلوه
وفي مطعم بالديرة قعدة شموع شي حلو نسيت اسمه موجود برج حمود

Ronaldinho17
15-09-2006, 20:47
يوعتوني :(

الكتالوني
15-09-2006, 21:12
الازرق يعطيك العافية الصراحه ما يحتاج نتصل على 808080 :)

من احسن المطاعم اللي مريتها

برج الحمام , شهريار , مغل محل , شرمبي , فرايدز , الوالي , كافتريا الشويخ

بودهام
15-09-2006, 21:23
:D خوش موضوع فهد .. شورانا , نرد !

:o انا اول شي بقول اني ما اعرف او ما جربت مطاعم وايد .. ما احب كل مره اجرب مطعم

خل نقلد صاحب الموضوع بالترتيب : ..
الكباب .. مطعم بهار الايراني عجيب
الشاورما .. ما ادري ما اعرف
الفلافل ..هم ما عرف
على قولتك الاكلات الهنديه الكشخه .. مثل ما قلت قيصر حلو كابينه والتشششش:cool:
الاكلات الهنديه البسيطه .. ما ادري بس هذاك اليوم جربت واحد بالديره اسمه صوت الهند ..لاباس !!
والبيتزا .. احسن شي الدومينوز !.. وبعدين الباجي
مأكولات بحريه مو كلش وياها
مأكولات سريعه:D هاارديييز ما يبيله ..بالاسبوع اتفخ بطني 4 بالقليل "مو بالكثير":D
مطاعم كشخه .. امم كل اللي عالبحر ما في فرق عندي بينهم
كافيهات .. ما ادري كل اللي جربتهم زينين

cassano
15-09-2006, 21:43
كل مكان بالكويت مطاعم .. حتى القعدات صارت فيها .. مطاعم وقهاوي هذا اللي بالديره يطلعون فيه الناس مع السينما .. :cry2:



طبعا مافي مطاعم محدده بس الابرز ..

الكباب : اي مطعم كبار ايراني :cool: .. هم في خوش مطعم كل الناس عليه ورا قصر دسمان

الشاورما : .. افراح الخليج .. كناري ..الرميح بالكويت داخل .. حلوين بالشاورما :clap:

الأكلات الهندية الكشخه : مغل محل مادري شسمه هذا صح .. هم مطعم الفايز (جنه مال الخرافي) بالفروانيه رووووعه بكل الاكلات :yes:


بيتزا : مافي على بيتزا هات .. وماتقبل ليتل سيزر ماكو مقارنه بينهم مع انه ليتل اشتهرت حاليا اكثر .. خاصه الصغار يحبون ليتل .. بس يبقى بيتزا هات روعه :mad2:



الأكلات الهندية البسيطة : ااغلب السمبوسك اللي وانت واقف .. اللي ماسكينهم البهره مو الهنود :bye:



بس احسنهم الي بمشرف + الفيحه .. جميع أنواع السمبوسة + الجباتي + البطاط + الفلافل .. الخ .. + يقولون مطعم عبدالعزيز الضويحي .. p:





عبدالعزيز الضويحي لايكون المطرب
عاد اللي بالفيحا الله يذكره بالخير واحد من الربع مضبطنا فيه :wavetowel2: وهو من تبع اللي ماسكين الجمعيه شغلهم عدل .. اللهم فرع البيتزا احشــــرني:nono: .. الله يوفقهم



مأكولات بحرية : مالي فيهم اكل بيت وبس .. بالمطاعم احس الاكلات البحريه ماتنبلع تنتهي صلاحيتها بسرعه وهم يخزنون ويوكلونه :rolleyes2:


مطاعم أمريكية - وجبات سريعة - .... ( Burger King ) ماااااااافي نفسه .. :euro:

فطاير : المحيسن :mask:

ومشكور على الموضوع

Bo Msheal
15-09-2006, 21:45
nutty_vampire .. اللي ببرج حمود اسمه قصر يلز لبناني ..

تسلم يا الازرق على هالموضوع .. مطاعم وايد اعزها وعلى راسهم (جوني روكيتس) ومطاعم ما عرفتها الا بعد الزواج :P
شغل take away ( ماكدونالدز) واقطع .. نظافه واكل فريش ..
تبي هندي قعده بس غويلي شوي ( بخارى بالشيراتون ) .. هندي اقل مستوى ( اشاز بمرينا )..
ياباني ... ( بيكوك , وسابي وماكي احلى ثلاثه )
بطاط بيديان مع طحينه .. ( كنـــــاري وبس )
شاورما .. ( جمعيه الضاحيه )
ايطالي ( نيــنو .. بيتزا اكسبريس " اكلهم خفيف عالمعده " )
لبناني .. عندك ( سراي .. فيلا فيروز )
كبــاب ( حجــه )
اكــل زفر تخصصي :P ( المرسى بالمريديان عجيب السبيطي المشوي عندهم شي مو طبيعي .. و totaly fish بمرينا )

واذا ذكرت شي بعد احطه بعدين ..

Delpi
15-09-2006, 21:54
الله يهديكم شباب..

احنا بمنتدى رياضي قلبتوها بمواضيع عن الاكل..

الله يهديكم خليتوا الواحد يصير يوعان..

أحسن مطعم بالنسبة لي مطعم فرح..

كل شي حلو عنده..

صمونات الستيك والدياي والربيان المشوي..

والشيش طاوووق عندهم من كوكب ثاني..

والعصاير على كيف كيفك..

وعندكم مطعم كوردو بشارع سالم المبارك يم المكدونالدز..

الصمونات عنده خطيره كلها صاج..

وفاهيتا اللحم خيالي تاكل اصابعك..

ويمه المنعش للعصير..

نصيحه اخذوا عصير برتقال مع اناناس وراح تشكروني..

وبعد عندكم مطعم جاد الي بحولي..

اكل مصري ولا أحلى..

بالذات الربيان المشوي واللحم المحمر وموزات اللحم والطماط المخلل..

الكباب ماكو على كباب وردة الرميثية..

اما كباب الحجة ما أدري شقصته أحس ما يطبخونه عدل..

وكابوريا أحلى ما فيه صمون الشيش طاووق بخبز الصاج..

والي يحب سوالف الصاج مالكم الا ابو خضور ..

Nutty VaMpIrE
15-09-2006, 22:12
nutty_vampire .. اللي ببرج حمود اسمه قصر يلز لبناني ..
.

الله يذكرك بالشهادة قصر يلدز

Bo Msheal
15-09-2006, 22:19
بس مو وايد قوي .. وقعدته قمته شوي ..

DvD
15-09-2006, 22:47
الأكلات الهندية . الهيثم . الشباب الميارك
ماكدونالدز . دوميز بيتزا . كبابجي . نبع العصير :p :D . الصمونه العجيبه :D :p

انشــهــد;)

برشلوني اصيل
15-09-2006, 22:57
Bo Msheal بيكوك صيني مو ياباني ..

Sneijder
16-09-2006, 00:53
لوووووووووووووووول ...

مو حلوة أقرا موضوعك وانا صايم :p :p

عبيد هندسة
16-09-2006, 01:27
شـاورما : العـوضي بشـارع الزينة + بـرقـان ..
كبـاب: برقـان + الحـجة
فلافل : السـعادة ..
بس مو دايماً، يعني اذا ابي شي سريع اخذ توست اميركانا .. يعني بالشهر او الشهرين اروح لمطعم.

في معـلومة راح أذكــرها بعــدين تخـلي الـواحد يفكـر 10000000 مرة قبل لا يـروح اي مطـعـم :)

baby_eng
16-09-2006, 03:31
^^
تكفه لا تقول ..:p

عبد العزيز الحمادي
16-09-2006, 03:33
اخيييييييييه كانتين العوضي ( ابو ساكو سابقا ) عليه شاورما صفرة ذكرتني فيها عجيبة .. وفطاير جبن بالزعتر خيالية ..

نوتي فامباير ... انا اعز الاكل وايد الصراحة ... لو خيروني بين شارليز ثيرون ولا تشيكن باستا وانا يوعان ... من امه التشيكن باستا ...

شباب بالنسبة للمطاعم اللي بفندق كراون بلازا .. اللي يروحلها وايد انصحه ياخذ البريفيلج كارد مالتهم .. وايد مفيدة سعرها 90 دينار وتحصل خصم على كل مطاعم الفندق 50% ..( النوخذة - ساكورا - الاحمدي - ايام زمان - ستيك هاوس - الشابستان ) بالاضافة الى مميزات ثانية .. ( كوبونات مجانية - جلسة مساج - اقامة ليلة ... الخ )

برو ... ذوقك مية مية .. ما الومك شكلك زهقت كله فيش اند شيبس :)

baby_eng
16-09-2006, 03:38
برو ... ذوقك حلو بالمطاعم ..نسيت تقول ايكيا احلى شي حق الريوق :p

Pro
16-09-2006, 03:43
ايكيا والله كل شيهم حلو .. دام إنه فاضي :D :p ..

و بوساكو طلع معرووف لووول :p .. حسبالي بس انا الي صايده :o :D ..!

*owen
16-09-2006, 04:44
والله كويتين ماعندهم غير المطاعم
اهم شي يعبي بطنه

ماكو مثل اكل البيت

الألماسة
16-09-2006, 08:16
اي واللي يعافيكم نبي كل واحد يحط لنا خبرته بالمطاعم

لزوم البلعة

:wavetowel2:

قدساوي & مدريدي
16-09-2006, 10:39
مشكور على الموضوع

Henryq8
16-09-2006, 10:43
اطالب بحذف هل موضوع قبل رمضان اب يومين :o :cry2: .. جـد جــد مو حلوة ادش اهني وانا صايم لااا واصبـح !.. يمكن ادشله قبل الاذان بدقيقتين :p عشان اهجم وافترس الي بطاولة ..

Baggio
16-09-2006, 12:58
شكرا لك ..

حبيبي .. غير شاطر عباس و نايف و سهران .. لألألأ دور :p

scheelite
16-09-2006, 13:57
ماكو على بابا جونز عجيييب :)

وكويتانا اخترب مونفس قبل :)


وفي بعد مطعم ( جاد ) او شي جذي .. هم يبيع كباب مصري ( بليَه ) شغل عدل ..

وايد يمدحووونه عاد توني من قبل جم يووم ماكله منه لذيذ :)

ويسلموو خيووو على الموضوع :)

عبيد هندسة
16-09-2006, 17:04
تحذير هــام:
الرد يحتوي على معلومة تثير الاشمـئزاز، فإذا كنت من اصـحاب القـلوب الرقيقة ... غمـض عـينك ولا تقرأ الرد ..!


فــاصل اعلاني
بــريعــصي مقـــلي ... تـــحيــا الـعمـالة الــمصــرية !!
http://www.moq3.com/pics/up/f_13_09_06/1819778372.jpg


هــــا اقــول المـعــلومة ؟؟

Alazraq4ever
16-09-2006, 17:07
والله صج ؟!!!!!!!!!!!!!!!!!
ورب الكعبه ناااااااااااااام فيهم ..
اقصـى شي حط هالصـوره بالجريده ..

عبيد هندسة
16-09-2006, 17:11
^^^
الخــرافي ومــاادراك مالــخـرافي :)

لو لي والله اذبحــهم .. لكن هالصـورة يقولون بكنتاكي الدعية

Alazraq4ever
16-09-2006, 17:12
قووول قووووول ..

عبيد هندسة
16-09-2006, 17:18
الــمعــلومـــة:
هــل تعــلم بأن اغــلب العـينات التي تـطلبهـا البـلدية للأغــذية لفـحصها تكون مليــئة ببـكتريــا البــراز


أسف... لكــن هذه هـي الحــقيقة!
وأحــذركــم من المــطاعم اللي فيـها مصــريين.

Alazraq4ever
16-09-2006, 17:27
الــمعــلومـــة:

هــل تعــلم بأن اغــلب العـينات التي تـطلبهـا البـلدية للأغــذية لفـحصها تكون مليــئة ببـكتريــا البــراز


أسف... لكــن هذه هـي الحــقيقة!

وأحــذركــم من المــطاعم اللي فيـها مصــريين.

قولي مطعم مافيه مصـري ؟!!
اللهم كباب الحجه :/ ..

Faisal Kamal
16-09-2006, 17:32
موضوع أغراني :p

الكباب .. مطعم بهار .. والي ما ذاق الكباب العراقي طافه نص عمره :D
الشاورما .. مطعم الطبق الجميل بحولي .. موطبيعي :p
الفلافل .. نوارة الأصلي
أكلات هندية .. قيصر ، مغل محل والشباب المبارك
البيتزا .. بيتزا هت ، دومينوز
وجبات سريعة .. برجر كنغ ، ماكدونالدز
أكلات بحرية .. شرمبي
مشاوي .. الديج الرومي بحولي ، الوالي ، ميس الغانم

:D :p :D

Pro
16-09-2006, 17:48
عبيد هندسة والله ادري .. فلبن مسيحيين انظف من هالمصاروة الصراحة :/ اوصخ من مطاعمهم ماكو ..

جيك ردي من زمان حاطه و شوف شقلت :/ ..


والله الكويت سبق و قلت انها ديرة مطاعم ..

بالنسبة لي ..

شاورما .. بدر البدور زينة شاورمته بس نصيحة خطيرة جربوا مطعم " استراحة العوضي " ابـ شارع الزينة بشويخ :p .. ما يسوي الا شاورما دياي من الصبح و الساعة 12 الظهر طايرة ما تحصل عنده شي ..

كباب .. وردة الرميثية
فلافل .. مع اني مو وايد فلفولي بس فلافل كناري و شرف معروفين لول
وجبات سريعة .. كان مطعمي آربيز :( .. شالوه للاسف احسن روست بيف كان عنده .. حاليا ماكدونالدز الاحسن و الانظف لأن ما يشتغلون فيه مصاروة :/ !
هندي كشخة .. قيصر و مغل محل بس مغل محل آخر مرة ماكل فيه قبل شهر .. و آخر مرة رايحله قبل خمس سنين .. يعني شغل طلبات بس :p ..
هندي مو كشخة .. زي ما قال حكمنا مطعم بيان ..
هندي مو كشخة و وصخ .. مطعم المرقاب بالمرقاب لول ..
هندي صمون .. بدر البدور و مطعم جمعية الدسمة ..
كباب صمون .. كباب جمعية شويخ .. ما يبيله لول
فطاير .. فطاير كافتيريا شويخ .. هم ما يبيله لوول
صمونة مسحب .. فرح و مطعم ويك اند جدام auk روضتي سابقا :( ..!
مطعم بشارع المطاعم .. جاد ستيك " شيل و مشي " :p
امريكي قعدة .. تشيليز .. و بافالوز الي مقلدني فيه بعض الناس :/ !
همبرقه .. جوني روكيتس و لا برقر بوتيك .. نفس الشي تقريبا
ستيك .. بافالوز + قيصر .. ستيكاتهم تزعل :p و هم احب مال ايكيا مادري ليش لول
بيتزا .. بريقو .. و توصيل بابا جونز
ايطالي .. بريلا " كله انسى اسمه الي بمرينا "
مشويات .. دانة البحرين و " القهوة الشعبية :p " سياخ الكباب الصغار مو طبيعين و الاخ ماغيره :rolleyes: قاطلي سيخ حق القطوة الي مرت يمنا .. بغيت اتعافر معاها لول ..
دقوس .. دقوس رفيجت يدتي " ام داوود " الله يخليهم و يحفظهم عيايزنا
معبوج .. هم معبوج ام داوود .. معبوج حساوية شغل حــاار لول
يريش .. يريش الحاجة " ثنوة " هم رفيجت يدتي ..
هريس .. لا عاد هريس يدتي لا يعلى عليه ..
لقيمات .. لقيمات يارتنا ام فلاح :( .. كل يوم برمضان تطرشلنا .. بس راحوا الفنطاس و حاولت اقنع بيتنا نشتري بيت يمهم بس عشان اللقيمات ..
ياباني .. ماكي اسمحلي
صيني .. بيكوك هم اسمحلي
هوت دوق .. الي بإيكا قبل لا تطلع لول
عيش .. عيش الحسينية لوول

و بس :p

^^
الغربة تخليني اتذكر كل هالمطاعم و اذا رديت الكويت مالك إلا اكل البيت :p

محمد محمد خليفه
16-09-2006, 18:17
بسم الله الرحمن الرحيم


مشكور يا غالي على هالموضوع الي يمكن يعتبره البعض انه مو مهم بس انا اشوف اهميته كبيرره خصوصا بانتشار حب اكل المطاعم بين الشباب حتى صار الاكل بالبيت امر منسي ... المهم مشاركتي نصيحه مو اكثر لاني اعرف خفايا امور المطاعم اغلب مطاعم المشويات واهي مشهوره تقدم مع الاسف شي يثير الاستغراب ماتقدم لحم استرالي ولا لحم ذبح الكويت تقدم لحم مثلج هندي ولو تشوفونه والله تحلفون ماتاكلون مشويات بعد وهو عباره عن فتايل طويله ماتعرف مصدرها ولا مذهبها شنو لونها مايل للازرق ومن غير عظم وطبعا تضاف عليها كل انواع البهارات والخل والبقدونس عشان تتغير طعمها ومع ريحة الشوي والنار والشخص الجائع كل شي يضيع الي خلاني اكتب هالموضوع اغلب الي كاتبين عن مطاعم المشويات مع الاسف لحمهم هندي يسمونه فتايل ونصيحتي اذا بتاكلون لحم اطلبوا ريش وبعض المطاعم الي تقدم لحم الفتايل ماعندها ريش لان صعب الغش فيه لان فيه عظم ولان مربحه بهالحاله يصير قليل انا ادري محد يسئل شنو لحم المطعم قبل لا يطلب واذا سئل احد يكون الرد مثلج والاغلبيه تضن مثلج يعني مثل الدجاج واهو لا كلمه مثلج عشان تبعد الشبهه عن كلمة لحم الهندي الفتايل واسف على الطواله ومشكورين بس اذا بتاكلون اسائل شنو لحمك اذا قال مثلج ابعد لان فيه مطعم كبير مشويات وبالديره وماتلاقي مكان عنده الخميس والجمعه والعطل ومشهور بالكويت كلها ويقدم لحم هندي مثلج ويشترونه بسعر رمزي وقليل وبعض المطاعم تكتب لحم الشاورما طازج عشان هم يبعدون الشبهه والشخص يتطمن والسؤال يعني المطعم مافيه لحم بس الشاورما اطلب مثلا ستيك هذا لحم واسال شنو نوع اللحم بيقولك مثلج هندي ....

Pro
16-09-2006, 19:43
^^

معلومة وايد مفيدة بوجاسم .. غير انه مثلج و ما تدري من وين .. هم ما تدري اذا حلال و لا لأ .. دامه هندي

بس الحمدلله الاهل ما يشترون الا من مطاعم ذو اللحوم الطازجة ذبح المسلخ .. اما انا للاسف كله يودي :/ ..!

F.C.B
16-09-2006, 20:18
فرييج اصويلح

مجبوس لحم واقطع :>

رونالدو9
16-09-2006, 21:27
نبع العصير و الهيثم واقطع

Q8i
16-09-2006, 21:42
الجملكو
ما اعرفهم :confused:

jori_q8
16-09-2006, 21:49
يحليلكم انا قلت مافي اشطر من الشباب بالمطاعم قز طول الليل :)
الواحد ياخذ خبرة منكم بس المشكله ماتذكرون العنوان بالتفصيل شلون بدل المطعم بالله؟؟!!
المطاعم الي احب القعده فيها تكون الاضاءه خافته حدها طبعا مومطعم سمج :) والموسيقى سلو او ام كلثوم سيره الحب :)
طبعا كل مادخل مطعم قبل ما اطلب المنيو اطلب الدي جي :)
احب الباستا والسلطات وماكدونلدز وتشيليز الباجي تحصيل حاصل

فكتورفالدز
16-09-2006, 22:08
نبع العصير وبس

THe ShaRk
16-09-2006, 22:29
يا شباب قولوا وين العنوان شلون بنوصل له :D:d

فكتورفالدز
16-09-2006, 22:31
يا شباب قولوا وين العنوان شلون بنوصل له :D:d

اذا تقصد نبع العصير

بالجهراء بجنب جمعيه المعلمين

Dortmund
17-09-2006, 00:13
فرح عنده مشويات شغل عدل
سبواي مرات
بيتزا دومينوز لا تفكر غيره
صوت الهند حق الجباتي
و"همبونقر" منتخب العصير بحولي :p
تباب وبدر البدور الله يعطيهم العافيه
همبورجر الجواد عجيييب
فطاير قزرها على على الطبيعه بصباح السالم و فطاير رميثيه
ماكدونلدز
وأخيراً وليس آخراً هارديـــز الله ياخذه الي ذابحينا فيه بعض الناس :rolleyes:

Mr.KehL 5
17-09-2006, 01:35
بالنسبة لي :

مطعم هندي قطعه 5 بالقرين :p

ومطعم فتوش

وكنتاكي + ماكدونالدز

باستامانيا

كلوب ساندوتش

وبيتزا هت

بس هذيل اللي آكل منهم لأنهم الأفضل ;)


شباب شكلي بفتح لي مطعم وأبيكم تمدحوني هني :D :p

وتشكرات على هالموضوع

FaWaZ
17-09-2006, 01:58
ويييييه !
عاد انا اتفنن بإختيار المطاعم !!
احب كنتاكي ..
احب كوردو .. اللي يم الفنار .. شاورمتهم مو صج ..
احب نبع العصير .. وعطا راشد :p :p
احب ويك ايند .. عندهم صمونه ديج رومي .. مو طبيعيه ..
احب شموع الافراح .. بشارع المطاعم .. المسحب مالتهم حلوه ..
احب فرايديز .. بس ما احب اروحله .. زحمه مو شي :p :p
احب مطعم الضويحي .. عيووش ..
والزعفرااااااااني شي خياااالي .. انا و يوسف باتي كنا كل يوم نروحله .. ادماااااان :p :p
وفطاير الزعيم بالفحيحيل .. فطاير على كيف كيفك .. مشلتت جبن كرافت .. آيباه :p
قبل ايام الثنويه .. كنت اروح مطعم الساكت العجيب .. بخيطان .. جباتي وجاي حلييب .. طبعا لمه ما كنت اداوم :p

امممم شنو بعد ؟
المطاعم العاديه اللي اروحلها عاادي يعني بيتزا , ماكدونالدز , هارديز , ليالي القمر ( يم نادي القادسيه )
وبسس :p


واسمحلي فهيد .. موضوعك ما منه فايده :p

FaWaZ
17-09-2006, 02:20
كسانو + الازرق :p المطعم مو لعبدالعزيز الضويحي .. اسم المطعم "خالد الضويحي" .. عبدالعزيز ماله شغل :p

cassano
17-09-2006, 10:49
كل مطعم مو مستبعد تحصل شي غلط بالاكل ومخالفات .. حتى بالبيت يمكن يصيرلك هالشي .. وارقى مطاعم بالعالم دش المطابخ وخذلك فتره وتعرف .. :eek2:


FaWaZ

اعرفه خالد الضويحي شدعوه.. (( من اكثر المطاعم مخالفات بالاكل والعاملين ))

لكن ماتوقعت يقصد هالمطعم ..



قبل ايام الثنويه .. كنت اروح مطعم الساكت العجيب .. بخيطان .. جباتي وجاي حلييب .. طبعا لمه ما كنت اداوم :p




لولولولول
خووش مطعم وبعز الصبح .. زحمه نفس البدور بالشويخ الصناعيه

Guess
17-09-2006, 12:07
كل ما اروح الكويت ازور هالمطعم

مشاوي مس الغانم

ومطعم عجييب بصراحه وداني اياه واحد بس يسويلك همبرغر على الفحم وجبن سايح صج رووعه والمطعم مكانه في زاويه وسكروه اكثر من مره.!!

وفيه مطعمين احذا بعض يشتغلون فيهم مصرين ماتذكر اساميهم المطعم اليمين يلبسون اصفر واحمر والثاني اظن ازرق وابيض وكلهم مصاروه وفيه كم فلبيني اعتقد:cool: هالمطعم اللي ملبسهم اصفر عادي بس عصيره عجيب..تصف سيارتك وتطلب وانت قاعد..

وللأسف اقذر مطعمين في الكويت هو كنتاكي وهارديز .اقذر منهم ماشفت بصراحه وصح السانك ياللي ذكرت المصرين..فعلا انا من كلت من هارديز ماقدرت استحمل والله يعززكم رجعت من اكلهم والسفره الثانيه رحت كنتاكي ورجعت بعد..

والكويت محد يتحداها بالمطاعم

وفيه مطاعم وايد رحتها بس الحين ما اذكر شي

واغلب المطاعم اللي اروحها مشاوي

لوحد يعطيني مطعم عجيب يسوي خيـر والله

الازرق ..مشكور على الموضوع اللي يشبع

Abdullah Naqi
17-09-2006, 14:02
انا كـلش كـلش مو "بـطيني" ... و الدليـل وزنـي :D بس المـطاعم اللي احـبها ..

شـاورما .. كويـتانا بـجمعيه الـسره :D
كـباب .. بـدر الـبدور او تـباب :p
فـلافل .. شـرف او كـناري !
وجـبات سـريعه .. اكـيد الـتوب ماكـدونالدز ..
فـطاير .. جـواد و الـبطريق ..
من شـارع المـطاعم .. غـريلو او لحـظه .. و صمـونه ربيـان من كـابوريا :D
امـريكي .. تشيليز بس الـستارترز مـالهم .. فـرايديز ..
هـمبرغر .. اشششششـكره جـوني روكـيتس !
بيـتزا .. بيـتزا اكسـبرس و بابا جـونز ..
ايـطالي .. نـينو و سـبارو !
لـبناني .. سـراي و ميس الـغانم ..

مـطاعم ما احـب اكـل منـهم مـادري لـيش ! نـايف و كـنتاكي ..

CANNAVARO
18-09-2006, 00:39
انا سوالف مجابيس وبرياني .. قبل مهراجا بالاس :D اما حاليا .. مطعم مغل محـل ..

وطبعا كوجبات سريعه .. بتاع كلـّه أجرب كل شي .. كبطاط احب بطاط ماكدونالدز كسندويشات احب شغل هارديـز ..


كعصير .. عصير الضاحيـه :):)


احب لازانيـا .. شغل بيت :p

jori_q8
19-09-2006, 23:09
كنافارو شسم محل العصير الي بالضاحيه ووين مكانه بالضبط ؟
احد امدحه لي وعزمني عليه ونسى العزومه قلت اروحله بنفسي ولامنت احد :p

شقحوووووو صديقتي نقي واحد من المطاعم حق طلعتنا باجر

THe ShaRk
20-09-2006, 00:00
عصير الضاحيه بالجمعيه خوش عصير عليه احب الكوكتيل الي بيروح اييب لي واحد كوكتيل :d:p

THe ShaRk
20-09-2006, 00:04
, ليالي القمر ( يم نادي القادسيه )
:p

عليه فلافل مو طبيعيه ذكرتني بايام المعهد التجاري يوم وترك انا وربعي نتريق منه :D:d

FaWaZ
20-09-2006, 02:55
عليه فلافل مو طبيعيه ذكرتني بايام المعهد التجاري يوم وترك انا وربعي نتريق منه :D:d
مو مجرب فلافله .. بس الشاورما مو طبيعيييييه :D

Faisal Kamal
20-09-2006, 03:08
فواز للحين أذكر يوم تدق علي تقول "أبي أطلب من مطعم .. شنو أطلب ؟" :p :D

الد بنت يره
20-09-2006, 13:25
حراااااااااام عليكم

ماكو بسكووت ماكلته بالدوام من اليووع..بسبه هالموضوع:(:p

زرقاوي 2002
22-09-2006, 03:45
شاورما ...... ماكو على كويتانا بالسرة
لبناني .......... سراي وايام زمان اللي بهوليدي ان وبرج الحمام جوهم موطبيعي وفيلا فيروز
بحري ........ الدانة وبس اكل موطبيعي
امريكي ...... تشيليز وبس خاصة التكساس فرايدز يميميميميميميم
بيتزا ........ دومينيز
ايطالي ........ نينو وجوني كارينوز
وجبات سريعة ........ ماكونالدز والباجي مثل هارديز وكنتاكي استغفر الله مادري شلون هالناس تاكل منه
هندي ....... قيصر بالدرجة الاولى بعدين آشا اللي بمارينا وبعدين مغل محل
فلافل ...... مااحبها

والمطاعم الحلوة ياكثرها بالكويت بس هذي اللي اذكرها ......

Delpi
22-09-2006, 19:46
على طاري الشاورما شباب..

عندكم مطعم بوخالد بجمعية الشعب..

عليه شاورما دياي ولحم تاكل أصابعك وراهم..:)

Firenze
22-09-2006, 20:25
شـاورما .. مطعم بحولي عنـد إشـاره شارع تونس .. تخصص شاورمه !
بحـري .. البيـت ولا غيـره !
كبـاب .. برقـان وليـالي بغـداد سابقـا والحيـن ناسـي إسـمه بخيـطان صايـر :D
فـلافل .. برقـان و بـدر البدور !
جبـاتي .. مطـعم خسـاره اللـي جـدام بيتنا !
وجبـات سريعه .. ماكدونالدز 2 دبـل جييز برجـر وإنته الهبـي :p
مطـعم لبـناني .. قصـر البردوني !
أكـل كويـتي .. فريـج صويـلح بالسـالميه !!
اكـل هنـدي .. مغـل محـل (ماركس سبنسر) .. لانه البـاجي سيـرفسهم غبي !!
اكـل صيـني .. ورا الفـنار ناسـي إسـمه !!
كشـري .. جحا اللي بحولي !
بشـكل عام ..
ميـس الغانم اوكي .. بس مشكلتهم ماعنـدهم حجـز مسـبق !!
بوفيـه الشيـراتون لذيـذ جدا :)
شيـليز .. ممتـاز
فرايـديز .. سيء
جريـت ستيـك اللي بسـالم المبـارك .. ممتـاز جـدا (شيكن تريـاكي)

وخالصيـن .. :)

برشلوني اصيل
22-09-2006, 22:41
بوفيـه الشيـراتون لذيـذ جدا :)


لاقين فيه زهيوي يتمشى عند السلطات ..

Pro
22-09-2006, 23:09
^^

اي هذا مقبلات شفيكم .. ما تعرفون عالفنادق لووول

GoLcHia
22-09-2006, 23:29
كبـاب .. الحجه !

شـاورمـا .. نواره و فرح

فطـاير .. فرسان المنتخب

مطعم لبنـاني .. فيـلا فيروز واللي بالكوت ميجـانا جنه اسـمه !

همبرغر .. جوني روكتس و برجر بوتيك !

مطعم ايطالي .. نينو

بيتزا .. PizzaExpress

مطعم هنـدي .. Ashes

مطعم صيني .. peacock

مطعم ياباني .. ماكي و وسابي

وجبـات سريعه .. ماكدونالدز

عصــير .. عصير الضـاحيه و واتر ليمون

احسن ريوق وسيرفسهم "حــلو" .. بريـدز !

مشكور على الموضـوع !

Faisal Kamal
22-09-2006, 23:31
على طاري الشاورما شباب..

عندكم مطعم بوخالد بجمعية الشعب..

عليه شاورما دياي ولحم تاكل أصابعك وراهم..:)
في بالدعية بعد .. قريب من الثنوية :p

Alazraq4ever
22-09-2006, 23:36
وربي قهـر الي يقرى هالموضوع برمضـان ..

الأزرق
23-09-2006, 00:45
يعطيكم العااافية جميعا على المشاركة .. سامحوني لعدم امكاني بتعقيب للردود الكثيرة

لكني قرأتهم كلهم .. شكرا لكم فرد فرد ..

والحمدلله اليوم طلبتلي سحوور من احد المطاعم الي ذكرتوها .. :p

انا انصح الجميع خلال شهر رمضان اذا يبي فطور او سحور

ما يحتاج اييب دليل المطاعم .. دش هني والقي نظره وبتلقى الي يعجبك ان شاء الله .. :D

الأزرق
23-09-2006, 00:47
وربي قهـر الي يقرى هالموضوع برمضـان ..

أنا اطالب الإدارة بوضع " يافطة " تحذير قبل الدخول للموضوع .. :p

Guess
23-09-2006, 01:34
اطالب أداره ومراقبيـن الازرق..اغلاق هذا الموضوع..حرصا على مشـاعر الأعضاء الطيـاشه ..ووجب التنويه :p

Alazraq4ever
23-09-2006, 15:58
مواقولكم مشكله الي يقرى الموضوع واهـو صايم !!!!!!

الألماسة
23-09-2006, 16:23
طالما الموضوع يعذب بهالوقت فبصير مجرمة و بعذكم

:lol:

احب الاكل الايطالي و جربت مطعم لابياتزا اللي ورا الكنسية و ياااااااااااااااي عليهم باستا عجيبة

بالنسبة للاكل الياباني جربت مطعم وسابي و ااااااااخ اينن

و شنو بعد ؟

اممممممممممم

لي تذكرت بقول لكم

عبدالإله
23-09-2006, 16:35
حرااااااااام عليكم :nono:

Bianconri
26-09-2006, 13:31
يوعااااااااااااااااااااااااااااااااااااااااااااان ((-- يقرى الموضوع الساعه 1 و ميت يوع :(

والله حسب خبرتي المتواضعه بالمطاعم .. :p

شاورما .. الوالي في النزهه مو صج الشورما !!

فاست فوود .. ماكدونالدز و نايف .. احلى شي :)

ايطالي .. نينو ..

عيوش .. شاطئ الوطيه يم الكنيسه .. مو صج!

كباب .. فلافل .. بطاط .. بيديان زهره .. مالك الا الغدير في بنيد القار مووووو طبيعي !!!

ياباني ما اكل ..

بحري .. ياااااااااااا الله على النوخذه !! مو طبيعيييييي مالذ و طاب من هالبحري !!

و سلامتكم و تعيشون :)

صيام مقبول و افطار شهي انشالله :)

Alazraq4ever
26-09-2006, 16:01
اللهم اني صائم ..
يوووووووووووووعان حدييييييييييييييييي ..

عبد العزيز الحمادي
26-09-2006, 21:28
زليخة بذمتج لابياتزا عاجبج ؟؟؟ انا رحتله مرتين قلتن يعني يمكن المرة الثانية يتعدل .. وماكو فايدة فيهم .. خلج من الاكل .. طبق رئيسي على ما يوصل يبيله 50 دقيقة .. شدعوة هذا والمطعم ما عليه ضغط .. عموما انا من زمان رايح المطعم يمكمن قبل سنتين ايام شهر العسل .. مادري عنه اذا تسنع ولا لا

Bianconri
27-09-2006, 04:22
^

لو المطاعم يدرون على الدعايات اللي نسويها لهم جان الحين صار عندنا رعاة رسميين للازرق :p

Firenze
27-09-2006, 04:38
أطـالب بوضـع هالموضـوع بإرشـيف الديـوانيه .. نحـتاجه بـشهر العسـل نقص على المره بـدل السـفره والخسـاير .. كل يـومين مطعم :p

Pro
27-09-2006, 12:39
بما إن ما رسيتوا على افضل مطعم يسوي افضل شاورما .. فبحسمها لكم بافضل مطعم يسوي افضل شاورما بالعالم :p :D ...

رنــوووووووووش :D - لندن

Delpi
27-09-2006, 15:49
بما إن ما رسيتوا على افضل مطعم يسوي افضل شاورما .. فبحسمها لكم بافضل مطعم يسوي افضل شاورما بالعالم :p :D ...

رنــوووووووووش :D - لندن

ايباااااه..

بالذات على برد لندن..

أحلى ما في شاورمته كبيرة نفس الصمون الفرنسي..

وشاورما الدياي تقطر دهن من كثر ما هي دسمه ولذيذه..

وطبعا الاسعار صلخ هناك..

اذا تبي تتعشى عشى محترم يمكن يطلع لك 12 دينار حق شخص واحد..

Nutty VaMpIrE
27-09-2006, 15:59
رنــوووووووووش :D - لندن

اني ارى سعابيلا قد تقطرت :D

بنت الصالح
27-09-2006, 16:10
نينوو >> franc salad
ماكدونالدز >> kid's meal
mercii ..

عبد العزيز الحمادي
27-09-2006, 17:24
برو بهذي صكيت علي :) اهني ما اقايش معاك .. بحرك غزر :)

Pro
28-09-2006, 03:43
خخخخخخ ...

والله يا حكمنا السابق العزيز .. شاورمتهم تقط الطير من السما .. اعرف احد الاخوان كاتب عنها شعر :p ..

عبد العزيز الحمادي
28-09-2006, 04:33
اوللله السالفة واصلة شعر .. انا كتبت شعر عن سيارتي .. بس مطاعم وشاورما ما وصلت .. هذا صاحبك متحطم صح .. عطنا العنوان بالضبط في احتمالية العيد بلندن

FaWaZ
30-09-2006, 02:16
رنوش لندن .. الللللللله ..
اللي يم محل التسجيلات .. صوت وصوره :p :p .. عليه شاورما مو طبيعيه .. بـ 2 باوند :p :p ..

جوكم
05-10-2006, 15:02
والله عذاااااااااااااااااااب هالموضوع ... حرام عليكم خافوا لله ... على الاقل صكو الموضوع برمضان وبعدين حطوه

بس دام اني ميت من اليوع الحين ومتعذب وانا اقرى كل مطعم احلى من الثاني .. خل ازيد النار حطب .. وعلى ترتيب صاحب المضوع الحليو

بالنسبة للكباب .. مطعم بهار الايراني .. و شاطر عباس .. ولو انهم اختربوا شوي مو نفس قبل يضبطونه ، وهم عندك الشابستان الايراني

الشاورما .. ماكو على مطعم كويتانا إللي بالسره ..

الفلافل .. في مطعم عجيييييييييييب و جنه محد تكلم عنه .. اسمه الجولان بحولي .. عليه فلافل مو طبيعيه وفطاير ولا اروع .. ومطعم كناري هم حلووو بعد

الهندي .. مال فيه وايد .. بس احب اكل مغل محل

البيتزا .. دومينوز

البحري .. اكيد ماكو على شرمبي والربيان المشوي ماله .. والنوخذه بعد شغل عدل

والوجبات السريعه .. برنج كنج المفضل عندي الصراحه بكل وجباته اللذيذه .. وراه ماكدونالدز

والكافيهات .. يعني كلهم زينيين



بس الصراحه موضوع حلووو وجميل بالرغم من اليوع والعذاب إللي امسويه لي .. يعطيك العافيه اخوي الازرق

ثلاثي الأبعاد
08-10-2006, 19:02
ماني متكلم عن المطاعم ..

لكن شغله وحده بس بقولها ..

الله يعين الي اهله ما يعرفون يطبخون ..

Q8i
08-10-2006, 19:07
ماني متكلم عن المطاعم ..

لكن شغله وحده بس بقولها ..

الله يعين الي اهله ما يعرفون يطبخون ..

الله يخلي الطبابيخ

jori_q8
09-10-2006, 15:01
امبلى مجربين الجولان معجناتهم لذيذة بالذات الميني يشوقون ... بس ماصادف جربت الفلافل

FaWaZ
11-10-2006, 16:02
^^^
بالجولان اللي بحولي مجرب شاورما .. مو طبيعيه مالته

tic tac
12-10-2006, 07:05
شاورماا مالك الا " بوصلاااح "

اقل شي 5 , 6 ;p

..

Alazraq4ever
25-10-2006, 19:52
نصيحه اخوية ..
لاتكلون من اي مطعم بالعيد !!
سئلو مجرب ..
والله كررهت عيشتي الييييييوم !!

Shag7a
25-10-2006, 20:07
^^^ وييه يا حسرتنا .. ليش ياالأزرق إش شفت و وين بأي مطعم ؟

Alazraq4ever
25-10-2006, 20:11
كليت من مطعم دياي نايف بليل "الساعه8" وعلى الفير طلبت من سهران ..
ورب الكعبه ياناااااس اكل حشـى النعمه "زباله" ..
ورب الكعبه ماقدرت اقوم .. والله رجعت اكثر من 7 مراات ..
وعوااااار ببطني ..

Shag7a
25-10-2006, 20:23
ويييه سلامات ما تشووف شر .. الله يخسهم أهما و أكلهم .. بس منو الوصخ نايف ولا سهران ؟؟؟
أشوا إني ما أكل من ولا واحد فيهم

Alazraq4ever
25-10-2006, 20:27
^^^
الشر ماييج ..
والله مايندرى .. بس العموم بالعيد اكلهم حشاج "زباله" ..

AZzuRri_Q8i
25-10-2006, 20:32
مـا تشـوف شـر .. شـكله اكـل بايت

كـنت بـطلب من دومـينوز بـس خـوفتني .. مـالي خـلق تسـمم اللي فـيني كـافيني

Zard
25-10-2006, 20:43
امريكا ماعندنا غير Burger King
Macdonaz, Hardez ,Wedeys, Taco Bell, Arbys, Paneera
:(

Shag7a
25-10-2006, 20:48
zard إيي الحمد لله مو كفايه ؟ :o

Pro
25-10-2006, 20:52
زرد .. انت مو حلال ؟! :p

فكتورفالدز
25-10-2006, 20:56
ماكو احسن من الفطور بالعيد اذا كان من نبع العصير !!

Corvette
26-10-2006, 16:26
أفضل مطعم ( برقـان ) :p

فكتورفالدز
27-10-2006, 03:29
^^

جرب نبع العصير وتعرف منو احسن :p

Delpi
27-10-2006, 08:18
كليت من مطعم دياي نايف بليل "الساعه8" وعلى الفير طلبت من سهران ..
ورب الكعبه ياناااااس اكل حشـى النعمه "زباله" ..
ورب الكعبه ماقدرت اقوم .. والله رجعت اكثر من 7 مراات ..
وعوااااار ببطني ..

اي والله هالمطعم وصخ حده...

طلبنا منه أنا ربعي ..

وثاني يوم ما نشوف الا دمامل حمرا في ايد صاحبي الاول وفي ريول الثاني..

ومرة تسممت منه..

استغفر الله مطعم يسد النفس..!!

والي يبي يعرف ان شغلهم أي كلام..

خل يطلب جوانح منهم وشوفوا الريش بالدياي..

___

نصيحة لا تحاول تطلبون من المطاعم بآخر الليل ..

حاولوا على الاقل في وقت الذروة مثل وقت الغدا والعشاء..

Ballack
27-10-2006, 08:46
الكباب

بهار


الهندي

بيان :)

الفلافل

شرف + زاهر


الشاورما

على راسهم أبو ســــــــــــاكو
(كانتين العوضي)

كويتانا قبل وحاليا
مطعم جمعية عبادالله السالم
واستراحه الضاحية (صباح السالم)

بيتزا

دومينوز

مؤكولات بحرية

بالمرينا عالبحر مادري شسمه


السريعة

هارديز

امريكية

كلهم نفس الشي

الكافيهات

مالي بهالاماكن

اليابانية

اذا الصينية قيصر

فطاير

فطاير شويـــــــــــــخ واقطع

U-Turn
27-10-2006, 09:12
ما في على

إبــــن الـــوزيـــر

وجيسه اللي مخطط بالبرتقالي :p

BLUE_12
27-10-2006, 14:24
لوووووووووووووووول وناسه خوش موضوع عاد انا واحد ميت من اليوع وناطر الغدى وشكلي راح ابدع بالرد :d شوفو انا واحد ما احب اغير وايد بالمطاعم من رغم هالعيد كله طفحت اكل مطاعم ريوقي وغداي و عشاي بس حاس بنفجر حتى متحلف اسبوعين اجازه من اكل المطاعم بس ابصراحه

سوالف الريوق انا قبل ماافكر اتريق بره البيت الا مرات مطعم الهندي يم بيتنا وحاليا في الدوام الله يسلم اميجو لووول بس ماكو على تباب بطاط مدور ولبنه تاخذ وحده وتفكر بالثانيه لووول

اما الفطاير يعجبني فطاير بهار وجميل في حولي اما الفلافل بيني وبينكم ماكله خير شر بس مرات اكل من نواره او جاد ومره بالسنه يدش الفلافل حلجي

اما الكباب ماكو على كباب الحجه ويمدحون كباب العراقي ويبيلي اجربه بس لما تخلص العده لوووول

اما شوارما وكباب ويا الصمون مطعم الغدير الي فشرق يم كباب الحجه وفي منه بسلوى بس انا افضل الي فشرق اكثر

اما الهندي ما اكل وايد هندي بس ما اروح الا مغل محل و يا اهلي بس يعني بالسنه اروح له مرتين او ثلاث بس

اما مطعم الهندي العادي بس الي يم بيتنا او الي يم الديوانيه حتى الي يم الديوانيه الطلياني مالته زقرت لوول بس تصدقون ساعات هالمطاعم تره يطلع من عندهم شي يعني اذكر فتره المطعم الي يم بيتنا سوى ضجه بالتشيكن فيليه مالته الكل كان يتكلم عنها وزحممممممه عليها لووول حتى ريح الكنتاكي ونايف ( لوول قويه ) ويات هم فتره الهمبورجر بالجبن كانت قمه ونفس الطريقه طق اعصي عليه بس حتى كانت بنص دينار بس شي مضبوط بس الغيرو العمال ويابو ناس كفائتهم اقل لوول صار اي شي اكلهم الحين مايسوى


اما البيتزا ماكو على بيتزا هت و دومينيز وهالمطعمين لازم اخذ مقبلات يعني عندكم بيتزا هت ما اخذ البيتزا الا معاها جوانح و دومينيز استانس على السلطه مالتهم

البحري الله يسلم الوالده ويحفظها ما افكر اكل زفر بره البيت اللهم الربيان ساعات تيني عره اكل ربيان من كابوريا بس مو على طول :)

و وجبات السريعه ابصراحه ماكو على ماكدولندز اكله وانا مرتاح لان نظيف واكله روعه وعندكم هارديز احب اكل كلاسيك ديلوكس وقبل كنت مدمن كنتاكي بس الحين شوي قطعت اكله امنقع بدهن استغفر الله اذا فكرت اكل من عنده بس زنجر سوبربريم وبرجر كينج بطاطه فظييع كنت استانس اخذ السبايسي مالتهم اخلطها بالكتشب والميونيز لووول امزج فيها بس الحين قطعو السبايسي مالتهم شوي نسيتهم

اما مطاعم عالبحر ابصراحه ماجربت غير تشيليز بس وما اقدر اقيم الباجي

كافيها مو وايد معاهم بس في كافيه الي في مرينا يم فيرجن والله نسيت اسمه بس اكثر كفيه دخلت له

مشكووورين على الموضوع وسوري اني طولت عليكم

Q8i
27-10-2006, 17:12
Blue_12
أما ميجو .. فعلا اشتقناله

BLUE_12
27-10-2006, 18:46
لووول تصدق ولا سلطه بالجبن مالته سبوع يضبطها وسبوع استغفر الله الله يزيد النعمه

jori_q8
28-10-2006, 02:11
بلو الله يسامحك سمعه ميجو مالكم واصلة لاخر الدنيا غير الحشرات والبلاوي الي اتيي بالصمونه اذا صكت فيك الدنيا طرش الفراش للفرع اييبلك شي او الله يخلي المطاعم مكانكم استراتيجي بحت :)

قدساوي للابد
28-10-2006, 05:41
الكباب .. ماعرف اسمه بس بخيطان قبال السينما مو طبيعي
الهندي.. الهيثم ماكو غيره بخيطان بعد
الفلافل .. كناااري بالفروانيه عجيب
الشاورما.. اممممممم ماتعجبني
بيتزا .. بيتزاهت :)
مؤكولات بحرية .. هم ماعرف اسمه بس بالمباركيه ياولد الحجيه لووول معرووف
السريعة .. برجر كنج ومرات ماكدونالدز
امريكية .. فرايديز ادوووخ على اكلهم
الكافيهات .. شوكلت بار وستار بوكس
اليابانية .. ماحب اكلهم
فطاير ..كافتيريا الشويخ انصحكم فيه

BLUE_12
28-10-2006, 13:11
بلو الله يسامحك سمعه ميجو مالكم واصلة لاخر الدنيا غير الحشرات والبلاوي الي اتيي بالصمونه اذا صكت فيك الدنيا طرش الفراش للفرع اييبلك شي او الله يخلي المطاعم مكانكم استراتيجي بحت :)

لووول في احد ما يعرف اميجو الكل حاسدنا عليه لوووول:cool: اصلا حبيبنا اميجوو كل شي منه حلووو حتى لو سوى صمون حشرات بالميونيز هم حلوو ( مو من قلبه :eek: ) و بيني وبينج لا توصينا بهالشي وياي شله بايعينها اذا اكله اليوم مو عاجبنا عادي نزرق ونتريق بره :D وباحسن مكان ومثل ما تقولين ساعات الظروف تحكم علينا ان ناكل عند الشيف اميجو اذكر مره قاعدين نستعبط عليه سالناه هااا تسوي صمون نمل ولا يقول قبل كنت اسوي الحين ما اقدر ههههههههه يعني الاخ عنده الامكانيه ان يبدعلج بالحشرات لووول جني لوعت جبودكم :D

jori_q8
28-10-2006, 14:54
بدعت حدك :)

وين البلديه عنه ...شكله مرفوع عنه القلم !!! مادري شلون اييلكم نفس تاكلون بريحه الكافتريا الي اتييب اليهد!!!!
رفيجتي شغاله بمشروع كفتريتكم وان شالله يخلص قبل ماتتقاعدون بشهر :)

BLUE_12
28-10-2006, 15:24
بدعت حدك :)

وين البلديه عنه ...شكله مرفوع عنه القلم !!! مادري شلون اييلكم نفس تاكلون بريحه الكافتريا الي اتييب اليهد!!!!
رفيجتي شغاله بمشروع كفتريتكم وان شالله يخلص قبل ماتتقاعدون بشهر :)

لوووووووول شنسوي هذا مصدر الوحيد لغذائنا بدونه ما نعيش :D الله يعطيه العافيه الي يشتغل حق الكل اما المكان كافي انه يطل على المصافط وخيمه ودخله المسؤلين منظر طبيعي خلاب ههههههه

يالله زين ما تقصر رفيجتج وصيها نبي كفتيريا فايف ستار هههههههه وبالمره تحط كافيه وصاله بالياردو وجنها ماتدري تسوي الكافتيريا طابقين حق العايلات والغير مدخنين هههههههه
وسلمي عليها :)

jori_q8
28-10-2006, 15:30
اقول اشرايك بالمرة تتعاقدون مع فندق الشيراتون يضبطلكم احسن بوفيه!!!

انا من رايي ميجو يخب عليكم وتراهو قاعد لكم ياجبل مايهزك ريح :)

الشرهة عليه يقدملكم بروتينات زياده بالصمونه العجيبه تشوفها مصفوقه بس القيمه الغذائيه كبيرة:):)

عبيد هندسة
28-10-2006, 18:19
همممممممممم ...
يـاناس أبي شـاورماااااااااااااااااااااااااااااااااااا ... أكــلها ادوخ ... صـارلي 14 سـاعة مو ماكل شي :(
عطوني العــنوان كــامل للـمطعم المـراد قصــفه :)

Shag7a
28-10-2006, 18:32
همممممممممم ...
يـاناس أبي شـاورماااااااااااااااااااااااااااااااااااا ... أكــلها ادوخ ... صـارلي 14 سـاعة مو ماكل شي :(
عطوني العــنوان كــامل للـمطعم المـراد قصــفه :)
جرب مطعم إسمه (شورمتي) بالجابرية أنا ما جربته بس يمدحووونه يقولون عجيب .. يقولون صووب مطعم فرح ما أدري وراااه .. المهم هذا رقمه دق عليه يوصل ليه بيتكم 5331513

BLUE_12
28-10-2006, 22:23
اقول اشرايك بالمرة تتعاقدون مع فندق الشيراتون يضبطلكم احسن بوفيه!!!

انا من رايي ميجو يخب عليكم وتراهو قاعد لكم ياجبل مايهزك ريح :)

الشرهة عليه يقدملكم بروتينات زياده بالصمونه العجيبه تشوفها مصفوقه بس القيمه الغذائيه كبيرة:):)


لووول حياه الله اهو الي قاعد واحنا الي طالعين وبوفيه من الصبح :D والله امدلعينا بس الي ما يحب يكثر من الصبح شلون يعني !!

:eek: اوووو هدي هدي خلاص ماقلنا شي ابسط يا عم ( اميجو ) في ناس تدافع عنه لووول لا ما قصر صمونته مافي احلى منها عمري ماذقت على من جبن بالخلطه لوووول

خلاص راضيين بالمقسوم الله كاتب لنا انكون تحت رحمه صمونته

Q8i
29-10-2006, 05:45
همممممممممم ...
يـاناس أبي شـاورماااااااااااااااااااااااااااااااااااا ... أكــلها ادوخ ... صـارلي 14 سـاعة مو ماكل شي :(
عطوني العــنوان كــامل للـمطعم المـراد قصــفه :)

أحلى شاورما ذقتها .. شاورما مطعم كوردو بمرينا مول .. ياخي مو طبيعية .. شي خيالي لما اتييك كت مقصوصة نصين يم يم .. ذوقوها وادعولي

عنده فرع بعد يم ماكدونالدز السالمية اللي بالزاوية جدام مجمع زهرة .. اهو صاير جدام سنتر بوينت

الألماسة
29-10-2006, 22:46
...

..

.


لااحد فيكم يقول احسن مطعم ايطالي اهو نينو

:mad2:

استغفر الله

راحنا ثلاث بنات و كل وحده طلبت شىء غير

انا و رفيجتي طلبنا باستا بس كل وحده فينا نوع و ثالثتنا طلبت ستيك

طبعا طبقي ما اكلته و لا رفيجتي اكلت منه انا وياها تقاسمنا نوع من الباستا و الثاني خليناه مجانا للمطعم

و اللي طالبه ستيك وزعت من طبقها بس ما ينبلع

كانه لحم على اسفنج

يالله زيد النعمه

jori_q8
29-10-2006, 23:05
لوووووووووووووووووووووووووووول الالماسه نفس الدقه صارت فيني استغفر الله زين ماحاشني تسمم الله يخلي لامارينا واكلهم وايد ابرك :)
هاردلك مرة ثانيه لاتروحين

الانجــليزي
29-10-2006, 23:23
ماكـو على الفطاير
اكو مطعم فطاير بجمعية اليرموك عجيبببببببب

jori_q8
29-10-2006, 23:33
انا عايشه عالفطاير والصمون ماحب شي ثاني ... احب الجبن والحليب احس مخي خلاص وقف منهم !!

احب الفطاير بالذات الجبن ... او سبانخ بالجبن ... بيض بالجبن ... لحم بالجبن ... سفن اب بالجبن :):)

في بجمعيه السرة ديليزيا معجنات لذيذين عنونين وايد

الانجــليزي
29-10-2006, 23:37
jori_q8 . الفطاير شي ثــاني وياكثر الى متميزين فيه
بس الى باليرموك عجيب

jori_q8
29-10-2006, 23:58
زين شسمه ؟

الانجــليزي
30-10-2006, 00:19
زين شسمه ؟

مادري بس اهو الوحيد الى بالجمعية :)

Shag7a
30-10-2006, 00:31
باليرمووك فطاير الجواااااااد .. آآآخخخ ماكو عليها .. بس مو بالجمعية .. بالفرع بين البيوت بس ما أدري جم رقم أالقطعه بالضبط .. و فيه منه بالجابريه بعد... ذوقو فطاير الهمبرغر .. شي موو طبيعييييييي

الانجــليزي
30-10-2006, 00:32
باليرمووك فطاير الجواااااااد .. آآآخخخ ماكو عليها .. بس مو بالجمعية .. بالفرع بين البيوت بس ما أدري جم رقم أالقطعه بالضبط .. و فيه منه بالجابريه بعد... ذوقو فطاير الهمبرغر .. شي موو طبيعييييييي

وكل مايجيون منه الربع عبالي بالجمعيه :(

سندريلا
30-10-2006, 01:27
مشكور على الموضوع بس أسوء شيء تكون شبعان وتقرأ الموضوع .. لا والأخوان يقولون كباب وشورما الي يالله أكلها وأنا ميته يوع

مرسي على العموم ينفع يكون الموضوع دليل لما أفكر أروح أي مطعم

بالنسبالي مايفرق المطعم عندي واايد الاهم يكون مرتب وهاديه قعدته الزحمه تقلب جبدي حتى لو الاكل حلو .. واحب أجرب أي طبق ماكو مشاكل .. ليت شيليز يكبرونه شوي مو كل طاوله ابطن الثانيه وزحمه وإزعاج بدرجه ممله لا ويوم اليمعه بالليل شيء مو طبيعي!!

سندريلا
30-10-2006, 01:30
مطعم جواد الي باليرموك بقطعه ثلاثه يم الفرع .. لما ادش من الدائري الرابع " شارع عبدالعزيز بن باز " على ما أعتقد الفتحه الثانيه إذا مو الثانيه الثالثه تمشي فيها يكون الفرع على ايدك اليمين وجواد يمه محل اسمه اكبر منه .. وفطايره حلوه بس كرهتها من كثر ما أكلتها اول مافتح

Shag7a
30-10-2006, 22:58
الإنجليزي طلع قصدك الجوااد .. صح واايد لذيذ :) ..



مطعم جواد الي باليرموك بقطعه ثلاثه يم الفرع .. لما ادش من الدائري الرابع " شارع عبدالعزيز بن باز " على ما أعتقد الفتحه الثانيه إذا مو الثانيه الثالثه تمشي فيها يكون الفرع على ايدك اليمين وجواد يمه محل اسمه اكبر منه .. وفطايره حلوه بس كرهتها من كثر ما أكلتها اول مافتح

صحححححح لما تدش من الدائري الرابع أول ما تشوف على إيدك اليمين بيت قزم و فيه نفر :p قصدي بيت طابق وااحد و من بره محفر مادري شلون صاير ..دش هاللفه و سيده سيده راح تلقى مبنى فيه الجوااد و فرع الجمعية على إيدك اليمين .. و بس :o .. و عندي رقمهم إذا تبون يوصل لكم ...
ذوقو فطيرة الهمبرجر و قولوله يكثر الكتشب و إدعوووووووولي :D

baby_eng
31-10-2006, 00:17
سندريلا فرع الجمعية بقطعة 4 مو 3

سندريلا
31-10-2006, 01:31
أي ابيه سووررري قطعه 4 دخت الفرع .. الجمعيه بقطعه 3 .. سوري ومشكور اخوي

jaber_22
06-01-2007, 13:46
محليا مطعم الكتكوت ..

عربيا برجر كنق

عالميا فرايدز

elly neSak
06-01-2007, 15:34
يـازيـن شـرف :p

قدساوي انتراوي
07-01-2007, 03:02
ثلاث مطاعم آنه كل يوم أطق كرت عندهم ( ماكدونالدز , كبابجي , مغل محل )

بس أكثر واحد ماكدونالدز

ManUtd
07-01-2007, 15:30
ويقولون المطاعم ما تخسر بالكويت .. عشان جذيـه :d

Corvette
07-01-2007, 15:32
مطعـم " برقـان " وإقطع ! ..
وفطايـر " الجميـل " ..
وولهـان بشارع المطاعم ..
ومطعـم " بيتنـا " مطبخنا :p

Sdawya HIGH
07-01-2007, 16:13
^
^
كورفت خبرة مطاعم ..:p < داشه عرض

Corvette
07-01-2007, 16:16
^

^

كورفت خبرة مطاعم ..:p < داشه عرض

كنت اوصل " طلبات " عندهم :D

Sdawya HIGH
07-01-2007, 16:22
^
ايـه انا شـكيت ..:D

GoLcHia
08-01-2007, 00:07
اللي يحب سوالف عصيـر ما عصير نصيحه يجرب عصير "مرووج" بكيفان ورا نادي الكويت جمعيه كيفان القديمه "العصائر الطازجه" ..

Q8ia 20
08-01-2007, 00:10
MaC أنــا أحبــه :D

slmawy
08-01-2007, 00:25
اللي يحب سوالف عصيـر ما عصير نصيحه يجرب عصير "مرووج" بكيفان ورا نادي الكويت جمعيه كيفان القديمه "العصائر الطازجه" ..


لوووول مرة كنت رايح مباراة الكويت والبحرين الي تعادلوا فيهه بنادي الكويت , لمن تعادلنا ضاق خلقنا جان نروح الجمعيه , عاد جربت العصير الي تقولين عنه , خوش عصاير عنده :)

slmawy
08-01-2007, 00:36
اذا تبي مطعم على السريع : ماكدونالدز كنتاكي هارديز بيتزا هت و هالسوالف

اذا تبي طعم صج ماكو على نشيليز اما اذا تبي صراخ و عفسه و مصخره :D فرايديز , اما مطعم ايطالي : جوني كارينوز , مطعم هندي : مغل محل , مطعم امريكي سنع : جوني راكتس , مطعم تطلع منه وانت لايعه جبدك : ابل بييز و هارد روك , و اذا تبي مطعم عالماشي : الله يخلي شارع المطاعم و انت طالع من النادي مر على كابوريا و مش حالك :p

Abdullah Bloushi
08-01-2007, 01:47
يعطيكم العافيه على الموضوع الحلو واللي جدا يهمني لانه حدي بطيني واحب الاكل :hot:

بالنسبه للمطاعم المفضله عندي وايد

1_ شغلات سريعه ماكدونالدز < برغر كنج < هارديز< بيتزا هت واللي اهم من هذا شرمبي

2_ شغلات ساندويشات مش حالك طبعا مايبيله شارع المطاعم مطعمي المفضل كابوريا

3_ سوالف مشويات طبعا احب كبابجي وميس الغانم والبازركان والبيروتي مطعم النسيب زوج اختي بالجابريه خوش مشاوي عليه واذكر في واحد بحولي اسمه هاشم هاشم هم قوي وشغل عدل .

4_ بالنسبه للمطاعم الامريكيه احب اروح روبي تيوزدي وفيد ركرز وابل بيز وتشيلز وجوني روكتس

5_المطاعم الهنديه طبعا مايبيله مطعم تال بجانب منتجع الشيك غير طبيعي وايضا مطعم مغل محل المعروف وتذكرت مطعم اللي بالجزيره بماليزيا خوش مطعم هندي

6 الفطاير والمعجنات مايبيله فطاير كويتانا وفطاير شويخ وفطاير زهره دمشق والمعجنات احب الخباز والقيصر واورينتال على ماعتقد

7 واهم وجبه الريوق اذا كانت بمطعم بوفيه لوناتر وايد حلو واحب ساعات اتريق بكوستا واللي احلى من هذيلا جباتي وسمبوسه وجبن قلاص :lol:

الحين راح تخترعون تقولون شنو هذا شالبطن الخايس :rolleyes:

وشكرا عل الموضوع مره ثانيه :bye:

الد بنت يره
08-01-2007, 10:09
ياجماعه هالايام اسمعهم وايد يمدحون مطعم فريج صويلح:p
الي بالسالميه
احد جررربه؟؟

Abdullah Bloushi
08-01-2007, 11:57
ياجماعه هالايام اسمعهم وايد يمدحون مطعم فريج صويلح:p
الي بالسالميه
احد جررربه؟؟

اي وايد حلو ربعي كل اسبوع هناك يقولون شغل عيوش ومجابيس وبرياني وهل السوالف

الربع حق البلعه جاهزين .

بس انصحج تروحين مطعم تال الهندي بجانب منتجع الشيك صوب كوستا كفي

elly neSak
09-01-2007, 13:22
وازابـي ..
تشـاي تـاي ..
سـراي ..
فـي مطعـم ستيـكات بالبـدع ( عنـد النخيل جنـه ) .. بـس مـا أذكـر إسمـه :\ ..
بـرقر بـوتيك ..
ووتـر ليمـون ..
مـاكـدونلـز ..
مغـل محـل ..
المطـعم الهنـدي اللـي بمـرينـا تحـت ..
جـونـي روكتـس ..
مـلك المشـويـات :p
كنـاري ..
الطيبـاوي ..
وبـس مـا أذكـر :d

Shag7a
09-01-2007, 23:38
سراااي أفشل مطعم لبناني بالعالم .. أمبيه ولا شي عندهم حلووووووووو ولااااااااشي بدون مبالغه .. بس عن الحلال و الحرام البيبسي عندهم أوكي و الباجي لا تعليق أستغفر الله

Carles Puyol
09-01-2007, 23:42
اللي يحب سوالف عصيـر ما عصير نصيحه يجرب عصير "مرووج" بكيفان ورا نادي الكويت جمعيه كيفان القديمه "العصائر الطازجه" ..

لوووول هالمحل طفرت منه كل ماراوح ادورة ما احصلة واذونا بهالاعلانات ع السياراة

بس وين مكانة احترت فيه !!!!!

تعرفين الكافيه اللي يم الجامعه والنادي وين هالمحل عنهم ؟؟!!!!

Abdullah Bloushi
09-01-2007, 23:46
سراااي أفشل مطعم لبناني بالعالم .. أمبيه ولا شي عندهم حلووووووووو ولااااااااشي بدون مبالغه .. بس عن الحلال و الحرام البيبسي عندهم أوكي و الباجي لا تعليق أستغفر الله

مع انهم توهم فاتحين اهوا وبرج الحمام بس الصراحه مستواهم عادي جدا جدا ويبقى ميس الغانم احسن منهم وقصر البردوني وكبابجي وقصر النخيل والبيروتي والبازركان :)

عبد العزيز الحمادي
09-01-2007, 23:47
فريج صويلح احسن مطعم كويتي ... الصراحة طباخ محترم .. وقعدة حلوة ... قبل امس هناك ..

jori_q8
09-01-2007, 23:52
مطعم البازركان كله اشوف اعلانه قبل دوار البدع ... مادري عاد اذا يمدحونه ودي اجربه ...

حدي ميته من اليوع موماكلة شي من الصبح :(

Abdullah Bloushi
10-01-2007, 00:46
jori_q8

انا كليت منه يوم حجزنا شاليه بالشيك واكله حلو كان ومافيه شي وبنفس الوقت كنا يواعه وايد ليش متسبحين بالبحر قبل الغدا بس كان اكله حلو ومافيه اي شي بس عيب المطعم مكانه بايخ وسط الشاليهات تقريبا يعني كانه للشاليهات فقط وروحي جربي شوراج واذا مايازلج روحي اللي صوب كوستا بنفس المكان يم الشيك اسمه تال اكل هندي وانشالله يعجبج .

NaiF.
10-01-2007, 01:56
الربع بطينيه اهني .. لوووووووول :p

كباب .. ماكو على كباب الحجه " ارتاح له "
فلافل .. مطعم صوب بيت التمويل الي عند " سوق شرق " " فول يا فلافل :D "
مطعم هندي كشخه .. ما دشيت غير " مغل محل "
مطعم هندي .. الي يم بيتنا
سريعه .. ماكدونالدز و كنتاكي
أما القهاوي مالي شغل فيها " مو ليه "

Pro
10-01-2007, 02:11
فريج صويلح جربته ..

عيوشه مو ذاك الزود " المجبوس " يعني .. كنت توني راد من برا و الاهل كانو مسافرين ففيني فقرة عيوش كل يومين اروح مطعم عيش :o .. مجبوسه جنه مشخول موجنه مجبوس ..

عندي الزعفراني احسن منه بس لسوء حظ العايلات القعده للشباب فقط :) .. من زين القعده عاد :p ..

فريج صويلح احسن شي فيه لقيماتهم .. لقيماتهم جيدة بالنسبة للقيمات المطاعم و محلات الحلويات ..

Firenze
10-01-2007, 04:15
ارد واقول .. هالموضوع لازم ينقل للارشيف :p

السمي ظلمت صويلح .. خوش مجابيس ولا تجرب عنده القبوووط فلم مكسيكي بروحه القبوط !!!
الزعفراني ممتاز .. بس القعده اللي بالسرداب تخرع .. وانت تنزل تنسد نفسك عبالك بتطيح :p

jori_q8
10-01-2007, 07:07
البلوشي ... وصفك للمطعم كلش مايشجع ... اجرب تال احسن :)

<<< وتستمر يوعانة موماكلة شي من امس :)

الانجــليزي
10-01-2007, 14:10
هالموضوع لـيه الحين
صـار قصة الف ليله وليله :)
اذا على المجـابيس مـاكو على مطعم الراس . بالفنطاس او حار بحـار او الزعفراني

GoLcHia
10-01-2007, 21:43
لوووول هالمحل طفرت منه كل ماراوح ادورة ما احصلة واذونا بهالاعلانات ع السياراة

بس وين مكانة احترت فيه !!!!!

تعرفين الكافيه اللي يم الجامعه والنادي وين هالمحل عنهم ؟؟!!!!


بعـد الكافيـه تكمل سيـــده تييك لفت نادي الكويت دشها وكمل سيــده لي بعد نادي الكويت في جمعيه كيفـان القديمه وكنفـاني المحل هالصـووب اسمه "العصائر الطازجه" ..

S.Mcmanaman
10-01-2007, 22:10
كابوريا بشارع المطاعم ...عجيب بس عيبهم الوجبه صغيره :d

واذا تبون بالجهرا في مطعم اسمه قاسيون...وحده بوحده على طول الملاحظه

Q8ia 20
11-01-2007, 01:55
إذا تبــون مطعم شـاورمـا
الوالـي بـجمعية النزهــة

QaDSaWe_20
12-01-2007, 03:03
هممم وايد .. افضل المطاعم من ناحية القعده + الاكل ..
ماكي :) .. نينو :) تشيليز :) .. واسابي .. و جوني روكتس :) .. و اشآز ..
همم .. وجبات سريعه .. ماكدونالدز و هارديز ..
كباب .. بـ المباركيه اسمه ملك الصاج جنه :) ..
في بـ العديليه مطعم صخر اسمه زيتونه و ليمونه لا يطوفكم :p !!
فطاير الجابريه حلو :) ..

قدساوي للابد
12-01-2007, 06:13
فريج صويلح << لووووووووول خوش اسم

هذيك إللي
14-01-2007, 01:20
نينو أفضل مطعم بالنسبه لى
بما أنى من عشاق الأكل الهندى أموت عالفلفل والبهارات قبل كنت أروح بخارى بالشيراتون وقيصر بس ألحين أشاز
بكوك وماكى هم حلوين
جونى ركتس وبرقر بوتيك من المطاعم المميزه عندى
الوجبات السريعه مكدونالدز وبس
البيتزا أحب بيتزا هت
الشومرا عقب ما شفت برنامج مره عنها كرهتها الله يزيد النعمه

عبد العزيز الحمادي
14-01-2007, 02:22
نينو أفضل مطعم بالنسبه لى


نعم كأكل فقط .. لكن جو عام نينو مو مريح .. خاصة اللي يروح مع اهله.. المطعم دايما زحمة والطاولات لاصقة ببعض بطريقة بايخة ... ما تقول سالفة الا ثلاث طاولات يمك سمعوها :) .. لكن أكلهم لا يعلى عليه .. والمميز عنده الميني برقر .. والماش بوتيتو .. واطباقه خفيفة جدا

هذيك إللي
14-01-2007, 02:45
نعم كأكل فقط .. لكن جو عام نينو مو مريح .. خاصة اللي يروح مع اهله.. المطعم دايما زحمة والطاولات لاصقة ببعض بطريقة بايخة ... ما تقول سالفة الا ثلاث طاولات يمك سمعوها :) .. لكن أكلهم لا يعلى عليه .. والمميز عنده الميني برقر .. والماش بوتيتو .. واطباقه خفيفة جدا
مع أنى ماحب الزحمه والأزعاج بس أحب جو نينو:) ومرات إذا الجو حلو أقعد بره براد وهدوء والبحر جدامى وااااااااو
بالنسبه للأكل طبقى المفضل فيل ميلانيز مع ماش بوتيتو ومشروم سوس أو أبدل الماش بوتيتو بروزيتو شى موطبيعى والمارجريته مالتهم روعه وسلطه الجرجير
وعندهم طبق نسيت أسمه ربيان 4قطع بس والسوس لونه أخضر والله خيالى
تبى الصج أكلهم يدمرنى :)

Discovery
14-01-2007, 03:21
أفضل مطعم كباب وأنصح الجميع بلا استثناء بتجربته لانه لذيذ و قبل كل شي نظيف
مطعم الكبش (البراحه سابقا)
كباب - شيش طاووق - عرايس - حمص - سلطات - خضره و بصل
شي خيالي
نصيحه من ذهب لليواعه
مطعم الكبش واقطع

Freddie
14-01-2007, 03:23
الكباب .. بهار
الشاورما .. غدير الي اب بنيد القار
الفلافل .. نوارا
الأكلات الهندية الكشخه .. مغل محل
بيتزا .. بيتزا هت .. بتزا اكسبرس
مأكولات بحرية .. ما احب
مطاعم أمريكية - وجبات سريعة - .. ماكدونالدز .. قريت ستيك
مطاعم أمريكية فخمة .. جوني روكست .. بورقر بوتيك .. بافلو
الكافيهات .. كوستا .. سكنت كب .. شكلت بار

Al-Saleh
14-01-2007, 05:20
Flafel Dodo

Wasabi

Mcdonalds

Pizza dominoz ( Crispy )

burj el hamam

Kabab Al-kabsh ( lazeez )

subway :P

Fc BaRcElOnA
14-01-2007, 13:25
بيكوك .. فندق ساس !

عبد العزيز الحمادي
14-01-2007, 14:04
مع أنى ماحب الزحمه والأزعاج بس أحب جو نينو:) ومرات إذا الجو حلو أقعد بره براد وهدوء والبحر جدامى وااااااااو
بالنسبه للأكل طبقى المفضل فيل ميلانيز مع ماش بوتيتو ومشروم سوس أو أبدل الماش بوتيتو بروزيتو شى موطبيعى والمارجريته مالتهم روعه وسلطه الجرجير
وعندهم طبق نسيت أسمه ربيان 4قطع بس والسوس لونه أخضر والله خيالى
تبى الصج أكلهم يدمرنى :)
يبتيها ييب .. طبقي المفضل .. دجاج ترف وعليه صوص عجييب :)

Nutty VaMpIrE
14-01-2007, 17:25
منو يحب الاكل التايلندي ؟؟ شيكن بانينغ:D
بلو اليفانت بهيلتون المنقف

واذكر في مطعم يسوي لحم غزلان رحتله مره بعدها سكر

انزين في أحد راح نودلز اللي بالسالمية ؟ واذا راحت دشيت الباب السحري اللي يطل على بلوكنه مسوينها حق الشيشة ؟ شفت الوضع هناك :eek:

MEW
15-01-2007, 18:24
الكباب .. كباب الحجة و اقطع :D

الشاورما .. فروج خصوصا الشورما الايطالية

الفلافل .. كنااري .. نوارة الأصلي

الأكلات الهندية الكشخه .. مغل محل الوحيد الي مجربة ..

الأكلات الهندية .. الي بمشرف قطعة 6


شارع المطاعم .. ولهان( ماكو على الملك ) .. الديوان(ماكو على بوعلي مع عصير بورشا:D) .. ستيك جاد(شيل و مشي)..

مأكولات بحرية .. ما أواطنها .. بس يعجبني شرمبي ( الربيان بس ) ..

مطاعم أمريكية - وجبات سريعة - .. الأفضل بالنسبة لي ( Macdonals ) .. وأفضل وجبة .. أنغس (Big tasty) يم يم .. Great steak ..

مطاعم أمريكية فخمة .. شيليز + جوني روكيتس ..

مطاعم لبنانية .. ميس الغانم .. أيام زمان .. فيلا فيروز ..

مطاعم إيطالية .. ماكو على جوني كرينوز

قدساوي انتراوي
16-01-2007, 02:52
شووووووووف أحلى عصير بالكويت تلقاه عند ( عصير كيفان يم نادي الكويت , عصير الضاحيه )

ذوقوا (عصير عوار قلب) و قولولي شرايكم فيه ؟؟؟



و بالنسبه للفطاير أحلى فطاير بالكويت (فطاير الشويخ) خصوصا لما تروحله بعد صلاة الفير

Shag7a
16-01-2007, 15:25
في بـ العديليه مطعم صخر اسمه زيتونه و ليمونه لا يطوفكم :p !! .


لوول تعرف زيتونه:D و ليمونه :)! .. طلع مشهوور وانا كله طايح من عيني عبالي محد يعرفه , أنا مجربته عادي مو ذااك الزووود .. ولا مره شفته زحمه كله فاضي :p , بس محد مربحه غير الصبيان إلي يقعدون بدوانية بيت يدتي:yes: ..

علي العربي
16-01-2007, 15:43
مطعم التباب .. بنيد القار يم المسجد و مقابل مواقف مستشفى السلام الجديد :)

QaDSaWe_20
16-01-2007, 17:32
لوول تعرف زيتونه:D و ليمونه :)! .. طلع مشهوور وانا كله طايح من عيني عبالي محد يعرفه , أنا مجربته عادي مو ذااك الزووود .. ولا مره شفته زحمه كله فاضي :p , بس محد مربحه غير الصبيان إلي يقعدون بدوانية بيت يدتي:yes: ..



ما يندرى شطلبتي لوول :p !
عندهم "زيتونه و ليمونه" .. وجبه لذيذه .. و الفلافل مو طبيعي بـ الخبر لول !!

Dortmund
16-01-2007, 20:44
لوول تعرف زيتونه:D و ليمونه :)! .. طلع مشهوور وانا كله طايح من عيني عبالي محد يعرفه , أنا مجربته عادي مو ذااك الزووود .. ولا مره شفته زحمه كله فاضي :p , بس محد مربحه غير الصبيان إلي يقعدون بدوانية بيت يدتي:yes: ..

نفس الحاله عندنا :p

سندريلا
16-01-2007, 21:43
بعض أفضل المطاعم لأن مو كلهم ابالي

بيتزا روعه Papa johns عجيبه حدها مافيها كلش دهن انصحكم فيها
ريوق حلو عند لانوتغ مطعم فرنسي
مغل محل ودعواتي .. ماشي حالهم أكل هندي
فدركلز وفرايدز .. مطاعم امريكيه
روبي تيوزدي احب الباستا بالبرميزان عندهم
كباب الحجه وكبابجي
المرسى بالمريديان .. اكل بحري
شيليز .. مو حيل يعجبني بس إذا فاضي وتبي تطمش ينفع
قصر البردوني .. أكل لبناني وحلو طلعه عائليه والكبار راح يستانوس عليه قعدته شرحه
شبستان .. إيراني الي بالكراون بلازا
ماكي الي على البحر .. ياباني قعدته هاديه على البحر لكن أكله ماعجبني حيل " لأن ما احب الأكل الصيني والتايلندي والياباني على أنه بشكل عام السمج روعه عندهم "

الكافيهات مايفرق اي مكان بس مو وايد احب اقعد فيها لأن غالبا زحمه احب تيك اوي

ومطاعم المرينا حلوه ريوق بأوقات الدوامات ولو أنها ماتفضى

اكو مطاعم وااايد بس هذا الي يحضرني حالياً

Nutty VaMpIrE
16-01-2007, 23:12
ا
ماكي الي على البحر .. ياباني قعدته هاديه على البحر لكن أكله ماعجبني حيل " لأن ما احب الأكل الصيني والتايلندي والياباني على أنه بشكل عام السمج روعه عندهم "

اً

بس صغير حيل ! لو اتدني شوي تقعد بحضن اللي يمك !
بس كاكل احلى اكل ياباني ذقته صج راقي
أذكر عزمت رفيجي وهو عمره مااكل ياباني من قبل طلبت اوكتوبوس اخطبوط ني تحس بالبدس مالوته المسكين مادري شلون كله منه ! الفير دق يقولي أنا بالمستشفى لوول

Claudio Mendez
16-01-2007, 23:23
فيلا فيروز .. مـاكدونالدز

سندريلا
17-01-2007, 00:08
اي صح كلامك صغير بس مو زحمه خاصه غداء .. عاد انا متحسفه على موقعه ليته مطعم امريكي بس كبير لأن احب الامريكي والإيطالي أكثر يليهم الإيراني واللبناني

ManćҢestỆг UŇiţEĎ
17-01-2007, 01:27
ماذكر اذا كنت مشارك بالموضوع هذا ولا لا يمكن اي

المهم ...معطم هندي عجبني حيل ....أشاز وفي غيرهم بس هذا الابرز حاليا عندي :p

tic tac
17-01-2007, 03:04
Wasabi


يااجمااعه هذا وين صااير :s ?

Nutty VaMpIrE
17-01-2007, 03:20
اذا ماخانتني الذاكرة يم الكنيسة بالديرة

سندرلا لايبا الكويت انبطت واطفحت امريكي ،، والمكان مو شي مواقف ماكو

Alazraq4ever
17-01-2007, 12:29
والله وايد ..
يعني ماكدونلدز .. هارديز .. كنتاكي .. دياي نايف "مايفرق معاي :/ "
وميس الغانم .. وكباب الحجه .. كبابجي .. نوارة الاصيل .. كناري .. جاد ..
بيتزا هت خصوصا لما تيي "ضعفيه" جكجكجكجكجك !
فطاير الشويخ .. وزهرة غرناطة :/ .. مغل محل !
المطاعم الايطالية واليابانيه مو ذاك الزود معاها !

QaDSaWe_20
20-01-2007, 11:12
بس صغير حيل ! لو اتدني شوي تقعد بحضن اللي يمك !
بس كاكل احلى اكل ياباني ذقته صج راقي
أذكر عزمت رفيجي وهو عمره مااكل ياباني من قبل طلبت اوكتوبوس اخطبوط ني تحس بالبدس مالوته المسكين مادري شلون كله منه ! الفير دق يقولي أنا بالمستشفى لوول


عدل .. اللي بشارع البلاجات صغير حــيل !! ما جنه مطعم .. بس اللي بـ Marina Waves كبير .. و شغل عدل .. منظر روووووعه ..

man85
23-01-2007, 10:47
الناس اوصلت القمر و احنا بس شاطرين نحفظ اماكن و اسامي المطاعم!!!!!!!!!

Nutty VaMpIrE
23-01-2007, 13:05
qadsawi madri fe belmarina b3d

QaDSaWe_20
23-01-2007, 13:16
^ ايه فيه .. قعدته مو طبيعبيه !!! بس كله زحمه لول .. لازم تحجز قبلها :/ ..

عبيد هندسة
27-01-2007, 01:47
سـؤال بـسيـط ... احـد يـعرف مـطعم مبـطل الحـين .. وعـنده سـلطة فــتة ؟

GoLcHia
27-01-2007, 02:02
يااجمااعه هذا وين صااير :s ?

في 3 وسـابي بالكويت ..
واحـد ورا الكنيسـه والثاني بالبـدع "الشـيك" والثالث بفحيحيل !

Freddie
27-01-2007, 04:16
wasabi
يمي يمي حده ازقرت انصحك فيه

The Brazilian
27-01-2007, 11:06
بيتزا : دومينوز .. ماحب بيتزا هت دسمه و ثقيله
فطاير : الشويخ No.1 و بعدين الجواد و فطاير الزور
مطعم وجبات سريعه : ماكدونالدز و بسسسسسسسس .. اما الباجي بصراحه قاطعهم شغلهم مو نظيف هالمصاروه
مطاعم أمريكيه : روبي تيوزداي و فدركرز
كافتيريا : منتخب العصير
عصاير : الضاحيه
هندي : شباب مبارك
فلافل : كناري

و بالنهايه أكل البيت أحلى شي عندي الله يخليها لنا الوالده

Bo_faraj
27-01-2007, 13:33
خوش موضوع توني أشوفه..

أحسن مطعم لبناني: فيلا فيروز (في الشعب)/ ميجانا (في مجمع الكوت بالفحيحيل)..نفس المطعم لكن الاسم غير

أحسن ستيك: مطعم اللي بفندق النخيل نسيت اسمه

أحسن شاورما: ملك الشاورما مقابل نادي السالمية

أحسن همبورجر: برجر بوتيك في مجمع الراية

أحسن مطعم ياباني: يعجبني ساكورا في فندق كراون بلازا

أحسن مطعم بحري: المرسى بفندق المريديان و فيش ماركت ببداية السالمية على الدائري الرابع

أحب بعد مطعم "لونتر" الموجود داخل المارينا و عالبحر ورا أبل بيز

أحسن مطعم (كشخة) بشكل عام بالكويت: البوم في فندق ساس

Professor
27-01-2007, 14:57
في أحد يحب مطعم ( ماكي ) ؟

QaDSaWe_20
27-01-2007, 21:03
^ اكــيد !! احـلى مطـعم صـيني بـ الكويت !!
عـيسى ماكي .. يـا سـلاااااااااام :p .. ترى يوعتني :p !!

برشلوني اصيل
27-01-2007, 23:40
mo 9eni ..yabani :\ bs '67awe a7la mn 3essa maki ... oO 3endhom ngmyaki mo 6abeee3i

ورده
28-01-2007, 07:43
وييييييييه عاد هذا موضوع حرام عليكم ارحمونا مسوين دايت بس مو مشكله بحكم خبرتي بقول لكم <=-=-=- ترى ذويقه البنيه ماعلينا





الكباب ماكو غير كباب باباطاهر الايراني شي موطبيييييييعي فوق الخيال اللي ما يدله انا اقول لكم وين مطافي شرق اللي يم الرايه مو فيه جباله محلات تلفونات وصيدلية دسما على هالصفه المطعم يم حلويات معرفي عاد اذا طلعتوا من المطعم دشوا حلويات معرفي واخذوا فالوده خوش شي ويا الجو البارد <=-=- ناويه تمرضهم

صراحه احلى كباب ذقته ولو اني ما احب اللحم بس اكله

الشاورما ماكو على زاد الخير اللي بالمنصوريه وكافتيريا الضاحيه

الفلافل .. ما احبها بس التابعي خوش صمون عنده وهم نواره يمكن

الأكلات الهندية الكشخه امممم اشااز اللي بالمرينا اكله حار وحلووو

الأكلات الهندية البسيطة .. مغل محل وايد حلو

بيتزا ... ماكو على بيتزا هت وبس اي شي حلو عندهم

مأكولات بحرية شرمبي طبعا وعندكم مطعم الدانه مادري ليش صكروه بيعدلونه وعندكم النوخذه اللي بساس الباخره الكبييره كله سمج اهناك

مطاعم أمريكية - وجبات سريعة - ....ما اكل منهم نهائيا جان صيب واي او ماكدونالدز احس انظف اثنين

مطاعم أمريكية فخمة نمبر 1 فدركرز نظييييييييييف ولذييييييييييذ ويشبع

الكافيهات اممم ستاربكس وهقينداز


وسلامتكم يعت:(

عربــاوي
28-01-2007, 07:52
الللله يوعان :/

احلى مطعم ..
تباب :o

وبدر البدور

Professor
29-01-2007, 13:51
^ اكــيد !! احـلى مطـعم صـيني بـ الكويت !!
عـيسى ماكي .. يـا سـلاااااااااام :p .. ترى يوعتني :p !!

مطعم ياباني :o

English
31-01-2007, 07:55
شاطر عباس بالديره زقرت :p

Maldini_el_q8
31-01-2007, 14:34
الكباب : كباب الحجة ... كباب خان سلار ... كباب الرميثية .


الشاورما : شورما الغدير ببنيد القار + كوردو + محل صوب أحواض السباحة اللي بالسالمية بس ما اعرف اسمه .


الفلافل : شرف - بدر البدور .



هندي : مهراجا محل سابقاً - آشاز حالياً .



معطم هندي : شغل فلافل و جباتي ... مطعم هدية فرع قطعة 3 :p جربو و ادعولي :p



بيتزا : بيتزا هت - دومينوز - سوبارو .


مأكولات بحرية : شرمبي لأني مو وايد صوب الأكل البحري .


مطاعم الـ Junk Food : تقريباً كلهم اوكي بداية بكنتاكي نهاية بهارديز .


مطاعم أمريكية فخمة : مع انه ما يصير معطم أمريكي فخم بس يعجبني تشيليز و روبي .


مطعم ايطالي : Biella


فطاير : البراحة بس مادري يمكن غيرو اسمه الحين .


مطعم لبناني : برج الحمام لوما قعدته الخايسة .


مشاوي : هاشم هاشم - خان سلار


مطعم صمون : برقاااااااااااااان و بس


معطم صيني : نودلز


غوازي : الخليج - الخالدية


عصاير : عالم المانجو - عصير الضاحية


*****


مطاعم ينصح بالابتعاد عنها : كافتيريا الطلبة بكلية الآداب :p

Lazio 4 Ever
31-01-2007, 16:13
سب وااي ..

SnyoRita
31-01-2007, 16:35
آنا أقولكم

ماكدونالدز ،،،، بدر البدووور ،،، كناااري ،،، شهريااار ،،، وسمبوسه وجباتي اللي يم الجمعياااا

أحلى شيييي

يبيلاااااا

Firenze
03-03-2007, 07:59
up ..
موضوع تاريخـي :p

صـوت الهنـد .. خصوصا ً هالحزه يحسسـك انك متريق صج :/

ورده
03-03-2007, 08:08
up ..
موضوع تاريخـي :p

صـوت الهنـد .. خصوصا ً هالحزه يحسسـك انك متريق صج :/


وين صاير وشنو عندهم حلو؟ انا افكر اتغدا او اتعشا ريوق بمطعم مايسوا:\

Firenze
03-03-2007, 08:12
عاد مو ذاك الزود بالـ دلاله ..
وين الاشـاره اللي لما تخلين مسـمجت سوق شـرق على يميـنج !؟
اخذيـها يسـار .. سيـده لما توصـلين عند الدوار .. اخذيلـج جم دوره فيـه :p
راح تحصلين مطعم هنـدي على الدوار .. داخله هنود لابسـين طقم واحد :/
وجم شـايب من شيـاب شرق " الله يحفظهم " :)

بس كـ بنت .. مايصلح لج :)

ورده
03-03-2007, 08:16
عاد مو ذاك الزود بالـ دلاله ..
وين الاشـاره اللي لما تخلين مسـمجت سوق شـرق على يميـنج !؟
اخذيـها يسـار .. سيـده لما توصـلين عند الدوار .. اخذيلـج جم دوره فيـه :p
راح تحصلين مطعم هنـدي على الدوار .. داخله هنود لابسـين طقم واحد :/
وجم شـايب من شيـاب شرق " الله يحفظهم " :)

بس كـ بنت .. مايصلح لج :)



افتر راسي من الدواااااااار :lol:

وعادي اخذ تيك أوي واكل بالبيت بس مادليت :( يعني لمه امشي سيده راح يصير عند الدوار انزين شطلب شنو عندهم حلو؟

Firenze
03-03-2007, 08:21
عدل اهو " يـطل " على الدوار <- حلوه يطل :p
take away ممـكن
مممممممممممممممم شتطلبيـن !؟
مايبيـلها تفكيـر .. مطعم هنـدي :/

انا عاده أطلـب .. كيـما " لحم مفروم " + بيض طماط .. وطبعا ً اهو اولريـدي يحط الجبـاتي !
ويسـتعمل الجبـاتي كـ الخبز بـ هذا المطعم <- إحلف :p

وشـكرا ً .. :)

ورده
03-03-2007, 08:38
عدل اهو " يـطل " على الدوار <- حلوه يطل :p
take away ممـكن
مممممممممممممممم شتطلبيـن !؟
مايبيـلها تفكيـر .. مطعم هنـدي :/

انا عاده أطلـب .. كيـما " لحم مفروم " + بيض طماط .. وطبعا ً اهو اولريـدي يحط الجبـاتي !
ويسـتعمل الجبـاتي كـ الخبز بـ هذا المطعم <- إحلف :p

وشـكرا ً .. :)


هذا حق الريوق انا ابي حق غدا وعشا شنو عندهم ؟ اهوا مطعم مطعم ولا مطعم عادي مال صمون وجذي؟؟ ولا على مستوى مغل محل وقيصر؟

انزين بسألك شنو يعني كيما كله اسمع عنها بس شنو اهيا؟؟؟

واللحم المفروم من صباح الله خير يعور البطن :( والبيض ماحبه شنو فيه غيرهم

Firenze
03-03-2007, 08:53
هذا حق الريوق انا ابي حق غدا وعشا شنو عندهم ؟ اهوا مطعم مطعم ولا مطعم عادي مال صمون وجذي؟؟ ولا على مستوى مغل محل وقيصر؟

سـؤالج محرج :o
واحد يرد عليـها ياجماعه :p

اختـي مطعم هنـدي ، وبعمـري مارحتـله بعد السـاعه 11 .. فـ مادري هل اهو مبـطل واتوقع لاء :)



انزين بسألك شنو يعني كيما كله اسمع عنها بس شنو اهيا؟؟؟

واللحم المفروم من صباح الله خير يعور البطن :( والبيض ماحبه شنو فيه غيرهم

الكيـما = لحم مفروم .. :)
وناس تـقول عن صمونه " اللحم مفـروم داخل الجبـاتيه " .. كيـما :)

و تـقبلي فائق إحتـرامي لانه بطنـي لااازقه بظـهري حاليا ً :p
see you later .. ;)

ورده
03-03-2007, 08:59
سـؤالج محرج :o
واحد يرد عليـها ياجماعه :p

اختـي مطعم هنـدي ، وبعمـري مارحتـله بعد السـاعه 11 .. فـ مادري هل اهو مبـطل واتوقع لاء :)



الكيـما = لحم مفروم .. :)
وناس تـقول عن صمونه " اللحم مفـروم داخل الجبـاتيه " .. كيـما :)

و تـقبلي فائق إحتـرامي لانه بطنـي لااازقه بظـهري حاليا ً :p
see you later .. ;)

ويييييييييه عيل مطعم هندي يعني صمون وجذي يعني مو مطعم معطم مال قعده شدراني بعد دوام وحوسه وراسي مفتر ودوار واشاره ما انلام ;)

وشكرا على التوضيح

Pro
07-06-2007, 21:42
هالموضوع طلع مشهور :d ..

مكتوب عنه باحد البلوقات ..
http://www.frankom.com/index.php?paged=3

Nutty VaMpIrE
08-06-2007, 00:12
lool ee wlaa !! ^^

Lonely
08-06-2007, 02:54
مطعم سهران مال الجابريا :p

الد بنت يره
08-06-2007, 17:48
يعت ابي اتغدى:(

مليت من اكل البيت..ومن برجر كينج!
ابي تغيرر تيك اوي...بس شنووووو...ملينا من التكرار الله يديم النعمه

GoLcHia
08-06-2007, 18:46
الد بنت يره ..

6alabat.com

في جم مطعم حلوين .. و ما يطول تقريبا أغلب المطاعم يوصلهم بعـد نص ساعه بس "مـاكي" ياخذ ســاعه .. ويوصل الأكل حـار مو بارد .. جربيه تغيير !!

Pro
09-06-2007, 05:51
^^

ماكي ما يوصلون الا من عشرين kd و فوق ..

طلبيلي معاج بنت الديرة :d ..

GoLcHia
09-06-2007, 06:11
اي لازم فوق الـ 20 .. تطلب حقـها وحق اللي بالبيت توصل فوق الـ 20 ..

وفي مطـاعم وايـــد بطلبـات مو لازم ماكي .. من زينهم :p

MaMa 3oDa
09-06-2007, 09:10
أحب " قصير " .. يذكرني بالطفوله :p !!
عصير " اخو عزيز " الضاحيه .. حلو :) .. ذكرياته حلوه بعد .. !
أساميهم عجيبه .. لوول

كويتانا مو مثل أول .. بس شي طبيعي .. تطلب منه و انته مار السـره !!
أحـب باسكن روبنز .. غرامي .. اليوم الصبح ماكلته ؟ .. (( 5 الفير )) .. :p :D

إلي يحب العيوش !! إذا مو كلكم
.. فـ عيش مطعم الخالديه .. حلو .. أكله خالي .. و ادعيلي :)

علي عبدالله
20-06-2007, 09:57
الشباب طلعو كلهم ابطينيه لووول:p

نرجع لـ محور خديثنا ..

بالنسبه لي برجر كنج أفـصل مطعم وجبات سريعه..!
اما سوالف ريوق مارويق رشيد خـان مطعم الفرع
عليه جبااااتي انما ايييييه ..بس اما نصحكم بـ فلافله:p

((فرايديز))واقطع لاروبي تيوزدي ولا فدركرز ولا ابل بيز ((فرايديز))والباجي خل يستريح

ليش ابل بيز بالاحمر وكبيره لووول لان طلبت ستيك قعدت 3ساعات اعجلها لوووووول:p

عبد العزيز الحمادي
15-10-2007, 02:24
متعة لا نهائية لما تطق فرة على هالموضوع . مع كل رد اتذكر المطاعم واكلاتهم .. واستمتع .. موسوعة عجيبة والله ..

tic tac
15-10-2007, 02:36
هالموضوع # 1 .. تطقله تحيه وترفعلـه العقاال ..

كل المشاعر تتولد بهالموضوع ..

S..
16-10-2007, 19:10
لينوتر عجيب

Prussia
29-10-2007, 02:26
بيتزا اكسبرس و بيتزا دومينوز و بيتزا بابا جونز
ماكدونلز
بافلوز + بيج ال + فرايديز + شيليز + روبي تيوزدي

aqua_gulf
30-03-2008, 00:41
مطعم نايف : طلبوا تكشن فليه بوري بس لازم اكثر من صمونه لانها ما تشبع وخفيفه
مطعم البطريق : تشكن فليه سبايسي مع بيض وجببببببه

bnt_jaber
30-03-2008, 01:20
يه يه يه خوش موضوووع يعت :p

احلي مطاعم حق البيرقرز بالرايه بيرقر بوتيك
سوشي.. ماكى
بيتزا.. بابا جونز
كباب.. بابا طاهر
جوكليت بار عندهم خوش سندويجات + السويت ما عليه كلااااااام :cool:

BuJweS
30-03-2008, 01:25
اكوا غلف شكلك ولد الجابرية :× ,,

Pro
30-03-2008, 01:46
بييه شخباري هالموضوع :p ..

يبيله نمسح كل الردود و نكتب من اول و يديد :d ..

قدساوي انتراوي
30-03-2008, 01:50
^ ^ ^

لووووووول آنه أقول شخباري مغبر الموضوع :p

Van Basten
30-03-2008, 01:51
بو حسين ذاك اليوم رحت مطعم ارجنتيني .. اسمحلي مو طبيعي الستيك عنده .. تلقاه بالنخيل اسمه جاوتشيو كجن


المهم بما انك هناك الحين .. روح الشارجة .. ميدان الرولة تلقى مطعم اسمه البر والبحر .. اطلب ام الربيان وادعيلي .. اخيييييه شنو لذيذة

Delpi
30-03-2008, 01:56
الموضوع يستاهل 5 Stars :)

أذكر الموضوع أول ما انكتب كان في بداية رمضان .. تصوروا انت صايم وتقرى الردود

على فكرة شباب صاحب الموضوع ما اشوف له مشاركات بالدوانية ؟؟

Pro
30-03-2008, 01:59
Gaucho Grill لا تذكرني فيه :( ..

احلا شي لمن اييك الفلبيني و يشرحلك عن اللحم الي عنده اول شي :d.. المهم انا قريت باحد البلوقات ان خوش برقر عنده .. فقلت خل اجربه .. وهم مرة وحدة عزمت اخوي الصغير و رفيجه .. كان عيد ميلاده ..

المهم .. برقرهم كان حده عادي الصراحة .. و المطعم غالي وايد .. يعني 3 برقر + 3 مقبلات + بطلين ماي و جم عصير بـ 50 دينار :/ !

ماكو عالبرقر الي اسويه الصراحة :p

زرقـــاء
30-03-2008, 02:02
نينــو , جـونـي روكيــت , بيتزا اكسبرس ..
فاست فــوود .. طبعــاً مـاكدونـالدز .. !
الســويــت .. تشـوكليــت بــار , تشيلــيز [ مـولتـن كيــك ] , فـي كــافيـه بـ المهلب فــوووق عنـده كيكــه اسمهـا pump cakeمن كثــر مـا أشتهيهـا .. أتعنـّـى حـولي و آخــذهــا تيـك أوااي و أكمــل مشــاويــري ...:\