المساعد الشخصي الرقمي

مشاهدة النسخة كاملة : وجبة وذكريات سنين .. قولنا قصتك مع اكلة تحبها

Nutty VaMpIrE
19-09-2006, 23:23
قوة

كل واحد منا له ذكريات سواء حلوة او لأ
(اللي ماعنده فيه شي)
وذكرياتنا ترتبط بموقف … شخص … مكان … تاريخ …أغنية … ناس حتی مع الريحة لهم ذكرى اتمنى حلوه عاد:p

انا اللي ابيه ذكرى مرتبطة باكلة معينة :D

انا عن نفسي لي ذكريات حلوة مع :


http://static.flickr.com/1/94614_e6629e9a45_m.jpg
(يوعتكم صح)
برجر بالبيض :D

قصتي مع هالوجبة تعود الى سنين كثيرة ورى ايام كنت صغير . كان الوالد بحكم شغله بالمطافي الادارة العامة للأطفاء(اطفائي مغوار ايام الصبى ومسؤول بعد ماطلعت الكرشة:p)

يوديني معاه الدوام وايد .. دوامهم يونس والوالد بالمكتب رزة بعد ;)

وطبعا كل ماروح لازم يريقني .. برجر بيض ليلحين اذكر والله :) رفع السماعة الو كفتيريا يطلب وانا سعابيلي تنزل
ويوصل الطلب بعدها ب10 min واحد مصري احلى طلب لاقدع راجل ابن اقدع راجل << يقردن الوالد

البرجر حار ومغطى بقرطاس ابيض اللي يما كليته بالغلط البيض المقلي والجبنة سايحة وشريحة الطماطماية الحمرة والخساية .. ايبااه

وطبعا كل واحد يدش ها احمد شلونك انا زين عمي والكاتشب يخر :p



وطبعا كبرت وماقام الوالد ياخذني :(
ونسيت الاكلة

وقبل سنتين تقريبا طلبت نفس الوجبة .. كنت ابيها بس مادري ليش
واول ماوصلت الوجبة كل الذكريات ردت لي :)
احلى وجبة بعمري


مادري اذا بس انا احب اكلة لانا لها ذكريات :p
ننطر ونشوف ردوودكم
Pro
20-09-2006, 04:21
ما بغيت ارد على موضوعك المليق ..!

بس كسرت خاطري .. ادري شاد حيلك و اخرتها محد يرد :p ..

وجبة ام ذكريات .. همممم

مرة رحت الجمعية و لا القى بيتزا و صمون جبن الفيصل .. نفس الي كان يبيعونه مقصف مدرستنا ..!

عاد وجبتي تلوع الجبد .. بس شسوي كنت اكلها لزوم الوقت فرصتنا كانت سبع دقايق ..

فـ احط البيتزا و افقصها .. و اترسها بطاط كتكو الاحمر و احط بالنص كاكاو بونجوم و الف البيتزا و اكلها مع كل هالحوسة " ويييع " ..

عاد لمن رحت الجمعية قلت خل اشتري هالسوالف و اسوي وجبة المدرسة ..

سويتها و تذكرت المدرسة و استاذ حمدي مال الفيزيا الي ريحة اباطه نشمها من عشرة كيلو ..

و استاذ ايمن مال الاحياء الي برمضان دار مدار حلجه يصير جنه " جبن " ..

و استاذ علي العيمي مال الالعاب الي عايش الجو و يتفلسف على راسنا .. و لو مو اهو مدرس جان ربيناه عدل ..

و الناظر الي كان يخالفنا عشان نلبس جينز ..

و الاخصائي بو نظارات قاعة بطل ..

و الحارس بو نقافة ..

و ويييييييع .. جان اقط الوجبة الخايسة الي ذكرتني بكل هالسوالف و احط راسي و انام لوووووول ..!
Nutty VaMpIrE
20-09-2006, 04:58
لووووووووول

توقعت اكلتك شاورما لحم :p وشنو كيك مادري كرواسان اسرائيلي ! شكووو لليحين مستغرب
Doni
20-09-2006, 05:16
معكرونيا بالباشاميل ..
احب آكلها .. و السبب انها لذيذه :p
Ballack
20-09-2006, 09:40
طبـــــــــــــــــــعا بعد البحر لايوجد اعلى من المموش :)


بس اذكر ايام قبل على حزه الدكان (والمسمى الحالي بقاله) كل واحد بيده 100 فلس ناخذ بطل بيبسي وصمون بريوش فاضي واترس بطنك هذي يوميا انا وعيال خالي متغدين ولا لا لازم البيبسي والصمون الفاضي هي هي هي مادري اهلنا ماكانو يشبعونا بس الاكله لذيذه :)
Maldini_el_q8
20-09-2006, 13:32
انا الصراحه واحد أعز الأكل بجميع أنواعه :D :p
فوايد أطباق لها ذكريات حلوه معاي الا وجبتين او طبقين المهم شيين ينوكلون :o

أول واحد سندويشة الدياي المسحب اللي كانت بفلفله .... انا واحد من الناس كليتها اذكر بليلة دوام اولى متوسط و من وراها ما قربت يم فلفله ... المايونيز و الخلطه اللي تغث أكثر من الدياي :(

و الطبق الثاني اهو حلو ايراني (( ساهون )) لونه برونزي على بني و عليه فستق ... هذا ما كليته الا مرة وحده بعمري بس كنت ماكله كوجبة :( و طبعاً اللي يعرفون هالحلو يعرفون نسبة الزيت و الدسم اللي فيه و بالليل حاشتني حالة طوارئ من وراها ثلاث ايام انا طايح بالبيت ليما تعافيت من آثار الساهون :lol:
THe ShaRk
20-09-2006, 15:49
والله الاكل حلو بس ماني ذاكر الحين وجبه معينه
الريانه
20-09-2006, 16:01
سويتها و تذكرت المدرسة و استاذ حمدي مال الفيزيا الي ريحة اباطه نشمها من عشرة كيلو ..

و استاذ ايمن مال الاحياء الي برمضان دار مدار حلجه يصير جنه " جبن " ..

و استاذ علي العيمي مال الالعاب الي عايش الجو و يتفلسف على راسنا .. و لو مو اهو مدرس جان ربيناه عدل ..

و الناظر الي كان يخالفنا عشان نلبس جينز ..

و الاخصائي بو نظارات قاعة بطل ..

و الحارس بو نقافة ..

و ويييييييع .. جان اقط الوجبة الخايسة الي ذكرتني بكل هالسوالف و احط راسي و انام لوووووول ..!


وووووووووووووووووووووووووويع الله يلوع جبدك وووووووويع ويع :cry2:

ذكرتنـي بالذي مضـى :cry2: بمدرسـه عربي كانت تدرسني خصوصي اسبوعيا في البيـت اقعد معاها حوالي ساعتـين بهالساعتيـن اصكـر خشمـي وما اتنفـس :( لمـا تطلع من البيـت ابخـر الغرفه وماكو طيب ماارشـه :o اللهم لك الحمد


نرجع لمحور حديثـنا :


انـا عندي شغله تذكرتـي بيوم انا ياهل .. يحطون مع العيـش " حشو " ما بي اقـول اسـم هالشغله اخاف عيال خالتي يعرفوني :p المـهم هالشغله اللي بالحشـو اموت عليها لدرجـه انـي طول ما قاعده اكل .. اكل هالشغله واخرتها قاموا يعاروني فيها :p طبعا ماكو احد مايدري عني اني احب هالشغله لـين كرهتها لوول ..

وبعد ايام المدرسـه اكلتـي المعروفه بالفرصه عصيـر برتقال اي بي سي وكتكات عاد امي تهاوشني اقـولها المشكله ماكو شـي بالمقصف ينوكل كل حلوم وهالسوالف وانا ماحبها والحـين اذا شربت عصيـر اي بي سي برتقال او كليت كتكات اتذكر ايام المدرسه :)
Nutty VaMpIrE
20-09-2006, 16:05
^^
كشمش :D

صدناج :p
jori_q8
20-09-2006, 17:12
الله يلوع جبدك يا برووووووووووووووووووووووووووو
انا كنت احب اشتري مصاص بقلوب الاحمر وااااي من يومي رومانسيه :D
لا موصج ... عشان رخيص وبربع اشتري خمس مصاصات مع اني ماحبه ولا كنت اكله مادري شكو اشتريه:confused:
في شغله كنت اموت فيها راعي البريد الي يمر بالفريج ويقول بررررررررررررررريد بريييييييييييييييد كنت اتعلق على التواير جني شاذيه عشان اطل وانقي بريد بوصاروخ والحلج يقلب كحلي منه :D

اذا ذكرت شي ثاني اقوله
Nutty VaMpIrE
20-09-2006, 17:48
جوري وين الحلو :mad:
baby_eng
20-09-2006, 20:48
انا اللي تذكرني بايام مو اكلة اهي فواكه اسمها ( لوز ) ما في منها بالكويت فظيعة.. تذكرني بالامارات اول لما نقطع من الشير اللي ببيوتهم .. ويلحقونه يهالهم بسجاجين:p .. وذيج المره يابولي منها اول ما كليتها تذكرت ايـام الطفولة ..:(
jori_q8
20-09-2006, 21:10
نوتيوووو انت لاحقني بالحلو بكل موضوع يبا ماكو حلو انسى خلاص عشان تصرف نظر عني :D

بعدين يبون الطبخه مع الصور ومالي خلق عباله زين مني اكتب المقادير والطريقه :p
Soccer_Addict
20-09-2006, 21:16
زعتر مناقيش من مخبز معين ..أول أول كنا كل يوم نمر المخبز قريب من بيتنا قبل المدرسه نشتريها فريش .. ومع الوقت ما أدري ليش هوننا ونسيناها.. عاد قبل يمكن شهرين طرت علي قلت وينه هالمخبز خل أدوره .. شريت وحده ما قاومت الريحه كليتها بالسياره :p .. عقب 5 دقايق رديت له طلبت 2 ثانين وكولا ..:p
Nutty VaMpIrE
20-09-2006, 21:23
زعتر فطاير معا سانكيست وتدمرين نفسج يم يم :d

وين هالمخبز ؟ انا زعتر بهار او زهرة المدائن يمشي لاني احب فطاير الزعتر اخ بالفريزر حق اسبوع .. معنهم ايبون حارج

جوري شدعوه جد ابي اعرف
jori_q8
20-09-2006, 21:25
زين بكتبلك جم حلو بموضوع الطبخات بس موهني
الألماسة
20-09-2006, 23:03
ما بغيت ارد على موضوعك المليق ..!



فـ احط البيتزا و افقصها .. و اترسها بطاط كتكو الاحمر و احط بالنص كاكاو بونجوم و الف البيتزا و اكلها مع كل هالحوسة " ويييع " ..

..!


بطاط و كاوكاو و بوسط البيتزا

استغفر الله

شلون كنت تاكل هالاكل

:eek:
الألماسة
20-09-2006, 23:10
وووووووووووووووووووووووووويع الله يلوع جبدك وووووووويع ويع :cry2:

ذكرتنـي بالذي مضـى :cry2: بمدرسـه عربي كانت تدرسني خصوصي اسبوعيا في البيـت اقعد معاها حوالي ساعتـين بهالساعتيـن اصكـر خشمـي وما اتنفـس :( لمـا تطلع من البيـت ابخـر الغرفه وماكو طيب ماارشـه :o اللهم لك الحمد


نرجع لمحور حديثـنا :


انـا عندي شغله تذكرتـي بيوم انا ياهل .. يحطون مع العيـش " حشو " ما بي اقـول اسـم هالشغله اخاف عيال خالتي يعرفوني :p المـهم هالشغله اللي بالحشـو اموت عليها لدرجـه انـي طول ما قاعده اكل .. اكل هالشغله واخرتها قاموا يعاروني فيها :p طبعا ماكو احد مايدري عني اني احب هالشغله لـين كرهتها لوول ..

وبعد ايام المدرسـه اكلتـي المعروفه بالفرصه عصيـر برتقال اي بي سي وكتكات عاد امي تهاوشني اقـولها المشكله ماكو شـي بالمقصف ينوكل كل حلوم وهالسوالف وانا ماحبها والحـين اذا شربت عصيـر اي بي سي برتقال او كليت كتكات اتذكر ايام المدرسه :)


ريانه

شكلج مثلي ــ انا كنت احب الكوسا

و امي المسكينه يعني بتطبخ شىء احبه

اذكر كنت بالثاوية و كل ما ارد البيت امي مسوية لي كوسا بس كل يوم نوع

مره كوسا محشي مره مرق كوسا مره ما ادري شنو

المهم

اللي اذكره بالضبط اني رديت و لقيت اخوي يقول لي يالله انا ناطرج عالغدى امي مسوية مرق كوسا و عيش جان اصارخ لااااااااااااااااا بس خلااااااااص ما ابي كوسا

و عقبها كرهت الكوسا سنتين تقريبا و الحين رديت لها

شسوي احبها :p
الألماسة
20-09-2006, 23:15
الله يلوع جبدك يا برووووووووووووووووووووووووووو
انا كنت احب اشتري مصاص بقلوب الاحمر وااااي من يومي رومانسيه :D
لا موصج ... عشان رخيص وبربع اشتري خمس مصاصات مع اني ماحبه ولا كنت اكله مادري شكو اشتريه:confused:
في شغله كنت اموت فيها راعي البريد الي يمر بالفريج ويقول بررررررررررررررريد بريييييييييييييييد كنت اتعلق على التواير جني شاذيه عشان اطل وانقي بريد بوصاروخ والحلج يقلب كحلي منه :D

اذا ذكرت شي ثاني اقوله


جوري انا امي ما كانت تخليني اطلع لراعي البرد :(

كانت تييب برد لي البيت و ما كنت تدري ان البرد من راعي البرد الذ :D

و اذا خلتني اطلع تلاقيني اشتري برد طيارة

وووووووووووووووور

:lol:
الألماسة
20-09-2006, 23:23
الحين انا بقول قصتي

و انا صغيرة << سبحان الله كنت صغيره :p

و بيوم رجعت امي و ابوي من العمره ، اخوي كان يلعب كره بالحوش و طارت الكره على بيت ييرانا

صعد اخوي السطح و نط بييب الكره و كانت اختي بتنط وراه شكو ما ادري

المهم

صعدت اختي على شىء ثبته ا خوي قبل ما يصعد

و لما صعدت اهي حست انه بيطيح و كان حديد

فقالت لي وخري انا طنشتها و كنت اكل حزتها بفك اللي عليه صورة بنت لابسه تنورة ملونه

و بسبب هالبفك ما رضيت اتحرك شكلي كنت خايفه اذا مشيت خطوة بيطير من ايدي :eek2:

و ما احس الا الحديده طايحه على ريلي اليسار و ماشاءالله الدم نوافير

اخذني ولد ييرانا للمستشفى و بس لي هني ما ادري شنو صار

و من قعدت لقيت ان ريلي مخيطه و الخياط لي اليوم

:)

و وصلوا اهلي و صارت قصص باخوي و اختي

:wavetowel2:
DVD
21-09-2006, 00:46
احـــب اكــل (عـكرة الـضــب ) قــمة المتــعه لمــا تــلحقه وتصــيده وتـذبحه وتـطبخه وتـاكله يم يم :p
الريانه
21-09-2006, 02:09
^^
كشمش :D

صدناج :p


لووول لا والله مو كشمش اصلا ما حبه :p

لاتحاول ماراح اعـلم :D

خلاص انا بكتب لك حـلو لذيذ وسهـل بس مو هنيه بموضوع الصريح
Al-Saleh
21-09-2006, 03:08
:lol:صمون فلافل دودو و اقطع
عبد العزيز الحمادي
21-09-2006, 03:13
انا اللي تذكرني بايام مو اكلة اهي فواكه اسمها ( لوز ) ما في منها بالكويت فظيعة.. تذكرني بالامارات اول لما نقطع من الشير اللي ببيوتهم .. ويلحقونه يهالهم بسجاجين:p .. وذيج المره يابولي منها اول ما كليتها تذكرت ايـام الطفولة ..:(


سنويا شهر 8 اسافر الامارات وقبل لا ارد الكويت امر سوق الخضرة اللي بالشارقة.. طبعا مو من السوق نفسه .. آخذه من السياير اللي برة احسن .. آخذلي تقريبا 10-12 كيلو واييبهم معاي . وطبعا اذا اي احد ياني من الامارات لازم اوصيه على اللوز .. ماكو فاكهة الذ منها عندي .. ما يصير تمر سنة من غير ما آكلها .. طبعا بالكويت اييبونها من البحرين والسعودية بس مو حلو نفس الاماراتي .. البحريني صغير

اول يوم كنت صغير امي كله تزفني تقول بسك من هاللوز بطنك بيتنؤس دود منه وانا حدي طنااااااااش لول
scheelite
21-09-2006, 13:28
حسااافه عاد مااذكر انه كان عندي اكله معيننننننننه :):)
Nutty VaMpIrE
21-09-2006, 16:39
^^
ذاكرتج موشي :p
scheelite
21-09-2006, 20:54
لووول لاوالله مومسئلت الذاكره ,, بس كنت كلشيي اكل ماعندي شي معييين :p
Nutty VaMpIrE
21-09-2006, 22:48
عيل شنو متغدية امس :p . . اتغشمر
زرقاوي 2002
22-09-2006, 03:22
لوووول ذكرتني بايام الطفولة ...... اذكر قبل وقت الغدا كنت يوميا أطلب من الوالدة تخلط لي عيش مع بطاط وتسويلي كور وتحذفهم بحلجي وانا القطهم والوالد يزفني يقولي اكل بيدك بس انا اصر الا امي تلقمني كور العيش والا ازعل ومااتغدا ...... :p

بس تصدق ساعات وقت الغدا يكون ودي اسوي هالكور بس مستحي من اللي جدامي :D
Che Guevara
22-09-2006, 17:27
وهــل يخفــى القمـر


.
.
.
http://www.afritaste.com/AfriProducts/Assets/CerelacMaize.jpg

ماضـي .. حاضـر .. مسـتقبل
EnGlanDawy
22-09-2006, 18:35
ويييييييييييييييييييييييييييييييييييييييع الله يلوع جبدك يابروووو
Delpi
22-09-2006, 20:38
من أنا صغير وأحب البطاط المقلي ..

لازم آكل على الغدا والا العشا بطاط..

الوجبة بدون بطاط بالنسبة لي ناقصة وناشفة..:)
THe ShaRk
22-09-2006, 22:28
بس تصدق ساعات وقت الغدا يكون ودي اسوي هالكور بس مستحي من اللي جدامي

تاخر على الغجا علشان كلهم يقومون وتقعد بروحك ولا اخذ غداك دارك وسو على كيفك كور :D
زرقاوي 2002
22-09-2006, 22:58
تاخر على الغجا علشان كلهم يقومون وتقعد بروحك ولا اخذ غداك دارك وسو على كيفك كور :D

لووووول يبيله نسوي هالحركة بس حسافة رمضان يا ماكو الا بعد رمضان :p
Pro
22-09-2006, 23:06
تاخر على الغجا علشان كلهم يقومون وتقعد بروحك ولا اخذ غداك دارك وسو على كيفك كور :D

اقتراحك يه بالوقت الضايع :/ .. من باجر ماكو غجا .. كله فتوور :p :D ...
ترنيدو
23-09-2006, 22:55
قوة


كل واحد منا له ذكريات سواء حلوة او لأ
(اللي ماعنده فيه شي)
وذكرياتنا ترتبط بموقف … شخص … مكان … تاريخ …أغنية … ناس حتی مع الريحة لهم ذكرى اتمنى حلوه عاد:p

انا اللي ابيه ذكرى مرتبطة باكلة معينة :D

انا عن نفسي لي ذكريات حلوة مع :


http://static.flickr.com/1/94614_e6629e9a45_m.jpg
(يوعتكم صح)
برجر بالبيض :D

قصتي مع هالوجبة تعود الى سنين كثيرة ورى ايام كنت صغير . كان الوالد بحكم شغله بالمطافي الادارة العامة للأطفاء(اطفائي مغوار ايام الصبى ومسؤول بعد ماطلعت الكرشة:p)

يوديني معاه الدوام وايد .. دوامهم يونس والوالد بالمكتب رزة بعد ;)

وطبعا كل ماروح لازم يريقني .. برجر بيض ليلحين اذكر والله :) رفع السماعة الو كفتيريا يطلب وانا سعابيلي تنزل
ويوصل الطلب بعدها ب10 min واحد مصري احلى طلب لاقدع راجل ابن اقدع راجل << يقردن الوالد

البرجر حار ومغطى بقرطاس ابيض اللي يما كليته بالغلط البيض المقلي والجبنة سايحة وشريحة الطماطماية الحمرة والخساية .. ايبااه

وطبعا كل واحد يدش ها احمد شلونك انا زين عمي والكاتشب يخر :p



وطبعا كبرت وماقام الوالد ياخذني :(
ونسيت الاكلة

وقبل سنتين تقريبا طلبت نفس الوجبة .. كنت ابيها بس مادري ليش
واول ماوصلت الوجبة كل الذكريات ردت لي :)
احلى وجبة بعمري


مادري اذا بس انا احب اكلة لانا لها ذكريات :p
ننطر ونشوف ردوودكم

عاد ما لقيت الى معى بيض
الريانه
24-09-2006, 01:20
وهــل يخفــى القمـر




.
.
.
http://www.afritaste.com/AfriProducts/Assets/CerelacMaize.jpg



ماضـي .. حاضـر .. مسـتقبل




لووول سيريلاك :D
Guess
24-09-2006, 02:01
موضوعك عجيب يالعجيب

بصراحه انا لازم اعلن عن اكلتي المفضله (سابقا)

كنت اسوي توست جبن واحمصه عدل واخليه يحمر وبعدين اضيف اليه بعض النكهات المتخصصه مثل:p :-جبس عمان (بوبهارات) العجيب الاحمر والازرق...وادخل كم حبه من هالجبس داخل الروتي التوست واتم اكسره بصفقتين بين الروتين واضيف ..وبعضن مـن الدقوس المطحون :D طبعا رش خفيف يعني ماكثر.. فيعطيك طعم يوديك عالم ثاني;) +عصير ليمون نعناع..

وشويه كربون من السياره توك داق السلف والسياره صارلها 3 شهور واقفه والكربون يطلع من الشكامين لونه اسود الله :p لا بالله رحت العالم الثاني :D

لا بس اكله حلوه ترى وقت اليوع وتنفع بين العصاري والمغربيه :cool:

ومشكور Nutty VaMpIrE على الموضوع ومبارك عليك الشهر..
THe ShaRk
24-09-2006, 02:15
اقتراحك يه بالوقت الضايع :/ .. من باجر ماكو غجا .. كله فتوور :p :D ...

انت ما تطلع الا وقت البدليات وينك طول السنه :P:D
Nutty VaMpIrE
24-09-2006, 02:17
جبس عمان ;) ونعم الشبس

عصير لومي نعناع ;) ونعم العصير

بس السيارة صججج!! :p

علينا وعليك اخوي guess .. ساعاتكم عجيبة :)