المساعد الشخصي الرقمي

مشاهدة النسخة كاملة : جـــدرنـــا ( فهرس الوصفات بالصفحة الاولى )



الصفحات : [1] 2 3 4 5 6 7 8

اسـتـبـرق
20-09-2006, 06:21
السلام عليكم
يسعدني في هذا اليوم ان اعلن عن افتتاح ديوانيه الازرق للطبابيخ والكائنه في منتدى الازرق دوت كوم قطعه الاقسام العامه شارع الصحه والغذاء جاده الاكلات المصوره :)





الديوانيه مفتوحه للجميع وباي وقت لكن فيه 3شروط :

1- لا للمنقول ( كوبي وبيست )
2- ان يكون الطبق من تطبيق وتصوير الاعضاء
3- اي طبخه مقبوله بما انها من تطبيق وتصوير الاعضاء حتى لو كانت توست وجبن :)




وحياكم الله باي وقت :)

في البدايه بنزل اول طبختين لي نزلتهم في موضوع الصريح وباجي الطبخات بالطريج ان شاءالله :)




الفهرس


كرات البطاطس بالدجاج - ميونيخاويه - صفحة 1
الارز بالربيان - ميونيخاويه - صفحة 1
كيكة ( البراوني ) - ميونيخاويه - صفحة 1
بريوش بخلطة النقانق - ميونيخاويه - صفحة 1
حلو الشتلات - ميونيخاويه -صفحة 2
حلو المانجا - Q8i - صفحة 2
ستيك - ميونيخاويه - صفحة 2
حلو المانجا- جوري الكويت - صفحه 2
حلو الكابتشينو - Shag7a - صفحة3
اسباغيتي - ميونيخاويه - صفحة 3
فطاير - الألماسة - صفحة 3
كبة باللبن - ميونيخاويه - صفحة 4
معكرونة بالباشميل - ميونيخاويه - صفحة 5
( محروق صبعه ) Fire Finger - ميونيخاويه - صفحة 6
صينية دجاج بالجبن - الألماسة - صفحة 7
المموش - ميونيخاويه - صفحة 7
حلو الكورن فليكس- jori_q8 - صفحة 8
كيكه الارو- مستر سلماوي- صفحه 8
فليك ساندويتش كيك - ميونيخاويه - صفحة 9
ربيان بالخضار - ميونيخاويه - صفحة 10
بطاط - ميونيخاويه - صفحة 11
بيض طمام وفول - Van Basten & Corvette - الصفحة 11
خلية النحل - ميونيخاويه - صفحة 12
كيكة - ميونيخاويه - صفحة 13
البسبوسة -ميونيخاويه - صفحة 13
سبايسي ناجتس - ميونيخاويه - صفحة 13
المحمر - ميونيخاويه - صفحة 14
عدس - ميونيخاويه - صفحة 15
شوربة قباقب - ميونيخاويه - صفحة 16
برياني الدجاج - ميونيخاويه - صفحة 18
كوب الذرة - ميونيخاويه - صفحة 18
سلطة - الرقيقة- صفحة 20
معكرونة بالباشيمل - الرقيقة - صفحة 20
كيكة - الرقيقة - صفحة 20
معكرونة ثمار البحر - Nutty VaMpIrE - صفحة 20
سلطة فواكه - ميونيخاويه - صفحة 21
شوكليت فدج - Shag7a - صفحة 22
كبسة تونة - الريانة - صفحة 24
شوربة بالذرة - ميونيخاويه - صفحة 25
بيتزا - ميونيخاوية - صفحة 26
بيض باللحمة - الرقيقة - صفحة 28
كور البطاط مع الدجاج - ميونيخاوية - صفحة 28
تشييز كيك - ميونيخاوية - صفحة 29
ايس كريم اوريو - ميونيخاوية - صفحة 29
شعيرية - الرقيقة - صفحة 29
معكرونة ربيان - ميونيخاوية - صفحة 30
مجبوس لحم - ميونيخاوية - صفحة 30
فيليه بالجبن والمرتديلا - ميونيخاوية - صفحة 31
حمسة مشروم - عرباويه بلوو - صفحة 32
بيتزا - الرقيقة - صفحة 32
سلطه ناتشوز - David Silva - صفحه 33
مرق لحم - عرباويه بلوو - صفحة 34
شاني - ميونيخاويه - صفحه 35
بلاليط - ميونيخاويه - صفحه 35
كلوب ساندويتش - ميونيخاويه - صفحه 36
بطاطا حلوه - سوكر اديكت - صفحه 37
ميلك شيك - ميونيخاويه - صفحه 37
دجاج بالكريمه - سوكر اديكت - صفحه 37
برياني الربيان - ميونيخاويه - صفحه 38
مهياوه - كينج بييرو- صفحه 38
خبز بالثوم - ميونيخاويه - صفحه 39
سباغيتي بالمشروم - غاغو 16 - صفحه 40
عيش بالتونه - ميونيخاويه - صفحه 40
توست بالبيض- عشقي الاصفر - صفحه 40
كوكي- ميونيخاويه - صفحه 41
بطاط بالكريمه - ميونيخاويه- صفحه 41
عيش باللحم والبطاط - ميونيخاويه - صفحه 42
حلو البلو بيري- سوكر اديكت- صفحه 42
ككاو المالتيسر بالدايجستيف- ميونيخاويه - صفحه 43
مرق دياي- ميونيخاويه - صفحه 43
كبه بطاط - ميونيخاويه - صفحه 44
صينيه البطاط باللحم المفروم وصلصه البشاميل - ميونيخاويه - صفحه45
سلطه بطاط - عشقي الاصفر - صفحه 45
ماشد بوتيتو- ميونيخاويه - صفحه 45
شوربه الفطر بالكريمه- ميونيخاويه - صفحه 46
تارتار سوس- ميونيخاويه - صفحه 46
صينيه التوست بالنقانق والمشروم - ميونيخاويه - صفحه46
عش السرايا - الرقيقه - صفحه 46
جاينيس فود - ميونيخاويه - صفحه 46
بسكوته وحليبه - عشقي الاصفر- صفحه 47
كيكه ككاو وبسكوت - بو شايع - صفحه 48
قرص عقيلي - ميونيخاويه - صفحه 48
تشيز رولز - ميونيخاويه - صفحه 48
لا زانيا - ميونيخاويه - صفحه 48
قبقب- ميونيخاويه - صفحه 49
سلطه شمندر- ميونيخاويه - صفحه 49
فوتوشيني- ميونيخاويه - صفحه 49
سلطه كول سلو - قدساويه ملكيه - صفحه 50
سباجيتي- قدساويه ملكيه - صفحه 50
ربيان بالكريمه - ميونيخاويه - صفحه 50
حليب بالافوكادو- هوني الكويت - صفحه 50
حمسه خثاق- ميونيخاويه - صفحه 51
اصابع خثاق بالبقسماط - ميونيخاويه - صفحه 51
جبده - ميونيخاويه - صفحه 51
زبيدي مقلي - ميونيخاويه - صفحه 51
همبرغر بالخضراوات - زرقاء اليمامه - صفحه 51
اصابع توست الدجاج بالكريمه - ميونيخاويه - صفحه 52
ربيان مفيوح - ميونيخاويه- صفحه 52
فيليه السمج بالبقسماط - ميونيخاويه - صفحه 52
صينيه بطاط بالجبن مع النقانق والمشروم- ميونيخاويه - صفحه 52
سندويتش دياي - الرقيقه - صفحه 53
دجاج مشوي بصلصه المشروم - ميونيخاويه - صفحه 53
ربيان مشوي - ميونيخاويه- صفحه 54
اللقمه سينابون- ميونيخاويه- صفحه 54
كنافه - ميونيخاويه- صفحه 54
دولمه- ملكي فور ايفر- صفحه 55
مجبوس دياي - ميونيخاويه - صفحه 56
ربيان مقلي بتتبيله البهارات - ميونيخاويه- صفحه 57
سوشي- سوكر اديكت- صفحه 57
كيكه النوتيلا - ميونيخاويه - صفحه 59
فريش بيرغر- برو- صفحه 59
باستا بالصلصه البيضه - نفحه عطر- صفحه 59
مولتن كيك- زرقاء اليمامه- صفحه 60
صينيه الشاورما بالبطاط - ميونيخاويه - صفحه 61
تكساس فرايز - استبرق - صفحه 61
بيتزا بالخبز الايراني - استبرق - صفحه 62
كيكه اللازانيا - زرقاء اليمامه - ص62
حلو كرات الككاو - استبرق - صفحه 63
قبقب مقلي- استبرق - صفحه 65
بطاط مشوي - استبرق- صفحه 65
بيتزا - استبرق- صفحه 65
فطيره الزعتر - استبرق - صفحه 66
سلطه معكرونيه - استبرق- صفحه 67
كيكه ككاو بالتوفي - زرقاء اليمامه - صفحه 68
شيري تشيز كيك - كويتيه والنعم - صفحه 69
تورتيلا بفاهيتا الدجاج - استبرق - صفحه 71
كرك - برشلوني صميم -صفحه 71
حلو قهوه - زرقاء - صفحه 72
كيكه رالي - استبرق - صفحه 72
بيف ويلينغتون - برو - صفحه 72
مجبوس دياي - الرقيقه - صفحه 73
بسبوسه - الرقيقه - صفحه 73
شوربه - الرقيقه - صفحه 74
دياي تحت العيش - الرقيقه - صفحه 74
شعيريه - الرقيقه - صفحه 74
صينيه بطاط حامضه - استبرق - صفحه 75
كرات القباقب - استبرق- صفحه 75
باستا دياي- الرقيقه - صفحه 75
افخاذ الدياي الكذابه - بنت الكويت - صفحه 76
كرواسان بالدياي والكريمه - كويتيه والنعم - صفحه 76
دياي مشوي - استبرق - صفحه 77
حلو غالاكسي - سعوديه - صفحه 77
حلو السينابون بالكرواسون - نفحه عطر - صفحه 77
كريب- رينبو- صفحه 77
جاينيس فود - ماي عيني - صفحه 77
قوارب البطاط باللحم والصلصه - رينبو- صفحه 78
سلطه شمندر - ماي عيني- صفحه 78
خبز محشي- ازرقاوي- صفحه 78
كرات التمر- الرقيقه - صفحه 79

اسـتـبـرق
20-09-2006, 06:28
طبقي اليوم نقدر نعتبره من المقبلات وان شاءالله يعجبكم :)

بسم الله نبدا

كرات البطاط بالدياي

اولا المقادير:

http://kuwaitiah83.jeeran.com/المكونات2.jpg


زبده / بطاط / دياي (بدون عظم و جلد) / فلفل اسود / ملح / جزره مبشوره / 2 بيضه / بصل / 2 ملعقه جبن سائل ( كرفت او اي نوع ) / بقسماط / مكعب ماجي (نصف ) / بهارات اضافيه حسب الرغبه / زيت للقلي / اذا حبيتوا فلفل اخضر حار (لهواه السبايسي )

الطريقه :

1- نسلق (نفوح) البطاط

http://kuwaitiah83.jeeran.com/فوح%20البطاط.jpg



2- نسلق الدياي مع شويه ملح وفلفل اسود لين شوي يستوي

http://kuwaitiah83.jeeran.com/سلق%20الدياي.jpg


3- عقب ما يستوي البطاط نهرسه

http://kuwaitiah83.jeeran.com/بطاط%20مهروس.jpg


4- عقب ما نفوح الدياي ننتفه ( نقطعه )

http://kuwaitiah83.jeeran.com/دياي%20مقطع.jpg



5- ناخذ الزبده ونذوبها (نسيحها ) بالمقلا (مقلاه ) ( طابي ) لين تذوب


http://kuwaitiah83.jeeran.com/الزبدة.jpg



6- نضيف عليها البصل ونحركه لين يصير لونه ذهبي شويه

http://kuwaitiah83.jeeran.com/حمس%20البصل.jpg

7- نضيف عليه الدياي ونحركه بعدين نضيف مكعب الماجي والفلفل وبعض البهارات اللي تحبونها ( انا اكتفيت بالملح والفلفل والهيل ومكعب ماجي) ونحركها شويه لين يختلطون كلهم بعدين نشيلهم على صوب

http://kuwaitiah83.jeeran.com/حمس%20الدياي%20زوم.jpg


8- ناخذ البطاط المهروس ونخلطه مع الجزر المبشور

http://kuwaitiah83.jeeran.com/خلط%20البطاط%20و%20الجزر.jpg



9- نضيف الجبن على خلطه البطاط والجزر ونخلطه

http://kuwaitiah83.jeeran.com/البطاط%20مع%20الجزر%20مع%20الجبن.jpg



http://kuwaitiah83.jeeran.com/البطاط%20مع%20الجبن%20مهرووووس.jpg



10- ناخذ كميه من البطاط ونحشيها بالدياي بعدين نكورها بالايد


http://kuwaitiah83.jeeran.com/الكرة%20محشوة%20بالدياي.jpg


http://kuwaitiah83.jeeran.com/كرة%20جزرية%20بطاطية%20جبنية.jpg




11- نغط الكره بالبيض (كلها )

http://kuwaitiah83.jeeran.com/كرة%20بالبيض.jpg


12- نغطها بعدين بالبقسماط ( كلها )

http://kuwaitiah83.jeeran.com/كرة%20بالبقسماط.jpg



تصير جذي:

http://kuwaitiah83.jeeran.com/الكرة%20بالبقسماط%20مكورة.jpg




13 - نييب مقلا ( مقلاه ) غزيره شويه ونحط فيها زيت بعدين نحط الكور فيها لين يتحمر لونها
بعدين نجبوه (حطوه ) بالصحن

http://kuwaitiah83.jeeran.com/الكرة%20بالدهن.jpg



ممكن تقدمونه مع الكاتشاب والمايونيز او اذا حبيتوا مع صلصه حاره ( اي نوع تبون )

هذا شكله النهائي

http://kuwaitiah83.jeeran.com/الكور%20و%20الكتشب%20و%20المايونيز%20برا.jpg


وبالعاااااااااااااااااااااااافيه :) ;) ترى وايد لذيذ:)

Maldini_el_q8
20-09-2006, 06:55
بالبدايه ما عجبني الطبق بس لما شفت الشكل النهائي تذكرت اني احب هالطبق :D
خل يبدى رمضان و نشوف منو فينا أشطر يا أخت ميونخاويه :cool:

اسـتـبـرق
20-09-2006, 17:55
الارز بالربيان(CHINESE)

http://re3.mm-a5.yimg.com/image/1442754234
المقادير:

http://kuwaitiah83.jeeran.com/المكونات.jpg

ربيان / عيش ( رز ) / فلفل اخضر بارد ( فليفله ) / جزر / بصل / مكعب ماجي / ملح / فلفل اسود / بهارات ( اللي تبونه ) / ثوم / صلصه صويا / ليمون / زيت



الطريقه :

1- نسلق العيش ونحط عليه شويه ملح


http://kuwaitiah83.jeeran.com/العيش.jpg


2- نسلق الربيان مع شويه ليمون معصور ( عن الزفره )

http://kuwaitiah83.jeeran.com/الربيان.jpg


لمه يستوون نشخلهم ( نصفيهم ) ونخليهم على صوب



3- نسخن الزيت ونحط عليه البصل لين يصير لونه ذهي شويه

http://kuwaitiah83.jeeran.com/البصل.jpg

4- نضيف عليه الفلفل والجزر ونحرك شويه


http://kuwaitiah83.jeeran.com/حمسة%20الخضرة.jpg


5- نضيف عليه الربيان والفلفل الاسود والثوم والبهارات ونحركه شويه

http://kuwaitiah83.jeeran.com/حمسة%20الربيان.jpg



6- نضيف عليهم صلصله الصويا ( انا حطيت قفشه ( ملعقه ) ونص مالت اكل ) ونحركه


http://kuwaitiah83.jeeran.com/الصلصة%20على%20الربيان.jpg



7- نحط العيش على الربيان و نحركه

http://kuwaitiah83.jeeran.com/العيش%20مع%20الربيان.jpg


يطلع لنا بالصوره هذي

http://kuwaitiah83.jeeran.com/النهاية%20طوالي.jpg



http://kuwaitiah83.jeeran.com/خلص%20العيش%20هم%20هم.jpg

بالعاااااااااااااااااااااااااااااااااافيه :)

سهله ولذيذه وخفيفه

اسـتـبـرق
20-09-2006, 18:02
مالديني الكويت شكرا على المرور:)



خل يبدى رمضان و نشوف منو فينا أشطر يا أخت ميونخاويه


ان شاءالله :)

S-S
20-09-2006, 23:27
ما شاء الله ... :)
طباخة ماهرة :)

Mr.Barca
21-09-2006, 01:18
شكرا ع الموضوع خوش اطباااااق

انا اعرف اسوي شااي وقهوه :p :D

الريانه
21-09-2006, 02:42
مشكوره على الموضوع ومشاء الله عليج طباخه درجه اولى ..

ودي احط اللي انا اعرف اسويه لكن مالي خلق اصور وحاله .. اذا قدرت مايصير خاطرج الا طيب

Ŝmα®Ђ βộỳ
21-09-2006, 02:56
موضوع حلو ومفيد
وهذا وقته :p

يعطيكِ العافية ميونيخاويه

اسـتـبـرق
21-09-2006, 10:53
شكرا على التثبيت:)
ومشكورين على المرور

عندي مشكله بسيطه بالتحميل اول ما اخلص منها ان شاءالله انزل الاكله اليديده

Bo 95y
21-09-2006, 13:17
يعطيج العافيه ع الطبخات الحلوه

لوووول يوعتينه وياج

انزين ينفع اسوي جبن <<<<<< شفـــيه:p

فمان الله

Carles Puyol
22-09-2006, 00:16
ميونيخاويه....مشكووووورة خووش موضوع خصوصا المخيمات على الابواب :D :p

بس ممكن اعرف شلوون طريقة عمل "معكرونة بلماشمل" <<<<مادري كاتبة صح ولا غلط بس اكيد عرفتيها;) طبعا اذا سمحتي :o

اسـتـبـرق
22-09-2006, 06:34
واخيرا ظبط التحميل :)

اليوم يايبه لكم حلو ,,

كيكه ( البراوني )


المقادير:


http://kuwaitiah83.jeeran.com/cake3.jpg


علبه كيك اسفنجيه / بيض / حليب مكثف / ثلاث ارباع كوب ماء / ثلث كوب زيت / حليب / ككاو بودر /


الطريقه :

1- نطبق تعليمات صنع الكيكه اللي موجوده خلف العلبه واللي كانت ( نحط خليط الكيكه اللي بالعلبه مع 3 بيضات + ثلاث ارباع كوب ماء + ربع كوب زيت و نخلطهم مع بعض )

http://kuwaitiah83.jeeran.com/ggggggg.jpg


يصير بهالشكل

http://kuwaitiah83.jeeran.com/cake11.jpg



2- ندهن الصحن او البايركس اللي بنصب الخليط فيه بالزيت اول شي كله بعدين نصب خليط الكيكه

http://kuwaitiah83.jeeran.com/cake4.jpg



بعدين ندخله بالفرن ولمده نص ساعه او حسب المده المكتوبه على العلبه ( انا حطيتها نص ساعه مثل ماهو مكتوب )

3- نطلعها من الفرن ونتاكد انها استوت او لا بحيث نغمس فيها عود او سجين ( سكين ) ونطلعها ..اذا طلعناها وكانت نظيفه ومو لاصق فيها شي يعني استوت وتكون بهالشكل

http://kuwaitiah83.jeeran.com/cake8.jpg


4- نخلي الكيكه على جنب ونسوي خلطه البراوني ( صلصه الككاو )

ونحتاج الى

ككاو بودر ( انا حطيت نص العلبه ) / حليب مكثف ( حطيت علبتين بالحجم اللي واضح بالصوره فوق) / بيضتين / علبه حليب كي دي دي ( الحجم العادي ) / ملعقه فانيليا صغيره

http://kuwaitiah83.jeeran.com/cake5.jpg


5- تحرك المقادير السابقه على نار هاديه لين تثقل الصلصه وتصير ثقيله ومتماسكه

http://kuwaitiah83.jeeran.com/cake6.jpg


تصير بهالشكل

http://kuwaitiah83.jeeran.com/cake7.jpg




6- ناخذ الكيكه اللي سويناها ونصب عليها الصلصه ( لاحظوا الصلصه اشلون ثقيله )

http://kuwaitiah83.jeeran.com/cake10%20copy.jpg


لين تصير جذي

http://kuwaitiah83.jeeran.com/cake9.jpg


7- نطروا عليها شوي لين تبرد شويه وتتماسك الصلصه


8- قطعوها بالعافيه وقدموها مع برد ( ايس كريم )


http://kuwaitiah83.jeeran.com/oooooo.jpg


ملاحظه: مافي مانع تحطونها بالثلاجه واذا بغيتوا قطعه قصوا منها و سخنوها بالمايكرويف وحطوا البرد عليها وهي حاره طبعا :cool:

( تسوون صحن او بايركس يوكل عايله كامله وما تكلفكم وايد ..مو مثل المطاعم قطعه 5سم ب5سم بدينار ونص:rolleyes: )



وبالعاااااااااااااااااااااااااافيه

اسـتـبـرق
22-09-2006, 06:44
كارلوس بيول ان شاءالله اذا سويتها بحطها لك:)

اسـتـبـرق
22-09-2006, 06:46
كارلوس بيول
ان شاءالله اذا سويتها بحطها لك :)

فخر نجد
23-09-2006, 04:53
مشكووووره اختي

ومع اني مو مره بالطبخ بس بحاول

وانزلك الي قدرت عليه

اسـتـبـرق
23-09-2006, 06:46
شكرا فخر نجد على المرور:)
ما عليه الالف ميل يبدا بخطوه .. خطوه بخطوه وبيكون الطبخ سهالات ان شاءالله :)

وبانتظار تطبيقك

اسـتـبـرق
24-09-2006, 05:46
بريوش بخلطه الـ ( نقانق- مقانق- سجق- صوصج - نعانع) :D

المقادير

بريوش / زيت / مايونيز / نقانق / جزر مبشور / فلفل اخضر ( فليفله ) / مكعب ماجي / بهارات حسب الذوق / ملح / فلفل اسود / بصل / جبن مبشور

http://kuwaitiah83.jeeran.com/بريوش%20001%20copy.jpg


الطريقه:

1- نحمس البصل لين يصير لونه ذهبي

http://kuwaitiah83.jeeran.com/بريوش%20002%20copy.jpg


2- نضيف عليه الفلفل ونحركه
http://kuwaitiah83.jeeran.com/بريوش%20003%20copy.jpg


3- نضيف عليه الجزر ونحركه

http://kuwaitiah83.jeeran.com/بريوش%20004%20copy.jpg



4- نضيف عليه البهارات ونحرك

http://kuwaitiah83.jeeran.com/بريوش%20005%20copy.jpg


5- نضيف عليه النقانق ونحرك
http://kuwaitiah83.jeeran.com/بريوش%20006%20copy.jpg

تصير بهالشكل

http://kuwaitiah83.jeeran.com/بريوش%20007%20copy.jpg

6-نقص البريوش بالنص

http://kuwaitiah83.jeeran.com/بريوش%20008%20copy.jpg

7- ندهنه بالمايونيز

http://kuwaitiah83.jeeran.com/بريوش%20009%20copy.jpg



8- نحط الخلطه عليها
http://kuwaitiah83.jeeran.com/بريوش%20010%20copy.jpg


9-نرشها بالجبن المبشور

http://kuwaitiah83.jeeran.com/بريوش%20012%20copy.jpg



10- ندخلها بالمايكروويف على ما يذوب الجبن


تطلع لنا بالصوره هذي

http://kuwaitiah83.jeeran.com/بريوش%20011%20copy.jpg


هالنوع من الاكل احلى شي تاكله وانت يوعان ..ما تحس بنفسك:p و يمه قلاص عصير باااااارد والقلاص كله قطرات ندى من البروده :p


http://www.cookbookwiki.com/images/3/36/LimeJuice.jpg

بالعاااااااااااااااااااااااااااااافيه:)

الحمادي
25-09-2006, 06:31
قواج الله ميونيخاويه وعساج على القوه والله يعين اللي يدش هالموضوع واهو صايم p:

بعد فيه حلو بريوش مو طبيعي عموما هالاكله ذكرتني بالطلياني :)

قواج الله ميونيخاويه :)

THe ShaRk
25-09-2006, 13:41
بريوش شنو؟؟؟

اسـتـبـرق
25-09-2006, 17:02
الله يقويك يا الحمادي ومشكور على المرور:)

شنو حلو البريوش ؟؟وشنو مكوناته ؟

ذاشارك
البريوش الصمونه الكبيره اللي تشوفها بالصور ..مكتوب عليها بريوش:)

Pro
25-09-2006, 17:24
يعطيج العافية ميونيخاوية ..

لا توقف ..

اسـتـبـرق
25-09-2006, 19:59
الله يعافيك برو:)

الصريح
25-09-2006, 20:07
يعطييييييييج العافيه ماقصرتي..
شغل متعوب عليه..
في كيكه فيها فليك وبسكوت ودي اشوفها...

الانجــليزي
25-09-2006, 20:11
في كيكه فيها فليك وبسكوت ودي اشوفها...

موجوده بمركز سلطان روح شوفهـا :)

اسـتـبـرق
25-09-2006, 20:22
الصريح الله يعافيك:) ..

البراوني ما تنفع ؟؟:p

ما عرفت كيكه الفليك لكن بسال عنها و اذا عرفتها بطبقها ان شاءالله :)

Shag7a
25-09-2006, 20:40
مشكوووووره تسلم إيديج ميونخاويه :)

اسـتـبـرق
26-09-2006, 18:31
شقحه الله يسلمج :)

حلو ( الشتلات ) للزراعين فقط :p:p

المقادير:
http://kuwaitiah83.jeeran.com/حلو1%20copy.jpg

قيمر/ كريم كراميل/ 1 دريم ويب / نعتناع للتزيين / كيك / ككاو( اوريو واذا ما فيه فليك ) / قلاص شبيه باصيص الزرع( مادري عاد اسمه اصيص صح ولا غلط:p )

الطريقه :

1- نقطع الكيك لقطع صغيره

http://kuwaitiah83.jeeran.com/حلو2%20copy.jpg


2- نحط القيمر ونضيف عليه خلطه الكريم كراميل ونخلطهم بالخلاط او بالايد


http://kuwaitiah83.jeeran.com/حلو10%20copy.jpg



http://kuwaitiah83.jeeran.com/حلو9%20copy.jpg

http://kuwaitiah83.jeeran.com/حلو6%20copy.jpg

3- نحط طبقه كيك بالقلاص ( الكاس )


http://kuwaitiah83.jeeran.com/حلو8%20copy.jpg


4- نصب عليه شوي من الخلطه

http://kuwaitiah83.jeeran.com/حلو7%20copy.jpg

5- نكرر الخطوه رقم 3و4 ( اذا ما تبون طبقتين مافي مشكله )

6- نغطيه بالككاو البودر( لا تستخدمون البودر اللي بعلب ترى يخرب الطعم ومو حلو ) مثل ما قلت لكم اوريو ..واذا ما لقيتوا حطو فليك او اي ككاو تحبونه

http://kuwaitiah83.jeeran.com/حلو3%20copy.jpg


7- نزينه بالنعناع

http://kuwaitiah83.jeeran.com/حلو5%20copy.jpg



سهللللللل
بالعااااااااااااااااااااااافيه :)

armadaa
27-09-2006, 01:03
ماشاء الله تبارك الرحمن ..

من حسن حظي اني شفت الموضوع بالليل ..

مالها داعي الواحد صايم بالنهار ويشوف مواضيع زي هذي :p

Q8i
27-09-2006, 16:33
مساكم الله بالخير .. وحياكم الله في مطبخنا

طبختنا اليوم عبارة عن حلو .. حلو المانجا .. إذا ضبطته بتستانس عليه .. اختصارا للوقت .. والطبخة على فكرة سهلة جدا يعني تسويها عالواقف اذا عندك المقادير كاملة .. إليكم المقادير :

1. نفوح عدد 4 قلاصات ماي.
2. نضع عليهم عدد 2 علبة جيلي مشمش.
3. نجهز الخلاط ومن ثم نضع فيه جيلي المشمش وقطع المانجا المثلج "تلاقيه بالجمعيات صفيحة مانجا مثلجة".
4. نضع فيه سكر "ترس استكانة الجاي" وكريمة كي دي دي "دعاية" ايضاً ترس استكانة الجاي.
5. يخلط ويوضع في الماعوووووووون.
6. إذا مستعجل عليه حطه بالفريزر مدة ساعتين وإذا حق باجر خله بالثلاجة يوم كامل.

هني وعافية

اسـتـبـرق
28-09-2006, 00:34
يعطيك العافيه اخوي كويتي على الحلو:)
بس في شغله


الديوانيه مفتوحه للجميع وباي وقت لكن فيه 3 شروط :

1- لا للمنقول ( كوبي وبيست )
2- ان يكون الطبق من تطبيق وتصوير الاعضاء
3- اي طبخه مقبوله بما انها من تطبيق وتصوير الاعضاء حتى لو كانت توست وجبن :)

:MAD2: :MAD2::MAD2::MAD2::MAD2::MAD2::MAD2::MAD2::MAD2::M AD2:

Shag7a
28-09-2006, 01:06
كويتي الله يعطيك العافيه بس أنصحك بعد تزيد عليها كيك .. يعني تصف الكيك الجاهز بصحن و تضيف فووقه خلطتك .. عشان تصير مثل حلو المنجا مال الخبااز :o




ترقبوووووا كيكتي إلي بسويها باجر الصبح إن شاء الله و بحط صورهاا :D

اسـتـبـرق
28-09-2006, 01:28
ستيك

(اعذروني الصور ناقصه لكن ان شاءالله الطبخه بتكون واضحه :) )

المقادير:
فلفل اسود/صلصه HB / كتشاب / صلصه ستيك / صلصه صويا / خضار مثلجه / شرائح لحم ( ستيك )

الطريقه:

1- نسوي خلطه عشان نتبل فيها الستيك وتتكون من فلفل اسود + كتشاب +صلصه الHB +صلصه الصويا + صلصه الستيك

2- ننقع ( نحط ) الستيك بالخلطه ونغطيه ونخليه لمده ساعتين واللي يبي اكثر مو مشكله حتى لو تسوونها من الليل وتستعملونها ثاني يوم

3- نسلق الخضار

http://kuwaitiah83.jeeran.com/ستيك%20003%20copy.jpg



4- نشوي الستيك بالشوايه

http://kuwaitiah83.jeeran.com/ستيك%20002%20copy.jpg

يصير بهالشكل

http://kuwaitiah83.jeeran.com/ستيك%20004%20copy.jpg


5- نقدمه مع بطاط وصلصه الhb او الكاتشاب والمايونيز

http://kuwaitiah83.jeeran.com/ستيك%20001%20copy.jpg


بالعاااااااااااااااااااااااااافيه :)

اسـتـبـرق
28-09-2006, 01:32
ارمادا وشقحه مشكورين على المرور
وبانتظار كيكتج شقحه :)

Q8i
28-09-2006, 01:39
عليكم بالعافية ميونخاوية وشقحة .. بس ميونخاوية اتعيييز اصور والله .. صاير كسول حدي :)

شقحة .. ما اقدر اجازف اكثر من جذي .. مرة ثانية يمكن احط الكيكة ;)

بس جد .. احب الستيك وايد :o :o

اسـتـبـرق
28-09-2006, 01:53
بس ميونخاوية اتعيييز اصور والله .. صاير كسول حدي

ما عليه كويتي تحمل شوي وصور بالكاميره عشان خدمه الموضوع :)

عاد المنجا شي رهيب ..بس لازم جيلي مشمش ولا يصير غيره ؟

جرب الستيك طريقته سهله وايد :)

Q8i
28-09-2006, 01:59
لازم الجيلي علشان تضبط الطبخة أكثر .. ترى لذيذة سألوا الصريح عنها

الألماسة
28-09-2006, 13:42
ياه ياه ياه

شغل عدل

بس ليش كله من البنات ــ بني مشاركات شبابية بعد << شاركي انتي بالاول :biggrin:

jori_q8
28-09-2006, 13:43
ميونخاويه في طريقه شبيهة لحلو المانجا بس على شيز كيك تطلع الذ وايد والكل يعرفها بس مصعبه علي الشروط ماقدر اصور ماعرف للكاميرا والا اخوي ينزلهم عاد محد متفرغلي :d
المهم ... المقادير :
كيس منجا مثلجه من الجمعيه "صاير شكله مستطيل تقريبا"
3 علب جلي مشمش ...
2 كوب ماء
ا قلاص جبن كبير "التعاون او اي نوع "
1 قشطه كي دي دي
1 علبه سارا كيك فانيليا

الطريقه :
مثل ماقال كويتي نغلي الماي وبعدها نحط الجلي بس يذوب نحط المنجا ونخلطهم عدل
نخلط الجبن مع القشطه وناخذ نص كميه خليط المنجا نخلطه معاهم
نقص الكيك قطع ونوزعهم على القالب
نصب خليط الجبن بالمنجا ونحطه بالفريزر بس يجمد شوي نحط فوقه المنجا والمشمش
نحطهم مرة ثانيه بالفريزر بس يجمد نطلعهونحطه بالثلاجه لحد التقديم
وبالعافيه
اعذرنا اخوي كويتي ضفنا شوي على طبقك :)

اسـتـبـرق
28-09-2006, 15:03
جوري مشكوره

بس بليز بليز الاطباق مصوره تقيدوا بالشروط لو سمحتوا:rolleyes2:

Shag7a
28-09-2006, 15:14
يالله يالله مابقى شي و تخلص طبختي بالثلاجه الحين .. و صورت صور عشان ماتزعل ميونخااوية :)

اسـتـبـرق
28-09-2006, 15:52
بانتظار طبقج شقحه :)

jori_q8
28-09-2006, 16:14
عفيه ميونخاويه سويلي استثناء بسالفت الصور :o

اسـتـبـرق
28-09-2006, 16:29
نو جوري:) :) :)

jori_q8
28-09-2006, 16:36
واااااااااااااااااااااااااااااي عنيده :mad2:
شقحه اشرايج نعقد اتفاق انا اطبخ وانتي تصورين ربعن تعاونو ماذلو... ايد وحده ماتصفق :clap:

Shag7a
28-09-2006, 17:06
حلو الكابتشينو




المقادير:



http://www2.0zz0.com/2006/09/28/13/60803567.jpg




- 3 قيمر كي دي دي



- 3 أكياس كابتشينو



- 3 قطع كيري



- 3 ملاعق كبيرة حليب محلى (نستلة)



- ملعقة كبيرة جيلاتين مذاب بـ 4/1 كوب ماء دافئ



- شرائح كيك سارالي أبيض + كيك سارالي كاكاو


================================================== ==============


للتزيين:


http://www2.0zz0.com/2006/09/28/10/341743686.JPG



كاكاو باودر + صلصة الكاكاو

================================================== ==============



الطريقة:



1- نخلط جميع المقادير خلطا جيدا بالخلاط الكهربائي ما عدا الكيك .



http://www2.0zz0.com/2006/09/28/13/21637489.jpg








القيمر


================================================== ======


http://www2.0zz0.com/2006/09/28/13/81452109.jpg


ههااا ما مداه عفن القيمر:eek: !! .. لا أقص عليكم هذا الكابنتشينو :D ;)

==============================================


http://www2.0zz0.com/2006/09/28/13/57468747.jpg




ضفنا الكيري + الحليب المحلى + الجيلاتين المذاب في الماء الدافئ.



==============================================


2- نقطع الكيك الأبيض


http://www2.0zz0.com/2006/09/28/10/293139323.JPG

================================================== ==============




ثم نصفه فى الصحن ... لاحظو أشكال الكيك الهندسيه إلي إطلعت لنا .. مثلثات و مستطيلات عشان إنعبي الفراغات ..


http://www2.0zz0.com/2006/09/28/11/44255873.jpg



=============================================


نسكر الخلاط و نجلب الخليط


http://www2.0zz0.com/2006/09/28/10/98053020.jpg


==============================================



3- يوضع جزء من الخليط السائل فوق الكيك الأبيض (جزء قليل مو كله لأن نحتاجه بالطبقة اليايه.. بعد يخلص علينا الخليط إنتوهق ! )



http://www2.0zz0.com/2006/09/28/10/64745882.jpg



==============================================




4- ثم نقطع الكيك الأسود و نصفه فوق الخليط كما فعلنا سابقا بالكيك الأبيض


http://www2.0zz0.com/2006/09/28/10/30215399.jpg


==============================================


5-نغطي كيك الكاكاو بما تبقى من الخليط السائل (أسمك من الطبقة الأولى )


http://www2.0zz0.com/2006/09/28/11/80668638.jpg


==============================================


6-ثم يغطى بالنايلون و يوضع بالثلاجة إلى أن يتماااسك


http://www2.0zz0.com/2006/09/28/11/71090949.jpg


==============================================


7-قبل التقديم يرش الزجه بالكاكاو الباودر و صلصة الكاكااو و بس .. بالهنى و الشفى


http://www2.0zz0.com/2006/09/28/13/48488524.jpg


مو جنه ناقصها شي .. ؟؟ صايره جنها هريسه:o !
==============================================


http://www2.0zz0.com/2006/09/28/13/19606415.jpg
تااااااااااااااااااااااااراااااااااااااااااااااااا اام الشكل النهاااائي :D
==============================================


http://www2.0zz0.com/2006/09/28/13/46513657.jpg


لقطه ثانيه :D
==============================================
http://www2.0zz0.com/2006/09/28/11/92052986.jpg
أشوا ما غفست المطبخ استخدمة بس جم قفشه والصينية و بس :o


==============================================


إن شاء الله إعجبتكم الطبخه و إلى اللقاء في الحلقة القادمه :)

Shag7a
28-09-2006, 17:08
جووريووو ما إتخييليين شكر تعبت وانا أحط الصور و الله العظيم طولت وانا أحطهم أكثر من وقت الكيكه .. :hot: تعبت دخت مو من الطبخ .. لأ من الصور.

Shag7a
28-09-2006, 17:17
إيي على فكره ترى هذي شغل اليوم .. و ليلحيين ماذقتها و ما أدري عن طعمها الله يستر .. عقب الفطور مع الجاي إن شاء الله نهجم عليها :cool:

jori_q8
28-09-2006, 17:19
يعطيج العافيه شوقتيني اضوقها (مو اذوقها) بس جني اعرف طريقتها
خلاص سمعي ميونيخاويه تقولج تعب تعب شقاااااااااااااااااااااااااااااااااا تنزيل الصور موكافي شقا المطبخ:cry2:

الصريح
28-09-2006, 18:01
يه يه يه شقوح الصراحه عطيتي مينوخاويه انذار شديد اللهجه..
خوش شي..
شلون الكيكه بس؟

اسـتـبـرق
29-09-2006, 01:29
مشكوره يا شقحه ما قصرتي على هالطبق ويعطيج العافيه

الصريح :


يه يه يه شقوح الصراحه عطيتي مينوخاويه انذار شديد اللهجه..

انا قد التحدي ان شاءالله :) بس شنو راي شقحه ؟

Shag7a
29-09-2006, 01:47
جووري الله يعافيييج :)


بوصرحوووووو لاااا ويييييييييني و وييين ميونخاوية .. تصدق شوي يبيلها شكر زياده .. عشان جذي عدلت على المقادير إلي فوق زدت الحليب المحلى

ميونيخاويه الله يعافييج حبيبتي .. أنا رااي الله يسلمج إن العين ماتعلى على الأصفر :p ..
لا الصرااحه أنا مو قد التحدي .. إنتي ماشا الله عليج ربيااان و ستيكاااات.. أنا حدي كيك جاهز و أخلط معاه أشياء :o .. تو الناس علي بس إن شاء الله بالمستقبل أتطور ;) :)

Pro
29-09-2006, 02:05
مشكورة شقحا .. شكله خوش شي .. و سهل

اونس شي صفتج حق المقادير :) .. جان زين انا مثلج مرتب :o

اسـتـبـرق
29-09-2006, 03:45
لمحبي الاكل الايطالي:)

اسباغيتي

المقادير:
اسباغيتي / زيت / ملح / معجون طماط / لحم مفروم / بصل / مكعب ماجي / بهارات حسب الذوق ( حطينا كاري + فلفل اسود + كزبره ) / ثوم


الطريقه :
1- نحط اللحم المفروم بالماي عشان يذوب ونوخر عنه الثلج والخ

http://kuwaitiah83.jeeran.com/سباغيتي%20005%20copy.jpg

2- نغلي ماي حار

http://kuwaitiah83.jeeran.com/سباغيتي%20003%20copy.jpg


3- نكسر الاسباغيتي

http://kuwaitiah83.jeeran.com/سباغيتي%20004%20copy.jpg


4- نحمس البصل لين يصير لونه ذهبي

http://kuwaitiah83.jeeran.com/سباغيتي%20002%20copy.jpg

5- نضيف عليه الفلفل الاسود والكزبره والماجي والكاري ونحركه

http://kuwaitiah83.jeeran.com/سباغيتي%20006%20copy.jpg


6- نضيف عليه الثوم

http://kuwaitiah83.jeeran.com/سباغيتي%20008%20copy.jpg


7- نضيف عليه اللحم المفروم ونحركه

http://kuwaitiah83.jeeran.com/سباغيتي%20007%20copy.jpg

8- نضيف عليه معجون الطماط ونحركه

http://kuwaitiah83.jeeran.com/سباغيتي%20009%20copy.jpg


يصير جذي:

http://kuwaitiah83.jeeran.com/سباغيتي%20010%20copy.jpg

نخليهم على صوب

9-نحط الاسباغيتي بالماي المغلي مع شويه زيت وملح لين تستوي وتصير لينه بعدين نشخلها ( نصفيها)

http://kuwaitiah83.jeeran.com/سباغيتي%20011%20copy.jpg


10- نضيف خلطه اللحم المفروم على الاسباغيتي ونقلبها ( نخلطها )


http://kuwaitiah83.jeeran.com/سباغيتي%20012%20copy.jpg



11- نقدمها


http://kuwaitiah83.jeeran.com/سباغيتي%20001%20copy.jpg



بالعاااااااااااااااااااااااااااااااااااااااااااااا فيه :)

الألماسة
29-09-2006, 18:28
فطاير بالطعم اللي تبي *_^

1- اول شىء تسوين العيينه :biggrin: <<< ما لها خلق تحط وصفتها

جيس طحين ـ 6 قفشات حليب بودرـ ثلاث قفاش سكر ـ ثلاث ارباع الكوب زيت ـ ماي حسب العينه ـ قفشه خميرة

و تزهبون الحشوة اللي تبون يعني مثلا :

أ- جبن و زيتون
ب - لبنه و نعناع
ج- لبنه و زعتر او فلافل و لبنه
ء- حميسه بطاط و باذنجان

http://www3.0zz0.com/2006/09/29/19/77467396.jpg



(( ركزو على صورة العينه و اللي حوالينها كانهم شباصات لووول )

2- تحتاجون هالشكل اللي بالصورة

http://www3.0zz0.com/2006/09/29/19/64729634.jpg


3- تفردون العينه جذي *_ ^ :


http://www3.0zz0.com/2006/09/29/19/11814480.jpg


4- عقب تلفونها على الشكل اللي حطيناه برقم 2 و عقب تحطونها بالفرن و بتصير جذي :


http://www3.0zz0.com/2006/09/29/19/18075216.jpg


5- عقب تحشونها باي حشوة سويتوها :



http://www3.0zz0.com/2006/09/29/19/62363342.jpg

و اخيـــرا ــ بالهنا و الشفى :wavetowel2:

http://www3.0zz0.com/2006/09/29/19/73095544.jpg

الألماسة
29-09-2006, 18:30
شقحـــــــــــه ــ ابي من هالكيكه

http://www2.0zz0.com/2006/09/28/13/48488524.jpg

Shag7a
29-09-2006, 20:52
زليييخه أفا عليج عطيني عنوان بيتكم و أوصلها لي بابكم :D
على فكرة زلييخه الصور ملوت أكلتج مو طلعيييييييييين
حمليهم على هالوقع أحسن
http://www.0zz0.com/index.php?pz=58102

يالله ناطرين الصور :)

Shag7a
29-09-2006, 20:54
عفوا برووووو و حيااك الله .. إيي صافتهم حق الصوووووره :d

الألماسة
29-09-2006, 22:39
زليييخه أفا عليج عطيني عنوان بيتكم و أوصلها لي بابكم :D
على فكرة زلييخه الصور ملوت أكلتج مو طلعيييييييييين
حمليهم على هالوقع أحسن
http://www.0zz0.com/index.php?pz=58102

يالله ناطرين الصور :)


عدلتهم

مشكورة عالموقع

*_^

اسـتـبـرق
29-09-2006, 23:59
يعطييييييج العافيه زليخه على هالوصفه ما قصرتي :)

Shag7a
30-09-2006, 00:24
يم يم زليخه شكلهم لذيذ الله يعطيج العافيه بس حسافه ما علمتينا طريقة العييينه :o

عفوا :)

الألماسة
30-09-2006, 01:20
يم يم زليخه شكلهم لذيذ الله يعطيج العافيه بس حسافه ما علمتينا طريقة العييينه :o

عفوا :)


حطيت مقاديرها شقحوه

و ترا صج لذيذه *_^

الانجــليزي
30-09-2006, 19:43
أول طلب اطلبه :)
شنو مكونــات ( كبه باللبن )
وشكرا لكم

Shag7a
30-09-2006, 20:35
أول طلب اطلبه :)
شنو مكونــات ( كبه باللبن )
وشكرا لكم


الله يسلمك عبارة عن كبة + لبن .. و بس :o

الانجــليزي
30-09-2006, 20:38
الله يسلمك عبارة عن كبة + لبن .. و بس :o
يعني اجيب الكبه واحطها بـ اللبن :) :o

اسـتـبـرق
30-09-2006, 23:59
الانجليزي

اتاكد منها واحطها لك ان شاءالله:) :)

Shag7a
01-10-2006, 00:07
يعني اجيب الكبه واحطها بـ اللبن :) :o
إيي تقريبا :o

Dashti
01-10-2006, 04:18
شقحه .. هالموقع يرفع ععشر صور مع بعض استخدميه عشان ما تتعبين :P
http://allyoucanupload.webshots.com/

ناقد
01-10-2006, 05:24
بصراحه هالموضوع فايف ستار لكنه خطر على الصايم !!
اللهم اني صائم ان شاء الله ارد له بالليل .. و احط لكم طباخي ..

مـنـدنـي
01-10-2006, 05:51
بما اني من محبين الاكل الايطالي فاسمحولي اقول اكثر شي عجبني الاسباغيتي مالت ميونيخاويه ..
وبعدها ( يحوشنا تسمم ) من كيكه شقحه :p ..
واندش المستشفى ونسوي غسيل معده وكان الله غفوراً رحيما ..
:p ..
لا لا اتغشمر ..
عاشو بنات ديوانيتنا الطباخات الماهرات ( كلجن حلوات ) ..
A.Mandani 16

مـنـدنـي
01-10-2006, 05:55
بصراحه هالموضوع فايف ستار لكنه خطر على الصايم !!
اللهم اني صائم ان شاء الله ارد له بالليل .. و احط لكم طباخي ..
اي والله صح السانك النقدي انا الحين الساعه 5:56 am
يعت من صوره الاسباغيتي مالت ميونيخاويه ..
وبروح الداوم واخلص الساعه 1:00 pm
وراح اظل افكر بالطبخه فقررت اكتب ورقه حق الوالده واحطها عند غرفتها من تقوم من النوم تقرى
الورقه مكتوب فيها
( ابي سباغيتي حق الفطووووووووووووووووور)
:p
الله يصبرني لي وقت الفطور
الله يسامحكم يا بنات الديوانيه
:cool:
A.Mandani 16

الحمادي
01-10-2006, 12:07
يامال العافيه وعساكم على القوه كل اللي طبخوا وحطوا وتعبوا :)

ايي اي كثروا خل نسوي تجارب بالمخيم الياي ان شالله ياني بسمم نص الشباب واولهم مبارك الدوسري p:

شقحه : لا يشوفج كورفيت تطبخين لا يهدم مطبخكم p: قواج الله وتسلم ايدج :)

ميونيخاويه على طاري لسباقيتي كان واحد من الربع يسويها ويحط معاها سفن اب بس والله مو طبيعيه لذيذه

قواكم الله الساعه اللحين 12 ظهرا والله يصبرني ليما الساعه 6 الا ثلث p:

اسـتـبـرق
01-10-2006, 16:53
مشكورين على المرور

ناقد :
مشكور على المرور ..:)
بانتظار طباخك يا ناقد بالصوررررررر

كيمبا "
ان شاءالله في كذا اكله ايطاليه :)

الحمادي ":
الله يعافيك
في طبخات يايه ان شاءالله سهله :)
قاوم قاوم:D

Shag7a
01-10-2006, 20:50
Zizou 5 خووش شي شغل عدل مشكوووووور و ما قصرت :D

ناقد : يالله سيد ناااااااقد ناطرييين طبختك ;) :D

Kempa16 : نعم نعم نعم نـعــــــــم !! تسمم من كيكتي ! :confused: .. تدري لو مو كاتب آخر شي إنك إتغشمر جان حدث ما لا يحمد عقباه :rolleyes: :p


الحمادي : الله يعافييييييك إيي يالله تعلم و طلع إبداعاك عليهم بالمخيم .. لوووووووول اهم شي كورفتو .. لا تييب طاريه خله لاهي مع القادسية ليلحيين ما طااح على هالقسم :D مو ناقصه عيون حاره بعد يحترقون أناملي و لا يصير فيهم شي من عيينه:o .. خو الولد عنده سوابق:rolleyes: :p

مـنـدنـي
02-10-2006, 03:27
Zizou 5 Kempa16 : نعم نعم نعم نـعــــــــم !! تسمم من كيكتي ! :confused: .. تدري لو مو كاتب آخر شي إنك إتغشمر جان حدث ما لا يحمد عقباه :rolleyes: :p

ههههههههههههههههههههههههههههههههههههههههههه
محشومة انتي وكيكتج
:D
A.Mandani 16

THe ShaRk
02-10-2006, 14:44
هالموضوع عذاااب عاد احب السباغيتي :(

اسـتـبـرق
03-10-2006, 01:15
اعذروني يا الاعضاء ترى الطبخه اليايه جاهزه بس موقع التحميل سيرفره شوي تعبان اول ما يظبط انزلها لكم ان شاءالله واعذروني على التاخير :) :)

اسـتـبـرق
03-10-2006, 14:26
الانجليزي هذي الكبه باللبن

كبه باللبن

المقادير:

http://kuwaitiah83.jeeran.com/كبه%20باللبن%20001%20copy.jpg



كبه برغل / زيت / نشا / لبن / ماي / نعناع للتزيين

الطريقه:

1- نقلي الكبه بالزيت

http://kuwaitiah83.jeeran.com/كبه%20باللبن%20004%20copy.jpg

تصير جذي

http://kuwaitiah83.jeeran.com/كبه%20باللبن%20005%20copy.jpg


2- نصفها بالبايركس

http://kuwaitiah83.jeeran.com/كبه%20باللبن%20009%20copy.jpg


نخليهم على صوب

3-نحط ملعقتين نشا

http://kuwaitiah83.jeeran.com/كبه%20باللبن%20002%20copy.jpg


4- نضيف عليه ماي ونذوبه

http://kuwaitiah83.jeeran.com/كبه%20باللبن%20003%20copy.jpg

5- نحط النشا بالجدر

http://kuwaitiah83.jeeran.com/كبه%20باللبن%20006%20copy.jpg


6- نضيف عليه اللبن

http://kuwaitiah83.jeeran.com/كبه%20باللبن%20007%20copy.jpg


7- نحركه على النار لين يصير ثقيل
نصيحه ( لا تسنخدمون الملعقه اللي بالصوره استخدموا ملعقه الاكل العاديه افضل )

http://kuwaitiah83.jeeran.com/كبه%20باللبن%20008%20copy.jpg


8- نصب اللبن على الكبه

http://kuwaitiah83.jeeran.com/كبه%20باللبن%20010%20copy.jpg

http://kuwaitiah83.jeeran.com/كبه%20باللبن%20011%20copy.jpg



9-نزينه بالنعناع ( حسب الرغبه )

http://kuwaitiah83.jeeran.com/كبه%20باللبن%20012%20copy.jpg

بالعااااااااااااااااااااااااافيه :)

عبد العزيز الحمادي
03-10-2006, 14:29
ميونخاوية انتي ملزمة تكملين الموضوع ؟؟ ترى في ناس اهني فطروا .. كله برقبتج :)

اسـتـبـرق
03-10-2006, 14:39
كارلوس بيول
ترى ما نسيت الباشميل بسويها ان شاءالله

فان باستن:
حابه الموضوع ومستمتعه بتقديمه ومنها نفيد ونستفيد من الاطباق ان شاءالله:)


ترى في ناس اهني فطروا .. كله برقبتج

تقبل الله صيام الجميع .. انا عرضت الموضوع كفكره يديده والفكره كانت ببالي من قبل رمضان لكن الحين قدرت انفذها .. ليش برقبتي؟؟


مشكور على المرور:)

jori_q8
03-10-2006, 22:28
ميونيخاويه بعد اذنج حبيت احط اضافه لطبختج الكبه باللبن ... صلصه اللبن نضيف لها ثوم مبشور نحمسه بزيت الاكل العادي ومن بعدها نحطه على اللبن من بعد مايغلي ونضيف الكبب اقل من عشر دقايق تغلي معاه عشان ما اتفجج بس تتشرب بالطعم ونحط نعناع مفروم فوقه ... بالعافيه وتسلم ايدج عالطباخ الحلو

عبد العزيز الحمادي
04-10-2006, 12:00
بالعكس ميونخاوية كملي شغلج انا اتغشمر معاج وما شاء الله عليج انتي احسن من غيرج اللي لا شافت البيض قالت ويع .. ولا تطلعلج وحدة تقول وييييييي عشتووووووو انا ادش مطبخ ..

المهم انا عندي طلب .. ابي باستا حلوة منج بالدجاج ... اذا تقدرين تسوينها مع الصور..واذا ما تقدرين كافي المقادير وطريقة التحضير .. وقواج الله ..

اسـتـبـرق
05-10-2006, 01:56
مشكوره جوري ويعطيج العافيه
بس همن نبيها بالصور:p

فان باستن
اشوه.:p . خرعتني:p

الصراحه الطباخ شي حلو ..ممكن الواحد يعتبرها هوايه من هواياته :)

الباستا ان شاءالله بسويها وبعرضها :) لاني كنت مخططه اسويها :)

مـنـدنـي
06-10-2006, 05:20
ابي منج طلب طال عمرج ..
ابي طريقة طبخ اللزانيا اذا تعرفين اختي ..
او كلش كلش
معكرونه بالبشمل ..
انا مره كليت عند واحد من ربعي ..
معكرونيه غريبه بس لذيذه ..
معكرونيه مع جبن وكريمة ودياي ومعاها مشروم ..
قتله تسلم ايد زوجتك صراحه ..
فيريت الي يعرفها منكم يقولنا عنها وعن مقاديرها ..
A.Mandani 16

scheelite
06-10-2006, 21:22
يــه يــه ميونيخاويه طلعتيي طباااااخه وانا مادري لا وموأي طباااااااخه حريفه بعد ماشالله عليج ;)

وتسلم ايدج ويعطيج الف الف عااافيه :):)

جوكم
07-10-2006, 02:31
بالعكس ميونخاوية كملي شغلج انا اتغشمر معاج وما شاء الله عليج انتي احسن من غيرج اللي لا شافت البيض قالت ويع .. ولا تطلعلج وحدة تقول وييييييي عشتووووووو انا ادش مطبخ ..

لوووووووووووول



يعطيج العافيه ميونيخاويه بس إذا ما عليج امر بغيت جم طبق تركي ... وخااااصة العيوش لأن عيشهم مو طبيعي .. او حلو اذا ممكن

وشكرا مره ثانيه على الجهد المميز

اسـتـبـرق
08-10-2006, 00:59
ان شاءالله بلبي اللي اقدر عليه
اعذروني على التاخير مشغوله شوي اول ما اخلص بنزل الصور علطول ان شاءالله :)

اسـتـبـرق
10-10-2006, 14:49
باك :)
معكرونه بالباشميل

المقادير

http://kuwaitiah83.jeeran.com/باشميل%20(21).jpg


بيض / حليب / معكرونه / ثوم / لحم مفروم / بصل / زبده / طحين / جبن مبشور / طماط / لحم مفروم / بفلفل اسود / ملح / مكعب ماجي / بهارات حسب الذوق اذا تبون


الطريقه :

2- نخلط الزبده والحليب والطحين ونحركهم على النار بعدين نحطهم على صوب لين يبرد

http://kuwaitiah83.jeeran.com/باشميل%20(1)%20copy.jpg


2- نغلي ماي حار

http://kuwaitiah83.jeeran.com/سباغيتي%20003%20copy.jpg

3-نكسر الاسباغيتي

http://kuwaitiah83.jeeran.com/سباغيتي%20004%20copy.jpg


4- نحمس اللحم المفروم بدون زيت ولا شي نعتمد على الماي الموجود فيه لين ينشف شوي ونحط عليه البصل والثوم والفلفل ( لاحظوا الماي اللي بصالوره من اللحم نفسه )

http://kuwaitiah83.jeeran.com/باشميل%20co3py.jpg


5- نضيف الزبده عليه ونحركه لين تذوب

http://kuwaitiah83.jeeran.com/باشميل%20(8)%20copy.jpg


6- نحط عليها معجون الطماط ونحركه

http://kuwaitiah83.jeeran.com/سباغيتي%20009%20copy.jpg

http://kuwaitiah83.jeeran.com/سباغيتي%20010%20copy.jpg

نخليه على صوب

7- نحط الاسباغيتي بالماي المغلي مع شويه زيت وملح

http://kuwaitiah83.jeeran.com/سباغيتي%20011%20copy.jpg


8- عقب ما تستوي الاسباغيتي نشخلها بعدين نخلطها مع اللحم المفروم

http://kuwaitiah83.jeeran.com/سباغيتي%20012%20copy.jpg

نخليها على صوب

9- ناخذ خلطه ( الحليب والزبده والطحين ) عقب ما تبرد ونضيف عليها بيضتين وفلفل اسود ونخلطه

http://kuwaitiah83.jeeran.com/باشميل%20(4)%20copy.jpg


http://kuwaitiah83.jeeran.com/باشميل%20(7)%20copy.jpg


10- نحط شويه من الخلطه بالبايركس

http://kuwaitiah83.jeeran.com/باشميل%20(12)%20copy.jpg




11- نحط عليه الاسباغيتي ونرجع نصب باجي الخلطه فوقها

http://kuwaitiah83.jeeran.com/باشميل%20(14)%20copy.jpg


12- نرش الجبن فوقها


http://kuwaitiah83.jeeran.com/باشميل%20(18)%20copy.jpg



ندخلها الفرن وتطلع لنا بهالشكل( صايره حمره وايد بالصوره ليش مادري )

http://kuwaitiah83.jeeran.com/باشميل%20(20)%20copy.jpg



بالعااااااااااااااااااااااااااااافيه :)

Alazraq4ever
11-10-2006, 15:40
يعطيج العافيه ميونخاويه ..

اسـتـبـرق
13-10-2006, 15:35
الله يعافيك اخوي الازرق فور ايفر

اعذرونا على التاخير
في اطباق قادمه ان شاءالله :)

الحمادي
13-10-2006, 16:45
قواج الله ميونيخاويه وعساج على القوه :)

راحوا فيها ربع الازرق بالمخيم بنطبخ لهم انا وباتي شكلنا بنعفسهم يعني بنسوي معكرونه بالباشمل تطلع

لهم كيكة p:

فان باستن شد حيلك معانا p:

مشكوره ميونيخاويه

Carles Puyol
13-10-2006, 20:29
ميونخاويه...مشكووووووووووورة على تلبية طلبي بخصوص معكرونة بالمشمل ، تسلم ايدج ، عن قريب بطبخها :D واراويج صورتها النهائية :p

طلعت سهلة انا علبالي صعب تحضيرها :)

ثاني مرة مشكوورة :)

Shag7a
13-10-2006, 20:30
شكرا ميوووووووونخاويه و تسلم إيييدج :)

Carles Puyol
13-10-2006, 20:37
ليش خلطتي اللحم مع الاسباغيتي ، مو افضل تكون طبقات ؟

Shag7a
14-10-2006, 00:01
إيي والله صح جنه لما نسويها في بيتنا تكون طبقات ! .. توني ادري إن البشاميل سائل جذي جنه حليب ! عبالي مثل الكريمه !

اسـتـبـرق
14-10-2006, 13:19
الحمادي
الله يقويك

تدرجوا بالطباخ:p عشان تتقنونه عدل من السهل الى الاصعب:)

كارلوس بيول
الله يسلمك وبانتظار تطبيقك باقرب وقت ان شاءالله
بالنسبه لطبقات الباشميل الظاهر طريقتنا غير :) لان احنا نخلط اللحم مع الاسباغيتي بس اذا ما تبي مو مشكله:) حط الاسباغيتي واخلطها مع اشويه لحم عشان على الاقل تاخذ اللون الاحمر وباجي خلطه اللحم خلها فوقها وتصير طبقات :)
وبانتظار تطبيقك

شقحه الله يسلمج
خو الباشميل شنو ؟ اسباغيتي فوقها خلطه سائله :p انا نفس الشي حسبالي كريمه بالاول:D

بنت القدساوي
17-10-2006, 10:09
يعطيج الف عافية عافية ميونيخاوية على الموضوع ..

مـنـدنـي
17-10-2006, 11:24
الساعه الحين 11:30 الظهر وتو الناس على الفطور وانا قاعد اسعبل وانا اشوف الاكلات
اسكر الموضوع؟
:p
ميونيخاويه العيد قرب !!
نبي مجابيييييييييييييييس
وهالله هالله بالمحمر مع مرقه السمج ..
ويعطيج الف الف عافيه على الطبخات السنعه ..
والله يسامحج الف مره يوعتينا قبل الفطور ..
A.Mandani 16

اسـتـبـرق
17-10-2006, 13:52
بنت القدساوي الله يعافيج

كيمبا
لووووووول عقب الفطور شوف الموضوع ..يفرق وايد :D

عاد المحمر امس ماكلينه بس ما صورته لان مو مسويته ..والمجابيس بحاول اسويهم ان شاءالله :)

انتظروا الطبق الياي ان شاءالله :)

مـنـدنـي
17-10-2006, 14:01
كيمبا
لووووووول عقب الفطور شوف الموضوع ..يفرق وايد :D

عاد المحمر امس ماكلينه بس ما صورته لان مو مسويته ..والمجابيس بحاول اسويهم ان شاءالله :)

انتظروا الطبق الياي ان شاءالله :)
ما اقدر ما اشوفه كل وقت لان خوش طبخات
Kempa<<<يقص عليها عشان تطبخله
:p
اخيىىىىىىىىه يالمحمر فديته واهو من ايد يدتي ..
عاد تدرين ميونيخاويه
افضل الاكلات القديمه مثل ..
مرقه دال ( عدس )
مموش
عيش مشخول مع مرقه باميه
كيمبا << شايب
:o
A.Mandani 16

MoriAnteS
17-10-2006, 18:56
يم يم .. الحمد لله اني متفطر والا جان فطرت !
تره لعابي ساااال :p

THe ShaRk
17-10-2006, 21:35
بالعكس كيبا والله احلى الاكلات الي قلتها وخاصه المووش

اسـتـبـرق
18-10-2006, 01:08
عدنا مع

FIRE FINGER:D

المقادير
http://kuwaitiah83.jeeran.com/حروق%20001%20copy.jpg


زيت للقلي / بطاط/ بيديان ( باذنجان ) / معجون طماط / ثوم / زنجبيل / بصل / خبز ايراني / بهارات ( فلفل اسود _ كاري _ كزبره ) / لومي سحاري ( ليش يقولون سحاري مادري:D !!) / طماط

الطريقه :

1- نحمس البصل

http://kuwaitiah83.jeeran.com/حروق%20002%20copy.jpg


2-نضيف عليه الطماط ونحركه

http://kuwaitiah83.jeeran.com/حروق%20003%20copy.jpg

3- نضيف البهارات والثوم والزنجبيل

http://kuwaitiah83.jeeran.com/حروق%20004%20copy.jpg


4-نضيف معجون الطماط ونحركه

http://kuwaitiah83.jeeran.com/حروق%20006%20copy.jpg


نسكر الجدر ونخليه يغلي على نار هاديه

5- ناخذ اللومي ونسوي فيه فتحات بعدين نحطه بماي يغلي

http://kuwaitiah83.jeeran.com/حروق%20005%20copy.jpg

http://kuwaitiah83.jeeran.com/حروق%20007%20copy.jpg



6- نرجع لجدرنا ونغلي ماي بالغلايه ونضيفه ( مرتين )

http://kuwaitiah83.jeeran.com/حروق%20008%20copy.jpg



7- نضيف مكعبات البطاط والبصل الصغير الغير مقطع والبيديان اللي ( نسويه فيه فتحه على شكل حرف الاكس ) ونضيف اللومي لين يلين ويستوي


http://kuwaitiah83.jeeran.com/حروق%20009%20copy.jpg


8-عقب ما يستوي نشيل البطاط والبصل والبيديان على صوب لانه اذا طبخناه زياده راح يخترب


http://kuwaitiah83.jeeran.com/حروق%20011%20copy.jpg

8- نقطع الخبز الايراني ونضيفه بالجدر ونخليه يطبخ لين يلين

http://kuwaitiah83.jeeran.com/حروق%20010%20copy.jpg


عقب ما يلين الخبز ويستوي نرجع نضيف البصل والبطاط والبيديان عليه عشان يطبخ شويه بعدين نقدم محروق صبعه


http://kuwaitiah83.jeeran.com/حروق%20012%20copy.jpg

http://kuwaitiah83.jeeran.com/محروق13%20copy.jpg

بالعاااااااااااااااااااااااااااافيه :)

مـنـدنـي
18-10-2006, 14:17
تسلم ايدج ميونيخاويه على المحروق صبعه ..
يصير اكل الحين ؟
الساعه 2:20 الظهر :p ..
THe ShaRk ..
اي والله وانت صاج ياخوي المووش مع قلاص لبن نعناع معتبر بعد الغدى تحس ان احلى شي بالدنيا كلمه صغيره الي اهي ( فراشك ونام ) ..
:D ..
A.Mandani 16

jori_q8
18-10-2006, 15:13
امبيييييه توني استوعب قاعده اقول شنو اصابع النار ؟؟!!!و
مشكور كيمبا وضحتلي انه بيرند هيز فنجر
burned his finger

jori_q8
18-10-2006, 15:14
يعطيج العافيه ميونخاويه ...

مـنـدنـي
18-10-2006, 15:18
العفو ومعقوله ما عرفتي الاكله من شكلها ..!!!
خو معروف شكل محروق صبعه :confused: ..
A.Mandani 16

jori_q8
18-10-2006, 15:26
امبلى عرفت بس الاصور ماطلعت سيده طولت ومن ردك عرفت الطبخه ...

مـنـدنـي
18-10-2006, 15:30
اهاا اهاا اهاا آي سي آي سي ..
:p
تعرفين تطبخين جوري؟
A.Mandani 16

jori_q8
18-10-2006, 15:40
مالذ وطاب ...

مـنـدنـي
18-10-2006, 15:47
مالذ وطاب ...
ابي محمر
صارلي فتره محترق قلبي على المحمر ويدتي مريضه
ومحد يعرف يسويه عدل غيرها ..
اذا تضبطينه سويلي واذا ما تضبطينه بحطج مع فيلق البنات الي تبع التوست والجبن
:p
A.Mandani 16

اسـتـبـرق
18-10-2006, 16:38
الله يسلمك كيمبا
المموش اه عليه خصوصا لمه تسويه بايدك على شكل كبه وتصفهم بالصحن وتقعد تاكل وحده وحده:D ..ذكريات الطفوله:)

جوري
الله يعافيج ...
الفير فينجر ما يبيلها ترجمه :D

jori_q8
18-10-2006, 16:46
كيمبو ماكو شغل اطبخلك !!!!
انطر يدتك تتحسن او اطلب من اقرب مطعم ... تدري شلون موضروري تاكل قزرتها توست وجبن

ميونخاويه اعذريني مرات الواحد يقفل ... بس احب المحروق صبعه:)

مـنـدنـي
18-10-2006, 16:48
الله يسلمك كيمبا
المموش اه عليه خصوصا لمه تسويه بايدك على شكل كبه وتصفهم بالصحن وتقعد تاكل وحده وحده:D ..ذكريات الطفوله:)

جوري
الله يعافيج ...
الفير فينجر ما يبيلها ترجمه :D
اي والله صاجه يا ميونيخاويه
تحط العيش بالطاسه ونقلبها بالصحن يصير شكل حلو
سوالف قبل
مجربه تاكلين المموش مع الرقي؟
:p
وخلي جوري على صوب من قلتها طبخيلي محمر طلعت من الديوانيه
الظاهر توهقت
hehehehehe
:D
A.Mandani 16

مـنـدنـي
18-10-2006, 16:52
كيمبو ماكو شغل اطبخلك !!!!
انطر يدتك تتحسن او اطلب من اقرب مطعم ... تدري شلون موضروري تاكل قزرتها توست وجبن

ميونخاويه اعذريني مرات الواحد يقفل ... بس احب المحروق صبعه:)
تم اضافه جوري الى قسم السيدات من فئه ( توست وجبن وقلاص ماي كومباني) ..
:rolleyes:
ويدتي الله يشافيها بس مالنا نصيب نذوق طباخها مره ثانيه لان وايد وايد تعبانه
الله يعطيها طوله العمر
A.Mandani 16

jori_q8
18-10-2006, 16:58
هم ماني طابختلك ... ماصدقت على الله امي تقوم بالسلامه وتفكني من سالفت الطباخ ..
الله يشافيلك يدتك وموضروري تطبخ لكم المهم حسها

مـنـدنـي
18-10-2006, 17:12
هم ماني طابختلك ... ماصدقت على الله امي تقوم بالسلامه وتفكني من سالفت الطباخ ..
الله يشافيلك يدتك وموضروري تطبخ لكم المهم حسها
اوكي هم انا كنت خايف و انا اقولج طبخيلي
بعد مو وقته تسمم
:rolleyes:
وتسلمين على الدعوه حق يدتي الغاليه
والله يخليلج الوالده
وبوسيلي راسها وقوليلها تدعيلي
(امانه)
A.Mandani 16

Shag7a
18-10-2006, 19:11
تسلم أصابعج ميونخاوية على المحروق صبعه:) .. الله ذكرتيني بيمعتنا في بيت يدتي ووايد يسووونه حق يدتي على العشا لأنها تحبه .. بعد قلبي بالمستشفى الحين الله يشفيها و إنرد إنتيمع عندها في بيتها إن شاء الله ...

الله يشافي كل اليدات و الأمهات و كل مرضى المسلمين آمييين ياااااااااارب .

مـنـدنـي
18-10-2006, 19:19
اخيىىىىىىىىىىىىه الله يقومها بالسلامه ان شاءالله ..
ادعليها شقحوووو..
كلنا يداتنا تعبانين ..
انا واحد من الناس يدتي توها راده من لندن علاج بالخارج وبترد مره ثانيه تسافر ..
A.Mandani 16

U-Turn
19-10-2006, 07:11
روعـــــــــــــه الــمـــوضـــوع
وحـــيــل مفيد

خـصـوصـا للطلبه بالغربه << واحد منهم

طبخات حلوه ويبيلها نجربهااا

ان شاء عن قريب اسويهم واحطلكم الصور :D

يــعــطـيج العافيه
ميونخاويه
موضوعج 5 ستارز

مـنـدنـي
19-10-2006, 07:19
اضيف صوتي لصوت اخوي U-Turn 5 star`s
وهم خفي علينا شوي ولا تيوعينا قبل الفطور
:rolleyes:
A.Mandani 16

اسـتـبـرق
20-10-2006, 00:40
الله يسلمكم جميعا

يو تيرن الفايف ستارز هي مشاركتكم بالموضوع :)

شقحه تسلمين :)

لووول كيمبا :)

الله يشفي جميع مرضى المسلمين

الألماسة
20-10-2006, 16:58
...


..


.


مساءكم نوير ـ و عساكم بخير ؛


و على اخر رمضان قررت اني اسوي الاكلة و أصورها لكم ؛


بس الصراحه ؟


وقت التصوير و تنزله على الكمبيوتر اطول من الاكله نفسها ؛


:lol:


^
^
^


تفضلوا المقادير


1 - جبن قلاصات واحد و نص او اثنين على حسب كثافه الكريمة اللي تبونها << حلوة كثافه
2 - كريمة
3 - فطر
4 جبن مبشور
5 - ذرة


http://www3.0zz0.com/2006/10/20/13/53385487.jpg




ـــــ


http://www2.0zz0.com/2006/10/20/13/81722238.jpg





ثانيا : شرايح بطاطا مفيوحه و تحطونها اول شىء بالصحن


http://www3.0zz0.com/2006/10/20/14/49475801.jpg



ثالثا : نص ديايه مفيوحه و قطعوها قطع صغيرة حيل


http://www3.0zz0.com/2006/10/20/14/94501865.jpg


رابعا : خلطوا الكريمة مع الجبن


http://www3.0zz0.com/2006/10/20/14/72388881.jpg




http://www2.0zz0.com/2006/10/20/14/57603161.jpg



خامسا : تحمسون الدياي مع الفطر بس من غير زيت ـ يعني عادي بمايه الديايه


http://www3.0zz0.com/2006/10/20/14/70388978.jpg


سادسا : تحطون الحميسه اللي توه فوق البطاط


http://www2.0zz0.com/2006/10/20/14/42636641.jpg




http://www2.0zz0.com/2006/10/20/14/44892047.jpg



سابعا : تضيفون الذرة و الاضافه على حسب الرغبه


http://www2.0zz0.com/2006/10/20/14/48049590.jpg



ثامنا : تضيفون الكريمة الحين


http://www3.0zz0.com/2006/10/20/14/53338059.jpg



http://www3.0zz0.com/2006/10/20/14/19867513.jpg




تاسعا : تضيفون الحين الجبن المبشور


http://www3.0zz0.com/2006/10/20/14/67467191.jpg




...


..


.



http://www3.0zz0.com/2006/10/20/14/79759666.jpg



حــــــــــــتاره توها طالعه من الفرن



:clap:


بالهنى و الشفى

يالله بروح اتفطر

مـنـدنـي
20-10-2006, 18:32
تسلم ايدج على الطبخه

حــــــــــــتاره توها طالعه من الفرن
وصح السانج على البدليه
:p
A.Mandani 16

الألماسة
20-10-2006, 20:02
تسلم ايدج على الطبخه



وصح السانج على البدليه
:p

A.Mandani 16




والله شفتها بس انت لاحظ كم الساعه انا منزله الموضوع ؟

و الصورة زادت اليوع حده فـ طيرااااااااااااااان على هـ الاكله

:clap:

اسـتـبـرق
21-10-2006, 01:22
تسلم ايدج يا زليخه ومشكوره على الاضافه :) ولا يوقف لا يوقف لا يوقف لا يوقف:)

الان مع

المـــموش:cool:

المقادير

http://kuwaitiah83.jeeran.com/مموش%20001%20copy.jpg

ماش / عيش ( رز ) / بصل / طماطه / زيت / بهارات ( كركم - فلفل اسود ) اللي يبي يضيف بهارات ثانيه على راحته كل واحد وذوقه / شويه ملح
( الثوم الموجود بالصوره تحطونه لو كنتوا حاطين ربيان لكن هنيه ما نحتاجه )

1- نغسل العيش

http://kuwaitiah83.jeeran.com/مموش%20002%20copy.jpg


2- نغسل الماش

http://kuwaitiah83.jeeran.com/مموش%20003%20copy.jpg


3- نحمس البصل بالزيت وعقب ما يذبل نضيف عليه البهارات ( كركم وفلفل اسود ) ونحركه

http://kuwaitiah83.jeeran.com/مموش%20004%20copy.jpg

4-نقصص الطماطه ونضيفها ونحركه لين يذبل الطماط

http://kuwaitiah83.jeeran.com/مموش%20005%20copy.jpg


5- نضيف ماي على الحمسه ( دولكه وربع ) ( انا حطيت على قياس الغلايه ( وحده وربع ) ( طبعا الماي غير مسخن )

http://kuwaitiah83.jeeran.com/مموش%20006%20copy.jpg



6- نضيف الماش ونخليه لين يطبخ ( نسكر الجدر )

http://kuwaitiah83.jeeran.com/مموش%20007%20copy.jpg




7- عقبها نضيف العيش ونخليه لين يشرب الماي وعلى اخر شي نحط حديده تحت الجدر ونخليه يطبخ على نار هاديه

http://kuwaitiah83.jeeran.com/مموش%20008%20copy.jpg

8- ننجبه ونقدمه:)


http://kuwaitiah83.jeeran.com/مموش%20011%20copy.jpg



وهذي وحده بالفلاش :D

http://kuwaitiah83.jeeran.com/مموش%20010%20copy.jpg


طبعا تقدمونه مع دقوس صبار او دقوس عادي ويا حبذا لو كان فيه فلفل (شطه ) او معبوج
مع قلاص لبن :D

http://kuwaitiah83.jeeran.com/مموش%20009%20copy.jpg



بالعااااااااااااااااااااااااااااااااااااافيه:)

عبد العزيز الحمادي
21-10-2006, 01:30
ما احب المموش ... الا اذا طالعين بحر شي ثاني :)

تسلم ايدج .. وزلوخ تسلم ايدج بعد

اسـتـبـرق
21-10-2006, 02:24
مشكور فان باستن على المرور والله يسلمك
بس ممكن سؤال شيفرق المموش عنه بالبحر او باي مكان؟ هنيه مموش وهناك مموش:)

عبد العزيز الحمادي
21-10-2006, 02:30
الاتموسفير غير :) هيهيهي

مثل الافلام .. ليش نفس الفلم يعجب الواحد بالسينما وما يعجبه بالبيت :)

انا بالبيت اذا الوالدة سوت مموش .. ادري انها زعلانة علي .. وحتى العدس لوول

مـنـدنـي
21-10-2006, 05:20
http://kuwaitiah83.jeeran.com/مموش%20009%20copy.jpg
هوووووووو يا ماااااااااااااااااااااااااااااااااااااااااااال
ايييه هذي الاكلات السنعه تسلم ايدج
يا ( وخيتي ) مع المموش لازم وخيتي يعني احنا عيال قبل
ما يصير نقول اختي لان مالت هالايام
بس ناقص شي مهم جداً جداً
( حشو الربيان )
مادري اذا هالحشو بس عندنا يسوونه ولا عند الكل
بس جد جد جد
تسلم ايدج يا ميونيخاويه
وهالله هالله بأكلاتنا القديمه
***
اقدر اقول بسم الله واكل الحين؟
:rolleyes:
A.Mandani 16

اسـتـبـرق
21-10-2006, 05:35
فان باستن
شكرا على التوضيح

كيمبا :
الله يسلمك وانا وخيتك
صح كلامك بالنسبه للربيان لكن ما حطيناه مع العيش ( فيه بربيان وبدون ربيان بس اللي بالربيان جنه يسمونه مربين !!!!!!! مو مموش )

بالنسبه للحشو هم صح كلامك له حشوه معاه فيها بصل والخ بس ما سويتها واكتفيت بالصبار معاه :)
وسم بسم الرحمن وتفضل

مـنـدنـي
21-10-2006, 05:43
داااااااااااااااااام فضلج يا وخيتي ..
بس ترى نطرت المحمر بما فيه الكفايه ..
العيد قرب وما شفنا المحمر ويريت تكون معاه مرقه السمج السنعه ..
ديري بالج ترى نص المراقبين متان ورواعي دق بالخمس يعني ان ما راضيتي كروشهم بياكلون الموضوع أكال ..
:p
A.Mandani 16

الألماسة
21-10-2006, 14:11
شكرا ميونيخاويه و Van Basten

:wavetowel2:

Shag7a
21-10-2006, 14:30
زلييخه يه يه شغل عدل .. تسلم إيييدج :D
زلووووووووخ ماعليج أمر خشيلي جريده الوسييط إلي بآخر صوره :p :D خخخخخ
وعندي سؤاال .. الدياي نحطه بدون عظم صح ... بس برابع صوره جنه أكو عظم ! :confused:

ووووو في عندي ملاحظه على تصويركم إنتي و ميونخااويه .. وااايد تسووون زوووووووووم تدشووون بالصحن .. بعدوو شوي عن الصحن عشان تطلع الصوره أحسن يا عيوووني:)



ميونخاويه قوية هالمره عييييييييش ماشاء الله عليج .. شاطره ربة بييت ماشاء الله :)


http://kuwaitiah83.jeeran.com/مموش%20001%20copy.jpg




لييييييش مغطيه معجون الطمااط ؟!؟!؟!؟ يعني علابو مقاطعه ما نستخدم كي دي دي ؟؟ ;) :D

اسـتـبـرق
21-10-2006, 14:51
شقحه

اذا بعدت عن الصحن ما راح تبين المكونات عدل بتصير صغيره ( يتراوالي جذي:p )

بالنسبه لمعجون الطماط داش عرض بالصوره وهو مو من ضمن المكونات :D :D

كيمبا المحمر صعب الحين لان مسوينه قبل جم يوم :)


ويستاهلون اعضاؤنا

Barca4eveR
21-10-2006, 14:55
من الصعب اشوووف الموضوع وانا صايم حسبي الله ونعم الوكيل بس

اسـتـبـرق
21-10-2006, 15:17
برسا فور ايفر

من الصعب اشوووف الموضوع وانا صايم حسبي الله ونعم الوكيل بس

:confused: :confused: :confused: :confused: :confused: :confused: :confused:

jori_q8
21-10-2006, 16:08
يعطيكم العافيه بنات على هالطبخات :)
زلوخ توني الاحظ انج مسويه طبق الحمدلله والشكر مخي امبرمج عبالي ميونخاويه لا واقول ليش حاطه زلوخ!!!

الألماسة
21-10-2006, 17:01
زلييخه يه يه شغل عدل .. تسلم إيييدج :D
زلووووووووخ ماعليج أمر خشيلي جريده الوسييط إلي بآخر صوره :p :D خخخخخ
وعندي سؤاال .. الدياي نحطه بدون عظم صح ... بس برابع صوره جنه أكو عظم ! :confused:

ووووو في عندي ملاحظه على تصويركم إنتي و ميونخااويه .. وااايد تسووون زوووووووووم تدشووون بالصحن .. بعدوو شوي عن الصحن عشان تطلع الصوره أحسن يا عيوووني:)



...

..

.

اوكي ـ وين اشوفج و اعطيج الجريده ؟


*_^

الالاالالا الليزك عامل عمايلوه ما شاءالله اشوه افتكينا من الاحرف الناقصه ؛

:clap:

اي شقحوه الدياي من غير عظم و برابع صورة شفت العظمة بس كنت بصور بسرعه و عقب شلتها ؛

:lol:

و بالنسبة للتصوير حـاضر بصور من فوق السطح ؛

:wavetowel2:

الألماسة
21-10-2006, 17:04
يعطيكم العافيه بنات على هالطبخات :)
زلوخ توني الاحظ انج مسويه طبق الحمدلله والشكر مخي امبرمج عبالي ميونخاويه لا واقول ليش حاطه زلوخ!!!



طبعا طبقي ما ايي شىء عند اطباقكم و تراني ما دشيت المطبخ الا بتشجيع منكم :qadsia:

و حاطه زلوخ لاني بدلع تفسي ؛

تدرين يا ورد ان بالصج مافي احد يدلعني من رفيجاتي الا وحده ؟ و الباجي كلهم ما يدلعوني :(

و على فكره ـ كل وحده اسمها طوله متر و نص و ادلعهم و اسمي موسيقى و ما يدلعوني

:cry2:

jori_q8
21-10-2006, 18:44
صدقيني زليخه الحال من بعضو اعاني من نفس المشكله محد يدلعني واسمي كله دلع :(

اسمي شطوله موراضين يحذفون حرف منه ويدلعوني تخيلي سبع احرف :(
يحبهم للتعب :)

مـنـدنـي
21-10-2006, 18:48
صدقيني زليخه الحال من بعضو اعاني من نفس المشكله محد يدلعني واسمي كله دلع :(

اسمي شطوله موراضين يحذفون حرف منه ويدلعوني تخيلي سبع احرف :(
يحبهم للتعب :)
اسمج سبع حروف؟
اممممممممم
اي
عبدالله؟
:p :D :p
A.Mandani 16

الانجــليزي
21-10-2006, 18:48
الموش حلو بس بالشتا يصير أحلى

الألماسة
21-10-2006, 19:03
صدقيني زليخه الحال من بعضو اعاني من نفس المشكله محد يدلعني واسمي كله دلع :(

اسمي شطوله موراضين يحذفون حرف منه ويدلعوني تخيلي سبع احرف :(
يحبهم للتعب :)



عيل لازم نسوي لنا جمعيه و نسميها جمعيه دلعني و اكسب فيني اجر

*_*

jori_q8
21-10-2006, 19:17
لوووووووووووووووووووول كيمبا عبدالله مرة وحده :):):)

زوزو الله يسامحج مرة وحده يكسبون فينا اجر اشقالولج واقفين على باب مسيد اسمي صج طويل بس مدلع نفسه<<<< اواسي نفسي :)

اسـتـبـرق
21-10-2006, 20:51
الانجليزي
هو والمعدس تمام بالشتاء :)

كيمبا وزليخه وجوري
لو سمحتوا الموضوع متعوب عليه ما ابيه يخترب بالسوالف الجانبيه

الألماسة
21-10-2006, 20:51
لوووووووووووووووووووول كيمبا عبدالله مرة وحده :):):)

زوزو الله يسامحج مرة وحده يكسبون فينا اجر اشقالولج واقفين على باب مسيد اسمي صج طويل بس مدلع نفسه<<<< اواسي نفسي :)


انزين خلج من الاسم ؛


بسألج عن حلو ما اعرف اسمه ؛



في حلو من مكوناته الكورن فليكس و يسوونه على شكل دوائر تعرفين تسوينه ؟

THe ShaRk
21-10-2006, 23:44
تسلم ايدج يا ميوتخاويه والله انج ست بيت ونعم التربيه بس ما عليج امر قبل لعبه القادسيه واليرموك نبي موش متعوب عليه مع قلاص لبن بالنعناع حق كيمبا علشان يلعب عدل يومها:p :D

في حلو انا احبه مره سوته وحده من اهلي بس المشكله ما اعرف اسمه واهم ناسينه بس فيه بسكوت وفوقه طبقه مادري شنو بيضه وزينونه فوق بصلصه ككاو

jori_q8
22-10-2006, 00:11
اي تسوين حمام مائي تذوبين فيه كاكاو مارس بعدها تخلطينه بالكورن فليكس وتسوينه كور وايد بسيط

Barca4eveR
22-10-2006, 01:46
ميونخاويه اتغشمر ومشكورين عالجهد:)

مـنـدنـي
22-10-2006, 11:35
كيمبا وزليخه وجوري
لو سمحتوا الموضوع متعوب عليه ما ابيه يخترب بالسوالف الجانبيه
sorry
&
enshallah
A.Mandani 16

اسـتـبـرق
22-10-2006, 11:36
ذا شارك :
اهم شي نكثر الحشو واللبن بس مو بالنعناع لان اللي بالنعناع خفيف :D

بالنسبه للحلو يريت توضحه اكثر يمكن وحده من العضوات تصيده او جوري ممكن تعرفه

جوري
سوي لنا الحلو خل نشوفه :)

برسا مشكور :) :)

الألماسة
22-10-2006, 11:48
اي تسوين حمام مائي تذوبين فيه كاكاو مارس بعدها تخلطينه بالكورن فليكس وتسوينه كور وايد بسيط


جوري :

انزين شلون على المقادير ؟

كم كاوكاو و اشكثر كورن فليكس ؟

و ما يصير ثقيل جذي ؟ احسه ثقيل ؟

ميونيخاويه .. اعتقد صادته جوري

jori_q8
22-10-2006, 15:00
نصف علبه كورن فليكس الكبيرة طبعا (حبوب القمح)
6 كاكاو مارس
1 قالب زبده
يمكن اضافه عسل حسب الرغبه

التحضير:
تسيحين زبده بحمام مائي مع الكاكاو
تضيفين الكورن فليكس
تكورين كور صغار وتزينينهم اذا تبين بالمكسرات او جوز الهند

وبالعافيه:)
سوري ميونخاويه على الاحاديث الجانبيه ... وسوري مرة ثانيه عشان الطبق بدون صور :)

jori_q8
22-10-2006, 15:04
هذا حلو قهوة موعيش يدوب حبه حبتين تاكلين بس طعمه لذيذ ... ميونخاويه عندي ازمه بالتصوير ماعرفله وشلون انزلهم :(

Mr.SaLmawii
22-10-2006, 15:19
في كيكة مادري شسمونها .. تاخذون آرو 8 حبات تذوبونهم ( على قولة جوري ) حمام مائي !! :p


والآرو تخلطون وياه قيمر اللي كرتونه اصفر - جنه كرتون معجون طماط ! :p
وتخلطون وياه حليب كي دي دي مادري شلون ينكتب .. تحطون نص القوطي الحليب الكبير الأبيض ! :/

يصير حلو لونه بني فاتح ( ادعم ) فاتح :D

تييبون كيك على حسب اللي تحبونه تقصونه تقطعونه - اقطع وتصفونهم يم بعض .. وتحطون على الكيك حليب ككاو كرتونين وآخر شي تحطون فوقه الآرو اللي خلطتوه - تصير طبقة الآرو فوقه :p ..

تييبون فليك ( ككاو بو لحم :D ) تنتفونه وتحطونه فوق قطعة الآرو .. حطوه بالثلاجه ساعتين

طلعوه واكلوه :p

بس هذا اللي اعرف اسويه :D

jori_q8
22-10-2006, 15:30
قدييييييييييييييييييييييييييمه شخباري على كيكه الارو بس زين منك والله تعرفها....

Mr.SaLmawii
22-10-2006, 15:37
قدييييييييييييييييييييييييييمه شخباري على كيكه الارو بس زين منك والله تعرفها....

:D القديم حلو :o :p

اي يبا حركاااات :cool: بعد اعرف اسوي بيض - بشتى انواعه !! :p واسخن خبز ! :D

عبد العزيز الحمادي
22-10-2006, 15:57
ديري بالج ترى نص المراقبين متان ورواعي دق بالخمس يعني ان ما راضيتي كروشهم بياكلون الموضوع أكال ..
:p

A.Mandani 16



فضحتنا .. خو كلها جم كيلو .. مو متان عاد :)

اسـتـبـرق
22-10-2006, 18:30
جوري
حاولي تحطين الصور بليز :) شروط الموضوع تقول جذي

السلماوي :
مشكور اخوي على الكيكه بنجربها ان شاءالله بس اخوي نبي اطباق مصوره حسب شروط الموضوع :) :) :) ولا مانع من رؤيه تطبيقات البيض

انتظروا الطبق الياي ان شاءالله :)

الألماسة
22-10-2006, 20:01
هذا حلو قهوة موعيش يدوب حبه حبتين تاكلين بس طعمه لذيذ ... ميونخاويه عندي ازمه بالتصوير ماعرفله وشلون انزلهم :(



لووووووووووووووووول


عن الفشيله جوري ؛


يبه تبين الصج ؟


انا هالحلو ما اقاومة خصوصا اللي تسويه خادمة خالة رفيجتي << يا طول السالفه *_^

الألماسة
22-10-2006, 20:06
انتظروا الطبق الياي ان شاءالله :)



ما عليج امر نبي حلو


*_^

اسـتـبـرق
23-10-2006, 02:04
عدنا مع

حلو بس مادري شسمه خل نسميه حلو

فليك ساندويتش كيك :D

المقادير

http://kuwaitiah83.jeeran.com/حلو%20الفلك%20001%20copy.jpg


كيك / فليك / برد ساندويتش كي دي دي / قيمر كي دي دي / كريم كراميل / جبن كيري / دريم ويب/ حليب ككاو كي دي دي

الطريقه :

1- نصف الكيك بالبايركس

http://kuwaitiah83.jeeran.com/حلو%20الفلك%20002%20copy.jpg

2- نصب عليه عصير الككاو ( حليب )

http://kuwaitiah83.jeeran.com/حلو%20الفلك%20003%20copy.jpg


3- نصف برد الساندويتش عليه

http://kuwaitiah83.jeeran.com/حلو%20الفلك%20004%20copy.jpg


4- نحط الدريم ويب والقيمر وجبن الكيري وكريم الكراميل ( البودر فقط بدون الصلصه ) بالخلاط

http://kuwaitiah83.jeeran.com/حلو%20الفلك%20005%20copy.jpg


http://kuwaitiah83.jeeran.com/حلو%20الفلك%20006%20copy.jpg


5- نصب الخلطه فوق البرد


http://kuwaitiah83.jeeran.com/حلو%20الفلك%20007%20copy.jpg


6- نزينه بالفليك بعدين نحطه بالفريزر لين تتماسك شويه خصوصا البرد

http://kuwaitiah83.jeeran.com/حلو%20الفلك%20008%20copy.jpg


وبالعااااااااااااااااااااااااااااااااااااااااااااا اااافيه :) :)

jori_q8
23-10-2006, 02:24
يعطيج العافيه كنت ابي اجرب هالحلو دوامنا موزعين كتيب طبخات وفيه هالحلو بس كنت متردده الحين شكلي بسويه :)
ميرسوووووووو

الألماسة
23-10-2006, 02:56
مشكوووووووووووره حدها سهله بجربها و بحطها لج هني ان شاءالله

Claudio Mendez
23-10-2006, 04:17
6- نزينه بالفليك بعدين نحطه بالفريزر لين تتماسك شويه خصوصا البرد

http://diwania.alazraq.com/images/statusicon/wol_error.gifهذه الصورة تم تصغيرها تلقائيا . إضغط هنا لعرض الصورة بحجمها الطبيعي. أبعاد الصورة الأصلية 512x384 .http://kuwaitiah83.jeeran.com/حلو%20الفلك%20008%20copy.jpg

الوالده مظبطتنا بهالسوالف .. واحلى شي الفليك يم يم :p

ثانكيوو ميونخاويه

Shag7a
23-10-2006, 08:11
أوخ ساندويتش آيس كريم داخل الحلو !! أول مره أمسع فيها .. شكرا ميونخاوية و تسلم إييدج

Q8i
23-10-2006, 19:55
يعطيج العافية ميونخاوية استفدنا من طبخاتج برمضان :) خصوصا الصور وايد تساعد .. ويعطيكم العافية كل من حط لنا طبخة

عبد العزيز الحمادي
23-10-2006, 23:49
ولا سويتولنا شي للعيد :(

اسـتـبـرق
24-10-2006, 00:29
يعطيكم العافيه :)

زليخه ناطرين تطبيقج ومشكوره على المرور:)

جوري الله يعافيج :)

كلاوديو مندز
الساندويتش عجيييب بالكيك ولا لمه تسويه كيكه بروحه واو:)

شقحه الله يسلمج :)

كويتي
الله يعافيك تستاهلون ...بس ما شفنا طبقك اللي وعدتنا فيه عسى المانع خير ؟ :)

فان باستن
كل هالاطباق وما سوينا شي ؟؟؟خير الله وايد طب وتخير كلش كلش المربين الجاينيزي باول الموضوع :)

عبد العزيز الحمادي
24-10-2006, 00:36
لا مو جذي القصد .. ابي شي مسوينه بالعيد .. ومخصوص للعيد ...

فهمي عاد .. محمر يعني

اسـتـبـرق
24-10-2006, 00:54
فهمي عاد .. محمر يعني

الله يهداك فان باستن مو جذي يطلبون.. في طريقه افضل :) :)

الظاهر نسبه كبيره تحب المحمر
على فكره توني ادري ان المحمر شي مخصوص للعيد ..من كلامكم


حاضرين ...
باقرب فرصه ان شاءالله :) :) بحاول اسويه خلال هالاسبوع هذا ان شاءالله

عبد العزيز الحمادي
24-10-2006, 00:57
لا والله انا ما احبه كلش .. شنو عيش وسكر .. الحمدلله والشكر على النعمة .. بس لعيون كيمبا يحن وايد عليه . وقلت خاطري اشوف طريقته :)

اسـتـبـرق
24-10-2006, 01:20
ما عليه فان باستن نوضح لكم الطريقه بس بطريقه واسلوب افضل لو سمحت :)

مـنـدنـي
25-10-2006, 08:33
لا والله انا ما احبه كلش .. شنو عيش وسكر .. الحمدلله والشكر على النعمة .. بس لعيون كيمبا يحن وايد عليه . وقلت خاطري اشوف طريقته :)
تسلم عيونك اولا ..
وثانيا صارلي دهر اطلب المحمر وميونيخاويه مصممه تيوعني وما تسويه
:cool:
A.Mandani 16

Q8i
25-10-2006, 10:28
كويتي
الله يعافيك تستاهلون ...بس ما شفنا طبقك اللي وعدتنا فيه عسى المانع خير ؟ :)






تستاهلين الطيب :) .. الله يسلمج ألتزمت بقوانين موضوعج لأن اتعيييز أحط صور :) بس مايمنع إني خالفت "شوييية" القوانين وكتبت المقادير خالية بأحد الردود فوق :)

اسـتـبـرق
25-10-2006, 15:29
كيمبا تاكد لو صارت لي الفرصه اني اسويه ما راح اتاخر فيه ان شاءالله
كويتي
الاغلبيه مالهم خلق يصورون:oما عليه يكفي مشاركتكم بالموضوع ومروركم عليه :)

Corvette
25-10-2006, 17:32
محد تسمم فيكم ! :p :p

اسـتـبـرق
25-10-2006, 17:43
كورفيت

:mad2: :mad2: :mad2: :mad2: :mad:

كش برى وبعيد :)

Corvette
25-10-2006, 17:46
^
^
السموحه ماعيدهـا ;p :p :p

بس والله زين في ناس يعرفون يطبخون .. انا ما أعرف اسوي الا بيـض " أحمر " ولا بيـض " طماط "

أو بيض " عيون " :p :p :p .. اي ونسيت اعرف اسوي شي نسيت إسمه " توتست مع بيض " عرفتوه ؟

:)

اسـتـبـرق
25-10-2006, 18:00
شدعوه كورفيت الله ما كثر الطبابيخ والطباخات :)

يريت تطبق لنا البيض الاحمر ؟؟ اول مره اسمع عنه اللي اعرفه بيض وطماط لكن بيض احمر ؟؟ ( بالصور:) )

Corvette
25-10-2006, 18:02
لووووول .. مو زين إتدش على " اليده " الله يطول بعمرها وانا قاعد اسوي بيض وأصور !

لووول بيصير فلم :p

ع العموم البيض " الأحمر " ممتع ولذيذ .. بدال لا تحطين طمـاط .. تحطين " معجون طماط "

مع شويـة فلفل وملح :p جربيـه وإن شاء الله مايصير فيج شي لول

عبد العزيز الحمادي
25-10-2006, 18:04
كورفت هذا شغل المخيم اذا توهقت وماكو طماط .. تحط كتشاب ويصير احمر :)

Corvette
25-10-2006, 18:05
كتشاب بعينك :p طماط وكجب ! مرق يصير لوول

اسـتـبـرق
25-10-2006, 18:08
كورفيت شكرا

كنت اتمنى نشوف الوصفه بالصور :) ...مثل ما تقول شروط الموضوع :mad:

بنجربها ان شاءالله :)

Shag7a
25-10-2006, 18:45
بيض أحمر يمكن يعني لما تفتحين البيضة و تلقين داخلها دم و نص كتكوتتتتتتتتت :rolleyes: وييييييييييييييييييييييييييييييييييييييييييييييييع ععععععععععععععع الله يقطع إبليسي أستغفرالله :| .. إختي ليه يومكم ما تاكل بيض و السبة هالمنظر إلي شافته بالأحيااء :/


ميونخاوية .. بحط لج كيكتي الثانية إذا سويتها ..عااد هذي صج إتيييييييييييييينن .. أحبها

عبد العزيز الحمادي
25-10-2006, 18:47
كورفت .. يعني معجون طماط اللي مو مرق ؟؟؟

MoriAnteS
26-10-2006, 03:19
ارد واقول يم يم .. عاد الحين يصير امر يم الموضوع بأي وقت
خلص شهر الله .. عساكم من عواده

الحمادي
26-10-2006, 08:43
قواج الله ميونيخاويه وعساج على القوه تسلم ايدج :)

كورفتوو هذا بيض كبير بالمخيم p:

شقحه صج صج كرهت البيض p:

recoba__20
26-10-2006, 08:47
أبي آكل ريوق بس مادري شنو آكل .. تدرون شلون بآاكل بيض عيون

اسـتـبـرق
26-10-2006, 15:31
مشكورين على المرور وتسلمون
في اكلات يايه ان شاءالله :) :)

jori_q8
26-10-2006, 16:10
كورفت شخباري عالبيض والمعجون ابد ماحبه هذي شكشوكه تقلييييييييد مو اصلي .... ذكرتني ايام اول !!

شقحو اي كيكه لايكون هذيج مغيرها يحليلج صارت حصريه :)

Corvette
26-10-2006, 16:18
جوري .. بالعكس عجيب :p جربوه من إيدي وماراح تندمون :) :) :)

jori_q8
26-10-2006, 16:27
مشكور كورفت خالتي اول تسويه ومن صغرتي ماحبه .. لا وبعد من ايد ريال !!!!

مشكور عالعزومه :)

Corvette
26-10-2006, 16:30
كيفكم انتو الي " بتتسممون " مو انا :p لووول

dam3ah
01-11-2006, 22:51
sh3'al 3adel

wede at3alam el6baa7' , 7adee be9' wa 6ma6:o

bas nawiah at3alam 8areeba

thanks ميونيخاويه :)

اسـتـبـرق
03-11-2006, 15:12
رجعنا لكم بطبق بحري


ربيان بالخضار

المقاددير

http://kuwaitiah83.jeeran.com/ربيان%20001%20copy.jpg


http://kuwaitiah83.jeeran.com/ربيان%20004%20copy.jpg
ربيان / بصل / ثوم / ليمون / فلفل اخضر( فليلفه ) / ذره ( عرنوص) / كوسه / مشروم ( فطر )/ جزر / معجون طماط / بهارات ( كاري- كمون - فلفل اسود - كزبره - زنجبيل - ماجي - هيل ) / صلصه صويا


الطريقه :

@ عقب ما ننظف الربيان ( نشيل الراس بس ونخلي القشر ) ونغسله
@ نحط مكعب ماجي بقلاص ماي (ننقعه ) قبل فتره عشان يذوب

http://kuwaitiah83.jeeran.com/ربيان%20003%20copy.jpg


1- نفوح الربيان مع البهارات ( كاري- كمون - فلفل اسود - كزبره - زنجبيل - ماجي - هيل - ثوم- بصل ) لين يستوي ويشرب الماي تقريبا

http://kuwaitiah83.jeeran.com/ربيان%20002%20copy.jpg

2- نحمس البصل لين يذبل بعدين نحط عليه ثوم وزنجبيل

http://kuwaitiah83.jeeran.com/ربيان%20005%20copy.jpg


3- نضيف الخضار والمشروم والخضار كلها ونحركها بدون الذره ( اذا تبون تقدرون تصغرون حجم الكوسه مو شرط مثل اللي بالصوره )

http://kuwaitiah83.jeeran.com/ربيان%20006%20copy.jpg



4- نحط الذره بعدين لانها بسرعه تذبل وما تتحمل ونحركه

http://kuwaitiah83.jeeran.com/ربيان%20007%20copy.jpg




5- نضيف نص علبه معجون طماط وصلصله الصويا ونحركه

http://kuwaitiah83.jeeran.com/ربيان%20008%20copy.jpg

http://kuwaitiah83.jeeran.com/ربيان%20009%20copy.jpg



6- نضيف عليه الربيان وقلاص الماجي

http://kuwaitiah83.jeeran.com/ربيان%20010%20copy.jpg



نخليه على النار لمده نص ساعه الى ساعه الا ربع والجدر مسكر ( مغطى ) لين يستوي

ونقدمه

http://kuwaitiah83.jeeran.com/ربيان%20011%20copy.jpg



ويا زينه مع الخبز ويفضل الايراني وتكون شبه محمشه وحلاتها بالسمسم :cool: :cool: :o بس طبعا بدون قشور :) :) :)
http://www.bab.com/admin/articles/49_2001/images/nimg5885.jpg

وبالعاااااااااااااااااااافيه

مـنـدنـي
03-11-2006, 15:39
يسلموو الايادي ..
بس افضل الربيان بالبقصمات
:)
ميونيخاويه توني ماكل محمر مع صبور مشوي
ايبااااااااااااااااااه
:D
A.Mandani 16

عبد العزيز الحمادي
03-11-2006, 15:46
مشكورة طباختنا .. الربيان شكله يم يم .. حلو
ترى لازم يحطون تحت نكج شيفة الديوانية ... بس مو شيفة اللي خبرج :) لا قصدي مؤنث شيف

بس تكفين خلاص غيروا السماط اللي على الطاولة .. كل ما اشوفه اتذكر رمضان :)

Lotus
06-11-2006, 03:55
ميونيخاويه مشكووره على الطبخات

بس اذا ممكن احد يساعدني بطبخه
ودي اعرف شلون اسوي ( طاجن الارز بالطماطم)؟؟؟؟:( ودي اعرف شلون اسويها؟

Bo Msheal
07-11-2006, 19:57
يعطيج العافيه ميونخاويه ماشاء الله عليج مبين خبيره نصيحه بدلي المشروم المعلب بمشروم فريش يصير انطع والذ.. بكل الاكلات مو بس الربيان ..

اسـتـبـرق
07-11-2006, 20:12
مشكورين على المرور

كيمبا بالعافيه ويبيله صبور من زمان مو ماكلينه :)


فان باستن
الطبخ متعه صراحه وانا اعتبرها هوايه حلوه

المشكله ان هالسماط هو الاساس في اي طبخه عشان لا تتوصخ الطاوله :o

قدساويه
قصدج صينيه عيش بالطماط ؟

بو ميشيل
وين احصل الفطر الفريش؟

BLUE_12
10-11-2006, 09:48
عددددددل ما شاء الله عليج يالالمانيه والله انج موهوبه ماشاء الله عليج والله يوعتيني على هالاطباق والمشكله الصبح حزه الريوق يعني ما ينفع توست وجبن :cool: اشوه اني توني مكتشف لموضوع ولا لو شفته في المضان الله يعين لوول بس اكثر ما عجبني طبق الربيان ابصراحه وتسلم ايدج وماقصرتي

اسـتـبـرق
10-11-2006, 09:55
مشكور على المرور اخوي بلو 12 والله يسلمك :)

في اطباق يايه ان شاءالله بنعرضها لكم واعذرونا على التاخير

Pro
10-11-2006, 10:57
مشكورة ميونيخاوية .. توني ادري انج مازلتي مستمرة بعرض الطبخات ماشالله عليج :)

لا توقف .. و اظن اكثر ناس مستفيدين من هالموضوع بـيتكم :d

اسـتـبـرق
10-11-2006, 14:34
نقدم لكم اليوم وجبه خفيفه

بطـــاط
( مادري شسميه:o )

المقادير

http://kuwaitiah83.jeeran.com/بطاط%20(2)%20copy.jpg

كوب طحين / ملعقتين بكن باودر/ ملعقتين او اكثر حسب الذوق شطه ( فلفل غراش او بطول) / بطاط / ملح / كركم / فلفل اسود ( اذا تبون ) / كوب ماء



الطريقه :

1- نخلط المقادير كلها مع بعض

http://kuwaitiah83.jeeran.com/بطاط%20001%20copy.jpg



2- نحط الخلطه على البطاط (ونخلي الخلطه تغطي البطاط كله اكثر من اللي بالصوره ) عشان وقت القلي يكون عليه طبقه سميكه مثل الكرسبي ..نغطيه بقصدير و نخليه على صوب لمده نص ساعه واذا خليتوه اكثر يكون احسن


http://kuwaitiah83.jeeran.com/بطاط%20copy.jpg

3- نقليه

http://kuwaitiah83.jeeran.com/بطاط%20(1)%20copy.jpg

4- نقدمه

http://thumbs.bc.jncdn.com/377da5b620edde1e1d385ae07213a61c_lm.jpg

مو وايد بالصحن لان ماكول منه :p

وبالعاااااااااافيه

اسـتـبـرق
10-11-2006, 14:42
برو
مستمرين ان شاءالله كثر ما نقدر..ومشكور على المرور ومصدر التجارب بيتنا :o

الحمادي
10-11-2006, 14:56
قواج الله ميونيخاويه وعساج على القوه :)

شباب اللي بيجرب طبخات ميونيخاويه حياكم مخيم الازرق ناوين نطبخ هالطبخات انا وباتي p:

عبد العزيز الحمادي
10-11-2006, 15:01
^
^
زين قلت لي .. عشان احط ببالي كل مرة امر برجر كنغ وانا يايكم :)

Lotus
15-11-2006, 09:54
اختي ميونيخاويه الاكله الي طلبتها منج اهي للاسف مو اكله كويتيه مادري اذا تعرفين تسوينها
بس يمكن المقصود من كلمة طاجن يعني صينيه (صينيه عيش بالطماط)
:confused: جني سمعت ان الاكله تونسيه بس مادري

فأذا تعرفينها اتمنى تعلميني شلون اسويها خطوه خطوه

Amer
17-11-2006, 15:07
حسبي الله ونعم الوكيل

بالشيف

عزيز باستن
و

الشيف
احمد كورفيييت

اكلت ريوقهم دخت ونمت !!!!

الحمادي تغيُر شكله وصار اقرع !!

زيزو انقلب ويهه

كارلوس نقص طوله !!

صاحبه قام يطير !!

هذي بعض المصائب الي حصلت بعد وجبة الريوق اللي تناولناها بالمخيم


للعلم انا قطيت العكازه بعد الأكل وفريت الكويت ركض !! والحمادي يلحقني يقولي خلاص ياعامر !!

Dashti
17-11-2006, 15:20
حسبي الله ونعم الوكيل

بالشيف

عزيز باستن
و

الشيف
احمد كورفيييت

اكلت ريوقهم دخت ونمت !!!!

الحمادي تغيُر شكله وصار اقرع !!

زيزو انقلب ويهه

كارلوس نقص طوله !!

صاحبه قام يطير !!

هذي بعض المصائب الي حصلت بعد وجبة الريوق اللي تناولناها بالمخيم


للعلم انا قطيت العكازه بعد الأكل وفريت الكويت ركض !! والحمادي يلحقني يقولي خلاص ياعامر !!

بطني ليلحين يعورني :(:(:(

Amer
17-11-2006, 16:28
بطني ليلحين يعورني :(:(:(


من الفــول

ولا من البيض !!

احنا اكلنا ماعون يقولون انه بــيــض لكن الطعم مادري شنو اول مره اكله ؟!

عبد العزيز الحمادي
17-11-2006, 16:36
يالله عن العيارة .. مادري منو اللي نظف المواعين وما خلى فيها نص لقمة .. عيل تشككون في قدراتي انا والشيف احمد .. اصلا انتوا ما تدرون انه عقب ما رديت من المخيم دقوا علي الشيراتون عارضين علي 7 الفوووو شهريا عشان اشتغل شيف عندهم .. ركزوا على 7 الفووووو :)

المهم احنا وثقنا الريوق بالصور عشان يستفيدون رواد المخيمات من خبراتنا :)

بداية مع المقادير :
- طماط .. واذا مافي ممكن تعوضونه بمعجون طماط ( بيض احمر على قولة كورفيت )
- ملح
- بيض
- بادية وقفشة كبير حق الحوس وسكين



http://kuwaitiah83.jeeran.com/photos/1714859_l.jpg


اول شي نكسر البيض ونقطه بالبادية .. مثل ما هو موضح بالصورة .. طبعا كسرنا 5 بيضات قبلها عشان نصيد الصورة والبيضة نازلة :)


http://kuwaitiah83.jeeran.com/photos/1714854_l.jpg


بعدين نقص الطماط ونحطه بالبادية ايضا :)




http://kuwaitiah83.jeeran.com/photos/1714851_l.jpg


بعدين عاد انتوا وتأليفكم بحوسة البيض .. العادة اول شي تحط الطماط لما شوي يذوب .. وبعدين تقط عليه البيض حتى يستوي :)

http://kuwaitiah83.jeeran.com/photos/1714860_l.jpg



وسوينا معاه فول .. بس اعذرونا الوصفة سرية للغاية ..


http://kuwaitiah83.jeeran.com/photos/1714853_l.jpg



وهذي طريقة التقديم الذربة .. اذرب شي قدرنا نسويه انه قطعنا طماط وصفينا حوله ورشينا عليه فلفل اسود :)

http://kuwaitiah83.jeeran.com/photos/1714852_l.jpg


وبالهناء والشفاء .. وترقبوا الجديد من الشيف كورفيت والشيف فان باستن .. واوجه الشكر للشيف احمد لانه الصراحة طلع شيف من اشيف الشيفات بالعالم .. فنان وماكو عليه بالطباخ :)

اسـتـبـرق
17-11-2006, 19:16
قدساويه
للاسف ما اعرفها ان شاءالله يفيدونج الاعضاء

مشكورين على المرور عامر وزيزو :) جربوا الطباخ اذا هذا اللي صار فيكم

فان باستن
مشكور على الطبخه الحليوه طبقين بتطبيق واحد ..اخيرا شفنا تطبيق من الاعضاء :rolleyes: :)
بس اشلون جذي البيض بدون بهارات بدون شي؟؟ :confused: :confused: وخوش تزيين للطبق :)

يمكن عقب هالطبق من فان باستن الاعضاء يتشجعون ويحطون تطبيقاتهم :)

في اطباق يايه بحطها لكم ان شاءالله :) :)

Shag7a
17-11-2006, 23:57
فان باستن شغل عدل تسلم إييدكم إنت و كورفتو , بعد محد هين مسويين خوش ديكووووور :d ..
أكره شي عندي قص الطماط إذا كان لين شوي .. يبط الجبد يتفقص ما ينقص ..

الحمادي
18-11-2006, 02:54
انا ما راح اسولف وايد علشان لا يخترب موضوع ميونيخاويه بس بقول الله يسامحك يا فان باستن ويا كورفيت البيض جنه صمغ بالحلج مافيه ريحة البيض وزفر وماصخ ولا الفول يرقع عمره يمشي الحال لو مو اليوع ما اكلنا لو مخلين كبير يطبخ جان ابرك p:
والله العظيم قعدوا على بيض وفول تقريبا اكثر من نص ساعه ليش مسوين ذبيحه سبحان الله حتى البيبسي مع اكلتهم الموقره صار طعمه غير p: ماني قايل احمدو شصار فيك العصر يوم كنا قاعدين بره وانت تكلم المرزوق p:
عموما انا قاعد اكلمكم اللحين وانا شابك من المستشفى العسكري حايشني تسمسم p:
شقحه :الطماط في طعم اصابع كورفيت
سوري ميوننيخاويه قرقنا بموضوعج لكن الصراحه اكلهم يضيق الخلق p:

انتظروا اكلات ميونيخاويه بالبر p: تحت اشراف الحمادي +ناقد+باتي+فان باستن

عبد العزيز الحمادي
18-11-2006, 03:06
اصلا انت بطنك مو متعود على الاكلات الحلوة .. انت مال حمص وزهرة ويخب عليك :)

ميونيخاوية .. مثل ما قال الحمادي .. قررنا نطبق اطباقج بالمخيم .. تسمحين لنا اختي ؟؟

Firenze
18-11-2006, 03:57
http://www.swahl.com/up/m54/swahlcom_9c7c.jpg

تـحياتي الشيـنكو لووول :p

-

يقولون مطبـقين اكلات بالمخيـم .. يالله ضبـطو اكله من اليـوم ل الاسـبوع اليـاي .. عيـدوها اكثر من مره عشـان مايكون فيـها عيب .. لانه انا اذا مسـكت فيها عيـب بتصير فضيحتـكم بقلاقل لوول

بس ماهقـوتي الميـلاني باسـتن يطـلع منه شـي مو حـلو ;)

لا تـهتم بوسـعيد لـ كلام العربـاويه :p

عبد العزيز الحمادي
18-11-2006, 04:12
افا عليك بس .. راح تاكل اصابعك لانك بتموت من اليوع وما بتحصل غير اصابعك تاكلهم ابرك من طباخنا :)

وتعيب على الشينكو .. اصلا انت ما تدري انه الغبار اللي على الشينكو اهوه جزء من البهارات شعرفكم :)

بعدين لا تنسى القدساوي كرفتة :)

Firenze
18-11-2006, 04:24
هذا الحجي .. بهاراتكم غباركم ها .. الحمادي احجزلي سرير عندك بالعسكري :p
عاد كرفته ويهه ويه المبدع .. شلون تطلع بهاراته غباره لووول :/

عبد العزيز الحمادي
18-11-2006, 04:35
اذا ينشف المواعين بالشورت .. ما تبي بهاراته تكون غبار :)

Firenze
18-11-2006, 04:51
اوكي .. احلا دبل جيز برجر من ماكدو وانا يايكم والكوكيز والفريز بالسياره .. ومحد آكل عندكم :p
شورت ها لووول ماشي يابوشـهاب :/

Lotus
18-11-2006, 06:01
ميونيخاوية لا ولايهمج اختي مشكووره وماتقصرين على الطبخات

http://www.swahl.com/up/m54/swahlcom_b165.jpg

:p حركات


نصيحه لمحبين الفول المدمس :D :احلى شي لما تسون الفول وتخلصون تعصرون عليه ليمون راح يصير طعمه احلى

عبد العزيز الحمادي
18-11-2006, 06:07
قدساوية .. هذا بالضبط اللي سويناه .. ترسناه ليمون :)

اسـتـبـرق
18-11-2006, 13:05
اول شي شكرا على المرور جميعا

ثاني شي بليز لا تطلعون عن الموضوع وايد لان متعوب عليه :o

الحمادي وفان باستن ناطرين التطبيقات على احر من الجمر:wavetowel2:

نصيحه لفان باستن وكورفيت :

لمه تسوون البيض حطوا عليه البهارات التاليه :

هيل - فلفل اسود - شويه كمون - ملح .. ولا راح تشوفون ولا تشمون ريحه زفره ان شاءالله جربوا ..الريحه تمام والطعم الذ وبدل لا تقلونه بزيت عادي اقلوه بزيت زيتون يطلع غير غير :) :cool:

ادري تاخرت بانزال طبخاتي لكن قريبا ان شاءالله بنزلهم :)

Amer
18-11-2006, 14:01
http://www.swahl.com/up/m54/swahlcom_9c7c.jpg

تـحياتي الشيـنكو لووول :p

-

يقولون مطبـقين اكلات بالمخيـم .. يالله ضبـطو اكله من اليـوم ل الاسـبوع اليـاي .. عيـدوها اكثر من مره عشـان مايكون فيـها عيب .. لانه انا اذا مسـكت فيها عيـب بتصير فضيحتـكم بقلاقل لوول

بس ماهقـوتي الميـلاني باسـتن يطـلع منه شـي مو حـلو ;)

لا تـهتم بوسـعيد لـ كلام العربـاويه :p


ايييييييييي اللي ايده ما انمدت للأكل باستن وكرفته مو مثل اللي انمدت للأكلهم !!

هذا على وزن مثل عــريــق جداً لوول


مينخااويه لاتحطين لهم شي عشان مايجربون فينا والله شكل المخيم باجر مافيه الا باستن وكرفته

لأنهم يطبقون لكن بالمقلوب

Corvette
18-11-2006, 16:56
شرايج بشغلنـا " ميونيخاويه " :p

مالج شغل فيهم .. ترى لما حطينا " البوفيـه " الكل " أكل " والصحن " فضى ! " ! :)

الحمـادي .. وعشى أمس مو حلو بعد !؟ لووول انا ودندرن

Shag7a
18-11-2006, 17:24
لمه تسوون البيض حطوا عليه البهارات التاليه :

هيل - فلفل اسود - شويه كمون - ملح .. ولا راح تشوفون ولا تشمون ريحه زفره ان شاءالله :)


هيل مع البيض ؟!؟! :confused: .. موديل يديد توني أدري :o

Bo Msheal
18-11-2006, 20:06
ميونخاويه .. بالجمعيه تلقين المشروم الفريش صوب الخضره .. بعلبه زرقه .

عبد العزيز الحمادي
18-11-2006, 20:08
تصدقين شقحة .. انا شفتها وطوفتها .. بيني وبين نفسي اقول هيل مع البيض ؟ ما يصير .. بس قلت مو شي احط راسي براس ميونيخاوية واطلع غلط .. اشوة انج اثرتي الموضوع :)

شلون هيل ؟؟


كورفيت الحين انا وياك سوينا البيض مو حلو .. انته ودندرن حلو .. يعني ما بقى الا تقول العيب مني ها :)

دندرن
18-11-2006, 20:52
كورفيت الحين انا وياك سوينا البيض مو حلو .. انته ودندرن حلو .. يعني ما بقى الا تقول العيب مني ها

بن باستن تدري انا اذا حطيت ايدي بالاكل يطلع حلو :p

بس الحمدالله امس طباخي طلع شغل عدل :D حتى سألوا الحمادي ^_^

دندرن
18-11-2006, 20:54
هيل - فلفل اسود - شويه كمون - ملح .. ولا راح تشوفون ولا تشمون ريحه زفره ان شاءالله جربوا ..الريحه تمام والطعم الذ وبدل لا تقلونه بزيت عادي اقلوه بزيت زيتون يطلع غير غير

ممممممممممممممممممممممم وانا اشوف الحمادي أمس لما سويت البيض ترس البيض كله فلفل اسود :cool:

عبد العزيز الحمادي
18-11-2006, 21:03
مرة ثانية ما نبي بيض وهالشغلات السهلة ..ز تبون .. ورونا شغلكم بالعيوش والطباخ الصجي :) ونجرب ايدك الحلوة

اسـتـبـرق
18-11-2006, 22:59
كورفيت الشغل تمام ما قصرتوا ويعطيكم العافيه وعقبال الطبخات الكبيره :) :)

شقحه :
يس نحط هيل وفلفل اسود وملح بالنسبه للكمون ترى مو ضروري وماله داعي لكني اذا سويت البيض ارش رشه خفيييييييييييييفه منه لكنه مو ضروري

اهم شي الهيل والفلفل الاسود والملح واللي بيضيف شي زياده على راحته

بو ميشيل
ان شاءالله بنجربه:) مشكور اخوي

فان باستن :
يصير.... رشه عليه وانت تطبخه ويطلع تمام ان شاءالله اذا رشيته بمقدار معين ومضبوط يطلع البيض تمام ان شاءالله انت ما راح تحس بطعمه لكن بنفس الوقت بتروح الزفره الموجوده بالبيض ..بس لا تزيد الجيله عشان لا يخترب
رش رشه عاديه عليه ويطلع تمام ان شاءالله

اسـتـبـرق
21-11-2006, 17:37
خليه النحل

المقادير:

http://kuwaitiah83.jeeran.com/خليه%20النحل%20001%20copy.jpg
4 اكواب طحين / 3 بيضات /نص كوب زيت / ربع كوب ماء / 3 ملاعق حليب بودر / ملعقه صغيره ملح /ملعقه خميره / ملعقتين سكر /
وللحشو= ( جبن - نقانق - دياي الخ ..اللي تبونه )

الطريقه :

1- نخلط الخميره وربع قلاص ماي والشكر مع بعض ونخليهم على صوب 10 دقايق

http://kuwaitiah83.jeeran.com/خليه%20النحل%20002%20copy.jpg
http://kuwaitiah83.jeeran.com/خليه%20النحل%20003%20copy.jpg



2-نخلط الطحين وحليب البودر والملح

http://kuwaitiah83.jeeran.com/خليه%20النحل%20004%20copy.jpg

3-نحط بيضتين عليهم وربع كوب زيت ونخلطه

http://kuwaitiah83.jeeran.com/خليه%20النحل%20005%20copy.jpg

http://kuwaitiah83.jeeran.com/خليه%20النحل%20006%20copy.jpg

4- نحط خلطه الخميره عليها مع ثلاث ارباع كوب ماي دافي ونخلطه وعقب ما نخلطه نخليه على صوب لمده 10 دقايق
http://kuwaitiah83.jeeran.com/خليه%20النحل%20007%20copy.jpg

http://kuwaitiah83.jeeran.com/خليه%20النحل%20010%20copy.jpg


5- ناخذ قطعه ونكورها بعدين نحشيها بالجبن ونكورها مره ثانيه

http://kuwaitiah83.jeeran.com/خليه%20النحل%20008%20copy.jpg

http://kuwaitiah83.jeeran.com/خليه%20النحل%20011%20copy.jpg



6- ندهن البايركس بالزيت من كل الجوانب

http://kuwaitiah83.jeeran.com/خليه%20النحل%20009%20copy.jpg


7- نصف الكور بالبايركس ويم بعض

http://kuwaitiah83.jeeran.com/خليه%20النحل%20014%20copy.jpg

8- نخفق بيضه وندهن فيها الخليه من فوق بالفرشه ( نفس فرشه الصباغ ) ونخليه بمكان دافي لمده نص ساعه

http://kuwaitiah83.jeeran.com/خليه%20النحل%20015%20copy.jpg


9- ندخلها الفرن لين تتحمر شويه وتستوي ( انا خليتها وايد عشان جذي صايره اغمج شوي )

http://kuwaitiah83.jeeran.com/خليه%20النحل%20016%20copy.jpg



بالعاااااااااااااااااافيه :) :)

Shag7a
21-11-2006, 23:23
تسلم إيييدج ميونخاويه .. إحنا في بيتنا بعد يحطون فوقها سمسم أو زعتر ..
بس مو جنج حرقتيييه شوي :o

مـنـدنـي
21-11-2006, 23:35
تسلم ايدج وافضلها بالجبن والعسل ..
:)
وشقحو في احد قالج ذوقي الي تقولين محروق..
بلاغه شف وااااي
:p
A.Mandani 16

اسـتـبـرق
22-11-2006, 13:12
شقحه :
عن الاحراج :o .شويه بس تنوكل ومو مبين الطعم مجرد لون غامج :) والسمسم للاسف ما توفر عندي

كيمبا مشكور على المرور وفعلا احلى شي الجبن والعسل :)
وتصير احلى واحلى اذا رشيناها بشيره من فوق :cool:

Shag7a
22-11-2006, 23:19
كيمبو إشتني ما كلمتك إنت إلي بلاغة شف :p .. من غير ما أذوق مبين من اللون .. بس هم مبين إنها إذا شالت الطبقة المحمشه إلي فوق رااح يطلع الباجي إلي تحته زين مو محترق :o

ميونخاوية إييه أتوقع جذي بس لون :)

الحمادي
24-11-2006, 08:18
قواج الله ميونيخاويه ويعطيج الف عافيه :)

عجيبه خلية النحل واطيح فيها برمضان :)

اسـتـبـرق
24-11-2006, 09:43
الله يقويك الحمادي ومشكور على المرور

وفي اطباق يايه ان شاءالله :)

Fc BaRcElOnA
24-11-2006, 13:12
مو هينه الا هالطبق ميونخاويه ..
بس يا خوفي شغل خدامه ! .. :)

اسـتـبـرق
24-11-2006, 14:27
مو هينه الا هالطبق ميونخاويه ..
بس يا خوفي شغل خدامه ! ..

برشلونه
الجمله الاولى ما فهمتها عدل:o
الجمله الثانيه ..الله يسامحك برشلونه:) تابع شروط الموضوع :) :)

مـنـدنـي
24-11-2006, 14:35
وما زلت اطالب بالمحمر يا ميونيخاوية ..
:p
A.Mandani 16

اسـتـبـرق
24-11-2006, 14:40
كيمبا
المحمر بينحط ان شاءالله بس خل يظبط معانا ونتقنه :)

MaMa 3oDa
24-11-2006, 19:10
وناسه ! ودي أكتب معاكم بس للأسف مو فاضيه أبدا :) !

الريانه
26-11-2006, 20:27
قـواج الله ميونخاويـه الاكلات رووعه ..

&&

فان باستن وكورفت

وييييييع الله يلوع جبودكم عيل بهارتكم غبار ؟ وتمسحون الصحن بـ شورت .:d

اانا ما اقول الا الله يعيـنكم يا شباب على اكـلهم

اسـتـبـرق
27-11-2006, 21:36
مشكورين على المرور:)

نرجع لطبخاتنا

كيـكـــه
هي بسيطه وطعمها واااااايد حلو :)

المقادير
http://kuwaitiah83.jeeran.com/الكيك%20(1)%20copy.jpg

علبه الكيك بالخليط الابيض / 3 بيضات / 6 قطع جبن كيري / ملعقتين جبن كرافت / علبه كريمه حمرا /زيت /طحين

الطريقه :

1- نخلط البيض والجبن الكيري والكرافت والكريمه الحمرا مع بعض بالخلاط

http://kuwaitiah83.jeeran.com/الكيك%20(5)%20copy.jpg
http://kuwaitiah83.jeeran.com/الكيك%20(4)%20copy.jpg


2- نضيف عليه بودره الكيكه بس نحطه تدريجيا يعني نحط شويه ونخلط لين يخلص الجيس
http://kuwaitiah83.jeeran.com/الكيك%20(6)%20copy.jpg
http://kuwaitiah83.jeeran.com/الكيك%20(7)%20copy.jpg


3- نييب الصينيه او البايركس اللي بنحط فيها الخلطه وندهنها بالزيت من كل الجهات ونرش شويه طحين على ارضيه الطبق
http://kuwaitiah83.jeeran.com/الكيك%20(8)%20copy.jpg
http://kuwaitiah83.jeeran.com/الكيك%20copy.jpg

4- نصب الخليط

http://kuwaitiah83.jeeran.com/الكيك%20(2)%20copy.jpg


5- ندخلها بالفرن اللي اساسا كنا مشغلينه من قبل ..نخليها لمده 30 او 40 دقيقه حسب الحراراه اللي تحطونها بالفرن ( انا شغلته على 180 درجه اول شي من تحت بعدين فوق )

http://kuwaitiah83.jeeran.com/الكيك9%20copy.jpg


بالعااااااااااااافيه

اسـتـبـرق
05-12-2006, 01:13
اعذرونا على التاخير
في طبخات ان شاءالله بنزلها ..باقرب فرصه :)