اكل ما تحبه ما تاكله = نقص غذاء :/ .. [الأرشيف] - ديوانيــة الأزرق دوت كــوم

Pro

24-09-2006, 02:39

كلنا عندنا نوعية من الاكل مانحبها او ما ناكلها .. مافي واحد ياكل كل شي :p .. اكيد عنده نوع من الاكل عالاقل مقلل منه :o ..

طبعا شي اكيد راح يفقد شوي من التغذية الي يمده هالنوع من الغذاء للجسم ..

طبعا انواع الغذاء ستة : فيتامينات - بروتينات - كاربوهيدرات - دهون - معادن - و ماي/ء ..

خل ابدي عن نفسي ..

ما اكل و ماحب بمعنى اصح اي شي من البحر للاسف :/ ..

يعني ما آكل كلش : سمج - ربيان - قبقب - ام الربيان - خثاق - محار - قواقع - حوت .. و الخ

و هم ما آكل البيض إلا نادرا :/ ..

طبعا بلاوي تنقصني بسبة هالعادة ... و انا ما اكل سمج من ولادتي للاسف :( .. اما البيض مادري من متى سحبت عليه ..

من الامراض الي ملازمتني بسبة عدم اكل السمج عالاقل .. " العشى الليلي " night blindness :/ ما اطالع بالليل كلش ملش .. يعني مرات ضوء خفيف موجود و هم ما اطالع ..

طبعا احد اهم اسبابه هو نقص في فيتامين A .. و هم مؤخرا اكتشف ان نقص في فيتامين D و اليود يسبب مرض العشى الليلي ..

طبعا السمج احد مصادر هالفيتامينات .. و اكيد له مصادر ثانية كاللحوم " الكبد خاصة " و السبانخ و الجزر و غيرها .. و هم هذيل ما اكلهم بكثرة .. فالنقص موجود موجود دام إن التوليفة الغذائية انقصت ..

يعني الفيتامينات وجدت بأكثر من غذاء عشان تاخذها من اكثر من مصدر .. و صعب بحياتك العادية تركز على نوع معين من الغذاء عشان اعوض النقص .. يعني صعب اقزرها جبده و سبانخ و جزر لاني ما اكل سمج :/ ..

للاسف حتى لو خذيت حبوب فيتامينات ما تعطيك مثل ما تعطيك مصادرها الطبيعية .. بس هم تفيد ..

جربت حبوب fish oil .. دهن سمج .. بس هذي صارت معاي سالفة و هديتها .. للاسف ضروري لازم تاكلهم مع الاكل .. لو تأخرت و كليتهم عقب الاكل بدقيقة .. قيصرية ما تحل مشكلتك بالحمام :/ ..!

ما علينا :p ..!

الحين السؤال شنو الاكل الي ما تاكلونه ؟! او ما تحبونه ؟! سواء لـ " ويييع " او " ريحته خايسة " او " يلوع الجبد " او " بس جذي " او " الخ .. "

و هل فكرتوا بالبديل الي يعوضكم خسارتكم للتغذية الي يمنحها هالاكل الي سحبتوا عليه ؟!

DVD

24-09-2006, 02:42

تــصدق اني احب كل انواع الاكل وما اكره شي!

Pro

24-09-2006, 02:44

^^
انت اصفط عاليمين شوي .. دام " عكرة الضب " تمزمز فيها :/ لووول ..

خعاخع

24-09-2006, 02:56

Pro
فيه مثل يقول" نفسٍ تعاف ما تسمن"
والحمد لله اكل كل شي قارشه هههههههههههههههههههه
وفيني ميزه مو حلوه اذا حبيت اكله معينه انام فيها نوم اسبوع شهر لما امل منها. بس ارجع لها ثاني.

كنت اكره الباذنجان<-- لغة عربيه .. بس حبيته
كنت اكره الملفوف .. بس حبيته
كنت اكره الربيان..بس حبيته
كنت اكره المعكرونه..بس حبيتها

لي اليوم اكره ريحه البيض بس اكله:)

ومدامك تبي شي ما اكله واخوني طايحين فيه " البلاليط" الله يديم النعمه
الملوخيه .. اخيه منها.. الله يدم النعمه

وفوق هذا فيني فقر دم

Nutty VaMpIrE

24-09-2006, 03:04

الحمدالله ريال مو نفسك سمش(سمج) ويي لااا :p

كل شي احبه :)

اللهم اكل ملح او دهن زايد .. ماكله الصحة مهمة

وبلا دلع ملا علي المفروض تاكل سمج يلابط بعد ..
نبي نشوف جناقلك :p

DVD

24-09-2006, 03:07

عليــوي انت على وشك زواج .. لازم تـحب الربيان:p

نفس الحاله خعاخع انا احب كل شي ومع هذا فيني نقــص حديد ! يبوني اكل حديد بعد

Pro

24-09-2006, 03:10

اي زوجوني و اشربلكم عصير ربيان مو مشكلة لووول ..

DVD

24-09-2006, 03:13

عليـوي حدك مــزنوء:p

طيــب ممكن استفسار اللي ماياكل لحوم حمـراء شنو يصير فيه؟

Nutty VaMpIrE

24-09-2006, 03:15

نقص بروتين .. مافيك قوة بعدين
افا ياولد الجهرا :p

ترى المسامير pure iron :p

AZzuRri_Q8i

24-09-2006, 03:19

اكـل كل شـي تقـريبا الا الخضـرة مو ذاك الزود ويـاهـا .. لو يحـصلي فـويز مشـوي اكـلته :p

ابي ريجـيم سـنع .. لو انـزل 10 كـيلو اصـير حـدي fit

DVD

24-09-2006, 03:23

نقص بروتين .. مافيك قوة بعدين
افا ياولد الجهرا :p

ترى المسامير pure iron :p

انا اكل عكرة الضــب ماتبـيني اكل لحم خروف!! عيــب:P

عبيــد انا لو يحصلي اكلك جان كليتك ! لحمك طري يم يم:P :P

Pro

24-09-2006, 03:26

اللحوم الحمراء برايي الشخصي سهل التعويض عنها باللحوم البيضاء او اي مصدر اخر للبروتينات ...

كثرتها مضرة لـ زيادة نسبة الكولسترول - املاح " النقرص " و غيرها ..

بالضبط لازم ابحث عشان اييب شنهي المكونات الي ما تقدر تحصل عليها الا من اللحوم الحمرا .. يمكن احد يفيدنا ..

بس بشكل عام .. الابتعاد عنها قطعيا .. شي اكيد راح يسبب نقص بالتغذية

Pro

24-09-2006, 03:27

ازوري - دفيدي .. واحد منكم يغير صورته ترا قمنا نتلخبط :p ..

و عبودي شفيه سايت اتحادكم السكة ... متى ينزل الحلقات :p :D ؟!

Nutty VaMpIrE

24-09-2006, 03:29

peanut butter

مصدر رائع حق البروتين .. دايما ريوقي مع عسل وتوست

Nutty VaMpIrE

24-09-2006, 03:31

لوووول حتى انا تخربطت

اقول ديفيدي يقول ابي رجيم !

استغربت شوي .. توني اجيك ولا ازوري :p

AZzuRri_Q8i

24-09-2006, 03:35

ازوري - دفيدي .. واحد منكم يغير صورته ترا قمنا نتلخبط :p ..

و عبودي شفيه سايت اتحادكم السكة ... متى ينزل الحلقات :p :D ؟!

خـلاص غـيرنا ..

هم بـوق و هم تتشـرط بعـد :p .. مـادري عـنهم الله يخـلي السـتليت ;)

peanut butter .. رمـز من رمـوز امـريكا مـا يقـدرون يسـتغنون عـنه .. بس هم مـاحـبه

overnet

24-09-2006, 03:37

الحمدالله اكل كل شي ما عدا البيض مشكلتي وياه مشكلة :p

و انا بعد وياكم ضعت بين دي في دي و اتزوري :p

DVD

24-09-2006, 03:38

لو سمحتوا دكاترة المستـقـبل .. انا نـاوي اقط من وزني 5 كيــلو شسوي؟ ...

AZzuRri_Q8i

24-09-2006, 03:39

لو سمحتوا دكاترة المستـقـبل .. انا نـاوي اقط من وزني 5 كيــلو شسوي؟ ...

انا ابـي 10 .. يعـني دبل ريجيمـه .. و لحـد يقـولي اركـض :o

overnet

24-09-2006, 03:40

فويز سهلة 5 كيلوات :p دش نادي امش كل يوم ساعتين و اكل مشويات :p

Nutty VaMpIrE

24-09-2006, 03:41

ياهو في ..........................
لاتخافون اهو مو منكم :)
ديفيدي الرياضة .. مالك الا ايهي

AZzuRri_Q8i

24-09-2006, 03:45

^^
دام قـلت مـا يدري where the hell he is عـيل عرفـته .. :p

مـا يصـير كـله مشـويات .. الواحـد يزهـق :o

DVD

24-09-2006, 03:46

فويز سهلة 5 كيلوات :p دش نادي امش كل يوم ساعتين و اكل مشويات :p

مشــويـات@@ صج عاد؟

overnet

24-09-2006, 03:48

AZzuRri_Q8i (http://diwania.alazraq.com/member.php?u=6893)

عاد تصدق عندي واحد من الشباب كان وزنه 105 بشهر و نص وصل وزنه 75 كل يوم نادي يمشي ساعتين و غدى و عشى مشويات و ريوق ديج رومي :p

overnet

24-09-2006, 03:49

DVD (http://diwania.alazraq.com/member.php?u=6103)

ايه فويز مشويات مثل الستيك و هالسوالف حق الرجيم اوكي بس طبعا مع شوية رياضة :p

AZzuRri_Q8i

24-09-2006, 03:50

جسمـه مـا ترهـل ؟؟

مـاكو الا احـلى ريجـيم .. اسـكر حلجـي عن الاكـل

DVD

24-09-2006, 03:53

جسمـه مـا ترهـل ؟؟

مـاكو الا احـلى ريجـيم .. اسـكر حلجـي عن الاكـل

اهــو حلو بس وين اللي يصــبر! ..

مشــيـعل جم تتوقع وزني ؟

overnet

24-09-2006, 03:53

AZzuRri_Q8i (http://diwania.alazraq.com/member.php?u=6893)

لا والله جسمه حده اوكي الحين لأن ضبطه بسوالف الحديد مو زين تشوف شكله قبل و الحين تحس صج فرق

overnet

24-09-2006, 03:53

DVD (http://diwania.alazraq.com/member.php?u=6103)

همم 80 ؟ :p

DVD

24-09-2006, 03:58

الله يسـمع منك انا بعد شوي بروح اشوف جم واقولك

باي :p

overnet

24-09-2006, 04:00

لوول تبي تنزله و مو عارف جم مو حجي هذا بالفوز :p

باي :o

Pro

24-09-2006, 04:00

^^

خربتوا موضوعي :mad: ...

AZzuRri_Q8i

24-09-2006, 04:02

لووول برو ..

انزين اذا مـا اكـل خضـرة .. في شـي يعوضـها ؟

overnet

24-09-2006, 04:03

اسفين حجي بوحسين :o

خلاص كنتنيو بالموضوع :p

Nutty VaMpIrE

24-09-2006, 04:09

كل شي طبيعي حلو ..
دفدف جم وزنك :p

عبيد هندسة

24-09-2006, 05:44

هممممممممممم ...
الخـضرا مـاادانيهـا ... البـحريات بأنـواعها ماعدا الزبيدي والتونا ... والـفقــع اكـرهه :)

عبد العزيز الحمادي

24-09-2006, 06:01

ما آكل كيوي ما ادري ليش .. لاهو يلوع جبدي ولا ريحته خايسة ولا مضر لي .. بس مادري ليش ما اتخذت قرار اني آكله للحين .. ترى صج ما اعرف شلون طعمه :)
وهم الحبول ( بيض السمج ) ما آكله .. وهم لا تسألوني ليش
وللحين ما جربت طعم الريد بول والبربيكان :) والبيرة بأنواعها .. ويوم كنت صغير شفت تيم ( السفن مال البيبسي ) وداخله شي أبيض .. تعقدت منه وكنسلته من حياتي :) لما قطعوه من السوق

الحمدلله الشغلات اللي ما آكلها مو ضرورية وما تسبب مشاكل صحية

بس صج شنو طعم الكيوي .. يشبه شنو ؟؟

الريانه

24-09-2006, 17:20

لوول عجيـبين ..

برو في احد ما يحـب السمك :eek:

فان باستن بالعكس حـلو طعم الكيوي للووول حلوه هاذي يشبه شنو :D ما يشبه شيء لكـن طعمه سكر حلو جربـه ماراح تندم على ضمانتي :o :)

&&

انـا ماحـب اكـل اللحوم الحمراء لحم الخروف بذات ليـش مادري :o وتقريبا صارلي حوالي 6 سنيـن وفوق ما ذقت طعمه .. في ضرر علي ؟ :o

وماحب اكـل العدس " مرقة العدس , شـوربـه عدس " طعمها ومنظرها يذكرني بشيء موحلو .:o

يـعني هذول الاكلتين اللي ما اكلهم هل يمكن بالمستقبل تسبب لي مرض او شيء ؟ علمـا بان قالوا لي من زمان ان معاي نقص حديد بالدم بس الحين لا ..

بس هذا اللي بالي حاليا اذا تذكرت شيء قلت لكم :o

فـ ماهي نصائحكم يا دكاترتنا ؟ :)

Pro

24-09-2006, 17:28

فان باستن .. الكيوي لذيذ :p .. و مدام تاكل غيره من فواكه يعني اكيد ما يضرك اذا ما كليته ..

ازوري و عبيد هندسة .. اكلوا خضرة :/ .. غير الفيتامينات ترا minerals " المعادن " الي ناخذها اغلبها مو من اللحوم ! بل من الخضرة !! مصدر اساسي لنا

الريانة اللحوم الحمراء مثل لحم الغنم سهل تعويضها باللحوم البيضا .. و اصلا ينصح بالتقليل منها .. بس مو قطعها مرة وحدة .. نسيت شنو المكونات بالضبط بس فيه جم شي باللحوم الحمرا مفيد للعضلات ..

العدس مو شرط تاكلينه .. دامج تعوضينه بنوع اخر من البقول " باجيلا - نخي - بزاليا - فاصوليا - لوبا - الخ .. " ..
انتي مرة قلتي تحبين شي بالحشو .. و قالولج الكشمش قلتي لأ .. و الحين ما تحبين العدس :/ .. ما بقى بالحشو غير البصل :p اكيد هذا الي تحبينه .. صيري عرباوية عيل لوووول

الريانه

24-09-2006, 17:41

الريانة اللحوم الحمراء مثل لحم الغنم سهل تعويضها باللحوم البيضا .. و اصلا ينصح بالتقليل منها .. بس مو قطعها مرة وحدة .. نسيت شنو المكونات بالضبط بس فيه جم شي باللحوم الحمرا مفيد للعضلات ..

بنت وعضلات لوول :D عيـل باجر لاصار فيني شيء بقـول برو يقول لحم الغنم يفيد العضلات وانا مابي عضلات :p

العدس مو شرط تاكلينه .. دامج تعوضينه بنوع اخر من البقول " باجيلا - نخي - بزاليا - فاصوليا - لوبا - الخ .. " ..

هم هذول قليل اكـلهم ..

انتي مرة قلتي تحبين شي بالحشو .. و قالولج الكشمش قلتي لأ .. و الحين ما تحبين العدس :/ .. ما بقى بالحشو غير البصل :p اكيد هذا الي تحبينه .. صيري عرباوية عيل لوووول

لووووووووووووول وع بصـل الله يديم النعمه .. بالحشو وايد شغـلات مو بس بصل وكشمش ..

Pro

24-09-2006, 18:23

اي نسيت ... الحشو فيه نخي مو عدس :p

و بعدين منو قال ما عندج عضلات :/ .. ترا مشيج و قومج و اي حركة تسوينها ما تصير الا بعضلات .. قصدي افادة لتغذية العضلة مو تربيتها :D :o

الريانه

24-09-2006, 22:38

لوول برو يعنـي الا تطلع شنو اللي احبـه بالحشو :p يـله عدد واذكر :D

عبد العزيز الحمادي

25-09-2006, 09:08

الريانة .. برو .. مدام انا عايش بدونه ماني مجربه :) اذا لا سمح الله ما اعيش من غيره ذيج الساعة افكر

اي صح تذكرت ما احب البشامل كلش

scheelite

25-09-2006, 13:22

انا تقريبا ماكو شي ما اكله ,, بس اللحووم الحمراااء موبكل وقت اكلهااا على حسب المزااج وقليل ما اكلهااا وبالنسبه للسمج وهالسوووالف ماحبهمم كلش ماعدا الربيااان ومن شرمبييي بس غيره مستحيل اكل ,, والبيض ماحبه بس ساعات اكله اذا اشتهيته وهالشي مايصير الا بالسنه مره :p

وذكرتوني بسالفه مره بالمارينااا حتى مادري شسم المطعم ,, طلبت وجبه وعبالي ربيااان يووم خلصت نص الصحن ولا اشووف طبق خالتي كانت طالبه ربياان ولاشكل ربيانهااا غير عن الي عندي :confused:

سئلت الي يشتغل قتله شنو هاذا جان يقولي خثااااق :eek: لاتشوووووووفون اصار فينييييييييييي لاعت جبدي :(:( والله يديم النعمه انشالله :)

Doni

25-09-2006, 13:46

احب آكل اي شي .. ما عدا اللحم خصوصا ً عالغدا .. و البيدنجان .. و النقانق .. و بس :p

عبد العزيز الحمادي

25-09-2006, 14:02

قدساوية حرام عليج الخثاق ان ياج حمسة مع معجون طماط اويلاااااااااااااه شي مو طبيعي

THe ShaRk

25-09-2006, 14:03

برو انا تقريبا اكل كل شي بس ما اكل فواكه وخضره فواكه يمكن بالشهر مره بس السلطه بالسنه مره بس

الحمادي

25-09-2006, 14:20

قدساويه عقب ما خلصتي وشبعتي فطنتي انه مو ربيان p:

ولد العم باستن عليك طريقة تشهي بالاكل مو طبيعيه ياخي انت وبرو وميونيخاويه الله يسامحكم p:

من ناحيتي انا مقبرة ما ترد ميت بس وخر عني سوالف الباجا والكراعين .

برو يا حلات السمج وياحلات مطبق لزبيدي لي ياك تاكل حتى ايدك معاها p:

عبد العزيز الحمادي

25-09-2006, 14:27

الحمادي .. الربع بالديوانية اذا توهقوا دقوا علي ها شناكل وين نروح اي مطعم .. يعتبرون مرجعهم بالاكل :) .. عندي الاكل اولوية .. لا يمكن يمر علي اكثر من 3 ايام مو ماكل سمج .. وما عندي نظام انام من غير عشا .. لا ما يدور عندي اخوي ..

على طاري الباجة مرة كنا رايحين ام المرادم ورادين منها مساطيل ما ندل طريجنا .. ليش ما واحد يشور علينا بمطعم شراع السمر بشارع عمان باجة وكراعين ... لليوم انا مادري شلون رديت البيت .. الله ستر علينا ذاك اليوم :) :)

Pro

25-09-2006, 14:40

الشباب دايريله باجه ..

لا فان باستن توقعت اني اقايش معاك بالتنوع بالمطاعم .. بس الظاهر مالي قيش معاك :p .. دام السالفة فيها شراع السمر و باجه و كراعين :D

عبد العزيز الحمادي

25-09-2006, 14:47

تعال الكويت بس واوديك مطعم الاماني بالديرة عليه بيض بالمايونيز يخليك تسكن بالمطعم بدال بيتكم :)

ذكرتني باكل احبه وما احبه بنفس الوقت :) ... دايما اطلب بطاط وباذنجان واقط الباذنجان برة الصمونة .. احب نكهته وطعمه وما احب آكله .. وامووت على الجزر بس مع الطباخ ما احبه

Ronaldinho17

25-09-2006, 15:57

انا ماحب الموش مادري ليش :o

Mr.Blue

25-09-2006, 21:03

كـل شي يـطوف .. الا الروبيـان واتبـاعه .!
الله يـديم النعـمه .. شكـله يـسد النـفس

و البيدنجان

لووووووووووووووووووووووووووووووووووووووووووووووووو ووول ..

بـيدنجان .! :D

GoLcHia

25-09-2006, 21:52

اممم .. اي شي من البحر ما آكـله !
الفواكهه كلها ما عندي معاها مشكله بس "الكيوي" ما احبه .. الخضره ما آكل منها الا "الخـس" ولمه يكون بالسـيزر بس !! ..
العيش ما آكله مع "حشــو" ولا مع "فقـع" .. وما آكل الا عيوش "المجابيس" عيش البرياني والمطبق والقـوزي والمنـدي ومادري شنو ما احبـهم !
الحلو ما احبــه .. لا كيـك ولا حلو عادي ولا ككـاو ما ككـاو الا "نادرا" !
ما احب "المشروم" مادري اذا محسوب على الخضره ولا لأ بس احب السووس ماله ..
اي شي فيه طمـاط او مشتقاته مثل "الكتشب" ما آكـله .. بس بحاله وحـده آكله اذا كان بالبيتزا !
ما احب الزبده ولا المـربى ولا البينت بتر .. واحب أغلب انواع الأجبـان والخبز ! ..
اي وذكـرت اذا البطـاط محسوب على الخضـره معنـاته هذا "ثاني" شي آكـله من الخضـره ..

وبعد ؟! والله وايـد اذا ذكـرت بقولهم ..

مـلاحظه .. الحمدالله ما احس اني اشكـي من شي ولا هـذا ضعف النظر بالليل اللي تقول عنه مع اني طــول عمري ما آكل من البحـر ! ..

ومشكور على الموضـوع ..

scheelite

25-09-2006, 22:13

قدساوية حرام عليج الخثاق ان ياج حمسة مع معجون طماط اويلاااااااااااااه شي مو طبيعي
وااااااااااااااااااي حمسة بعد استغفر الله بروحلي ما اوطن المأكولات البحرييه :confused:

قدساويه عقب ما خلصتي وشبعتي فطنتي انه مو ربيان p:

لوووووووول بعد شسووي من اليووع وبعدين شكله جنه ربيااان :o

الحلو ما احبــه .. لا كيـك ولا حلو عادي ولا ككـاو ما ككـاو الا "نادرا" !

اي صح اتذكرت وانا بعد ماحب الحلوو ولا الكااااكاو بس ساعات احس انه ودي احلي قبل الاكل وادوور الكاكاو دووواره ولما احصله ما اكل الا ربعه :p

عبد العزيز الحمادي

26-09-2006, 01:56

الفواكهه كلها ما عندي معاها مشكله بس "الكيوي" ما احبه ..

يا هلا ومرحبا .. :) وانا عبالي الوحيد بالكويت .. اشوة في احد غيري

cassano

26-09-2006, 18:43

اممممم ..

ورق عنب .. لا اكله ولا حبه شوفته .. :mad2:

سابقا ماحب صمون كورسان وانا صغير .. لني كله اكله وامرض .. صارت فيني حساسيه منه :o ..

طبعااا ماحب اجرب اكلات جديده بكثر واتفلسف .. اكل معين ومحدد :cool:

حتى لو معزوم من احد واكله جديده اجامل لقمه لقمتين .. اذا خوش اكل قــزرت عليه ..
اذا NO بطلنا اكل وقزرناها عصاير :wavetowel2:

عبد العزيز الحمادي

26-09-2006, 21:30

اي هم تذكرت ... ما احب آكل بالعروس :) طفارتي النطرة على البوفيه .. عاد امي كله زافتني ايي من العرس واقولها سويلي عشا .. تقولي توك ياي من عرس ليش ما تاكل هناك :)

Guess

26-09-2006, 21:44

Van Basten

انا نفسك بعد ما اكل بالعروس على راحتي..يعني خفايف وامشي وصج لما اطلع اروح اجيب لي عشى على طووووووووول:)

Lotus

29-10-2006, 02:48

Van Basten وGoLcHia الكيوي مع ايس كريم فانيلا روعه ;)

ما احب البذنجان والقرنبيط والبيض ولا احب الربيان <البيض ممكن اكله اذا متروس طماط شكو حاطه بيض على جذي مادري هههههههههههه:p

انا عندي سالفه مع لحم الخروف لما رحت بيت خاالتي كنت صغيره شفتهم يذبحون خروف حق العيد شفت بلاوي شفت مصارين الخروف وحاله ههههههههههههه من جذي ما احب لحم الخروف ولا الغنم

احب البيتزا شوربة العدس مع الليمون واحب المعكرونه بأنواعها احب السمج والسلطه احب الهريس والعيش مع مرق دقوس <يامي :clap:

احب الكابتشينو <ادري مو اكله بس اذا تقدر تفيدي اذا لها اضرار ؟

ترا اول مره اعرف ان بيض السمج ياكلونه :confused: عرفت هالمعلومه من فان مادري شنو:D

الد بنت يره

29-10-2006, 09:53

انا الاكل البحري مقاطعه تااااااااامه
واللحوم الحمرا ماكل الاا الكباب,,
اما مفلطح..ومسطح..ومبطح ومادري شنوو..كلللللللللش ماقرب صوووبه:o
اخااف اذا شفت راس الخرووف يخزني على العيش:p:o

وطبعا الباااجه اكيييد نووو ويييييي:p

الخضروات ماعدا الخيار والخس...ماحبهاا
السوشي والاكل النيي والمحار..وهالسواالف...امووت ولا اقرب منهم:o

الديااي...اكل الصدر بس..ولازم ويل ويل ويل داااان من قلللللب:p

احب ورق العنب..بس باجي المحاشي ماحبهاا
ماحب المرقووق..والهريس والجريش..

احب الكاكاو بس ماحب الحلويااات..يعني حلوو قهوة وهالسوالف
ماااااااطيق الرهش...الله يديم النعمه:o

البقولياات كنت ماحبها...ولما انمعت عني باوامر طبيه...الحين مشتهيتها..واعااند واكلها:p

وشكووور مسيوو برووو

الرقيقة

29-10-2006, 13:44

انا مع قولجية وفان باستن ماحب الكيوي كلش :rolleyes: " الله يديم النعمة "
اكلته مرة وحسيت بشي غريب داخل! يشفط السوائل جنه :eek: :o

بس مثل ما قلتوا مو مأثر علي هالشي ..

الي مأثر علي الماي :(
قليل قليل اشرب ماي ..

تييني ايام اتذكر اني يومين ثلاثة مو شاربة ماي ..
اشرب سوائل واايد احس انها تعوضني عن الماي!

وهذا مسببلي أمراض ما شاء الله :rolleyes2:

Inter Tifoso

29-10-2006, 14:15

انا مثلك.. ماحب السمج.. وصارلي قرن ما شفته..
لكن الحمدلله ماعندي اي مشكله مع الرؤيه الليليه.. بالعكس اقوى من غيري والحمدلله..

هو يمكن يعتمد على فصيله الدم.. يأثر او لا..

Corvette

29-10-2006, 14:17

انا مـا أحب " البصـل " خير شر وماطب " بؤي " من زمــان :)

بنت الصالح

07-11-2006, 04:03

استغفر الله سمج ويع
شي فيه زفره مااكلا !!
دياي ، بيض ، سمج :confused: ...

Japan

07-11-2006, 08:04

انا مـا أحب " البصـل " خير شر وماطب " بؤي " من زمــان :)
نفس الحاله ... :D
اكل اي شي عادي الا البصل :o
وما اعتقد له فوائد الا الريحه :p

Bo Msheal

07-11-2006, 19:27

السمــج اكل اهل الجنه ..

واللي ما ياكل من البــحر .. محروووووووووووووووووووم http://diwania.alazraq.com/images/icons/42.gif..

Pro

08-11-2006, 06:37

السمــج اكل اهل الجنه ..

واللي ما ياكل من البــحر .. محروووووووووووووووووووم http://diwania.alazraq.com/images/icons/42.gif..

وليــن :D .. طاعوا منو نقوله ترا ما ناكل من البحر ! :p ..

انت عتوي عود ماشالله عليك .. صعب نقايش معاك في اكل الزفره :o ..

tic tac

09-11-2006, 00:24

مممم

االخضره اغلبهاا نهييي الا الخس يكون ويا الماك جكن و الخيار والجزر آآكل عادي

فواكهه محد يشجع بس عادي آآكل اي فاكهه

سمج مره بالاسبوع

ربياان شي حلو وطيب ولذيذ

اللحم والدياي حبايبي

بعد شنو في

سوالف ورق عنب وجي ماحبهاا

بااجه لأ .. مشوياات ايي

باجله ونخي ياسلاام

هريس احبه .. يريش مو ذاكـ الزود

وشكراان

tic tac

09-11-2006, 00:35

اي وما اعاني من شي ولله الحمد

و مادري شنو ناقصني :/

ورده

14-05-2007, 11:14

شكرا صاحب الموضوع والله يعطيك العافيه

تصدق ترددت وايد قبل ما اكتب اي كلمة لانه موضوعك شامل اذا بتسألني عن نظام الاكل انا قبل سنتين ماكنت اكل خضروات ولا فاكهه ولا اي شي مفيد الحليب ما اشربه بس وانا ياهل بعدين وقفت ما اكله والبيض مثل الشي واللحوم ما اكلها تصور اكلي عيوش وباستا وخرابيط

بس وقفت بريك وسويت دايت واكل صحي وللعلم قبل كان وزني زايد وفيني فقر دم

بس ضغط على روحي وقمت اكل اكل ماااااااااااااااااااااحبه تصور الحليب ماحب ريحته قمت اشربه يوميا على الريج قلاص كامل كبير قليل الدسم ويكون بارد لانه الدافي او الحار مستحيل اشربه وتصور اول الايام اشربه وانا مصكره خشمي

الريوق قمت احاول اكل بيض اعوض البروتين لاني ما اكل لحوم نهائياااااااااااااااا والدياي نادر جداااااا والسمج اكله بكثره

الغدا لازم وظروري فيه سلطه كل يوم شكل مره تبوله مره سلطه يونانيه مره فتوش ومره فته وهالسوالف ولازم ويا الغدا اكل سمج مشوي او همبرغر دياي مشوي او شيش طاوق بس اغلب شي سمج وساعات قباقب وساعات ربيان وساعات شوربه وساعات صينية خضار بالفرن وسوالف جذي

قمت اكل الفاكه التفاح والبرتقال والكيوي والاناناس مع انه البيت دايما جدامنا والكل ياكل الا انا مادري ليش

يعني قمت اعوض البيض ماحب ريحته مستحيل اكله مسلوق اللي اقشره اكله عيون واكل الابيض وساعات الاصفر مو دايما احس شوي زفر ولو اني اموت بالسمج بس زفرة اللحم والبيض مو مثل السمج

وايد اشياء اكلها مو عشان احبها عشان الفايده منها الحليب والبيض والفاكهه والخضروات واللي حبيته كل شي وعالتعود بس اللي مو راضيه اتأقلم وياه البيض وهم الدياي ساعات ما اكله احس زفره او ما اشتهيه والسطله والخضار اعشقهااااااااا وهم الفاكهه

ووايد اشياء ما اكلها ولا افكر اكلها الزيتون بكل انواعه اوكثر شي الاسود وااااااااااي اموت مأساة والموز الله يديم النعمه ما احب ريحته او شكله او اكله اي احد ياكل موز اروح بعيد ماحب صوته لمه ينوكل ماحب الشي اللي ينهرس ويطلع صوت اتلوع جبدي:\ <=-=- حساسه ههههههههه

طبعا النقانق والمرتديلا وهالسوالف كلش ما اكلهاااااااااااااااااااا والريج بول والديو والاشايء الغازيه كلللللللللش ماشربها ماعدا الشاني والريد فانتا او الاورنج ونادر

والحمدلله نسبة دمي صارت وايد احسن ومافيني نقص حديد ولا اي شي والحمدلله على كل حال واهم شي التعود والحليب لامكن استغني عنه وحبيته وايد:)

Immortal

14-05-2007, 15:28

i hate all kinds of vegetable and seafood..;/

ONe

14-05-2007, 18:04

مو رجاااال

Carles Puyol

14-05-2007, 19:06

مــوضوع مــغبر
:p

الخــيار
الكـيوي
الرقي
الشــمام
^^^^
حــساســية
اصــير طــريح الفــراش
لـو آكل لقـمة صغيـرونه اروح فــيها
:(

ترحـــــال

14-05-2007, 21:52

الاكل الي ما احبه ؟؟

عد وخربط :)

وايد والله ... انا من النوع الي اكل شغلات معينة ... ومو كل شي

والوالدة متأذية من هالشي :(

اكثر طبخة ما احبها ( المرقة ) بأنواعها .... لازم اكو طبخة ثانية لي اذا سووها

شغلات وايدة استغني عنها بالطبخات لاني ما احبها ....

وهالشي مسبب لي فقر دم ....

Mr.BecKs

15-05-2007, 06:00

انا عن نفسي ما احب ..

البصل + الثوم + الطماط ( قليل ) + الفاصوليا + الاش + النخي + الباجله .. الخ

حدي معقد بالاكل و ما احب اجرب .. :/

Bo_faraj

15-05-2007, 08:38

اكثر طبخة ما احبها ( المرقة ) بأنواعها .... لازم اكو طبخة ثانية لي اذا سووها

نفسي آنا، ما أحب المرق كلش خصوصا مرق الدجاج. الوالدة الله يطول عمرها اذا الغدا كان مرق تدز لي مسج بالدوام عساس أحسب حسابي و أجيب غدا من مطعم.

ما أحب المطبق وايد و لا المحمر. باختصار العيش ما أحبه الا اذا كان مكبوس لحم أو دجاج.

Bo-WaLeEeD

15-05-2007, 09:31

وايد اكلات ما احبها .. وانا طبعي ما احب أجرب :o

الاكلات البحريه ما اكل منها غير ( الزبيدي والهامور )
والربيان والخثاق وهالسوالف ما احبها كللللللللللللش

بس ذاك اليوم واحد من الربع يسولف عن فوايدها وتشيشت <-- جان يخربها بو وليد :D
رحنا مطعم بشارع سالم المبارك .. عنده صمونه فيها ام الربيان وخثاق وقباقب :eek:
وقاعد اكلها ولايعه جبدي <--- الله يزيد النعمه .. تووووووووووووووبه

وهم ما احب اكل بصل .. ولا ثوم :/

الحشو بالعيش ما احبه .. وانحرج وقت العزايم وانا اوخره عن العيش :o

ما احب اكل السبانخ ولا الملفوف .. الورق عنب قبل ما احبه .. الحين اكله بالغصب
ما احب النقانق :/

وقبل انا الوحيد بالبيت ما اكل عدس .. اشوه الحين صرت أموت عليه :p

ريد بول وهالطقه ما احبهم :/

بتعب لو بقول كل شي ما احبه .. واااااااااايد :)

ﺇسـتـبـرق

15-05-2007, 13:56

الطماط
ما احبه كلش .. حاولت اكله ما قدرت احس بمروره بطعمه مع ان يقولون لي ان الطماط مو مر:confused: :confused: :confused: ..لكن اكل كتشب واكل بيض وطماط بس اذا صارت الطماطه كبيره شوي طلعتها لكن اذا كان مخلوط مع البيض وما ينشال عادي واكل بيتزا واكل حمسات فيها معجون طماط والصمونه اذا شريتها لازم ابطلها واشيل الطماط منها

Mr.KehL 5

15-05-2007, 20:02

الموضوع مغبر بس توني أشوفه لأني قبل ما كنت محترم هالقسم أمر ما أسلم عليه :p

زين حصلت جم عضو نفس أطباعي ما يحب الأكلات البحريه :D

بالنسبة للأكلات اللي ما أحبها

الطماط : استغفر الله أكثر شي بالدنيا يلوع جبدي :o حتى إذا طلبت من المطاعم أقولهم بدون طماط وساعات يشيلون الطماط ويبقى أثر طماط ذايب مع الهمبرغر تلوع جبدي وما آكل الصمونه :(

اللحم " خرفان + بقر " سمج ربيان وأنواع المأكولات البحريه ما أحبها

ما أحب إلا الدياي " الدجاج " وما آكل إلا منطقة الصدر بس ولازم الوالده تقطعها لي بعد :p

ما أحب الباجه والكراعين ريحتهم تغث أصلا مادري شلون الأهل ياكلونه ! :confused:

ما أحب السلطه ... ساعات يسوون لي سلطه فيها بس ذره وخيار وجزر وخس لول :D

لو بتكلم عن الأشياء اللي ما أحبها ما بخلص :rolleyes2:

أما بالنسبة للأكلات اللي أحبهم

يريش " جريش " .. ورق عنب " دولمه " محشي بطاط .. مرق شبزي + مرق فاصوليا بيضه + مرق بزاليا + أنواع المكرونه + مجبوس دياي

بس هذيل الأشياء اللي آكلهم على الغدى تقريباً

في أشياء آكلهم فترة واقطع عنهم فترة .. مثل اللبن .. يتلي فتره على طول أشرب لبن صابح ماسي بيدي لبن .. الحين آخر مره شربت لبن قبل سنه وشوي !

حتى الفواكه بالإسبوع آكل مره بس على حسب المزاج ومرات اتيلي هبّه أشتهي آكل صنف معين على طول مثل الحين 24 ساعه Mango لول :p

وثانكس على هيك موضوع خيوو :)