^^ الزواج والصحة ^^

[الرقيقة]

بسم الله الرحمن الرحيم ..

الزواج عبارةٌ عن علاقَة ساميَة كريمَة بين رَجُلٍ وامرأةٍ جمَع بينَهُما عقدٌ شَرعيّ .
أساسهُ : تقوى الله ، والعزمُ من الرّجل على الإتيان بحقوق المرأة على أتمّ وجه ، والعَزمُ من المرأة على الإتيان بحقوق الرّجل على أتمّ وجه ، والمحبّة ، والمودّة ، والرّحمة ، والإخلاص ، والتفاني ، والتضحيَة .

وبما انا في منتدى الصحة راح نتناول بعض الموضوعات عن الزواج والصحة ..
طبعاً العموم عارف شنو الفائدة من الزواج :) ..
بس في جم موضوع عندي ،، اختاروا اي واحد فيهم ونتناقش فيه ,,


1- موضوع الزواج المبكر..
وعندما نذكر الزواج المبكر لا نقصد به سنا معينا بقدر ما نريد من الشاب الانتباه لنفسه، فهو أعلم بها من غيره، فإن أحس أنه بلغ مبلغ الرجال، وصار يفكر و يميل إلى الجنس الآخر، وبدأت المشاعر والأحاسيس تتحرك في وجدانه إذا سمع صوتاً، أو رأى امرأة....فعليه المبادرة بتقوى الله وتذكر الزواج والسعي إليه، وطلب العون من ربه ومولاه، وخاصة إذا كان مستطيعا وقادرا، فالزواج المبكر يحل له الكثير من المشكلات التي ستواجهه، والعقبات التي تعترضه لو سلك طريقا آخر لإشباع رغبته وإرضاء فطرته.

( ما رأيك بالزواج المبكر؟ )


2- تقرير يربط بين الزواج والصحة الجيدة
يبدو أن المتزوجين في صحة أفضل من تلك التي يتمتع بها العازبون، رغم أن الرجال المتزوجين أكثر عرضة لزيادة الوزن أو البدانة من الرجال الآخرين، بحسب تقرير للمركز القومي لإحصاءات الصحة.
هذا ولم يحدد التقرير الذي نشر الأربعاء واستند على مقابلات مع أكثر 125 ألف شخص، الأسباب لذلك.
وقالت تشارلوت شونبورن الخبيرة في إحصاءات الصحة وهو أحد مراكز السيطرة على الأمراض والوقاية منها بالولايات المتحدة، والتي قادت فريق الدراسة، إن هناك نظريتين لما خلص له التقرير، بحسب وكالة الأسوشيتد برس.
النظرية الأولى هي نظرية حماية الزواج Marriage Protection وترى أن المتزوجين قد يتمتعون بإيجابيات أكثر بمفهوم المصادر الاقتصادية والدعم الاجتماعي والنفسي والتشجيع لاعتماد أسلوب حياة صحي.
أما النظرية الأخرى فهي نظرية اختيار الزواج Marital selection ومفادها إن الناس الأكثر صحة يتزوجون ويظلون متزوجين، في حين لا يقدم الأقل صحة على الزواج أو من المرجح أن يصبحوا أكثر عرضة للانفصال أو الطلاق أو يصبحوا أرامل إذا تزوجوا.
ووجد التقرير أن بين الراشدين بسن الـ 18 وما فوق، 11.9 بالمائة منهم قالوا إنهم في صحة سيئة. وقال قرابة 10.5 بالمائة من المتزوجين إنهم في صحة سيئة، فيما كانت نسبة باقي المجموعات أعلى. فالأرامل يبدو أنهم بين الأعلى في هذه المجموعات عند نسبة بلغت 19.6 بالمائة.
واعتمد التقرير الذي أعده المركز القومي لإحصاءات الصحة على مقابلات جرت بين 1999 و 2000 مع 127545 بالغا تزيد أعمارهم عن 18 عاما.
وأظهر التقرير ان 58.2 في المائة من البالغين متزوجون، و10.4 في المائة منفصلون أو مطلقون و6.6 في المائة أرامل و19 في المائة لم يسبق لهم الزواج و5.7 في المائة يعيشون مع شريك، بحسب رويترز.
ووجد التقرير أن حوالي 61 في المائة من البيض و58 في المائة من ذوي الأصول الإسبانية و38 في المائة من السود متزوجون. ووجدت الدراسة أن من يعيشون معا دون زواج أكثر عرضة للمعاناة من مشكلات نفسية مقارنة مع البالغين المتزوجين.
CNN arabic





3- الزواج يطيل العمر مقولة تصدم العزاب
أثبتت الدراسات الحديثة أن الأشخاص المتزوجين يتمتعون بصحة جيدة ويعيشون لمدة أطول من الأشخاص غير المتزوجين أو المطلقين. فبحسب الدراسة فان أعلى نسبة وفيات تحدث بين الأشخاص المطلقين، ثم يتلوهم الأشخاص العزاب ويأتي في المرتبة الأخيرة المتزوجون. ويعزي العلماء ذلك إلى أن الأشخاص المطلقين يعانون من ضغوط نفسية سيئة بسبب الانفصال. الأسباب مازالت غير معروفة لغاية الآن لكن العلماء يرجحون أن السبب هو أن الأشخاص المتزوجين يتمتعون باستقرار نفسي ومالي اكبر الأمر الذي يجعلهم أكثر شعوراً بالأمن والاستقرار. كذلك فان الزواج يشكل جداراً واقياً من المؤثرات النفسية حيث يتوفر الدعم النفسي بوجود شريك يقف إلى جانبك دوماً. والأمر الآخر أن الزواج يوسع من دائرة معارفك وقد اثبت العلم الحديث أن الحياة الاجتماعية الجيدة عنصر مهم في الصحة الجيدة. ويذكر موقع البوابة إن الزواج يساهم في تحسن الصحة بسبب انك تغير من نمط حياتك إلى الأفضل، فتبدأ بوضع حزام الأمان الكحول وتحسن نوع غذائك أي أن حياتك تنتظم بصورة أفضل الأمر الذي يؤدي بشكل منطقي إلى تحسن الصحة. إلا أن الأبحاث تشير إلى أن الزواج يحسن من صحة الرجال أكثر من النساء بسبب أن النساء يقضين وقتاً اكبر في محاولة جعل أزواجهن لائقين صحيا.
والخلاصة أن الزواج يحسن من صحة الزوجين إلا انه من المهم التركيز على نوع الزواج، بمعنى أن الزواج السعيد هو الذي يحسن الصحة وليس أي نوع آخر. هذا ومن جانب آخر، نصحت دراسة أجرتها إحدى الجامعات في سويسرا الرجال بالزواج ليتمتعوا بالصحة النفسية والبدنية، حيث أكدت هذه الدراسة أن الزواج يساعد على تخفيف حدة توتر الجسم وتحفزه على إفراز هرمونات السعادة بكم أكبر من هرمونات القلق والخوف والحزن. كما أكدت الدراسة أن الزواج في سن مناسبة يساعد الإنسان على التخلص من غالبية أشكال الضغوط النفسية والعصبية، ومن توابع مشكلات العمل والاصطدام بالمجتمع، ويساعد الزواج أيضا على علاج الأرق. وذكرت الدراسة أيضا أن الزواج يفيد في تقوية عضلات القلب وتنشيط الدورة الدموية، واستنشاق كميات إضافية من الأوكسجين يستفيد منها الجسم فتعطيه مزيدا من الطاقة. ومن أهم ما أشارت إليه الدراسة التي أجريت على خمسة آلاف من المتزوجين، أن الزواج يساعد الفرد على الاستقرار الفكري والعاطفي والجسدي وعدم توافر هذه العناصر أو إحداها يكون له رد فعل على حياة الإنسان. ومن جانب آخر، أفاد باحثون مختصون أن الرجال العازبين وأولئك المحرومين من الإنجاب أكثر عرضة للوحدة والإصابة بالمرض بنسبة أكبر من نظرائهم من الإناث. ووجد الباحثون في جامعة ولاية بنسلفانيا الأميركية، أن الرجال كبار السن من العازبين غير المتزوجين وممن حرموا من الأولاد، يعانون من الكآبة والوحدة بمعدلات أعلى من السيدات المسنات غير المتزوجات. ويرى هؤلاء في الدراسة التي نشرتها مجلة الشيخوخة وعلم الاجتماع، أن الحالة الاجتماعية للرجل الأعزب، أكثر تأثيرا على حياته عند تقدمه في السن مما لو كان محروما من الأطفال.
وأشار الباحثون في معهد بحوث علم الاجتماع والدراسات السكانية، إلى أن الرجال بشكل عام، يعانون من ضعف العلاقات العاطفية ونقص الدعم الاجتماعي خارج النطاق العائلي، وهي حالة تزداد سوءا مع عدم الزواج والحرمان من الأطفال. ووجد هؤلاء بعد متابعة 4081 امرأة و2436 رجلا تجاوزوا السبعين من العمر، وشملت هذه المجموعة الأشخاص المتزوجين والمطلقين والأرامل والعازبين، أن معدلات الإصابة بالكآبة والشعور بالوحدة كانت الأقل بين الأشخاص المتزوجين، مقارنة مع المجموعات الأخرى، مشيرين إلى أن الدرجات العلمية العالية والصحة البدنية الجيدة ومصادر الدخل الأعلى ساعدت في تخفيف آثار الوحدة والإحباط والاكتئاب بصورة ملحوظة. وأسفرت أحدث الدراسات البريطانية التي قام بها العلماء بجامعة وارويك عن وجود علاقة بين الزواج وبين طول عمر الرجل. فالرجل المتزوج يزيد عمره في المتوسط3 أعوام عن قرينه غير المتزوج. وقال البروفيسور أندريو أسوالد من جامعة واريك أن الزواج يؤدي إلى فوائد أيضا للصحة النفسية والعقلية للمتزوجين، وأن العلماء يعتقدون أن الزواج يقود إلى تغييرات في دماغ الإنسان تحفز جهاز المناعة لديه للحياة سنوات أكثر.


4- لماذا يزداد وزن المرأة بعد الزواج

مقابلة مع :
رنا دقر صواف
فنية تغذية ،الأكاديمية الأمريكية للتغذية (الولايات المتحدة الأمريكية)

1- تجربة الزواج : التي تعتبر تجربة جديدة للمرأة لم تختبرها من قبل ،ومن المعروف بأن هذه التجربة حدث تغيراً في نظام حياتها وكيفية التعامل مع عالمها الجديد المتمثل بالزوج وأهل الزوج وكيفية إرضاء الطرفين، مما يزيد من الضغط النفسي (Stress) فتلجأ الى تناول الطعام كمحاولة للتعويض عن هذا التوتر ،إذ أن الأكل يعمل كمهدئ نفسي .
2- محاولة المرأة العناية بزوجهابتحضير الوجبات الشهية المختلفة وهذا يزيد من شهيتها
3- الكثير من النساء العاملات يتركن عملهن بعد الزواج ويتفرغن لشؤون المنزل والحياة الزوجية ، وكمحاولة للقضاء على وقت الفراغ الطويل والرتيب يقضين أوقاتهن بمشاهدة التلفاز والأكل أثناء متابعة البرامج التلفزيونية ، ومثل هذا الأمر يستغرق ساعات طويلة دون القيام بأي حركة ، مما يساهم في حدوث زيادة الوزن التدريجية.

4- هناك الكثير من النساء اللاتي لايشاركن في ترتيب بيوتهن أو تحضير الطعام وتربية وتدريس أولادهن وهذا يقلل من حركة المرأة وتفاعلها مع أولادها ويسبب ضغطاً نفسياً خفياً قد لاتشعر به إلابعد فوات الأوان .
5- الزيارات الاجتماعية الكثيرة والاعتماد على وجبات المطاعم وخاصةً الوجبات السريعة والتي تترافق بتناول الكثير من الأطعمة الشهية والدسمة .
- عندما يبدأ الوزن بالازدياد تصاب المرأة بالاكتئاب والذي يدفعها للبحث عبثاً عن حل جذري وسريع لهذه المشكلة ، ومن جراء ذلك يمكن أن يزداد الاكتئاب والوزن ، وتدخل بذلك ضمن حلقة مفرغة تنعكس بشكل سلبي على صحتها الجسدية والنفسية على حد سواء.
7- في مرحلة الحمل تطرأ على المرأة الحامل تغيرات عديدة ، وللأسف نقول أن العديد من الحوامل يعتقدن أن المرأة خلال مرحلة الحمل يجب أن تلتهم الكثير من الأطعمة، ومثل هذا الاعتقاد السائد بين النساء يعتبر خاطئاً ،إذ ينبغي على الحامل أن تتناول الغذاء المناسب وعليها اتباع النظام الغذائي الصحي والرياضة المناسبة للحفاظ على صحتها وسلامة جنينها .
8- بعد الولادة كثير من النساء لايرضعن أطفالهن وهذاخطأ فادح إذ أن :
9- حليب الأم مفيد جداً للرضيع وأفضل بكثير من الحليب الاصطناعي إذ أن الرضاعة الطبيعية تزيد من الترابط العاطفي بين الأم والوليد ، وتنشط المناعة عند الوليد مما يقلل من أمراض الربو والتحسس الهضمية في المستقبل.
10- الرضاعة تساعد على تخفيض الوزن وإعادة الرحم الى حجمه الطبيعي .

أثناء الرضاعة بعض السيدات اللواتي يرضعن أطفالهن يتناولن الأطعمة غير المناسبة ، ظناً منهن أن هذا النوع من الطعام يكثر الحليب فعلى المرضع تناول الطعام الصحي وشرب الكثير من الماء ، والابتعاد عن العصائر حتى الطازجة منها .

11- بعض النساء يتناولن حبوب منع الحمل وهي تزيد الشهية والوزن في 50% من الحالات .

كيف يمكن للمرأة المتزوجة أن تستعيد التناسق المطلوب لجسمها ؟
من المعروف بأن التخلص من الوزن الزائد لايحقق التناسق المطلوب للجسم وإنما يقيه من المخاطر التي ترتبط بالبدانة كأمراض القلب والأوعية الدموية والسكري وغيرها ،ولهذا ننصح باتباع الإرشادات التالية للمحافظة على صحة وجمال الجسم


التفكير الإيجابي: على المرأة أن تشغل وقتها بشكل مفيد لكي تكون عنصراً إيجابياً في المجتمع فالقيام بأعمال البيت وتدريس الأولاد يساعدها على ملء جزء من وقتها بعمل إيجابي مفيد لها نفسياً ولأولادها على المدى القريب والبعيد .
ألاّ تضيّع وقتها : عليها تقسيم وقتها بين البيت والأولاد وأشياء أخرى مفيدة كالعمل الجزئي خارج المنزل أو الدراسة حتى لاتصبح حياتها مملة لاقيمة لها Part-time فالإحساس بالملل أوالفشل يزيدان من التوجه إلى الطعام كتعويض لاشعوري عن الكبت النفسي والعاطفي
التحكم بالشهية : عند الذهاب الى الصديقات أو الى أي اجتماع عائلي تلبية إحدى دعوات الطعام أو المطاعم يمكن تناول صحن سلطة أو خضراوات مسلوقة قبل الذهاب ، اذ أنه عندما تكون المعدة خاوية ، قد لايستطيع المرء التحكم بشهيته لدى تقديم الطعام له
طهي الطعام :الإنتباه الى كيفية طهي الطعام بالبيت وتقليل نسبة الدهون وخصوصاً الحيوانية المستعملة في الطهي ، إذ أن ملعقة واحدة من السمن أو الزبدة تحتوي على 120 حريرة ، ومن النصائح المهمة تناول السمك المشوي بدلاً من اللحم الأحمر
الإكثار من الحركة : للمحافظة على تناسق الجسم ولتفادي زيادة الوزن ينصح بالإضافة إلى ما سبق بالإكثار من الحركة وممارسة أي نوع من التمارين الرياضية التي تحبها المرأة على مدار السنة سواءً مع الأولاد ككرة الطاولة أو كرة السلة أو لوحدها كالمشي وصعود الدرج الى آخره ، ويمكن الإكثار من الحركة على سبيل المثال بالاستغناء عن استخدام السيارة للمسافات القريبة أو صعود الدرج بدلاً من المصعد والاستغناء عن أجهزة التحكم الآلي في المنزل أو مكان العمل .
فالرياضة تزيد من الإستقلاب في الجسم طوال النهار وتحرق الدهون الواردة اليه عن طريق الطعام أو المتراكمة في أنسجة الجسم المختلفة ، وبالإضافة الى ذلك فهي تخفف من حدة الاكتئاب لأنها تزيد من نسبة السيروتونين في الدماغ وهو الهرمون الذي يمنح المرء الشعور بالسعادة
إرضاع الطفل : على المرأة أن ترضع أولادها لمدة 4-6 أشهر على الأقل لأن هذا يساعد على تنزيل وزنها بشكل سريع وإعادة حجم الرحم الى وضعه الطبيعي قبل الحمل
مشاهدة التلفاز: التقليل من مشاهدة التلفاز ما أمكن لأن التلفاز يحول الانسان الى شخص متلق(منفعل غير فاعل) فالانسان يستلقي ويصبح عنصراً سلبياً متلقياً للمعلومات ، وأثناء ذلك يتناول الكثير من الطعام أثناء مشاهدة سيل الدعايات المتعلقة بالطعام دون الانتباه إلى كمية السعرات الحرارية التي تمت اضافتها الى الجسم والتي تتراكم تدريجياً على شكل دهون تتجمع في أماكن مختلفة من الجسم.
الإرادة القوية : أن تكوني واقعية فالإنسان بعض الأحيان يشتهي أن يأكل آيس كريم أو حلوى كثيرة الحريرات فيجب عليك بعد ذلك أن تقللي كمية السعرات الحرارية التي تأكلينها باليوم حتى لاتزيد نسبة السعرات التي تتناولينها على ما يحتاجه جسمك من سعرات . وأخيراً نود أن نشير الى أن الجمال نعمة وأن المحافظة على تناسق الجسم ووقايته من المضاعفات المرتبطة بالبدانة

الزواج فوق ما اهوا يعتبر إكمال للدين ،، شي رائع ..
الي يعرف فوائده ويدرسها عدل ما اعتقد راح يبقى لعمر متأخر بدون زواج ..

كنت ناوية أكتب عن الزواج المبكر وايجبياته ،، بس قلت الأنسب عن الزواج! لأن وايد منكم يرفعون شعار نعم للعزوبية :rolleyes:

[الرقيقة]

الظروف الدراسية مثلاُ تحكم علينا البنات نأجل فكرة الزواج لبعد ما ننتهي دراسة ,, والنقطة الأهم الإختيار السليم
البنت لما تفكر بالزواج تدخل بمرحلة الإختيار الصعب

بس انا قايلة لازم اذكرNutty VaMpIrE :p عن موضوع النحافة جنه ،، يقول ان لو زوجته تمتن بعد الولادة يطلقها .. ( حسافة ما قدرت اتكلم عنكم المشكلة قسم الصحة :o ) المهم .. حرام عليكم :rolleyes2:

تبون كلشي :eek: ،، الجسم المناسب موجود قبل الزواج ,, اي تغيير انتي في خطر يا بنية :nono: والتغيير يه من بعد شي هم انتوا تبونه " العيال "

في قصة قريتها ما اتذكر بالكويت او السعودية ..
أن في زوجين صادهم حادث .. ومن الحادث الزوج فقد بصره ..
الزوجة من حبها الشديد له تبرعت له بعينها اليسار ،، شلون شكرها ؟ ( تزوج عليها )
ليش؟ .. " شكو أطالع وحدة عندها عين وحدة!!!! "


هم في زوجة تبرعت لزوجها بكلية .. استلم كليتها من جهة وتزوج عليها من الجهة الثانية!!

[AZzuRri_Q8i]

انا ضـد فـكرة الزواج المبـكر .. في نـاس تزوجـو وهم صـغار و مرتاحـين الله يهـنيهم لكـن غـالبا يفشـل

معـظم اللي يتزوجـون وهم صـغار يتزوجـون لانهـم مـو لاقـين شـي ثـاني يسـوونه .. يعـني حـاط ببـاله دام تخـرج و توظـف لازم يتزوج على طـول .. الزواج يحـتاج الى الوصـول لـ مرحـلة من النضـج و الاسـتعداد العقـلي و النفـسي .. يعـني اتزوج لان عـندي كـمية عـواطف و مشـاعر ابي افـرغها و ابي اوصـل لدرجة من الاسـتقرار و ابي امـارس احسـاسي بالمسـئولية بـ تكـوين اسـرة يعـني بالكـويتي اتزوج لمـا اكـون مسـتعد 100% اني اكـون شـخص مسـئول عن عن عـايلة و حـدي شـبعت من العـزوبية و راضـي بالقـيود اللي راح يفـرضهـا الزواج .. مو اتزوج لاني زهـقان و ابي اغـير روتين حـياتي (ياخـي روح "بوكـيت" اسـبوعين :p).. سـهل انك تغـير روتـين حـياتك و تكسـر المـلل و الزهقـة بس صـعب جـدا تتأقـلم مع الزواج اذا انت مو مسـتعد له

مرحـلة النضـج اللي اتكـلم عـنها مـا لهـا سـن معـين .. في شـباب مـا شـاء الله عمـره 20 سـنة و ناضـج تمـاما و في شـباب تلقين عمـرهم طق الـ 30 و لي الحـين مو كـفو زواج .. لكـن غـالبا مرحـلة النضـج هـاذي تيي بـ عمـر 25 عشـان جـذي افضـل تأخـير الزواج شـوي

طـبعا انا قـاعد اتكـلم عن الشـباب الذكـور .. امـا البنـات فـ صـعب ان اتكـلم و احـكم .. لان شـخصية الانثى معـقدة جـدا و صـعب الواحـد يفهـمها و طـبعا هالشـي راجـع للـدور الكـبير اللي تلعـبه العـواطف و الاحـاسيس بتكـوينها

انا عن نفسـي حـاليا مو مسـتعد للـزواج .. لاني مـزاجي و شـخصيتي صـعبة "عسـر" .. يبـيلي وقـت اتهـيأ فـيه .. و حـتى يحـين ذلك الوقـت رافـع شـعار "يا حـلو العـزوبيـة" :p

و لي عـودة على سـالفة زيادة الوزن عقـب الزواج

[b4e]

مشكووورة خيو عالموضوع المفيد..
عطينا ايجابيات الزواج المبكر..
مقبلين..!

[KinG^BaLL]

لــو يـحصلي الزواج المـبكر مـا اقــول لئ:) !..

وين اعـفيني عن هلـموضوع لووووووول!..:D :p :p

[حفيد الروح]

يسلمو رقيقتنا ;) ..
يعطيج العافية ع الموضوع ..
أنا ضد فكرة الزواج المبكر لانه في غالب الأحيان يكون فاشل ..
وعن نفسي ماحب نفس اللي يقول عندي من يصرف عليي ليش ماتزوج !! ..
شنو إنت وراك بعدين زوجة وعائلة ومسؤوليات ..

إذا كان مستطيع وخايف أن يقع في المحظور أو بالأصح في الحرام ..
ففكرة الزواج المبكر راح تكون إحدى الحلول الجيدة ..

سالفة يطول العمر :..
دام طول العمر في عوار راس الله لا يبلشنا :p ..
>> ترا أمزح ها :p ..


لكن مو المشكلة انه نص الدين له :p ..

وتحياتي

[جوكم]

انا ضـد فـكرة الزواج المبـكر .. في نـاس تزوجـو وهم صـغار و مرتاحـين الله يهـنيهم لكـن غـالبا يفشـل

معـظم اللي يتزوجـون وهم صـغار يتزوجـون لانهـم مـو لاقـين شـي ثـاني يسـوونه .. يعـني حـاط ببـاله دام تخـرج و توظـف لازم يتزوج على طـول .. الزواج يحـتاج الى الوصـول لـ مرحـلة من النضـج و الاسـتعداد العقـلي و النفـسي .. يعـني اتزوج لان عـندي كـمية عـواطف و مشـاعر ابي افـرغها و ابي اوصـل لدرجة من الاسـتقرار و ابي امـارس احسـاسي بالمسـئولية بـ تكـوين اسـرة يعـني بالكـويتي اتزوج لمـا اكـون مسـتعد 100% اني اكـون شـخص مسـئول عن عن عـايلة و حـدي شـبعت من العـزوبية و راضـي بالقـيود اللي راح يفـرضهـا الزواج .. مو اتزوج لاني زهـقان و ابي اغـير روتين حـياتي (ياخـي روح "بوكـيت" اسـبوعين :p).. سـهل انك تغـير روتـين حـياتك و تكسـر المـلل و الزهقـة بس صـعب جـدا تتأقـلم مع الزواج اذا انت مو مسـتعد له




معاك 100% .. :)

قمت تقول درر وحكم ازوري وانت ما تدري :p

[الريانه]

اول شيء مشكوره على المووضوع.. وراح اتكلم عن نقطه نقطه ..

نقطه الزواج المبكر :

قال الرسول صلى الله عليه وسلم : " من يسطتع منكم الباءه فليتزوج " اول شيء بتكلم عن الشباب .. اذا خلص دراسـته وتوظف وقادر انه يفتحله بيـت ويكد على مره وعيال ليش لا؟ ابركله من انه يخـربط منيه ومناك ..ارفض رفضا قاطعا سالفة ان ليلحيـن ماشبعت من العزوبيـه او مو قد المسؤوليه .. الشباب اغلبهم من يتزوج يطخ ويثقـل .. فـ انا مع الزواج المبكر يعني مو بعمر 18 يتزوج لا طبعا .. يعني حده 25 سـن مناسب لزواج ويكون قارد على الزواج يعني موظف ومن الكلام الي ذكرته فوق ..

بالنسبـه للبـنت تتزوج مبـكر انا قاعده اشـوف بنسبه كبيره هنيـه بالكويت حتى لو ماخلصت دراستها يزوجونها طبعا برضاها .. بالنسبـه لي لله الحمد ابوي انـسان متفهم جدا ولا وحده من خواتي تزوجت الا لمـا توظـفت .. لكن انا راح " اشذ " شوي ما افكر بالزواج الا ليما احقق طموحـي حتى لو توظفت اخاف الله يرزقني بواحد معقد وابتـلش :o ..

الزواج يا يكون نعمه يا يكون نقمـه على حسب الزوجيـن لكن يفضل تكون الزوجه بالنسبه لرجل مو اي وحده مثلت عليه دور " عبله " ياخذها لان حتمـا راح تكون اخلاقها زفت .. وهم بالنسبه للبنت يكون اختيارها منبي على اختيار والدها لها اذا جاها النصيب .. ومو اي واحد من الشارع " مثـل عليها دور عنتر " تاخذه ..


بالنسبـه لنقطه الثانيه الصحه والزواج ..

هذا كـله مبني على نجاح الزواج نفـسه اذا كانت المشاكل تـلو الاخرى مستحيـل يكونون هالزوجيـن مرتاحين وبالتالي تأثر على صحتهم .. اما اذا كان الزواج ناجح فشيء اكيد راح تكون نفسيتهم مرتاحه وتأثر على صحتهم .. يعني اعرف بنات تزوجوا وكان زواج تعيس نفسيتهم منهاااره حتى بعد ما تطلقوا صارت لهم اثار سلبيـه في صحتهم .. وبنات اخريات مرتاحيـن وسعيدات بزواجهم تـلقينهم مستانسين ويبين على صحتهم وبشرتهم ..

والزواج مشكـله لابد منها

[عبدالإله]

8
8

لوووووووول وين المشكلة !! :D

اهم شي الادراك والاحساس بالمسؤولية وان وراه مستقبل يبي منه تخطيط للشي هذا
سواء كان عمر الي يبي يتزوج 18 ولا 25 ولا اصغر ولا اكبر

صدقوني اهم شي تفكير الشخص وتفهمه واستيعابه لكل الظروف الي بيمر فيها
عشان يحافظ على خلاصة حياته



وعني انا ابي وحده تحبني وتتزوجني عشاني أنا أنا واشياء اساسية فيني
موب عشان شكلي ومظهري :o وكم معي و وين اشتغل
بكره اذا صارلي لا سمح الله حادث وتشوه أو دحدرت و صفيت على البلاط :o ..قالت طلقني

بالتوفيق للعزوبية ^_^

ومشكوره اختي

[عبدالإله]

8
وعني انا ابي وحده تحبني وتتزوجني عشاني أنا أنا واشياء اساسية فيني
موب عشان شكلي ومظهري :o وكم معي و وين اشتغل
بكره اذا صارلي لا سمح الله حادث وتشوه أو دحدرت و صفيت على البلاط :o ..قالت طلقني


كني شطحت مو ؟!! :D

كلامي هذا يذكرني بمواقع الزواج :D ... الله يرجني بالهداية بس

[S-S]

1- النضج
2- النضج
3- النضج
4- " الزواج"

الزواج بكبره نضج ...!!!
و مشكورين :)

[Nutty VaMpIrE]

الزواج حلو اول سنة طبعا :p

والزواج استقرار ..

بالنسبة للزواج المبكر :
هالايام وايد صغار قاموا يتزوجون واايد على عشرين واحد
وعشرين سنة بعضهم مرتاحين .. بعضهم لأ
كل واحد وطبيعة نفسه .. وهم يعتمد على شخصيته .. يمكن البنت او الشاب مايكون مستعد وييندقرون
وفي ناس لهم طرق خارج الزواج يشبع نفسه ،، وناس ماترضى بهالشي وهالنقطة تأثر وايد
أنا عن نفسي مرتاح جذي تو الناس :) أمي غصب تبي تزوجني وتركدني بس أنا صامد :p

وبالنسبة للزواج والصحة :
اغلبكم قال الزواج يمتن لانه راحة نفسية ،، طلع العكس :p
المرة زعلانه قوطي برد وطيحلة وصج البنت ترتاح بالاكل


بس انا قايلة لازم اذكرNutty VaMpIrE :p عن موضوع النحافة جنه ،، يقول ان لو زوجته تمتن بعد الولادة يطلقها .. ( حسافة ما قدرت اتكلم عنكم المشكلة قسم الصحة :o ) المهم .. حرام عليكم :rolleyes2:

تبون كلشي :eek: ،، الجسم المناسب موجود قبل الزواج ,, اي تغيير انتي في خطر يا بنية :nono: والتغيير يه من بعد شي هم انتوا تبونه " العيال "


زوجتي وماتهتم بجسمها !! مايمشي عندي
والشي ينطبق على الرجل لاتزعلين

بس زين اغلب البنات والشباب قاموا يهتمون لجسمهم

ومشكورة على الموضوع :)

[Fahad]

موضوع حلو يتناول عده نقاط مفيده . .

الزواج له عده جوانب مفيده على الجانب العملي والحياتي للإنسان . .

من ناحيه الصحه ومن ناحيه مقارعه الحياه ومن ناحيه الفطره . .

مسأله الزواج المبكر . . مؤيد لها وبكل قوه

الرسول عليه الصلاه والسلام يقول [ يا معشر الشباب من إستطاع منكم الباءه فليتزوج ] . .

وإحنا بزمن مايرحم !! بنات لبسهم مصخره ومغريات وفتن الواحد ما يأمن على نفسه منها !

الزواج المبكر يصيغ للإنسان أمور الواحد مايحس فيها إلا بعدين . . خصوصا ً من ناحيه السكن النفسي وبالتالي يعود على صحه الإنسان بالعافيه والكمال . .

الزواج له عده فوائد نفسيه وسيكولوجيه وفطريه على الرجل والمرأه تعود بالفائده على صحته

عن نفسي أشوف انسب سن لزواج الرجل بين 23 و25 . . أما البنت فالأنسب تكون بين 20 لي 23 . . تكون صغيره و زوجها إهو إلي يبربيها . . المقصود بالتربيه مو تربيه الاخلاق . . أقصد تربيه على الحياه وهذيلا أبهاتنا تزوجوا امهاتنا بنفس الطريقه ونشوف الحياه هانئه سعيده بعكس ألحين البعض يتزوج اهو عمره 27 وهي عمرها 25 ولا 26 كل واحد فيهم ملسون أكثر من الثاني وشايف إنه كبير . . الخ

مافي شي إسمه مانضجت . . دام عندك قدره على قياده عائله وعندك الإحساس بالمسؤوليه وقبل هذا عندك على قياده بيتك من الناحيه الماليه بتمكن فتوكل على الله وتزوج . . حتى لو كان عمرك 20 !

نعم الزواج مو فلوس وبس . . لكن احساس بالمسؤوليه هذي " قمه النضوج "

دام الواحد عنده القدره الكامله على قياده بيته وزوجته وأموره الخاصه . . وعنده القدره الماليه شلي يمنع إنه يتزوج ! لحد يقولي مانضج . . ألحين الياهل إلي عمره 10 سنين ناضج وفاهم بالدنيا أكثر من غيره !!

90% من الربع إلي تزوجوا تزوجوا وماتجاوزوا 23 وماشاءالله ألحين بدال الياهل عندهم 2 و 3 وعايشين أحلى عيشه محد قال مانضجوا ويهال :)

موضوع ممتع وعندي كلام وايد بخصوصه بس مابي أشطح فيه :)

موضوع مشجع على الزواج . . بروحي على طريف الفكره في بالي من فتره بس الوالد يقولي توك صغير 23 اصبر شوي . . :o

[Nutty VaMpIrE]

^^
فووووقه تزوج ياعمي بس انا مو معاك :p

[Soccer_Addict]

في قصة قريتها ما اتذكر بالكويت او السعودية ..
أن في زوجين صادهم حادث .. ومن الحادث الزوج فقد بصره ..
الزوجة من حبها الشديد له تبرعت له بعينها اليسار ،، شلون شكرها ؟ ( تزوج عليها )
ليش؟ .. " شكو أطالع وحدة عندها عين وحدة!!!! "
في السعوديه




هم في زوجة تبرعت لزوجها بكلية .. استلم كليتها من جهة وتزوج عليها من الجهة الثانية!!

في مصر

[Shag7a]

أتوقع هالموضوووع رااح نشووف فيه ردوود وااايد لأنه رااح يعجب نااس وااايد :o ...
بقول رايي بعدين لأني مشغوله الحين

[سندريلا]

أوافق أخوي AZzuRri_Q8i بكل كلمة .. أنا ضد الزواج المبكر خاصة للشاب يعن فوق 25 ممكن لكن أقل من هالعمر برأيي حتى لو نضج العمر واليوم الواحد يعطيه نضح ومسؤولية ويفهم الحياة افضل

الزواج مو مسألة ماديات وفلوس تنصرف ومنو يصرف على منو الموضوع أكبر من جذيه بوااايد والنضج عند مجموعة كبيره يكتمل مع الأيام والسنوات .. لكن فيه ناس لو توصل 40 بعدها ضايعه

البنت موضوعها يفرق بواايد عن الشاب أشياء واايد تحدد اختيارها وأقبالها على هالخطوه الحساسه والمصيريه بحياتها فيخلي الخطوة أثقل لكثير عليها وخاصه البنت الي تفكر بعقل

والله يوفق الجميع ومرسي خيتو على الموضوع

[Corvette]

مـانبي الصحه من ورى الـزواج " عوع "

[DVD]

تـكلمي عن الزواج المبــكر ..

[b4e]

^
اي والله انا وياك من زمان ابيه..!

[الألماسة]

...

..

.

بداية ـ اشكرج على هـ الموضوع ؛

نقدر نقول لانه موضوع متفرع ـ متشعب ـ يعني بكل المفردات موضوع " مو هين " ؛

الزواج المبكر ـ اللي له و اللي عليه

...

كل شىء له جانب إيجابي ـ مثل ماله جانب سلبي ؛

و تفضل اخوي فهد و تكلم عن ان " ما شىء اسمه مو ناضج " ؛

و ان النضج مو محدد بفتره عمرية ؛

كلامه عدل ؛

ناس عدت الـ 30 و عقلهم اللهم يا كافي و ناس بالـ 20 و ماشاءالله عليهم ؛

عيل وين الخلل؟ و ليش انا ضد الزواج المبكر ؟

لان ؛

البعض يشوف الزواج نفنوف ابيض " البنات " ـ و الشباب يشوفونه بشت ؛

و هذول طبعا اصحاب العقول المجوفه !

فارغه ـ محدوده بدائرة مغلقه ؛

شهر ـ شهرين و الا البنت عند اهلها ـ يايبه قشها و يايه !

لانهم ـ يشوفون ان الحياة الزوجية حرب !

البقاء للأقوى ـ ؛

و كل واحد يشوف نفسه اهو الاصلح !

...

اشدخل العمر بـ كلامي ؟

هـ الفئة لو تأخرت شويه بالزواج جان شافت و تعلمت من اللي حوالينها ؛

لكن ـ خبطه و لزقه على طول !

ما ينفع ؛

الحياه تعطي شهاده اعلى من شهاده البروفيسور اللي يبي يتعلم ؛

بالمقابل تبي الوقت منهم ؛

و ربعنا ما اسعفهم الوقت ! ؛

و أدري ؛

في ناس صغار و متزوجين و عال العال ؛

و ادري انهم تعلموا من الدنيا ؛

بس هذول فئه قليله و احنا نتكلم عن العامه ؛

...

..

لي عوده ـ و مو بعيده

^_^

[الألماسة]

وإحنا بزمن مايرحم !! بنات لبسهم مصخره ومغريات وفتن الواحد ما يأمن على نفسه منها !




قلت لي عودة و اشوه اني قلت مو بعيده ؛

^_^

...

..

.

صدقت ؛

للــأسف إنك صدقت ؛

انا بنت ـ و قلبي يعورني لما اشوف هـ المناظر !

اللي يتعذرون فيها بدافع التطور !

و ما يدرون ان تطور الأمم يقاس بفكر شعبها ؛

لــا بتفصخهم ! ؛

...

..

و هـ الكلام ـ يلامس موضوع الزواج ؛

بس يا خوفي يا خوي يا فهد ؛

ايلك واحد متزوج و يطالع هـ الاشكال !

[قدساوي للابد]

شكرا على الموضوع :)

مفيد الصراحه والردود عجيبه :)

[الرقيقة]

وآنا بعد لي عودة باجر ان شاء الله ..

شفيكم معارضين الزواج:mad: ،، حتى المبكر!
يبيلنا قعدة :p

[MilkShake]

انا من مأيدين الزواج المبكر و المقبلين عليها ان شاءالله :)
طبعا اهي على حسب ظروف الشخص وعلى حسب العوامل الي حواليه اذا كانت تساعده ولا لا
وانا اعرف اثنين واعمارهم نسبيا صغيره واحد تزوج وعمره 19 والثاني خطب بالعمر هذا وتزوج وعمره 20 , بو 19 ما حسبها عدل واستعجل وايد والله يعينه على الي اهو فيه الحين , والثاني هم عمره الحين 20 ومتزوج بس ما شاءالله عليه عيني عليه بارده حياته حلوه وسعيده واهو ريال الي يشوفه يقول عمره اكبر من 20 من تصرفاته وتفكيره وان شاءالله بعدجم شهر الله راح يرزقه بمولود ,
انا الي ابي اوصله من المممكن الواحد يتزوج واهو عمره كبيره ويعيش حياته يستر على روحه ويكمل مشواره , لنه في بعض الشباب تفكيرهم اكبر من تفكير الي اكبرهم بالعمر ..
وثاني شي تره على ايام قبل بكويت الماضي الناس كانووا كل ولد عندهم يطق ال18 يتزوج او يخطب والاجيال السابقه كانت من احلى ما يكون من تلاحكم اسري وفكري ,,,
ومن وجهة نظري الواحد اذا يقدر يتزوج خل يتزوج حتى لو كان صغير وتره شي حلو اذا ياب ولد او بنت ويكون فرق العمر بينه وبين عياله صغير عشان يكون في توافق اكثر :)
واسف على لطواله
وان شاءالله نشوفكم كلكم معاريس :)
شكرا

[AZzuRri_Q8i]

مافي شي إسمه مانضجت . . دام عندك قدره على قياده عائله وعندك الإحساس بالمسؤوليه وقبل هذا عندك على قياده بيتك من الناحيه الماليه بتمكن فتوكل على الله وتزوج . . حتى لو كان عمرك 20 !

فـهد انت رديت على نفسـك بنفسـك .. تقـول مـافي شي اسـمه نضـوج .. و اللي كـاتبه "قـيادة عـائلة" و الاحسـاس بالمسـئولية و و و .. هـذا مو نضـج ؟!

و بالنسـبة للي اذكـروا الحـديث الشـريف .. سـؤال لكـم .. يعـني شـنو "البـاءة" ؟؟ البـاءة مو بس قـدرة مـادية و بدنيـة و لا جـان حـتى المـينون زوجـوه .. هـذا معـنى البـاءة اقتبسـه من موقـع اسـلام اون لاين .. "والباءة هنا لا تقتصر على القدرة المادية كما يتصور البعض، ولكنها تنصرف للقدرات المعنوية والنفسية والجنسية، وتشمل فيما تشمل النضج اللازم لإدارة حياة زوجية واستيعاب وفهم طبيعة شريك الحياة والقدرة على التعامل مع هذه الطبيعة"

[AZzuRri_Q8i]

سـالفة زيـادة الوزن بعـد الزواج

غـالبا الزوج و الزوجـة "ينتفخـون" عقـب الزواج .. هـذا مو ذنب الزواج ذنبهـم اهم .. بس طـبعا الزوجـة اهي اللي تاكـلها و اهي اللي لازم تكـون رشـيقة عشـان زوجـها ما يطـالع غـيرها و عـذره "ان الله جمـيل يحـب الجمـال" ..

بس اهي بالنهـاية تعـتمد عالشـخص نفسـه .. انا عن نفسـي دام احـب هالانسـانة و تعـودت عـليها و مرتـاح معـاها حـتى لو تكـون "درام" ظـفرها عـندي برقـبة اقـدع "غـزال" .. بس طـبعا مـا احـبذ تكـون "درام" :o

و مشـكورة رقيقـه عالموضـوع الحـلو الشـائق الشـائك

[Fahad]

AZzuRri_Q8i

إعتراضي مو على سالفه النضج بحد ذاتها . . إعتراضي على كلمه النضج . .

ألحين الياهل تلقاه ناضج . . والنضج هو الفهم والإستيعاب لأمور الحياه . .

صدقني إلي عمره 11 و12 سنه يفهم حاله حال إلي عمره 30 و 40 سنه ويمكن أكثر بعد !

لكن هل الياهل هذا قادر إنه يقود بيت من جميع نواحيه ! أكيد لأ لذلك في أمر آخر أو جانب آخر للنضوج وهو القدره على المسك بزمام الامور والإحساس بالمسؤوليه . .

ألحين ماشاءالله الشباب على 21 و22 تلقاه شايل البيت على راسه وهذا بحد ذاته نضوج . .

أما مسأله الباءه . . فشي أكيد مو المقصود فقط الجانب المالي . . المقصود الجانب النفسي والمعنوي وأمور أخرى يعرفها الشخص بنفسه هل موجوده فيه ولا لأ مثل ثقته بنفسه وإحساسه بالمسؤوليه . .

الوضع ألحين مايساعد إنه الواحد يظل عزوبي فتره طويله . . فتن وبنات اللهم يا كافي !! أمس رايح المطار أستقبل واحد من الربع لاعت جبدي وطلعت نطرت برى !! فصاخه حتى إحنا الشباب نستحي نلبس جذي !!

الزواج إهو أفضل حل لمثل هالامور . .

أشجع الزواج المبكر " بعقل " . . ماشاءالله أغلب إلي حولي من أهلي والربع تزوجوا مبجر والله يهنيهم ويسعدهم عايشين أحلى عيشه وبالعكس يشجعون الزواج المبكر . . ولو الوالد يلين راسه شوي جان من زمان خالص . . يقولي إنطر سنه بعد :o

::


و هـ الكلام ـ يلامس موضوع الزواج ؛


بس يا خوفي يا خوي يا فهد ؛


ايلك واحد متزوج و يطالع هـ الاشكال !


هالشي جدامي صار . . واحد قعد يتحرش في بنت بالمهلب وبالصدفه أخوها كان بنفس المجمع دقت عليه ولما راح له طلع متزوج !!




قواكم الله على النقاش الروعه والمثري بصراحه . . نبي مثل هالنقاشات المفيده والطيبه :)

ملاحظه : الواحد دايما ً يدعي إنه ربه يرزقه بالزوجه الصالحه والذريه الطيبه ونفس الشي البنت تدعي إنه ربها يرزقها بزوج صالح وذريه صالحه . . إدعوا بهالدعاء دوم عشان رب العالمين يسهل عليكم :)

[الألماسة]

. .


الوضع ألحين مايساعد إنه الواحد يظل عزوبي فتره طويله . . فتن وبنات اللهم يا كافي !! أمس رايح المطار أستقبل واحد من الربع لاعت جبدي وطلعت نطرت برى !! فصاخه حتى إحنا الشباب نستحي نلبس جذي !!










...

..

.

مساءكـ خير و مساء كل شخص بالـ ديوانية ـ نوير ؛

فهد ؛

لازم تعرف ان هـ الشعور متبادل ؛

لان هـ الفئه موجوده عند الطرفين ـ البنات و الشباب ؛

يعني مثل ما تلوع جبدك من البنات و انا اعترف ان جبدي لاعت و خلصت و قلت هالكلام بردي السابق ؛

ما ننكر ان في شباب جذي ؛

...

..

http://www3.0zz0.com/2006/11/03/11/22990457.jpg

يعني اييلك واحد شعره ماادري شنو سالفته ؛

يا ماكل جراغي يا متسبح و مستشور شعره و صارت فيه صاعقه كهربائيه ؛

و الحل الثالث انه قبل ما ينام شاف فيلم رعب !! ؛

و إلا اييلك لابس شورت ـ و غابات السافانا ما شاءالله ؛

يعني من اشوف هـ الاشكال ؛

اقول يا رب ـ شنوهـ الاشكال !

هل فعلا خلص جيل الرياييل و صار جيل الشباب الـ cool !!

و اذا الـ كول بـ هالطريقه ــ عووع ما ينبغى ؛

...

[Shag7a]

Back


شكرا الرقيقه على الموضوع :)


أول شي لفت نظري سالفة وزن المراه و تغير شكل جسمها بعد الولاده .. يعني أنا بنت الحين و أقدر أهتم بشكلي و جسمي ..بس باجر إذا حملت إشدراني إشراح يصير فيني !! و هل رااح أقدر أحاافظ على جسمي ولا لأ ! أكييد كل الحريم ودهم يرجعون لأجسامهم و رشاقتهم قبل الولاده , بس المسأله إتأثر بطبيعة الجسم و قابليته إن يرجع لشكله السابق.. ناس أعرفهم يذبحون عمرهم و يحاولون يضعفون بس يصير هالشي مو بيدها , خصوصا إذا الحمل صاار متكرر و را بعض ,يعني هذي شتسوي بالله تنتحر ؟؟ .. و في المقابل أعرف بنات وااايد ماشاء الله إرجعو بعد الولاده مثل قبل و أجسامهم حلوه لأن طبيعة أجسامهم غير .. الزبده أتمنى إن الراياااييل يحبون حريمهم بكل شكل و ما يخسرها و يهدم بيته على سالفت وزن و شكل ..




عن نفسي أشوف انسب سن لزواج الرجل بين 23 و25 . . أما البنت فالأنسب تكون بين 20 لي 23 . . تكون صغيره و زوجها إهو إلي يبربيها . . المقصود بالتربيه مو تربيه الاخلاق . . أقصد تربيه على الحياه وهذيلا أبهاتنا تزوجوا امهاتنا بنفس الطريقه ونشوف الحياه هانئه سعيده بعكس ألحين البعض يتزوج اهو عمره 27 وهي عمرها 25 ولا 26 كل واحد فيهم ملسون أكثر من الثاني وشايف إنه كبير . . الخ










وجهة نظر و ممكن تكون صحيحه .. بس لا تاااخذهاااا قااااعده ... إذا صغااار بيفهمون بعض وإذا كباار بيطلعون ملسونين ! ... البنت أم 20-23 رااح تقدر تربيها و تفهما بس إذا أكبر راح إتهاوش معااك و تعيش بنجره :confused: ! .. في بنات أعمارهم 18 بس طريقة تفكيرهاا أكبر مني و منك و إتمشي الريال مثل ما تبي مو العكس .. و في بنات فوق ال 30 حليوين و على نيااتهم كلمه تييبهم و كلمه توديهم ... و العكس موجود طبعا


إلي بوصله إن تقبل البنت لزوجها و قدرتها انها تكييف روحها مع زوجها مو مرنبطه بالعمر .. بل على الشخصية إلي تربت عليها .. إذا إهي متعوده في بيت أهلها إن رايها إهو إلي يمشي و طلباتها إتنفذ .. أكييد راح تكون عنيده و بتعيش بنجره..

[الـعبيدي]

ومنا الى اصحاب المهوووور الي توصل الى لمريخ

زوجي عيالكم وبناتكم واستروووهم ترى استر

مشكور يا الرقيقه على الموضوع

[Fahad]

الألماسه

لووووول من وين يابيه هالصوره :p

كلامج سليم شعور متبادل . . لكني بشكل عام أتكلم عن الفتنه مو بس لوعه الجبد باللبس . .

البنات بهالوقت يلبسون لبس الريال " إلي مايستحي " مايلبسها :rolleyes:

والله الواحد يستحي وهو يشوف بنت باللبس الفلاني ينزل عينه غصب يقول وين أبوها ولا أخوها هذي ؟؟

هذا إلي أقصده من الفتنه إلي تجبر الواحد على الزواج عشان يحصن نفسه ويعصم نفسه بالوقوع بالزلل والزواج المبكر هو أنسب حل بوجهة نظري . .

أما سالفه الشباب الشورتات وغيره . . مع إني معارض للبس الشورتات وغيره " بالاماكن العامه " لكن فتنتها مو مثل فتنه البنت بلبسها الفاضح أبدا ً

::

شقحه

كلامج سليم وهذا الي بوصله . . إنه العمر أو إلي قصده بعض الشباب إلي ردوا " النضوج العمري " مو مقياس . . كل واحد وتربيته داخل بيته قبل الزواج لكن يبقى للزوج جانب يربي فيه زوجته وكذلك في جانب للزوجه " توجه " في زوجها وفق ماتشوفه مناسب عشان تسير الحياه . .

لاحظي قلت للزوج يربي زوجته . . لكن الزوجه توجه زوجها . . لأنه الرجل " لازم " يكون أفهم من المرأه إلي يتزوجها عشان تكون القوامه المطلوبه على المرأه كامله . .

الكلام عن الزواج يطول ويطول . . لو بنتكلم فيه من ألحين لي السنه اليايه ما نخلص . .

والله يسهل على الجميع ويوفقهم ويرزقهم بالرزق الحلال الطيب ويرزقنا :)

[Nutty VaMpIrE]

قبل البنات تحلم متى تتزوج

اللحين قاموا يتشرطون :)


وفي ملاحظة لاحظتها دايما الرجل لما يكون مع وحدة سواء مرته او اهله او لا .. يلفت البنات ليش :p

[الريانه]

قبل البنات تحلم متى تتزوج

اللحين قاموا يتشرطون :)



لان الزمـن تغيـر والبنات ليسـوا بحاجة الزوج مثـل قبـل ..

لان قبل كانوا يزوجون البنت وهي صغيـره فـ يصير لها الابو والاخو والزوج وابو العيال وقبـل كانوا مو متعلميـن ومو عارفيـن شيء بالدنيا فتـلقى زوجها هو دنيـتها هو علمـها وطموحها بالدنيـا " رضاه بـس " .. هو بالنسبـه لها كل شيء هو تـاج " راسـها " على قولـتهم ..

لكـن حاليـا " يخسـي " يكون تاج راسـي :) الا اذا كـان " شيـخ " باخلاقه .. " مـلك " بطيبـته وحنيـته .. " اميـر " بكرمـه ورجولته وشهامتـه .. رجـل " عن حق وحقيقه " وهالصـفات ناااااااادره حاليـا للاسف ..

والبنت حتى لو " عنسـت " ماراح تكون اخرت الدنيـا لانها قادره تمشي حياتها بـدون زوج .. واعرف بنات كبـروا ولا تزوجوا " ماياهم نصيـب " عايشيـن احلى عيشه بـلا هم بـلا غم بـلا عوار راس .. وساتريـن عمرهم ومحافظيـن على سمعتهم .


لكن ارد واقـول ما للبنت غنى عن الزواج لانه سـتر لـها بس مو قبـل ما تتعلم وتحقق طموحاتها .. واذا كـان هالزوج انـسان يحب الخيـر لمرته ويساعدها على تحقيق طموحها فـلا مانع من انها تتزوج قبل لا تحقق طموحاتها وذاتها .

[AZzuRri_Q8i]

فهـد ..

الـوالـد حـكيم .. كل يـوم يمـر عـليك تكـتسب فـيه خـبرة يديدة تفـيدك بعـدين .. واهو عـارف هالشـي ..

عـيل مو زين اقعـدك مع ربعـي .. تكـره الزواج .. :o

[GoLcHia]

والله ما عنـدي خبـره بهالموضـوع .. بس اللي اعـرفه انه الزواج يقصـر العمــر ويشيـب الراس !! .. هذا بالنسـبه حق الزواج "والصـحه" !! ..

ومثل ما قالوا الزواج المبـكر مو مشكـله اذا كانوا الزوج والزوجه ناضجيـن وكفـو مسؤوليـه حتى لو كانوا صـغار بالعمـر شوي لأنه العمـر مو مقـياس لكن انا عن نفسـي افضل انه الريال يكون 27 وفـوق والبنـت 22 وفـوق !! ..

وبخصـوص سالفه الريال اللي يهـد مرته لأنها متنـت بعد الزواج ما عنـدي تعليق على هالموضـوع غير انه هالريـال "جليل أصـل" !! مع احتـرامي لجمـيع الأراء ..

ومشكـوره يا الرقيقه على الموضـوع !! ..

[الريانه]

[quote=GoLcHia;2340080]..

وبخصـوص سالفه الريال اللي يهـد مرته لأنها متنـت بعد الزواج ما عنـدي تعليق على هالموضـوع غير انه هالريـال "جليل أصـل" !! مع احتـرامي لجمـيع الأراء ..

quote]

لووووووووووووووووول

[6r6be6a !!]

بالنسبه للي تقول .. المشكله لو اييك واحد متزوج ويطالع هالاشكال .!
والله كل واحد وكيفه ! وعقله براسه ويعرف خلاصه !
واللوم ينحط على مرته .. اللي راضيه بانه يطالع غيرها .. ترسي عينه .. ما فيه خير يتلفت .!
وبعدين .. الزواج المبكر يهضم حق البنت .!
ومدامها تزوجت صغيره .. ريلها اكيد بيقولها لا تدرسين .. وان حصل وقال .. فاهي ما راح تقدر توفق !!
بيت وزوج واولاد .. وهذا غير الزيارات الرسميه .. حموله .. مجاملات الحموله ! صعبه .!
وبعدين .. لو ينطالع من منظور ثاني .. الزواج المبكر حتى للولد فاشل .! يعني واحد اشلون بيصرف على بيته واهو بدون راتب .! واذا كان عنده راتب .. فاكيد ياخذه من ابوه .. واهو بدون شغل !
اصلا هالشخص ماراح يكون الا اتكالي .. وشخص ماهو قد حتى مسؤولية نفسه ..
و لو قلنا الزواج المتأخر فيه فوايد اكثر من المبكر .. فهالكلام فاشل :) ... أيضا !
متى يمديهم اييبون عيال .. متى بيروحون شهر عسل << ويعيدون الذكريات عقب 20 سنه في نفس المكان :p
يعني .. الزواج في السن الطبيعيه .. اهي الانسب .. ما بين 23 الى 27 ..
وطبعا كلامي يمثل وجهة نظري الشخصيه .. وللكل الحق في التعقيب دون الرفض :D :p << مادري شمعناتها !
شكرا كاتبة الموضوع ..

[Fahad]

توني قاعد من النوم مالي مزاج أرد على ولا موضوع بس ردج ™6r6bE6a جبرني أصحصح :o

برد عليج نقطه نقطه . .


بالنسبه للي تقول .. المشكله لو اييك واحد متزوج ويطالع هالاشكال .!
والله كل واحد وكيفه ! وعقله براسه ويعرف خلاصه !
واللوم ينحط على مرته .. اللي راضيه بانه يطالع غيرها .. ترسي عينه .. ما فيه خير يتلفت .!


الزوجه شنو ذنبها إنه ريلها " مو محترم " !! مسويه إلي عليها وزياده بس ريلها مايترس عينه التراب شنو ذنبها نقط اللوم بس عليها !

ومدامها تزوجت صغيره .. ريلها اكيد بيقولها لا تدرسين .. وان حصل وقال .. فاهي ما راح تقدر توفق !!

وليش أكيد بيقولها لا تدرسين !!

كل إلي أعرفهم خذوا طالبات بالجامعه وماقالوا لهم هالشي . . " ونادر " ما أسمع إنه يقولها لا تكملين دراستج . . لأنه مثل هالامور يتفقون عليها قبل الزواج والبنت من حقها تشرط إنها تكمل دراستها ومن حقها ينكتب هالشي بعقد الزواج . .

بالعكس من حقها البنت تكمل وتصعد بدراستها وهالشي فخر لزوجها وفخر لها وكذلك عون للأثنين

يعني مسأله إنه يطلعها من الدراسه مفروغ منها قبل الزواج تشرط هالشرط . . :)

::

وبعدين .. لو ينطالع من منظور ثاني .. الزواج المبكر حتى للولد فاشل .! يعني واحد اشلون بيصرف على بيته واهو بدون راتب .! واذا كان عنده راتب .. فاكيد ياخذه من ابوه .. واهو بدون شغل !

للعلم أختي الكريمه . .

الزواج المبكر إلي نقصده مو إلي عمره 18 !! ولا الي عمره 19 !!

إلي أقصده ويقصده الكثيرين هو مابين 22 الى 23 للرجل . . يعني غالبا ً يكون متخرج ومتوظف . .

لكن إنتي جزمتي إنه بيكون بدون راتب أو إنه بيكون إتكالي . . مو هذا المقصود بالزواج المبكر أختي :)

وبالعكس هذا ماطبق شروط الزواج الكامله دينيا ً وإجتماعيا ً إنه تكون له القدره الماليه الكامله . . مايكون إتكالي على غيره :)

وبس خلاص قفلت مره ثانيه . . بروح أنام عن الإزعاج :p

[6r6be6a !!]

عاد انا رايي يقول جذي ! :D
ولو بتعيز اتغير بكلامي .. ما ني مغيره :p
وبعدين سالفه ما تكمل دراستها .. ماكو بنت اتشرط واتمرط قبل الزواج .. هذا حجي جرايد !
اتشرط عليه بس بدون لا ينكتب بالورقه .. << احتراما لابوها وعشان ما تسويلهم سوالف تعالوا بتشرط !
ولي صارت الصجيه ريلها يقولها قعدي ابيتج مسكي عيالج ابرك لج :o << وبدال لا تصير سيدة مجتمع تصير سيدة بيت ! من حظها العوي ! << وهالشي حصل مع بنت خالتي وانا تأثرت اكثر منها .. البنت مخها نظيف .. وعندها قابليه تدرس .. بس كون ريلها عاجبه شكلها واهي تحضر اجتماع بنتها بالمدرسه وتحضر قرقيعان ولدها بالحضانه .. فيقولها خلج بطاليه احسن .. << وخصوصا بان بنتها مدرستها بعيده .. فحطها لها عذر .. انتي تودينها وتييبينها !! :o
انتوا عندكم هذا مبكركم ! .. حصلي الشرف عرفته :D
وبعدين مصره باني القي اللوم على البنت .. ريلها عيونه زايغه .. شكو تطلع معاه !! :confused:
الا يعني تغث روحها ؟؟ هذا مرض نفسي .. تحاول تساعده يتشافى ... والا لا تطلع معاه عشان ما تحتر !
او طريقه بديله << بتطالع بطالع :p .. واكثر طريقه راح تفيد صدقني !! :p
عموما .. الله يوفق المتزوجين .. ويرزق الطويلات طوال << :p :p شقحه اشلونج :p :p !

[Corvette]

ماكو بنت تناسبني للأسف .. أبي بنت " فصله " :p

[Fahad]

يعني الواحد ماينام :p

أدري إنه راسج يابس بس إن شاءالله تقتنعين

::

حاليا ً مافي أبو يجبر بنته على الزواج أو شروط الزواج إلا فيما ندر وهالشي نشوفه حولنا . .

البنت لها الحق تتشرط وأبوها يأيدها خصوصا ً بسالفه الدراسه . . لأنه الأبو " العاقل " لازم يضمن مستقبل بنته مو يقعدها بالبيت عشان ريلها واذا تطلقوا تكون البنت فلست من الشهاده والريل !

بالعكس كلامج نادر نشوفه وهو كلام الجرايد . . من الي نسمعه ونشوفه حولنا انه البنت من حقها تكمل وتكتب بعقد الزواج بعد ;)

وللعلم . . ظروف الحياه تجبر الزوج إنه يخلي زوجته تكمل دراستها لأنه ظروف الحياه تخليه مايقدر بروحه يشيل البيت " إذا إفترضنا تعاون الزوجين بالبيت " . . وهذي قضيه ثانيه مانبي نتطرق لها . .

وأشوفها مسأله فخر لما الواحد زوجته تخصل على الشهاده وهي على ذمته . .

على العموم مسأله الزواج مرتبطه إرتباط كبير بالدراسه . . والحمدلله قاعد أشوف إنه شبابنا متفتحين وقاعدين يشجعون إلي يتزوجونهم عشان يكملون دراستهم وهذا الصح . . أما إلي تفضلتي فيه فنادر نشوفه وفي بيئات معينه :)

::

أما سالفه الريل إلي عيونه زايغه . . يعني شتسوي البنت تحكر نفسها وماتطلع مع ريلها عشان عينه زايغه ! يمكن من وراها عينه زايغه !

::

لا نشطح وايد عن الموضوع . . يبيلنا قسم لمناقشه قضايا المجتمع ماشاءالله النقاش وايد مثري بالموضوع ومبين عندنا ناس عقولهم فيها الكثير من الفايده لكن ماكو مجال تفرغها . . شكلي بطرح فكره قسم المجتمع على الإداره :o

ويعطيكم العافيه على النقاش الحلو جميعا ً :)

[الريانه]

كورفتو بعديـن عيالك يصيـرون " خبول " اذا امهم فصله ..:d بعديـن لما ينادونك راح " ابو الخبول " وجى " ابو الخبول " لوووول :d

[Corvette]

لووووووووول الريانه ..

فصله غير وخبله غير :p

أبي وحده " مرحـه " ماعندهـا شي إسمه زعل ..

عشـان باجر إذا " تزوجـت " عليهـا ما تقـول " طلقنـي " لووول

[الريانه]

لووووووووول الريانه ..

فصله غير وخبله غير :p

أبي وحده " مرحـه " ماعندهـا شي إسمه زعل ..

عشـان باجر إذا " تزوجـت " عليهـا ما تقـول " طلقنـي " لووول


لاوالله حـلوه هاذي تتزوج عليها وماتبيـها تقـول شيء ..:nono:

مـاكو ولا حـرمه ترضـى زوجها يتزوج عليهـا حتى " الحماره " ان رضـت بتتحـسف بعديـن ..

لكـن هذا ما يمنـع ان في حريـم تزوجوا عليـهم رياييلهم وعصبوا بدايـة الامـر لكنهم رضخوا للامر الواقع .. لكـن المثـل شيـقول " الضـره تحـر لو هي بالقبـر "

ابـوي على غمشـرة قالي اذا بغيت اتزوج على امج تخطبيـنلي ؟

قـلت : اطردها من البيـت وقبل لا اطـردها " اعفس خلقـتها " واغضب عليك لي يوم الدين " لاحظ من المفروض يغضب على الثاني :p " فـمابالك باحساس الزوجه ؟ اذا انا البنت احتريت :)

[عبد العزيز الحمادي]

الريانة وفي مثل مصري يقول .. اشوفه في المقبرة ولا اشوفه بحضن مرة

[الريانه]

بـاستن ..

تعددت الامثـال " والحـره " وحده

احـتر اذا اسمع شاب يـقول بتزوج على مـرتي لو فيـها عيب " لايطاق " ماعليـه ..

ماتجيب عيال مو مشـكله بس اصبـر عليها مو مـن اول شهريـن سنه تتزوج عليها تبيها من الله .. بس اذا انت يالريال العيب منك بتطـلقها وتخليها تشـوف حياتها ؟ طبعا الاغلبيـه لا وهي ماراح ترضى الله خلقـنا " نضحـي " مساكيـن لوول

[Corvette]

لووول الريانه .. الله يطول بعمره إن شاء الله :p

إحنا قادرين نتزوج وحده عشـان نتزوج ثنتين :p

مع انه الحكومة مسهله الأمر .. إخذ كويتيه تحصل على 4 آلاف :p

[Nutty VaMpIrE]

وبخصـوص سالفه الريال اللي يهـد مرته لأنها متنـت بعد الزواج ما عنـدي تعليق على هالموضـوع غير انه هالريـال "جليل أصـل" !! مع احتـرامي لجمـيع الأراء ..


جنها نغزة عني ولا يتهيألي :p

اللي بوصله لازم تصير محافظة على الشكل مع السنين .. وماتصير سالفة الولادة حجة
وشي طبيعي بعد الولادة البنت راح تمتن طبيعي

بس ضروري المحافضة على الجسم للرجل والمرأة .. من باب حب كل واحد للآخر وارضائه وانه يكون بعينه حلو من داخل و بالمظهر ..
)يعني اشوف مرتي مو مهتمة تظل حلوة حقي !! لا يبا مو كيفها هذا من حقوقي عليها(
)وهم مرتي لها حق علي احافظ على نفسي(
وصدقوني هالشي مهم بالوقت الحالي

وهالكلام لمصلحتكم مفروض مايزعل

والرقيقة الله يسامحج خليتي العالم يسبوني اللي يسوى واللي مايسوى

الكلام كان لتبين اهمية هالشي مو صج بطلقها !! :confused: الكلام ماينفهم بالظاهر

والحمدلله البنت تحافظ على نفسها من داخلها طواعية لانها تحب تشوف نفسها حلوة دايما
وقعدي مع اي بنية توها والدة وراح تفهمين كلامي وشكثر مهم هالشي والبنات يهمهم
انا خال حق وايد ماشالله واشوف خواتي نظام ونوادي بس لاتمتن كيلو وترد نفس قبل .. يعني مو من عندي هالكلام

وهم الشباب ماشالله !! شنو الكل جسم مايخلون الواحد يتهنى الا يطالع اللي يمه صك عليه :p

ورد اقول الشي هذا من الحياة مو من بالي

عاد انا افضل البنية المليانة وحلات البنية مليانة .. بس امي نصحتني تقول خذ ضعيفة اقولها ابي مليانة
تقول ضعيفة راح تنملي بعد سنة المليانة راح تمتن .. كلام الوالدة تبي تضبطني :)

[قدساوي للابد]

بالنسبه لي افضل عمر الزواج للرجل .. 25 سنه ..

وانا ان شاء الله لا وصلت هالعمر راح اتزوج .. اما حاليا كلش مو مفكر .. وشايلها من راسي ..

[الرقيقة]

والرقيقة الله يسامحج خليتي العالم يسبوني اللي يسوى واللي مايسوى
لوول شدعوى ،، الأكيد ان مو قصدي جذي ..
قلتها ونبي توضيح مو من حقنا :p

[Nutty VaMpIrE]

انا متأكد مو قصدج جذي
وانج فاهمه قصدي .. وكلامي
بس مخربة سمعتي شوي
ولو انه موهامني;)
حصل خير

بس ناس وعقولها صغيرة و كبيرة ،، يفهمون الكلام على كيفهم ولا شرايج قولجية تقصديني ؟:)

[خوان ريكلمي]

مبدعة يالمدريديه
موضوع روعة وع الوتر الحساس
بالنسبة للشباب والشابات

:p مثل ما يقولون : الزواج شر لا بد منه :p
أنا بعدي صغير ع هالأمور
بس اسمع الشباب يقولون اللي يخطب يخترب :p
لانه مايقعد ويا الشباب ومايبين على قولتهم الحكومة ماتخليه

[Shag7a]

وبعدين مصره باني القي اللوم على البنت .. ريلها عيونه زايغه .. شكو تطلع معاه !! :confused:
الا يعني تغث روحها ؟؟ هذا مرض نفسي .. تحاول تساعده يتشافى ... والا لا تطلع معاه عشان ما تحتر !
او طريقه بديله << بتطالع بطالع :p .. واكثر طريقه راح تفيد صدقني !! :p
عموما .. الله يوفق المتزوجين .. ويرزق الطويلات طوال << :p :p شقحه اشلونج :p :p !

لووووول طرطبيطو الله يخسج ضحكيتي :D .. آميين :p
بس هم حريتيني ... الحيييييييييين كل الرياييل إلي عيونهم زايغه (يا مال البط ) يكوون الغلط من حريمهم !!! :confused: شكووووووووووووو ياما حريم مو مقصرين مع رياييلهم و مسويينهم يا دهينه لا تنكتين و هم ريااييلهم يخرزخزوون و عيوونهم على البنات ( يا مال العمى ).. و يكون بعلمج وايد من الريااييل جذي .. تشوفين مرته يمه تهبل ملكة جماال و أهو عيوونه على بنات خلق الله .. هالأشكاال ما يملي عينهم غير الترااااااااب .. أكره هالموديل من الريايييل الله لا يبلانااا ...
وااااااااااي حدي إندمجت و إحترييت :mad2:

تذكرت سالفه سمعتها من المحامي خالد عبدالجليل بالراديو .. في وااحد ما ينادي مرته إلا ياااااااا المتيينه , يا الجيييكره , يا الهوووله ., يا البطه .. مايعامل مرته و لا عياله زيين .. بس يزف و يعيب و ما يعجبه شي مالت عليه .. و بس مجاابل التلفزيوون و طايحله غزل بهالمطربات و الممثلات ... مره كاان فااج حلجه و مجابل نانسي .. أخصمك آآه و أسيبك لااه .. نادا مرته و قالها جذيييييي الأجساام و الجمااال ومو إنتي يا الجييييكرة يا الشيييييييييفه يا الهوووله إبتلشت تفييج و في شكلج ... الزوجه إهنيي إحترت و إوصلت حدددهاااااا :mad2: .. جان تنادي بنتها و إييبون جدر كبير و يترسوونه مااي مغلي حاااااااااااااااااااار يصلخ .. و إنطرو الرياال عقب مانام بداره ... جان يدخلون عليييه و يعطوونه ذااك الشاور الحلوو بمااااي الجدر المغلي ... قلللللللللللعه عفيه علييييييييييييههههههههههاااااا تعجبنييي :wavetowel2: .. و سلامتكم و تعيشون :D

[GoLcHia]

بس ناس وعقولها صغيرة و كبيرة ،، يفهمون الكلام على كيفهم ولا شرايج قولجية تقصديني ؟:)

مادريت انك انت صاحب هالراي "اذا متنت مرتي بعد الزواج بطلقـها" الا توني يعني طبيعي ما كنت اقصـدك بردي !! .. لكن ردي كان موجهه حق "اي ريال" يفكر هالتفكيــر !! ..

ارد اقـول اذا في رياييل يطلقون حريمهم والسبب "الوحيـــد" اهوه انه والله متنتـي بعد الحمـال هذوله مو كفـو زواج وعشــره !! .. اغلب الرياييل بعد الزواج يكرشــون هذا واهمـه ما وراهم حمال وولاده .. ليش ماكو حريم "يخلعون" رياييلهم عشـان هالسبب ؟! ..

[GoLcHia]

Nutty VaMpIrE .. مادري منو تقصد بعقولهم صغيـره ويفسرون الموضـوع "على كيـفهم" !! بواحد من تعليقاتك على هالموضـوع قلت "ابي مرتي مليانه اذا متنت "وربي" اطلقـها !! .. انا فسرت هالجمله بالضبـــط مثل ما اهيـه .. شـدراني انه "وربي" اطلـقها معنـاتها عندك "مو صج" اطلـقها ..

[الألماسة]

بالنسبه للي تقول .. المشكله لو اييك واحد متزوج ويطالع هالاشكال .!
والله كل واحد وكيفه ! وعقله براسه ويعرف خلاصه !
واللوم ينحط على مرته .. اللي راضيه بانه يطالع غيرها .. ترسي عينه .. ما فيه خير يتلفت .!
وبعدين .. الزواج المبكر يهضم حق البنت .!
ومدامها تزوجت صغيره .. ريلها اكيد بيقولها لا تدرسين .. وان حصل وقال .. فاهي ما راح تقدر توفق !!
بيت وزوج واولاد .. وهذا غير الزيارات الرسميه .. حموله .. مجاملات الحموله ! صعبه .!
وبعدين .. لو ينطالع من منظور ثاني .. الزواج المبكر حتى للولد فاشل .! يعني واحد اشلون بيصرف على بيته واهو بدون راتب .! واذا كان عنده راتب .. فاكيد ياخذه من ابوه .. واهو بدون شغل !
اصلا هالشخص ماراح يكون الا اتكالي .. وشخص ماهو قد حتى مسؤولية نفسه ..
و لو قلنا الزواج المتأخر فيه فوايد اكثر من المبكر .. فهالكلام فاشل :) ... أيضا !
متى يمديهم اييبون عيال .. متى بيروحون شهر عسل << ويعيدون الذكريات عقب 20 سنه في نفس المكان :p
يعني .. الزواج في السن الطبيعيه .. اهي الانسب .. ما بين 23 الى 27 ..
وطبعا كلامي يمثل وجهة نظري الشخصيه .. وللكل الحق في التعقيب دون الرفض :D :p << مادري شمعناتها !
شكرا كاتبة الموضوع ..


...

..

.

مساءج سكر ؛

اولا ـ بالنسبة للي تقول لو اييك واحد متزوج ويطالع هالاشكال .! ؛

اللي قالت هالكلام اسمها الالماسة ـ لميس ـ لموس ؛

ناديها باي اسم يعجبج ؛

^_^ ؛

بس المهم عندها اسم ؛

و يفضل لميس ؛

^_^

و بعدين يا اختي ـ قولي الله لا يبلاج بواحد عينه زايغه ؛

ليش حطيتي اللوم كله على البنت ؟ في ناس ما يترس عينهم شىء !! حتى لو كانت ملكه جمال و هـ الفئة مرضى ـ فيهم نقص الله يبعدنا عنه !!

انيي للنقطه الثانية ؛

قلتي ان الزواج المبكر يهضم حق البنت و انها ماراح تكمل دراستها سواء برفض من زوجها او اهي ما تقدر توفق ؛

و انا الصراحه اعارضج على هالفكره ـ لان معاي بنات من ايام الكليه و دراستنا مو ادبيه علشان نقول امرها هين !! كنا بكليه الهندسة و البترول و كملوا و تخرجوا و الحين يشتغلون و عيالهم الله يحفظهم ايينون ؛

ذكرتي ـ ان الزواج المبكر فاشل للولد ايضا ؛

طيب و مثل ما تفضل اخوي فهد و قال لج ان ما نقصد بالزواج المبكر بسن الـ 17 !! يعني سن الـ 22 و فوق و هذا مستلم معاشه و موزع اول معاش هدايا ^_^ ؛

بعدين ذكرتي ان الزواج بسن متأخر هم مو شىء !!

و شكلج حسبتي االـ average و طلعتي لنا بهالنتيجه ؛

^_^ ؛


..

.

ردي هذا على عجاله ؛

لي عوده ان شاءالله ؛

^_^

[6r6be6a !!]

يعني الواحد ماينام :p


أدري إنه راسج يابس بس إن شاءالله تقتنعين

::

حاليا ً مافي أبو يجبر بنته على الزواج أو شروط الزواج إلا فيما ندر وهالشي نشوفه حولنا . .

البنت لها الحق تتشرط وأبوها يأيدها خصوصا ً بسالفه الدراسه . . لأنه الأبو " العاقل " لازم يضمن مستقبل بنته مو يقعدها بالبيت عشان ريلها واذا تطلقوا تكون البنت فلست من الشهاده والريل !

بالعكس كلامج نادر نشوفه وهو كلام الجرايد . . من الي نسمعه ونشوفه حولنا انه البنت من حقها تكمل وتكتب بعقد الزواج بعد ;)

وللعلم . . ظروف الحياه تجبر الزوج إنه يخلي زوجته تكمل دراستها لأنه ظروف الحياه تخليه مايقدر بروحه يشيل البيت " إذا إفترضنا تعاون الزوجين بالبيت " . . وهذي قضيه ثانيه مانبي نتطرق لها . .

وأشوفها مسأله فخر لما الواحد زوجته تخصل على الشهاده وهي على ذمته . .

على العموم مسأله الزواج مرتبطه إرتباط كبير بالدراسه . . والحمدلله قاعد أشوف إنه شبابنا متفتحين وقاعدين يشجعون إلي يتزوجونهم عشان يكملون دراستهم وهذا الصح . . أما إلي تفضلتي فيه فنادر نشوفه وفي بيئات معينه :)

::

أما سالفه الريل إلي عيونه زايغه . . يعني شتسوي البنت تحكر نفسها وماتطلع مع ريلها عشان عينه زايغه ! يمكن من وراها عينه زايغه !

::

لا نشطح وايد عن الموضوع . . يبيلنا قسم لمناقشه قضايا المجتمع ماشاءالله النقاش وايد مثري بالموضوع ومبين عندنا ناس عقولهم فيها الكثير من الفايده لكن ماكو مجال تفرغها . . شكلي بطرح فكره قسم المجتمع على الإداره :o


ويعطيكم العافيه على النقاش الحلو جميعا ً :)

المفروض تآزرني .. انا ليلحين مواصله :p
اولا .. بالنسبه لموضوع انها تكمل دراستها .. انا اشوف "بالبيئة المحيطه فيني طبعا" ان الرجل اللي عمره بال30 .. يصر على ان مرته تجابل عيالها .. واللي صغار يقولك كملي واخذي الشهاده .. بس لا تشتغلين .. انا اصرف عليج !! << يبيها تجابل نفسها واهله ! وهذا حقه ..
بس شخصيا ما شفت وحده تزوجت واهي تدرس وقادره توفق تماما بين الاثنين .. وانا ما اقصد الخريجه اللي تنخطب .. لا ... مثلا وحده باولى جامعه ... تتزوج وتعيش مع زوجها خلاص ! اهني الرباط !
واكيد في اختلاف كبير بالبيئات .. بس صاحبة الشخصيه القويه .. بتفرض قرارها .. وبتتمسك فيه .. بس شي يزعل بان فئة كبيره ربات بيوت !! ليش ما تصير الفئة الغالبه نساء عاملات ! شي محير !!
شاللي يحر بموضوع عينه زايغه ؟؟ انه يطالع بنات اجكر منها جدامها ! فهذا كل اللي يحر !!
انا اقترحت .. يا انها ما تطلع معاه .. عشان ما تحتر ! تبي تطلع معاه توديه مكان بوقت ما فيه هالعاهات اللي تتكلمون عنهم !! << شقصدكم فيهم ؟!
سر ونحن من ورائك يا مستر فهــد .. و موضوع الافتتاحيه علي :p
مشكووور .. ما قصرت ..
___________________
شقحه لا تقولين الله يخسج .. ما تنقبل صلاتج 40 خريف ! << والعهده على عمتي :o
شقحه فهميني .. اذا انتي فيج شامه .. الغلط منج ؟؟ لا طبعا .. هذا ابتلاء من ربج !!
فاهو نفس الشي .. مريض نفسيا .. واهي يا توقف معاه .. لا توخر عن حركاته عشان ما تغث روحها .. انا شخصيا احاتي مشاعرها اهي بالاول والاخير .. واهو بالعطا :p
لوووووووووووووووووووووووووولز .. << اتمنى ربع شجاعة هالانسانه :o

[الألماسة]

لا نشطح وايد عن الموضوع . . يبيلنا قسم لمناقشه قضايا المجتمع ماشاءالله النقاش وايد مثري بالموضوع ومبين عندنا ناس عقولهم فيها الكثير من الفايده لكن ماكو مجال تفرغها . . شكلي بطرح فكره قسم المجتمع على الإداره :o


ويعطيكم العافيه على النقاش الحلو جميعا ً :)



...

..

.

جان زين ؛

مو شرط يكون عن المجتمع ؛

يفضل لو يكون قسم عام ؛

للـ حوار الجاد ؛

يكون مضمونه مواضيع عامه ـ جاده و يتم نقاشها ؛

يااخي عندنا سوالف صار فينا كبت و صفحات الجرايد مو ملحقه علينا ؛

^_^ ؛

[DVD]

اللحيـن خلصــونا نبي نتـزوج! عطونا عن الزواج المبكر:p

[6r6be6a !!]

عفوا اختي لميس .. انا ما دريت منو اللي قايل الكلام .. اسمالله عليكم الردود وايد ! والصراحه العتب على النظر .. اعذريني :)
بعدين .. انتي قلتيها مرضى !! لا تناقضين نفسج ! المريض يحتاج مساعده .. مو عتب !!
وغير جذي .. الولد اللي يتزوج بعمر صغير << انا بالنسبه لي الآفريج مالي من 18 لين 22 !
وهذا ما اشتغل حتى .! فانا حسبتها على جذي ! << بعدين اشدعوه 17 .. قاعدين مع ابو جهل ؟!
عموما .. الله يوفق البنيات اللي تقولين عنهم .. و يظل كلامي وجهة نظر .. انتظر من يغيرها :) .. اذا كنتوا تعتبرونها خطأ .!
شاكرتلج .. واعذريني مره ثانيه :)

[الألماسة]

المفروض تآزرني .. انا ليلحين مواصله :p
اولا .. بالنسبه لموضوع انها تكمل دراستها .. انا اشوف "بالبيئة المحيطه فيني طبعا" ان الرجل اللي عمره بال30 .. يصر على ان مرته تجابل عيالها .. واللي صغار يقولك كملي واخذي الشهاده .. بس لا تشتغلين .. انا اصرف عليج !! << يبيها تجابل نفسها واهله ! وهذا حقه ..
بس شخصيا ما شفت وحده تزوجت واهي تدرس وقادره توفق تماما بين الاثنين .. وانا ما اقصد الخريجه اللي تنخطب .. لا ... مثلا وحده باولى جامعه ... تتزوج وتعيش مع زوجها خلاص ! اهني الرباط !
واكيد في اختلاف كبير بالبيئات .. بس صاحبة الشخصيه القويه .. بتفرض قرارها .. وبتتمسك فيه .. بس شي يزعل بان فئة كبيره ربات بيوت !! ليش ما تصير الفئة الغالبه نساء عاملات ! شي محير !!
شاللي يحر بموضوع عينه زايغه ؟؟ انه يطالع بنات اجكر منها جدامها ! فهذا كل اللي يحر !!
انا اقترحت .. يا انها ما تطلع معاه .. عشان ما تحتر ! تبي تطلع معاه توديه مكان بوقت ما فيه هالعاهات اللي تتكلمون عنهم !! << شقصدكم فيهم ؟!
سر ونحن من ورائك يا مستر فهــد .. و موضوع الافتتاحيه علي :p
مشكووور .. ما قصرت ..
___________________
شقحه لا تقولين الله يخسج .. ما تنقبل صلاتج 40 خريف ! << والعهده على عمتي :o
شقحه فهميني .. اذا انتي فيج شامه .. الغلط منج ؟؟ لا طبعا .. هذا ابتلاء من ربج !!
فاهو نفس الشي .. مريض نفسيا .. واهي يا توقف معاه .. لا توخر عن حركاته عشان ما تغث روحها .. انا شخصيا احاتي مشاعرها اهي بالاول والاخير .. واهو بالعطا :p
لوووووووووووووووووووووووووولز .. << اتمنى ربع شجاعة هالانسانه :o


...

..

.

اخر رد و بقفل النت و بقوم اخمد علشان اقدر اركز عقب ؛

^_^ ؛

بما انج تعرفين شقحه ؛

ساليها تعرف كم وحد درست بالجامعه و يابت يهال و الحين عايشه بخير و سلام ؛

يعني بنات انخطبوا بالكلية و تزوجوا بالكليه و يابوا يهال بالكليه و الحين تخرجوا بس مو بالكليه ؛

وحده كانت اتييب ولدها الجامعه ـ كنا نشتغل على المشروع و نلعب وياه ؛

و الثانية يابت بنتها بس بنتها شرانيه عطيتها حلاه قطتها بويهي ^_^ ؛

و الثالثه عندها تؤأم ماشاءالله ؛

و نسيت ـ هم في وحده بس ما كانت تيييب ولدها الدوام احنا كنا نمره البيت ^_^ ؛

^_^

يبه ـ اللي بقلبه صلاة ما تطوفه و اللي بالها على الشهاده تاخذها يو بابت نص درزن يهال ؛

و اللي مالها بالدراسه ـ ما بتشم ريحه الشهاده لو فضوا لها البيت و قالو لها بس نبيج تدرسين !

[6r6be6a !!]

ماشاءالله الله يوفقهم .!
شخصيا اشوفها غلط .. اصلا البنت من اييها عيال .. خلاص تلهى فيهم ! فتخيلي بتجابل تسوق .. والا ولد والا دراسه والا زوج ! والله صعبه !! اشلوووووووووون !!
ويظلون اقوياء ماشاءالله عليهم اللي سووا هالحركه !! :D وبصراحه وجودهم راحه :p

[الرقيقة]

<FONT color=darkorchid>DVD: اذا انت مقتدر وتحس انك مهيأ نفسياً للزواج تزوج :cool:

هذا عن الزواج المبكر:

فوائد متعددة
1- حصول الأولاد الذين تقر بهم العين، ويفرح بهم الأب قبل عجزه : قال تعالى: { وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ } [سورة الفرقان: 74]، كما أن الأولاد شطر زينة الحياة الدنيا { الْمَالُ وَالْبَنُونَ زِينَةُ الْحَيَاةِ الدُّنْيَا } [سورة الكهف: 46].

2- تكثير الأمة الإسلامية وتكثير المجتمع الإسلامي. والإنسان مطلوب منه أن يشارك في بناء المجتمع الإسلامي يقول ـ صلى الله عليه وسلم ـ: ( تزوجوا فإني مكاثر بكم يوم القيامة ) رواه الترمذي وابن ماجه، وصححه الألباني، وفترة الشباب هي زمن النشاط والطاقة والعطاء .

[عبد العزيز الحمادي]

الزواج زين يا جماعة .. تزوجوا .. بس نصيحة من اخوكم .. لا تتزوجون من اول معاش :)
الل توظف ينطرله سنتين ثلاث ولا يتأخر أكثر . انا اشوفها مناسبة

[الرقيقة]

^^
شسالفة :(
اكتب رد وينبلع!
يطلع بس ربعه!!
وين الباجي؟

الفوائد ..

[الرقيقة]

يتبع لردي لأن مادري وين يروح باقي الرد!!


(( مع الأسف وايد قمنا نشوف ان الناس تعتبر الزواج المبكر تخلف!! ،، مع ان لو قارنا بين سلبيات وايجابيات الزواج المبكر بسلبيات وايجابيات الزواج في سن متأخر راح نلاقي ان الزواج المبكر يقي من وايد شغلات :) .. غير الناحية الجنسية ،، الناحية الإجتماعية والأسرية .. مهم نشوف تقارب سن الآباء للأبناء .. فتقارب السن بينهم يعتبر عامل مهم جداً من عوامل الكمال الأسري :) ))

[الرقيقة]

وييييييييييي
شلون جذذذذذذي
:(
اكتب اكتب وينبلع!

[الرقيقة]

جني عفست موضوعي :(
مالي غير هالحل .. التعديل يبلع الرد ويخلي الربع الأول منه بس :(

هذا بحث لقيته بأحد المواقع ،، عن أثر الزواج المبكر على الصحة والحياة ..

إن البحوث العلمية والدراسات العالمية تثبت أنه لا يوجد زيادة في مضاعفات الحمل عند النساء اللاتي تتراوح أعمارهن ما بين 15-19 سنة . وإن المضاعفات التي تحصل عند الحوامل أقل من 15 سنة هي نسبياً قليلة . هذا ما أثبته العالم الأمريكي Satin من “Parkland Hospital- Texas

إن إيجابيات الزواج والحمل والإنجاب في سن مبكر عديدة منها :

1- الإخصاب : " إمكانية الحمل " إن نسبة الخصوبة" أي الحمل خلال فترة الزواج " عند الفتيات في سن مبكر تفوق الفتيات في الأعمار الأخرى .

2- الأورام الحميدة والخبيثة : إن أورام الثدي والرحم والمبايض هي أقل عند النساء اللواتي يبدأن الحمل والإنجاب في السنين المبكرة .

3- الحمل المهاجر" خارج الرحم " : يثبت العالم الأمريكي Rubin في أبحاثه عام 1983 أن حالات الحمل خارج الرحم هي 17,2 /1000 عند النساء اللواتي يزدن عن 35 سنة , وأن النسبة تقل إلى 4،5/1000 عند النساء اللواتي تتراوح أعمارهن 15-24 سنة .

4- الإجهاض : في بحث للعالم الأمريكي Hawen تزيد نسبة الإجهاض من 2-4 أضعاف عند النساء بعد 35 سنة من العمر .

5-إن العمليات القيصرية والولادة المبكرة و التشوهات الخلقية ووفاة الجنين داخل الرحم ووفاة الأطفال بعد الولادة جميعها تزداد نسبياً كلما زاد عمر الحامل .

6. إن الحمل والإنجاب هو عمل متكرر وإن المرأة بحاجة إلى فترة زمنية طويلة لإنجاب ما كتب الله لها من أطفال . فالمرأة التي تتزوج في سن متأخر فإنها سوف تنجب أطفالها وهي في سن متأخر ، ومن المثبت طبياً أن الأمراض المزمنة تبدأ بالظهور أو تزيد استفحالاً كلما تقدم الإنسان عمراً وهذه الأمراض المزمنة تزيد مخاطر الحمل والإنجاب وأحياناً تقف عائقاً للحمل والإنجاب .

منقول من دراسة عن الزواج المبكر

[tic tac]

هاردلكـ الرقيقه :p

..

الل توظف ينطرله سنتين ثلاث ولا يتأخر أكثر . انا اشوفها مناسبة

اي عدل عدل

..

خوش موضوع والردود احلى :o

[Shag7a]

طرطبيطه و إلي بوصله لج و لباجي البنات أنا و الألمااسه نصييييحه لوجه الله .. إن إذااا يااج ولد الحلاااال خووش وااحد و مايتطوف و إنتي بالجامعه لا تقوولييييين لاااااا وييه تو الناس علي ... أهم شي تتفقين إنتي معاه إنه يخليج تكملين دراسه , و إذا واافق و ما عنده مانع .. تزوجي و جنه العييد والله لأن سبحان الله إنتي عبالج إن المسأله صعبه .. بس الله رااح يسهل علييج..يمكن بالبداايه رااح يكون صعب الوضع و فيها تعب شوي .. بس مايخالف .. التعب يسوى , و صدقيني الله راح يساعدج , يطيحج عند دكاتره حليويين و يقدرون ضروفج , ولا يرزقج بصديقااات يساااعدوونج بالإمتحانات و الواجباات ... و لو قلنا إن يمكن مع الحماال توقفين قيدج و هالسوالف ما يخالف إشورااج بدال ما إتخرجين ب 4 سنسن راح إتطولين ليه 5 سنين ... عادي رااح تكتشفين عقب هال5 سنين إنج حصلتي شهاد + ريل + عياال ..و هذا شي حلو ماشاء الله :)

[Fahad]

™6r6bE6a

خواتي الألماسه وشقحه ماقصروا بالرد ووضحوا وجهة النظر

والشي بالشي يذكر . . ملاحظ شغله إنه أكثر كليه فيها بنات يتزوجون الهندسه " مع العلم إنها كليه عمليه وخصوصا ً بكورس التخرج الشغل العملي ذباح " . . نفس الشي بكورس التخرج كانوا عندنا بنات ياخذون عيالهم معاهم . . وماشاءالله الي عندها ياهل والي عندها اثنين وتاخذه معاها وقت الشغل حتى لو بعد المحاضرات لما يجتمعون البنات حق الشغل . . واذكر الدكتور نواف المطوع سألهم بالمحاضره شرايكم بالزواج المبكر " كلهم " مدحوا الزواج ومحد ذمه وقال تعب . . الخ
ما انسى الياهل إلي طق لي عرجوب وأنا طالع من المحاضره بس الله ستر ماتكرفست :eek2: . . بط جبدي :p

::

شقحه . .

ونعم الرأي ماشاءالله قواج الله لخصتي الي بالبال كله

::

ويعطيكم العافيه على النقاش المثري :)

[Nutty VaMpIrE]

الزواج حلو اول سنة طبعا :p
وبالنسبة للزواج والصحة :
زوجتي وماتهتم بجسمها !! مايمشي عندي
والشي ينطبق على الرجل لاتزعلين

بس زين اغلب البنات والشباب قاموا يهتمون لجسمهم
ومشكورة على الموضوع :)

مادريت انك انت صاحب هالراي "اذا متنت مرتي بعد الزواج بطلقـها" الا توني يعني طبيعي ما كنت اقصـدك بردي !! .. لكن ردي كان موجهه حق "اي ريال" يفكر هالتفكير !!
ماتدرين :rolleyes: .. جايز
معنه اساسا مو راي .. كانت عبارة في موضوع ثاني
وراي موجود بردي بهذا الموضوع

Nutty VaMpIrE .. مادري منو تقصد بعقولهم صغيـره ويفسرون الموضـوع "على كيـفهم" !! بواحد من تعليقاتك على هالموضـوع قلت "ابي مرتي مليانه اذا متنت "وربي" اطلقـها !! .. انا فسرت هالجمله بالضبـــط مثل ما اهيـه .. شـدراني انه "وربي" اطلـقها معنـاتها عندك "مو صج" اطلـقها ..

التعليق هذا مو موجود بهالموضوع اولا :) .. كان بموضوع النحافة
.. ماشالله غشمرتي مع ربعي تنحفظ
كانت جملة لا اكثر بيني وبين برو .. يعني لما الواحد يقول حق مرته فلانة لاتسوين جذي اذبحج وربي .. يعني صج بيذبحها

بس من كلامج جذي يعنيي انتي عبالج انه هذا بالفعل هذا رايي و صج بطلقها!!:)
يعني قصديتيني بكلامج الحلو .. وتوج تقولين مادري انك انت صاحب الراي !! :)


بس أنا ماأحاسب الناس على طريقة تفكيرهم وتفسيرهم للكلام .. حتى لو غلطوا علي وانا ادري اذا كنت مقصود بكلامهم الحلو او لأ
لاني ادري كل واحد إذا كان عقله صغير أو كبير
فماحاسبج ;)

[F.C.B]

شر لابد منه :p

[ابـ عسكر ـن]

الموضوع حلو .. لكنكم تشعبتوا فيه تشعبات كثيرة بدون انضباطية بالمناقشة والطرح ..فضيعتوا الهدف من الموضوع .. وخلطتوا بين الغايات والوسائل ..
وهذا بسبب طول الموضوع ووضع " جميع البيض في سلة واحدة " .. ولو تم تقسيم الموضوع الى اجزاء لكان افضل للموضوع وللنقاش ..

اللي احب اذكره :
- ان الزواج جوهرا ومضمونا تغيرت النظرة اليه في السنوات الـ 10 الاخيرة .. وبالطبع الى الاسوأ وليس الى الافضل .. وسبب ذلك هو تغير نظرة البنت للزواج .. وبدل ان تساهم ثقافتها في تصحيح الاوضاع زادت " الطين بلة " ..
- نظرة للرجل للزواج والزوجة لم تتغير .. ولكن الذي تغير هو نظرة البنت لهما ..
ففي السابق كان الزوج هو السيد المطاع الذي يجب ان ترضيه و " تملي عينه " قدر المستطاع ..
اما الان فقد اصبح الزوج " ند " ما يفرق بينهم الا الطبيعة البشرية ..
ولا اعلم ما فائدة مستوى ثقافة البنت اذا لم يعود بالنفع على الاسرة والمجتمع بشكل ايجابي ؟
زادت ثقافة البنت فزادت حالات الطلاق والعنوسة وزواج الشباب الكويتي من الخارج !!
لذلك يجب ان تعيد البنت حساباتها لانها هي الخسرانة .. " وعلى نفسها جنت براقش " ..

- الزواج المبكر :
من الممكن ان نصل الى نقطة اتفاق لو اجبنا على السؤال التالي :
لماذا ينجح الزواج المبكر في الحالات التالية ؟
* البيئة البدوية المتمسكة
* البيئة الريفية
* البيئة التي تقل فيها نسبة الاناث الدارسات

- البعض تحدث عن مسالة تعدد الزوجات :
التعدد حق وليش اضطهاد وظلم .. وهو من حق الرجل متى ما التزم بشرط التعدد وهو العدل بين الزوجات .. فليس من حق اي زوجة تزوج عليها زوجها ان تطلب الطلاق .. الا ان الذي تغير ان الزوجة في السابق كانت تسعى الى الفوز برضا زوجها لانها تعلم ان في ذلك ارضاء لله عزوجل اولا .. وارضاءا لزوجها .. وذلك ينعكس على حسن معاشرته لها بالمعروف ..
والزوجة التي ترضى لزوجها ان يتزوج اخرى ليست " حمارة " بل زوجة متفتحة واعية حتى لو تضايقت من ذلك .. تقدر حاجيات زوجها ..
فبعض الرجال يحبون كثرة الاولاد .. فمن حقه ان يتزوج كي يكثر نسله ..
وبعضهم " قوي " بحيث لا تكفيه زوجة واحدة ولا تستطيع تلبية جميع رغباته ..

- اخيرا :
الزواج من اكبر النعم الدنيوية .. موقع المرأة فيه هو المحور .. وهي ميزان السعادة والتعاسة .. وميزان الرقي او الانحطاط في الاسرة والمجتمع .. وهذا مو معناه اني احملها المسؤولية الكاملة او الكبيرة .. بقدر ما اعتقد ان مكانتها المهمة هي اللي اعطتها هذي المنزلة ..

[عبد العزيز الحمادي]

جميل طرحك اخوي بن عسكر

واعتقد الحين النظرة تغيرت بسبب ان المرأة قل أحتياجها للرجل .. بمعنى انها تملك وظيفة ومعاش وسيارة .. ومو محتاجة الريال بشي .. مو مثل السابق . ولذلك تجد بعض النساء الطلاق عندهم ميزة .. لانه يحررهم من سلطة الرجل ..

[Mr.SaLmawii]

اتفق مع طرطبيطه بكل كلمة قالتها .. البنت صعبه تدرس وتتزوج .. ومن يقول تقدر !

لازم توقف ولا تاخذ اجازة حمل ومادري شنو وسوالف لي الراس !

وخلونا نكون واقعيين اغلب هالحالات كانت في السابق او لا تزال عند البدو - تلقاه يزوج بنته من اهي صغيره او ولده يعني نفس قبل بس هالشي ساعااات يكون غلط وساعات يكون افضل للأثنين عشان ماينحرفون .. الخ :D

قبل كانت الحياة سهلة وتسمح بالزواج يعني 17 سنه ولا 18 اما الحين 25 ولا 27 وحتى 30 تعال فكر بالزواج :p

هذا حسب وجهة نظري طبعا :o


GoLcHia صح كلامج ووايد في من هالنوع - لي متنت مرتي اطلقها لا وبالثلاث وصارت بالكويت هالسالفة

بس صاحبنا نوييتييي :p مو من هالنوع الله يستر عليه الولد لي حب ينعمي مايشوف منو اللي جدامه :D

[Soccer_Addict]

- الزواج المبكر :
من الممكن ان نصل الى نقطة اتفاق لو اجبنا على السؤال التالي :
لماذا ينجح الزواج المبكر في الحالات التالية ؟
* البيئة البدوية المتمسكة
* البيئة الريفية
* البيئة التي تقل فيها نسبة الاناث الدارسات
معلوماتك غلط .. نسبة المطلقات غير المتعلمات أو تعليم متوسط أكبر من المتعلمات ..
ونسبة الطلاق في محافظة الفروانية وحولي أكبر من العاصمة
ونسبة الطلاق بين إلي عمرها من 20-24 أكبر من إلي 25-29
:)

[ابـ عسكر ـن]

معلوماتك غلط .. نسبة المطلقات غير المتعلمات أو تعليم متوسط أكبر من المتعلمات ..
ونسبة الطلاق في محافظة الفروانية وحولي أكبر من العاصمة
ونسبة الطلاق بين إلي عمرها من 20-24 أكبر من إلي 25-29
:)
كلامج سليم لان معلوماتج تختص بالمجتمع الكويتي ..
وانا حديثي ما كان يختص بالمجتمع الكويتي على وجه الخصوص انما المجتمع الخليجي بشكل عام .. لكني اضطريت اذكر الشباب الكويتي في احد النقاط لان اول من ظهرت عليه هذه المشاكل هو المجتمع الكويتي .. اما الان فهذه المشكلة اتسعت لتشمل الامارات والسعودية ايضا ..
لكن لو نظرتي لباقي المجتمعات الخليجية التي لازالت تحافظ على عاداتها وتقاليدها .. او حتى لبعض المجتمعات العربية .. لوجدتي ان هذه النسبة لا تكاد تذكر ..

عموما .. علشان احل الاشكالية اللي ذكرتيها بمعلوماتج .. ارجع اسباب الاحصائية الى سبب اعده هو السبب الرئيسي كنتاج للاحصائية .. وهو محاولة بنات البدو تقليد بنات الحضر .. فما راح استغرب لو زادت النسبة في اوساطهم .. لان تطبيقهم راح يكون خاطئ ويتعبر تمرد على العادات والتقاليد .. فهالشي ما راح يرضي الرجل " البدوي " ..
اذا كانوا " الحضر " ما كانوا متقبلين فكرة دراسة البنت وخروجها من البيت او تاخيرها للزواج في بدايات حصولها .. وحصلت الكثير من المشاكل .. فمن الطبيعي جدا ان تزيد المشاكل بالمجتمع " البدوي " ..

[GoLcHia]

ماتدرين :rolleyes: .. جايز
معنه اساسا مو راي .. كانت عبارة في موضوع ثاني
وراي موجود بردي بهذا الموضوع



التعليق هذا مو موجود بهالموضوع اولا :) .. كان بموضوع النحافة
.. ماشالله غشمرتي مع ربعي تنحفظ
كانت جملة لا اكثر بيني وبين برو .. يعني لما الواحد يقول حق مرته فلانة لاتسوين جذي اذبحج وربي .. يعني صج بيذبحها

بس من كلامج جذي يعنيي انتي عبالج انه هذا بالفعل هذا رايي و صج بطلقها!!:)
يعني قصديتيني بكلامج الحلو .. وتوج تقولين مادري انك انت صاحب الراي !! :)


بس أنا ماأحاسب الناس على طريقة تفكيرهم وتفسيرهم للكلام .. حتى لو غلطوا علي وانا ادري اذا كنت مقصود بكلامهم الحلو او لأ
لاني ادري كل واحد إذا كان عقله صغير أو كبير
فماحاسبج ;)

مو مهـم اذا العباره قلتها بهالموضـوع ولا موضـوع غيره دام انه هالعباره تكررت بهالموضـوع وتكلموا عنـها من حقـي اعلق عليــها .. وبعدين عبارتك هذيـك وحده من الاسبـاب اللي خلت هالموضـوع ينكتب وانت "وافقــت" انك تكون مثال .. مو معقوله ترضى تكون مثال بشي انت مو مقتنع فيـه الا جان غيرت رايك الحين واقتنعت انه كلامك غلط وسحبته ..

http://diwania.alazraq.com/showthread.php?t=144232&page=2 .. شوف المشاركه رقم 22

لمه كتبت ردي الأول ما كنت مثبته منو بالضبط صاحب العباره بس ادري انها انقـالت .. يعني ما كنت اقصدك انت "بالضبط" ولكن اقصـد اللي قال العباره واللي يفكر مثله .. عموما صـدقني لو بوجهلـك كــلام وبقصدك فيـه ماراح اخـاف منك يعني !!

شي ثاني عقلي صغيـر ولا عقلي كبيــر شهادتك فيني ما تهمني ..

[عبد العزيز الحمادي]

قولجية ونوتي فامباير :) هدوا شوي ..

الزواج راح يعلمكم شي محتاجينه الحين :)
تقديم بعض التنازلات .. والمرونة في التعامل :)

[الألماسة]

ابـ عسكر ـن




...

..

.

مساءك خير ؛

برد عليك نقطة نقطة ؛


الموضوع حلو .. لكنكم تشعبتوا فيه تشعبات كثيرة بدون انضباطية بالمناقشة والطرح ..فضيعتوا الهدف من الموضوع .. وخلطتوا بين الغايات والوسائل ..
وهذا بسبب طول الموضوع ووضع " جميع البيض في سلة واحدة " .. ولو تم تقسيم الموضوع الى اجزاء لكان افضل للموضوع وللنقاش ..



...

..

ما ضاع الهدف يا خوي ؛

فرشنا الموضوع على طاوله النقاش و كل واحد يقول وجهه نظرة مثل ما صار وياك و قلت وجهة نظرك ؛

:) ؛



اللي احب اذكره :
- ان الزواج جوهرا ومضمونا تغيرت النظرة اليه في السنوات الـ 10 الاخيرة .. وبالطبع الى الاسوأ وليس الى الافضل .. وسبب ذلك هو تغير نظرة البنت للزواج .. وبدل ان تساهم ثقافتها في تصحيح الاوضاع زادت " الطين بلة " ..
- نظرة للرجل للزواج والزوجة لم تتغير .. ولكن الذي تغير هو نظرة البنت لهما ..
ففي السابق كان الزوج هو السيد المطاع الذي يجب ان ترضيه و " تملي عينه " قدر المستطاع ..
اما الان فقد اصبح الزوج " ند " ما يفرق بينهم الا الطبيعة البشرية ..
ولا اعلم ما فائدة مستوى ثقافة البنت اذا لم يعود بالنفع على الاسرة والمجتمع بشكل ايجابي ؟
زادت ثقافة البنت فزادت حالات الطلاق والعنوسة وزواج الشباب الكويتي من الخارج !!
لذلك يجب ان تعيد البنت حساباتها لانها هي الخسرانة .. " وعلى نفسها جنت براقش " ..


..

.

سي سيد تنفهم من شخص لاخر غير ؛

يعني كل واحد و منظوره شنو سي سيد !!

يعني في ناس تشوف ان سي سيد على بيتهم و بره البيت يكون الطفل الوديع !!

جدام مرته اهو الامر الناهي ـ ما تناقشه بالامور ـ كلمه سيف حتى لو كان سيف مصدي !!

و بره ـ ما يشق خيط بابره !!

مع مرته لا يضحك لا يبستم اللهم يا كافي كانه متزوج كافره ـ و من مسك التلفون ضحك و كركر مع رفيجه !!

هذا سي سيد اللي تقصدة ؟

وبعدين تفضلت و تكلمت عن ثقافه الزوجه ؛

اي يبه الثقافه تساعد الزوجه في امور الزواج ؛

و بكتفي بقولي من اقول لك انها اهي اللي بتربي ؛

مع اني أأومن ان التربية مسؤوليه مشتركه بين الزوجين و لكن بحاله ردك و اللي فهمته منه اشوفك مع ربع اللي التربية تكون على الزوجه و بس ؛

يعني ان غلط الطفل قللتوا للزوحه هذي تربيتج !!

يبه ـ الثاقفه تساعد وايد و الا شلون عيل بتربي؟

بتقولي امهاتنا ما تعلموا ؟

بقول لك حتى لو ما تعلموا بالمدارس التربوية يكفي انهم تعلموا باحسن مدرسه و اللي اهي مدرسه الحياة ؛

الحياه علمتهم احسن من اي شهاده ثانية ؛



- الزواج المبكر :
من الممكن ان نصل الى نقطة اتفاق لو اجبنا على السؤال التالي :
لماذا ينجح الزواج المبكر في الحالات التالية ؟
* البيئة البدوية المتمسكة
* البيئة الريفية
* البيئة التي تقل فيها نسبة الاناث الدارسات



كل نقاطك اللي ذكرتها تصب في نقطه وحده ؛

الدراسه ؛

و بكتفي بردي اللي فوق ـ ما ابي اتدخل في خصوصياتك و تعقدك من سالفه التعليم !!



- البعض تحدث عن مسالة تعدد الزوجات :
التعدد حق وليش اضطهاد وظلم .. وهو من حق الرجل متى ما التزم بشرط التعدد وهو العدل بين الزوجات .. فليس من حق اي زوجة تزوج عليها زوجها ان تطلب الطلاق .. الا ان الذي تغير ان الزوجة في السابق كانت تسعى الى الفوز برضا زوجها لانها تعلم ان في ذلك ارضاء لله عزوجل اولا .. وارضاءا لزوجها .. وذلك ينعكس على حسن معاشرته لها بالمعروف ..
والزوجة التي ترضى لزوجها ان يتزوج اخرى ليست " حمارة " بل زوجة متفتحة واعية حتى لو تضايقت من ذلك .. تقدر حاجيات زوجها ..
فبعض الرجال يحبون كثرة الاولاد .. فمن حقه ان يتزوج كي يكثر نسله ..
وبعضهم " قوي " بحيث لا تكفيه زوجة واحدة ولا تستطيع تلبية جميع رغباته ..



..

.

من ردك مبين انك متحيز للرجل و ما فكرت بالطرف الاخر !!؟؟

هل انت متزوج مكينه تنجب لك اطفال و خلاص؟

لا مشاعر و لا احاسيس !!

يبه ؛

الزواج مو رغبه جنسية و خلاص !!

الزواج عمر ـ كل واحد يبوح للثاني بسره ؛

و بمجرد ما الرجل يفكر يتزوج ثانية و من غير سبب مقنع خلاص خان الثقه !!

لو بتحس باحساس المراه ؛

حط نفسك بمكانها ـ قيس الامور بمنظورها لا بمنظورك انت و شوف شنو بيصير !!

يعني ببساطه و لو قلبنا الايه ؛

ترضي مرتك ليله عندك و ليله عند شريكك !!

اخذتوا من الشرع اللي تبوه و طلعتوا الثاني بره ؛

ذكرتي باللي حافظ الايه اللي تقول (( ولا تقربوا الصلاة )) ـ و ينسى يكملها (( و انتم سكارى )) ؛

!!!

قولي ـ تقدر تعدل ؟

و لو عدلت ـ تقدر تعدل بقلبك ؟

مستحيــل لان صاحب البالين جذاب ـ و مشلوعه عينه بعد ؛

...

..

.

و بنهايه كلامي ؛

بقول شغله ؛

يبه ـ الحياه الزوجية مو حرب ؛

لا تاذخونها على انها البقاء للاقوى !!

والله يوفقكم و الله يرزق كل واحد و على حسب نيته ؛

[الألماسة]

عفوا اختي لميس .. انا ما دريت منو اللي قايل الكلام .. اسمالله عليكم الردود وايد ! والصراحه العتب على النظر .. اعذريني :)
بعدين .. انتي قلتيها مرضى !! لا تناقضين نفسج ! المريض يحتاج مساعده .. مو عتب !!
وغير جذي .. الولد اللي يتزوج بعمر صغير << انا بالنسبه لي الآفريج مالي من 18 لين 22 !
وهذا ما اشتغل حتى .! فانا حسبتها على جذي ! << بعدين اشدعوه 17 .. قاعدين مع ابو جهل ؟!
عموما .. الله يوفق البنيات اللي تقولين عنهم .. و يظل كلامي وجهة نظر .. انتظر من يغيرها :) .. اذا كنتوا تعتبرونها خطأ .!
شاكرتلج .. واعذريني مره ثانيه :)


...

..

.

حياج ابوي ؛

و صدقيني ما راح تغيرينها الا من تشوفين نماذج بعينج و جدامج ؛

لكن طالما عندج نموذج اوحد اللي اهو بنت خالتج فماراح تغيرين نظرتج ؛

:) ؛

[Soccer_Addict]

أولا: نقطه مهمه ..عدم حدوث الطلاق مو معناته زواج ناجح ..;)

ثانياً : كل مجتمع مختلف عن الثاني .. إذا بالكويت نفسها في مجتمعات غير عن بعض فما بالك بمجتمع السعوديه مقارنه بمجتمع الكويت .. مختلف تماماً وما تقدر تتكلم عنهم مع بعض ..

ثالثاً: أهم شي إن نسبة الطلاق في المجتمعات البدويه صارت أكثر بعد من المجتمعات الحضريه نفسها عشان البنت البدويه تقلد البنت الحضريه! .. ما أبي أتكلم بإسم بنات البدو بس من معرفتي فيهم مشالله عليهم عندهم شخصيات قويه مو لهالدرجه يتأثرون بأي أحد .. كل واحد يعتز بشخصيته وطريقته وبينا إحترام متبادل ومحد يقلد الثاني ..

وخل نفترض إن فيها تقليد .. هل البنت الحضريه إذا رفضت أن ترد "بالسمع والطاعه" يخليها سبب مقنع إن يطلقها زوجها؟ إنت تقول إن المفروض هي تحترم "إحتياجات" زوجها حتى لو كانت تتضايق منها .. مو المفروض بعد الزوج يحترم إحتياجات الزوجه ويحترم شخصيتها ورغباتها؟ ليش يعني لازم يا أما تكون هي تستميت عشان "تملي عينه" وبالمقابل هو يحق له يتزوج ثانيه بس عشان يرضي "رغباته"!! لا وهم لازم تسكت حتى لو تضايقت! .. وإذا ما إستماتت تطلع تبي السالفه راس براس؟! ليش ما يكون تفاهم بين الإثنين وتنازلات من الطرفين مو طرف واحد!

رابعاً: البنت قاعده معززه مكرمه في بيت اهلها أحسن لها من ريال يبيها يا "تسمع وتطيع" وهدفها بالحياة إرضاءه أو بيتزوج عليها عشان "رغباته"! .. هذا يبي خدامه بعقد زواج مو زوجه أم عيال .. خل تزيد نسبة العنوسه إذا بتزيد نسبة الراحه والسعاده بعد :)

خامساً: الزواج قسمه ونصيب .. وأهم عامل لنجاح الزواج هو التقارب الفكري .. والله يرزق كل واحد على نياته

[الريانه]

جميل طرحك اخوي بن عسكر

واعتقد الحين النظرة تغيرت بسبب ان المرأة قل أحتياجها للرجل .. بمعنى انها تملك وظيفة ومعاش وسيارة .. ومو محتاجة الريال بشي .. مو مثل السابق . ولذلك تجد بعض النساء الطلاق عندهم ميزة .. لانه يحررهم من سلطة الرجل ..

صـح لسـانك .. ومثـل ماقلت برد لي سابق .. ان المرأه مو بحاجة الزوج مدام ابـوها او اخوانها موجوديـن .. حتى لو موموجوديـن قادره تمشي حياتها .

[


اللي احب اذكره :
- ان الزواج جوهرا ومضمونا تغيرت النظرة اليه في السنوات الـ 10 الاخيرة .. وبالطبع الى الاسوأ وليس الى الافضل .. وسبب ذلك هو تغير نظرة البنت للزواج .. وبدل ان تساهم ثقافتها في تصحيح الاوضاع زادت " الطين بلة " ..


هـل ثقافـة البنت سبب رئيسي في الطـلاق او سـوء الزواج ؟ ولا عشـان تفتـحت وعرفت " خبال " بعض الرجال ؟ بالعكـس الزوجة هي الي تربـي عيالها " بـروحها " اكـررها عشـرين مره " بروحها " اغلـب الرجال بالمجتمع الكويتي اذا مو كـلهم " الصبح دوام , ومن العصر لي اخـر اللليل ديوانيـه " متى يفضـى يربي عياله ؟ فـ التربيـه والتدريس كلـه عليها .. فـ انت ترضـى وحده تدرس عيالك وهي ماتعرف شيء ؟ بتقـولي الي قبـل كاهم عاشـوا احـلى عيشـه .. انا رفيجتي امـها ما تعلمـت فـ حتى الام مو قادره تعـلم ولا تدرس عيالها فـ شوف الحيـن البنت ماشيـه على البركـه في دراستها هذا بسبب ان محد درسها ولا علمـها ..والحين الزمن تغيـر مو بـس الام تكون عندها شـهاده عشـان تدرس عيالها .. لا .. لازم يكون عنـدها خبـرة شـلون تتعامل مع عيالـها في ظل التطور والـمصايب الي تتحذف على مجتمعنـا .. وشـلون تتعامل مع الطـفل والمراهق وحتى الشـاب .. هذا كـله شـلون تتعلمـه الام اذا مـا درست وتثقفـت ؟


- نظرة للرجل للزواج والزوجة لم تتغير .. ولكن الذي تغير هو نظرة البنت لهما ..
ففي السابق كان الزوج هو السيد المطاع الذي يجب ان ترضيه و " تملي عينه " قدر المستطاع ..
اما الان فقد اصبح الزوج " ند " ما يفرق بينهم الا الطبيعة البشرية ..


سـابقـا على قولتك السيـد المطاع لانه لو مهما صـار حتى لو " يصبحها بطقه ويمسيها بطقـه " مالها الا هو لان قبـل عيب البنت تتطلق وعيب كل يوم لها ريل .. وقبـل كان اهو الي يصـرف عليها اهو كـل " حاجه " بالنسبـه لها .. الحيـن لا لان النـاس تثقـفوا وتعلمـوا والمرأه ليسـت بحاجة الزوج .


ولا اعلم ما فائدة مستوى ثقافة البنت اذا لم يعود بالنفع على الاسرة والمجتمع بشكل ايجابي ؟

جاوبـت عنه في الفقـره الاولـى .


زادت ثقافة البنت فزادت حالات الطلاق والعنوسة وزواج الشباب الكويتي من الخارج !!
لذلك يجب ان تعيد البنت حساباتها لانها هي الخسرانة .. " وعلى نفسها جنت براقش " ..


مـو شـرط يـاكثرهم المتوفقيـن بحياتهم .. ولا تجـعل التعليـم سبب رئيسي في الطـلاق وتتنـاسى ابـرز خصـائص الزواج .. لانه اذا ماكان في تفاهم بين الزوجيـن اعتقد الحيـاه لاتطاق لان ماراح تعيش مع زوجها يوم ولا ثلاثه .. هذا عمـر.



- الزواج المبكر :
من الممكن ان نصل الى نقطة اتفاق لو اجبنا على السؤال التالي :
لماذا ينجح الزواج المبكر في الحالات التالية ؟
* البيئة البدوية المتمسكة
* البيئة الريفية
* البيئة التي تقل فيها نسبة الاناث الدارسات


بالفقـره الاخيـره الي انت ذكرتها انك تقـول البنت البدويـه تقلد البنت الحضـريه وتتمرد على العادات .. والحيـن تقـول ما السبب في ان الزواج ينجـح في البيـئه البدويـه ؟ هذا تناقض :) ارد واقـول مو شرط اساسـي بدويـه ولا حضـريه الحيـن الكـل تعـلم .. والبنت البدويه ما يمـشي عليها الراي اذا كانت مغصـوبه لان الاباء " تفهمـوا " وتعلمـوا مفاهيـم الدين عدل " في حديث ماني ذاكـرته عدل ولا ابي احرف فيـه بس فكـرته ان البنت ما تتزوج غصـب .. وحتى لو هناك فئه قليله لازلـت تتمسـك بعادتها في هالخصـوص فهم مثـل ما ذكرت " قـله " وما يمثـلون حتى 30 بالميـه من البدو .. انا اعـرف بدويـات واعرف حضـريات ومن اكثـر من قبيـله واكثـر من عايـله فـ مو شـرط اساسي ان الزواج ينجح في البيـئه البدويه .. بخصـوص هالموضوع اذا تذكـر بـرنامج " ماوراء الابواب على الراي " مـره استضـافوا " اميـر العجمان " " سلطان بن حثليـن " .. وكانت معاه الناشطه السياسيه " عائشه رشيد " قالت له انتـوا تغصبون بناتكم على الزواج وهذا حال الكثيـر من البدو قـال كلامج عار عن الصحه .. اذا البنت رفضت تتزوج لسبب مقنع ماعندي مانع لكنها يخطبها واحد اجنبـي لا دين لا مذهب لا مـله لاطبعا مو بكيـفها ولد عمها اولى من هالغريب ..





- البعض تحدث عن مسالة تعدد الزوجات :
التعدد حق وليش اضطهاد وظلم .. وهو من حق الرجل متى ما التزم بشرط التعدد وهو العدل بين الزوجات .. فليس من حق اي زوجة تزوج عليها زوجها ان تطلب الطلاق .. الا ان الذي تغير ان الزوجة في السابق كانت تسعى الى الفوز برضا زوجها لانها تعلم ان في ذلك ارضاء لله عزوجل اولا .. وارضاءا لزوجها .. وذلك ينعكس على حسن معاشرته لها بالمعروف ..
والزوجة التي ترضى لزوجها ان يتزوج اخرى ليست " حمارة " بل زوجة متفتحة واعية حتى لو تضايقت من ذلك .. تقدر حاجيات زوجها ..
فبعض الرجال يحبون كثرة الاولاد .. فمن حقه ان يتزوج كي يكثر نسله ..
وبعضهم " قوي " بحيث لا تكفيه زوجة واحدة ولا تستطيع تلبية جميع رغباته ..



الرسـول صـلى الله عليـه وسـلم يوم قال ان لرجل حق بان يتزوج اربـع فكـان هذا في زمن الرسول عليه افضل الصلاة والسـلام زمن الانسـان يخاف ربـه زمن الرجل من بيـته للمسجد للعمـل ..زمـن كان الزوج كافلها كـل حقوقها زمـن عندما يريد زوجها ان يؤدبها " يضربها بالمسـواك " وان لم تلـتزم يهجرها لمدة معينه.. زمـن الرجـل عادل فيـه .. مو الحيـن عسى ما تقـول " أ " الا وطقها طـق " الحميـر " وانتوا بكرامه .. المـرأه كتلت مشاعر اذا زوجها ما يحس فيها منـو الي يحـس ؟ اذا الزوج هو الي يكون لها كـل شيء يـتزوج عليها ويقهرها .. لاتـقـولي اكو مره ترضى زوجها يتزوج عليها .. اجزم واأكد ان 100 بالميـه من النساء الي تزوجوا رياييلهم عليـهم مو راضيـن وعايشـين بعذاب نفـسي احـنا حريـم وانعرف بعضـنا ونعرف مشاعرنـا بخصـوص هالموضوع .. مثـل ما الرجـل "يغار " على مـرته وما يحب حتى احد يطالعها او يخزها ويحـب تكون " ملك " له وحده .. هم الحرمه نفس الشيء " تغار وغيـره شديده بعد " لان الحرمه " اذا مـلكت واذا حبـت زوجها " تفضل انها تمـوت ولا تشـوفه مع مره ثـانيه .. يمكن انت رجـل فـ ماتشـوف الي نشـوف لان بمجتمع نسـائي ونعرف بعضـنا ونحس باحاسيس بعضنا .



- اخيرا :
الزواج من اكبر النعم الدنيوية .. موقع المرأة فيه هو المحور .. وهي ميزان السعادة والتعاسة .. وميزان الرقي او الانحطاط في الاسرة والمجتمع .. وهذا مو معناه اني احملها المسؤولية الكاملة او الكبيرة .. بقدر ما اعتقد ان مكانتها المهمة هي اللي اعطتها هذي المنزلة ..



اذا المـرأه كـل شيء فـ هم الزوج تنبـني عليه تعاسـة او سعادة الحياة الزوجيـه بينهم .. يعني النص بالنص فـهم يكملـون بعضهم


عموما .. علشان احل الاشكالية اللي ذكرتيها بمعلوماتج .. ارجع اسباب الاحصائية الى سبب اعده هو السبب الرئيسي كنتاج للاحصائية .. وهو محاولة بنات البدو تقليد بنات الحضر .. فما راح استغرب لو زادت النسبة في اوساطهم .. لان تطبيقهم راح يكون خاطئ ويتعبر تمرد على العادات والتقاليد .. فهالشي ما راح يرضي الرجل " البدوي " ..
اذا كانوا " الحضر " ما كانوا متقبلين فكرة دراسة البنت وخروجها من البيت او تاخيرها للزواج في بدايات حصولها .. وحصلت الكثير من المشاكل .. فمن الطبيعي جدا ان تزيد المشاكل بالمجتمع " البدوي " ..

مـاني فاهمه كـيف الزواج يتغيـر من بدو الى حضـر .. البدو مـاهم عايشيـن في البـر ويرعون الغـنم عشـان نقـول جذي لا .. في بـدو وصـلوا الاعلـى المراتـب وهم الحضـر نفس الطريقـه ..

الزواج مافيـه فرق بـين بدوي وحضري او اوا الخ لان الحيـن الكـل متشابه في حيـاتهم .. ولا تقـولي البدو متمسكـين اكثـر بعاداتهم بخصـوص موضوع الزواج فـ ان " عيب البنت تتطـلق " لاوالله اذا كانت حياتها تعيسـه فـ " امساك بمعروف او تسريح باحسـان "


&&&

شـقحه

بس هم حريتيني ... الحيييييييييين كل الرياييل إلي عيونهم زايغه (يا مال البط ) يكوون الغلط من حريمهم !!! :confused: شكووووووووووووو ياما حريم مو مقصرين مع رياييلهم و مسويينهم يا دهينه لا تنكتين و هم ريااييلهم يخرزخزوون و عيوونهم على البنات ( يا مال العمى ).. و يكون بعلمج وايد من الريااييل جذي .. تشوفين مرته يمه تهبل ملكة جماال و أهو عيوونه على بنات خلق الله .. هالأشكاال ما يملي عينهم غير الترااااااااب .. أكره هالموديل من الريايييل الله لا يبلانااا ...
وااااااااااي حدي إندمجت و إحترييت :mad2:

لوووووووووول عجبتنـي هالفقـره :D وخصـوصا يامال البط والعمـى اي والله من قـلب يامال العمـى :Devil:

[GoLcHia]

فان باستن .. ما قلت شي انا :/


في حديث ماني ذاكـرته عدل ولا ابي احرف فيـه بس فكـرته ان البنت ما تتزوج غصـب ..

"قال رسول الله صلى الله عليه وسلم لا تنكح البكر حتى "تستأذن" .. قالوا: كيف اذنـها ؟! قال : ان تسكـت"

[Corvette]

بالكويـت خاصـةً .. الزواج يخوف

[الريانه]

فان باستن .. ما قلت شي انا :/



"قال رسول الله صلى الله عليه وسلم لا تنكح البكر حتى "تستأذن" .. قالوا: كيف اذنـها ؟! قال : ان تسكـت"


مشـكووووووره

[Nutty VaMpIrE]

قولجية ونوتي فامباير :) هدوا شوي ..

غالي و الطلب رخيص بوبدر :) ..

بس اسمحلي ناس ترد على غشمرتي بـ حجي حلو مثل : "جليل أصـل" وين قاعدين إحنا .. كل من هب و دب يمشي و يجلل اصل الناس !

عموما ..

ما بيني و بين Golchia الا كل خير .. بس اهي قالت كلام الظاهر ما ثمنته :)

[GoLcHia]

Nutty VaMpIrE .. انت ليش حاس انك مقصود بهالكـلام !! انا قلت اللي يطلـــق مرته عشان هالسبب "جليل اصـل" .. هل انت طلقت مرتك ؟! الجواب لأ وانا قلت اللي يفكـــر هالتفكير "مو كفو زواج" وانت تقول انك ما تفكر جـذي .. اذا انت مو مقصــود بهالكـلام !! ..

ومـره ثانيه اللي يطلق مرته عشـان انها مـتنت بعد الزواج واللي يفكـر انه يسويها "جليل اصــل" .. والريال له الحق انه يتشرط قبل الزواج باللي يبـي يبيها متينه ولا عصله ولا سمبتيك طويله قصيــره ولو كثرت شروطه محد يقدر يلومه .. لكن بعد الزواج ما يطلقها عشـان متنت ولا قصـرت !!

[cassano]

مادري شلون اجاوب .. الموضوع كله + ردوده شي يدخلك بشي :eek:


موضوع مفيد اتمنى ردود سنعه مثل اللي فوق .. مانبي يخرب الموضوع وتحذف ردود والخ



الاكيـــــــــيـد

الزواج .. اذا كان ناجح فهو استقرار ناجح للاثنين:mask: :euro: بحياتهم :yes:

اما اذا العكس فهو تتعب صحيا ونفسيا والخ .. :hot:


منهو اللي يتزوج ؟

الانسان الناضج المتفهم الراغب بالزواج وتكوين اسره .. سواء عمره 20 او 40 مالها شغل بالعمر .. وبتوفيق من رب العالمين لنه الزواج معروفه .. قــسمه ونصيب ..



الزوجه او الزوج يتغيير شكليا تهون ولايتغيير باخلاقه وتصرفاتهم مع بعض هذا الاهم ..

اصلن بعد الزواج بسنين يزيد العلاقه حب وقوه واحترام بين الزوجين ترابطهم والعشره بينهم .. مو صارت جيكره صارت دبــه تـنجحد :p .. تصير دبه وجيكره مع بعض ولاتصير نســره:mad2: .. لنه النسره تندمك على حياتك .. بس الاكييد مو معناه اهمال كل واحد شكله لنه اذا ماأثر على علاقته بالزواج بأثر عليه مممكن صحيا وبره مع الناس يتضايق .. :cool:

المرض قضاء الله وقدره والله يكتب اللي فيه الخير .. في اللي يستمرون وفي اللي لا .. هذول اعذارهم طبيعيه مو مثل اللي يقول مرته صارت جيكره او متينه بعد الحمل والخ

حتى بعد الحمل وجابت العيال .. هني انتهى دورها بعين زوجها ! ;)
منهو اللي يشيل البيت ويعلم ويمشي امور العيال غير المره (الحرمه) سواء متوظفه او غير متوظفه ..لنا في امهاتنا مثال الام هي اللي دير البيــت داخليا .. بكل خير ... فالزواج مو بس علاقه بين الرجال والمره .. واحد يرضي رغبات الثاني .. لاااااااااا
في شي يجيب شي الاولاد - بيت والخ ..
بالنهايه هم اللي يمشون الاسره .. لابد يضحون عشان عيالهم ..:o


واخيرا المرأه :mask: مقارنه بالرجل بالزواج وتكوين الاسره ..
اوفى واكثر تضحيه .. وتقبل غلطاته وتسامحه اكثر .. مظلومه اذا بنقارن بينهم ..

[عبد العزيز الحمادي]

ماشالله عليك كاسانو لخصت امور كثيرة بأيجاز كبير :)

[الانجــليزي]

واخيرا المرأه :mask: مقارنه بالرجل بالزواج وتكوين الاسره ..
اوفى واكثر تضحيه .. وتقبل غلطاته وتسامحه اكثر .. مظلومه اذا بنقارن بينهم ..

كلام صحيح يامشعل

[عبد العزيز الحمادي]

عندي بعض النصائح الشخصية كوني متزوج .. والنصائح تنفع للسعادة الزوجية :

- للرجل: شييييييل من بالك فكرة السي سيد ولا تصير فرعون على البنية .. عمر الشي ما كان بالغصب ولا بالقوة .. ولا بفرض الراي لمجرد انك رجل ..
- للمرأة : الريال لعبة سهلة .. ممكن تكسبينه بأقل الوسائل وأسهلها .. لكن عليج انج تبذلين جهد بسيط .. ويحب يشوف افعال جدامه .. عكسج انتي اللي تحبين تسمعين وايد منه ( الرجل محتاج فعل والمرأة محتاج قول )
- قدموا بعض التنازلات .. للمصلحة العامة .. في بعض الاحيان الاعتذار مطلوب ولا تقول فيني عزة نفس ومن هالامور .. بعض المرات الزوج يرجع افضل لمجرد الاعتذار والكلمة الطيبة ..
- الموازنة .. والموازنة والموازنة .. نعم عندك ربع .. نعم عندك امور خاصة فيك .. لكن ايضا هناك زوجة تنتظر منك ان تكون بجانبها .. انا واحد من الناس عندي قاعدة .. ما احرم نفسي من السفر لمجرد اني تزوجت .. بس حاط بيني وبين نفسي قرار .. انه كل مرة اسافر مع ربعي .. السفرة اللي وراها تكون مع زوجتي .. ايضا .. كل مرة رحت شاليه او مخيم مع الربع .. لازم تكون هناك طلعة حلوة معاها تعوض .. يعني خلك عادل بين هالامور .. طبعا هناك امور كثيرة لازم تعدل بينها .. وانا يبت امثلة بسيطة
- للأثنين ... الهدية بدون مناسبة احلى بكثير من المناسبات .. بين فترة وفترة حاول ما تدش البيت وايدك فاضية .. والله لو هدية بعشر دنانير .. بس تحسسها انها دايم على بالك .. وايضا المرأة خلال التسوق .. تذكري زوجج وقولي والله مثلاا حلوة هالهدية له .. من غير اعياد الزواج او الميلاد او ما شابه
- (خاصة بأيام الملجة و الخطوبة) .. لا تسووون نفسكم مثاليين ... خلك على طبيعتك ... الشخص اللي جدامك يبي يعرف منو انت . . وره طبعك الصجي ... لا تسوي نفسك كريم وايدك مفتوحة وبعد الزواج ما تندي فلس .. ولا تورينه انه دمج خفيف ومرحة وبعد الزواج اثقل من دمك ماكو ..
- قبل لا تسوي اي شي داخل منظومة الزواج ... فكر هل هذا الشي يرضي ربك ولا لا
- بأي طريقة وبأي مناسبة .. لا تفكر ابدا ولو للحظة انك تمد ايدك على زوجتك ... الطق لا يمكن يكون ابدا حل من الحلول ... وصلت الأمور لمرحلة لا يمكن التفاهم فيها ... هناك ابغض الحلال والي ما اتمنى يستخدم كحل الا في الحالات اللي خلاص مافيها روح تعال ... اما انك تطقها وتطلع حرتك بيدك .. لا
- احترم اهلها .. واحترمي أهله .. لا تحطون ببالكم شغل المسلسلات ان الحماة شريرة وانها دايما تكره الزوج الو الزوجة الجديدة ..
- حافظ على هيئتك ولبسك وشكلك .. :) لا تقول خلاص تزوجت ولقيت زوجة وسلام عليكم .. لا حبيبي مثل ما انت تبي تشوف زوجتك حلوة .. اهي تبي نفس الشي بعد

في امور كثيرة بس ما طرت على بالي الحين . وان شاء الله اذا في نصايح بعد ما ابخل عليكم فيها

[الرقيقة]

يعطيكم العافية جميعا
استفدت وايد من ردودكم :)
وان شاء الله الفايدة تعم الجميع

[cassano]

- الزواج المبكر :
من الممكن ان نصل الى نقطة اتفاق لو اجبنا على السؤال التالي :
لماذا ينجح الزواج المبكر في الحالات التالية ؟
* البيئة البدوية المتمسكة
* البيئة الريفية
* البيئة التي تقل فيها نسبة الاناث الدارسات


ماتوقعها ولا اوافقها ..

بس ممكن في حالات تنجح او تفشل بكل البيئات ... بس ماتعتبر قاعده ثابته :nono:

البيئه البدويه : ايضا اذا البنت تجامل عشان امها وابوها عشان ولد عمها او يقرب لها نسبه كبيره تحصل طلاق .. وهالشي غـلط
بالكويت اشوف صار تداخل بالبيئات تقريبا ماعندنا بيئه بدويه متمسكه .. عندنا مناطق يكثرون فيها البدو بس مو كلهم نفس العادات والتقاليد او الفكر متماسكين بعادات ولكن تحصل من نفس البيئه واحد غير عن الثاني ...وبالاخر البيئه البدويه او غيرها الموجود فيها ماهو افضل من البيئه اللي يوفرها دينه الاسلامي هي الامثل بالزواج اذا الناس اتبعتها :yes:

البيئه اللي تقل فيها نسبة دراسة الاناث :
100 بالميه البنت الدارسه مرغوبه بالزواج اكثرمن الغير دارسه .. هذا اللي اعرفه :cool:


والزواج قسمه ونصيب .. مبكر او متأخر



ونسبة الطلاق في محافظة الفروانية وحولي أكبر من العاصمة



الفروانيه وحولي اكثر محافظتين بالكويت (وافدين )
الوافدين لو نقرى بالجرايد نحصل وافد طلق فوق 10 فلبينيات :p ..

الفروانيه وحولي اللي ماهم بدو فيها اكثر من الاحمدي ومبارك الكبير والجهراء اذا بنعتبرها بدو وحضر ..

فماعتقد نسبة الطلاق تعبر بيئه بدويه او غيرها ..شعب اغلبه متداخل .. ومندمج بعضه مقارنه بدول الخليج ..

بعيدا عن اجواء الانتخابات اللي فيها تبرز التعصبات قبليه - طائفيه الخ ..
المجتمع الكويتي خـلط .. بالعادات والتقاليد .. وبالافكار اسر (اسرة ملتزمه دينيا - اسرة تفصل الدين - اسر محافظه (الاكثريه براي)والخ من كل فئات المجتمع نحصل هالاسر )
كلن يشوف شارعهم وبحصل اختلافات .. او اسرته نفسها يختلف مع اخوانه وخواته بافكار .. :hot:


محاولة بنات البدو تقليد بنات الحضر


المفروض ماتشمل بكلامك .. مع احترامي


لنه تقليد الحضر بالدراسه مثلن مو تقليد ..ماعتبره هالشي تقليد ولكن واقع يفرضه الزمن والدين الاسلامي يحث عليه .. اتبعنا هالخطوه لنه صح وفي اللي تبعوها منذو القدم ولكن اقل بسبب ظروف الحياه سابقا .. يعني الكويت قديما البنت اقل تعليما .. الحضريه نفسهاوالبدويه وكل مالها تتغير نظرات تجاه المرأه مثل التعليم والعمل وتسوق سياره للحضر والبدو وكل فئات المجتمع .. وكلهم لهم عادات وتقاليد متشابها المحافظه على القيم الاسلاميه .. في اللي تخلى عن عادات تعصب ضد المرأه ومشى بالصح واللي يحث عليه الاسلام وفي اللي مشى بتبرج المرأه ويشوفه صح رغم انه لايحث عليه الاسلام ومخالف حتى لعادت الكويتيين حاليا ... سواء حضر او بدو او اي من فئات المجتمع ... هذا بالاول ..نظره لسابق والوضع الحالي .. ;)

ترى حتى الاسلام يوم بشر فيه الرسول صلى الله عليه وسلم شوي شوي غيروا بالعادات والتقاليد مو مره وحـده .. هذا وهو الاسلام دخل على البشر وخطوه خطوه .. ولازالت هناك بالمسلمين ياخذ الاسلام على كيفه .. :yes:




اذا كانوا " الحضر " ما كانوا متقبلين فكرة دراسة البنت


يعني البدو مو متقبلين فكرة الدراسه .. حاليا .. او اخر 20 سنه بالكويت مثلن .. ماعتقد ..
واعتقد المرأه بالكويت بشكل عام ..الاجيال من سنة 80 وفوق نسبة الاميه ماتوصل 5 بالميه اتوقع وعدم اكمال الدراسه المتوسطه ماعتقد توصل ربع نسبة المتخرجات من الثانويه او الجامعه .. سواء اين كانت من اي فئه من المجتمع .. هذا اللي اشوفه بدون لا الجئ لأحصائيات ..

وعلى طاري بنات البدو لنا الحين مثال ... اكثر بنات الجامعه او الكليات او المعاهد بنات قبائل من مناطق تكثر فيها القبايل ..
حتى بالعمل وحتى بقيادة السياره ارتفاع كبير بالنسب بشكل خله فكرة العمل والسياره شي اقل من سابقه كمعارضه بل صارت مطالبه فيه اكثر من سابقا .. طبعا وفق القيم الاسلاميه الاغلبيه تمشي بالكويت :cool:


وبالكويت حنا اسرنـا ككويتين وغيرهم فيها اسر ملتزمه دينيا وفيه اسر محافظه وفي اسر تفصل الدين والاسلام عن عاداتهم والخ من الاسر اللي لها فكرها وطريقتها بالتعامل بكل منطقه بالكويت
يمكن اخوي وهو اخوي غير عن معتقداتي.. هل بحطونه نفس الفئه لني انا وياه لنه نفس الاسم .. مو معقوله


واخيرا الزواج قسمه ونصيب .. والطلاق لأي الاسباب منها التافه او المعقوله




فان باستن ..

جزاك الله بنصايحك .. توني ادري انك متزوج وعندك ولد اسمه منصور :yes: :p

[Shag7a]

Van Basten درر درر ماشاء الله مشكوور على النصايح و لو الكل يطبقها جاان الدنيا بخير :) مشكور و ماقصرت

[عبيد هندسة]

همممممممممممم ...
اعتقـد بأن الـعمر الممتاز للـزواج بـعمر 25 الى 30 بالنسـبة الى الرجل والمـرأة بشـرط لا تتجاوز الـ30.
الحـين نروح لسـخافات تهـدم الـزواج، مثـلا رجـل مــتـزوج، الـتلـفون 24 سـاعة بإذنـه مع بـنـت !!، ولا عنـده 3 عيـال !!، الـزوجة .. وعنــادها، مثـلا لو عـرفت إن زوجهـا يكلم راحـت طـلعت وكـلمت لـها واحد، بـدال لا تـروح لـزوجـها وتكـلمه وتـعلمه .. تـروح تسـوي مثله، هــذا مثـال ... لكـن في زوجات وازواج احسن منـهم مــافيــه ... لكـن حلات المـرأة بطـاعة زوجــها ... حتـى لو كـان مخـطئ عـلـيـها .. وفـي ملاحـظة عن الـزوجـات إنها تــســولف عن زوجــها عنـد رفيـجاتها وهـذا أخـطر شي على زواجها ... مـايحدث داخل بيـت الزوجية .. يـظل بــداخلـه ..

ونصــيحة .. شـوفوا بـرنامج "ســيرة الحـب" لـفوزية الـدريع .. وشـوفـوا مشـاكـل الـمتزوجـين .. اللي تـدق تـبـجي عشـان زوجهـا وهـو مـو كفـو واللي يـدق يـبي الحل لأن ابـغض الحلال الطــلاق ..

بالـنسبة لنقـطة بن عسـكر عن البـنت البـدوية والحـضـرية .. اتــفـق معـاه بنـسبة 50% ..

[scheelite]

Van Basten , Soccer_Addict , وازوري

كلامك عين العقل :)

وبالنسبه لطرطبيطه والالماني ما اتفق معااكم بسالفت انه البنت اذا تزوجت اتخلي دراستهاا واذا كان هالشي موجوود بمجتمعنااا فهوو بنسبه بسيطه جدا ,, بالعكس الحين اغلب البنات كملوا دراستهم بعد الزواج وتوظفو بااحسن الوظائف ومستقرين بحياتهم ,, وايد بنات اعرفهم تزوجوا وعيولوا وخلصوا دراستهم الجامعيه وقاعدين يكملوون ,, وبعدين المسئله مسئلة ارداه وعزيمه ووصدقوني اذا الشخص كان طمووووح وعنده اراده قويه ماكو شي يمنعه انه يكمل :)

وانا عن نفسي عندي اراده بكل شي الا الدراسه الوالد الله يهداه كرهني فيهااا ومع هاذا قاعده احاول اني ادرس واكمل ,, بس عارفه نفسي اذا تزوجت ماراح اكمل لاني ما اوطنهااا وابيها من الله اني ماكمل علشان جذي ما افكر بالزواج الا بعد ما اخلص الاني اعرف نفسي بهالموضوع :)

وبالنسبه لاخووي فهد ,, ممكن يكوون كلامك صح بمسئلة انه انسب سن للزواج مابين 22 و23 بس صدقني هالشي مايطبق على الكل لانه غالبيت شبابنااا طايش ومتسرع ونظرتهم للزواج بس لغرض الوناسه وتغير من الروتين ,, لاوفي بعضهم يقولك مليت من العزوبيه بجرب اتزووج ,, ونادر ما تقلى واحد ناضج بهالسن :confused:

بس هم 22او 23 اهووون من الي يتزوج واهو توه خالص ثانويه او بعده ماخلص ,, يعني انا ذااك اليوم رحت اخذ خواااااتي من المدرسه وكان معاي اخوووي الصغير ويمنا كانت سياره فيها واحد شكله صغير المهم انه اخوووي قاالي تدرين منو هاذا هاذا فلان رفيج اخوووي عن اخووي العوود وطبعا اخوي العود بوقتهااا كان عمر 18 سنه المهم لما رديت البيت جان اقوله شفنا صاحبك ,, جان يقولي ايي اظاهر مار ياخذ زوحته :eek:

طبعا انا اهني انصدمت ,, اذا اهو عمره 18 زوجته جم عمرهااا وبعدين شنووو هاذا اتزوووج وانا طالب ثنويه ليش اصاير بالدنيااااا :confused:

والشره على الاهالي والله الي يطاوعون عيالهم ,, تلقى اهل الولد يقولون ياللا خنزوجه علشان مايخربط ونفس الشي بالنسبه لاهل البنت يقولون ياللا انزوجهااااا ونستر عليها الستر زين ,, وطبعا من غير مايفكرون بسلبيات او ايجابيات الموضووع ,, عندهم ابسط حل اهووو الزواج للاسف :(

وأيد اخوي فان باستن ,, حلاة الريايل مايتزوج الا بعد مايتوظف بثلاث سنين اوسنتين :)

والله يرزقكم جميعا بزواج صالح ,, وسامحوني على الطواله :)

[Nutty VaMpIrE]

قولجية دامج قلتي ماقصدك كذا مرة .. مجبور اصدقج من باب حسن النية :)

وغشمرتي لاتاخذينها انها راي شخصي وتحطيني من خانة الناس اللي قلتي لهم كلام حلو .. وبالنسبة للرقيقة اهي طلبت اذني وانا ما أرد احد:)

الموضوع يرد طبيعي اللحين :)

[Soccer_Addict]

cassano إلي أعرفه إن الفراوانيه فيها نسبة بدو كبيره .. بس أصدقك .. معلوماتي مو لهالدرجه دقيقه عنها ..

وخوش كلام الباقي .. بس أخالفك ببعض النقاط .. خاصه عن إختلافات البيئات الكويتيه .. انت قلتها إذا الواحد يختلف بيته عن بيت أخوه فما بالك مع الناس الثانيين؟ .. وعلى سالفة التقليد http://diwania.alazraq.com/images/icons/41.gif

[cassano]

cassano إلي أعرفه إن الفراوانيه فيها نسبة بدو كبيره .. بس أصدقك .. معلوماتي مولهالدرجه دقيقه عنها ..

ككويتيين مو مع الوافدين نعم اكثرها بدو .. بس هم نسبة الحضر فيها اكثر من محافظات اخرى غير العاصمه وحولي ..

بس مو هذا اللي بوصله.. حديثي انه بنات البدو والحضر بالكويت او اي محافظه مانقدر نشمل بانه كل البنات نفس الشي ممكن فيه اختلاف بالنسبه مقارنه بينهم بس مانحط قاعده ثابته ولاتشمل الكل لنه معقده الحسبه :hot: ..
لنه كل فئات المجتمع بالكويت والمقيمين خليج وعرب واجانب
فيهم اسر ملتزمه دينيا +فيهم اسر محافظه + فيهم اسر اقرب للعلمانيه والخ ..تختلف هالاسربالتربيه من بيت الى بيت من رب اسره الى رب اسرة اخر حتى لو اخوان من لحم ودم ..

[بوشملوخ]

معارض وبقوه!

[الألماسة]

...

..

.


Van Basten


يعطيك العافيــه ؛

[Fahad]

فان باستن

يزاك الله خير . . نصايح حلوه ومنكم نستفيد يالمتزوجين ترى قادمون عن قريب معاكم لعش الزوجيه :)

قواك الله على الدرر :)

[DVD]

بـعض الردود شجعــتـني ! والبعض الاخر كرهـتني مو بس بالزواج الا البنات بكبرهم:p

[AZzuRri_Q8i]

DVD

انت اعـظم خـدمة تقـدمهـا للبشـرية و الحـريم خـاصة انـك مـا تتـزوج .. :p

[DVD]

والجهراء



مالـكش دعوى فيـها جرى ايــه يا عمنا؟:P

عبيــد اللي بتاخذني تصـلي يوميا ركعتين شـكر لربـها لاني اختـرتها:P

بـس ابي استـفيد اكثر واكثر الاغلبيه قاعد تقـارن بين البدو والحضـر او بين الرجل والمراه انا ابي عن الزواج المبــكر .. ! نصـائح - ارشادات- ايجابيات- سلبيـات- تـجارب (اذا وجدت) ..

[الريانه]

واخيرا المرأه :mask: مقارنه بالرجل بالزواج وتكوين الاسره ..
اوفى واكثر تضحيه .. وتقبل غلطاته وتسامحه اكثر .. مظلومه اذا بنقارن بينهم

عـلى راسـي كسانو يـقول كلمة الحـق لو على نفـسه ..

مو لانـي مره اتحيـز للحريـم لا .. لانـي اشوف حولي واسمع كـل المرأه هي الي تضحي وتسامح ..

اعـرف وحده عز المـعرفه تزوجت واحد من اهـلها " طايحـله طق " فيها بسبب وبدون سـبب .. حتى وصـلت انها مـا تكلـمه لان هو يدور المشاكل عشان يطقـها صبـرت " 9 شـهور " على هالضيـم .. على الطق الي تاكـل من واحد " حقيـر " الي بعمـرها وبيت ابـوها محد يلمـس شعرة راسها .. هم صبرت قالت يمكن يتعدل لكـن لا حياة لمن تنادي خافت على نفسـها وتطلقـت .. شـوف ماكو احد يصبـر مثـل صبر المرأه ..

هم بـقولكم سـالفة على الصبـر ..

وحـده زوجها ما يجـيب عيـال وقالوله الاطباء انت ميؤس منك .. والبنت مافيها الا العافيـه .. قالها زوجها بطـلقج وروحـي شـوفي حياتج مع واحد ثـاني واتجيـبين منه عيال يملـون عليج حياتج .. قالـت يحـرم علي غيـرك ومابي عيال اذا مو مـنك .. ولا زالت صابره :) لو كـان العكـس الي صايـر شـلون ؟ هم بـنت اعرفها العيب فيها اهـي لكن زوجها سليـم .. من ثاني سـنه من زواجهم هو يخطـب عليها :) شتسـمونها مو انـانيـه ؟ هي اساسا محترقـه جبدها تبي عيال وهالدور تتزوج عليها ؟


&&

فـان بدعت بالنصايـح لو الكـل يمشي عليها جان احنـا بخيـر

&&

دي في دي

يبـا شلك بالزواج الحـين منـو بيصرف عليك وعليها ؟ والا الله يخلي الوالد والوالده .؟.

نصيـحه : خلص دراستك وتوظف وتزوج على طـول .. واذا انت في بالك بنت معينه وما تبيها " تطيـر " املـج عليها وخلها على " الويتنج " :p

&&

الي وده يعـرف معانات الحريـم المتزوجات يـشوف برنامج " سيرة الحـب " واذا كـان لكم " احـساس " بتحزنون من كثـر القصص الي تبـجي :)

[عبد العزيز الحمادي]

نصيـحه : خلص دراستك وتوظف وتزوج على طـول ..

لا لا لا اختي .. انا ضد هالشي لأني جربته .. تزوجت من اول معاش .. الحمدلله الاهل ما قصروا معاي .. وسويت كل شي على حسابهم من تأثيث وعرس حريم ورياييل وسفرة وكل شي .. لكن صدقيني .. ليومج هذا .. كنت اتمنى الشي هذا يكون بفلوسي انا .. له لذة ثانية .. والواحد يحس بقيمته ..

اكيد الواحد يقول الحمدلله . هذي نعمة انه اهلي ما قصروا معاي .. لكن غير لما الواحد يوفر من معاشه ويحاول يجمع للزواج من بداية الوظيفة .. اعتقد سنتين او ثلاث بالكثير ممكن يوفر فيها الواحد مبلغ محترم ... بحسبة انه مثلا المعدل المعاش 500 دينار .. هذا معاش طبيعي .. الواحد ممكن يعيش على 200 دينار راهي ومرتاح .. 300 دينار بسنتين يعني تقريبا 7000 دينار .. حلو حق الزواج .. ما اقول انها كافية .. لكن على حسب الواحد يبي يسوي عرس ولا لا .. يبي التأثيث يكون فخم ولا عادي .. يبي يسافر ولا لا ..

[Corvette]

لا تذكروني بسيرة الحب :( حلقة أمس مقابلين وحده أجنبية تعور القلب ..

من غير إيدين وريل وحده .. وويهـا " جميل " ومبتسمه على طول ..

الله يسهل عليهـا إن شاء الله

[الريانه]

لا لا لا اختي .. انا ضد هالشي لأني جربته .. تزوجت من اول معاش .. الحمدلله الاهل ما قصروا معاي .. وسويت كل شي على حسابهم من تأثيث وعرس حريم ورياييل وسفرة وكل شي .. لكن صدقيني .. ليومج هذا .. كنت اتمنى الشي هذا يكون بفلوسي انا .. له لذة ثانية .. والواحد يحس بقيمته ..

اكيد الواحد يقول الحمدلله . هذي نعمة انه اهلي ما قصروا معاي .. لكن غير لما الواحد يوفر من معاشه ويحاول يجمع للزواج من بداية الوظيفة .. اعتقد سنتين او ثلاث بالكثير ممكن يوفر فيها الواحد مبلغ محترم ... بحسبة انه مثلا المعدل المعاش 500 دينار .. هذا معاش طبيعي .. الواحد ممكن يعيش على 200 دينار راهي ومرتاح .. 300 دينار بسنتين يعني تقريبا 7000 دينار .. حلو حق الزواج .. ما اقول انها كافية .. لكن على حسب الواحد يبي يسوي عرس ولا لا .. يبي التأثيث يكون فخم ولا عادي .. يبي يسافر ولا لا ..


مو دي في دي يبـي يتزوج الحـين وهو ليلحـين ما توظف .. فقـلته على الاقـل انطر خلص دراستك وتزوج .. اهو طايـر انا شسـوي :D

وصـح كلامك بخصـوص ملتمزمات العرس حلاته من فلـوسك

[Nutty VaMpIrE]

وصـح كلامك بخصـوص ملتمزمات العرس حلاته من فلـوسك

من قاص عليج :p

ملتمزمات .. جمع الجمع حق مستلزمات يعني ؟؟ بذمتج ماحشج شد بصابعج وانتي تكتبينها
لساني انعوى ! وحلجي انترس سعابيل ! ٣ ميم :p

[Corvette]

وصـح كلامك بخصـوص ملتمزمات العرس حلاته من فلـوسك

عرس الحريـم على اهل المره ..

[Nutty VaMpIrE]

^^
بعد جبدي والله .. جذي الشغل العدل :)

[DVD]

اول مره اسـمع عرس الحريم على اهل المره! جان زين يامعود تفكونا :p

طقـاقه بـ1500 صــالــه بـ950 .. الحـلو والفـطاير والسـوالف الحلوه بـ400 ! من وين يا حسره:p غير الكوشه والمدرج والبيـست:p يبه شـلكم تسوون عرس حريم ماكو شغل! ذنب الحش اللي يحشونه بـرقبتك انت جمعتهم :p !

الريـانه ومنو قالج اني مو موظف؟:)

[الانجــليزي]

Corvette
عرس الحريـم على اهل المره

شكو ترا احنـا بالكويت مو بمصـر النص على الزوج والنص الثـاني على المره .!
يعني الاثاث عليها والبيت عليك .!!
اول مره أمسع انه عرس الحريم على أهــل المره

[DVD]

شكو ترا احنـا بالكويت مو بمصـر النص على الزوج والنص الثـاني على المره .!
يعني الاثاث عليها والبيت عليك .!!
اول مره أمسع انه عرس الحريم على أهــل المره

ابتسـم انت تناقش كورفيـت ! بعد شوي يقولك المهر البنت تدفعه لك ;P

[عبد العزيز الحمادي]

اذا اهل المرة يبون يسوون عرس يتكفلون فيه . اما اذا كانوا ما يبون يسوون عرس واهل المعرس يبون .. يصير على اهل المعرس

[DVD]

يبـون والا مايـبون ! انت متكفل متـكفل ! مادري اذا العادات عندنا تختلف عنكم؟!

[Shag7a]

شكو ترا احنـا بالكويت مو بمصـر النص على الزوج والنص الثـاني على المره .!
يعني الاثاث عليها والبيت عليك .!!
اول مره أمسع انه عرس الحريم على أهــل المره

هااو إشفيكم !!. .. إيي إحنا عندنا أهل البنت يسووون العرس ليش مستغربين !! :confused: عندنا كل شي على البنت .. الولد عليه المهر و الشقه و إذا بيتكرم و يسوي عرس رياييل , وإذا ما يبي يسوي كيفه بعد .. و أهل العروس عليهم عرس الحريييييم و بدلة العرس و الدي جي و الفندق و الكووووووشه والحلو و العشى و المصورة و الصالون و كككككككككككلللل شي .. عسى الله يخليلي أبوووي و يبلغه فيني :o ..

وعليه علينا يا بخت بنات البدو و الله يعجبوني يعرفوون شلون يشلخون الرياااااااااااااااال و يخلووونه ينق عدل :D

[GoLcHia]

الانجـليزي و دي في دي .. معروووف انه عرس الحريم على اهل العروس !! :)

[THe ShaRk]

الي اعرفه يمكن احنا الحضر غير ان عرس الحريم على المره وتكفون لا تخربون علينا خلونا جذي لين نتزوج وبعدين كيفكم غيروا الي تبونه :D :p

والله اني ميت على الزواج بس باقي لي سنتين على التخرج :(

[Nutty VaMpIrE]

أنا أصلا توني أدري أنه بالكويت في عادات إنه الريال يتكفل بعرس الحريم

[DVD]

اهــا .. لا يـبه حنا غيـر عنكم كل شي عليــنا:)

[الألماسة]

هااو إشفيكم !!. .. إيي إحنا عندنا أهل البنت يسووون العرس ليش مستغربين !! :confused: عندنا كل شي على البنت .. الولد عليه المهر و الشقه و إذا بيتكرم و يسوي عرس رياييل , وإذا ما يبي يسوي كيفه بعد .. و أهل العروس عليهم عرس الحريييييم و بدلة العرس و الدي جي و الفندق و الكووووووشه والحلو و العشى و المصورة و الصالون و كككككككككككلللل شي .. عسى الله يخليلي أبوووي و يبلغه فيني :o ..

وعليه علينا يا بخت بنات البدو و الله يعجبوني يعرفوون شلون يشلخون الرياااااااااااااااال و يخلووونه ينق عدل :D


...

..

انزين شقحه ؛

و اذا العائله كانت نصها بدوي و نصحها حضري .؟

يعني عائله مهجنه ؛

يعني تمشي مع عادات البدو و عادات الحضر ؟

^_^

شلون بيكون العرس؟

على الريال و الا المرة ؟

^_^

ماكو الا نـ زوجــ ( ؟؟؟؟ ) علشان نعرف

:qadsia:

[Shag7a]

الألماااسه قصدج الأم حضرية و الأبو بدوي ؟؟ أو العكس ؟؟ ... أكييد راح يمشوون على الأبو


ترى أكو رياييل حضر يسوون عرس الحريم .. يكون مثلا وحييد أمه و أبووه و أمه مستانسه على ولدها إلا إهي إلي بتسوي العرس .. الله يعافيهم وفرو :o

[الألماسة]

الألماااسه قصدج الأم حضرية و الأبو بدوي ؟؟ أو العكس ؟؟ ... أكييد راح يمشوون على الأبو


ترى أكو رياييل حضر يسوون عرس الحريم .. يكون مثلا وحييد أمه و أبووه و أمه مستانسه على ولدها إلا إهي إلي بتسوي العرس .. الله يعافيهم وفرو :o


...

..

.

لا شقحه ؛


قصدي وضحته لج ^_^ ؛

[Bo Msheal]

اول شي احب اشكر الرغيغه على هالموضوع الحلو والمفعم بالحماس :p

واشكــــر الاخ فان باستن على هالردود العقلانيه .. وخاصه الرد رقم 94 .. موطبيعي قواك الله اخوي ..

عند الحضر .. عرس الحريم .. واتباعه على ام العروس ..
عرس الرياييل .. الشقه .. الاثاث وغير المهر والسفر على الريال نفسه .

عند البدو .. الله يجزاهم كل خير ويعينهم كل شي على الريال .


والله يوفق الجميع ويرزقهم الازواج الصالحين والزوجات الصالحات ويعطيهم على قد نياتهم ..

[DVD]

عشـان ام العروس ماتـمن علي باجر :p سويتـلك وسويتلك !

الالمـاســه قصــدج (الــ..) :p:p:p:p:p

[الألماسة]

عشـان ام العروس ماتـمن علي باجر :p سويتـلك وسويتلك !

الالمـاســه قصــدج (الــ..) :p:p:p:p:p


...

لووووووووووووول

مااقدر اقول لك اي اخاف قصدك ما يطلع قصدي ؛

و لا اقدر اقول لك لا لان يمكن قصدك يطلع قصدي ؛

^_^

^

^

^

ركب الجمله

ههههههههههههههههههههههه

...

..
.




آخـر زمن بنـت العـرب تكشف الساق
بـيـن الأجانـب تحسـبنـها شـطـاره
تـمشي دلـع مابين نـزهـات وأسـواق
وزودٍ عـلـى ذلـك تـولـع زقــــاره





و كنت اقرا توقيعك

تصدق يا خوي ـ انك للاسف صدقت !!

الفتره اللي طافت حاشتني حراره و كحه و توابعها

و مرضيه قعدتني باليت اسبوع

داومت هالاسبوع ـ و الكحه ملازمتني

و الا زميله لي تقولي شفيج ؟ تغشمرت وياها و قلت لها التتن ذبحني

^_^

قالت لي انتي مثلي ؟

قلت لها خير ؟

قالت انا ما انام و الا انا مشيشه

و من جذي الكحه ما تروح مني

و انا طبعا :eek: :eek: :eek:

قلت لها لا يبه ـ اتغشمر ^_^

و المشكله ترا متزوجه و عندها عيال

[الريانه]

نـوتي ..


من قاص عليج :p

ملتمزمات .. جمع الجمع حق مستلزمات يعني ؟؟ بذمتج ماحشج شد بصابعج وانتي تكتبينها
لساني انعوى ! وحلجي انترس سعابيل ! ٣ ميم :p


لووووووول بدليات اخر الليـل والنوم بعيوني ... شفتها وتعيزت لاعدلها

&&

دي في دي

انت طـالب مو ؟ بعد توا ذاك اليوم حاطـين بقسم الانشـطه قابلينك التجاري لايكون انـت نـفس االي يدرس ومتـوظف وظيفه " فلاتي " ؟ ;)

&&

بخصوص مستلـزمات العـرس توني ادري انه فـي فرق بيـن البدو والحضـر :) .. الحضـري يحمد ربـه .. والبدوي يـلعن حظه :D

[DVD]

ليش يلعن حظه؟ بالعكس عشان ام المدام ماتمن عـليه بشـي:p

لووول الالمـاسه :)

شطحنا عن الموضوع ..

المهــم انا بسوي شغله اللي متزوج يقولي جم عمره لما تـزوج؟

[الريانه]

دي في دي ..

تكالفـه كبيـره وانت ذكرتها فـوق يعنـي الله يـعينـه

[الألماسة]

ليش يلعن حظه؟ بالعكس عشان ام المدام ماتمن عـليه بشـي:p

لووول الالمـاسه :)

شطحنا عن الموضوع ..

المهــم انا بسوي شغله اللي متزوج يقولي جم عمره لما تـزوج؟


...

..

بتسوي دراسه ؟

^_^

[DVD]

اللي يـبي الدح مايـقول اح يا الريـانه ..

[سندريلا]

تسلمون كلكم على الردود الي كل واحد موضوع بروحه .. الموضوع تشعب وااايد والصحة ضاعت ومابقى إلا الزواج وتبعياته

بختصر كلامي بموضوع حساس واايد مثل الزواج

مسألة البدوية والحضرية اختلف بالنقطه هذي معاك أخوي بن عسكر النضج والعقلانيه مالها شغل بمورثات البنت لها علاقه بتربية لكن فيه من الناحيتين الناضجه وفيه مينونة المظاهر

شيء مؤسف أن أفضل علاقة واسماها بالحياة تتحول بمجتمعاتنا بالصورة من يعطي أكثر .. فعلا الخيارات بين الاثنين ومن الطرفين صارت معتمده على القشور الخارجيه وبس .. يعني الشاب يطلب أبي حلوه ومن حقه وأنا ايده مليون بالميه يعني تبيه يشوف هالمزايين بالتلفزيون بعدين يصفى على الجوهر أهم من المظهر صعبه واايد مو شويه

لكن حلو الواحد يهتم بالجمال بس مو الجمال وبس مثل مو قاعد اشوف يعني يتملجون يطلعون ويا بعض يقعدون يتكلمون وهو سرحان وهايم بالجمال وكلمة على الثاني وتوافق بأساسيات الشراكه بحياتهم ومصيرهم ومستقبلهم مأجله لي وقت يتحسر على هاللحظات الي ضاع فيها على أشياء ماراح تسعده بحياته وبيته

يعني وين أيام اول .. الي الحين الريال يبي وحده اسم وبس .. شنو أخلاقها شنو داخلها وشنو طريجها مايهمه المهم تكون من طبقة معينه

.....

البنت أكثر سوء أقولها بكل صراحه .. الولد وين ساكن وجم يملك وشنو بيعطيني وشنو بيقدم لي و و و .. انزين فكرتي شنو هالرجل الي بتعيشين بقية عمرج معاه فكرتي تتوافقين وياه سواء إمكانياته عقله خلقه منطقه مو منطقته !!!!

....

أساس الحياة الزوجية برأيي كلمتين وشرط أساسي .. الحب و الاحترام .. والشرط الأساسي حياتهم ملكهم أهما وبس مشاكلهم متى ما طلعت برا بيتهم معناتها قاعد يضرون نفسهم ومستقبلهم .. وبنظري متى ما واحد تذمر من الثاني عند الغير حتى اقرب الناس له وطلع فضايح شريكه فاعتبره اخر الحلول وبعده راح يكون الانفصال .. الكلام عن مشاكل اثنين للغير راح تضخمها ماراح تحلها محد راح يعرف الحل كثر أصحاب الشأن

....

والله يوفق الجميع للي فيه الخير وسوري على الإطالة

[الرقيقة]

اول شي احب اشكر الرغيغه على هالموضوع الحلو والمفعم بالحماس :p

واشكــــر الاخ فان باستن على هالردود العقلانيه .. وخاصه الرد رقم 94 .. موطبيعي قواك الله اخوي ..

عند الحضر .. عرس الحريم .. واتباعه على ام العروس ..
عرس الرياييل .. الشقه .. الاثاث وغير المهر والسفر على الريال نفسه .

عند البدو .. الله يجزاهم كل خير ويعينهم كل شي على الريال .


والله يوفق الجميع ويرزقهم الازواج الصالحين والزوجات الصالحات ويعطيهم على قد نياتهم ..
حيا الله بو ميشيل :)
نورت الموضوع ، لو بدون كلمة رغيغة بس :o

بخصوص الموضوع .. شدعوى ، قولنا عن تجربتك .. نصايح تقدمها للمقبلين ع الزواج ;)

[b4e]

انا حسب اللي تناقشت معاها..
انه كلــ شيـ بالملجة والخطوبة على الريال مثل الصالة وباقي الشغلات..
بسـ العرس مبـ ملزوم المعرس يسويـ حفلة عرسـ فالبنتـ هي الليـ تدفع لحفلة العرسـ..

[الانجــليزي]

Shag7a
هااو إشفيكم !!. .. إيي إحنا عندنا أهل البنت يسووون العرس ليش مستغربين !! :confused: عندنا كل شي على البنت .. الولد عليه المهر و الشقه و إذا بيتكرم و يسوي عرس رياييل , وإذا ما يبي يسوي كيفه بعد .. و أهل العروس عليهم عرس الحريييييم و بدلة العرس و الدي جي و الفندق و الكووووووشه والحلو و العشى و المصورة و الصالون و كككككككككككلللل شي .. عسى الله يخليلي أبوووي و يبلغه فيني :o ..

وعليه علينا يا بخت بنات البدو و الله يعجبوني يعرفوون شلون يشلخون الرياااااااااااااااال و يخلووونه ينق عدل :D

وصالة الحريم على المره بعد .! :mask:
اكيد بدلة العرس على العروسـه هالشي معروف بس الصـاله والدي جي والكوووشه
على المعرس هذا الى نعرفه يمكن غيرو الحين مدري :rolleyes2:
كل شي على المعرس بـس الامور الصاله هاذي اهو مـاله شغل فيها بين اهله واهل العروس
العشى والحلو أمره هين والصالون أكيد عليها :o
بس الصـاله على المعرس هذا الى نعرفه والباجي على العروس

[عبد العزيز الحمادي]

اهلين بو ميشيل .. منور .. عاد الحين محتاجينك تتحفنا بردك :) توك فريش انت :) الله يهنيك ويبلغك عيال عيالك وترقص بريك دانس بعرسهم ان شاء الله :)
والله على قولة سندريلا .. الحب والاحترام اساس رباط الزواج ... ومن غيرهم ينهد البيت

ترى أكو رياييل حضر يسوون عرس الحريم .. يكون مثلا وحييد أمه و أبووه و أمه مستانسه على ولدها إلا إهي إلي بتسوي العرس .. الله يعافيهم وفرو :o

شقحة .. هذا اللي صار معاي بالضبط .. وحيد وامي وخواتي شادين حيلهم يبون يسوون عرس :)

شباب عندي نقطة مداخلة .. للشباب فقط .. هل تشوف انه من العيب انك تشتغل بالبيت .. يعني ترتب ولا تساعد بالمطبخ ومن هالسوالف ؟؟

دي في دي انا تزوجت وعمري 25 بعد 3 اشهر اكمل 3 سنين

[الانجــليزي]

شباب عندي نقطة مداخلة .. للشباب فقط .. هل تشوف انه من العيب انك تشتغل بالبيت .. يعني ترتب ولا تساعد بالمطبخ ومن هالسوالف ؟؟
من وجهة نظري عيب .!

[Fahad]

شباب عندي نقطة مداخلة .. للشباب فقط .. هل تشوف انه من العيب انك تشتغل بالبيت .. يعني ترتب ولا تساعد بالمطبخ ومن هالسوالف ؟؟


عن نفسي . . أشوف إنه مافيها شي لكن " بعقل " . . يعني مو أنا يوم أطبخ وهي يوم تطبخ ونحط جدول حق التنظيف . . ماكو شغل !!

لكن . . كنا مسافرين مثلا . . مافيها شي أعينها بالطبخ أو شغل البيت إذا كنا ساكنين بشقه مو بفندق !

أستغرب إلي ينظر لزوجته إنها مكينه تفريخ وبس !!

هذي أنسك وحياتك وملاذك وقت الشده بعد رب العالمين . . وفيها سكنك وراحتك وبسمتك !!

النبي عليه الصلاه والسلام ورد عليه بالأثر إنه كان يساعد أهل بيته في أعمال البيت . . وكان يصلح شراك النعل " عزكم الله " مع أهل بيته . .

النبي عليه الصلاه والسلام سطر لنا أعظم الأمثله لهالشي . . الواحد لا يصير جاف مع زوجته . . مسافرين واحتاجت تعينها شفيها !!

خدامتكم إنحاشت أو طالب خدامه وماوصلت الخدامه وزوجتك بروحها بالشقه او البيت تكرف . . مافيها شي لو اعينها شدعوه بطيح من عينها ولا رجولتي بتنقص !

بعض الناس يظن ان رجولته بتنقص اذا اعان زوجته " عند الإضطرار " بأمور البيت !

خو مرتك هذي كاتمة أسرارك ودنيتك مو بنت من الشارع !

عن نفسي . . أشوف إنه مافيها شي . . لكن بتعقل وعند الضروره ودللت على هذا بمثال . .

::

واصلوا . . مستمتع ومستفيد من ردودكم بشكل كبير ماشاءالله خصوصا ً المتزوجين لا يبخلون علينا بالنصايح :)

[Shag7a]

الإنجليزي .. إيي قلت الفندق أقصد صالة الحريم إلي راح يصير فيها العرس ..
عرس الحريم من اول ليه أخره على المره:mask: .. و عرس الريايل على الريال :euro:

[AZzuRri_Q8i]

عن نفسي . . أشوف إنه مافيها شي لكن " بعقل " . . يعني مو أنا يوم أطبخ وهي يوم تطبخ ونحط جدول حق التنظيف . . ماكو شغل !!


لكن . . كنا مسافرين مثلا . . مافيها شي أعينها بالطبخ أو شغل البيت إذا كنا ساكنين بشقه مو بفندق !

أستغرب إلي ينظر لزوجته إنها مكينه تفريخ وبس !!

هذي أنسك وحياتك وملاذك وقت الشده بعد رب العالمين . . وفيها سكنك وراحتك وبسمتك !!

النبي عليه الصلاه والسلام ورد عليه بالأثر إنه كان يساعد أهل بيته في أعمال البيت . . وكان يصلح شراك النعل " عزكم الله " مع أهل بيته . .

النبي عليه الصلاه والسلام سطر لنا أعظم الأمثله لهالشي . . الواحد لا يصير جاف مع زوجته . . مسافرين واحتاجت تعينها شفيها !!

خدامتكم إنحاشت أو طالب خدامه وماوصلت الخدامه وزوجتك بروحها بالشقه او البيت تكرف . . مافيها شي لو اعينها شدعوه بطيح من عينها ولا رجولتي بتنقص !

بعض الناس يظن ان رجولته بتنقص اذا اعان زوجته " عند الإضطرار " بأمور البيت !

خو مرتك هذي كاتمة أسرارك ودنيتك مو بنت من الشارع !

عن نفسي . . أشوف إنه مافيها شي . . لكن بتعقل وعند الضروره ودللت على هذا بمثال . .

::


واصلوا . . مستمتع ومستفيد من ردودكم بشكل كبير ماشاءالله خصوصا ً المتزوجين لا يبخلون علينا بالنصايح :)



كـلام جمـيل و اوافقـك عـليه

[الســــاخر]

...

..

انزين شقحه ؛

و اذا العائله كانت نصها بدوي و نصحها حضري .؟

يعني عائله مهجنه ؛

يعني تمشي مع عادات البدو و عادات الحضر ؟

^_^

شلون بيكون العرس؟

على الريال و الا المرة ؟

^_^

ماكو الا نـ زوجــ ( ؟؟؟؟ ) علشان نعرف

:qadsia:



اللــه يرزقنـــا هالهجيـــــن !!.. جينــاتي "الحضريه" زاهبه .. ناقص "جيناتها" البدويه!...
انــا مستعد اتكفــل بعــرس الحريم .. وعــرس الريــاييل .. والشقــه بأثــاثهــا .. والمهــر .. وســفــره "شهــر" العســل ...
ومعـــاش خدامتهم .. وصيــانــه "تـــانكيــات" بيتهم .. و"سفــايف" سيـــايير اخوانهـــا .. واحضـــار "ملابس" خــواتهــا من "المصبغــه" ..و اكــون "صبي" عند ابــوهــا .. و "دريول" عند امهـــا .. واكــون "سيلانيه" لعيال اختهــا .. واغســل "الحوش" .. و "اخــم" السطح .. لمده 14 سنــه متتـــاليه .. او 20 سنــه "متفرقــه" .. ولمده 5 ايــام من كــل الاسبــوع ...

كــــله في سبيل الحصــــول على رضى ابوهــا وامهــا .. والتغلب على "القبلــيه" !!...

[زرقاوي 2002]

بما اني متزوج خلوني شوي اتفلسف عليكم ......
ابدأ من دي في دي انا متزوج وعمري 23 سنة وتوني مكمل سنة يعني في البدايات أول ماتوظفت على طول ثاني شهر انا مالج والحمدالله حياتي ماشية من احسن مايكون ... وصدقوني ياجماعة العمر مومقياس لنجاح الزواج او فشله ............. اهم شي انت مستعد للمسؤولية من كل الجوانب وحاس انك خلاص تبي الاستقرار وشبعت من حياة العزوبية توكل على الله .... وبعطيكم مثال عن العمر اخوي تزوج وعمره 19 والكل كان متوقع انه زواجه ماراح يستمر بس ماشالله عليهم حياتهم ماشية وعياله طوله تبارك الرحمن وتربيتهم لهم من احسن مايكون ........

وراح اذكر بعض النقاط للحياة الزوجية :

- في فترة الملجة واللي تعتبر اهم فترة بالنسبة لكم ابتعدوا فيها عن المثاليات وانه كل واحد يغطي عيوبه عن الثاني خلوا الوضوح والصراحة والتفاهم اساس حياتكم ممن البداية لانه على اساسها راح تكملون المسيرة بكل هدوء وعقلانية .

- نصيحة لكل زوج خلك مخطط لحياتك صح وموفق بين زوجتك وبيتك وبين ربعك وديوانيتك وبين اهلك .
- الزوجة بعد لا تبالغ بطلعاتها وزوجها موجود عندها بالبيت مو كل يوم معزومة ولا عندج عرس ولا عندج يمعة ترى محد بينفعج غير زوجج .

- مثل ماقال باستن الهدية لها مفعول السحر على الزوجين ولا تتقيدون بالمناسبات عشان تقدمون هدايا لبعض حسسوا بعض انه كل واحد ذاكر الثاني ومانساه في طلعته .

- أسرار بيتكم المفروض محد يطلع عليها ولا احد يدري عنها غيركم انتوا الاثنين واي خلاف صار بينكم حلوه بالتفاهم والحوار ولا ادخلون فلان وعلان كوسيط انت ماتزوجت الا وانت قادر انك تواجه هالمشاكل بنفسك انت ولا تسمح باي شخص حتى لو كان قريب منكم بالتدخل .

- احترام الزوج من احترامج لأهله متى مااحترمتي اهل زوجج متى ماشالج فوق راسه وحطج بعيونه ولا تحاولين انج تحطين العيوب دايما في اهله وانتي الصح في كل شي لانه في النهاية ماراح يتخلى عن اهله عشانج مرة بدالها الف مرة وكذلك بالنسبة لأهل الزوجة لازم تقدرهم وتحترمهم وماتعطيهم طاف مثل اللي قاعد اشوفه من كثير من شبابنا للأسف لانه في النهاية اهم يعتبرونك مثل ولدهم بالتالي لازم تأدي واجبك تجاههم .


ولي عودة بخصوص سؤال فان باستن الاخير .....

[AZzuRri_Q8i]

بو سـعود تمنـيتك مـا ترد عالموضـوع لاني ادري بتشـيشني عالزواج .. بس اشـوا شـروط الزواج اللي حـطيتها مو متوفـرة فيني .. بعـدي مـا نضـجت :o

[عبد العزيز الحمادي]

بما اني متزوج خلوني شوي اتفلسف عليكم ......
ابدأ من دي في دي انا متزوج وعمري 23 سنة وتوني مكمل سنة يعني في البدايات أول ماتوظفت على طول ثاني شهر انا مالج والحمدالله حياتي ماشية من احسن مايكون ... وصدقوني ياجماعة العمر مومقياس لنجاح الزواج او فشله ............. اهم شي انت مستعد للمسؤولية من كل الجوانب وحاس انك خلاص تبي الاستقرار وشبعت من حياة العزوبية توكل على الله .... وبعطيكم مثال عن العمر اخوي تزوج وعمره 19 والكل كان متوقع انه زواجه ماراح يستمر بس ماشالله عليهم حياتهم ماشية وعياله طوله تبارك الرحمن وتربيتهم لهم من احسن مايكون ........

وراح اذكر بعض النقاط للحياة الزوجية :

- في فترة الملجة واللي تعتبر اهم فترة بالنسبة لكم ابتعدوا فيها عن المثاليات وانه كل واحد يغطي عيوبه عن الثاني خلوا الوضوح والصراحة والتفاهم اساس حياتكم ممن البداية لانه على اساسها راح تكملون المسيرة بكل هدوء وعقلانية .

- نصيحة لكل زوج خلك مخطط لحياتك صح وموفق بين زوجتك وبيتك وبين ربعك وديوانيتك وبين اهلك .
- الزوجة بعد لا تبالغ بطلعاتها وزوجها موجود عندها بالبيت مو كل يوم معزومة ولا عندج عرس ولا عندج يمعة ترى محد بينفعج غير زوجج .

- مثل ماقال باستن الهدية لها مفعول السحر على الزوجين ولا تتقيدون بالمناسبات عشان تقدمون هدايا لبعض حسسوا بعض انه كل واحد ذاكر الثاني ومانساه في طلعته .

- أسرار بيتكم المفروض محد يطلع عليها ولا احد يدري عنها غيركم انتوا الاثنين واي خلاف صار بينكم حلوه بالتفاهم والحوار ولا ادخلون فلان وعلان كوسيط انت ماتزوجت الا وانت قادر انك تواجه هالمشاكل بنفسك انت ولا تسمح باي شخص حتى لو كان قريب منكم بالتدخل .

- احترام الزوج من احترامج لأهله متى مااحترمتي اهل زوجج متى ماشالج فوق راسه وحطج بعيونه ولا تحاولين انج تحطين العيوب دايما في اهله وانتي الصح في كل شي لانه في النهاية ماراح يتخلى عن اهله عشانج مرة بدالها الف مرة وكذلك بالنسبة لأهل الزوجة لازم تقدرهم وتحترمهم وماتعطيهم طاف مثل اللي قاعد اشوفه من كثير من شبابنا للأسف لانه في النهاية اهم يعتبرونك مثل ولدهم بالتالي لازم تأدي واجبك تجاههم .


ولي عودة بخصوص سؤال فان باستن الاخير .....

انته نسخة مني .. نفس حالة الزواج .. من ثاني معاش

وما شاء الله عليك متفق معاي بأغلب النقاط اللي ذكرتها .. وخاصة نقطة الاسرار الزوجية .. حتى اقرب الناس لك .. اصلا هذي نهى عنها الرسول صلى الله عليه وسلم

عسى الله يتمم عليك ويوفقك بحياتك الزوجية .. ويجعلها حياة مديدة وعامرة

[الريانه]

شباب عندي نقطة مداخلة .. للشباب فقط .. هل تشوف انه من العيب انك تشتغل بالبيت .. يعني ترتب ولا تساعد بالمطبخ ومن هالسوالف ؟؟



اسمحـلي اتلقـف ..

انـا اشوف رجـل داش المطبخ ومـرته مافيها الا العـافيه عيـب .. والله مرتك مريضه او طالعه مكان وبتتأخر ماعليـه تسـوي لك شيء تاكـله .. تغسـل صحون لا عاد مو حـلوة

هـم بموضـوع اليهال انـا اشوف ان بعضـهم عيب عنده يمسـك الياهل شـوي .. يعنـي مثـلا الياهل يبجـي وامه قاعده تسـويله حـليب او لاهيـه شـوي في بعضهم ما يشيـلونه مثـل اخوانـي :o للاسـف ..

وهم بعد في شباب حتى بنـص الليل اذا بجـى الياهل وهو نايم يايطلع برا او يطردهم بالغرفه الثانيـه .. يعني الام تقوم انصاص الليالي من حلات نومها وولدك يبجـي انزين امسكه شـوي عبال ما تسـويله حليـب ..

&&

هـم بتكـلم عن شـغله في الزواج الصـراحه لاحظتها حيـل بالقريبـين منـي ..

الزوجـه تكون عنيده والزوج كذلـك اهنيـه مصيبـه تصيـر لان كل واحد يعاند الثاني .. اعرف وحده اول ما تزوجت تحصل مشاكل بينها وبين زوجها لان كـل ما يـقوله شيء تعانده او تعصـب لانها ما تعـرفه عدل ولا تعرف كل طبايعه .. يعني مثلا قالها ماتروحيـن هالمكان تقعد تسـوي سوالف ويضطر ان يرفع صوته عليها لين " تنجـعم " .. وعلى هالحال لـين حصـلت اول " زعله " صجيـه وراحت بيـت اهلها عاد كانت حامـل .. وكعادت الرجال الكبرياء رفض انه حتى يدق عليها وكان يـقول لاخواته بطلقـها .. وحاولوا يعقـلونه .. وهي نفس الطريقه بعنادها حتى ماتدق عليه او تتنازل وتعتذر .. لكـن الحمدلله امها عقلتها وخلتها تكلـمه وردت العلاقات .. والحـين تقول عرفتـله ما اعانده ..

يـعني انتي يالبنت شـوفي طبايع زوجج ولاتحاوليـن تسـوين عكس ما يقـول او تسـوين شغله بدون رضاه انتي بروحج بتاكليـنها .. بيخليـج تزعليـن وتحرقين عمرج وهو بكبريائه ماراح يرد عليج

[زرقاوي 2002]

بو سـعود تمنـيتك مـا ترد عالموضـوع لاني ادري بتشـيشني عالزواج .. بس اشـوا شـروط الزواج اللي حـطيتها مو متوفـرة فيني .. بعـدي مـا نضـجت :o

اللي يسمعك الحين يقول بو تعش سنة ...... اي والله كل ماقلنا شي قال توني مانضجت شكلك بتصك الخمسين وهم توك مانضجت ........... انت شكلك ماخذ لك شقرا من هناك وتقص علينا عشان ماتنفضح هااااااااااا :p ........ طيعني يبا وتزوج ابي لك الخير ;) :p

[عبد العزيز الحمادي]

الريانة .. عشان جذي يقولج اذا واحد رخى شدي واذا واحد شد رخي .. كشعرة معاوية

[زرقاوي 2002]

فان باستن اجمعين يالغالي ...بالنسبة لسؤالك راح اتكلم عن نفسي وعن تجربة ....

قبل لا اتزوج كنت فوضوي بدرجة موطبيعية غرفتي تتنظف تقريبا 4 الى 5 مرات باليوم اقوم اعفس الدار والبس واطلع مايهمني شي ....... لكن بعد الزواج تغيرت نظرتي لهاالامور وقمت انتبه لها اكثر من قبل واراعي زوجتي فيها لانه مهما كان اهيا انسانة وبروحها بالبيت وعندها اشياء ثانية غير التنظيف والترتيب...... يعني لماآخذ الشي ارده مكانه.... لما أدور ملابسي او بطلعها من الكبت احاول اني مااعفس الدنيا .... شي ابيه وحاس انها مشغولة بهالوقت اقوم ادوره بنفسي........ ومساعدة الزوجة في امور البيت مو شرط تكون بالفعل حتى لو بالقول مثلا في بعض الشباب يبي كل شي ماشي مثل الساعة الغدا والعشا بوقته وياويلها ان تأخرت يبي يشوف كل زاوية بالبيت مرتبة وعسى مااطيح عينه على شي مومرتب عفس الدنيا عليها فوق تحت ........ لا يبا مايصير بالكلمة الطيبة والمراعاة كل شي يمشي ....

[AZzuRri_Q8i]

لووووووووووول بو سعـود

انشـالله بعـد 3 سـنين (الزواج مو الشـقرا :p)

[بنت الصالح]

merci عالموضوع روعه ..

الزواج المبكر ترا شي :p ..

>> حلو بشتى انواعه :D ..

[U-Turn]

حـــمــستونــا عــلــى الــزواج :D

بس توني صغير :o

[عبد العزيز الحمادي]

بالمناسبة نسيت لا اذكر شغلة ..
الزواج بالذات يا جماعة تتسهل فيه الامور المالية بشكل مو طبيعي .. سبحان الله تقعد تحاتي وتحسب وآخر شي تمشي الامور بكل يسر ماديا .. وهذا شي جربه الكثير من المتزوجين ..

[Corvette]

شكو ترا احنـا بالكويت مو بمصـر النص على الزوج والنص الثـاني على المره .!
يعني الاثاث عليها والبيت عليك .!!
اول مره أمسع انه عرس الحريم على أهــل المره
معقوله انت عايش بالكويت ! ..

معروفه عندنا عرس الحريم على اهل المره ! ..

يمكن عند البدو غير شي ثاني هذا ..

[الرقيقة]

b4e: هوا هيك ;) بس منو الي تناقشت معاها :p

بما ان الموضوع تفرع وايد تحت عنوان الزواج ..
وبصراحة ردود رائعة من الجميع ،،
ابي رايكم بالزوج الي " يضرب " زوجته!

[عبيد هندسة]

كسانو + كورفت ..
في نـاس يخـلون الحـريم يسـوون كل شي حق صـالة الحريم والعشاء وغيره .. ونـاس كل شي عليهـا ..
على حسـب اذا طلب اهـل العـروس ذلك .. فلـهم مايـريدون .. بس إن سـكتوا يـعني غصبـاً عليك تدفع وانت ساكـت :)

[عبيد هندسة]

b4e: هوا هيك ;) بس منو الي تناقشت معاها :p


بما ان الموضوع تفرع وايد تحت عنوان الزواج ..
وبصراحة ردود رائعة من الجميع ،،

ابي رايكم بالزوج الي " يضرب " زوجته!
من ناحيتي ارفـض الـضرب .. واللي يضـرب زوجتـه "بسبب ولا بدون سبب" اقل مايقال عنه حيـوان.. وعلى قـولة قولجية "جليل اصل :p "

[عبد العزيز الحمادي]

الرقيقة هذا اقتباس من رد سابق للتذكير بنقطة الضرب للازواج

بأي طريقة وبأي مناسبة .. لا تفكر ابدا ولو للحظة انك تمد ايدك على زوجتك ... الطق لا يمكن يكون ابدا حل من الحلول ... وصلت الأمور لمرحلة لا يمكن التفاهم فيها ... هناك ابغض الحلال والي ما اتمنى يستخدم كحل الا في الحالات اللي خلاص مافيها روح تعال ... اما انك تطقها وتطلع حرتك بيدك .. لا

[زرقاوي 2002]

لووووووووووول بو سعـود

انشـالله بعـد 3 سـنين (الزواج مو الشـقرا :p)

والله مايندرى عنك ..... الظاهر انه ولدي سعود بينضج قبلك وبزوجه وانت بعدك ماتزوجت :D

[AZzuRri_Q8i]

بما ان الموضوع تفرع وايد تحت عنوان الزواج ..
وبصراحة ردود رائعة من الجميع ،،

ابي رايكم بالزوج الي " يضرب " زوجته!


الضـرب (المـبرح) طـريقة بدائيـة للتعـبير عن وجهـة نظـر معـينة .. الاسـلام شـرع الضـرب غير المبـرح كـ اخـر وسـيلة تسـتخدم لـتقويم العـلاقة بين الزوجـين دون اشـراك طـرف ثالث بينهـم .. يعـني اذا مـا انفعـت كل الوسـائل الاخـرى هـني الزوج له الحـق بالضـرب غير المبرح واذا مـا نفـع يلجـئون للاهـل و الاقـارب .. امـا انه يطـقها و يبـط راسـها و يقـول كيفي مـرتي بهالحـالة حـده غـلطان .. معـظم هالحـالات يكـون الزوج عصـبي جـدا و اذا عصـب يفقـد القـدرة على السـيطرة على نفسـه او الزوجـة عصـبية و لسـانهـا ينقـط سـم

الغضـب هو اسـاس هالمشـكلة .. هـني اتذكـر كـلمة جمـيلة قـالها فان باسـتن .. قال بالزواج لا بد من مـرونة و تقـديم بعـض التنـازلات من الطـرفين .. فـعلا هالشـي له تاثيـر ايجـابي كـبير و يخـفف من حـدة و توتر العـلاقة الزوجـية لي درجـة كـبيرة

[AZzuRri_Q8i]

والله مايندرى عنك ..... الظاهر انه ولدي سعود بينضج قبلك وبزوجه وانت بعدك ماتزوجت :D


لووول بو سـعود رجـاءا لا تتحـرش فيني انا قـاعد اكـون نفسـي :p.. عـندك فـويز dvd ناضـج و متحمـس زوجـوه

[b4e]

b4e: هوا هيك ;) بس منو الي تناقشت معاها :p




تناقشت مع بنت عالخطوبة وهالسوالف..
وقالت ليي هالاشياء..

[Leo Messi]

اولاً ..
احب اشكر اختي الرقيقة على موضوعهه الأكثر من روعة ..
5 ستار :) ..


( ما رأيك بالزواج المبكر؟ )


انا من ناحيتي ما افكر به ابد..
انا حاط في بالي .. ما بتزوج الا لمن اشتغل واعتمد على نفسي .. :)
بس احسن حل للانسان الي يحس نفسه مستعيل .. يعني احسن من ان يقع في الحرام .. :)


الزواج يطيل العمر مقولة تصدم العزاب

ما اظن ..
خبري من زود مناجر الزوجة والأولاد يطلع الشيب .. :D
( يجوز ليش لا ) :cool:


لماذا يزداد وزن المرأة بعد الزواج

معلومات مقنعة .. شغل عدل ;)


الزواج فوق ما اهوا يعتبر إكمال للدين ،، شي رائع ..
الي يعرف فوائده ويدرسها عدل ما اعتقد راح يبقى لعمر متأخر بدون زواج ..

لين واحد متحجج يجوز ليش لا .. في ناس مو حاطين فكرة الزواج من الاساس .. ( عزوبي متحجج :D )
توني على الزواج .. ومو مستعيل عليه :p
عمري 17 .. نحارس لين نوصل الـ 22 وان شاء الله كلكم معزومين :p

تحياتي ..
Leo Messi

[Bo Msheal]

الله يسلمج يا الرقيقه ولا تزعلين ..

ومنور بوجودك فان باستن جزاك الله خير .. حالي من حالك الولد الوحيد لاهلي اغلب الاشياء كانت عليهم " برغبتهم طبــعا "

بالنسبه للزواج المبكر .. انا معاه 100% اذا كان الولد متوظف وخلوق ويخاف ربه ويقدر المسؤوليه شنو اللي يمنعه .. وبيني وبينكم بهالوقت اللي يخاف على نفسه يتزوج مبجر !!

نبدي من الخطبــه .. للبنت والولد .. خلك طبيعي .. وواضح .. لا اتفلسف وايد ترى كل شي راح يبين مع الوقت .. حطوا الامور اللي تبون الطرف الآخر يتبعها من البدايه ترى اللي اوله شرط آخر نور ..

بالملجـــه .. لا تروح للمره الا وانت متسبح ومتزقرت ومفرش اسنانك ما يصير طالع بآخر كشخه وريحة حلجك خايسه من الزقاير وغيره ترى ما ينفع وهم البنت بعد ما يبيله كلام تكشخي ..
نصيحه للشاب لا تنقي على ذوقك الشبكه .. مع المهر حط فلوس زياده للشبكه او اذا بغيت تشتري اخذ المره وامها معاك خلها تختار على ذوقها .. واذا خايف من السعر حطلك Limit وبلغها فيه ما فيها شي ..

بعــد الزواج .. اتفق مع كل الي قاله فان باستن .. ترى الزواج رحمه وموده قبل لا يكون حب .. الحب يجي من العشره والمعامله الطيبه بين الاثنين .. ساعد مرتك بشغل البيت ترى هالشي ما ينقص من رجولتك .. وحاول تغير من طريقه عيشتكم لتجنب الروتين والملل مثلا مو شرط تطلّع المره بيوم محدد متى ما اشتهيتوا الطلعه طلعوا .. سينما .. عشى .. غدا او حتى التمشي بالسياره بعض المرات يونس .. طلعها حداق http://diwania.alazraq.com/images/icons/6.gifhttp://diwania.alazraq.com/images/icons/2.gif عادي شنو يعني .. ههههه . هم المفاجآت والهدايا حلوه قال الرسول صلى الله عليه وسلم " تهادوا تحابوا " .. والله يوفق الجميع وكلــنا نغلط محد معصوم من الخطأ بس نحاول كثر ما نقدر نسوي كونترول على تصرفاتنا .. http://diwania.alazraq.com/images/icons/32.gif

[cassano]

الريانه

يسلم راسج ..


عبيد هندسه :eek2:



كسانو + كورفت ..
في نـاس يخـلون الحـريم يسـوون كل شي حق صـالة الحريموالعشاء وغيره .. ونـاس كل شي عليهـا ..
على حسـب اذا طلب اهـل العـروس ذلك .. فلـهم مايـريدون .. بسإن سـكتوا يـعني غصبـاً عليك تدفع وانت ساكـت



شكلك مضيع .. وين تكلمت .. بعرس المره وغيرها :nono: .. بس اوافق كلامك ..


جنكم استانستوا على سوالف الزواج .. :p


ومع كلام فان باستن .. رخي وشد ..

وعلى طاري فان باستن .. اليوم شايفه شكله تعبان نفسيا ولحيه .. اخاف من الزواج وبلاويه ويبي يوهق الشباب .. :p

وحتى ترى زرقاوي مسوي نفسه خبره ويعنيني وقبل مده كنت احرشه على الزواج .. دنـيا :clap:

[عبد العزيز الحمادي]

وعلى طاري فان باستن .. اليوم شايفه شكله تعبان نفسيا ولحيه .. اخاف من الزواج وبلاويه ويبي يوهق الشباب .. :p





لوووووووول كاسانو .. الله يغربل ابليسك .. كرهت الشباب بالزواج الحين

لا الله يسلمك من يوم الخميس وانا ملتهب ضرسي وذابحني .. فمخلي اللحية :)

[THe ShaRk]

ان مع الريانه بالي قالته بخصوص العناد لأن كبرياء الرجل ما يسمح له ان يرد بكلمته فحلاتها ما تعانده تسايره وتساحله لأن العناد ما ينفع

ان الله كتب وتزوجت يا ويله ان عاندتي انا راسي ايبس من الصخر وهالعناد مسوي لي مشاكل :(

[الألماسة]

اللــه يرزقنـــا هالهجيـــــن !!.. جينــاتي "الحضريه" زاهبه .. ناقص "جيناتها" البدويه!...
انــا مستعد اتكفــل بعــرس الحريم .. وعــرس الريــاييل .. والشقــه بأثــاثهــا .. والمهــر .. وســفــره "شهــر" العســل ...
ومعـــاش خدامتهم .. وصيــانــه "تـــانكيــات" بيتهم .. و"سفــايف" سيـــايير اخوانهـــا .. واحضـــار "ملابس" خــواتهــا من "المصبغــه" ..و اكــون "صبي" عند ابــوهــا .. و "دريول" عند امهـــا .. واكــون "سيلانيه" لعيال اختهــا .. واغســل "الحوش" .. و "اخــم" السطح .. لمده 14 سنــه متتـــاليه .. او 20 سنــه "متفرقــه" .. ولمده 5 ايــام من كــل الاسبــوع ...

كــــله في سبيل الحصــــول على رضى ابوهــا وامهــا .. والتغلب على "القبلــيه" !!...


...

..

.

بس اللي اشوفه ؛

لو انك تسوي اللي قلته و زود ؛

لو تشتغل مدرس خصوصي حق عيال جيرانهم بعد ؛

و تشتغل دكتور حميه غذائية لاختها البطه ؛

و تنقل اخوها من دوامه اللي مو عاجبه ؛

و تروح مع ابوها سوق ( الخروف ) اتييب ضحيه العيد ؛

و لو تشتري لامها سيارة ويا صبي و تييب عبدالحسين عبدالرضا و سعاد عبدالله يسون اوبريت عند باب بيتهم ؛

كل هذا تسويه ؛

و ما بتاخذها لانها مو نصيبك !!

أأؤمن ـ بان النصيب من الله سبحانه ؛

لو انك خطبت وحده و الكل موافق سبحانه يصير شىء يمكن باخر لحظه و ما تاخذها لانها مو نصيبك ؛

و لو تبي وحده و مستحيل تاخذها ـ بتاذخها لانها نصيبك ؛

...

..

.

و بتكلم عن القبليه !

للأســف ــ ؛

مجتمعنا ـ يفشل ـ يعني احنا نفشل لان احنا المجتمع !

نرفع الشعارات و نهتف و نقول مافي فرق بينا !!

نقول ان احنا مسلمين ! كتابنا القران و نبينا محمد عليه الصلاة و السلام ؛

و نقول و نقول و نقول !

و لكن حزه هالمسائل نوقف و نقول لا يا جماعه !

ندري ان الرسول عليه الصلاة و السلام قال لا فرق بين عربي و لا اعجمي الا بالتقوى ؛

بس ترا ما نقدر نمشي على هالشىء ؛

عاداتنا و تقاليدنا اكبر من قرانا !!

النظرة ـ و من غير زعل !

الحضري يقول ـ البدو لهم ناسهم و احنا لنا ناسنا ـ ما يناسبونا !!

و البدوي يقول ـ مو من ثوبنا ؛

يعني ما في احد عاجبه الثاني ؛

^_^

و للاسف ـ سؤال انت من ولده و انتي من بنته اهو اول سؤال الناس تسالك اياه

!!

الله يعين ؛

[DVD]

الرقيـقه اي انا مع ضرب المـراه :p

اول شـي بالنسـبه لسـؤال فـان بـاستـن ... بالعكس ما اشـوف فيها اي عيـب انه الواحد يسـاعد زوجته والحيــاة تـعــاون وتقـدير ! يعني ما اشوف المره مشـغوله واقولها سوي جذي؟ ولا اشـوفها تعبـانه واطلب منها تسويلي غدى مثلا!!؟ ولا اقولها رتبي الغرفه او عطيني الشغله الفـلانيـه ! بالعـكس اسـاعدهــا واحط ايدي بايدها ومو عيـب ! لانها بالنهايه اهي مرتي ام عيـالي بس عاد ماتوصل اغسل ملابس والا صحون:p لا عاد هذي صج صج مالها امل هاها مع اني تعودت بالصـيف يوم الاهل سافروا كل شي اسويه بروحي :p

الرقيــقه .. لا طبــعا انا ضد الضـرب ! الزوجه انسـانه لها مشـاعر واحاسيس مهما يكن حجم الغلط ماتوصل السالفه للضـرب ! في طرق اخرى للمعـاتبه او توضيح انه هالشي اللي سويته غلط؟ اهـجرهـا! اعاتبــها بكلام مايجرحها ! انصـحها ! اذا مافاد كل هـذا اهددها بس ما اطقها

[DVD]

...


..

.

بس اللي اشوفه ؛

لو انك تسوي اللي قلته و زود ؛

لو تشتغل مدرس خصوصي حق عيال جيرانهم بعد ؛

و تشتغل دكتور حميه غذائية لاختها البطه ؛

و تنقل اخوها من دوامه اللي مو عاجبه ؛

و تروح مع ابوها سوق ( الخروف ) اتييب ضحيه العيد ؛

و لو تشتري لامها سيارة ويا صبي و تييب عبدالحسين عبدالرضا و سعاد عبدالله يسون اوبريت عند باب بيتهم ؛

كل هذا تسويه ؛

و ما بتاخذها لانها مو نصيبك !!

أأؤمن ـ بان النصيب من الله سبحانه ؛

لو انك خطبت وحده و الكل موافق سبحانه يصير شىء يمكن باخر لحظه و ما تاخذها لانها مو نصيبك ؛

و لو تبي وحده و مستحيل تاخذها ـ بتاذخها لانها نصيبك ؛

...

..

.

و بتكلم عن القبليه !

للأســف ــ ؛

مجتمعنا ـ يفشل ـ يعني احنا نفشل لان احنا المجتمع !

نرفع الشعارات و نهتف و نقول مافي فرق بينا !!

نقول ان احنا مسلمين ! كتابنا القران و نبينا محمد عليه الصلاة و السلام ؛

و نقول و نقول و نقول !

و لكن حزه هالمسائل نوقف و نقول لا يا جماعه !

ندري ان الرسول عليه الصلاة و السلام قال لا فرق بين عربي و لا اعجمي الا بالتقوى ؛

بس ترا ما نقدر نمشي على هالشىء ؛

عاداتنا و تقاليدنا اكبر من قرانا !!

النظرة ـ و من غير زعل !

الحضري يقول ـ البدو لهم ناسهم و احنا لنا ناسنا ـ ما يناسبونا !!

و البدوي يقول ـ مو من ثوبنا ؛

يعني ما في احد عاجبه الثاني ؛

^_^

و للاسف ـ سؤال انت من ولده و انتي من بنته اهو اول سؤال الناس تسالك اياه

!!


الله يعين ؛


ااصـابعج مو سوى! في بدو ماخذين حضريـات وفي حضر ماخذين بدويـات عادي! بس في قبايل تقـول ولد العم اولى من الغريب وهذا الصـح! وانا عـن نفسي ومن وجهة نظري اشـوف انه هالنظريه صـحيحه اول شي يكون قريب منك وتعرف طبعه واصله وفصـلـه وهالشـي مهم جدا ما ازوجها حي الله ;) الشـغله الثـانيه في حديث عن الرسول بما معناه انه على الانسان اذا تزوج ان يختار النسب الصحيح حتى لايعايرون ابناءه بـامهم :) ...

[الألماسة]

شباب عندي نقطة مداخلة .. للشباب فقط .. هل تشوف انه من العيب انك تشتغل بالبيت .. يعني ترتب ولا تساعد بالمطبخ ومن هالسوالف ؟؟


...

..

.

انزين ممكن اجاوب ؟

^_^

<< شفت شلون انا وحده اسمع الكلام لانك انت قلت هذا سؤال للشباب ؟

^_^



^
^
^

أدري انك ما راح تردني من جذي بتحجى (^_^)

بتكلم من وجهه نظري ـ يعني وجهة بناتيه حط بالك مو نباتية ^_^

يا خوي ؛

اللي شفته ان في ناس ان رايها هالشغله عيب ! ما يصير يساعد زوجته ؟

انزين ليش يبه ؟

هـ الزوجه هذي صارت منك و فيك ـ اهيا ظلك و انت ظلها ؛

روح وحدهـ بـ جسدين ؛

ليش هـ الفروق و وين العيب بالموضوع ؟

يعني قيمتك وين بتقل اذا ساعدتها ؟

بالعكس ـ انت بـ تكبر بـ عينها لان هني معنى الرجوله ؛

الرجل بقلبه و بعقله و بتفكيره و بقراره مو بـ سي سيد !!

المرأه عموما اذا شافت الاحترام و الحب من زوجها بتحطه بعيونها هالمره يساعدها ؟

اكيد بيكون هواها اللي يغلف رئتينها !!

..

.

اهم شىء يا جماعه ننسى شعار الغابه اللي ينص على ان البقاء للاقوى ؛

الريال ما هو اسد و المرأة مو الفريسه !

الرجل و المراه ـ انخلقوا علشان يكونون مع بعض ـ لانهم لبعض

..

و الله يوفق الجميع

:)

[الألماسة]

ااصـابعج مو سوى! في بدو ماخذين حضريـات وفي حضر ماخذين بدويـات عادي! بس في قبايل تقـول ولد العم اولى من الغريب وهذا الصـح! وانا عـن نفسي ومن وجهة نظري اشـوف انه هالنظريه صـحيحه اول شي يكون قريب منك وتعرف طبعه واصله وفصـلـه وهالشـي مهم جدا ما ازوجها حي الله ;) الشـغله الثـانيه في حديث عن الرسول بما معناه انه على الانسان اذا تزوج ان يختار النسب الصحيح حتى لايعايرون ابناءه بـامهم :) ...


...

..

انزين اذا البنت خاطرها مو في ولد عمها !!

و اذا ولد عمها حب بنت مومن عائلته ؟

[DVD]

ما اقـصد ولد عمها ( ولد اخو ابـوها) ولد عـمها عـموما تطلق على عيـال القبيـله كلهم :)

[الألماسة]

ما اقـصد ولد عمها ( ولد اخو ابـوها) ولد عـمها عـموما تطلق على عيـال القبيـله كلهم :)


...

..

اي اوكي ؛

اذا كان واحد من بره العائله يبيها ؛

شلون ؟

ما تاخذ الا ولد العائله ؟

مو حجي !

[فكتورفالدز]

شباب ترا اعرف واحد اقسم لكم تزوج وعمره 16 مادري 17 وعنده الحين 8 عيال !!

وبالنسبه للعرس ترا الرجال هو المسؤال عن العرس كله !!!

[DVD]

الماسـه شكو العـائله ؟ المهم واحد من القبيـله هذا طبعا لبعض القبايــل!

بالنسـبه البـنت اذا حاطه واحد ببالها .. انا من جهتي اشنـقها حتى الموت;) .. كلام عيــب ! شنو البنت تحط ببالها واحد وتبيــه!

[6r6be6a !!]

هااو إشفيكم !!. .. إيي إحنا عندنا أهل البنت يسووون العرس ليش مستغربين !! :confused: عندنا كل شي على البنت .. الولد عليه المهر و الشقه و إذا بيتكرم و يسوي عرس رياييل , وإذا ما يبي يسوي كيفه بعد .. و أهل العروس عليهم عرس الحريييييم و بدلة العرس و الدي جي و الفندق و الكووووووشه والحلو و العشى و المصورة و الصالون و كككككككككككلللل شي .. عسى الله يخليلي أبوووي و يبلغه فيني :o ..

وعليه علينا يا بخت بنات البدو و الله يعجبوني يعرفوون شلون يشلخون الرياااااااااااااااال و يخلووونه ينق عدل :D
لووووووووووووووووووووووووووووووووووووووووووووووووو وولز
شقحه احنا امي مقرره تزوج البنات بدو والصبي حضريه << :p
سووا نفسنا توفروووووووون :p
لووووووووووووووووووووووووووووووووووووولز .. حلوه حلوه مصطلحاتج !

[فكتورفالدز]

^^^

يا شديد اتفق معاك بكل شئ ‍‍!!!

[DVD]

حاضــرين بو شهـد ..

طرطبيــطه .. لــووول الوالده تتبع سيـاســه زواج بلا تكاليف:p

[6r6be6a !!]

عسى مو انا الشديد !
ديفد اهو فعليا مو حاصلها .. فخلها تطمح :p
والا عاد لقيت ابوي بيرضالها :o
وبعدين احسن شي بالبدو كل شي على الصبي ! لا افتر صمم كوشه .. والا تعال جابلهم يسنعون البيت عشان العرس !! ولا افتر عالمطاعم ! .. البنت تيي ببدلتها ! << معززه مكرمه !
مو احنا ! تسافر ايطاليا .. تسوي بدله وتييب ككاو والا شي توزعه !
وعقب ترجع تجابل الكوشه والورد !
عقب تعال سو بطاقات عرس < اذا ما يابت معاها من برا ! عباااااااااااله والله ! :confused:

[AZzuRri_Q8i]

مو احنا ! تسافر ايطاليا .. تسوي بدله وتييب ككاو والا شي توزعه !




شـدعوه امـيرة مونـاكو .. ولا بتتـزوج برنـس ويليـام

و تقـولون لـيش مـا تتزوج بعـد هاا

[GoLcHia]

مو احنا ! تسافر ايطاليا .. تسوي بدله وتييب ككاو والا شي توزعه !


مو ملزومه تروح ايطـاليا تجهـز .. و مو كل عروس بدلـتها "تصميـم" .. في مبالغـه بكلامج !! :/

[فكتورفالدز]

™6r6bE6a

لامو انتي الشديد ديفيدي !

لووووووووووول قاعدين مصر البنت تتكفل بكل شئ !!

لوووول لازم ايطاليا روحي سوريا وضبطي شغلج واذا غاليه روحي تايلند !!

يبني ازواج بعد ياعمي وينكن والزواج !!

احسن شئ روح جيبلك وحده من برا وريح عمرك !!!

[6r6be6a !!]

والله شي طيب في بنت ترضى حاليا تكون بدلتها من الكويت :)
امانه ان شاء الله تبيها تصمم عند انسام الخلف ؟؟ والا عواطف الحاي !
لبنان كانت اسهل .. بس بالفتره الحاليه تخرع .. فايطاليا الملجأ الثاني !

[6r6be6a !!]

قولجيه .. انتي الظاهر ما تخوضين بامور التجهيز مع "المتزوجين حديثا" من اهلج الظاهر :)
ما فكرتي ليش بفترة التجهيز تقب شهر برا الكويت ؟؟ اولا تدور اكستنشن حق شعرها ..
وتصمم بدله .. وتسوي بطاقات العرس .. واتييب فنتق توزعه .. وترجع تكمل حوستها .. :)
وكلامي ما فيه اي مبالغه !! هذا اللي حاصل والله .. وقاعدين نلمسه كواقع !

[AZzuRri_Q8i]

^^^

والله من صـجج طـرطبيطه .. لوووووووول



ويـنك بو سـعود .. جـنه الشـقرا انفـع .. :p

[فكتورفالدز]

^^

يقولون ليش العنوسه منتشره بالكويت وكل مالها تزيد !!!

[6r6be6a !!]

ازوري شحارك .. الدفع كله من جيب ابوها :p
واستانس .. بتييك صوغه سنعه من زوجة المستقبل ..
والله وناسه اسمع مني :p

[GoLcHia]

قولجيه .. انتي الظاهر ما تخوضين بامور التجهيز مع "المتزوجين حديثا" من اهلج الظاهر :)
ما فكرتي ليش بفترة التجهيز تقب شهر برا الكويت ؟؟ اولا تدور اكستنشن حق شعرها ..
وتصمم بدله .. وتسوي بطاقات العرس .. واتييب فنتق توزعه .. وترجع تكمل حوستها .. :)
وكلامي ما فيه اي مبالغه !! هذا اللي حاصل والله .. وقاعدين نلمسه كواقع !

اكستنشن ؟! بالصيف هذا بس مروا علي 7 عرووس وكلـهم تابعت تجهيزهم ولا وحـده فيهم راحت ايطـاليا حق "اكستنشن" ..

ما قلت يصممون عنـد عواطف الحـاي ولا انسـام الخلف بس هم مو تصـميم من "ايطـاليا" .. انتي قلتي "تسـوي" بدله مو تشتري بدله .. تسـوي بدله يعني "تصمم" حقـها بروحـها بدله عند واحد من مصممين ايطـاليا .. مـــــــــو كــــل كويتيـه تسـوي جـــذي يمكن انتي تسوين واهلـج بس مو كل الكويـت جــذي ..

التصميم عنـد واحد من المصممين الداثريـــن "بلبنـان" مو اقل من 17 ألــف هـذا الداثر مو قاعده اتكلـم عن ايلي صعب ولا زهيـر مراد .. فشلون مصـمم ايطـالي ؟! انتي تشوفينها سهـله بس اهيـه عند اغلب النـاس مو بهالسهـوله ..

[AZzuRri_Q8i]

ازوري شحارك .. الدفع كله من جيب ابوها :p
واستانس .. بتييك صوغه سنعه من زوجة المستقبل ..
والله وناسه اسمع مني :p


مو محـتر بالعـكس مـيت من الضـحك .. انـزين يزفـونهـا على ظـهر فـيل ولا هـودج شـايلينه 4 عبيد ؟!

والله راضـي بـ سـاعة تقـليد من سـوق اللـيل بـ بانكـوك و عسـل على قـلبي دام انهـا من ام العـيال .. مـا له داعي الـ showing off و الفسـق

ولا تنسـين اني بـ يوم من الايـام بصـير الابو اللي بيـاكلهـا و يـدفع .. عـاد حـزتها ايطـاليا تصـير مـثل سـوق الحـريم مـا تنبغـى .. و يهـبون بالمـريخ خـوش مصـممين هـناك

[6r6be6a !!]

كلامج يعبر عن وجهة نظرج .. واحترمها ! بس يظل تجهيز العروس .. مأساة :)
وبتعرفين مدى صحة كلامي ..
مستر ازوري .. انت تضحك وغيرك لاهي يشاوط اهني وهناك .. لي شفت تعب ام عيالك .. بتعرف شنو الزواج ! ولا عبيد ولا هودج مادري شيطلع ! تدش بروحها على اغنية مغنيها "محمد عبده " والا احلام !
واللي سوقها طايح .. اييبون القصار ! << هذا الفسق .. بس من ناحية البدله .. يحقلها !
تبي تستانس بعمرها .. ليله وحده .. خلها تشوف حالها :p

[فكتورفالدز]

ازوري

اذا صرت ابو بعد كم شهر ! :p زوج بنت حق شاب بدوي واشرط عليه على كيفك ماراح يناقشك بشئ !!

من الحين ناقل الاهم !! مطول يمكن تتغير العادات !!

والله يعينكم ! المشكله اللي يشوف الشخص الثاني ويبي يقلده !!

اخر شئ

تر كلها ليله وحده وتنتهي السالفه ليش التبذير !!

[AZzuRri_Q8i]

والله يا مـس طرطبيطه اللي هـذا اولـه ينعـاف تاليـه .. اذا العـرس جـذي شـلون بعـدين .. خـوفج تقـولي ابي الطـباخ يكـون الشـيف مـال هيلـتون و الخـدم ثنتين من الـ housekeeping مـال الريتـز و بـانيو المرحـومة مـاري انتـوانيت .. و تلقينـها لمـا كـانت بـ بيت ابـوهـا مـا تعـرف غـوتشي من المحـاميد

الحمـدلله على النعمـة بس الفسـق مو زين يا جمـاعة

[AZzuRri_Q8i]

فـكتور ..

واللي يقـولك هـونت عن الزواج مـرة وحـدة :o

[tic tac]

شدعـوه :/ !!

بس دام جذي


الدفع كله من جيب ابوها


كيــفهااا :d

خو شعليكم انتو .. اهي وبوها يسطفلوو فلوسهم وهم احراار

طبعا اذا كان على بو انه ليله العمر !

[6r6be6a !!]

الحمدلله والشكر ! ماخذ بنت الاوادم تكرفها !! اكيد تبي خدامه ! والطباخ على اهلها لا تحاتي :p
بس سالفة كونها بتشرط .. يحقلها ..
عطها ويه اول شهرين .. عقب حمّر العين :p
وموفق :)

[مـنـدنـي]

http://www.starnet.com.eg/ArticlesImages/Large/somia_el_khashab-0131-Large.jpg
انا كنت رافض موضوع الزواج
بس اذا وحده تشابة سمية الخشاب
ما اقول لا
فــديــتــهــا
http://images.google.com/images?q=tbn:cjv_YcWVwGmLpM:http://www.arablocale.net/vgallite/pix/GDIRroos/rose02.jpg
ما علية ما اقدر امسك مشاعري لمه اشوف سمية
:o
A.Mandani 16

[فكتورفالدز]

ازوري

الله يعينك

من تتزوج افتح لك احساب حط فيه شهرياً اللي يطلع منك !! :p جمع حق اول عرس يحوشك 22 سنه يطلع لك مبلغ محترم !!

[tic tac]

8 8 8

لووول كيمبا

من بعد ريه وسكينه طاحت من عيني .. تخرعني :p

بالاضافه انها مصريه ياخوكـ مو زين كلش :d

[AZzuRri_Q8i]

^^

مـغـربية اذا مـاني غـلطان

[الريانه]

اممممممم

بخصوص كلامج طرطبيـطه موكل بنات الكويت يروحون ايطاليا وعلشان عرسها واذا يعني ؟ الله ما يحب الفسق ..
&&


وبخصـوص الي يطق مـرته الصراحه انا اذا شفت او سمعت رجل جذي على طول " احتقـره " لان المره ضعيفـه وما تقدر تصارعه حتى لو كانت لاعبـه كيك بوكسنغ الرجل اقوى من المـرأه .. انا ذاك اليوم و ولد اختي نلعب و نحذف الكلنـكس بريولنا وطقت ريلي بسـاقه والله العظيم بغيت اموت عيل لو " ضاربني صج " شيصير فيني اتوقع مايردني الا الرازي :d هذا وهو ضعـيف بعد ..

عمومـا الرجل لا يحـق له ان يمد ايده على زوجـته او المرأة عمومـا الا اذا كانت مسـويه " مصيبـه من الوزن الثقيل " ذيج الساعه انا اايده يطقها ويكسر راسها بعد .. وماكو مانع لو " ينحرها "

&&

<< اتديـر دفة الحوار وتقـول :

انا اشـوف من خلال ما اسمعه ومن خلال ما اشوفه ببرنامج سيرة الحب ومن خلال اللي حواليـني المتزوجيـن " ان زواج الاهل انجح من زواج الي يتم عن معرفه سابقه بين الولد والبنت " هذا الي استنتجـته ..

انتـوا تأيدوني ولا لا ؟

[مـنـدنـي]

http://img468.imageshack.us/img468/2247/143cj.jpg
لحد اييب طاريها ترى ازعل
:o
A.Mandani 16

[tic tac]

مو مغربيه مصريه :/

كيمبا لا يفنشونكـ مو زين تحط اصور :p

..


ان زواج الاهل انجح من زواج الي يتم عن معرفه سابقه بين الولد والبنت " هذا الي استنتجـته ..

انتـوا تأيدوني ولا لا ؟


لانه يرضي رب العالمين

اما المعرفه السابقه بين الولد والبنت

اشوفها احلى :d

عالاقل يعرفها وتعرفه اكثر

بس مايجووز

فهذا يخلينا نرجع للشي الأولى .. وهو مرضاة ربكـ

[Corvette]

شخبـاري " قبيلـه " وأخواتهـا ..

[مـنـدنـي]

لا ترى ازعل ان يبتو طاريها
:(
شوفها شحلاتها
http://www.starnet.com.eg/ArticlesImages/Large/somaia-el-khashab2-Large.jpg
بخدااااااااااااااااااااااااااااا
خيلي
قشنقة
:o
كربون دلم والله
A.Mandani 16

[الريانه]

لانه يرضي رب العالمين

اما المعرفه السابقه بين الولد والبنت

اشوفها احلى :d

عالاقل يعرفها وتعرفه اكثر

بس مايجووز

فهذا يخلينا نرجع للشي الأولى .. وهو مرضاة ربكـ


اي والله تصدق ؟ انا ملاحظه هالشيء ..

والله ياكثرهم الي يتزوجون حتى ما شافت ويه شلون صاير وعايشين احلى عيشه ..

اي شيء تسويه ويكون ربك راضي عنك تكون الشغله ميسره واحسن منها ماكو ..

ببرنامج سيرة الحب اكثر الي عندهم مشاكل الي كانت تعرفه من قبل وماخذته غصب عنه اهلها .. فحتى لو يكسر راسها اهلها يقولون هاذ الي بغيتـيه ..

[Corvette]

اصلا الي يدقون على سيرة الحب ما يستحون ..

انا ريلي يطقني ! انا ريلي يسهر وايد ومادري شنو وجدام الله وخلقه !

[tic tac]

888

محد يدري عنهم .. خلهم يفضفضووون :d

...

الله يعينكـ :rolleyes: لول

[Corvette]

هالزمـن النـاس ماقامت تعرف " العيب "

[GoLcHia]

كورفيـت .. ترى وايـد من اللي يدقـون بس جــذي "يألفـون" سالفه ويدقـون .. اعرف واحـد عمـره 12 سنه من بدا البرنـامج لي اليـوم يحاول يدق اقوله انزين ليش ؟! يقولي استعبط عليـها "وناسـه" !! ..

[Corvette]

كورفيـت .. ترى وايـد من اللي يدقـون بس جــذي "يألفـون" سالفه ويدقـون .. اعرف واحـد عمـره 12 سنه من بدا البرنـامج لي اليـوم يحاول يدق اقوله انزين ليش ؟! يقولي استعبط عليـها "وناسـه" !! ..
الحلقه الي طافت ..

داق ريال يقول الكلام الي قالته مرتي بالحلقه الي طافت كله غلط وانا ماطقيتها ومن هالحجي ! ..

طلعت مرته داقه ومتكلمه عنه وطاح على صوتهـا ! إنزين يابنت الناس ليش تخربين بيتج بإيدج !

وبالأساس البرنامج نفسـه " يفشل " الصراحة مادري شلون ينعرض مثل هالسوالف ..

وطبعا الحلقات الأولى من البرنامج كانت فيه بـلاوي زرقه وما تنقال حتى بالديوانية ! فمابالج

مباشر والكل يسمعه

[الريانه]

كورفت

في بعضهم يستعبطون وفي بعضهم لا صج يعاني ..

يعني هي دكتوره وفاهمه وتقدر تحل الامور لو هي البنت مثلا مو محتده ماجان دقت ..

بس اتوقع تغير صوتها ومايقولون الاسم بعد .

انزين الزوجة عندها مشكـله منو يحلها لها ؟ ما تقدر تروح عند طبيبه او طبيب نفسي لسبب ما

[الريانه]

كورفت سمعته هذا وحتى سمعت مرته ..

مرته تبجـي .. وهو حتى تقوله الدكتوره شتبرر كلامها يقول : " الحمدلله على كل حال "

قالت له انت الصراحه ما اقنعتني ليش مرتك تتبلى عليك ؟ يرد يقول الحمدلله على كل حال

اصلا مبيـــــن اشكره جذاب البنت الاسبوع الي طاف داقه تبجي يطقها وهي حامل حسبي الله عليه

[GoLcHia]

الحلقه الي طافت ..

داق ريال يقول الكلام الي قالته مرتي بالحلقه الي طافت كله غلط وانا ماطقيتها ومن هالحجي ! ..

طلعت مرته داقه ومتكلمه عنه وطاح على صوتهـا ! إنزين يابنت الناس ليش تخربين بيتج بإيدج !

وبالأساس البرنامج نفسـه " يفشل " الصراحة مادري شلون ينعرض مثل هالسوالف ..

وطبعا الحلقات الأولى من البرنامج كانت فيه بـلاوي زرقه وما تنقال حتى بالديوانية ! فمابالج

مباشر والكل يسمعه

اوخ شسـوى بمرته عاد ؟! .. والله مـادري انا منزمــان عن هالبرنـامج .. خبــري فيه اول ما بـدا و كانوا هابيـن فيه العالـم ..
وانا معــاك غلط الواحـد / الوحـده .. ينشرون غسيلهم على الهـوا .. كلش كلش يروحون لـها العيـاده او يدزون لها ايميل ..

[Corvette]

الريانه .. قولجيه .. مثل ماقلتوا المفروض يروحون لهـا العيـاده ..

بس الغريب إنه البرنامج ليلحين " مستمر " رغم كل هالبلاوي الي فيه ..

فرق مابين هالبرنـامج وبرنـامج نبيل العوضي " ساعه صراحه "

[Pro]

والله الموضوع جميل ..

و لو راد عليه من قبل احسنلي .. تشعب وايد الحين :/ ..

عموما ..

الزواج و الصحة ما عندي اي فكرة عنهم الصراحة :p ..

و الزواج مو مفكر فيه مطلقا الحين .. ياله ياله اعابل ابدراستي و اساسا متلعوز و حايس حوسة .. فـ ننسى الزواج الحين ..

فكرتي بزوجة المستقبل .. يعتمد على حالتي يوم بتزوج :/ .. يعني لو بتزوج بعد سنتين ثلاث يعني و انا ادرس .. عمري 24 تقريبا .. افضل اخذ وحدة توها مخلصة ثانوية او توها بأول كورس بالجامعه عشان تكمل معاي و تدرس برا .. اذا بعد التخرج لا لازم شوي اكبر يعني عالاقل اخر كورس بالجامعة او توها متخرجة .. المهم اصغر مني بجم سنة ( 3-4 سنين ) " وجهة نظر لها اسبابها " ..

الشروط .. اهم شي الــــعـــفـــة و الاخلاق .. و انا خايف من هالشي وايد :/ .. يعني الوضع يخرع الحين بالكويت .. و انا وايد غيور و ما عندي روح تعال بهالسوالف .. و لو ان عندي اصدقاء يقولونلي لو تتزوج الحين بنت بس " مكلمه " تطلع امك داعيتلك و الله يحبك :eek: .. مع اني مو مقتنع قطعيا بهالكلام .. بس اقول انه وجهة نظرهم " ممكن " تكون صحيحة :/ ! .. بس لا ننسى قوله تعالى : (( و الطيبات للطيبين و الطيبون للطيبات )) ..
اما سالفة حلوة و مو مليقة او ساذجة هذي يبيلها نصيب و توفيق من الله .. و هم يبيلها طولة بال على ما تحصل البنت الي ابالك ..

و ردا على سؤال الريانه بالنسبة لزواج الاهل اذا انجح و لا لأ ..

انا رافض فكرة زواج الاهل .. لعدة اسباب ..

منها : اولا اسباب وراثية .. و هالشي معروف بالطب .. و لو ان امي و ابوي عيال خال و عمة :/ و احنا الحمدلله مافينا الا العافية .. بس انا رافض الفكرة ..

ثاني شي .. و ممكن ما يأيدني الكثيرون :/ .. بس ماحب زواج الاهل .. عشان ادري بعدين كل شوي و كل ما صار الي صار .. العمة .. الحماة .. ام الزوجة " الي اهي من الاهل " ميانة و نعرفها و تعرفنا و ما تستحي منا .. فـ كل شوي يايه عندنا و تصير العلاقة مو علاقة اهل معرس و اهل عروس .. او الزوج و عمته ام زوجته ... راح تصير علاقة مناشب :/ .. و تدخل بالحياة الزوجية بشكل فضيع .. و هالشي انا رافضه :/ ..

خلنا على ناس غرب .. مصاهرتنا لهم اهي اول ابواب فتح العلاقات .. و اشوف هالشي اخف بوايد .. و احسن .. و التدخل بالحياة الزوجية راح يقل ..

طبعا كلامي مو قانون ... ممكن يصير العكس ..

بالنسبة لمتن الزوجة .. الصراحة ما نقدر نسوي شي :o .. يعني ام عيالي فشلة اعايرها على متنها .. و انا سبب لهالمتن .. من حمال و ولادة و غيره ..

فـ " مساحلة " الزوجة على اتباع رجيم و رياضة .. بل .. و مشاركتها معاها اهو احسن شي نسويه برايي :) ..

بالنسبة للعرس .. انا واحد اتمنى ملجة و على طول شهر عسل لأني صج ماحب الصخب و الحفلات و يزفونك على العروسة بصالة الحريم و استحي و حالتي حالة :/ :o ..

غير الحش الي يصير بالعروس : و وييييي شوفيها شلون ترقص ...! طاعوووو شحلات المعرس شلاقي فيها ماخذها ! شوفي شسمها معدله خشمها ! .. مسكين المعرس قزم العروس اطول منه .. و الخ الخ :p :D

خير البر عاجله برايي :p .. حفلة بسيطة بالملجة كافي :o و ووز سافر .. و هم مو شرط السفر لاحق عليه .. شهر العسل تقدر تسويه عسل و انت بالكويت .. و هم ممكن يصير شهر بصل و انت بهاواي :/ !

بس اذا العروسة ملزمة بعرس .. مو مشكلة هذي ليلتها شنسوي يعني :o .. من حقها ..

و صج الي داير عندنا ان ام العروس اهي الي تتكفل بالعرس .. بس اذا ام المعرس ودها تشاركهم و تضبط عرس ولدها ما يقولون لأ :D ..

بالكويت طبعا الحين صايرة فناتق وايدة بالعروس .. و انا مرات تلوع جبدي لمن اسمع سوالفهم :/ ..
و هم في ناس طبيعيين و هم اكثرية .. و يبون من هالزواج الستر لبنتهم و الحفلة متوسطة " التفنتق " .. يعني معتدلة .. لأن هم الفناتق الي زايد عن حدها ينقلب ضدها .. شنو محد تزوج غيركم ولا شنو ؟!

بس كلام الكونتيـسة طرطبيطه نادر .. و نادر جدا بعد .. يمكن عجبها مسلسل الامبراطورة ما يندرى ؟! :p .. " تصميم " من مصمم ايطالي لبدلة العرس .. مو بدلة جاهزة من ايطاليا :/ .. اوكي في الناس يجهزون من لندن و ايطاليا و باريس و غيره بس تصميم من هالاماكن قوية لول و ماله داعي اصلا و هم مو شرط تجهز من برا و بالكويت في كاتلوجات و اييبون الي تبينه :/ .. و محمد عبدو بشحمه و لحمه لازم يغني اغنية خاصة حق دخلة العروس :eek: .. " لو كل كويتية غنالها عبدو حق دخلتها ليش ينزل اشرطة عيل :o :D ؟! " .. و بطاقات من ايطاليا :confused: .. توني ادري ان عندهم طابعات عربي هناك :D .. و لا البطايق تصير net language ؟!


TaTasharf Om 3li & Om Ma39oma le da3watikom 7fl zfaf 3yalhom el7elween

wa be 7o6'oorkom ta3em el far7a wel soroor

mula7a6'a : yomna3 e96e7ab el yahalooo


..


:D


الزبدة .. ندري طبينا فيج وايد طرطبيطه :o .. بس كلامج عن العرس كان over و يمكن سامعه " وحدة " صممت من ايطاليا و يابت بطاقات و كاكاو ايطالي .. و حسبالج كل البنات جذي :D ..
ترا بالكويت بالاسبوع الواحد عشرات الناس يتزوجون اذا مو مئات ! .. و احنا " قاعدين نتحجى " عن الغالب مو الشواذ .. الحالات الشاذة يعني .. اذا عالفناتق عيل في ناس ايبون نانسي حق الملجة و عبدو حق العرس .. هل كل الناس جذي :) ؟! .. اكيد لأ .. و احنا قاعدين نتكلم بالوضع الطبيعي و الي داير عند اكثر البيوت الكويتية .. عشان نفيد و نستفيد

[عبد العزيز الحمادي]

حجي برو .. :clap: :wavetowel2:
يسلملي هالتم اللي يقط درر

الله يوفقك بوحدة سنعة .. تعرف تعطيك قدرك


بالنسبة لكلام طرطبيطة .. اهو في ناس جذي ترى .. بس مع احترامي الشديد .. هذول يا اما مو حاسين بنعمة الفلوس ويبون غضب ربهم .. ولا انهم ما يملكون نعمة العقل .. المسألة ماهي بجمال الثوب .. والله تلقى خياط لاهور يسوي احلى من بدل ايطاليا مليون مرة وعلى 500 دينار .. الشغلة مفاخر ومهايط على الفاضي .. ولا والله العرس ممكن يكون من احلى ما يمكن باقل ما يمكن من فلوس ..

عموما الموضوع وايد يتفرع ... شرايك نخليه بالصحة والزواج .. :)

[DVD]

شخبـاري " قبيلـه " وأخواتهـا ..

اللي مالـه اول مالــه تــالي يــا المتطور!

[الرقيقة]

طرطبيطة .. وانا اقول الكويت وايد اختلفوا عنا :p
في مصممين لبنانيين وايطاليين متواجدين بالبحرين مو شرط نروح ايطاليا ..
وعن الكاكاو وباقي التجهيزات هم الي عندنا مش بطال لدرجة ان نكون مالنا غنا عن ايطاليا بهالمناسبات الحلوة :)

[THe ShaRk]

أعتقد كلام طرطبيطه كان مبالغ فيه حبتين في ناس يسوون مثل ما قالت بس الاغلبيه لا معتدله بمصاريفها لأن لو كل زواج بيكلف هالمبالغ محد تزوج بس اذا على ابوها كيفها انا علي اروح العرس واخذها وامشي ويقولون عرس افلان وفلانه شحلوه :P انا لو كانت بنتي اشنقها انا شكو بكل هالمصاريف علشان واحد توني اعرفه اهي خل تشتغل وتيمع وتسوي الي تبي ولا ازوجها بدوي علشان افتك من المصاريف :D:d

كيمبا اول واخر مره تحط صور سميه فااهم:mad: :p :mad: اهي وحليمه بولند مسببين لي ازمه بسالفه الزواج ما كو بنت عاجبتني لأن اقارنهم في هالثنتين :(

[6r6be6a !!]

بس كلام الكونتيـسة طرطبيطه نادر .. و نادر جدا بعد .. يمكن عجبها مسلسل الامبراطورة ما يندرى ؟! :p .. " تصميم " من مصمم ايطالي لبدلة العرس .. مو بدلة جاهزة من ايطاليا :/ .. اوكي في الناس يجهزون من لندن و ايطاليا و باريس و غيره بس تصميم من هالاماكن قوية لول و ماله داعي اصلا و هم مو شرط تجهز من برا و بالكويت في كاتلوجات و اييبون الي تبينه :/ .. و محمد عبدو بشحمه و لحمه لازم يغني اغنية خاصة حق دخلة العروس :eek: .. " لو كل كويتية غنالها عبدو حق دخلتها ليش ينزل اشرطة عيل :o :D ؟! " .. و بطاقات من ايطاليا :confused: .. توني ادري ان عندهم طابعات عربي هناك :D .. و لا البطايق تصير net language ؟!


TaTasharf Om 3li & Om Ma39oma le da3watikom 7fl zfaf 3yalhom el7elween

wa be 7o6'oorkom ta3em el far7a wel soroor

mula7a6'a : yomna3 e96e7ab el yahalooo


..


:D


الزبدة .. ندري طبينا فيج وايد طرطبيطه :o .. بس كلامج عن العرس كان over و يمكن سامعه " وحدة " صممت من ايطاليا و يابت بطاقات و كاكاو ايطالي .. و حسبالج كل البنات جذي :D ..
ترا بالكويت بالاسبوع الواحد عشرات الناس يتزوجون اذا مو مئات ! .. و احنا " قاعدين نتحجى " عن الغالب مو الشواذ .. الحالات الشاذة يعني .. اذا عالفناتق عيل في ناس ايبون نانسي حق الملجة و عبدو حق العرس .. هل كل الناس جذي :) ؟! .. اكيد لأ .. و احنا قاعدين نتكلم بالوضع الطبيعي و الي داير عند اكثر البيوت الكويتية .. عشان نفيد و نستفيد
الوحيد اللي استانس اذا شفته راد علي :) .. وهذا دليل على مدى الاختلاف الكبير بالذكاء بينا .. وبطء استيعابك :p << اتغشمر طبعا .. :)
اصبر اصبر انتفااااااااهم .. داش بشراع وميداف .. انت من قالك كروت العرس صارت كرت وكلام !!
طاع هذا !! الكروت صارت مخده .. والا قوطي ! واييبونه اهني ينطبع عليه الحجي ! والا عيل انا ليش قلت اتيي اتكمل شغلها بالكويت :p .. واشفيه الانقلش المعرب .. الكل صار يعرف هاللغه الا امي :o
انا من احد اخطائي الشخصيه .. دخولي منتدى لا افقه فيه شي ! لاني صوب رياضه .. ولا ادري اشلون تفكرون :) .. ممكن يكون في شباب حاسين وشايفين اللي انا اشوفه .. بس سؤال .. اتشوف بطايق العروس اللي تيي حق امك ؟؟ انا ما اقصد عرس الرياييل .. مطابع القبس ويخب ! .. انا اقصد ملوت الحريم ! تعال شوف الفناتق !! والله اني ما اجذب عليك ! مو الكل صحيح .. بس الغالبيه العظمي وربي من اللي اشوفهم ! .. وبعدين كل هالاشياء مقدور عليها :) .. موتك من وحده ابوها سوا مستشفى عشان ولادتها :)
واللي يعرف عبدالعزيز الغنام شخصيا بيدري انا شقاعده اتكلم عنه :) .. ناس يتستانس بعيالها .. انتوا ليش زعلانين ومجذبيني .. واتحسوني ابالغ ! والله هذا اللي قاعده اشوفه .. طيب لو بنقول شرت البدله ما صممتها .. اشلون كروت عرسها نفس خام البدله .. و اليونيفورمات ملوت اللي يقدمون بالعرس ومفارش الصواني همن نفس نقشة العروس !! حتى القلاصات ناقشين عليهم نقشة البدله مالت العروس !!
وغير جذي ,, وعشان ما نحدد الزواج بس بهالمظاهر .. انا اعرف ناس رايحين ايطاليا ويايبين "فناييل" قهوه على بسكوت وداخله ككاو ! انا والله استغربت اكثر منكم اول ما شفت !! بس عقب لقيت الحركه حتى بامريكا !! والناس تييبهم حق استقبال والده .. والا عيد ! والله هالشي حاصل وبكثره !!
بس انتوا عيبكم ما شفت ما اصدق ! :confused: << بس يصير عرس بنت راعية صالون لامود .. بعزمكم عشان تصدقون هالواقع !
وتظل وجهة نظركم اثنينكم "قولجيه وبرو"على راسي :)
وشاكره تعقيبكم ..

[6r6be6a !!]

فان باستين .. ردك سليم .. بس الواقع اللي نعيشه يقول لازم تماشي الناس .. :)
الله يكافينا شر المظاهر !
الرقيقه .. كلامج عين العقل وربي .. بس وين اللي يسمع ! المظاهر صارت شي اساسي !!
وبيني وبينج .. ماكو بنت تبي زواجها يطلع اقل من الباقي ! كون صديقاتها واهلها عروسهم "توب" ما لازم تقل عنهم ! واهي ليلة بالعمر .. خليها تعيشها !

[زرقاوي 2002]

وحتى ترى زرقاوي مسوي نفسه خبره ويعنيني وقبل مده كنت احرشه على الزواج .. دنـيا :clap:


لووووووووول مشيعل لاتتحرش لو سمحت ولا ترى بييك الدور انت بعد:p ... وخلنا نفيد الشباب بخبرتي المتواضعة بما انه اغلب الأعضاء عزابية انت شحارك ...... اي والله :mad:

[سندريلا]

ابيه ™6r6bE6a وقفت عند ردج :) ماكملت أقرأ .. على قولت قولجيه أهوه موجود متفقين عليه بس مو الكل وشدعوه رايحه إيطاليا عشان الاكستنشن !! ابيه شنو هالينون عاد شراح تصير التسريحة يعني

المظاهر موجوده بس أنا برأيي السالفة مو فلوس ومن منو تندفع لااا .. السالفة ليش ؟؟ اكو فرق

وعلى قولت أخويAZzuRri_Q8i (http://diwania.alazraq.com/member.php?u=6893) باجر المريخ يكون خوش مكان .. مابي اتفلسف واايد الماركات شيء محبب لأي وحده والنادر شيء أحلى بس عاد مايكون أساس بحياتي

ومثل ما أكو ناس تحب يكون زواجها يتكلمون فيه شهر إلا بوقتنا لو الوحده تموت هما راح تكون الحفله مرتبه لأن خلاص وصلنا لحد الإشباع ماكو شيء غريب .. أكو ناس قنوعه واايد وهي من بنات تقدر تيب كل شيء من برا

وعلى فكرة لبنان بالتحديد مو سالفة أنها شغلها أغلى وافخم من الكويت التكلفه الماديه تقريبا نفسها لكن الناس تجهز منها بحفلات عشان الكمية وغيره من الخيارات على حسب الطلب وينشغل لها اهي تحديدا

..

بلاخر المهم التوفيق

[Pro]

طرطبيطه .. إحنا ما نقول مافيه .. فـيـه :) .. و في فناتق اقوى من الي قلتيها بعد ..

بس جم عايلة سوت هالشي ؟! 100 ؟ 200 ؟

لو مو " نادرة " هالسوالف جان ما صار عرسهم على لسان الحريم .. و ينتشر الفنتق الي سووه بين الناس اذا مو الكويت كلها :) .. و اصلا هذا الي يبونه ..

ندري فيه :) .. بس احنا نتكلم عن الغالبية يا بنت حجية :o .. و الغالبية على الله ثم على الوالد ثم 4 آلاف الحكومة :o .. و البنية الله يخلي اهلها المساكين .. ترا الكويت اغلبها جذي ..

و بعدين شنو منتدى و شلون نفكر :confused: ؟!

فكرتنا و تفكيرنا كان عن الغالبية .. يمكن إنتي مو قاعده مع ناس طرق المعاش و الاقساط .. فـ مو عارفه الديرة شلون قايلة :o .. و عشان جذي تشوفين تفكيرنا بهالمنتدى جذي .. لأن هذا تفكير اغلبية الشعب و يعيش الشعب و تسقط الامبريالية :p ..

و وجهة نظر اخرى : .. ترا سوالف الفناتق الزايد عن حدها صارت موضة قديمة الحين :) .. الكل يقدر ياخذله قرض و يسوي عرس امبراطوري .. بس الشي الزايد عن حده ينقلب ضده .. و وايد ناس من الي عندهم خير و نعمة عروسهم الحين تلقينها بسيطة و مرتبة .. ابتعادا عن حجي الناس هذا اولا .. و لأن كل فنتق بتحطينه راح يطلع فنتق احسن منه بعدين هذا ثانيا ..

و بعدين لا تعزمينا عروس ناس مانعرفهم و تفشلينا :p .. عزمينا على عرسج انشالله و نرقص بعرسج انشالله و نقحص بعد :cool: ..

و مشكورة على كلامج عني :) و انشالله دوم تستانسين ..

[سندريلا]

حببتي 6r6bE6a ما أنجذبج لا سمح الله وسالفة الككاو الي على شكل فنايل قهوه موجود بالكويت .. واللبس والمفارش والكروت أنا وياج الحين ماكو كروت عاديه كلها شغل متعوب عليه وكراتين وككاوات وبخور وعطور مع الدعوه .. بس الي أقصده أن مو كلهم من ايطاليا أكو نفس الي تقولين يسوونها بالكويت وناس واايد بالبنان

بس أرد وأقول كلامج صحيح كميه كبيره صارت جذيه بس أنا اشوفها مبالغ فيها فمن جذيه ماله داعي حفلات مبالغ فيها لأن ياتتعب يا أما فلا

[GoLcHia]

ما اجذبج والله بالعكس الكويتيـات شوحـهم شـوح .. يعني ما استغرب ولا استبعد انه في عرووس جـذي بس انتي بردج الأول تكلمتي جنـه كل عرووس الكويت هالموديـل "اهني المبالغه".. بالكويت مو كل عروسنـا جـذي ولا حتى اغلبـهم ولا نصهــم .. مثل ما قال برو هذولا حالات شـاذه ..

منو قالج انه باني مسـتشفى بس عشـان تولد فيـه بنته ؟! .. بناته عنـدهم بنــات كبــري وكبرج والمستشفى توهم مفتتحينه ما صـارله شهـرين يعني اكيــد مو عشـان بنـاته بانيـه .. الريال يفكـر تفكيـر "تجـاري" بحت كلش مو حركاته ابني مستشفى هديه حق بنـتي بولادتها !! :/

[GoLcHia]

™6r6bE6a .. اممم والله مادري عنهم وعلـيهم بالعافيـه !! بس انا اللي اعرفه انه بيوم الافتتاح الغيـر الرسمي اللي على قولتج الجوله رفضـوا يقولون ويعلنون "الاسـعار" ..

انا عنـدي اقط فلوس على مستشفى ولا على عرس على الأقل المستشفى هذا مرتبط "بصحتي" وراحتـي صج انه بمستشفى الغنـام في اشيـاء مبالغ فيـها وايـد يعني حديـقه بالغرفه ليش بالله ؟! .. بس لو علي اقـط على مستشفى "ولادتي" اكثر من عرسي ..

[عبد العزيز الحمادي]

طرطبيطة .. على هالمنوال لازم كان يشتري جزيرة يقضون فيها شهر العسل .. ومدرسة خاصة اذا كبروا اليهال يدرسون فيها .. ومكتب خدم عشان اييبون خدم للبيت ومحل اثاث يفرشون منه الاثاث .. وهلم جرا .. :) :)

[AZzuRri_Q8i]

غـرفة مسـتشفى لـيلتها بـ 3 الاف دينـار !

يا زين غـرف مسـتشفى مـبارك المقـطنة

[6r6be6a !!]

قولجيه .. الله يهنيهم .. :) ... والله الكلام سمعته ..
فان باستين .. الريال بيونس بنته ! يحبها وكيفه يفسفس فلوسه عليها .. وعالاقل سوا مستشفى لها ولغيرها .. فشي طيب مو شين !
انت تستهزئ .. بس والله لو انا منها .. ارفع راسي ! هالكثر ابوي يعزني واتضايق ..؟!

[عبد العزيز الحمادي]

ازوري كويتي

واذا توهقوا وصارت مشكلة مع المولود قطوه على الصباح قالوا عندهم تجهيزات احسن .. لووووول

بعدين تعال .. مبارك مافيه ولادة :)

[S-S]

ويـــــــه
قلبتو الموضوع :o :p :D

[GoLcHia]

™6r6bE6a .. اي محد طلب منج اسـامي انتي بروحج قاعده تقولينهم الأسـامي مومهمه ولا قاعده تخـدم موضـوعنا أصـلا !! :/

[Pro]

صح كلامك بو بدران ..

هالشي معروف .. المستشفيات مهما وصلت فخامة شراشفها و اثاثها و تلفزيونات البلازما .. الحالات الخطرة و الصعبة " لا سمح الله " على طول تتحول الولادة - الصباح ..

[6r6be6a !!]

يسلم راسج .. تم تعديل الرد .. بس كنت حابتج تسئلين عن هالموقف .. وتتأكدين من صحة كلامي :)

[زرقاوي 2002]

شباب ترى حدكم شطحتوا عن الموضوع الاساسي .....

[عبد العزيز الحمادي]

طرطبيطة امتنع عن الرد عشان المضمون لا ياخذ مجرى ثاني والموضوع ياخذ مجرى ثاني بعيد عن موضوع الاخت الرقيقة .. ولا انا عارض للفقرة الاخيرة بردج ..

فان باستين .. الريال بيونس بنته ! يحبها وكيفه يفسفس فلوسه عليها .. وعالاقل سوا مستشفى لها ولغيرها .. فشي طيب مو شين !
انت تستهزئ .. بس والله لو انا منها .. ارفع راسي ! هالكثر ابوي يعزني واتضايق ..؟!


بس كلمة مستشفى لغيرها صعبة شوي .. منو غيرها اللي بيقدر يدفع 3 الاف دينار حق ولادة ..



عموما نرد للموضوع الاصلي .. في عدة تساؤلات طرحت من خلال الردود اتمنى الرد عليها مثل قضية العمر وضرب الازواج

[$عصفوره$]

بصراحه ضعت بهالموضوع وايد طالعين عن مضمونه

المهم انا ضد الزووووواج المبكر للشاب بالتحديد

لانا بوقتنا الحالي مافي شباب يتحمل المسؤوليه واهو بعمر صغير واغلب اسباب الطلاق هالشغله

حتى بالنسبه للبنت ماوصلت للوقت اللي تفكر فيه انها تتزوج وتكون عايله وتتحمل مسؤولية بيت وريل وحمل وولاده

اهتماماتهم في هالوقت راح تكون اشياء تافهه وسخيفه يعني بالعربي موويه زواج

[GoLcHia]

يسلم راسج .. تم تعديل الرد .. بس كنت حابتج تسئلين عن هالموقف .. وتتأكدين من صحة كلامي :)

طرطبيطه .. والله مادري شقولج يعني .. الله عرفوه بالعقل وشي ما يدش العقل انه الريـال باني مستشفى مادري جم طـابق ويايب دكـاتره واجـهزه والسبب بس عشـان بنـته تولد فيـه !! ..

الأكيـــد انه فكره المستشفى موجـــوده ومدروســــه "وخالصيــن منـها" ويوم قربت ولادة البنـت قالوا يله "زلقـه بطيـحه" منـها افتتـاح ومنـها ولادة بنيتنـا ..


Van Basten + الرقيقه .. ســـوري لأني طلعـت اكثر من مره عن الموضـوع الأصــلي .. هذا آخـر رد حقي بهالموضـوع اللي الصـراحه ما اقدر افيـد احد فيـه .. لا عنـدي خبره فيـه و حيــل تو النـاس عليـه .. فراح اكتفي بالدعــاء حقكم بالتوفيق ..

[عبد العزيز الحمادي]

لا ولو اختي .. شدعوة .. خو اذا ما تفيدين وما تعرفين فيه شي .. استفيدي وعرفي منه شي :) :)

ورايي عن المستشفى نفس رايج والله .. اكيد الريال مفكر من قلب وصدفت

[Bo Msheal]

جان زين يقفلون الموضوع لحين عودتي من الشاليه اخاف يطوفني شي :d:d

[الرقيقة]

خنعدل الأوضاع :D

إمممم ..
مشكلتي عندي فوائد للزواج بس مادري شلون اقولها :o
صحية ومن دكتور متخصص :cool:

عندي اسئلة نقاشية عشان شوي نرجع للموضوع .. وهم عشان نستفيد .. خصوصاً الأعضاء ما شاء الله عليهم ينقطون عسل ;)

بس قبل ما اطرحها..
هذا خاص للعضو لآزوري :

هذا وقد نصح الأطباء عدم تأجيل الشباب زواجهم لحين يصبحوا في وضع يمكنهم فيه من إعالة أسرة، وذلك لأن الشبان يصلون إلى سن النضج الفسيولوجي، أسرع مما يصلون إلى الاستقرار الاقتصادي.

[الريانه]

اوف اوف اوف .. حيل حيل شيء خيالي .. بس اصدق لان بنات الكويت يحبون الفسق ..

وعلى طاري الفناجيل على الككاو سمعت عنها ..

عمومـا احب انوه على شغـله ان بالكويـت طبقات للحياة المعيشيـه .. في منهم " الهواميـر " وفي منهم الي على الله وعلى معاشـه والاغلبيـه من الطبقـه الثانيـه :) في شيء طبيعي في فرق .

&&

طبعـا شطحنـا حيـل نحاول نـرده ..


بالنسبـه لردك بـرو :


انا رافض فكرة زواج الاهل .. لعدة اسباب ..

منها : اولا اسباب وراثية .. و هالشي معروف بالطب .. و لو ان امي و ابوي عيال خال و عمة :/ و احنا الحمدلله مافينا الا العافية .. بس انا رافض الفكرة ..

ثاني شي .. و ممكن ما يأيدني الكثيرون :/ .. بس ماحب زواج الاهل .. عشان ادري بعدين كل شوي و كل ما صار الي صار .. العمة .. الحماة .. ام الزوجة " الي اهي من الاهل " ميانة و نعرفها و تعرفنا و ما تستحي منا .. فـ كل شوي يايه عندنا و تصير العلاقة مو علاقة اهل معرس و اهل عروس .. او الزوج و عمته ام زوجته ... راح تصير علاقة مناشب :/ .. و تدخل بالحياة الزوجية بشكل فضيع .. و هالشي انا رافضه :/ ..

خلنا على ناس غرب .. مصاهرتنا لهم اهي اول ابواب فتح العلاقات .. و اشوف هالشي اخف بوايد .. و احسن .. و التدخل بالحياة الزوجية راح يقل ..

طبعا كلامي مو قانون ... ممكن يصير العكس ..




اولا انت مافهمت القصد من كلامي لكن بجاوبك الحين وبقـولك شنو القصد

بالنسبـه للوراثـه .. الي اشـوفه ان من اللي حولي كـلهم ماخذين من العايلـه مافي احد منـا شيء لله الحمد .. اعتقـد مو شـرط .. ومو كـل الي يـقولونه الاطباء صـح الامـر بيد الله ..

وبالنسبـه للعمه مو كـلهم برو يتدخلون في خصـوصيات عيالهم .. الا اذا صـار شيء ما ينسكـت عليه .. " مثـلا طق " او اي شغله ثانيـه .. ومو شرط ان الميانه تخليـها تدخل بحياتكم ..

الشغله الثانيـه بالنسبـه للاغراب يمكن الله يبليـك بعمه نسـره ؟ الزواج حظ ونصيـب يا تصيـب يا تخيـب :)

ارد القـصد الاساسي من سؤالي :

سؤالي هو اي احسـن زواج الاهـل وهو القصد منه : " ان اهلك يخطبونلك وانت اساسا قبل ما تعرف البنت سواء البنت من العايـله او غريبه "

او زواج عن طريـقة "علاقة بينك وبين البنت " ؟ وتخـلي اهلك يخطبونها لك بناءاً على رغبتك ؟

هذا هو القصد

[الرقيقة]

زوج وزوجة المستقبل

تعددت الآراء حول هذا الموضوع ، وأختلفت الرؤى حول مضمونة ، نريد أن نناقش هذاالموضوع بشفافية وعدم تحيز وبصراحة تامة...


1- سؤال أطرحه على كل فتى/فتاة وبالاخص على كل المقبلن على الزواج ماهي الموصفات التي ترتقيبونها وتتمنوها أن تكون في زوج أو زوجة المستقبل؟؟؟

2- ماهو جمال المرأة في نظرك شيئ مكمل أم انه شيء أساسي وهل وسامة الرجل تعني لكِ شيئ؟؟

3- ما وجهة نظرك حول الشخص العصبي وما رايك في الشخص الهادئ ؟

4- بعض الرجال يطلق عليهم خاتم في يد زوجته أتريدين أن يكون زوجك خاتم في اصبعك أم تريدينه صاحب كلمة، وهل تقبل أنت أن تكون خاتم في إصبع زوجتك؟

5- من ناحية الاعمال المنزلية هل ترين ان من واجب الرجل ان يساعد زوجته في الاعمال المنزلية ام هو موضوع اختياري يختاره الرجل بنفسه ؟؟

6- ماهو رأيك في عمل المرأة؟ هل يجب على المرأة أن تعمل كي تساعد الرجل ؟؟؟

أسألة كثيرة تطرح نفسها وهذا ما خرجت به الان وأترك لكم المجال في الاجابة على الاسئلة السابقة وتقديم مايدور في خواطركم من أسئلة ونفتح باب النقاش...

[الريانه]

الشروط .. اهم شي الــــعـــفـــة و الاخلاق .. و انا خايف من هالشي وايد :/ .. يعني الوضع يخرع الحين بالكويت .. و انا وايد غيور و ما عندي روح تعال بهالسوالف .. و لو ان عندي اصدقاء يقولونلي لو تتزوج الحين بنت بس " مكلمه " تطلع امك داعيتلك و الله يحبك :eek: .. مع اني مو مقتنع قطعيا بهالكلام .. بس اقول انه وجهة نظرهم " ممكن " تكون صحيحة :/ ! .. بس لا ننسى قوله تعالى : (( و الطيبات للطيبين و الطيبون للطيبات )) ..
اما سالفة حلوة و مو مليقة او ساذجة هذي يبيلها نصيب و توفيق من الله .. و هم يبيلها طولة بال على ما تحصل البنت الي ابالك ..

شـوف اتفق معاك مليـون بالميـه ان الوضع الي صايـر بالكويت لا يطـاق وللاسف " مزري "

لكـن والله والله والله ان في بنات اشـرف من الشرف نفسـه والدنيا ليلحـين بخيـر .. حتى على قولت ربعك مو " مكلـمه " ..

بنـات متربيـن افـضل تـربيـه اقدر اقـولك " ثلاثة ارباع " :)

&&

وعلى هالطاري انا بعد ما ارضى اخذ واحد " مغازلجي " حتى لو كان هو مراهق .. لان المثـل يقوول " بو طبيـع ما يجوز عن طبعه " شدراني باجر ماسك التلفون ويكلم الاخت ؟
بس هالمشكـله صعبه الولد صعب ينفضح وحتى لو انفضح بيقولون عادي شنو يعني يضل رجل مهما سوى :nono: :rolleyes: " عمومـا ما افضل هالمنطق لان الحرام حرام سواء ولد ولا بنت "