المساج .. راحه و استرخاء

[لحلاح]

قبل عامين و اثناء تواجدنا في ماليزيا في فتره الصيف ذهبت مع عدد من الاصدقاء الى أحد مراكز ( المساج ) او التدليك هناك . أخذ احدهم جلسه تشمل الجسم كله و الاخر جلسه للاقدام فقط اما انا فاكتفيت بانتظارهم في بهو الفندق . بعد انتهائهم اخذوا يصفون لي شعورهم و احساسهم بانهم ولدوا من جديد . الذي عمل مساج للقدم اخذ يركض كالمجنون في الطريق . و الاخر كاد ان يقضي على نفسه لولا تدخلنا في اخر لحظه اثر محاولته أداء الشقلبه الخلفيه لشعوره بمرونه غير طبيعيه في ظهره .

و بعد اطلاعي على عدد من المواقع وجدت ان فوائد ( المساج ) او التدليك الآتي ..

- تنشيط الدوره الدمويه .
- الشعور بالراحه و النشاط و الاسترخاء .
- يفتح المسامات و يزيل السموم من الجسم .
- علاج العديد من الامراض كالارق و شد العضلات و الام الظهر و الصداع .
- يساعد على ارخاء العضلات .
- يؤدي الى صفاء الذهن .

و السؤال هل يعرف أحدكم أحد مراكز المساج من النوع الراقي في الكويت ؟

[AZzuRri_Q8i]

في واحـد بالمهـلب جـنه يمـدحونه .. بس انا مـا جـربته

يبيـله مسـاج .. بس مو بالكـويت

[KinG^BaLL]

في بالجـابريه .. اجبال مطعم سـهران تقـريباً:)

[عبد العزيز الحمادي]

men time بالمهلب .. ممتاز جدا .. عندهم جميع انواع المساج مع كل انواع المعطرات والاسنس .. مساج المعاريس عندهم حوالي 4 ساعات .. مع تنظيف كامل

انا شخصيا كل شهر او شهرين لازم آخذ جلسة مساج .. تطلع بعدها فريش من جديد

[S-S]

يــــبـــيـــلــه مــــســـــاج !!!!!!:o
بعد الإمتحانات :o

[قدساوي للابد]

المساج مو طبيعي . . ولكن ماجربته اسويه بالكويت كله بره لوول :)

[THe ShaRk]

مره سويت مساج صج تحس براحه مو طبيعيه

[سبع-البرمبه]

انا توني راد من تايلند
عليهم مساج يخليك زي الحصان :p

يعني ليما تطلع ويا قروب من صباح الله خير وتروح اماكن بعيده ترد حدك متكسر
اتدش مساج تطلع مصحصح على الاخر

[Pro]

المساج صج يردلك نشاطك .. و هم صج زين وايد حق الدورة الدموية ..

بس الـ thai مساج .. الي بتايلند الي يعكفون ايدك و ريلك و مادري شنو و يدوسون على ريلك خاصة ال thigh و اخر الظهر .. صج تحس يحركون جسمك كله .. بس لا تسوونه عند اي مركز مساج .. لأنه وايد دراسات صارت و تأكد ان مرات يكون هالمساج فرعون :/ .. طبعا اذا بالغوا " بالعكف " و مط الجسم و الدوس .. ممكن يأثرون عالاعصاب او يسدون بعض الاوعية الدموية ..

فديروا بالكم :)

المساج الصيني .. الي بمراكز العلاج الطبيعي .. اشوفه وايد زين .. و اهو الاشهر طبيا

[جوكم]

انا مساج تايلاند وماليزيا ما ييب راسي ..

مافي على الحمام التركي .. صج اول مره راح تتعور ويكون صعب عليك في البدايه .. بس بعدين شنو تكيف .. ;) يردلك الروح ويعيطك نعشه مو طبيعيه ..

وللأسف .. ما عندنا منه بالكويت :(

[S-S]

^^^^
:eek: زين قتلنا يا معود :confused:

[عبيد هندسة]

فـي واحد بالـرقعي اسمه "هيـربل مسـاج" بـروح له بـعد شـوي واستفـسر ..
لأن ظـهري شـاقني شـق من بعد ماغـيرت الـسريـر وفـرشته ..

يـبيـله مسـاج ..

[jori_q8]

سمعت ان المساج الي بالمهلب فيه كاميرات وسكروه اكثر من مرة وتبطل بقدرة قادر؟؟!!

هالفترة ماعندي وقت بس بشترك بمساج عن جريب محتاجته من قلب حق اعصابي تلفانه واشب بأي احد يكلمني :(

[الريانه]

ودي اجرب المساج بس الصراحه اخاف وما اثق بـاحد كلش ملش ..

اخاف كاميرات وتصوير :(

وعلى طاري الملهب همن قالولي شبهه

[قدساوي للابد]

لاتقولي تايلندي وتركي وماليزي

سلوفاكي وبس .. شغل عدل مدل .. سويت المساج بمصحه وانواع المساجات سويتها فيني حطوني بطين لووووووووول . يمكن كل انواع المسجات و4 دنانير بس لوووول . طلعت زين امشي ارتحت ساعه صرت حصان لوووول .


الريانه : اي والله مافيه امان .. شوفي احد يجيج البيت لوول :)

[الحمادي]

روحوا حلاق هندي يطقطق روسكم بيده يعني مساج وعنده جهاز مال المساج اخر حلاوه كله بدينار تطلع جنك مولود من يديد p:

[الريانه]

الريانه : اي والله مافيه امان .. شوفي احد يجيج البيت لوول :)

اي والله مافي امان .. بس اللي بالبيت مو نفس الي بالي بالصالون ما يجيبـون كل الاجهزة ..

يله مو لازم هالمساج على قولة الحمادي خل الهنديـه تدلك راسي وكلشي تمام :D

[Lotus]

في ادوات تنباع حق المساج بلا مراكز التدليك و مشاكلهم

[Corvette]

مسـاج " تايلند " هـا :rolleyes:

[شيطـ العين ـونة]

^^
كورفت المغرب بعد يمدحون مساجهم :p

لووول الحمادي لاتنسى دهن تاتا اللي يصك الراس بريحته استغفر الله اسبوع ماتروح الريحه عن جسمك وراسك!!:eek: :p

[Shag7a]

وييع من أسمع تايلاند تلوع جبدي


جوري SPA Time إلي بالمهلب ما فيه شي لا كاميرات و لاشي صااحبته دينه .. بس في وااححد ثاني يمه أهو إلي تسكر ما أدري شسمه ..

[عبد العزيز الحمادي]

شقحة .. هذاك لافندر

[Bo Msheal]

حدي حساس من هالناحيه مو اي احد يجيسني ;D
body shop عندهم زيوت للمساج .. او اذا كلش كلش baby oil .. وخل احد من اهلك متفرغ يدلكك ;'http://diwania.alazraq.com/images/icons/41.gif)

[بنت الصالح]

احلى مساج >> نام على بطنك و خل ياهل يناقز ( وناسه ) :p

[قدساوي للابد]

^^

هههههههههههههههههههههههههههههه حلوه :p :p

[دندرن]

يمدحون حمام قبازرد :)

منها تنظيف ومنها يتوطون ببطنك هالايرانيه ويفركونك عدل :d

[محمد محمد خليفه]

بسم الله الرحمن الرحيم

والله انا جربته بس بطريقه عصريه

عندي ولد اختي مدربح بطه جنه ولد الفيل

انام واخليه يدوس على ظهري



..............

عليكم بالحجامه افضل

[سندريلا]

الي بالمهلب زين ماسمعت فيه شيء إلا سالفه وحده :rolleyes: :D ومادري إذا صج بس وااايد اعرف يروحون له

بس أنا اعرف وحده صينيه شاطره حيل تي البيت تسوي مساج .. وعموما المساج ما اثق احس مو زين إذا مو مسويته عند دكتور علاج طبيعي بروح الجسم صاير قص ولزق بعد هالمره تكسر بس تحتاجه ساعات عشان تسترخي وإذا عضلة تعبانه تضطر

[Abdullah Bloushi]

;) يعطيكم العافيه على الموضوع :cool:


وانا انصح اخواني:euro: وخواتي:mask: بالمساج التايلندي

واللي يبي يجرب يروح مجمع المهلب الدور الاول ( سبا تايم ) في قسم للرجال وقسم للنساء لايطوفكم :biggrin:

وصج سعره مبالغ فيه وكل نوع له سعر ومده معينه وانا جربت نوعين وعجبوني وكافي المكان روعه من داخل من ناحيه الديكورات والهدوء والاضاءه والموسيقى الهاديه وايضا الخدمه حلوه والعنايه بالجسم والتنظيف وانواع الزيوت وحمام الحار:hot: والجاكوزي:hot: وايضا يستخدمون الطين على ماعتقد ويكون حار شويه ويحطونه عل الجسم , وليما تخلص تلبس الروب وتقعد بالاستراحه وتشرب لك شاي تايلندي:rolleyes: وتاكل لك تفاح اخضر وتصحصح عقب المساج الحلو وتروح تاخذ لك شور وتغير ملابسك وتدفع فلوسك انصحكم الدفع بالكينت :p وانشالله تجربونه وتزورونه وتشوفون (سبا تايم) وتقضون وقت ممتع فيه .

واللي يبي يروح وياي يقولي :rolleyes2: ولاتنسون وقت ماتبون تروحون اتصل عليهم واخذ لك موعد ترتاح له ودق الموتر سلف واتوكل على الله

وثانكيو على الموضوع مره ثانيه

ومع السلامه

:bye: