المشروبــات الغازيـة !!...

[شيطـ العين ـونة]

السلام عليكم ورحمة الله وبركاته

مرحبا اخواني وخواتي

المشروبـــــــــ :rolleyes: :o :cool: :) :confused: ـــات الغازيـة

http://news.bbc.co.uk/olmedia/705000/images/_705512_bottles300_2.jpg

يمكن يكون موضوع متكرر او مب يديد على البعض منا
ولكن الهدف منه الاستفاده
حبيت اعرف معلوماتكم عن هالمنتجات ؟...اضرارها؟....البديل ؟...وفوائدها ان وجدت ؟...
لانه موضوع يهمني سرت ودورت عن راي العلم والصحه في هالمنتج
وهذي بعض الحقايق اللي توصلت لها..
اقتباس:
تحتوي العلبة الواحدة على ما يعادل 10 ملاعق سكر كافية لتدمير فيتامين ( ب ) والذي يؤدي نقصه إلى سوء الهضم وضعف البنية و الاضطرابات العصبية والصداع والأرق والكآبة والتشنجات العضلية .


اقتباس:
كما تحتوي على غاز ثاني أكسيد الكربون الذي يؤدي إلى حرمان المعدة من الخمائر اللعابية الهامة في عملية الهضم وذلك عند تناولها مع الطعام أو بعده وتؤدي إلى إلغاء دور الأنزيمات الهاضمة التي تفرزها المعدة وبالتالي إلى عرقلة عملية الهضم وعدم الاستفادة من الطعام .

http://www.welovesurya.com/science/images/cola.jpg
اقتباس:
تحتوي على الكافيين الذي يؤدي إلى زيادة ضربات القلب وارتفاع ضغط الدم والسكر وزيادة الحموضة المعدية وزيادة الهرمونات في الدم مما قد يسبب التهابات وتقرحات للمعدة والاثناعشر كما يعمل على أضعاف ضغط صمام المريء السفلي والذي بدوره يؤدي إلى ارتداد الطعام والأحماض من داخل المعدة إلى المريء مسببا الألم والالتهاب .

اقتباس:
كما تحتوي على أحماض فسفورية تؤدي إلى هشاشة وضعف العظام وخاصة في سن المراهقة مما يجعلها أكثر عرضة للكسر .

ماتأثير تناول مشروبات غازية بارده بعد كل وجبه؟

http://arabic.cnn.com/2003/scitech/8/11/india.cola/story.soda.jpg~1060593770740094800.jpg

التأثير:
إن درجة الحرارة المناسبة لقيام أجسادنا بالوظائف الحيوية مثل الهضم هي 37 درجة مئوية، ودرجة حرارة المشروبات الغازية هي أقل بكثير من هذه الدرجة، حتى أنها أحياناً تكون قريبة من الصفر درجة مئوية فتبرد الأعضاء الهضمية.
هذه البرودة الشديدة تخفف فاعلية الخمائر الهاضمة وترهق الجهاز الهضمي فتؤدي لعدم فاعلية هضم الطعام مما يؤدي لتخمر الطعام في المعدة.
والطعام المتخمر في المعدة سوف ينتج الروائح الكريهة والغازات والتعفن وسموم الطعام.... هذه السموم سوف تمتصها الأمعاء وتنشرها مع الدم في جميع أجزاء الجسد. وانتشار هذه السموم سوف يؤدي للسمنة المرضية يليها السرطان وأمراض أخرى...!

http://www.welovesurya.com/science/images/pepsi.jpg
:p

رأي الشخصي:..
استغرب من الناس اللي تعرف مضار المشروبات الغازيه وتستمر في شراءها وتناولها.!!
بعض الاهالي يتساءلون عن سبب بدانه اطفالهم ؟...ومايدرون انهم السبب الرئيس في اصابه اطفالهم بامراض البدانه والقلب والسكري!...
اعتقد ان الوعي شي ضروري للحد من هالمشكله !..
ولو عن نفسي فانا قاطعت المشروبات الغازيه من سنتين واستبدلت البيبسي بالعصاير ولكني ساعات اضطر ماشرب شي اذا كنت في مكان مايبيعون الا الـ البيبسي !!...
حابه اشوف ارائكم عن هالموضوع والسموحه لو طولت عليكم ...
وانشالله القى التفاعل منكم ...


http://i4.tinypic.com/16blw84.jpg
^^
بعد هالصوره راح تقتنعون براي 100%:eek: :p

اختكم شيطـونة العين:)

[جوكم]

اي والله المشروبات الغازيه أضرارها وايد وخطيره .. ومعظم الناس يدرون بأخطارها وهم يشربونها !!

مشكوره على الموضوع ..

[scheelite]

كنت مدمنه عليه قبل وما استغنى عنه ,, باليووم تقريبا اشرب 7 او 6 بطوول اما الحين خففت منه واايد لاني كنت اعاني من هالسالفه ,, وسببلي هشاشه خفيفه بالعظااااام ,, وانصح الكل بالتخفيف منه ويحاولون على كثر مايقدرووون انهم مايشربونه :)

ويعطيج العافيه على الموضوع :)

[AZzuRri_Q8i]

قـبل فـترة سـويت فـحص دم و اكـتشفت ان نسـبة السـكر بـ دمـي زايـدة عن المعـدل الطـبيعي مع اني مـا اكـل حـلويات و ككـاو و السـوالف هـاذي لكـن المشـروبات الغازية اهي اللي سـوت هالزيـادة

قـطعو بيبسـي و كـثرو مـاي

و مشـكورة اخـتي

[الريانه]

الله ياخذ هالمشروبات تذبح الواحد ..

اعاني من مشكله بسببها وقطعت المشروبات مع اني ما اشرب وايد بس لما اشرب ذاك اليوم بيبسي ولا غيره اتـعب ..

وعلى فكـره هالتجربه ناس مسوينها ..

اخذلك جبد خروف وصب عليـه واحد من هالمشروبات وانطر شوي شـوف شيصير ..

ومشكووووووره شيطونه

[الحمادي]

ما استمتع الصراحه الا مع بيبسي ادمااااااان بيبسي ولله الحمد للحيني بصحه وعافيه :)

يعطيج العافيه

[قدساوي للابد]

اسمحيييييييييييليييييييي

ماقدر استغني عن
الـ بــبــسي مو بيبسي لا بــبــسي

قلتها جذيه لان يدل على حلاوته لووول

بس صج شي مو طبيعي البيبسي

[Pro]

كل شي لو زاد عن حده ينقلب ضده ..

اذا الجاي و القهوة كثرتهم راح تسبب مشاكل اكثر من البيبسي و غيره من البارد ..

بس شرب المشروبات الغازية " بالمناسبات :p " .. يعني جم مرة بالاسبوع .. ما يضر :/ !

انا الصراحة خل يقولون الي يقولونه .. حزة المباراة ماقدر اشوفها الا لمن يكون يمي قلاص بيبسي متروس ثلج .. و لازم متروس ثلج من قاعدته لي فوق عشان براطمي يحوشون الثلج و انا اشرب .. :euro:

[GoLcHia]

كل شي ولا البـيبسي عاد !! انا ما عنـدي مشكله يومين ما اشرب مــاي بس اشـرب بيبسـي 2-3 مرات كل يــوم لازم .. ومثل ما قال برو بيبسـي بدون "ثلج" ما يســوى ! ..

[Dashti]

يازييين الماي :)

[شيطـ العين ـونة]

ومعظم الناس يدرون بأخطارها وهم يشربونها !!


معاك حق اخوي جوكم ..يمكن اللي يدرون باخطارها يعاندون او
انه ادمان بس في الحالتين النتايج مابتسرهم اكيد !!..
شكرا لك ع المرور الطيب..:)

باليووم تقريبا اشرب 7 او 6 بطوول

كيف تخلصتي من هالادمان فيدينا اختي قدساويه ..
وشكرا لج ع المرور الطيب..:)

قـطعو بيبسـي و كـثرو مـاي

نقطه مهمه نسيت اذكرها ..شكرا لك اخوي
فعلا الماي اول خطوه او طريقه لتخلص من البيبسي وغيره من المشروبات الغازيه
اول ماقاطعت البيبسي واللي كنت اشربه دوم الريد بول :( كنت اخذ معاي بطل ماي وين مااسير بيدني والحمدلله نجح الموضوع معاي..
اشكرك ع المرور الطيب اخوي AZzuRri_Q8i :)


اخذلك جبد خروف وصب عليـه واحد من هالمشروبات وانطر شوي شـوف شيصير ..


اختي الريانة وازيدج من الشعر بيت:..

- لإزالة الصدأ عن صدام سيارتك أو عن صامولة صدئة أفرك ما تريد تنظيفه بقطعة قماش مبللة بالكوكاكولا وستقوم الكوكاكولا بالمهمة .
- لتنظيف أصابع البطارية من التآكل اسكب علبة كوكاكولا على أصابع البطارية ولاحظ فقاعات الغاز وهي تعمل بفعالية على تفتيت التآكل وإزالته .
-لإزالة بقع الدهون عن الملابس اضف مقدار علبه كوكاكولا الى مواد الغسيل ولاحظ اختفاء بقع الزيت.

شكرا لج اختي ع المرور الطيب..:)

[b4e]

ينصحون بعصير مانجو Abc..
ولا اشرب بيبسي..!

[شيطـ العين ـونة]

ما استمتع الصراحه الا مع بيبسي ادمااااااان بيبسي ولله الحمد للحيني بصحه وعافيه :)

الله يعطيك الصحه والعافيه دوم يارب اخوي الحمادي
وشكرا ع المرور الطيب..:)


اسمحيييييييييييليييييييي
ماقدر استغني عن الـ بــبــسي مو بيبسي لا بــبــسي
قلتها جذيه لان يدل على حلاوته لووول

الـ ببسي"حلو" مااختلفنا بس بيصير "مـر" لا عرفت مضاره ..:yes:
وشكرا لك ياقدسـ ببسي ـاوي ع المرور الطيب..:)


بس شرب المشروبات الغازية " بالمناسبات :p " .. يعني جم مرة بالاسبوع .. ما يضر

انا اللي اشوفه بالدعايات "الـ فمتو" للـ"مناسبات" .. مب البيبسي :o
بس مناسبات اكثر من مره في الاسبوع ماصارت!..:eek: :confused: :p
وعن قلاص البيبسي والثلج.. حاول انا مااجبرك تحط القلاص اللي فيه الثلج متروس ...
وحط علبه البيبسي بدون لاتصبها بالقلاص يمك وقولي شو بيصير معاك بس لاتفشلني وتقول صبيته بالقلاص:o وبعدين حزه المباراه اذا كان فريقك مايلعب زين مابيكون لك خلق تبطل العلبه <==خوش نظريه :biggrin: !!..
اشكرك ع المرور الطيب اخوي برو :)


انا ما عنـدي مشكله يومين ما اشرب مــاي بس اشـرب بيبسـي 2-3 مرات كل يــوم لازم ..


^^
حتى انتي ياقولجيه !..:eek:
وبعد مع الثلج !!...:confused:
بس الجسم يحتاج للماي يعني فيها مضره لج لو صمتي عن الماي واستبدلتيه بالبيبسي لانه اولا مافيه الا سعرات حراريه ثانيا كله سكريات وين السوائل اللي يحتاجها جسمج.؟؟..الاجابه عندج
شكرا اختي ع المرور الطيب:)


يازييين الماي :)

عدل يازيزو يازين الماي كله صحه وفايده ..
اشكرك اخوي ع المرور الطيب...:)

[شيطـ العين ـونة]

ينصحون بعصير مانجو Abc..
ولا اشرب بيبسي..!

^^
مااعرف هالعصير والله !!...:o

[scheelite]

شيطوونه انا من النووع الي اذا تعودت على شي اقدر اقطع عنه اذا ابي اقطع ,, يعني ما اواجه صعووبه بهالشي ,, واول شي سويته انه خليت الوالد يقطع البيبسي من البيت علشان ما اقوم كل شووي ابطلي واحد واشرب

وبس من بعدها خففت شوي شوي لما قطعت ,, والحين ما اشرب الا اذا طلبت عشى او غدى من بره واشرب نصه واقطه ما اكمله :)

ومن اول ماقطعت من البيبسي صرت مدمنة مااااي ,, اربعه وعشريين ساعه والبطل بيدي سوااء كنت عطشانه او لا :)

[tic tac]

ماحب البيبسي .. موشي كلش




اما


http://img171.imageshack.us/img171/9202/dewpj7.jpg

ياازيينه :d

و الســفن هم زين يهضم ..

مايحلى الدبل جيز من ماكـ او الدجاااج :p من كنتااكي الا بالاخضرين

الديوو او السفن

http://img147.imageshack.us/img147/5580/11133eh1.jpg

انا ماعتقد اقدر ابطل .. يمكن اخفف بس ابطل نهييي

[KinG^BaLL]

الـمشروبات الغازيه اســاس الـسمنه !..

بالاسبوع 2 الى3 مرات .. او حسب الـمناسبات ، واشـربه دايت :)

[عبد العزيز الحمادي]

انا مدمن بيبسي قبل .. حتى الربع مطلعين علي تعليق .. يقولون الحمادي بلا بيبسي .. كاليوم بلا امس .. كالنهار بلا شمس ... :)

المهم انا حاليا خففت من البيبسي وايد واشربه مع الوجبات فقط .. قبل ما اعرف اطالع التلفزيون من غير البيبسي ..

قبل فترة التزمت ببرناج غذائي وقطعت البيبسي خير شر .. 3 اشهر من غيره .. والحمدلله ما حسيت بصعوبة .. يعني سهلة .. قول ما ابي اشرب بيبسي وخلاص .. هذا اللي انت محتاجه .. القرار ولا شي غير القرار بالامتناع عن البيبسي..

[Q8i]

ما أقدر !! صعبة أبطل .. يمكن الواحد فينا ما يبطل من هالسوالف إلا إذا حاشه مرض لا سمح الله ..

[GialloRossi]

يازين "الماي"!

[ميونخاوي]

دايت سف باليوم واحد او اثنين فقط لا غير الحمدالله مافيني حتى الان الا العافيه

ماحب اشرب شي على الاكل والا يقزز .. ولو يات فتره "رجيم قاسي" قطعت عنه بس الحين رديت بالدايت

مثل ما قلت اشرب باليوم واحد و بالكثير اثنين

و الله يبعدنه عن اضراره :(

الـمشروبات الغازيه اســاس الـسمنه !..

انا معاك ..مثل ما قلت الدايت مايمتن ..و انا مجربه صارلي فوق السنه .. الدايت ما يمتن صدقوني :)

كل 100 م.ل فيه سعره حراريه وحده .. تقولون لا تصدق حجيهم

الميزان مايجذب :)

[Jose Mourinho]

والله يا جماعة .. العمر كله 60 سنة او 70 ..
تبي تمنع نفسك من الزقاير و المخدرات .. امنع عشان تحافظ على حياتك .. اما البيبسي كلش ماله داعي توخر عنه ! .. كله مشروب يمتع أغلب الناس الي يشربونه و بتحرمونه منه بعد :p ..

[AZzuRri_Q8i]

^^^

من زمـان وانا اقـول هالولـد حـكيم .. :p

[FaWaZ]

ماكو وجبه اكلها بدون بيبسي.!
شي ضروري ..

[محمد محمد خليفه]

كيف تخلصتي من هالادمان فيدينا اختي قدساويه ..
وشكرا لج ع المرور الطيب..:)



اضرار البيبسي كبيره بس للاسف الناس ادمنت البيبسي بشكل كبير يوازي ادمانها للزقاير

وخليهم يقطعون الزقاير الحين عشان يفكرون يقطعون البيبسي

يعني مو متخيل واحد يطلب وجبه بمطعم من غير بيبسي او ياكل مشويات ولا شاورما مثلا من غير بيبسي

واحسن طريقه للتخلص من البيبسي هو شرب عصير ليمون بعد الوجبه تخف الرغبه بشرب البيبسي

ومثل ماتعودنا على البيبسي نتعود على عصير الليمون

[Doni]

ما اشرب البيبسي الا مع وجبة سريعه ..
يعني تقريبا ً مرتين بالاسبوع ..

[Nutty VaMpIrE]

انا هاذي ثاني سنة مسكب البيبسي

اول سنة ماذقته كلش .. اللحين بين فين وفين شهر وشهر

اتصدقون بعد ماقطعت قمت اكره الغازيات

الحمدلله

ومن اول ماقطعت من البيبسي صرت مدمنة مااااي ,, اربعه وعشريين ساعه والبطل بيدي سوااء كنت عطشانه او لا :)

قدساوية اربع و ثمانين نفسج صرت مائي :p بطل ليتر كل يوم ماي مخلصه
ولااا صرت ذويق ماي :)ماي معدني طبعا
بالإيطالي :pAQUA MINERALE

[scheelite]

^^^^
عاد انا مو اربعه وثمانين :p

اربعه وعشريين سااااعه في فرق :p

[Nutty VaMpIrE]

اول مرة تقرين نكج بالعربي :p

وكاهو بطل ماي يمي .. بس مشكلة الماي شغلة وحدة :p شنهي ؟!!

[scheelite]

^^^^^^
لوووووووووووووووووول

اصلا انا ما اقرى نكي نهااائيا :p

ادري شنووووو ,, مايحتاااي اتقوول :p :rolleyes:

[بـوصــالـح]

انا مدمن بيبسي قبل .. حتى الربع مطلعين علي تعليق .. يقولون الحمادي بلا بيبسي .. كاليوم بلا امس .. كالنهار بلا شمس ... :) ..

أعوذ بالله !
تشرب بيبسي !!
يسبب السرطان دير بالك .. ومضر بالصحه ..
حاله من حال الزقاير :) ..

[عبد العزيز الحمادي]

انا مدمن بيبسي قبل

كلمة قبل يا بو صالح تفيد الماضي ..

الحمدلله انا ما قلت اني ما اشرب بيبسي وتبين بعدين اني اشرب .. انا واضح جدام الناس .. ما اقول ما ادخن ... وبعدين احط باكيتي على مقال جابر نصار واقرى باجي الجريدة :) :)

[بـوصــالـح]

وبعدين احط باكيتي على مقال جابر نصار واقرى باجي الجريدة :) :)

:eek: !!!
آنا قلت باكيت زقـاير !! ما قـلت ..
كـان باكـيت " كـيتكات " :p !!
كلمتي عن جابر نصار كانت من باب " التـهكّم " ..
ما اعتقد اني اذا قلت ادخن بتفتن عند أبـوي :p ..
ما ادخن .. وكلمتي عن الباكيت كانت من باب الغشمره ..
لو ادري انك بتفهمها جذي جان ما كتبتها :) ..

وبما انك " قـبل " كنت تشرب بيبسي .. اقدر اقول انك اهتديت ولله الحمد وتبت الى الله :p ..

يعني اذا شربت قوطي واحد باليوم آخذ إثـم والا لأ ؟

[GoLcHia]

بوصـــالـح !! .. رديـــنا ؟! :/

[عبد العزيز الحمادي]

بو صالح.. هم بعد باكيت كيت كات .. الكاكاو فيه دهون يبا .. ويسبب اكتئاب :) ويمتن :)

محنا مخلصين لووووووووووووول :) :)

الله يذكر ايام قبل .. كنت اذا سافرت مع الربع ويبون يطفروني يابولي كوكا كولا .. يدرون اني ما احبه .. مخلص للبيبسي بس ..

[GoLcHia]

حتى انتي ياقولجيه !..:eek:
وبعد مع الثلج !!...:confused:
بس الجسم يحتاج للماي يعني فيها مضره لج لو صمتي عن الماي واستبدلتيه بالبيبسي لانه اولا مافيه الا سعرات حراريه ثانيا كله سكريات وين السوائل اللي يحتاجها جسمج.؟؟..الاجابه عندج
شكرا اختي ع المرور الطيب:)



شيطونه .. الحمدالله البيـبسي "ليلحين" ما ضرني .. لا بأسنـاني ولا بوزني ولا بمرض ليش اقطـعه ؟! .. انشالله اكثـر من المـاي بس البيبسي ما اقطـعه :/

[بـوصــالـح]

قـاعد اكـلمكم ابـمنطقكم :) ..

الـكيتكات يسـبب اكتئـاب بـعد !
سـمعت ان يسـبب " عـقنقز " .. بـوشنيتر !

[عبد العزيز الحمادي]

لا هذا بفك بو سفينة .. الظاهر ضيعت بينهم :)

[بـوصــالـح]

عـدِل كـلامك .. الـتبس علي الأمـر ..

ونصيـحتي لك ولجميع الإخوان .. لا تـاكلون " رنـقينه " .. اتضح بأنها اتـسبب " خـاز بـاز " ..

وأكـثر الـمنتحرين بأمـريكا كـان بسـبب تـناولهم " بيـض وسـورو " !

[مـنـدنـي]

ما اعرف اعيش من غير بيبسي وجاي وزقاير
:cool:
http://images.google.com/images?q=tbn:vjHcza-UatakvM:http://www.homegrocer.com/images/products/pepsi-20-oz.gif
اتابع المباراة واشرب بيبسي
العائلي واقضي علية
ويا حبذا لو كان القلاص متروس ثلج مثل ما قالو Pro + قولجية

http://images.google.com/images?q=tbn:r1fv_j0JFOZqRM:http://www.supereggplant.com/archives/pu%2520erh%2520tea.JPG
اول ما اقوم الصبح لازم ( قلاص كبير) من الجاي الاسود الثقيييييييييييييل
http://images.google.com/images?q=tbn:mRaFrSSK3oXllM:http://www.500kb.com/up_ar/ar/UYOI2.jpg
و زقارة مع الجاي يصير الوضع عجيب
حياتي من غيرهم سلطة
:p
A.Mandani 16

[عبد العزيز الحمادي]

لوووووووول .. بس يا معود بو صالح على هالصبح .. بروحي ابي اتريق ومتردد .. خربنا موضوع البيبسي :)

على طاري المشروبات الغازية .. انا عمري ما ذقت الريد بول .. صج يقولون له اضرار ؟؟

[مـنـدنـي]

عـدِل كـلامك .. الـتبس علي الأمـر ..

ونصيـحتي لك ولجميع الإخوان .. لا تـاكلون " رنـقينه " .. اتضح بأنها اتـسبب " خـاز بـاز " ..

وأكـثر الـمنتحرين بأمـريكا كـان بسـبب تـناولهم " بيـض وسـورو " !
اي عدل هم نا سمعت المهياوه
تسبب تصحر بالرأس
واسهال مزمن
وعنوسه دائمه للفتيات
وتضخم اصابع الريول الكبير والصغير بس
ويقولون لا تاكلون شعر بنات ترى يسبب خروج قطن اسود من السر
لوووووووووووووووووووول
الله يقطع سوالفك بوصالح
:p
A.Mandani 16

[عبد العزيز الحمادي]

عاد كلش ولا المهياوة ... اموت فيها .. يا زين الفلزن مع بيض وبصل

[سبع-البرمبه]

بيبسي بروحه ما اشربه
اذا ويا الككاو او الوجبات السريعه بس

البلا مو من البيبسي
البلا من حليــب الككاو :p
يتفخ ويجيب السكري

[GoLcHia]

على طاري المشروبات الغازية .. انا عمري ما ذقت الريد بول .. صج يقولون له اضرار ؟؟


كان في موضـوع اهني عن ريد بول ومضـاره .. ريد بول بروحـه مو حلو جـرب "ستروبري فزلر" مال واتر ليمون .. يحطـون فراوله مع ريد بول مو طبيــــعي !!

[AZzuRri_Q8i]

على طاري المشروبات الغازية .. انا عمري ما ذقت الريد بول .. صج يقولون له اضرار ؟؟


مـا كـنت احـبه .. بـس صـارلي 3 اسـابيع تقـريبا .. كل يـومين اشـرب لي واحـد .. تعـودت على طـعمه و قـمت احـبه .. اضـراره اكـثر من فـوايده هـذا اذا كـان له فـوايد

[Soccer_Addict]

Van Basten:
الرد بول فوايده يصحي إذا فيك النوم .. وإذا كنت تعبان هم يعطي طاقه .. مضاره ما أدري بس مكتوب عليه إن مو زين حق إلي فيهم مرض إسمه phenylketonurea ... هو وعلج extra .. وطعمه يصيير لذييييييييذ لما تتعود عليه!

وعن الكولا والبيبسي عيل أنا عكسك أحب الكوكاكولا أكثر .. فيه سكر أكثر .. بس عادي أشرب بيبسي إذا ماكو كولا .. ولا أقولك .. أتغشمر معاك أحب البيبسي أكثر:p :)

[Mr.Barca]

كان في موضـوع اهني عن ريد بول ومضـاره .. ريد بول بروحـه مو حلو جـرب "ستروبري فزلر" مال واتر ليمون .. يحطـون فراوله مع ريد بول مو طبيــــعي !!

كل شي مع الريد بول مو طبيعي :p

[سبع-البرمبه]

^^
لوووووووووووول يا لئيم
بس تصدق اوافقك الراي :p

[alswed]

<- ويمسـك علبـه الكولا البـارده .. ويشـررب :p

لاخلا ولاعدم يالمشـروبات الغازيـه .. وجانهـا تييـب السـمنه .. فأنا مـدمن كولا وريـد بول !!!!
سـألو اللي يعـرفني عن جسـمي :p

[قدساوي للابد]

كان في موضـوع اهني عن ريد بول ومضـاره .. ريد بول بروحـه مو حلو جـرب "ستروبري فزلر" مال واتر ليمون .. يحطـون فراوله مع ريد بول مو طبيــــعي !!


طحت فيه قبل فتره عجيب .. ولكن ما استغني عن البيبسي ((بـبـسي)):p

[Bo Msheal]

ما نستغني لا عن الكولا ولا عن الماي اثنينهم يكملون بعض :d

والله يكافينـــا الشــر .. تسلمين عالموضوع .

[بنت الصالح]

mercii >> shy6oona ..

[NEDVED]

موقف حصل لـ زميل لي بـ كلية الصيدلة ...
دخل المحاضره ( كيمياء ) و معاه بيبسي ...
وقف الدكتور المحاضره و قاله مو عيب عليك تدخل محاضره كيمياء و انت تشرب بيبسي !!!
الولد انحرج و بعد البيبسي عنه ...
قام الدكتور و غير الموضوع الاساسي لـ المحاضره و قعد يتحجى عن اضرار هالبيبسي ...
و ان شي مخزي ان يقوم دكتور بـ شرب بيبسي ( خاصه اذا كان صيدلي ) ...
انا عقب ما قالي هالسالفه ما توسعت معاه بالموضوع بس عرفت ان هالبيبسي وراه سوالف ...
على فكره البيبسي هو حمض البيبسين الي تفرزه المعده لـ المساعده بـ عمليه الهضم ...
و من هني تسمى بـ هالاسم ...
انا ما عندي معلومات كثيره عن هالموضوع بس حبيت اقولكم هالموقف ...
قلت يمكن يحدد لكم خطوره هالشي ...
الي اغلب الناس ما تفكر فيه !!!

[الملغوم]

كنت باليوم اشرب تقريبا مشروبين غازيين وكان مشروبي المفضل البيبسي

والحين الحمدالله صارلي شهوور قااطع اي مشروب غازي بيبسي كولا ريد بول كل شي فيه غازات وضرر قطعته
http://www3.0zz0.com/2006/12/01/23/70179537.jpg

هذي صوره صدر ديايه ببطل بيبسي بجم ساعه لوونها صار اسود صارت هشه وتتفتت وتدرون ان لون صدر الدياي ابيييض

فما بالكم داخل جسم الانسان شنو تسوي وشنو تسوي بلون الاسنان


انصحكم كلكم تقطعون المشروبات الغازيه هذي والله سهالات بس يبيلها إراده يعني اذا طلبت مطعم قوله ابي وياه عصير او ماي لا تاخذ بيبسي او شي غازي

قطعوهم وحافظو على صحه اسنانكم وعظامكم وكل شي فيكم

[ONe]

البلا مو من البيبسي
البلا من حليــب الككاو :p
يتفخ ويجيب السكري

حليب ككاو kdd او نيسكويك او اوفلتين:clap: .. واااو هذا الادمان ولا بلاش مو تقولي بيبسي :cool:
الي يسمعني يقول مقاطع البيبسي :p

[Japan]

الحمدالله لا اشرب زقاير والمشروبات الغازيه قاطعها صارلي شهور ...والككاو نسيييته خلاااص .. :)
انا قطعتهم مو لسبب معين لكن من الكلام الي اسمعه عنهم ...
وكنت اظن ان صحتي الحمدالله ما فيها شي لكن لما قطعت هالسوالف حسيت بمعنى الصحه

[عربــاوي]

ماقدر استغني عن " الشاني "

يااساتر !

[ورده]

الحمدلله قاطعه مشروبات الغازيه نهااااااائيا يعني مره او مرتين بالشهر وساعات ماشربه كلش وصراحه كنت احبه بس مو وايد عادي وبعدين قطعته ورديت بشربه موشي :( مو مثل اول تغير وايد عالتعود