مــــا هي أكلتك المفضلة ؟ [الأرشيف] - ديوانيــة الأزرق دوت كــوم

jori_q8

27-11-2006, 19:58

مفطحة :) عاد الوالدة بالمفاطيح شغل عدل بس بيتنا مايحبون العيوش واللحم وايد :)

انا احب الباستا والكلوب ساندويش .... اي شي فيه جبن وحليب ماقول لأ :)

Q8i

27-11-2006, 20:03

الكلوب ساندوج واقطع

THe ShaRk

28-11-2006, 02:05

ماكو على المجبوس دياي :D:d:P

C i B E L E S

28-11-2006, 02:58

ورق عنـــب

scheelite

28-11-2006, 05:05

مجبوس دياي ,, مرقة باميه ,, ملوخيه ,, ملفوف ,, فاصوليااا خضره ,, معكرونيه

بختصااار كلشي اكل ماعدا المأكولات البحريه باستثناااء الربيان ومن شرمبي بس غيره ما اكل :)

AZzuRri_Q8i

28-11-2006, 05:28

مـطبق زبيـدي

مـا اقـدر اقـاومه كـلشششش

Alreem

28-11-2006, 08:08

هريس :o
ومن بعده ورق العنب من أيادي سورية وبس

الد بنت يره

28-11-2006, 10:22

مجبوووس دياااي
وورق عنب..بس يكون ساخت..مو البارد بالزيت
وبيتزا هت بس جبن حاف:p

اهم شي عندي والي احبه وااايد

البطــــــــــــــاط:p

فراايزز..ووجزز...مهروووس..بالزيت...بالمرقه...الي يصير...المهم بتاتااا:p

مجنونة راؤول

28-11-2006, 11:36

اي شي فيه جييييييييييز !! :D
ماكدونالدز وبيزا يميي !!
اي شي فيه لحم ما احب .. !!

عبد العزيز الحمادي

28-11-2006, 15:56

اي اكلة من ايد أمي اهي المفضلة عندي

alswed

28-11-2006, 16:04

اي اكلة من ايد أمي اهي المفضلة عندي

me too :)
-
بنات الديوانية يحبـون الجيس والكلوب ساندويش والفرايز والمعكرونه .. و .. و !!!
شلون راودني تفكير انه اوزانهم تعدت الـ 90 مادري :/

مـنـدنـي

28-11-2006, 16:05

امـــوش او مثل ما يقولون مموش
+
دقوس صبار
+
قلاص لبن
بااااااااااااااااااااااااارد
لو اكلهم ريوق وغدى وعشى كل يوم ما اقول
لا
;)
A.Mandani 16

الريانه

28-11-2006, 17:33

الزبيدي و الربيان مع العيش

وكذلك كبسة دياي ويكون العيش عيش سعودي اسمه " الوليمه " الله الله الله ما تقدر تقـوووووووووم من الغدا ..

وهريس وجريش الايراني الي بجميعتنا :d

وسلطة السيزر .

ورق عنب او " محاشي " تكون حاره بس مو اي احد يسويها تعجبني .

فـتوش هم مو اي مطعم يضبطها .." مره كليتها بمطعم في سوريا اوووووووووووخ بقيت اموووت من لذتها "

GoLcHia

28-11-2006, 18:20

بيـــــــتزا .. وبيبسي وبنـــك !!

قدساوي للابد

28-11-2006, 18:30

وكذلك كبسة دياي ويكون العيش عيش سعودي اسمه " الوليمه " الله الله الله ما تقدر تقـوووووووووم من الغدا .. "

اي والله يالريانه :D اوووف يوعاااااااااان

.. وبيبسي !!

اذبحني عند الـ (( بــبــسي ))

ﺇسـتـبـرق

28-11-2006, 21:10

مجبوس دياي مع دقوس عليهم رشه ملوخيه وفلفل ( شطه ) واذا انحط سلطه معاهم مو طبيعي ;)

صمونه الفلافل والبطاط بدون سلطه :cool: :cool: :cool:
احب الاكل البحري واعشق الاكل الصيني والتايلندي

Ronaldinho17

28-11-2006, 21:24

1- مجبوس دياي أو لحم
2- مطبق زبيدي
3- ورق عنب
4- السمج بأنواعه المختلفه واحلى شي القبقب ! :cool:

Che Guevara

28-11-2006, 21:30

مهيـاوة :d

عبد العزيز الحمادي

28-11-2006, 21:39

^
^
اشهد انك اصلي :)

Alazraq4ever

28-11-2006, 21:56

مجبوس دياي .. مجبوس لحم .. مطبق زبيدي ..
الفتوش .. التبوله .. ورق عنب .. المشويات بانواعها :/ !

روح القادسية

28-11-2006, 22:29

سيريلاك;)
كورن فليكس;)
مالهم منافس عندي:)

VAN.AZOZ

28-11-2006, 23:31

مــنــدي ;)

ترحـــــال

29-11-2006, 09:47

^^
^
^

عجييييييييييب ... خوش أكلة :)

مجنونة راؤول

29-11-2006, 12:43

اوووووو نسيت ما احب اي شي فيه بصل :nono:

استغفر الله بس ما استحمل !!

بـوصــالـح

29-11-2006, 13:06

مهيـاوة :d

مـهياوة + فـلزون ..
هـلا بـولد الـعم ..

Fc BaRcElOnA

29-11-2006, 13:27

باستا + دياي + مشروم + جبن مزريلا ! ..
بيتزا اكسبرس ! ..

عبيد هندسة

29-11-2006, 14:24

السـلطـات بأنواعـها :)
وبـس :)

Arsenaly 4 ever

29-11-2006, 15:10

مايبيلة اخوي مستر حمد أكيييد مجبوس دياي او مجبوس لحم
واذا تطورت استيك او اسكلوب دياي
وموضوعك وايد لذيذ ترى :) :) :)

. بوسالم

29-11-2006, 16:23

الغداء
مجبوس الهامور:yes: ومجبوس اللحم
والسمج المقلي خاصة الصافي والربيب
المشوي القرقفان البدح والنيسر في حله
الريوق
جباتي ..بوري ..كيمه
واحب بلاليط وعصيدة الوالدة الله يعطيها طولة العمر
العشاء
اي شي خفيف
واذا فيه عيش ماقول لا :)

جــوري

29-11-2006, 17:15

يم يمي شهيتوني ... بس سمج لأ !! لول

شوربة البصل الفرنسية , تبولة , سلطة الجرجير بجبن الحلوم المشوي , سلطة البطاط واحبها حاااامضة , ستيك بصلصة المشروم , عرايس + حمص , متبل , العصيدة اذا كانت يدتي مسويتها , نودلز واحب كل انواع الخضرا فيه , ورق عنب بالزيت ويكون حااااار و حامض وساخن ,, الكشري , غدا العيد لا يعلى عليه طبعا وصعب اني اقاومه , المسخن , فطيرة التفاح , حلو الليمون مال مطعم جوني كارينوز والكورنفليكس :)

بنت الصالح

29-11-2006, 20:25

1. توست بالتوستر و جبن مع عصير برتقاال >> عجيــب ..
2. فرايز و يكون حار اترسا ملح ..

mercii ..

Mr.KehL 5

30-11-2006, 01:58

أحب كل شي ما يكون فيه طماط أو أكلات بحريه ( سمج ربيان ومن هالطقه )

وهم ما أحب السلطات والخضروات

احب بشكل خاص : مجبوس الدياي ومرق الشبزي

وشكرا على الموضوع

. بوسالم

30-11-2006, 02:57

أحب كل شي ما يكون فيه طماط أو أكلات بحريه ( سمج ربيان ومن هالطقه )
انصحك ياخوي بالسمج :)
لو تاكل سمج كل يوم مايضرك شي عكس الدياي واللحم ترى عليك به
له فوايد كثيره ويقوي الجسم
ولازم اتعود نفسك عليه وخاصة اذا كنت شاب
اول شي شجع نفسك على بعض الاسماك المقلية اللي مافيها ازفرة وايد مثل الصافي والربيب والزبيدي
مونستر حبيبي .....اكل منه يومين ورد علي ناطرك ترى:)

Mr.KehL 5

30-11-2006, 05:31

بوسالم

شاكرلك حبيبي على الإهتمام

انا قبل جم سنة كنت آكل سمج ( سمج تونه قواطي - ميد و مزلقان )

سمج تونه قواطي حالياً كل 5 شهور مرة آكله تقريباً

لكن الزبيدي والهامور وهالأنواع لا اطبخوها الوالده توصي الخادمه تييب غداي لغرفتي لأنها تدري ان ريحة السمج تسد نفسي لووول

على كل حال ان شاء الله بجرب آكل وأعاند نفسي :)

Alreem

30-11-2006, 05:38

ومرق الشبزي

خاطري اعرف شو هالاكلة؟ اذكر في مسرحية بومتيح داود حسين وايد يذكرها واسمها غريب

U-Turn

30-11-2006, 05:39

مـطـبق زبيدي << من ايد الوالده شي خياااال

مجبوس دياي

مـفـطح

ورق عنب وملفوف

Carles Puyol

30-11-2006, 06:38

أفضل اكلة بحياتي اتلذذ فيها آكل طبق كامل ما عندي مشكلة "معكرونة بالمشمل" ياااااااااالله :D

4- السمج بأنواعه المختلفه واحلى شي القبقب ! :cool:

شعندك على القبقب هااا :D :p

Mr.KehL 5

30-11-2006, 07:08

خاطري اعرف شو هالاكلة؟ اذكر في مسرحية بومتيح داود حسين وايد يذكرها واسمها غريب

هلا وغلا بأهل عمان

الشبزي هو مرق خضروات هدا اللي أعرفه لـول

هممم .. بإختصار يخلطون السلق مع الكزبره والبقدونس ويحطونهم فوق المرق !

<< سوري ما أعرف أشرح بس المهم طعمه حلو وخطير

هالموقع راح يفيدج لو حابه تعرفين أكثر عن االشبزي

http://www.lakii.com/cookportal/index.php?doWhat=showcook&cookid=1579

Alreem

30-11-2006, 18:35

هلا وغلا بأهل عمان

الشبزي هو مرق خضروات هدا اللي أعرفه لـول

هممم .. بإختصار يخلطون السلق مع الكزبره والبقدونس ويحطونهم فوق المرق !

<< سوري ما أعرف أشرح بس المهم طعمه حلو وخطير

هالموقع راح يفيدج لو حابه تعرفين أكثر عن االشبزي

http://www.lakii.com/cookportal/index.php?doWhat=showcook&cookid=1579

هلا بك مليون
بس والله انا افكاري راحت بعيد....انا قلت المرق يا على دياي او لحم او سمك او خضار... دام اسمه شبزي عيل اكيد مستحيل يكون خضار لانه اسامي الخضار معروفة و قلت بس هذا كائن حي غير الدياي واللحم :p وانا عاد كل ما قريت مرق الشبزي ما يطلع في بالي غير شي كبير ومتسدح في المرق
اخرتها طلع لحم وخضار

تسلم عاللنك...ولا عدمناك الشيخ

ميثم

30-11-2006, 21:45

العيش في ملك المندي لايقاوم ...وحط معاه طحينية بس تكمل ياخوك :) المندي عندهم مو طبيعي...

عيش ابيض مع مرق ولحم :D ....وعيش ابيض وبطاطس...
ومجبوس دجاج دجاج دجااج مع شطة ..تحلى القعدة ...

فلافل بوعدنان....همبرغر الكوخ ..وبيض بالجبن مال شجير في الصوص:p

NEDVED

01-12-2006, 19:09

كل شي حلو
هريس
مجبوس
هامور ( مقلي - مرق ) اي شي في هامور احترمه :)
ربيان
...
كل ما يطري على بالك و حلو انا احبه :p
بالأكل حطني على يمناك :p

ورده

28-01-2007, 08:12

طبعا مرق سمج ويفضل( الشعوم او الزبيدي) ويا المحمر
والهامور المطبق ويا طرشي وثوم يبل ودهن عداااااااانييييي فوقه
والقبوط

هالثلاث اكلات لو ميته وشبعانه اكل اكلهم وانا مغمضه

NaiF.

29-01-2007, 08:28

الـ " ريوق " ..

حلوم من " أفراح الخليج " يالله حلومهم في سحر ..

الـ " غدى " ..

المندي بالمرتبه الاولى وبدون منازع ,, مع بصل وفلفل هابناروس مادري هبينيروس شي جذي و جرجير يالله يالله ولبن خاااااااااااااثر .. :eek2:

الـ " عشى " ..

شيش طاووق من مطعم " كابوريا " ..

راسخة

08-02-2007, 04:41

الوجبات الرئيسية : مجبوس الدياي

الاكلات اللي حق عشا و من مطاعم : اي شي لين و فيه بطاط او مشروم

owid

08-02-2007, 14:37

على حسب بس في الغالب جميع السلطات
وبعض الوجبات الخفيفة
توست بالتشيز
الباستا
واي وجبة من مطاعم كودو عندنا:)
والبيك
والفروج

فتكم بعافية

H.AMA.D

09-02-2007, 13:48

شكرا على المرور :)

Delpi

09-02-2007, 16:02

أي شي ينطبخ من ايد الوالدة الله يحفظها..

والبطاط مهم في كل وجبة غدا والا عشا..

ورده

14-02-2007, 08:58

اللي سأل عن الشبزي هذي اكله ايرانيه

يكون مثل مرق بس ثقيل يكون وياه لحم مقطع او بروحه وينحط وياه لوبيا تشوف الشبزي لونه مايل حق اللون الاخضر لانه فيه اوراق الشبزي والشبنت والكزبره مثل الآش اذا تعرفه عند محل النخي والباجيلا

الشبزي ياكلونه ويا خبز او عيش ابيض او زعفران..ألخ