المساعد الشخصي الرقمي

مشاهدة النسخة كاملة : الـقـادسـيـه (3) Vs الـسالمـيه (4) [دوري الشهيد فهد الأحمد]



الصفحات : [1] 2

قدساوي للابد
06-12-2006, 03:53
بسم الله الرحمن الرحيم


دوري الشهيد فهد الأحمد ((الدوري الكويتي الممتاز ))


http://www.wrdah.net/up12/10712200625061100.jpg



بطاقة القاء


http://www3.0zz0.com/2006/12/01/07/55831574.gifVs http://alazraq.com/images/teams/local_leagues/Salmiya.gif
الفريقان : نادي القادسيه Vs نادي السالميه "الاسبوع الثالث"
التاريخ : الجمعه 8-12-2006
الساعه : 4 مساءٍ
الملعب : استاد محمد الحمد ((نادي القادسيه))


http://www.wrdah.net/up12/10712200625061100.jpg



نادي القادسيه
http://www.graaam.com/up/Pic3/5af9892282.jpg


يدخل الملكي هذا القاء وهو يحتل المركز الرابع برصيد 3 نقاط من فوز وخسارة , ويسعى القادسيه في تحقيق الفوز للعوده للانتصارات بعد الخسارة في الاسبوع الثاني ضد كاظمه 3-2 , ومن المتوقع ان يلعب القادسيه وهو كامل الصفوف , بعد خروج المنتخب الاولمبي من بطوله اسياد الدوحه ليعود نجمه الاسيوي بدر المطوع , ومن المحتمل ايضاً ان يلعب فوزي بشير ومحمد مبارك النجمين العمانيين لصعوبه تأهل المنتخب العماني لدور الـ8 في اسياد الدوحه , وعودة مساعد ندا من الايقاف , وقد تشهد المباراة ايضاً عودة نهير الشمري الذي يتشافى بشكل تدريجي من التهاب القدم الذي سبب له فطر بالقدم.


http://www.wrdah.net/up12/10712200625061100.jpg



ابرز اللاعبين



http://img.naseej.com/sports/players/Kuwait/khalafsalama.jpg
خلف السلامه


http://www.afcchampionsleague.com/shared/media/images/acl06-qad-pak-001.jpg
بدر المطوع


http://www.aldabi.com/up/files/aldabi_taq3.jpg
نواف الخالدي



المدرب
http://www2.0zz0.com/2006/11/13/15/58371987.jpg
محمد ابراهيم


http://www.wrdah.net/up12/10712200625061100.jpg



التشكيله المتوقعه


نواف الخالدي
مساعد ندا-جمال مبارك-فايزبندر-علي النمش
نواف المطيري-كيتا-الموسى-صالح الشيخ
خلف السلامه-بدر المطوع


http://www.wrdah.net/up12/10712200625061100.jpg



نادي السالميه
http://uae4up.com/uploads/583d10782b.jpg


يدخل السالميه هذا القاء وهو متصدر الترتيب بفارق الاهداف عن كاظمه والكويت بفوزين على التضامن والعربي , ويسعى السالميه على الفوز للمحافظه على الصداره , ويمتلك السالميه خط هجوم قوي يتكون من الخبره بشار عبدالله والمحترف البرازيلي سيرجيو وهدافهم العمار ومن المحتمل عودة العماني سلطان الطوقي اللذي يشارك مع منتخب بلاده في اسياد الدوحه لصعوبه تأهل منتخبه لدور الـ8 في اسياد الدوحه , وسوف يغيب المحترف البرازيلي جيكاريه للاصابه ومن المتوقع غياب العماني الشكيري لوفاة والدته رحمة الله عليها .


http://www.wrdah.net/up12/10712200625061100.jpg


ابرز اللاعبين


http://www.gccchampionsleague.com/pictures/photogalerie/43riffavsalmiya007.jpg
بشارعبدالله


http://www.gccchampionsleague.com/pictures/photogalerie/57tnAl%20Salmyia%20v%20Al%20Ittifaq%20005.jpg
نواف العتيبي


http://www.alqabas.com.kw/Final/NewspaperWebsite/NewspaperBackOffice/ArticlesPictures/15-8-2006//194473_510005.jpg
حمد الحربي


http://www.wrdah.net/up12/10712200625061100.jpg



التشكيله المتوقعه
نواف المنصور
جراح عبداللطيف-العيدان-ماجدمصطفى-ناصر العثمان
حمدالحربي-الهنيدي-فواز المطيري-نواف العتيبي
بشارعبدالله-سيرجيو


http://www.wrdah.net/up12/10712200625061100.jpg



اعـــداد :
رابطة قدساوي & رابطة سلماوي



تصميم الفواصل : Shag7a

اليوفي
06-12-2006, 11:22
المباره تاريخ 8/12 مو 7 .. :)

وبالتوفيق للاصفر ..

Corvette
06-12-2006, 11:24
الحين المباراة يوم الخميس ولا اليمعه !! ..

وبالتوفيق للأصفر ..

اليوفي
06-12-2006, 11:35
^^

اليمعه ..

Corvette
06-12-2006, 11:40
جنا وصلني مسج يقول الاتحاد يقترح الخميس موعد للمباراة !! وافقوا القادسية ولا لا ؟!؟

slmawy
06-12-2006, 11:41
مشكورين على التقديم المنظم بين الرابطتين , المباراة يوم الخميس ان شاء الله , كل التوفيق للسلماوي , و ان شاء الله النقاط الثلاث سماوية

KinG^BaLL
06-12-2006, 12:30
سـمعت ان الاتحاد اجلـها ليوم الخـميس .. بخصوص سـفر القادسيه الى جده :):)

الـسماوي بــيواصل صـحوته .. والقـادسيه يبي الـثار !..

اشــوفها سـلماويه 2\1 ..

:)

اليوفي
06-12-2006, 12:37
^^

ويهــك .. الملكي ان شاء الله بياخذ ال3 نقاط عالراحه :)

KinG^BaLL
06-12-2006, 14:04
نـتمنى.. عشان يـحلو الدوري .. ولا اذا ضـاعت الـ3 نقاط ، الله يــعينكم !!

Claudio Mendez
06-12-2006, 14:11
قدسـاويه انشالله !

اليوفي
06-12-2006, 14:14
^^

اذا بتشجعونا .. بنخسر :p

Salmiya Fan
06-12-2006, 14:20
مشكورين على التقديم...!

و إن شاء الله المباراة تنتهي من نصيب السالمية...

تحياتي.

عذب المشاعر
06-12-2006, 15:10
الله يعطيكم العافيه يارب على التقديم المميز

وكل التوفيق للفريقين

وأتوقعها سلماويه 2/1

والله أعلم

Mr.SaLmawii
06-12-2006, 15:21
مشكورين وبالتوفيق للســماوي ..

:)

Claudio Mendez
06-12-2006, 15:37
^^

اذا بتشجعونا .. بنخسر :p
وعيل ليش بشجعكم أنا :rolleyes: :p !

الـعبيدي
06-12-2006, 19:27
مشكور اخوي ع التقديم
وبالتوفيق للفريقين

power
06-12-2006, 22:18
الفوز للسالميه انشالله 3-0

بالتوفيق للسماوي

قدساوي للابد
06-12-2006, 23:27
المباراة يوم الجمعه 8-12-2006

:)

بوناصر
07-12-2006, 00:22
بالتوفيق للقادسيه ، ونتمنى وضع حكم صاحب ضمير !! ( مادري من وين بييبونه ! )

جوكم
07-12-2006, 00:24
بالتوفيق للفريقين نبي نشوف مباراة حلوه .. وانشالله تعادل ولو اني اشوفها سلماويه

الغيور
07-12-2006, 01:02
ان شاء الله فوز قدساوي

أزرق كويتاوي
07-12-2006, 01:17
قدساويه بإذن الله

scheelite
07-12-2006, 02:12
يسلمووو على التقديم وكل التوفيق لبني قادس يارب :)

كويتاوي ما يغلبونه
07-12-2006, 12:16
يعطيكم العافية على التقديم و سلماوية أنشاالله :D

الريانه
07-12-2006, 22:45
مشكور قدساوي

وبالتوفيق لنا

قدساوي للابد
08-12-2006, 00:26
علمت رابطة قدساوي بأن نهير الشمري لن يشارك في مباراة السالميه وان عبدالرحمن الموسى يعاني من اصابه ولن يشارك ايضا في المباراه . وعلمت ايضا ان تشكيله مباراة الغد تتكون من :
نواف الخالدي
مساعد ندا - جمال مبارك - فايزبندر - علي النمش
نواف المطيري - كيتا - صالح الشيخ - فوزي بشير
بدر المطوع - خلف السلامه

ســـاره
08-12-2006, 00:57
بحيل الله قدساويه..

e3feeny
08-12-2006, 01:02
:salmiya: كل التوفيق للسماوي :salmiya:

الكويتاوي
08-12-2006, 01:42
ان شاءالله نشوف لقاء قوي يليق بسمعة الفريقين

Mr.Barca
08-12-2006, 01:59
بالتوفيق للفريقين وانشالله تعادل. !!

scheelite
08-12-2006, 02:24
قواكم الله على التقديم ,, وكل التوفيق للملكي :)

قدساوي مكحل
08-12-2006, 09:47
تسلمون على التقديم المشترك
وان شاء الله قدساوية بحيل اللي ما تنام عيونه

دمتم بود

slmawy
08-12-2006, 10:22
كل التوفيق للسالمية و ان شاء الله 3-1 للسالمية

Shag7a
08-12-2006, 11:41
شكرا على التقديم .. قدسااااااااويه بإذن الله :)

Fahad
08-12-2006, 11:52
يعطيك العافيه على التقديم حبيبي

قدساويه إن شاءالله . . القادسيه يايين نفسياتهم بالعلالي بعد مباراه الأفريقي والسماوي نفس الشي بسبب فوزه العريض على العربي وإن شاءالله هالشي دافع عشان يأدون مباراه حلوه ومثيره

:)

xx-v-xx
08-12-2006, 12:42
بالتوفيق للملكي .. 3 نقاط مهمه وايد وايد

Q8_HaZrD
08-12-2006, 13:40
المـباراة منـقوله ولا لأ .. !؟

a7laq8
08-12-2006, 14:34
بالتوفيق للملكي ان شاء الله

slmawy
08-12-2006, 14:42
جنه المباراة مو منقولة :confused: :mad: :eek: :cry2: :eek2: :hot: :Devil: :MAD2: :salmiya: !!!!

a7laq8
08-12-2006, 14:59
ياجماعة معقولة .... مباراة قوية مثل القادسية والسالمية .. مو منقولة

ناقلين لي المسابقات النسائية .... وعلى البلاس كوريا واليابان كرة يد .

مالت عليكم من قناة .

عاشــ ميلان ــق
08-12-2006, 15:02
ولييييييييييه

شنو هالقناة المرض

اللي بره الكويت شكو مباراة اليابان وكوريا

والله مرض لي متى جذي يعني ماكو واحد يفكر شويه

شباب وين تشوفون المباراة وياليت تنقلون لنا الاحداث اول باول

جوكم
08-12-2006, 15:04
مالت عليها منها من قناة

slmawy
08-12-2006, 15:07
قناة مرض و مالت عليهه , والله باطين جبدي ال( )

slmawy
08-12-2006, 15:08
حتى على الارضية مو ناقلينهه ؟؟؟؟؟

a7laq8
08-12-2006, 15:08
يعني مباراة القادسية وكاظمه بلعناها ................. بس هالمبارات ... ماراح اسكت ... ياجماعة ... عطوني اي رقم .. بيجر فاكس له علاقة بالقناة الثالثة

الدوسـ7ـري
08-12-2006, 15:10
شهالقناة الدجة شكو احنا بهندية تركض ولا مباراة يد الكويت مو طرف فيها

مباراة دوري الشهيد فهد الأحمد لهالدرجة صار دورينا على الهامش

صج مصخره :mad:

Salmiya Fan
08-12-2006, 15:16
1-0 القادسية - بدر المطوع...

Mr.Blue
08-12-2006, 15:16
بدت المباراة وتشكيله القادسيـه هي :

بدر الجمعه

مساعد ندا - جمال مبارك - فايز بندر - علي النمش

نواف المطيري - كيتا - صالح الشيخ - محمد مبارك

فوزي بشير - بدر المطوع

# الجمهـور الـقـدسـاوي #

q8dreamz
08-12-2006, 15:18
1-0
الإذاعة ناقلينها

Salmiya Fan
08-12-2006, 15:20
2-0 محمد مبارك...

رحنا وطي...!

q8dreamz
08-12-2006, 15:22
2-0 محمد مبارك .. ما عليه سلماوية :/ ابي اللي يقول 3-0 وينه ؟ لول

ســـاره
08-12-2006, 15:22
هيييييييييييييييييييييييه ولكم باااااااااااك يا الملوووووووووووووووووك

تكفووون ياجماعه أول بأول

a7laq8
08-12-2006, 15:24
امبي ياجماعة ....... القناة الأرضية ناقين مباشر ...... اقوى رجل بالعالم .... ودوري الشهيد طز

CiCinHo
08-12-2006, 15:26
ناويييييييييين علييهم http://www.qadsiafans.com/fans/images/smilies/tongue.gif

قول ثاني من الخنجر العماني محمد مبارك

2/0 .. القادسيه

منتدى الجمهور القدساوي ..

ســـاره
08-12-2006, 15:27
الثالثه يامرررض الفضائيه ألعاب قوى لا وحريم بعد مادري أحنا شكووو فيها والأرضيه أقوى رجل بالعالم حسبي الله عليكم من قناه

عاشــ ميلان ــق
08-12-2006, 15:29
الثالثه يامرررض الفضائيه ألعاب قوى لا وحريم بعد مادري أحنا شكووو فيها والأرضيه أقوى رجل بالعالم حسبي الله عليكم من قناه


ياليت تنقلين لنا شنو يصير اول باول لمسابقة افضل رجل بالعالم :mad:

CiCinHo
08-12-2006, 15:30
مرت 30 دقيقـه

والنتيجـه ليلحيـن 2/0 للاصفـر

وتشجيع متواصل من الجمهور القدساوي

وسكوت من الجمهور السلماوي المقدر عددهم بـ 10 نفرات http://www.qadsiafans.com/fans/images/smilies/tongue.gif

منقـوول ..

ســـاره
08-12-2006, 15:32
يلاااااااااا يابني قادس يلااااا يا الملوووك نبي أكتســااااااح

Salmiya Fan
08-12-2006, 15:33
عارضتين ورا بعض للقادسية من مساعد و فايز بندر...!

رحنا وطي طيطيطيطي...

+++++++++++++

اشترااك بين بشار و بدر الجمعه "اصابتين"...

ســـاره
08-12-2006, 15:37
عارضتين ورا بعض للقادسية من مساعد و فايز بندر...!

رحنا وطي طيطيطيطي...

+++++++++++++

اشترااك بين بشار و بدر الجمعه "اصابتين"...


واااااااااااااااااااااااااااااو والله العظيم كأني بالملعب

تكفى أول بأول

ولايوووقف لايوووقف يا القادسيه

Salmiya Fan
08-12-2006, 15:37
قووووووووووووووول السالمية جراح عبداللطيف...!

يالله شباب شدوا الحيل.

CiCinHo
08-12-2006, 15:37
انذار لـ كيتـا

بسبب مسكه للاعب السالميه متعمدا وعرقلتـه للهجمـه !

منقـوول ..

SoCcerChia
08-12-2006, 15:38
قــوول السمــاوي ... جراح

2-1 للقـادس ..

ســـاره
08-12-2006, 15:38
لاااااااااااااااااااااااا

Salmiya Fan
08-12-2006, 15:38
واااااااااااااااااااااااااااااو والله العظيم كأني بالملعب

تكفى أول بأول

ولايوووقف لايوووقف يا القادسيه


ابشري اختي...

يستاهلون اعضاءنا الحبايب...

+++++++++++

هدف السالمية الأول تسديدة قوية من جراح عبداللطيف...

Salmiya Fan
08-12-2006, 15:39
قووووووووووووول بشار عبدالله تععادل

على راسي بشااااااار...

تمريرة جميلة من يرجيو.,..

مباراة شكلها ذباحية/...

SoCcerChia
08-12-2006, 15:40
2-2 بشــار !!

عاشــ ميلان ــق
08-12-2006, 15:40
ابشري اختي...



يستاهلون اعضاءنا الحبايب...


+++++++++++



هدف السالمية الأول تسديدة قوية من جراح عبداللطيف...



بركاتك يالربيعه

مشكور اخوي وقواك الله

CiCinHo
08-12-2006, 15:41
تعادل للسالميه :eek: ..

2-2

ســـاره
08-12-2006, 15:41
يلا يا القادسيه مانبي النقاط تضيع كافي نقاط كاظمه

Salmiya Fan
08-12-2006, 15:42
2 دقيقة وقت بدل ضائع...

التعادل الإيجابي 2-2

سجل القادسية : بدر المطوع - محمد مبارك

سجل السالمية : جراح عبداللطيف - بشار عبدالله

عاشــ ميلان ــق
08-12-2006, 15:42
2-2 بشــار !!


الله ياخذ الثالثه المرض والله

اللي حرمتنا من المباراة :mad:

ســـاره
08-12-2006, 15:42
ماكو فايده الربيعه أثبت فشله ولييييييييييييييه صج

ســـاره
08-12-2006, 15:45
الشكل الدوري هالسنه مو لنا الدفاااع باين عليه صفرر عالشمال

Salmiya Fan
08-12-2006, 15:46
إنتهى الشوط الأول من المباراة بالتعادل الإيجابي 2-2

سجل السالمية : جراح - بشار

سجل القادسية : بدر - محمد مبارك

و إن شاء الله نشوف مباراة حلوة بشوطها الثاني...

slmawy
08-12-2006, 15:46
هيه 2-2 , الله يلعن الثالثة الي خلتنا نسمع الراديو و نتخيل الحدث

عاشــ ميلان ــق
08-12-2006, 15:46
شباب بشرونا شنو صار على بطوله اقوى رجل بالعالم :mad: :mad: :mad: :mad: :mad: :mad: :mad: :mad: :mad:

a7laq8
08-12-2006, 15:50
الثالثة .... ننقل لك الحدث بالصوت لتكمل عندك الصورة

عذب المشاعر
08-12-2006, 16:01
الشوط الأول شكله نار

عاشــ ميلان ــق
08-12-2006, 16:02
مابدى الثاني شباب؟؟

Salmiya Fan
08-12-2006, 16:03
هذي الكويت صل على النبي...






<<<<<<<
ينطر المباراة بالراديو...!!!

عذب المشاعر
08-12-2006, 16:03
ياجماعه جم رقم الأذاعه:(

Salmiya Fan
08-12-2006, 16:04
اطلق الحكم الصافرة معلنا بداية الشوط الثاني...!

Salmiya Fan
08-12-2006, 16:06
عذب المشاعر...

Am 1100

جوكم
08-12-2006, 16:08
يا سلام .. احلى شي ان يستمر هالتعادل :p

شكلها مباراة ناااار .. 4 اقوال بشوط واحد !!

Claudio Mendez
08-12-2006, 16:09
حاس سيرجيو له كلمه بهالمباراه !

Mr.Barca
08-12-2006, 16:09
انشالله تستمر تعادل مشكورين ع التغطيه:p

عذب المشاعر
08-12-2006, 16:09
^
^
الله يعطيك العافيه يارب

وان شاء الله الفوز من نصيب السالميه

a7laq8
08-12-2006, 16:12
بلنتي السالمية

جوكم
08-12-2006, 16:13
قول ثالث للسالميه من سلطان الطوقي .. مباراه نااااااااار والله

عذب المشاعر
08-12-2006, 16:15
المعلق عجيب:(

ســـاره
08-12-2006, 16:16
لا مومعقوله شصاير بالقادسيه ؟؟؟

Claudio Mendez
08-12-2006, 16:18
انزين جان خلوا بشار مايصير سلطان :p

شكلها خوش مباراه حسافه مو منقوله

ســـاره
08-12-2006, 16:19
شنو قول السالميه ولا لأ شالسالفه قووولولنا شباب ؟؟؟

Mr.Barca
08-12-2006, 16:21
ذبحه هالمباراه. !!
جوكم كمل كمل :p شصار

عذب المشاعر
08-12-2006, 16:23
جم النتيجه

ســـاره
08-12-2006, 16:23
شفيييييكم سكتوا أحد يتكلم ؟؟؟؟؟؟؟؟؟؟؟؟؟؟؟؟؟؟؟؟؟

Claudio Mendez
08-12-2006, 16:24
سارا شفيج قول يبا قول !

عذب المشاعر
08-12-2006, 16:25
^
^
على ذمة المعلق يقول القادسيه متخلف بهدف

والله أعلم

Mr.Barca
08-12-2006, 16:25
^^
ماقدر اعبر خانقتني العبره:p :D

كمل كمل جوووووكم.؟

عاشــ ميلان ــق
08-12-2006, 16:26
يسويها الملكي باذن الله

جوكم
08-12-2006, 16:26
لوووووول مستر :p

ليلحين 3 - 2 للسالميه .. والقادسيه ضاغط

عذب المشاعر
08-12-2006, 16:26
النتيجه 3/2

ســـاره
08-12-2006, 16:26
يووووووووووووووووه قوول لمنووو اللي ينقلون المبااراه نسوونا

حسبي الله عليكم من قناه الدورري حامي وهم حاطيلنا هالأسياد

ســـاره
08-12-2006, 16:27
معقوله لهالدرجه غياب الخالدي يسوي جذي شهالحارس اللي عندنا

نبي الفووز مانبي تعادل

عذب المشاعر
08-12-2006, 16:28
ضغط قدساويه بشكل رهيب

عذب المشاعر
08-12-2006, 16:29
خروج صالح الشيخ دخول سيدو تراوري

جوكم
08-12-2006, 16:29
القادسيه طلعوا النمش ودخلو خلف السلامه

وطلعو صالح الشيخ ودخلو تراوري

يعني لاعبين بـأربع مهاجمين !!!!!!!

Claudio Mendez
08-12-2006, 16:29
يووووووووووووووووه قوول لمنووو اللي ينقلون المبااراه نسوونا

حسبي الله عليكم من قناه الدورري حامي وهم حاطيلنا هالأسياد

قول للسالميه من الطوقي عن طريق ركلة جزاء !

وصللللللت ؟ :o

ســـاره
08-12-2006, 16:30
الحين تتقدمون 2 صفر وبعدين تصير هالنتيجه شفيهم الاعبين

نبي فووووووووووووووووووز

ســـاره
08-12-2006, 16:31
إذا السلامه جاهز ليش مالعب من البدايه شهالتخبط هذا

هذا دوري يايبى مو الخرافي مانبي المباراه تضيع نبي فوووووووووووووووووووووووز

Shag7a
08-12-2006, 16:31
أوف 3/2 ! الله يستر :/ .. شخبااري راايوو من زمان ما فتحته

عذب المشاعر
08-12-2006, 16:32
باجي 17 دقيقه على نهاية المباراه

ســـاره
08-12-2006, 16:34
لأ لأ لاتنتهي المباراه حرام عليكم نبي فوووووز

جوكم
08-12-2006, 16:34
قووووووول للقادسيه .. تعادل 3 - 3

Shag7a
08-12-2006, 16:34
قووووووووووووووووووووووووووووووووووووووووول القادسية

عذب المشاعر
08-12-2006, 16:34
التعادل للقادسيه

Shag7a
08-12-2006, 16:35
سيدوووووو ترااورييي قوول .. يالله يالله شدوو حييلكم

عذب المشاعر
08-12-2006, 16:36
باجي 13
.........

ســـاره
08-12-2006, 16:36
هييييييييييييييييييييييييييييييييييييييييييييييييي ييييييييييييييه

يمه قلبي

تكفووون نبي نفووووووووووووووووووووووووووز

الانجــليزي
08-12-2006, 16:38
على رااااااااسي يــا سيدو يــارب فوز للاصفر يـــارب

ســـاره
08-12-2006, 16:39
تفكوووووووووون نبي الفوز يالله يارب ياكرييييييييييم

تكفوون بشروووني

كيفي كويتي
08-12-2006, 16:39
حسسسسسسسسسسبي اللله عليييييييييييييييج يالقناة المررررررررررررررررررررض

الحين القناة الثالثه مشغووله بالأسياد قلنا ميخاااالف ولو انها تنقل مبارات ما تهم الجمهوور الكويتي ( القناة حكووومية مو خااااصه ) يعني مو ملزوووومه تنقل الفعاليات اللي منتخبات الكويت مو طرف فيهم

ما تنقلووونها على الثالثه قلنا اوووكي لكن قناة سبوووورت بلااااااااااااس حق شنوووووووووووووووووووووووووو فاتحييييييييييييييييييينهااااااااااااااااااااا حاطينلي سباقات سيارات مادري من أي قرررررررن !!!!!

يا جماعة ترى ملينااااااااااااااااا نبي نسوووي مظاهره جدام مبنى وزارة الاعلام :mad:

Mr.Barca
08-12-2006, 16:40
انشالللللله تنتهي تعادل. .!

ســـاره
08-12-2006, 16:41
جم باقي شباب ؟؟؟

يارب أكتبلنا الفوووز يارب

عذب المشاعر
08-12-2006, 16:41
بدر يضيع فرصه خطيره

ســـاره
08-12-2006, 16:42
لاااااااااااااااااااا يابدررررررررررررررر

نبي الفووووووووووووووووووز

جوكم
08-12-2006, 16:42
الحمد لله ليلحين تعادل

باجي خمس دقايق

عذب المشاعر
08-12-2006, 16:43
سيرجو يطوف حارس القادسيه لكن يضيعها

الملغوم
08-12-2006, 16:43
جم باقي يلا ان شاء الله تعادل عادل

ســـاره
08-12-2006, 16:43
يالله يارب الفوووز يارب ياكريم يارب يارب

جوكم
08-12-2006, 16:43
اوووووووو يقول سيرجو عدى من الحارس وانفرد بالقول بروحه وضيعها !!!


اشوه يلا خل تظل تعادل :p

عذب المشاعر
08-12-2006, 16:44
دخول محمد راشد خروج محمد مبارك

وباجي 5 دقائق

كيفي كويتي
08-12-2006, 16:44
شوفو القناة الرياضية السعووديه امس انقلت مبارات الأهلي والهلال بالدوري السعودي مع انه بنفس الوقت منتخب السعودية لكرة اليد يلعب ! احنا ما نقووول للقناة الثالثه الدايخه كشتي بمنتخباتنا لكن دام ما عندنا فريق قاعد يلعب لييييييييييش ما تنقلووون مبارياااات الدوووووووووووري

الملغوم
08-12-2006, 16:45
قوووول للقادسيه 4-3 بدر المطوع








































اقص على ساره شوي

للحين 3-3

ســـاره
08-12-2006, 16:45
هييييييييييييييييييييييييه القادسيه

عذب المشاعر
08-12-2006, 16:46
باجي 3 دقائق

كيفي كويتي
08-12-2006, 16:47
الملغووووم يخرب بيتك وقفت قلبي من الوناسه :(

ســـاره
08-12-2006, 16:47
حسبييييييييييييييي الله على ابليسك الملغووووووووووووووووم

الانجــليزي
08-12-2006, 16:48
الملغوم هذا حجي بالله عليك

ســـاره
08-12-2006, 16:49
يارب يارب نبي فووووز

Mr.Barca
08-12-2006, 16:49
لووووووووووووووووووووووووول
الملغوم. .

جوكم
08-12-2006, 16:49
خلص الوقت الاصلي .. باجي 4 دقايق بدل ضايع .. وانشالله يستمر التعادل

عذب المشاعر
08-12-2006, 16:49
الوقت بدل الضائع 4

ســـاره
08-12-2006, 16:50
لااااااااا حرام عليكم مابقى شي نبي فوووووووووووووووز تكفووووووووووووووووووووون

جوكم
08-12-2006, 16:50
قووووووووووووووووووووووول رابع للسالميه .. يا حرام القادسيه :p

عذب المشاعر
08-12-2006, 16:51
السالميه 4/3

كيفي كويتي
08-12-2006, 16:52
راااااح الدووووري حسبي الللللللللللللله على هالاتحاد الفاااااااااااااااااااااشل

عذب المشاعر
08-12-2006, 16:52
دخول واحد من جمهور السالميه يدخول ويسلم علي سيرجو

والشرطه مسكوه

Mr.Barca
08-12-2006, 16:52
لالالالالا
منو سجل. !!

ســـاره
08-12-2006, 16:52
قسما بالله الشرهه مو عليكم على اللي حارق دمه عليكم

الانجــليزي
08-12-2006, 16:53
شلون الفول :( :( :( :(

عذب المشاعر
08-12-2006, 16:54
كوره من سيرجو في القائم

Mr.Blue
08-12-2006, 16:54
بـركـاتك يـالربـيعه ! :mad: :mad:

ابي اعـرف شـي .. اذا الجسـور مـاراح يشـارك ضـد الاهـلي ..
ليش مـايلعب بـالدوري .؟!

جوكم
08-12-2006, 16:55
انتهت المباراه خلالالالالالالالالالالالاص .. السالميه 4 / 3 .. ما عليه القدساويه :p .. عاد بغيناها تعادل :o

ســـاره
08-12-2006, 16:55
الله لايوفقك يا الطاهر

حسبي الله عليكم

عذب المشاعر
08-12-2006, 16:55
مبروك للسالميه وهاردلك للقادسيه

كيفي كويتي
08-12-2006, 16:56
يبا الفريق شكووو ؟؟ هذي من بركااااااااااااات الاتحاد الفاااااااااااااااااااااشل ضاغطينا ضغط ! المفروووض ننسحب من الدوري وخل يشوفون اشلون يطلع دوريهم من غير الملكي

Ruudy
08-12-2006, 16:56
تونا ببداية الدوري والجايات اكثر

عذب المشاعر
08-12-2006, 16:57
الله لايوفقك يا الطاهر

حسبي الله عليكم



حرام عليج لأتدعين على الريال عنده عيال وبنات:(

ســـاره
08-12-2006, 16:57
جووكم لاتستانس واجد هالسنه إذا الدوري مو للقادسيه إن شاء الله يارب للكويت

الملغوم
08-12-2006, 16:57
حسااافه تمنيها تعادل

لكن ما عليه

مبروك سالميه
هاردلك قادسيه

الانجــليزي
08-12-2006, 16:57
الله كريم :(

ســـاره
08-12-2006, 16:59
حسبي الله عليكم من أتحاد الله لايوفقكم وين مارحتوا عسى الله لايبارك فيكم ولا باللي سلمكم الدبره

الغيور
08-12-2006, 17:01
آآآآآآآآآآآآآه يالقهر .. في آخر دقيقه ..

بدر جمعة آآآآآآآآآآآه يالقهر

3arbawi_doom
08-12-2006, 17:01
لوووووووول ويقولون علينا مطقاقة بعد ,, جابلوا فريقكم أبرك ,,, هذي نتيجة الشماتة الله مايطق بعصى ومنها للأردى انشاءلله محليا وخارجياً

Ruudy
08-12-2006, 17:01
ويقولون الاتحاد قدساوي ..

ســـاره
08-12-2006, 17:03
لوووووووول ويقولون علينا مطقاقة بعد ,, جابلوا فريقكم أبرك ,,, هذي نتيجة الشماتة الله مايطق بعصى ومنها للأردى انشاءلله محليا وخارجياً


ماكو الا كلمه وحده تنقال لك انت مسكييييييييييييين ...

Mr.SaLmawii
08-12-2006, 17:04
هاردلك يالقدساوية ..

ماعليه تتعوض انشالله سهالات :)

الانجــليزي
08-12-2006, 17:05
لوووووووول ويقولون علينا مطقاقة بعد ,, جابلوا فريقكم أبرك ,,, هذي نتيجة الشماتة الله مايطق بعصى ومنها للأردى انشاءلله محليا وخارجياً

نخسر بصعوبه منهم .! نقول حلو نخسر بالحكام هم زين بس نخسر بالاربعه ونتعادل من الفحيحيل في مشكله وفي فرق .! ودعوتك مومقبوله منك .!
واكثركم ينطر اى شي على القـادسيه مو حبن فيه بس عشـان يهمكم أمره

Ruudy
08-12-2006, 17:06
لوووووووول ويقولون علينا مطقاقة بعد ,, جابلوا فريقكم أبرك ,,, هذي نتيجة الشماتة الله مايطق بعصى ومنها للأردى انشاءلله محليا وخارجياً
لوووووووووووووول طالعوا من يتشمت بس
والله وطلع لكم لسان
يبا القادسية يخسر .. مرة مرتين مو دوووم
وبعدين ما فيه فريق ما يخسر مو مثلكم حتى الفحيحيل ما قدرتوا عليهم
نشوفكم بالدرجة الاولى نيكست سيزن
مبرووك للسالمية والدوري نار
وهاردلك يالقادسية ومعوضه تونا ببداية الدوري
-----------
بالنسبة للخارجياً :
اوصل مواصيل القادسية بعدين تعال تكلم
اكبر الهزايم الكويتية خارجياً كلها مسجلة باسم العربي
8 7 6

كيفي كويتي
08-12-2006, 17:08
لوووول عرباوي دوووم الفحيحيل يسلمون عليكم :d لا ويقوولك الفحيحيل قوولوو عليهم قووول " دبل كيك " :d بس أخخخخ طلع تسلل :d

الملكي قااادر على النهوووض بأي وقت واذا نهض شفكم منه عاد ;) وانتو نشووفكم بدوري المظااااليم ;)

Mr.Barca
08-12-2006, 17:08
هاردلك للقادسيه. .

3arbawi_doom
08-12-2006, 17:09
بس لا اناديلكم سيرجيو الحين :p

قدساوي مكحل
08-12-2006, 17:09
لوووووووول ويقولون علينا مطقاقة بعد ,, جابلوا فريقكم أبرك ,,, هذي نتيجة الشماتة الله مايطق بعصى ومنها للأردى انشاءلله محليا وخارجياً

هذا وانت عضو محترف يعني كلامك
المفروض يكون ارقى من جذي بس ماعليه
هم ارد عليك واقولك احنا نتشمت مو على
الخسارة بس احنا تشمتنا على فريقكم بكبره
وعلى لعبه المرض والحمدلله على كل شي
لعبو وربك ما وفقهم , وهذا اللي ذابحكم
مشاركات الملكي الخارجية شلون واصلين هالمواصيل
وانتو حدكم الخرافي هاردلك لبني قادس يا كايدهم


بس لا اناديلكم سيرجيو الحين :p
واللي يرحم والديك نبي المشيفري بعد :)

دمتم بود

قدساوي_100%
08-12-2006, 17:11
هاااردك للقدساويه

والله يستر مع الاهلي

ســـاره
08-12-2006, 17:13
قدساوي مكحل ماعليه الحسد والحقد مقطعه تقطع مسكين ماينرد عليه ...

3arbawi_doom
08-12-2006, 17:14
الا على طاري رباعية السالمية وثلاثية كاظمة ,, يقولون القادسية بينافس على أقوى دفاع هالموسم بقيادة بافون(الكويت) بدر الجمعة ,, صج هالخبر ؟

وبعدين ننزل دوري المظاليم وانتوا قبلنا ترى الفرق بينا نقطتين بس وبتشوفون الفحيحيل اشبيسوي فيكم :p

يا شين الشماتة والله شفتوا شتسوي ؟ ودريتوا إنه الشماتة ترفع الضغط خصوصاً إذا فريقكم ماله علاقة بالمباراة وتيون تتشمتون بالفريق المنافس !! خسارتين 7 اهداف بأقل من أسبوع وانا واثق إن الأهلي السعودي بيعيد عليكم برباعية بعد على الأٌقل لأن مالك معاذ عينه على صدارة الهدافين !!

3arbawi_doom
08-12-2006, 17:18
سارة : أقول لا توجهين كلام شخصي بتكلمين تحجي عن العربي لا تتكلمين عني ما اعتقد مطيح الميانة وياج !!

وبعدين الله الشاهد عليي إني كنت أول من يهني القدساوية اذا فازوا خصوصاً بالبطولات الخارجية ومن قلبي والله ,, لكن عقب ماشفت (أخلاقكم) بعد كل خسارة للزعيم فهمت إني كنت غلطان ,, ومنها للأردى انشاءلله

قدساوي مكحل : اسلوبي ارقى اشلون يعني ؟ انا غلطت على أحد مثلاً ؟ كيفي مستانس ان فريقكم خسر مثل ماتستانسون إذا (زعيمكم) خسر عادي يعني !!

عاشــ ميلان ــق
08-12-2006, 17:20
هاردلك ماقصروا الشباب

وبصراحه وايد متفائل

والدوري توه طويل في مباريات اياب

ويعوضونها والظروف بدت تتعدل

والدوري قدساوي ان شاء الله

اصفر خلاب
08-12-2006, 17:22
حبيبي عرباوي دوم

اذا في شماته لنا عليكم

ماهي بس على مبارتين لكم او ثلاث

الشماته والسخريه على واقعكم كله
من نتايج اغلب الالعاب
الى اداراتككم الفاشله

الى جمهوركم العجيب
الى ردودكم هني

بعدين لاتقارن مبارتنا مع كاظمه والسالميه ومبارياتكم معاهم

العرض مختلف والنتيجه بعد والظروف

كثير من التعقل تحتاجه اخوي

الانجــليزي
08-12-2006, 17:22
الا على طاري رباعية السالمية وثلاثية كاظمة ,, يقولون القادسية بينافس على أقوى دفاع هالموسم بقيادة بافون(الكويت) بدر الجمعة ,, صج هالخبر ؟
وبعدين ننزل دوري المظاليم وانتوا قبلنا ترى الفرق بينا نقطتين بس وبتشوفون الفحيحيل اشبيسوي فيكم :p
تنزلون .! اكيد هالكلام مايبيله شي .

صج ليش انت تفكر بالدوري ولا بفضـل دفـاع وهجوم .! :rolleyes: وانت قـاعد تفكر بدوري المظاليم من الحين
لالا الفحيحيل مو يسوي شي جدامنه أحنـا لاتنسى توها المباراه أمس


يا شين الشماتة والله شفتوا شتسوي ؟ ودريتوا إنه الشماتة ترفع الضغط خصوصاً إذا فريقكم ماله علاقة بالمباراة وتيون تتشمتون بالفريق المنافس !! خسارتين 7 اهداف بأقل من أسبوع وانا واثق إن الأهلي السعودي بيعيد عليكم برباعية بعد على الأٌقل لأن مالك معاذ عينه على صدارة الهدافين !!
شكو الشماته .ّ انت لو ماهمك الاصفر مادشيت وقلت هالكلام الى خـاشه من سنين .! :rolleyes: نبي نشوفك لما يفوز الاصفر مانلقلكم بس لما يخسر تدشون المنتدى جنكم جيش هولاكو .! بكثرتكم .!
عزيزي تو النـاس على هالكلام ومباراه الاهلى هذي بدور الـ 8 لكـاس العرب .!!!!
افهمها .! المهم توني دريت انه الاصفر له ناس تفكر فيه ليل نهـار

slmawy
08-12-2006, 17:22
هيييييييييييييييييييييه هييييييييييييه السالمية



مبروك حق كل سلماوي و لكل من شجعنا

و هارد لك يالقدساويه

كيفي كويتي
08-12-2006, 17:26
يا جماعة بدر جمعة يتحمل قوول من الاقوووال ؟؟ اذا تسبب باحد الاقووال ترى مصخت لازم ينشال لي متى !

قدساوي مكحل
08-12-2006, 17:28
عزيزي تو النـاس على هالكلام ومباراه الاهلى هذي بدور الـ 8 لكـاس العرب .!!!!
افهمها .! المهم توني دريت انه الاصفر له ناس تفكر فيه ليل نهـار

صعبة شوي :D
الحمدلله ان للحين في مشجعين يهمهم اسم
الكويت قبل اي نادي ولا لو بننطر منهم
شي لا طبنا ولا غدى شرنا خلهم يعابلون بالخرافي

دمتم بود

3arbawi_doom
08-12-2006, 17:29
مسكين يالإنجليزي, والله إنها أول مرة ادش عقب اي خسارة للقادسية علشان تعرف إنك قاعد تتحجى وإنت مو فاهم شسالفة والدليل شوفني دشيت عقب خسارة كاظمة والا لا ؟؟ انا داش بوجه رسالة بس ان الشماتة مو زينة !! اذا بتعرف منو اللي مهتم بالفريق الثاني شوف مباراة العربي والسالمية ولا تناقض نفسك !!

اصفر خلاب : التعقل محد يحتاجه غيرك,, هذا اللي قاصر بعد !! انا متعقل وخالص

والا هذا رد متعقل : الشماتة مو على مباراتين والا ثلاث الشماتة والسخرية على واقعكم ,,, يعني ييت بتكحلها عميتها !!

وبعدين مطقوق 3 من كاظمة و4 من السالمية تقولي العرض مختلف !! اشلونك انت :o

3arbawi_doom
08-12-2006, 17:31
صدقني ترى استوعب بسرعة مو مثل بعض الناس :o أدري إنها دوري أبطال (العرب) مو (الكويت) ,, بس هم بالتوفيق للأهلي السعودي !!

الانجــليزي
08-12-2006, 17:33
مسكين يالإنجليزي, والله إنها أول مرة ادش عقب اي خسارة للقادسية علشان تعرف إنك قاعد تتحجى وإنت مو فاهم شسالفة والدليل شوفني دشيت عقب خسارة كاظمة والا لا ؟؟ انا داش بوجه رسالة بس ان الشماتة مو زينة !! اذا بتعرف منو اللي مهتم بالفريق الثاني شوف مباراة العربي والسالمية ولا تناقض نفسك !!

والله مادري منو المسكين .! :rolleyes: المهم دشيت بعد المباراه ولا مادشيت مايهمني .!
انا مالي شغل بالي تشمت والي تكلم عن المباراه .! المهم سلم على السوري وقوله شصار على أجازتي .! ومره ثـانبة لاتدش بعد خسارة القادسيه دش بعد الفوز عليكم :D

الانجــليزي
08-12-2006, 17:34
صدقني ترى استوعب بسرعة مو مثل بعض الناس :o أدري إنها دوري أبطال (العرب) مو (الكويت) ,, بس هم بالتوفيق للأهلي السعودي !!

احسن شي انك تستوعب بسرعه أحسن من غيرك .!

slmawy
08-12-2006, 17:35
يقولون راح يحطون الاعادة مالت المباراة


تقفون الي يعرف متى يقولي

3arbawi_doom
08-12-2006, 17:36
دام إنه مو هامك مو معناته (تخترع) حجي وتخورها !! وتقول إني عقب كل مباراة تخسرونها أدش وأتشمت !!

وموفقين انشاءلله في دوري الدرجة الأولى :p

اصفر خلاب
08-12-2006, 17:37
مسكين يالإنجليزي, والله إنها أول مرة ادش عقب اي خسارة للقادسية علشان تعرف إنك قاعد تتحجى وإنت مو فاهم شسالفة والدليل شوفني دشيت عقب خسارة كاظمة والا لا ؟؟ انا داش بوجه رسالة بس ان الشماتة مو زينة !! اذا بتعرف منو اللي مهتم بالفريق الثاني شوف مباراة العربي والسالمية ولا تناقض نفسك !!

اصفر خلاب : التعقل محد يحتاجه غيرك,, هذا اللي قاصر بعد !! انا متعقل وخالص

والا هذا رد متعقل : الشماتة مو على مباراتين والا ثلاث الشماتة والسخرية على واقعكم ,,, يعني ييت بتكحلها عميتها !!

وبعدين مطقوق 3 من كاظمة و4 من السالمية تقولي العرض مختلف !! اشلونك انت :o


التعقل صفه يبدو تجهلها تماما

هذا واضح من ردودك وقرائتك للاحداث

عندما تقارن خسارتنا من كاظمه وننحن ناقصين تسع لاعبين بمباراتكم التي كانت اشبه بمباراه فقط للاحتجاجات

هذا نوع من البلاهه

وعندما تقارن خسارتنا من السالميه بفارق هدف وباخر الوقت بخسارتكم بفارق هدفين ومستوى متواضع
هذا نوع من الغباء

وعندما تتشمت انتقاما لشماتتنا التي تدعيهاا

هذا نوع من الحقد والحسد

slmawy
08-12-2006, 17:41
شباب بسكم مناجر و هواش , هدو شوي

السوالف هذي مالهه اي صله بالموضوع

مبروك للسالمية وهاردلك للقادسيه

3arbawi_doom
08-12-2006, 17:42
خلاب : شكلك مبطل كتاب (أساطير الفلسفة) وتسوي كوبي بست ماعلينا ,, ترى ماخذ مادتين فلسفة قبل ,, تتوقع أقدر أقايش وياك :p

لا ويا كاظمة ماكنتوا ناقصين 9 لاعبين كنتوا تلعبون بفريق تحت 15 انا شفت المباراة اشفيك !!

اصفر خلاب
08-12-2006, 17:47
خلاب : شكلك مبطل كتاب (أساطير الفلسفة) وتسوي كوبي بست ماعلينا ,, ترى ماخذ مادتين فلسفة قبل ,, تتوقع أقدر أقايش وياك :p

لا ويا كاظمة ماكنتوا ناقصين 9 لاعبين كنتوا تلعبون بفريق تحت 15 انا شفت المباراة اشفيك !!

المسئله مو بالكيف

كل مانقص الفريق قلتو القدساويه يبالغون

واذا غاب منكم لاعب لمدة سنتين تلطمون عليه

حبيبي اذا ماتعرف اسماء الاساسيين والاحتياط فهذي مشكلتك

او اعتقد انك ماتعرف الاحتياط من الاساسي لان عندنا فريق متكامل عكس فريقكم اللي بيبله تسريح

بشهادة جمهوركم

اليوفي
08-12-2006, 17:50
هاردلك للقادسيه ..

للحين باقي وقت ان شاء الله .. والدوري طويل :)

جمال مبارك + بدر الربيعه .. ناطرين اعتزالكم بأقرب وقت ..

*والله والله والله قول السالميه الرابع فاول حق جمال مبارك .. قاسم حمزه طوفها !!

قدساوي_100%
08-12-2006, 18:00
3arbawi_doom
يمدحون الطب النفسي ترى

روح عالج نفسك من عقده القادسيه

قدساوي_100%
08-12-2006, 18:06
يقولون راح يحطون الاعادة مالت المباراة




تقفون الي يعرف متى يقولي

ان شاءالله اليوم الساعه 9 ونص

Faisal Kamal
08-12-2006, 18:52
الخالدي ليش مايلعب ؟

slmawy
08-12-2006, 19:07
ان شاءالله اليوم الساعه 9 ونص



حبيبي مشكوووووووووووووووووووور ....

والله طحست و انا ادور

و هارد لك قدساوي

قدساوي مكحل
08-12-2006, 19:15
ان شاءالله اليوم الساعه 9 ونص

زين عرفنا متى بيلعبون الحمدلله
بس ما قلتولي متى بيتسكر الموضوع :D
لان في ناس ما تحب تشوف الفرق الثانية
تفوز وتحاول تخرج عن النص عشان يتسكر

دمتم بود

mazuonah
08-12-2006, 19:40
الحمدلله على كل حال

و القادم اجمل يارب

Claudio Mendez
08-12-2006, 19:47
3arbawi_doom ..

مو جذي عاد مو جذي :o:D ..

..

انا قلت سيرجيو راح تكون له كلمه :/ !


هاردلك للقادسيه .. دام الإتحاد مايخدمكم .. انسوا هالبطوله وشدوا الحيل بالباجي :/

قدساوي_100%
08-12-2006, 19:52
قناة الفلس

المفروض يحطون المباراة اعااده

؟؟؟؟؟؟؟

Claudio Mendez
08-12-2006, 19:54
نطروا الاخبار وشوفوا الأقوال وخلاص خوو :p

slmawy
08-12-2006, 19:56
مرت 30 دقيقـه

والنتيجـه ليلحيـن 2/0 للاصفـر

وتشجيع متواصل من الجمهور القدساوي

وسكوت من الجمهور السلماوي المقدر عددهم بـ 10 نفرات http://www.qadsiafans.com/fans/images/smilies/tongue.gif

منقـوول ..


توني اشوف هالرد .....

اقول حجي من صجك 10 نفرات ؟!؟!؟

ولا تتغشمر ؟!؟!؟

مو سامعهم بالراديو هازين الملعب هز ؟؟؟

اقول بس صل على نبي

و هارد لك

slmawy
08-12-2006, 19:58
قناة الفلس

المفروض يحطون المباراة اعااده

؟؟؟؟؟؟؟


اي ان شاء الله بيحطونهه 9 ونص على كويت بلاس

قدساوي_100%
08-12-2006, 19:58
نطروا الاخبار وشوفوا الأقوال وخلاص خوو :p
الاخبار الساعه 10 هذا التعودنا عليه من قناة الفلس

للحين مافي شي :@

قدساوي مكحل
08-12-2006, 19:59
توني اشوف هالرد .....

اقول حجي من صجك 10 نفرات ؟!؟!؟

ولا تتغشمر ؟!؟!؟

مو سامعهم بالراديو هازين الملعب هز ؟؟؟

اقول بس صل على نبي

و هارد لك

الحمدلله عالسلامة توك تشوفه
جان نطرت القسم الثاني ورديت عليه :)
كلاوديو من كثر ما صارخ حمد بوحمد حابين نشوف اللعب

دمتم بود

slmawy
08-12-2006, 20:00
حاس سيرجيو له كلمه بهالمباراه !


لوووووووووووووووووول شدراااااااك , صج انك عرباوي ؟!؟!؟!؟:confused:


والله تنفع يحطونك بقناة الراي بدال ام علي , يسمونك المتنبأ كلاوديو :p

slmawy
08-12-2006, 20:04
الحمدلله عالسلامة توك تشوفه
جان نطرت القسم الثاني ورديت عليه :)
كلاوديو من كثر ما صارخ حمد بوحمد حابين نشوف اللعب

دمتم بود


اي مو قتلك توني اشوفه , كنت قاعد اسمع المباراة :p ,

بس ما جاوبت سؤالي : كانوا عشرة ولا قاعد تفلم ؟

Claudio Mendez
08-12-2006, 20:07
سلماوي ..

انا ناقص يدقون يسبوني بعد ويسموني ساحر :/ .. وهذي موهبه ربانيه :D :p

..

صاحبي كان بالمباراه .. يقول نواف المطيري احتج على الحكم .. جان يدزه قاسم حمزه !

تكفون من متى الحكم يمد ايده على لاعب :/

قدساوي مكحل
08-12-2006, 20:07
:)
لا تتبلى علي سلماوي انا ما تكلمت
عندك قدساوي 100% تفاهم معاه :D

دمتم بود

قدساوي مكحل
08-12-2006, 20:10
سلماوي ..

انا ناقص يدقون يسبوني بعد ويسموني ساحر :/ .. وهذي موهبه ربانيه :D :p

..

صاحبي كان بالمباراه .. يقول نواف المطيري احتج على الحكم .. جان يدزه قاسم حمزه !

تكفون من متى الحكم يمد ايده على لاعب :/

:confused:
تتكلم جد كلاوديو ولا عم تمزح ؟؟؟
خبري اللاعب يمد ايده عالحكم ويطرده
بس الحكم بهالحالة منو يطرده
بس اذا صج هالسالفة ننطر المراقب بكافيه
رياضي شراح يقول عنها

دمتم بود

slmawy
08-12-2006, 20:17
:)
لا تتبلى علي سلماوي انا ما تكلمت
عندك قدساوي 100% تفاهم معاه :D

دمتم بود

لووووول سوري تخربطت بأساميكم حسبالي انت الي كنت كاتب لأنه شفتك رديت علي :>


كلاوديو

لووووووووول اهم شي موهبة

Claudio Mendez
08-12-2006, 20:18
اي والله هذا اللي قالي اياه صاحبي :/ !

David Villa
08-12-2006, 20:18
مبروك يالسلماويه..
-
الشمـاته وماتسوي!

U-Turn
08-12-2006, 20:29
اوووه توهم بينوا

صارلهم اسبوعين مختفين :p

شمسوي فيهم يالاصفر

الكويتاوي
08-12-2006, 20:35
مباراة صخر معني ماشفتها
انا ركبت السياره وسمعتها بالراديو اخر 25 دقيقه ، كانت النتيجه 3-2 للسالميه
وصلت البيت والمباراة ماخلصت ( قعدت بالسياره اسمع المباراة لما انتهت ) من قوتها
حمد بوحمد المعلق اللي دايم ننتقده اليوم بدع وماسكت ( معنه كان غير حيادي ، لما حطوا القادسيه التعادل قام يصارخ قووووووووووووووووووووووووووووول ولما السالميه حط الرابع ( قول قول للسالميه ويقولها ببرود ) صحيح ابن نادي القادسيه لكن المباراة منقوله لجمهور السالميه والقادسيه ولازم يكون حيادي

عموماً الف مبروك للسالميه وهاردلك للقادسيه واتوقع انها افضل مباراة بالموسم

abdal
08-12-2006, 20:51
مبروك للسالميه
وهارد لك للقادسيه والله يوفق الفريقين في هالموسم الحالي

Q8_HaZrD
08-12-2006, 21:04
هاااردلك .. !!

القادسـيه يكـسر الخـاطر .. !!

King Piero
08-12-2006, 21:07
انتظروا الكلمة المعهوده ... الحكم ضدنا .. نلعب بالصف الثاني

Abdullah Bloushi
08-12-2006, 21:25
قود لك للسالميه وهاردلك للقادسيه

David Villa
08-12-2006, 21:31
انتظروا الكلمة المعهوده ... الحكم ضدنا .. نلعب بالصف الثاني
لا هالمره طبوا بالاتحاد! :D

bo3esa
08-12-2006, 21:32
مباراة قمبله صخرررررر والدوري إن شاء الله نار عندنه بس وين الإعلام عن هالمباريات ؟

أهداف برازيليه بحته

قول ماجد مصطفى إسمحلييييييي


القول الرابع هههههه

bo3esa
08-12-2006, 21:34
أووووووووه نسيت

مبروك لسالميه
وهاردلك القادسيه


اللي حببني بالسالميه هالموسم روحهم

أخييييييييييييييييه ذكرتني بروح الزعيم على أيام أسامه

كيفي كويتي
08-12-2006, 22:00
بدررررررررررررررررر الربيييييييييييييييعه يالنجللللللللللللللللللللللللللللللللللللللللللللل لللللللللللللللللللللللللللللللللللللللللللللللللل لللللللللللللللله

بالللللللللللله هذا قووووووووول الراااااااااااابع !!!!!!!!!!!!!! انا ما شفت باقي المآآآآآآسي شفت القوووول الراااابع بس والله انه حاااارس نااااااااشىء يعرف يتمركز بالقووووول احسن من جذذذذذذذذذذذذي !!!!!!

لوووووول كله بصوووب وهالمشجع اللي دخل الملعب يلم سيرجيو بصوووب

بوناصر
08-12-2006, 22:00
هاردلك للقادسيه ، ومبروك للسالميه

السالميه لعب بشكل جيد ويستحق الفوز ، والقادسيه أيضا لعب بشكل جيد ولكن هذي الكره فوز وخساره !! ، لكن لي ملاحظه على خط الدفاع بالفريقين ! ، دفاع القادسيه والسالميه ضعيف ضعيف بشكل لا يصدق !! ، الأهداف اللي دخلت بالمباراه 7 والأهداف المحققه اللي ضاعت يمكن 10 !!

مابي أتكلم عن دفاع السالميه ، أبي أتكلم عن دفاع فريقي بس ، شفيكم !! ، جمال مو هذا مستواك اللي عودتنا عليه ! ، مساعد أقل من عادي ، النمش عادي ، فايز بندر بروحه يلعب بالدفاع وشال كور كثر مايقدر لكن إيد وحده ما تصفق !!

بدر الجمعه ، ماعليك من كلام البعض ، والله العظيم إن ولا هدف اليوم إنت تتحمله !! ، إي نعم مستواك مو زين بالفتره الأخيره ، لكن الـ4 أهداف غلطات دفاعيه !! ، الهدف الأول كورنر يرد من الدفاع ياخذها لاعب السالميه ويشوتها ولا أحد يضايقه ! ، الهدف الثاني إنفراد ! ، الهدف الثالث بلنتي إنت سويته لكن بسبب غلطة جمال اللي ترك الكره ! ، والهدف الرابع هم شبه إنفراد وطقت الكره مساعد وراحت فوق وحاولت إنت وفايز تشيلونها لكن ما قدرتوا ! ، شد حيلك مع الأهلي ، وماعليك من كلام الناس اللي يدورون أي شي عشان يقطون الخساره عليه !!

ملاحظه : إحنا ما نشتكي من التحكيم إلا لما "يشقنا" ! ، واليوم التحكيم ما كان زين على الفريقين ، لكن بوجهة نظري ما غير بنتيجة المباراه ، والسالميه يستاهلون الفوز !

كويتاوي 2004
08-12-2006, 22:19
مباراة قمة
هدف ملغي للسالمية ومطالبة السالمية بضربة جزاء ضد بشار عبدالله بالشوط الأول
الهدف الرابع للسالمية كان في فاول سواه سيرجيو قبل لا يسجل ، مسك جمال مبارك وانفرد وسجل الهدف .
بدر الجمعة ما يتحمل ولا هدف .

ســـاره
08-12-2006, 22:25
3arbawi_doom ..

مو جذي عاد مو جذي :o:D ..

..

انا قلت سيرجيو راح تكون له كلمه :/ !


هاردلك للقادسيه .. دام الإتحاد مايخدمكم .. انسوا هالبطوله وشدوا الحيل بالباجي :/


ليش الاتحاد بالعاده يخدمنا يعني ممكن تعطينا أدله ولا انت من كثر الحره اللي بصدرك تتكلم جذي !!!

ikarosY
08-12-2006, 22:31
بطيناهم
:salmiya:

بوناصر
08-12-2006, 22:58
أخواني السلماويه

تستاهلون الفوز ، ومن حقكم الفرح بفوز فريقكم ، وبغض النظر إن الفوز هذا أول فوز للسالميه على القادسيه من 6 مواسم ! ، إلا إن الفوز بحد ذاته شي حلو مثل ماقلت من حقكم تفرحون فيه ، لكن مو من حقكم التقليل من القادسيه وجماهيره ! ، ولا تنسون إن لغاية الدقيقه 90 كانت النتيجه تعادل !

ومبروكين الفوز !

Faisal Kamal
08-12-2006, 23:05
المباراة انتهت ومبروك للسالمية وهاردلك الأصفر ..
ياريت محد يطلع عن موضوع المباراة شباب :)

Claudio Mendez
08-12-2006, 23:24
ليش الاتحاد بالعاده يخدمنا يعني ممكن تعطينا أدله ولا انت من كثر الحره اللي بصدرك تتكلم جذي !!!

وانتي يايه تطلعين حرتج فيني ككككك !

القادسيه طلب تأجيل المباراه .. والإتحاد " عاند " !

يعني بإختصار كبري عقلج شوي ..

..

الأهداف متعه ورب الكعبه !

بس قول سيرجيو صحييييييح !! من وجهة نظري ..

وجنه في بلنتي للسالميه الشوط الأول .. لأنه دش على ريله وماحاش الكره كللللش ..

Immortal
08-12-2006, 23:26
هاردلك الملوك.. تو الناس الدوري طويل ومردوده انشالله ;) ..

اسـتـبـرق
08-12-2006, 23:52
هاردلك
نتمنى تكون اخر العثرات ويصحى القادسيه

شنو تردد نقل المباراه اذاعيا ؟؟؟؟؟؟

Salmiya Fan
09-12-2006, 00:08
هاردلك حبايبنا القدساوية...
مثل ما قلت لكورفت اهم شي نشوف مباراة حلوة يقدمها الفريقين...
و على قولة السهلي...الحلو مايكمل هههه...:o

المهم/ صراحة انا واحد ما قدرت امسك اعصابي...!!!
و القادسية اليوم اداء جميل جدا...!

هاردلك مرة اخرى...
و مبروك لنا...


بوناصر...امسحها بويهي..!.!

Salmiya Fan
09-12-2006, 00:09
هاردلك
نتمنى تكون اخر العثرات ويصحى القادسيه

شنو تردد نقل المباراه اذاعيا ؟؟؟؟؟؟

AM : 1100 MHZ

KinG^BaLL
09-12-2006, 00:21
قدلك السماوي
..
هاردلك الاصفر
..

:)

Fahad
09-12-2006, 00:35
مباراه ممتعه حتى الثماله !

الفريقين ضيعوا كوده فرص ما تتضيع !!

القادسيه ضيعوا أكثر من هجمه سهله كانت كفيله بالخروج فائزين . . والسالميه نفس الشي بزياده الغله !

أما سيرحيو !! هذا محترف من عالم ثاني . . جني أشوف غلاوسيو يديد بالدوري عندنا !!

عليكم بالعافيه فيه يالسلماويه صفقه كبيره وحلوه !

ومبروك للسلماويه الفوز . . وهاردلك لجماهير بني قادس

الوضع مايطمن . . خسرنا 6 نقاط من البدايه وهذي مو عوايد القادسيه بالمواسم الأخيره !!

بوناصر
09-12-2006, 00:42
هاردلك حبايبنا القدساوية...
مثل ما قلت لكورفت اهم شي نشوف مباراة حلوة يقدمها الفريقين...
و على قولة السهلي...الحلو مايكمل هههه...:o

المهم/ صراحة انا واحد ما قدرت امسك اعصابي...!!!
و القادسية اليوم اداء جميل جدا...!

هاردلك مرة اخرى...
و مبروك لنا...


بوناصر...امسحها بويهي..!.!

لا يا سالميه فان ما امسحها بويهك ولا شي ! :) ، عادي والله كلنا اخوان وهذي الكره فوز وخساره ، والسلماويه من حقهم يفرحون بمستوى فريقهم اللي تغير 180 درجه عن مستواه بالخرافي ! ، لكن كل اللي نتمناه إن ما نبالغ وايد بالفوز ونغلط على غيرنا ! :) ، ومبروكين الفوز تستاهلون !

David Villa
09-12-2006, 00:43
أما سيرحيو !! هذا محترف من عالم ثاني . . جني أشوف غلاوسيو يديد بالدوري عندنا !!

سيرحيو منو بعد! :D

عذب المشاعر
09-12-2006, 00:44
مبروك للسالميه

وهاردلك للقادسيه وان شاء الله القادسيه يعوضها جدام الأهلي السعودي

كويتاوي ما يغلبونه
09-12-2006, 01:42
مبروووووك للسالمية و يعوضها الاصفر البطولة العربية:)

scheelite
09-12-2006, 02:52
هاردلك خسارة الملكي ومبروك عليكم الفووووز ,, تستاهلون :)

NADER
09-12-2006, 03:18
في بلنتي حق بشار ماحسبها قاسم حمزة .

الغيور
09-12-2006, 06:07
ما عليه الدوري توه في بداياته الاسبوع الثالث

وان شاء الله يعوضونها عيال الملكي

الـعبيدي
09-12-2006, 08:38
مبروك للسلماويه
هاردلك للقدساويه

اسـتـبـرق
09-12-2006, 12:05
شكرا سالميه فان

Abo_Ahmad_k
09-12-2006, 12:58
مبروك للسالميه وهاردلك للقادسيه ,,,,
مباراه ممتعه جدا سيطره قدساويه وتسجيل هدفين بغلطات دفاعيه بحته ,,,,
وسيطره سلماويه وتسجيل هدفين بغلطات دفاعيه ,,,,,
الشوط الاول كان افضل من الشوط الثاني بكل شئ,,,,,,
الى كل قدساوي بدر جمعه ماله شغل باي هدف تسجل عليه امس حاسبو جمال مبارك ومساعد ندى ,,,, الاول مقص مايقدر عليه والثاني انفراد والثالث بلنتي والرابع تغير اتجاه الكره ,,,,
محمد ابراهيم انا اتوقع انه هو الي ضيع على فريقه المباراه او التعادل ياخوي متقدم 2/0 موت الكره لازم تستمر على نفس الاسلوب فتح دفاع فريقه ,,,, السالميه كان متقدم 3/2 وفي اي لحظه كان القادسيه يقدر يسجل يروح يسحب النمش وينزل خلف السلامه ليش تبي تلعب هجوم على حساب الدفاع مايصير ,,,, وبعد التعادل ينزل محمد راشد مكان محمد مبارك وبالاساس بعد تغيير النمش رد محمد مبارك بمكان مساعد ,,,,, محمد ابراهيم باعها على حساب فريقه ,,,,
احمد العيدان الف علامه استفهام على مستواك ,,, سيرجو غير وبشار لقى من يفهمه بالملعب وان شاء الله نشوف بشار الاولي ,,,,