المساعد الشخصي الرقمي

مشاهدة النسخة كاملة : الدوري السعودي " يوم بعد يوم " يثبت انه الأفضل عربيا



آوووه يا سعودي
23-02-2007, 11:51
بصراحه نحن محسودين على هذا الدوري

دوري شرس بمعنى الكلمة . . . اشبهه بالدوري الانجليزي بالرغم ان الفارق بينهم كبير


حضور جماهير كبير .. والإعلام المقروء مشعللها .. وتغطية كبيره عبر قناة art

وشغب جماهيري تعامل معه الاتحاد السعودي بشكل ممتاز ..


مباريات قمة في الإثارة ...... مستوى واداء رائع على مستوى الحدث ...


اهداااف خرااافيه وقاتله ... ومحترفين على مستوى عالي


مباريات لا تتعدى ثلاثة نقاط .. كانت بمثابة نهائي


وكأس ولي العهد اشعلها بقوة ... بنظام خروج المغلوب .. يالله ياهي مباريات اعصاب

ويكفي ما ذكره المعلق العربي التونسي الكبير عصام الشوالي عندما امتدح الدوري السعودي بأقوى دوري عربي

بالتوفيق للدوري السعودي ......... وان شاء الله ينعكس هذا على اداء المنتخب

armadaa
23-02-2007, 12:28
انا معك ان الدوري هالموسم غير ..

اللي لفت نظري ان النجوم المحلية صاروا اكثر ..
خاصة مع الفرق الصغيرة ..

السبيعي مع الحزم ..
الزهراني مع الفيصلي ..
ونجوم الوحده الشباب ..



اشبهه بالدوري الانجليزي

حنا وياهم دايم دورينا فيه تاجيل ولخبطة

روعة سعودي
23-02-2007, 13:21
هين ذي محد يختلف عليها , الدوري السنه احسن من العام عالأقل ,

وفيه مفاجأت محد توقعها ,


ونجم الموسم للحين الوحده ولاعبينه ,

سعودي 2006
23-02-2007, 13:29
الدوري قوي ...

لكن اللي ينتقد الدوري خصوصا من ... النصراويين - الاتحاديين

هذولي يا طويل العمر من كثر ما ينرقعون في الدوري ... يقولون الدوري غير قوي وينتقدون الاتحاد السعودي والحكام والقنوات الرياضية :)

HiLaLy
23-02-2007, 14:19
فعلا دورينا ممتع وقوى
وافضل فرق هالموسم الهلال والوحدة...

صعـــب
23-02-2007, 16:13
فعلا الدوري قوي الموسم هذا لاحظ فارق الاهداف بين الفرق كلها تشبه الفترة الذهبية للكرة السعودية! يمكن هذا دليل على عودة الكورة عندنا مثل التسعينات ان شاء الله ......

الأتي ياكلك
23-02-2007, 20:03
فعــــلا الـــدوري السنتين ألي طافت قمــــة في كل شيء


وأفضل ثلاث جماهير هذي السنه جمهور الأهلي والهلال و النصر

عبدالإله
23-02-2007, 20:36
8
8
8

يوووووووه يا قدم توقيعك يا الإتي :d .. تبيعه ؟!!

owid
24-02-2007, 00:11
مادري ماقدر احكم السنة اللي طافت ماشفت الدوري السعودي خير
شر
لكن يبدولي ان هالسنة جدا رائع خصوصا من خلال الاثارة
والتنافس وعدم معرفة الفايز حتى في مقابلة الفرق الضعيفة
غير الحضور الجماهيري

فتكم بعافية

@الوزير سوبر تنده@
25-02-2007, 01:19
هذا ان دل علي شي فهو يدل علي انه الدوري السعودي اقوي دوري في اكبر قاره الاوهي قاره أسياء الدوري السعودي يتمتع بالحضور والنجوم والفنيات والدوري السعودي مايحتاج الي الاعلام الاعلام هو الي يحتاجه
ماهو مثل الدوري القطري الفرقعه الاعلاميه الي صاجينا فيه ومبارايتهم الحماسيه مافيه بالمدرجات الااثنيين واحد يدق والثاني يروس استغفر الله وكل يوم طالعيين لنا الريان والخرافه وفعل الخرافه وانفجر السد واذا تابعت المباراه تسمع اصوات السيارات الي خارج الملعب اللهم لاشماته


ودمتم سالميين

owid
25-02-2007, 01:23
الوزير سوبر تندة:confused:
وش تندتة:)
المهم ماعلينا الله يحيك ضيف جديد في المنتدى الله يستر من تاليتك هجوم مرعب يابن الحلال ماعندك وقت:) من اولها
بس نكك عجيب تبيعة:o


فتكم بعافية

@الوزير سوبر تنده@
25-02-2007, 01:55
ياهلا فيك اخ عواد

اول شي انا لساني لسان الحق وزهقا للباطل لاتخاف

ومن ناحيه النك تراني مأوقفه الا في قراش البيت اخاف لايسرق

ودمت سالم ياخي العزيز

الأتي ياكلك
25-02-2007, 14:38
هذا ان دل علي شي فهو يدل علي انه الدوري السعودي اقوي دوري في اكبر قاره الاوهي قاره أسياء الدوري السعودي يتمتع بالحضور والنجوم والفنيات والدوري السعودي مايحتاج الي الاعلام الاعلام هو الي يحتاجه
ماهو مثل الدوري القطري الفرقعه الاعلاميه الي صاجينا فيه ومبارايتهم الحماسيه مافيه بالمدرجات الااثنيين واحد يدق والثاني يروس استغفر الله وكل يوم طالعيين لنا الريان والخرافه وفعل الخرافه وانفجر السد واذا تابعت المباراه تسمع اصوات السيارات الي خارج الملعب اللهم لاشماته


ودمتم سالميين

مـــــو مثل كذا تأتي الردود ياخوي

إحتراامك لدوري خليجي راائع مثل الدوري القطري يعبر عن إحتراامك لدوريك

ومن جاب سيرة دوري النجوم

Smooth criminal
25-02-2007, 14:57
صراحه الدوري السعودي دوري مميز ومستواه عالي ......بس ناقصه تحسين الملاعب.

C@$h B0X
25-02-2007, 15:12
غدا يصبح القمر بدرا .... وتنتهي حياتك يا smooth

وش عنده دوق فليد :p
اخبار لوست بلانت للحين يعلق بجهازك ؟

Smooth criminal
25-02-2007, 15:20
وش عنده دوق فليد :p
اخبار لوست بلانت للحين يعلق بجهازك ؟

قلبت الجهاز وداخله لوست بلانت ويتشلخ عدل ......!!

بروح اشتري واحد ثاني.........اللعبه تستاهل والله.

owid
25-02-2007, 17:49
ياهلا فيك اخ عواد

اول شي انا لساني لسان الحق وزهقا للباطل لاتخاف

ومن ناحيه النك تراني مأوقفه الا في قراش البيت اخاف لايسرق

ودمت سالم ياخي العزيز
لوووووووول رجعنا لطاري عواد والله ماني عواد ولا عويد ولا عويض شوفو الاسبيلنج زين OWEED <هذا كذا عويد طفشتنونا ترا:D ..
الله يحييك اخو عزيز

فتكم بعافية