المساعد الشخصي الرقمي

مشاهدة النسخة كاملة : ياحنين يالاتحاد السعودي .... ايقاف المطلق شهر !!



سعودي 2006
26-02-2007, 21:39
السلام عليكم ...


تم رسميا ايقاف الحكمين علي المطلق وابراهيم النعمي شهرا لاخطائهما في مباراة النصر والفيصلي ..



جوال جريدة الجزيرة :::






ياحنين يالاتحاد السعودي ...

ايقاف شهر ... بعد كل هالمهازل اللي سواها المطلق في مباراة الفيصلي ..

الغاء هدف صحيح للفيصلي + ضربة جزاء غير صحيحة بتاتا للنصر احتسبها ..

في المقابل فايز الكابلي تم ايقافه 7 شهور بسبب هدف اختلف على صحته اكثر من محلل تحكيمي .. .

owid
26-02-2007, 23:10
انا مادري وش فلسفة الاتحاد السعودي من الوقف؟؟
هذا الحكم كذا مرة يوقف هل استفاد
اذا استفاد فالتجارب جيدة لة اما كل شوي والسالفة بس اخماد فورة
غريب؟!؟


فتكم بعافية

ظفيرية هلالية
27-02-2007, 01:11
عمى انشالله يعميهم!! وش اللي شهر ؟!

حكم يتحيز بوضوح لم نعهده في ملاعبنا .. وعيني عينك يلغي هدف للفيصلي ويعطي أبو طيحه بلنتي خيال وبالاخير شهر يوقف !!

اييييييييييه الله يعين !

خيال الأزرق
27-02-2007, 02:28
كالعاده من رعاية الهلال واتحاد الكوره .. يرهب الحكام لمصلحة الهلال ممنوع تحسب بلنتي لنصر لأيكون 100 % بلنتي ويوقفون هذا الحكم شهر ..
لم يشاهدون مايعمل خليل جلال وبقية الحكام للهلال .. كل شئ لنادي الحكومه

Counter_Attack
27-02-2007, 03:11
ويعطي ابو طيحه بلنتي خيال

مثل ماحكم مباراة الاهلي والهلال اعطى الهلال بلنتي خيالي
وحكم مباراة السعودية والعراق اعطانا بلنتي خيالي
وقتها طبلنا وقلنا هذا ذكاء والحرب خدعة و و و و
والحالتين في نهاية الامر .... هدف غير صحيح وبلنتي غير مستحق وفوز غير مستحق يعني فوز بالاونطة على رأي المصارية :p :D

لكن في حالة النصر لم يؤثر على النتيجة وفاز الفيصلي ( الفريق المتضرر ) بعكس الحالتين السابقتين ;)

ظفيرية هلالية
27-02-2007, 03:20
بس بلنتي عن بلنتي يفرق ..

عبدالرحمن البيشي طاح طيحه مالها سنع وواضحه انها تمثيل وحسبها بلنتي ..

بلنتي سامي مع الاهلي الى يومك وانا كلما شفت اللقطه ما أقدر احكم هي بلنتي أو لا .. ياخي هذا سامي أي شي يسويه يتقنه.. حتى تمثيله حقيقي .. فديته ابوعبدالله :d

خيال الأزرق
27-02-2007, 03:22
بس بلنتي عن بلنتي يفرق ..

عبدالرحمن البيشي طاح طيحه مالها سنع وواضحه انها تمثيل وحسبها بلنتي ..

بلنتي سامي مع الاهلي الى يومك وانا كلما شفت اللقطه ما أقدر احكم هي بلنتي أو لا .. ياخي هذا سامي أي شي يسويه يتقنه.. حتى تمثيله حقيقي .. فديته ابوعبدالله :d
هههههههه ماتركب الهلاليه يسون نفسهم مظلومين هههههههههه

Abo_Ahmad_k
27-02-2007, 03:34
بس بلنتي عن بلنتي يفرق ..

عبدالرحمن البيشي طاح طيحه مالها سنع وواضحه انها تمثيل وحسبها بلنتي ..

بلنتي سامي مع الاهلي الى يومك وانا كلما شفت اللقطه ما أقدر احكم هي بلنتي أو لا .. ياخي هذا سامي أي شي يسويه يتقنه.. حتى تمثيله حقيقي .. فديته ابوعبدالله :d
طاش ماطاش محتاج ممثلين جدد ارسلي سامي لعبدالله وناصر يمكن يلعب دور ولد الشيريا :p

Counter_Attack
27-02-2007, 03:38
بس بلنتي عن بلنتي يفرق ..

يفرق والا يسرق
الخطا خطأ .. والصح صح


وبعدين الاعلام الهلالي انتقد ايقاف الكابلي وقالو ان هذه اخطاء تقديرية غير مقصودة ليش يتعاقب عليها الحكام وان العقوبة ترسخ مفهوم ان الحكم قاصد الخطأ وتشكيك في نزاهته و و و

يمكن الاتحاد السعودي سمعو كلامهم وراعو ان الاخطاء تقديرية وان الحكام بشر ;) :d

مو معقول تدافعون عن التحكيم وتنتقدون من يتكلم عن التحكيم واخطاء التحكيم ويشكك في الحكام لما تكون في مصلحتكم واذا جات في مصلحة غيركم او ضدكم تكونون اول من يخالف كلامكم ويبدا الهجوم على الحكام والتشكيك فيهم !!!

آوووه يا سعودي
27-02-2007, 04:12
الاتحاد السعودي الله يعينه على نفسه

ما ادري هل قرارات الإيقاف ومبدأ العقوبة على نظام واحد او ان المسألة راجعه لنفسية متخذ القرار ؟؟

وقضية الإيقاف هل هي في مصلحة الحكم من ناحية تطوير المستوى ؟؟ او المسألة مجرد عقوبة فقط مع المحافظة على نفس المستوى ؟؟؟


ما اقول إلا كان الله في عون الحكام السعوديين اخطاء بشريه تكلفهم الشيء الكثير

السحابة 9
27-02-2007, 09:35
أكبر فائدة استفدتها من هالموضوع إني اكتشفت إن في أحد مشترك بجوال جريدة الجزيرة :) :)

سعودي 2006
27-02-2007, 14:14
كالعاده يصرفون الموضوع ...

وش جاب سامي ومباراة الاهلي وجوال الجزيرة :p

3arbawi_doom
27-02-2007, 15:23
لووول على اخر الزمن مابقى الا الهلاليين يتكلمون عن التحكيم !! 90% من بطولاتكم معروفه طريقتها ;)

وبعدين المطلق حسب بلنتي غير صحيح لكنه طرد (إثنين) من فريقنا !! في شنب سواها مع الهلال ؟ حتى المباراة الأخيرة الحكم طرد اثنين من الهلال بعدين حسب هدف غير شرعي للهلال وطرد من الإتحاد يعني مستحيل تنظلمون

ظفيرية هلالية
27-02-2007, 16:18
8

8

يعني لازم ننبرش ونكسر ونلعب زيكم عشان ينطرد منا اثنين !
ياخوك مو ذنب فريقنا انه يلعب كرة قدم ممتعه وليس ملاكمة :rolleyes:

لما نلعب مثل لعبكم ذيك الساعه يطردون منا اثنين وثلاثه واربعه عـادي.!!