المساعد الشخصي الرقمي

مشاهدة النسخة كاملة : نادي النصر



Mafi Da3i
02-03-2007, 14:17
اول مشاركة لي في هالمنتدى حبيت ان اكتبها في قسم الكرة السعودية

مع اني مب سعودي بس احب هالدوله واحترم شعبها واعشق كرتها


اول ماعشقت شي اسمه كوره حبيت الدوري السعودي

وعشقت نادي اسمه نادي النصر

كنت متابع للدوري السعودي وعقب خفت

ويوم رديت اتابع الدوري السعودي الا نادي النصر مختفي


ابي اعرف منكم وش رايكم بنادي النصر الحين ؟؟

وليش نازل مستواه ؟؟

ومنو السبب ؟

وشلون يرجع لامجاده ؟ ايام ماجد والهريفي ومحيسن


الي دفعني لكتابة هالموضوع هو عشق نادي عشقته من الطفوله

وكما هو معروف مستحيل المشجع النصراوي يبور في ناديه ;)

مع تحياتي لكم

سعودي 2006
02-03-2007, 16:13
حياك الله اخوي ...

حبيت ارحب فيك اخوي .. وشي جميل ان تكون اول مشاركة لك في القسم السعودي


واترك الاجابة على استفساراتك للاخوان النصراويين :)

مـوسـيـقـار آسـيـا 8
02-03-2007, 16:40
والله ياخوي النصر ... ما ندري وش اللي صابه وبعدين أزمة النصر الحالية راح تكشف لنا منهو النصراوي ومنهو اللي ماهو نصراوي وحسبي الله على اللي كان السبب

وأعضاء الشرف عندنا بالنصر علة كلن يهمه مصلحته الشخصية والنصر لحد الان مالقى ناس تكاتف وتكون يد وحدة عشان يرجعونه لأمجاده والأسباب كلها فنية وإدارية .... والنصر ماعنده لعيبه صح


والإدارة النصراوية باردة في جلب اللاعبين بس وشنسوي يالحبيب وإن شاء الله النصر راجع بس أصبر

السحابة 9
02-03-2007, 18:32
حياك يالغالي :)

في الوقت الحالي المادة صارت أهم عنصر لقوة الفريق

لكن أعضاء شرف أغنياء واختلاف بينهم "كأنك يا بوزيد ما غزيت"

النصر يحتاج غربلة في الفريق

على الأقل لازم يشتري 5 لاعبين سعودين على مستوى + 3 أجانب على مستوى لأن لاعبين النصر حالياً ما عندك أحد بكل صراحة :(

زد على ذلك حتى قبل هالموسم الفئات السنية بالنصر كانت رايحة فيها لكن الشغل هالسنة كان جيد واعتقد نتائجها راح تظهر مستقبلاً

الزبدة ضروري ضروري ضروري صفقات محلية قوية



شوف الهلال والإتحاد شلون دعموا فرقهم بالأفضل علشان كذا مستمرين بالمنافسة



الله يساعدنا إن شاء الله :)

owid
02-03-2007, 18:45
اولا الله يحيك يالغالي
وشرفتنا وشرفنا تواجدك
وان حبيتنا فداخل القلب مسكنك
وعشقنا هالروح اللي على الاصل تربت
........
بختصار مشكلة النصر ادارية
ونوايا والنية مطية



فتكم بعافية

خيال الأزرق
02-03-2007, 21:55
أترك الاجابه للأخوان النصراويين ..وحياك الله واذا ماشالتك الدوانيه أشيلك بعيوني :)

Abo_Ahmad_k
03-03-2007, 05:19
وين عورت قلبي وكتبت الموضوع ياخوي حرام عليك ,,,,:cry2:
مشكله عشق النصر ,,,
اعشقك ياالنصر حتى الثماله ,,,,,,

Sdawya HIGH
03-03-2007, 05:25
.. نفس حال العربي عندنا !!

Abo_Ahmad_k
03-03-2007, 16:50
.. نفس حال العربي عندنا !!

عليكم السلام ,,,
وين النصر وين العربي ,,,,,
فارس نجد مامثله شبيه ,,,,,

Mafi Da3i
03-03-2007, 17:05
كنت متوقع هالترحيب


لانه على ماقال الشاعر


ماهو غريب الطيب من منبع الطيب 00 شلون نستغرب من الغيم الامطار


اما بخصوص الموضوع


ماوصلت لشي بين


الي فهمته ان المشكلة مادية
ابي اعرف مافي ميزانية سنويه تصرف من اتحاد الكرة للاندية ؟؟


والنادي اكيد تقام في ملعبه مباريات وله عائد التذاكر والاعلانات من غير النقل التلفزيوني


اعتقد ان سالفة المادة مو المشكلة


اكيد سالفة ثانيه


ليش مانقول صراعات ادارية يعني في ناس مايبون النصر ينجح بوجود (سين) من الناس


وصارت كلها سوالف عناد على حساب نادي النصر


انا بصراحة ماعندي معلومة


بس اذا هناك مشكلة لازم يتدخلون حتى الجماهير



اخوي السحابة


انت قلت لازم يشتري خمس لعيبة مواطنين على مستوى


ليش مايهتم في الفئات السنية


ويطلع له لعيبة منه وفيه


عادي مو مهم السنه الجاية مانبي الدوري بنصبر للسنة الي بعدها

السحابة 9
04-03-2007, 01:16
حياك الله يالغالي والمكان مكانك :)





ابي اعرف مافي ميزانية سنويه تصرف من اتحاد الكرة للاندية ؟؟

فيه إعانة بس هذي ما تسوي شئ أبد والنصر بالذات دائم مخصوم منه ما أدري إلى الآن والا خلصوا لأن مشاكله واجد مع اللاعبين والبعض يطالب بحقوقه








ليش مانقول صراعات ادارية يعني في ناس مايبون النصر ينجح بوجود (سين) من الناس



وصارت كلها سوالف عناد على حساب نادي النصر


هذا اللي صاير

كان في السابق بشدة لكن حالياً بشكل أخف لأن فيصل بن عبدالرحمن أفضل في علاقاته من أبو خالد الله يرحمه وممدوح لكن المشكلة لا زالت موجودة :(







انت قلت لازم يشتري خمس لعيبة مواطنين على مستوى



ليش مايهتم في الفئات السنية



ويطلع له لعيبة منه وفيه



شوف أخوي حسب ما سمعت ان النصر هالموسم زاد تركيزه على الفئات السنية سواء من ناحية الميزانية أو نوعية المدربين اللي يدربونهم ونتائج مثل هالعمل يبيله وقت تطلع .. ننتظر ونشوف

لكن لو عندك فلوس تصيد فيها لاعب جاهز ما في أحلى من هالشئ :)

Sad-Heart
04-03-2007, 08:14
يالسحابه لاتنشدون عن حال النصر
ماراح يرجع زى اول واذكركم لسبب واحد هو الحسد اعمى قلوبكم...

السحابة 9
04-03-2007, 09:30
يالسحابه لاتنشدون عن حال النصر
ماراح يرجع زى اول واذكركم لسبب واحد هو الحسد اعمى قلوبكم...



ما شاء الله عليكم انتوا شعب الله المختار :)

Sad-Heart
04-03-2007, 09:40
لابالعكس لاحنا شعب الله المختار ولا شى
ولكن تدرى وش الفرق بينا وبينكم انتم تتابعون فريقنا وهمكم الوحيده التشكيك ببطولاتنا وحسدنا
وعايشين على امجاد ماجد والجمعان واالنتيجه وش
تدرى وش النتيجه تبى تعرفها..متى اخره بطولها حققها النصر..؟ وبتعرف الاجابه
ماوصيك الاربعاء مبااراه الهلال خذ لك كم واحد وشجعواا الكويت:)

السحابة 9
04-03-2007, 10:29
لابالعكس لاحنا شعب الله المختار ولا شى
ولكن تدرى وش الفرق بينا وبينكم انتم تتابعون فريقنا وهمكم الوحيده التشكيك ببطولاتنا وحسدنا
وعايشين على امجاد ماجد والجمعان واالنتيجه وش
تدرى وش النتيجه تبى تعرفها..متى اخره بطولها حققها النصر..؟ وبتعرف الاجابه
ماوصيك الاربعاء مبااراه الهلال خذ لك كم واحد وشجعواا الكويت:)


والله انت غريب !!

يعني اذا فريق ابتعد عن البطولات صاروا خلاص حاقدين عليكم وحاسدينكم وووو

يمكن كل يرى الناس بعين طبعه :)

الله أعلم :) :)

عين العقل
04-03-2007, 10:37
انا نصراوي ومخطط اروح الملعب اشجع الهلال قدام الكويت .. بس تفكيرك الطفولي بيخليني اراجع نفسي وشهوله اتعب نفسي واروح واخرتها اصير حاسد ! الحمدلله والشكر !

.. يالسحابه ماعليك منه متأثر بالمراهقين الي يكتبون في منتدى فريقه .. خله بكره يكبر ويفهم !

عين العقل
04-03-2007, 10:41
على فكره الهلال جته فتره ماضيه جلس 13 سنه كامله متتاليه وهو بعيد عن البطولات ولم يحقق اي بطوله .. والان النصر يمر بنفس الحاله .. لذلك هذا امر اعتيادي .. كل فريق معرض انه يمر بمثل هالضروف !

Sad-Heart
04-03-2007, 11:28
عين العقل صدقنى يالغالى..مانحتاج تشجيعك للهلال..يكفى جماهيركم الى فى كل مباراه يلعبها الهلال
نشوفها تشجع الفريق الخصم..لاتتعب نفسك وتروح لانه مايشرفنا وجود نصرواى لو تلتفت لفريق افضل لك...:)

عين العقل
04-03-2007, 11:40
كلامك مايشكل اي اهميه ولا له قيمه .. لانك ماتمثل الا نفسك وعقليتك فقط .. ولا تمثل اي جمهور.. لا جمهور الهلال ولا غيره وانا ماانتظر رايك.. لاشك انت محسوب على الجمهور الهلالي .. انت مجرد شخص مداوم على قراءة قصص ميكي ماوس فأنا استطيع تفهم هذا الامر بالنسبه لك .. انا لما اروح اشجع الهلال .. اروح لسبب واحد وهو انه يقال عنه الهلال "السعودي" .. .. ادري هالاشياء يمكن تكون غريبه بالنسبه لك .. ماتعودت على مثل هالامور انت بطبيعة امرك .. عشان كذا وعشان قلبي طيب راح اعطيك مجال لين تكبر واشوف ان كان فهمت ولا لا .. اما الان فالقلم لاشك مرفوع والكلام يبقى ضايع يلا روح اركض بعيد .. :)

Sad-Heart
04-03-2007, 11:44
حبيبى خلك عن المثاليه..صدقنى لو بتسأل اى هلالى سوا لاعب ا وجمهور ويجاوبك بكل صراحه
بيقولك نتمنى تبتعدون عنا ياحبيبى قلت لك يابو الفهاميه..خل عنك المثاليه واجلس ابيتك..
ترى مايشرفنا تشجيعك للـهـلال:)واتمنى لو تبتعد عن اسلوبك بالتنرفز اوكى...

عين العقل
04-03-2007, 11:53
رح بس لحد يشوفني حاط عقلي بعقلك .. وش يقولون عني الناس لوووول

Sad-Heart
04-03-2007, 12:13
ماشاءالله عليك هذا الى عندك طيب..لاتنسى لااشوفك بالملعب:d

Sdawya HIGH
04-03-2007, 16:39
عليكم السلام ,,,
وين النصر وين العربي ,,,,,
فارس نجد مامثله شبيه ,,,,,

.. انا قلت نفس " حال " العربي ..
.. يعني نادي كبير " في بلده " ومن كم سنه مافي بطولات ..

.. وحتى العربي مامثله شبيه :)..

Abo_Ahmad_k
04-03-2007, 20:48
كلامك مايشكل اي اهميه ولا له قيمه .. لانك ماتمثل الا نفسك وعقليتك فقط .. ولا تمثل اي جمهور.. لا جمهور الهلال ولا غيره وانا ماانتظر رايك.. لاشك انت محسوب على الجمهور الهلالي .. انت مجرد شخص مداوم على قراءة قصص ميكي ماوس فأنا استطيع تفهم هذا الامر بالنسبه لك .. انا لما اروح اشجع الهلال .. اروح لسبب واحد وهو انه يقال عنه الهلال "السعودي" .. .. ادري هالاشياء يمكن تكون غريبه بالنسبه لك .. ماتعودت على مثل هالامور انت بطبيعة امرك .. عشان كذا وعشان قلبي طيب راح اعطيك مجال لين تكبر واشوف ان كان فهمت ولا لا .. اما الان فالقلم لاشك مرفوع والكلام يبقى ضايع يلا روح اركض بعيد .. :)

جبتها بالصميم يابعدي ,,,,
مشكله ومشكله كبيره الي ينظر الى الرياضه نظره تعصب ,,,,,,
واقول بشجع الهلال السعـــودي يقول لاتدعي المثاليه ,,,,,

بس تبي شلون عين العقل لاتناقش غير عبود وعويد وارمادا وكاش ترى متفتحين ويعرفون معنى وحجم كلامك ,,,,,,,,,


سداويه لاتقارنين فارس نجد بالعربي سوا حقق بطولات او ماحقق ,,,,
لان عشاق النصر لايرون شبيه لفارس نجد ,,,,,,,,,
ترى بعديت ازعل عليتس :)

Mafi Da3i
05-03-2007, 01:03
شكرا لكم على المرور


واقول للسحابة ربك يحلها ان شاء الله

مـوسـيـقـار آسـيـا 8
05-03-2007, 07:09
Sad-Heart / صحيح تحصل جماهير نصراوية تشجع فرق خارجية ضد الهلال وانا اتفق معك بما إني نصراوي .

بالبطولة العربية السنة اللي فاتت شفنا جمهور هلالي يساند فريق الوحدات الاردني في إستاد الملك فهد وإذا شفت جماهير النصر تساند فريق الكويت الكويتي ترى عادي كلنا خليجيين وعيال عم ولحمنا ودمنا واحد ماهو مثل الجماهير الهلالية تساند الوحدات الأردني ولو الاردنيين فيهم خير ما ذبحوا الخليجيين بالأردن ولا كسروا سياراتهم

وإذا عندك نقد على الجماهير إنقد جماهيرك هي اللي بدأت بهذا الشيء بالبطولة الخارجية أما بالمحلي اذكر مباراة النصر والرياض على نهائي كأس ولي العهد 1414هـ جمهور هلالي يساند فريق الرياض وصار الجمهور الهلالي هو صاحب الأولوية في مثل التصرفات وبعدها صرنا نشوف النصر والاتحاد والاهلي والشباب ... الخ

وكذلك العنصرية في التشجيع ماعرفناها إلا من سببكم يالهلاليين وأول من بدأ بالعنصرية هي الجماهير الهلالية ولا نلوم الجماهير الهلالية أغلب جماهير الهلال أعمارهم ما تتعدا 18 سنة

أما بالنسبة لكلامك تقول النصر له كم سنة ما حقق بطولة .... ومثل ما قال عين العقل الهلال جلس 13 سنة ماحقق بطولة ترى الأهلي جلس 14 سنة ماحقق بطولة والشباب جلس 40 سنة ماحقق بطولة والاتحاد جلس 12 أو 11 سنة ماحقق بطولة والنصر يعتبر أقل فريق يجلس مدة ولم يحقق أي بطولة .