المساعد الشخصي الرقمي

مشاهدة النسخة كاملة : التقييم السليم لنجوم الزعيم في مباراة الجحيم <<< خطيره:d



ظفيرية هلالية
03-03-2007, 03:51
السلام عليكم ورحمة الله ..


هذا أول موضوع لي بالديوانيه .. بالله يامشرفنا تثبيت فوري لا هنت :p


مبروك لكل الهلاليين وهارد لك نقولها لكل من يرتدي الشعارالأصفر . . سواءا كان حزماوياً أو ..ـاً .. أو ..ـاً :D


الصراحه كانت مباراة حلوة .. الجمهور صح انه غطى ثلاث ارباع الواجهه لكن ماااش ماعجبني:cool:


من قبل تبدا المباراة وانا كنت خايفه . . الحزم مو سهل .. وبالذات الثلاثي : السبيعي ومناورالرشيدي والبرازيلي مدري شسمه بس أشوا صار مصاب ولا لعب ..


أنتظر التشكيلة الهلاليه وانا متوقعه يشارك الشمري فهد أو العتيبي حسن لأن الدعيع قالوا مصاب بس تفاجأت به بداية المباااراة جالس مع الحكم يختار الملعب يعني سليم << قولي ماشالله !!


بدأت المباراة .. وصار اللي أنا خايفه منه .. دفاع حزماوي ومرتدات وبصراحه هذا الاسلوب الوحيد اللي تحس أنه يلعوز الهلال :o


زاد الطين بله غياب الغامدي .. ثم اصابة سلطان .. لكن في الوقت الحاسم ظهر الحاسم ومالها في الشدايد الا اابو عبدالله :wavetowel2:


مسكين حارس الحزم بهذله سامي .. الهدف الاول يمين والثاني يسار أحس ان بينام ويحلم بسامي :eek2:


ايه عاد مالكم بالطويله ومادام الهرج يكفي صامله عن كثيره خذوا التقييم للاعبين وانتظر تقييمكم :




الدعيع : لابأس مع اني أشوف حركة محمد مو مثل أول . أحسه ثقيل شوي !!؟ على فكرة أبو حميد حاول ماتتعلق بالقائم :D



تفاريس : يا لبى قلبه هالبرازيلي .. يالربع عطوه الجنسيه خلوه يطقها أساسي في آسيا مع المنتخب


المفرج : أحترمك لسببين : التزامك الديني + حماسك .. وان عذربوا فيك ما نسمع ..


الخثران : خروج البرقان أجبره يلعب محور واختفى ابداعه


العنقري / أفضل لاعب أيمن بعد الدوخي وهالكلام أنا مسؤؤله عنه حرفياً والوعد نهاية الموسم :cool:


عزيز : كالعاده نمبر ون ..لما طلع البرقان لعب عن محورين ماشالله عليه .. واضح تأثير جيب اللكزس خخخ


البرقان : الله يشفيه مانقدر نقيمه لأنه ما أمداه


التايب : برنس ليبيا مع انك اليوم بنصف مستواك إلا أنك نجم . . رووعه أبو نادين رووووعه ..


التمياط : ياخي قسم بالله لولا ان زميلاتي شمريات كان طبيت فيك :mad: لاتعليق على مستواك الرديء


ردريغاو : مرتبك.. بطيء .. نتمنى الافضل يا ولد ساوباولو


ياسر / ترى مو لازم تسحب بالخصم كامل .. كرة القدم جماعيه ياياسر ! مستواك ماعجبني أبد


سامي : لاتعليق .. مو انا اللي تقيم أسطورة الهلال ;) سمسم فوووووق النقد بالنسبه لي .




نجم المباراة من وجهة نظري في الهلال : التايب + تفاريس + عزيز
نجم المبااراة من وجهة نظري في الحزم : الشيباني + السبيعي + سوزا


نجم نجوم المباراة من وجهة نظري هو : (( 9 ))


وجهة نظر خاصه قدمتها لكم أختكم ظفيرية نجديه والى لقاء آخر يجمعنا بكم ودمتم ساالمين ..

Sad-Heart
03-03-2007, 04:51
ابى اعلق على مستوى التمياط
اصبح عاله على الهلال شوفوا لما يخرج ويدخل الشلهوب واحكموا..؟

Abo_Ahmad_k
03-03-2007, 05:03
ظفيريه فاضخ قلبتس الاصفر ,,,,
الظاهر النصر مسبب لتس عقده نفسيه :p

ظفيرية هلالية
03-03-2007, 05:29
قلب سعد :


ابى اعلق على مستوى التمياط
اصبح عاله على الهلال شوفوا لما يخرج ويدخل الشلهوب واحكموا..؟


عاله ؟ شويه كلمة عاله !
مشكلة بعض قناعات المدربين ..
حياك ياخوي ^_^

====


عاشق الأبيض :



ظفيريه فاضخ قلبتس الاصفر ,,,,
الظاهر النصر مسبب لتس عقده نفسيه :p


هههههههههههههههههههه
لا حرام عليك .. الاصفر حبيب .. مايسبب عقد ولا شي :p
حياك ومنور ^_^

عين العقل
03-03-2007, 07:07
ظفيريه فاضخ قلبتس الاصفر ,,,,
الظاهر النصر مسبب لتس عقده نفسيه :p

احلىىىىىى وش هاللغااااات والابداعااات ارفق علينا :D بديت اشك فيك متأكد انك كويتي :p كني لامحك في حلة القصمان قاعد تدربي راسك :p

ذكرتني بجدتي الله يهديك ويخليها لي .. واذا تبي الصدز ترى حنا كذا حتسينا بس في النت نسوي فلتر شوي عشان هذا تراث سري نحافظ عليه ومانبي احد يعرفه .. زي البحر الي في الرياض والي ماعلمنا احد عنه يالله يكفينا :p

عين العقل
03-03-2007, 07:14
ايه صح نسيت .. شكرن على الموضوع .. بس بسألس يالشيفه وش رايس في العولمه ؟ :p

C@$h B0X
03-03-2007, 08:28
المباراة كلها بايخه .. كتمه وتقفيل دفاع :(
بس من دخل سامي احلوّت

المدرب شكله مايدري للحين مواقع اللاعبين الظهير حاطه محور !!
والمدافع حاطه ظهير والي يلعب يمين يحطه يسار والي يسار يحطه يمين !!

* فرحت كثير لأصابات البرقان .. ولا احد يقولي ليش :p
* الاسطوره .. مع ان مافيه لياقه بس ماقصر دخوله ذهب ودفعه معنويه كبيره
* التمياط وش حلاته اذا بقمة مستواه يصير عالمي وياااشينه اذا طاح مستواه يصير حواري
* ياسر بقرارة نفسه يقدر يسجل هدف .. بس يعني لازم يجيب هدف حلو غصب الله يصلحه !!

ياسر و تافاريز من بداية المباراة .. من تشوف وجههم .. تلاحظ الارهاق :(
ان شاءالله يتعدل الوضع قبل مباراة الكويت مو ناقصين المستوى يطيح هالوقت

الهويدى
03-03-2007, 09:20
تحيه طيبه ومعطره بالورد الى ظفيريه هلاليه

اولا الف مبروك الفوز وهذا اهم شي

وثانيا ما شاء الله ما شاء الله ماشاء الله 3 مرات تستحقينها بصراحه قاريه المبارات صح

وتحليلها صح وحاطه كل النقاط على الحروف ولم تتركى شي لنا نظيف

الهلال اذا بيفوز بكل مبارات وبسهوله عليه اخراج التمياط او التائب واعتقد التائب وجوده مهم

التمياط مستواه اقل من عادى ولا اعلم السبب

الشلهوب لابد من المدرب ان يجعله بكل مبارات اساسي ولا يفكر يخليه شوط بشوط

اتمنى من ياسر وانا قلت ياسر راح يكون سر هالمبارات لكن ياسر انحرف عن اتجاه المرمى كثيرا

عود ايها الكاسر ولا تتفلسف كثيرا وانا اثق بياسر انه سوف يعود

اخوك

الهويدى

Abo_Ahmad_k
04-03-2007, 13:37
احلىىىىىى وش هاللغااااات والابداعااات ارفق علينا :D بديت اشك فيك متأكد انك كويتي :p كني لامحك في حلة القصمان قاعد تدربي راسك :p

ذكرتني بجدتي الله يهديك ويخليها لي .. واذا تبي الصدز ترى حنا كذا حتسينا بس في النت نسوي فلتر شوي عشان هذا تراث سري نحافظ عليه ومانبي احد يعرفه .. زي البحر الي في الرياض والي ماعلمنا احد عنه يالله يكفينا :p
الا والله كويتي بس وش اسوي احاول اواكب التطور الحاصل باللغه العربيه :) لاخوي ماادربي رويسي الا بالدوادمي :)
الله يخلي لك جدتك ويطول بعميرها ,,,,
لا ياخوك مااحب اسوي فلتر ولا قلبت الجيم لحرف الياي ,,,, :)
ظفيريه ديري بالتس من الاصفر ترى الاصفر قادم بقوه ,,,,,
والله الا مسبب لتس عقده نفسيه ,,,, ولجميع جمهور الهلال :)

ظفيرية هلالية
04-03-2007, 14:00
لا ياخوك مااحب اسوي فلتر ولا قلبت الجيم لحرف الياي


كفووو ;)

أبارجع للي ردوا .