المساعد الشخصي الرقمي

مشاهدة النسخة كاملة : فهد عوض الكويتي : أنا ابن عاق للهلال والتسجيل في مرمى الدعيع شرف



Corvette
08-03-2007, 17:19
وصف صاحب هدف التعادل في مرمى الهلال لاعب الكويت الكويتي فهد عوض نفسه بالابن العاق للهلال مشيراً إلى أنه هلالي بحت ومتعصب وقال كنت أقول لعمر الغامدي قبل المباراة (الله يستر ما أركض معكم من الفرح إذا سجلتوا هدف) وأشار إلى أنه سعيد جداً بالتهديف في مرمى محمد الدعيع وقال أنا فخور جداً بهدفي في مرماه لأن هذا الحارس عملاق بكل ما تعنيه الكلمة ويسبب للمهاجمين الارتباك وهم في مواجهته وقال الحمد لله على توفيقه بأن سجلت في الوقت القاتل مشيراً إلى أنه نجح في القفز من فوق فهد المفرج. وأضاف (ساعدني خالد الفضلي كثيراً في التهديف عندما سحب المدافعين معه إلى القائم الأول) وامتدح جمهور الهلال وقال هذا الجمهور العظيم رائع. واختتم حديثه بالتأكيد على أن بداية الكويت في المسابقة جيدة جداً وأن الكويت لديه فرصة كبيرة للفوز بصدارة المجموعة

المصدر (http://www.al-jazirah.com/311276/sp39d.htm)

owid
08-03-2007, 17:36
طبعا اتفق معه في جزئية
ان الهلال فريق عريق وفخر
وكل الكلام الجميل اللي قالة
هذا اذا سلمنا ان التصريح سليم:)
غير مبفرك
صدقني لو لاعب هلالي هو اللي قايل الكلام
اشطبة:D لا طبعا بس راح تحز في خاطري
حتى لو كان هذا راية ويحترم
وراح تقل اسهمة وشعبيتة:o وماراح يسكن
في غرف قلبي:D الاربعة
وهذا راية ويحترم سواء اللي قالة لاعب هلالي
او كويتاوي


فتكم بعافية

سعودي 2006
08-03-2007, 17:39
مشكور اخوي كورفت ...


الهلال بيردها لكم بالكويت يافهد:)

سعودي أنا
08-03-2007, 17:53
انا صدقت التصريح من يوم شفت المصدر الجزيرة خخخخخخخخخخخخخخخخخ

فهد عوض بعد المباراة عملوا معاه لقاء الـ art
وقال بالحرف الواحد ( المفروض نطلع فايزين هدف الهلال غير صحيح لو شفته بالاعادة )
المذيع رد عليه قاله طيب انلغى هدف صحيح
رد فهد عوض وقال ( لا حتى الملغي تسلل ارجع شوفه بالبطيء وبتشوف انه تسلل والوعد في الكويت )


طابقوا بين كلامه في الـ art وبين التصريح المفبرك في الجزيرة

e3feeny
08-03-2007, 18:14
وحش يالشاهيــن .. وصراحتك حلوه ومو عيب اذا لاعب عشق نادي .. وايد لاعبين يلعبون لانديه لكن عشقهم لانديه اخرى :)

Abo_Ahmad_k
08-03-2007, 19:29
مشكور اخوي كورفت ...


الهلال بيردها لكم بالكويت يافهد:)


صعبه عليك اخوي ماخذتها بوسط سبعين الف متفرج ,,,,,
تبي تاخذها بكيفان غريب امرك :D

فهد عوض للاسف هذا تصريح تقوله اركض من الفرحه :)

لو نصراوي قلت ميخالف لكن هلالي طحت من عيني :D

خيال الأزرق
08-03-2007, 22:10
بهارات جريدة التعصب الاولى ..
واقول حق الاعب فهد عوض أنت بعيد عن الرياضه السعوديه تشاهد الهلال كل موسم يحمل كأس او كأسين ولاتعلم كيف حصل عليه لو كنت قريب من الكوره السعوديه لما شجعت الهلال .. وأعتقد بعد المباراة بفتره سوف تعرف لانك انت وفريقك عانيت من الظلم باللعب امام الهلال

سعودي 2006
08-03-2007, 22:55
صعبه عليك اخوي ماخذتها بوسط سبعين الف متفرج ,,,,,
تبي تاخذها بكيفان غريب امرك :D

فهد عوض للاسف هذا تصريح تقوله اركض من الفرحه :)

لو نصراوي قلت ميخالف لكن هلالي طحت من عيني :D



ليش لا الهلال اطاح ببطل اليابان شيميزو وفاز عليه على ارضه وبين 50 الف متفرج ياباني بناخذ الثلاث نقاط من ارضكم ومن ارض الاوزبك :) الهلال يظهر في وقت الشده واسئلو ربعنا في الدوري الي كل سنه يتملطشون من الهلال :)











انا صدقت التصريح من يوم شفت المصدر الجزيرة خخخخخخخخخخخخخخخخخ

فهد عوض بعد المباراة عملوا معاه لقاء الـ art
وقال بالحرف الواحد ( المفروض نطلع فايزين هدف الهلال غير صحيح لو شفته بالاعادة )
المذيع رد عليه قاله طيب انلغى هدف صحيح
رد فهد عوض وقال ( لا حتى الملغي تسلل ارجع شوفه بالبطيء وبتشوف انه تسلل والوعد في الكويت )


طابقوا بين كلامه في الـ art وبين التصريح المفبرك في الجزيرة



اخي العزيز الشخص اللي صرح في art مو فهد عوض ... هذا اليوحه :)