المساعد الشخصي الرقمي

مشاهدة النسخة كاملة : بن همام فخر الكرة القطرية والخليجية والعربية



Sdawya HIGH
11-03-2007, 03:21
|| بسم الله الرحمن الرحيم ||


من حقنا ان نفتخر فى قطر وكل العالم العربى بسعادة محمد بن همام
العبدالله (بوجاسم) لاختياره للمرة الثانية على التوالي رئيسا للاتحاد
الآسيوي لكرة القدم بالتزكية وحتى قبل انعقاد الجمعية العمومية المزمع
قيامها في الثامن من مايو القادم بالعاصمة الماليزية «كوالالمبور» فقد اعلنت
سكرتارية الاتحاد الآسيوي ذلك رسميا يوم الخميس الماضى وهو اليوم
المحدد لتسلم الترشيحات للمناصب القيادية للاتحاد ولم يتقدم مرشح
آخر غيره ليعلن عن فوزهكما كان متوقعا له من قبل الجميع،


وهذا الفوز الباهر ان دل على شيء فإنما يدل على مدى القبول
والاحترام الذى يجده مفخرتنا العربية فى اواسط الاتحادات الاسيوية
جمعاء والتى اجمعت على قيادته الرشيدة فى سبيل تطوير الكرة فيها
من خلال الفترة التى تولى فيها رئاسة هذا الكيان الذى يعد الاكبر كثافة
من حيث عدد الممارسين للعبة فى العالم وهى انجازات محسوسة
وملموسة وواضحة للعيان لاتحتاج الى براهين او أدلة.


وهذا ان دل على شيء فإنما يدل ايضا على مدى تقدم العقلية الادارية
الكروية فى عالمنا العربى واهليتها فى تبوء المناصب العالمية فى كل
المجالات وليس فى الرياضة فحسب الشيء الذى يجعلنا نطلق للامانى
العنان فى ان يتقدم..محمد بن همام العبد الله، ليتولى رئاسة الاتحاد
الدولى خلفا للمستر (بلاتر) بعد نهاية فترته التى اوشكت على النهاية
فعلا خاصة وان (بن همام) يعتبره (بلاتر) ساعده الأيمن اليوم فى
رئاسة الاتحاد الدولى اكبر كونغرس لكرة القدم فى العالم والعقل المفكر
فى كل خططه ومشاريعه التى يتولى الفيفا تنفيذها
واقصد هنا بالتحديد برنامج الهدف الذى يعتبر من اكبر المشاريع الكروية التى
نفذها الفيفا عبر تاريخه الطويل الذى استفادت منه الكثير من الدول
الاسيوية والافريقية على السواء وكان ذلك بفضل دعم (بن همام)
لها وبقوة.


لقد اثبت (بن همام) كفاءته وجدارته بالعمل الملموس والخطط الطموحة
وفق الغايات المستقبلية وتنفيذ عالي الدقة وبتنظيم علمى مدروس
على المعطيات الحقيقية للواقع الآسيوي مستفيدا بما متاح له من
تقدم تكنولوجي رفيع وامكانيات مالية ضخمة حيث وظف كل ذلك فى
برامج ادت الى التطور الهائل الذي تشهده اليوم الكرة الآسيوية
تجاوزت به درجة التقييم الفنى من الدرجة الرابعة بعد اوروبا وامريكا
الجنوبية وافريقيا لتزاحم الاخيرة على مركزها من حيث الترتيب المعترف
به عالميا خاصة بعد ان زادت مقاعدها فى تمثيل كأس العالم الى ثلاثة
مقاعد مع نصف مقعد آخر تنافس به قارة ايقانوسيا.


هذا بجانب النجاحات الكبيرة مثل تنظيم اليابان وكوريا الجنوبية لنهائيات كأس
العالم 2002 الذي أذهل العالم بروعة الاخراج.


ان نجاح (بن همام) بلاشك يعد من المفاخر الكبيرة التى تستوجب الوقوف
عندها بالدعم والمساندة والمؤازرة فهو شرف كبير كما ذكرنا للعرب جميعا
بلا استثناء التحية لـ (بوجاسم) فهو اهل للمناصب بكفاءته وجدارته
وتجاربه وسعيه الدؤوب الحثيث من اجل التطور الرياضي الذي بدأه
في قطر وانطلق به عابرا لتجنى ثماره كل قارة آسيا ازدهارا وارتقاء ونماء.


ونعتقد أن فوزه الذى حققه بالتزكية هى اكبر شهادة اعتراف له ولعمله لتمتد
الى ولاية ثانية مدتها اربعة اعوام تبدأ فى 8/5/2007 الجارى وتستمر حتى
8/5/2011 القادم بإذن الله تعالى نسأل الله ان يعطيه الصحة والعافية.
ليعيد التاريخ نفسه قبل اربعة اعوام خلت تم فيها ايضا اختياره بالتزكية وكان ذلك
في 8/5/2002 قبيل انطلاقة منافسات كأس العالم... لله درك (بوجاسم)
وسر وعين الله ترعاك ..
.
.
عمر علي عبد الله
الشرق ...
.
.


... عجبني المقال حبيت انقله :o :) :) ...

Corvette
11-03-2007, 05:53
ما اعتقد إنه فخر للكرة الكويتية ..

العـنابية
11-03-2007, 06:10
ما اعتقد إنه فخر للكرة الكويتية ..

شدخل!



بن همام فخر الكرة القطرية والخليجية والعربية (http://64.5.47.99/showthread.php?t=154132)


ابصم على هالكلام:cool: :p

سداويه شكررررا عالدرر اللي تنقلينها لنا <<<<<<<<<تأثير الصوره الامسيه :p

Corvette
11-03-2007, 06:13
ما اعتقد إنه في كويتي يفتخر إنه رئيس الإتحاد الآسيوي بن همام !! :) عسى دشت مخــج !

العـنابية
11-03-2007, 06:24
ما اعتقد إنه في كويتي يفتخر إنه رئيس الإتحاد الآسيوي بن همام !! :) عسى دشت مخــج !

شدخل مره ثانيه!



سوري فديتج سدسد:p عالرد الثاني فموضوعج بس توني استوعب ان "الصبح" له تأثير ويفهي بالناس :o

مبروووك لبن همام مفخرة قطر :cool: فوزه وهو الواقع اللي يتكلم وخلا لغيره الكلام<<<<رجعة للموضوع لا اكثر :p

bo3esa
11-03-2007, 06:29
مفخرة قطر فقط لاغير

لا تجمعين الخليج ولا تجمعين الكويت يا سداويه

Corvette
11-03-2007, 06:32
العنابيـه .. الظاهر صعب إنج تفهمين كلام الأعضاء .. :)
نطلب مترجميـن للغـات الجديده الي كثرت بقطر ومايفهمون كلامنا كـ عـرب ..

Pro
11-03-2007, 06:41
جمال عبدالناصر مو بن همام :/ ..

عموما اي منصب او نجاح يصب في رصيد شخص بن همام مو للخليج و الوطن العربي :/ .. الفيفا جذي ماشيه تنظر للشخص قبل مسقط رأسه او جنسيته .. و لا جان قلنا بلاتر مفخرة سويسرية و اوروبية غربية و اوروبية :confused:

Sdawya HIGH
11-03-2007, 07:00
سداويه شكررررا عالدرر اللي تنقلينها لنا <<<<<<<<<تأثير الصوره الامسيه :p

.. افا عليج حاظرين ... والقادم احلى :D ..

ايييه الصورة تدرين تعبت وانا آخذ اللقطه :D :D :D

.. افاا عليج حيااتي الموضوع موضوعج اخذي راحتج وطلعي اللي بقلبج :D ...

Al-Saleh
11-03-2007, 09:12
شباب لاتعبون روحك تردون عليهم , خلوهم عايشين بجذبه الله يكون بعون شعب جذي

عاشق قطر
11-03-2007, 10:05
شباب لاتعبون روحك تردون عليهم , خلوهم عايشين بجذبه الله يكون بعون شعب جذي
لول مادري من اللي عايش بجذبة, احنا ولا اللي كل شيء عندهم "مؤامرة" مادري البرازيل. :)

ســـاره
11-03-2007, 10:40
أهاا

خير أن شاء الله..

Smooth criminal
11-03-2007, 11:33
كبيــــــــر يابن همام على راسي والله.........

لا للاتحادت الاهليه الفاشله في عهد بن همام.......... وكل من يشوه سمعة كرة القدم ولايهتم بكرة القدم في اسيا

فان بن همام موجود لتاديبه ولتلقينه درسا في التعامل بكرة القدم.............!!!!!!!!!!!!!!

الـجـافـل
11-03-2007, 12:57
هو بالاساس مافيه شك انه مفخره للجميع

يمكن الجماهير الخليجيه متحفضه على هذا الشي

ولكن

مدام هناك ناس تمثلها تمثيل رسمي وتقف خلف ابن همام وتدعمه
اعتقد ان الي يهم ابن همام هو الشي الرسمي ولا الجماهير تقف خلف عواطفهاا

مشكور سداويه

كويتاوي ما يغلبونه
11-03-2007, 13:19
ان "الصبح" له تأثير ويفهي بالناس :o



يفهي ؟؟؟
بأي لغه؟؟
شنو معناها؟؟؟ وشدخل الصبح فيها؟؟؟؟
يعني بالمدرسة يعلمون يهالكم الطيور تفهي صباحا :lol:

bo3esa
11-03-2007, 13:21
يفهي ؟؟؟
بأي لغه؟؟
شنو معناها؟؟؟ وشدخل الصبح فيها؟؟؟؟
يعني بالمدرسة يعلمون يهالكم الطيور تفهي صباحا :lol:




مفهي يعني متنح

ما يبيلها فهاميه

عربــاوي
11-03-2007, 14:33
مابقى الا بن همام الـ ....

ولا تجمعون هذا مفخره بس لكم انتو .. ماكو كويتي او خليجي يتشرف فيه الا القطريه مع احترامي لكم ..

:)

الـجـافـل
11-03-2007, 14:50
8
8
8
عرباوي الحمدلله نحن معترفين انه مفخره لنا
ولكن تزكيته بهذي الطريقه بعد الشوشره الي حصلة
في مسابقة افظل لاعب و البطولات الاسيويه
اكيد مفخره للخليجين لانهم بهذي الطريقه
اعترفو انه الافظل على مستوى القاره

انا قطري
11-03-2007, 15:49
عقلية دارية بحجم بن همام تستحق ان تكون مفخرة




انا قطري

De Rossi
11-03-2007, 16:26
http://www.aljazeera.net/mritems/images/2002/3/24/1_88097_1_3.jpg
بن همام .. حلم كل أفريقي

Freddie
11-03-2007, 16:35
لا اهو ولاعشره من امثاله يكون مفخره حق ديرتي

Sdawya HIGH
11-03-2007, 19:07
يفهي ؟؟؟
بأي لغه؟؟
شنو معناها؟؟؟ وشدخل الصبح فيها؟؟؟؟
يعني بالمدرسة يعلمون يهالكم الطيور تفهي صباحا :lol:




.. ماتعرف وشو يعني مـفـهـي :o !!



عقلية دارية بحجم بن همام تستحق ان تكون مفخرة



انا قطري



:yes:

عربــاوي
11-03-2007, 22:14
الجافل اكو غيره :rolleyes:

ويقولك الرشاوي زايده هالاايام .. مااستبعد :)

الـجـافـل
12-03-2007, 01:23
يعني يا عرباوي بتقول لي ان شيوخكم وامراء السعوديه ياخذون رشاوي

ManćҢestỆг UŇiţEĎ
12-03-2007, 01:46
اختي سداويه واضح الموضوع مومكتوب لله في الله

بداية من فخر للكره الخليجيه والعربيه

يعني انتي عارفه ان بن همام مو شخصيه محببه في كل دول الخليج

انا ماني محتاج اكون ذكي بشكل خارق على شان اعرف ان هالموضوع بسبب حزازيات وخناق بين الخوان !!

وعلى فكره صاير خناق....لكن اذا استمر الموضوع جذي بضطر اغلق الموضوع ...واتمنى تعذروني !!


مبرووووك لبن همام الاتحاد الاسيوي ومبرووك لقطر وانشالله نشوف الافضل للكره الاسيويه خصوصا من ناحية التحكيم !!



ومشكورين

الـجـافـل
12-03-2007, 01:57
اسمح لي اخوي تايسون ارد عليك بدل الاخت السداويه

شوف الموضوع مش الهدف منه هو المشاكل
اعتقد الاخت حطت الموضوع كـ رد على الاخوان الي يشكك
في فوز ابن همام للمره الثانيه ومش من المعقول ان تحط الموضوع في القسم الكويتي مثالآ
ومش معناته ان ابن همام مش محبب اني ماحط عنه موضوع يثني على عمله
واذا على الحزازيات هي موجوده في كل موضوع راح ينطرح عن الرجل

owid
12-03-2007, 01:57
مفهي للي سأل
يعني افدغ:D
يعني خبل:D
يعني الله بالخير:D
يعني فاغر:D
يعني فاصل:D
يعني من جنبها:D
اتمنى اني افدتك:o


فتكم بعافية

Sdawya HIGH
12-03-2007, 02:08
اختي سداويه واضح الموضوع مومكتوب لله في الله


:confused:




بداية من فخر للكره الخليجيه والعربيه


يعني انتي عارفه ان بن همام مو شخصيه محببه في كل دول الخليج




.. مافي سبب مقنع !!


.. وترا لو قريت الموضوع بتشوف انه مافيه شي ...
بس فيه ناس لما يسمعون بن همام مادري شيصير فيهم !!


بس المواضيع اللي طايحين سـب في بن همام ماسكرتوها !!!
.. اذا شايف الموضوع فيه شي سكره !!
.. نو كومينت صراحه ...

Corvette
12-03-2007, 02:10
عويد .. المشكله محد مفهي الى الي قالها .. :)

كويتاوي ما يغلبونه
12-03-2007, 09:03
.. ماتعرف وشو يعني مـفـهـي :o !!









اسف الصراحه اللغه ألمانيه ما أعرفها :)

Bati
12-03-2007, 10:07
انا غسلت ايدي من بن همام بعد حادثة السد و القادسية :) و كملوها الاتحاد الاسيوي بعدم احتساب نقاط مباراة الكويت و استراليا كأفضل لاعب بالمباراة لبدر المطوع ..

DvD
12-03-2007, 11:21
فخر الكره القـطريه بــكيــفكم ! لكن من يقول انه فخر للكره الخليجيه والعربيه؟

Smooth criminal
12-03-2007, 12:07
هو فخر للكره القطريه والاسيويه ........نستثني منها بعض الدول اللي يبين على حد قولتهم انهم تضرروا من بن همام..........

GianLuCa
12-03-2007, 13:09
بن همام فخر الكرة القطرية والخليجية والعربية (http://64.5.47.99/showthread.php?t=154132)

للقطريه .. بس للعربيه والخليجيه ماظني !! ماضني ان لنا خاطر نفتخر برجل مشبوه .. شبهه عالميه ..

ريـــــانيه
13-03-2007, 03:30
مع كل احترامي و رغم كل اللي قلتوه عن بن همام هو مفخره الكره القطريه والخليجيه والعربيه :D

بن همام :clap: يستاهل كل خير

ويعطيج الف عافيه سداويه

ManćҢestỆг UŇiţEĎ
13-03-2007, 03:57
:confused:




.. مافي سبب مقنع !!


.. وترا لو قريت الموضوع بتشوف انه مافيه شي ...
بس فيه ناس لما يسمعون بن همام مادري شيصير فيهم !!


بس المواضيع اللي طايحين سـب في بن همام ماسكرتوها !!!
.. اذا شايف الموضوع فيه شي سكره !!


.. نو كومينت صراحه ...



سداويه ...كان في موضوع لاحد الاخوان ...كان فيه غلط على بن همام ..رحت ومسحته

ياليت ماتجمعين ..... واذا في موضوع انتي شايفته ماتصكر قوليلي وانا حاضر من عيوني

واذا في مراقب ماعدل الردود يتحاسب ....


للاسف المشكله مو في نمط الموضوع ...المشكله في رأس الموضوع ....

على العموم طاف ...

عاشق قطر
13-03-2007, 11:35
انا غسلت ايدي من بن همام بعد حادثة السد و القادسية :) و كملوها الاتحاد الاسيوي بعدم احتساب نقاط مباراة الكويت و استراليا كأفضل لاعب بالمباراة لبدر المطوع ..
تصحيحا لمعلوماتك أخوي, جائزة بدر المطوع في مباراة استراليا لم تكن من مراقب المباراة (الذي يحتسب النقاط), بل كانت من شركة راعية,

وبالعقل ياخوي, أفضل لاعب في كل مباراة لايعلن ولايكرم في أرض الملعب في اختيارات الاتحاد الاسيوي, ولا كان حسبنا النقاط وعرفنا أفضل لاعب في آسيا قبل أسابيع من الاعلان عنه. :)

GianLuCa
13-03-2007, 13:02
على هدفاع يسمع رابين وياه بيت واحد ..

مشكلة بعض الاخوه القطرين .. والاعلام القطري .. بس يصير الشخص قطري خلاص جنى صار نبي لايخطء وكل البلد موكلين محامين دفاع عنه !!

مبارك الدوسري
13-03-2007, 13:55
محمد بن همام من وجهة نظري نقطه سوداء في جبين الكرة الآسيويه والخليجيه ، مع كامل احترامي وتقديري لأخواني القطريين ، فـ كيفكم انتوا يالقطريين تبون تفتخرون فيه فهذا شأنكم ولكن بالنسبة لي أراه وللأسف ضر الكويت رياضيا في الطالعة والنازلة ، وللأسف في الكويت ماعندنا المسؤول الرياضي الي يوقفه عند حده ، لذلك يستاهل أن يسرح ويمرح في غياب المسؤولين الرياضيين الي يحمرون العين عليه اليوم وبكره ينسفـون الكرسي الي قاعد عليه .

عاشق قطر
13-03-2007, 17:23
محمد بن همام من وجهة نظري نقطه سوداء في جبين الكرة الآسيويه والخليجيه ، مع كامل احترامي وتقديري لأخواني القطريين ، فـ كيفكم انتوا يالقطريين تبون تفتخرون فيه فهذا شأنكم ولكن بالنسبة لي أراه وللأسف ضر الكويت رياضيا في الطالعة والنازلة ، وللأسف في الكويت ماعندنا المسؤول الرياضي الي يوقفه عند حده ، لذلك يستاهل أن يسرح ويمرح في غياب المسؤولين الرياضيين الي يحمرون العين عليه اليوم وبكره ينسفـون الكرسي الي قاعد عليه .
ممكن تسرد لنا نقاط ولو بشكل مختصر كيف ضر الرياضة االكويتية؟!

عشان ماختاروا بدر المطوع, ولا عشان ايقاف القادسية!؟ كل هذي قرارات تتخذها لجنة فنية للجوائز ولجنة عقوبات للعقوبات. http://diwania.alazraq.com/images/icons/2.gif

الـجـافـل
13-03-2007, 18:42
ممكن تسرد لنا نقاط ولو بشكل مختصر كيف ضر الرياضة االكويتية؟!

عشان ماختاروا بدر المطوع, ولا عشان ايقاف القادسية!؟ كل هذي قرارات تتخذها لجنة فنية للجوائز ولجنة عقوبات للعقوبات. http://diwania.alazraq.com/images/icons/2.gif


:clap: :clap: :clap:
هذا هو الكلام السنع ياليت نعرف شنهو ضر الرياضه الكويتيه وياليت الي يبي يتكلم يجيب
الدليل القاطع على كلامه علشان نسكت مره وحده

FATA CALI
13-03-2007, 20:14
ممكن تسرد لنا نقاط ولو بشكل مختصر كيف ضر الرياضة االكويتية؟!

عشان ماختاروا بدر المطوع, ولا عشان ايقاف القادسية!؟ كل هذي قرارات تتخذها لجنة فنية للجوائز ولجنة عقوبات للعقوبات. http://diwania.alazraq.com/images/icons/2.gif


ممكن انت بعد تسرد انجازات الاتحاد الاسيوي بالادله (( ورق رسمي و موثق اذا تكرمت ))
و ماهو الفرق بين بن همام الرئيس الحالي و سلطان بروناي الرئيس السابق؟ (( باين عليك طليع بتاريخ الاتحاد الاسيوي و انجازاته ))

بوخالد
13-03-2007, 21:21
يااخوان ترى بن همام مو ملاك؟؟
وانشالله ننتظر منه انه يلتفت لغرب اسيا
بصراحه اهو واضحه ميوله لشرق اسيا ويبي يطور من شرق اسيا
ويفكر بالفيفا
شكراااااا

الـجـافـل
14-03-2007, 00:42
ممكن انت بعد تسرد انجازات الاتحاد الاسيوي بالادله (( ورق رسمي و موثق اذا تكرمت ))
و ماهو الفرق بين بن همام الرئيس الحالي و سلطان بروناي الرئيس السابق؟ (( باين عليك طليع بتاريخ الاتحاد الاسيوي و انجازاته ))



ابن همام لم يشتكي ولم يوجه اتهامات
المفروض من المتضرر هو ان يسرد لنا التهم مع الادله وليس العكس

shaheen
14-03-2007, 02:41
ابن همام لم يشتكي ولم يوجه اتهامات
المفروض من المتضرر هو ان يسرد لنا التهم مع الادله وليس العكس

مسـكين بـن هـمام لمـا وقـف الـقادسـية بالاسـيويه مـوسمـين ..مـسكين الـرجل الـمغوار لما تسـبب بـشكل كـبير فـي عـدم تـأهل الـكويت لكأس الـعالم وتـعاونه مع الحـكم الـماليزي..مـسكين بـن هـمام لـما ماحـسب نـقاط افضـل لاعب بمبـاراتنا مع اسـتراليا حق بـدر الـمطوع..وسبـحان الله كـل هذا من اللـجان الـفنية والتحكيـميه يـعني ماكان يـقدر "رجل الـخليج والعرب الاول" في اقـامة اجتـماع بـينه وبـين اللـجان الـقائمة على الاتـحاد الاسـيوي ووضع الـنقط فـوق الـحروف في مسألة افـضل لاعب لبدر الـمطوع في مباراة استـراليا ورد حق الـمطوع..صـج مسـكين"جمـال عبـدالـناصر الـخليج"!!

عاشق قطر
14-03-2007, 11:26
ممكن انت بعد تسرد انجازات الاتحاد الاسيوي بالادله (( ورق رسمي و موثق اذا تكرمت ))
و ماهو الفرق بين بن همام الرئيس الحالي و سلطان بروناي الرئيس السابق؟ (( باين عليك طليع بتاريخ الاتحاد الاسيوي و انجازاته ))

وهل يجاب على السؤال بالسؤال أخي العزيز؟ :)
الأخ مبارك الدوسري قال أنه ضر الكرة الكويتية (انتوا أصلا تقولون حكومتكم ماتبي رياضة) أنا سألته كيف ومنتظر الاجابة...

عاشق قطر
14-03-2007, 11:32
مسـكين بـن هـمام لمـا وقـف الـقادسـية بالاسـيويه مـوسمـين ..مـسكين الـرجل الـمغوار لما تسـبب بـشكل كـبير فـي عـدم تـأهل الـكويت لكأس الـعالم وتـعاونه مع الحـكم الـماليزي..مـسكين بـن هـمام لـما ماحـسب نـقاط افضـل لاعب بمبـاراتنا مع اسـتراليا حق بـدر الـمطوع..وسبـحان الله كـل هذا من اللـجان الـفنية والتحكيـميه يـعني ماكان يـقدر "رجل الـخليج والعرب الاول" في اقـامة اجتـماع بـينه وبـين اللـجان الـقائمة على الاتـحاد الاسـيوي ووضع الـنقط فـوق الـحروف في مسألة افـضل لاعب لبدر الـمطوع في مباراة استـراليا ورد حق الـمطوع..صـج مسـكين"جمـال عبـدالـناصر الـخليج"!!
لحظة ياخي :)

- إيقاف القادسية... يرجع للجنة الانضباط فالاتحاد الأسيوي.
- الحكم الماليزي... لول من صجك؟ لو كل مباراة يصير فيها ظلم يلام فيها رئيس الاتحاد الأسيوي كان تم الغاء كاس العالم, كبر عقلك... أهم شي "تعاونه" مع الحكم الماليزي. http://diwania.alazraq.com/images/icons/2.gif
- أما نقاط استراليا, فهذا الدليل الثالث والأخير على عدم "اطلاع" و "بحث" الكثير من الأخوة الكويتيين فهذا المنتدى... ممممم باختصار, النقاط التي تحتسب لكل لاعب يحسبها "مراقب المباراة" وليس شركة راعية (اللي سلمت الجائزة للمطوع), وبالعقل ياخي, لو كل لاعب ياخذ نقاط مراقب المباراة ثم يكرم في أرضية الملعب لحسبنا النقاط بروحنا وعرفنا أفضل لاعب فآسيا قبل أسابيع من موعد الاعلان عنه. :)

المدريدي
14-03-2007, 13:27
كملي العنوان!!

والاسيويه والاوروبيه والكونيه والمريخيه!!


عاش عنتر بن شداد

:p

الـجـافـل
14-03-2007, 14:47
شاهين مع الاسف انك تدين نفسك بنفسك
ولا دليل ذكرته كل الي قلته بعيد كل البعد عن ابن همام
قلنا نبي الدليل كلام في الهواء مانبي لو سمحت

FATA CALI
14-03-2007, 16:37
شاهين مع الاسف انك تدين نفسك بنفسك
ولا دليل ذكرته كل الي قلته بعيد كل البعد عن ابن همام
قلنا نبي الدليل كلام في الهواء مانبي لو سمحت

يا شباب لحد يعور راسه و يناقش الاخ ترى عنده حجج و براهين محد يقدر يرد عليها :D و نقول مبروك لي كل واحد يحب بن همام

عاشق قطر
14-03-2007, 18:06
يا شباب لحد يعور راسه و يناقش الاخ ترى عنده حجج و براهين محد يقدر يرد عليها :D و نقول مبروك لي كل واحد يحب بن همام
دام أنكم ماتقدرون تجارون بنقاط مقابل نقاط وتكتفون بردود "القهاوي" ماعتقد في داعي حد يتعب نفسه مع أسلوبكم.

FATA CALI
14-03-2007, 18:15
دام أنكم ماتقدرون تجارون بنقاط مقابل نقاط وتكتفون بردود "القهاوي" ماعتقد في داعي حد يتعب نفسه مع أسلوبكم.

في فرق بين الحوار و الجدال (( اكيد ما تدري )) بعدين شفيه حجي القهاوي (( اخاف قاعد احاور مسئول بالفيفا )) عموما سوالف القهاوي ابرك من سوالف الحريم (( اكيد موافقني على هالنقطه :D ))

عاشق قطر
14-03-2007, 19:16
في فرق بين الحوار و الجدال (( اكيد ما تدري )) بعدين شفيه حجي القهاوي (( اخاف قاعد احاور مسئول بالفيفا )) عموما سوالف القهاوي ابرك من سوالف الحريم (( اكيد موافقني على هالنقطه :D ))
المشكلة يجي الأخ مبارك الدوسري وياخذ الموضوع جد وأنا أجاريه بعدين أنت وغيرك تجي تاخذ الموضوع مقلب وغشمرة... تشتتون الواحد. http://diwania.alazraq.com/images/icons/2.gif

Smooth criminal
15-03-2007, 10:18
اخوي عاشق قطر كلامك كله عين العقل........ لكن كل انسان له رايه ولاتعتبر ان الاخوان الكويتيين يكرهون بن همام او قطر

لاكن لهم ارائهم الشخصيه اتجاه بن همام ومن حقهم..........

واشكرك اخوي عاشق على ردودك وتوضيحاتك للاخوان الكويتيين.

انا قطري
15-03-2007, 13:58
اعتقد انها خطوة في الطريق الى رئاسة الفيفا :)

Smooth criminal
15-03-2007, 15:00
شباب خلاص لاتردون واللي يسلمكم خلوا الموضوع ينزل بروحه........ دام كل واحد صار يسب ابو الثاني الله يستر.......

FATA CALI
15-03-2007, 15:00
اخوي عاشق قطر كلامك كله عين العقل........ لكن كل انسان له رايه ولاتعتبر ان الاخوان الكويتيين يكرهون بن همام او قطر

لاكن لهم ارائهم الشخصيه اتجاه بن همام ومن حقهم..........

واشكرك اخوي عاشق على ردودك وتوضيحاتك للاخوان الكويتيين.

اصبت يا اخ سموث و انا اشكرك على هل رد و الشكر موصول لي كل شخص يحمل نفس الفكر

FATA CALI
15-03-2007, 15:06
هههههه إس شفيه الشاعر!؟ أهم شيء أنك "كامل" http://diwania.alazraq.com/images/icons/2.gif

و لا كامل الدسم بعد:D .... الكمال لله ....... عموما انا ما احب اتكلم بهل الاسلوب و سوري اخوي (( انا قطري اذا بدر مني شي يزعلك ))

تمون يا اخ سموث وانا هذا اخر رد لي بالموضوع

عاشق قطر
15-03-2007, 15:33
حصل خير :)

أصلا الموضوع خذا أكبر من حجمه فخلوه ينزل بروحه لين يموت لول.

مبارك الدوسري
17-03-2007, 02:11
ممكن تسرد لنا نقاط ولو بشكل مختصر كيف ضر الرياضة االكويتية؟!

عشان ماختاروا بدر المطوع, ولا عشان ايقاف القادسية!؟ كل هذي قرارات تتخذها لجنة فنية للجوائز ولجنة عقوبات للعقوبات. http://diwania.alazraq.com/images/icons/2.gif


ياولد الحلال البينة على من ادعى ، انت تدعي أن بدر مو أفضل لاعب في مباراة استراليا أوكي
احنا نبي منو كان افضل لاعب في تلك المباراة اذا ماكان بدر هو الأفضل .. !!
عموما لاتلومنا فـ حتى بن همام ماقدر يتكلم أو حتى يحجنا ويقنعنا ولكنه للأسف اختبـأ خلف خزعبلاته
فلم نرى منه حقـا بل رأينا باطلا "يشق العين" :)

عاشق قطر
17-03-2007, 10:26
ياولد الحلال البينة على من ادعى ، انت تدعي أن بدر مو أفضل لاعب في مباراة استراليا أوكي
احنا نبي منو كان افضل لاعب في تلك المباراة اذا ماكان بدر هو الأفضل .. !!
عموما لاتلومنا فـ حتى بن همام ماقدر يتكلم أو حتى يحجنا ويقنعنا ولكنه للأسف اختبـأ خلف خزعبلاته
فلم نرى منه حقـا بل رأينا باطلا "يشق العين" :)
أخوي مب شرط كل مباراة فيها أفضل لاعب, أصلا فأغلب المباريات يتم حجب النقاط من قبل المراقب إذا مافي لاعب يستاهل. :)
بعدين أنا مادعي هذا صج, مافي لاعب ياخذ نقاط ويكرم فأرض الملعب, وين أصرفها هذي!؟

مبارك الدوسري
27-03-2007, 21:50
والله ياخوي الكريم النقاش اذا صار لأجل النقاش وليس لاجل القناعه والاقناع فـ صدقني راح يكون نقاش في الهواء ، أي بلا فائده :)
لذلك انا طرحت سؤال وقلت البينه على من ادعى وانتوا تدعون ان بدر مو أفضل لاعب ، لذلك أثبتوا لنا ان بدر ليس الأفضل في مباراة فضيحة بن همـام ، احنا ككويتيين رأينا بدر يكرم كأفضل لاعب في المباراة ، انتوا تنفون ، لذلك احنا نطالب بدليلكم هذا ان وجد لديكم دليل أو حتى دل :)
صدقني أخوي بن همام يحرجكم وراح يحرجكم في المستقبل ، لاتدافعون عنه بهذه القوه لدرجة انه يعمي بصيرتكم عن رؤية الحق ويجعلكم تنظرون لباطله وكأنه حق :)

زبدة الحجي اعيدها مره ومرات منو أفضل لاعب في مباراة الكويت واستراليا ؟؟
أعرف انك عاجز عن الاجابه والدليل أنك تقول أنه يتم حجب جائزة أفضل لاعب في المباراة اذا ماكان هناك لاعب يستاهل !!
وبدر المطوع يالحبيب عمل شوارع في دفاع استراليا ، المطوع عمل خلطبيطـه في الخط الخلفي الاسترالي بالله اشلون مايصير في المباراة لاعب ممبــز !!
ياراقل ؤول غير كده :)

Sdawya HIGH
27-03-2007, 22:07
.


.
.


... إشـرايــكم تـثبــتون الـموضــوع :D :D ...

عاشق قطر
27-03-2007, 23:22
والله ياخوي الكريم النقاش اذا صار لأجل النقاش وليس لاجل القناعه والاقناع فـ صدقني راح يكون نقاش في الهواء ، أي بلا فائده :)
لذلك انا طرحت سؤال وقلت البينه على من ادعى وانتوا تدعون ان بدر مو أفضل لاعب ، لذلك أثبتوا لنا ان بدر ليس الأفضل في مباراة فضيحة بن همـام ، احنا ككويتيين رأينا بدر يكرم كأفضل لاعب في المباراة ، انتوا تنفون ، لذلك احنا نطالب بدليلكم هذا ان وجد لديكم دليل أو حتى دل :)
صدقني أخوي بن همام يحرجكم وراح يحرجكم في المستقبل ، لاتدافعون عنه بهذه القوه لدرجة انه يعمي بصيرتكم عن رؤية الحق ويجعلكم تنظرون لباطله وكأنه حق :)

زبدة الحجي اعيدها مره ومرات منو أفضل لاعب في مباراة الكويت واستراليا ؟؟
أعرف انك عاجز عن الاجابه والدليل أنك تقول أنه يتم حجب جائزة أفضل لاعب في المباراة اذا ماكان هناك لاعب يستاهل !!
وبدر المطوع يالحبيب عمل شوارع في دفاع استراليا ، المطوع عمل خلطبيطـه في الخط الخلفي الاسترالي بالله اشلون مايصير في المباراة لاعب ممبــز !!
ياراقل ؤول غير كده :)
ياخوي يعني تبيني أسوي كوبي بست لردودي, خلاص مابسوي بس جاوبني على هالسؤال بخصوص مباراة استراليا:
بالله عليك كيف يتم تكريم اللاعب صاحب نقاط أفضل مباراة وثم الاعلان عن الجائزة بعدها بأسابيع؟ كيف تصير هذي؟ النقاط لاتعلن ياخي, ولا كل الناس بتعرف أفضل لاعب فآسيا بدون الحاجة لاحتفالات ومادري شنو...

مبارك الدوسري
27-03-2007, 23:50
ياخوي يعني تبيني أسوي كوبي بست لردودي, خلاص مابسوي بس جاوبني على هالسؤال بخصوص مباراة استراليا:
بالله عليك كيف يتم تكريم اللاعب صاحب نقاط أفضل مباراة وثم الاعلان عن الجائزة بعدها بأسابيع؟ كيف تصير هذي؟ النقاط لاتعلن ياخي, ولا كل الناس بتعرف أفضل لاعب فآسيا بدون الحاجة لاحتفالات ومادري شنو...

راح أذكرك يمكن نسيت او تناسيت :)
في بطولات يتم اختيار افضل لاعب مباشرة بعد المباراة وأزيدك من الشعر بيت اللاعب الي ياخذ انذار او يطرد ماكان يتم اختياره افضل لاعب في المباراة :)

عموما في نقطه مهمه حيرتني !!
يعني الحين يتم اختيار افضل لاعب بدون لايعرف اللاعب نفسه او حتى ادارة الفريق انه افضل لاعب ؟؟
اشلون بالله ؟؟

فلنفرض ان هذا الشيء حصل تعتقد انه تصرف مقنع ؟؟
ليش الجماهير ماتعرف ؟؟
هل هو عيب او حرام او حتى ممنـوع ؟؟
ام هناك نية أخرى !!

الحين انطر البينه منك بعدما وضحت لك :)

عاشق قطر
28-03-2007, 00:53
راح أذكرك يمكن نسيت او تناسيت :)
في بطولات يتم اختيار افضل لاعب مباشرة بعد المباراة وأزيدك من الشعر بيت اللاعب الي ياخذ انذار او يطرد ماكان يتم اختياره افضل لاعب في المباراة :)

عموما في نقطه مهمه حيرتني !!
يعني الحين يتم اختيار افضل لاعب بدون لايعرف اللاعب نفسه او حتى ادارة الفريق انه افضل لاعب ؟؟
اشلون بالله ؟؟

فلنفرض ان هذا الشيء حصل تعتقد انه تصرف مقنع ؟؟
ليش الجماهير ماتعرف ؟؟
هل هو عيب او حرام او حتى ممنـوع ؟؟
ام هناك نية أخرى !!

الحين انطر البينه منك بعدما وضحت لك :)
أخوي في فرق بين جائزة أفضل لاعب في المباراة اللي تمنحها شركات راعية وبين النقاط اللي يحتسبها مراقب المباراة لأفضل لاعب من وجهة نظره.

وبالنسبة للشق الثاني من السؤال, مادري أحس قاعد أكرر نفسي, قلت لك عشان يكون هناك في داعي لحفل التكريم اللي يقيمه الاتحاد الآسيوي سنويا, ولا ماله داعي إذا نعرف اختيار مراقب المباراة عقب كل مباراة.

Corvette
28-03-2007, 02:36
أخوي في فرق بين جائزة أفضل لاعب في المباراة اللي تمنحها شركات راعية وبين النقاط اللي يحتسبها مراقب المباراة لأفضل لاعب من وجهة نظره.

النقاط اهي نفسها الي تحسم لقب أفضل لاعب بالمباراة .. والشركات الراعيه طبعا للإتحاد الآسيوي :)

عاشق قطر
28-03-2007, 03:02
النقاط اهي نفسها الي تحسم لقب أفضل لاعب بالمباراة .. والشركات الراعيه طبعا للإتحاد الآسيوي :)
لا لا الراعية للمنتخب الكويتي أو الاسترالي.

ياجماعة أصلا بالعقل مايصير...

Smooth criminal
28-03-2007, 06:10
لا لا الراعية للمنتخب الكويتي أو الاسترالي.

ياجماعة أصلا بالعقل مايصير...

خلك ياصاحاب العقول انت.......:p

عاشق قطر
28-03-2007, 11:31
خلك ياصاحاب العقول انت.......:p
أنا صاحب العقول النيرة فقط. http://diwania.alazraq.com/images/icons/1.gif

مبارك الدوسري
28-03-2007, 14:24
نمشي معـاك أخوي عاشق قطر ومع بن همـام ونقول اوكي بدر مو افضل لاعب في مباراة استراليا ;)
لكن السؤال الي يطرح نفسه منو افضل لاعب في مباراة الكويت واستراليا ؟؟
وليش لم يتم الاعلان عن اسمه من قبل الاتحاد الآسيوي ليردوا على من يتهمهم بظلم بدر المطوع ؟؟

شوف اخوي عاشق قطر انا قاعد أمشي معاك خطوه خطوه ، تروح يمين اروح معاك يمين ، تروح يسار هم أروح معاك يسار ولكن للاسف لا اجابه منك لقيناها في اليمين ولا اجابه لقيناها في الشمال :)

Immortal
28-03-2007, 15:20
ياعيني، يقول بدر ماكان افضل لاعب بمباراة استراليا مع انه تكرم!! وبعدين يرقعها يقول شركة راعية، انزين خلاص باخذك على قد عقلك.. انت تشوف خلفان يستاهل الاول؟ صحيح صار اللي صار بس انت جاوبني منو يستاهل الاول بدر ولا خلفان؟ ولا تقولي ولا واحد فيهم يستاهل اتكلم عن المرشحين

عاشق قطر
28-03-2007, 15:27
مادري تكلموني كأني مسؤول ولا مراقب مباراة استراليا والكويت, أنا بعد أبي دليل أن بدر المطوع خذا نقاط ذيك المباراة فعلا, وهو ماخذاها حسب جدول أفضل لاعب.

immortal... أنت ناقضت نفسك من أول جملة "أفضل لاعب وتكرم"... كيف هذي بالله!؟ إلا لو كانت من شركة راعية... وأعتقد مافي داعي استخدام أسلوب "باخذك على قد عقلك" أعتقد هذي مكانها فالقهوة اللي تتناقش فيها مع ربعك مب في نقاش حضاري.
وتسألني من أفضل خلفان ولا بدر... وش بيغير رأيي!؟ أنت همك بس أقول بدر أفضل, يالله بدر أفضل من خلفان ابسط ياعم. http://diwania.alazraq.com/images/icons/2.gif

ريـــــانيه
29-03-2007, 01:43
انا اشوف ولا واحد يستاهل :d

مبارك الدوسري
29-03-2007, 05:40
احنا مانقول انت مسؤول بالاتحاد الاسيوي ، احنا نقول عن من تدافع عنه ليش ماذكر للعالم ووضح لهم النقطه الي دائما نحجه فيها وهي حصول بدر على افضل لاعب في مباراة استراليا ؟؟
تعتقد الاتحاد الآسيوي شنو خسران لما يضع افضل اللاعبين في كل المبارايات ؟؟؟
شنو خسران لما يرد على استفسار الكويتيين وتظلمهم ويقول لنا منو افضل لاعب في مباراة استراليا ؟؟؟
عموما احنا بينا لك بالصوره ان بدر حصل على افضل لاعب في مباراة استراليا ، يعني وضعنا دليل
وانت تنفي هالشيء ونقول لك هات الدليل ولكن لادليل يدلنا على ماتقول :)

هذي نصيحه لك اخوي عاشق قطر ، لما تشوف بن همـام متوهق ومايقدر يدافع عن نفسه فلا تدافع عنه
لان الضعيف يزيدك ضعف والقوي يزيدك قوه وانا اتمنى لك الخير واتمنى اشوفك قوي على طول وانا خيك

عاشق قطر
29-03-2007, 14:17
احنا مانقول انت مسؤول بالاتحاد الاسيوي ، احنا نقول عن من تدافع عنه ليش ماذكر للعالم ووضح لهم النقطه الي دائما نحجه فيها وهي حصول بدر على افضل لاعب في مباراة استراليا ؟؟
تعتقد الاتحاد الآسيوي شنو خسران لما يضع افضل اللاعبين في كل المبارايات ؟؟؟
شنو خسران لما يرد على استفسار الكويتيين وتظلمهم ويقول لنا منو افضل لاعب في مباراة استراليا ؟؟؟
عموما احنا بينا لك بالصوره ان بدر حصل على افضل لاعب في مباراة استراليا ، يعني وضعنا دليل
وانت تنفي هالشيء ونقول لك هات الدليل ولكن لادليل يدلنا على ماتقول :)

هذي نصيحه لك اخوي عاشق قطر ، لما تشوف بن همـام متوهق ومايقدر يدافع عن نفسه فلا تدافع عنه
لان الضعيف يزيدك ضعف والقوي يزيدك قوه وانا اتمنى لك الخير واتمنى اشوفك قوي على طول وانا خيك
أعتقد وصلنا لطريق مسدود أنت مستحيل تقتنع بكلامي وأنا "بلا شك" مستحيل أقتنع بكلامك بخصوص مباراة أستراليا.

عموما أحترم وجهة نظرك وحياك الله.

Smooth criminal
29-03-2007, 15:29
بن همام اخطا بحق الكويت ببعض القرارات اوكي خلنا نقول ظلم مانكر هالشي ابدا........

لكن احنا نتكلم عن تاثيره على قارة اسيا بشكل عام

اتوقع انه قدم الكثير والكثير للكره الاسيويه.....ويعطيه الف عافيه........

N.a.9.e.R
29-03-2007, 22:39
مـع كل احترامي وتقديري للعقلاء من الشعب القطري ..
لكن أثبتولي الأخوان القطريين بالمنتدى من خلال هالموضوع ..


إن 95 % من الشعب القطري يفكر بقلبه مو بعقله ..
هذا إن وجد العقل أصلا ..


ويبقى بن همام " بقعه " سوداء جلحة ملحة في تاريخ الكرة الأسوية والخليجية .. :)

سائـح ايـطـالـي
30-03-2007, 00:28
استغرب من الاخوان الكويتيين
هذا الهجوم الكبير على رئيس تمت تزكيته للمره الثانية
من قبل الاسيوين وطبعاً من بينهم اخوانا الكويتيين


اذا ابتعدنا نحن القطريين عن الوضوع قليل
ممكن تفسير هذه التزكية المباركة لبن همام للمرة الثانية


اليس هذا دليل قاطع ورد على المشككين والحقاد
ان بن همام هو الرجل الاقوى في القارة


في النهاية
الرجل باقي اربع سنوات قادمة
وهذا الرجل لا يهتم بالكلام الذي يقال عنه من قبل اناس لا تفقه ما تقول
بل يفكربما هو قادم والقادم هو اكبر بكثير من منصب رئيس الاتحاد الاسيوي


يبقى محمد بن همام العبدلله رئيس الاتحاد الاسيوي
وتبقى بعض الجماهير الخليجية الحاقدة بعيدة عن الاخلاق الرياضية ..؟

كويتاوي حتى النخاع
30-03-2007, 01:46
بن همام عمل اشياء كثيرة تحسب له وترجح كفته ومنها انه جعل دوري ابطال اسيا من اقوى دوريات العالم وجعل نظامة ذهاب واياب وقسم البطولة لبطولتين ( الدوري والكأس ) .. وايضا وضع قانون عدم مشاركة اي فريق في هذه البطولة ان لم يكن فريق محترف .. واول المنتفعين من هذا القرار هو انتم " ياكويتييـن " !!


وبالفعل فهو فخر الكرة القطرية والخليجية والعربية .. والرجل المناسب في المكان المناسب بعيدا عن كل العواطف .. وتستاهل كل خير يابن همام والله يوفقك بما فيه الخير للرياضة الآسيوية والخليجية

شقردي كويتي
30-03-2007, 03:19
عن نفسي ..

رؤيه افعال بن همام و طريقه تفكيره ..

تجعلني اعتقد ان لا يوجد هناك كفائات رياضيه في قطر ...


بن همام .. نقطه سوداء في جبين الرياضه الاسيويه و خصوصا القطريه منها ...

GianLuCa
30-03-2007, 03:38
شحقه حاقدين عاد ! خل يعطي كل ذي حق حقه ويحيد إلى الحق .. وكلنا بنحطه فوق روسنا !!

ريـــــانيه
30-03-2007, 05:34
اوووووووه شسالفه؟؟!:eek:

ليش سداويه موقوفه!! :eek: شسوت !! :eek2: يعني اذا الواحد بيدافع عن المنتخب ولا عن بلاده وقفتوه (..) مادري ليش كانت تمدح لي هالمنتدي كله سب وهواش :mad:

سداويه اذا كنتي متابعه دخلي المسن ابيييج :D

Selfish
30-03-2007, 11:58
اوووووووه شسالفه؟؟!:eek:

ليش سداويه موقوفه!! :eek: شسوت !! :eek2: يعني اذا الواحد بيدافع عن المنتخب ولا عن بلاده وقفتوه (..) مادري ليش كانت تمدح لي هالمنتدي كله سب وهواش :mad:

سداويه اذا كنتي متابعه دخلي المسن ابيييج :D

المشرفين أدرى بشغلهم ..

وهم بيوقفون في وجه كل شخص يتمادى على الآخرين ..