المساعد الشخصي الرقمي

مشاهدة النسخة كاملة : حقيقة جاريدو وميلادين مع كاظمة ..



maystro
30-05-2007, 12:11
كثير من الناس يتسائلون شلون كاظمة فرط بالمدرب واللاعب ميلادين ؟؟

والحقيقة ان كاظمة ما فرطوا بميلادين اهو اللي رفض ان يوقع العقد لان على كلامه ان يبي يرتاح بعد نهاية الموسم وبعدين يفكر بالتجديد وخصوصا ان على كلامه ان في عرض له مقدم من اروربا وما ياله ولا عرض من الكويت!!!

والنادي ما قصروا معاه بشي معطينه كل اللي يبي وزيادة في العقد الجديد ..

والحين نتفاجأ بانضمامه للقادسية !!

والمدرب جاريدو اوضح بان لديه عرض مغري بالصين وقال ان يفكر ان يروح هناك والادارة وافقت على طلبه بعدم التجديد لان العرض اللي مقدم له بالصين عرض خيالي !! وقال بان ليس لديه اي عرض بالكويت !!!!

وهم تفاجأنا بانضمامه لنادي القادسية !!

بالنسبة للمدربين فكاظمة لا خوف عليه من هالناحية .. وجاريدو مدرب مغمور وبنظري ان مدرب عادي وفريق كاظمة بلاعبينه ومحترفينه هم من وصلوا المدرب لهذه المرحلة وخلوه ينشهر ..

وفواز الحساوي نفى خبر تعاقد القادسية مع هالاسماء .. والحين نشوف بالجرايد انهم خالصين وياهم !!

يعني منو نصدق .؟؟

عموما اتمنى التوفيق للجميع ..

وانشالله كاظمة يعوض هالاثنين اذا راحوا ..

روح القادسية
30-05-2007, 12:14
القادسية ملكي يسوى اوربا والصين بعد..;)
مع ان ماحب المدربين والمحترفين اللي جنهم حرامية يوقعون مع اكثر من نادي ويجذبون وهالحركات تبين انهم مو ثقة بالمرة..مثل ميتسو وفوزي بشير والحين العجمي وغيرهم وايد

بوناصر
30-05-2007, 12:18
شاكر لك على التوضيح أخي العزيز

اللي نفهمه من كلامك إن ميلادين والمدرب فعلا انضموا للقادسيه ! :) ، يعطيك ألف عافيه ، وكفو يا بوعبدالعزيز !! ;)

قدساوى بحرى
30-05-2007, 12:23
اعتقد بعد كل الكلام والتصريحات...نقدر نقول مبروك انتقال المدرب واللاعب.

maystro
30-05-2007, 12:31
بوناصر .. انا ما قلت انهم انضموا رسميا للقادسية وانما وضحت قصتهم مع كاظمة على التجديد بس المدرب وميلادين مازالوا ينفون انهم تعاقدوا مع القادسية والصحف تقول عكس جذيه !!

KinG^BaLL
30-05-2007, 12:45
هذا عـالم الاحتراف يا بـو الهـش :)..
وميـلادين مميـز هذا الموسم ويسـتاهل يلعب مع اي فريق ممتاز ،، ونستغرب من كـاظمه عدم تجديده له من قـبل 3 الى 4 اشـهر ،، ومثال على ذلك لاعب نادي الكويت الانـغولي مـاكينغا وقعت معاه اداره نادي الكويت قبل شـهرين تقـريباً .. الي ابي اوصـله ان مثل هؤلاء اللاعبين صعب التفريط فيهم لان يلعبون بمركز حساس وقـوي ويشـيل الفريق ولازم يكون سـرعه في التعاقد معاهم لانهم مميـزين والعروض تنهال عليهم من قبل نهايه المـوسم ..

والمدرب حسـب علمي ان له بعض التخبطات في التكتيك داخل الملعب ويعتمد على نفسـيات اللاعبين اكـثر من التكتيك داخل الملعب " اسلوب مـاتشلا " وان له عـرض " موصج ! " من الصين بمـبلغ خـيالي !! وان الاقرب بيروح الصين بـنسبه 90% و10% بيقعد بالكويت اذا مع كـاظمه او مع القادسيه هذا كان تـصريحه لاحد الجرايد الكـويتيه ..

وزين محمد حسـين ما فلت منكم يا بـو الهـش وخذوه حـبايبكم القادسيه ;) !!

ع العـموم كـاظمه قادر ان ايـيب افضل من المدرب وميلادين بـأذن الله وبـمراحل ايضـاً ويـواصل مشوار التـميز الي بدا فيه من هذا المـوسم ..

قواك الله بو الهـش :)

بياع الورد
30-05-2007, 12:51
أعتقد سبب عدم الاعتراف بالتوقيع من قبل مدرب كاظمه ولاعبهم.. أهو لن القانون يعاقب ولايسمح بتوقيع عقد ثاني وعقده الحالي مع كاظمه ساري المفعول ..
هذا السبب يلغي حيرتك اخوي صاحب الموضوع :)

بو شايع
30-05-2007, 12:58
أعتقد سبب عدم الاعتراف بالتوقيع من قبل مدرب كاظمه ولاعبهم.. أهو لن القانون يعاقب ولايسمح بتوقيع عقد ثاني وعقده الحالي مع كاظمه ساري المفعول ..
هذا السبب يلغي حيرتك اخوي صاحب الموضوع :)
أذا عقده ما زال ساري المفعول .. يعني الخبر مو صحيح .. وإذا ما كان ساري المفعول ..
أعتقد أن الحساوي إذا صرح أخلف .. وإذا أنكر يمكن يكون موقع وخالص .. :) ..
شكرا على الخبر .. ونبيه قدساوي ..

كويتاوي ما يغلبونه
30-05-2007, 13:01
ميلادين افضل محترف حاليا بالكويت

نفس محترف أعتقد من الجييك ما اذكر اسمه على ايام ماتشالله بس هداف و جسمه ممتاز طول ولياقه.

الصراحه المتعهد الي ايب اللاعبين لكاظمه يعرف اينقي عدل.

كويتاوي ما يغلبونه
30-05-2007, 13:05
أعتقد سبب عدم الاعتراف بالتوقيع من قبل مدرب كاظمه ولاعبهم.. أهو لن القانون يعاقب ولايسمح بتوقيع عقد ثاني وعقده الحالي مع كاظمه ساري المفعول ..
هذا السبب يلغي حيرتك اخوي صاحب الموضوع :)

اخ بياع الورد ممكن يوقع اوفر (العرض) وفيه مهلة لتوقيع العقد الرئيسي و الا يعتبر ال اوفر ملغي او يجدد مثل القطاع الخاص عقودهم.

بياع الورد
30-05-2007, 13:07
اخ بياع الورد ممكن يوقع اوفر (العرض) وفيه مهلة لتوقيع العقد الرئيسي و الا يعتبر ال اوفر ملغي او يجدد مثل القطاع الخاص عقودهم.

أنت ادرى مو تشتغل ببنك :)

الوطني
30-05-2007, 13:42
ميلادين افضل محترف حاليا بالكويت

نفس محترف أعتقد من الجييك ما اذكر اسمه على ايام ماتشالله بس هداف و جسمه ممتاز طول ولياقه.

الصراحه المتعهد الي ايب اللاعبين لكاظمه يعرف اينقي عدل.

رومان هانزس

أول محترف دخل الكويت

كويتاوي ما يغلبونه
30-05-2007, 13:50
رومان هانزس

أول محترف دخل الكويت

عدل الوطني
رومان

عاشق البلوز
30-05-2007, 15:20
مافيه شي رسمي لين الحين

مبارك الدوسري
30-05-2007, 15:57
قواك الله بو الهش :)
عموما للتوضيح فواز الحساوي في تصريح بالجريده ذكر أن التوقيع مع اي مدرب أو لاعب أثناء ارتباطه بعدق مع فريق محلي مو من شيـم القادسية ، لذلك من الممكن يوقع معاهم بعد انتهاء عقودهم .

بالنسبه لـ كلام الصحف فـ احدى الصحف ذكرت ان الطوقي وقع مع القادسيه ، وصحيفة أخرى ذكرت أن عجب وقع للقادسية بـ 45 ألف دينار ، لذلك مايذكر الآن اجتهادات صحفيه تقبل الصواب وتقبل خلافه .

بني قادس
30-05-2007, 16:09
اخوي الصفقه اخلصة ان شاء الله

bent elq8
30-05-2007, 22:47
يالله مروك للقادسية

كظماوي9
30-05-2007, 23:16
السلام عليكم ،،،

أنا بالنسبه لي خبر مفرح ان المدرب بيترك الفريق سواء بالكويت ولا بالصين المهم طلع ، المشكلة أغلب جماهير ما تحضر المباريات لكاظمة ولا اهيا عارف اسلوب المدرب ألا من نتايج الفريق ، شقول غير انه ضيع الدوري علينا ولا مدرب ينغلب من فريق ( الكويت ) ثلاث مرات ويتعادل معاهم مرتين ، المصيبه ان الكويت يلعب بنفس الخطه خمس مرات ، غير التبديل المحفوظ ، صدقونى انه طلع له صيت على اكتاف الفريق ، والحين بروح القادسية وبنشوف ومثل ما يقول المثل ( إلي بالجدر إيطلعه الملاس ) ونشوف .

بالنسبة لميلادين ، نعم لاعب ممتاز ويعتبر ميزان الوسط للفريق بس اسلوبه يحتج وقت علشان يتأقلم مع الفريق
يعنى مع كاظمة الموسم إلي طاف احتاج وقت أول الموسم علشان ياخذ على الفريق.

ميلادين يمكن مكسب بس المدرب الله ايعينكم .

أبو؟؟؟حجه
31-05-2007, 00:16
الموسم اللي طاف كان المدرب موجود مع كاظمه وميلادين ايضاً وما شفنا منهم شي مع النادي وكانو مو ذاك الزود بس هالموسم بصراحه نادي كاظمه عموماً مو طبيعي واتوقع للمدرب وميلادين الاخفاق مع نادي القادسيه.....لان نادي القادسيه يبي يكون بكل بطوله له تواجد واذا ما وفر هالشي المدرب او اللاعب اتوقع الاقاله راح اتكون سريعه وادارة وجمهور القادسيه مافيهم صبر كلش

كظمـاوي
31-05-2007, 02:03
خسارة خروج ميلادين من احسن المحترفين الي يابهم كاظمة

يلا الحمدالله عالاقل بقى عندنا خوش مدافع وخوش مهاجم اندريه


وان شاء الله كاظمة يعوض واييب لنا محترفين ممتازين مثل ما تعودنا

نبي محترفين يذكرونا برومان والثاني برانكو على ما اعتقد من احسن المحترفين الي طبو بالكويت وكاظمة

Salmiya Fan
31-05-2007, 02:12
يا جماعه اللي اعرفه ميلادين موقع 3 مواسم مع كاظمة شلون صار هالكلام كله...!؟

جوكم
31-05-2007, 02:20
والله ما يندرى !!

ميلادين من قبل جم يوم قايل بأبطال من ذهب انا ما ياني ولا عرض من ولا نادي محلي .. بروحه يقول انا مستغرب انا قاعد اسمع هالاخبار من الجرايد !! واكرر لا ياني عرض ولا وقعت ولا شي !!