المساعد الشخصي الرقمي

مشاهدة النسخة كاملة : دوخي: كاظمة هو من صنع جاريدو المغمور وميلادين وحسين تهربا



kwety
27-06-2007, 01:11
قرر الابتعاد عن الجهاز الإداري واتهم القادسية «بالكيل بمكيالين»

http://alwatan.com.kw/Data/site1/News/Issues200706/sp10-062707.pc.jpg

أعلن المدير الإداري للفريق الاول لكرة القدم بنادي كاظمة يوسف دوخي عن رغبته بعدم الاستمرار الموسم المقبل مع النادي وقدم اعتذاره لمجلس الإدارة بسبب التزاماته الوظيفية والدراسية. وقال دوخي لقد استفدت الكثير من الخبرة الادارية مع الفريق واشكر مجلس الادارة على ثقته واتمنى التوفيق للفريق الاول ولجميع فرق النادي.
وحول مستقبل الفريق الاول بعد رحيل البرتغالي جاريدو والمحترفين ميلادين ومحمد حسين قال دوخي ان كاظمة ناد كبير لا يتوقف على رحيل مدرب او محترف. وقال ان المدرب جاريدو لم يكن معروفا حين اتى الى الكويت لتدريب كاظمة وهو لم يصنع كاظمة بل الاخير هو من صنع جاريدو والنادي قادر على جلب افضل منه في المستقبل وعالم التدريب لا يتوقف على أمثال جاريدو.

تمثيلية الصين

وأعرب دوخي عن اسفه لاخلال جاريدو بالاجتماع الذي تم معه من قبل النادي والذي اكد من خلاله بانه لن يوقع لاي ناد سوى كاظمة ثم قام بتمثيلية الصين ثم اجتمع من وراء ظهورنا بالمسؤولين بنادي القادسية الذين فضلوا انهاء الموضوع معه من «تحت الطاولة» وقال دوخي ان مدير الكرة بنادي القادسية لم يعجبه تصرف نادي الكويت عندما علم بضم نهير الشمري وبدر المطوع واتهم الكويت بمحاولة زعزعة الفريق وانه قام بتصرفات بعيدة عن الروح الرياضية، والآن.. والكلام ليوسف دوخي ماذا سيقول عن محاولاته بضم جاريدو وميلادين ومحمد حسين للقادسية دون علم نادي كاظمة وتخطي الاعراف وحدود المنطق..أليس هذا ما يسمى «الكيل بمكيالين؟».

محمد حسين تهرب

واتهم دوخي البحريني محمد حسين بالتهرب من وعوده مع كاظمة وقال لقد اجتمعنا به بشكل رسمي للتجديد معه وسافر رئيس النادي اسعد البنوان الى البحرين لانهاء الموضوع مع المسؤولين بالنادي البحريني بعلم اللاعب محمد حسين ثم اجتمع رئيس النادي من جديد بالكويت مع اللاعب نفسه للتوقيع على العقد بعد الاتفاق على الامور المالية ثم اعتذر اللاعب بحجج واهية، والامر ينطبق على المحترف ميلادين الذي تهرب هو الآخر ووقعا للقادسية، وقال دوخي ان جاريدو هو من طلب البحريني محمد حسين ليلعب مع القادسية واصر على ذلك نظرا لانه يعلم ـ اي المدرب ـ ان خط دفاع القادسية ضعيف ويعلم السبب في ضعفه!ويريد تقويته بضم محمد حسين لخط دفاع القادسية.

جاريدو لا يريد نهير

واشار دوخي الى ان النادي لم يقصر تجاه ميلادين وعالجه من الاصابة التي تعرض لها في الرباط الصليبي بمستشفيات خاصة في بادرة طبية من النادي على الرغم من ان العقد بين الطرفين لا يلزم النادي بعلاج ميلادين في مستشفى خاص!
واضاف دوخي انني اقول للاعب نهير الشمري ان المدرب جاريدو سوف يستغني عن جهودك الموسم المقبل واما بالنسبة لميلادين فالنادي يعرف كيف سيتصرف معه بصورة قانونية!
واكد ان القادسية قدم عرضا ماليا لجاريدو يفوق مستواه الفني وكذلك الحال لميلادين والبحريني محمد حسين كلاعب خليجي من المفترض ان يقل سعره كثيرا وان بسعرهما يمكن شراء سيارة «بورش».

الوطن
تاريخ النشر: الاربعاء 27/6/2007

قدساوي & أنتراوي
27-06-2007, 01:14
الحين جاريدو صار مدرب مغمور ومايستاهل والله انت ناكر الجميل يالدوخى يعنى كاظمة هالموسم الكل اشاد فيه بعد ماكان ينغلب بالاربعه الموسم اللى طاف صار فريق رهيب بفضل الداهيه جاريدو بس ما الومك من القهر استريييييييح

جوكم
27-06-2007, 01:18
صح لسانك يا الدوخي

..آخر كلامي..
27-06-2007, 01:19
تمثيلية الصين

وأعرب دوخي عن اسفه لاخلال جاريدو بالاجتماع الذي تم معه من قبل النادي والذي اكد من خلاله بانه لن يوقع لاي ناد سوى كاظمة ثم قام بتمثيلية الصين ثم اجتمع من وراء ظهورنا بالمسؤولين بنادي القادسية الذين فضلوا انهاء الموضوع معه من «تحت الطاولة» وقال دوخي ان مدير الكرة بنادي القادسية لم يعجبه تصرف نادي الكويت عندما علم بضم نهير الشمري وبدر المطوع واتهم الكويت بمحاولة زعزعة الفريق وانه قام بتصرفات بعيدة عن الروح الرياضية، والآن.. والكلام ليوسف دوخي ماذا سيقول عن محاولاته بضم جاريدو وميلادين ومحمد حسين للقادسية دون علم نادي كاظمة وتخطي الاعراف وحدود المنطق..أليس هذا ما يسمى «الكيل بمكيالين؟».


حلال لهم وحرام عليهم ،، شليديد يبا هذا القادسيه !!!!!!!

جوكم توقيعك عجيب وصحيح يتكلمون عن الشرف وهم ما يدلون وينه !!!!!

الحمادي
27-06-2007, 01:20
هذا عالم الاحتراف يا دوخي ..اللي يدفع ياخذ ..

قدساوي & أنتراوي
27-06-2007, 01:25
شفيهم الكظماويه حبايبى هذول محترفين مو لاعبين محليين الله يعينا على هالعقليات ولاعبينكم ماصدقوا يبون الملكـى بأى طريقه ماينلامون القادسيـة غير مع احترامى لكاظمة بس فريق يلعب والمدرجات فاضيه مافى جمهور ماتلقى الا رئيس النادى وسايق الباص

كويتاوي قديم
27-06-2007, 01:28
اتمنى من الجميع يتجرد من عاطفته ويقرا توقيع جوكم .... ويقارنه بافعال ادارة القادسية.... ويحكم ضميره............

لا تنه عن خلق وتأت بمثله .. عار عليك إذا فعلت عظيم !!

شمس_الكويت
27-06-2007, 01:33
وين عيل الاحتراف يا الدوخي ؟؟؟؟ الحين المدرب صار مغمووور

Freddie
27-06-2007, 01:38
القادسية الذين فضلوا انهاء الموضوع معه من «تحت الطاولة» وقال دوخي ان مدير الكرة بنادي القادسية لم يعجبه تصرف نادي الكويت عندما علم بضم نهير الشمري وبدر المطوع واتهم الكويت بمحاولة زعزعة الفريق وانه قام بتصرفات بعيدة عن الروح الرياضية، والآن.. والكلام ليوسف دوخي ماذا سيقول عن محاولاته بضم جاريدو وميلادين ومحمد حسين للقادسية دون علم نادي كاظمة وتخطي الاعراف وحدود المنطق..أليس هذا ما يسمى «الكيل بمكيالين؟».


صدقت يا الدوخي

عذب المشاعر
27-06-2007, 01:41
كبير يادوخي على الكلأم الكبير

يا .. الاصفر
27-06-2007, 01:43
هذا الاحتراف اللي نطالب فيه .. ادفع تاخذ

قدساوى بحرى
27-06-2007, 01:44
ماعليه يا دوخي مالومك روح ارتاح وجابل وظيفتك احسن واترك عنك الحجي الفاضي......تتكلم ونت تجهل عالم الاحتراف ونت لاعب.....

قدساوي & أنتراوي
27-06-2007, 01:46
يالدوخى والله مع احترامى لك ماعندك سالفه هذا الاحتراف يابشر يعنى القادسيـة لما تعاقد مع ( المحلى ) احمد عجب كلم اداره الساحل لانه لاعب محلى بس جاريدو ومحمد حسين وميلادين وطلال يوسف محترفين يعنى تقدر تفاوضهم قبل انتهاء عقودهم مع انديتهم فهموها يابشر مشكله اللى مايفهم بالقانون ويتكلم

Greenawy
27-06-2007, 01:59
يالدوخى والله مع احترامى لك ماعندك سالفه هذا الاحتراف يابشر يعنى القادسيـة لما تعاقد مع ( المحلى ) احمد عجب كلم اداره الساحل لانه لاعب محلى بس جاريدو ومحمد حسين وميلادين وطلال يوسف محترفين يعنى تقدر تفاوضهم قبل انتهاء عقودهم مع انديتهم فهموها يابشر مشكله اللى مايفهم بالقانون ويتكلم
ومشكله أكبر إللي يصرح بكلام ويسوي عكس ما يقول

shaheen
27-06-2007, 02:01
"فـش خـلئك " يـالدوخي وقـول الي تبـيه ..
الـطيور طارت بأرزاقـها ;)

Nutty VaMpIrE
27-06-2007, 02:07
واضاف دوخي انني اقول للاعب نهير الشمري ان المدرب جاريدو سوف يستغني عن جهودك الموسم المقبل
مو عيب هالحجي ؟؟


واما بالنسبة لميلادين فالنادي يعرف كيف سيتصرف معه بصورة قانونية!
واكد ان القادسية قدم عرضا ماليا لجاريدو يفوق مستواه الفني وكذلك الحال لميلادين والبحريني محمد حسين كلاعب خليجي من المفترض ان يقل سعره كثيرا وان بسعرهما يمكن شراء سيارة «بورش».
هم عيب .. اللحين يعيب على لاعبينه !! :nono:

ولد_السالم
27-06-2007, 02:15
هاذا الاحتراف يالدوخي

Fazio
27-06-2007, 02:23
الجمهور القدساوي يقول عادي ..

والجمهور الفرق الاخرى بتقوول عيب وحلال عليهم حرام علينا .. الخ ..!


بس حفظنا ردود الاعضاء قبل الدخول بالموضوع .. :)

دندرن
27-06-2007, 02:34
الجمهور القدساوي يقول عادي ..

والجمهور الفرق الاخرى بتقوول عيب وحلال عليهم حرام علينا .. الخ ..!


بس حفظنا ردود الاعضاء قبل الدخول بالموضوع .. :)

تصدق كلامك صح :D والمفروض مانرد على هيك حكي لأنه فشة خلأ على قولة اخواننا اللبنانيين :D ^_^

اهم شي عالجنا ميلادين بمستشفيات خاصه :D يعني مان على الريال بعلاجه ؟؟ شنو بتاخذه لحم وتقطه عظم يادوخي ؟ :p هذا اذا ماكان معالجينه بمستشفى الاتصالاات المتنقله بعد :rolleyes:

اما سالفة نهير هذي شي ثاني الصراحه ... ههههههههههههههه حلوه المدرب مايبيك

مع احترامي لصاحب الموضوع بس كلام الدوخي مايدش العقل ... لما راحوا منهم المحترفين والمدرب قالوا مغمور واللاعبين ماعندهم كلمه ههههههههههههههههههههه

المدريدي
27-06-2007, 02:35
ماتشوف شر

والاعضاء الي ردوا هم ماتشوفون شر

لو نكلم يهال جان فهموا من اول مره

مشكلتكم انك رياييل كبار

ومع هذا تكابرون ولازم تطلعون القادسيه غلطان عشان ترتاحون



طير بعيد يالدووخي

يعني تبي تصيد القدساويه!

شكو اختار نهير بالذات!

لانه يعرف انه اكثر واحد "حار" وله مشاكل مع المدربين

يبي يولعها بينه وبين المدرب

شوفوا هالجمله

وقال دوخي ان جاريدو هو من طلب البحريني محمد حسين ليلعب مع القادسية واصر على ذلك نظرا لانه يعلم ـ اي المدرب ـ ان خط دفاع القادسية ضعيف ويعلم السبب في ضعفه!

يبي الي يقرأ هالجمله يقول قصده نهير!



اقسم بالله انه تفكير يهال!!

قدساوي & أنتراوي
27-06-2007, 02:41
ومشكله أكبر إللي يصرح بكلام ويسوي عكس ما يقول

طاع من يتكلم حبيبى نسينا فيصل بورقبه ؟

القادسية انسحب من الدورى موسم 97 واذكر ان العربى قالوا مستحيل ناخذ لاعبين القادسية وثانى يوم اخذوا بورقبه اذا ما تعرف تاريخ ناديك المهدد بالهبوط للدرجه الثانيه للمره الثالثه بتاريخه لا تعلق

والله يعينكم ميتين قهر القادسيـة قاهركم

كيفي كويتي
27-06-2007, 04:53
اللي ما يطوول العنب حامض عنه يقوووول ;) لا تخلوونا نكمل على باجي لاعبينكم لووووول نخليكم تلعبون بفريق الشباب الموسم الياي :p

البعض ما راح يستوعبون أصوول الاحتراف ولا بالقرن الـ22 !

وروح نام يالدوخي نهير يفصل عشرة من أشكااالك

kwety
27-06-2007, 05:03
وروح نام يالدوخي نهير يفصل عشرة من أشكااالك

كبيره هالكلمة بحق الدوخي

ياخي احترم سنه على الاقل

الـعبيدي
27-06-2007, 05:07
نـعم .. نعم .. نعم

كيفي كويتي
27-06-2007, 05:08
كبيره هالكلمة بحق الدوخي

ياخي احترم سنه على الاقل

واهو ليش ما يحترم سنه ولا تاريخه ويطلع لنا بهالكلام اللي أقل ما يقال عنه انه كلام أطفال !

شـآنـي هـآكـر
27-06-2007, 05:20
الناس طارت بارزاقهااا
وكلام الدوخي فيه نوع من الصحه لما قال ان المبالغ مبالغ فيهاا

صج

بس ما ألوم اللاعبين والمدرب لما ينحاشون من كاظمه
يعني اللاعب غير المادة شنو يبي ؟؟؟

يبي جمهور يبي مشاركات خارجيه ؟؟


وهالشيء متوفر بالقادسية فقط

قدساوي ماسي
27-06-2007, 05:22
شي غريب

الحين صار المدرب جيراردو مو خوش مدرب عيل ليش ميتين عليه وعصبتوا لما خذناه منكم

وميلادين مايستاهل هالمبلغ روح شوف أحد مسؤولين الفريق شنو يقول ( راح نحاول مع ميلادين بمعنى كلامه ) ويقولون إنه مايستاهل

ومحمد حسين رحتوا حقه البحرين عشان تجددون معاه والحين صار مايستاهل هالمبلغ

كلامك كله تناقدات

واللي يضحك لما قارن بصفقة محمد حسين وميلادين وبطلب نادي الكويت لبدر المطوع ونهير الشمري
يا كابتن يا دولي محمد حسين وميلادين مو لاعبين كظماويين أهم لاعبين محترفين أما بدر المطوع ونهير الشمري لاعبين قدساويين ومولاعبين محترفين يعني لما تفاوض كيتا مثلا بعد إنتهاء عقده مافي مشكلة مثل ماسوو نادي السالمية لما تفاوضوا مع الطوقي وماقلنا شئ ولما حضرتكم يالكظماوية تفاوضتوا مع يونس المشيفري والتضامن ماقال شئ ( إظاهر يبيلكم دروس خصوصية بهالمسألة )


واللي يضحك أكثر لما قال كاظمة أهو اللي صنع المدرب صج ناكرين الجميل الموسم اللي فات كنتوا فريق حالكم حال الشباب والساحل والصليبخات والموسم هذا طلعلكم صوت بسبب مدربكم اللي عرف يوظف لاعبينكم وبسبب خططه

يوسف الدوخي تغطى عدل ونام وريح نفسك من عناء هالموسم الطويل وخلك بعيد أحسن لك

وعلى فكره نهير اللي التكلم عنه من أفضل المدافعين الموجودين حاليا والدليل إن نادي الكويت طلبه بالإسم
والكويت يبي يقوي دفاعه ولا شرايك


وبعدين بالنسبة للتوقيع اللي حاطه إشدارك إن أحد إداري القادسية أهو اللي قايل هالكلام ؟ عطني دليل قبل لاتحجى عن الناس وخلنا نفترض إنه صج ! إدارة كاظمة شكو إدز كتاب حق القادسية وتقول صج إنتو تعاقدتوا مع مدربنا ؟ يعني بصراحه شئ غريب إنتو شكو؟ تبون المدرب تفاوضوا معاه و هو إذا يبيكم راح يوقع معاكم

Bu_aziz
27-06-2007, 05:27
علي راسي الدوخي و جوكم توقيعك يعتبر 1000 رد عليهم ................ واسمحلي باخذ توقيعك ومشكور

Huntelaar
27-06-2007, 05:32
يادوخي

لو تستريح احسن

وين كلامك القديم !! سبحــان الله



جاريدو لا يريد نهير

واشار دوخي الى ان النادي لم يقصر تجاه ميلادين وعالجه من الاصابة التي تعرض لها في الرباط الصليبي بمستشفيات خاصة في بادرة طبية من النادي على الرغم من ان العقد بين الطرفين لا يلزم النادي بعلاج ميلادين في مستشفى خاص!
واضاف دوخي انني اقول للاعب نهير الشمري ان المدرب جاريدو سوف يستغني عن جهودك الموسم المقبل واما بالنسبة لميلادين فالنادي يعرف كيف سيتصرف معه بصورة قانونية!
واكد ان القادسية قدم عرضا ماليا لجاريدو يفوق مستواه الفني وكذلك الحال لميلادين والبحريني محمد حسين كلاعب خليجي من المفترض ان يقل سعره كثيرا وان بسعرهما يمكن شراء سيارة «بورش».



انت شكوووووووووووووووووووو يعني بيشيش بس موعارف شلون :p


انت شكو دافع من جيبك !!

Huntelaar
27-06-2007, 05:34
كبيره هالكلمة بحق الدوخي

ياخي احترم سنه على الاقل



اهو خلاها احترااام !!

Claudio Mendez
27-06-2007, 05:35
انا سمعت بطاقة ميلادين عند اسعد البنوان .. وميلادين وقع مع القادسيه ..

فـ دام بطاقته مع البنوان .. يعني بيغمته !!

...

رجاءاً ..

لكل من علته العربي .. لاتدخل العربي بموضوع يخص القادسيه وكاظمه ..

واقل ما يقال عن هالشي .. انها " علـه " فيك ..

كيفي كويتي
27-06-2007, 05:38
انا سمعت بطاقة ميلادين عند اسعد البنوان .. وميلادين وقع مع القادسيه ..

فـ دام بطاقته مع البنوان .. يعني بيغمته !!



صلح معلوماتك مبارك الدوسري اليوم في عالمكشوف يقول ميلادين يملك بطاقته

والله بلشه هذيلا الاعب ما يبيكم غصب يعني !

Claudio Mendez
27-06-2007, 05:40
على العين والراس ..

بس هم بالموضوع .. يقول دوخي راح نتعامل معاه بالقانون ..

يعني مايتكلم مني والطريج ..

كيفي كويتي
27-06-2007, 05:44
لوووول يبا هذيلا ما يدرون وين الله قاطهم هياااط زايد ;) قالو جاريدو ومحمد حسين وميلادين باقين مع كاظمة الموسم الياي واليوم نشوفهم مع الملكي :d

ناس ما ينوخذ كلامهم خير شر بمعنى اصح فاقدين مصداقيتهم ;)

وعيب العوود ما يخطي أي خطوه الا ودارس كل الجوانب عدل مو مثل غيره ماشين عالبركة ;)

Claudio Mendez
27-06-2007, 05:50
نشوف آخرتها ..

يبيله ندش و ناخذ سماكه :p

كيفي كويتي
27-06-2007, 05:53
من زينه لو فيه خير جان سوى شي معاكم :p

Claudio Mendez
27-06-2007, 05:54
ماكو احد يسوى عيل :d ..

Molan
27-06-2007, 06:34
وين بوسكندر.؟ :p

بـوصــالـح
27-06-2007, 06:46
" الـدوخي " تصـريحه " دايـخ " ..

والرد على توقيع " جوكـم " أسهل من السهل .. ماي مايـوه ..
وهو اننا لا نتفـاوض مع اي مدرب في الفتره الغير قانونيه " احتراما للأعراف " ..

وهذا الي سوته ادارتنا ..

قانون الإحتراف يسمح بالتفاوض مع اي محترف قبل " 6 شهور " من انتهاء عقده :) ..

فإدارتنا مع " القانون " و " الدليل " .. أينما مال " نميـل " ..
القانون يسمح بالتفاوض مع " المحترف " الذي يملك قراره ومستقبله ..
فشنو الي يمنــع !!!!!!

بعكس اللاعب المحلي الي ما يملك قراره ..

نتمنى التحدّث بعقلانيه وبدون عصبيّـه :) ..

اليوفي
27-06-2007, 06:49
واضاف دوخي انني اقول للاعب نهير الشمري ان المدرب جاريدو سوف يستغني عن جهودك الموسم المقبل


والله عيب عيب عيب عليك ! .. الله يكفنا شـر امثالك ! .. الظاهر للحين الحرة بقلبك ان نهير خذا مكانك بالمنتخب !

كيفي كويتي
27-06-2007, 06:51
علمهم يا بو صلووح ;) وانا ادري هم بلفووون ويدورون بس يطلعون فينا 60 عذرووب لكن ما همنا كلامهم نطالع جدام وما نفكر باللي ورانا لانهم راح يتمون على طوول وراااانا ;)

Corvette
27-06-2007, 07:22
صحيح .. كاظمه هو من صنع ماتشالا وجاريدو :) شكرا لكم ..

Discovery
27-06-2007, 07:43
بصراحة دوخي منقهر و ما ينلام
لأن المنافس أخذ أفضل الموجودين عنده
ولأنه يديد على عالم الإحتراف فكان متنرفز وايد
حتى حط الحرّه على نهير مادري ليش ؟!!
بس هم حركة مو حلوه من جاريدو ومحمد حسين بإنهم تهربوا , يعني المفروض يصارحونهم أحسن

بوناصر
27-06-2007, 09:39
سلامات ... حبيبي مو على بعضك سلامات !! :lol:

الكتالوني
27-06-2007, 09:50
هالحجي الفاضي ؟؟
الناس عقودهم تنتهي بآخر شهر 6
وصلته عروض من عدة اندية - القادسية واحد منهم -
وكذلك استلمو عرض من ناديهم كاظمه !
اذا اللي صار مفاضله بين العرضين ومن حقهم يختارون الانسب !
لكن على اي اساس الاخ يقول انهم تهربوا ؟؟؟!!!!!

اللي صار مو تهرب ..
اللي صار انهم درسوا العروض المقدمه لهم
واختاروا الافضل والانسب - طبعا القادسية -


عقليات اداريي كاظمه بحاجه لتحديث !!!
حيث توجد فيها ثغرات امنية كبيره جداً
اضف لذلك .. انها متوافقة فقط مع القرن الـ 19 !

الكتالوني
27-06-2007, 09:54
واكد ان القادسية قدم عرضا ماليا لجاريدو يفوق مستواه الفني وكذلك الحال لميلادين والبحريني محمد حسين كلاعب خليجي من المفترض ان يقل سعره كثيرا وان بسعرهما يمكن شراء سيارة «بورش».


الوطن


تاريخ النشر: الاربعاء 27/6/2007




- متدخل في امر ما يعنيك اطلاقاً .. يعني القادسية لو يقط فلوسه بالشارع مو من حقك تتكلم!
- مو دافع شي من جيبك!
- حتى لو القادسية تعاقد معاهم بسعر (وانيت) هم بعد مو من حقك تتكلم!
- كلمة اخيره .. من تدخل في ما لا يعنية .. لقيا ما لا يرضيه!
- الله يكافينا شر عينك الحاره !!

كويتاوي 2004
27-06-2007, 11:48
كلامك عدل يا الدوخي
والقدساوية يفصلون الإحتراف علي مقاسهم وهواهم .... هذا أجنبي وهذاك محلي :rolleyes: ;) وطبعا ممكن تتغير هالنظرية حسب أفعال إدارة القادسية !
وكاظمة هو من عمل جاريدو نفس ما كاظمة عمل ماتشاله وراح نشوف الفرق بين الاثنين .. الدوخي ما قال شي غلط .
اما تهرب محمد حسين وميلادين ومماطلتهم عن التوقيع مع كاظمة هذا لأنهم موقعين مع القادسية وخالصين من زمااان .

حلو توقيعك يا جوكم :)

وعن وصول النادي إلي قرب التعاقد مع البرتغالي جاريدو للإشراف علي الاصفر إبتداءا من الموسم المقبل ،
أكد أن القادسية لا يفاوض مدربي الأندية المحلية إحتراما للعلاقات والأعراف الرياضية رغم الإحتراف اللذي يسمح للإدارة الأصفر بالدخول مع أي مدرب ، لكنه التزم بعدم التفاوض مع المدرب المذكور ، خصوصا أن رجالات القادسية لا يسلكون مثل هذه الطرق غير المتعارف عليها
أكد .. والتزم .. ورجالات :D

ManUtd
27-06-2007, 11:48
الله ماخذين 4 من كاظمة .. "فـصـخوا" فريقهم :eek:

والقادسيه سوولنا سالفه شكبرها شعرضها يوم تعاقدنا مع رجا رافع .. ميثاق الشرف وما ادري شنـو .. هذيل 4 من حقه يتكلم يوسف الدوخي .. لو 1 و2 يمكن تنبلع .. شنو ماكو محترفين بره الكويت :o

قدساوي للابد
27-06-2007, 12:43
وصلكم اربع نهائيات ومغمور ؟

aLMoSHeY
27-06-2007, 14:57
بورش الله يهداك ... الذيب اشتر حق ولدنا بورش يستاهل

soccer fan
27-06-2007, 15:13
ملينا من هالتصريحات

عيب والله عيب يطلع هالكلام خصوصا من الدوخي ...لان الكلام تافه و فيع مغالطات كبيرة و تهجم

تصريح الدوخي و قبله تصريحات اخرين و تعليقات بعض الاعضاء في الازرق دوت كوم

تخليني اعتقد ان ما عندهم مباديء

:) الحين نادي الكويت يعارض انتقال المحترف الحر و المنتهي عقدة و الغير مملوك لنادي الكويت طلال يوسف برغبته الشخصية للقادسية وبعدين يروحون بتوجيهات شخصية من مرزوق الغانم ( اذا مو اهو الي موجه اذا في تسيب في ناديه و ما عنده شخصية ) و يكلمون لاعبين القادسية الكويتيين بالسر !!!! وين المباديء :)

الناس الي جذي يفقدون احترام الاخرين لهم ... الدوخي يراكض ورا محترفين كاظمة و مدربهم و بعدين يعيب عليهم ؟

الي ما يطول العنب حامض عنه يقول

soccer fan
27-06-2007, 15:18
المشكلة انه ريال شكبره ... و خبرة ... مو واحد من الجماهير المراهقة

و قاصد الكلام ... مصرح للاعلام يعني يبي الناس تسمعه و هو يمثل كاظمة تصورو يعني هذا كلام رسمي :)

والله عيب

Mr.Barca
27-06-2007, 15:56
شي غريب كل من هب ودب يسولف عن كــاظمه. !!

دوخي ماعتقد انه قال شي غلط. .صج كاظمه من صنع ميلادين وجارديو . .شنو الغريب بهالكــلام. !

ممكن اعرف انتم يا ادارة القادسيــه شلون عرفتو هالمدرب او هالاعب. !!
من كــاظمه بعــد ماقزرها عليكم رايــح راد. !
وكلنــا ندري بادارة القــادسيه انها ماتجيب الئ محترفيــن افــلام. !
من بداية دخول الاعب الاجنبي والقادسيه مو متوفق باختيار الاعب المحترف او عندكم اعتراض يالجيل الجديد. !!!


بعدين دوخي قال ان محمد حسين تهرب وهم ميلادين تهرب وهالشي مو حلو واهو يلوم هالاعبين انتم شكو. .


ومــلاحظه: اللي جاااب ميلادين انشالله يجيب احسن منه. .

والله يوفقه معاكم خارجيا طبعا

مو يجيني عضو عمره عشره يقولي يادوخي انت واشكالك وانت مادري شنو. ؟؟؟؟

هالشي مانرضــئ عليه. !
ويبقئ كاظمــه كبير




ملاحظه: جوكم توقيعكم معبــر

عبد العزيز الحمادي
27-06-2007, 16:27
خلونا نتكلم بنقاط الموضوع شوي شوي ..



أعلن المدير الإداري للفريق الاول لكرة القدم بنادي كاظمة يوسف دوخي عن رغبته بعدم الاستمرار الموسم المقبل مع النادي وقدم اعتذاره لمجلس الإدارة بسبب التزاماته الوظيفية والدراسية.



يعطيك العافية والله يوفقك بوظيفتك ودراستك



وقال دوخي لقد استفدت الكثير من الخبرة الادارية مع الفريق واشكر مجلس الادارة على ثقته واتمنى التوفيق للفريق الاول ولجميع فرق النادي.







اعتقد انك ما استفدت لما نشوف باقي تصريحك



وحول مستقبل الفريق الاول بعد رحيل البرتغالي جاريدو والمحترفين ميلادين ومحمد حسين قال دوخي ان كاظمة ناد كبير لا يتوقف على رحيل مدرب او محترف.


هم هذي صحيحة .. كاظمة كبير وممكن يعوض النقص



وقال ان المدرب جاريدو لم يكن معروفا حين اتى الى الكويت لتدريب كاظمة وهو لم يصنع كاظمة بل الاخير هو من صنع جاريدو والنادي قادر على جلب افضل منه في المستقبل وعالم التدريب لا يتوقف على أمثال جاريدو.







تمدحون فيه قبل ولما طلع منكم صار مدرب مغمور وطايح حظه وانتوا اللي صنعتوه .. يا كابتن يوسف انت تنكر ضلع كبير من اضلاع كرة القدم .. وصاروا اللاعبين والادارة اهمه الزينين والمدرب طلع اسمه بسبب كاظمة ...



وأعرب دوخي عن اسفه لاخلال جاريدو بالاجتماع الذي تم معه من قبل النادي والذي اكد من خلاله بانه لن يوقع لاي ناد سوى كاظمة ثم قام بتمثيلية الصين ثم اجتمع من وراء ظهورنا بالمسؤولين بنادي القادسية الذين فضلوا انهاء الموضوع معه من «تحت الطاولة»


اخلاله بالإجتماع شي واخلاله بعقد شي آخر .. هل الإجتماع يعتبر عقد مكتوب بين الطرفين .. وهل كاظمة يمكل اي حق يجعله يقاضي المدرب !! .. الاتفاق الشفهي شي والاتفاق المكتوب شي آخر يا إداري


وبالنسبة لعقد الصين .. هل انا ملزم بالتوقيع مع اي عقد اشوفه .. يمكن المدرب وصله عرض ممتاز من الصين ولكن عرض القادسية افضل ..



وقال دوخي ان مدير الكرة بنادي القادسية لم يعجبه تصرف نادي الكويت عندما علم بضم نهير الشمري وبدر المطوع واتهم الكويت بمحاولة زعزعة الفريق وانه قام بتصرفات بعيدة عن الروح الرياضية، والآن.. والكلام ليوسف دوخي ماذا سيقول عن محاولاته بضم جاريدو وميلادين ومحمد حسين للقادسية دون علم نادي كاظمة وتخطي الاعراف وحدود المنطق..أليس هذا ما يسمى «الكيل بمكيالين؟».







نعيد ونكرر للي يحتاجون الفهم من أكثر من مرة ومرتين وثلاث واربع وعشر وعشرين .. نهير وبدر وغيرهم من اللاعبين المحليين الهواة لا يملكون حرية الخروج م النادي الا بموافقة فريقهم .. اللاعبين اللي تعاقدة معاهم نادي القادسية محترفين ما تملكون بطاقتهم .. يعني يا كاظمة انت برة الموضوع .. شي بيني وبين اللاعب او المدرب .. كاظمة شكو .. بعيد وبكرر حق اللي ما يفهمونها من اول مرة .. اللي تعاقد معاهم نادي القادسية محترفين ما تملكون بطاقتهم .. اللي تعاقد معاهم نادي القادسية محترفين يملكون بطاقتهم .. اللي تعاقد معاهم نادي القادسية محترفين ما تملكون بطاقتهم .. اللي تعاقد معاهم نادي القادسية محترفين ما تملكون بطاقتهم .. اعتقد كافي هالعدد من التكرار واللي للحين مو فاهم هذا مشكلته عودة


نرد للكابتن يوسف دوخي .. يا كابتن انت اداري ومفروض تعرف الفرق بين اللي سواه القادسية واللي سواه كاظمة .. اللاعب المحلي اللي خذاه القادسية اهو احمد عجب وسلك فيه جميع السبل القانونية المشروعة .. خاطب نادي الساحل ولما اتفقوا على المبلغ وافقوا القادسية وصارت الصفقة والانتقال الدائم .. لانه أحمد النادي يملك حريته .. بينما ميلادين وجاريردو ومحمد حسين وطلال يوسف كلهم يملكون بطاقاتهم الدولية او نواديهم الاصلية تملك بطاقتهم وعقودهم محددة بسنوات وبعد نهاية العقد الحرية كاملة للاعب او النادي الي يملكه انه ينتقل اي نادي يبيه .. وما نحتاج علمكم ولا معرفتكم بالصفقة مدام مالكم شغل فيها .. وممكن تكونون جزء منها فقط في حالة اللقافة وتبون تعرفون شالسالفة .. غير جذي مالكم اي داعي تعرفون عن صفقتنا مع لاعب ما تملكون حريته .. ولكم في انتقال الطوقي من القادسية للسالمية اكبر مثال


اووووف تعبت وانا اكرر النقطة وشكلي راح اكرر مرة ثانية لانه في ناس صارلهم شهر مو راضين يستوعبون الفكرة والنظرية ..



واتهم دوخي البحريني محمد حسين بالتهرب من وعوده مع كاظمة وقال لقد اجتمعنا به بشكل رسمي للتجديد معه وسافر رئيس النادي اسعد البنوان الى البحرين لانهاء الموضوع مع المسؤولين بالنادي البحريني بعلم اللاعب محمد حسين ثم اجتمع رئيس النادي من جديد بالكويت مع اللاعب نفسه للتوقيع على العقد بعد الاتفاق على الامور المالية ثم اعتذر اللاعب بحجج واهية، والامر ينطبق على المحترف ميلادين الذي تهرب هو الآخر ووقعا للقادسية، وقال دوخي ان جاريدو هو من طلب البحريني محمد حسين ليلعب مع القادسية واصر على ذلك نظرا لانه يعلم ـ اي المدرب ـ ان خط دفاع القادسية ضعيف ويعلم السبب في ضعفه!ويريد تقويته بضم محمد حسين لخط دفاع القادسية


هل كاظمة قدم عرض أحسن من القادسية للاعب محمد حسين .. واذا عرض احسن مادري ليش ما راح يوافق .. الا عاد اذا اللاعب ما يدور الفلوس ويدور البطولات والجماهير هذا شي ثاني عاد



جاريدو لا يريد نهير






واشار دوخي الى ان النادي لم يقصر تجاه ميلادين وعالجه من الاصابة التي تعرض لها في الرباط الصليبي بمستشفيات خاصة في بادرة طبية من النادي على الرغم من ان العقد بين الطرفين لا يلزم النادي بعلاج ميلادين في مستشفى خاص!




وتبون تتمننون على اللاعب وتذلونه يعني .. هل علاجكم للاعب بمستشفى خاص عبارة عن عقد يلزمكم انه يكمل معاكم .. الشي هذا سويتوه طيب منكم ... سويتوه ما سويتوه اللاعب حر .. واعتقد انكم ما سويتوا هالشي الا لحاجتكم للاعب مع ناديكم بسرعة وتبونه يرد .. يعني مصلحتكم اقتضت هالعمل



واضاف دوخي انني اقول للاعب نهير الشمري ان المدرب جاريدو سوف يستغني عن جهودك الموسم المقبل واما بالنسبة لميلادين فالنادي يعرف كيف سيتصرف معه بصورة قانونية!







استغنى عن نهير .. قعده على الخط .. لعبه هجوم .. لعبه دفاع .. كل هذا مو شغل يوسف الدوخي .. هذا من اختصاص المدرب .. ولما تصير يا يوسف يا ولد دوخي مدرب القادسية لك حق تقول هالكلام .. غير هالكلام اعتقد انك تبي تثير فتنة وبس بين اللاعبين والمدرب .. ونهير مو انا ولا انت نتكلم عنه .. نهير لاعب اي مدرب يتمناه بفريقه .. واما عن ميلادين اذا تبي تقاضيه روح توكل على الله والمحاكم مفتوحة .. للمظلومين وللظلمة .. واللي عنده حق بياخذه



واكد ان القادسية قدم عرضا ماليا لجاريدو يفوق مستواه الفني وكذلك الحال لميلادين والبحريني محمد حسين كلاعب خليجي من المفترض ان يقل سعره كثيرا وان بسعرهما يمكن شراء سيارة «بورش».








واذا مستواهم الفني متواضع ويقل عن المبلغ شنو اللي قاهرك عيل .. القادسية يعتقد انهم يستحقون البالغ اللي انصرفت عليهم .. شي راجع لإدارة القادسية .. فلوسها وحرة فيها .. والمحترفين يمكن سعرهم ما يطوف سعر بورش لكن ان شاء الله راح يخلونكم مثل شفر مكحين ومسكرب


اوووف ما بغيت اخلص اطول رد كتبته بالديوانية .. حسيت اني بوناصر ولا كاسانو .. لا يحوشك :)

بوناصر
27-06-2007, 16:38
فان باستن

وانا اقرا كلامك قلت عفيه عليك والله يا فان باستن بدعت بالرد ، بس يوم شفت جملتك الأخيره هونت وماراح أمدح ردك !! :p

مبارك الدوسري
27-06-2007, 17:03
الجهل في التعامل مع المحترفين هو من محترفي كاظمه للتوقيع مع الفرق الأخرى :)
هذا واقع لانقاش فيه ، فـ مع احترامي لـ دوخي فـ ليش ماوقعوا مع ميلادين ومحمد حسين قبل دخول الاطراف الأخرى ؟؟
ليش نادي الكويت جدد مع ماكينجـا قبل دخول أي طرف آخر ؟؟
الجواب واضح فـ ادارة الكويت تملك الخبرة والدراية في التعامل مع المحترفين ، لكن ادارة فريق كاظمة ينقصها هذا الشيء مع احترامي الكامل لهم ، فـ فواز بخيت والدوسري والدوخي يعتبر هذا الموسم الأول لهم اداريا مع بعض ، حتى لو فرضنا أن احدهم كان اداريا سابقا فـ قد خانهم التصرف بعد الخبرة ولم يجددوا مع لاعبيهم المميزيــن :)
أقول الكلام هذا وانا أقدر الاداريين الثلاثه أشد تقدير وأقول لهم عملتوا خلال هذا الموسم بجهد جبار وماقصرتوا مع الفريق لكن خانكم ماذكرته أعلاه :)

نعود للدوخي ، البعض لما قرأ حديث الدوخي عن نية جاريدو تجاه نهير الشمري قال أن الدوخي "سوســه"
ويحاول أن يخلق زعزه بالفريق ، حتى لو فرضنا أن كلام الدوخي صحيح فـ هل يحق له أن يقوله في مثل هذا الوقت خاصة بعد أن نـام بـ جاريدو !!
ولام القادسية !!
كيف يادوخي تطلب من الجماهير ان تثق بكلامك وتصدقك فيما قلته عن نية جاريدو وانت في نفس الوقت تلوووومه على تعاقده مع القادسية ؟؟
الواضح من هذا التصريح أن دوخي يحاول أن يوجه الانظار بعيدا عن ادارته المقصرة في التجديد مع المحترفين والمدرب :)

بالنسبة لـ أن سعر اللاعبين يقل عن سعر البورش فـ لأن هذا تفكيرك يادوخي رأينا أفضل محترفين لديكم يبتعدون عنكم ويذهبون للقادسية :)
لذلك خلك على البورش ودور لك لاعبين رخيصين وكويسين ينشد فيهم الظهر ووقع معاهم للأبد حتى لاتتغافلكم الأندية الأخرى وتأخذهم ، فـ الأندية الأخرى مايدور عندها بورش ووانيت فـ الملايين تدور عندها وبقوة ..

وأخيرا أتمنى لك التوفيق في دراستك مستقبلا وان شاء الله تكون ادارة كاظمة استفادت من هذا الخطأ الكبير الي وقعوا فيـــه :)

De Rossi
27-06-2007, 17:05
في ناس ما يفهمون ..
اللاعب " المحلي " ماااا يملك حريه الإنتقال .. لازم ناديه يوافق ..
أما اللاعب " المحترف " يملك عقده أو ناديه الأصلي يملك عقده ..
وصلت ؟ و لا لازم تكابرون أو تسوون نفسكم ما قريتوا عشان بس توقفون ضد القادسيه ..

يالدوخـي ، عيب عليك تقول هالكلام عن نهيـّر .. عقب ما " قزرت عليك " تبي تطلع حرتك باللي انتقلوا و بنهيـّر ؟ و مالك شغل إذا نهيـّر أساسي و لا احتياط و لا مدرج .. خلك بفريقك .. " مدربـنــا " جاريدو اهوه اللي يحدد نهيـّر أساسي أو أي شي ثاني ..

يالدوخـي ، انت شكو نعطي محمد حسين 650 و لا غيره ؟ و عيب عليك تقلل من لاعب ساهم بفوز فريقك كاظمه في بطولتين !! دام انت ما تفهم بقوانين الكره و المحترفين فـ أكرمنا بسكوتك ..

يالدوخـي ، لا تتكلم وايد و لا ناخذ كل لاعبينكم !! :p:p:p و بعدهـا صـرّح و صـرّح و سب اللاعبين اللي طلعوا :D:D\

يالدوخـي ، عيب عليك تقلل من المدرب جاريدو .. يابلك بطولتين .. بعد ما كنت تنطق بالمواسم اللي طافت !!

شسوّيــت فيهم يالحسـاوي ؟

طلع لنـا " كاسانو ثاني " بالمحلي :( .. :p

Zard
27-06-2007, 17:52
طير........

Immortal
27-06-2007, 18:39
اللي "ابالي" وهم عارفين نفسهم زين، رايحين ورادين على ميثاق الشرف، زين يا حبيبي القانون مع القادسية، ادارة القادسية ماسوت شي "يخالف" القانون؟ شاللي موعاجبكم؟ ادارتكم "الذكية" ليش ما جددت مع المدرب واللاعبين؟ وبعدين شالسالفه مع الخيل يا شقرا؟ و بذمتكم كلام الدوخي عن جاريدو واللاعبين ونهير منطقي؟ مسـخره! يبون احتراف وموعاجبهمّ

..آخر كلامي..
27-06-2007, 19:35
شوفو توقيع جوكم وشوفو الي حصل (((الواقع)))

صج ما نخذ منهم غير الكلام يتكلمون عن الشرف والاحتراف والاحترام والمبادئ وهم بعيدين عنها نهائياً !!!!!! والاحتراف يتطبق على هواهم !!!! مو هذا القادسيه لازم غير !!!!!

Q8i_f5r
27-06-2007, 20:32
طير........
احلى رد:)....

كويتاوي حتى النخاع
27-06-2007, 20:38
صـح لسانـك يا الدوخـي :) ..

Qadsia Q8
27-06-2007, 20:40
نعم نعم يا يوسف اوفقك الرأي ماشالله كاظمه كان فريق السنه اللي طافت اخذ كل البطولات اهو صنع جاريدو نعم نعم,,,,ياعمي استريح مع احترامي لك....وماشالله عليك دربت القادسيه واحنا ماندري تكلم عن بوخالد جذي هذا الملك شنو احتياط شلون حكمت جذي؟؟؟؟
وعلى طاري المحترفين اكيد ماقدرتوا على الصفقات وطلعتوا اعذار تافهه وما ينلامون شافوا القادسيه يبيهم ماقدروا يردون الملكي يعني اكيد شافوا الفرق

:) شكرا على هذي الاشاعات يوسف دوخي ونستنا الصراحه

كيفي كويتي
27-06-2007, 20:43
سؤال بـريء : اذا كان جاريدو مدرب مغمور ليش تعاقدت معاه ادارة نادي كاظمة من الأساس ؟ ;)

اللي نفهمه من كلام الدوخي انه ادارة كاظمة ما تتعاقد الا مع المدربين المغمورين يطلعون لهم اسم ويصدرونهم بره النادي :d حشى ريال مدريد مو نادي كاظمة مع احترامي ;)

bosultan
28-06-2007, 01:28
كلام صغير من لاعب كبير واداري قليل الخبره ..
على طول انتقدت مستوى جاريدو الفني ؟ ولاعبين بسعر بورش ؟ وين قاعدين على هالكلام ؟
احسن لك جابل شغلك خل الادارة لاهلها ولاتصرح !

عاشق البلوز
28-06-2007, 02:46
اقول يا الدوخي والله كلامك على راسي بس المهم لاتترك النادي لانه الاداره ناجحه وراح مدرب صنعه الكظماويه يجي غيره

بوتركي
28-06-2007, 08:59
انا استغرب من ردود بعض الاخوان!
اوكي تصريح الدوخي غلط بس ماينلام لان يمكن الريال محتر من اللي صار وان المدرب واثنين محترفين منه طاروا حق نادي واحد من غير علمهم فطلع اللي بقلبه
لكن في بعض الاخوان اللي لاينتمون للقادسيه ولكاظمه يرد رد بس يبي يبين حقده للقادسيه
يا اخي انت حاقد وماتحب القادسيه كيفك بس خل ردودك مقنعه
احنا المفروض في منتدى تعبر فيه عن رايك مو ترد لمجرد الحقد على نادي معين
يعني مو معقوله واحد يطلع يقول والله احنا اللي صنعنا جاريدو و محمد حسين حاله حال البورش وميلادين مو مال مستشفيات خاصه!
اول شي هالكلام والله عيييب يطلع من لاعب كبير وثاني شي عييب اني انا عشان حاقد على القادسيه اروح وأيد هالكلام وقووول كبير على هالرد يالدوخي ومن هالحجي
تبي ترد رد برد يعبر عن وجهة نظرك انت وتكون مقنعه

بوناصر
28-06-2007, 09:26
السؤال اللي يطرح نفسه :

هل يوجد بورش سعرها 650 ألف دولار !! :p

SaFRaWy
28-06-2007, 11:39
العقل نعمة والله . . .

كله واحد
28-06-2007, 12:51
اهم مافي الموضوع توقيع جوكم حلو ومعبر :p شنو المتنبي طلع مره ثانيه بديوانية الأزرق ؟؟


يايبا تكلموا بالعقل وخلوا عنكم العاطفه ... الحين عشان المدرب طلع منكم قعدتوا اتبجبجون؟؟ وصار مغمور ؟؟

بالله هذا حجي ينقال من لاعب سابق المفروض اتكون عنده خبره واخلاق ؟ :p

بس صراحه تصريحاته الأخيره ... تدل على انه لاخبره ولاهم يحزنون ... شنو يقول المعزب يسويه :p

فرقة الرعب
28-06-2007, 16:36
أبشروا يالكويتيين إذا الإداريين صاروا جذيه !!

يالدوخي إنت ما تستحي تتكلم عن لاعب إنت لاعب معاه ! و إنت شكو يلعب أساسي و لا إحتياط ، اللاعب صار عمره 31 سنة ، فشي عادي إذا صار إحتياط ، و لكن إذا كان محافظ على مركزه ليش ما يكمل و يلعب !!

أنا أشك إن الناس إللي يردون في الموضوع قاعدين يقرون الردود اللي بعد ردودهم !!

سؤال : ليش نادي القادسية يطلب محمد جراغ من إدارة نادي العربي ؟
سؤال : ليش نادي السالمية يطلب فرج لهيب من إدارة نادي الكويت ؟
سؤال : ليش نادي الكويت يطلب عبدالعزيز الفراج من إدارة نادي الجهراء ؟

إجابات هالأسئلة هي الرد على كلامكم ، و أنا متأكد بأنكم كلكم تعرفون هالإجابات.

معلومة : نادي ليفربول تعاقد مع لاعب أوكراني أسمه فورونين في شهر فبراير أو مارس ، و نادي لوس أنجلوس غالاكسي تعاقد مع ديفيد بيكام من شهر يناير لكي يلعب معهم في شهر أغسطس.

qadsawi4ever
28-06-2007, 22:41
الدمبكجيه اللي قالوا "كلامك سليم يالدوخي ..." و "صح لسان يالدوخي .." الخ ! واللي تغنوا بتوقيع الاخ جوكم!
ممكن يشغلون مخهم لثواني معدوده فقط ويناقشونا بالتصريح الدايخ او ان المسألة مجرد "خالف تعرف"! الظاهر كلكم كوبي بيست!!

جــراح
28-06-2007, 23:11
واشار دوخي الى ان النادي لم يقصر تجاه ميلادين وعالجه من الاصابة التي تعرض لها في الرباط الصليبي بمستشفيات خاصة في بادرة طبية من النادي على الرغم من ان العقد بين الطرفين لا يلزم النادي بعلاج ميلادين في مستشفى خاص!


الله اكبــــــر !! تمــنن عيني عينك بالاعلام !! قلنا اداري توك بأول سنه بس مو جذي !!



واضاف دوخي انني اقول للاعب نهير الشمري ان المدرب جاريدو سوف يستغني عن جهودك الموسم المقبل

صـف النيــه .. صــف النيـــه !
درينـــا اطبــاعــك .. رديــه



واما بالنسبة لميلادين فالنادي يعرف كيف سيتصرف معه بصورة قانونية!



غير التمنن والزلغ .. يهــدد .. ، خل نشوف القانونيه اللي تتكلم عنها :) ننــطر.




واكد ان القادسية قدم عرضا ماليا لجاريدو يفوق مستواه الفني وكذلك الحال لميلادين والبحريني محمد حسين كلاعب خليجي من المفترض ان يقل سعره كثيرا وان بسعرهما يمكن شراء سيارة «بورش».


فوق شينــه .. قواة عيــنه .. تهديد وتمـنن وزلـغ .. واستهــزاء !!


الله لا يبلانا ..

delved
29-06-2007, 01:03
هذا الاحتراف الي طالبتوا فيه