المساعد الشخصي الرقمي

مشاهدة النسخة كاملة : روعــه قناة الدوري و الكأس مع الشرق أسـيويين



DAHAWI
14-07-2007, 00:49
أهني قناة الدوي الكأس على تغطيتها حدث كأس أسيا بصوره مبهره برافو عليهم من برامج ومحللين وأهتمام ومراسلين ومواكبة الأحداث أول بأول ويا حلو برامجهم والله


اليوم تابعت برنامج على قناة الدوري و الكأس عجبني وايد وهوه أضواء على أسيا البرنامج في لقاءات وتحليل ومقابلات مو بس على كرة القدم حتى عن الثقافات والديانات والحضاره والسياحه وحياة الشعوب الشرق أسيوية


عجبتني حلقة اليوم المذيع الإماراتي والمذيعه اللبنانيه مقابلين شرق أسيوييين جنسياتهم واحد ماليزي و تايلندي و ياباني وديانتهم مسلمه ويعرفون عربي بطلاقه بعد


الياباني يشتغل بالصحافه وعايش بقطر ويمدح دولة قطر وشعبهم الحبوب ومتأقلم مع الحياة بس يشتكي من حرورة جو الخليج


التايلندي يحليله متعلم العربي باللهجة الشامية السوريه ويقول هيك وبدي كلش مولايق :p


طبعا تكلمو عن منتخباتهم وعن دولهم وعن فنون القتال عندهم والديانات وطبيعة الحياة


إلي عجبني أن التايلندي يقول ...


تايلند وفيتنام تعتبر دول متقاربه حيييل وشقيقه ولكن أنا كمسلم أشجع العرب ضدهم لأن الأسلام أولا يجب أن ننصره ويقول أنه يفرح للفوز العربي ويتمنى التوفيق لهم من بعد تفوق بلاده تايلند


وأجمع الياباني والتايلندي والماليزي أنهم شعوب مسالمه تحب الإسلام والسلام وتتمنى التوفيق للمسلمين وأنهم مايفرقون ولا يختلفون ببلادهم بالديانات المختلفه عندهم المهم مصحلة البلد


يعني بوجهة نظرهم
أنصر المسلم الغربي على المسيحي العربي
وأنصر أخاك المسلم ظالم أو مظلوم


وطبعا البرنامج فكرته وايد حلوه وأعجبتني ومشكورين على الجهد المبذول وهم بعد بارك الله فيكم عدم الأستهانة بهذي الجنسيات الشرق أسيوية مثل البعض


والله يوفق الجميع

Abo_Ahmad_k
14-07-2007, 00:52
انا عجبني البرنامج بتقرير حميد البلوشي من تايلند ,,,
عن السلام بالطريقه التايلنديه ,,,,
قناه روعه وقناه تستحق المتابعه لانها تنقل كل شئ من قلب الحدث ,,,,
مشكوره اختي على الموضوع ,,,,,,,

Sdawya HIGH
14-07-2007, 00:57
احسن واحد الصيني ... عجيب وهو يتكلم عربي ^^"

البرنامج حلو بس فيه فقرات تملل شوي ... أحلى شي التقارير من هناك :)

قد(للابد)ساويه
14-07-2007, 00:57
ترى والله هالقناه متميزه والله يوفقهم

David Villa
14-07-2007, 00:58
البرنامج مو طبيعي .. بالنسبة للتايلندي يدرس "لغه عربيه" بسوريا فشي طبيعي كلامه بيطلع مكسر :p
الياباني دمه ثقيل ونفسيه "اول مره اشوف ياباني عنده قفل" ! :D ثـانكيو عالموضوع يالفلنساويه

shaheen
14-07-2007, 02:42
قـناة الـدوري والكأس بـشكل عـام قـناة نـاجحـة..وخصـوصا بـرنامج الـمجلس :)

البارز
14-07-2007, 03:20
مشكوره اختي على الموضوع

لـّيـل الـلـيـل
14-07-2007, 03:29
قناة الكاس مبدعه وافضل قناة عربية قطت كاس آسيا

وفكرة الضيوف الاسيوين وايد حلوة

إلى الامام يا قناة الكاس

Corvette
14-07-2007, 03:36
دائما تحرج القنوات الرياضية :)

camp nou
14-07-2007, 03:38
البرنامج نص حلو لانه المذيعه اللبنانيه وجودها زي عدمو لأنها أحسها عاله غلى البرنامج والأماراتي جيد ولبق وخفيف الضل في وايد من حركاته لمذيعنا نادر كرم الله يذكره بلخير

الـعبيدي
14-07-2007, 03:43
بالفعل تغطيه وتحليل روعه صراحه انا اتابع المباريات عليها ما عددى مباريات العراق اتابعها على العراقيه الرياضيه استمتع بالمعلق العراقي
تسلمين اختي

vip10qatar
14-07-2007, 04:04
القناة رائعة فعلا

وشي جميل انه يجي الشكر من ناس كانوا ينتقدونها وبشده ؟؟؟

مااطيق بعاده
14-07-2007, 04:19
صراحه الي عاجبني في الكأس انها ماعندها تحيز لمنتخب قطر صراحه اهني انا اهنيها بهذا الشئ والي يعجبني فيها اكثر انها صافت القلوب من بين الطيب والمعلق الاماراتي صراحه اهني انا ارفعلهم الطاقيه (للاسف ماعندي قبعه:p )
اما عن البرنامج فأنا من متابعينها واحلى شئ اليوم لما قاعد يأكل اندوومي صراحه خلاني اشتهي اكل اندوومي مع اني مااحبه (الله يعز النعمه)
واحلى شئ المذيعه صراحه وبيني وبينكم البنت مشاء الله عليها حلووه واحلى شئ انها كل يووم بزي
واحلى زي عليها لما لبست العباءه وطلعت الكذله (الظاهر دايما ترووح الاند وشوف البنات :p )

Paranoid
14-07-2007, 09:44
المجلس تقول روضة اطفال صياح وعشرة يتكلمون بوقت واحد تقول اطفال

Sdawya HIGH
14-07-2007, 10:12
مااطيق بعاده

:confused: :confused: :confused:

نو كومينتووو

عبدالإله
14-07-2007, 14:08
مااطيق بعاده : خابرك مطوع طلعت مغزلجي :p ..
آذيتني ذاك اليوم على اغنية وطنية وهالحين مسوي هيصه وبيصه .. أمحق تطوع :p



:) قناة الكأس .. متميزة بهالبطولة مرة ومسويه جو حلو فيها .. يعطيهم العافية .

مش ممكن
14-07-2007, 14:13
مااطيق بعاده : خابرك مطوع طلعت مغزلجي :p ..
آذيتني ذاك اليوم على اغنية وطنية وهالحين مسوي هيصه وبيصه .. أمحق تطوع :p



:) قناة الكأس .. متميزة بهالبطولة مرة ومسويه جو حلو فيها .. يعطيهم العافية .

لا والي يضحك اكثر سداويه زعلانه منه .. ولسان حالها يقول ياخي ليه فضحتنا :D عادي سداويه في كل مكان الزين والشين بس مو زين الواحد يحاول يكون المثالي دايماً وفي كل الحالات ..
بالعكس تكون مثالي اكثر لما تكون واقعي ..

بخصوص قناة الكاس فهي قناه جيده واستطاعت ان تتميز عن البقيـه ..

الد بنت يره
14-07-2007, 14:27
الكاااس ..بتميزها خلتني اتابع البطوله..بعد ماكنت مابي اشووفها!
ماشالله عليهم وفد اعلامي ضخم..يفووق...دول الخليج مجتمعه!!

بس اهم شي فصلتهم امس يوم يغنون...قااالها 3/1 بوحساام
لووول فصلوو الشيااب:p

مااطيق بعاده
14-07-2007, 16:05
مااطيق بعاده



:confused: :confused: :confused:



نو كومينتووو

ليش انا شنو قلت
احمدي ربج انهم يطلعون كذلهم بس على الاقل مايطلعوون بدوون عبايه :)

مااطيق بعاده
14-07-2007, 16:11
مااطيق بعاده : خابرك مطوع طلعت مغزلجي :p ..
آذيتني ذاك اليوم على اغنية وطنية وهالحين مسوي هيصه وبيصه .. أمحق تطوع :p


.
ياريال انا ماحب المغازله الجولات وقط رقم ولا بلتووث اخاف بعدين صير حق بنااتي اصلا انا مارحت الاند الا مره وحده عشان مطعم الاوبرا بس (اهم شئ عندي بطني لو ارووح وانا بثوب نوم للاند:p )
بعدين لحظه ترى بناتنا قريب من بنااتكم لان كذا مره ارووح للاحساء اشوف بنات بعباياتهم لكن من تحتها بنطلوون يعني سيم سيم وعلى قولتهم كل بناتنا في الهوى سوا :p
(الله يهديهم اللهم امين)

مش ممكن
14-07-2007, 16:21
ياريال انا ماحب المغازله الجولات وقط رقم ولا بلتووث اخاف بعدين صير حق بنااتي اصلا انا مارحت الاند الا مره وحده عشان مطعم الاوبرا بس (اهم شئ عندي بطني لو ارووح وانا بثوب نوم للاند:p )
بعدين لحظه ترى بناتنا قريب من بنااتكم لان كذا مره ارووح للاحساء اشوف بنات بعباياتهم لكن من تحتها بنطلوون يعني سيم سيم وعلى قولتهم كل بناتنا في الهوى سوا :p
(الله يهديهم اللهم امين)

وش دخل بنات الاحساء ؟ مو بهالطريقه ترقع يالغـالي ..

ذكرت لك في كل مكان الزين والشـين .. والمثـاليـه هي الواقعـيه مو بأدعاءات الي تخالف الواقـع !

ابو شهد
14-07-2007, 19:58
والله قناة الكأس ما فيها الا عيب واحد كثرة المحللين فتضيع اللعبه بينهم

Smooth criminal
14-07-2007, 20:37
شي مؤسف ان العملاق خليل الزياني ترك التحليل........ مافي الا يهال يحللون ببرنامج المجلس باستثناء مايد الخليفي

سعودي 2006
14-07-2007, 20:47
بكل امانه والى حد الان قناة الكاس في كاس اسيا تعتبر متميزة


اعتقد انها تجاوزت الاخطاء اللي كانت عليها في السابق


واصبحت اكثر وعه وجمال ...


ان شاء الله يستمرون في هذا النهج

Sdawya HIGH
14-07-2007, 20:50
مااطيق بعاده

لووووووووووول

أنا مااقصد هاي ..
بالعكس والله عاادي كيفهم ..
يطلعون شعرهم .. يطلعون اللي يطلعونه كيفهم ( حرية شخصية ) :cool:

وبعدين احنا غير ... بليييز لا تقارنا بحد ثاني :p