المساعد الشخصي الرقمي

مشاهدة النسخة كاملة : منتخبنا مستواه متذبذب ، والخليجي الأفضل حتى الآن هو القطري ، وبصراحة فقدنا الأزرق !!



تركي؟؟
15-07-2007, 00:57
بسم الله الرحمن الرحيم

شخباركم شباب

ومبروكين عالفوز لكل العرب والخليج

بس بصراحة احس ان الفرحة خلتنا ننسى الاخطاء

المنتخب السعودي اليوم أداءه كان متذبذب

في البداية سيطر وبعدين سجل وبهدف اعتبره خرافي لياسر القحطاني

لأن الخطوة اللي اخذها للأمام والإرتقاء ( هذي اللقطة بس .. تكفي )

بعد كذا سجل اندونيسيا .. وسيطر

بدا الشوط الثاني واندونيسيا مسيطرة بعدها سيطر الأخضر

وأوفى بالوعد المبدع ( سعد الحارثي )

بس المستوى ما كان ذاك الزود

انا مدري يمكن عشاني كنت ماخذ صورة ان اندونيسيا سهلة حييل وطلعت العكس عشان كذا تفاجأت او وش السالفة

وبعدين فعلا اندونيسيا تطورت بشكل غريب والله

وبصراحة حتى الآن المنتخب الخليجي اللي أداه أقنعني هو المنتخب القطري

صحيح حتى أداءه مو بذاك الزود ، لكن على الأقل افضل من المنتخبات الخليجية الباقية

والا وش رايكم شباب ؟؟

عالعموم .. كلنا يتذكر منتخب فرنسا في كأس العالم كيف كانت بداياته .. وبعدين وصل النهائي

ان شاء الله واتمنى نكون مثلهم . مع اني ما اتوقع :D

وبالتوفيق لجميع المنتخبات العربية

بس على فكرة .. والله ذي مو مجاملة .. فقدنا الأزرق

ظفيرية هلالية
15-07-2007, 01:04
قطر " زرعت " وبدأت " جني " الثمار .. لاحظوا منتخبها كيف أصبح له شكل وهيبه حتى ع اليابان .. سباستيان هذا ماله حل أبد .
السعوديـه حتى الآن بدايتها عاديه . . بس الحلو أنك ماتخسر حتى وانت سيء ! هذي خبرة البطولات .
أنا أشوف ان السعوديه و قطر والعراق أفضل من قدم كره خليجيه مشرفه حتى الآن .
عمان + البحرين + الامارات .. مدري علامهم .. الوكاد انهم فاجأونا .

مش ممكن
15-07-2007, 01:06
قـد يمكـننا القـول ان سعـد انقـذ انجـوس والمنتخـب ..


لـكن لما نشـاهد الامـور بشكـل عـام .. نجـد انهـم قدمـوا ماهـو مقنـع نوعاً ما و عطفاً على الظروف ..


ودايـما المنتخبـات القـويه .. اثنـاء التجـديد يظـهرون مستـويات مـتذبذه وهذا امر طبيـعي جـداً .. فالبـدايـه واثبـات الوجـود يحـتاج الـى صبـر ووقـت ..

عمـوماً هـذا امر يدعـو للتفـاءل والفـخر .. كون المنتخـب شـاب وينقـصه الكثيـر من العنـاصر المـؤثـره ..
لـكن استطـاعوا الصمـود ..


شكراً لك ..

Smooth criminal
15-07-2007, 01:18
بصراحه انا اشوف ان الاخضر هو افضل منتخب خليجي بالبطوله بدون نقاش..... فريق مميز ويمتلك نخبه من اللاعبين...

وعندهم اكثر من مهاجم يقدر يخلص الكوره بالمرمى....

لكن احنا على الله ثم على سيباستيان......

مشهور
15-07-2007, 01:22
والله يالغالي لحد الآن ولا منتخب خليجي مقنع


ومتخبنا والله في بعض السلبيات ونقول يمكن انها أوراق مخفية في حال تأهل منتخبنا للدور الثاني واللي هي تيسير وعبده عطيف والغامدي


أتوقع هذي أوراق أنجوس اللي راح يستخدمها بالدور الثاني في حال تأهل منتخبنا

على العموم بالتوفيق للأخضر إن شاء الله



.

مااطيق بعاده
15-07-2007, 01:53
للاسف السعودية محتاجه صانع لعب يعني لاعب من ورا الهجووم بس مافي حد عندكم في المنتخب يسمى صانع لعب غير الشلهوب ومحمد نور لكن ولا واحد موجود
يعني بالله عليكم كريري يرووح لنص ملعب الخصم وهو الي يعطي الكوره لياسر او مالك !!!!
صراحه المدرب شكله متوهق لان خط الوسط مو موجود
اما عن قطر صراحه ينقصنا شئ من الحظ لااقل ولااكثر ( والله لو الحظ رجل لعزمته على وليمة عشاء :p )لعلى عسى

مش ممكن
15-07-2007, 01:57
للاسف السعودية محتاجه صانع لعب يعني لاعب من ورا الهجووم بس مافي حد عندكم في المنتخب يسمى صانع لعب غير الشلهوب ومحمد نور لكن ولا واحد موجود
يعني بالله عليكم كريري يرووح لنص ملعب الخصم وهو الي يعطي الكوره لياسر او مالك !!!!
صراحه المدرب شكله متوهق لان خط الوسط مو موجود
اما عن قطر صراحه ينقصنا شئ من الحظ لااقل ولااكثر ( والله لو الحظ رجل لعزمته على وليمة عشاء :p )لعلى عسى

كـلام سلـيم وواقـعي جداً .. نقـطة ضعـف المنتخب السعودي تكمـن في مركـز صانـع اللعـب .. وكان مايسـتروا الوسـط محمـد الشلـهوب يفـي بالغـرض وكـان مـالي الخـانه بشكـل جيـد ..

لكـن قدر الله وماشـاء فعـل وبعـد شفـائه تجـددت اصـابته اثنـاء لقـاء الاخضـر الودي الذي كان يسـبق ايام معدوده قبـل انطلاق منافسـات البطولـه ..


وعـلامـه استفـاهم عريـضه على عـدم استدعاء محمـد نـور ..

ولكـن تبريـر انجـوس ان محمـد نـور لا ينـاسب الخـطه التـي ينـوي تطبيـقـها في مبـاريـته ..


هل تعتقـدون ان هـذا سبب مقنع ؟

vip10qatar
15-07-2007, 02:00
اخوي المنتخب السعودي افضل منتخب خليجي بعدين انت تقول انه منتخب قطر هو الافضل

انا اخالفك معني قطري لكن منتخبنا لاعب مباراتيين دفاع مسكر المنطقة هدفين حظ وانشالله نكون افضل في المباريات القادمة

واخوي لاتنسى انه فريقكم الرديف متعادل مع كوريا الجنوبية المرشحة الاولى للظفر باللقب خافوا الله شتبون اكثر بعد حرام عليكم هالكلام تحطمون الاعبين
انا لو منتخبنا عنده لاعبين مثل لاعبينكم الاحتياط بكون جدا مرتاح مادري انت تقول هالكلام تخدير للعنابي

فانا اقولك اسمحلي احتياطيين منتخبكم الرديف يجيبون بطولات

shaheen
15-07-2007, 02:06
بـوجهة نـظري افـضل المنتـخبات الخـليجية الي قـدمت مسـتوى جيـد لحـد ما اهي قـطر والسـعودية والعراق..واستـغرب من الي يذم بـمستوى منـتخب السـعوديه اليوم ويـذم بـاللاعبـين ولا جنـهم شـايفـين الجمـهور الـمرعب الي بـالملـعب..110 الـف مشـجع !! والله زين طلـعنا منـهم بـالثـلاث نـقاط اليـوم !!

ابو شهد
15-07-2007, 15:55
والله يالغالي لحد الآن ولا منتخب خليجي مقنع


ومتخبنا والله في بعض السلبيات ونقول يمكن انها أوراق مخفية في حال تأهل منتخبنا للدور الثاني واللي هي تيسير وعبده عطيف والغامدي


أتوقع هذي أوراق أنجوس اللي راح يستخدمها بالدور الثاني في حال تأهل منتخبنا

على العموم بالتوفيق للأخضر إن شاء الله



.

اتفق معك 1000000% نعم المنتخبات العربيه بالفعل لم ينجح احد بإقناعنا ولم يظهر احد بمستوى مقنع ولكن افضل الموجودين من ناحية النتيجه هم العراق والسعوديه وقطر فقط اما مستوى لا يوجد