المساعد الشخصي الرقمي

مشاهدة النسخة كاملة : خاص لـ alazraq.com : إصابة خلفان ,, ومضايقات جزائريه للاعبين الزعيم !



Fahad
17-09-2007, 00:34
خاص لـ alazraq.com

في إتصال هاتفي مع أحد مرافقي الوفد العرباوي المتواجد في الجزائر وهو أحد مصاردنا هناك ذكر أن الفريق يتمرن بجديه وإصرار لتحقيق نتيجه إيجابيه تسعد الجماهير الكويتيه بشكل عام والعرباويه بشكل خاص وأن العين على تحقيق نتيجه إيجابيه على الرغم من صعوبة المهمه خصوصا ً أنها على أرض الفريق الجزائري وبين جمهوره الكبيــر

وذكر لنا المصدر أن طلال خلفان تعرض للإصابه أثناء التمرين ولم يتحدد حتى الآن التوجه النهائي لإصابته ومشاركته من عدمها

وعلى نفس السياق ذكر أيضا ً أن خالد خلف لديه إصابه وقد يشارك في الشوط الثاني من مباراة الغد إن لم يشارك من البدايه وذلك لإصابته والأعمال على قدم وساق لتأهيله للمباراه

وأكد أن هناك مضايقات جزائريه من الجمهور الجزائري الذي يحضر تمارين العربي والتي تقدر بـ 150 شخص ضايقوا الفريق العرباوي ولاعبيه بالكلمات وبعض الأشياء التي تقذف

وفي نهاية الإتصال ذكر لنا أن هناك أمرا ً مستغربا ً يدور داخل الفريق العرباوي وهو كم المعلومات الهائله التي يملكها الفريق الجزائري عن العربي ومكامن القوه والضعف فيه بشكل لافت

اليوفي
17-09-2007, 00:38
كل التوفيق للعربي ,, والله كنت اتمنى التوفيق للعربي من الاول لكن بعد هالحركات الوصخه من الجزائرين صرت اتمنى لهم التوفيق وكأنه القادسيه الي راح يلعب مو العربي :)



وأكد أن هناك مضايقات جزائريه من الجمهور الجزائري الذي يحضر تمارين العربي والتي تقدر بـ 150 شخص ضايقوا الفريق العرباوي ولاعبيه بالكلمات وبعض الأشياء التي تقذف


الله لا يوفقكم !! :mad:

بو شايع
17-09-2007, 00:43
جذي يا الجزائريين تخلوني أشجع العربي :p

أنا أقول .. لو يحتجون العرباويه من الحين على إقامة المباراة في الجزائر .. و يوصفون حالتهم الغريبه و هي إن بالتمارين يتعرضون للمضايقات فما بالكم بالمباراة نفسها .. و أكيد الإتحاد العربي راح يتعاطف معاهم خصوصا إذا أدخلوا فيها مسؤولينا الكبار !

و الوعد بالكويت يا ( .. ) !

Immortal
17-09-2007, 00:55
نتمنى التصرف مع ( .. ) البعثيين ربع صدام!!! .. وبالتوفيق للعربي!

The Kid_88
17-09-2007, 00:57
جمهور وصخ وغير محترم
مو شي يديد على البلدان العربيه الافريقيه
ماكو احترام للضيوف
مشكور فهد

قدساوي_100%
17-09-2007, 01:04
راح يلعبون بالكويت

اتمنا المعامله بالمثل او الاسوء

المدريدي
17-09-2007, 01:08
بوشايع من صجك انت!

اي شكوى

هالاحداث مو اول مره تصير

كل سنه تصير!

والكل عارف

والاتحاد العربي عاجبه الوضع!

يبا اذا الاتحاد السعودي والاهلي السعودي تعرضوا لمضايقات وماسوو شي

وانت تعرف علاقه الاتحاد العربي بالفرق السعوديه!

تبيهم الحين يعطون العربي حقه!

والله العربي غلطان الي رايح هناك

مو بس العربي كل الفرق الي تروح هناك غلطانه

والمفروض الفرق كلها تكون لها وقفه ضد الاتحاد العربي وضد الغجر!!

>> Rainbow <<
17-09-2007, 01:14
شسالفة !! وين قاعدين !! شالمصخره

bo3esa
17-09-2007, 01:32
جذي يا الجزائريين تخلوني أشجع العربي :p

أنا أقول .. لو يحتجون العرباويه من الحين على إقامة المباراة في الجزائر .. و يوصفون حالتهم الغريبه و هي إن بالتمارين يتعرضون للمضايقات فما بالكم بالمباراة نفسها .. و أكيد الإتحاد العربي راح يتعاطف معاهم خصوصا إذا أدخلوا فيها مسؤولينا الكبار !

و الوعد بالكويت يا ( .. ) !

بوشايع

ومنو قالك العربي ما قدم إحتجاج على المباراة ؟
العربي قدم إحتجاج عالمباراة للإتحاد العربي لكن الإتحاد العربي رفض الإحتجاج
قبل السفره بجم يوم صارت مجزره بالجزائر وراحوا فيها 40 قتيل ومادري جم جريح وهالأحداث قريبه من الفندق والملعب . لكن كالعاده الإتحاد العربي رفض الإحتجاج

تخيل يا بوشايع الجمهور مو مصدق إنه المباراة راح تلعب " بالأضواء الكاشفه " على قولتهم
مستااااااانسييييييييين آخر وناسه إنهم يبون يبطلون كشافات الملعب ومسوين هيييصه ومو مصدقييين إنهم بيلعبون تحت الكشافات
تخيل العربي قاعد يتدرب التدريب المسائي بالظلام بدون كشافات وفوق هذا بغوا " يطيرون" راس الحشاش ببطل زجاج لوما ستر ربك جان الحشاش في خبر خير وغير السب والشتم والمضايقات .

أقرب مثال الكويت الموسم اللي طاف
والله حسيت إنه غزو أعوذ بالله تخيل حاشرين فريق الكويت بغرفه والجمهور يكسر ويحذف وكاميرا الشوط الثالث بقيادة المايسترو مبارك الدوسري شغاله وتسجل كل شي صار
المفروض هالشريط يدزونه للإتحاد العربي ويلعنون والدين والديهم فيه وما يخلونهم على راحتهم ولا تطوف السالفه بالساهل
بس على بو إنه عرب وإخوان وأشقاء طاف

Prussia
17-09-2007, 01:53
اي هيين خل ييون الكويت ما راح نقصر فيهم..
بس سؤال خارج الموضوع ؟؟ شلون فهموهم و قالو انهم ضايقوهم بالكلمات خو هلجتهم ما ادري شلون صايرة ما تفهم..:p

بو شايع
17-09-2007, 02:00
بوشايع

ومنو قالك العربي ما قدم إحتجاج على المباراة ؟
العربي قدم إحتجاج عالمباراة للإتحاد العربي لكن الإتحاد العربي رفض الإحتجاج
قبل السفره بجم يوم صارت مجزره بالجزائر وراحوا فيها 40 قتيل ومادري جم جريح وهالأحداث قريبه من الفندق والملعب . لكن كالعاده الإتحاد العربي رفض الإحتجاج

تخيل يا بوشايع الجمهور مو مصدق إنه المباراة راح تلعب " بالأضواء الكاشفه " على قولتهم
مستااااااانسييييييييين آخر وناسه إنهم يبون يبطلون كشافات الملعب ومسوين هيييصه ومو مصدقييين إنهم بيلعبون تحت الكشافات
تخيل العربي قاعد يتدرب التدريب المسائي بالظلام بدون كشافات وفوق هذا بغوا " يطيرون" راس الحشاش ببطل زجاج لوما ستر ربك جان الحشاش في خبر خير وغير السب والشتم والمضايقات .

أقرب مثال الكويت الموسم اللي طاف
والله حسيت إنه غزو أعوذ بالله تخيل حاشرين فريق الكويت بغرفه والجمهور يكسر ويحذف وكاميرا الشوط الثالث بقيادة المايسترو مبارك الدوسري شغاله وتسجل كل شي صار
المفروض هالشريط يدزونه للإتحاد العربي ويلعنون والدين والديهم فيه وما يخلونهم على راحتهم ولا تطوف السالفه بالساهل
بس على بو إنه عرب وإخوان وأشقاء طاف

و يا فهد تلومني إذا قلت إنهم ( ... ) :) !!

قواك الله عبود .. و بصراحه لو أنا مسؤول عرباوي ما ألعب لو شيصير !

و تكفون تكفون تكفون تكفون يا العرباويه شقوا حلوجهم بالكويت .. و لحد يطلعلي يقول لا إحنا الكويت نكرم ضيوفنا .. حبيبي هالأشكال يشوفون هاللشي ذل و إن أحنا مصاخر .. خلونا نوريهم العين الحمرا و نحط في بالهم إن كل شي راح يسوونه بنسويه عشر مرات ليمن يتوبون و يعرفون إن الله حق !

كويتاوي 2004
17-09-2007, 02:19
^^^
بوشايع
لو تسوي اي شي ضدهم بالكويت ... الاتحاد العربي راح يعاقبك
اهمه يسوون كله واحد ولكن إنت لا ... وراح تتعاقب إذا سويت نفسهم
اللعب بالجزائر كدخول الحرب ... والله يستر علي اللاعبين هناك

Claudio Mendez
17-09-2007, 02:26
ابي ريال فيهم يضايق فراس .. لأحرق الجزائر باللي فيها !! :p

ما اتوقع شي انا ..

فـ بالتوفيق لنا !

مبارك الدوسري
17-09-2007, 03:01
شباب يعني انتوا مستغربين ؟؟
ما احنا عارفين الوضع في الجزائر قبل سفر العربي ، والعرباويه احتجوا وعملوا كل شي لكن لاحياة لمن تنادي
الجزائر "الله يكافينا الشر فيها نون ومايعلمون" ، تفجيرات وقتلى ومصابين فـ لاتستغربون من هذه المعامله ، والتصرفات هذي فقط من الجماهير الجزائريه ، لكن في الطرف الآخر فـ ادارة فريق مولدية وهران ماقصرت مع العربي وسكنتهم فندق راقي :)
الي راح يونسنا ان شاء الله ويفرحنا هو خروجنا بنتيجه مرضيه من مباراة الذهاب وهي التعادل "انشاء الله" على أقل تقدير :)

عموما أرضية الملعب سيئه جدا جدا ، وخشنـه يعني الاصابه فيها على بيــزه :)
الله يستر

عذب المشاعر
17-09-2007, 04:18
أتمني المعامله بلمثل

بوطـلال
17-09-2007, 05:11
جمهور الكويت وادارات النوادي الكويتية والخليجية كلام في كلام ! :)

كلهم يقولون لي جونا بنعاملهم بالمثل وعلى التلش ! احسن فنادق واجدد باصات واحلى حمايه !

جمهورهم يلعن والدينا مايتكلمون الاتحاد العربي بينما لو بطل ماي انحذف بالكويت ابشروا بالعقوبات !!

شـآنـي هـآكـر
17-09-2007, 09:09
ماعليه ..,

هذا هي الامه العربيه !!! لاجديد ..


بالتوفيق للعربي


مع انه ربعنا عسى محد يضاقهم خافوا على طول
[ لاعبين دولة الكويت عموما]

Claudio Mendez
17-09-2007, 14:33
فواز المطيري ..

حصلوا من جمهور العربي اخس من جذي المفروض يتعودون :p

K U W A I T Y
17-09-2007, 15:10
جمهور قذر http://diwania.alazraq.com/images/icons/42.gif ...!!
خيون الكويت .. وشرفي لحذفهم ببطول ماي بالمطار :p
و كل التوفيق للزعيم العرباوي ,,
و الف شكر ..

"ARSENAL"
17-09-2007, 15:37
اي هيين خل ييون الكويت ما راح نقصر فيهم..
بس سؤال خارج الموضوع ؟؟ شلون فهموهم و قالو انهم ضايقوهم بالكلمات خو هلجتهم ما ادري شلون صايرة ما تفهم..:p

شدعوه ترى يتكلمون عربي:D

makkay
17-09-2007, 17:01
اي هيين خل ييون الكويت ما راح نقصر فيهم..
بس سؤال خارج الموضوع ؟؟ شلون فهموهم و قالو انهم ضايقوهم بالكلمات خو هلجتهم ما ادري شلون صايرة ما تفهم..:p
حمدي المرزوقي الظاهر علم ربعنا جم كلمه وسمعوها :p

--
خالد خلف ما يسوي شي بشووط !!

ثانكسيو

Henryq8
17-09-2007, 17:07
انشالله خير ,, واذا على الجمهور يا جماعه دوله اب كبر الجزائر مادري جم مليون .. لازم يطلعون فيها هل اشكال .. بس وين الي يكشهم!. عادي ابطال العرب اسميها حرب العرب .