المساعد الشخصي الرقمي

مشاهدة النسخة كاملة : الـوحدة الاماراتي بـخمسة مـدافعـين امام الـزعيم !!



shaheen
26-09-2007, 02:03
أجرى فريق الوحدة الإماراتي تمارينه الإستعداداية لمباراة الهلال في البطولة الآسيوية على ملعب اعداد القادة بالرياض , حيث تركزت تمارين الفريق على التكيتيك الدفاعي البحت .

بدأ التمرين بتمارين الإطالة بعدها طبق المدرب جمل تكتيكية للدفاع والمحاور , واتضح بأنه سيلعب بلاعبين محاور , وسيعتمد اعتماد كلي على ( خمسة ) مدافعين .

توقفت التمارين لأكثر من مرة من مدرب الفريق لإبداء ملاحظاته على اللاعبين , وكان أكثر لاعب يتحدث معه المدرب هو لاعب الوسط محمد الشحي . وفي نهاية التمرين تدرب الفريق على ضربات الجزاء .


"منقـول"..

Fahad
26-09-2007, 03:05
الوحده هازم نفسه قبل ما يدخل الملعب من خوفه من الجمهور الهلالي والهلال !!

سعودي 2006
26-09-2007, 04:23
الوحده اذا بيدافع بياكلها نتيجة تاريخيه ...

المفروض الوحده يهاجم مثل مافعل الكويت الكويتي للهلال اذا لعب بطريقه هجوميه راح يحرج الهلال وممكن يهزمه !!

لكن اذا بيستسلم وبيدافع

اعتقد ان المباراة حتكون سهله للهلال

MoonSun
26-09-2007, 14:13
بالعكس انا لو بدال مدرب الوحدة العب بتحفظ دفاااعي وما افتح اللعب ...

منتخب الامارات نجح في اخراج منتخبنا من كأس الخليج بهذا الاسلوب...

وبعدين الوحدة مو خسران شي اذا خرج بالتعادل _راح يوصل للبلنتيات وهذا اللي يبغونه...

اتوقع الوحدة راح يداافع وراح يعتمد على الهجمات المرتدة اللي ممكن يجيب منها هدف...

MoonSun
26-09-2007, 15:55
سيباهان الايراني قفل الملعب ودااافع ووصل للبلنتيات وفاااز...

عيناوي متعصب
26-09-2007, 17:25
هل نسيت بأن البرازيل فازت في نهائي كوبا امريكا بهذي الطريقة !!!


بصراحة الوحده يحتاج لخبره في مثل هذي الامور .. واعتقد انه لو دافع وكان دفاعه 10/10 بيحقق اللي يبغيه ..

محمد بن عصفور الهاجري
26-09-2007, 18:30
ليش من قال الوحده بيلعب بخطه دفاعيه هو بيهاجم ويمكن بشراسه بس بيخلي خمس مدافعين عادي ثلاثه قلب دفاع واثنين اجنحه يتقدمون ويا الهجمات الوحداويه وثلاثي خط النص يخترق ويصنع هجمان لثنائي الهجوم يقدر يسوي خطه ممتازه خمسه دفاع ثلاثه وسط اثنين هجوم ويوازن دفاعي هجومي الخطه على ورق غير وبالملعب غير يمكن تشوفون خمس مدافعين بالورق بالصدق تختلف السالفه بالتوفيق للزعيم الهلالي

shaheen
27-09-2007, 00:42
والله وسـووها عيـال زايـد !!

عيناوي متعصب
27-09-2007, 01:17
مثل ما قتلك .. اتعرف كيف فازت البرازيل ع الارجنتين في نهائي كوبا امريكا ؟

مب مهم الكلام ع الورق

ثانيا .. الوحده لعب 3-5-2 ..

يعني .. في حالة الهجوم تكون 3-5-2

في حالة الدفاع 5-3-2 ..

يعني الاظهره اليمين واليسار يرجعون للدفاع في حالة الدفاع ..


وفعلا نجحت الخطه ..

MoonSun
27-09-2007, 01:23
بالعكس انا لو بدال مدرب الوحدة العب بتحفظ دفاااعي وما افتح اللعب ...

منتخب الامارات نجح في اخراج منتخبنا من كأس الخليج بهذا الاسلوب...

وبعدين الوحدة مو خسران شي اذا خرج بالتعادل _راح يوصل للبلنتيات وهذا اللي يبغونه...

اتوقع الوحدة راح يداافع وراح يعتمد على الهجمات المرتدة اللي ممكن يجيب منها هدف...

اللي توقعته حصل ...

عموما هاردلك للهلال ومبرووك للوحدة...

shaheen
27-09-2007, 01:23
والله فـكم الله يـاعيـناوي..
كرة بـالعارضة..وبـلنتي ضـايع !!
وحارسكم ماشاء الله عليه شـال الفريق شـيل ..
وكالعاده سـمعه يـكون الـمنقـذ لفـريقه :)
عالعموم الـف مبروك ان شـاء الله..
وعئـبال مانشـوف سمـعه واخوانه اللاعبـين رافعـين الـكأس :)

Discovery
27-09-2007, 01:43
يستاهلون الفوز والله
اللي تكسب به العب به
فريق واقعي ومدرب واقعي أيضا

عيناوي متعصب
27-09-2007, 03:06
اكيد .. ماحد بيلوم المدرب لو لعب قدام الهلال بخطه دفاعيه .. الفريق كليا متغير يعني اللهم كمن لاعب كانوا يلعبون .. اما حاليا فريق الوحده متغير 80% من الاعبين .. اغلبهم صغار..والمدرب كان يعرف مستوى لعيبته ..وسوى اللي عليه ..


بس لا ننسى انه الهلال قدم مباراة حلوه ..

بو فيصل
27-09-2007, 15:37
الوحده هازم نفسه قبل ما يدخل الملعب من خوفه من الجمهور الهلالي والهلال !!


ومن قال لك ان الوحده يخاف من الـ70000 أو حتى 80000 !!!

الوحده لعب بواقعيه ومنطق ... بس اللي لعب بغرور وعصبيه .. أكلها وهي حاره ؟؟

تحياتي حبوب