المساعد الشخصي الرقمي

مشاهدة النسخة كاملة : أوراوا ريد الياباني _ بطل دوري أبطال آسيا



MoonSun
03-10-2007, 19:17
سلام عليكم...

في البداية احب أهنيكم بـ(((عيد الفطر المبارك ))) ونقولكم عيدكم مبارك ومن العايدين الفائزين..

نتوكل على الله و ندخل في الموضوع ونقول:

اليوم وبعد تعادل سيونغنام الكوري الجنوبي وفريقأوراوا ريد الياباني بنتيجة( 2-2 )

يسير الفريق الياباني بخطى ثابتة نحول تحقيق كأس دوري أبطال اسيا...

اوراوا ريد الياباني يمتلك قدرات عالية تفوق باقي الاندية الاسيوية المشاركة بالبطولة...

إذا نقدر نقول مبرووك لليابانيين البطولة...

وما انسى ابارك للعضو الياباني((( الدقــ 90 ـيـقة )))

soccer fan
03-10-2007, 19:48
:biggrin:

لو فريق سعودي متاهل لدور الاربعة جان قلت هالكلام ؟

اتمنى تكون هذي توقعاتك مو امنياتك

بصراحة انا اشوف ان فرق غرب اسيا افضل من فرق شرق اسيا ( اندية مو منتخبات )

و عشان اكون عادل حسب معلومات السابقة ( ما تابعت مباريات البطولة و اعتقد قليل تابعو فرق شرق اسيا بالذات ) افضل فريق هو الفريق الايراني اخخخخخخخخخ :) الاعتراف بالحق فضيلة شسوي اذا اشوف اهم الاحسن ؟

لكن اتمنى من كل قلبي البطولة تكون اماراتية وحداوية و تعصب تعصب تعصب

MoonSun
03-10-2007, 19:58
:biggrin:

اتمنى تكون هذي توقعاتك مو امنياتك


شوف حبيبي ...

انا الكلام اللي قلته توقع وليس أمنيه ...إذا سألتني عن أمنيتي فاتمناها اماراتية..

لكن من خلال متابعتي لهذه البطولة رجحت المنطق على العاطفة...

اوراوا ربد الياباني يعتبرافضل فريق في الوقت الحالي...


:biggrin:
لو فريق سعودي متاهل لدور الاربعة جان قلت هالكلام ؟



أرجع لكلامي فوق وشف وش قلت عن الفريق الياباني ...

قلت ان الفريق الياباني افضل فريق اسيوي مشارك بالبطولة الحالية بما فيها الهلال...

Zard
03-10-2007, 20:24
اتمنى سباهان اتوقع اليابان

ولكن باذن الله صفراء

شكرا :)

pink dream
03-10-2007, 21:51
مسكين سوكر فان

منبطه جبده من السعوديين (أندية ومنتخبات) من أيام كأس آسيا خخخخخخـ

الله يعافيك ولا يبتليناا




ماعلينا


أتمنى الوحده ياخذون البطوله بس أحسها صعبه
وممكن توقعك يصيب
لكن ماأتمناها للياباني أبدآ

الدقــ 90 ـيـقة
03-10-2007, 23:22
хорошие новости

良いニュース

:biggrin:

Ŝmα®Ђ βộỳ
03-10-2007, 23:49
نتيجة اليوم في صالح الفريق الياباني
الفرق اليابانية في هالبطولة مالها حظ !
الظاهر بيبتسم لها المرة هذي :)


хорошие новости

良いニュース

:biggrin:


幸運
:p

الـرووقـي
04-10-2007, 00:56
شباب خلونا نكون واقعيين

انا تابعت مباراة الوحدة ومباراة سابهان وقسم بالله الفريق الايراني عادي جداً ودفاعه ضعيف حييل ولا لقاله فريق قوي وكامل العدد ياقف بوجهه

بس بحكم الطرد الاماراتي استحوذ الفريق الايراني على الوسط والفريق الاماراتي قدر على الوصول للمرمى وضاعت له فرصة ما تتعوض ( الكرة المرتدة من الحارس ) ولو اللاعب الاماراتي تابعها زين كانت تعادل على أقل تقدير وإن فاز الفريق الايراني يكون فايز 3 / 2 وهذي تعتبر نتيجة إيجابية للفريق الاماراتي بس مالله كتب لهم وقدر الله لهم الخسارة بـ 3 / 1 وقادر الوحدة الاماراتي على قلب النتيجة بالامارات وإن شاء الله يتحقق الفوز الاماراتي والوصول لنهائي كأس آسيا .

أما بالنسبة للفريق الياباني اسمع الكل يشيد فيه ولا عمري شفت له أي مباراة بس الكرة اليابانية الكل يعرفها بقارة آسيا كورة متطورة ولعبهم جميل ولا أستبعد إنهم راح يحصلون على البطولة كل شيء وارد وإن فاز الفريق الياباني نقوله يستاهل وإن فاز أحد الفريقين ( الوحدة أو سابهان ) نقوله تستاهل والله يكثر خيرك ورفعت سمعة غرب آسيا لأن شرق آسيا فيهم شوية غرور ويبون كل شيء لهم .

بومبـارك
04-10-2007, 02:02
انا أتوقع الفريق الياباني اهو بفوز بالبـطوله

الـرووقـي
04-10-2007, 02:14
الأولى الفريق الاماراتي وإن مافاز نتمنى سابهان عشان يحافظ على سمعة غرب آسيا فقط
واليابانيين والكوريين متغطرسين بس نتحمل الفريق الياباني

بطل خليجي 18
05-10-2007, 01:59
بكل تأكيد نتمناها للوحده..
ولكن منطقيا انا متفق معاكم انه الاقرب من حيث المستوى والحظوظ هو اوراوا اليــاباني..
فريق قوي جدا ويتمتع بدعم جماهيري على مستوى عالي.

ولكن لازم نتذكر انه كرة القدم الآن اصبحت غريبه.
العين السيء ذاك العام تعادل مع اصفهان في ايران رغم انه كان اقرب.. وفاز عليه بالعين.
العين يخسر من الشباب السعودي ذهاب واياب...ومن ثم الشباب السعودي يخسر من الفريق الايراني ذهاب واياب.
كرة القدم تعطي من يعطيها والتكتيك اصبح يلعب دور جبار فيها.
ولا تنسون اخر البطولات كاس اوروبا وكاس العالم.

لذلك ماستبعد اي شيء.
ومش دائما المرشح هو اللي يقتنصها..

ولا تنسون ان الهلال بدور الثمانيه كان اقوى المرشحين لنيل البطولة .. وظهر مبكرا.

MoonSun
24-10-2007, 16:21
واثق الخطوة يمشي ملكاً....

ويقترب أوراوا الياباني من تحقيق الكأس...

فاز على اقوى فريقين من كوريا ج ...

الجمهوووور الياباني روووووووعة...

HiLaLy
24-10-2007, 16:59
لفريق اليابانى بطل البطوله ويستاهلها
جمهورهم خيالى كلهم احمر :)

الدقــ 90 ـيـقة
24-10-2007, 17:16
خلاااااااص الحين نقدر نقول مبروووووك
:wavetowel2:

MoonSun
08-11-2007, 20:02
باقي على الحلو تكه...

MoonSun
14-11-2007, 14:01
أوراوا 2
اصفهان 0

مبروك لكل الاعضاء اليابانيين...

MoonSun
14-11-2007, 14:12
ياعيني على الجمهور الياباني...

هذا دوري ابطال اوروبا ولا كأس ليبرتادورس...شيئ عجيب

بومبـارك
14-11-2007, 14:29
الف الف مبروك للفريق الياباني
يستاهلون

الدقــ 90 ـيـقة
14-11-2007, 14:49
اليابان وبس :yes:

لعب

جماهير

ملاعب

تنظيم


كل شي

لو لم اكن يابانيا لتمنت ان اكون ياباني :lol:

مسكين اللي مايشجع اليابان :biggrin: