المساعد الشخصي الرقمي

مشاهدة النسخة كاملة : فلم " رامبو " عجيب × معقّد ..!



I B R A H I M O V I C
25-01-2008, 07:36
السلام عليكم ..



أنا رحت الفناار امس مع الشلّة و دخلت فلم " رامبو 2 " ، طبعا ً الممثل المشهور شكله شاايب غير عن أوّل ، المهم الفلم مدّته ساعه و معقّد + أكشن ، و الفلم تدور أحداثه عن دولة تايلند ، و فها رئيس ديكتاتوري يذبّح بالأوادم و السبب : مالكم شغل بالكوريين :p ، عموما ً صاحبنا رامبو يعني عايش عندهم و يصيّت من الحية و الكوبراا و جسمه شقّقاي مجسّم ، و إييون ناس من أمريكا [ جيش مكوّن من 6 أو 7 ] أشخاص و يقودهم رامبو و يهزؤون الدكتاتوريّة ..



نصيحة : الفلم مدته ساعه بس حلو ، و الي يحب الرومانسية لا يدخل احسله عشان لا يكفخني :p !

قدساوي انتراوي
25-01-2008, 07:52
لوووول يبيله والله :D ..

Freddie
25-01-2008, 08:03
عاد انا اتوقع الصبي الوحيد الي مايحب الاكشن مادري ليش ماحبه احس بملل لمن اشوفه

Delpi
25-01-2008, 08:05
زين الفيلم فيه تقطيع ؟؟

I B R A H I M O V I C
25-01-2008, 08:09
عاد انا اتوقع الصبي الوحيد الي مايحب الاكشن مادري ليش ماحبه احس بملل لمن اشوفه


الفلم ماله هدف معيّن ، لكن التصوير عجيب و كله حروب ..
يعني رامبو شنو تتوقعه ؟ رومانسي مثلا ً :p !



عموما ً هالفلم أخذ جائزة عليه و هو المصنف ثانيا ً أو ثالثا ً عالميا ً من ناحية الاكشن و تاريخ الحروب ..
على فكرة الجزء الاول و الاصلي لـ رامبو [ أيام الثمانينات ] أفضل من هالجزء ..


قولو ليش ؟
لأنه رامبو ايام الشباب كان أحلا ، أما ألحين فـ هو صاير مثل الشياب بس متنّح بالفلم و يوجّه ..
بس يخرب بيته يذبح ذبح مو طبيعي ، و اذا مسك المدفجية وخروا عنّه .. :p !



طبعا ً الفلم " مقطـّـع " مليون مرّة عشان جذي مدته ساعه خجخجخ :p !

Freddie
25-01-2008, 08:10
الفلم ماله هدف معيّن ، لكن التصوير عجيب و كله حروب ..

يعني رامبو شنو تتوقعه ؟ رومانسي مثلا ً :p !



عموما ً هالفلم أخذ جائزة عليه و هو المصنف ثانيا ً أو ثالثا ً عالميا ً من ناحية الاكشن و تاريخ الحروب ..
على فكرة الجزء الاول و الاصلي لـ رامبو [ أيام الثمانينات ] أفضل من هالجزء ..


قولو ليش ؟
لأنه رامبو ايام الشباب كان أحلا ، أما ألحين فـ هو صاير مثل الشياب بس متنّح بالفلم و يوجّه ..
بس يخرب بيته يذبح ذبح مو طبيعي ، و اذا مسك المدفجية وخروا عنّه .. :p !




طبعا ً الفلم " مقطـّـع " مليون مرّة عشان جذي مدته ساعه خجخجخ :p !


لا موقصدي عن الفلم بس انا بشكل عام ماحب الاكشن :p بس دراما وكومدي ورعب

I B R A H I M O V I C
25-01-2008, 08:11
زين الفيلم فيه تقطيع ؟؟


طب و إختاااار خجخجخ

بس الصراحه لازم يقطعون بعض الشغلات ، لأنها جد جد قويّة مثل الي خبري خبرك .. :p !
عموما ً الفلم نصه كلام وصخ يعني سكروا اذانيكم .. هااع

I B R A H I M O V I C
25-01-2008, 08:14
لا موقصدي عن الفلم بس انا بشكل عام ماحب الاكشن :p بس دراما وكومدي ورعب

بعد أسبوعين إفتح الجريدة و بتشوف فلم " رعب " صخــر ..
طبعا ً هو قديم لكن بالكويت يديد و ان شاء الله مو مقطّع :p !

Freddie
25-01-2008, 08:19
بعد أسبوعين إفتح الجريدة و بتشوف فلم " رعب " صخــر ..
طبعا ً هو قديم لكن بالكويت يديد و ان شاء الله مو مقطّع :p !


انشالله :p انا اموت على افلا الرعب .. في فلم يحطون دعايته وايد بقناة اي بالشوتايم .. فلم 2 يدشوف غرفه ويشغلون شريط ويشوفون جريمه تصير بنفس الغرفه الي اهم فيها شوي وايد يبي يدش عليهم ومراقبين وين مايروحون لو تعرف اسمه ياريت اتقولي عنه

I B R A H I M O V I C
25-01-2008, 09:59
^


قناة شوتايم عندي ، بس ما شفت إعلان حق هالفلم ..
الفلم قديم ولاّ يديد ؟

De Rossi
25-01-2008, 11:01
لا يحوشك أكشن .. ما أحب الأكشن كلش .. بس فلم أكشن واحد عجبني حيل " Leon " Professional

David Silva
قصدك فلم Vacancy ?

Freddie
25-01-2008, 11:19
^


قناة شوتايم عندي ، بس ما شفت إعلان حق هالفلم ..

الفلم قديم ولاّ يديد ؟



يديد يحطون دعايته على قناة E!

Freddie
25-01-2008, 11:20
لا يحوشك أكشن .. ما أحب الأكشن كلش .. بس فلم أكشن واحد عجبني حيل " Leon " Professional

David Silva
قصدك فلم Vacancy ?

اييييييييييييييي هذا اهووووووووووووووووو مشكور يبتلي اسمه

مانيو
25-01-2008, 12:58
رامبو اليديد رامبو 4 انشا الله يكون قوي شكلي بنزله

ديفيد فيلم فاكانسي نزل السينما ودشيتله الفم حلو بس مو قوي

tic tac
25-01-2008, 13:03
فلم " رامبو " عجيب × معقّد ..! واللي طلع من الفلم وماكمله ! مو انا واحد :)
واللي يقولك مو مال تروحله ! هم مو انا واحد ثاني غير الاولاني :)

عيل يمسكه من حنجه ويشق ويهه " بمعنى الحرفي لشقه الويهه " :|

وشكرا :)

يوفنتساوي
25-01-2008, 13:26
دام مقطع بشتريه سيدي

<---- اذبحه على الا كشن

مسنير مان
25-01-2008, 13:29
^

ما يشق ويهه لا
يمسك بلاعيمه ( حنجرته ) و يشلعها من مكانها و يقطها بالأرض

مع رامبو مفيش مستحيل

Juve 4 ever
25-01-2008, 14:23
يبيله غرامي الاكشن والافلام الي فيها حروب ..

الانجــليزي
25-01-2008, 15:31
سـاعه .! مايسوى الروحه

بومبـارك
25-01-2008, 17:33
اخذه dvd واطالعه ...

Nutty VaMpIrE
25-01-2008, 18:36
جزء رابع مو ثاني !!

Delpi
25-01-2008, 21:34
شباب الفيلم متأكدين مدته ساعه هههه :)

دشيت على موقع Imdb وطلع لي مدته 93 دقيقة يعني ساعه ونص !!

من صجكم مقطعين نص ساعه من الفيلم !!

المحتـ9ـرف
25-01-2008, 21:45
أنا أحب أفلام الآكشن، لكن أفلام رامبو وأرنولد شوارزينيجر ماتستهويني بالمرة!
عاد بشبابه ماحبيته، بحبه ألحين على آخر عمره :d

H.AMA.D
25-01-2008, 23:04
الفيلم طوله ساعة وربع

ما فيه ذرة من التعقد

فيلم اكشن بحت والقصة مكررة

UNIQUE
28-01-2008, 22:15
لوول
قبل يوم كنا صغار كنا انصدق لمن رامبو كلن يذبح نص الجيش

بس الحين قوية

:p

Fc BaRcElOnA
28-01-2008, 22:37
قبل يومين رحت رامبو 4 بالافينيوز ..
عجبني حده و الله .. قصته حلوه ..

GialloRossi
28-01-2008, 22:41
صلوا عالنبي بس !
رامبو 4 حلو ؟ والله ماشاف الحلا!
لا قصه لا حوار لا عمات عين ! ومدته قصيره ! مايسوى والله

وطول الفلم "منفس" :p مايتحاجى لول

BuJweS
28-01-2008, 22:57
شباب الفيلم متأكدين مدته ساعه هههه :)

دشيت على موقع Imdb وطلع لي مدته 93 دقيقة يعني ساعه ونص !!

من صجكم مقطعين نص ساعه من الفيلم !!


تكفة يعني مقطع ياخذون صبي صغير يودونه غرفة نوم الرئيس بالليل ,, وبعد شوي يطلع يمشي والرئيس يطلع وراه يطالعه ,, يعني شنو؟ :) ,, يلعب وياه لبيده ؟

مقطع حاطين اربع بنات يرقصون ومليون كمبودي يسوون عليهم سحب على البنات ,,

زين منهم خلوا مقاطع الدم يمعود !! ,,

adilalroh
28-01-2008, 22:58
انا رحته من اسبوع تقريباً
طلعت من السينما وانا اردد ( يخرب بيت التصوير):) مو طبيعي
وهذا الجزء الرابع والممثل مثله وعمره 60 سنه

ويستاهل العنوه لو مدته اقل من ساعه

GialloRossi
28-01-2008, 23:12
على فكرة الجزء الاول و الاصلي لـ رامبو [ أيام الثمانينات ] أفضل من هالجزء ..


قولو ليش ؟
لأنه رامبو ايام الشباب كان أحلا ، أما ألحين فـ هو صاير مثل الشياب بس متنّح بالفلم و يوجّه ..
بس يخرب بيته يذبح ذبح مو طبيعي ، و اذا مسك المدفجية وخروا عنّه .. :p !




شهالتحليل العجيب :p
استنتاجك قوي صراحه :o

---
وبخصوص التقطيع .. الفلم لو فيه شي سنع جان طالت مدته ! مايعتمد على لقطه وصخه او شيء من هذا القبيل

BuJweS
28-01-2008, 23:22
^^
داش رامبـو ,, اي قصـة اللـي تبيـها؟ ,, غلطـان !! ,, رامبـو انقـد عـلى اي شـي الا القصـة لانـك مـا دشيـت رامبـو الا تبـي اكشـن وبـس !! ,,

GialloRossi
28-01-2008, 23:23
حتى الاكشن مايشجع حموود!
انت شفت برطمه لما يقعد يرمي :p

بومبـارك
29-01-2008, 00:01
توني شايفه
مو طبيعي عجييييب وقوي

I B R A H I M O V I C
29-01-2008, 01:08
تكفة يعني مقطع ياخذون صبي صغير يودونه غرفة نوم الرئيس بالليل ,, وبعد شوي يطلع يمشي والرئيس يطلع وراه يطالعه ,, يعني شنو؟ :) ,, يلعب وياه لبيده ؟

مقطع حاطين اربع بنات يرقصون ومليون كمبودي يسوون عليهم سحب على البنات ,,

زين منهم خلوا مقاطع الدم يمعود !! ,,


إيه هذي قويّه حييييييييل .. :p !

A.B
29-01-2008, 01:19
سلفستر اسطوره
فلم حلو و مو معقد مادري شفيكم عليه ... اللهم لقطه الريس مع الياهل هذي قويه :p
اقوي لقطه بالفلم لما ذبح الريس بالسجينه ... تحس بالقوه

I B R A H I M O V I C
29-01-2008, 11:25
http://www.bennadel.com/resources/uploads/john_rambo_trialer_rocky_iv.jpg


لقطة شقّاقيّة .. :p !

BuJweS
29-01-2008, 13:09
^^
احلـى شـي لـما صـار روبـن هـود ,, اكشنتـني هاللقـطة :p ,,

حـتى الحـداق بالسـهم زقـرت :× ,,

http://www.beyondhollywood.com/stillsx/2007/07/john-rambo-images-1.jpg

SaFRaWy
29-01-2008, 19:51
الفلم قمه الملاقه

قصه سطحيه جدا جدا

المحتـ9ـرف
29-01-2008, 21:01
هو فلم الآكشن لما يقلب فلم هندي يصير مليق : /
شوف داي هارد،،، هذا فلم آكشن يتسمى فلم آكشن،،، أما أفلام سيلفستري، وآرنولد،،، فهذي تتسمى "بوليوود هوليوود" :d

كظمـاوي
30-01-2008, 00:40
88
دي هارد 4 يعني مو فلم هندي !!

اذا شاحنه تبتون عن صاروخ من F18

والبطل يطمر فوق الطياره

ويخلي السياره تطير تطق الهلكوبتر

يبا الزبده الاكشن كله مو حلو وفلم هندي

عربــاوي
30-01-2008, 00:45
"الفلـم ساعه و5 دقايق ..
وسينما الكويت .. مقطعينا واهوا يدعي لوول ..

Nutty VaMpIrE
30-01-2008, 04:08
فلم قووويي قمت اشربك مع الجمهوور .. يستاهل سلفستر
عليه سواعد فخوذ روبيرتو كارلوس ايام عزه !انا انافسه طبعا
ولا في لقطة المجرم واقف فجأة يطلع ويه رامبو وراه تقول الفك المفترس .. يا كبيير

قدساوي انتراوي
30-01-2008, 04:13
بروح له باجر ..

حيــــــاك سيلفا :p

Freddie
30-01-2008, 04:17
بروح له باجر ..

حيــــــاك سيلفا :p

الله يحيك .. ويييييييييييييييع مشكور اخر عمري ادش فلم اكشن ورامبو بعد هذا الي ناقص :p

قدساوي انتراوي
30-01-2008, 04:21
^^ ^^ ^^

يقولك رامبو دش على جيش كامل ذبحهم بجنجر :lol:

:p

Freddie
30-01-2008, 04:23
^^ ^^ ^^

يقولك رامبو دش على جيش كامل ذبحهم بجنجر :lol:

:p

:p يخسي وتطنزون على الاهنود

قدساوي انتراوي
30-01-2008, 04:28
^ ^ ^

يمعود رامبو اهون من الهندي إلي يرمي القنبله برصاصه من حلجه .. :D .. يحط الفشقه بحلجه و يرمي :lol:

Freddie
30-01-2008, 04:29
^ ^ ^

يمعود رامبو اهون من الهندي إلي يرمي القنبله برصاصه من حلجه .. :D .. يحط الفشقه بحلجه و يرمي :lol:

اهون مو اهون :/ كله كلك وسخافه الاكشن

قدساوي انتراوي
30-01-2008, 04:32
^ ^ ^

شكرا على مرورك .. :p

BuJweS
30-01-2008, 08:35
^^
دبسـه ,, قـوله امـش فلـم سنـو وايـت تـوه نـازل ولا توريـه التذاكـر :p ,,

قدساوي انتراوي
30-01-2008, 12:07
^ ^ ^

من قالك مو مفكر فيها :p ..

المحتـ9ـرف
30-01-2008, 20:59
88
دي هارد 4 يعني مو فلم هندي !!

اذا شاحنه تبتون عن صاروخ من F18

والبطل يطمر فوق الطياره

ويخلي السياره تطير تطق الهلكوبتر

يبا الزبده الاكشن كله مو حلو وفلم هندي

رامبو أقوى :D
داي هارد تقول حبكت معاه البطل محظوظ،،، مايموت بسهولة :p
رامبو فلم هندي لأنه بروحه "وحيد فريد" يشلخ له جيش كامل :eek:

راعي بنك
30-01-2008, 22:56
والله ترفع له القبعه سلفستر إبن ستالون على هالفلم طلع ولد عايله ومحترم يعطيه العافيه صج محد يمثل إلا ستالون

Bo_faraj
31-01-2008, 08:39
سؤال شلون رامبو معقد؟:confused:

قدساوي انتراوي
31-01-2008, 08:48
اي والله شكو معقد .. :D ..
أشوفه عادي .. فلم حربي بحت ..
أمس رحت له .. عجيب وايد حلو
:)

BuJweS
02-02-2008, 20:08
اخيـه ,, مـال اروحلـه مـرة ثـانيـة :p ,,

حسـافة مـاكو تـرجمـة حـق كـلام الزبـوط الطـاغيـة رئيـس الكومبـودييـن :p ,,

tic tac
02-02-2008, 20:36
^^ اللي فجأه يطلع من غرفته ياهل ! .. ماغيره ? :p

ترك شسمه وراح حق شسمه .. الله يهديه :d

BuJweS
02-02-2008, 20:54
ما غيرو :× ,,

بـس مـو فـجأة ,, اذكـر لـما ودوه :p ,,

tic tac
02-02-2008, 21:17
ما لاحظت هذي لول ..

http://www.impawards.com/1985/posters/rambo_first_blood_part_ii.jpg
http://kino.germanblogs.de/pub/germanblogs/kino/rambo.jpg
http://wayangtopia.com/wp-content/uploads/2007/08/rambo4-photo-01.jpg

وحشنه :>

Henryq8
02-02-2008, 21:42
انت الي قعدتنه الله يهداك لما قلت فلم معقد!!!؟؟؟

فلم عادي ناس "اشرار" على قولتهم وذبحهم رامبوا وانتهى الفلم وين التعقييد !!؟؟؟

لوول ولله انت عقدتنه لما قلت ان الفلم عقدك انت احنى الحين متعقديين ليش الفلم عقدك انت او ليش قلت ان الفلم عقدك ياريت اتجاوبنه لان تعقدنه شلون انت اتقول الفلم معقد وهو عادي؟

لـون الذهب
02-02-2008, 23:30
صدق البطل شيب

وين افلام ستالوني قبل ووين هالفلم

القصة حلوة بعض الشي والتمثيل ممتاز

بس النهاية مش مقنعة

GoLcHia
03-02-2008, 01:43
اقترحت على اللي ويــاي اندشـه على ضحك "بجس نبضهم" , زيـــــن ما طقــوني ! :/

Inter Tifoso
04-02-2008, 05:26
عجبني الفلم و ستالون نجح بالمطلوب و المتوقع منه .

الفلم أكشن .. شنو تتوقع يعني ؟ اذا تبي قصه و دراما عندك روكي 5 . ;)

soccer fan
04-02-2008, 05:48
عاد انا اتوقع الصبي الوحيد الي مايحب الاكشن مادري ليش ماحبه احس بملل لمن اشوفه

شوف

اكشن عن اكشن يفرق

انا ما احب الفلم الي الاكشن فيه للاكشن يعني اكشن و بس طق و تفجير و اشياء عجيبة واحد يطق امية و لا مره تصارع الريايل و محد يقدر عليها ما احب جذي

لكن في اكشن يكون حلو

و بصراحة انا مليت و صرت ابي كوميدي و بس

____________________

شباب رجاء

انصحوني اروح فيلم رامبو ولا ما اروح ؟ انا ودي بس يقولون مو حلو و خربوطي فشرايكم اروح ؟ ( انا ما احب الخرابيط المبالغة يعني مثل 300 او مثل الكسندر او تومب رايدر يعني مبالغات زايدة )

BuJweS
04-02-2008, 13:38
انا ما احب الخرابيط المبالغة يعني مثل 300 او مثل الكسندر او تومب رايدر يعني مبالغات زايدة

المهم الفلم حلو وروحله ,, بس الاكشن فيه للاكشن ,, المهم حلو ويستاهل :) ,,

Freddie
04-02-2008, 18:04
شوف

اكشن عن اكشن يفرق

انا ما احب الفلم الي الاكشن فيه للاكشن يعني اكشن و بس طق و تفجير و اشياء عجيبة واحد يطق امية و لا مره تصارع الريايل و محد يقدر عليها ما احب جذي

لكن في اكشن يكون حلو

و بصراحة انا مليت و صرت ابي كوميدي و بس

____________________



اي هذا المكرهني بالاكشن .. احب افلام جرايم وقصص ورعب هم عادي وكومدي شي طبيعي .. بس الاكشن موقادر ابلعه

BuJweS
04-02-2008, 18:05
راجع نفسك بو جاسم :× ,,

Freddie
04-02-2008, 18:11
راجع نفسك بو جاسم :× ,,

ودي اطالع وندمج بس لمن اشوف اكشن اشوف سياسه ابركلي :p

BuJweS
04-02-2008, 18:22
خل ينزل فلم اكشن سنع وانا اقلصك لي الفلم ,, غصب طيب بالحيلة تحب الاكشن يعني تحبه :p ,,

Freddie
04-02-2008, 18:30
خل ينزل فلم اكشن سنع وانا اقلصك لي الفلم ,, غصب طيب بالحيلة تحب الاكشن يعني تحبه :p ,,

انشالله عشان شباتك بوجويس :D

BuJweS
04-02-2008, 18:40
اي خلك جذي من الاول :d ,,

Maldini_el_q8
04-02-2008, 20:26
أثنين ما أبالغ اذا قلت حرام الواحد يروحلهم فلم

ستالون + ستيفن سيقال

المحتـ9ـرف
04-02-2008, 22:35
^^^ شفيه سقال :D
يمسك لك حنجرة واحد ويطلعها، وبعدين يكسر لك يد واحد، يصير كوعه جدام :p

Maldini_el_q8
04-02-2008, 22:39
رحتله فلمه الي عن الغواصه ,, رحت على اساس رفيجي توه راد من السفر و مابي أكسر خاطره لكن طلعت زين ما ذبحت رفيجي بسبة الفلم :p

يا رجل شنو من آدمي يحارب و يفجر و يذبح و يرمي و كل شي و اهو لابس بالطوه الجلد و ما انطق طول الفلم الا بلقطه وحده بس !!! حدث العاقل بما يعقل :p

Inter Tifoso
05-02-2008, 00:41
أثنين ما أبالغ اذا قلت حرام الواحد يروحلهم فلم

ستالون + ستيفن سيقال


أوكي .. سيغال + أرنولد + فان دام (لول!) = أفلام بلاي ستيشن و حرام الواحد يضيع ساعتين من عمره عليهم :p

لكن ستالون عنده أفلام أكثر واقعيه نوعا ما .. يظل أحسن من الباقي ;) و عنده بعد برنامج the contender واقعي 100%

مختصر مفيد عن ستيفن سيغال :

http://www.thefilmbasement.com/images/seagalchart.gif


:D

Delpi
05-02-2008, 00:46
الإسطورة فان دام وإقطع :p

http://img93.exs.cx/img93/3096/JeanClaude_van_Damme.jpg

Henryq8
05-02-2008, 02:53
أوكي .. سيغال + أرنولد + فان دام (لول!) = أفلام بلاي ستيشن و حرام الواحد يضيع ساعتين من عمره عليهم :p

لكن ستالون عنده أفلام أكثر واقعيه نوعا ما .. يظل أحسن من الباقي ;) و عنده بعد برنامج the contender واقعي 100%

مختصر مفيد عن ستيفن سيغال :

http://www.thefilmbasement.com/images/seagalchart.gif


:D

سيغل جد افلامه "ويع" اتعرف القصة بدون لا تشوف الفلم جك طاع ولا اهو فاز وخلص وتفركش الفلم ..

بس حرام عليك ارنولد بلاي ستيشن!!؟؟ متأكد شايف كل افلامه ؟

ستلوني روكي او بس..

وفان دام هم اي حلجه بس فلم in hell زوين ..