المساعد الشخصي الرقمي

مشاهدة النسخة كاملة : الـزواج مـن الخـارج " نقـاشـي "



الصفحات : [1] 2

زهـرة العشـاق
02-02-2008, 10:39
السـلام عليـكم



انتشـرت فـي الآونـة الأخيـرة وخـاصه فـي فتـرة الثمانينـات زواج الكويتيـن من الغيـر


كويتيـات سـواء مـن عربيـات او اوربيـات او آسـيويات او امريكيـات



وكـذلك الكويتيـات , يتزوجـن مـن خليجيـن او عـرب






مـا رأيـكم في هـذي الظاهـرة ؟



هـل أنت مؤيـد أم معـارض ؟






انـا عـن نفـسي ودي اخـذ ايـطالي , مـا شـاء اللـه اقطع , كـل واحـد يقـول الـزود


عنـدي


مـو احـلى مـن شبابـنا جـلحين , كل واحـد يقـول الجكـر عنـدي













لا اتغشــمر :p مـو تزعـلون








المـهم نبـي ردود سنـعة , مـانبي تردون علينـا ( دهنـا ابمكبتنـا ) ومـادري شنـو




نـدري دهنـا ابمكبتنـا ;)




كتبـوا آراءكـم والسـبب

BuJweS
02-02-2008, 11:05
كـل واحـد حـر بـس مـو كل الحريـة ,,

بـس عـن نفسـي اشـوف الزواج مـو بـس زواج شخصـين كثـر مـا اهـو زواج عائلتـين ,,

دام اهلـه راضيـن عليـه بالعـافيـة ,, الاهـم يعـرف يختـار ام لـ عيـاله قبـل مـا تكـون زوجـة لـه ,,

ART
02-02-2008, 11:32
الزواج من الخارج ينقسم قسمين

زواج من دول الخليج القسم الاول
اما
القسم الثاني
زواج من بره الخليج

القسم الاول (( الزواج من الخليج )) مافيه شي وعادي جدا وخصوصا الزواج من السعوديات لسببن
الاول : مافيه اختلاف كبير بين دول الخليج خصوصا العادات والتفاليد
الثاني : صله القرابه والدم بين الكويت والسعوديه (( يعني فيه ناس كويتيين ويصيرولهم سعوديين ))

اما القسم الثاني الزواج خارج الخليج فهذا قسم مذموم بسبب اختلاف العادات والتقاليد يعني باختصار ماله داعي


بس أؤيد ان يكون الزواج الثاني من خارج الخليج علشان يكون فيه تغييير <<< لووووووووول

وزن الريشه
02-02-2008, 12:53
معارض طبعا
دهنا ابمكبتنا

الفارسي
02-02-2008, 13:06
أفضَل الزواج من دول الخليج ..
بس مو من الدول الأجنبية لانه عاداتهم وتقاليدهم غير عنا ..
اهم شئ تكون العائلتين عارفين بعض عشان في حالة حصول أي مشكلة ما يزيدوا الطين بلة !!
أما الزواج من نفس الدولة ما أحبه كلش :p
يعطيج العافية زهرة ع الموضوع ..

الحمادي
02-02-2008, 13:15
بو جويس مرات تكون حكيم :p

MU99
02-02-2008, 13:17
الزواج قسمه ونصيب ماله علاقه بظاهره واصلا مافي ظاهره ...كلام مبالغ فيه وايد

H.AMA.D
02-02-2008, 13:30
انا مع الزواج من الخارج .. علشان يتعدل النسل :p

بس اغلب الزواج من الاجنبيات ما ينجح لانه العادات تختلف 180 درجة

واغلب الاجنبيات يتزوجون الكويتي او الخليجي علشان فلوسه مو علشان سواد عيونه :)

بومبـارك
02-02-2008, 13:37
كل واحد حـر
ياخذ من بره ولا من داخل
حتى بالزواج تتدخـلون !!

ظفيرية هلالية
02-02-2008, 14:28
هلا زهره شلونك .. موضوع حلو وشيق صراحه .
اما الطليان لوووووووول مافيهم شين .. أشينهم قاتوزو ومملوح :p

بالنسبه للزواج من الخارج هذا نصيب .. والنصيب لو كتبه الله في مدغشقر راح تلاقين انتس رحتي مدغشقر سيده :p

عموماً الزواج بالنسبه لمجتمعنا حنا .. أقصد مجتمعي الصغير أو عائلتي ..فيه الزواج من الخارج منتشر كثير .. يعني سعودي كويتي بشكل كبير ..
ثنتين من بنات عمي رجاجيلهم كويتيين وساكنات الحين بالكويت وأكثر من ثلاث كويتيات عندنا بالسعوديه .. وأتوقع اغلب القبائل كذا بالذات القبائل الشماليه ..

مثل هالزواج ما أشوف فيه مانع .. لأنهم أهل وأبناء عمومه .. ومتعودينه من قديم

أما باقي دول الخليج بأمانه مااعرف حالات مرت علي لأن اتوقع النسب يختلف عشان كذا شبه معدوم .. أما زواج عربي او اجنبي ما أؤيد بتاتاً ..

لكن اعيد واكرر النصيب نصيب .. لا قسمه ربتس يا زهره خلاص ماعنه وعن البنت لو بالمريخ


مشكوره وااااااااايد :pعلى الموضوع

Lazio 4 Ever
02-02-2008, 16:17
انا ماا أيد هالزواج لان عاداتنا غير عنهم فـ دهنا بمكبتنا :p و شموقفك لما ترووح هناك ولا مرتك الاجنبيه تشوف اهلها عاد هني تبدي المصخره وانت عيونك جذي:eek::P

زهره .. ايطالي ها ؟:P

الـعبيدي
02-02-2008, 16:24
مـا رأيـكم في هـذي الظاهـرة ؟

مــافيها اي شي والزواج قسمه ونصيب بالاخر !


هـل أنت مؤيـد أم معـارض ؟

مؤيدهــا وبــ قوه
واللي نشوفه من بعض الازواج والزوجات الكويتيه
يشجعك على هل الخطوه اكيـد

قدساوي انتراوي
02-02-2008, 16:24
بالنسبه للزواج من بره ..
أشوف إذا كان من الخليج مثل ما يقولون الشباب و العادات و التقاليد وحده .. فمو مشكله ..
و حتى الزواج من أجنبيه بس تكون محترمه مسلمه محتشمه ..


بس أفضل الزواج من نفس البلد .. عن المشاكل :)


شكـــــــــــــــ عالموضوع ــــــــــرا

owid
02-02-2008, 17:11
انا
اعتقد انها مافيها شي لاني بطبعي ماحب التأطير:)
وفيه نيّه فيه نيّه:o..,
,
جدتنا الرابعه من العراق:p
فينا عرق عراقي وشامي :o
ومن كلش..
"وتصير الوحده عربيه ^_^"
ترا التهجين يحسن النسل شوي:D
ونا صغير ماغير يقولون لي الفلسطيني راح
الفلسطيني جا ههههع



دمتم بحب..,

كظمـاوي
02-02-2008, 17:35
مافيها شي دام نفس الدين والعادات

بس انا عن نفسي افضل الكويتية بنت ديرتي

شكرا زهره

شـآنـي هـآكـر
02-02-2008, 17:43
لو المساله راجعه لي بروحهاا!!!

آخذلي وحده من الشام او من المغرب !!!

العرس كله مايكلف إلا 2000 إلى 4000 دينار
وبالاخير متزوج وحده ملكه جمال طبخهااا مافي احلا منه
وراح اعدل النسل!!

وكل صيف رايح دوله تفتح النفس


اما لو باخذ كويتيه .. مع احترامي لبنات ديرتي

أول شيء الزواج بـ النازل بيكلف 15 الف دينار
والبنت لو لا المكياج ماتنبلع
الركبه والكوع ( رماديين)
ماتعرف تطبخ
تبي خدامه
تبي كل خميس تنام عند اهلها
تبي تسافر كل شوي
والنسل ماراح يتغير
وأقعد 30 سنه وياها وإهي ( تبي ..تبي...تبي...تبي...)



لكن المشكله مو عايش بروحي انا وراي شايب وعجوز واخوان وعيال عم!!!


مالي إلا انطر كم سنه يمكن تتغير النظره القديمه للزواج

GoLcHia
02-02-2008, 18:20
أفضل الزواج من كويـتي .. ومالك إلا خشمك لو كان عوي !

Freddie
02-02-2008, 18:27
اشعندي اتزوج غير كويتيه :/ ..ضد الزواج من غير كويتيه وبشده من الي شفته من امهات شباب اعرف موكويتيات .. الجو غير وحياة الاسره عندهم احسها بارد مادري شلون .. وفوق هذا اهلي مايرضون

Bo_faraj
02-02-2008, 18:55
توقيت الموضوع غريب!! لأن أمس كنت قاعد أتعشا مع واحد من الربع بأحد المجمعات و كان من ضمن سوالفنا نقاش عن الزواج بأجنبية. و سبب فتح الموضوع ان كان فيه بالمطعم واحد كويتي "زقرتي" معاه فليبينة. حشينا فيه شوي :d

المهم أن ما اعتبر نفسي معارض للزواج بأجنبية، لأن كلمة معارض كبيرة شوي. اقدر اقول اني افضل بشكل شخصي الزواج بكويتية لأن الكويتية اقدر افهمها و تفهمني و من نفس بيئتي و نفس العادات و الأطباع. و نفس الكلام ينطبق على أهلها. الصراحة ماكو على البنت الكويتية (أو الخليجية عموما)من ناحية الأخلاق و الفكر و الجمال.

لكن طبعا الزواج من أجنبية أنواع: فيه الزواج من خليجية أو عربية أو اجنبية. و ممكن تكون مقيمة بالكويت أو خارج الكويت. و الأنواع تتراوح بدرجة صعوبتها.

في ناس ممكن يصلح لهم الزواج من بره مثل اللي متعودين على نمط الحياة الغربي أو مثل اللي ناوي يهاجر. و في بعض الأسر الكويتية للأسف تنحش الشباب المقبيلين عالزواج بالطلبات الصعبة خصوصا على شخص بنص العشرينات.

عالعموم بالنهاية الزواج قسمة و نصيب. ممكن واحد يرتاح و يعيش حياة زوجية سعيدة مع وحدة من كندا و يمكن واحد ياخذ بنت عمه و ما يتوفق.

طبعا رايي ينطبق على الزوجة الأولى بس. أما الثانية ممكن تكون غير كويتية! :d

soccer fan
02-02-2008, 19:10
:mad2:

انا ضد الزواج من الاجانب بشكل قوي و اقترح التضييييييق بشدة على من يريد الزواج من الخارج خصوصا خصوصا خصوصا اذا كان النسب ما يشرف

يا اخوان قاعد يتزوجون فبلن و هنود ! شالسالفة ! مايفكرون بالاولاد !

حتى الزواج من امريكيات و اوروبيات غلط و ضار بالافراد و بالمجتمع يضر المجتمع و له مشاكل طثيرة و خلافات

الزواج من الكويتيات و اذا حده من خليجيات و اذا حده حده حده حده من عربيات حسب و نسب مو اي كلام

باجر ننقرض بسبب هالظاهرة !!!

و طبعا كلامي ما يلغي ان اهم شي بالزواج الدين ثم الدين ثم الدين و لكن يبقى تكفاؤ النسب شي مهم خوصووووووووووووووووووووووووصا للنساء ما يصير وحده تتزوج واحد اقل منها بالنسب شلون تتزوج مثلا هندي !!!!!!!!!!!!!! مابصير

soccer fan
02-02-2008, 19:13
لو المساله راجعه لي بروحهاا!!!

آخذلي وحده من الشام او من المغرب !!!

العرس كله مايكلف إلا 2000 إلى 4000 دينار
وبالاخير متزوج وحده ملكه جمال طبخهااا مافي احلا منه
وراح اعدل النسل!!

وكل صيف رايح دوله تفتح النفس


اما لو باخذ كويتيه .. مع احترامي لبنات ديرتي

أول شيء الزواج بـ النازل بيكلف 15 الف دينار
والبنت لو لا المكياج ماتنبلع
الركبه والكوع ( رماديين)
ماتعرف تطبخ
تبي خدامه
تبي كل خميس تنام عند اهلها
تبي تسافر كل شوي
والنسل ماراح يتغير
وأقعد 30 سنه وياها وإهي ( تبي ..تبي...تبي...تبي...)



لكن المشكله مو عايش بروحي انا وراي شايب وعجوز واخوان وعيال عم!!!


مالي إلا انطر كم سنه يمكن تتغير النظره القديمه للزواج

الي بيتزوج يتزوج شخص يفتخر فيه يعتز فيه يحترمه و الاولاد باجر يفتخرون فيه و الاهل يفتخرون فيه

عذر ان الكويتية تبي و تبي و طلبات ... من حقها من حقها

اما الي بيتزوج وحده عشان تكون مثل خادمة ! هذا غلط لان هذي مو جارية هذي زوجة زوجة

soccer fan
02-02-2008, 19:17
:mad2:

انا متعصب جدا جدا جدا جدا جدا في هالمواضيع

و عندي كلام كثير

هذا زواج و ذرية و تكوين اسرة و بناء مجتمع شنترجى من مجتمع فلبيني او هندي ! او امريكي او بريطاني !

انا متعصب بهالموضوع فيفضل اتوقف عند هالرد اليوم ولا بخرب الموضوع و بسوي مشاحنات

لافرق بين الناس الناس سواسية لكن هذا لايعني الزواج من اي احد و شكرا

elly neSak
02-02-2008, 19:23
اما لو باخذ كويتيه .. مع احترامي لبنات ديرتي

أول شيء الزواج بـ النازل بيكلف 15 الف دينار
والبنت لو لا المكياج ماتنبلع
الركبه والكوع ( رماديين)
ماتعرف تطبخ
تبي خدامه
تبي كل خميس تنام عند اهلها
تبي تسافر كل شوي
والنسل ماراح يتغير
وأقعد 30 سنه وياها وإهي ( تبي ..تبي...تبي...تبي...)



لووول طـب فيهـــم :p

الــزواج لاحقيـــن عليــه تــو النــاس .. نشبــع مـن الدنـيا بعـديـن نتــزوج :p

BuJweS
02-02-2008, 19:57
أول شيء الزواج بـ النازل بيكلف 15 الف دينار
والاجنبـية بتـاخذهـا بـلاش؟ اذا خليـجيـة نفـس الكويتيـة واذا عربيـة بتشـفطك شـفط لانـها اسـاسـا مـاخذتـك عشـانـك كـويتـي ,, هـات يـا اقـامـات حـق اهلـها ,, اذا اجنبيـة ,, بتعيـش عـلى اعصـابك لانـه صـار شـي بيـنكم لا قـدر اللـه شـالت عيـالك وسـافـرت ديـرتهـا ,, واتـوقع العيـال فـوق اي اعتبـار بالنسبـة لـك :o
والبنت لو لا المكياج ماتنبلع
الركبه والكوع ( رماديين)
هـذي نقـوتك !! مختـار شـيفة ووصـخه مـا اتسبـح مشكلـتك !! بـس مـا يمنـع انـك تعلـمها السنـع :)

ماتعرف تطبخ
انـت تبـي مـرة مـو طبـاخة + تبـقى هـذي نقـوتك ,, اسـأل قبـل الـزواج تعـرف تطبـخ ولا لا
تبي خدامه
ان شـاء اللـه حـاط ابـالك انـه الاجنبـية مـا تبـي خـدامـه؟ اذا مـو خـدامتيـن نعمـة !!
تبي كل خميس تنام عند اهلها
كـل خمـيس اهـون مـن كـل عطـلة مسـافرة لـهم ,, جنـه مـافـي ديـرة بالعالـم الا ديـرتها ,, بـعدين عمـري مـا سمـعت مـرة كل اسبـوع تنـام ابيـت اهلـها !! عيـب اصـلا !!
تبي تسافر كل شوي
عـلى الاقـل انـت بتسـافر ويـاها وتستـانسـون مـع بـعض ,, هذيـج تبـي اهلـها
والنسل ماراح يتغير
عايـش بـديرة شـواذي؟ ديـرتنا فيـها الحلـو والشيـن ويـا كثـر الحلـوين عنـدنا !!
وأقعد 30 سنه وياها وإهي ( تبي ..تبي...تبي...تبي...)
مـو مرتـك؟ مـو ملـزوم فيـها ؟ تـطلب منـك مـو مـن جيـرانـهم ,, طبـعا بـعقل وتـقدر حـال الزوج ,, واسـاسـا مـاكو اكثـر مـن طلبـات بـنت الفقـر الاجنبيـة ,,



soccer fan

النـاس حـرة ,, مـن انـت عشـان تمنـعهم ؟ وشـكو بالنسب ؟

صـراحة اللـي يفتـشل مـن امـه عشـان جنسيـتها هـذا مـو كفـو حشيـمة ,, اعـرف نـاس فيـهم اللـي امـه مصـرية وايـرانيـة وعـراقيـة ولا احـد فيـهم استـحى واعتـبر هالشـي سـر ,, بالعـكس عـادي تبقـى امـه !!

السـالفه مـا تسـتاهـل هالعصبيـة انسـان عجبـته انسـانه خـذاها عـلى سنـة اللـه ورسـوله بالحـلال وعـاش مـعاهـا ,, كـويتيـة خليـجيـة اجنبيـة ,, المـهم مـرتاح ,,

tic tac
02-02-2008, 20:16
عدل ديافولو احسنت قولا :rolleyes: :)

انا ضد .. شلي بالاجنبيه ولكم ب قحطه خير عبره ومثال :)

GoLcHia
02-02-2008, 20:21
ديفاولو أول مره أتفق معـــاك كلامك 100%

makkay
02-02-2008, 20:26
اؤيد منع الزواج ككل
ويصير شعبنا كلهم عزوبيه

Sneijder
02-02-2008, 20:26
طبعا ضد

شفيهم بنات ديرتنا !! جنهم البخت ...

De Rossi
02-02-2008, 20:29
Diavolo
وحش ..
ردك عجبني 100% ..

ابـ عسكر ـن
02-02-2008, 20:51
اذا كان الاختيار سليم .. فجنسية الزوجة مالها اي قيمة ..
تزوجت كويتية واكتشفت اني كنت مغشوش ومخدوع .. وما شفت بوجهها خير من 7 سنوات لساعة كتابتي هالرد ..
وتزوجت عراقية من سنة ونصف .. ولله الحمد والمنة عايش بنعيم .. وما ينسد باب الا وانفتح معاه باب فرج وسعادة ..
نسبة الطلاق بالكويت " كويتي وكويتية " وصلت اكثر من 50% ..
وفي السعودية الى 60% ..
وفي الامارات 40% ..
وفي قطر 40% ..
وفي البحرين 37% ..
وهالنسب كلها تقريبية ..

والمشكلة ان اغلب حالات الطلاق لم تتعدى فترة الزواج فيها سنة واحدة فقط !!

الزوجة الصالحة كنز ..

Smooth criminal
02-02-2008, 20:55
اذا واحد أعجب بوحده اجنبيه وشاف ان ممكن يكون معاها اسره طيبه........ وين المشكله........

بوخالد
02-02-2008, 21:09
اشعندي اتزوج غير كويتيه :/ ..ضد الزواج من غير كويتيه وبشده من الي شفته من امهات شباب اعرف موكويتيات .. الجو غير وحياة الاسره عندهم احسها بارد مادري شلون .. وفوق هذا اهلي مايرضون
...............................................

حاتم الطائي
02-02-2008, 21:25
بالنسبة لي سعودي شمري
خوالي من سوريا امي شمرية سورية ويارب لك الحمد
وانا بعد ناوي اتزوج بنت خالتي الشمرية السورية
لنا اهل وربع بسوريا والاردن ومابينا فوارق الا المادة

شـآنـي هـآكـر
02-02-2008, 22:25
Diavolo


حبيب ألبي المقصد من المشاركه ( ضحك)
وحتى لو بتزوج من اجنبيه وهـ الشيء بـ النسبه لي بعد الشمس عن القمر

اما بـ النسبه للمقارنه .. الاجنبيه أفضل من الكويتيه كـ ( زوجه)
الواحد لما يتزوج يبي مره بيت تسنع بيته , تقدر تفتح بيت
يبي عيال .. وبنفس الوقت يعطيها حقها ..
شـ الفايده من الزواج .. اذا البنت ماتعرف تطبخ!!
وهم تبي خدامه لك إنت وياها بروحكم بحجه إنه ماتقدر على شغل البيت !!
اذا ماقدرت على شغل البيت شلون تربي عيالك!!

اما بـ العادات والتقاليد.. فـ لما آخذلي عربيه مسلمه متدينه!!
العادات ماتفرق معاي

M.Qassem
02-02-2008, 22:32
بـوجويس ..

وحــــشـــــي !

Firenze
02-02-2008, 22:32
سابقا ً وحاضرا ً ومستقبلا ً ..
الشخص يفتـخر انه يكون من ام وابو كويتييـن !

والدليل كرهه 90% من العرب على الكويتيين !

BuJweS
02-02-2008, 22:32
فواز المطيري
الله يكتب لنا اللي فيه الخير ان شاء الله :) ,,

BuJweS
02-02-2008, 22:34
R16 قولجية دي روسي حمود

بس ترا ما اطوف لو يحصلي :p

Sebastiian Deisler
02-02-2008, 23:09
اؤيد منع الزواج ككل
ويصير شعبنا كلهم عزوبيه
عااااااااااااشت الأمة العزوبي عااااشت
------
المهم تكون مسلمة..والزواج قسمة ونصيب
بس بالنسبة لي ..أفضّل أهل ديرتي ...

مدمنه*القادسيه
02-02-2008, 23:19
معارض وبشده بعد ،، سواء البنات أو الشباب ليش ياخذون بره ديرتهم ؟!
في الزين وفي الشين واذا بتاخذ من بره أذيه يمكن بالعادات والتقاليد وكل مرة بروح حق أهلي
وبييب اهلي وحالة ،، ألخ

بإختصار رايي من رايي بوجويس على قولتهم ! :p

Shag7a
02-02-2008, 23:30
Diavolo عفيه علييك و صح لسانك على هالكلام الحلو :yes:
أنا عن نفسي مسسسسسسسسستحيييييييييل غير كويتي .. أهم و أقوى سبب اهو إني ما أقدر أعيش بعيده عن أهلي .. لا زم على طول إنتيمع و أشوفهم جدامي .. لو يحصلي آخذ وااحد يسكن معاي في بيت أهلي ما أقول لأ :o

و بالنسبه للي يعيب على ركب الكويتيه على قولته .. أقوله خبرك عتيج .. الحين الكوتيات على طول يهتمون بأجسامهم و شعورهم و معاشهم كله رايح على هالسوالف .. شحلوووهم ماشاء الله لا إله إلا الله .. شوفهم بالعروس إذا إكشخااو كل وحده تقول الزين عندي أحلى من ألف سوريه ولا لبنانيه ولا شاميه على قالتهم .. ماكو على سنعو منع و ذرابة الكويتيه:o

Bo Hashem
02-02-2008, 23:31
الحمدالله

تزوجنه و اللله الحمد و كل شي على مايرام

استغرب وايد ناس يذمون الزواج .. حتى الي من ديرتي و من اهلي

مافيه اشي :)

و انا ضد زواج الاجانب .. و العربيات بعد ضد لان العادات و التقاليد تختلف حيل

شنو ابي من " شاميه " و اهي مومثل عاداتي و تقاليدي و تربيتها تختلف عن تربيه بيتي !!

و اما الخليجين .. ولو ان من عايلتنه مافيه الا شخص واحد .. بس عادي و زين لان الخليج متشابهين :)

فواز المطيري



الركبه والكوع ( رماديين)
\

ضحكتني .. 15 الف دينار عرس !! عسى ماااشر !! لوول
و الكوع و الركبه رمادين .. قبل لا نشوفهم .. بالاول شوف اون براطم و ريحله الريايل بالاول :p


يبي عيال .. وبنفس الوقت يعطيها حقها ..
شـ الفايده من الزواج .. اذا البنت ماتعرف تطبخ!!

الزواج اكبر من " الطبخ " !! و بالاول انت بتتزوج وحده يالله عجبتني بتزوجها !

تشوفها .. تسأل عنها .. تشوف شنو تسوي شنو ماتسوي .. و تقارنه مع تفكيرك والي انت تبيه !

انا شخصيا مايفرق عندي طباخه ولا مو طباخه ! معنه مرتي تطبخ بس مايهمني و الاسباب وايد !

اهما عندها دوام بالصبح و عندها الياهل ! فا شي ماحسبه شي مهم :) الزواج اكبر من " شنو الفايده من الزواج اذا البنت ماتعرف تطبخ !!! "

و الاجانب الحين كله عندهم خدم ! و الي اسمعه الحين لبنان متروسين الاندونسيات ..كلهم خدم ! :)

الحياه تغيرت عن قبل !

زهـرة العشـاق
02-02-2008, 23:57
أما الزواج من نفس الدولة ما أحبه كلش :p
quote]

لوول ليش

[quote=ManćҢestỆг UŇiţEĎ;3199458]الزواج قسمه ونصيب ماله علاقه بظاهره واصلا مافي ظاهره ...كلام مبالغ فيه وايد

عدل :)








انا مع الزواج من الخارج .. علشان يتعدل النسل :p






بس اغلب الزواج من الاجنبيات ما ينجح لانه العادات تختلف 180 درجة




صح ماينجح , نادر اللي ينجح


هلا زهره شلونك .. موضوع حلو وشيق صراحه .
اما الطليان لوووووووول مافيهم شين .. أشينهم قاتوزو ومملوح :p

بالنسبه للزواج من الخارج هذا نصيب .. والنصيب لو كتبه الله في مدغشقر راح تلاقين انتس رحتي مدغشقر سيده :p

عموماً الزواج بالنسبه لمجتمعنا حنا .. أقصد مجتمعي الصغير أو عائلتي ..فيه الزواج من الخارج منتشر كثير .. يعني سعودي كويتي بشكل كبير ..
ثنتين من بنات عمي رجاجيلهم كويتيين وساكنات الحين بالكويت وأكثر من ثلاث كويتيات عندنا بالسعوديه .. وأتوقع اغلب القبائل كذا بالذات القبائل الشماليه ..

مثل هالزواج ما أشوف فيه مانع .. لأنهم أهل وأبناء عمومه .. ومتعودينه من قديم

أما باقي دول الخليج بأمانه مااعرف حالات مرت علي لأن اتوقع النسب يختلف عشان كذا شبه معدوم .. أما زواج عربي او اجنبي ما أؤيد بتاتاً ..

لكن اعيد واكرر النصيب نصيب .. لا قسمه ربتس يا زهره خلاص ماعنه وعن البنت لو بالمريخ


مشكوره وااااااااايد :pعلى الموضوع

اي والله شزينهم الطليان , مشالله عليهم :p بس هم شبابنا حلوين

ومثل ماقلتي كل شي قسمه ونصيب :)

والعفوو ولوو مروورج احلى حبيبتي :)


P

زهره .. ايطالي ها ؟:P

اي ايطالي :p




في ناس ممكن يصلح لهم الزواج من بره مثل اللي متعودين على نمط الحياة الغربي أو مثل اللي ناوي يهاجر. و في بعض الأسر الكويتية للأسف تنحش الشباب المقبيلين عالزواج بالطلبات الصعبة خصوصا على شخص بنص العشرينات.

عالعموم بالنهاية الزواج قسمة و نصيب. ممكن واحد يرتاح و يعيش حياة زوجية سعيدة مع وحدة من كندا و يمكن واحد ياخذ بنت عمه و ما يتوفق.

:d

اللي يسافرون وايد اهم اكثر ناس ياخذون من برى ومثل ماقلت حتى اللي متعود على نمط الحياة الغربي اغلب الاحيان ياخذ اجنبيه

شكرا على المرور :)


الي بيتزوج يتزوج شخص يفتخر فيه يعتز فيه يحترمه و الاولاد باجر يفتخرون فيه و الاهل يفتخرون فيه

عذر ان الكويتية تبي و تبي و طلبات ... من حقها من حقها

اما الي بيتزوج وحده عشان تكون مثل خادمة ! هذا غلط لان هذي مو جارية هذي زوجة زوجة

اي والله زوجة بعد !!


soccer fan

النـاس حـرة ,, مـن انـت عشـان تمنـعهم ؟ وشـكو بالنسب ؟

صـراحة اللـي يفتـشل مـن امـه عشـان جنسيـتها هـذا مـو كفـو حشيـمة ,, اعـرف نـاس فيـهم اللـي امـه مصـرية وايـرانيـة وعـراقيـة ولا احـد فيـهم استـحى واعتـبر هالشـي سـر ,, بالعـكس عـادي تبقـى امـه !!

السـالفه مـا تسـتاهـل هالعصبيـة انسـان عجبـته انسـانه خـذاها عـلى سنـة اللـه ورسـوله بالحـلال وعـاش مـعاهـا ,, كـويتيـة خليـجيـة اجنبيـة ,, المـهم مـرتاح ,,


كلامك صح

بس في ناس تتعرض لمواقف تخليها تعقد

يا ان يعايرونه مثلا وخاصه اذا كان المعاير من احد من اهله

او ان الناس تسأله اسئله مادري شلون صايره تخليه يكره عيشته

او ان يشوف الكل يتحجى عنه , شي طبيعي بيحس بنقص :)

بس مو معناته انه كاره هالشغله اللي فيه لا عادي بس طبيعي بيتضايق :)


_____________


والباجي شكرا على اراءكم ومروركم

ويظل الايطالي الافضل :p

BuJweS
03-02-2008, 00:02
كلامك صح

بس في ناس تتعرض لمواقف تخليها تعقد

يا ان يعايرونه مثلا وخاصه اذا كان المعاير من احد من اهله

او ان الناس تسأله اسئله مادري شلون صايره تخليه يكره عيشته

او ان يشوف الكل يتحجى عنه , شي طبيعي بيحس بنقص :)

بس مو معناته انه كاره هالشغله اللي فيه لا عادي بس طبيعي بيتضايق :)




من اي ناحية يعايره ؟ محد كامل وما يعيب الا المعيوب ,,

الـعبيدي
03-02-2008, 00:02
الاغلبيه يقول :

الشاميه ولا المصريه ولا ولا تختلف عن عاداتي ؟؟ ليش مو مسلمين هذول ولا شنو ؟
شنو اللي يختلف عن عاداتنا وعاداتهم ؟
ياريت يجاوبوني الشباب والصبايا

Amer
03-02-2008, 00:06
امـــي ماتــرضــى :(

BuJweS
03-02-2008, 00:07
ويظل الايطالي الافضل :p



من زمااااااااان :p ,,

Freddie
03-02-2008, 00:07
الاغلبيه يقول :

الشاميه ولا المصريه ولا ولا تختلف عن عاداتي ؟؟ ليش مو مسلمين هذول ولا شنو ؟
شنو اللي يختلف عن عاداتنا وعاداتهم ؟
ياريت يجاوبوني الشباب والصبايا


العبيدي حبيب قلبي اختلاف بالعادات والتقاليد وليس بالدين .. اذا بقولك والله ما اخلص :o

Firenze
03-02-2008, 00:10
من عمره الايطالي افضل يا زهره ":/

Bo Hashem
03-02-2008, 00:10
الاغلبيه يقول :

الشاميه ولا المصريه ولا ولا تختلف عن عاداتي ؟؟ ليش مو مسلمين هذول ولا شنو ؟
شنو اللي يختلف عن عاداتنا وعاداتهم ؟
ياريت يجاوبوني الشباب والصبايا

انا عندي عندي من الاهل متزوج سوريه سنيه :) صارت مشاكل مو بالمذهب الحمدالله

بالعادات و التقاليد ! مو متقبله الوضع و طريقه العيشه و هالسوالف ..

طبعا اصابع ايدك مو سوا

و الحمدالله الحين مافيه شي بينهم ..

زهـرة العشـاق
03-02-2008, 00:10
من اي ناحية يعايره ؟ محد كامل وما يعيب الا المعيوب ,,

على جنسية الام او الابوو

الـعبيدي
03-02-2008, 00:16
ميونيخاوي وسيلفا ...
انا خوالي من سوريـا والحمد لله عايشين ولله الحمد احلى عيشه ولا في هل الامور اللي تتكلمون عنها
مينيخاوي انتا قلتها اصابعك مو مثل بعض نعم صحيح
بس سالفه العادات والتقاليد ما اعتقد توقف حاجز بوجه شخص يبي يتزوج او حب او اعجب بوحده مو كويتيه ؟

انا عن نفسي اللي يسئلني اقول له ابي زوجه "" تغسل رجولي "" مو بالمعنى الاصلي للجمله بس
المعنى مفهوم للكل

المرأه الكويتيه مو الكل طبعا ..
شنو اسباب الطلاق المرتفعه ؟ بعا ما ابري ذمه الرجل الكويتي ؟

الرجل الكويتي رفيجته تدق عليه يصير لها عبدالحليم حافظ وقمه الرومانسيه والغزل
تدق عليه ام العيال تعال اسمع احلى كلام الزف والنجره وبلاوي زرقه الله لا يبلانا

انا قلتها في ردي الاول ..

القناعه صدقوني

اخوي بن عسكر قال كلمه من ذهب وربي

تزوج من كويتيه شاف معاها الويل
وانا لاني اعرف وضع بن عسكر الله يشافيه ويعافيه يارب العالمين
ما تحملت ولا صبرت على زوجها
تزوج غير كويتيه والحمد لله رب العالمين عرفت شلون تتعايش مع الوضع والحمد لله

اللي بقوله :

الجمال انا شخصيا اخر شي افكر فيه وياما "" مزاييييين من بره "" وحثاله من داخل ه شنو استفيد انا ؟


وارجع لجملتي اللي دايمن اقولها "" ابي زوجه تغسل رجولي ""

ما اعتقد ان نسبه بنات الكويت في هل الشغله او تطبيق هل الجمله كبيره في الكويت مستحيل ؟؟

BuJweS
03-02-2008, 00:16
الباكستانية مسلمة الصومالية مسلمة الاندونيسية مسلمة ,, ماكو فرق بعد؟ :o ,,
المهم الفرق بينا كخليجيين والشاميين او المصريين ماهو شاسع وكبير مجرد الفرق بين التشدد والتراخي ,, لكن يظل فيه شغلات مشتركة وشغلات فيها فرق

- بالشام ومصر الاختلاط امر طبيعي ,, عكس ما اهو بالخليج امر مرفوض ,,
- نادر ما تلاقي ملتزمة دينيا ,, الشيعه وايد بلبنان لكن سنة اظن قليل واساسا هالسالفه موضوع بكبره ,, طبعا الدروز غير مسلمين

وعن نفسي ما اتقبل ام عيالي غير كويتية ,, اتخيل ولدي يتحجى كويتي مكسر :\
-

طـويل الـعمر
03-02-2008, 00:19
أنا مع الزواج من الأجنبيات ..

واللي بتزوجها يا ألمانيه يا فرنسيه :p

BuJweS
03-02-2008, 00:20
على جنسية الام او الابوو
ما يعيب الا المعيوب ,,

ممكن هالشخص يعيبه على خشمه راسه كرشه طوله شعره ,, شالحل؟ :) ,,

Amer
03-02-2008, 00:26
للأمانه ياشباب
خل نتكلم من مجتمعنا
اللحين الولد هو اللي انغر على البنيه واكثر اللي اشوفه واحد يبي يتزوج وحده موظفه بالمكان الفلاني .. !!
عشان تاخذ له قرض وتساعده (للأسف هذا مورجال)
حلاته البنيه تاخذها معززه مكرمه من بيت اهلها وتكرمها اكثر وأكثر واللي تبيه تجيبه لها .. !
مو هي ام عيالك وشريكت حياتك
ولاتبي تاخذلك وحده مولاقيه تنام عدل وهي برى فأكيد بتتمسكن عندك .. لكن لما انت اطيح بمصيبه
راح توقف وياك ؟! طبعاً لاتذكرتها وترد لأهلها ويمكن تخلي عيالها ويمكن نحاسه تاخذهم معاها
عكس لما تتزوج لك وحده من ديرتك تعزك وتقدر وماتنكر شي سويته لها
ودي اتكلم واتطرق لأمور كثيره لكن مايصحش :)

والكلام هذا ماقلته مني والدرب .. !
وسويد اكبر مثال متزوج عشان بس ياخذ معاش المسيكينه :p ( اتغشمر مايسويها بوسويد بس اذا استغنى بعد شهر سته
ادرو انه مدبسها بقرض )

mustache
03-02-2008, 00:28
ممكن هالشخص يعيبه على خشمه راسه كرشه طوله شعره ,, شالحل؟ :) ,,


الحل بالترشيد .. ترا الترشيد زين .. بس أنا عيبي ما أعرف الترشيد بالدوري الياباني .. ولا شرايك أخوي محمد ؟؟

الـعبيدي
03-02-2008, 00:29
يعني يا عـامر اغلب الزيجــات في الكويت مبنيه على المصلحه
مادري ليش نسبه الزواج مرتفعه بين المدرسات بالتحديد
وموظفه ؟؟

وين العلاقات العاطفيه وين وين وين ؟؟
اذا من اولها مصالح وين التوفيق طبعا مو الكل اقول مو الكل

BuJweS
03-02-2008, 00:35
أنا مع الزواج من الأجنبيات ..

واللي بتزوجها يا ألمانيه يا فرنسيه :p


الالمانيات وعو ,, جكر + انسى الانوثة !! اسألني تييك ايدها فيها شعر اكثر منك ,, واذكر قاري بالجريدة 88% من الالمان حريمهم تطقهم ,, ما تستاهل العنى يا بو جاسم ,, راجع نفسك :×× ,,

العبيـدي

صدقنـي الخيـل مـن ركـابـها ,, كويتية سورية روسية مكسيكية كلهم حريم ,, ونسبة الطلاق بالكويت لها الف سبب ,, يعني واحد مكلم الف قبل الزواج والبنت لها علاقات الدنيا ,, وفوق هذا تكلم من ورا زوجها واهو يكلم من وراها ,, هذا سبب ,, السبب الثاني في ناس حاطة ابالها الزواج زواج " حيوانات " عزكم اللـه ,, بدون شرح كل شي واضح ,, يشبعون يملون من بعض تبدي النفس تشين ومحد له خلق الثاني ,, الثالث انه عقب ما كان مرتاح ماديا ,, معاش 600-700 دينار حقه بروحه يسافر يروح يرد يصرف والرصيد مليان ,, صار عليه مسؤوليات وقرض واجار شقة وبنيان بيت وللاسف اغلب الشباب عندنا مو كفو يتحملون المسؤولية ,,

العيب من الريال بشكل رئيسي لكن ما يمنع انه وايد حالات البنت تكون " هوية وهبلة وماكو سنع بالمرة " والطلاق ضروري والحل الوحيد ,,

لو تفتحون عيونكم شوي بتلاقون ناس متزوجة ومتهنية وعايشة احلى عيشة ,,

Amer
03-02-2008, 00:36
^^
انا بكلامي كنت اقصد هالنقطه وفي من تطلق بسبت انها رفضت تاخذ قرض لزوجها
واللي يصيرله محاميين او شي يسأله عن امور الطلاق وبعض الحالات اللي توصلهم
:)

وزن الريشه
03-02-2008, 00:37
نصااب .. الترشيد زين بس هالايام الماي قام يخلص مادري ليش عطني حل حتى مو قادر اغسل ويهي وانا مع الزواج ضد الاجانب لانهم زينين ويحطون بشعورهم زيت زيتون وخل

BuJweS
03-02-2008, 00:37
الحل بالترشيد .. ترا الترشيد زين .. بس أنا عيبي ما أعرف الترشيد بالدوري الياباني .. ولا شرايك أخوي محمد ؟؟
الحال من بعضه :( ,, ذبحني رونالدو ,, مسرف هالولد !!

زهـرة العشـاق
03-02-2008, 00:40
ما يعيب الا المعيوب ,,

ممكن هالشخص يعيبه على خشمه راسه كرشه طوله شعره ,, شالحل؟ :) ,,


لا انا ماقصد يعايرونه على شكله , اقصد الجنسيه نفسها

اغلب اللي يتزوجون من برى يكون الزواج من ورى اهله , ولما يفاجئهم بزواجه يعصبون ويرفضون

ومنو اللي ياكلها ؟؟ عياله

اذا العيال شايفين ان اهلهم رافضين هالشغله فيهم شلون مايتضايقون ؟ هذا اللي انا اقصده :)

واذا على الشكل , المخلوطين حلوين

Firenze
03-02-2008, 00:40
والكلام هذا ماقلته مني والدرب .. !
وسويد اكبر مثال متزوج عشان بس ياخذ معاش المسيكينه :p ( اتغشمر مايسويها بوسويد بس اذا استغنى بعد شهر سته
ادرو انه مدبسها بقرض )

لو غيرك قايلها جان علوم وفيزيا وكيميا :/
وطافتك نقطـه .. عرسـي شهر 11 مو 6 :)

الدعوه عامه :d

BuJweS
03-02-2008, 00:41
انا بكلامي كنت اقصد هالنقطه وفي من تطلق بسبت انها رفضت تاخذ قرض لزوجها
واللي يصيرله محاميين او شي يسأله عن امور الطلاق وبعض الحالات اللي توصلهم
:)
بالاساس اذا الاثنين متفاهمين شي عادي ,, البنت طلباتها وايد تبي اتشيحط تبي تكشخ تبي سيارة يديدة واهو لي الحين ما سدد قرض البيت وما عنده يلبي طلباتها وماكو بنك بالدنيا يرضى يعطيه واساسا ما يقدر ,, تبين اخذي قرض انتي ,,

الـعبيدي
03-02-2008, 00:42
بو جويس يا الغلا ..
ومنو قالك اني مطلع لك الرجل شريف رومـا ؟؟
قلت لك اول سبب في حدوث الطلاق هو "" الخيانه ""
وهذا انا ارجعه الى عدم الاقتناع بــ الزوجه كــ زوجه وانا اخوك

وبعدين تعال فسر لي هل الحاله
ليش الرجل يتكلم مع رفيجته بكل رقه وحلاوه وطعامه
ومع زوجته اول ما تقول له الو يقول لها """ شتبين "" واستلم "" ردح "" وسب وبالاخير اقرا هل الابيات

لا تظنون يا بنات ان الزواج راحه
اول اسبوع "" سكر وتفاحه ""
وثاني اسبوع بالبيت مسـاحه
وثالث اسبوع ويـا العمه رداحه
ورابع اسبوع بالمحكمه سواحه
وسادس اسبوع مطلقه ومرتاحه

لوووووووووووووووووووووووووووووول

BuJweS
03-02-2008, 00:42
لا انا ماقصد يعايرونه على شكله , اقصد الجنسيه نفسها

اغلب اللي يتزوجون من برى يكون الزواج من ورى اهله , ولما يفاجئهم بزواجه يعصبون ويرفضون

ومنو اللي ياكلها ؟؟ عياله

اذا العيال شايفين ان اهلهم رافضين هالشغله فيهم شلون مايتضايقون ؟ هذا اللي انا اقصده :)

واذا على الشكل , المخلوطين حلوين
بالاول قلتها ,, اهم شي الاهل ,, زواج من ورا الاهل مرفوض جملة وتفصيل ,,

BuJweS
03-02-2008, 00:45
العبيـدي
اذا اللي بالبيت مالية عينه ما يطالع برا ,, واللي عينه زايغه تحمرله العين صدقني يتعدل :× ,, اهم شي اتحافظ على بيتها وما تتركه بالساهل ,, بس يبقى انسان " مسكين " اللي متزوج ويطالع برا ,,

زهـرة العشـاق
03-02-2008, 00:47
لا تظنون يا بنات ان الزواج راحه
اول اسبوع "" سكر وتفاحه ""
وثاني اسبوع بالبيت مسـاحه
وثالث اسبوع ويـا العمه رداحه
ورابع اسبوع بالمحكمه سواحه
وسادس اسبوع مطلقه ومرتاحه

لوووووووووووووووووووووووووووووول


لوووول شخباري سامعته هذا

وبعدين شفيه الزواج :mad: صج ان مسؤولية بس استقرار

شكرا على مرورك العبيدي

Firenze
03-02-2008, 00:49
اصابعك مو سوى يا العبيدي ..

وبعدين لما يكلم رفيجتـه واهو متزوج .. ضروري يكون الكلام عسل :/
لزوم تكون الجذبه كامله :d

وشهود العيـان كثار :p

الـعبيدي
03-02-2008, 00:49
طيب واذا ماليه عينه على قولتك ويلعب بـ ذيله شنو تقول عنه وصدقني اعرف كثيرين من هل النوعيات وربي
لما اسمعه يقولي عن مغامراته العنتريه وربي احتقره واقول له كلمه وحده
اذا امون عليه حيل طبعا
اقول له انتا مو رجال والله يا بو جويس ينصفق وجهه
عفيه قوات عين متزوج والله ساتر عليك وتسوي هل البلاوي
طيب السؤال اللي يطرح نفسه لو الزوجه خانت الزوج ؟ ليش تتحاسب
والرجل يطيب خاطره ويصير مسكين وخنت حيلي خانته

يا عمي شوف "" شيخ المراجل "" انتا بالاول بعدين تعال حك رقبه المسكينه ؟؟؟

وارجع واقول يا بو جويس اذا مو متزوج خذ اللي مقتنع انها تصلح لك كــ زوجه وانا اخوك
وبلا زواج تقليدي بلا هم صدقني

الـعبيدي
03-02-2008, 00:51
اصابعك مو سوى يا العبيدي ..

وبعدين لما يكلم رفيجتـه واهو متزوج .. ضروري يكون الكلام عسل :/
لزوم تكون الجذبه كامله :d

وشهود العيـان كثار :p


يا بو حسين هذا وانت ما تزوجت ومن الحين "" ....... "" :p
طيب جرب تكلم زوجتك مثل ما تكلم رفيجتك
اتحداك من الحين يا بو حسين تسوي هل الشغله :p

mustache
03-02-2008, 00:52
الحال من بعضه :( ,, ذبحني رونالدو ,, مسرف هالولد !!


هاااااا ؟ :confused:

زهـرة العشـاق
03-02-2008, 00:52
لوووووول شفيكم غيرتوا مسار الموضوع

احنا قاعدين نتكلم عن الزواج من الخارج مو الخيانه

التزموا بالموضوع ماعليكم امر :p

BuJweS
03-02-2008, 00:53
طيب واذا ماليه عينه على قولتك ويلعب بـ ذيله شنو تقول عنه وصدقني اعرف كثيرين من هل النوعيات وربي
لما اسمعه يقولي عن مغامراته العنتريه وربي احتقره واقول له كلمه وحده
اذا امون عليه حيل طبعا
اقول له انتا مو رجال والله يا بو جويس ينصفق وجهه
عفيه قوات عين متزوج والله ساتر عليك وتسوي هل البلاوي
طيب السؤال اللي يطرح نفسه لو الزوجه خانت الزوج ؟ ليش تتحاسب
والرجل يطيب خاطره ويصير مسكين وخنت حيلي خانته

يا عمي شوف "" شيخ المراجل "" انتا بالاول بعدين تعال حك رقبه المسكينه ؟؟؟

وارجع واقول يا بو جويس اذا مو متزوج خذ اللي مقتنع انها تصلح لك كــ زوجه وانا اخوك
وبلا زواج تقليدي بلا هم صدقني


وانت تصدق؟ 90% جذب اسئلني ,, ومثل ما قلت لك يكسر خاطري اللي صج يسويها ,,

ولي الحين مو متزوج تو الناس 20 سنة ,, 3 سنين دراسة وسنة سنتين وظيفه ,, درب :o ,,

BuJweS
03-02-2008, 00:54
لوووووول شفيكم غيرتوا مسار الموضوع

احنا قاعدين نتكلم عن الزواج من الخارج مو الخيانه

التزموا بالموضوع ماعليكم امر :p


موضوعج شاب ضو ما يمديني اكتب رد واطلع من الموضوع الاقي ردين وراي :\ ,, صعب نتحكم فيه :D ,,

الـعبيدي
03-02-2008, 00:56
يا بو جويس يا عويناتي انتا فديت الميلانيه كلهم وعلى راسهم العود الكينغ !!
يا بعد جبدي اذا ما سافر سوريا راح مني ولا مناك شفيك ؟؟
بالاخير يطلع سكران وتعال توسط يا العبيدي هناك لوووووووووول "" ترى واصل هناك يا بو جويس اضبطك بوسوريا

زهره العشاق سوري اختي فعلا طلعنا من الموضوع
بو جويس خلاص يبا فركش

وبالاخير القناعه والقناعه والقناعه هو الدرب السليم لــ الزواج السليم
وتصبحون على خير

BuJweS
03-02-2008, 00:58
الذين يشاهدون محتوى الموضوع الآن : 18 ( الأعضاء 13 والزوار 5)

اترك المايك لـكم :× ,,

الـعبيدي
03-02-2008, 01:02
‏الـعبيدي (http://diwania.alazraq.com/member.php?u=12634), ‏. بوسالم (http://diwania.alazraq.com/member.php?u=12688), ‏مدمنه*القادسيه (http://diwania.alazraq.com/member.php?u=26495), ‏ميونخاوي (http://diwania.alazraq.com/member.php?u=446), ‏Alazraq4ever (http://diwania.alazraq.com/member.php?u=1665), ‏alswed (http://diwania.alazraq.com/member.php?u=13562), ‏amer (http://diwania.alazraq.com/member.php?u=3564), ‏baby_eng (http://diwania.alazraq.com/member.php?u=10211), ‏GoLcHia (http://diwania.alazraq.com/member.php?u=7126), ‏Leone (http://diwania.alazraq.com/member.php?u=18020), ‏Lionel Andrés Messi (http://diwania.alazraq.com/member.php?u=12687), ‏زهـرة العشـاق (http://diwania.alazraq.com/member.php?u=8106), ‏scheelite (http://diwania.alazraq.com/member.php?u=999), ‏shoot1990 (http://diwania.alazraq.com/member.php?u=25149), ‏وزن الريشه (http://diwania.alazraq.com/member.php?u=25900)

على قوله بو جويس نترك المايك للاعضاء خصوصا ابي اقرا راي اخوي الكبير "" بو سالم ""

Firenze
03-02-2008, 01:02
لا يالعبيدي ..
الكلام مع الزوجه غير عن الرفيـجه :/
ممكن الاحترام يسود على كلامي مع مرتي ..
لكن مع الرفيـجه .. دلم دار مكينم على قولت يوفي هيل :p

بخصوص الموضوع ..
انا اتراجع عن قراري ..
الكويتيــه يبيلها مصروف مهر وشبكه وكريدت كارد وفيزا وماستر وهات ياقروض !
لكن التـايلنديه اخذها من بيت اهلها بـ 1000 بات ..
وماتخسر علي بالمصروف .. اكلها صراصير وحشرات ..
يعني اقطها ابالوعـه .. وباجر عيالك إستكانات جاي لهم شنبات طوال وجنحان ..
ولونهم يميل للإحمرار لووول :p

shoot
03-02-2008, 01:04
يجماعه طيعوني خلكم من لكويتيات ماوراهم الا عوار الراس تبي تكشخ على راسك تبي تسافر تبي خدم وتبي حشم
والحين هابين بموضه يديده يبون عيالهم بمدارس خاصه لااااااااااااااااااا وزيدكم من الشعر بيت
يبون يولودون برويال حياااااات انااا امي ماولدت برويال حيات والله اني عايش بمأسات ياجماعه

لا واذا طلعت من البيت مليون تلفون ومليون طلب
انا اعتقد سبب الحوادث بالديره بنات الكويت من الحنه والرنه

وزن الريشه
03-02-2008, 01:06
shoot1990 .. هونها وتهون افا عليك بس

Firenze
03-02-2008, 01:07
me/ يركز على رد شووت1990
:p

شخباري وزن الريشه :/

mustache
03-02-2008, 01:08
shoot1990 .. لو في أحد يسمعك من المسؤولين بس .. آخخخ من الحظ الردي ..

وزن الريشه
03-02-2008, 01:08
alswed .. شغل ايرسي ؟!

وزن الريشه
03-02-2008, 01:09
نصاب <=- عمري روحي قلبي عقلي تحت امره شوقي له كبر السما الله يكبره عمره عمري مثل ما انا عمري عمره

shoot
03-02-2008, 01:10
shoot1990 .. لو في أحد يسمعك من المسؤولين بس .. آخخخ من الحظ الردي ..


لووووووووووووول اي والله
والله لو يزيدون معاشاتنا 1000 دينار هم مايكفيها الكويتيه

:(

وزن الريشه
03-02-2008, 01:11
shooot1990 .. عطني ويه يالحبيب ولا ليش كلامي بالوردي :(

shoot
03-02-2008, 01:12
shooot1990 .. عطني ويه يالحبيب ولا ليش كلامي بالوردي :(
اسف اخوي بس لوونك كسر عيني :D

mustache
03-02-2008, 01:13
shoot1990 .. لا ما شا الله عليك وايد جيد .. يحفظك ربي ..

زهـرة العشـاق
03-02-2008, 01:14
لووووول مشالله موضوعي مفول

اللهم زيد وبارك :p

وزن الريشه

انت كل موضوع اكتبه تبي تخربه علي :mad::mad2: مهي حاله هذي



:p:p

BuJweS
03-02-2008, 01:16
* Diavolo slaps alswed around a bit with a large trout
* Diavolo (BuJweS@*) Quit ( Good Night )

وزن الريشه
03-02-2008, 01:16
r16 .. شاركنا بالنقاش الزواج بالاجنبيه وجذي عطني رايك ترا رايك يهمني

shoot
03-02-2008, 01:20
shoot1990 .. لا ما شا الله عليك وايد جيد .. يحفظك ربي ..

الظاهر قصدك مو شي كلش لاتروح بذاك القصد ولد عمي بس هذا اللي حاصل يعني في كويتيه تولد ابمستشفى حكومه الحين ولا في كويتيه تبي عيالها يدرسون بالحكومه الحين

tic tac
03-02-2008, 01:24
" وزن الريشه " .. وردي هاا يا جليل الحيا :)

Firenze
03-02-2008, 01:26
* <alswed> نوم العوافي :/

mustache
03-02-2008, 01:29
shoot1990 .. زاد اعجابي فيك الصراحة .. وفقك الله لما يحب و يرضى ..

وزن الريشه
03-02-2008, 01:34
وهم انا بعد احرجنا بردوده المتزنه

GoLcHia
03-02-2008, 01:39
مقيوله صخلة الفريج ما تحب إلا التيس الغريب .." سـوري على دفاشة المثل" :/

Firenze
03-02-2008, 01:44
سكت َ دهرا ً ونطق َ كفرا ً ..
هم انا سوري .. وتمونين يا قولجيـا :p

makkay
03-02-2008, 01:47
عانس دهر ولا مطلقه بشهر

<< عرض :p

زهـرة العشـاق
03-02-2008, 01:48
مقيوله صخلة الفريج ما تحب إلا التيس الغريب .." سـوري على دفاشة المثل" :/

من تقصدين بالمثل ؟

الـعبيدي
03-02-2008, 01:56
اي والله انا بعرف منو المقصود بعد بهل المثل ؟؟؟؟

GoLcHia
03-02-2008, 02:01
السويد .. مابي أتحمس وايد بالموضـوع بعدين شيفكم مني عاد !

زهرة .. الأمثـــال ما تاخذين المعنى منها حرفيــاً ومعنى هالمثـل ما يزعل وما أقصـد فيـه أحد معيـن الناس دايمـاً تظن باللي أبعـد عنـها أو أصعب عليـها شي أخيــر لـها ..

وبالنســبه حق الايطــالي .. أنا بعد كنت أبي ايطــالي وأخليــه يسلم وبعدين قلت أميــر سعــودي .. بعدين استقريت على الكويتي ! مو مشكلـه يعنــي ..

mustache
03-02-2008, 02:01
توهق البطل ..!!

BuJweS
03-02-2008, 02:02
زايد الطلب على التيس الايطالي :× ,,

الـعبيدي
03-02-2008, 02:03
بس يا قولجيه مثلج يخالف "" طلبج ""
المثل واضح معناه
وامنيتج تبين تتزوجين كويتي ؟؟؟؟؟

شلون اجمعها ؟

زهـرة العشـاق
03-02-2008, 02:03
زهرة .. الأمثـــال ما تاخذين المعنى منها حرفيــاً ومعنى هالمثـل ما يزعل وما أقصـد فيـه أحد معيـن الناس دايمـاً تظن باللي أبعـد عنـها أو أصعب عليـها شي أخيــر لـها ..

وبالنســبه حق الايطــالي .. أنا بعد كنت أبي ايطــالي وأخليــه يسلم وبعدين قلت أميــر سعــودي .. بعدين استقريت على الكويتي ! مو مشكلـه يعنــي ..


ولو يظل عيب وماله داعي تقولينه :)

عموما ماصار شي

GoLcHia
03-02-2008, 02:10
العبيــدي .. أول شي اني اتزوج كويتي "مو امنيــه" !
والأمثله تنطبــق على مجموعه من النــاس مو كلهم ..

زهره العشـاق .. وين العيـب ؟! أمثله من التراث صـارت عيــب !! :/

Firenze
03-02-2008, 02:13
ويستمر الضغط على التيس الايطالي .. ..

. بوسالم
03-02-2008, 02:14
نترك المايك للاعضاء خصوصا ابي اقرا راي اخوي الكبير "" بو سالم ""

حبيبي العبيدي ..طبعا في البدايــة احب اتوجه بالشكر للاخ العبيدي على اتاحة هذه الفرصة للتحدث في هذا الموضوع الهام <<<<<اول مرة يعطونه المايك (ماصدق:p)
فاجأتني بهالرد :)
الزواج هدفه الاستقرار النفسي والاجتماعي وهذا هو الاهم
ومن الصعب يكون وضعك مستقر اجتماعيا مع زوجة انجليزية او فلبينية او غيرها في الخليج

الزواج نصيب ..ممكن كل واحــد منكم الحين يحط معايير لزوجة المستقبل لكن النصيب اللي كاتبه لك ربك لازم ترضابه
....يعني ممكن تكون من ديرتك او تكون عربية اواجنبية
انا اشوف الزواج من خليجية او من ديرتك نفس الشي بحكم العادات والتاليد
ممكن الزوجة العربية مع السنوات تتأقلم مع الوضع في الخليج مثل المصريات والسوريات والمغربيات اللي في الخليج من السبعينات و الثمانينات
والله يابعضهم ربوا اعيالهم احسن تربية
واحد من الجماعة ترك اعياله مع مصرية الله يرحمه وهم صغار ربتهم احسن من بعض الرياييل
والله هـ الزوجة عن عشرة رياييل
ماشاءالله اعيالها الحين ضباط ومتزوجين ..
.يبه الزوجة باخلاقها , واهم شي الجوهــر اما الشكــل ترى مع الايام بيصير شي عادي حتى لو تاخــذ ملكة جمال .
تسلــم يــ العبيدي واترك لك المايك :)

ابـ عسكر ـن
03-02-2008, 02:17
ما راح اطرح سؤالي بشكل صريح ومباشر .. لكن لو اسال سؤال للي يعارض زواج الكويتي من جنسية اخرى ..
انت ككويتي او انتي ككويتية .. هل الجنسية هي المعيار الرئيسي رقم واحد ام ان هناك معايير اخرى ايضا تتحكم بالموافقة او المعارضة ؟
يعني :
كويتي .. على اخلاق عالية .. مصلي وقايم بواجباته الدينية .. مقتدر ماليا .. رجل بمعنى الكلمة .. " اسمر " ..
هل ستقبل المرأة الكويتية " البيضاء " او اهلها بتزويجه ؟ حتى لو كانوا اقل منه ؟
بالاضافة الى مسألة " القبلية " .. والاعضاء البدو يعرفون مقصدي .. منطقة حمراء .. لا مجال للتناقض فيها ..
لذلك انا شخصيا اعتبر مسألة الجنسية مسألة تنظيمية ولا يجب ان تتعدى ذلك ..
اولا : الدين ..
ثانيا : الرجولة والاخلاق ..
ثالثا : العادات والتقاليد .. درءا للفتن وقطيعة الارحام ..
اما الباجي فهي عبارة عن قشور ..

GialloRossi
03-02-2008, 02:19
بعـد عمـري الكويتيـه

زهـرة العشـاق
03-02-2008, 02:20
العبيــدي .. أول شي اني اتزوج كويتي "مو امنيــه" !
والأمثله تنطبــق على مجموعه من النــاس مو كلهم ..

زهره العشـاق .. وين العيـب ؟! أمثله من التراث صـارت عيــب !! :/


المثل دفش وماله داعي ينقال

انا حره اقول ابي ايطالي امريكي سنغالي مو معناته تكتبيلي هالمثل , ردج هذا يقول جنه مو عاجبج

كلامي

ويظل المثل دفش

الـعبيدي
03-02-2008, 02:20
حبيبي العبيدي ..طبعا في البدايــة احب اتوجه بالشكر للاخ العبيدي على اتاحة هذه الفرصة للتحدث في هذا الموضوع الهام <<<<<اول مرة يعطونه المايك (ماصدق:p)
فاجأتني بهالرد :)
الزواج هدفه الاستقرار النفسي والاجتماعي وهذا هو الاهم
ومن الصعب يكون وضعك مستقر اجتماعيا مع زوجة انجليزية او فلبينية او غيرها في الخليج


الزواج نصيب ..ممكن كل واحــد منكم الحين يحط معايير لزوجة المستقبل لكن النصيب اللي كاتبه لك ربك لازم ترضابه
....يعني ممكن تكون من ديرتك او تكون عربية اواجنبية
انا اشوف الزواج من خليجية او من ديرتك نفس الشي بحكم العادات والتاليد
ممكن الزوجة العربية مع السنوات تتأقلم مع الوضع في الخليج مثل المصريات والسوريات والمغربيات اللي في الخليج من السبعينات و الثمانينات
والله يابعضهم ربوا اعيالهم احسن تربية
واحد من الجماعة ترك اعياله مع مصرية الله يرحمه وهم صغار ربتهم احسن من بعض الرياييل
والله هـ الزوجة عن عشرة رياييل
ماشاءالله اعيالها الحين ضباط ومتزوجين ..
.يبه الزوجة باخلاقها , واهم شي الجوهــر اما الشكــل ترى مع الايام بيصير شي عادي حتى لو تاخــذ ملكة جمال .

تسلــم يــ العبيدي واترك لك المايك :)



يا جماعه والله نطرت رده وما خيب ظني هل العوود
يبا درر يا بو سالم درر فنان ومنك نستفيد

Maldini_el_q8
03-02-2008, 02:25
رحت إيران و شفت الإيرانيات و قلت ماكو إلا الإيرانية
و شفت الإيطالية و قلت مالك إلا الإيطالية
و شفت الإنجليزية و ما أجذب إن قلت شقار و طول الإنجليزية يخلي الحكيم .. مينون !
و شفت الشامية و قلت هذي اهي ماكو غيرها
و لما شفت الأوكرانية قلت ماكو هذي الي بتسطرلي هالشقران بالبيت

بس لما الواحد يفكر بينه و بين نفسه ما راح يختار على الكويتية :)

. بوسالم
03-02-2008, 02:29
يا جماعه والله نطرت رده وما خيب ظني هل العوود
يبا درر يا بو سالم درر فنان ومنك نستفيد

انتعــلم منك يــ العبيدي
وعن التواضع الزايــد
يقولون التواضع المبالغ فيــه (غرور):)
امكرم يـ الحبيب :o

اللي مثلك ماينخاف عليــه
الله يوفقك في بنت الحلال يـ العبيدي (بس لاتنسى اتعزمني):)

سبع-البرمبه
03-02-2008, 02:40
بعد مالله رزقني حرمتن تكويلي ثيابي .. ابغني وابهيجن وداعا للعزوبيه
وبطق الكبك واكشخ والبس ثوب قلابي .. وباخذلي مع الشيبان سجه كل عصريه
وباخذلي سنه ياصاحبي ماثارت اعصابي .. انا ماني مصدق حظي يظوي كويتيه
وباخذلي حجازيه عليها وعلن كتابي .. تجي في بيتها سنعه وفالميقاف جنيه
ليامن جاني الطرقي ماتقعد فوقي تبابي .. تشجعني على الواجب ليامن شفت طرقيه
اثرني خبل يوم قظيت العمر عزابي .. وتكاليف الزواج مبسطه ميه على ميه

sahrhh
03-02-2008, 02:47
ماكو احسن من الكويتي

دهنا في مكبتنا :>

makkay
03-02-2008, 02:51
مو قلت لكم خلكم عزوبيييييه ما طعتوني
:p

GoLcHia
03-02-2008, 02:53
المثل دفش وماله داعي ينقال

انا حره اقول ابي ايطالي امريكي سنغالي مو معناته تكتبيلي هالمثل , ردج هذا يقول جنه مو عاجبج

كلامي

ويظل المثل دفش

يعني المثل مو عيــب مثل ما تقولين .. والمثل دفش ما يبتي شي من عندج المثل دفش بـ ألفاظه وذكرت هالكلام بنفس الرد اللي ذكرت فيـه المثل ..أما له داعي ولا ماله داعي أنا اللي أقيــم هالشي وانه الموضــوع موضوعج ما يعطيج الحق بـ إنج تتحكمين بالردود اللي فــيه .. اذا تبيني ما ارد على مواضيعج خير شر مو مشكله حقج وقوليلي غير جـذي مالج شي عنــدي ..

لول مو عاجبني انج بـ تاخذين ايطــالي ؟! بصفتي منو ؟! خذيتي ايطـالي ولا اسرائيلي مو شغلي ولا همــي .. الله يوفقج ويهنيج !

ونسيــت لا اقول مشكوره على هالموضــوع الحلو ومواضيـعج عموماُ تعجبني .. يعطيج العافيه !

زهـرة العشـاق
03-02-2008, 03:10
يعني المثل مو عيــب مثل ما تقولين .. والمثل دفش ما يبتي شي من عندج المثل دفش بـ ألفاظه وذكرت هالكلام بنفس الرد اللي ذكرت فيـه المثل ..أما له داعي ولا ماله داعي أنا اللي أقيــم هالشي وانه الموضــوع موضوعج ما يعطيج الحق بـ إنج تتحكمين بالردود اللي فــيه .. اذا تبيني ما ارد على مواضيعج خير شر مو مشكله حقج وقوليلي غير جـذي مالج شي عنــدي ..

لول مو عاجبني انج بـ تاخذين ايطــالي ؟! بصفتي منو ؟! خذيتي ايطـالي ولا اسرائيلي مو شغلي ولا همــي .. الله يوفقج ويهنيج !

ونسيــت لا اقول مشكوره على هالموضــوع الحلو ومواضيـعج عموماُ تعجبني .. يعطيج العافيه !


يا سلام ؟

يعني انتي شايفه ان المثل عادي تقولينه ؟

اصلا مثل يفشل ! شنو صخله اي شي ها ؟

وثاني شي , اي الموضوع موضوعي واذا شفت اي رد مايعجبني من الاعضاء بعلق وبقول رايي



وهالموضوع انا كتبته عشان الكل يشارك فيه , سواء انتي او غيرج

elly neSak
03-02-2008, 03:19
يــا شيـــن الدلـــع :p
المفـروض كــل واحــد يعــرف شنــو إهــو وخـلاص .. مـايهــمه راي النــاس ..

tic tac
03-02-2008, 03:20
واو صار اكشن :)

BuJweS
03-02-2008, 03:20
ولين شيسكت البنات الحين :\ ,,

makkay
03-02-2008, 03:21
جني اشوف تمجع :p

..

زهـرة العشـاق
03-02-2008, 03:27
قولجيه

باين عليج نوعج اللي براسج تسوينه وماتعترفين بالغلط

غيرج يعرف الصح من الغلط وصدقيني محد عاجبه كلامج

عموما مابي اكثر حجي وماله داعي اخرب موضوعي على سالفه ماتسوى

ومو لازم تردين على ردي هذا خلاص انتهى الموضوع

Alazraq4ever
03-02-2008, 03:29
شسالفه انا بالقسم بالاسباني واسمع صراخ ؟!. :p

Firenze
03-02-2008, 03:30
ادز باص صغير ولا اهدي ؟ :p

Fahad
03-02-2008, 03:31
طولوا بالكم يا بنات بارك الله فيكم .. :)


خوش موضوع وإلي إنطرح فيه وايد حلو من ردود وتجاوب من الشباب والبنات ,,


أكمل باجي الردود ولي عوده بإذن الله بس على الله ماينقفل الموضوع ,, [ قلبه متروسه :p ]

Maldini_el_q8
03-02-2008, 03:32
لي متى هالحالة عسى ما أحط رد بموضوع يخترب :cry2:

tic tac
03-02-2008, 03:33
خو مثل ينقال شالمشكله ؟
سواء تقصد احد ولا ماتقصد ! ماقتبست رد وحطته ولا يابت طاري نك يمه .. ف شسمه :/

السويد .. دززز , الليل طويل :)

BuJweS
03-02-2008, 03:33
maldini
وانا اقول ليش ما ناخذ افضل رابطة :) ,,

عربــاوي
03-02-2008, 03:37
مـا تفرق عندي اهني او بره ..
بس الشي الحلو من زواج الاجانـب ..
ان ماكو كل اسبـوع زياره :p ..

BuJweS
03-02-2008, 03:38
عرباوي
ما تزور اهلك؟ ,, ولا بعد مو بالكويت؟

tic tac
03-02-2008, 03:38
maldini
وانا اقول ليش ما ناخذ افضل رابطة :) ,,

ديافولو ياحظي :×

makkay
03-02-2008, 03:39
عرب ..
خوش حل :p

BuJweS
03-02-2008, 03:41
اشوف الموضوع قلب سوالف؟ ,,

عربــاوي
03-02-2008, 03:49
بوجويـس .. اهل العروس ..
مو اهلـي ..

scheelite
03-02-2008, 03:53
كوني بنت فا افضل الزواج من كويتي ,, اول الاسباب اني ما اتحمل اعيش بعيد عن اهلي


صج انه الخليجي مايختلف عنا بالعادات والتقاليد لكن يظل في بعد وغربه حتى لو كانت المسافه قصيره ,, اسمها انهم بعاد عني وماقدر احصلهم بكل وقت


اما الشباب فبرايي عادي انه ياخذ من بره لانه عياله بيشلوون اسمه اهو موزوجته ,, وبيعيشهم بديرته اكيد


وبالنهايه كلشي نصيب ومحد يدري وين نصيبه ,, وعندي قناعه بأنه المره السنعه تقدر اتقود عايلتها وزوجها وتحافظ عليهم سواء كانت كويتيه او غيرها


وقواج الله خيتو على الموضوع :)

soccer fan
03-02-2008, 04:07
الزواج قسمة و نصيب و الزواج مو غصب

اهم شي ليكون الزواج ناجح هو الدين و الاخلاق

ممكن رجل يتزوج يهودية صح ؟ حلال ؟ ولكن هل كل حلال نسويه او نرضاه ؟ يهودية عقلها خربان و وصخة باجر العليان يصيرون يهود

ممكن كويتية تتزوج مصري و لكن بعدين العيال يصيرون مصريين على جنسية ابوهم و هذا شي مو حلو مع الاحترام للمصريين مسلمين و اصدقاء

ففي اشياء ممكنة لكن ما نسويها

انا اشوف عشان الزواج يكون ناجح لازم يكون في توافق في الدين و الاخلاق بين الزوجين ( عشان محد يتعب من الثاني )

توافق في المذهب لازم ( البعض يعتبر هذا مو مهم لكنه لااااااااااااازم و يفضل عدم نقاشه اكثر )

توافق في الاصل ... يعني كويتي بيتزوج امريكية ! شنو اصل الامريكية مالها اصل ماتعرف اهي من وين ...

توافق في الفكر و المتسوى التعليمي و العمل ... دكتورة تتزوج من واحد اقل من جامعي اكيد ما راح يتوافقون او مهندسة تتزوج من واحد عاطل عن العمل ! غلط

توافق بين الاهل .... يعني غلط كبير الزواج رغم عدم رضا الاهل مايصيييييير الي زوجته تكره امه و الي زوجها يحتقر اهلها اكييييييييد غلط

اختيار الشريك الناجح و العائلة الناجحة مهم لبناء المجتمع و لمستقبل المجتمع فاذا احد الشريكين او اهله ماكانو صالحين فيضرون المجتمع

Sneijder
03-02-2008, 04:28
شسالفه انا بالقسم بالاسباني واسمع صراخ ؟!. :p

:p

---------

السالفة انه انقال مثل "كويتي" مطابق للواقع .. فسره الطرف الثاني بمعناه الحرفي وليس الضمني :)

>> Rainbow <<
03-02-2008, 04:37
بـ إختصـار

حـلات الـثـوب رقعتـه منـه وفيـه ;)

زهـرة العشـاق
03-02-2008, 04:59
خلاص انتهى الموضوع طــــاف

والباجي مشكوورين على مروركم

soccer fan
03-02-2008, 05:00
المشكلة في نظرة الشباب للزواج

وناسة و لعب

و لكن الزواج مسؤولية و تكوين اسرة و ارتباط بين عائلتين و بناء للمجتمع و حفاظ على الوجود

يعني الي بيتزوج امريكية باجر عياله يطلعون امريكان ! شكل و ثقافة و لغة و انتماء و كل شي ... هل هذا فخر ؟ هل هذا يفيد المجتمع الكويتي ؟ هل هذا يحافظ على الكويتيين و ثقافتهم و دينهم و لغتهم و علاقاتهم الخ الخ ؟ هل العائلة بتفتخر و تقول هذول نسايبنا الامريكان مانعرف اصلهم ولا نعرف شي عنهم ولا نعرف العائلة ولا اخلاقها و لا دينها ولا شي

اذا ما تحقق الهدف من الزواج

مدمنه*القادسيه
03-02-2008, 05:01
بس ياجماعة شسالفة !!
قولجية قالت رايها والله ماغلطت ولا قالت شي غلط !! الحين كل واحد يقول هالمثل صار غلطان وعيب !! والبنية قالت " ان مثل دفش " يعني مو ناطرة شهادة من أحد !! وإهيا مايابت سيرة أحد ردت على الموضوع بمثل يجاوب على السؤال !!

سويتوها سالفة ونجرة عشان مثل !! ردها وإهيا حره فيه ليش النقاش الحاد !!


على قولت كورفت ،،
انتهى النقاش .. شكراً :d

Lazio 4 Ever
03-02-2008, 05:12
بس ياجماعة شسالفة !!
قولجية قالت رايها والله ماغلطت ولا قالت شي غلط !! الحين كل واحد يقول هالمثل صار غلطان وعيب !! والبنية قالت " ان مثل دفش " يعني مو ناطرة شهادة من أحد !! وإهيا مايابت سيرة أحد ردت على الموضوع بمثل يجاوب على السؤال !!

سويتوها سالفة ونجرة عشان مثل !! ردها وإهيا حره فيه ليش النقاش الحاد !!


على قولة كورفت ،،
انتهى النقاش .. شكراً :d


"وحححححشه" :P

Freddie
03-02-2008, 05:18
المشكلة في نظرة الشباب للزواج

وناسة و لعب

و لكن الزواج مسؤولية و تكوين اسرة و ارتباط بين عائلتين و بناء للمجتمع و حفاظ على الوجود

يعني الي بيتزوج امريكية باجر عياله يطلعون امريكان ! شكل و ثقافة و لغة و انتماء و كل شي ... هل هذا فخر ؟ هل هذا يفيد المجتمع الكويتي ؟ هل هذا يحافظ على الكويتيين و ثقافتهم و دينهم و لغتهم و علاقاتهم الخ الخ ؟ هل العائلة بتفتخر و تقول هذول نسايبنا الامريكان مانعرف اصلهم ولا نعرف شي عنهم ولا نعرف العائلة ولا اخلاقها و لا دينها ولا شي

اذا ما تحقق الهدف من الزواج

بالضبط .. والله واحد من اهل خذه بريطانيه مسلمه بس ما استحمل وطلقها حتى بالبيت قوانين اتقوله بدخن روح البلكونه

oldgame
03-02-2008, 05:32
الي فهمته من كلامكم ان الي يتزوج من غير كويتية او خليجية ينهار الزواج
انا اعرف واحد متزوج من اسبانيا و من فترة طويلة ومابينهم مشاكل و الحين واحد من اعيالة يبي يتزوج حاليا
كل زواج ممكن ان ينجح او يفشل سواء كان من كويتية او خليجية او غيرهم

>> Rainbow <<
03-02-2008, 05:35
بالبيت قوانين اتقوله بدخن روح البلكونه


معاها حق بهذي :)
اي زوجه ما ترضى ان ريلها يدخن دااخل البيت
اولا ً ياذي الصحه
ثانيا ً الريحه بتظل بالبيت ولو شنو ما تروح !
واحسن بعد عشاانه .. جذي يمل ويهد التدخين ;):p

سبع-البرمبه
03-02-2008, 05:40
يعني الي بيتزوج امريكية باجر عياله يطلعون امريكان ! شكل و ثقافة و لغة و انتماء و كل شي ... هل هذا فخر ؟ هل هذا يفيد المجتمع الكويتي ؟ هل هذا يحافظ على الكويتيين و ثقافتهم و دينهم و لغتهم و علاقاتهم الخ الخ ؟ هل العائلة بتفتخر و تقول هذول نسايبنا الامريكان مانعرف اصلهم ولا نعرف شي عنهم ولا نعرف العائلة ولا اخلاقها و لا دينها ولا شي

اذا ما تحقق الهدف من الزواج


شكو هالسالفه يعني الكل يطلع على امه مايطلع على ابوه !

انا اعرف ناس امهاتهم اجنبيات ولا جنه امه اجنبيه
يوجب الريجيل ويتحفاهم ويصلخ ويذبح

Bianconri
03-02-2008, 05:51
و ما زال الضرب على تيس الفريج الايطالي .. !!

بوجويس .. انته كده .. ;)

Freddie
03-02-2008, 06:01
معاها حق بهذي :)
اي زوجه ما ترضى ان ريلها يدخن دااخل البيت
اولا ً ياذي الصحه
ثانيا ً الريحه بتظل بالبيت ولو شنو ما تروح !

واحسن بعد عشاانه .. جذي يمل ويهد التدخين ;):p


حرااام عليج :/ والله لاتشوفينه لمن ايي بيت يدي وياكل جنه موشايف خير.. شاقته شق .. بس زين افتك منها :)

>> Rainbow <<
03-02-2008, 06:19
حرااام عليج :/ والله لاتشوفينه لمن ايي بيت يدي وياكل جنه موشايف خير.. شاقته شق .. بس زين افتك منها :)
لوووووووووووولز
لاا انا تحجيت عن الزقاير
الاكل الله يعينه
اكيد يعني ماراح تطبخ له مجابيس ولا عيوش
ورياييل الكويت اذا ما كلوا مجابيس وعيوووش يقلبون الدنيا :p
لااا انا تحجيت عن الزقاير
ومعروفه اصلا ً ماخذله وحده من برا شعنده
لاا دينهم دينا ولا عاداتهم عاداتنا وما يقدر يغيرها لان مو الكل يتغير بسهوله !
لو وحده من العرب نمشي الموضوع بس غربيه الله يعينه :p

زهـرة العشـاق
03-02-2008, 06:23
ورياييل الكويت اذا ما كلوا مجابيس وعيوووش يقلبون الدنيا :p



وانتي الصاجه :p

Freddie
03-02-2008, 06:27
لوووووووووووولز
لاا انا تحجيت عن الزقاير
الاكل الله يعينه
اكيد يعني ماراح تطبخ له مجابيس ولا عيوش
ورياييل الكويت اذا ما كلوا مجابيس وعيوووش يقلبون الدنيا :p
لااا انا تحجيت عن الزقاير
ومعروفه اصلا ً ماخذله وحده من برا شعنده
لاا دينهم دينا ولا عاداتهم عاداتنا وما يقدر يغيرها لان مو الكل يتغير بسهوله !

لو وحده من العرب نمشي الموضوع بس غربيه الله يعينه :p



صدقتي وانا اقول دهنا بمكبتنا .. وترى كانت مسلمه مرته بس والله اسلامها بس بالاسم

M.Qassem
03-02-2008, 06:39
مقيوله صخلة الفريج ما تحب إلا التيس الغريب .." سـوري على دفاشة المثل" :/


وصـح لســانج ،،
بالفـعل مثل يـابها " رَيـت " .. ومـافيه اي شي ,,


عانس دهر ولا مطلقـة شهر


مكـاي .. داش سـلايت غلـط :p

soccer fan
03-02-2008, 06:51
شكو هالسالفه يعني الكل يطلع على امه مايطلع على ابوه !

انا اعرف ناس امهاتهم اجنبيات ولا جنه امه اجنبيه
يوجب الريجيل ويتحفاهم ويصلخ ويذبح




بس فيهم عرج امريكي

و انا شفت اشخاص مايعرفون يتكلمون عربي :( بسبب تاثير الام و في حالات الام سافرت و خذت الاولاد معاها ... و راح يصير ارتباط بالعائلة الامريكية اهلهم خوالهم

هو شي ممكن وحلال و شي راجع للشخص نفسه ولكن انا مو متقبله كلش

Bo_faraj
03-02-2008, 06:53
في شغلة بعد في حالة حدوث مشاكل لو سمح الله و صار طلاق بين الكويتي و غير الكويتية، الزوجة راح تاخذ العيال و ترجع ديرتها. لما الكويتي يطلق الكويتية و تاخذ العيال و ترجع بيت أهلها يصير تشتت مو طبيعي فما بالك لما يكونون العيال في دولة ثانية.

صارت سوالف ان المرة الغير كويتية تزعل و يضيق خلقها من الحياة بالكويت لأن ما عندها رفيجات و أهل و تاخذ عيالها و تنحاش ديرتها.

ماشالله هالموضوع كبر بسرعة. أمس الصبح أول ما شفته ما كان فيه الا اربع مشاركات الحين خمس صفحات. شعليج زهرة!

Bo_faraj
03-02-2008, 06:58
بس فيهم عرج امريكي

و انا شفت اشخاص مايعرفون يتكلمون عربي :( بسبب تاثير الام و في حالات الام سافرت و خذت الاولاد معاها ... و راح يصير ارتباط بالعائلة الامريكية اهلهم خوالهم

هو شي ممكن وحلال و شي راجع للشخص نفسه ولكن انا مو متقبله كلش
صح انا عندي واحد من الربع حتى ابوه (الكويتي) ما يكلمه الا انجليزي. اذا تكلم عربي كلامه كله بدليات. المشكلة مو بس الكلام حتى أطباعه صارت غربية.

M.Qassem
03-02-2008, 06:58
^
وقوانين اغلب الدول الاوروبية تعطي حق الحضانة للأم في هذي الحالة !

Bo_faraj
03-02-2008, 07:01
^
وقوانين اغلب الدول الاوروبية تعطي حق الحضانة للأم في هذي الحالة !
صح عاد كنت بقول ان القانون راح يصف معاها و نسيت.

. بوسالم
03-02-2008, 07:06
مـا تفرق عندي اهني او بره ..
بس الشي الحلو من زواج الاجانـب ..
ان ماكو كل اسبـوع زياره :p ..
والزين فيهم بعد انهم مايعرفون سوالف العمل والدجل :p

زهـرة العشـاق
03-02-2008, 07:28
بس فيهم عرج امريكي

و انا شفت اشخاص مايعرفون يتكلمون عربي :( بسبب تاثير الام و في حالات الام سافرت و خذت الاولاد معاها ... و راح يصير ارتباط بالعائلة الامريكية اهلهم خوالهم

هو شي ممكن وحلال و شي راجع للشخص نفسه ولكن انا مو متقبله كلش

شكو عادي , مو شرط اللي امهم اجنبيه مايعرفون يتحجون عربي ماله شغل !



ماشالله هالموضوع كبر بسرعة. أمس الصبح أول ما شفته ما كان فيه الا اربع مشاركات الحين خمس صفحات. شعليج زهرة!

لووووول الحمدلله , نفس موضوعي الانجليزي صارت فيه ردود وايد بس الحين مافيه ردود يديده :(

BuJweS
03-02-2008, 12:59
بس فيهم عرج امريكي

و انا شفت اشخاص مايعرفون يتكلمون عربي :( بسبب تاثير الام و في حالات الام سافرت و خذت الاولاد معاها ... و راح يصير ارتباط بالعائلة الامريكية اهلهم خوالهم

هو شي ممكن وحلال و شي راجع للشخص نفسه ولكن انا مو متقبله كلش

وهل العرج الامريكي نيس ولا يخرج الشخص من الملة ولا شفيه بالضبط ,, وايد ناس نعرفهم امهاتهم اجنبيات وانا كان وياي بالمتوسطة واحد وبالثنوية ثنين او ثلاثة ,, عاديين (( شوية بدليات ما تضر :× )) ,, بالمقابل نشوف يهال امهم وابوهم كويتيين ابا عن جد بمدارس انقليزية ما يعرفون عربي ,, والله انه معاي بالجامعه اكلمه مسنجر يقولي تكفة انقلش العربي يضايق لي قريته ,, هذا غير اللي بالجامعه تلاقي ثنتين رايحين بالسوالف انقليزي (( ادري نصه شحاطة بس في صج جذي )) ,, عالعموم الطفل يتعلم من بيئته اللي دار مداره ,, امه امريكية ولا سنغالية دام تربى ابيئة كويتية سواء بالبيت او بالمدرسة مافي خوف ,,

طـويل الـعمر
03-02-2008, 22:37
الالمانيات وعو ,, جكر + انسى الانوثة !! اسألني تييك ايدها فيها شعر اكثر منك ,, واذكر قاري بالجريدة 88% من الالمان حريمهم تطقهم ,, ما تستاهل العنى يا بو جاسم ,, راجع نفسك :×× ,,


اهي من ناحية جكر فـ هذا أمر طبيعي

وهذا مثال .. شفايني أحلى منها :p

http://www.welt.de/multimedia/archive/00392/schweiniiii_DW_Spor_392779g.jpg

لا بس صج صج ودي بوحده فرنسيه :o

بس بشرط تكون تتكلم إنجليزي أو عربي مكسر :D

Bourne
03-02-2008, 23:10
ماكو ع الكويتية ..
و يقهرني اللي متزوج له غير كويتية ويراكض يبي يجنسها .. طيب انت رضيت فيها غير كويتية .. تروح تجنسها شكو ..

زرقـــاء
03-02-2008, 23:55
آنــــــــا لــيش كــله أيــي آخــر شــي .. !!

قــواج اللــه زهــرة عــ المـوضـوع .. عـلى قــولة fahad قلبــي متـروسة :p
الواحـــد قبــل مــا يتزوج مــو بــس أحبــهـا و جمــيلــة و طــويلــة وبيضــة وإلخ ...
لازم الأخ يفكــر بالمستقبــل يفكــر بعيــاله شلــون بيصيــرون يفكــر بالعايلتين اللـي راح يتيمعــون .. !!
لازم يكــون بيــن الأثنيــن تــوافق بكــل شي مــو بـس بالجنسيــة حتــى بالمذهــب و المستوى الاجتمــاعي و التعليمي ..!
مــا يتزوج وحــده شهــادتها متوسطـه و اهــو دكتــور ولا وحده علــى بساط الفقــر ..
جنــي بعــدت عن المــوضــوع :p .. عــ العمــوم الحــين مجتمعــنا صــاير قرقيــعان كــل الأشكــال و الألــوان كــويتييــن ..!!! .. وحــده شقــراا كويتــيه و وحـــده خشمــهـا مفروش و مــاكو عيــون هــم كويتيــه .. واللــي يقــول علشـــان نسنــع النســـل .. يــااا حظــي لمــا تتزوج اجنبيــة تخربــط النســل فــوق تحت مـــا تسنعــه .. :p
أغلــب الجنسيــات العـربيــه أو الأجنبيــة مــا يتزوجــون الكويـتي لـ ســواد عيــونـه .. بــس عشــان الجنسيــة و فلــوســه و الخدمــات اللي تقدمــها الدولــة للكــويتييــن .. و شــوف عيــوني .. الواحــد لمــا يتزوج مــن بــراا [الثـانيــه] يركــض وراهــا ركــض و يــوديــها كـــل مكــان و يشــيل و يحــط فيــهـا .. أمــا الكويتيــه[ الأولــى] قعــدي مكــانج و انثبــري .. !!

بــــس خلصــت .. وتــراا آنــا معــارضــه :p

Maldini_el_q8
04-02-2008, 00:07
إيييي .. دنيا وصخه الي الألمانيات صارو جكر .. منو الحلوات عيل :p

bo-khaled
04-02-2008, 00:08
الزواج قسمه ونصيب


بس الشرط الاساسي والي انصح واترجى كل واحد يبحث عنه هو : اذا تبي حرمه انشد عن امها

انا متزوج من اربع سنين وماخذ اجنبيه وصدقوني لا فرق والتوفيق من الله لكن لازم الريال هو الي يسير بيته بالدرجه الاولى

SaFRaWy
04-02-2008, 00:32
والله بنات الكويت في بعضهم مايشجعون كلش

عقليه البنت عندنا إذا تطبخ لزوجها يعني إهيه خدامهّ!!
و إذا غسلت هدومه يعني خدامه؟
و خدامه وحده مكن ماتكفيها تبي لكل ولد من عيالها خدامه طقم البيبي مع الخدامه
"
و بالمقابل الريال المسكين أهوه يصرف عليها و أجار الشقه عليه و مصروفها لأنه أهوه رجال البيت

بس هل إهيه فعلا زوجه و شايله البيت و زوجها؟

طبعا الأسطوانه أنا في بيت أهلي ماسويت و و و تبيني أسوي الحين؟

أكيد العيب من تربيه الأهل و النتيجه عندنا نسبه الزواج مرتفعه لأنه الغالبيه شينه من الجنسين و الأقليه زينه من الجنسين

_______________________________

مافي أحد مايتمني يتزوج كويتيه علي مواصفاته و ذوقه

و كل واحد علي مزاجه . . يتزوج وحده كويتيه بس عقليتها سوريه بحسن التدبير و الطباخ و الجمال

أو كويتيه بشكل أمريكي أو أوربي

أو كويتيه بجمال مغربي

أو أو أو

shoot
04-02-2008, 00:52
والله بنات الكويت في بعضهم مايشجعون كلش

عقليه البنت عندنا إذا تطبخ لزوجها يعني إهيه خدامهّ!!
و إذا غسلت هدومه يعني خدامه؟
و خدامه وحده مكن ماتكفيها تبي لكل ولد من عيالها خدامه طقم البيبي مع الخدامه
"
و بالمقابل الريال المسكين أهوه يصرف عليها و أجار الشقه عليه و مصروفها لأنه أهوه رجال البيت

بس هل إهيه فعلا زوجه و شايله البيت و زوجها؟

طبعا الأسطوانه أنا في بيت أهلي ماسويت و و و تبيني أسوي الحين؟

أكيد العيب من تربيه الأهل و النتيجه عندنا نسبه الزواج مرتفعه لأنه الغالبيه شينه من الجنسين و الأقليه زينه من الجنسين

_______________________________

مافي أحد مايتمني يتزوج كويتيه علي مواصفاته و ذوقه

و كل واحد علي مزاجه . . يتزوج وحده كويتيه بس عقليتها سوريه بحسن التدبير و الطباخ و الجمال

أو كويتيه بشكل أمريكي أو أوربي

أو كويتيه بجمال مغربي

أو أو أو

صح السانك
والله لو الايام ترجعني 7 سنوات بس والله ما اتزوج لوووووول

Mr.Barca
04-02-2008, 01:08
ابوصي اللي من ربوعي يبا الطيب. .
لا ياخذ الئ من بيوت الرفاعه. . .
يجي ولدها مذرب(ن) كنه الذيب. . .
سمعن لبوه وكل ماقال طاعـه. . .

شالح بن هدلان. . .


ادري الاغلبيه ماراح تفهمp/:

A.B
04-02-2008, 02:33
ما فيه شي المثل الي انقال و صار هواش عشانه
:)

Bianconri
04-02-2008, 03:37
ناطرين رد بوشايع .. :p

زهـرة العشـاق
04-02-2008, 03:53
إيييي .. دنيا وصخه الي الألمانيات صارو جكر .. منو الحلوات عيل :p


المكسيكيات , ما شـاء الله جمـال وجسـم ;)

Maldini_el_q8
04-02-2008, 03:58
الجمال يظل بالنهاية مسألة ذوق و مسالة نسبية بين شخص و شخص ... لكن بصراحة انتي يبتيها ريت اللاتينيات عموماً مافي عليهم و خصوصاً اذا كانو مثل بينيلوبي كروز أو مثل الي طلعت بفلم ناتشو ليبري :)

soccer fan
04-02-2008, 04:02
وهل العرج الامريكي نيس ولا يخرج الشخص من الملة ولا شفيه بالضبط ,, وايد ناس نعرفهم امهاتهم اجنبيات وانا كان وياي بالمتوسطة واحد وبالثنوية ثنين او ثلاثة ,, عاديين (( شوية بدليات ما تضر :× )) ,, بالمقابل نشوف يهال امهم وابوهم كويتيين ابا عن جد بمدارس انقليزية ما يعرفون عربي ,, والله انه معاي بالجامعه اكلمه مسنجر يقولي تكفة انقلش العربي يضايق لي قريته ,, هذا غير اللي بالجامعه تلاقي ثنتين رايحين بالسوالف انقليزي (( ادري نصه شحاطة بس في صج جذي )) ,, عالعموم الطفل يتعلم من بيئته اللي دار مداره ,, امه امريكية ولا سنغالية دام تربى ابيئة كويتية سواء بالبيت او بالمدرسة مافي خوف ,,

امريكان مالهم اصل :)

مالهم نسب

الامريكي ما يعرف منهو ابوه ما يعرف اهو منو

هذا القصد

و يصير في ارتباط بين العائلتين يعني اذا شخص تزوج امريكية مو بس اهو الي بيتبط فيها لا كل عائلته بتناسب عائلتها يعني بيصيرون نسايب ناس مالهم اصل

مو حرام محد قال حرام

لكن انا ضد هالشي

و عشان اكون صريح و صادق معاك و ما الف و ادور

الامريكان وصخين ( الاجانب بشكل عام ) اسأل ناس عاشت معاهم انا كل الي سالتهم قالو لي وصخين ( الغير مسلمين )

soccer fan
04-02-2008, 04:06
ماكو ع الكويتية ..
و يقهرني اللي متزوج له غير كويتية ويراكض يبي يجنسها .. طيب انت رضيت فيها غير كويتية .. تروح تجنسها شكو ..

يستفيد من جنسيتها

soccer fan
04-02-2008, 04:09
إيييي .. دنيا وصخه الي الألمانيات صارو جكر .. منو الحلوات عيل :p


الكويتيات ;)

بو شايع
04-02-2008, 04:09
بيانكونري ..

شـ معنه :p

قواج الله على الموضوع ..

عيوب الكويتيه : الكويتيه مشالله لا إله الله ما فيها عيوب كثيره مثل ما الأغلب يبالغون .. والله حريمنا سنعات و ياما تحملوا " الخمار " و " القمار " و شالوا بيوت و هم في عمر الزهور .. و يكفي إنها موظفه و تروح الصبح و ما ترد إلا الظهر و تقابل رجلها على الغدى و تعطيه عيونها و توقف وياه و أغلب الكويتيين يبنون بيوتهم من فلوس حريمهم .. و يكفي أصلاً إنها من " طينته " و بنت ديرته و أنا واحد من الناس ما أرتاح نفسياً إلا إذا قعدت مع " كويتي " سواء كان حضري ولا بدوي ولا عيمي .. المهم إنه كويتي فـ مابلكم بـ زوجتي !!

صدقوني أغلب الناس الي خذوا أجنبيات مجبورين .. و خصوصاً الي مثلي " بدو " .. لأن إحنا يا البدو عروسنا مو مثل عروس أغلب الحضر مع الأسف !! إحنا مهرنا يتراوح ما بين الـ 6000 آلاف إلى الـ 10000 و ماخذين الموضوع " فخر " على شنو ما أدري .. و عندنا أمور لازم تتقدم للضيوف كثيره جداً و مكلفه .. لـ درجة إن في ناس حضر يصيرولي يقولون .. إنهم في المهر اللي ندفعه بس .. ممكن يسوون عرس كامل و معاه شهر العسل بعد !!

أنا ولد عمي كلفه العرس 20 ألف دينار .. طيب ولد عمي عنده و أنا عندي .. الباجي من وينلهم ؟!

عيوب الأجنبيه : ولد الأجنبيه إما " رجال " مو صج .. أو إنه " منتهي " موليّه .. و الكثير من الأجنبيات تقعد تتشكى و تبي أهلها يجون الكويت .. و ما يندرى شنو مصير عيالك لو تطلقها .. لأن ممكن ولدك بعد جم سنه يجيك الكويت و إسمه " مدحت " :eek: و أحياناً تكون عندها عادات غريبه ما تتقبلها لا إنت و لا أسرتك و لا الحريم اللي حواليكم ...

و بـ صراحه ولد الغريبه يتضايق في بعض الأحيان .. يعني لما نكون قاعدين بـ دوانيه و واحد من الربع أمه من جنسيه فلانيه مثلاً .. تلقون بعض الشباب ما يدرون و على النيه .. يقولون : الشعب الفلاني نمشيهم بالفلوس .. أو الشعب الفلاني " .... " !! و بـ هاللحظه ألتفت على اللي أمه تحمل هـالجنسيه و ألقاه منحرج و يضيّع السالفه و يبي الفكه !! صحيح المفروض هـالأمور ما تصير .. بس في ناس تسويها .. فـ شالله محديك تعقّد الولد ؟! لا تتزوج إلا عمرك 40 و كوّن نفسك على راحتك .. بس أخذ كويتيه !!

و للأمانه في أجنبيات يتأقلمون بالمجتمع بـ سرعه و يصيرون أحسن من الكويتيات خصوصاً العراقيات و الخليجيات .. أما في أجنبيات تقعد 30 سنه على نفس الطبايع و اللهجه .. تحس إنك إنت وياها " زوج أرانب " :D بس تبون تجيبون عيال و السلام ...

بالنهايه و الختام :

الكويتيه فيها عيوبها و الأجنبيه لها عيوبها .. و ماكو أحد كامل .. و لكن بالأخير نقول الكويتيه ضررها أقل و منفعتها أكثر .. و مالك إلا المنتج الكويتي :p

soccer fan
04-02-2008, 04:14
المكسيكيات , ما شـاء الله جمـال وجسـم ;)


المكسيكيين هنود حمر

سمر و قصار و شكلهم شكل الهنود الحمر .... ليش اصعبها هنود شكلهم مقارب للهنود

في هنود حلويين بس نادر و اصلهم مو هندي ( البيض و الطوال ) مو هنود

على فكرة ... الهنود اصلهم من افريقيا يعني افارقة و سود و قصار لكن صار في هجرات للهند من كذا مكان ففي هنود مختلفين عن الباجي في بيض و في صفر و عيونهم صغار لكن الهنود اصلهم من افريقيا ( معلومة )

makkay
04-02-2008, 04:15
جني غيرت رايي عن العزوبيه :p

..

الواحد اذا بيتزوج .. لازم يختار زوجته مثل ما يختار سيارته
ما تصرف .. اهلها " الوكاله " زينه :p
تضل معاك سنين طويله .. لا تاخذ وحده " تحتر " بسرعه

:p

soccer fan
04-02-2008, 04:18
الجمال يظل بالنهاية مسألة ذوق و مسالة نسبية بين شخص و شخص ... لكن بصراحة انتي يبتيها ريت اللاتينيات عموماً مافي عليهم و خصوصاً اذا كانو مثل بينيلوبي كروز أو مثل الي طلعت بفلم ناتشو ليبري :)

شوفهم بدون مكياج

تعامل معاهم و شوف شخصياتهم

ترا لا اخلاق و لا نظافة و لا احترام للزوج

يا اخي قاعد يطلعون بدون ملابس في كل مكان

شـآنـي هـآكـر
04-02-2008, 05:10
شوفهم بدون مكياج

تعامل معاهم و شوف شخصياتهم

ترا لا اخلاق و لا نظافة و لا احترام للزوج

يا اخي قاعد يطلعون بدون ملابس في كل مكان

وإنت مصدق إنه بياخذ (كروز)

البنت متزوجه لوووووووول

زهـرة العشـاق
04-02-2008, 05:48
المكسيكيين هنود حمر

سمر و قصار و شكلهم شكل الهنود الحمر .... ليش اصعبها هنود شكلهم مقارب للهنود

في هنود حلويين بس نادر و اصلهم مو هندي ( البيض و الطوال ) مو هنود

على فكرة ... الهنود اصلهم من افريقيا يعني افارقة و سود و قصار لكن صار في هجرات للهند من كذا مكان ففي هنود مختلفين عن الباجي في بيض و في صفر و عيونهم صغار لكن الهنود اصلهم من افريقيا ( معلومة )

على فكره حتى امريكا قبل كانوا هنود حمر بس تغيروا , وشفيهم الهنود الحمر ؟ مافيهم شي بالعكس

والمواصفات اللي تتكلم عنها , هذي مواصفات سكان المكسيك الاصيلين بس الحين تغيرت شوي :)




شوفهم بدون مكياج

تعامل معاهم و شوف شخصياتهم

ترا لا اخلاق و لا نظافة و لا احترام للزوج

يا اخي قاعد يطلعون بدون ملابس في كل مكان


من صجك انت جمالهم طبيعي حتى من غير مكياج حلوين

واذا على اللبس اكيد يعني مو مسلمين

وانا ترى مارضى على المكسيكيين

ابـ عسكر ـن
04-02-2008, 07:13
بعض الاخوان يقولون ان اغلب الاجنبيات ما تاخذ الكويتي الا علشان فلوسه وجنسيته ..
وللاسف انا اعتبر هالكلام اتهام ونقد مبطن بان الكويتي مغفل !!
وهالشي مو صحيح ..
مثل ما الاجنبية لها مصلحة من الزواج من الكويتي .. ايضا الكويتي له مصلحة معينة بزواجه من الاجنبية ..
للاسف الكويتية متى ما زعلت من زوجها شالت شلايلها وراحت لاهلها ..
ونسبة الصبر عندها ما يجي 50% من صبر الاجنبية ..
حتى لو الاجنبية عندها مصلحة من صبرها .. راح تكون اكبر مصلحة لها هي العيشة الكريمة والامان .. لان بالنهاية المشاكل الزوجية موجودة بكل اسرة ..
حريم اول كان مجرد روحتهن لاهلهن شبهة .. ولان المرأة المطلقة كانت عيبة كبيرة بحقها .. فصبرهن على ازواجهن كان بدون حدود ..
اما الحين ما يفرق معاها .. الاعانة موجودة .. والوظيفة موجودة .. والخرفان موجودين ..
كانوا يقولون : الشاب السربوتي ما تعدله الا المره .. والحين المره السنعة مثل بير ماي بصحره ..

راعي بنك
04-02-2008, 08:34
وزن الريشة
انت كل موضوع اكتبه تبي تخربه علي :mad::mad2: مهي حاله هذي
:p:p
أضم صوتي لصوتج وأطالب المراقبين بإيقاف هالعضو السخيف

روح القادسية
04-02-2008, 12:44
ضد الزواج أساسا...
^
^
بس اذا برد ع هالموضوع فأنا ضد الزواج من برة الديرة لانه مشاكله واااايد وماقصروا (المعارضين)

BuJweS
04-02-2008, 12:57
وللاسف انا اعتبر هالكلام اتهام ونقد مبطن بان الكويتي مغفل !!

في ناس عايشة ومتهنية وعوايل انبت واحلى ما يكون ولي معارف امهاتهم اجنبيات ,,

لكن الصج في وايد مغفلين للاسف ,, وبغض النظر عن الجنسية ,, الاختيار يبقى على الريال ,, يختار سنعه ولا هوية ,, بس عند نفسي ,, كويتية وسنعه ست بيت هذي كل ما يتمناه اي شخص واللي امه داعيتله الله بيوفقه ,, كويتية اجنبية المهم عايش ومتهني ومرتاح ,, (( الدنيا متاع وخير متاع الدنيا الزوجة الصالحة ))

الله يوفق الكل ويزوج كل عزوبي :× ,, اولهم ماكاي :p ,,

Carles Puyol
04-02-2008, 13:06
موضوع فلة يبيله اقراه على الراحة

زهـرة العشـاق
04-02-2008, 13:20
كارلوس بويول

ثاااانكس ;)

THe ShaRk
04-02-2008, 13:23
انا ضد الزواج من اجنبيه وماكو على الكويتيه

Fahad
04-02-2008, 13:37
ماشاءالله النقاشات وايد حلوه ومفيده .. قواكم الله جميعا ً وقواج الله زهره على المواضيع الحلوه [ خل يحطونج مراقبه على القسم العام لوول :p ]


بخصوص الموضوع ,,


الزواج قبل كل شي ماهو عقد وملّا بالنص والسلامو عليكم .. الزواج إرتباط أبدي بين طرفين حياتهم في أول سنتين أو 3 بتكون لهم لكن بعدها راح تكون حياتهم من أولها لي آخرها مكرّسه لإنتاجهم وفلّات أكبادهم ..


الواحد إذا يبي يتزوج يحط جدام عينه إن هالمره بتكون له العون والسند ودنيته كلها وفوق هذا وهو الأهم بتكون أم حق عياله .. عشان جذي إختيار الزوجه حيل حيل مهم مو بس للزوج وإنما حق عياله وإلي يبي يختار لازم يفكر هل هالمره باجر بتربي عيالي خير تربيه ولا بتعلمهم على الإنحلال أو الأمور إلي تنافي الدين والعادات والتقاليد ؟


على سبيل المثال ,, واحد يتقدم حق وحده وتكون سفور يهوّن عنها ليش ؟ يقولك أنا أبي بناتي بالمستقبل متحجبات وشي طبيعي إذا الام مو متحجبه فماراح تمانع إن بنتها ما تتحجب .. لكن لو الأم متحجبه فشي طبيعي حتى لو ماتجبرها على الحجاب لكن راح تكون لها كلمه بهالموضوع ,, هذا مجرد مثال على باقي الأمور الحياتيه داخل البيت الزوجي


هالمقدمه هذي عشان أوصل حق نقطه معيّنه ,, باجر لو واحد أخذ وحده غير كويتيه [ خليجيه أو أجنبيه ] هل الأبناء راح يكونون مرتاحين ؟ هالسؤال لازم الواحد يجاوب عليه بينه وبين نفسه وبكل حياديه لأن المتضرر بيكون نسلك وفلذّت كبدك


نعم نتفق مع الخليج بالعادات والتقاليد .. لكن ترى في " مضمون " نختلف فيه بمعنى كل مجتمع له توجه وكل مجتمع له عادات تميّزه عن أي مجتمع ثاني لذلك البنت الخليجيه مهما كان توافقها مع الكويتي ماراح توصل لتوافق البنت الكويتيه وهذا واقع الواحد لازم يعرفه ويعيشه ,,


السؤال إلي يوجه ألحين : شنو ينقص البنت الكويتيه عشان الواحد يشوف بنات من برى ؟


تبي الأدب ؟ موجود


تبي الجمال ؟ موجود


تبي التربيه السنعه ؟ موجوده


تبي الشهادات العاليه ؟ موجوده


نعم في إنحلال قاعد ينتشر بين بنات الكويت لكن ماهو الإنحلال إلي قادر يسيطر على كل بنات الديره وإنما على فئه معيّنه ,, البنت الزينه تلقاها لو تدوّر والبنت الشينه بتلقاها بدون ماتدوّر لذلك أعتقد لو شخص يقول أنا بتزوج من برى لأن بنات الكويت تغيّروا بقولك [ ستوب ] في الزين وفي الشين والزين تحصله بس خل الوالده الله يطوّل بعمرها تبلش تدورلك وبتلقى خير من الله ,,

بتقولي الكويتيه نسره وحنّانه ! بقولك هذا حجي مسلسلات ربي لك الحمد شفنا أمهاتنا وشفنا أهلنا وتزوجنا ولا شفنا من إلي نسمعه من إن حريم الكويت نسرات أو حنّانات ! وإن كان فيه فهذا موجود بكل مكان ماهو وباء حايش البنت الكويتيه عن بنات العالم .. ومثل ما البعض يقول البنت الكويتيه ما تتحمل أو مافيها صبر أو حنّانه ترى حتى الريّال ينطبق عليه هالشي ومافي واحد أحسن من الثاني


نروح للجانب الإجتماعي ,,


نفرض جدلا ً إن في مشكله بين زوجين [ كويتي وزوجته خليجيه ] .. تتوقعون هل الزوج بيكون مرتاح نفسيا ً ؟ شخصيا ً عندي واحد من الربع متزوج وعنده بنت والمشاكل بينه وبين زوجته متجدده بشكل صارخ وظورف عمله إنه لازم يسافر بين فتره وفتره وكل مايسافر يقولي إيدي على قلبي خايف أرجع ما ألقى زوجتي وبنتي تسافر وترد ديرتها وتطلب الطلاق !


السؤال : هل إنت هالشي بترضاه على نفسك ؟ هل بترضاه على ولدك أو بنتك " يتمرمط " من ديره لي ديره لو قدر الله وصار الطلاق ؟


الواحد قبل ما يخطو خطوة الزواج أول شي يفكر فيه عياله .. لو باجر رب العالمين بيرزقك بعيال هل هالأم هذي بتربيهم التربيه الصالحه وهل بتكون خير عون وسند لك معاهم ! البنت الأجنبيه ماراح تعينك على هالشي حتى لو كانت مسلمه لإختلاف الثقافات .. لكن بنت الكويت وبنت ديرتك بشكل عام بتكون لك سند وعون وبترتاح إنت نفسيا ً !


باجر لو قدر الله ورب العالمين أخذ أمانتك .. تهقى زوجتك [ الغير كويتيه ] ماراح تتأذى بالدوائر الحكوميه إذا بتخلص معامله لها أو حق عيالك ! الواحد يفكر حق بعدين مو يفكر بأول سنه أو سنتين من الزواج ويحكم


بالنهايه : دهّنا في مكبتنا وأرد وأكرر لا قصور في بنات الخليج خواتنا وعزيزات علينا لكن الكلام كمجمل عن بنات الديره ..

علي العربي
04-02-2008, 13:44
أنا مؤيد لقول أن الزواج قسمة و نصيب ، و لكن أضيف عليه بأن الزواج هو مورد امتحان و بلاء فالتوفيق أو عدم التوفيق فيه مو شرط يدل على سوء الاختيار بسبب الجنسية أو شيء آخر في المقام الأول .. بل هو مثل أي شيء في هذي الدنيا له قابلية انه يكون امتحان للانسان ..
الله سبحانه و تعالى يقول :
( ضرب الله مثلا للذين كفروا امراة نوح وامراة لوط .. ) .
نوح و لوط عليهم السلام كانوا أنبياء لكن الله عز و جل ابتلاهم بإمرأتي سوء ..
لكن في نفس الوقت فرعون كان طاغية كافر لكن إمرأته كانت مضرب مثل للمؤمنين ..
( وضرب الله مثلا للذين امنوا امراة فرعون .. )
يعني شيء عادي أن يكون الشخص سيء و إمرأته صالحة ، أو العكس .. و هذا يدل على إن الإنسان مهما حاول و بحث و اختار الأنسب من الممكن مع الأيام أن يكتشف العكس .. فالمسألة ترجع بالمقام الأول لعمل الإنسان و توفيق ربّ العالمين ..
فتخصيص السوء على إنه بالأجنبية فقط هو شيء خاطئ فالأجنبية مرأة حالها حال غيرها ...

زهـرة العشـاق
04-02-2008, 13:46
ماشاءالله النقاشات وايد حلوه ومفيده .. قواكم الله جميعا ً وقواج الله زهره على المواضيع الحلوه [ خل يحطونج مراقبه على القسم العام لوول :p ]




لووووووووووووووووول اهم شي يحطوني مراقبه :p

ثانكس على المروور فهد

BuJweS
04-02-2008, 13:47
Fahad
كفيت ووفيت :) ,,

زهـرة العشـاق
04-02-2008, 13:51
أنا مؤيد لقول أن الزواج قسمة و نصيب ، و لكن أضيف عليه بأن الزواج هو مورد امتحان و بلاء فالتوفيق أو عدم التوفيق فيه مو شرط يدل على سوء الاختيار بسبب الجنسية أو شيء آخر في المقام الأول .. بل هو مثل أي شيء في هذي الدنيا له قابلية انه يكون امتحان للانسان ..
...

صح

اذا كان الزواج فيه مشاكل ممكن يكون ابتلاء من الله مو شرط يكون سوء في الاختيار

عدل كلامك :)

بوناصر
04-02-2008, 14:22
يعطيكم ألف عافيه على الموضوع الروعه ، وكل واحد أبدى وجهة نظره وماعتقد في نقطه يديده ممكن نضيفها


بالنسبه لي ، أشوف إن الزواج بالمقام الأول يعتمد على الشخص نفسه مو على جنسيه معينه ، واحد يقول أنا متزوج من كويتيه ومرتاح ، وواحد يقول أنا متزوج من كويتيه ومتأذي ! ، واحد يقول أنا متزوج من أجنبيه ومرتاح ، وواحد يقول أنا متزوج من أجنبيه ومتأذي ! ، السالفه ماهي قاعده عامه ولاهي 1 + 1 =2 ! ، إهي تعتمد على اختيارك للبنت أو اختيار البنت للريال ، لذلك الجنسيه مالها شغل بهالأمر ، لان الزين والشين موجود بكل بلد


وبرأيي الشخصي ، فـ أنا أفضل الزواج من الكويتيه ، وأتفق مع اللي قاله "أصدقائي" بوشايع وفهد 3000 % ! ، ما أتخيل بيوم من الأيام إني داش على الأهل أقولهم والله بتزوج فلانه الغير كويتيه ( سواء خليجيه أو عربيه أو أجنبيه ) ، وانشالله هالشي ماراح يصير بالمستقبل ، مهما كانت البنت الكويتيه فيها عيوب ، إلا إنها تظل بنت الديره ومالنا غناة عنها ، وبعدين شدعوه الريال الكويتي نازل من السما ومافيه عيوب ! ، "سليمه تصكه !!" :p ، إذا انت بتقول ماراح آخذ الكويتيه لأنها "جيكره" ، الكويتيه بتقول ماراح آخذ الكويتي لأنه "شيفه قيفه" !! ، وإذا انت بتقول ماراح آخذ الكويتيه لأن لبسها بالمجمعات "يفشل" ، الكويتيه بتقول ماراح آخذ الكويتي لأنها شايفته بنفس هالمجمعات لابس "لوويست" !!


وبالنهايه أرد وأقول إهي حريه شخصيه وقناعات شخصيه وتعود للشخص نفسه


--------------------


على هامش الموضوع :


المثل اللي قالته أختي قولجيه مو عيب ولا فيه أي شي ! ، المقصود بالمثل مو إن اللي مؤيد هالراي "صخله" ويحب "التيس" !! ، المقصود إن في ناس ما يعجبها إلا الشخص الغريب ودايما تطيح حظ "المنتج المحلي" !!

ظفيرية هلالية
04-02-2008, 18:46
ابوصي اللي من ربوعي يبا الطيب. .
لا ياخذ الئ من بيوت الرفاعه. . .
يجي ولدها مذرب(ن) كنه الذيب. . .
سمعن لبوه وكل ماقال طاعـه. . .

شالح بن هدلان. . .

لووووول .. عاد علي بن حمري القحطاني يقول :

الاولاد وهبه .. لا عمام ولا خوال **
عسى الله يصلح ماعطانا من الجنسين
كم " بنت هامل " جا ولدها طويل حبال **
و كم " بنت شيخ " جا ولدها قصير ايدين

:p

**


زهره مشكوره مره ثانيه على هالموضوع .. الردود والنقاش راقي واستمتعت وانا أتابع ..
مداخلة اخوي فهد و ابو شايع عجبوني ..
بالذات ابو شايع لما قال التهكم من الشباب على جنسيه معينه ويصير أحد الموجودين خواله من هالجنسيه . . لووول فضيحه وقطيعة وجه :p

ART
04-02-2008, 19:27
مـــا شــاء الله


الموضوع متروس كل اعضاء الازرق هني :D


ثانكس زهره على الموضوع اللي اكثر من رووووووعه


يا الله افتتحنا الصفحه السادسه للنقاش :p

Prussia
04-02-2008, 21:12
رايي من راي فهد و بوشايع و بوناصر
وفي شغله بقولها مثل ما انتو تشوفون عيووب ببنات الكويت ، ترا حتى احنا نشوف عيوووب فيكم

ابـ عسكر ـن
04-02-2008, 23:56
كلامك اخوي فهد انشائي عاطفي ..
الواقع والاحصائيات والقضايا اللي بالمحاكم تقول ان البنت الكويتية غير مرغوب فيها كزوجة تجلب الاستقرار للبيت الكويتي .. للاسف ..
اذا كانت نسبة الطلاق وصلت ما يقارب 40%
ونسبة العنوسة وصلت الى 30%
هذا معناه ان ما يقارب 70% من بنات الكويت حاليا من غير زوج ..
و30% فقط متزوجات ..
شاللي يخلي الشاب الكويتي ما يرغب في بنت ديرته ؟!!
يا اخي حتى لو كانت النسبة 50% راح تكون خطر على المجتمع الكويتي !!

علي العربي
05-02-2008, 00:34
كلامك صحيح ( ابن عسكر ) لكن حكمك يبدو إنه متأثر بتجربتك الشخصية نوعا ما ...
اسباب الفشل ما يتحملها طرف واحد ، بل يتحملها الطرفين لأن النهاية هي قطع الرابط بين اثنين مو بين واحد ...
شعرة معاوية ما عاد لها وجود بين الازواج حاليا لأن التربية لكثير منهم تربية قاصرة عن اعطاءهم الصورة الكاملة لمفاهيم المسؤولية و الالتزام و تبادل المنفعة فطغت الانانية في العلاقة على المشاركة و بالتالي انتفت كل الصلات بين الاثنين ...
هذا الشي قاعد يلقي ظلاله و راح تبين مع المستقبل حجم معاناة هذا الجيل اللي قاعد ينشأ كثير منه في ظل طرف واحد من الأبوين فيفتقد صورة الترابط الاسري بين الاب و الام ، فما يوليها الاهتمام الكافي في حال اصبح هو/ هي أب / أم لأنه ما حس فيها و لا عرف طعمها ... و عمله راح يكون مجلل بالتقصير و ينذر باستمرارية حالات الطلاق ...
الزواج في الاول و الأخير هو ( مؤسسة ) لها اهداف ابسطها استمرارية الجيل البشري ( الصالح ) و نقل المفاهيم و القيم السامية له و اهمها قيمة الاسرة و ترابطها التام فهي ان خلت من هالهدف انقلبت من نعمة إلى نقمة على المجتمعات ...

BuJweS
05-02-2008, 03:36
ليش النظرة السوداوية ؟ ,, اهلنا ربعنا متزوجين ومستقرين وشحليلهم ,, وصلت انه 70%؟ ,, لا حدك تبالغ ,, المشكله موجودة ,, بس مو بهالصورة ,,

soccer fan
05-02-2008, 06:30
كلامك اخوي فهد انشائي عاطفي ..
الواقع والاحصائيات والقضايا اللي بالمحاكم تقول ان البنت الكويتية غير مرغوب فيها كزوجة تجلب الاستقرار للبيت الكويتي .. للاسف ..
اذا كانت نسبة الطلاق وصلت ما يقارب 40%
ونسبة العنوسة وصلت الى 30%
هذا معناه ان ما يقارب 70% من بنات الكويت حاليا من غير زوج ..
و30% فقط متزوجات ..
شاللي يخلي الشاب الكويتي ما يرغب في بنت ديرته ؟!!
يا اخي حتى لو كانت النسبة 50% راح تكون خطر على المجتمع الكويتي !!

بن عسكر

شوف نسب الزواج الناجح بره و بعدين قارن و احكم

انا اقولك اوروبا قاعد ينقرضون و عددهم قاعد يقل .... مافي عندهم زواج .... و الاولاد هناك غالبيتهم من علاقات غير شرعية .... و الازواج هناك يبهدلون بعض الزوج يبوق فلوس زوجته و يبهدلها بكل الطرق و الزوجة تقط زوجها بالسجن و تبهدله بكل الطرق .... هذول الاجانب

بالنسبة للعرب فحالهم مثل حالنا لكن الكويتية تكون قوية و اهلها معاها و مو محتاجة لكن العربية تكون مكسورة و ما بيدها شي .... لكن اذا على الدين و الاخلاق فمجتمعنا الخليجي رقم واحد بالعالم ( حتى احسن من مصر او المغرب مثلا )

عشان نتكلم بالارقام و الاحصائيات لازم نجيب كل الاحصائيات و الارقام و نتكلم عنها مو بس احصائية الطلاق بالكويت لا نجيب كل الارقام بكل الدول و نشوف

ابـ عسكر ـن
05-02-2008, 06:59
علي العربي ..
كلامك سليم واوافقك فيه ..
مو شرط يكون العيب من البنت .. يمكن من الشاب ..
لكن الخلل مو هني .. الخلل يكمن بقدرة المرأة على اقناع الرجل بأنها أهل للمسؤولية وخلق الاستقرار ..
لكن هل تملك المرأة الكويتية هالشي ؟

ما راح اتكلم عن كمية طلبات البنت الكويتية قبل وبعد الزواج .. لان هالامر نسبي ..
انا اقصد الثقافة الزوجية عند الطرفين .. ومدى قدرتهم على تجاوز العقبات والمشكلات اللي تواجهم بطريقة غير الانفصال ..
الواضح ان هالثقافة ما بين معدومة او ضعيفة جدا ..

يا اخي .. في السابق كانوا يقولون : اذا تبي تربط ولدك وتسنعه : زوجه ..
لكن هالشي هذا الحين ما راح يسنع الشاب الطايش ..
لان دور الاهل ما عاد مثل السابق كمدرسة اولى للتربية ..
ولان البنت ما عادت مثل السابق تتحمل " ضيم " الزوج السئ من اجل تغييره الى الافضل ..
ولان البنت ما اصبحت الاسرة هي الهدف الاول والاخير في حياتها .. هناك وظيفة .. هناك مغريات الحياة والترف والمظاهر .. الخ ..
ولان البنت ما عادت تنظر للزوج بانه الملك في بيته ..
فاصبحت ثقة الشاب الكويتي بالبنت الكويتية مهتزة .. وتكاد تكون معدومة عند البعض ..

اخي الكريم ..
الرجل مهما ارتفعت ثقافته .. او تحرر من القيود الدينية او الاجتماعية .. نظرته تجاه الزوجة ما راح تتغير .. لان هالشي فطرة عنده .. يمكن يهملها عند " صديقة " من اجل خداعها .. لكن عند زوجته يظهر على حقيقته وفطرته ..

البنت الكويتية طيبة وحبابة .. محد ينكر هالشي ..
البنت الكويتية ثقافتها " الاكاديمية " ارتفعت .. محد ينكر هالشي ..
البنت الكويتية نظيفة .. ايضا محد ينكر هالشي ..
لكن مشكلة البنت الكويتية انها غير قادرة على تكوين اسرة متماسكة .. في نظر الشاب طبعا .. او على الاقل غير قادرة على اقناع الشاب الكويتي انها " قدها ونص " ..

Diavolo ..
اتمنى والله كلامك سليم ..
روح قوقل واكتب : العنوسة في دول الخليج + الطلاق في دول الخليج ..
او من باب الاستقصاء والفضول العلمي روح وزارة العدل واسال مكتب العلاقات العامة ..
قبل 3 اشهر قعدت مع صديق يحضر الدكتوراه بالقضاء الشرعي .. فجبنا طاري العنوسه والطلاق بالكويت والخليج .. فهو اللي ذكر هالاحصائية كونه من ضمن تخصصه في رسالة الدكتوراه ..
اضف الى ذلك مرور حالات كثيرة جدا مرت علي شخصيا من محيط اصدقائي او الجيران او الاسر اللي اعرفها ..

Ruudy
05-02-2008, 06:59
قبل لا تفتح موضوع الزواج من الخارج
شوف مشاكل الزواج من الداخل
عايله من عايله ثانية .. قبيلة من قبيلة ثانيه .. بدو وحضر .. شيعة وسنة

هذي اللي تستحق النقاش اولا لحل مشكلة العنوسه اللي تكلمو عنها اكثر الردود

ابـ عسكر ـن
05-02-2008, 07:17
بن عسكر

شوف نسب الزواج الناجح بره و بعدين قارن و احكم

انا اقولك اوروبا قاعد ينقرضون و عددهم قاعد يقل .... مافي عندهم زواج .... و الاولاد هناك غالبيتهم من علاقات غير شرعية .... و الازواج هناك يبهدلون بعض الزوج يبوق فلوس زوجته و يبهدلها بكل الطرق و الزوجة تقط زوجها بالسجن و تبهدله بكل الطرق .... هذول الاجانب

بالنسبة للعرب فحالهم مثل حالنا لكن الكويتية تكون قوية و اهلها معاها و مو محتاجة لكن العربية تكون مكسورة و ما بيدها شي .... لكن اذا على الدين و الاخلاق فمجتمعنا الخليجي رقم واحد بالعالم ( حتى احسن من مصر او المغرب مثلا )

عشان نتكلم بالارقام و الاحصائيات لازم نجيب كل الاحصائيات و الارقام و نتكلم عنها مو بس احصائية الطلاق بالكويت لا نجيب كل الارقام بكل الدول و نشوف

ما اخالفك ..
لكن :

اوربا والمجتمعات الغربية بشكل عام .. مجتمعات منهارة لانها مجتمعات لا اخلاقية .. فما يصلح اني اذكرهم في مقابل المجتمعات الاسلامية حتى غير المحافظ منها ..

الدول العربية .. كلامك صحيح ..
لكنك ذكرت الفرق بين الكويتية " والخليجية مثل الكويتية " وبين العربية : ( تكون قوية واهلها معاها ومو محتاجة ) ..
ترى حتى العربية اهلها يكونون معاها .. وبعضهن على ضعف المدخول المادي الا ان اهلهن ايضا ما يرضون عليهن ويساندونهن .. خصوصا اذا جتك مصرية .. او عربية من اصول بدوية ..
لكن الفرق بينا وبينهم : ان اسباب العنوسة او الطلاق هناك يكون بسبب ضعف او انعدام الدخل المادي ..
الشاب العربي ما يقدر يتزوج لانه ما يقدر يوفر ابسط اساسيات الزوجية : الشقة وتاثيثها ..

تخيل في مصر مثلا .. راتب الموظف 100 جنيه بالشهر = 5 دنانير كويتية !!
هذا متى يتزوج ؟
عندي اصدقاء دكاترة رواتبهم توصل 800 جنيه = 40 دينار !!
رغم ان الزواج عندهم مشاركة من الطرفين .. لكنهم غير قادرين على توفير شقة الا بعد سنوات من الخطوبة ..
وهالشي موجود ايضا بسوريا والاردن ودول المغرب العربي ..

لكن بدولة خليجية مثل الكويت هالامور غير موجودة ولله الحمد والمنه ..
فمعرفة اسباب ارتقاع نسبة العنوسة او الطلاق تختلف عن الدول الفقيرة ..

soccer fan
05-02-2008, 08:43
اول شي شكرا يا بن عسكر على الرد

____________

اثنين

يا اخوان الحين

شنو النتيجة الي وصلنا لها ؟

احنا نتكلم نتكلم بس ما نوصل لنتايج

شفايدة النقاش

makkay
05-02-2008, 08:54
رايي من راي فهد و بوشايع و بوناصر


وفي شغله بقولها مثل ما انتو تشوفون عيووب ببنات الكويت ، ترا حتى احنا نشوف عيوووب فيكم

الريال شايل عيبه :p

Sn@kE
05-02-2008, 10:52
كله واحد

بس اهم شي انها مسلمه وتعرف دينها عدل مدل

ا ل ع ا ز م ي
05-02-2008, 14:38
مافيه احد يفيدكم بالزواج من غير المواطنه كثري !
أنا سعودي وامي كويتيه .
الصراحه هالزواج عادي جداً بس فيه سلبيه وحده ..
إن جلست عند عماني قالوا خلك نصراوي .. وان رحت خوالي قالوا خلك قدساوي ..
واحترت الصراحه وتعقدت يوم اني ورع " ازغيرون لغير الناطقين باللهجه البدويه :p " وكنت على وشك أنهيار نفسي عصبي حاد بس الله ستر .
من اجل هالسلبيه ما أؤيد الزواج اللي كذا وخلوا كل واحد يشجع على راحته خخخ


أيضاً من السلبيات ان ابو شايع صار خالي ههههههههههههه
ابو شايع مسسسسسسسسسسسيك بالخير .. ترا اقصد الايجابيات بس خطأ مطبعي:D



أنا أؤيد الزاوج من بنت ديرتي وجماعتي .. وش لي بالسفر والجوازات والحدود .. ديرتك ويالله السلامه .
بعدين تراني من مناصري المرأه الخليجيه .. بلا لبنانيات بلا سوريات بلا نيله !
أهل الخيل يقولون ما مثل الفرس العربيه .. وانا أقول في الحريم مامثل الخليجيه .


بس الله يهديهن من تالي خربت علومهن ! صايرات مايعرفن يطبخن !! افا يا ذا العلم .. كله الا هالشي عاد .. مستعد أتحمل كل شي الا ان البنت ماتعرف تطبخ هذي فيها قبايل وعيب ٍ طايل




قبل أن أختم مرافعتي ايها الساده المحلفين :


رجاءاً من الاخوات اللي هنا قاعدين يمدحون الايطاليين ! رجاءاً راعوا مشاعري انا وابوشايع وعويد والشباب الزكرت اللي هنا ههههههه
ترا أهم شي جمال الاخلاق < جمال الضعوف :lol:


اخوكم العازمي .. الملقب عند جماعته بـ " شبيه توتي ;) " < يصير خير هههههه

ا ل ع ا ز م ي
05-02-2008, 14:48
عفوا ً غيرت رايي !
من شوي كنت بأحد المواقع .. والصراحه تبدلت قناعاتي !
أؤيد الزواج من الخارج ..
أويليييييه يا كازابلانكا !
صح اني ماراح أفهم شي من كلامهم بس ولو .. لازم هالحب يتعدى الصعاب
الوعد موروكو جعلها السيل


< قناعاته تتبدل في أجزاء من الثانيه :p

N.a.9.e.R
05-02-2008, 14:55
الزواج لازم ينظر له بمنظورين ..
الاول من ناحية الدين والثاني من الناحية الاجتماعية ..

معايير اختيار الزوج او الزوجة :

1- الدين

2- الحسب والأصل

3- الجمال

4- المال

5- الأبكار ( الي لم يسبق لهم الزواج )

6- الودود والولود ( ان الرجل والمرأة يكون فيهم ود ومحبة والمرأة تكون قادرة على الانجاب )

7- العقل

8- الاغتراب ( يعني مو من اهلك القريبين حيل ) ..




أويليييييه يا كازابلانكا !



ههههههههههههه ..
الله يقطع بليسك يالعازمي ..
أجل اذا خذيت كزابلنكية ما اوصيك ابي اختها .. :p

Prussia
05-02-2008, 18:12
الريال شايل عيبه :p
بالله بشنو شايل عيبه ؟؟؟ !! بلو ويست و السابdكي و المغازل و القز و الخرابيط !! و كل هذا شايل عيبه !!! و غير السوالف الثانية الي نسمع فيها واعتقد عرفتو شقصد فيه !! واضحه
و للاسف هالنظرة قديمة و خاطئه و بالسبعينات كانت موجودة !!
يعني قبل لا يتزوج يكون مكلم الف وحدة و برايك هذا صح ؟! و حتى بعد ما يتزوج تلاقي يتلفت يمين و يسار ؟؟ و بنهاية البنت لمن تدري انه ريلها يخونها تطلب الطلاق لانها تكتشف انه ريلها مو مال مسئولية ..
ماكو وحده الحيين ترضى تتزوج وااحد مغازلجي و من هالخمة و الاشكال الي تشوفونها الحيين ولا ليش اهل البنت يسالون على خطيبها ! و على فكرة ترا البنات " ينقرفون " من اشكال و تصرفات الشباب الحيين !
وانا من رايي ومثل ما الاهل متشددين ع سالفة البنت لمن تكلم وااحد لازم يتشددون على ولدهم
لانه مو حلو الواحد ياخذله وحده " شريفة " و عفيفة" من بيت اهلها و اهو تلاقي مكلم مليون وحده قبلها !!

للاسف ما توفعت هالنظرة الرجعية موجودة للحين :rolleyes:

BuJweS
05-02-2008, 19:29
مـكاي انا ويـاك ,,

الريـال شـايـل عيـبه ;) ,,


شـاديـة ,,

للاسف ما توفعت هالنظرة الرجعية موجودة للحين :rolleyes:
لـين اللـه يـاخذ امـانتـه :) ,,

Prussia
05-02-2008, 19:35
مـكاي انا ويـاك ,,

الريـال شـايـل عيـبه ;) ,,


شـاديـة ,,

لـين اللـه يـاخذ امـانتـه :) ,,

يعني انت ترضى واحد مكلم الف وحدة و بعدين يتزوج وحدة " برئية " و " شريفة " طالعة من بيت اهلها ما تعرف شي ؟!:)

هاشي عندك عادي ؟! وبرايك هالشي صح ؟؟
يعني حلال الواحد يسوي هالشي ؟؟!!


جاوبني ع هالسؤال؟

BuJweS
05-02-2008, 19:39
يعني انت ترضى واحد مكلم الف وحدة و بعدين يتزوج وحدة " برئية " و " شريفة " طالعة من بيت اهلها ما تعرف شي ؟!:)

هاشي عندك عادي ؟! وبرايك هالشي صح ؟؟
يعني حلال الواحد يسوي هالشي ؟؟!!


جاوبني ع هالسؤال؟

تسال عنه وخلاص :) ,, انا شكو ارضى ولا ما ارضى :D ,,

Prussia
05-02-2008, 19:42
تسال عنه وخلاص :) ,, انا شكو ارضى ولا ما ارضى :D ,,

الي اقصده برايك هالشي صح ؟؟ بس جاوبني ع هالسؤال؟ مو بس تسال عنه و خلاص ؟
ودام تسال عنه مثل ما تقول معناته مو شايل عيبه لانه مو معقوله بتاخذ وااحد مغازلجي !

mustache
05-02-2008, 19:42
اخوكم العازمي .. الملقب عند جماعته بـ " شبيه توتي ;) " < يصير خير هههههه



أنا أشهد .. بس على جنب .. تقلب على سعد الحارثي شوي :lol:

GoLcHia
05-02-2008, 19:45
المـره نفسـها تقـدر تنهي صلاحية هـ المقوله .. أنا عن نفـسي ماراح أرضـى بأي واحد فيـه عيـب "أخلاقي" على أسـاس إنه شـايل عيـبه .. اللي يعربد بـ حياته ويخربط يتحمل نتيجة أفعاله سواء ريال ولا مـره ..

----

Sneijder , بوناصر , مدمنه , r16 , حمود عرباوي ,A.B .. :)

Prussia
05-02-2008, 19:48
المـره نفسـها تقـدر تنهي صلاحية هـ المقوله .. أنا عن نفـسي ماراح أرضـى بأي واحد فيـه عيـب "أخلاقي" على أسـاس إنه شـايل عيـبه .. اللي يعربد بـ حياته ويخربط يتحمل نتيجة أفعاله سواء ريال ولا مـره ..

----

بوناصر , مدمنه , r16 , حمود عرباوي , A.B .. :)


بالضبط مو معقولة
لا الواحد بياخذ وحدة " رايحة فيها "
و الوحدة بتاخذ واحد " يخربط "

BuJweS
05-02-2008, 19:50
الي اقصده برايك هالشي صح ؟؟ بس جاوبني ع هالسؤال؟ مو بس تسال عنه و خلاص ؟
ودام تسال عنه مثل ما تقول معناته مو شايل عيبه لانه مو معقوله بتاخذ وااحد مغازلجي !


كيييييييفها ,, ممكن ترفض الريال عشان يشرب زقاير عشان قصير عشان خشمه عود ,,

يبقى الريال شايل عيبـه ,,


المـره نفسـها تقـدر تنهي صلاحية هـ المقوله

كل مالها وتزيد واقعية قصدج :) ,,

Prussia
05-02-2008, 19:54
كيييييييفها ,, ممكن ترفض الريال عشان يشرب زقاير عشان قصير عشان خشمه عود ,,

يبقى الريال شايل عيبـه ,,



كل مالها وتزيد واقعية قصدج :) ,,

شلوون بالله شايل عيبه فهمني ؟؟
احنا مو قاعدين نتلكم عن الشكل ؟ قاعدين نتكلم عن الاخلاقيات ؟

وممكن ترفض لانها اكتشفت انه راعي عنده سوالف مو زينة !! ما كو بنت تقبل تتزوج بوااحد عنده سوالف !!
طالما المرة ترفض خطيبها اذا اكتشفت انه مو زين يخربط معناته مو شايل عيبه !:)
هالنظرية " مو موجودة "


قولجية هالكلمة منتهية صلاحيتها من زماان و الصراحة من زماان مو سامعه عنها

mustache
05-02-2008, 19:55
إي يبا الريال شايل عيبه .. مقولة مأثورة ..

GoLcHia
05-02-2008, 19:57
كل مالها وتزيد واقعية قصدج :) ,,

عيل ليش الناس تسأل قبل لا يوافقون ؟! يكفي انه يتقدم "ريال" ويوافقــون كونه شايل عيــبه ..

صدقني محد شايل عيبه !! لمه تخربط وتيي تتقـدم ويسئلون عنك , والناس ما يمدحونك ويتحجون عن خمالك محد بيرضـى فيـك "إلا اللي بايع بنـته" وقتـها ماراح يكون الريال شايل عيـبه .. :)

علي العربي
05-02-2008, 20:05
أخوي ابـ عسكر ـن ،
كلامك أتفق معاه مثل ما يقول علماء الفقه بـ( المفهوم ) لكن أختلف معاه بـ ( المصداق ) ، يعني بشكل عام كلامك صحيح ما عندي أي اعتراض عليه لكن في تشعباته و خصوصيته أختلف معاه ..
سابقا لما يقولون : إذا تبي تربط ولدك و تسنعه زوجه ،
فهذا لايمانهم بان روح المسؤولية موجودة عند ولدهم و مزروعة فيه لكنها بحاجة لتربة صالحة تنبت فيها ، التربية مسؤولة الاسرة و طالما أنها مثلت صورة الترابط الاسري و نمّت حس المسؤولية و أوجدته عند افرادها فإن هذي الصورة قابلة للتحقق بالواقع مع أي ارتباط لأن الارضية الصلبة اللي يبنى عليها هذا الارتباط موجودة .. مثل ما يقولون : الرجال مخابر لا مظاهر ، يعني أن الكامن في داخله هو حقيقته و جوهره لا الظاهر عليه .
اللي صاير حاليا إن هذي المفاهيم ما عادت لها القدرة على الانتقال بين الاجيال .. الاجيال قاعده تنشأ في ظل تفكك أسري أو بُعد أسري يزرع في افراده مفهوم الأنانية لا المشاركة ، الزواج أصبح مجرد ( تقضية ) وقت عند الناس ... الرجل يصرف على نفسه ، و المرأة تصرف على نفسها من معاشها في ظل انعدام مصاديق المشاركة و المعاونة ... هذا الكلام هو جزء متفق عليه بيننا ...
لكن ، ما أقوله إن البيض لا يوضع كله في سلة واحدة .. أطراف المجتمع كلها متشاركة بنفس النسبة في صنع هذه الصورة القاتمة ، رمي الثقل كله على طرف واحد و إخلاء مسؤولية الطرف الثاني شيء غير عادل من وجهة نظري ...
أيّام المتوسطة ( 4 سنين ) كان الوالد الله يرحمه ياخذني معاه إلى شبه ديوانية كل جمعة في مكتب أحد أصدقائه المحامين يجتمعون فيها و يسولفون بكل القضايا ... وقتها كنت أقضي أغلب وقتي مع المستشار المصري اللي يراجع القضايا ... مرت عليّ قضايا بالاحوال الشخصية مضحكة و مبكية بنفس الوقت ... تظهر بوضوح أن منحنى المسؤولية الاجتماعية عند الشباب من الطرفين هو في انحدار مستمر ، لذلك أنا ألقي باللوم على الطرفين مو على طرف واحد ... لأن من اللي شفته و سمعته إن الأسرة و الزواج صارت مجرد واجهة أمام المجتمع ، و خلف هذه الواجهة يتحرر الانسان من اغلب الالتزامات الاخلاقية و الدينية و الاجتماعية اللي يقررها الزواج .
اللي يلعب قبل الزواج سواء ذكر او انثى من المستحيل غالبا ان يستقيم بعد الزواج ... لأن من شبّ على شيء شابَ عليه !

Prussia
05-02-2008, 20:08
إي يبا الريال شايل عيبه .. مقولة مأثورة ..

لا طبعا !!

BuJweS
05-02-2008, 20:14
علمهم يالنسيب :\ ,,

-

مادري ليش مكثرين بالحجي ,, احاجي فرنسيات انا ولا شنو؟ ,, لما يكون فلان عنده علاقات ,, نفس لما تكون فلانة عندها علاقات ؟؟

والله شي غريب ما جنكم معانا بنفس المجتمع ,, الريال شايل عيبه ,, ظلم ولا حكم القوي ,, المهم هذا اللي صاير ,,

اما انه منتهية صلاحياتها ,, بقول مثال الزقاير ,, قبل اللي يدخن محد يبيه ,, البنت ترفضه عشانه يدخن ,, اما الحين شي طبيعي جدا ,, وممكن وحده من الف ترفض عشان هالسبب ,,

وقت الصجية يبين الحجي ,, مو حجي منتديات !! ,,

-

سوري شادية اقين :o ,,

Prussia
05-02-2008, 20:20
علمهم يالنسيب :\ ,,

-

مادري ليش مكثرين بالحجي ,, احاجي فرنسيات انا ولا شنو؟ ,, لما يكون فلان عنده علاقات ,, نفس لما تكون فلانة عندها علاقات ؟؟

والله شي غريب ما جنكم معانا بنفس المجتمع ,, الريال شايل عيبه ,, ظلم ولا حكم القوي ,, المهم هذا اللي صاير ,,

اما انه منتهية صلاحياتها ,, بقول مثال الزقاير ,, قبل اللي يدخن محد يبيه ,, البنت ترفضه عشانه يدخن ,, اما الحين شي طبيعي جدا ,, وممكن وحده من الف ترفض عشان هالسبب ,,

وقت الصجية يبين الحجي ,, مو حجي منتديات !! ,,

-

سوري شادية اقين :o ,,


وقت الصجية الاهل يسالون ولمن يكتشفون انه الريال مو مال زوااج يرفضونه و حتى البنت ترفضه !! هذا الي بصير و معناته انه الناس رفضو بسبب " عيوبه "
لانه الناس ما راح تمدحه و بتقول انه عنده سوالف و يسوي جذي و جذي !!


وهالشي يبين انه هالمقولة " مو مجودة بهالوقت "

اللي يلعب قبل الزواج سواء ذكر او انثى من المستحيل غالبا ان يستقيم بعد الزواج ... لأن من شبّ على شيء شابَ عليه !

هذا الحجي الصح !

BuJweS
05-02-2008, 20:23
تسال عنه وخلاص :) ,, انا شكو ارضى ولا ما ارضى :D ,,


.............................


وافقيني من الاول وخلاص ليش الطواله :rolleyes: ,,

mustache
05-02-2008, 20:26
علمهم يالنسيب :\ ,,

-
اما انه منتهية صلاحياتها ,, بقول مثال الزقاير ,, قبل اللي يدخن محد يبيه ,, البنت ترفضه عشانه يدخن ,, اما الحين شي طبيعي جدا ,, وممكن وحده من الف ترفض عشان هالسبب ,,



مو جذي .. هذا إذا ما تدخن المحروسة .. صرنا بزمن عجيب !!

mustache
05-02-2008, 20:29
لا طبعا !!



أنا بالدوام ألحين .. و بصراحة مو قادر أرد رد مفحم .. قاعد أحذف رتوش .. يبيلكم فضاوة علشان أستلمكم أنا و النسيب :/

Prussia
05-02-2008, 20:30
.............................


وافقيني من الاول وخلاص ليش الطواله :rolleyes: ,,


لا طوالة ولا شي !!
انت كنت تناقض نفسك ببعض الردود !!
واعتقد وجهة نظري صارت واااضحة و ما نبي نخرب الموضوع و هذا اخر ر لي بهالنقطة

BuJweS
05-02-2008, 20:30
انا ما ادخن !! اهما قاموا يدخنون :\ ,,

GoLcHia
05-02-2008, 20:32
بو جويس .. إفهمني !!

االمقوله تقـــول "الريال شايل عيبــه" !! هل الريال شايل عيبـه ؟! الحيــن بمجتمعنا اللي يغلط ومعروف انه "رايح فيـها" ماراح تأثر عليـه هالشغله وقت الزواج لأنه شايل عيبــه ؟!

خل عنــك نسبة تأثير الغلط على الريال أو على المــره .. مو هذا الموضــوع !!

المــثال دايماً يقرب الصــوره ..

خنقــول ..إختك تقدم لها واحــد خربان منتــهي .. بس "ريال" .. تقولها مو مشكله الريال شايل عيبـه ؟! إخذيه ؟!

BuJweS
05-02-2008, 20:33
وضحي :rolleyes: ,,

الريال شايل عيبه ,, ما يعيبون عليه هذا يكلم !! ,,

البنت لا !! اكيد يعيبون عليها ونص !! فلانة من واحد لي واحد ,,

بنفس الوقت ما انكرت انه البنت " تقدر " ترفض ,,

يحسسوني اتكلم هيروغليفي ,, ترا هذا واقع المجتمع ,, وين التناقض ؟ ,,



خنقــول ..إختك تقدم لها واحــد خربان منتــهي .. بس "ريال" .. تقولها مو مشكله الريال شايل عيبـه ؟! إخذيه ؟!

تقدم اي شخص ,, اسال عنه ,, اييب التقرير احطه عندها ,, الكلمة كلمتها بالاخير ,, اكيد بقولها هذا فيه كيت وكيت وكيت ,,

ولو سمحتي وخري عن شخصي انا ,, قاعدين اناقش الفكرة مو شخصي ولا شخصج ,, ما عطيت امثله فيكم عشان تعطون امثله فيني ,,

BuJweS
05-02-2008, 20:36
GolcHia ,, طالعتلي بكل قسم :\ ,, تعالي القسم الايطالي تنفعين انتراوية :\ ,,

Prussia
05-02-2008, 20:44
أنا بالدوام ألحين .. و بصراحة مو قادر أرد رد مفحم .. قاعد أحذف رتوش .. يبيلكم فضاوة علشان أستلمكم أنا و النسيب :/

حتى لو بتكتب رد شطوله شعرضه ما راح ارد لاني وضحت وجهة نظري ومبين انه الموضع بطول بدون ولا فايدة كل واحد مصمم على رايه للاسف !

GoLcHia
05-02-2008, 20:44
بو جويس .. يعني إنه ريال ما يعطيـه ميزه ولا يشفع له عيوبه بس هـذا اللي بوصـله شكــراً ..

خلني إهني لو أروح القسم الإيطــالي أقلبك انتراوي :x

BuJweS
05-02-2008, 20:48
حجـي منتديـات :D ,,



خلني إهني لو أروح القسم الإيطــالي أقلبك انتراوي :x

والله قوية !! ,,

Firenze
05-02-2008, 20:52
طبيـعي إذا كان سكير عربيـد محد يعطيـه اخته ..
لكن لو نقيسـها بسوالف شباب الكويت " بشكل عام " كـ القز والسفرات والفراره ..
اعتـقد لما الواحد يشوفها في باكراوند اي شخص ..
طبيعي يتجاهلها لانـها فتره شبابيـه وتنتهي مع الزواج !

ومن باب ثاني نقيسها عند الفقارا " كلنا فقراء عند الله سبحانه " ..
لو الشـخص كان صاحب ماضي " أسـود " وفقيـر ..
بيـلقا له بنت الحلال تدور الستـر وبوفره :) ..

لكن لو البنت صاحبت الماضي الاسـود وفقيـره ..
صعب حيل ان لم يكن مستحيل :)

وبذلك الرجل إلى الان شايل عيبه :)

-

نرد للموضوع ..

احصائيه طلعت قبل فتره على قناه العربيـه ..
اغلب حالات الطلاق سببهم الرئيسـي هي أم المدام :)
فـ يقولك إسئل عن ام البنت قبل لا تسأل عن البنت ..

الله يوفقـنا وياكم :)

المحتـ9ـرف
05-02-2008, 21:02
أحياناً حتى الزواج من جماعة ثانية داخل نفس البلد تترتب عليه مشاكل كثيرة ...
المشكلة، أن الزواج مو مثل الصداقة، ولا مثل الزمالة، ولا حتى مثل العلاقات الغرامية المباحة عند الغرب!
الزواج شراكة مبنية على أسس، ومقومات، وأقل ثغرة في هالأسس ممكن تهدم الزواج!
عن نفسي، أعتقد أن كل case لها ظروفها الخاصة، ولها تبعياتها ... لكني معارض بشكل عام للزواج من الخارج!
على مايقولون: الزواج منه بنفسه فيه الي مكفيه من مشاكل محتملة!
ماقاعدين نطالع الموضوع بعين متشائمة، بس بعين واقعية! المشاكل محتملة في اي علاقة حتى في الصداقة!
فالمشاكل الي في الزواج من بنت البلد بحد ذاته ماشاء الله حولها تنوزن بالأطنان، فشلون الزواج من الخارج، حتى لو كانت عربية ومسلمة!
المشاكل الي ممكن يترتب عليها هالزواج مختلفة ومتنوعة، بس من أهمها: العادات والتقاليد!
كل بلد، حتى لو كان ضمن منظومة سياسية ولا إقتصادية، له نكهته الإجتماعية الخااصة!
المناسبات والتقاليد والممارسات الاجتماعية صعب صعب تلقاها متوحدة في أكثر من بلد واحد، حتى في بلدانا احنا الخليجيين في اختلاف شاسع في الممارسات الاجتماعية!
هالاختلاف هذا يمكن يكون قضية هامشية قبل الزواج، لكن مشاكل الزواج نفسها ممكن توسع الهوة، وتصير مشكلة كبيرة!

حتى البعد الجغرافي عن الأهـل ممكن يمثل مشكلة كبيرة!
الزوجة لما تبتعد عن أهلهـا، وتحس نفسها في غربة دايمة عنهم، تصير صعبة المزاج، وممكن تضخم الأمـور بشكل خيالي!
هذي أمـور نفسية، مافي شي يقدر يضمن لك انها ماراح تكون موجودة!
بعض الأزواج يكونون مستعدين يتزوج المرأة، وياخذ أهلها معاهـا، لبلاده، لكن هذي بالذات أكبر مصيبة :D

bnt_jaber
05-02-2008, 21:15
يعطيكم العافيه علي الموضوع الشيق...
حبيت اعلق علي كلام السويد

حصائيه طلعت قبل فتره على قناه العربيـه ..
اغلب حالات الطلاق سببهم الرئيسـي هي أم المدام :)
فـ يقولك إسئل عن ام البنت قبل لا تسأل عن البنت

كلام سليم 100% ووو ترى ام الريل تسوى بلاااوى اذاا ما كانت حابه البنت اللهم يا كاافى خصوصا اذا ساكنين بنفس البيت....

انا ضد الزواج من بره الكويت ((عقليه قديمه))

ولو انه زايديين اللى ياخذون من بره (( ومن الحب ما قتل))
حلاته الواحد ياخذ منه و فى .


واللى ياخذله اجنبيه عاداتهم و تقاليدهم غير عنه تحكمنه عاداتنه و تقاليد ديرتنه ممكن الزوااج ما يستمر بينهم الا اذا اهوه تنازل عن بعض الشغلات عشان يراضيها..

GoLcHia
05-02-2008, 21:16
بو جويس .. :p



طبيـعي إذا كان سكير عربيـد محد يعطيـه اخته ..
لكن لو نقيسـها بسوالف شباب الكويت " بشكل عام " كـ القز والسفرات والفراره ..
اعتـقد لما الواحد يشوفها في باكراوند اي شخص ..
طبيعي يتجاهلها لانـها فتره شبابيـه وتنتهي مع الزواج !

ومن باب ثاني نقيسها عند الفقارا " كلنا فقراء عند الله سبحانه " ..
لو الشـخص كان صاحب ماضي " أسـود " وفقيـر ..
بيـلقا له بنت الحلال تدور الستـر وبوفره :) ..

لكن لو البنت صاحبت الماضي الاسـود وفقيـره ..
صعب حيل ان لم يكن مستحيل :)

وبذلك الرجل إلى الان شايل عيبه :)


السويد .. كلنا نعرف العيــب و المو عيــب .. مو تقولي قز وفراره .. العيب المقصـود فيـه عيـب جـايد خلقـي أو خُلقـي ! وهذا اللي أقـول فيـه انه ما يشيله شـي لا ريال ولا مـره ..

بالنهايه الطيـبون للطيـبات والخبيثون للخبيـثات .. والله يكتب اللي فيـه خير للجمـيع !

وسـوري ما فهمت نقطـة الفقـاره ..

المحتـ9ـرف
05-02-2008, 21:51
موضوع الريال شايل عيبه موضوع طويل والنقاش فيه يحتاج لمنتدى لحاله :p
بس أتفق مع الشباب فيه جزئياً، مو كلياً : /

زهـرة العشـاق
06-02-2008, 00:05
لا طوالة ولا شي !!





انت كنت تناقض نفسك ببعض الردود !!


واعتقد وجهة نظري صارت واااضحة و ما نبي نخرب الموضوع و هذا اخر ر لي بهالنقطة


لا تحرقين اعصابج , هذا مجتمعنا وهذا تفكيره للاسف :rolleyes:

يعني لو بتقعدين تتكلمين من الحين لي الصبح مراح تقدرين تغيرين شي :)

بمجتمعنا الريال شايل عيبه والبنت ماكله ....

بس عند ربج سواسيه ( والزاني والزانيه )

ومثل ماقالت قولجيه ( الطيبون للطيبات والخبيثون للخبيثات )

وتسلمين على مرورج :)






نرد للموضوع ..

احصائيه طلعت قبل فتره على قناه العربيـه ..
اغلب حالات الطلاق سببهم الرئيسـي هي أم المدام :)


صح

محد يشيش البنت غير امها او رفيجاتها

ونفس الحاله الرياييل , الرياييل العن بعد بسرعه يتكوكون خاصه اذا كانوا شياب ( ابهات )


والباجي شكرا على مروركم :)

owid
06-02-2008, 00:14
:



رجاءاً من الاخوات اللي هنا قاعدين يمدحون الايطاليين ! رجاءاً راعوا مشاعري انا وابوشايع وعويد والشباب الزكرت اللي هنا ههههههه
ترا أهم شي جمال الاخلاق < جمال الضعوف :lol:



اخوكم العازمي .. الملقب عند جماعته بـ " شبيه توتي ;) " < يصير خير هههههه


هييييه انت لاتحشرني وياك يالجيكر:p
تراني قسم قسمات اطخم:cool::o
لاتخليني اتهور واحط خشتي
تحت نكي:mad:..
,,,,,,,,,,,,,,,,
بعدين ترا معلّق بالموضوع انا نفسه
وقايل انه ونا زغيرون
هههههه
بس ينادوني راح اللبناني جا اللبناني<<هي الفلسطيني الصراحه
بس كلهم عيال عم ماتفرق كثير:o..
,,,,,,,,,,
بعدين انا معارض للزواج بالاساس:o
بلازواج بلاهم
خلك عزوبي وهواوي:p
ان الله عطاني عمر بصير اشهر عزوبي بالخليج:D



دمتم بحب..,
----------

نـــدى
06-02-2008, 00:54
يمكن بطلع بره موضوع شوى سوري عشوقه:)
على طااري الايطاليين:eek:
تذكرت هموضوع :o
تذكرون الحرب على الشيشان
مطاوعه لكويت قالوا لازم نتزوج شيشانيات في حرب وخايفين عليهم من الروووس:cool:ويبون ياخذون فيهم اجر:rolleyes:
مساكين الصوماليات والسودانيات قطعتهم لحرووب محد معبرهم:o:D