المساعد الشخصي الرقمي

مشاهدة النسخة كاملة : وأخيراً .. جدول حفلات هلا فبراير



الصفحات : [1] 2

S a h m
11-02-2008, 23:57
جــدول الحــفــلات الغـنــائــيــة



http://hudahussain.net/ads/halafeb/111111.jpg



جدول الحفلات بعد التعديل الأخيـر ..

http://www.kuwaitup.net/up/uploads/4850-8986-5707.jpg

elly neSak
11-02-2008, 23:59
نــوال وراشــد آخــر حفلـه صـح ؟! :p

S a h m
12-02-2008, 00:05
محد يدري منو المفاجأة ..

صج غباء من اللجنه المفروض يقولون منو المفاجأة علشان يزيد الاقبال على التذاكر خصوصاً إن نوال من الحفله إللي فاتت للحفله الجاية مو منزله البوم يعني ماعندها جديد ..!!؟

في ناس يقولون ممكن ماجد المهندس ( يارب صج ) .. وناس يقولون مشعل العروج ..@@ ( حده ماكو شغل ) ..!!

KinG^BaLL
12-02-2008, 00:05
يـــبيله حفله اصـاله والجسمي ،، ونـوال ..

S a h m
12-02-2008, 00:07
انا عن نفسي راح أحضر 3 حفـلات ..



6/3/2008 عبدالله الرويشد .. فضل شاكر .. يارا

7/3/2008 أصاله .. حسين الجسمي ..ثامر حسني

13/3/2008 نبيل شعيل .. إليسا ..محمد حماقي

Lazio 4 Ever
12-02-2008, 00:10
مو قالوا راشد وعبدالمجيد بيغنون هالسنه .. ؟!

مالنا الا بونوره ..

مدمنه*القادسيه
12-02-2008, 00:12
6/3/2008 عبدالله الرويشد .. فضل شاكر .. يارا

مباراة القادسيه × العربي ! لوولز ،، ناطرين الحفلة وتمنيت يكون بروحه !

bnt_jaber
12-02-2008, 00:14
يعطييك العافيه عالجدول...

الله علييك يا بو نوووووووره :o

الحلوو بالموضوووع انه قناه الرأى بتقل الحفل مباشره;)

S a h m
12-02-2008, 00:15
اشوه ان حفله اصاله بتاريخ 7 - 3 لأن انا راح اكون بالكويت تاريخ 6 - 3
راح تطوفني حفله ابونورة :( .. بس راح الحق على حفله القاهـره :D:p

http://www.tftesh.com/uploads/2/20080209864844188.jpg

للأصـالـه .. والطـرب عنوان واحـد ;)
أصـالـة بنـت نصـري :cool:

bnt_jaber
12-02-2008, 00:17
بالسلاامه يا بو فهد.. تابعهاا علي قنااه الرأى نقل حصرى

S a h m
12-02-2008, 00:20
8 8

إن شاء الله واتوقع ان ابو نورة راح يهديني أغنية الهوى غايب لي انا بس لوووووووووووووول

Bo Hashem
12-02-2008, 00:28
شفيهم ما ايبون راشد و عبد المجيد !؟!؟

بحاول احجز حق حفله الرويشد .. ولو صعبه .. الي عنده ياهل يعرف ليش :p :(

بصراحه المفروض بالختام الرويشد يا بروحه او بالكثير معاه واحد

لان الكل شايف شلون قوه جماهيره بالكويت و شلون " يكتض " المدرج من الناس و حراره المسرح !!

اصلا بو خالد مايبدع الا بهلا فبراير !

ظلم :(

A.B
12-02-2008, 00:49
ماكو شغل يايبين حماقي و تامر حسني

Bourne
12-02-2008, 00:57
اتوقع عبادي المفاجأة

Firenze
12-02-2008, 00:57
تامر حسني وحماقي ! ليش ! تدورون الرخص ؟
وين عبدالمجيد وين راشد وين انغام !!
ع الاقل في مطربين شباب كويتيين .. هذول من غير ماتعطونهم فلوس بيغنون !

GoLcHia
12-02-2008, 00:59
يضيقون الخـلق الأســامي .. ماكو إلا رويشــد وعبده واصــاله والجسمـي ! البـاجي ما يسـوى اروحلهم حفله ..

تامر ومحمد حمـاقي ؟! مــــادري ليش ..

بشــار الشطــي ؟! 3 حفلات هلا فبراير يغني وما عنـده إلا شريطــين !!

إليســـا ؟! لو ميريام فارس اوكي ! :rolleyes:

وين راشــد المــاجد , عبدالمجيــد عبدالله , أصيـــل , نجــوى كرم .. شيرين موصله بـ تولد عشان جـذي اعتذرت اعتقـد ..

بومبـارك
12-02-2008, 01:01
ما يشوفون شر :)

Totaalvoetbal
12-02-2008, 01:02
شفيهم ما ايبون راشد و عبد المجيد !؟!؟

بحاول احجز حق حفله الرويشد .. ولو صعبه .. الي عنده ياهل يعرف ليش :p :(

بصراحه المفروض بالختام الرويشد يا بروحه او بالكثير معاه واحد

لان الكل شايف شلون قوه جماهيره بالكويت و شلون " يكتض " المدرج من الناس و حراره المسرح !!

اصلا بو خالد مايبدع الا بهلا فبراير !

ظلم :(
يازين العزوبيه :p

ان شاء الله بروح لها :D

قد(للابد)ساويه
12-02-2008, 01:02
7/3/2008 أصاله .. حسين الجسمي ..ثامر حسني


والحفلة الختاميه ستكون غيثارة الخليج نوال بجانب فنان سيكون مفاجأة المهرجان وذلك في 14/3/2008




وااااو الجسمي واصاله وثامر هذا الحفله اقوى حفله

ناطرين رويشد وابداعه واكيد بيكون مسك الختام ويبدع لي الفير

واتوقع عبدالمجيد او راشدالماجد او عمرو دياب مع نوال

S a h m
12-02-2008, 01:03
إليســـا ؟! لو ميريام فارس اوكي ! :rolleyes:



لااااااااااا .. الله خلق وفرق

على العموم قبل شوي اتصل علي واحد يقولي 80% المفاجأة راغب علامـة ..!!؟!؟ بس مومتأكد

Lazio 4 Ever
12-02-2008, 01:06
اسامي تضيق الخلق يابوشهاب .. :(

Bo Hashem
12-02-2008, 01:09
اتوقع عبادي المفاجأة

بل بل .. حق النوم :o صنم قاعد يغني :o

bnt_jaber
12-02-2008, 01:11
رااغب علامه وو مفاجئه :p

Fc BaRcElOnA
12-02-2008, 01:12
وييييع .. وين راشد و عبدالمجيد ؟!
اذا هالـ 2 مو موجودين ! .. لا تنطرون شي من المهرجان ..

GoLcHia
12-02-2008, 01:13
لااااااااااا .. الله خلق وفرق




بوفهد ما اردى من المربوط إلا المفتلت ..

Bo Hashem
12-02-2008, 01:13
^^

شكلهم معتمدين على نوال و محمد عبده و الرويشد و الجسمي و اصاله !

حتى المليق عمرو دياب ماكو

مستانسلي يايبين اليسا !! حمدالله و الشكر

شقردي كويتي
12-02-2008, 01:14
اهم شي مطربه الخليج الشعبيه احلام مو موجوده ..

المهرجان سمعته احلى بدونها ...

شقردي كويتي
12-02-2008, 01:21
بالصوره ... كلهم موجودين بالجدول ماعدى صوره راشد موجوده لكن بالجدول موموجود اسمه

الظاهر الحفله الاخيره راشد و نوال و ديوتو مشترك

Firenze
12-02-2008, 01:23
اهم شي ان راغب علامه مفاجئه :p

Amer
12-02-2008, 01:29
شكله راشد الماجد لأنه صورته بالبوستر .. !!
هذا بوستر الحفل ؟! هالسنه .. !

S a h m
12-02-2008, 01:31
مالت عليهم من مفاجأة ..

راغب علامـه بالختام مع نـوال رسميـاً :(

bnt_jaber
12-02-2008, 01:32
شقرردى لا تسمعك احلام وات تقول عنها شعبيه تررى تزعل :p

S a h m
12-02-2008, 01:33
شكله راشد الماجد لأنه صورته بالبوستر .. !!
هذا بوستر الحفل ؟! هالسنه .. !


لا .. .....

Freddie
12-02-2008, 01:37
يازين التلفزيون

tic tac
12-02-2008, 01:47
بل بل .. حق النوم :o صنم قاعد يغني غلطااان :)


معني ماحب اشوف بس

يازين التلفزيون يمكن نشوف نانسي :)

عربــاوي
12-02-2008, 03:41
وييييييييـن راشــــــد !!!!

GoLcHia
12-02-2008, 03:47
راغب عــلامه عاد !! انزين ليش مو رامي عيـــاش :x

شقردي كويتي
12-02-2008, 04:25
شقرردى لا تسمعك احلام وات تقول عنها شعبيه تررى تزعل :p


شعبيه و بتظل شعبيه .. الاستغراب هو كيف القله من بعض الناس تسمعها و هي لا صوت ولا هم يحزنون .. صج مستغرب شلون البعض يسمعلها... غيرها من المطربيين او الغنيين اعذر الناس فيهم لان لديهم بعض الموهبه لكن احلام اعووذ بالله ..

N.a.9.e.R
12-02-2008, 04:32
نوال ضروري ضروري ضروري حفلة بروحها ..
مانبي هالمفاجأة ..

لوول واهم شي رويشد اول واحد بيغني عشان مايصير فيه مثل ماصار لما كان مع سعد الفهد .. :p

=-=-=-=-=-=

ماكو شي بخصوص الامسيات الشعرية ؟!

Sneijder
12-02-2008, 04:53
مو يايبين راشد :/

ومفاجأتهم مثل وييهم

>> Rainbow <<
12-02-2008, 07:40
شفيهم ما ايبون راشد و عبد المجيد !؟!؟

بصراحه المفروض بالختام الرويشد يا بروحه او بالكثير معاه واحد

لان الكل شايف شلون قوه جماهيره بالكويت و شلون " يكتض " المدرج من الناس و حراره المسرح !!

اصلا بو خالد مايبدع الا بهلا فبراير !


ظلم :(
حددددددددددددده ظلم واللـه :cry2:

وبالنسبه لراااشد وعبدالمجيد ..
بالراي سئلوهم عن راشد وعبدالمجيد ؟ قالوا انهم دزوا دعوات حق الكل
والي ردوا عليهم الي موجودين الحين بالجدول
يعني رااشد وعبدالمجيد ما ردوا عليهم لي الحين ؟!


واهم شي الغثيث عمرو مو موجود :p
وإذا كاانت مفاجأتهم رااغب فما يشوفون شر :s


ناصر
الامسيات الشعريه لي الحين ما حددوا الشعراء !

N.a.9.e.R
12-02-2008, 07:44
بلا اغاني بلا بطيخ ..
نبي امسية لشعراء المليون ..
وامسية فيها سعد بن علوش ومحمد بن الذيب ..
وامسية بن فطيس و ياسر التويجري ..

اللللللللللله .. :d

scheelite
12-02-2008, 08:21
عمري مافكرت اروح

وحتى بالتلفزيون ما اشوفهم بس اشوف شلابسين واغير لوول :p

Bati
12-02-2008, 08:46
شعندي أحضر لكل الموجودين ما عدا عبده :)

mustache
12-02-2008, 09:55
لا راشد ولا هاني شاكر ؟؟

Bo Hashem
12-02-2008, 10:01
^^

شاكر ؟؟ تتوقع عنده جمهور غيرك بالكويت ؟ :p

mustache
12-02-2008, 10:04
^^

اصدمني أكثر .. بروحي أنا الوحيد اللي بالدوانية اسمعله :confused:

Henryq8
12-02-2008, 10:36
راغب علامة المفاجأه؟!!!!!!!!!..

مادري شايفينه زلمات بنرقص يعني ولا بنهزه فوق الكرسي اذا سمعنه راغب يااااااااااااااي رااغب ..

وين راشد وعبدالمجيد؟!! نبي اسبااب .

Henryq8
12-02-2008, 10:39
نصاب + مينخاوي ,, lol ..

هاذي اخرتها هاني شاكر بقى سعد الصغير وتكمل اغنيتـه هاذي وواواواو هاذي لما اسمعها استشهد حاس اني قاعد اللفظ انفاسي الاخيره.

mustache
12-02-2008, 10:44
^^

أنت من صجك ؟؟
هاني شاكر يغني قبل لا نبصر النور أنا وياك .. شقاعد تقول أنت ؟؟ .. تدري إنه أول مغني عربي يغني بالصين ؟؟
شقاعدين تقولون أنتوا ؟؟ :mad:

طـويل الـعمر
12-02-2008, 11:12
حرام والله لا راشد ولا عبدالمجيد !!

في مطربين زيادة عدد ومالهم داعي وفي مطربين مادري وين هالمهرجان عنهم

Bo Hashem
12-02-2008, 12:39
نصاب

عاد الصين ؟؟ شموديه ؟ :o

المهم الناس اذوااق شنسوي .. بس صعبه ايبون هاني شاكر ! بعز ايامه ما اعتقد اصلا عنده جمهور كويتين !

المهم انا بس اسمع خليجي فا لاتاخذ مني شي .. ما استمتع بالمصري او اللبناني .. بستثناء عبدالحليم :o

bnt_jaber
12-02-2008, 12:52
فى اخبار عن المفاجاه ولا بعد ؟؟

جان زيين امسيه شعريه لخالد الفيصل واسير الشوق ;/

mustache
12-02-2008, 13:01
^^

رسميا راغب علامي :/

makkay
12-02-2008, 13:11
محد يستاهل
ثانكسيو

Henryq8
12-02-2008, 13:22
نصاب .. كفوه :p

bnt_jaber
12-02-2008, 14:07
نصااب.. اعلنووو عنه وبعدهم مفاجئه ؟

كلش مو من زيينه و مخلينه مفاجئه :rolleyes:

THe ShaRk
12-02-2008, 14:29
انا اتمنى تكون في حفله حق راشد الماجد وهاني شاكر

Discovery
12-02-2008, 14:30
المفروض عبدالله رويشد حفله بروحه
المفروض عبدالمجيد حفله بروحه

وين اللي يقدّر الفنانين

H@$$oOoN
12-02-2008, 14:51
يبيله بشار الشطي

يعطيك العافيه اخوي على الجدول والموضوع

Carles Puyol
12-02-2008, 14:54
7/3/2008 أصاله .. حسين الجسمي ..ثامر حسني


أقـوى حفلة

خصوصا فيها أصالة وتامر حسني

:hot:

اليوفي
12-02-2008, 15:54
الحفلات هالسنه اقل من السنه الي فاتت بوايد :)

لكن ان شاء الله رايح حفلة رويشد رايحلها :)

mustache
12-02-2008, 16:51
نصاب .. كفوه :p

:(


نصااب.. اعلنووو عنه وبعدهم مفاجئه ؟

كلش مو من زيينه و مخلينه مفاجئه :rolleyes:


على حسب كلام بو فهد في رد سابق في نفس هالموضوع ..


انا اتمنى تكون في حفله حق راشد الماجد وهاني شاكر

الحمدلله .. بدت تطلع الناس اللي تقدر الفن ..

ا ل ع ا ز م ي
12-02-2008, 18:09
ناصر فارس السبيعي " الفراعنه "
محمد مريبد العازمي
عبدالرحمن عادل الشمري
هذول الشعراء السعوديين المشاركين في الامسيات الشعريه

الباقين ماادري عنهم وليت تفيدونا .


بالتوفيق لعموم الشعراء ولأبو مريبد بالخصوص :)

Fahad
12-02-2008, 18:25
دام راشد مو موجود .. حفلات هلا فبراير كلها " ولا إبيّزه " هالسنه .. إلي يشفع لهم وجود أصاله فقط وعطفا ً على إلي معاها بتكون أنجح وأقوى حفله هالسنه :)

Lazio 4 Ever
12-02-2008, 19:57
تتوقعون بونوره بيغني من البومه اليديد .. ؟؟

mustache
12-02-2008, 19:59
^^

ضروري ..

Lazio 4 Ever
12-02-2008, 20:05
^^

ضروري ..

مبروك المفاجأه راغب علاااااامي :)

mustache
12-02-2008, 20:24
^^

لووووووول .. ضحكتني أخ سالم ..

Mehmet Scholl
12-02-2008, 20:42
اهم شيء محمد عبده حفلته برووووووحه ;)

Fahad
13-02-2008, 16:18
اليوم على مرينا أف أم أعلنوا الجدول النهائي والرسمي للحفلات وتغير وايد عن إلي بالموضوع عدلوا عليه وايد .. ومريام فارس وراشد الفارس بيكونون من ضمن المتواجدين ..


إلي أذكره من الجدول حفلة أصاله بيكون معاها راشد الفارس ونوال الكويتيه .. الوحيده إلي أحس عليها القيمه كافي " أصوله " فيها :)

GoLcHia
13-02-2008, 16:40
ومريام فارس وراشد الفارس بيكونون من ضمن المتواجدين ..






لول احب اغنيتها الخليجيه "يسألني مكـانه وين" ! :D حـلاته تغنيـها 3 مرات وتطلع ..

mustache
13-02-2008, 16:44
تغير وايد عن إلي بالموضوع عدلوا عليه وايد .. ومريام فارس وراشد الفارس بيكونون من ضمن المتواجدين

إي سمعته و يقول نانسي ياية بعد :×
بس ما قالوا عن المفاجأة راغب علامي : /

Carles Puyol
13-02-2008, 16:44
قهـر كنت ابي تامر واصالة بيوم واحد :(:(:(:(


ممكن تعيدون لنا ترتيب الجدول ؟

Fahad
13-02-2008, 16:48
قولجيه


عندها أكثر من أغنيه حلوه وبالعكس مكانه وين ماعجبتني وايد
,,


نصّاب


ماذكر قالت راغب علامه .. كان على برنامج جاي الضحى


,,


كارلوس


أتوقع بجرايد باجر يكون موجود وتعمم اليوم من اللجنه المنظمه يالغالي

mustache
13-02-2008, 17:10
نصّاب



ماذكر قالت راغب علامه .. كان على برنامج جاي الضحى




في برنامج الدوانية قالوا نانسي راح تيي .. و " بو فهد " المراقب السابق قال في رد سابق إن رسميا المفاجأة راح يكون راغب علامي : /
إي و كانوا مستضيفين رئيس اللجنة المنظمة مال المهرجان .. و هالكلام نقلا من لسانه ..

>> Rainbow <<
13-02-2008, 18:15
لول احب اغنيتها الخليجيه "يسألني مكـانه وين" ! :D حـلاته تغنيـها 3 مرات وتطلع ..

لووول اي حلوه الاغنيه وااايد .. وبعد عندها جم اغنيه حلوين بعد ;)

Sneijder
13-02-2008, 19:34
اليوم على مرينا أف أم أعلنوا الجدول النهائي والرسمي للحفلات وتغير وايد عن إلي بالموضوع عدلوا عليه وايد .. ومريام فارس وراشد الفارس بيكونون من ضمن المتواجدين ..




يا فرحتك يا مدريدي ملكي :p

قدساوي & مدريدي
14-02-2008, 00:06
ماكو شغل يايبين حماقي و تامر حسني
تعجبني .. ;)

مدريدي^ملكي
14-02-2008, 00:12
يا فرحتك يا مدريدي ملكي :p
مايبيله يسألني مكانه وين:p
معاي معاي بالحفلة:d

Sneijder
14-02-2008, 00:17
^^^

ماكو شغل اروحلها :p

شفت فيديو كلبها انت :mask:

Bo Hashem
14-02-2008, 00:25
بوخـــــــــالد راح يكسر الدنيه " كالعاده " صدقووني

و اشوف ميريام فارس جنه لها جمهور :p ??

tic tac
14-02-2008, 02:16
^^ انا من جماهيرها :p

Lazio 4 Ever
14-02-2008, 02:19
اخرتها بنروح رويشد .. :p

S a h m
14-02-2008, 04:20
جدول الحفلات بعد التعديل الأخيـر ..

http://www.kuwaitup.net/up/uploads/4850-8986-5707.jpg

الحفله الأخيره " دمـااااااااااار " .. أصاله ونـوال ..؟؟!!
موصــج

Lazio 4 Ever
14-02-2008, 04:24
حفلة بونوره و حفله بوخالد الافضل ..

GoLcHia
14-02-2008, 04:25
أقوى حفله رويشد مو عشان رويشد بس كل اللي فــيها زينيـن .. يارا فضل و رويشــد , و أفشل حفله نبيل شعيــل معاه محمد حمـاقي وإليســا ..

GialloRossi
14-02-2008, 04:28
هياااااااااا راشد الفارس

والله لو بلاش ماروحلهم لول
قواك الله بوفهد

Sneijder
14-02-2008, 06:59
حفلة الرويشد .. ونبيل .. الأقوى

ان الله كتب رايح حق وحدة من هالثنتين

الازرق82
14-02-2008, 07:04
والله حاله لازم اغاني وطرب يعني ابي افهم المهرجان بس اغاني وحفلات بس هذا الي تعرفونه بالمهرجانات ...

كل سنى ما نشوف شيئ غير حفلات غنائيه ماكو شيئ ثاني ...

شوفو دبي تعلمو منهم شوي ...

>> Rainbow <<
14-02-2008, 14:21
أقوى حفله رويشد مو عشان رويشد بس كل اللي فــيها زينيـن .. يارا فضل و رويشــد , و أفشل حفله نبيل شعيــل معاه محمد حمـاقي وإليســا ..

أتفق معااج
ونوال واصاله مع بعض تحطيييييييييييييييييييييييييييييييم !

عبدالإله
14-02-2008, 14:47
أهم شيء يشترطون على محمد عبده ما يغني من شريطه الجديد لإنه بااااااااايخ جداً :(
ياليت يلزمونه بأغانيه القديمة

هالإنسان آخر وقته صار يبدع بأغنية وحده وباقي الشريط ما يسوى ولا ريـال


طيب و الشعراء منهم هالسنة ؟!!

سعد علوش معهم ؟!! :o

Bianconri
14-02-2008, 15:15
احلى شي بالحفلات حفلة بونوره !

رايح لها ان شاء الله ..

خل نسمعه البومه الجديد مره وحده فنان العرب هذا مو حيالله !

Prussia
15-02-2008, 23:33
ماكو حفلة حق شسمونها Dido:p؟

Maldini_el_q8
16-02-2008, 00:07
^^ اي والله يا ريت يكون في حفلة حق Dido في ناس تسمعلها بالكويت :p

f.rijkaard
16-02-2008, 00:21
ويييين عمردياااااااااب

Prussia
16-02-2008, 00:23
^^ اي والله يا ريت يكون في حفلة حق Dido في ناس تسمعلها بالكويت :p


:eek:صج و الله عندها جماهير بالكويت ؟
صوتها يهبل و اغانيها عجيبة :o
لو الحفلة ب 400 د.ك و الله اروح :D

سبع-البرمبه
16-02-2008, 00:25
انصح العشاق
يحضرون حفله نوال واصاله

انا عن نفسي ما اقدر اطوف حق بشار الشطي اي حفله :p

يبيله فضل شاكر والله ;)

Firenze
16-02-2008, 07:38
فضـل و رويشـد ؟ :)
لقينـا شي يسوى قطـه البيزات عليه :/

ظلمـو الجسمـي باللي وياه !
حلاتـه ويا نوال وأصاله او رويشـد وفضل ..
ومجموعتـه اللي بيخليها يحطون جوائز وسحوبـات للي يشتري التذكره ..
لانـه صعبه حيل احد يروحلها :d

Bo Hashem
16-02-2008, 10:13
اقوى حفلتين

الرويشد " شعبيه جارفه " .. فضل شاكر " شعبيه كبيره " خاصه البنات " .. يارا .. بدت تجلب جمهور الخليجي و السبب اغانيها الخليجيه !

نوال " عشاقها وايد " .. اصاله " لها شعبيه كبيره بالكويت " .. راشد الفارس " لا تعليق :p "


حلاتـه ويا نوال وأصاله او رويشـد وفضل ..

حفله فيها .. الجسمي + نوال + اصاله + فضل + الرويشد ؟؟

جذي بتحرقهم كلهم !! بتضيع الحفله و الاسباب وايد

حلات هالمغنين بطوله حفلتهم ! كل مغني يغني 3 اغاني و يمشي ؟ :o

الحمادي
16-02-2008, 10:19
رويشد وفضل اعتقد متعه بهالحفله ..في اسامي مالها داعي ..وظلموا نبيل والجسمي

Honey ^Al-Q8
16-02-2008, 13:37
احلى شي ,,
نانسي - ميريااام - حسين الجسمي ,, يآآي يآآي ..
بس طبعا نشوفهم بالبيت ..:p
حساافه راشد الماجد:(

عيطموس
16-02-2008, 14:00
ألله يعينّا على الإزعاج وهالحفلات البايخة اللي ما ترضي رب العالمين

وحماكِ الله يا كويت العفّة والطهارة

shaheen
17-02-2008, 03:45
اهم شـي لايـفضحنا بـشار مثل كل مره ويـقعد يـناقز بـالمسرح مع شـعره الـواقف وتي شيـرتاته "الـبناتيه" !!

Sneijder
01-03-2008, 13:20
الحجز على حفلة الرويشد مو صج !

أمس حجزت آخر 4 كراسي شباب :o

شكلها بتولّع الحفلة ;)

عربــاوي
01-03-2008, 13:22
امـس بشـار وحش :)

قدساوي انتراوي
01-03-2008, 17:16
اهم شـي لايـفضحنا بـشار مثل كل مره ويـقعد يـناقز بـالمسرح مع شـعره الـواقف وتي شيـرتاته "الـبناتيه" !!

أستغربت أمس ما كان لابس من الملابس إلي العاده يلبسها .. كاشخ أمس ببدله :p .

Sneijder
01-03-2008, 19:00
^^

بشار امس صاير جارسون :/

Bianconri
02-03-2008, 02:27
امـس بشـار وحش :)

لوووووول طلعت منهم ؟ :p

Lazio 4 Ever
02-03-2008, 02:31
الحجز على حفلة الرويشد مو صج !

أمس حجزت آخر 4 كراسي شباب :o

شكلها بتولّع الحفلة ;)

قصدك كل الصاله مفوله ولا فئه معينه .. ؟!

>> Rainbow <<
02-03-2008, 02:49
مشكلة بشار انه طلع والنااس عرفوه من ستار اكاديمي


عشاان جذي محد يقدر صوته !!


بشار عنده صوت حلو بس كلكم تنتقدونه لانه كاان بستار اكاديمي


خلو عنكم البرنامج شوي وسمعوا صوته :)


وبعدين حكموا عليه

Bianconri
02-03-2008, 03:03
^^

ماشوف في شي مميز بصوته .. صوته محذف سمعي الفنانين الشباب كلهم من طقته ؟

يعني اذا تبين فنان شبابي مميز بصوته .. شوفي عباس ابراهيم ..

انا ما انكر انه فنان و دارس موسيقى و ملحن و كل شي .. بس صوته جدا عادي ولا فيه زود :)

GoLcHia
02-03-2008, 03:08
قدساويه ملكيه .. صوته أقل من عادي وأغانيه مو شي ميزته بس انه فاهم موسيقى .. اذا تبين فـــــــــنان و طالع من برنامج مواهب نفس سالفة بشـار يعني "أيمن الأعتر" .. صج فرررررق ومحد يقدر ينقد عليه على قولتج لأنه طالع من برنامج لأنه صججج فنان ..

Bianconri
02-03-2008, 03:10
^^

اتفق وياج بايمن الاعتر .. بصراحه مميز !

>> Rainbow <<
02-03-2008, 03:10
^^^
على الاقل صوته حلو وينسمع :)
وفوق كل هذا اشتغل على نفسه
ويعرف يختار .. مو من طقة التاكسي وغيره

>> Rainbow <<
02-03-2008, 03:15
قدساويه ملكيه .. صوته أقل من عادي وأغانيه مو شي ميزته بس انه فاهم موسيقى .. اذا تبين فـــــــــنان و طالع من برنامج مواهب نفس سالفة بشـار يعني "أيمن الأعتر" .. صج فرررررق ومحد يقدر ينقد عليه على قولتج لأنه طالع من برنامج لأنه صججج فنان ..


اوكي قولجيه
بشار صوته حلو واحسن من غيره
على الاقل لما تسمعين له اغنيه تكملينها وما تنغثين من صوته


عنده البومين مااقولج كل الاغاني حلوين
في عنده اغاني حلوه وفي عنده اغاني مو شي

GoLcHia
02-03-2008, 03:22
لا أنا ما اقولج بشـار أفشل مغني لأ , و على قولتج أحسن من غيره .. لكن بشــار الشطـــي يستاهل يغني بـ هلا فبراير 3 مرات ؟! عبادي جوهر وأصيل و أبو بكر وراشد وعبدالمجيد صابر الرباعي وين راحوا ؟! انزين هذولا الكبـــار يمكن كل واحد وعنده عذره أو ميزانية المهرجان ما تسمح .. بشار يستاهل ياخذ مكان الشباب اللي بعمره الفني أيمن الأعتر مثلاً 3 مرات !! بشــار الشطي يستاهل انه أوقع معاه عقد حق حفله بـ هلا فبراير واهوه حتى شريط ما نزل "أول حفله له بالمهرجان" نعم ليش ؟! لـهدرجه صـوته صخر ؟! يعني مادري أنا اشوف انه في وايد غيره و أحسن منه ما عطوهم مثل فرصته بـ إختصار يعني وايـــد عطوه ويـه ..

أبو فهيد
02-03-2008, 03:36
راشد الماجد ماهو موجود ..حفل سخييييييييييييييييييييف

>> Rainbow <<
02-03-2008, 03:36
اوكي ..
مثلا ً نقول ايمن الاعتر وبشار بالكويت منو جمهوره اكثر !
اكيد بشار :) وشفتي الجمهور امس والعام واولت العام وخصوصا ً اولت العام
مع انه ما كان منزل البومه !!
اوكي في احسن منه واحلى من صوته
بس اهما ما يدورن الاحسن بس يبون جمهور
ولو ما يدرون ان جمهور بشار واااااااااااااااااااااااااااااااايد جاان ما يبوه 3 سنوات ;)
اخر سنتين يااابو شباب واايد عبدالرحمن الحريبي _ احمد حسين _ عباس ابراهيم _
تركي _ حمود ناصر _ فواز المرزوق _ وغيرهم ..
وكلهم غنوا اول شي وماكان في جمهور ينعدون على الاصابع
وبشار هم غنى اول وااحد والصاله كاانت فل !
بإختصار 3 سنوات موجود بهلا فبراير مو بس عشاانه بشار .. عشاان الجمهور إلي
بيترس الصاله


الحين عندج احمد الشريف ومحمد حماقي إذا بتشوفين لهم جمهور بالصاله
نفس جمهور بشار او حتى نص جمهوره بيكون لنا كلام ثااني

GoLcHia
02-03-2008, 03:42
على قولتج إذا الجمهور يبي بشــار عليهم بالعافيه شنقول بعد :/

Sneijder
02-03-2008, 09:21
قصدك كل الصاله مفوله ولا فئه معينه .. ؟!

قصدي الشباب

الا اذا كنت تبي بو 80 .. موجود :d

والعايلات في مكان ... هالكلام قبل يومين :)

Bo-WaLeEeD
02-03-2008, 09:25
ناطر حفلة رويشد .. :)

وحرام غياب راشد الماجد :(

Lazio 4 Ever
02-03-2008, 13:09
اممممممم بو 80 ..

Ruudy
03-03-2008, 08:16
محد عنده خبر عن الامسيات الشعريه
جدولها ومواعيدها واسامي الشعراء

Bati
03-03-2008, 09:01
ناطرين رويشد و انشالله بنكون هناك مع اليوفي و ديفد فيا :p

مدمنه*القادسيه
03-03-2008, 11:42
محد عنده خبر عن الامسيات الشعريه
جدولها ومواعيدها واسامي الشعراء

إلي سمعته أمس ناقلين الأمسيات على قناة إسمها [المختلف ]

>> Rainbow <<
07-03-2008, 03:55
حفلة اليوم مووووو صجججججج
من يـارا لـي فضل لـي بو خالد
ووصلة بو خالد عجيبببببببه روووووعه مو طبيعيه
واكثر شي عجبني انه خلط قديم ويديد ومتعننننناااا ;)



وامل العوضي افسخت الحيا واقعدت :/

Tulip
07-03-2008, 04:03
بوخالد اليوم بددددددددددددددددددددددددددددددددددددددددددددددددد دددددددددددددع :D

الله يعطيه العافيه ونسنا !! وأحلى شي لمن غنى دع الوشاة ويا بوناصر ! ما هقيته يغني هالأغاني !!

بس وحش يا بو خالد ;)

تصور ولمني بشوق اللللللللللللللللللللللللللللللللللللللللللللللللل لللله


بس حسافه !! أول مره ما يغني دنيا الوله بهلا فبراير !! :(

مدمنه*القادسيه
07-03-2008, 04:05
شفت رويشد مع أماني وبركات إستانست شفت هاللي طلعت عالمسرح لاعت جبدي والله الطفاقة بدمهاا ! ماكو ذرابة كلللللش وبسرعة بسرعة زين نبي نفهم عاد !!
ويازين بوخالد على المسرح والله .. جان زين مكمل أغنية [ لمني بشوق ] قال مقطع بس :\
وعلى راسي يوم راح سلم على المعاقين :) يا حلوو قلبك !

الحفلة كانت موووووووووووصج حدها وأتوقع راح يمدحونها بالجرايد ،،

Sneijder
07-03-2008, 04:12
توني راد من الحفلة

موووووو طبيعية .... فضل أمتعنا بأغانيه الصراحة !

الرويشد .. كافي قعد يطربنا لمدة ساعتين

أقول لربعي انشااااالله يغني "يا بوناصر" و ماخيب ظني ;)

دع الوشاة .. الللللللله عليك



ناطرين رويشد و انشالله بنكون هناك مع اليوفي و ديفد فيا :p

تروالي شفتكم

لابس بلوزة زيتية !! ... واللي جدامكم تقول قاعدين بحفلة ام كلثوم :p

>> Rainbow <<
07-03-2008, 04:16
انا يوم قال في مفاجأت واايد
قلت اكيد رااح يغني عدني :D
ويا بو نااصر كنت حاسه انه بيغنيها

بس تضايقت لانه ما غنى تذكرني ونسيتي :(



شفت هاللي طلعت عالمسرح لاعت جبدي والله الطفاقة بدمهاا ! ماكو ذرابة كلللللش وبسرعة بسرعة زين نبي نفهم عاد !!


مدمد اهوا لو راده على جذي مو مشكله متعودين على طفاقتها !!
انا اقصد شي ثااني :/

Sneijder
07-03-2008, 04:18
^^^

انا قاعد اخر شي ... ركبها كسرت عيني :/

Bo Hashem
07-03-2008, 04:20
هاااااااااردلك من قلب من الي شكك في بوخالد

هااااااااردلك من قلب من الي قال الجمهور حاضر حق يارا و فضل

هاااااااااردلك من قلب من كل قال الرويشد يغني ويني " يعرف نفسه "

هااااااااردلك من قلب كل من قال مافيه فن بعد بو نوره !

اليوم بو خالد .. سوه احلى حفل بتاريخ حفلات هلا فبراير !

David Villa
07-03-2008, 04:47
ياعمري يا رويييشد .. احلى حفلة حضرتها بحياتي اليوم والصراحه اقزرت خاصة من الفصله :D

ياكبيير بوخالد .. على راسي بوخالد .. عاش بو حمزة .. يا فراقها .. رجعتيله .. احبك .. لا يبجي :p
" كلها قطات ما راح يفهمها الا اللي حضر الحفلة وخاصة السلم ويوسف " :lol:

مسكين رويشد قعدناله قعده وخليناه غصب يغني تصور :D ياريت مره ثانية تكون في حفلة حق الشباب
بس عشان تقزززر صح لول

ملاحظة : مكاان الشباب حده مو شي وضييج وفوق هذا ماكو تنظيم ،، بس الحمدلله قدرنا ندني الكراسي
وسويناا زحمه عالفاضي :p

GoLcHia
07-03-2008, 05:26
مو طبيعيه الحفله مو طبيعـــــــــــــيه !! أحلى حفله حق رويشد شفتها بـ هلا فبراير ..

صدمني يوم بلش بـ سلام الله على ما فــات !!
و لما غنى درب الزلق !! ولمـــــــــــــا غنى دع الوشـــاة !!

رويشد حده إمزج بهالحفله كل الأغاني حلوين إلا الوطنيـه الأخيــره ..

غنى ســـامري " يا بوناصر"

غنى صــــوت "دع الوشاة"

غنى يمـــاني " سلام الله"

ماتوقع أحد طلع موراضــي من الحفلــه ..

بدع بـ يا فراقهــا غلط جم غلطـه بس الأداء غطى على الأغلاط "ويابعدها" المقطع هذا خيــالي !!

لا تعتذر ما كنت أبي يغنيـها لأنه شفته يغنيــها بـ مهرجان الدوحه وما عجبتني حسيــت ما يقدر عليـها بالحفلات بس سكتنــــي يوم غنــاها بددددع فيـــها وصوته كان حيل حلو !!

ما في أحد مرتــاح .. الجمهـــور + رويشد كانو عجيبين فـيها سمعته يغنيـها وايد بـ حفلات و جلســات وهالمره أحلى مره سمعته يغنيــها ..

وعدتــــيني .. ما أقدر أعلق عليــها كافي إسمها!!

درب الزلق .. هالإغنيـه كلش ما توقعت يغنيـها كلش !! الإغنيــه وايــــــــــد حلوه بس انا أحبها بالجلسـات أكثر لكن هم بالحفلـه بدع فيـها ..

دع الوشــاة .. كاااافي مسكة العــود بالمسرح !!

شفتك , تصور , لمني بشوق , تعاال , إلي نســاك .. بدع !

...........................................

Bo Hashem
07-03-2008, 05:54
اي و الله قولجيه اليوم الرويشد .. شسوه فينه !! اذا احنه بالتلفزيون مادري شصار فينه .. عيل الي بالمسرح شلون " امبين من كلام سيلفا "

فعلا اول اغنيه مفاجئه من العيااار الثقيل !! خاصه اول شي قال موال .. و فجاه غنى هالاغنيه !! اوف اوف .. لسعه مو اغنيه هذي !

و يوم مسك العود .. اخيييييه !! شسويت بعالم !! فن يا بوخالد فن ! دع الوشاح بأداء راقي و شوفوه لما يدق عود مع التوحيده !! منت هين يا بوشنب :p

بس ضيق خلقي حييييل لما غنى مسأله وقت .. بو خالد حرام عليك !! هالاغنيه مفروضه علينه لازم كل حفله !!

و اغنيه شفتك !! لعب بالغنيه لعب !

الغنيه عوار قلب .. شلون سواها وناسه مادري :p بس كان ادائه بالاغنيه شي خيالي !!

درب الزلق !! فن فن فن يا بوخااااااالد !!

كل الاغاني القديمه 100% و اختيارات موفقه

و الاغاني الالبوم الاخير .. اخيتارك توووب و بدعت فيهم !

اليوم مثل ماقالت قولجيه .. اصلا مو بس مزاج اليوم بوخالد !! يقول انا يا ناس موجود !

و هل من منافس ؟ ;)

سيلفا

بوحمزه اسم معروف بجلساته ..بس مادري اذا كان قصدكم هذا ولا لا :p

GoLcHia
07-03-2008, 06:23
ميونخـاوي ..

اي والله الجمهور مو طبيــعي , اللي بالحفله يدقون علي بين الأغاني يسمعوني الجمهــور أسمع "جك جك جك تصــور بصوت واحد" قبل لا يغنـيها ..

و اللي أعرفه بو حمزه اللي كان على اليمين يرقص بـ دع الوشاة و كله بـ حفلاته وجلسـاته ماسك الطــار .. عرفته ؟!

مانيو
07-03-2008, 07:42
انه كنت بالحفلة روووعة روعة اروع حفلة بتاريخ مهرجانات هلا فبراير شي خيال

انه داش الحفلة وقاعد اقول من قلبي اتمنى يغني سلام الله

وفجأة اسمع لحن الموال قلت هذا لحن سلام الله
بس كسر فيني وقال موال ثاني ومع هذا كنت حاس انه اهي بس يوم غناها حدي استانست

اغاني روعة يا بوخالد ذكرتنا بالماضي الجميل

ملاحظة بعض الشباب (ماني قايل باتي وديفد الي قاعدين هناك )
اذونا من اول الحفل تصور وتصور :(

مانيو
07-03-2008, 07:44
ميونخـاوي ..

و اللي أعرفه بو حمزه اللي كان على اليمين يرقص بـ دع الوشاة و كله بـ حفلاته وجلسـاته ماسك الطــار .. عرفته ؟!


الظاهر كانبوحمزة بس انه ما ثبته بالصالة

GoLcHia
07-03-2008, 08:04
لول مانيو أنا هذا أول واحد أدوره بـ حفلات رويشد أتفائل فيــه !! :d

Discovery
07-03-2008, 08:07
بو خالد فنان العرب

Bianconri
07-03-2008, 09:18
ميونخاوي .. Discovery ..

بصراحه خوش حفله .. وايد حلوه .. بس يعني لا تشتطون وايد ..

يا جماعه انتو تتكلمون عن سفير الاغنيه الخليجيه و انا اتكلم عن فنان العرب :)

Bo Hashem
07-03-2008, 09:35
^^

ماقلنه شي .. بس انت ذاك اليوم طبيت في بوخالد و تقول خينفعه " ويني " الله يهديك نسيت تااريخه الكبير و مسكت غلطه اهو مصرح بنفسه ندمان عليها

في من الردود كنت برد عليك .. بس قلت بو خالد بخليه يرد عليك :p

Bianconri
07-03-2008, 09:44
^^

انا ذاك اليوم يوم اقوول خله عليى ويني كنت بس بقث احد في بالي و قثيته .. :p
بصراحه رويشد فنان كبير .. و عنده وايد اغاني حلوه صراحه ..

و سكرو موضوع المناقشه بين رويشد و بو نوره لانه راح اطلب دعم قوات من جده :p

Sneijder
07-03-2008, 10:33
ياكبيير بوخالد .. على راسي بوخالد .. عاش بو حمزة .. يا فراقها .. رجعتيله .. احبك .. لا يبجي :p


نسيت فايز بعد ... اذونا فيه !

============

وهذا اللي يقول عاش بوحمزة ... مادري شسالتفه :/

أذانا .. انزين وينه هذا بوحمزة

مدمنه*القادسيه
07-03-2008, 13:14
مسكين رويشد قعدناله قعده وخليناه غصب يغني تصور :D ياريت مره ثانية تكون في حفلة حق الشباب
بس عشان تقزززر صح لول


الصراخ إلي سمعته [ تصووووور .. تصووووور ] قلت ألحين يغنيها بس إستغربت إن بوخالد ما أستوعب شتقولون بعد يوم عدتوها عرف لوولز ،،
تمنيت يغني [ أي معـــــــزة ] :)

بودهام
07-03-2008, 14:11
كبيير يا بوخالد

ابداع امس ما شاء الله ابدااع
ولو في اغاني كان ودي يغنيها , بس اكيد ما راح يغني كل اللي ابيه والا جان بيغني لي الصبح "ويمكن لي العصر :p"

Discovery
07-03-2008, 14:15
ميونخاوي .. Discovery ..

بصراحه خوش حفله .. وايد حلوه .. بس يعني لا تشتطون وايد ..

يا جماعه انتو تتكلمون عن سفير الاغنيه الخليجيه و انا اتكلم عن فنان العرب :)

شفيك حبيبي

رويشد فنان العرب بالنسبه لي
بو نوره فنان العرب بالنسبه لك

لا تشتط

مدمنه*القادسيه
07-03-2008, 14:16
^^^

ولنا بعد ! :p

GoLcHia
07-03-2008, 16:22
لول فواز شتسوى عليـــك ؟! قلنالك مالك شغل برويشد وصل محمد عبده السمــا جان تبي بس لاتتحرش برويشد مو راضــي .. الحين عاد حاول تبلع الرد من بوخالد نفسـه أمس بالحفله ومن محبين رويشد بالموضــوع !

وعبدالله الرويشد فنان العرب بالنسبه حقي أنا بعد :p

شنــايدر .. بوحمزه أحطلك صورته بالليل انشالله إتكحل عينك فيـه !!

مانيو
07-03-2008, 16:28
^^^

ولنا بعد ! :p


>>>>>>>>>>>

Bo Hashem
07-03-2008, 16:46
و انا عندي الرويشد فنان العالم ! مافيه له منافس يا جماعه !!

Becks.23
07-03-2008, 16:55
كنت موجود بالحفل...

وهاذي أحسن حفلة لــ عبدالله الرويشد في هلا فبراير...:)

أختيار الأغاني لــ هالحفل عجيييب قديم على جديد..

المهم متعتنا يا بوخالد...

David Villa
07-03-2008, 17:27
عدل عدل رويشد فنان العرب بالنسبة لي كل واحد ورايه :p

..

بالنسبة لبو حمزه تراكم مضيعين ! اللي قالها مشت معاه ،، لما طلع فضل شاكر قاال عاش بوفضل
وعقب عاش بوعلي وعقبها عاش بوحمزه وإلبست معاه ! العموم كان حاقد عليه كل شوي يقولها بس
بعدين فصلنا وقمنا نقولها ! :D ولا يبجي سالفتها سالفه ! لما غنى يافراقها في وحده الحمدلله والشكر
قامت تبجي جان نفصل عليها لا يبجي لا يبجي لوول

بوخالد احبك بوخالد على راسي بوخالد يافراقها ياكبير بوخالد ،، من اول حفلة يارا لين ما خلصت
الحفلة واللي جدامنا يقولونها بصوت عالي ولما غنى يافراقها شيشناهم حولوا على رجعتيله !
يخرب بيتهم علييهم صوت لدرجة قالوا يــاراااا سمعتهم وردت عليهم بعد :o


بس التنظييييييم لا يحوووووووووشك

Sneijder
07-03-2008, 17:59
ولي بعد ;)




شنــايدر .. بوحمزه أحطلك صورته بالليل انشالله إتكحل عينك فيـه !!

شمعنى بالليل ؟؟ ... يخرع يعني ؟؟:D

>> Rainbow <<
07-03-2008, 18:58
انا نفس ميونخاوي رويشد بالنسبه لي فنان العالم ;)


قهروني الراااي :@
قاصين نص الحفله بالاعاااده !!!!
دع الوشاة _ تعتدر _ ماعليه _ تعال _ لمني بشوق _ تصور _ يابو ناصر .. كلهم قاصينهم :@

نمت 11 الصبح وقعدت 3 العصر بس عشاان الحفله
قهروني من قللللللللللللللللللللللللب !!


قولجيه
بوحمزه الي حااظ سكسوكه صح ! ولا الثاني ؟!!

Sneijder
07-03-2008, 19:00
قهروني الراااي :@
قاصين نص الحفله بالاعاااده !!!!
دع الوشاة _ تعتدر _ ماعليه _ تعال _ لمني بشوق _ تصور كلهم قاصينهم :@
قهروني من قللللللللللللللللللللللللب !!


توه حاطينهم على روتانا خليجية

>> Rainbow <<
07-03-2008, 19:15
^^^

صججج !!
عيل حل اسجلها بسرعه :D

David Villa
07-03-2008, 19:51
ما تعرفون وين يحطون الحفله مره ثانيه ؟!

عربــاوي
07-03-2008, 19:52
محمود .. الحين اهيا على الراي .. او خلصـت ..

..

بس شلون رويشـد رضـا يغني بليـلة وفاة الرسـول ويومه !؟ ..
والنـاس شلون قدرت تحضـر للحـفل ..!!

>> Rainbow <<
07-03-2008, 20:32
ديفيد
عادوها عالراي وعلى روتانا
مااتوقع هالقناتين رااح يعيدونها بعد ؟

بس اتوقع الاسبوع الياي تنعرض على الكويت ؟!

David Villa
07-03-2008, 20:42
مو تقولين سجلتيها انتي ؟ :/
ماكو الا نسأل الخبره " اليوفي" :p أو ادش سايت رويشد اشووف

>> Rainbow <<
07-03-2008, 20:48
^^^

اي سجلتها
سجلتها امس من المارينا Fm
واليوم من الراي وكملت عالشريظ من روتانا بس روتانا مو كلها حلص الشريظ :/
اممممممـ اكييييييييد 100% الحفله كاامله موجوده بمنتدى رويشد
دش شوفها يمكن موجوده بقسم الصوتيات !!

bnt_jaber
07-03-2008, 20:51
قدسااويه موجووده الحفله تحصلينهاا ب q8mt

David Villa
07-03-2008, 20:52
اي حطوا السايت .. مالي خلق ادور :/

>> Rainbow <<
07-03-2008, 21:02
لوووووووووولز ديفيد
تبي كل شي جاهز :p

http://www.rowaishid.com/vb/showthread.php?t=25587 (http://www.rowaishid.com/vb/showthread.php?t=25587)
اهني بس مقااظع صوت حق كل اغاني الحفله

http://www.rowaishid.com/vb/showthread.php?t=25570 (http://www.rowaishid.com/vb/showthread.php?t=25570)
فيديو الحفله كامله

Bianconri
07-03-2008, 21:07
ديسكفري .. قولجيه .. وكل اللي ردو بعدهم و قالو رويشد فنان العرب

يا جماعه مو انا اللي اقوول والله شفيك ؟ :)

يعني محمد عبده من الستينات الرجال يغني .. تقارنون تاريخه بواحد طلع بفرقة التلفزيون من الثمانينات يعني ؟ :o

<--- بدى يتحرش !

سبع-البرمبه
07-03-2008, 21:11
اوافقك يا ابو الفوز
وبعدين محد رويشد
بشار الشطي واقطع :p

Bianconri
07-03-2008, 21:19
والله للاسف رويشد ماني قادر اتقبله من عقب سالفته اللي قالو بيقيمون الحد عليه بالسعوديه !

مع كامل احترامي لعشاق صوته ..

David Villa
07-03-2008, 22:07
لوووووووووولز ديفيد

تبي كل شي جاهز :p


http://www.rowaishid.com/vb/showthread.php?t=25587 (http://www.rowaishid.com/vb/showthread.php?t=25587)
اهني بس مقااظع صوت حق كل اغاني الحفله


http://www.rowaishid.com/vb/showthread.php?t=25570 (http://www.rowaishid.com/vb/showthread.php?t=25570)

فيديو الحفله كامله

احلى شي الجاهز :p.. ثااانكيوو قدساويه

Bo Hashem
07-03-2008, 23:56
المذيعه اماني تماااااادت حيييييييل حيييييييييييل بملابسها !! معقوله صار شي عادي !!

>> Rainbow <<
08-03-2008, 00:37
^^^

اهيا بس امااني المذيعات الكويتيات الي قدموا الحفلات بهلا فبراير
كلهم تمادوا وكلهم بصووب وامل العوضي امس بصوووب !!!
ماادري شلون الرقابه سمحولها تظلع عالمسرح جذي ؟!!

مدمنه*القادسيه
08-03-2008, 00:51
المذيعه اماني تماااااادت حيييييييل حيييييييييييل بملابسها !! معقوله صار شي عادي !!

يت على أماني ؟!
أماني من طلعت من رايكم شباب وسوت لها برنامج مزيكا مو ذاكرة إسمه وإهي لبسها الله يستر عليها !
والحلوة أمل العوضي ماشاءالله هذي أصغر مني !! وين اهلها !! لبسها حده مستر الله يهديها :) !!
المفروض والله مايخلونهم يطلعون بهالصورة !!

مانيو
08-03-2008, 01:21
مينيخاوي قصدك امل العوضي الي فصخت الحيا

Bo Hashem
08-03-2008, 01:47
والله ما ركزت بامل العوضي ..!!

شفيهم بناتنه !!

مدمنه*القادسيه
08-03-2008, 02:31
لمحبين فنان العرب بوخالد !


http://www.alqabas.com.kw/Final/NewspaperWebsite/NewspaperBackOffice/ArticlesPictures/8-3-2008//368461_27-15_small.jpg

Bo Hashem
08-03-2008, 03:26
لمحبين فنان العرب بوخالد !


http://www.alqabas.com.kw/Final/NewspaperWebsite/NewspaperBackOffice/ArticlesPictures/8-3-2008//368461_27-15_small.jpg

اول مره لما ليس الدقله قبل 3 سنين تقريبا .. بدع بحفلته

و لما لبس الدقله مره ثانيه .. مو بس بدع !! الا كسر الدنيه !!

يمكن هذي سر نجاحه ;)

>> Rainbow <<
08-03-2008, 03:53
الحماس بدأ بـ «صدفة» يارا وتصاعد برومانسية فضل شاكر وتوقد بتألق الرويشد



لمسة انسانية
وعقب انتهاء فقرة الفنان فضل شاكر التي استمتع بها الجمهور، تعالت الصيحات والهتافات للنداء على سفير الأغنية الكويتية عبدالله الرويشد، وكانت المقاعد في الصالة قد شغلت بأكملها، ثم أطلت المذيعة امل العوضي والقت تحيتها على الجمهور وبدأت بالقاء كلمات جميلة واصفة بها الفنان عبدالله الرويشد لكنها اطالت كثيرا بالترحاب مما اوقعها في اخطاء عدة كما انها لم تسلم من «البدليات»، وما ان طل الفنان عبدالله الرويشد على المسرح مرتدياً «البشت» وقف الجمهور يحييه واهتزّت الصالة من شدة التصفيق والصراخ المتعال، وكعادته القى تحيته على جمهوره الذي ملأ صالة المسرح، وبدأ اول وصلته الغنائية بموال «احباب قلبي» ومن ثم اغنية «سلام الله»، واغنيته الجديدة «جرب تسافر» تلاها «عدتيني»، و«مافي احد مرتاح»، وبعد الحاح الجمهور غنى «اللي نساك» تلبية لطلبهم حيث قال: «راح اغني كل اللي تبونه وانا موجود اليوم علشانكم» وعندما شعر بحرارة ولهيب قلوب الجمهور المتشوق له ولأغانيه احس بالحر ونزع «البشت» الذي كان قد ارتداه، وكما لوحظ انه كان يطلب باغلاق الدخان المتصاعد على المسرح لانه شعر بالاختناق وطلب ايضا الماء ليشرب اكثر من مرة، ثم تابع غناءه وامتع الجمهور بأغنية «درب الزلق» و«اتبع قلبي»، ثم استأذن جمهوره وبتصرف اكثر من رائع ترجل على المسرح وعلى وقع التصفيق الحار ذهب ليسلم على المعاقين الموجودين في الحفلة والذين اتوا خصيصا من اجله، ثم عاود غناءه وغنى «تعتذر» من البومه الاخير، وبعد تلك الاغنية احضر الفنان عبدالله الرويشد عوده وغنى «دع الوشاة» وهي اغنية من اللون التراثي البحري فقام اثنان من اعضاء الفرقة الموسيقية بأداء مشهد راقص من فن الرقص البحري تزامناً مع الاغنية، ثم غنى «تعال» و«يافراقها» و«شفتك» ومقطع من اغنية «لمني بشوق»، ثم قال ممازحا الجمهور: «انا اشوف ناس تتثائب، تو الناس باجر ماكو دوام»، ثم غنى «تصور» و«يا بوناصر» و«مسألة وقت» و«مساكين» ثم ختم بأغنية وطنية جديدة بعنوان «صباح الامير».






الرويشد «يا سلام الله»

سفير الأغنية
سفير الاغنية الخليجية عبدالله الرويشد هذه القامة الشامخة في الفن الكويتي والخليجي الذي برز بخطى واثقة حتى عربيا كان مسك الختام للامسية الثالثة حتى الامسيات الغنائية لهلا فبراير مساء امس الاول حيث قدمته الاعلامية امل العوضي التي حياها الجمهور بشكل كبير، حيث طل على جمهوره في تمام الواحدة والنصف بعد منتصف الليل وسط تشجيع الجمهور الحار له فحياهم وشكرهم على الحضور مهنئا اياهم بالاعياد الوطنية والتحرير وبدأ وصلته الغنائية باغنية «سلام الله» وبالابتسامة التي لم تفارقه قدم من جديده «جرب تسافر».
ومن جميل قديمه غنى «وعدتيني» فهام الحضور على سحب الغرام سارحين بهذا الصوت الذي اطربهم حبا ورومانسية.
وفي اطار الكوكتيل الجميل قدم الرويشد اغانيه ما بين قديم وحديث مستمرا في مخاطبته الجمهور بين فترة واخرى فغنى معه الحضور «ما في احد مرتاح» ليغني بعدها الجمهور «اللي نساك» فنزل الرويشد عند رغبتهم وغناها قائلا لهم «انا اليوم بأمركم» بعدها غنى «درب الزلق»، «ابتيع قلبي» ،«لا تجيني تعتذر»، «يا فراقه» «شفتك والله»، «ما عليه»، «يا بوناصر»، «مسألة وقت»، وحتى الثالثة والنصف صباحا لم يهدأ الجمهور متابعا ومصفقا ومشجعا للرويشد حيث اختتم وصلته الغنائية باغنية «عاش صباح الامير» واعلام الكويت ترفرف عاليا في صالة الحفل.

لقطات

• كان من المفترض ان تقدم نورة عبدالله الفنان عبدالله الرويشد الا ان خلافا حصل خلف الكواليس غير الامر فقدمت يارا.
• قبل ظهور الفنان عبدالله الرويشد بدا الجمهور متشوقا لطلته ولم يتوقف التشجيع والتصفيق تحية له.
• تواجد عدد من الجمهور عند شباك التذاكر للحصول على اماكن الا ان التذاكر نفدت.
• خلع الرويشد عباءته التي كان يرتديها فوق الدشداشة بعد ان غنى «اللي نساك».



»خلطة« الرويشد الرومانسية أفقدت الجمهور صوابه


وينتظر الجمهور 30 دقيقة قبل بدء الوصلة الثالثة لسلطان الرومانسية الفنان عبدالله الرويشد الذي يطل عبر شاشة تلفزيون الراي وروتانا في لقاء مع الاعلامي بركات الوقيان والمذيعة اماني البلوشي تحدث خلاله عن خلطته السحرية في هذه الامسية.
وتطل المذيعة امل العوضي في ثوبها »المفصخ« وبنبرة صوتها التي يشوبها خوف وتردد من نطق الكلمات شرعت في القاء قصيدة على الجمهور وما ان تفاجأت بعدم التجاوب حتى اختصرت فقرتها وقدمت سلطان الرومانسية ولم يمهلها الجمهور اذ وهتفوا بصوت يصم الاذان »ابو خالد, حيوا الله ابو خالد«.
وعلى مدار ساعتين شدا بوخالد باجمل اغنياته فكانت خلطته التي وعد بها غير شكل طغى عليها اللون الرومانسي وركز على اغنياته القديمة عملاً بمقولة »من فات قديمه تاه« فبدأ الوصلة بأغنية »سلام الله« من ثم »جرب تسافر« و»وعدتيني« و»ما في احد مرتاح« ففقد »الاعلام« سيطرته على الجمهور الذي تمايل على ايقاعات وكلمات اغنيات الرويشد ورقص طربا قبل ان يغنوا ب¯»اللي نساك انساه« فلبى بوخالد طلبهم ثم قدم »درب الزلق« و»انا بتبع قلبي«.
وفي لفتة انسانية أستاذن الرويشد الجمهور في تحية ذوي الاحتياجات الخاصة والتقاط الصور التذكارية معهم ليعود للحفل مرة اخرى بأغنية »لا تجيني تعتذر«.
ولانه رفيق دربه فاينما يحل الرويشد يحرص على اصطحابه, انه العود الذي كان حاضرا في فقرة جديدة اذ غنى الرويشد مقطوعة من التراث البحري على انغام العود »دع الوشاة« وقدم اثنان من افراد فرقته رقصة خليجية بحرية ليخرج من اجواء الحفلات الى الجلسات.
ويستمر بوخالد في السلطنة ليقدم »تعال«, »يا فراقها«, »شفتك«, »ما عليه« و»تصور« وعلى الرغم من ان الجمهور فقد بعض حماسه الذي بدأ واضحا في بداية فقرة الرويشد نظرا لتأخر الوقت ما دفعه ليخاطب الجمهور قائلاً: »البعض يتثائب«, من ثم يقدم »يا أبو ناصر« و»مسألة وقت«, و»مساكين« ليختتم وصلته بأغنية »صباح الامير« التي كانت مسك ختام امسية من الطرب والرومانسية.

Fc BaRcElOnA
08-03-2008, 04:53
تسلم لي حنجرتك يالجسمي .. :)
بعد قلبي على حفلة اليوم .. الكبير كبير .. :)
الله لا يحرمنا منك انشالله .. :)

Bo Hashem
08-03-2008, 05:08
الجسمي شكله ماقصر اليوم

بس من حفله بوخالد .. ما بعدها حفله :P

Sneijder
08-03-2008, 14:17
الجسمي بدع بعد :)

ســـاره
09-03-2008, 00:38
أخييييييييه على حفلة الرويشد موطبيعيه أنصدمت أنصدمت من الجمهور منه أهو شي خيالي الله يطول بعمرك يابوخالد

الجسمي بعد كان رائع بمعنى الكلمه ..

اليوفي
09-03-2008, 12:05
روعه روعه روعه كانت حفلة رويشد ,, من احلى ساعتين حياتي :)

ديفد فيا .. اذا تبي الاغاني ,, ترى كلهم موجودين باليوتوب ,, اضبطك :)
وعاااش بوحمزه :D ,, على راااااسي يا كبيييييييييير ,, احبـــك :p ,, مو المطوع الي حط القول .. دش بأخلاقي .. ولا يبجي :p:p:p

مدمنه*القادسيه
09-03-2008, 14:24
الجسمي شكله ماقصر اليوم

بس من حفله بوخالد .. ما بعدها حفله :P


بوخالد بوخالد غيـــر ! ;)

Bianconri
10-03-2008, 21:46
هوه مين بو خالد ده :p ?

Fahad
11-03-2008, 13:36
وجود يارا ساهم برفع أسهم الحفله بشكل خيالي .. ولا جان محد طبها ! مابعد أغنية صدفه أغنية !

مدمنه*القادسيه
11-03-2008, 13:55
هوه مين بو خالد ده :p ?

فنان العرب :p

Bo Hashem
11-03-2008, 15:07
فهد

هل انت واااسق كل السقه من الي التووه ؟ :p

اصلا واضح الحظور حق بوخالد اولا و فضل شاكر :/

مانيو
11-03-2008, 20:49
وجود يارا ساهم برفع أسهم الحفله بشكل خيالي .. ولا جان محد طبها ! مابعد أغنية صدفه أغنية !



كلامك مردود عليه وتبي تاخذ الاجابة اخذها من واحد حضر الحفلة مثلي

الجمهور بحفلة يارا وحفلة فضل نايم (وبالاخص العوايل الي انه كنت قاعد معاهم)

بس بدت حفلة رويشد الكل قام بما فيهم العوايل ويكفي الحجي الي اسمعه من ورايي وجدامي انهم بيخلون التصوير بالتلفون بس حق رويشد يارا و فضل ما يسوون من رايهم
وازيدك من الشعر بيت في ناس ما حضرت الا يوم بدت حفلة رويشد والي يقول يارا و فضل اقوله سلامات وانه من من حضر الحفلة

GoLcHia
11-03-2008, 21:07
وجود يارا ساهم برفع أسهم الحفله بشكل خيالي .. ولا جان محد طبها ! مابعد أغنية صدفه أغنية !






عدل كلامك و الدليـل أهلي و رفيجــاتي ما راحوا الحفلـه إلا بعد "ما خلصت" فقرة يـارا وفضـل بعــد !

لول قاعد تتغشمر صح ؟

Fahad
12-03-2008, 00:07
قولجيه + مانيو

يعني بالعقل في أحد يقارن يارا بالرويشد ؟ :o

" جوكينغ "

..

ميونخاوي

" بالزبط " .. بهزرِ :p

Bo Hashem
12-03-2008, 01:02
ريحتيني ياشيخ :p مش وأتو هزار :p

GoLcHia
12-03-2008, 01:31
فهد أشـــوه خرعتني ! :p

مانيو
12-03-2008, 01:40
فهد أشـــوه خرعتني ! :p


حتى انه خرعتني لووول

Fahad
12-03-2008, 09:06
شدعوه يبا ترى هذا واقع إنه يارا أحسن من الرويشد [ بززززز ] :p

Bianconri
14-03-2008, 02:15
شصار على اصاله يا جماعه ؟!

Bo Hashem
14-03-2008, 02:28
شوي و بتغني

توه خلص نبيل و قبله حماقي

>> Rainbow <<
14-03-2008, 02:38
اصاله من البومها الاخير
رااح تغني سواها قلبي ولا تخاف وظلبتك

Lazio 4 Ever
14-03-2008, 02:46
غنت ولا بعد .. ؟

>> Rainbow <<
14-03-2008, 02:50
^^^
الحين قااعده تغني ثااني اغنيه لا تخاف

tic tac
14-03-2008, 02:52
عاد مودي اصاله :) .. ماكو لنك عالنت ؟!

>> Rainbow <<
14-03-2008, 02:53
الجمهور مو صججججججج
مو معظينها مجال إتحجى :D

>> Rainbow <<
14-03-2008, 02:54
عاد مودي اصاله :) .. ماكو لنك عالنت ؟!


اتوقع لاا
اذا ماكو يمك تلفزيون
اسمعها عالمارينا FM

مدريدي^ملكي
14-03-2008, 02:57
اصالة مو صج:/
مبدعه ما شاء الله عليها للحين
حسافة مارحت حفلتها:/

Bo Hashem
14-03-2008, 03:18
www.marina.com (http://www.marina.com)

عندهم البث مباشر

Fahad
14-03-2008, 03:22
غنت [ طلبتك ] ولا ليلحين ! لا يكون غنتها :/

>> Rainbow <<
14-03-2008, 03:24
فهد
الحين قااعده تغنيها

GoLcHia
14-03-2008, 03:25
فهد قاعده تغنيـها ومو طبيـــــــــــــــعيه خوش حفله بس مغروره حلاتها ما إتحجى بس تغني !! لوعة جبــدي ..

>> Rainbow <<
14-03-2008, 03:27
قولجيه

لووووووووووووووووولز
خليها مستانسه مو مصدقه الي تشوفه ;)

مدريدي^ملكي
14-03-2008, 03:32
يحقلها تصير مغروورة مع اني ما اشوف انها مغروررة
بس تستااااااهل احلى حفلة للحين اصالة
ناطرين سواها قلبي:/

Fahad
14-03-2008, 03:33
طااااااافتني .. أغنيتي هذي :/

سحقا ً :/

ضروري أشوف الإعاده .. ناطر حفلة أصاله عشان هالأغنيه بس !

GoLcHia
14-03-2008, 03:43
يحقلها تصير مغروورة مع اني ما اشوف انها مغروررة
بس تستااااااهل احلى حفلة للحين اصالة
ناطرين سواها قلبي:/

على شــــــــــــــــــــــــــــــــــنو صوت حلو اوكي وبعدين ؟!

والله لو انا من المذيعه أماني مادري شسمها وأسمعها جـذي تتحجى عن روحـها أهدها وأمشي , أدقـرها ..

عربــاوي
14-03-2008, 04:10
احلا وصـله بحفلات هلا فبراير ..
شنو ذا

Bo Hashem
14-03-2008, 04:19
اشوف اقوى حفله مالت اصاله الكراسي كلها فول ماتقدر حتى تحرك عيونك من الزحمه :p

بوخالد و اقطع ! :@ .. كل الحفلات درجاتها جيده لي جيده جدا " نبيل و محمد عبده و الجسمي و اصاله " .. بس بوخالد شي ثاني !

نشوف باجر نوال !

>> Rainbow <<
14-03-2008, 04:22
استمتعنا مع أصاله
خوؤش حفله



مينخاوي
على فكره ترا اليوم في كرااسي اضافيه
بحفلة بو خالد ماكان في كراسي اضافيه !!
مع انه كاان في نااس لي يوم الحفله وكانوا يبون تذاكر لحفلة
بوخالد .. امممـ يمكن توه يتلهم فكرة الكراسي الاضافيه ؟!!


بالنسبه لحفلة نوال
يقولون ماكو تذاكر !! فـل ..

سبع-البرمبه
14-03-2008, 04:26
جماهير رويشد مو راضين يقتنعون انه اصاله كلت الجو عليه ;)

مانيو
14-03-2008, 04:30
كبيرة يا اصالة

ومن حقها تغتر بنفسها للأسف ما شفت الا اخر شي ويكفي انها غنت من ماضيها وغنت سنين عمري وكبيرة يا اصالة

بس يا جماعة منو شاف نبيل وشسوى اكيد شيش الجمهور كعادته المبدع

>> Rainbow <<
14-03-2008, 04:30
سبع


مافي شي اسمه كلت الجو !!
كل فنان وله جمهوره ;)

مانيو
14-03-2008, 04:31
جماهير رويشد مو راضين يقتنعون انه اصاله كلت الجو عليه ;)

سبع ليش يصير تفكيرنا ضيج هذا كلا الجو عالثاني اثنينهم ابدعوا وونسوا جمهورهم واثنينهم طلعوا الجمهور مستانسين منهم

مدريدي^ملكي
14-03-2008, 04:32
والله اصالة بهالحفلة قالت لبو شنب استرييييييييييييييييييييييييييح

>> Rainbow <<
14-03-2008, 04:33
بس يا جماعة منو شاف نبيل وشسوى اكيد شيش الجمهور كعادته المبدع

كالعاده بو شعيل اكيد شيشهم :D
وصلت بو شعيل بعد كاانت حلوه
والحركه الي سواها لمن طلع من بين الجمهور حلوه ;)


الشي الي استغربت منه حمااقي له جمهور بالكويت !!!!

عربــاوي
14-03-2008, 04:40
شسوي حماقـي ؟ ..

كبيـره يا اصاله على هالوصـله .. صفطت الكل ع اليميـن ..

>> Rainbow <<
14-03-2008, 04:43
شسوي حماقـي ؟ ..

..



ما سوا شي غنى ورقص وطلع :p:p



شفت شسوى بشار بالجمهور بحفلته
حماقي سوا نفسه :p
لاا جد والله له جمهور كبير
اول شي قلت اكيد جمهور بو شعيل واصاله بس لما قاموا يغنون معاه
ويطلبون الاغاني كلهم بصوت وااحد .. استغربت ؟!!

David Villa
14-03-2008, 04:59
جماهير رويشد مو راضين يقتنعون انه اصاله كلت الجو عليه ;)
بو صلوح إستريح :p .. رويشد حتى بسوريا "ديرة اصالة" جمهوره اكثر من اصـاله وياكل الجو عليها
http://www.youtube.com/watch?v=XZUI277CnLA

فمـا بالك بالكويت ؟ :D

أبو فهيد
14-03-2008, 05:24
http://www.youtube.com/watch?v=-4agEToz9TI

الحفل بدونه ولا شيء :)

Becks.23
14-03-2008, 13:55
حفلة حماقي + نبيل + أصالة...مو طبيعية...

حماقي : انصدمت منه على هالأغاني والأداء متعنا...

نبيل : سوى كل شيء بالحفلة طبعا الجمهور يغني ويا بو شعيل...

أصالة : الجمهور كله حافظ أغانيها حتى أهي قالت " من 15 سنة ما شفت جمهور يغني معاي نفس اليوم " لــ درجة تبدأ بالأغنية والجمهور يكمل..!!

حفلة مــو صــج !

Corvette
14-03-2008, 15:58
أصالة قالت للجميع إستريحوا الصراحه ..

على قولتها لما أغني أشوف صوتي يرقص جدامي ! ياعمري يالصوت :)

Sneijder
14-03-2008, 16:02
أصـالـة ... واااااو

Bo Hashem
14-03-2008, 16:23
استمتعنا مع أصاله

خوؤش حفله



مينخاوي
على فكره ترا اليوم في كرااسي اضافيه
بحفلة بو خالد ماكان في كراسي اضافيه !!
مع انه كاان في نااس لي يوم الحفله وكانوا يبون تذاكر لحفلة
بوخالد .. امممـ يمكن توه يتلهم فكرة الكراسي الاضافيه ؟!!


بالنسبه لحفلة نوال

يقولون ماكو تذاكر !! فـل ..



قدساويه ! معقوله ضايفين كراسي بحفله اصاله و فيه كراسي واضحه وضوح الشمس ماعليها احد ؟ :)

اتوقع الاضافه هذي اهي خلوها من حفله بوخالد :)

و على فكره حفله الرويشد قبل لا تصير انذكرت بمرينا اف ام عن طريق اعتقد المنسق مال الحفلات " بالاتصال " قال بالضبط اضفنه 120 كرسي اضافي :) من وين يبتي معلومه ان ما اضافوا كراسي ! :)

سبع-البرمبه

ودي اصدق بس مو قادر :o


ما اقول كل الحفلات سيئين و خالد التوب .بس الواضح قوه الحفله + الجمهور يبين حفله بوخالد كانت الاقوى ! و ما اقول الباجي مو شي .. كلهم ابدعوا !

و بالنسبه لاصاله .. عندي صوت " شمس " مع اغانيها حد الفشل بس احلى و اقوى منها !


على قولتها لما أغني أشوف صوتي يرقص جدامي ! ياعمري يالصوت :)

انا لما تغني اشوف ايدي بروحها تغير المحطه :o صراخ و صوت يوصوص !:o

Corvette
14-03-2008, 16:57
اصاله صوتها يوصوص وصراخ !! للأسف محد يقدر الطبقـات للأسف :)

ع العموم اعاده الحفله الحين ع الراي :)

مدمنه*القادسيه
14-03-2008, 17:00
يا عمررررررري يا بوخالد منو يصك عليك بس !!
بنشوف أصالة ألحين ماعتقد بتصك على بوخالد !!
بوخالد غيييييير غيييييير !!

Fahad
14-03-2008, 17:06
أخيرا ً شفت الإعاده ..


أصاله قالت حق منظمين هلا فبراير بالعربي الفصيح السنه اليايه حفله بروحي حالي حال محمد عبده .. هذا الفن ولا بلاش !


خووووش حفله ماتوقعتها بتكون ناجحه إلا مع أصاله بس كل المطربين إلي فيها نجحوا .. أتوقعها أفضل وأحسن حفله جماهيريا ً وتفاعلا ً ..

Bo Hashem
14-03-2008, 17:11
اصاله صوتها يوصوص وصراخ !! للأسف محد يقدر الطبقـات للأسف :)

ع العموم اعاده الحفله الحين ع الراي :)

دام اسمع الرويشد .. صعب القا احلى من طبقات صوته و ادائه :)

GoLcHia
14-03-2008, 17:11
حفلة أصــاله وايد حلوه وناجحـه وهالشي كان متوقـع لأنه ألبـومها الخليـجي كســر الدنيــا ..

أقـوى الوصـلات ليلحين عبدالله الرويشد , نبيل شعيل , الجسمــي , أصـاله

نقاش منو صك على الثـاني يضحك فـ ماني داشـه فيــه

Bo Hashem
14-03-2008, 17:13
^^

حده .. يخلون الواحد غصب يطب بالمغني الثاني :p

Fahad
14-03-2008, 17:17
ميونخاوي


وليش تطب ؟ عادي كل واحد ورايه .. لما واحد يقول أشوف حفلة فلان أحسن من علان لا إهي إنتقاص حق الثاني ولا تهميش له .. السالفه سالفة أذواق بوهشوم .. تخيل في ناس يقولون حفلة بشار الشطي أحسن حفله هالسنه ليلحين .. بتقولي وين المطربين الكبار راحوا بقولك هذا ذوقه ولازم الواحد يحترم ذوق غيره :)


أقولك على شغله ؟ أنا واحد ما أشتهي عبدالله الرويشد ولا أبلع أغانيه [ إلا بعضها ] ومو معنى هذا إني ما أحترم فنه .. لكن ستايله مايعجبني وهالشي يرجع للأذواق .. هل عدم إقتناعي بأغاني الرويشد يعني أنتقص منه ؟ طبعا ً لأ لكن تبقى المسأله مسألة أذواق لا أكثر ويبقى لكل فنان محبينه وجمهوره وأيضا ً تاريخه ..

ترى بالأغاني أنا ميح من وين لي وين أسمع .. بس دخولي بالنقاش عشان أبيّن إن كل واحد له رايه لا أكثر ولا أقل " يخويا " :p

Corvette
14-03-2008, 17:27
دام اسمع الرويشد .. صعب القا احلى من طبقات صوته و ادائه :)
وجهة نظرك وأحترمها :)
لكن في وايد طبقـات أفضل من رويشد بكثير :)

GoLcHia
14-03-2008, 17:37
كورفيت طبقــات الأصوات النسائـيه تختلف إختـلاف كلي عن طبقات الأصـوات الرجاليـه وماكو مجال للمقارنه بينـهم .. ما يصير تقارن أصـاله بالرويشـد من ناحيـة طبقات الصــوت !!

لكن بالنسبه حق الأصـوات الرجــالـيه و كلامك إنه في وايد طبقــاتهم أحسن منه صدقنـــي كلامك "غلط" .. بين مطربين العرب رويشـد ثالث أقـوى مغني يغني طبقــات بعد ابو بكر وصـابر الرباعي ..

Firenze
14-03-2008, 17:49
^ لطفي بوشنـاق ؟

GoLcHia
14-03-2008, 18:07
السويد في وايد وايد أصـوات حلوه رجاليه لكن ثالث أقوى حنجره عربيه رويشـد وهالحجي مو يايبته من عنـدي .. لأنه انا اشوف اهوه الأول :p

Bo Hashem
14-03-2008, 18:49
فهد

كل كلمه قلتها انا اتفق وياك معاها .. بس بشكل عام مو بس المغنين حتى بالرياضه للاسف تشوف ناس يتكلمون عمدا لنرفزه الغير ..

لو تشوف بردودي سابقه و الحين .. اذكر ان السالفه اذواق.. و مثلا انا خوي الي اصغر مني يقول عن الرويشد " كل اغانيه تحلطم " و اخوي الي تحته يحب بشار و طقته .. السالفه كلها اذواق .. مثل احمد قال رايه عن صوت اصاله و انا قلت رايي عن اصاله و يمكن بسلوبي فيه الضحك او الغشمره .. بس بالاساس طبعا لازم احترم الكل و اذواق الكل و اراء الكل :) حتى عندي رد حطيت صوره واحد معصب .. ابد مو معصب و كله قاعد رايي بطريقه الغشمره :)

صج اني احب الرويشد ..بس يروح و يرد شي مو ذاك الي نستفيد منه " الاغاني " اهي مجرد شي ترفهه عنك فيه :)

انا احترم جميع الاذواق و ما اقصد شاجبر الناس على شي .. و كل كلمه اتفق وياك يا فهد :)

L.Suarez
14-03-2008, 19:36
ناطرين القيثاره اليوم


بتاكل على رويشد وغيره ..


اصاله بدعت بمعنى الكلمه والله احبها ام خالد :o

>> Rainbow <<
15-03-2008, 00:43
قدساويه ! معقوله ضايفين كراسي بحفله اصاله و فيه كراسي واضحه وضوح الشمس ماعليها احد ؟ :)

اتوقع الاضافه هذي اهي خلوها من حفله بوخالد :)

و على فكره حفله الرويشد قبل لا تصير انذكرت بمرينا اف ام عن طريق اعتقد المنسق مال الحفلات " بالاتصال " قال بالضبط اضفنه 120 كرسي اضافي :) من وين يبتي معلومه ان ما اضافوا كراسي ! :)






ايي نواف القطاان استضااف مال تنسيق الصاله
وقاله شلون الحجز وجذي قاله هالحفله ضفنا كراسي اضافيه
ومانقدر نضيف اكثر من جذي ونعتذر من الجمهور الي يو اليوم ويبون يحجزون !!


بالنسبه للكراسي الاضافيه بحفله بو خالد مااادري توني سمعت بهالشي منك :D

Tulip
15-03-2008, 01:00
يا جماعه متى تبدي حفلة نوال ؟؟

Sneijder
15-03-2008, 01:03
كل حفلة يقولون صكت على رويشد .. يروحون ويردون عليه

معذبهم بوخالد :)

............

مانيو
15-03-2008, 01:04
الحفلة اليوم بايخة باستثناء الغيثارة

ناطرينها على احر من الجمر

Fahad
15-03-2008, 01:07
تعجبني بوهشّوم وهذا إلي بوصله ..

إختلاف الآراء مو معناته الواحد قاعد " يفرك " من الحرّه من المغني هذا ولا ذاك .. ترى أقصاهم مغنيين مادروا عن أحد .. لكن القصد بالكلام هو إحترام رأي كل طرف لأني بصراحه أمقت الشخص إلي مايحترم راي غيره .. وإنت بوهشوم مايحتاج عسل ونتعلم منك أسلوب الحوار .. بس كلامي كان بشكل عام طبعا ً مو على هالموضوع بالذات أكيـد .. مو كل من عاكسني بالراي صار عدوي أو رايه مضحك أو عقله صغير بالعكس حلات الشي بالنقاش والهدوء والسلاسه

..

خلونا مع وصلة " ألوسه " .. :p

>> Rainbow <<
15-03-2008, 02:34
الشوق جاااابك .. معقوله تنسااني .. لولا المحبه

يـااااااااا خـطـييييييييييـره يـا نـوال :cool:

David Villa
15-03-2008, 02:36
ماكو شي نوال ! تحس ماكو تفاعل كلش

>> Rainbow <<
15-03-2008, 02:40
^^^

حراااااااااااااام عليييييييييييييك :/