لكل من يريد السؤال عن أماكن سياحية ..

[m89ed 31]

الســـلام عليـــكم ..

طبعاً الهدف من الموضوع انة كل واحد فيكم أكيد سافر وشاف وعرف أماكن سياحية أو سوقة ونبي منكم تقولولنة الأشياء المميزة بالديرة الي سارفرتولها عشان نفيد ونستفيد :) للي بيسافر ..


والي يحب انة نعطيه معلومات يقولنة الدولة ومالة الا عزه انشالله والربع هني ما يقصرون :) انشالله ..

وانشالله انة الموضوع بيفيدكم ..


للي حاب يروح لندن : أنصحك تروح وتشوف الهارودز مجمع حلو بس دير بالك تاخذ مرة وياك تنشفك لأنة كلة ماركات :d وهاذا المجمع مال الملكة ديانا وزوجها دودي الفايد وفي بعد السلفردج ..وفي منطقة اسمها مولتن كنق مو طبيعية الجو مو صج والطبيعة وهم في مجمع اسمة ستي سنتر ..


ماليزيا : روح بيننغ في فندق اسمة شنقرلا قولدن ساند مو صج مو طبيعي وفي سوق اسمة سن وي لاقون وجزيرة بننغ يرحون رحلة غوص حق منطقة اسمها لنقاوي مو صج :) وفي جزيرة جنتنق فيها مدينة العاب حلوة :) ..


وأشياء وايد خنتذكرها وأقولكم ..

[التشيلساوي]

الهارودز مجمع حلو بس دير بالك تاخذ مرة وياك تنشفك لأنة كلة ماركات :d وهاذا المجمع مال الملكة ديانا وزوجها دودي الفايد

الله يسلمك هارودز حق محمد الفايد ،،، و ديانا مو زوجة دودي الفايد ،، و لا هي مالكة المحل :)
بس عدل اهو خوووش محل ،،

[m89ed 31]

[/center]

الله يسلمك هارودز حق محمد الفايد ،،، و ديانا مو زوجة دودي الفايد ،، و لا هي مالكة المحل :)

بس عدل اهو خوووش محل ،،




حبيب ما تقصر على التعديل والأفادة بعد قلبي :)

[Bo_3mra]

ومافي شي عن الكويت
شاليهات الكويت
صارلي قرن ادور شاليه مناسب زقرت 3ولا4غرف نوم صالتين مطيخ
البحر صالح للسباحه

[m89ed 31]

^^

طال عمرك امبلا في ليش مافي :) عندك منتجع سليل الجهرا حلو والله زقرت في مول وحمام سباحة وشغل عدل والله والغرف مالتة مو صج وفي نضام شاليهات وعندك منتجع جون الكويت هذا بعد مو طبيعي وفي شيك وفي هلتون المنقف والمنشر في وايد :)


بس انت تامر تدلل قول شتبي وانا بالخدمة :)


سامحنة على القصور

[Bo_3mra]

^^^^^^^^^^
الميزانيه بحدود 300 دينار حق الويك اند يعني خميس يمعه سبت ويكون انظيف يعني
انا بروح مع عايله ابي مكان محترم
واذا عندك ارقامهم اكون شاكرلك
ويفضل مايكون زحمه عليهم
اخوي وخر عن الشمال لانه مرتين حجزنه شاليه هناك البحر كلش مومال سباحه وملومث لدرجه غير طبيعيه

[m89ed 31]

^^

حبيبي انتة تامر امر افا عليك ادزلك ارقامهم رسالة خاصة انشالله ولا يهمك ;) والميزانية فوق الزين حق الويك اند ولا تحاتي انا ما قلتلك عن هالاماكن الا وانا ادري شنو اهيه افا عليك بس :) لا تحاتي .. بس روح مال الجون ولا شيك هذيل الأثنين واقطع اييبلك ارقامهم انشالله تامرني يالغالي ..

أوامر ثانية طال عمرك :) ..

[Bo_3mra]

^^^^^^^
احرجتني والله
مشكور وماتقصر يالغالي
وان شاء الله اخدمك بيوم عرسك

[GaGo_16]

مقصيـد .. ما عليـك أمر تقـولنا هالمنتجعات شنو فيـها أشياء ترفيهيـه حق العوايـل ؟

وأرقامهـم ما عليك أمر ..

[Bo_3mra]

مساعد احب اضيف معلومات بسيطه
منتزه الخيران مافيه حجز بالويك اند قبل رمضان
وفيه ايام نص الاسبوع بس فلل في اي بي 600 دينار وتأمين 100
ومنتزه الجون اللي يطل على البحر الليله 175 واللي مايطل على البحر فيه ب150 وب 125 ومافيه حجز قبل 10 من شهر 8
للاسف الجون وايد غالي اروح كمبنسكي اأجر شاليه بـ 185 بالليله
في شي حلو انك تاخذ عباره تروح فيلجا تحجز هناك في فندق نظام عربي (بيت عربي قديم ) تابع للسفير يعني الحجز قبال نادي ضباط الشرطه

وللاسف يامساعد ميزانية ال300 اكتشفت انها ماتكفي فدبلناها الى 600 دينار كحد اقصى
اذا عنك معلومات عن فيلجا قول لانه حدي محتاج وشكلنه بنروح فيلجا