المساعد الشخصي الرقمي

مشاهدة النسخة كاملة : The Godfather ؟

Rivaldo
30-07-2008, 01:40
السلام عليكم..


بإختصار

الفلم The Godfather

ما ألقى اسم هالفلم الا و هـم مادحينه و الكل يعتبره اقوى الأفلام ..

بكل صراحة انا ما شفت الفلم على ان فيه 3 اجزاء و قديم

شفت لقطات بسيطه .. لكن ما في شي جذبني و مو عارف شنو القصه بالضبط و شنو الي خلا الكل يمدحه و يعتبر الفلم نمبر 1 !


--------

فـ

شنو قصة الفلم The Godfather
و شنو الي يجذب في الفلم و يخليه قوي لهذا الحد ؟!
Henryq8
30-07-2008, 01:47
الي يخليه قوي , السيناريو والاخراج والتمثيل والحوار والقصة ,

والقصة وااايد حلوة "المافيا" من اول ما هاجروا من ايطاليا الى أمريكا وتسوع نفوذهم وبعدين قامت اتصير حروب واغتيالات مابين العوائل .

وشوف شلون مايكل "الـ باجينو" شلون كان بعيد عن هسوالف بس الظروف خلـته يقود العائلة , واستمتع شوف شيصير لما يمسكها :)

وانييي حق جزء الثاني الي طلع لنا "دي نيريو" للعالم , يوم مثل دور "القود فذر" من هجرته من ايطاليا وشلون كان يشتغل اب محل لي زعيم للمافيا .

الفلم بختصار شوفه وخلك صافي النيـه وبمزاج عالي عشان تتلذذ بمحتواه من اخراج وتمثيل وقصة , والسلاااام على من اتبع الهدى.
نكولي
30-07-2008, 02:34
Rivaldo
فليم العراب بإختصار : عن المااافيا... وأنصحك إشوفه وإذا مو شايفه يعني جنك مو شاايف أفلااام الماافيه الأصلي
سعودي 2006
30-07-2008, 04:44
الجزء الاول خرافي ورائع بكل ماتحمله الكلمة
Mehmet Scholl
30-07-2008, 07:49
افضل فيلم بتاريخ السينما بدون منازع :)
BLUE_12
30-07-2008, 09:50
انا بقولك سالفه وانت احكم مره في الصيف كنت ناوين نسهر في الديوانيه فقالو الشباب كل واحد اييب معاه افلام حلوه عشان نسهر عليهم المهم وكنت وقتها ماصارلي وايد من انهيت سلسله جود فاذر المهم خذيته معاي الديوانيه عاد الباجي وقتها كانو يايبين هم افلام قويه اذكر يايبين سبايدر مان وتو فاست تو فوريس و امريكان باي وجم فلم بس موذاكر اساميمهم المهم لما قلت لهم اني يايب هالفلم مثلك ماعرفوه وماهتمو وايد حطو فبالهم انهم بيحطون فلم ثاني ولا احنج عليهم حطو صدقوني راح يعجبكم ومادري شنو والي بعد تضايقو منه ان الفلم طويل تقريبا 3 ساعات المهم بالموووووووووووووووت حطوه من بعد ما شرطو يشوفون منه ساعه اذا ماعجبهم راح يغيرون الفلم و وويطلبون عشا من المطعم تصدقون بدون مبالغه الشباب اندمجو فيه تقريبا ساعتين وشوي حتى قالو ان نسو عمرهم من كثر ما عجبهم الفلم ولا يفصلون عليه وكل يوم قمت اوديلهم جزء حتى واحد ياب لابتوبه بس عشان ينسخهم و يوريه اهله ولى يومك يذكروني بهالسالفه انه شلون اندمجو ساعتين ونسو يتعشون

وهذه القصه :)
H.AMA.D
30-07-2008, 10:15
الفلم .. بس لازم تكون تابعة بتركيز لانه الفلم كله حوارات يعتمد على القصة

انصحك اطالعة اكثر من مرة وراح تعرف ليش الكل اتفق على انه افضل فلم
LaBartteta
30-07-2008, 10:28
فيلم حده قوي ..


يبيله تشوفه بروحك وظلمه وماكو أحد على شان تندمج صح ،،

شفت الجزء الأول واليوم بشوف الثاني ان شاء الله ...
Bo_faraj
30-07-2008, 11:40
الي يخليه قوي , السيناريو والاخراج والتمثيل والحوار والقصة ,

لا تنسى التصوير و التفاصيل التقنية مثل استخدام الألوان و الظلال و الاضاءة و اللوكيشن و حتى الأزياء و فوق هذا حتى الموسيقى مو طبيعية :
http://www.youtube.com/watch?v=XOdD3cXrgmE

بس للأمانة اذا انت مو من عشاق الأفلام حيل و بس تحب الأفلام السريعة اللي كلها أكشن و شخصيات سطحية و مونتاج و تقطيع سريع الأقرب للدعايات مثل Transporter و Fast and Furious و الطقة هذي يمكن ما يعجبك الفلم.
المحتـ9ـرف
30-07-2008, 12:37
نوعية هالفلم مو محببة بالنسبة لي، بس الفلم نفسه شي خيالي!
انا بشكل عام مااحب اشوف الافلام الرتيبة والي احداثها تتسارع ببطئ، عشـان جذي مااحس نفسي من الناس الي تعتبره الـ Top 1، مع أني اصنف Shawshank redemption الي هم يعتبر من نفس النوعية في نسق الأحداث البطيء، كأفضل فلم في تاريخ السنمـا!

الفلم يتكلم طبعاً عن المافيـا، تركيبة المافيا، العلاقات بين العوائل، الخطوط الحمراء، المصالح، الاحترام، والخيانة!
شلون يتحول شاب، من استحقـار عمل المافيا، إلى تقلد عرش والده، في صلب العمل الاجرامي ...
التحول هذا في الشخصية بحد ذاته، يعتبر من أقوى الأحداث بالفلم " مع أنه ياخذ منحنى بطيء" ...

اذا كنت تتملل من الأفلام بسرعة لما تكون احداثها بطيئة، هالفلم بيسبب لك أزمة :p بس اصبر عليه لي نهايته راح "يبسطك" ...
Rivaldo
30-07-2008, 17:45
مشكورين..

انا بنزل الأول .. ! :)
نكولي
30-07-2008, 20:02
Rivaldo لا تنزل الفليم.. آنه أعطيك كل الأجزاء عندي ياهم بالبيت

الله يهديك فاتح موضوع تسأل شنو قصة وشنو ألي يجذب في فليم العراب !!!:p

صح خـــــــــــــقيق :p
GaGo_16
30-07-2008, 20:05
توني شاري كل الأجزاء إذا ما عجبنـي يا ويله إلي مدحليـاه :@
GoLcHia
30-07-2008, 22:49
قصتـه حلوه واللي أحلى من القصـه الحــوار ..
Rivaldo
31-07-2008, 00:00
نكولي

شدراني .. عادي احب التنزيل :p
و طبعاً انا مستغرب من المدح من الناس و خلوا العراب افضل من تايتنك النمبر1 بالنسبة لي ..
Henryq8
31-07-2008, 02:01
لا تنسى التصوير و التفاصيل التقنية مثل استخدام الألوان و الظلال و الاضاءة و اللوكيشن و حتى الأزياء و فوق هذا حتى الموسيقى مو طبيعية :
http://www.youtube.com/watch?v=xodd3cxrgme

بس للأمانة اذا انت مو من عشاق الأفلام حيل و بس تحب الأفلام السريعة اللي كلها أكشن و شخصيات سطحية و مونتاج و تقطيع سريع الأقرب للدعايات مثل transporter و fast and furious و الطقة هذي يمكن ما يعجبك الفلم.

اكيد كل شي يكمل شي , حتى الموسيقيه كانت خياليه وليومك مانمل منها!
LaBartteta
31-07-2008, 02:03
بعد شوي بشوف part 2 :d
T-MAC
31-07-2008, 02:41
بس انا عندي افضل فيلم لي الباتشينو .. اهو scar face...................
من افضل الافلام بالتاريخ حتى المشاهير ..يوم يسولهم مقابلة .. شنو افضل فيلم.. يقولون هل الفيلم ... انصحك تشوفه ..حده مينون..

http://www3.0zz0.com/2008/07/30/23/731323738.jpg (http://www.0zz0.com)

http://www5.0zz0.com/2008/07/30/23/819903002.jpg (http://www.0zz0.com)
king of castle
31-07-2008, 03:24
بوفرج اذا تبي تتمتع باللحن

اسمع دقتها على العود بهالفيديو الي قاعد يدق عليه رشا مو صج

شوفا اشلون يدق لحن Godfather ...

الفيديو (http://www.youtube.com/watch?v=Pqc96SFE28c)
"ARSENAL"
31-07-2008, 22:51
T-mac
محد خرب على سكارفيس غير السب "الزاااااايد" كان مرشح لكل جوائز بس مافاز بسبت السب الي فيه,
بس اسمحلي قادفاثر نمبر 1
سكارفيس 2
,,,,
ريفالدو نمبر ون عندك تيتانك!!!؟
افا يا كييف:o
Rivaldo
31-07-2008, 23:27
^^

القصه تحرك مشاعري :p
Rivaldo
01-08-2008, 03:35
توني شفته .. الفلم روعة

لكن جنّه مادحينه زيادة عن اللزوم !
نكولي
01-08-2008, 04:35
^^^^^^^^^

إنت من صجك ؟؟؟؟

شنو ما دحينه زيااده عن اللزوم ؟!
Rivaldo
01-08-2008, 13:04
^^

ما قلت مو حلو .. روعه و فلم ممتاز و قصته عجيبه
بس مستحيل يكون افضل فلم :x
LaBartteta
01-08-2008, 13:09
^
^

شوفه مـره ثانــيه ! ، :)
T-MAC
01-08-2008, 22:50
T-mac

محد خرب على سكارفيس غير السب "الزاااااايد" كان مرشح لكل جوائز بس مافاز بسبت السب الي فيه,
بس اسمحلي قادفاثر نمبر 1
سكارفيس 2




لا يبا من صجك .. انا عندي سكار فيس .. الاحلى ...حتى طايحيله فنايل .. على صورة
الفيلم. و جواتي:p..

any way ..
كل واحد و ذوقه
Bo_faraj
01-08-2008, 23:32
مو كل واحد يشوف فلم يقدر يحكم على الفلم من كل النواحي لأن في شغلات ما يلتفت لها المشاهد العادي. لكن لما تسأل واحد "متذوق" للسينما ممكن يشوف شغلات و يقدرها أكثر. عشان جذي النقاد غالبا نظرتهم غير عن نظرة المشاهدين العاديين.

لا يبا من صجك .. انا عندي سكار فيس .. الاحلى ...حتى طايحيله فنايل .. على صورة
الفيلم. و جواتي:p..

any way ..
كل واحد و ذوقه[/center]
عاد سكارفيس هذا اللي صج واااايد مرفعينه. لأنه خفيف و فيه أكشن و على قولتهم كول بس بالصج ما يتقارن مع الغود فاذر بشي. هذا وين و هذا وين.
hollandy
04-08-2008, 11:56
best movie ever .. mo ay wa7d y3jba elfilm
MaLaKi FoR EvEr
05-08-2008, 12:05
روعه هالفلم..