مشاهدة النسخة كاملة : Cinescape
ثلاثي الأبعاد
13-08-2008, 09:44
Cinescape .. KNCC
كلها مسميات لشركة السينما الكويتيه الوطنيه
طبعا ما قصروا و فتحوا دور عرض بأغلب مواقع المناطق في الكويت
و اييبون احدث الافلام
لكن عندي عليهم ملاحظتين اعتبرهم يشوهون سمعتهم و يكرهوني فيهم صراحه
1) editing الافلام .. انا ماني قايل تقطيع الافلام .. لان هذي جزئيه من جزئيات ال editing
الانتقال من مشهد الى مشهد في غالب الاوقات + التقطيع يتم بشكل سيء سيء سيء سيء و يقص مشاهد و حوارات مهمه في الفيلم .. الي متى راح يظل هالوضع التعبان ؟
اذا كان الفيلم فيه وايد مشاهد لا اخلاقيه .. يا جماعه بلاه الفيلم .. احسن مما تحطونه لنا بشكل مشوه و ينرفز الي يشوفه !
و هذي النقطه الوم فيها الشركه لانه حتى لو مو اهي الي تسوي عملية ال editing للافلام .. فإهي قاعده تعرضهم بهالشكل
والله بديت اكره روحة السينما لهالسبب ..
2) السماح للعائلات بحجز مقاعد الشباب .. ماني فاهم على اي اساس يسمحون بهالشي "و بكثره و بعدد رهيب و تصير ان بنات يحجزون مكان يم شباب . في المقابل الي ياي بروحه و مو حاصل له مكان غير مكان العوائل و يبي يحجز ما يلقى له مكان حتى لو مكان العوائل فاضي !
سينمات الكويت تجيب المرض، خصوصاً بالتقطيع .. فعشان جذي الافلام الاجنبية مااروح لها، لأنهم يلعنون خير التقطيع ..
المفروض يحطون التـنصيف العمري وتحذير بمتحوى الفلم ويطبـقونه ويفكونه من شرهم .. لا يقـطعون الأفلام ويمنعون دخول أقـل من 18 .. واذا خايفين على بو 18 .. خلوها حق اللي عمره فوق 21 سنة وفكونا من شر التقطيع .. 3 دنانير وادش فلم مقطع ! اروح اشتريه dvd ومعاه 5 افلام ثانية !
لا يطـلع لي احد مايجوز مو مقطع ومن هالكلام .. عقلك براسك .. حاطين لك تحذير ان الفلم مولي ورايح فيها .. تبي تدش ادفع فلوسك ودش !
Bo_faraj
13-08-2008, 10:32
الصراحة سنيسكيب وايد لي عليها مآخذ:
أولا: انا معاك بالنسبة للتقطيع، قطعوا المشاهد الوصخة قلنا ميخالف زين الكلام ليش يقطعونه؟ في طريقة أسهل انك تحط بيب لما كلام وصخ ينقال مثل ما يسوون بتلفزيون أمريكا أو انك تقطع الصوت أو خل الواحد يتكلم بس لا تحط الترجمة. اما انك تحذف مشهد كامل عشان جم كلمة شي مو معقول!!
ثانيا: الدعايات الكثيرة. المفروض الدعايات التجارية تنحط أول و بعدين التريلرز و دعايات الأفلام. و بعدين هذي سينما المفروض الدعايات تكون قليلة جدا و قصيرة و على شركة كبيرة. بالدول اللي برا يحطون دعايتين بالكثير على مثلا شركة اتصال كبيرة مثل اورانج أو دعاية كولا بس. هني الواحد يقعد بالسينما ربع ساعة يطالع دعايات صابون مواعين و مكينة حلاقة و فاست تلكو!! مشكلة الطمع!
ثالثا: ما نبي Straight to DVD and B-Movies. اعنبوكم على الفلوس اللي تطلعونها ليلحين تحطون أفلام فاندام و سيغال و سنايبس بالسينما؟! وين قاعدين باليمن احنا ولا السودان؟ سووا سينما خاصة حق هالنوعية من الأفلام و تكون ارخص.
رابعا: مادري اذا الشركة اللي ماسكة الأكل و الكافتريا هي سينسكيب أو أحد مأجر عندها. بس الأكل الله يزيد النعمة. بكل سينمات العالم حتى البحرين يستخدمون أكل خاص حق السينما و الككاو و البطاط له أشكال و أحجام غير عن اللي تنباع بالسوق. أما الحبيب اللي قاعد ييب الأكل أشكره يشتري من الجمعية و يبيع بأربع اضعاف السعر. الناتشوز قاعد يستخدمون البطاط غلط آنا خابر بطاط الناتشوز أصفر مو أحمر!بمركز سلطان ينباع بطاط ناتشوز أصلي أحسن بألف مرة! النفيش لك عليه وما عندهم زبدة حقه (أهم شي)!!
خامسا: ماكو كوبونات حق الأكل أو اذا بتدخل أكثر من فلم بنفس االيوم أو أي عروض.
سادسا: ليش ما يسوون مثل دول برا سينما بروحها مستقلة مو موجودة بمجمع؟ اذا انا بدش السينما و بطلع ليش لازم ادش بزحمة المرينا مثلا؟
بس شنسوي ما عندنا غير هالسينما!!
رونالدو9
13-08-2008, 10:53
بس احسن خدمة مريحة هي الحجز عن طريق الانترنت تقدر تختار المكان اللي تبيه وتقدر تكنسل قبلها بساعتين
ثلاثي الأبعاد
13-08-2008, 11:04
اشك ان التقطيع الي قاعد يصير مرات يصير بشكل "غلطه مطبعيه" ..
بمعنى ان الي قطع المشهد او الحوار ما يدري ..
و مشكلتي مو التقطيع.. الانتقاله من المشهد للي بعد بالتقطيع تتم بشكل "دفش" amature
ما تحس انه شغل ناس يمكن اهم الاقدم بالمنطقه بعرض الافلام بالسينما
و كل ما يمر علي تقطيع جذي .. الي معاي بالسينما ياكل له بكس لان بصراحه شي ينرفز
--
الاكل بعد الدنيا كلها غلت و لو انهم مبالغين
بيبسي و ماي بنص :)
ثلاثي خلها على الله
اهم شي فلم ماردونا كله مشهوره له وكل العالم يعفونه لما يسألونه ليش حطيت الكره بأيدك ويقول جملته المشهوره ( هاندز اوف جاد )
قاطعينها !!
خو منو مايعرفها عشان تقطعها وشنو السبب !! لا ريال مسلم ولا بطيخ حده مالها معنى !!
وطبعا التقطيع على كلشي صاير واخر فتره اشك اهم يقطعون عشان يزيدون العروض !!
يخلون الفــلم اقصــر منها تزيد الدعايات ومنها تزيد الافلام والعروض !!
وبقية الامور ذكرتها وكلها اوافقك عليها !!
وسالفة العوايل وغيرها
وخاصه لما تروح بعد 12 واخر العروض بليل الشباب فل وعوايل ماكو الا جم شخص وماتقدر تقعد فوق !!
سبهلله السالفه
Bo_faraj
13-08-2008, 11:19
ثلاثي خلها على الله
اهم شي فلم ماردونا كله مشهوره له وكل العالم يعفونه لما يسألونه ليش حطيت الكره بأيدك ويقول جملته المشهوره ( هاندز اوف جاد )
قاطعينها !!
المضحك ان الفلم اسمه هاندز اوف جاد هههههه
لووول بوفرج والله حدي انصدمت !!
والمشكله يقولها جم مره بلفلم ويقطعونها !!
وعلى قولتك بأسم الفلم اي شكو تنزلووونه !!
N A P A L M
13-08-2008, 14:02
ماكو شي اسمه سينما بالكويت
اللي نشوفهم بالمجمعات مجرد صالات تلفزة حالها حال القهاوي...صج اني ظلمت القهاوي وقارنتها بهالصالات..بس مانقول غير .. عسى الوضع يتعدل
iron man
13-08-2008, 14:12
سادسا: ليش ما يسوون مثل دول برا سينما بروحها مستقلة مو موجودة بمجمع؟ اذا انا بدش السينما و بطلع ليش لازم ادش بزحمة المرينا مثلا؟
بس شنسوي ما عندنا غير هالسينما!!
هذي النقطه مهمه .. سينمات قبل كانت مريحه وجوو كوول ومنفصله مثل سينما السالميةوالفردوس
غرناطه وصليبخات....... اما الحين هدموهم ودعسوهم بهالمجمعات ....
التقطيع والله ما ألومهم .. التقطيع بيد رقابة وزارة الاعلام .. و اذا شفتوا شهادات الي ماسكين الرقابة هم راح تعذرون الرقابة .. لأنها شهادات مو اعلامية ولا لها علاقة بالسينما .. و فوق هذا و ذاك تتسلط عليهم ضغوط من اعضاء مجلس الامة الي قاعدين قعدة حق السينما و القنوات الفضائية .. و هم انتوا عارفين اننا بدولة قاعدة تخطي بخطى ثابتة و مباركة من " بعض " الشعب نحو المنهج السعودي بشتى اشكاله مع احترامنا لهم .. فـ حمدوا ربكم ان لي الحين في سينما بالديرة ..
و ملاحظة .. الافلام المعروضة في النادي الكويتي للسينما مو مقطعة .. روحوا بلغوا عنهم خل يقطعونها مرة وحدة .. مو لأني ضد التقطيع .. بس لعانة لانهم ما يدخلون اي واحد !
ثلاثي الأبعاد
13-08-2008, 14:58
و ملاحظة .. الافلام المعروضة في النادي الكويتي للسينما مو مقطعة .. روحوا بلغوا عنهم خل يقطعونها مرة وحدة .. مو لأني ضد التقطيع .. بس لعانة لانهم ما يدخلون اي واحد !
ايام والله يا نادي السينما :(
لما كان مقرهم بالعديليه عادي اي احد يدش
بس عاد اصلا محد ايي
يمكن شكلك "underage"
علي العربي
13-08-2008, 15:13
هذي نتيجة الاحتكار !!!
شركة السينما احتكرت قطاع السينما بالديرة من الخمسينات إلى سنة 2005 ، و ثبتت جذورها عدل ...
و لو لاحظتوا إن الطفرة الأخيرة بالصالات كلها صارت بعد الـ 2000 .. كلها خوفا من عقد احتكارها اللي كان راح ينتهي ... فاستغلت هالفرصة و استحوذت على السوق ... و النتيجة حاليا مثل ما تشوفونها ...
ما في شركة قادرة على انها تنافس شركة السينما في هالمجال بالكويت .... رغم انها قانونيا ما عادت محتكرة للسوق
ما في احد عنده القدرة على انه ينافس عدد الصالات ، و تقنياتها ، و خدماتها ، و توافرها ... و بالاخص " اتفاقياتها " مع شركات الانتاج العالمية !
لما تحكر السوق مدة طويلة على شركة وحدة ،، و تمنع منافيسها من نفس الامتيازات اللي حصلت عليها ،، طبيعي تكون النتيجة : Cinescape ..
http://www.thebigeventguide.com/thumbnails/amc.jpg
يا ليت يتعلمون منها !
طـويل الـعمر
13-08-2008, 16:17
السينما بالكويت تلوع الجبد ..
آخر 5 سنوات كنت اسبوعياً أروح سينما
بس الوضع صار أسوء وأسوء لدرجة اني تمر أسابيع ما أروح السينما
من بداية زيادة أسعار التذاكر لي التقطيع اللي ماله داعي
حتى الـسب يقطعونه : \ !!
أنا أقول محد سينما .. شعندي أقط 3 دنانير على فلم نصه مقطع !
أشتري الفلم DvD وأشوفه بالبيت وآآيد أبرك
يا جماعه سينسكيب ما طقت احد على ايده وقالت تعال شوف الفلم بالسينما عندنا !!
اللي بقط 3 دنانير خل يدري انه الفلم مقطع والسب مقطع واذا مو عاجبه
يبا روح اشتر فلم دي في دي بدينار ونص .. وسولك صاله سينمائيه بالبيت وتمتع بالمشاهده وريح عمرك !!
Mehmet Scholl
15-08-2008, 00:01
قبل كل اسبوع اروح مرتين او ثلاث
بس بعد زيادة الاسعار وزيادة التقطيع صرت اروح مره او مرتين بالشهر
السينما عندنا تلوع الجبد
مافي احسن من دي في دي بدينار تشوف فيلم كامل ومو مقطع ابرك من السينما التعبانه ادفع 3 دنانير علشان اكل نفيش واشوف فيلم مقطع ؟؟؟
انا اقول بالنسبة عن التقطيع خل يسوون مثل دبي احسن لهم يحطون على كل فلم عمر
يعني الي اقل من 18 اكبر من18جذي احسن مو؟
[ 3amer ]
15-08-2008, 01:18
^^^^^^^^
إي والله جذي أحسن :)
Professor
15-08-2008, 02:45
التقطيع والله ما ألومهم .. التقطيع بيد رقابة وزارة الاعلام .. و اذا شفتوا شهادات الي ماسكين الرقابة هم راح تعذرون الرقابة .. لأنها شهادات مو اعلامية ولا لها علاقة بالسينما .. و فوق هذا و ذاك تتسلط عليهم ضغوط من اعضاء مجلس الامة الي قاعدين قعدة حق السينما و القنوات الفضائية .. و هم انتوا عارفين اننا بدولة قاعدة تخطي بخطى ثابتة و مباركة من " بعض " الشعب نحو المنهج السعودي بشتى اشكاله مع احترامنا لهم .. فـ حمدوا ربكم ان لي الحين في سينما بالديرة ..
و ملاحظة .. الافلام المعروضة في النادي الكويتي للسينما مو مقطعة .. روحوا بلغوا عنهم خل يقطعونها مرة وحدة .. مو لأني ضد التقطيع .. بس لعانة لانهم ما يدخلون اي واحد !
أوافقك الرأي ... المشكلة ديرتنا طول عمرها ديرة " متفتحه " بس للأسف .. " البعض " يبي يفرض " منهج " حاربوه اهل الكويت منذ " القدم " ...
قالها سعو الناصر ... الخوف من " الغزو " الداخلي ...
انا اقول ينصنفون الافلام احسن
افلام الرعب و جذي 16+ و 18+
و العادية pg
اللي فيها مشاهد لا اخلاقية بلاها احسن
القدساوي المحنك
16-08-2008, 03:54
بس يالحبيب هـم صعـب تحـط أفـلام فيها مشاهد إباحيه وتقولي 18 سنه يعني بهالحاله العايله راح تبتعد عن السينما نهائياُ لان الحمدلله إحنا طول عمرنا محافظين .. بس قول يقطعون بالمعقول نفس البحرين البحرين يحطون الفيلم كامل اللهم جم مشهد إذا كان فيه لقطه قوية يقطعونه مو الكويت حتى اللقطات الدموية تتقطع ..! :)
elly neSak
16-08-2008, 04:21
اللـي بـاط جبـدي حتــى البــوسه تنقطــع!!
القدساوي المحنك
16-08-2008, 04:22
اللـي بـاط جبـدي حتــى البــوسه تنقطــع!!
إي ليش ماتنقطـع :p
Bo_faraj
16-08-2008, 15:55
بس يالحبيب هـم صعـب تحـط أفـلام فيها مشاهد إباحيه وتقولي 18 سنه يعني بهالحاله العايله راح تبتعد عن السينما نهائياُ لان الحمدلله إحنا طول عمرنا محافظين .. بس قول يقطعون بالمعقول نفس البحرين البحرين يحطون الفيلم كامل اللهم جم مشهد إذا كان فيه لقطه قوية يقطعونه مو الكويت حتى اللقطات الدموية تتقطع ..! :)
والله حتى البحرين أحيان يطوفون شوي شغلات قوية، من 3 اسابيع شفت فلم بالسنيما بالبحرين و يمي كان فيه عايلة اعتقد سعودية فيها بنت عمرها اتوقع 14 سنة طلع مقطع قوي شوي آنا حدي انحرجت من موقف العايلة شلون عيل ابوها و اخوانها!! الصراحة مادري موضوع الرقابة حساس شوي خصوصا بالنسبة للي يروح السينما مع أهله.
بس سالفة الأعمار هم مهمة لأن أحيان اليهال يخربون أفلام الرعب و العنف بصراخهم و كلامهم. بس ما اتوقع تتطبق لأن اليهال يدفعون و سينيسكيب لو بايدهم حتى النمل ياخذون منهم فلوس.
تسلم يا بوحسين على الموضوع ألي منزمان يبيله منااقشه..
يعني ياا جماعة الخير ماي + حلو = 600 فلس شدعوه ؟؟ أحسلس أشتري من بقاله قبل ما أدخل السينما !!
ثلاثي الأبعاد : التاشك ان التقطيع الي قاعد يصير مرات يصير بشكل "غلطه مطبعيه" ..
بمعنى ان الي قطع المشهد او الحوار ما يدري ..
و مشكلتي مو التقطيع.. الانتقاله من المشهد للي بعد بالتقطيع تتم بشكل "دفش" amature
ما تحس انه شغل ناس يمكن اهم الاقدم بالمنطقه بعرض الافلام بالسينما
و كل ما يمر علي تقطيع جذي .. الي معاي بالسينما ياكل له بكس لان بصراحه شي ينرفز
الاكل بعد الدنيا كلها غلت و لو انهم مبالغين
بيبسي و ماي بنص :) >>>> كلامك صحيح وواقعي ومنطقي 100 % 100
صراحه شي يبط الجبد
لافي مكان سنع حق الشباب ، في كراسي زينه بس مو كل سينما ، صراحه شي غريب
اذا تبون طريقة الأعمار 18+ و مادري شنو .. جذي راح تظلمون الغير
يعني فلم حق 18+ و فوق .. واحد بو 17 ما يدخل ؟! غلط
على اي اساس نطبق هالطريقه ؟ يعني علشان ان الي عمره 18 و فوق اهو الي يفهم سوالف المشاهد الي تتقطع ولا شنو؟
لالا .. جذي راح ينظلم الغير
فلم عاجبني و شفت التريلر ماله و عجبني و مدحوه .. بحجز .. ما اقدر و السبب ان اعمري اصغر من العمر المسموح ؟!
اذا تبون طريقة الأعمار 18+ و مادري شنو .. جذي راح تظلمون الغير
يعني فلم حق 18+ و فوق .. واحد بو 17 ما يدخل ؟! غلط
على اي اساس نطبق هالطريقه ؟ يعني علشان ان الي عمره 18 و فوق اهو الي يفهم سوالف المشاهد الي تتقطع ولا شنو؟
لالا .. جذي راح ينظلم الغير
فلم عاجبني و شفت التريلر ماله و عجبني و مدحوه .. بحجز .. ما اقدر و السبب ان اعمري اصغر من العمر المسموح ؟!
انزين يقطعون الفلم نفسه ويعرضونه حق اللي اعمارهم اقل من 18 سنة ..
مانبي شي اباحي .. نبي نفهم الفلم .. ترا كل الامة تعرف كلمة الـf .. حتى اللي يطلع من بطن امه يعرف هالكلمة .. تقطعهااااااااا ليشششششش !!
يعني بيروح البيت بيشوف mbc2 وبيلقى الكلمة .. تبي تربي اللي يدشون السينما !
6r6be6a !!
17-08-2008, 02:58
فيه كويتي .. فيه تحلطم :) !
محد سامعكم !! ليش تغثون روحكم !
تبون يسمعون مطالبكم ! روحوا حق البطه الفتانه " قناة الوطن" !
و بحيل الله .. بيسوون لكم اللي تبونه :) !!!!!!
f.torres9
17-08-2008, 03:41
..
المشكله بكل فلم حاطين له ملاحظه
يعني 18 يعني حق اللي 18وفوق
16 اللي اقل من 18 .. وعلامه حق ينصح بصطحاب اولياء الامـور !
بس ماني شايف هالشي متطبق كل من هب ودب دش ولا دروا عن القوانين !!
Bo_faraj
17-08-2008, 08:19
اذا تبون طريقة الأعمار 18+ و مادري شنو .. جذي راح تظلمون الغير
يعني فلم حق 18+ و فوق .. واحد بو 17 ما يدخل ؟! غلط
على اي اساس نطبق هالطريقه ؟ يعني علشان ان الي عمره 18 و فوق اهو الي يفهم سوالف المشاهد الي تتقطع ولا شنو؟
لالا .. جذي راح ينظلم الغير
فلم عاجبني و شفت التريلر ماله و عجبني و مدحوه .. بحجز .. ما اقدر و السبب ان اعمري اصغر من العمر المسموح ؟!
اخوي تحديد الأعمار صاير بكل مكان مو بس السينما. اذا على قولتك، ليش اللي عمره 18 يسوق و اللي عمره 17 ما يسوق؟ ليش اللي عمره 21 ينتخب و اللي عمره 20 ما ينتخب؟ العمر مو معيار لكن يعتبر كشرط مطلوب تقيس عليه شغلات ثانية. بالعكس انا اشوف اللي عمره 18 غالبا يفرق عن اللي عمره 17.أغلب اللي عمرهم 17 بالثانوية أما اللي عمرهم 18 أغلبهم بالجامعة أو الكلية أو يشتغلون. و هالشي هذا يزيد من نضج الانسان و خبرته مقارنة باللي توه بالثانوية.
سينمات الكويت تجيب المرض، خصوصاً بالتقطيع .. فعشان جذي الافلام الاجنبية مااروح لها، لأنهم يلعنون خير التقطيع ..
المفروض يحطون التـنصيف العمري وتحذير بمتحوى الفلم ويطبـقونه ويفكونه من شرهم .. لا يقـطعون الأفلام ويمنعون دخول أقـل من 18 .. واذا خايفين على بو 18 .. خلوها حق اللي عمره فوق 21 سنة وفكونا من شر التقطيع .. 3 دنانير وادش فلم مقطع ! اروح اشتريه dvd ومعاه 5 افلام ثانية !
لا يطـلع لي احد مايجوز مو مقطع ومن هالكلام .. عقلك براسك .. حاطين لك تحذير ان الفلم مولي ورايح فيها .. تبي تدش ادفع فلوسك ودش !
اتفق معـــــــــــــاك ....
Abo_Ahmad_k
17-08-2008, 08:51
السينما الكويتيه كل مالها تسوء
شوي شوي تصير بالحضيض
الفلم مدته ثلاث ساعات بقدره قادر
تصير مدته ساعه ونص ليش
ماكو كلمه ماقطعوها ماكو مشهد مالعنو خيره
الحين رضينا زدو اسعار التذاكر من دينارين الى ثلاثه
قلنا مو مشكله تستاهلون بس خلو الفلم كامل شسلو اللقطات القويه
وخلو الشئ الي يكمل قصه الفلم لنا
اذا البوس قامو يشيلونه وينعرض على قنواتنا المحليه غريبه
اما بالنسبه للاكل انا طايح لي بطريقه صارلي فوق سنتين اسويها
امر فرع الجمعيه قبل لا اروح السينما واترس جنطه ام العيال من بيبسي وعصير وبطاط
لدرجه مدخل لي وجبه فيها لوووول واذا رحت المهلب ادخل لي باسكن روبنز وياي لوووول
هذا احسن حل البيبسي بالجمعيه ب 100 عندهم بنص دينار ليش شنو مسوي لاقي فلوسي بالشارع لوووووول
Bo_faraj
17-08-2008, 14:23
اما بالنسبه للاكل انا طايح لي بطريقه صارلي فوق سنتين اسويها
امر فرع الجمعيه قبل لا اروح السينما واترس جنطه ام العيال من بيبسي وعصير وبطاط
لدرجه مدخل لي وجبه فيها لوووول واذا رحت المهلب ادخل لي باسكن روبنز وياي لوووول
هذا احسن حل البيبسي بالجمعيه ب 100 عندهم بنص دينار ليش شنو مسوي لاقي فلوسي بالشارع لوووووول
هههه زين تسوي. بس الصج انا مستعد ادفع نص دينار اذا الشي غير عن اللي ينباع بالجمعية أو على يحسنون النوعيات المعروضة.
المشكلة ما يخلونك حتى توقف بالاستراحة و معاك عصير من برا!! ذاك اليوم معاي سموثي بسينما الفنار و قاعد عالكراسي اللي عند المدخل ما خلاني! زين امنعني لما ادخل الصالة مو وانا قاعد بالاستراحة!
Bo_faraj
في فرق كبير بين السينما و بين الإنتخاب و الي يسوق .. الإنتخاب هذا انا معاك لازم تحديد عمر معيّن و الي يسوق هذا ما راح تظلم الغير اوصل عمر ال18 تسوق و ما فيها اي مشكلة ! مو لازم واحد يعرف يسوق معناته لازم ياخذ رخصة قيادة ! خله ينطر إلى العمر المطلوب و يجتاز الإختبار بسهوله و انتهينا.
اما السينما .. فـ انت تقول عمر معيّن و المفروض هالشي ما نبيه و السبب مو ان المشاهد و الكلمات البذيئة الي تنقال لا .. السبب انك ما تخلي بعض الشباب الي اعمارهم اقل من المطلوب يشوفون الفلم الممتاز و قصته روعه بشكل عام و طبعاً بإستثناء المشاهد و الكلمات البذيئة .. !
مثلا .. فلم ممتاز و قصته روعه و الي يشوف الـ Trailer (الدعاية) مالت الفلم .. يخليه يروح الفلم لكن الفلم 18+ و السبب فيه بعض المشاهد إباحية و كلمات بذيئة ..
و في وايد شباب اعمارهم 17 سنة و 16 و حتى 15 سنة .. عقلهم و تفكيرهم مثل عقل و تفكير الي عمره 18 و فوق !
يعني حرام تضيع على شباب فلم يصلح لهم و يبون يشوفونه (لأنهم معجبين بدعاية الفلم و مادحينه مثلاً) و السبب بعض المشاهد و الكلمات الي اصلاً اهم يعرفون و فاهمين هالسوالف
mr.scholes
17-08-2008, 22:19
شركة السينما الوطنية مالهم اي علاقة بتقطيع الافلام لان هذا شغل لجنة الرقابة بوزارة الاعلام
بالعكس هالشي ايضا يضر السينسكيب لان في كثير افلام ودهم يعرضونها لان اكيد رح تعود عليهم بالارباح بس ما يمشي من وزارة الاعلام, و هالشي ياثر على سمعتهم كشركة عرض عند موزعين الافلام في امريكا او اي دولة ثانية لمن يكنسلون عرض الفلم و السبب الرقابة
بعدين ليش تروحون بعيد و تقولون ليش يقطعون او يمنعون الافلام
الحين الرقابة قامت تمنع حتى الافلام المصرية!!!
وحتى لو تذكرون الرقابة امنعت عرض فلم خليجي بطولة البلام و درويش قبل كم سنة, و عذرهم "يعطي انطباع سيء عن الشاب الخليجي"!!!
و اذا تبون تتاكدون, بطلو الجرايد و شوفو الافلام اللي رح تنعرض قريبا (coming soon) رح تقرون بخط صغير تحت ان الافلام رح تنعرض بشرط من وزارة الاعلام
فحمدو ربكم ان ليلحين عندكم سينما
Professor
18-08-2008, 00:06
الحمد لله إنه للحين في ناس تتكلم .. حتى لو محد سمعنا .. لازم ما نفرط بالحرية إلي عندنا ... لأنه في ناس ودها تحول مجتمعنا من مجتمع متفتح أهله صالوا و جالوا في معظم بلاد العالم من أيام " الفقر " ,,, إلي مجتمع .. كأحدى المجتمعات القريبة ...
ثلاثي الأبعاد
18-08-2008, 03:46
اتمنى من الجميع ان ما يفهمون ان غرضي من الموضوع الشكوى ضد التقطيع
ما عندي مشكله مع التقطيع
لكن اسلوبه همجي .. و الانتقال من مشهد الى الي بعده يتم و كأنه انتقلنا من فلم الى فلم ثاني
اتمنى من الي ماسكين مقص الرقيب يشوفون شلون يصير ال censoring في قنوات افلام اوربت للمشاهد غير المرغوبه بشكل سلس و ما يحس فيه المشاهد ..
عربــاوي
19-08-2008, 04:26
اليوم رحت فلم ميرورز .. ولاعت جبدي من التقطيع ! شقوا ام الفلم ..
على طول بعدها ذكرت ثلاثي الابعـاد ..
وهالفلم حسافه ما دشيته بدبي .. بغيت ادشه ! لو ادري ان بالكويت مقطع وايد جان دشيته هناك ..
النفيش الي عندنا .. اللارج .. بدبي سمول ! وارخص .. سينما الكويت فلم .. بس ميزتهم الوحيده ان اييبون الفلام التوب اول باول ..
Mehmet Scholl
20-08-2008, 00:21
توني جاي من فيلم بن ستيلر
وبصراحه رفع ضغطي التقطيع الماصخ يقطعون حتى الحوارات والمشكله في مشاهد عاديه هم قطعوها
صج السينما عندنا ترفع الضغط
ميونخاوي
20-08-2008, 01:07
الي يقولون تحديد الاعمار عرض الفلم كامل بدون تقطيع ..بصراحه مادري شلون ! فيه مشاهد و حتى فيه حجي صعب ينقال او ينعرض بوجود العايلات ! و الله فيها احراج حتى لو انت قاعد بروحك محد وياك من الاهل ! فيه حريم قاعدين !
بالنسبه للتقطيع .. انا بصراحه مو وايد هامتني !!! يقطعون مومشكله .. اهم شي ما يأثر على احداث الفلم !
مميزات شركتنه .. الراحه بالكراسي و الديكورات و طريقه حجز التذاكر
سلبياتها .. قوانينهم الي مادري شلون صايره !
ممنوع ادخل اكل او شراب من بره ! شحقه ليش شنو السبب ؟؟ ماني لاقي اي عذر مقنع !!!
كتفنيريتهم حدث ولا حرج !!! شي يفشل .. روحوا سينمات دبي و الشركتين شوفوا شنو يقدمون حق الزباين !! كااافي النفيش بو الجبن !! و غير الغشلات الي ماتخلص !!
قاصين علينه هني بالناتشوز و نفيش كراميل و النقانق الي " بقرمه " وحده ولا مخلصه !! و فوق هذا مبالغين بالاسعار حسبي الله عليهم :(
متى يردون يسون سينمات بمبنى بروحه و نفتك من المجمعات ؟ :(
الازرق82
20-08-2008, 01:29
عن نفسي اخر مره دخلت السينما كان فلم rash aur 3 ومن بعده فكيت نفسي سينما منزليه واقطع حبيبي بلا واحد يمللك ويرافس طول الفلم يكسر لي ظهري ..
وبلا واحد جدامي مسوي شعره سبايكي ولا وحده شعره كووووووشه ما اقدر اشوف شي ..
وبلا وحده داخله السينمى تقعد اعياله 4 اعمارهم من 7 الى 3 سنوات يالله استانسو واهي تذلف تتسوق وانا قاعدين يمي وابتلش بصيحتهم 2 يتهاوشون او واحد نايم والرابع يقول القصه يعني شوفوني تراني شايف الفلم .... والي على يساري الريال خامد شخري والامايه بحضنه الياهل بالمهاد يايبته السينمى وشاق حلجه من الصياح والصراخ ..
بالله عليكم وين القوانين شكو ادخل هاليهالو السينمى ليش ما احط قانون اقل من 8 سنوات مايدخل شنو يسوون بالسينمى هذيل .
هذا غير بعض الاحيان يقطع الكلام ( السب ) والترجمه مكتوبه يا ابن الســـاقطه ( ساقطه ولا ناجحجه ) انا شكو اقطع صح مثل الناس وبعدين والله الافلام العربيه فيه بلاوي اكثر من الاجنبيه اذا ماتبون تخربون الشباب والبنات منعو الافلام العربي الهابطه الي راس ماله ( هز ياوز ... ورئصني ياقدع ... وسوالف مخرات والسكر بس ) والله العن من الافلام الاجنبيه .
قدساوي & مدريدي
20-08-2008, 05:02
خلاصه الحجي مثل ما قال اخوي ثلاثي الابعاد ,,, احنا مو ضد التقطيع بس ضد التقطيع الهمجي !
وطـن عمـري
24-08-2008, 05:20
انا اللي قـاهرني شغله وحده و اللي أهيه تقطيع مشاهد الدم و القتل .. شالسبب يعني !!؟
يعني يـا أنك تخليه 18+ و فوق و تمنع المشاهد الإباحيه "لكن تخلي مشاهد القتل و الدم".. يـا أنك تخلي الياهل يدش و تخلي مشاهد القتل الذبح .. مو تقطعها !!
شذنب الأوادم اللي قاعده تقعد تمسحلها مشاهد الدم و القتل و ينحرق عليهم الفلم عشان صغار ؟!
غير حجي الصراحه ..
بس المشكله اذا مشهد اباحي لكن بنفس الوقت مشهد مهم مني شاللي المفروض يصير تهقون؟
بنظري اذا مشهد اباحي قوي و ما ينشاف عالأخر مني تقطعون لا حول ولا قوه بعد..
لكن اذا بوسه و مادري شنو .. هل تعتقدون ان اهم مشاهد الفلم تستحق انها تنقطع عشان بوسه؟
أقصد ,
خلوه 18+ بس مو معناته ان اي مشهد اباحي تخلونه على ابونه خلاص وصل 18 !! واحد عمره 18 شنو خلاص الأسلام وره ظهره مثلا؟ مشهد ما ينشاف قطعوه بس مشهد يمشي حاله و "مهم" خلوه . لازم تخلونها على الله و اذا انت متشدد بهالناحيه لا تطالع بس اسمع .. شتسوي بعد هذا اللي بيدك و واحد عمره 18 ناضح يقدر يتصرف حزتها .. احسن من ان الفلم ينحرق عليك و شغلك يروح بلّوشي :)
و الموضوع مو معقد بس انا عقدته الصراحه !!
يا جماعه سينسكيب ما طقت احد على ايده وقالت تعال شوف الفلم بالسينما عندنا !!
اللي بقط 3 دنانير خل يدري انه الفلم مقطع والسب مقطع واذا مو عاجبه
يبا روح اشتر فلم دي في دي بدينار ونص .. وسولك صاله سينمائيه بالبيت وتمتع بالمشاهده وريح عمرك !!
اي والله هذي احسن كلمه انقالت
وايد تتحلطمون
يبا تشوفون يهال يدشون وحتى لو الفلم حاطين يمه 18 وفوق هم يدخلون اليهال لان اهما اهم شي يربحون
فشيسوون مايقدرون مايقطعون اللقطات الوصخه + اللقطات الي تخرع حيل وفيها جرايم وقتل
بالنسبه حق السب وايد مضايقكم ان قاطعينه !!
والله امركم عجيب
يعني اذا طافتكم السبه ماراح تفهمون الفلم !!
Mehmet Scholl
25-08-2008, 02:50
شباب فيلم بن ستيلر
واحد من الشباب شافه بدبي ولما رجع الكويت شافه مره ثانيه يقوووول سااااعه كامل قاطعينها سينما الكويت
ويقول اهم المشاهد اللي تموت من الضحك اقطعوها الكويت وهم قال ان اغلبها مشاهد عاديه حيل ما تستاهل التقطيع
هذا حال السينما عندنا تقطيع بتقطيع
وطـن عمـري
25-08-2008, 03:45
اي والله هذي احسن كلمه انقالت
وايد تتحلطمون
يبا تشوفون يهال يدشون وحتى لو الفلم حاطين يمه 18 وفوق هم يدخلون اليهال لان اهما اهم شي يربحون
فشيسوون مايقدرون مايقطعون اللقطات الوصخه + اللقطات الي تخرع حيل وفيها جرايم وقتل
بالنسبه حق السب وايد مضايقكم ان قاطعينه !!
والله امركم عجيب
يعني اذا طافتكم السبه ماراح تفهمون الفلم !!
انا واحد قصده بندائه لـهم أن لازم يخـلون الأرباح ما تغطي بهالشكل على الخدمات اللي تقدمها
للمشاهد ، مو كل شي الأرباح لازم يشغلون مخهم و يربحون بس بطريقه معقوله و المشاهد او الزائر يرتاحلها .
هالشي مجـرّد نداء أو أنتقاد مو مجبورين يسوونه بس لو يسوونه اهما المستفيدين اول و تالي و المشاهدين مستفيدين .. تحلطمنا هو انتقاد بحد ذاته .
و سالفه السب أكيد تضايقنا .. مرات أهم مشاهد الفلم كلها سب ، شنو اهم مشهد بالفلم يروح عشان سبه تقدر ما تكتبها؟ و تروح علينا القصه؟ ليش داشين الفلم بعد؟
مو سالفه ما نفهم الفلم بس داشين سينما من حقنا نتمتع بأهم مشاهد الفلم ..
صح .. التقطيع السيء او الـ Editing "الي اهو التنقل من مشهد لآخر" هو الخطأ و بعض المرات يقطعون كلام او مشاهد " مهمة " و اهي من اساس قصة الفلم فـ من جذي بعض المشاهد ما راح نفهمها لأنها متعلقه بـ مشهد تم تقطيعه بشكل مبالغ فيه او بشكل سيء.
لكن إذا ما تبون تقطيع .. و في عائلات اكيد تبي تشوف الفلم فـ الحل شنو .. مو انك تحدد اعمار لأن راح تظلم الغير و هالشي وضحته بـ رد سابق لي ..
الحل ان من دعاية الفلم او اي شي يكون بارز لما الواحد يبي يحجز بأي طريقة .. يحطون لك كلام ان الفلم يحتوي على مشاهد (..)
فـ هني الكل راح يدري ان الفلم في كذا و كذا و كذا ..و العائلات اكيد ما راح تدخل و السبب هالشي
وطـن عمـري
25-08-2008, 04:09
صح .. التقطيع السيء او الـ editing "الي اهو التنقل من مشهد لآخر" هو الخطأ و بعض المرات يقطعون كلام او مشاهد " مهمة " و اهي من اساس قصة الفلم فـ من جذي بعض المشاهد ما راح نفهمها لأنها متعلقه بـ مشهد تم تقطيعه بشكل مبالغ فيه او بشكل سيء.
لكن إذا ما تبون تقطيع .. و في عائلات اكيد تبي تشوف الفلم فـ الحل شنو .. مو انك تحدد اعمار لأن راح تظلم الغير و هالشي وضحته بـ رد سابق لي ..
الحل ان من دعاية الفلم او اي شي يكون بارز لما الواحد يبي يحجز بأي طريقة .. يحطون لك كلام ان الفلم يحتوي على مشاهد (..)
فـ هني الكل راح يدري ان الفلم في كذا و كذا و كذا ..و العائلات اكيد ما راح تدخل و السبب هالشي
قصدك مشاهد اباحيه ولا قتل و دم؟
وطـن عمـري
26-08-2008, 05:23
صح .. التقطيع السيء او الـ Editing "الي اهو التنقل من مشهد لآخر" هو الخطأ و بعض المرات يقطعون كلام او مشاهد " مهمة " و اهي من اساس قصة الفلم فـ من جذي بعض المشاهد ما راح نفهمها لأنها متعلقه بـ مشهد تم تقطيعه بشكل مبالغ فيه او بشكل سيء.
لكن إذا ما تبون تقطيع .. و في عائلات اكيد تبي تشوف الفلم فـ الحل شنو .. مو انك تحدد اعمار لأن راح تظلم الغير و هالشي وضحته بـ رد سابق لي ..
الحل ان من دعاية الفلم او اي شي يكون بارز لما الواحد يبي يحجز بأي طريقة .. يحطون لك كلام ان الفلم يحتوي على مشاهد (..)
فـ هني الكل راح يدري ان الفلم في كذا و كذا و كذا ..و العائلات اكيد ما راح تدخل و السبب هالشي
Rivaldo اسمحلي بس عندي تعليـق على جزء من كلامك .
شلون يعـني 18+ تظلم الغيـر؟ بأغلب سينمات العالم 18+ و كاهم ما قالوا ظلمتوا الغير!!
عيل ما سوينا شي .. خل نفرض ان حطوا شي بارز و حطوا ان الفلم يحتوي على مشاهد اللي قصدك عنها بالـ "...." اللي حطيتها.
يعني تتوقع صغار الكويت ماراح يدشون عشان تحذير؟ تتوقع شبابنا يلتزم!!؟ انت تدري ان الصغار او المراهقين يحبون شي مو حقهم و هالشي خصوصا عندنا !! فـ شسوينا الحين؟
ولا شي :) ..
فـ 18+ أفضل حل .. واذا واحد تحت الـ 18 خل يشتريه دي في دي .. شيسوي بعد؟ لازم حل قاطع يا الحبيب ولا ما تخلص السالفه :rolleyes: .
الخــالــدي
26-08-2008, 06:04
من صجكم تروحون السينما
أولا: يجيبون أفلام مالها داعي مره فلم مصري !!
مره فلم هندي !! وين قاعدين احنا !!
وأغلب أفلامهم الاجنبيه تكون أفلام بايخه مالها قصه يعني مو قويه ولاتستاهل أحد يتعنا ويروح لها
ثانيا : كلها تقطيع بتقطيع على غير سنع
والله انا أشتري دي في دي كلها دينار وأن زاد دينار ونص وأقعد أشوفه بالبيت على راحتي ومن غير تقطيع ولا هم يحزنون
قصدك مشاهد اباحيه ولا قتل و دم؟
سواء كانت إباحية او قتل و دم !
rivaldo اسمحلي بس عندي تعليـق على جزء من كلامك .
شلون يعـني 18+ تظلم الغيـر؟ بأغلب سينمات العالم 18+ و كاهم ما قالوا ظلمتوا الغير!!
عيل ما سوينا شي .. خل نفرض ان حطوا شي بارز و حطوا ان الفلم يحتوي على مشاهد اللي قصدك عنها بالـ "...." اللي حطيتها.
يعني تتوقع صغار الكويت ماراح يدشون عشان تحذير؟ تتوقع شبابنا يلتزم!!؟ انت تدري ان الصغار او المراهقين يحبون شي مو حقهم و هالشي خصوصا عندنا !! فـ شسوينا الحين؟
ولا شي :) ..
فـ 18+ أفضل حل .. واذا واحد تحت الـ 18 خل يشتريه دي في دي .. شيسوي بعد؟ لازم حل قاطع يا الحبيب ولا ما تخلص السالفه :rolleyes: .
طبعاً راح تظلم الغير !
واحد عمره نقول 17 ما تدخله على بو ان الفلم حق 18 و فوق ؟ و السبب شنو .. هاللقطات الإباحيه ..
دام ان في شغله تبيّن لك ان الفلم يحتوي على مشاهد إباحية او ذبح و دم خلاص شي واضح
و الي يقدر يشوف هالشغلات يدش الفلم و الي ما يقدر يشوف لا يدش ..
و بالنسبة للكلام الأسود .. ممكن يكون عدل بس امر غريب
يعني بـ يدفع 3 و نص مادري 3 دنانير و يدش الفلم و ما يعجبه فأكيد هو الخسران !
و إذا ما تبي تخلي المراهقين يدشون تره يقدرون ياخذون الأفلام dvd او ينزلونه من النت .. يعني كله واحد ( شايف الفلم يعني شايف الفلم ) يعني بتفرق إذا دش هالفلم او بياخذه دي في دي ؟ طبعاً لا
وطـن عمـري
26-08-2008, 19:35
سواء كانت إباحية او قتل و دم !
حبيب قلبي .. شالحكمه ان 18+ مسموح له يشوف اي مشهد اباحي؟
طبعاً راح تظلم الغير !
واحد عمره نقول 17 ما تدخله على بو ان الفلم حق 18 و فوق ؟ و السبب شنو .. هاللقطات الإباحيه ..
ليش ما باجي دول العالم قالت ظلمتوا الغير بهالمسأله عيل؟
وايد أمور لها عمر معين شنو كل شوي بنقول لا ظلمتوا الغير؟
اذا بتقارن بالأمثله .. انت تقول ان اللي عمره اقل من 18 خل ينطر ليما يصير عمره 18 و ياخذ ليسن ..
و انت قلت في صغار تحت الـ 18 و عقولهم أكبر من اللي عمرهم 18 .
ازين لو فرضنا واحد عمره 15 يعرف يسوق سياره اكثر من واحد عمره 18 .. ليش ما قلنا ظلمتوه؟
اهوا يعرف يسوق افضل من اللي يسوقون!! بهالحاله بنقول ظلمتوه مثلا؟ ما نخلص عيل!!
مثل ما انت تنطر لي العمر القانوني اللي يسمحلك تاخذ ليسن .. مثل ما انت تنطر لي العمر القانوني اللي يسمحلك تشوف فلم 18+ .. :rolleyes: انت قاعد تقول 20% اللي عقولهم اكبر من عمرهم ! لكن الأغلبيه لا عقولهم مو اكبر منهم ولا شي .. و أعتقد اذا رمز "18+" ما يراضيك اكيد قانون الأغلبيه يراضيك . :)
و بالنسبة للكلام الأسود .. ممكن يكون عدل بس امر غريب
يعني بـ يدفع 3 و نص مادري 3 دنانير و يدش الفلم و ما يعجبه فأكيد هو الخسران !
و إذا ما تبي تخلي المراهقين يدشون تره يقدرون ياخذون الأفلام dvd او ينزلونه من النت .. يعني كله واحد ( شايف الفلم يعني شايف الفلم ) يعني بتفرق إذا دش هالفلم او بياخذه دي في دي ؟ طبعاً لا
بالنسبه لي تعليقك على كلامي اللي بالأسود ، ما فهمتني اخوي .. انا اقصد المراهقين و الصغار يدورون مشاهد "خواره" من الله :rolleyes:.. فـ اهما ما خسروا بهالحاله ولا شي .. اهوا داش عشان هالمشاهد شلون تقول اكيد اهوا الخسران؟ .. انا اقصد من هالنقطه ان احنا ما سوينا شي لو تحط تحذير ان فلم في مشاهد مو حق صغار خو مني انت عارف شبابنا شلون قايل تطنيشه و شلون قايل تفلسفه .
وبالنسبه لكلامك اللي بالأزرق .. عاد مني مشكلته يا الحبيب!:rolleyes: سينمتنا سوت اللي عليها و اللي المفروض تسويه سوته!! و خلاص مدام يقدرون يشوفونه دي في دي ليش معارض على فكره 18+؟ ليش مو اللي اقل من 18 ما يشوفه دي في دي و خلاص؟
LaBartteta
26-08-2008, 23:57
امس دشيت تروبيك ثندر ..
لعـنوا خير الفيلم تقطيع !!! .. والمقاطع عاااااديه !!
كرهت السينـما والله ،،
Moody-Man
06-05-2010, 03:29
لو سمحتو شنو في فيلم للأطفال يستحق المشاهدة لهذا الاسبوع مع العلم اني اخذت الاولاد ورحنا فيلم
اليس في بلاد العجائب
و
كيف تدرب التنين
و
ناني ماك في
بس ما ادري هالاسبوع في شي حلو؟
وشكرا
vBulletin® v3.8.4, Copyright ©2000-2010,