مشاهد مكررة ما تحبها بالأفلام؟ [الأرشيف] - ديوانيــة الأزرق دوت كــوم

Bo_faraj

25-08-2008, 01:17

السلام عليكم ورحمة الله و بركاته

في مشاهد معينة بالأفلام تتكرر بأكثر من فلم مثل ما يسمونها بالانجليزي Cliche.لما تشوف فلم و يصير هذا المشهد تحس انك شايفه 100 مرة من قبل لأنها صارت ماركة تقليدية. شنو المشاهد هذي بالنسبة لك؟

آنا عندي مثلا:
بأفلام الرعب، لما شباب يكونون طالعين رايحين شاليه أو مكان بعيد و هم بالطريج بمكان بعيد فجأة تخترب السيارة و توقف عليهم و تلفوناتهم ما فيها سرفيس!! كله يصير جذي

بأفلام الرعب بعد، لما عايلة تكون ببيت مسكون بالليل فجأة يسمعون صوت غريب مثل شي يتحرك (و طبعا موسيقى تخرع شغالة) يروح واحد من العايلة صوب الصوت اللي عادة يكون داخل الكبت أو ورا الباب و لا يطلع صاحب الصوت.........قطوة صغيرة!! أملق شي

في بعد وايد بس مو ذاكر

شنو بعد؟

Jasem-ramos

25-08-2008, 01:25

انه فيه فريق كره قدم امريكي و بالنهائي على آخر ثانيه البطل يسجل قول الفوز :p

Pro

25-08-2008, 01:28

في افلام الاكشن .. و البطل متعلق بسيارة الحرامي يطيح مسدسه ..

Bo_faraj

25-08-2008, 01:33

انه فيه فريق كره قدم امريكي و بالنهائي على آخر ثانيه البطل يسجل قول الفوز :p
لووول يبتها

لما المجرم و بايديه مسدس أخيرا يطيح البطل على الأرض بدال لا يذبحه سيده يقعد يقرق ساعتين على ما البطل يلمح المسدس أو السجين الطايح على الأرض ياخذه و يذبح المجرم!!!

ثلاثين

25-08-2008, 01:44

طبعا بالافلام الهنديه الي لازم اهيه غنيه واهوه فقير وابوها مايرضى يتزوجون ومادري شنو واخر شي عقب الطق مطاقق يرضى الابو ويتزوجون
هذا مشهد مايخلى منه فلم هندي
وفي افلام الاكشن السيارات كلها اتراقع ابعضها وسيارة البطل مايصير لها شي خخخخخخخخخخ

كظمـاوي

25-08-2008, 01:47

بأفلام الرعب، لما شباب يكونون طالعين رايحين شاليه أو مكان بعيد و هم بالطريج بمكان بعيد فجأة تخترب السيارة و توقف عليهم و تلفوناتهم ما فيها سرفيس!! كله يصير جذي

هذي اكثر شي

Rivaldo

25-08-2008, 04:09

السلام عليكم ورحمة الله و بركاته

آنا عندي مثلا:
بأفلام الرعب، لما شباب يكونون طالعين رايحين شاليه أو مكان بعيد و هم بالطريج بمكان بعيد فجأة تخترب السيارة و توقف عليهم و تلفوناتهم ما فيها سرفيس!! كله يصير جذي

وعليكم السلام ..

توني كنت بقول هالشي

شبعنا من هالسوالف

N A P A L M

25-08-2008, 04:20

عاد بافلام الرعب .. مشاهد متكررة لا تعد ولا تحصى .. خاصتاً بأفلام القور وماحولها , عندك بالسيناريو...ولا مليون فلم..قصته تتكلم عن سفاح..يمشي ويذبح واخرته ينذبح بطريقه غبية , هالموضوع ذكرني بفلم نكتة اسمه breathing room هذا لازم ياخذ جائزة املق فلم هورور على وجه التاريخ

عموما المشهد اللي ماعندي استعداد تلوع جبدي فيه مرة ثانية ..اهو:-

لمن تنفجر البناية وفجأة يطلع منها البطل .. ويناقز بعد

king of castle

25-08-2008, 05:12

بوفرج هم على سالفة المسدس

تلقى على اخر الفلم البطل بيذبح المجرم

يرمي بالمسدس ولا ماكو طلقات المسدس فاضي .... ويقعد المجرم يضحك على البطل ... هذه اللقطة

ولا بالف فلم سووها ....

Doni

25-08-2008, 05:51

بأفلام الرعب .. لما يكونون ساكنين بيت جديد و احد يطق عليهم الباب بالليل .. فجأة يطق مطر و تطفي الكهربا !!!

TrustNo1

25-08-2008, 11:37

اذا في قنبلة لازم يوقفونها على اخر ثانية

FaWaZQ8

25-08-2008, 11:40

اكره مشهد الحصان اللي نازل سلايت من تحت الشاحنه بفلم هندي

m89ed 31

25-08-2008, 11:45

واحد من الشرطة أو المباحث يبي يصيد رئيس العصابة ويركض وراه والعموم يموت الا اهمة الأثنين ولمة يلقاه ما يذبحه يقط المسدس ويتهاوش معاه طق ويع أحس تفلسف خلاص ارمه وفك عمرك ليش التفقق لازم هالسالفة تصير

بومبـارك

25-08-2008, 16:38

آنا عندي مثلا:
بأفلام الرعب، لما شباب يكونون طالعين رايحين شاليه أو مكان بعيد و هم بالطريج بمكان بعيد فجأة تخترب السيارة و توقف عليهم و تلفوناتهم ما فيها سرفيس!! كله يصير جذي

والله يا بوفرج عندي اكثر من 15 فلم كلمهم نفس الطريقه هذي .. قمنا نعرف شنو راح يصير
حتى الحين في افلام رعب اخرها البطل يموت ويخلص الفلم والشرير او المجرم يظل عايش ..

De Rossi

25-08-2008, 16:49

ثلاثي الأبعاد

25-08-2008, 19:05

cliche كلمه فرنسيه :)

عموما ..

لازم الكليشيهات نضطر ان نشوفها .. لكن المهم اهو ال trick اليديد بالفلم ..

ابيخ كليشيه عندي .. ان الامريكان لو شيسوون ما يضبطون ادوار العرب على الرغم من "حرفيتهم" بسوالف ال casting و القصه و غيرها .ز حتى في اقوى اعمالهم !

ONe

26-08-2008, 00:38

هالسنه وايد طلعت افلام سوبر هيرووز .. طبعا كل افلام السوبر هيروز دايما سيناريو القصه يكون نفس الطريقه ! البطل عنده موهبه او قدره خارقه ويي عدوه ويكون نفس قدرته بس اقوى !! البطل بنهاية الفلم يكتشف نقطة الضعف او فجأه تييله قوه عظيمه يقدر على الشرير لول .. مادري هذي تعتبر cliche او لأ ..

بأفلام الكوميديه رومانسيه البطل يزعل حبيبته بس يراضيها بنهاااااية الفلم .. بس عادي ماشوفها مشكله :p
التكرار اكثر شي بافلام الاكشن و الرعب .. تقدر تتوقع الاحداث بسهوله !!

ويات هبه بالتسعينات بافلام الرعب .. بعد مايموت الوحش و يفرحون الابطال و الناس .. قبل لا يخلص الفلم يحطون لك ان الوحش بعده مامات وفييه رووح ليلحين او ان عنده عيال لول ..

طـويل الـعمر

26-08-2008, 01:14

بأفلام الرعب، لما شباب يكونون طالعين رايحين شاليه أو مكان بعيد و هم بالطريج بمكان بعيد فجأة تخترب السيارة و توقف عليهم و تلفوناتهم ما فيها سرفيس!! كله يصير جذي

لوووووووووول خو هالمشهد مر علي بأكثر من 10 أفلام
وعموماً أفلام الرعب صارت كلها مكررة تقريباً ..

Esperanza

26-08-2008, 01:23

أكثر مشهد أكرهه ،،

لما البطل يكون متوهق والمجرم رافع مسدسه خلاص بيذبحه
فجأة واحد يطق المجرم ،، وينقذ البطل
من وين طلع هالـ واحد ما ادري :p

ثانكيو ،.

عميدتهم

26-08-2008, 03:18

اكثر شئ الفلام الهنديه يطيح من فووووووووووووق وفجأه يقوم يصير حصان ويركض
صج افلام هنديه ماكو شغل ..
والفلام المصريه تكون علاقه بينهم وبالاخير يتفرقون.. ومع الوقت فجأه تلقي بنتها تحب واحد
ابوه كان يحب امها .. ملقلق

Bo_faraj

26-08-2008, 03:37

مشكورين عالمشاركات يا جماعة!

بأفلام الأكشن، لما رفيج البطل يرمونه بس قبل لا يموت يقول شي مهم حق البطل أو يوصيه على شي بس يخلص كلامه يموت و البطل يصارخ "nooooooo"!!

بالأفلام الرومانسية، البطل يتزاعل مع حبيبته و بنهاية الفلم يروح لها و يعتذر لها بمكان عام (مطار أو ملعب) بصوت عالي و تسامحه و يلمون بعض و "مادري شنو" و الناس دار مدارهم يستانسون و يصفقون!! يا حبذا على نهاية الفلم يحطون مشهد من عرسهم!!

K L O S E 11

26-08-2008, 03:53

المشاهد إلي صج كله تتكرر لمن إموتون الأوادم وتنفجر الدنيا واصير يوم القيامه آخر شي تجي الشرطه :p

KaZma girl

27-08-2008, 06:49

ياكثر المشاهد المكرره الي من كثر ما اشوفها قمت اشك بعمري اذا شايفه الفلم من قبل

افلام الاكشن .. الشرطي والرهينه والمجرم .. المجرم ماسك الرهينه و حاط المسدس يم راسها واهيا تبجي والشرطي بكل سهوله يرميه بنص راسه

افلام الرعب .. رفيج البطله الي يتعور اول الفلم غالبا ما يكون مساعد للمجرم

الافلام الكوميديه الرومنسيه .. اول الفلم لازم البطل والبطله يتهاوشون او ينحطون بموقف يكونون ما يواطنون بعض واخر الفلم يتزوجون

Smart Boy

27-08-2008, 14:34

افلام الرعب .. رفيج البطله الي يتعور اول الفلم غالبا ما يكون مساعد للمجرم

لوووووول

في كل فيلم ،، صرت أتوقع في نهايته هالشيء

الواضح

27-08-2008, 15:30

بأفلام الرعب .. عد وخربط بالمشاهد المكررة اللي تضيق الخلق

شباب طالعين ويسهرون وبنص الليل بالسيارة تخترب فيهم !! شباب طالعين ويروحون يسكنون ببيبت وآخرتها يكون قتل وغرف مخفية .. سفـاح يلاحق الناس ولازم تكون سيارة واقفه بره بالاخير ياخذ المفتاح ويركض بيشغل السيارة والبطل ايي يطق الجام عليه !!

واايد .. واايد

لدرجة ببعض الأفلام صرت أتوقع النهاية من نص الفلم ... !!!!

اذا في قنبلة لازم يوقفونها على اخر ثانية

المشاهد إلي صج كله تتكرر لمن إموتون الأوادم وتنفجر الدنيا واصير يوم القيامه آخر شي تجي الشرطه :p

لووووووووووووووووووووووووووووووول ... :D:p

Smart Boy

27-08-2008, 16:50

من المشاهد المكررة في أفلام الاكشن
إذا فيه قنبلة في بيت أو سيارة ،، يطلعون من البيت قبل ما تنفجر بثانية
وتنفجر وهم طايرين في الهوا :p

في نهاية الفيلم إذا تقابل البطل والشرير
في البداية الشرير يطق البطل طق الويل بس تنقلب في الأخير لصالح البطل ويذبحه

T-MAC

27-08-2008, 22:04

في افلام الرعب ..او الجرايم ..على ااخر الفيلم وماات المجرم او الشبح او اي شيء المهم الشرير:p ..وقبل ما.. يخلص الفيلم بشويه يورونا شغله تتعلق بالمجرم . او الشبح ...يعني للحين مامات ...
بيورونا في جزء ثاني ... ملاقه
:p

A$ Roma

28-08-2008, 17:59

في أفلام الاكشن

البطل يذبح ربع المجرم بطراق .. و البطل يطق المجرم طق سنه بساعة و يرميه بالمسدس مليون طلقه وما يصير فيه شي .. وشرطة أخر من يعلم

Rivaldo

28-08-2008, 18:04

^^
يـا عـيـني عـليك :p

CANNAVARO

28-08-2008, 20:12

:d:d ما خليتوا شي .. أقوله

والشغلة اللي تتكرر كثير .. ان البطل ما يموت .. وتمر عليه زليون رصاصه .. وهو يطمر .. وينحااااش .. وهو بقدرة قادر .. عنده مسدسين وبكل بساطة .. يرميهم علني .. :d والمخرج علشان ما يستخف بالمشاهد يقولك حاشته اصابه بيده ..

غير سالفة السنايبر .. يكون مركز .. وبالمؤشر على المطلوب قتله .. لكن واحد يعترض .. ويوقف .. وهذاك يتأذى ما عنده زاوية يرمي منها صح

6r6be6a !!

29-08-2008, 02:25

أفلام الرعب .. هدوء وخوف .. فجأة .. صوت عالي .. والا الجامه متبطله .!
يروح أحد بيسكرها .. وينقفل عليه الباب .!

غلا الروح

29-08-2008, 03:15

اللي ما احبه بالأفلام لما البطل يكون بيخت على اساس خاطفين حبيبته واهو بينقذها واليخت في قنبله وباجي ثواني وينفجر اليخت يخلي حبيبته تنط قبله على ابو تضحيه:p واهو قبل الانفجار بربع ثانيه ينط وقبل لا يوصل البحر يصير الإنفجار ياساتر! وبعدين حبيبته تبجي وتناديه وتتلفت ادوره بقدرة قادر يطلع حتى زلغ مافيه اشدعوه! :eek: الواحد لو يحوشه بخار ماي يصير فيه حروق من الدرجه الأولى:p وهذا حرارة الانفجار ماسوت في شي؟

شرايكم فيني اصلح ناقده:D

BeCkHaM07

29-08-2008, 03:36

املق شي يصير بالافلام- مثل فلم Prom Night - لمن المجرم يتحرك جنه فار...

محد يشوفه و محد يدري عنه... حتى لو اهو واقف وراك ما تشوفه...

و يذبح نص اللي بفلم بس بطقة وحده ...

و اخرتها لمن يوصل حق البطلة يقعد يكلمها ربع ساعة =\ و لي يه يبي يموت تشوف البطل يخلص الطلقات كلها عليه!!!..

و ايي لك الجزء الثاني مافيه شي !!!

وطـن عمـري

29-08-2008, 03:55

الأملق .. "غالبا بأفلام الطيران الحربي أو الصواريخ أو شي حربي بشكل عام" ليما الناس تقعد بمثل مختبر .. و فجأه يصير اللي يبونه وكلهم يوقفون و يستانسون ويضحكون .. اكره نفسي اذا شفت هالمقطع .. خلاص لي متى هالتكرار!!

ONe

29-08-2008, 04:30

مانيو

29-08-2008, 05:23

بأفلام عمليات الإغتيال .. أكره شي لما البطل يقط نفسه على الرصاصه عشان يحمي الرئيس ََ

بكره القدم الأمريكيه لما الفريق يفوز بآخر ثانيه ..

بأفلام الأكشن .. البطل أو المجرم تلقاه مطيح الثاني و بإيده المسدس .. ما يذبحه على طول .. يسولف معاه و يهدده و يسبه .. آخر شي اللي بالأرض يسحب سجينه أو ينطر مثلا يطلع صوت و الحرامي يقلب ويها و يستغل الفرصه .. ذبحه على طول و خلاص !!

اضيف عليهم بأفلام الرعب لين يكون في مسخ تطقه بالمسدس تلعن خيره وهم ما يموت تقطعه نصين ويرد يقوم لوول لي متى لو يفتته هم بيقوم اخر الفلم سجينة وحدة يموت لوول

ONe

29-08-2008, 05:42

^^ وبنهاية الفلم الوحش يبطل عينه يعني نطروا الجزء االثاني

مانيو

29-08-2008, 06:12

^^^^

ولا تطلع حامل ويطلع ولده الصغير والنهاية

Smart Boy

29-08-2008, 06:23

ليه دايما المجرم يكون عنده مسدسين :p
لما يمسكونه ويأخذون المسدس منه .. يطلع مسدس ثاني من الشراب أو من جيب البنطلون

وليه دايما مسدس البطل يكون فيه رصاصة وحدة بس