المساعد الشخصي الرقمي

مشاهدة النسخة كاملة : ابي اشتري ملابس من موقع بس مو عارف المطلوب ..!!؟


αђмє∂ Bη śυlтαП
05-09-2008, 16:12
شباب ابي اشتري ملابس رياضية من موقع بس ماني عارف المطلوب بالضبط ..!؟

ناس تقول افتح حساب خاص للطلب من النت من بنكك .. وافتح حساب dhl

فابتـأكد من إللي عنده خبره بهالسوالف ..

وهل يأخذون فلوس غير سعر الشيء إللي انا اخترته ..!!

وجم يبيلهم وقت على مايوصلون

وشنو افضل واسرع موقع ملابس رياضه معتمد مو حرامية :p

وشكراً
حنونه وحبوبه
05-09-2008, 16:25
والله بصراحه مااادري بس دير بالك من حراميه النت ولا تحط حسابك مال البنك او رقمك السري ويسيفونه عندهم
وتروح فلوسك كلها دير بالك والله يوفقك وانشالله يفيدونك الاعضاء
caty
05-09-2008, 16:32
تقدر تطلب من مكتب طلبات اسمه By Order موجود بالصالحية اسعارهم زينه. هذا رقمهم 5122289 بدال لا اتعب نفسك مع الفيزا والشحن والعفسه هذي كلها دق عليهم يطلبون لك اللي تبي
BuJweS
05-09-2008, 16:33
مركز سلطان يضبطك ,,

بدون عمولة ولا شي ,, خدمة للزباين ,,
αђмє∂ Bη śυlтαП
05-09-2008, 16:40
معقولة مركز سلطان مايخذون عموله !!؟

زين والله بروحلهم وأشوف ..

caty .. ثانكس ثانكس .. بتصل فيهم واستفسـر
BuJweS
05-09-2008, 16:43
اي والله على كلامهم ما ياخذون عمولة ,, سعر القطعة + الشحن ,,
caty
05-09-2008, 16:48
صح ماياخذون عمولة بس يحسب الدولار بجم؟ وجم ياخذ على الشحن؟
رفيجتي سالتهم عن جنطه بتطلبها قالولها 110 راحت By Order قالولها 85 :confused:
αђмє∂ Bη śυlтαП
05-09-2008, 17:30
8 8 8

أووووووووله والله فـرق ..
f.rijkaard
05-09-2008, 17:43
ياا شباب احد عنده مواقع حق الملابس والجواتي وانتو بكرامه؟
f.torres9
05-09-2008, 17:44
..

بو فهد

ما اوصيك بلوزة برشلونه الصفره الاصليه :p

وللحين موجود محلك ؟؟ نـاوي اروح لك بس عندك اللي ابيـه :) ؟؟
BuJweS
05-09-2008, 17:45
كاتي ,, مع مصاريف الشحن ولا بدون؟

مركز سلطان يعطيك اياها كاملة مع الشحن ,,
caty
05-09-2008, 18:00
كاتي ,, مع مصاريف الشحن ولا بدون؟

مركز سلطان يعطيك اياها كاملة مع الشحن ,,

مع الشحن واذا تبي يوصلون البيت، بس ياخذون دينار ونص.
BuJweS
05-09-2008, 18:01
نفس الرقم اللي حطيتيه؟ ,,
Van Basten
05-09-2008, 18:02
بو جويس مركز سلطان ياخذ شحن .. حاله من حاله ارامكس

مو خدمه لله يعني
caty
05-09-2008, 18:04
نفس الرقم اللي حطيتيه؟ ,,

ئي اسمهم By Order
زرقـــاء
06-09-2008, 01:06
بوفهــد .. تـونـي أمـس طـالبـة حـق أخـوي بلـوزة مـن مـركـز سلطـان .. !
كـل اللــي تسـويـه إنـك تـدق علـى رقمهـم .. وتقـولهـم علـى المـوقـع و رقـم البلـوزة اللـي تبيهـاا مـع معلـومـات عنـك ..
هــذي أرقـامهـم ..
السـالميـة: 5750135
شـرق: 2407088
أو تقـدر تـدز المعلـومـات علـى إيميلهـم .. justask@sultan-center.com

و يـاخـذوون عليهـا شحـن & عمـولـة .. البلـوزة كـانـت بـ 21 صـارت بـ 34 مـع الشحـن و العمـولـة ..
و يـوصلـون البيــت .. أي سـؤاال .. ؟؟ :)
الريانه
06-09-2008, 01:17
تقدر تطلب من مكتب طلبات اسمه by order موجود بالصالحية اسعارهم زينه. هذا رقمهم 5122289 بدال لا اتعب نفسك مع الفيزا والشحن والعفسه هذي كلها دق عليهم يطلبون لك اللي تبي


مشكوووووووره ماقصـرتي
BuJweS
06-09-2008, 01:19
زرقاء ,, ما ياخذون عمولة على خبري :)

شكرا كاتي ,,
زرقـــاء
06-09-2008, 01:35
^^

ديـافـولـو .. آنـا لمـّـا كلمـت المـوظفـة .. قـالتلـي نـص الشحـن يـاخـذوونـه مـن الـدولـة اللــي عنـدهـا الـ item ..
و النـص الثـانـي يـاخـذونـه اللــي بـ الكـويـت .. غيـر العمـولـة .. و كلـّـه طلـع علـي بـ 13 غيـر سعـر البضـاعـة .. !

هـذا بـ الضبـط اللــي قـالتلــي إيـاااه .. :)
BuJweS
06-09-2008, 02:43
اللي اعرفه على الوزن :) ,,
αђмє∂ Bη śυlтαП
06-09-2008, 03:02
شباب اليوم كلمت باي اوردر ..

وعطيتهم السايت إللي فيه التيشيرت إللي ابيه

تدرون جم طلع سعر الشحن وهالسوالف ..!!؟

17 دينار فوق سعر التيشيرت وعلى كل قطعه جذي !!

يعني بولو شيرت الانتر من 15 دينار لـ 32 دينار !! " دبل |

والبس الكامل وصل للـ 50 دينـار !!

مادري أحس انهم مبالغيـن حييييييييييل
αђмє∂ Bη śυlтαП
06-09-2008, 03:05
بو فهد

ما اوصيك بلوزة برشلونه الصفره الاصليه :p

وللحين موجود محلك ؟؟ نـاوي اروح لك بس عندك اللي ابيـه :) ؟؟






توريس .. عندي من زماااااااان ..

وتصدق الشباب يسحبون منها أكثر من الأساسيـة

وتقريباً إللي بقـى عندي ميسي و هنري وهليـب :p
f.torres9
06-09-2008, 04:11
..

بو فهد

تكفه احجز لي ميسي :p

بجم احصلها عندك ؟؟ ومعاها ترينق ؟؟
نفح ـة عطـر
06-09-2008, 04:21
اختي يا كثر ما تطلب من النت : /

شوف اخوي

تروح تفتح لك حساب فيزا .. و تحط فيه المبلغ اللي تبيه

و تفتح لك صندوق بـ ارامكس .. و صندوق بلندن و صندوق بأمريكا عن طريقهم

و لما تطلب من الموقع .. تحط رقم الحساب و رقم صندوقك .. و يكون له رقم سري

و لما توصل البضاعه اللي انت طالبها .. تروح حق ارامكس .. و تقول لهم رقم الصندوق و السري

و تدفع سعر الشحن


الشغله صعبه شوي .. بس والله حلوه
Bourne
06-09-2008, 04:22
ليش مصعبها
روح ارامكس ..
او dhl وبطل لك صندوق مرة وحدة وفك عمرك !

واطلب اللي تبيه ..
Professor
06-09-2008, 07:42
^^
في مواقع أمريكية لازم فيزا من أمريكا .. ما تمشي الفيزا الكويتية
Galliani
06-09-2008, 21:13
بوفهـد شوف هالرد وان شاءالله يفيدك :)



اكثر من مره اتكلم بهالموضوع وماحصل ردي مادري وين يختفي شكله الحمادي يسوي فيه شي :p
---

1- تروح شركـة ارامكـس aramex" (http://www.aramex.com/)" مكانهـم في العارضيه الصناعيه او لهم "فـرع" ثاني بس مادري وين...المهم تقوله ابي افتح صندوق خدمـة "shop&ship" ويعطيك صندوق بـ"uk" وصنـدوق بـ"us" وتكلفتهم 10 دنانير وكسـور اتوقع .. وفترة الاشتراك مـدى الحيـاة. (استفسـر عن عمولـة الشحـن)

2- تروح تطلـع "internet visa" ويكون الحـد مالها "0 limit" يعني اذا شغله بـ 30 دينار تروح وتحول مبلغ من "حسابـك الشخصـي" بمبلـغ 30 دينـار وتطلبهـا هذي ميـزه الانترنـت فيزا وهذي ببساطه تطلعها من بنك الوطنـي عن طريق الـonline تطلبها وييبونها لك البيت او بنك الخليج او بنك التمويل على حسب وين مبطل حسابك..

3- بعد ماتستلم عنوانك ورقم صندوق البريد بـ uk و us وتستلم الفيزا هني تبلش شغلك...

وبخصـوص البوقات وهذي ..
اطلب من سايتات معروفه والكل يتعامل معاها.. وفي بعض السايتات مايعتمـدون فيـزا من الكويت مثل سايت "ralph lauren" او سايتات ثانيه واذا طلبـت منهم بالغلط راح يحجزون عالفلوس بو 3 ايام وبعدها ترد الفلوس بفيزتـك...

واذا تبي اي شي كلمنـي وان شاءالله افيـدك:)



وفي سايتات ماتقبل فيزا كويتيه ...
عندك حل ثاني انهم يقبلون paypal وبهالطريقه تقدر تطلب منهم ...
paypal مايبيلها شي .. عباره عن وسيط بين البايع والمشتري .. ومعتمده وثقه ..
والحمدالله انهم ضموا الكويت لهم :)... يعني مثلا سايتات رالف لورين يقبلون باي يال وتقدر تطلب منهم :)
واذا تبي افيدك فيها قولي وانا حاضر:)
Sebastiian Deisler
06-09-2008, 22:38
2- تروح تطلـع "internet visa" ويكون الحـد مالها "0 limit" يعني اذا شغله بـ 30 دينار تروح وتحول مبلغ من "حسابـك الشخصـي" بمبلـغ 30 دينـار وتطلبهـا هذي ميـزه الانترنـت فيزا وهذي ببساطه تطلعها من بنك الوطنـي عن طريق الـonline تطلبها وييبونها لك البيت او بنك الخليج او بنك التمويل على حسب وين مبطل حسابك
===
انا استعمل هالخدمة لتجديد اشتراك في game online وطبعا انا ما استعملها إلا بالشركات المضمونة والكبيرة
واما اراميكس صحيح كلامك
αђмє∂ Bη śυlтαП
07-09-2008, 21:03
عن جد .. ميرسي من قلب

وعن إستفسارات كثيره بس راح اسئلكم فيهم بعدين
GialloRossi
08-09-2008, 04:25
اي شي تبيه اكتب في بروفايلي وان شاءالله افيدك:)
BlueFrost
18-09-2008, 14:21
By Order و اقطع........!

احسن بوايد من مركز سلطان.