المساعد الشخصي الرقمي

مشاهدة النسخة كاملة : ميتسو: المنتخب الإماراتي يفتقد للمواهب بخلاف الأخضر



مش ممكن
11-09-2008, 05:56
أرجع مدرب منتخب الامارات الفرنسي ميتسو خسارة فريقه الى افتقاد اللاعبين للمهارات الفنية أسوة بالمنتخب السعودي الذي يزخر بالمواهب, كما ان اللاعب الاماراتي يفتقد للعقلية الاحترافية, وقال لا استطيع ان اعيد اللاعبين لأجواء اللقاء خاصة بعد هدف التعادل لانهم كانوا شاردين ذهنياً وافتقدوا التركيز تماما بعد هدف التقدم ورغم المحاولات الهجومية لهم الا انهم كانوا خارج أجواء اللقاء . فيما ارجع اللاعب فيصل خليل خسارة منتخبه الى تقصير اللاعبين داخل الملعب الى جانب سوء الطالع في العديد من الفرص واستبعد ان يكون المدرب هو المسؤول عن الخسارة التي يتحملها جميع اللاعبين.

عيناوي متعصب
11-09-2008, 08:18
أخـص على هيك مدربين . . ياي تفرها على ظهور اللعيبه وانته(........)مب قادر تسوي تبديل صح في مباراتين . . !!


بعدين انا اول مره اشوف مدرب ماخذ معاه مهاجم وااحد فقط في تشكيلته الاساسيه والاحتياطيه . .



يعني لا ماخذ احمد جمعه ولا احمد خليل ولا سالم سعد ولا . . . ألخ



وياي تقولي يفتقد . . (.......................)

K.H.N
11-09-2008, 08:49
يآعمي كلآم صح 100% ..

pink dream
11-09-2008, 08:53
الصراحه تصريح غريب

شكله يبي الفكـه بس المسئولين الإماراتيين مافهموها ع الطاير

Discovery
11-09-2008, 09:02
منتخب الإمارات فقير فنيا وبدنيا

المنتخب السعودي يتفوق عليه و بمراحل

علما بأن الأخضر لم يلعب بكل قوته

المواهب ربما تكون موجوده ولكنها لا تعطيك لعب جماعي و فوز

يجب على المسؤولين في منتخب الإمارات أن ينبهوا اللاعبين إلى الخشونة المتعمدة و إيذاء الخصم التي يبدع فيها اللاعبون الإماراتيون و غالبا ما يفلتوا من الكروت الحمراء

سعودي 2006
11-09-2008, 09:21
هل ميستو راح يستمر في منصبه ؟

اشك في ذلك

ليث عدنان
11-09-2008, 10:43
المنتخب الاماراتي منذ فوزه ببطولة الخليج وهو في تراجع مستمر في المستوى اخفاق في كاس اسيا
ثم كاد ان لا يتاهل الى هذه المرحلة وخرج مهزوم من سوريا بالامارات لو هدف اسماعيل لما كانت الامارات متواجدة اضافة الى سهولة مجموعتها

لاعبي الامارات لاعبيين جيدين لكن في مشكلة مرة يلعبون ومرة ما يرد يلعبون

ميتسو اعتقد انه يرغب بترك المنتخب الاماراتي بعد هذه التصريحات

كل التوفيق للابيض في بقية المشوار وان شاء الله يعدل من اوضاعه

Football
11-09-2008, 10:49
أرجع مدرب منتخب الامارات الفرنسي ميتسو خسارة فريقه الى افتقاد اللاعبين للمهارات الفنية أسوة بالمنتخب السعودي الذي يزخر بالمواهب, كما ان اللاعب الاماراتي يفتقد للعقلية الاحترافية, وقال لا استطيع ان اعيد اللاعبين لأجواء اللقاء خاصة بعد هدف التعادل لانهم كانوا شاردين ذهنياً وافتقدوا التركيز تماما بعد هدف التقدم ورغم المحاولات الهجومية لهم الا انهم كانوا خارج أجواء اللقاء . فيما ارجع اللاعب فيصل خليل خسارة منتخبه الى تقصير اللاعبين داخل الملعب الى جانب سوء الطالع في العديد من الفرص واستبعد ان يكون المدرب هو المسؤول عن الخسارة التي يتحملها جميع اللاعبين.
صراحة المدرب الي ينتقد و يلوم لاعبينه مايسوى يقود منتخب هاردلك دار زايد الظاهر عبدالكريم ميتسو خرف و لا منتخب الامارات لا يملك مواهب :
اسماعيل مطر - اسماعيل الي ماسك يمين بالهجوم !!- سبيت خاطر -داد - الو علي - الحارس - و الله المنتخب كله مواهب ما دري سيبي ميتسو !!! يبي هنري و ايتو

Football
11-09-2008, 10:55
منتخب الإمارات فقير فنيا وبدنيا


يجب على المسؤولين في منتخب الإمارات أن ينبهوا اللاعبين إلى الخشونة المتعمدة و إيذاء الخصم التي يبدع فيها اللاعبون الإماراتيون و غالبا ما يفلتوا من الكروت الحمراء

صح خشونة زايدة عن اللزوم

السحابة 9
11-09-2008, 12:42
هذا أسلوب بالله عليكم !!

حتى لو كلامه صحيح هالكلام ما ينقال في مؤتمر صحفي ..

حده اجتماع بين المدرب والمسؤولين !!

غريب ميتسو صراحة :)

المحتـ9ـرف
11-09-2008, 13:33
يبي يبرر :)
وشكله من تبريراته، أن طردته قربت حيل!!!

غلا
11-09-2008, 14:01
أخـص على هيك مدربين . .



سنوات الضياع ومايسوي .. :p
شكلك كنت معجب بيحي



عاد قال ميتسو وله ماقال ..
قوله واحد ..


مابيقول شي يديد ..


هاردلك لمنتخبنا .. ومبروك للمنتخب السعودي ..


:)

Van Basten
11-09-2008, 14:04
هذا أسلوب بالله عليكم !!

حتى لو كلامه صحيح هالكلام ما ينقال في مؤتمر صحفي ..

حده اجتماع بين المدرب والمسؤولين !!

غريب ميتسو صراحة :)


بالضبط .. موو كل شي ينقال .. بذمتكم شنو ردة فعل لاعبينه !!

سعودي وعشقي هولندي
11-09-2008, 14:14
انا اشوف ان ميتسو مدرب كبير وانجازاته تتكلم عنه


واشوف ان العيب من لاعبين الامارات


بس هذا حنا في الخليج يجونا مدربين عالمين وعلى اعلى مستوا واذا خسرنا قالو من المدرب



ليش مايكون من الاعبين انفسهم ..؟

Boss
11-09-2008, 17:29
بالضبط .. موو كل شي ينقال .. بذمتكم شنو ردة فعل لاعبينه !!

بآلضبط ،، خصوصآ بآن وقت آلتصريح خطآآآآء آلأمآرآت لو تضبط وضعهآآآ ويتركون آلخشونة

يمكن يصير شي ،،،

1ياهلالي ياحلالي1
11-09-2008, 18:56
أخـص على هيك مدربين . . ياي تفرها على ظهور اللعيبه وانته(........)مب قادر تسوي تبديل صح في مباراتين . . !!



بعدين انا اول مره اشوف مدرب ماخذ معاه مهاجم وااحد فقط في تشكيلته الاساسيه والاحتياطيه . .



يعني لا ماخذ احمد جمعه ولا احمد خليل ولا سالم سعد ولا . . . ألخ




وياي تقولي يفتقد . . (.......................)


اصلاا انتم عندكم مهاجم غير سمعه ..:confused: مااعتقد

bent elq8
11-09-2008, 19:20
عادي المدربين لا توهقوا خاروها هاردلك تصريح

BuJweS
11-09-2008, 19:23
في اماراتيين شمتوا بـ تصريح رادان الشهير " في تفاح فاسد بالمنتخب " ,, وقالوا شلون مدرب يقول جذي عن لعيبته :)

اللهم لا شماته ,,

حزماوي
11-09-2008, 19:48
بعد الهدف الإماراتي الأول المفروض يدافع بـ 10 لاعبين و 1 قدام

أنت تلعب مع المنتخب السعودي شلون تفتح ملعبك قدامه !!

الخسارة يتحملها ميتسو بوجهه نظري

الأخضر كان في أسوأ حالاته والإمارات في افضلها

ومع ذالك الخبرة رجحت الأخضر السعودي

اما تصريحة مردود عليه الإمارات فيها مواهب

لكن مواهب معدودة !!

Smart Boy
11-09-2008, 20:03
اتفق مع ميتسو
اللي فرق بين المنتخبين .. إن الأخضر عنده حلول فردية لو فشل اللعب الجماعي
أمس كان مستوى الاخضر جماعيا أقل من مباراة ايران
لكن اجتهادات الفريدي وعطيف .. قلبت النتيجة

بالعكس في الامارات لعيبة الخبرة .. فيصل وسمعه ما كانوا في المستوى
وااجتهادات الحمادي والشحي ما فادت

"ARSENAL"
11-09-2008, 20:17
تصريح سلبي!
بس واقعي:)
,,,
عموما
اتوقع اقالة ميتسو "قربت"

UNIQUE
11-09-2008, 23:58
أول مره يصرح بشي صح

مشكور عالموضوع

BIANCONERI_10
12-09-2008, 16:47
كلام صحيييييييييييييييييييييييييح الابيض يفتقد للمواهب والخبره أيضا بخلاف الاخضر ..

بالتوفيق لجميع المنتخبات الخليجيه ..

Miss GERRARD
12-09-2008, 17:05
يالله يااعمي شيل نفسك من هالورطه

عيناوي متعصب
12-09-2008, 19:28
اصلاا انتم عندكم مهاجم غير سمعه ..:confused: مااعتقد




اها . . كيف حالك . . ؟


اولا سمعه مب هجوم صانع العاب . . ثانيا المهاجمين اللي عندنا ولله الحمد موجودين ولكن راعية الشعر الكاريه مب طايعه تشلهم . .


عيل احمد خليل مب حاطنه معاك .؟ ؟




غلا . . لا كنت معجب بأبو شنب ماكل نص ويهه نسيت اسمه :p . .



عالعموم ميتسو مصرح هالكلام يوم توهق . . من سنين وهو يقول هدفنا كاس العالم . . ويوم وصل قال ماشي مواهب . . طيب ليش ما قلت من قبل الا الحين يوم صكت الحلقه على الابطان . . ؟


غريبه يا ميتسو . . بنفس هالتشكيله فايز بكاس الخليج . . الحين تقول ماشي مواهب؟ :confused:



صالح المنهالي - احمد دادا - محمد الشحي - اسماعيل الحمادي -احمد خليل - احمد جمعه -علي الوهيبي


هاييلا مجرد مجموعه من الموهوبين الصغار اللي مدربين اكبر عنك وبشهادتهم اكدوا انهم وراهم مستقبل . .

محمد بن عصفور الهاجري
12-09-2008, 20:06
تعال عندنا بالكويت والله احنا ثاني دوله خليجيه بالمواهب بس دعم مافي ومافي من يستغل المواهب انت بس تعال للازرق وطب وتخير بالدوري تشكل لك ثلاث منتخبات بس منو الي يستغل المواهب ويوظفهم صح ويكون مدرب قوي شخصيه ماتنفرض عليه اسماء اتمنا ميتسو يدرب الازرق ...

غلا
13-09-2008, 02:32
ايه عرفتوا ابن عمي

عمر أبو شعر .. :p

الحر الاماراتي
13-09-2008, 03:12
بنفس هالتشكيله فايز بكاس الخليج





الله يهيدك ..

8 لعيبه يغيبون عن تشكيله كأس الخليج

السحابة 9
13-09-2008, 13:11
الله يهيدك ..




8 لعيبه يغيبون عن تشكيله كأس الخليج



شلون يالحر !!

يعني بس 3 من تشكيلة كأس الخليج !!

ماجد ناصر + راشد عبدالرحمن + بشير + الظهير الأيسر (نسيت اسمه) + حيدر (مو متأكد) + هلال سعيد + سمعة

كل ذولا أساسيين في كأس الخليج وهذا اذا ما نسيت أحد بعد :)

بومبـارك
14-09-2008, 01:20
وين احمد خليل !!
هداف ولاعب راس حربه

الحر الاماراتي
14-09-2008, 02:14
شلون يالحر !!

يعني بس 3 من تشكيلة كأس الخليج !!

ماجد ناصر + راشد عبدالرحمن + بشير + الظهير الأيسر (نسيت اسمه) + حيدر (مو متأكد) + هلال سعيد + سمعة

كل ذولا أساسيين في كأس الخليج وهذا اذا ما نسيت أحد بعد :)



انا اتكلم عن الـ 24 لاعب ..

سالم خميس ... فهد مسعود .. معتز عبدالله ..محمد قاسم .. حميد فاخر .. محمد سرور .. وليد سالم ..محمد عمر

هادي المري
16-09-2008, 12:49
هاردلك للامارات
كنت اتمنى تفوزون يااهل الامارات
لكن الحظ كالعاده خدم السعوديه
شفنا ضغط اماراتي رهيب لكن الحظ يمنع الكره من دخول المرمى
والسعوديه من هجمتين فقط جابو قولين
والقولين كلهم لاعبي الامارات سجلوهم بقدمهم وليس باقدام لاعبي السعوديه
هاردلك للامارات