المساعد الشخصي الرقمي

مشاهدة النسخة كاملة : ياجمهور الملكي لن نفوز على اوراوا بل سنخسر والدليل.........



حووك
13-09-2008, 08:37
السلام عليكم ورحمه الله وبركاته
اليوم ساكتب مقالا اوجهه لجمهور الملكي
بسم الله الرحمن الرحيم :
قبل ايام قليله من مباراه اوراوا ريدز الياباني ولكثره المواضيع اللتي كانت تقول ان بني قادس سيضربون اوراوا بالسته والسبعه
من هو فريق اواروا:
هو احد الفرق اليابانيه العريقه وحامل لقب دوري ابطال اسيا
اوراوا حاليا يتصدر ترتيب الدوري الياباني
وانا اتابع الدوري اليا باني اسبوعيا على قناه الجزيره الرياضيه 1
اوراوا فريق محترف ونحن هواه
اوراو يمتلك قناه خاصه ومراكز تجاريه ونحن لا نملك سوى هذا المنتدى اللذي نعبر فيه عن راينا
اوراوا يمتلك عده لاعبن مميزين مثل سوزوكي وناكشيما وعده محترفين برازليين رائعين
بينما نحن نمتلك لاعبن مميزين محللين لكن الاغلبيه لا ترتقي الى مستوى هؤلاء اليابانيين
النادي الياباني شركه بينما نحن هيئه
النادي الياباني يمتلك عده صحف تدعمه بينما نادينا يسب ويشتم ويقاطع من قبل الصحافه ويشتم من قبل الصحفيين اللذين يدعون انهم قدساويون الا من رحم الله
استادهم يتسع ل70 الف متفرج بنما استادنا لا يتعدى عدد متفرجيه 20 الف
لاعبيهم يقبضون معاشات شهريه بالاف الدولارات بينما لاعبينا يقبضون 500 دينار شهريا
لاعبهم سوزوكي يدخل بنامجا غذائيا وتدربيا خاص استعدادا للمباراه بينما احمد عجب يستدعى من وزاره التربيه ويدرس وهو مصاب
جماهيرهم اشترت تذاكر المباراه منذ عده اشهر بينما جمهورنا يشتري التذاكر في يوم المباراه


واخيرا جميع المور في صالح النادي الياباني ولكن الامر الوحيد اللذي نتفوق فيه هو( الروح القتاليه)
ولكنني لا اتوقع فوزا قدساويا في هذا اللقاء للاننا يجب ان نفكر بمنطقيه ولا نحلم هكذا



مع تحيات:
عبدالرحمن الزامل

S a h m
13-09-2008, 08:40
شهالتـشـاؤم ..

L.Suarez
13-09-2008, 08:40
..

لـو عنده بيليه وماردونـا بعـزهم !

مايوقفون عزيمـة واصرار المـلكي عالفـوز :)

ولازم نتفاءل احـسن من التشاؤم ومثل ماقال الرسول صلى الله وعليـه وسلم

تفائلوا بالخير تجدوه .. وكلـنا متفائلين برجـال بو نواف

وان شاء الله قـدها وقدود ومـاكو شي مستحيل دام العزيمه والاصرار موجودين :)

Alfhdi
13-09-2008, 08:45
يبا لاعب الكويتي عنده شي مايملكه اكثر لاعبين " الروح " ..
لو روح الملكي موجوده صدقني لو مو ارواوا لو تيبلي منو باذن الله طاقينهم وماشينا ..

مجانين في الزعيم
13-09-2008, 08:51
اخي الكريم صحيح ان الفريق الياباني فريق قوي ويمتلك الاعبين ومقومات كثيرة تساعده ولكن اذ كان يمتلك كل هذه الصفات فنتشائم ونقول نحن سوف نخسر لا يا عزيزي بلا القادسيه قادم قادم وانا اقولك لا سنفوز ودليل ان بني قادس عيال الكويت وانت تعرف اذ عيال الكويت يبون شي ايبونه ايبونه

القلب الحزين
13-09-2008, 08:56
اهي المباراه صعبه حييل .. واذا كانت مو صعبه اهني راح تكون صعبه بدبلات هناك

بس بأذن الله القادسيه يسويسها ويتأهل عن جداره والفوز بالمباريين .. وتفائلو بالخير تجدووه



بس دعواتكم ياهل الكويت وان شاء لله يعبر وياخذ الكاس بأذن الله

BuJweS
13-09-2008, 09:02
بنخسر لانه جمهورهم شارين التذكرة قبل شهور واحنا يوم المباراة ,, ما جنها بتنشق قبل لا تدش الملعب

بنخسر لانه اوراوا عنده محلات ومجمعات واحنا ما عندنا الا مطعم يلوع الجبد ,, ما جنه اللعب بالملعب !

فكونا من هالتشاؤم !

وحلوة هذي فريق ياباني عريق ! ,, اليابان ما صاروا اوادم وعرفوا كرة القدم الا بـ نص الثمانينات ! على شنو عريق مادري ,,

اوراوا فريق قوي ونحترمه عشانه حامل لقب ,, والقادسية من الـ4 الكبار وماهو اقل من احد !!

نبي آسيا يالملكي !!

M.Qassem
13-09-2008, 09:05
تشـااااااااااااااااااااااءم اكثر خل مـدمنو تستانس :p

WARIO
13-09-2008, 09:11
الفريق قادر على الفوز بس لازم اللاعبين يلعبون بروح

mako meni
13-09-2008, 09:13
تكفه شلكلام الله يهديك بس .. خليتو اوراوا برشلونه

علي العتيبي
13-09-2008, 09:30
حضور الجمهور ودعمه ..

يخلي الاعب يبدع ويلعب برووح ..

الأمر بيدنا يا أهل الكويت .. بعد الله سبحانه :>

نترس الملعب .. لاعب يزيد حماسه :>

موفقين ..

Claudio Mendez
13-09-2008, 09:44
اللي يبي يوصله الريال .. مو محلات و تذاكر ..

من الأخير ..

ناس يلعبون كره لأنها مهنتهم ..

يلعب كره لأنه حياته كره ..

اخير دوريهم لو يلعب بدورينا يمكن ينافس على الـ 3 مراكز الأولى :/

هذا واقع , والله يسهل

..



النادي الياباني يمتلك عده صحف تدعمه بينما نادينا يسب ويشتم ويقاطع من قبل الصحافه ويشتم من قبل الصحفيين اللذين يدعون انهم قدساويون الا من رحم الله


بهذي غلط ..

الوطن موجودين :)

ضــاري
13-09-2008, 09:47
^^^^^^^^^^^^^^^

شكرا عالمرور كلاوديو :)

BuJweS
13-09-2008, 10:00
http://diwania.alazraq.com/images/icons/2.gif << هالفيس شماله؟ :) ,, مستانس بنخسر؟

MaLaKiYa
13-09-2008, 10:17
حبطني اكثر :o
لا لا ان شاء الله الملوك قدها :)

..:: عبدالله ::..
13-09-2008, 11:23
من قريت اول 3 اسطر وشفتك تقول الجمهور القدساوي يقول بنبط اوراوا 6 و7 عرفت ان الموضوع ماله داعي اكمله .. من صارت القرعة ماشفت قدساوي قال هالنتيجة بالعكس الكل متخوف وحذر من هالمباراة ومقدرين صعوبتها .. لكن بنفس الوقت نعرف انها مو مستحيلة متى مالعب فريقنا بروح وعزيمة .. هالمواضيع الاحباطية نعرف شنو القصد منها بس احب اقولك ماهميتونا .. وكلنا ثقة بأصفرنا الملكي ..

ضربه حره
13-09-2008, 11:24
ان شالله الملكي قدها

Bianconri
13-09-2008, 13:58
مشكوور اخوي على الموضوع المفيد :)

qadsawy 94
13-09-2008, 14:03
ماكو شي صعب على الملكي
:qadsia:

TaLaL.
13-09-2008, 14:28
تفائل بالخير .. :)

AL youha
13-09-2008, 15:05
الملكي
بالتوفيق إنشاء الله

قدساوي_100%
13-09-2008, 17:33
مقال نفس وجهه

اوراوا المركز الرابع الحين بدوريهم

اسباب فقيره جدا انا قلت كاتب تحليل عن لاعبين

هذا يملك وهذا يملك
هذا عنده وهذاك ماعنده

HaSaN
13-09-2008, 17:39
تفاءلو بالخير تجدووه:)

عيال الكويت اذا براسهم شي يسوونه

وان شاء الله الفوز قدساوي وفطورنه بالملعب :p

Bazooka
13-09-2008, 17:39
مشكوور اخوي على الموضوع المفيد :)

..................

[ 3amer ]
13-09-2008, 17:41
بإذن الله فايزين عليهم

SaFRaWy
13-09-2008, 17:49
إللي يفهم بالكره بيعرف إنه مافي شي إسمه مستحيل


و الكره مافيها كبير و صغير


علي كثر ما تعطي بالملعب علي كثر ما تعطيك الكره و تاخذ


ممكن الفريق الياباني إستهزاءا لا يقدم مستواه و هذه عامل نفسي بالفريق يصعب التحكم فيه و تحصل بأكبر الفرق و أكثرها خبره


فرساله إللي كل متشاؤم


إتحفونا بسكوتكم أفضل لمصلحه ممثل دوله الكويت يا كويتيين

MaLaKi FoR EvEr
13-09-2008, 17:50
لا تحبطونا يامعوديين.!!

m89ed 31
13-09-2008, 17:57
الله يسهل انشالله ..

لكل حادثٍ حديث ;) ..

Y N W A
13-09-2008, 18:04
بالتوفيج لممثل الكرة الكويتية

ليش التشاؤم :)

CrAzY
13-09-2008, 18:18
ولك تحبيـــــــط... على كلامك خلاص شلت فكرة الفوز مووووليه بنخسر 5-0

مدمنه*القادسيه
13-09-2008, 18:33
تشـااااااااااااااااااااااءم اكثر خل مـدمنو تستانس :p

حــــــدي بس مو جذي عاد :o !!


الأصفر لي بغى الشي ياخذه محد يوقفه :)

Japan
13-09-2008, 19:39
اذا السالفة جذي ..
فالمفروض منتخب الكويت فاز على اليمين في خليجي 17 ما يتعادلون 1-1
والمفروض منتخب الكويت فاز على الهند مو يخسر 3-2
بالمختصر المفيد موضوعك غلط ومقارنتك مالها دخل بالمباراة ...

" اذا اللاعبين حاطين المباراة بروسهم صدقني ما يردهم لا سعة ملعب ولا قناه خاصه ولا معاشات ولا برنامج غذائي "

tooofy
13-09-2008, 20:51
منو قال إن بنطق اوراوا بالسته والسبعه ؟

MOSCHY
13-09-2008, 22:55
الاتحاد السعودي سووها من قبل و فازوا 5-0 على ارض الكوريين :)
و وقتها كانوا نفس مستوانا .. !
يمكن نسويها :)
بسكم تحبيط .. معاكم رجال !

شـآنـي هـآكـر
13-09-2008, 23:10
المشكله ان صاحب الموضوع ماقال شيء صحيح بـ موضوعه


أوراوا بالمركز الثالث .. ومايفرق عن المركز السادس إلا 3 نقاط
اوراوا متى صار نادي عريق! واهو متأسس سنه 1992!!!



واذا ملعبه يشيل 70 الف متفرج! باليابان ! راح يخسرنا بالكويت!
واذا عنده محلات تجاريه واستثمارات .. بيخلي لاعبينهم يشوتون كور مايشوفها حارسنا!
وحارسهم بيصير وليد على غفله!



حدث العاقل بما يعقل ياعبدالرحمن!

صحيح فنيا وعناصريا وأحترافيا هم يتفوقون علينا!
ولكن مافي شيء مستحيل وبالروح وبالأصرار وبتوفيق الله عز وجل
راح نتأهل


أسمحلي انت كسرت خاطري بـ موضوعك هذا

شـآنـي هـآكـر
13-09-2008, 23:12
الاتحاد السعودي سووها من قبل و فازوا 5-0 على ارض الكوريين :)
و وقتها كانوا نفس مستوانا .. !
يمكن نسويها :)
بسكم تحبيط .. معاكم رجال !

وأزيدك من الشعر بيت
عقب ماخسروا بـ جده 3-1
فازوا بكوريا 5-0

ورجال الملكي عندهم الروح والعزيمه

MOSCHY
13-09-2008, 23:23
^
^
وهذا المقصـود .. بـ روح اللاعـبين :)

محمد بن عصفور الهاجري
14-09-2008, 00:51
اتفق ويا صاحب الموضوع بكل شي الا انه يقول مستوى لاعبين القادسيه لايرتقي لمستوى لاعبين اوراوا مشاءالله القادسيه من حارس لين الهجوم كلهم ممتازين ومستواهم اذا ماهو افضل من اليابانين مايقل عنهم وبتشوفون بالمباراة حدك مستهين بلاعبين الملكي وبنتغلب عليهم بمهارة وفن لاعبين الملكي وبالروح والعزيمه وذكاء الجنرال ابو نواف باذن الله بني قادس بالدور نصف النهائي ...

بومبـارك
14-09-2008, 00:57
الملكي قدها ان شاءالله

N A P A L M
14-09-2008, 01:07
الكرة ما تعرف الكبير و الصغير , تعطي اللي يعطيها

لا تتشائمون بزيادة و لا تتفائلون بزيادة .. المباراة بتبين كل شي..يمدحون " الصمت " .

dam3t_3omr
14-09-2008, 04:01
بالتوفيق ان شاء الله للأصفر ..وبإذن الله الملكي قادر عليـهم ;)

يعقوب المطيري
14-09-2008, 15:03
مافي شي بعيد ومستحيل قدام قدره الله..
القادسيه فريق عريق ومحترم على الجانب العربي و الاسيوي ما يحتاج تعريف
موفق يالملكي