المساعد الشخصي الرقمي

مشاهدة النسخة كاملة : اطالب بالاعتذار



كرستيانو رونالدو
18-09-2008, 10:33
السلام عليكم ورحمة الله وبركاته

اول شي مبروك علينا الفوز ولو ان الهدف الثاني ماله اي داعي :)

انا فاتح هالموضوع مخصوص للاعب فهد الانصاري ، غالبية مشجعي القادسيه طيحوا من مستواه وعزيمته وقالوا ان مستواه عادي والمباراه كبيره عليه وانه بطئ ويموت الهجمه ويرتبك و و و و و ..... الخ

امس اثبت الولد انه خامه طيبه يعتمد عليها في المستقبل ، ماشاءالله عليه تلقاه بكل مكان بالملعب يتحرك ومايوقف يساند الهجوم ويرجع بسرعه يسكر مع الدفاع ، هذا غير ثقته بنفسه واحتفاظه بالكره وتمريرها بالوقت السليم ...

اطالب كل قدساوي يكتب كلمة شكر للجندي المجهول فهد الانصاري وتشجعونه لانه يدش المنتدى ويقرا الكلام المكتوب ومشكورين على حضور امس يا الملووووك وانشاءالله نفوز باليابان ونتأهل

Mesh3al
18-09-2008, 10:34
بيض الله وجهك يا الانصاري

ننتقد لمصلحتك ومصلحة الفريق ومتى ما ابدعت نقول كفيت ووفيت وعلى روسنا من فوق

BuJweS
18-09-2008, 10:41
الانتقاد لـ مصلحته مو اكثر ,,

عن نفسي عاجبني من قبل مباراة اوراوا ويشهد عزيز LaBartetta من مباراة القادسية والكويت اقول عاجبني حتى لو كان له هفوات ,,

ماهو اعتذار بل هو شكر على مستواه الكبير بهالمباراة :) ,,

ســـاره
18-09-2008, 10:43
كفو يا الأنصاري أحنا أنتقدناك مو كره فيك أحنا أنتقدناك لمصلحتك والحمدلله رديت علينا أحلى رد وناطرين منك أكثر وأكثر الله يوفقك ..

الخــالــدي
18-09-2008, 10:50
وعليكم السلام ورحمة الله وبركاته

كفو كفو يالانصاري
نبيك تواصل على الاداء هذا يا بطل
وأعتقد بمستواك هذا رديت على كل المشككين

مانيو
18-09-2008, 10:50
كفو يالجار :p

عوووووع
18-09-2008, 11:10
اللي عاجبني فيه هدوءه بالملعب وثقته بنفسه أما بالنسبة لبطئه باللعب فهذا اللاعب من زمان لعبه بهالطريقة وستايله بطئ بالحركة بس بصراحة تارس مكانه ولاعب ذكي الله يوفقه الفليجاوي .

عربــاوي
18-09-2008, 11:16
راح يطيح مستواه اذا قعد ع الدكه .. وراح يقعد ع الدكه .. لان ميلادين وكيـتا راح يلعبون طول الموسم لا محـاله ..

BuJweS
18-09-2008, 11:20
^^
الموسم اللي فات حسين فاضل خذا فرصته على حساب محمد حسين اذا مو غلطان ,, واثبت نفسه ووصل منتخب :)

كيتا اساسي ما يبيله ,, بس منو يمه؟ :)

كرستيانو رونالدو
18-09-2008, 11:35
يعطيكم العافيه ع المرور

اي نبي جذي تشجيع وتحفيز ،، على فكره انا ماتكلمت على النقد البناء انا تكلمت على اللي قال ييب المرض ويموت الهجمه وبصراحه في مشجعين هاجموه بشراسه والحمد لله الريال اثبت روحه امس

diavolo

اتمنى كيتا يلعب ويمه الانصاري ونفتك من ميلادينوه

MUBARAK
18-09-2008, 11:41
عرباوي

بالكويت حدك تلعب 2 محترفين

وراح يلعب كيتا وبن عاشور

فاتوقع الانصاري بكون له دور كبير الموسم الياي

..:: عبدالله ::..
18-09-2008, 12:46
بالاول وبالاخير يظل قدساوي .. وماكو مشجع قدساوي ينتقده للتجريح والتقليل منه .. انما النقد البناء لتصحيح اخطاءه .. وما ابالغ لوقلت انه من نجوم مباراة امس كل التوفيق ونشوفه دايما متميز ..

MaLaKiYa
18-09-2008, 13:13
اي والله .. كفو يالأنصاري.. ;)

Bati
18-09-2008, 13:22
كنا نقول قبل ما في ارتكازات بالكويت بعد حمد الطيار ..

لكن الحين عندنا 3 كل واحد يقول الزود عندي و لله الحمد ..

طلال العامر و فهد الانصاري و عادل حمود :) و اضيف عليهم الأفضل منهم ثلاثتهم عبد الرحمن موسى بس خل يرجع ..

Aziziano
18-09-2008, 13:25
اهو و طلال العامر من شفتهم ارتحت لهم :)

كرستيانو رونالدو
18-09-2008, 14:03
شكرا لمروركم

يستاهل الانصاري

بومبـارك
18-09-2008, 14:18
انتقدت وايد هاللاعب
بس امس بصراحه رد عليه بالملعب
ابداع والله يالانصاري .. عنده ثقه بنفسه والاهم ان ما يخاف
موفق ان شاءالله يا فهد

Bianconri
18-09-2008, 15:06
للامانه انا اكثر واحد انتقدت فهد الانصاري .. كنت اقوول عنه بارد و ما يقاتل على الكره !

لكن في مباراة امس رد علي رد كبير و اثبتلي انه لاعب من طراز كبير و له مستقبل ان شاء الله بس يحافظ على مستواه ان شاء الله :)

m89ed 31
18-09-2008, 15:12
ما قصرت والله الفهدي كفيت ووفيت أديت الي عليك وزيادة قواك الله طال عمرك على الموضوع ..

قدساوي بالفطرة
18-09-2008, 16:25
الانصاري كان لعبه حلو من كاس الاتحاد وضغط على نفسه ولعب اقوى ما عنده امس ..

LaBartteta
18-09-2008, 16:32
والله لاعب كبير .. صحيح أن له بعض الهفوات ،،
لكن من أول ما شفته واضح أنه لاعب كبير وثقه بالملعب ..

تمريرات سليمه بـ نسبة كبيره ..
ثقه لا مثيل لها ..


لكن ربعنا احرقوووه حراق ..
وأمس رد عليهم !! :)

حارس هجوم
18-09-2008, 16:33
الحمدلله كنت واثق فيه

وماقصر امس ومتأكد ان عنده اكثر ;)

بوخالد
18-09-2008, 16:37
لاعب بنادي كبير مثل القادسيه لازم ينتقد وينمدح :/

اكيد الانصاري يدري ان الجماهير تنتقده على لعبه مو على شخصه وطبيعي هالشي راح يستفيد منه
الانصاري امس سمع الانتقاد وتعلم منه وهذا المطلوب :)
قودلاك الانصاري
:)

abdal_123
18-09-2008, 19:07
اكيد للأنصاري مكان دام انه ميلادين ايامه معدوده

Corvette
18-09-2008, 19:11
من عرفت فهد الأنصاري وانا على ثقه فيه :) الله يوفقك يا فهد وإن شاء الله نشوفك من تألق لي تألق ..

dl piero
18-09-2008, 19:25
الحمدالله امس بيضهــا ويليت كل المباريات جذي واحـــسن ...

بس اذا ما عدل بلعبه ما راح ينفعنا اذا كنا محتاجين الفوز ...!

السبب انه وايد يطول بالكره ويتأخر على ما يلعب باص هذي ميزه اذا كنا نبي نتعادل او نحافظ على النتيجه ...!

كرستيانو رونالدو
18-09-2008, 22:35
انتقدت وايد هاللاعب
بس امس بصراحه رد عليه بالملعب
ابداع والله يالانصاري .. عنده ثقه بنفسه والاهم ان ما يخاف
موفق ان شاءالله يا فهد

اهم شي انه استفاد من انتقادك له انشاءالله وراح يبدع على طول ، شكرا لمرورك شيخ


للامانه انا اكثر واحد انتقدت فهد الانصاري .. كنت اقوول عنه بارد و ما يقاتل على الكره !

لكن في مباراة امس رد علي رد كبير و اثبتلي انه لاعب من طراز كبير و له مستقبل ان شاء الله بس يحافظ على مستواه ان شاء الله :)

ساعات البرود يكون له ميزه ، واهم شي يعرف اللاعب متى يكون بارد ومتي يسرع من روتين اللعب ، شاكر مرورك




ما قصرت والله الفهدي كفيت ووفيت أديت الي عليك وزيادة قواك الله طال عمرك على الموضوع ..



اي والله فهد والكل ما قصر والله يقويك ماسوينا شي والانصاري يستاهل وانا ماكتبت هالموضوع الا لما شفت هجوم عنيف ضده بالرابطه

● شــمــوخ ●
19-09-2008, 02:12
اكيد الانتقاد من صالح الأنصاري!! وانا قلت عنه انه بارد باللعب لكني بعد كنت متأكدة وقلت اذا كان اساسي راح يكون قد المسؤولية ان شاء الله ..
والحمدالله ماخيب الظن .. بدع وفرحنا بالهدف الأول

لكن ان شاء الله نشوف مستواه احسن من جذي بعد


"قدها يالأنصاري :)"

القدساوي المحنك
19-09-2008, 03:34
أنا قـلتها من بطـولة الإتـحاد هـذا اللاعب خـامـه طيبـه وأنا أراهـن عليـه بالمسـتقبل لأن بالكويت نادر جـداً تحصـل لاعـب يجـيد مـركز الإرتـكاز .. هذا مـركز صعـب وأغلـب الأندية تعتمـد على المحتـرفيـن لهذا المـركز لأكن إحنا الحمد الله إرتكازنا ماعليـه خـوف في وجـود الإبـراهيـم + الـعامر .. :)

شـد الحيـل يالإبـراهيـم والله يـوفقـك إن شاء الله

سبع-البرمبه
19-09-2008, 16:59
الي اذكره انه مو بس انتقاد
بطيتوه بط وخليتوه بيزه ولا يسوى

من الموسم الي طاف وانا اقول عنه خوش لاعب

هاللاعب الحلو فيه واثق من نفسه

الد بنت يره
19-09-2008, 20:00
يستااهل الانصاري كل خير
ولا تحاتون ان شالله مو زعلان منكم وعارف ان هذا انتقاد ليكون افضل;)

كرستيانو رونالدو
19-09-2008, 23:44
شاكر مروركم

I'am Kuwaitia
20-09-2008, 00:52
ما قصــر والله يعطيهـ العافيه ..

و تصحيح فقط .. إن شاء الله تنكتب جذي .. مو إنشاء الله ...

mako meni
20-09-2008, 00:55
شنب والله .. رجوله ويوصل كره صح .. واهم شي واثق من نفسه .. والله لو عندي فلوس جان يبته حق برشلونه

مدمنه*القادسيه
20-09-2008, 02:23
حسيت إن سابين الأنصاري قبل المباراة :p لاعب وننتقده :× لولز
مجهوده كان روعة وكنا نتمنى من زمان نشوفه بهالمستوى ..
إلى الأمام يا فهد ;) عسى الله يوفقك

مانيو
20-09-2008, 09:22
كنا نقول قبل ما في ارتكازات بالكويت بعد حمد الطيار ..

لكن الحين عندنا 3 كل واحد يقول الزود عندي و لله الحمد ..

طلال العامر و فهد الانصاري و عادل حمود :) و اضيف عليهم الأفضل منهم ثلاثتهم عبد الرحمن موسى بس خل يرجع ..

بالفعل الموسى يعتبر الافضل او نقدر نقول حاله من حال عادل حمود

ومع ذلك ما عندنا ارتكازات بالكويت بمستوى الطيار

فيصل الرشيدي
20-09-2008, 13:17
طول عمري وانا احب هالولد .. رائع لكن مشكلته مايفكر بسرعة باللعب .. لو يفكر بسرعة شؤي راح يكون الأول بالكويت .. وموفق يالأنصاري !!

كرستيانو رونالدو
21-09-2008, 12:51
ما قصــر والله يعطيهـ العافيه ..

و تصحيح فقط .. إن شاء الله تنكتب جذي .. مو إنشاء الله ...

يعطيك العافيه وان شاء الله اتفادى هالخطأ بس ساعات من السرعه تطبع اي شي :o