المساعد الشخصي الرقمي

مشاهدة النسخة كاملة : -=- (( [[ الـحلـ ـ ـ ــمـ !! الآسـيـ ـ ـ ــوي ]] )) -=-



| رابطـة قدسـاوي |
19-09-2008, 01:07
[[ الســلامـ عليــكمـ ]]




][
][
][




http://www.bestq8.com/up/uploads/e5f5dba094.jpg




][
][
][



حلم ! يحلم به الجميع وبالأخص [ الجمهور القدســاوي ] ..
وبدأ الحـلم الذي لطالما إنتظرنـاه .. أيام وشهور ! وبـ عدد الساعات والثواني !
أيام وظروف [ صعبه ] حلت على الفريق .. ! فـ الجميع كان يتوقع أننا يجب أن
[ نستيقظ ] من هذه الأحلام وعدم التفكير بها كثيراً لأنها [ لن تتحقق !! ] ..

ورغم الظروف :
* إصابه أحمد عجب ودخوله للتدريب فقط وعدم المشاركة !
* إيقاف المحترف إبراهيما كيتا بـ سبب الكرت !
* إيقاف أيضاً الصيربي ميلادين بـ سبب الكرت !
* إصابة عادل حمود بـ [ كسر ] قبل المباراة بـ يومين تقريباً !
* إيقاف لـ علي النمش !

فـ حين بـدأت المباراة في [ نادي القادسيه الكويتي ] .. والحلم قد بدأ !

بين الفريقي : القادسيــة الكويتي × أوراوا الياباني ..
والأعصاب جميعها [ مشدوده ومتوترة ] فـ البعض كان [ مرتبك ] في
الـ 90 دقيقة .. إلا إن الملكي كانت له كلمته حين أنهاها قدساوية قوية
بـ نتيجة [ 3-2 ] .. سجل الاهداف :

1- فهد الأنصاري
2- سليم بن عاشور
3- خلف السلامة [ البديل ]




[ Click Here (http://diwania.alazraq.com/showthread.php?p=3857373#post3857373) ]




][
][
][



http://www.bestq8.com/up/uploads/577fb26e48.jpg


الاداء كان فوق [ الممتاز ] رغم الأخطاء البسيطة والتي يجب
دراستها والتعديل لها للمباراة القادمة في [ اليابان ] ..
فـ ماهي الخطة القادمة لـ بونواف ؟!!



تم طرح هذا الموضوع لـ النقاش حول أحداث هذه المباراة ..

من مستوى وأداء ونتيجة وأخطاء وأفضل وأسوأ لاعب ؟!
وما هو المتوقع للمباراة القادمة ؟!
وما هي نتيجتها ؟!
وماهو المطلوب من الفريق ؟!




][
][
][

LaBartteta
19-09-2008, 01:10
قواكم الله ..


المباراة كانت حلوه وأعصاب والله ..

ما ودي أطول بالكلام لأني سبق وحللت المباراه ،،


الفريق قدم مباراه كبير .. جميع اللاعبين تألقوا ..
النتيجة كان ممكن تكون أحسن .. لكن بو نواف طمع بالمباراه شوي .. تبديل حمد العنزي ما كان له داعي .. والدفاع كان ممكن يتفادى الهدف الثالث !!


خط الوسط ناااااري .. بدون كيتا وميلا"ط"ين قدروا يسيطرون على المباراه ،،
النتيجة تخوف .. لكن القادسيه عنده رجال .. :)

مدمنه*القادسيه
19-09-2008, 01:41
المباراة كانت [ متعة ] كروية لنا ! الأداء كان ممتاز ..
لو ما هالأخطاء إللي صارت وأهم شي إللي تسببت في
الهدف الثاني :( !

إن شاءالله بونواف يخطط للمباراة الياية عدل وماينسى الاخطاء
إللي صارت خصوصاً خط الدفاع ! :)
خط النص كان كامل ماشاءالله عليهم .. كفوو وفوا خصوصاً
فهد الأنصاري ماشاءالله عليه غير الهدف إللي يابه أحييه
على مستواه إللي ظهر فيه ! :)
كفو يا ولد الأنصـــــاري نبيك دايماً جذي وتحافظ على مكانك !

أفضل اللاعبين : الأنصاري + بدر + سليم
الأسوأ : محمد راشد :( !

المباراة الياية مابي أقول فيها شي غير .. الملوك إذا يبون آسيا
يشدون حيلهم ويفكرون بالفوز مو التعادل !! وهذي آسيا .. ماكو
شي سهل :)

عسى الله يوفقهم ..

Mr.Blue
19-09-2008, 02:18
الـفـريـق ابـدع وقـدم الـلى عـلـيـه بـغض النـظر عن بـعض الاخـطاء بـالـدفـاع .!


افـضـل لاعـب : سـليـم ومـسـاعـد .. :$
اســوء لاعـب : كبـيره الـكلـمه .. مـحد يستـحقـها !!


المبـاراه الـجـايـه اتـوقـعـهـا ضـغط يـابـانـي 90 دقـيـقـه .! :(
ونـتـيـجـتـهـا والله اعـلـم 1-1 او 2-1 لـلـفـريـق الـيـابـانـي
الـمطـلوب تسكـير الـدفـاع والاعتـماد على سـرعـه بـدر ومـهـاره سلـيم وان وجـدت " خـطافـيـات عـجـب "


وان شـاء الله قــادريـن علـيـهـم .. وموغـريـبـه على الاصـفـر

MOSCHY
19-09-2008, 02:19
مـوضـوع حلـو .. لـ مـنـاقشـه المبـاراة فيـه

من مستوى وأداء ونتيجة وأخطاء وأفضل وأسوأ لاعب ؟!
بـ النسبـة لـ مستـوى الفـريق كـ كـل ممتـاز .. و فـي لاعبيـن
للأمـانه مـاتوقعـت اداء يكـون بـ هالدرجـه .. و الحمـدالله وفقنـا ..
بـالنسبـة للنتـيجـة .. اهـيه رااح تضـرنـا واايـد بـ الأيـاب .. بس انشـالله
الشبـااب قـدهـا .. حتـى لو نخسـر .. راح نصـفق لهـم لأنهـم رجـال :)
بـ النسبـة لأحسـن لاعـب بـ المبـاراة .. بـدون اي تفكيـر .. بن عاشـور
يعنـي صـنع قـول و يـاب قـول .. و نقـلاته و لعبـاته .. و تكتـيكه اروع مـايكـون !
و بـ النسبـة لأسـوأ لاعـب .. الصـراحـة صعـبة نطلـع اسـوأ لاعـب .. لأنهـم كـانوا ممتـازين جميعـاً " ولا كـان مـاطلعنـا بـ هالنتـيجه .. لكـن في لاعـب ممكـن يكـون عنـده احسـن مـن جذي .. الا و هـو صـالح الشيـخ .. اللـي كـان بطـيئ
بـ معـظم لعبـاته ..و متـردد .. و يطـوّل الهجمـه وايـد .. صـلّح لعبـّك يـا بوصلـوح

وما هو المتوقع للمباراة القادمة ؟!
المتـوقـع و كـ العـاده .. ضغـط متـواصـل مـن اليـابـانـيين .. يقـابله دفـاع واستبسـال من ربعنـا .. و " مـو بعيـده " ربعنـا يخطفـون هـدف . و يـردون
يـدافعـون .. هـذا المطلـوب .. مـولازم تقـديم مستـوى .. كـثـر مـايهمنـا التـأهل .. كـافي المستـوى اللي قدمـوه بـ الكويت .. ;)

وما هي نتيجتها ؟!
اتـوقـع واللـه اعلـم .. يـا 1-0 لهـم .. يـا 1-1

وماهو المطلوب من الفريق ؟!
المطلـوب مـن الفـريـق التركيـز اكثـر من الهجمـات ..
ولازم الأستفـاده من الهجمـات و التسجيـل من انصـاف الفـرص !
لأن القـول هنـاك راح يكـون غـالي وايـد وايـد.. و لازم بعـد الأعتمـاد
على فـرصة الفـوز اكثـر من التعـادل .. واللـه المـوفـق ..

النوير
19-09-2008, 03:21
من مستوى وأداء ونتيجة وأخطاء وأفضل وأسوأ لاعب ؟!
مستوى الأصفر برغم الغيابات ممتاز ...ومكان عجب مبين...تحركاات المطوع حلوه ولكن يبيله من اللي يسااانده مكانك ياعجب مبين!!..النتيجة عوار قلب لأنه كنا الاقرب انه نخلصها ب 3-1 فا حسينا انه 3-2 فوز بطعم الخسارة ولكن الف الحمدلله!! أفضل لاعب ماشاء الله سليم...ومابي أقول اسوأ لاعب ولكن ماعجبني الخالدي بالمباراة أحس مو مستوااه اللي عودنا عليه
وما هو المتوقع للمباراة القادمة ؟!
أتوقع الفريق الياباني راح يلعب بمستوى مغاير عن اللي شفناه...وراح يكون الضغط على مرماانه اغلب اوقات المباراة..أتوقع راح نشوف الكرت الأحمر بهالمباراة!!..واتمنى مانلعب بخطه دفاعيه بحته ضد الضغط الياباني...
وما هي نتيجتها ؟!
اتوقع 1-1
وماهو المطلوب من الفريق ؟!
المطلوب التركيز و مايرجعون كلهم للدفاع و أكره ماعندي اسلوب التشتيت واتمنى مااشوفه بمباراتنا اليايه..واستغلال الفرص والهجمات المرتده..واللعب الجماعي البعيد عن الانانية والفردية

والله يوفقكم يا عيال ديرتي

بارك الله فيك عالموضوع

● شــمــوخ ●
19-09-2008, 16:58
من مستوى وأداء ونتيجة وأخطاء وأفضل وأسوأ لاعب ؟!

الحمدالله كان المستوى بشكل عام ممتاز.. بالرغم الغيابات والنقص والضغط اثبتوا انهم رجال الملكي.. التزام وثقة بالنفس ولله الحمد.. اكيد المباراة ماخلت من الأخطاء .. هفوات للدفاع وثغرة من جهة مساعد لكن الحمدالله على كل حال.. بالنسبة للنتيجة كان بالامكان افضل مما كان لكن قدر الله وماشاء فعل.. نتيجة صعبة لكن الله كريم ولكل مجتهد نصيب والوعد باليابان ان شاء الله وبإذن الواحد أحد يبيضونها رجالنا..
افضل لاعب اقدر اقول سليم.. لمساته ذهب وبين انه محترف من طراز عالي وان شاء الله يشد حيله اكثر..
اسوء لاعب: ما اعتقد اقدر اقول أسواء لاعب لكن مستواه اقل من غيره.. صالح الشيخ كان واضح عليه الارتباك والخوف.. شد حيلك يامهندس الوسط نبيها منك ياليابان

وما هو المتوقع للمباراة القادمة ؟!

ان شاء الله المباراة لنا .. اكيد بنشوف اوراوا بشكل ثاني ..وضغط كبير من اول دقيقة خاصة انهم ماعندهم شي يخسرونه ولازم يفوزون.. بس الله كريم


وما هي نتيجتها ؟!
اتوقعها تعادل.. 2-2 لكن ان شاء الله نفوز فيها

وماهو المطلوب من الفريق ؟!
يلعب للفوز مو للتعادل .. ومانبي خطة دفاعية بحتة .. خطة متوازنة تأمن لنا دفاعنا ويكون هجومنا قوي وقت الهجوم.. الثقة مطلوبة واللعب الجماعي والاحساس بالمسؤولية والله كريم ويوفقهم


منصورين يالملكي بإذن الله

أبو فهيد
19-09-2008, 17:28
القادسية قدم اداء طيب وحلو

ولكن ماهو المميز ولا حتى اليباني

القادسية توفق بكرات ثابته لا اكثر ولا اقل !

وهذا دليل على الخوف القدساوي والرهبة من الفريق الياباني ! وايضا الرهبة اليابانية ويبون يخرجون بتعادل !

والآن الامور صعبة جـداً على الفريقي واعتقد انها في اليابان

3/0 قدساوية او 3/0 لأوراوا ! لكـن نتمناها قدساوية

لانه الافضل والاكثر اصرار وروح بالملعب


واعتقد القادسية والله العالم لو فاز على هالفريق الياباني راح يقابل فريق ياباني آخر :p

وبإذن الله يخرج ويحرج اليابانيين القدساوية :)

Mesh3al
19-09-2008, 17:32
من مستوى وأداء ونتيجة وأخطاء وأفضل وأسوأ لاعب ؟!

المستوى كان ممتاز قياسا على النقص اللي كان بالفريق والنتيجه ما هي مطمئنه وكان ممكن نطلع بنتيجه افضل لولا الاخطاء التافهه من دفاعنا وافضل لاعبين المباراة كانوا الانصاري وسليم والاسوأ هو مساعد ندا
وما هو المتوقع للمباراة القادمة ؟!

انشالله تعادل ويتأهل الملكي باذن الله
وما هي نتيجتها ؟!

اتوقعها 1-1
وماهو المطلوب من الفريق ؟!

التركيز 90 دقيقه والدفاع يصلحون من اخطاءهم والروح العاليه والقتاليه على الكره , اتوقع في مباراة اليابان ما نحتاج للتكتيك كثر ما نحتاج للروح والله يوفقنا انشالله

فيصل الرشيدي
19-09-2008, 19:12
بسم الله الرحمن الرحيـم ،

يعطيكم العافية .. مستوى الفريق ماكان ذاك القوة .. الكل يقول قوي وممتاز .. هو ممتاز لكن اليابانين ماكانوا با أغلب أساسينها .. يعني الله يعين المبارة الياية !!

أفضل لاعب عجبني بالملعب .. فهد الأنصاري ثقة وركاده وبرود تفوق على اليابانيين فيه .. وأسوائهم الخالدي للأسف طلعاته أغلبها خاطئ وتحركاته مو المعروفة عنه .. لو كان بمستواه أتوقع انه مراح يطلع الا بقول بمرماه .. لكن حدث اللي حدث والحمدالله

المبارة القادمة راح انعديها إذا كان كيتا وميلادين على المستوى الأسيوي .. واتمنى من بونواف وضع الانصاري كأساسي بجوار كيتا والشيخ .. الدفاع يجب ان يتحسن كثيرآ .. الشمالي وندا بالأطرف ونهير و فاضل كقلوب اهما أساس الفوز إذا كانوا بالمستوى .. الانصاري وفي جواره كيتا والشيخ راح يعطي خط الوسط ركاده وقوة وسرعة من خلالهم .. وسليم و خلف وأمامهم بدر المطوع راح يكون خط الهجوم قاتل .. أتمنى من بونواف التركيز على هؤلاء اللاعبين .. اتوقعها 1\1 .. والتأهل قدساوي إن شاء الله

Bo_3mra
19-09-2008, 20:25
من مستوى وأداء ونتيجة وأخطاء وأفضل وأسوأ لاعب ؟!
والله مستوى حلو وقوي
بس الهدفين مالهم معني
الاسوء يمكن الخالدي
والافضل الانصاري وسليم
وما هو المتوقع للمباراة القادمة ؟!
اتوقع راح نحرج اليابانين بهدف بالدقايق الاولى
وطول المباراة مظغوطين
وبأخر دقيه نظيف قول ثاني
وما هي نتيجتها ؟!
2-0 لنا ان شاء الله
وماهو المطلوب من الفريق ؟!
الدفاع ثم الدفاع يشدون حيلهم
والخالدي يركز لمه يطلع مو اي كره يطلعلها
الوسط الكلمه لهم بهل مباراة
والهجوم استغلوا انصاف الفرص

الله يعطيكم العافيه رابطتنا

حارس هجوم
19-09-2008, 20:46
المستوى كان ولا اروع صراحه
والنتيجه كنا نتمناها 3-1 بس الحمدلله على كل حال
افضل لاعب وايد لاعبين تميزوا صراحه
حسين فاضل اللي كان مبدع بالدفاع
والانصاري اللي ربط بين الدفاع والهجوم وكان مميز
وسليم بن عاشور اللي سجل هدف واربك اليابانيين
وبدر المطوع اللي تسبب بهدفين


واسوأ لاعب : الكل ادى الللي عليه وفي اغلاط تصير بس مايعني
انهم ماقدموا شي بالمباراة


والمباراة اليايه الله يستر بس كلنا ثقه في بونواف انه يحط الخطه المناسبه
واللاعبين المناسبين خاصه ان المباراة اللي طافت
مع اني شفتها اكثر من مرتين
بس للحين ماعرفت شنو اللغز اللي لعب فيه بونواف
ماشاء الله عليه


واتوقع تكون 2-1 لنا ان شاء الله


المطلوب من الفريق يدافع من نص الملعب مو من ملعبنا بس
يعني دفاعنا يبدي من المطوع وسليم
وعقبهم كيتا وميلادين والانصاري اذا لعب ارتكاز ثالث او العامر والشيخ
وبعدهم نهير وحسين فاضل ومساعد والشمالي او محمد راشد
وبعدهم الخالدي
مانبيهم يوصلون ملعبنا بسهوله
يعني يكون خط هجومنا اهو اول خط دفاع لنا



الله يعطيكم العافيه وبالتوفيق للملكي

الخــالــدي
20-09-2008, 09:44
وعليكم السلام

أول الشي الحمدلله على الفوز

من مستوى وأداء ونتيجة وأخطاء وأفضل وأسوأ لاعب ؟!
المستوى كان ممتاز خصوصا في الشوط الثاني شفنا الفريق قام يتقدم للامام ويضغط على الدفاع الياباني
الاخطاء كانت قليلة. وللأسف ان الاهداف اليابانية كانت من أخطائنا خاصة على جهة اليسار
بالنسبة لأفضل لاعب فأعتقد الكل يتفق على ان سليم بن عاشور كان الأفضل والأبرز والصراحه هو إللي شال
خط النص في الشوط الثاني وسجل قول وصنع قول بالنسبة للأسوأ فأعتقد محمد راشد
وما هو المتوقع للمباراة القادمة ؟!
شي اكيد ان أوراوا راح يهاجم لتسجيل هدف خاصه في بداية المباراة
وما هي نتيجتها ؟!
بإذن الله 0|0
وماهو المطلوب من الفريق ؟!
يجب عليهم التركيز خاصه في أول ربع ساعة لأنها إذا طافت هالربع ساعه من دون أي هدف من أوراوا
راح تسهل علينا المباراة بإذن الله ..
ولازم ما نبالغ بالدفاع ونستغل الهجمات المرتدة عشان اذا خطفنا هدف راح تنتهي المباراة تقريبا بالنسبة لاوراوا


وبالتوفيق للملكي

روح
20-09-2008, 11:52
.
.



قواااج الله أختي مدمنة القادسية
مباراتنا مع أوراوا كانت بالنسبة
لي الهم والحمدلله إنزااح
قدمو الشباب مستوى كبير وكبير
وأدائهم كان عال العال
بس لازم تكون هناك أخطاء
ومشكلتنا الدفاااع
أوكي الدفاع لك عليه بس مشكلته
ينجل نجلات موطبيعيه
ولو تلاحظون أغلب
أهدااف جميع الفرق
ضد الملكي يكون
خطأ من الدفـــــــــــــــــــاع
وكثير تصير !
بالنسبة منو الي كان مستواه
حلو في المباراة عندج سليم عاشور
قدم مستوى ممتاز ونحييه
ع المستوى وهم مساعد نداا
قدم مستوى طيب
بس بدر المطوع كانت
تحركاته صعبه !
دفاع أوراوا عارفه عدل
محمد راشد ماقدم شي !
للأسف !
الشمالي مادري شفيه !
برضو الشيخ !
الجسور ماعليه كلام طبعاً


ومباراتنا في الأياب
الله يستر موعلى ملعبنا
ولا على جمهورنا
بس أحلى شي في الملكي
أنه يقدم مستوى ممتاز
إذا كان مو على أرضه
وهذا شي لاحظناااه


والمطلوب من الفريق
من أن يكون عندهم
طموح للآسيويه
نقدر نفوز ع اليابان نقدر
أهم شي شعور
تحقيق الفوز !

وياريت يكونون
منتبهين للدفااع
حيل لأنه مشكلتناااا
الدفااع





وأتوقع إن شاء الله
النتيجة بتكون إيجابيه
وبنفرح :)

2 / 1
لناااا :)

..:: عبدالله ::..
20-09-2008, 13:13
المستوى والاداء

كان اجمالا جيد من اغلب اللاعبين رغم الهفوات في فترات بالمباراة ..

افضل واسوأ لاعب

الاغلب يشوفون سليم الافضل ولا انكر دوره بالمباراة بس اشوف العود بو خالد كان له دور كبير بضبط خط الدفاع والنص الى جانب تحميس وتشجيع اللاعبين خصوصا الصغار .. اما الاسوأ فهو بلا منازع محمد راشد اللي كان ضايع الى جانب علي الشمالي بأغلب فترات المباراة ..

المتوقع للمباراة القادمة

ضغط متواصل ياباني يقابله تحفظ دفاعي كبير من فريقنا .. ومو عيب انك تدافع خصوصا خارج ارضك لكن الدفاع السليم من ناحية الانتشار والضغط على لاعبين الخصم بكرة وبدون كرة ..

نتيجتها

تعادل ايجابي والاقرب 1 / 1

المطلوب من اللاعبين

التركيز ثم التركيز وحسن الانتشار والضغط على الخصم من نص ملعبه ..

وكل التوفيق لاصفرنا الملكي ويرجع لنا بالتاهل ان شاءالله