المساعد الشخصي الرقمي

مشاهدة النسخة كاملة : تعيين جمعة ربيع مدرب لمنتخب الامارات



حتاوي_10
21-09-2008, 21:18
تم تعيين جمعة ربيع مدربا لمنتخب الامارات

مسج من جريدة البيان

ولا عزاء لعشاق ميتسو

على فكرة نادي ظبياني قريب من التعاقد مع ميتسو

Smart Boy
21-09-2008, 21:31
على فكرة نادي ظبياني قريب من التعاقد مع ميتسو

شكله الوحدة :p

حتاوي_10
21-09-2008, 21:36
قناة دبي الرياضية تعلن انه ميتسو في الطريق لتدريب المنتخب السعودي !!

الاخبار عن تدريبه الوحدة مش صحيحة اممم !!

الحر الاماراتي
22-09-2008, 03:05
جمعه ربيع اعتذر ..

هاردلك ..


والبديل اخشى ان يكون شايفر ..

عيناوي متعصب
23-09-2008, 03:40
لا ان شاء الله مب شايفر . . الريال ماسك نادي العين ويبا يوصل لكاس العالم . .

واصلا لو حطوا شايفر . . شو اللي بيسويه مثلا . . بيخترع خطه يديده .؟ ؟ ؟

المنتخب يخطي والانديه تتحمل المسؤوليه ! ! ! !

Lady Shy6ona
23-09-2008, 10:16
اصلن من الاول ليش يخلونه يستقيل !
ميتسوو ياللي ماتبونه وصل المنتخب لكاس الخليج لاتقولون اللعيبه وصلوا
اللعيبه غرتهم الامتيازات اللي حصلوها وكاس الخليج وقالوا يكفينا
ميتسو كان يشتغل صح بس اذا الاعب ماعنده دافع معنوي كيف تبى
مدرب شغلته يحط خطط ويدرب وبس يعدل في نفسية الاعب؟!!

لي متى نحن بالامارات وبالخليج بنمشي على هالموال
كل مايخسر المنتخب/ النادي حطوا كل اللوم على الجهاز الفني
ابصراحه وبالخط العريض اللي مايفهم بالرياضه بيلقى هالشي عذر وبيقوله!
ليش ياتحادنا ماتمسكون لاعب لاعب وتفهمونهم شو هدفهم .. الفوز والا الفلوس ؟!!
خلونا شوي نصحى والا تتحرون كل يوم العيد كل مره بنتأهل لكاس العالم؟!

شايفر مايروم يمسك منتخب لو كانوا يبونه جان خذوه من ايام المعسكر التدريبي مب الحينه!
وجمعه ربيع ماقصر والحمدلله يوم اعتذر لانه يعرف انها مسؤولية مب تعال وخلاص.

ميتسو خسارة لنا وهاردلك يالعيبة منتخبنا اذا هذا طموحكم فاحسلكم ماتلبسون الفنيله البيضا
لانها اكبر من هالطموح.

حبيب البنفسج
25-09-2008, 06:09
كل الشكر لج اختي على هذا الرد ..

ولكن عندي بعض الردود على كلامج...


اصلن من الاول ليش يخلونه يستقيل !
ميتسوو ياللي ماتبونه وصل المنتخب لكاس الخليج لاتقولون اللعيبه وصلوا
اللعيبه غرتهم الامتيازات اللي حصلوها وكاس الخليج وقالوا يكفينا
ميتسو كان يشتغل صح بس اذا الاعب ماعنده دافع معنوي كيف تبى
مدرب شغلته يحط خطط ويدرب وبس يعدل في نفسية الاعب؟!!

quote]

احنا ما أنكرنا ان ميتسو جعل منتخبنا يفوز بكأس الخليج ..
ولكن أعتقد اللي يلعبون في الملعب اللاعبين مب المدرب ..
مثل ماقلتي بأن المدرب يخطط ويدرب ولكن اللاعبين عليهم
الحمل الأكبر في المباريات .. وانا ما اعتقد بأن الفلوس اللي
حصلوا عليها اللاعبين أثرت لهالدرجة على مستواهم في اللعب ..

وميتسو معرف عنه يدور الفلوس ..
والبرهان عدد الفرق والمنتخبات الي راحلها والسبب الفلوس ..

[quote=شيطـ العين ـونة;3878524]

لي متى نحن بالامارات وبالخليج بنمشي على هالموال
كل مايخسر المنتخب/ النادي حطوا كل اللوم على الجهاز الفني
ابصراحه وبالخط العريض اللي مايفهم بالرياضه بيلقى هالشي عذر وبيقوله!
ليش ياتحادنا ماتمسكون لاعب لاعب وتفهمونهم شو هدفهم .. الفوز والا الفلوس ؟!!
خلونا شوي نصحى والا تتحرون كل يوم العيد كل مره بنتأهل لكاس العالم؟!



احنا مانقول ان السبب بس المدرب الكل مسؤول في هذا الشي اللي صار ..

ومع احترامي لج ولكلامج ما اعتقد بأن الأغلب مايفهم في الرياضة لأن الأغلبية
يعرفون ان اللي يير صح ولا غلط ..
وهناك لاعبين في المنتخب ماتهمهم الفلوس بكثر ما تهمهم فانيلة المنتخب والشعار
اللي لابسينه ..

وحلم التأهل لكأس العالم حق مشروع لكل منتخب..






ميتسو خسارة لنا وهاردلك يالعيبة منتخبنا اذا هذا طموحكم فاحسلكم ماتلبسون الفنيله البيضا
لانها اكبر من هالطموح.

نعم ميتسو خسارة لنا ..
ولكن مانحط اللوم كله على لاعبينا لأنهم أدوا في مبارياتهم وقدموا مالديهم
باسثناء البعض طبعا .. والمنتخب يتكون من جهاز إداري أيضا وجهاز فني ..


وهذي مداخلتي على كلامج ..

واتمنى انج ماتاخذين ردي بأنه استفزازي ..

ولكني تحدثت عن ما أراه ..

والسموحة ..

الحمادي
26-09-2008, 14:36
حبيب البنفسج اسمحلي ارد ..اخذ ردي اني عاشق لمنتخب الامارات ..

انا اشوف كلام شيطونه فيه من الصح .. لاعبين منتخب الامارات بعد كاس الخليج غرتهم المبالغ الهائله اللي حصلوا عليها ..شوف مستوى الاعبين بالدوري وشوف مستواهم بالمنتخب .. لدرجه انه بعد المباراة الاخيره كنت اشوف تحليل اعتقد على قناة دبي .. واحد من المحللين قال لاعبينا يفكرون بانديتهم اكثر من المنتخب ..

حبيب البنفسج
26-09-2008, 15:21
حبيب البنفسج اسمحلي ارد ..اخذ ردي اني عاشق لمنتخب الامارات ..

انا اشوف كلام شيطونه فيه من الصح .. لاعبين منتخب الامارات بعد كاس الخليج غرتهم المبالغ الهائله اللي حصلوا عليها ..شوف مستوى الاعبين بالدوري وشوف مستواهم بالمنتخب .. لدرجه انه بعد المباراة الاخيره كنت اشوف تحليل اعتقد على قناة دبي .. واحد من المحللين قال لاعبينا يفكرون بانديتهم اكثر من المنتخب ..


اخوي انا وياك في كلامك ..

ولكن بعض اللاعبين اللي غرتهم الفلوس وليس الكل ...

واعتقد ان اللاعبين ماتغرهم الفلوس معروفين وشفنا مدى عطائهم للمنتخب ..

ولكن اللوم كله مايطيح على اللاعبين ..
ومثل ما قلت أنا بأن هناك أيضا جهاز فني واداري مقصرون وليس اللاعبين فقط ..

والسموحة ..