المساعد الشخصي الرقمي

مشاهدة النسخة كاملة : هـذا كـان شـيء مـتـوقـع يـالـقـدسـاويـة



مـوسـيـقـار آسـيـا 8
24-09-2008, 16:32
مساء الخير
كيف حالكم طيبين إن شاء الله

هارد لكم يالجمهور القدساوي هالخسارة المتوقعة من الفريق الياباني
شباب من بعد المباراة السابقة التي اقيمت بالكويت كنت ودي إني أكتب موضوع
بس قلت لو نزلت هالموضوع يطلع لنا احد الأعضاء ويقول انت تبي تحطمنا .... إلخ
فحبيت إني أنزل هالموضوع الحين عشان يكون الجمهور القدساوي بالصورة واللي هي
أن فريقكم القادسية مستواه مش حالك وحتى هو فايز بالكويت بس كان مستواااه فاشل والدفاع عليه أخطأ لين الليل
ولا فيه إلا لاعب واحد فقط بالفريق وهو التونسي سليم بن عاشور والباقين مش حالك .

دخلت أقرأ الردود بعد المباراة السابقة كان أغلب الجماهير القدساوية متحسفة على الهدف الثاني للفريق الياباني
وأنه صعب المهمة عليهم وأن المباراة راحت للفريق الياباني .... إلخ وأننا لو طلعنا بفارق هدفين نتيجة ممتازة للفريق القدساوي (يعني فوز القادسية 3/1 ممتازة للقادسية) .

أنا أقولهم ليش ما تحسفتم على الهدف الأول كذلك في مباراة الذهاب ,,, الفرق اليابانية إذا مافزت عليها بفارق 3 أهداف على أقل تقدير إنسى إنك تتأهل ولو إيش هذي فرق يابانية ماهي فرق كورية ولا صينية فارق هدفين أوهدف يمكن تأهلك ,, الفرق اليابانية في أرضها صعبة المراس وتدخل هدفين (2) بكل سهولة .

فما بالكم بالفارق اللي صار بينكم وبين الفريق الياباني بالمباراة السابقة ( هدف واحد ) فعشان كذا خسارتكم كانت شيء متوقع من الفريق الياباني ولحد يتحطم ويتذمر ويعكر مزاجه الفريق القدساوي ماهو الفريق المهيأ لبطولة آسيا
حتى المباراة السابقة التي اقيمت بالكويت تابعت الفريق الياباني والله قدر ياصل للمرمى القدساوي بالراحة وحتى أقدر أقول بإستهتار مثل ماحصل بالهدف الثاني لاعب يسحب بكذا مدافع وفاتح شوارع ولا عنده أحد يغطيه كيف تبون دفاعكم يفلح في ملاعب اليابان .

ومباراة اليوم ماشفت إلا الشوط الثاني فقط ... بس تفاجأت بأحد المحللين بين الشوطين في قناة الكويت يقول الهدف الاول للفريق الياباني ربما يتحمله علي النمش كيف علي النمش يتحمل الهدف والكورة صاروخ لو بالمرمى حارسين ماصدوها وهذا الهدف محد راح يتحمل مسؤوليته .

أما الهدف الثاني يتحمله المدافع علي النمش تارك اللاعب الياباني خلفه وصار اللي صار ,, كذلك محمد ابراهيم توك تشرك السلامة بعد ماجابوا هدفين المفروض من بداية الشوط الثاني تشرك السلامة وواحد بالوسط عشان يساند بن عاشور ومخليلي بدر المطوع وحيداً في خط المقدمة ماراح يسوي شيء بالمقدمة لابد مساندة .

بس مستوى القادسية تحسن بالشوط الثاني وبالاخص بعد دخول ميلادين والسلامة ابتعدت الرقابة عن بدر وابن عاشور حصل واحد يفهمه ( ميلادين ) بس الوقت ما أسعفهم .

وهاردلكم يالقدساوية هالخسارة وهذي حال الكورة فوز وخسارة وتعوضونها بالبطولات الجاية وكذلك آسف لكم على الإطالة

NaiF.
24-09-2008, 16:38
يا اخوي موسيقار انت شفت مباراه الاياب !!
المباراه متكافأه والفريقين متساوين القوه , هجمه من اوراوا وهجمه من القادسيه
واوراوا توفق بهجماته
إنفرادين بأول الدقايق
هجمتين لمساعد من الطرف
فرص بدر بروحها مباراه
شوته ميلادين
شوته خلف

يا أخي الفريق قدم مباراه خياليه ممتعه حلوه
طلع فيها رافع راسه
اوراوا على هالمستوى مستحيل يفوز على القادسيه لكن ربك وفقهم

LaBartteta
24-09-2008, 16:40
أن فريقكم القادسية مستواه مش حالك وحتى هو فايز بالكويت بس كان مستواااه فاشل والدفاع عليه أخطأ لين الليل
ولا فيه إلا لاعب واحد فقط بالفريق وهو التونسي سليم بن عاشور والباقين مش حالك .



صل على النبي زييييييييييييييين ..

مش حالك وفايز على ثالث العالم ؟ وقايش وياه بالإياب !!

ما تنلام .. :)

مـوسـيـقـار آسـيـا 8
24-09-2008, 16:44
يا اخوي موسيقار انت شفت مباراه الاياب !!

المباراه متكافأه والفريقين متساوين القوه , هجمه من اوراوا وهجمه من القادسيه
واوراوا توفق بهجماته
إنفرادين بأول الدقايق
هجمتين لمساعد من الطرف
فرص بدر بروحها مباراه
شوته ميلادين
شوته خلف


يا أخي الفريق قدم مباراه خياليه ممتعه حلوه
طلع فيها رافع راسه

اوراوا على هالمستوى مستحيل يفوز على القادسيه لكن ربك وفقهم



نايف بالمباراة اللي قبل شوي تراني ماشفت إلا الشوط الثاني فقط
الشوط الأول ماشفته بس على حسب كلام المعلق حق art إن الفريق
الياباني عامل شغل بالشوط الأول وعشان كذا لياقته صارت صفر
ليش الفريق القدساوي ما أستغل هالفرصة ونشط لاعبيه .

والقادسية بالشوط الثاني صحى آخر 15 ساعة بعد ماطب ميلادين وخلف السلامة
المفروض يامحمد إبراهيم يوم إنك شايف الفريق الياباني مستواه هبط بالشوط الثاني
المفروض إنك تنشط فريقك عشان ينشط القادسية وتغيرات محمد إبراهيم لميلادين والسلامة
أنا أشوفها متأخرة جداً جداً المفروض من بداية الشوط الثاني .

وعلى حسب كلام المعلق أن بدر المطوع لحاله ضيع ثلاث انفرادات انا شفت انفراده وحدة آخر الدقائق
بس اللي في بداية المباراة انا ماشفتها

TaLaL.
24-09-2008, 16:45
والله ياموسيقار راح تشوف ردود تضحك على كلامك وموعاجبها كأنه كلامهم اهو الصحيح والباقي غلط !

هالكلام من بعد ماخصلت المباراة الأولى بالكويت أنا قلته حق عضو بيني وبينه وقلته حق أكثر من شخص

وصار اللي كنت متوقعه اوراوا تأهل

والقادسيه ماقصر ,, الكره الكويتيه ككل مو بس القادسيه هذا حدها ماتقدر على أكثر

هاردلك القادسيه مبروك اوراوا .. :)

NaiF.
24-09-2008, 16:48
نايف بالمباراة اللي قبل شوي تراني ماشفت إلا الشوط الثاني فقط

الشوط الأول ماشفته بس على حسب كلام المعلق حق art إن الفريق
الياباني عامل شغل بالشوط الأول وعشان كذا لياقته صارت صفر
ليش الفريق القدساوي ما أستغل هالفرصة ونشط لاعبيه .


والقادسية بالشوط الثاني صحى آخر 15 ساعة بعد ماطب ميلادين وخلف السلامة
المفروض يامحمد إبراهيم يوم إنك شايف الفريق الياباني مستواه هبط بالشوط الثاني
المفروض إنك تنشط فريقك عشان ينشط القادسية وتغيرات محمد إبراهيم لميلادين والسلامة
أنا أشوفها متأخرة جداً جداً المفروض من بداية الشوط الثاني .


وعلى حسب كلام المعلق أن بدر المطوع لحاله ضيع ثلاث انفرادات انا شفت انفراده وحدة آخر الدقائق

بس اللي في بداية المباراة انا ماشفتها




ماشاءالله اخر 15 ساعه ! :p
اجل المباراه كلها جم مدتها ! :p


الشوط الاول كان سريع من الطرفين وكان متكافئ
والشوط الثاني فرقت اللياقه لصالح القادسيه وهو فريق هاوي !
والحمدلله الكل شاف الشوط الثاني وشلون القادسيه قتل كل اليابانيين إلي بالملعب من كثر هجماتهم

علي عبدالله
24-09-2008, 16:50
كفـــيـــو ووفـــيـــوا يـــالـــمــــلـووووووكـــ:qadsia::qadsia::qadsia:

● شــمــوخ ●
24-09-2008, 16:50
أن فريقكم القادسية مستواه مش حالك وحتى هو فايز بالكويت بس كان مستواااه فاشل


الحين صار فريقنا فاشل!! مسكنا المباراة وتقول لي فاشل!!
صل على النبي :)


الفرق اليابانية إذا مافزت عليها بفارق 3 أهداف على أقل تقدير إنسى إنك تتأهل ولو إيش


اي قاعدة هذي!! اي قانون اللي يقول جذي!!
فهمني!



خسارتكم كانت شيء متوقع من الفريق الياباني ولحد يتحطم ويتذمر ويعكر مزاجه الفريق القدساوي ماهو الفريق المهيأ لبطولة آسيا





ليش شي متوقع!! ليش كنت تتوقع نفوز عليهم 3 بالمباراة الاولى!!
واسمحلي بس ليش يعني مو مهيأ!!
رغم كل شي ومشاكل الرياضة بالكويت الحمدالله قدرنا نواجه فرق كبيرة!!
الحمدالله القادسية كبير لو خسر

شـآنـي هـآكـر
24-09-2008, 16:50
مشكور اخوي ..
اتفق معاك بنقاط مثيره وأختلف معاك ..
بحكمك على لاعبين القادسة
كلهم ماقصروا وبيض الله وجيهم

وأشكرك على موضوعك
الي يدل على اسلوبك وفكرك الراقي

مـوسـيـقـار آسـيـا 8
24-09-2008, 16:51
صل على النبي زييييييييييييييين ..

مش حالك وفايز على ثالث العالم ؟ وقايش وياه بالإياب !!

ما تنلام .. :)


اللهم صلي وسلم عليه
وبعدين الفريق الياباني مين قابل بالبطولة السابقة ماقابل فرق عليها الكلام مثل مانشستر قابل فريق مش حالك والبطولة في أرضه .

وفايز على ثالث العالم بفارق هدف واحد لو فريق غير القادسية وهذا مستوى أوراوا كان فاز عليه بفارق 3 في مباراة الذهاب وبعدين الفريق الياباني ماهو بذاك المستوى على قولتكم بس الرداء من الفريق القدساوي ماهو من الفريق الياباني

والقادسية ماصحى إلا آخر 10 دقائق كيف تقول قايش لو التغييرات من بداية الشوط الثاني اللي أجراها محمد إبراهيم كان أقدر أقول القادسية قايشهم بالإياب بس الشوط الأول حسب كلام المعلق شوط ياباني والشوط الثاني بشوفة عيني الفريق القدساوي متكتل بالدفاع ويعتمد على مهاجم واحد لين قبل نهاية المباراة بـ10 اجرى عدة تغييرات وتحسن مستوى القادسية وين التغيرات من بداية الشوط الثاني لأن الشوط الثاني يعتبر شوط مدربين والشوط الأول شوط اللاعبين .

وهاردلكم الخسارة يالقدساوية

فتى نجد
24-09-2008, 16:55
السلام عليكم ....

اول شي هاردلك لنا وللقدساوية بشكل خاص ...

ياجماعة مع احترامي للإخوان اللي يقولون اوراوا واوراوا ....

فريق عادي جدا جدا .... مهاجمين غثيثين والا باقي الفريق عادي .... دفاع تعبان ...

والمطوع لو سجل الإنفرادة اللي بالشوط الأول كان تغيرت المباراة وكان الحين نحتفل ببطاقة التأهل...

انا اول مرة اشوف اوراوا في الذهاب والإياب ... وبمجمل المباراتين مايزيد عن القادسية بشي


...........

وعلى فكرة حبيت ابارك برمضان :o

مـوسـيـقـار آسـيـا 8
24-09-2008, 16:55
ماشاءالله اخر 15 ساعه ! :p
اجل المباراه كلها جم مدتها ! :p



الشوط الاول كان سريع من الطرفين وكان متكافئ
والشوط الثاني فرقت اللياقه لصالح القادسيه وهو فريق هاوي !

والحمدلله الكل شاف الشوط الثاني وشلون القادسيه قتل كل اليابانيين إلي بالملعب من كثر هجماتهم



ههههههههههههههههههه قصدي 15 دقيقة

مـوسـيـقـار آسـيـا 8
24-09-2008, 17:02
ليش شي متوقع!! ليش كنت تتوقع نفوز عليهم 3 بالمباراة الاولى!!

واسمحلي بس ليش يعني مو مهيأ!!
رغم كل شي ومشاكل الرياضة بالكويت الحمدالله قدرنا نواجه فرق كبيرة!!

الحمدالله القادسية كبير لو خسر



اللهم صلي وسلم عليه
هذي قاعدة نيوتن في كرة القدم :p

ايه نعم كنت متوقع إن القادسية راح يفوز 4 و 3 إذا إني ادخل منتدى القادسية فانس وأدخل الأزرق
والمواقع اليابانية تشير إلا أن الفريق الياباني مستواه هابط ويحتل المركز قبل الأخير وفيه ناس تقول الرابع بالدوري الياباني هذا يدل على إنه فريق ماهو نفس الفريق العالم الماضي يوم احرز الدوري الياباني

الشيء الثاني القادسية يلعب في أرضه وبين جماهير وملعب القادسية اصغر من ملاعب اليابان
اليابانيين ماهم متعودين على الملعب الصغيرة فهذي عوامل مؤثرة على الفريق الياباني كذلك عامل الجو
شفنا الفريق الياباني بالكويت كيف متاثر بالجو فعشان كذا كنت متوقع إن القادسية راح يفوز عليه 3 و 4

بس لما انتهت المباراة بفارق واحد وانا حاس إن القادسية ماهو متأهل لأن فارق هدف مايغني ولا يسمن من جوع
وانت تلعب مع فريق ياباني وبين أرضه وجماهيره .

مـوسـيـقـار آسـيـا 8
24-09-2008, 17:05
مشكور اخوي ..
اتفق معاك بنقاط مثيره وأختلف معاك ..
بحكمك على لاعبين القادسة
كلهم ماقصروا وبيض الله وجيهم

وأشكرك على موضوعك
الي يدل على اسلوبك وفكرك الراقي


هذي وجهة نظري ياخوي فواز
وكل مشجع له وجهة نظر
ومشكور على المرور

مـوسـيـقـار آسـيـا 8
24-09-2008, 17:06
السلام عليكم ....

اول شي هاردلك لنا وللقدساوية بشكل خاص ...

ياجماعة مع احترامي للإخوان اللي يقولون اوراوا واوراوا ....

فريق عادي جدا جدا .... مهاجمين غثيثين والا باقي الفريق عادي .... دفاع تعبان ...

والمطوع لو سجل الإنفرادة اللي بالشوط الأول كان تغيرت المباراة وكان الحين نحتفل ببطاقة التأهل...

انا اول مرة اشوف اوراوا في الذهاب والإياب ... وبمجمل المباراتين مايزيد عن القادسية بشي


...........

وعلى فكرة حبيت ابارك برمضان :o


نعم فريق عادي ماهو نفس الفريق العام الماضي
بعدين انفرادات المطوع لازم اشوفها اللي في بداية المباراة
ومشكور على المرور

King Kenny
24-09-2008, 17:13
ماختلف معاك يا موسيقارنا كلامك100 % سليم ماشاء الله فهد الهريفي على تحليلك الموضوع افحمتنا :p

NawwaF
24-09-2008, 17:19
موسيـقار

ابصملك على 10

---

مـوسـيـقـار آسـيـا 8
24-09-2008, 17:21
والله ياموسيقار راح تشوف ردود تضحك على كلامك وموعاجبها كأنه كلامهم اهو الصحيح والباقي غلط !

هالكلام من بعد ماخصلت المباراة الأولى بالكويت أنا قلته حق عضو بيني وبينه وقلته حق أكثر من شخص

وصار اللي كنت متوقعه اوراوا تأهل

والقادسيه ماقصر ,, الكره الكويتيه ككل مو بس القادسيه هذا حدها ماتقدر على أكثر

هاردلك القادسيه مبروك اوراوا .. :)


هذي وجهة نظري الشخصية وهم أكيد لهم وجهات نظر
والاختلاف لايفسد للود قضية وأتمنى إن موضوعي مايسبب لهم ازعاج

وكلامك وكلامي هذا اللي كان متوقع إنه راح يحصل كيف تبي تتأهل وانت فايز على فريق بفارق هدف واحد
والمباراة الثانية تكون باليابان .

وهم أعطوا اللي عندهم ولا فيه أحد راح يحاسبهم والنتيجة ماهي مكتوبة لهم أبد ويعوضونها بالبطولات القادمة

a.7ayat
24-09-2008, 17:23
مبروووك فوز اوراوا الصراحة يستحقون

مـوسـيـقـار آسـيـا 8
24-09-2008, 17:24
ماختلف معاك يا موسيقارنا كلامك100 % سليم ماشاء الله فهد الهريفي على تحليلك الموضوع افحمتنا :p


هاردلك يابو سارة هالخسارة تعوضونها بالبطولات القادمة
ههههههههههههه امحق فهد الهريفي لو فهد الهريفي يشوف تحليلي ليعتزل التحليل

مـوسـيـقـار آسـيـا 8
24-09-2008, 17:25
موسيـقار



ابصملك على 10



---



مافيه تخفيض :p
ومشكور يا نواف على المرور
وعيدك مبارك قبل الزحمة

مـوسـيـقـار آسـيـا 8
24-09-2008, 17:27
مبروووك فوز اوراوا الصراحة يستحقون


يعوضونها القدساوية بالبطولات القادمة
ومشكور على المرور

فتى الامارات
24-09-2008, 17:50
مو مقتنعين بالكلام :)

Bo Hashem
24-09-2008, 18:51
اغلب الجماهير السعوديه لها نظره معينه على الانديه الكويتيه :)

و الي اهي ان مستويات الانديه الكويتيه " دون المستوى " لو تلعب بالدوري السعودي . يكون مكانهم درجه ثانيه :)

عالعموم .. وجهه نظر و نتقبلها .. و الاصفر كبير بعين جمهوره

قدساوي_100%
24-09-2008, 19:00
ممكن يكون كلامك صح وممكن يكون خطاء


بهل المباراة لعبت العقليه الاحترافيه دورها

فريق الياباني سجل قولين وقدر يمسك لعب بعض الفترات
بس اهو يتحكم برتم المباراة متى ماكان سريعه او بطيئه ..

فريقنا رتم واحد تنقل وبطئ في نقل الكره بينهم ..

وسجلنا خطوره اكبر لما تكون 5 فرص محققه بالقول ولا وحده دش بالقول
ماتقدر تقول انه فريق دون المستوى .. بالعكس فريقنا فوق المستوى ..

فتى الامارات
24-09-2008, 19:07
اغلب الجماهير السعوديه لها نظره معينه على الانديه الكويتيه :)

و الي اهي ان مستويات الانديه الكويتيه " دون المستوى " لو تلعب بالدوري السعودي . يكون مكانهم درجه ثانيه :)

عالعموم .. وجهه نظر و نتقبلها .. و الاصفر كبير بعين جمهوره


مو الجماهير السعودية فقط تعال العب في دورينا وشوف وين مستواك :)

كويتاوي 2004
24-09-2008, 19:11
مو الجماهير السعودية فقط تعال العب في دورينا وشوف وين مستواك :)
لووووووووووووووول :p ... لا عاد الا إنتوا
من كثر ما يطقونكم القادسية والكويت ... صار القادسية بطل الدوري الإماراتي ... والكويت بطل كأس خليفة بن زايد :lol:

Corvette
24-09-2008, 19:14
هذي حال الكورة فوز وخسارة وتعوضونها بالبطولات الجاية

................

Qadsia Love
24-09-2008, 19:16
^ صح و الدليل العين ثلاثيه حتى اذكر حميد يقول لي متى يا الكويت انتي عقدة :p



عزيزي صاحب الموضوع .. بالعكس القادسية بدأ اللقاء بـ قوة و اداء قوي و نقلات كورة .. عجبني بالفريق روحة و حبه للفريق ..
و لعب على رغم من غياب ابرز مهاجمة اللي يقتنص انصاف الفرق و هو احمد عجب ..
فريق هاوي يفوز على بختاكور و الغرافة .. رايح راد ..

مدرب اوراوا قالها ان القادسية فريق صعب و يلعب باحترافية ..

القادسية سوء توفيق اليوم لا غير ..

و الدليل هدفهم الأول مضحك و انت ما شفت بداياتها كانت ضربة مرمى الخالدي " اللي ضيعنا " يشوتها انفراد للاعب
اوروا و تطلع ركنية و يجي منها الهدف .. بالاساس مو هجمة لهم مجرد خطأ !!

و الثاني خطأ فادح ..

يعني اهدافهم لا هي تكتيكية و لا هي خارقة ..

القادسية فريق متكامل ينقصة الاحتراف و ما قصر .. فريق شاب .. فريق اكتسب خبرة البطولات الخارجية ..
تصدر مجموعة " الخليجية " .. تصدر مجموعه الاسيوية .. بس ما توفقنا بالذهاب بهدفين مال امهم داعي !


تحياتي .. و لا هو متوقع فوزهم رجالنا غيروا مفاهيم الكورة ان الكورة " روح و اداء بارض الملعب "
بس اخطاء الفردية هي اللي ضييعتنا + اخطاء فنية من محمد ابراهيم ..

كويتاوي 2004
24-09-2008, 19:27
^^^
أهداف القادسية كانت من كرات ثابته :)

الأمور ما تنحسب بهالطريقة ...
من الواضح انه مدرب أرورا درس فريق القادسية عدل وفهم طريقة لعبه واستفاد من المباراة الأولي ... عكس محمد ابراهيم اللي نزل بطريقة طبق الأصل من المباراة الاولي وبنفس التكتيك ونفس مراكز اللاعبين .
بداية المباراة سيطر القادسية ولكنها سيطرة لم تدم وضاعت فرص محققة ... ولكن بعدها اشتغل الفريق الياباني وصار متحكم بمجريات المباراة الي آخر ربع ساعة من اللقاء بدأ القادسية بالسيطرة ... واللي ساعد القادسية بالسيطرة هو رجوع ارورا في سبيل المحافظة علي الفوز
بوجهة نظري أخطأ بونواف بإشراك لاعب قليل الخبرة في الوسط ... وأخطأ بالتأخر باستبداله .
كذلك كان المفروض التونسي يلعب في خط الوسط عشان يساند المهاجمين .. وبالهجوم يكون بدر والعنزي .
بونواف لعب بصورة طبق الاصل من المباراة اللي بالكويت وهذا اللي سهل علي مدرب أرورا .

Qadsia Love
24-09-2008, 19:38
^^^
أهداف القادسية كانت من كرات ثابته :)

الأمور ما تنحسب بهالطريقة ...
من الواضح انه مدرب أرورا درس فريق القادسية عدل وفهم طريقة لعبه واستفاد من المباراة الأولي ... عكس محمد ابراهيم اللي نزل بطريقة طبق الأصل من المباراة الاولي وبنفس التكتيك ونفس مراكز اللاعبين .
بداية المباراة سيطر القادسية ولكنها سيطرة لم تدم وضاعت فرص محققة ... ولكن بعدها اشتغل الفريق الياباني وصار متحكم بمجريات المباراة الي آخر ربع ساعة من اللقاء بدأ القادسية بالسيطرة ... واللي ساعد القادسية بالسيطرة هو رجوع ارورا في سبيل المحافظة علي الفوز
بوجهة نظري أخطأ بونواف بإشراك لاعب قليل الخبرة في الوسط ... وأخطأ بالتأخر باستبداله .
كذلك كان المفروض التونسي يلعب في خط الوسط عشان يساند المهاجمين .. وبالهجوم يكون بدر والعنزي .
بونواف لعب بصورة طبق الاصل من المباراة اللي بالكويت وهذا اللي سهل علي مدرب أرورا .



بالنسبة لـ ضربات الثابتة .. فهو جانب من التكتيك :)
و ليس باخطاء فردية ..

الاهداف اللي سجلها اوراوا بارضنا ؟ هل هي " اهداف " و لا " اخطاء مضحكة من الدفاع "

انا بتكلم عن الهدف الثاني .. بشوارع ما يصير .. لاعب يستلم الكورة و يشتتت محمد راشد الكورة لـ ادملسون بالمرمى ؟:eek:

صدقني الهدف الثاني ما له اي داعي و خطأ ما يصير حتى بـ بلاي ستيشين ..

بالنسبة لاهدافهم اليوم .. نفس الكلام ..



باقي كلامك صحيح و اتفق معاك .. ان مفروض السلامه مع بدر و نعتمد على مرتدات ..

بس شنسوي بو نواف جبان .. حتى بالشوط الثاني بدايته ما بدل !

عين العقل
24-09-2008, 19:56
اغلب الجماهير السعوديه لها نظره معينه على الانديه الكويتيه :)

و الي اهي ان مستويات الانديه الكويتيه " دون المستوى " لو تلعب بالدوري السعودي . يكون مكانهم درجه ثانيه :)

عالعموم .. وجهه نظر و نتقبلها .. و الاصفر كبير بعين جمهوره



لا موللدرجه ذي .. طيب وليه ماتقول الجماهير الكويتيه نظرتها غير لفرقها .. عموماً مافيه مقارنه بين الدوري السعودي واي دوري خليجي .. الدوري السعودي فريقين اثنين منه لعبوا كاس العالم للأنديه :)

مانيو
24-09-2008, 20:33
استحقوا الفوز وبس

مدرب الفريق الياباني كان غبي بأخراجه المهاجم الياباني
وبخروجه تحرر خط الدفاع وقدر يهجم ويساند الهجمات ومنها القادسية شكل خطورة وكان قريب من تسجيل اكثر من هدف

القادسية كان يقدر يفاجأ الفريق الياباني
فمثلا خلف السلامة يلعبه جناح ايسر نفس لعبته ضد السالمية وبدع فيها
يعني لازم كان يكون فيه عنصر المفاجأة بأي طرييقة
لكنه لعب بأسلوب مكشوف يعتمد على الضغط من العمق
معنه اسلوب اليابان يعتمد على الاجنحة الريال خطأ وغلطة الشاطر بألف
لو القادسية لاعبها صح تكتيكيا كان يقدر على الفريق الياباني

Bo Hashem
24-09-2008, 20:41
مو الجماهير السعودية فقط تعال العب في دورينا وشوف وين مستواك :)

و بكل ثقه مستواه بيكون بالمراكز المتقدمه :) و انا " واثق " كل الثقه من الي اقوله ..

الامارات و قطر بالذات .. دوري اعلامي + تهويل المباريات بشل مبالغ فيه لي درجه .. الرد مالك !.. :) التعالي على الفرق " الهاويه " !

الله كريم

Bo Hashem
24-09-2008, 20:55
لا موللدرجه ذي .. طيب وليه ماتقول الجماهير الكويتيه نظرتها غير لفرقها .. عموماً مافيه مقارنه بين الدوري السعودي واي دوري خليجي .. الدوري السعودي فريقين اثنين منه لعبوا كاس العالم للأنديه :)

مو جنه واحد منهم " دعوه " :p

فتى الامارات
24-09-2008, 22:20
و بكل ثقه مستواه بيكون بالمراكز المتقدمه :) و انا " واثق " كل الثقه من الي اقوله ..

الامارات و قطر بالذات .. دوري اعلامي + تهويل المباريات بشل مبالغ فيه لي درجه .. الرد مالك !.. :) التعالي على الفرق " الهاويه " !

الله كريم



في دوريكم المتواضع ماقدرتو تفوزون بالدوري من سنين :)

ياي تقول نحن راح ناخذ مركز متقدم في الامارات :cool:


ترى عندنا سمعة والشحي ودادا وفيصل خليل :yes:

اكيد عرفتوهم زين في كاس الخليج وتصفيات كاس العالم

خلاص انتو عاد حبابيبنا تخصص اماارتي :yes:

مانيو
24-09-2008, 22:25
الله يالزمن صرنا تخصص اماراتي

Bazooka
24-09-2008, 22:35
فتى الامارات

الله يعينك على النقص اللي فيك

بومحضار
24-09-2008, 23:19
ماشاءالله اخر 15 ساعه ! :p
اجل المباراه كلها جم مدتها ! :p





يااخووي يقصد اخر 15 يووم اشفيك انت :p
والله ياموسيقار الربع سوا اللي عليهم بس شفت انتاا الحظ
ياخوي الحظ كلش مو ويا القاادسيه النهارده عموما ربعنا ما استغلوا الفرص عدل
اويلااه بس يلااا الياايااات اكثر
كفؤ كفؤ على هالتحليل بس ياخوي رفع فينا شووي شدعوه :p طبيت بالقااادسيه خخخخخ
حبيب

بومحضار
24-09-2008, 23:33
خلاص انتو عاد حبابيبنا تخصص اماارتي :yes:



غلطان ترا كره مو جامعه :p
والله الكره الاماراتيه قزرت عليهاا
يباا القاادسيه شسووى بالزعيم الاسيووي هههه العين هههههه قزرت خالي قزرت

عين العقل
24-09-2008, 23:37
مو جنه واحد منهم " دعوه " :p

وش دعوه الله يهديك .. وين ياخوك زواج هو :p

كل واحد فيهم حقق بطولة كاس اسيا وتـأهل بجداره لكأس العالم للانديه

واكثر من خمس فرق سعوديه حققت كاس اسيا بس وقتها ماكان فيه كاس العالم للأنديه ولا كان لعبو فيها :/

قدساوي_100%
24-09-2008, 23:40
^^^
أهداف القادسية كانت من كرات ثابته :)

الأمور ما تنحسب بهالطريقة ...
من الواضح انه مدرب أرورا درس فريق القادسية عدل وفهم طريقة لعبه واستفاد من المباراة الأولي ... عكس محمد ابراهيم اللي نزل بطريقة طبق الأصل من المباراة الاولي وبنفس التكتيك ونفس مراكز اللاعبين .
بداية المباراة سيطر القادسية ولكنها سيطرة لم تدم وضاعت فرص محققة ... ولكن بعدها اشتغل الفريق الياباني وصار متحكم بمجريات المباراة الي آخر ربع ساعة من اللقاء بدأ القادسية بالسيطرة ... واللي ساعد القادسية بالسيطرة هو رجوع ارورا في سبيل المحافظة علي الفوز
بوجهة نظري أخطأ بونواف بإشراك لاعب قليل الخبرة في الوسط ... وأخطأ بالتأخر باستبداله .
كذلك كان المفروض التونسي يلعب في خط الوسط عشان يساند المهاجمين .. وبالهجوم يكون بدر والعنزي .
بونواف لعب بصورة طبق الاصل من المباراة اللي بالكويت وهذا اللي سهل علي مدرب أرورا .


صـــح لسانك

المدريدي
25-09-2008, 00:12
احم

موسيقار

ما اطربتني بتحليلك!!

شلون الفرق اليابانيه صعبه على ارضها وتسجل بكل سهوله!

واحنا فرصنا اكثر منهم!!

الفريق الياباني طول المباراه ماله الا فرصتين

واحده بالقائم والثانيه دربكه بمنطقه الجزاء وطلعت ضربه مرمى!!

اما القادسيه,, المطوع بروحه ضيع 3 انفرادات!!

القادسيه كان افضل.. بس للاسف سوء حظ الكره مو راضيه تدش!


الغلط بمباراه الذهاب,,

كان المفروض نطلع بفارق اكثر من هدفين!!

لكن انت شفت الي صار

بأخر 5 دقايق ..النتيجه 3-2 والفريق الياباني يلعب بـ 10 لاعبين

ومع هذا بأخر 5 دقايق كان لاعبين القادسيه يضيعون الوقت وناطرين صفاره الحكم!

مايدرون ان نظام البطوله ذهاب واياب!!

ونفس الشي الجمهور

كان يصفر ويبي المباراه تنتهي!!

لاعبينا وجمهورنا ماتعاملوا باحترافيه مع المباراه!

كان المفروض نتم نهاجم لي اخر ثانيه!!

وبالنسبه لمباراه اليوم,,

القادسيه سوى الله عليه واحنا راضين بالاداء والله يعطيهم العافيه

الاداء بمباراه الذهاب والاياب يخلينا نتحسر!


ترى الفريق الياباني ماكان مقنع!

فشلون تقول انه بسهوله يسجل على ارضه ويتأهل!!

لولا سوء الحظ جان انتهى الشوط الاول بنفس نتيجه مباراه الذهاب,, 3-2 للقادسيه


الله كريم,,

المدريدي
25-09-2008, 00:19
بالنسبه لردود الاخوان..

الدوري السعودي قوي جدا والانديه السعوديه قويه!

بس هذا مو معناه ان الفارق شاسع جدااااااا بين القادسيه والانديه السعوديه!!

مو معناه ان الانديه السعوديه بمستوى البرازيل والقادسيه بمستوى ماكاو!!


لو يلعب القادسيه ضد اي فريق سعودي..

الحظوظ تكون متقاربه

ممكن نفوز

وممكن نخسر!!


لا تحسسوني ان لي لعب الوطني مع القادسيه يفوز الوطني 12-0!



اما بالنسبه للدوري الاماراتي,,

كل الانديه تعتبر بالدرجه الثانيه بالنسبه للقادسيه!


الشارقه - العين - الجزيره

3 فرق اماراتيه... القادسيه اخرجهاااااااااااا بظرف شهر!!

بالاضافه للاهلي الاماراتي الي طلعهم نادي الكويت وبنفس الفتره بعد

بشهر واحد افضل 4 فرق اماراتيه انطقت:)

عين العقل
25-09-2008, 00:30
بالنسبه لردود الاخوان..



الدوري السعودي قوي جدا والانديه السعوديه قويه!


بس هذا مو معناه ان الفارق شاسع جدااااااا بين القادسيه والانديه السعوديه!!


مو معناه ان الانديه السعوديه بمستوى البرازيل والقادسيه بمستوى ماكاو!!



لو يلعب القادسيه ضد اي فريق سعودي..


الحظوظ تكون متقاربه


ممكن نفوز


وممكن نخسر!!



لا تحسسوني ان لي لعب الوطني مع القادسيه يفوز الوطني 12-0!






لا محد قال الانديه السعوديه البرازيل ..
ولا احد بيقول القادسيه برشلونه ..
وكلامك صحيح حالياً الفرق في العالم متقاربه ومافيه فوارق شاسعه بس برضو ماننكر يوم لعب القادسيه مع الاهلي كم كانت النتيجه علماً ان الاهلي له اكثر عشر سنوات ماحقق بطولة الدوري المحلي !
بس مثل ماقالت مافيه فوارق شاسعه جداً وهذا هو حال كرة القدم الحديثه .. :)

FaWaZ
25-09-2008, 00:42
في دوريكم المتواضع ماقدرتو تفوزون بالدوري من سنين :)



ياي تقول نحن راح ناخذ مركز متقدم في الامارات :cool:



ترى عندنا سمعة والشحي ودادا وفيصل خليل :yes:


اكيد عرفتوهم زين في كاس الخليج وتصفيات كاس العالم



خلاص انتو عاد حبابيبنا تخصص اماارتي :yes:

على أي اساس حكمت ان دورينا متواضع !؟
منافسه قويه لآخر شي بالدوري .. والفرق صغيره تغير نتايج فرق المقدمه ..
و الانديه الكويتيه تخصص انديه الامارات .. وياما فزنا عليهم .. والحين ياي تقول انديه الامارات !
العين و انطق بـالثـلاثه ! الاهلي وفاز عليه الكويت ذهاب وايـاب وغيرهم بعد ..
و اذا عندكم سمعه والشحي ودادا وفيصل خليل .. عندنا بدر المطوع , احمد عجب , وليد علي , نهير الشمري , حسين فاضل ..
و آه يا عارضه عجب ! جان ما شفنا كل من قام يتكلم علينا :)





بالنسبه للموضوع ..
مشكور عالموضوع موسيقيا .. ومشكور على روحك الطيبه ..
القادسيه بالكويت استحق الفـوز 100% .. و ما توقعنا يقدم هالمستوى .. و كان يقدر يسجل اكثر من الثـلاثه .. والوضع باليابان ما تغير وايد ! كرات بدر اللي ضاعت إذا كان مسجلها جان تغيرت المباراه وكانت كفيله لـ تأهل القادسيه ..
هاردلك القادسيه

Prussia
25-09-2008, 01:06
في دوريكم المتواضع ماقدرتو تفوزون بالدوري من سنين :)






ياي تقول نحن راح ناخذ مركز متقدم في الامارات :cool:



ترى عندنا سمعة والشحي ودادا وفيصل خليل :yes:


اكيد عرفتوهم زين في كاس الخليج وتصفيات كاس العالم



خلاص انتو عاد حبابيبنا تخصص اماارتي :yes:




الي بالاحمر كلام يموت من الضحك لووووووووووووووووووووووووووووووووووول :lol: فعلا ضحكتني


سمعة و الشحي و دادا و فيصل خليل .. مو هذول الي انغسلو من كوريا ش على ارضهم و بين جماهيرهم:lol:
مو هذا الفريق الي كوريا ش خلته " مشخاااال "
و اخر المباراة المفروض لاعبكم الاقرع الي ياب القول يروح "يبوس راس" اللاعب الكوري الي حاشته الكورة و دشت قووول :D


قال منو قال .. قال سمعة و الشحي و دادا و فيصل خليل ..:lol:



عودة للموضوع


القادسة قدم مباراة بس الحظ كان معانده اليوم :/

عين العقل
25-09-2008, 01:15
بخصوص بعض الردود

بكل صراحه انا وجهة نظري ان الكره الكويتيه افضل من الاماراتيه .. الكره الاماراتيه نص قوتها الاعلام

هذا رايي الشخصي

سعودي 2006
25-09-2008, 01:35
وش دعوه الله يهديك .. وين ياخوك زواج هو :p


كل واحد فيهم حقق بطولة كاس اسيا وتـأهل بجداره لكأس العالم للانديه


واكثر من خمس فرق سعوديه حققت كاس اسيا بس وقتها ماكان فيه كاس العالم للأنديه ولا كان لعبو فيها :/




نادي النصر شارك في كاس العالم وهو لايستحق المشاركة .. لان بطل السوبر عام 1999 كان جابيليو ايوتا الياباني ;)


لكن العلاقات القوية اللي كان وراها عبدالله الدبل الله يرحمه والاعضاء السعوديين في الاتحاد الاسيوي سابقاً جعل النصر يشارك في هالبطولة ... وهذا الشي ذكره المرحوم عبدالله الدبل في برنامج المواجهه مع بتال القوس :)


للمعلومية بطولة كاس العالم في البرازيل عام 2000 جميع الفرق التي شاركت كانت ابطال 1999 الا النصر بطل 98 لوووول :p


وهذا دليل على ان جابيليو الياباني حرم حقه في المشاركة :) مثل ماحرم الهلال المشاركة بعد افلاس الشركة الراعية لبطولة كاس العالم للانديه عام 2002 في اسبانيا



اعتقد علشان كذا قال ميونخاوي دعوه يقصد النصر

كيف اسيبك
25-09-2008, 01:40
اخوي اول شيء لو مو قول اوراوا الثاني في نهاية مباراة الذهاب بالدقيقة 90 لكان الوضع اسهل للقادسية واصعب على الفريق الياباني ، وفي مباراة الاياب كنا واصلين لمرمى اليابان مع مهاجم واحد فقط بالشوط الاول وضاعت تقريبا 3 انفرادات،، تخيل ان مسجلين الانفرادات و لو كان في مهاجم مع المطوع بالشوط الاول ؟

والخسارة احملها بالدرجة الاولى لمحمد ابراهيم بتشكيلته هذي


حبيبي القادسية كان ممكن ان يتأهل!

عين العقل
25-09-2008, 02:08
نادي النصر شارك في كاس العالم وهو لايستحق المشاركة .. لان بطل السوبر عام 1999 كان جابيليو ايوتا الياباني ;)

لكن العلاقات القوية اللي كان وراها عبدالله الدبل الله يرحمه والاعضاء السعوديين في الاتحاد الاسيوي سابقاً جعل النصر يشارك في هالبطولة ... وهذا الشي ذكره المرحوم عبدالله الدبل في برنامج المواجهه مع بتال القوس :)

للمعلومية بطولة كاس العالم في البرازيل عام 2000 جميع الفرق التي شاركت كانت ابطال 1999 الا النصر بطل 98 لوووول :p

وهذا دليل على ان جابيليو الياباني حرم حقه في المشاركة :) مثل ماحرم الهلال المشاركة بعد افلاس الشركة الراعية لبطولة كاس العالم للانديه عام 2002 في اسبانيا


اعتقد علشان كذا قال ميونخاوي دعوه يقصد النصر

[/center]


هههههههههههه مساكيـن يالهـلاليـن لي الحـين مقـهوريـن لان النصـر شارك وانتـم ماشـاركتوا ..

حبيب الـبي النصـر قبـل مايحـقق البطـوله الاسيـويه .. كان الاتحاد الاسيـوي محـدد ان بطـل هالبـطوله هو الي بيـشارك في كاس العالـم للانديـه .. والحمـدللله حقـق النصـر البطـولـه ولـعب في كاس العالم للانديـه وتـرككـم في عريجا :D

يلا روح بعيـد وخـل العالـميه لأهلـها .. يااحراام لي الحين ؟؟ لووول الله يعيـنكم

والله العظيـم ماتنـلامون .. كل سنـه تبـون توصلـون لمواصيل النصـر :p

بـس تـرى ماانكـر انتـم وصلـتوا للعالـميه بس مو في الملعـب لا بالصحــف خخخ

saleen_oman
25-09-2008, 02:19
غريبه الي اشوفه انه القادسيه لعب وخاصه بالشوط الاول لولا الحظ الي ما ساعد بدر المطوع واعتقد سبب الخروج الرئيسي الاهداف الي ما لها لزمه في مباراه الذهاب!

سعودي 2006
25-09-2008, 02:26
حبيب الـبي النصـر قبـل مايحـقق البطـوله الاسيـويه .. كان الاتحاد الاسيـوي محـدد ان بطـل هالبـطوله هو الي بيـشارك في كاس العالـم للانديـه



حلو التأليف اجل الاتحاد الاسيوي محدد ان بطل النسخه يشارك في كاس العالم ؟؟

كيف محدد يعني متى ؟ عام 97 ؟؟:p

الاتحاد الاسيوي ما حدد منو ممثل قارة اسيا هل هو بطل سوبر 99 او 98 نظام البطولة العالمية اقر عام 99 وان البطل الاخير لكل قارة يمثلها في كاس العالم في البرازيل


جابيليو الياباني بطل 99

النصر بطل 98


اللوبي السعودي في الاتحاد الاسيوي بقياده الوليد بن بدر والشله :) هم اللي اقصو الفريق الياباني وجعلو النصر يتاهل بداله بدون اي سبب مقنع بالرغم من ان الفريق الياباني حقق اخر نسخه :)

اسئل نائب رئيس ناديك ترى الى الان يتفاخر بهذه العنتريه :)

قال عالمي قال :)




عموما هذا اخر ردي لي في هالموضوع

خربنا على اخوننا النقاش وشطحنا بعيد :)

مـوسـيـقـار آسـيـا 8
25-09-2008, 02:49
يالربع انا ما قللت من الأندية الكويتية
أنا أتكلم عن واقع حصل في المبارتين الأولى بالكويت والثانية باليابان
قلت صحيح إن القادسية فاز بالكويت بس كانت عنده بعض الأخطاء
والفريق الياباني بالكويت قدر يسجل هدفين وكان يعاني من صغر الملعب وعامل الجو
فقدر يطلع بنتيجة مرضية له فارق هدف واحد وعارف نفسه إنه راح يفوز في أرضه لأن الأرض والجمهور مساعدة للفريق وغير كذا الفارق هدف واحد .


وبعدين الأندية اليابانية قوية على أرضها حتى الأخير بالدوري الياباني ربما لو
يلعب بالدوري السعودي لحصل على المراكز المتقدمة أو حتى بالدوري الكويتي والاماراتي
وهذا يعتبر من الأندية اليابانية المتوسطة واللي مستواها عادي والفريق الياباني يعاني هالسنة من هبوط مستواه عن العام الماضي


وعلى العموم كلن له وجهت نظر سواء للقدساوية أو غير القدساوية
وهارد لكم مرة ثانية يالقدساوية وتعوضونها بالمباراة القادمة

عين العقل
25-09-2008, 02:58
حلو التأليف اجل الاتحاد الاسيوي محدد ان بطل النسخه يشارك في كاس العالم ؟؟



كيف محدد يعني متى ؟ عام 97 ؟؟:p


الاتحاد الاسيوي ما حدد منو ممثل قارة اسيا هل هو بطل سوبر 99 او 98 نظام البطولة العالمية اقر عام 99 وان البطل الاخير لكل قارة يمثلها في كاس العالم في البرازيل



جابيليو الياباني بطل 99


النصر بطل 98



اللوبي السعودي في الاتحاد الاسيوي بقياده الوليد بن بدر والشله :) هم اللي اقصو الفريق الياباني وجعلو النصر يتاهل بداله بدون اي سبب مقنع بالرغم من ان الفريق الياباني حقق اخر نسخه :)


اسئل نائب رئيس ناديك ترى الى الان يتفاخر بهذه العنتريه :)


قال عالمي قال :)




عموما هذا اخر ردي لي في هالموضوع

خربنا على اخوننا النقاش وشطحنا بعيد :)

من يتكلم عن التـأليف ؟؟ نجيـب محفـوظ خنشلـيله ؟؟ :D

انـا لـي الحيـن ماني مصـدق
شلـون مالـك مسلسل في رمضـان :p اجـل لوبي ههههه حالـتك صعـبه واللـه
وماعلـيه هـذي العالمـيه يبي لـها مهـر مهوب كل من هب ودب يوصلـها .. ;)

المدريدي
25-09-2008, 04:43
موسيقار..

اوكي!!

اي فريق سعودي يفوز على فريق ياباني او كوري راح نقول ان الفريق خسر بسبب صغر الملعب والجو!!:)

لحلاح
25-09-2008, 04:56
كلامك مافيه شي من المنطق .. القادسيه لعب و وصل المرمى و ضيع فرص .. و اللي يلعب جدامه فريق ياباني عنده تكتيك صعب و سريع و على ارضه .. اي واحد يقول عنه فريق عادي هذا ما يفهم شي بالكره ..

بوطـلال
25-09-2008, 05:02
عين العقل !

ديبون
25-09-2008, 05:42
ياخوي انت كلامك متناقض في بدايه موضوعك تقول الفرق اليابانيه مستحيل يخسرون على ارضهم وبردودك على الاعضاء تقول الفريق الياباني موذاك الفريق والردا من القادسيه
وبعدين انت ماشفت الشوط الاول شلون تحكم على المباراه!!!!!
وانت اكيد ماكنت متوقع القادسيه يفوز بالكويت ومع هذا فاز!!
والله انا شفت المباراه كامله والصراحه الاصفر قدم مستوى راقي ولاتنسى ان الفريق يلعب بفرصتين التعادل والفوز ومع ذالك بادر بالهجوم ونقل كرات جميله بالوسط وانفرد 3 مرات وإذا مومصدق كلامي عيد المباراه وشوف مدربهم الالماني شلون كان متوتر واذا مومصدق بعد اقرا جرايد اليوم وشوف الصحافه شكاتبين .......على فكره ترا اللي يكتبون بالصحافه نقاد رياضيين وناس فاهمين
يكفي القادسيه الفريق الخليجي الوحيد اللي وصل هالدور وخرج مرفوع الراس

ديبون
25-09-2008, 06:06
يالربع انا ما قللت من الأندية الكويتية

أنا أتكلم عن واقع حصل في المبارتين الأولى بالكويت والثانية باليابان
قلت صحيح إن القادسية فاز بالكويت بس كانت عنده بعض الأخطاء
والفريق الياباني بالكويت قدر يسجل هدفين وكان يعاني من صغر الملعب وعامل الجو
فقدر يطلع بنتيجة مرضية له فارق هدف واحد وعارف نفسه إنه راح يفوز في أرضه لأن الأرض والجمهور مساعدة للفريق وغير كذا الفارق هدف واحد .


وبعدين الأندية اليابانية قوية على أرضها حتى الأخير بالدوري الياباني ربما لو
يلعب بالدوري السعودي لحصل على المراكز المتقدمة أو حتى بالدوري الكويتي والاماراتي
وهذا يعتبر من الأندية اليابانية المتوسطة واللي مستواها عادي والفريق الياباني يعاني هالسنة من هبوط مستواه عن العام الماضي


وعلى العموم كلن له وجهت نظر سواء للقدساوية أو غير القدساوية

وهارد لكم مرة ثانية يالقدساوية وتعوضونها بالمباراة القادمة

الظاهر معلوماتك على قدك لان الفريق الياباني حاصل على المركز الثاني بالدوري وله مباراه مؤجله وإذا فاز فيها يتصدر الترتيب ولاتنسى انه حامل اللقب !
شلون تقول مستواه عادي؟ ولا الكلام ببلاش
واذا على الملعب ترا مساحه ملعب القادسيه موثقه من الفيفا ولا مالقيت عذر حتى انا اقدر اقولك ملعب اليابانيين كان وسيع .......حدث العاقل بما يعقل

Gialloneri
26-09-2008, 23:39
موسيقار ,, احترمك واحترم وجهة نظرك لاكن تقبل مشاركتي :p

سلملي على الشريفي مادري الخوجلي و قوله سليم يسأل عنك ;)

فتى الامارات

ذكرني بالقطارة جم انتهت المبارات

استاد القطارة (مقبرة الكبار) :o


آآآآآخ الروس نامت :(
ولي غاب القادسية العب انت وياه ...